1 1هَادُو هُمَا اَلْسْمِيَاتْ تَاَعْ جْدُودْ يَسُوْع اَلْمَسِيحْ بَنْ دَاوْدْ بَنْ بْرَاهِيمْ : 2 إِبْراهِيمُ وَلَدَ إِسْحَاقَ. وَإِسْحَاقُ وَلَدَ يَعْقُوبَ. وَيَعْقُوبُ وَلَدَ يَهُوذَا وَإِخْوَتَهُ. 3 وَيَهُوذَا وَلَدَ فَارِصَ وَزَارَحَ مِنْ ثَامَارَ. وَفَارِصُ وَلَدَ حَصْرُونَ. وَحَصْرُونُ وَلَدَ أَرَامَ. 4 وَأَرَامُ وَلَدَ عَمِّينَادَابَ. وَعَمِّينَادَابُ وَلَدَ نَحْشُونَ. وَنَحْشُونُ وَلَدَ سَلْمُونَ. 5 وَسَلْمُونُ وَلَدَ بُوعَزَ مِنْ رَاحَابَ. وَبُوعَزُ وَلَدَ عُوبِيدَ مِنْ رَاعُوثَ. وَعُوبِيدُ وَلَدَ يَسَّى. 6 وَيَسَّى وَلَدَ دَاوُدَ الْمَلِكَ. وَدَاوُدُ الْمَلِكُ وَلَدَ سُلَيْمَانَ مِنَ الَّتِي لأُورِيَّا 7 وَسُلَيْمَانُ وَلَدَ رَحَبْعَامَ. وَرَحَبْعَامُ وَلَدَ أَبِيَّا. وَأَبِيَّا وَلَدَ آسَا. 8 وَآسَا وَلَدَ يَهُوشَافَاطَ. وَيَهُوشَافَاطُ وَلَدَ يُورَامَ. وَيُورَامُ وَلَدَ عُزِّيَّا 9 وَعُزِّيَّا وَلَدَ يُوثَامَ. وَيُوثَامُ وَلَدَ أَحَازَ. وَأَحَازُ وَلَدَ حِزْقِيَّا. 10 وَحِزْقِيَّا وَلَدَ مَنَسَّى. وَمَنَسَّى وَلَدَ آمُونَ. وَآمُونُ وَلَدَ يُوشِيَّا. 11 وَيُوشِيَّا وَلَدَ يَكُنْيَا وَإِخْوَتَهُ عِنْدَ سَبْيِ بَابِلَ 12 وَبَعْدَ سَبْيِ بَابِلَ يَكُنْيَا وَلَدَ شَأَلْتِئِيلَ. وَشَأَلْتِئِيلُ وَلَدَ زَرُبَّابِلَ. 13 وَزَرُبَّابِلُ وَلَدَ أَبِيهُودَ. وَأَبِيهُودُ وَلَدَ أَلِيَاقِيمَ. وَأَلِيَاقِيمُ وَلَدَ عَازُورَ. 14 وَعَازُورُ وَلَدَ صَادُوقَ. وَصَادُوقُ وَلَدَ أَخِيمَ. وَأَخِيمُ وَلَدَ أَلِيُودَ 15 وَأَلِيُودُ وَلَدَ أَلِيعَازَرَ. وَأَلِيعَازَرُ وَلَدَ مَتَّانَ. وَمَتَّانُ وَلَدَ يَعْقُوبْ 16 وَيَعْقُوبُ وَلَدَ يُوسُفَ رَاجلَ مَرْيَمَ الَّتِي وُلِدَ مِنْهَا يَسُوعُ الَّذِي يُدْعَى الْمَسِيحَ. 17 ڨَاعْ ْلجِيلْ مَنْ إْبرَاهِيمْ حَتَّى لْدَاوَدْ رْبَعْطَاشْ نْجِيلْ وَمَنْ دَاوْدْ حَتَّى َلْوَقْتْ سَبْيْ الْيَهُودْ لْبَابْلْ رْبَعْطَاشْ نْجِيلْ وَمَنْ سَبْيْ بَابْلْ حَتَّى الْمَسِيحْ رْبَعْطَاشْ نْجِيلْ 18 لَوْلَادَة تَاعْ َيَسُوعُ اْلَمَسِيحْ. وْبَصَّحْ لْوْلَادَة نْتَاعْ يَسُوعْ الْمَسِيحْ كَانْتْ هَكَّا: كَانْتْ مَرْيَمْ أُمَهُ مَخْطُوبَة لْيُوسَفْ، وْقْبَلْ مَا تَتْزَوَجْ بٍيهْ لْقَاتْ رُوحْهَا حَامْلَة بِقُوَةْ الَرُوحْ اْلقُدُسْ. 19 وْيُوسَفْ رَاجَلْهَا كَانْ رَاجْلْ مُتَّقِي الله وْمَابْغَاشْ يَفْضَحْهَا وْبْغَا يَتْفَارَقْ مْعَاهَا فَي اَلسَرْ 20 . وْكِي كَانْ إِخَمَمْ في دَاكْ الَشِّي ، بَانْ لَهْ فْي لْمْنَامْ وَاحَدْ مَلَاكْ وْڨَالَهْ " يَايُوسَفْ بَنْ دَاوْدْ مَاتْخَافْشْ بَاشْ تَتْزَوَجْ بْمَرْيَمْ عْلَى خَاَطَرْ هَاذَاكْ اَللِّي رَافْدَاتَهْ فِي كَرْشْهَا هُوَ مَنْ اَلرُوحْ اْلقُدسْ. 21 وْغَادِي تَوْلَدْ وَلْدْ وْ تْسَمِيهْ يَسُوعْ عْلَى خَاطَرْهُوَ لِي غَادِي ْيسَلَكْ اَلشَعْبْ مَنْ دْنُوبْهُمْ 22 وْهَذَا ڨَاْع صْرَا بَاشْ يَتْحَقَقْ كْلَامْ رَبِّى بَلْسَانْ الَنْبٍي : 23 هاَ يَلاَ لْعَذْرَى تَرْفَدْ وْتَوْلَدْ وَلْدْ وَيَتْسَمَى عَمَّانُوئِيلِ اَللِّي َمعْنَاتَهْ الله مْعَاَنَا 24 وْكِي فْطَنْ يُوسَفْ ، دَرْ كِيمَا ڨَالَهْ مَلاَكْ اَلرَبْ وْتْزَوَجْ بْمَرْيَمْ 25 وْبَصَّحْ مَتْزَوَجْشْ بِهَا حَتَى لِوَلْدَتْ الْوَلْدْ وْسَمَّاتَهْ يَسُوعْ.
1 وْكِي زَادْ يَسُوعْ فِي بِيتْ لْحَمْ فَاليَهُودِيَة، فِي عَهْدْ هِرُودُسْ، جَاوْ عُلَمَاءْ النْجُومْ لْأُورُشَلِيمْ 2 إِسَقْسُوا : " وِينْ هُو مَلِكْ الْيَهُودْ الِّي تَوْلَدْ؟ عْلَى خَاطَرْ شَفْنَا النَّجْمَة تَاعَهْ فِي المَشْرِقْ وْجِينَا نَسَّجْدُو لَهْ". 3 وْكِي سْمَعْ المَلِكْ هِرُودُسْ دَاكْ الشِّي خَافْ هُوَ وْڨَاعْ أُورُشَلِيمْ 4 لَمْ ڨَاعْ رُؤَسَاءْ رِجَالْ اَلدِّينْ وَاْلكَتَبَة وْسَقْسَاهُمْ،" وٍينْ غَاِدي يْتَوْلَدْ اَلمَسِيحْ؟" 5 ڨَالُوا لَهْ: فِي بِيتْ لْحَمْ الْيَهُودِيَة، عْلَى خَاطَرْ هَكَّا مَكْتُوبْ بَالَنْبٍي لِي قَالْ: " 6 وْأَنْتِ يَابِيتْ لْحَمْ اَليَهُودِيَة أَرْضْ يَهُودَا، مَاشِي أَنْتِ هِيَ الَصْغِيرَة فِي مْدُنْ يَهُوذَا عْلَى خَاطَرْ مَنَكْ يَخْرَجْ مْدَبَرْ يَرْعَى شَعْبِي إِسْرَائِيلْ" 7 وْمَمْبَعْدْ رْسَلْ هِرُودَسْ لْعُلَمَاءْ اَلْنُجُومْ فَي الَسَرْ وْتْحَقَقْ مَنْهُمْ عْلَى اْلوَقْتْ اللِّي بَانِتْ فِيهْ اَلْنْجُومْ 8 أَمْبَعْدْ أَرْسَلْهُمْ لْبِيتْ لْحَمْ وْڨَالْ: " رُوحُو وْحَوْسُوا غَايَا عْلَى الْوَلْدْ، وْكِي تَلْقَوَهْ أَرْوَاحُوا خَبْرُونِي بَاشْ أَنَا ثَانَي نْرُوحْ مْعَاكُمْ وْنَسْجَدْ لَهْ " 9 وْكِي سَمْعُوا مَنْ الْمَلِكْ رَاحُو، وْشَافُو الَنَّجْمَة تْبَانَلْهُمْ فَي اَلشَرْقْ وْهِيَ غَادِيَة قُدَامْهُمْ حَتَّى لِوَقْفَتْ فَالْبْلاَصَة لِكَايَنْ فِيهَا لْوَلْدْ 10 وْغِيرْ شَافُو اَلنَّجْمَة فَرْحُوا بَزَافْ 11 وْكِي دَخْلُوا لَدَّارْ شَافُوا لْوَلْدْ وْأَمَّهْ مَرْيَمْ ، رَكْعُوا وْسَجْدُوا لَهْ .وْحَلُّوا كْنُوزْهُمْ وْ مَدُّولَهْ ذْهَبْ وْلْبَانْ وْلْمُرْ 12 .وْكِي نَبَّهُمْ الَرَّبَ ْفَمْنَامْ بَاشْ مَا يْوَلُوشْ لْهِرُودُسْ،رَاحُو فِي طْرِيڨْ وَحْدُو خْرَى وْوَلاَوْ لَبْلاَدْهُمْ 13 وْكِي رَاحُوا، بَانْ مَلاَكْ اَلرَّبْ لْيُوسَفْ فِي مْنَامْ وْڨَالَه : " نُوضْ وْدِّي لْوَلْدْ وْأَمَهْ وَأَهْرَبْ لْمَصَرْوْڨَعَدْ تَمْ حَتَّى نْڨُولْكْ. عْلَى خَاطَرْهِرُودُسْ رَاهْ بَاغِي يَكْتَلْ ْلَولْدْ ". 14 نَاضْ وَآَدَى لْوَلْدْ وْأَمَّهْ وْرَاحُوا لْمَصَرْ 15 وْڨَعْدُوا تمَّ حَتَّى لِيمَاتْ هِرُودُسْ . َباشْ يَتْحَقَقْ وَاشْ قَالْ اَلرَّبْ بِالنْبٍي لِي قَالْ:" مَنْ مَصَرْدْعِيتْ وَلْدِي " 16 وْكِي شَافْ هِرُودُسْ بَلِي عُلَمَاءْ الَنْجُومْ زَعْقُواعْلِيهْ زْعَفْ بَزَافْ. أَرْسَلْ وْكْتَلْ ڨَاعْ لَوْلَادْ اللِّي فِي بِيْتْ لْحَمْ وْڨَاعْ جْوَايَهْ مَنْ لِعَنْدْهُمْ عَامِينْ لْتَحْتْ عْلَى حْسَابْ لْوَقْتْ لِتْحَقَقْ فِيهْ مْعَ ْلمَجُوسْ 17 وْتْحَقَقَ لِتْڨَالْ عْلَى فَمْ اَلْنبِي إِرْمْيَا 18 "نَسْمَعْ صُوتْ فَي اَلرَّامَة ، زْڨَا، بْكَا وْالَنْوَّاحْ، رَاحِيلْ تَبْكِي عْلَى وْلاَدْهَا وْ مَابْغَاتْشْ تَتْعَزَى عْلَى خَاطَرْ مَابْقَاوْشْ كَايْنِينْ." 19 كِي مَاتْ هِرُودُسْ، مَلاَكْ اَلرَّبْ بَانْ لْيُوسَفْ فْْمنَامْ فِي مَصْرْ 20 ڨَالَهْ: " نُوضْ وَدِي لْوَلْدْ وَأَمَّهْ وْوَلَاَوْا َلَأرْضْ إِسْرَائِيلْ عْلَى خَاطَرْ هَادُوكْ لِي كَانُوا َباغْيِينْ يُكَتْلُوااَلَوَلْدْ ". 21 أَيَا نَاضْ وْدَا ْلوَلْدْ وْأَمَّهْ وْجَاوْ لْإَسْرَائِيلْ 22 وْبَصَّحْ كِي سْمَعْ بَلِي أَرْخِيلاَسْ مَلِكْ عْلَى الْيَهُودِيَة فِي بْلاَصَة هِيرُودُسْ بُوهْ، خَافْ بَاهْ يْرُوحْ لْتَمْ. وْتْوَحِى لَهْ فَي حُلْمْ ، إِرُوحْ لَجْوَايَهْ اْلجَلِيلْ 23 وْجَا وْسْكَنْ فِي مْدِينَة اَلنَاصِرَة بَاشْ يَتْحَقَقْ ِلنْڨَالْ "غَادِي َيتْسَمَى نَاصِرَي".
1 وْ فْدِيكْ الَلِيَامْ جَا يُوحَنَا اَلْمَعْمَدَانْ يْبَشَرْ فْي ْلْخلَا نْتَاعْ بْلاَدْ اَلْيَهُودِيَة 2 وْيْڨُولْ:" تُوبُواعْلَى خَاطَرْ ڨَرَبْ مَلَكُوتْ اَلسَمَاوَاتْ" 3 وْهَذَا لِي ڨَالْ عْلِيهْ الَنْبِي إٍشْعِيَاءْ صُوتْ يْزَڨِي فْي َلْخَلَا وْيْڨُولْ: "وَجْدُوا طْرِيڨْ الَرَّبْ وْصَڨْدُوا طَرْقَانَهْ " 4 وْكَانْ لْبَاْس يُوحَنَا مَنْ وْبَرْ ْجَمْلْ وْمْحَزَّمْ بْحْزَامْ الْجَلْدْ وْيْعِيشْ بْالَجْرَادْ وْلَعْسَلْ اْلحُرْ 5 وْجَاوْ عَنْدَهْ ڨَاعْ النَّاسْ نْتَاعْ أُورُشَلِيمْ وْالْيَهُودِيَة وْڨَاعْ الْجْوَايَهْ نْتَاعْ وَادْ الْأُرْدُنْ وَتْغَطْسُوا مَنَهْ فَي اْلأُرْدُنْ 6 مَسْتْعَرْفِينْ بِذُنُوبٍهِمْ 7 وْكِي شَافْ يُوحَنَا بَزَافْ اَلنَاسْ مَنْ الْفَرِيسَيِينْ وْاَلصَدِوقَيِينْ إِيجُو لْعَنْدَهْ بَاشْ يَتْعَمْدُوا ڨَالْهُمْ: " يَاوْلاَدْ اْلَفاعِي، شْكُونْ نَبَهْكًمْ بَاشْ تَهَرْبُوا مَنْ زْعَافْ الله الَجَايْ؟ 8 " أَيَا بَيْنُو تُوبْتْكُمْ بِاَعْمَالْكُمْ الَصَالْحَة 9 وْمَاتْڨُولُوشْ فَي رْوَاحْكُمْ عَنْدْنَا ْبرَاهِيمْ بُونَا عْلَى خَاطَرْ نْڨُولْكُمْ : الله قَادَرْ إِيدِيرْ مَنْ هَاذْ الْحَجَرْ وْلَادْ لِإبْرَاهِيمْ 10 وْدُرْوَكْ هُوَلاَ اْلفَاسْ مَحْطُوطْ عْلَى جَذْرْ اَلشْجَرْ، وْكُلْ شَجْرَة مَاتَعْطِيشْ غَلَّة مْلِيحَة تَنْڨَطَعْ وْتَنْقَاسْ فَالنَّارْ 11 أَنَا نْغَطَّسْكُمْ فِالْمَا لَلتُّوبَة، بَصَّحْ غَادِي إِيجِي وَاحَدْ مَمُّورَايَا قْوِيْ مَنِّي وْمَانَسْتَهَلْشْ حَتَّى نَڨْلَعْ صَبَّاطَهْ وْهُوَ يْعَمَّدْكُمْ بَالرُّوحْ القُدُسْ وَالنَّارْ 12 وْفِي يَدَّهْ المَدْرَى يْنَقِّي بِهَا اْلدَّرْسْ نْتَاعَهْ وَيْلَمْ الڤَمْحْ فِي لَمْخَازَنْ نْتَاوْعَهْ ، بَصَّحْ التْبَنْ غَادِ يَحَرْڤَهْ بَالنَّارْ الِّي عُمَّرْهَا مَا غَادِي تَنْطْفَا>> 13 وْمَنْ بَعْدْ جَا يَسُوعْ مَالجَلِيلْ حَتَّى لْوَادْ الأُرْدُنْ لْعَنْدْ يُوحَنَّا بَاشْ يْغَطْسَهْ 14 بَصَّحْ يُوحَنَّا مَاخَلاَّهْشْ وْڤَالَّهْ: " أَنَا لِي مَحْتَاجْ نَتْغَطَّسْ مَنَّكْ وَنْتَ جِيتْ لِيا نْغَطْسَكْ؟ ", 15 جَاْوَبَهْ يَسُوعْ وْڤَالَهْ: "غِيرْ قْبَلْ بْهَاذْ الشِّي دَرْوَكْ عْلَى خَاطَرْ ِإلِيقْ نْكَمْلُوا مُرَادْ الَلَّه " وْتَمْتَمْ خَلَّاهْ يَتْغَطَّسْ 16 وْغِيرْ تْغَطَّسْ يَسُوعْ طْلَعْ مَلْمَا تْحَلَّتْ لَهْ السْمَا وْشَافْ رُوحْ الله نَازَلْ عْلَى صُورَةْ حْمَامَة وَتْحَطَّتْ عْلِيهْ 17 وْصُوتْ مَنْ السْمَا يْڤُولْ :" هَذَا بْنِي لَحْبِيبْ الِّي بِيهْ فْرَحْتْ بَزَّافْ".
1 وْمَنْ بَعْدْ دَا رُوحْ الله يَسُوعْ لَلَخْلاَ بَاشْ يْجَرْبَهْ إبْلِيسْ 2 وْ صَامْ رَبْعِينْ يُومْ وْرَبْعِينْ لِيلَة، وْمَنْ بَعْدْ جَاهْ الجُوعْ. 3 وْجَا عَنْدَهْ إِبْلِيسْ الِّي يْجَرْبْ وْڤَالَّهْ: " الاَ كُنْتْ إِبْن الله، تْڤُولْ لْهَاذْ لَحْجَرْ إِيوَلِّي خُبْزْ 4 " وْرَدْ عْلِيهْ يَسُوعْ وْڤَالْ: " مَكْتُوبْ فِي كْتَابْ الله، مَشِي غِيرْ بَالخُبْزْوَحْدَه يْعِيشْ البْنَادَمْ، بَصَّحْ يْعِيشْ بِكُلْ كَلْمَة ْيڤُولْهَا الهُ " 5 مَنْبَعْدْ دَاهْ إبْلِيسْ لَمْدِينَة أُورُشَلِيمْ المْقَدْسَة، أوَڤْفَهْ فِي مَوْضَعْ عَالِي فُوڤْ بِيتْ الله. 6 وْڤَاَّلهْ: "إِلَا كُنْتْ إِبْن الله ، قِيسْ رُوحَكْ لَتَّحْتْ عْلَى خَاطَرْ مَكْتُوبْ فَ كْلاَمْ الله غَادِي يْوَصِّي الْمَلاَيْكَة انْتَاعَهْ عْلِيكْ ، وَعْلَى إِيدِّيهُمْ َيدُّوكْ بَاشْ مَتُدْرُبْشْ رَجْلِيكْ مْعَ لَحْجُرْ" 7 وْجَاوْبَهْ يَسُوعْ : " مَكْتُوبْ فِي كْتَابْ الله ثَانِي مَاتْجَرَّبْشْ الرَّبْ إلَهَكْ" 8 مَنْبَعْدْ طَلْعَهْ إْبَلِيسْ لْوَاحَدْ لَجْبَلْ عَالِي بَزَّافْ، وْوَرَّالَهْ ڤَاعْ الْمَمَالَكْ تَاعْ الدَّنْيَا وْالْعَزْ لْلِّي عَنْدْهُمْ 9 وْڤَاَّلهْ: " ڤَاعْ هَاذْ الْشِّي غَادِي أَنْمَدَّهْلَكْ إِذَا اسْجَدَتْلِي وَعْبَدْتْنِي" 10 تَمْتَمْ رَدْلَهْ َيسُوعْ:" رُوحْ يَاشِيطَانْ أَعْلاَ خَاطَرْ مَكْتُوبْ فَكْتَابْ الله، لَلْرَّبْ إِلاَهَكْ تَسْجُدْ وْغِيرْ لِيهْ وَحْدَهْ تَعْبَدْ ". 11 وْمَنْ بَعْدْ هَادْ الْشِّي خَلَّاهْ إِبْلِيسْ، وْجَاوْ المَلاَيْكَة وْبدَاتْ تَخَدْمَهْ 12 وْكِي سْمَعْ يَسُوعْ بَلِّي يُوحَنَّا الغَطَّاسْ تْشَدْ فَالْحَبْسْ، رَاحْ لَلْجَلِيلْ 13 خَلَّى النَّاصِرَة وْرَاحْ سْكَنْ فْكَفَرْنَاحُومْ الْلِّي حْدَا بْحَرْ الْجَلِيلْ فَبْلاَدْ زَبُولُونَ وْنَفْتَالِي 14 بَاشْ يَتْحقَّقْ الْلِّي ڤَالَهْ الْنْبِيْ إِشْعِيَاءْ 15 " بْلاَدْ زَبُولُونْ وْبْلاَدْ نَفْتَالِي الْلِّي فِي طْرِيڤْ لَبْحَرْ، مَنْ جِهَة لُخْرَى انْتَعْ وَادْ الأُرْدُنْ بْلاَدْ الجَلِيلْ نْتَاعْ الشُّعُوبْ الْلِّي يَهُوذَا 16 الشَّعْبْ الجَالَسْ فَالظَّلْمَة شَافْ نُورْ عَظِيمْ، وَالْجَالَسِينْ فِي بْلاَدْ الْمُوتْ شْرَقْ عْلِيهُمْ وَحْدْ النُّور" 17 مَنْ دَاكْ الْوَقْتْ بْدَا يَسُوعْ اخَبَّرْ النَّاسْ وَيْڤُولْ : " تُوبُوا عْلَى خَاطَرْ مَلْكُوتْ السَّمَوَاتْ" 18 كِي كَانْ يَسُوعْ يَتْمَشَّى حْدَى بْحَرْ الجَلِيلْ شَافْ زُوجْ خَاوَة، سِمْعَانْ الْلِّي يْعَيْطُولَهْ بُطْرُسْ وْأَنْدْرَاوُسْ خُوهْ، كَانُوا يْقِيسُوا الشَّبْكَة فِالْبْحَرْ عْلَى خَاطَرْشْ كَانُوا صَيَّادِينْ الْحُوتْ 19 وْڤَالْهُمْ يَسُوعْ:" تَبْعُونِي وَانَا نْرَدْكُمْ صَيَّادِينْ النَّاسْ". 20 تَمْتَمْ خَلاَّوْ الشَبَّاكْ تَاعْهُمْ وْتَبْعُوهْ 21 وْمَنْ بَعْدْ رَاحْ مَنْ تَمَّا وْشَافْ زُوجْ خَاوَة وَحْدُخْرِينْ، يَعْقُوبْ إْبنْ زَبَدِي وْخُوهْ يُوحَنَّا، مْعَ بُوهُمْ زَبَدِي فِي وَحْدْ لَفْلُوكَة يْصَڤْدُوا الشَّبَاكْ تَاعْهُمْ وْغِيرْ عَيَّطَلْهُمْ 22 خَلاَّوْ بُوهُمْ وَالفْلُوكَة وْتَبْعُوهْ 23 يَسُوعْ يُعَلِمْ وَيَشْفِي الْمَرْضَى وْرَاحْ يَسُوعْ لْڤَاعْ الْمْكَانْ فِي بْلاَدْ الْجَلِيلْ يْعَلَّمْ فِي دْيَارْ الْصْلاَةْ وَيْخَبَّرْ بَبْشَارَة مَمْلَكَة الله وْكَانْ يْبَرِّي ڤَاعْ ضْعِفْ وْمْرِضْ 24 وَتْشَيَّع ْخْبَارَهْ فِي ڤَاعْ سُورِيَا وْجَابُولَهْ ڤَاعْ الْمَرْضَى لِّي كَانُو يَتْوَجْعُوا وَالْمَسْكُونِينْ الْلِّي فِيهُمْ الأَرْوَاحْ وَاْلمَشْلُولِينْ وْبَرَّاهُمْ 25 وْتَبْعَهْ بَزَّافْ الْنَّاسْ مَنْ الْجَلِيلْ وْالمْدُنْ العَشْرَة أُورُشَلِيم وْبْلاَدْ الْيَهُودِيَة وْمَنْ جِهَة لُخْرَى انْتَاعْ بْلاَدْ الأُرْدُنْ.
1 وْكِشَافْ يَسُوعْ لْجْمَاعَاتْ تَاعْ النَاسْ طْلَعْ لَلْجْبَلْ ، وْكِجَمَّعْ جَاوْ عَنْدَهْ التَلَاميذْ تَاعَهْ وْبْدَا يْعَلَمْهُمْ وْ 2 ڤَالْ: 3 "سَعْدَاتْ المْسَاكِينْ بارُوحْ عْلَاخَطَرْ لِيهُمْ مَمْلَكَة السَمَوَاتْ 4 سَعْدَاتْ لِيحْزِينِينْ عْلَاخَطَرْ غَادِي يَتْعَزَاوْ 5 سَعْدَاتْ المَتْوَاضْعِينْ عْلَاخَطَرْ غَادِي يَوَرْثُوا الاَرْضْ 6 سَعْدَاتْ هَادُوكْ الجِيعَانِينْ والعَطْشَانِينْ لَلْبِرْ عْلَاخَطَرْ غَادِي يَشَبْعُوا 7 سَعْدَاتْ هَادُوكْ لِيَرَحْمُوا عْلَاخَطَرْ اللَهْ غَادِي يَرْحَمْهُمْ 8 سَعْدَاتْ هَادُوكْ لِقَلْبْهُمْ بْيَضْ عْلَاخَطَرْ غَادِي يْشُوفُوا اللَّهْ 9 سَعْدَاتْ هَادُوكْ لِيْعِيشٌوا فالَهْنَا عْلَاخَطَرْ غَادِي يْتْسَمَاوْ وْلَادْ الَّلهْ 10 سَعْدَاتْ المَطْرُودِينْ مِن اجْل البِرْ عْلَاخَطَرْ غَادِي يْكُونْ لِيهُمْ مَلَكُوتْ السَمَوَاتْ 11 سَعْدَاتْ هَادُوكْ لِعَايْرُوهُمْ وْ يْطَرْدُوهُمْ وْيْقُولوا عْلِيهُمْ كْلَامْ كَاذَبْ عْلَاجَالِي 12 افَرْحُوا عْلَاخَاطَرْ اَبُوكُمْ عَظِيمْ في السَمَوَاتْ عْلَاخَاطَرْ هَاكْدَا طرْدُوا الاَنْبِيَاءْ لِي قْبَلْكُمْ 13 نْتُومَا مِلْحْ الاَرْضْ ، بَصَّحْ اذَا خْسَرْ الملْحْ ، بَاشْ غَادِي يْتْمَلَّحْ ؟ مَايَصْلَحْ حَتَى لْحَاجَة ، غِيرْ يْنْقَاسْ بَرَا وْيَعفْسُوا عْلِيهْ النَاسْ 14 نْتُمَا نُور هَادْ الدَّنْيَا ، مَايْمْكَنْشْ لْمَدِينَة فٌوڤْ الارْضْ تْدَّرَّڤْ 15 وْمَاكَاشْ وَاحَدْ يَشْعَلْ القَنْدِيلْ وْيْحَطَّهْ تَحْتْ المِكْيَالْ بَصَّحْ يْحَطَّهْ في بْلَاصَة بَاشْ يْضَوِي عْلى ڤَاعْ الدَّارْ 16 وْهَكَا خَلِيوْ النُورْ تَاعْكُمْ يْضَوِي ڤُدَّامْ النَّاسْ ، بَاشْ يْشُوفوا فْعَالْكُمْ لْمْلِيحَة وْيَعْطُوا العِزْ وْ المَجْدْ لْبُوكُمْ لِفْسْمَا" . 17 رَدُّوا بَالْكُمْ تَحَسْبُوا بَلِّي جِيتْ بَاشْ نَڤْلَعْ وَلَاَّ نَنْقُدْ الشَرِيعَة تَاعْ مُوسَى وَلَاّ كُتُبْ الاَنْبِيَاءْ . مَاجِيتْشْ مَاجِيتْشْ بَاشْ نَنْقُذْ بَصَّحْ بَاشْ نْكَمَّلْهُمْ . 18 وْنْڤُولْكُمْ الحَقْ غَادِي تْزُولْ السْمَا والاَرْضْ وْ بَصَّحْ مَايْزُولْ حَتَى حَرْفْ وَاحَدْ وْكَلْمَة وَاحَدَة مَنْ هَادِ الشَرِيعَة حَتَى يَتْحَقَّقْ كُلْ شِي لِيفِيهْ 19 وَلِّي مَايْدِيرْشْ وَحْدَة من الوَصَايَا الصْغِيرَة وْيْعَلَّمْ بِهَا لُخْرِينْ بَاشْ يْدِيرُوهَا غَادِي يْكُونْ هُوَ الصْغِيرْ في مَلَكُوتْ السَمَوَاتْ وْ اللِّي دَارْ بِهَا وْ عَلَّمْهَا لْنَّاسْ غَادِي يْكُونْ كْبِيرْ في مَلَكُوتْ السَمَوَاتْ . 20 وْ اَنَا نْڤُولْكُمْ : "يْلَا مَاكَانَتْشْ الطَاعَة تَاعْكُمْ كْتَرْ مَنْ عُلَمَاءْ الشَرِيعَة والفَرَسِيينْ غَادِي عَمَرْكُمْ مَا تَدَخْلُوا لْمَمْلَكَة السَمَواتْ ". 21 رَاكُمْ سْمَعْتُوا بَلِّي نْڤَالْ لْنَّاسْ اللَّوْلِينْ مَاتَكَتْلُوشْ وْ لِيَكْتَلْ مْسْتْحِقْ الحُكْمْ 22 بَصَّحْ اَنَا نْڤُولْكُمْ ڤَاعْ لِيَزْعَفْ عْلَى خُوهْ فِي البَاطَلْ يَسْتْحَقْ الحُكْمْ وْلِي يْڤُولْ لْخُوهْ مَافِيكْشْ فَايْدَة يْسْتْحَقْ يَتَحْكَمْ عْلِيهْ في المَحْكَمَة الكْبِيرَة وْ لِي ڤَالْ لْخُوهْ احْمَقْ غَبِي يْسْتَاهَلْ نَارْ جَهَنَمْ 23 وْ يْلَا جَبْتْ قُرْبَانَكْ لَلْمَذْبَحْ وْ تْفَكَرْتْ بَلِي نْتَا زَعْفَانْ عْلَى خُوكْ 24 خَلِي قُرْبَانَكْ تَمَّا ڤُدَّامْ المَذْبَحْ وْرُوحْ وْصَالَحْ خُوكْ وْمْبَعْدْ ارْوَاحْ وْ قَدَّمْ قُرْبَانَكْ 25 تْصَالَحْ مْعَ الِّي مُدَّعِي عْلِيكْ مَادَامْ تَتْمَشَاوْ مْعَ بَعْضْ في طْرِيڤْ وَحْدَة ، بَاشْ مَيْسَلْمَكْشْ عْدُوَّكْ لَلْقَاضِي وْيْسَلْمَكْ لْقَاضِي لَلْبُولِيسِي وْتَنَرْمَى في الحَبْسْ 26 الحَقْ نْڤُولْكُمْ :"مَاتَخْرجْشْ مَنَّا حَتَى تْكَمَلْ الدُورو التَالِي لِي عْلِيكْ" . 27 وْسْمَعْتُوا بَلِّي نْڤَالْ لَلَّوْلِينْ مَتَزْنِيشْ 28 وبَصَّحْ انَا نْڤُولْكُمْ ڤَاعْ الِّلي شَافْ مْرَا بَاشْ يَتْشَهَاهَا رَاهْ هُوَ زْنَا مْعَاهَا فِي ڤَلْبَهْ 29 وْ يْلَا عِينَكْ لِمْنَى طَّيْحَكْ فِي الذَّنْبْ ڤْلَعْهَا وْ قِيسْهَا عْلِيكْ عْلَى خَاطَرْ الَّلاهُمَ تَخْسَرْ طَرْفْ مَنْ ذَاتَكْ وْلَا يْنْقَاسْ ڤَاعْ جَسَدَكْ في النَارْ 30 وْيْلَا يَدَّكْ لِمْنَى طَّيْحَكْ في الذْنُوبْ ڤْطَعْهَا وْقِيسْهَ عْلِيكْ عْلَا خَاطَرْ الَّلهُمَ تَخْسَرْ طَرْفْ مَن ذَاتَكْ وْلا يْنْقَاسْ كَامَلْ جِسْمَكْ فِي جَهَنَمْ . 31 وْنْڤَالْ لِي يْطَلَّڤْ مَرْتَهْ الِيقْ يَعْطِيهَا وَرْقَتْهَا تَاعْ الطْلَاڤْ 32 وْبَصَّحْ اَنَا نْڤُلْكُمْ لِيْطَلَقْ مَرْتَهْ عْلَى سْبَابْ وَحْدَاخُرْ مَنْ غِيرْ الزِنَا رَاهْ يْرُدْهَا تَزْنِ وْلِيَتْزَوَجْ بْمْطَلْقَة يْرُدْهَا تَزْنِ . 33 وْ سْمَعْتُوا نْڤَالْ لَلَّوْلِينْ :مَاتَحْلَفْشْ بَصَّحْ يْلَا حْلَفْتْ مَاتَحْنَتْشْ 34 و بَصَحْ انَا نْڤُلْكُمْ عُمَرْكُمْ مَا تَحَلْفُوا بالسْمَا عْلَى خَاطَرْ هِيَ عَرْشْ الَّلهْ 35 وْلَا بالارْضْ عْلَا خَطَرْ هِيَ مَوْضِعْ رجْلِيهْ ولا بأُرْشَالِيمْ عْلى خَاطَرْ هِيَ مْدِينَة المَلِكْ العَظِيمْ 36 وْمَاتَحْلَفْشْ بْرَاسَكْ عْلىخَاطَرْ مَتقْدَرْشْ تْرُدْ شَعْرَة وَحْدَة مَنَهْ كَحْلَا وَلا بَيْضَا 37 بَصَّحْ يْلِيقْ تْكُونْ هَدْرَتْكُمْ وَاهْ وَاه ، وْ لَا لَا وْلِي يَنْزَادْ عْلَى هَدَا هُوَ مَنْ ابْلِيسْ 38 سْمَعْتُوا بَلِي نْڤَالْ :"عَيْنْ بْعَيْنْ ،وْسِنْ بْسَنْ" 39 وْبَصَّحْ اَنَا نْڤُولْكُمْ مَاتْرُدْشْ الشَرْ بالشَرْ بَصَحْ لِيَصَفْعَكْ عْلَى خَدَّكْ لِمْنَى عْطِيهْ الخَدْ لَاخُرْ 40 وْلِبْغَا يْعَادِيكِ وْيَدِيلَكْ عْبَايْتَكْ خَلِيلَهْ حَتَى البَرْنُوسْ تَاعَكْ . 41 وْيْلَا وَاحَدْ سَيَّفْ عْلِيكْ بَاشْ تَمشِي مْعَاهْ اَلْفْ خُطْوَة ، تْمَشَى مْعَاهْ اَلْفِينْ . 42 وْلِي يَطْلَبْ مَنَكْ شِي حَاجَة عْطِيهَا لَهْ وْلِي بْغَا يَتْسَلَّفْ مَنَّكْ مَاتْرُدَهْشْ خَاوِي . 43 سْمَعْتُوا بَلِّي نْڤَالْ :"تَبْغِي قْرِيبَكْ وْتَكْرَهْ عْدُوَكْ 44 وبَصَحْ تَنَا نْڤُلْكُمْ بْغِيوْ عَدْيَانْكُمْ ، وْبَارْكُوا الِلي لَعْنُوكُمْ وْدِيروا لَحْسَنْ اللِي يَكَرْهُوكُمْ وْدْعِيوْ بَاشْ يَصْطَاهْدُكُمْ وْ يْطَرْدُكُمْ 45 بَاشْ تْكُونُوا وْلَادْ بُوكُمْ اللِي فْسْمَا الِيَشْرَقْ شَمْسَهْ عْلَى الاَشْرَارْ وْ الصَالْحِينْ ، وْ يْنَزَلْ النُّوْ عْلَى الحَقِيينْ و الظَالْمِينْ 46 يْلَا بْغِيتُوا غِيرْ الِّلي يَبْغِيكُمْ وَاشْ مَنْ اَجْرْ عَنْدْكُمْ ، مَاشِي حَتى العَشَارِينْ تَانِي ايْدِيرُوا كِيف كِيفْ ؟ 47 وْ يْلَا سَلَمْتُوا عْلَى خُوتْكُمْ بَرْكْ وَاشْ مَنْ فَضْلْ دَرْتُوا؟ مَشِي العَشَارِينْ ايْدِيرُوا هَكَا ؟ 48 كُونُوا نْتُومَا كَامْلِينْ كِيمَا بُوكُمْ اللِّي فْسْمَا هُوَ كَامَلْ ".
1 احَرْزُوا رْوَاحْكُمْ تْصَدْقُوا قُدَامْ النَاسْ بَاشْ يْشُوفُوكُمْ ولَا مَاغَادِيشْ يْكُونْ عَنْدْكُمْ اجْرْ عَنْدْ بُوكُمْ الِّلي فْسْمَا 2 وْيْلَا بْغِيتْ تْصَدَقْ مَاتْبَرَّحْشْ بِهَا بالْبُوقْ قُدَامْ النَّاسْ كِيمَا يْدِروا المُنَافِقِينْ في دْيُورْ الصْلَاةْ وْ الزُنْقَا بَاشْ النَاسْ تَشْكَرْهٌمْ وْتَعْطِيهُم العِزْ ، نڤُولْكُمْ الحَقْ هَادُوكْ النَاسْ دَّاوْ الاَجْرْ تَاعْهُمْ مَنْ عَنْدْ النَاسْ 3 وْ بَصَّحْ نْتَا كِي تَعْطِي صَدَقَة يْلِيقْ يَدَّكْ لْيُسْرى مَتَعْرَفْشْ وَاشْ تْدِيرْ يَدَّكْ لِمْنى 4 بَاشْ تَبْقى الصَدَقَة تَاعَكْ فِي السِرْ وْ بُوكْ لِفْسْمَا لِي مَا يْخْفَى عْلِيهْ حَتَى حَاجَة هُوَ غَادِي يْجَازِيكْ ." 5 وْكِتْصَلُوا مَاتْدِيرُوشْ كِيمَا المُنَافِقِينْ ، لِّي يَبْغُوا يْصَلُوا وْهُمَا وَاڤْفِينْ في الدْيُورْ الصْلَاةْ وْ في الطُرڤَانْ بَاشْ يْبَانُوا للنَّاسْ . نْڤُولْكُمْ الحَقْ هَادُوكْ النَّاسْ دَّاوْ اجْرْهُمْ 6 بَصَّحْ انْتَ مِينْ تَبْغِي تْصَلِّي دْخُلْ لَلْمَخْدَعْ تَاعَكْ وْ غْلَقْ بَابَكْ وْ صَلِّي لْبُوكْ الِّلي هُوَ في الخَفَاءْ وْبُوكْ الِّلي هُوَ في الخَفَاءْ يْشُوفْ وْ يْجَازِيكْ في العَلانْ 7 وْ كِتْصَلُّوا مَا تْعَاوْدُوشْ الهَدْرَة فِي البَاطَلْ كِيمَا يْدِيروا هَادُوكْ النَّاسْ لِيَعْبْدُوا الاصْنَامْ ، عْلَاخَطَرْ يَحَسْبُوا بْكَثْرَة الهَدْرَة غَادِي يُسْتَجَابْ لِيهُمْ 8 مَاتْكُونُوشْ كِيفْهُمْ عْلَى خَاطَرْ بُوكُمْ يَعْرَفْ وَاشْ تَسْتْحَقُوا قْبَلْ مَا تَطَلْبُوهْ صَلُّوا نْتُومَا هَكَا: 9 " بَابَا الِّلي في السْمَا اِسْمَكْ يَتْقَدَّسْ 10 وْ مَمْلَكْتَكْ تْجِي وْمَشِيئْتَكْ تْكُونْ كِيمَا في السْمَا هَكَا عْلَى الاَرْضْ 11 الخُبْزْ الِّلي يَكْفِينَا اليُومْ 12 غْفَرْ لِينَا ذْنُوبْنَا كِيمَا نَغَفْرُوا لْهَادُوكْ لِيذَنْبُوا في حَقْنَا 13 وْحْفَظْنَا بَاشْ مَانْطِيحُوشْ في التَجْرُبَة وْ نَجِينَا من الشِريرْ عْلَاخَطَرْ لِيكْ المُلْكْ وْ القُوَة وْ المَجْدْ الى الابَدْ ، امِينْ" 14 وْيْلَا غْفَرْتُوا للنَاسْ ذْنُوبْهُمْ بُوكُمْ في السْمَا يْغْفَرْلْكُمْ تَانِي 15 وْيْلَا مَاغْفَرْتُوشْ للنَاسْ دْنُوبْهُمْ حَتَى بُوكُمْ السْمَاوِي مَيْغْفَرْلْكُمْشْ دْنُوبْكُمْ . الصيام 16 وْكِيتْصُومُوا مَاتْكُونُوشْ مذْبَالِينْ كيمَا المُنَافِقينْ كِيْبَيْنُوا وْجُوهْهُمْ للنَاسْ بَلِّي صَايْمِينْ 17 وْ بَصَّحْ نْتَا كِيتْصُومْ ، دْهَنْ شَعْرَكْ وْ غْسَلْ وَجْهَكْ 18 عْلَاخَطَرْ مَاشِي للنَاسْ لِخَصَّكْ تْبَان صَايَمْ بَصَّحْ لْبُوكْ السْمَاوِي الِّلي في السَّرْ وْبُوكْ الِّلي في السَّرْ يْجَازِيكْ عَلَانِيَة . كنوز في السْمَا 19 مَاتْلَمُوشْ لِيكُمْ كْنُوزْ في الارْضْ وِينْ يَفْسَدْ السُّوسْ وْ الصْدَا وْ وِينْ يَحَفْرُوا الخِيَّانْ وْيَخَوْنُوهْ 20 بَصَّحْ لَمُّوا لِيكُمْ كْنُوزْ في السْمَا وِينْ مَا يَفَسْدَهْ لَا سُوس ولا وِينْ مَايَحْفَرْشْ الخَايَنْ بَاشْ يَخَوْنَهْ 21 عْلَى خَاطَرْ وِينْ مَاكَانْ كَنْزَكْ تَمَا غَادِي يْكُونْ قَلْبَكْ 22 العِينْ هِي نُورْ الجَسَدْ اذا كَانتْ عِينَكْ مْلِيحَة جَسدَكْ يْكُونْ مْنَوَرْ 23 وْ اذا كَانتْ عِينَكْ شَرِيرَة جَسَدَكْ ڤَاعْ يْكُونْ مْظَلَّمْ وْ يْلَا كَانْ النُّورْ اللِّي فِيكْ ظْلَامْ ايَّا ظْلَامْ كِيفَاهْ غَادِي يْكُونْ . 24 مَايقْدَرْشْ وَاحَدْ يْخَدَّمْ زُوجْ سْيَادْ عْلى خَاطَرْ غَادِي يَبْغِي وَاحَدْ وْ يَكْرَهْ وَحْدَاخُرْ ولَا يْكُونْ امِينْ لْوَاحَدْ وْيَحْڤَرْ لَاخُرْ مَاتَقَدْرُوشْ بَاشْ تَخَدْمُوا اللَّهْ والدْرَاهَمْ . الله يعْتَنِي بِنَا 25 وْعْلى هَادْ الشِي نْڤُولْكُمْ :مَاتْقَلْقُوشْ عْلى حْيَاتْكُمْ ، وَاشْ تَاكْلُوا ولاْتَشَرْبُوا ولَا وَاشْ تَلْبْسُوا مَاشِي الحْيَاةْ مُهِمَة كْتَرْ مالْمَاكْلَة وْالذَاتْ مُهِمَّة كْتَرْ مالَّبْسَة ؟ 26 شُوفُوا طْيُورْ السْمَا رَاهَا مَاتَزْرَعْ مَاتَحْصَدْ وْمَاتْلَمْشْ فالْمَخَازِنْ وْبُوكُمْ اللِّي فالسْمَا يَرْزَقْهَا مَاكْلَتْهَا . وَاشْ مَاشِي نْتُومَا خيرْ مَنْهَا بزَاف ؟ 27 شْكُونْ مَنْكُمْ يْلا تْقَلَقْ غَادِي يْزِيدْ غِيرْ سَاعَة فِي عُمْرَهْ ؟ 28 عْلَاشْ رَاكُمْ تَتْقَلْقُوا عْلى اللَّبْسَة شُوفُوا غَايَا الوَرْدْ الِّلي في الحقُولْ كِيفَاشْ تَكْبَرْ ، مَاتَتْعَذَبْ مَاتَغْزَلْ 29 وْ بَصَّحْ نْڤُولْكُمْ الحَقْ حَتَّى سلَيْمَانْ بْرُوحَهْ في العَزْ تَاعَهْ عُمْرَهْ مَالْبَسْ كِيمَا شِي وَرْدَة فِيكُمْ 30 يَاقْلِيلِي الايمَانْ اذا كَانْ الحْشِيشْ اللِّي في الحْقُولْ اللِّي اليُومْ تْشُوفَهْ وْغَدْوَ الِّلي عْلِيهْ يْنْقَاسْ في النَارْ اِلَبْسَهْ الَّله هَاكَا ، كِيفَاشْ مَايْلَبَسْكُمْشْ نْتُمَا لِي خِيرْ مَنَّهْ ؟ 31 مَاتَتْقَلْقوشْ وَاشْ نَاكُلْ ؟ وَاشْ نَشْرَبْ ؟ وَاشْ نَلْبَسْ ؟ 32 ڤَاعْ هَادَا تَطَلْبَهْ النَاسْ لِمَتَعْرَفْشْ الَّلهْ . عْلَى خَاطَرْ بُوكُمْ الِّلي فْسْمَا يَعْرَفْ بَلِي تَسْحَقُوا لْكُلْ هَادْ الشِي 33 بَصَّحْ طَلْبُوا في الَّلوَلْ مَلَكُوتْ الَّلهْ وْ البِرْ تَاعَهْ وْڤَاعْ هَادْ الشِي غَادِي يَنْزَادْلْكُمْ 34 مَاتَتْقَلْقُوشْ عْلَى غَدْوَة خَلِي هَمْ غَدْوَة لْنَفْسَهْ وْكُلْ نْهَارْ بَرْكَاهْ غِيرْ هَمَهْ
1 مَاتْحْكْمُوشْ عْلَى حَدْ بَاشْ مَايْنْحْكَمْشْ عْلِيكُمْ 2 عْلَى خَاطَرْ بالْحُكْمْ الِّلي تْحْكْمُوا بِيهْ يَنْحْكَمْ عْلِيكُمْ بِيهْ 3 عْلَاشْ تْشُوفْ القَشْرَة لِي فِي عِينْ خُوكْ وْ بَصَحْ مَاتْشُوفْشْ الخَبْشَة لِي فِي عِينَكْ . 4 وْلَا كِيفَاشْ تْقُولْ لْخُوكْ خَلِينِي نَڤْلَعْ القَشْرَة مَنْ عِينَكْ وْنْتَ فِي عِينَكْ كَايَنْ خَبْشَة ؟ 5 يَالْمُنَافِقِينْ ، خَرَّجْ قْبَلْ العُودْ مَنْ عِينَكْ وْمَمْبَعْدْ تْشُوفْ غَايَا بَاشْ تَڤْلَعْ القَشْرَة تَاعْ التِينْ مَنْ عِينْ خُوكْ 6 مَاتَعْطُوشْ الحَاجَة المْقَدْسَة لَلْكْلَابْ وْمَاتْقِيسُوشْ الجُوهَرْ تَاعْكُمْ لَلْحْلَالِيفْ لَئِلَا يَعْفْسُوا عْلِيهْ بْرَجْلِيهُمْ اسئلوا ، اطلبوا ، اقرعوا 7 سَالُوا يْنْعْطَالْكُمْ ، حَوْسُوا غَادِي تَلْڤَاوْ .ضَرْبُوا في البَابْ وْغَادِي يَنْحَلْ لْكُمْ 8 رَاهْ ڤَاعْ لِي يَطْلَبْ يَنْعْطَالَهْ وْ الِّلي يْحَوَسْ يَلْقَى وْ الِّلي يَضْرَبْ في البَأبْ يَنْحَلْ لَهْ 9 شْكُونْ فِيكُم الِّلي اِيلا طْلَبْ مَنَّهْ وَلْدَهْ الخُبْزْ يَعْطِيهْ حَجْرَة 10 وْ ايلَا طْلَبْ مَنَهْ حُوتَة يَعْطِيهْ لَفْعى 11 كِيفَاشْ نْتُمَا الشْرَار تَعْرْفُوا تَعْطُوا وْلَادْكُمْ الحَاجَاتْ مْلِيحَة ، كِيفَاشْ بُوكُمْ الِّلي فِي السمَاواتْ مَيَعْطِيشْ الخِيراتْ لَلِّلي يْسَقْسِيوَهْ ؟ 12 ڤَاعْ لِتَبْغُوا يْدِيرَهْلْكُمْ النَّاسْ دِيرُوهْ نْتُمَا تَانِي لِيهُمْ عْلَى خَاطَرْ هَاكَا مَوْجُودْ في تَعْلِيمْ الشَرِعَة والانْبِيَاء . 13 دُخْلُوا مَالْبَابْ الضَيَّقْ عْلَى خَاطَرْ البَابْ الِّلي يَدِي لَلْهْلَاكْ وَاسَعْ وْطْرِيڤَهْ سَاهْلَهْ وْبَزَافْ لِي يَدَخْلُوا مَنَّهْ 14 شْحَالْ ضَيَّقْ البَابْ وْ شْحَالْ وَاعْرَة الطْرِيڤْ الِّلي تَدِّي للْحْيَاةْ وْقْلَالْ هُمَا لِي يَلْقَاوْهَا " الشَجْرَة وثْمَرْهَا 15 احَرْزُوا رْوَاحْكُمْ مَنْ الانْبِيَاء الكدَابِينْ الِّلي يْجِيوْ عَنْدْكُمْ لَابْسِينْ لْبَاسْ الخِرْفَانْ وْبَصَّحْ هُمَا منْ الدَاخَلْ دْيَابْ خَطَافَة 16 رَاهْ منْ غَلَتْهُمْ تَعْرْفُوهُمْ ، وَاشْ تَقَدْرُوا تَجْنِيوْ لَعْنَبْ ما الشُوكْ ولَا الكَرْمُوسْ ما السَدْرَة 17 وْهَكَا كُلْ شَجْرَة مْلِيحَة تَعْطِي غَلَّة مْلِيحَة وْكُلْ شَجْرَة مَاشِي مْلِيحَة تَعْطِي غَلَّة مَاشِي مْلِيحَة 18 وْ الشَجْرَة مَاشِي مْلِيحَة مَاتْقْدَرْشْ تَعْطِي غَلَّة مْلِيحَة 19 وْكُلْ شَجْرَة مَاتَعْطِيشْ غَلَة مْلِيحَة تَنْڤْطَعْ وْتَنَرْمَى في النَارْ 20 مَنْ غَلَتْهُمْ تَعْرْفُوهُمْ 21 مَاشِي ڤَاعْ الِّلي يْڤُولي :يَارَبْ ،يَارَبْ يَدْخُلْ مَلَكُوتْ السَمَوَاتْ 22 بَزَافْ غَادِي يْڤُولُولِي في دَاكْ نْهَار:ْيَارَبْ، يَارَبْ مَاشِي باسْمَكْ تْنَبَّانَا وْبَسْمَكْ خَرَجْنَا الشَيَاطِينْ وْباسْمَكْ صْنَعْنَا بَزَافْ قُواتْ ؟ 23 وْفْدَاكْ النْهَارْ غَادِي نْزَڤِّي عْلِيهُمْ ، انَا مَعْرَفْتْكُمْشْ رُوحُوا عْلِيَا يَاللِّي تْدِيروا الاثْمْ. البناؤون الحكماء والبناؤون الجهلاء 24 ڤَاعْ الِلي يَسْمَعْ هَدَّرْتِي هَاذِ وْيْدِيرْ بِيهَا ، نْشَبْهَهْ بْرَاجَلْ عَاقَلْ بْنى دَارَه عْلى صْخَرْ 25 صَبَّتْ النُّوْ وْفَاضُوا الوْدْيَانْ وْجَاتْ رِيحْ قْوِيَة وْضَرْبَتْ دِيكْ الدَّارْ مَاطَحْتْشْ عْلىخَاطَرْ السَاسْ تَاعْهَا كَانْ مَبْنِي عْلَى الصْخَرْ 26 وْڤَاعْ لِي يَسْمَعْ هَادْ لْكْلَامْ تَاعِيوْمَايْدِيرْشْ بِيهْ رَاهْ يْشَبَهْ لْوَاحْدْ الرَاجَلْ جَاهَلْ بْنِى دَارَهْ عْلَى الرْمَلْ 27 طَاحَتْ النُّوْ وْضَرْبَتْ رِيحْ قْوِيَة وْضَرْبَتْ دِيكْ الدَّارْ ، طَاحَتْ وْكَانْ طْيَاحْهَا يْخَوَّفْ 28 كِكَمَلْ يَسُوعْ هَادْ الكْلَامْ ، تْعَجْبُوا النَّاسْ من التَعْلِيمْ تَاعَهْ 29 عْلى خَاطَرْ كَانْ يْعَلَمْهُمْ كِيمَا لِي عَنْدَهْ سُلْطَانْ وْمَاشِي كِيمَا عُلَمَاء الشَرِيعَة تَاعْهُمْ .
1 وْكِنْزَلْ مالْجْبَلْ تَبْعُوهْ بْزَافْ النَّاسْ . 2 وْجَاعَنْدَهْ وَاحَدْ مَجْرَبْ وْسْجَدْ لَهْ وْڤَالْ :"يَاسِيدِي اذَا بْغِيتْ ، رَاكْ تْقْدَرْ تْرُدْنِي طَاهَرْ " . 3 مَدْ يَسُوعْ يَدَّهْ وْلَمْسَهْ وْڤَالَهْ :" بْغِيتْ ،كُونْ طَاهَرْ "وْتَمْتَمْ نْڤْلَعْ مَنَّهْ البَرْصْ وْوَلَى طَاهَرْ . 4 وْڤَالَهْ يَسُوعْ :" تحْرَزْ تْڤُولْ لْشِي وَاحَدْ بصَّحْ رُوحْ وْوَرِّي جَسدَكْ لْرَاجَلْ الدِّينْ وْاعْطِي العْطِيَة الِّلي وْصَّى بِهَا مُوسَى بَاشْ يْكُونْ هَادْ الشِي شْهَادَة لِيهُمْ " 5 وْكِدْخَلْ يَسُوعْ لْكَفْرْ نَاحُومْ جَا عَنْدَهْ وَاحَدْ الڤَايَدْ تَاعْ العَسْكَرْ يَطْلَبْ مَنَّهْ 6 وْيْڤُولَهْ :"يَا سِيدِي ، الخَدَامْ تَاعِي في الدَارْ طَايَحْ في الفْرَاشْ ، مَشْلُولْ وْيَتْعَدَّبْ بَزَافْ" 7 ڤَالَهْ يَسُوعْ:" غَادِي نْجِي وْنَشْفِيه"ْ. 8 وْجَاوْبَهْ ڤَايَدْ العَسْكَرْ :" اَنَا مَنْسْتَاهَلْشْ يَا سِيدِي تَدْخُلْ تَحْتْ السْقَفْ تَاعْ دَارِي وْ بَصَّحْ ڤُولْ غِيرْ كَلْمَة وَحْدَة وْالخَدَّامْ تَاعِي غَادِي يَبْرَا 9 عْلى خَاطَرْ حَتى انَا كَايَنْ لِي يَحْكَمْ فِيَّ وْتَنِي عَنْدِي عَسْكَرْ وْنَحْكَمْ فِيهُمْ وْنْڤُولْ لْوَاحَدْ رُوحْ يْرُوحْ وْلْوَحْدَاخَرْ ارْوَاحْ يْجِي وْنْڤُولْ لَلْعَبْدْ تَاعِي دِيرْ هَادِي وْيْدِيرْهَا " 10 وْ كِي سْمَعْ يَسُوعْ تْعَجَّبْ وْڤَالْ لْهَادُوكْ الِّلي تَابْعِينَهْ :" نْڤُولْكُمْ الحَقْ مَالْقِيتْشْ حَتَى وَاحَدْ في اسْرَائِيلْ عَنْدَهْ اِيمَانْ قْوِي كِيمَا هَادَا 11 وْرَانِي نْڤُولْكُمْ بْزَافْ نَاسْ غَادِي يْجُو منْ الشَرْقْ وْ مَن الغَرْبْ وْغَادِي يَتَكَاوْ مْعَ ابْرَاهِيمْ وْاسْحَاقْ وْيَعْقُوبْ في مَلَكُوتْ السَمَواتْ . 12 وْبَصَّحْ هَادُوكْ لِيكَانْ خَاصْهُمْ يْكُونُوا في المَلَكُوتْ غَادِي يْنْقَاسُوا بَرَّا في الظَلْمَة ، وِينْ غَادِي يْكُونْ البْكَا وْصَرِيرْ السْنَانْ" . 13 وْمَمْبَعْدْ ڤَالْ يَسُوعْ لَلْڤَايَدء تَاعْ العَسْكَرْ :" رُوحْ ، وْكِيمَا امَنْتْ غَادِي يْكُونْ لَكْ " .وْبْرَا الخَدَامْ تَاعَهْ تَمْ تَمْ 14 وْكِدْخَلْ يَسُوعْ لْدَارْ بُطْرُسْ ، لْڤَا نْسِيبَة بُطْرُسْ طَايْحَة فْرَاشْ وْفِيهَا الحُمَّى 15 وْغِيرْ مَسْ يَسُوعْ يَدْهَا ، الحُمَّى رَاحْتْلْهَا وْنَاضَتْ وْضَيْفَتْهُمْ 16 وْكِجَاتْ العْشِيَة ، جَابُولَهْ بْزَافْ نَاسْ ، مْسْكُونِينْ بالارْوَاحْ وْبْدَا يْخَرَجْ الارْوَاح بْكَلْمَة وْڤَاعْ المَرْضى بَرَّاهُمْ . 17 بَاشْ يَتْحَقَّقْ الِّلي نْڤَالْ في اشْعِياءْ النَبِي ، لِڤَالْ :" هُوَ الِّلي دَّا وْجَعْنَا وْرْفَدْ مَرْضْنَا ". ثمن التبعية 18 وْكِيشَافْ يَسُوعْ بْزَّافْ نَاسْ مْدَّاوْرِينْ بِيهْ اْمَرْ التَلامِيذْ تَاوْعَهْ بَاشْ يَڤَطْعُوا لَلْجِهَة لُخْرَى تَاعْ البْحَرْ 19 وْڤَرَبْ عَنْدَهْ وَاحَدْ من العُلَمَاءْ تَاعْ الشَرِيعَة وْڤَالَهْ :"يَا مُعَلِمْ نْتَبْعَكْ وِينْ مَا تْرُوحْ " 20 ڤَالَهْ يَسُوعْ :" التْعَالَبْ عَنْدْهَا غِيرَانْهَا وْطْيُورْ السْمَا عَنْدْهَا عْشَاشْهَا وْبَصَّحْ وَلْدْ الانْسَانْ مَاعَنْدَهْشْ حَتَى وِينْ يْحَطْ رَاسَهْ 21 وْڤَالَهْ وَحْدَاخُرْ نا التَلَامِيذْ :"يَاسِيدِي خَلِينِي غِيرْ نْرُوحْ وْنَدْفَنْ بُويَا" 22 وبَصَّحْ يَسُوعْ جَاوْبَهْ :" تَبَعْنِي وْخَلِي المُوتى يَدَفْنُو المُوتى تَاعْهُمْ" تهدئة العاصفة 23 وْكِدْخَلْ يَسُوعْ الفْلُوكَة تَبْعُوهْ تَلَامِيذَهْ . 24 وْجَاتْ وَحْدْ الرِيحْ قْوِيَة فالْبْحَرْ حَتى المْوَاجْ عَمْرُوا الفْلُوكَة وْيَسُوعْ كَانْ رَاڤدْ . 25 وْڤَرْبُوا عَنْدَهْ تَلَامِيذَهْ وْنَوْضُوهْ وْڤَالُولَهْ :"سَلَكْنَا يَاسِيدي رَانَا نْمُوتُو 26 وْهُوَ ڤَالْهُمْ :"مَالْكُمْ خَايْفِينْ يَاقْلَالْ الايمَانْ ؟" وْمَنْبَعْدْ نَاضْ وْنْتَهَرْ الرِيحْ وْ البَحْرْ وْتْهَدْنَتْ الحَالَة . 27 وْتْعَجْبُوا النَّاسْ وْڤَالُو :" شْكُونْ هُوَ هَادْ الرَاجَلْ الِّلي الرِيحْ وْ البْحَرْ يْطِيعُوهْ ." 28 وْكِوْصَلْ يَسُوعْ للجِهَة لُخْرَى مالْبْحَرْ حْدى بْلَادْ الجَرْجَسِيِّينْ ، لَاقَاهْ زُوجْ مالْمْجَانِينْ خَارْجِينْ مالْقْبُورْ ، كَانُوا بْزَافْ هَايجِينْ وْبَسْبَابْهُمْ مَاكَانْ حَتئ وَاحَدْ يْفُوتْ منْدِيكْ الطْريق 29 وْ غِيرْ شَافُوهْ بْدَاوْ يْزَڤُوا وْ يْڤُولُوا:"وَاشْ بِينَّا وْ بِينَكْ يَايَسُوعْ اِبْنْ الَّلهْ ؟ جِيتْ هْنَا قْبَلْ الوَقْتْ بَاشْ تْعَذَبْنَا ؟" 30 وْكَانْ وَاحدْ الڤطِيعْ تَعْ الحْلَالَفْ كْبِيرْ يَسْرَحْ فْوَحْدْ المَوْضِعْ ڤْرِيبْ لْهُمْ 31 الشْوَاطَنْ طَلْبُوا مَنَهْ وْ ڤَالُولَهْ اذَا بْغِيتْ تْخَرَّجْنَا رْسَلْنَا نَدَّخْلُوا فالڤْطِيعْ تَاعْ الحْلَالَفْ " 32 وْهُوَ يْڤُولَلْهُمْ رُوحُوا ،خَرْجُوا وْرَاحُوا لَلْقطِيعْ تَاعْ الحْلَالِيفْ وْجْرَا ڤَاعْ القطِيعْ وْطَاحْ مالْحَافَة تَاعْ الجْبَلْ لَلْبْحَرْ وْعَرْفُوا فِيهْ 33 وْ بَصَحْ السُّراحْ هَرْبُوا وْرَاحُوا للْمْدِينَة وْخَبْرُوا بْڤَاعْ دَاكْ الشِي لِصْرَا 34 وْمَمْبَعْدْ ڤَاعْ نَاسْ تَاعْ المْدِينَة خَرْجُوا بَاشْ يَتْلَاقَاوْ مْعَ يَسُوعْ . وْكِي شَافُوهْ طَلْبُوا مَنَّهْ بَاشْ يَخْرَجْ منْ بْلَادْهُمْ .
1 دْخَلْ يَسُوعْ لَلْفْلُوكَة وْڨْطَعْ لَبْحَرْ ْووَلَى لَمْدِينْتَهْ. 2 وْ جاَبُولَهْ وَاحَدْ المَشْلُولْ رَاڨَدْ فَلْفْرَاشْ. وْكِيشَافْ يَسُوعْ إِيمَانْهُمْ ڨَالْ لَلْمَشْلُولْ: " ثِقْ يَاوَلْدِي . نَتْغَفْرَتْ لَكْ دْنُوبَكْ". 3 وَوَحْدِيْنْ مَنْ عُلَمَاءْ الشَرِيعَة ڤَالُو فِي نْفُوسْهُمْ:" هَادْ الرَاجَلْ رَاهْ اِجَدَفْ!". 4 عْرَفْ يَسُوعْ أَفْكَارْهُمْ وْ ڤَالْ:"عْلاَهْ رَاكُمْ تْفَكْرُو بِالشَّرْ فِي ڤْلُوبْكُمْ؟" 5 وَاشْ لِسَاهَلْ، يَنْڤَالْ :" مَغْفُورَة دْنُوبَكْ، وْ لاَ نُوضْ وْ امْشِي؟ 6 بَصَحْ اِبْنْ الانْسَانْ عَنْدَهْ سُلْطَانْ عْلَى الارْضْ يَغْفَرْ الخَطَايَا". امَبْعَدْ ڤَالْ لَلْمَشْلُولْ : "نُوضْ وَرْفَدْ فْرَاشَكْ وْ رْجَعْ لْدَارَكْ." 7 ايَ نَاضْ وْرَاحْ لْدَارَهْ. 8 وْ كِشَافُو النَاسْ وَاشْ صْرَا تْعَجْبُوا وْ أَعْطاَوْ المَجْدْ لله أَلِي أَعْطَى كِمَا هَادْ السُلْطَانْ لِلْنَاسْ. 9 وْكِكَانْ يَسُوعْ غَادِي مَنْ ثَمَ ، شَافْ وَاحَدْ الرَاجَلْ إِسَمُوهْ مَـــتَى مْجَمَعْ فِي دَارْ الضَريِبَة، وْ ڤَالْ:"تَبَعْنِي". نَاضْ وْ تَبْعَهْ. 10 وْ كِكَانْ هُوَ مَتَكِي فِي دَارَهْ ، جَاوْ عَنْدَهْ بَزَافْ مَالِينْ الضَريِبَة وْ المَذْنِبيِنْ وْ ڤَعْدُوا مْعَ يَسُوعْ وْ مْعَ تْلاَمْذَه. 11 وْ كِشَافُوا رْجَالْ الدِّينْ ڤَالُوا لْتَلاَمِيذَهْ :"عْلاَشْ المُعَلِّمْ نْتَاعْكُمْ يَاكُلْ مْعَ مَالِينْ الضْرِيبَة وْ المُذْنِبِينْ؟" 12 وْ كِسْمَعْهُمْ يَسُوعْ جَاوَبْهُمْ وْ ڨَالْ : "المَرْضَى هُمَ لِمَحْتَاجِينْ لَطْبِيبْ مَاشِي الصْحَاحْ. 13 رُوحُوا وْ تْعَلْمُوا المَعْنَى نْتَاعْ الكْلَامْ: أَنَا بْغِيتْ الرَحْمَة مَاشِي الذَبِيحَة،عْلَى خَاطَرْ مَا جِيتْشْ نْعَيَطْ لِلْمُتَقِينْ الله. بَصَّحْ نَدْعُوا الخُطَاةْ لِلْتَوْبَة". 14 وْ مَمْبَعْدْ جَاوْ عَنْدَهْ تَلاَمِيذْ تَعْ يُوحَنَا وْ ڨَالُو لَهْ:"عْلاَشْ أَحْناَ وْ رْجَالْ الدِينْ نْصُومُوا بَزَافْ، وْ تَلاَمِيذَكْ مَا يْصُومُوشْ؟". 15 جَاوَبْهُمْ يَسُوعْ وْ ڨَاْلهُمْ : "وَاشْ يَقَدْرُو المَعْرُوضِينْ لَلْعَرْسْ يَحَزْنُوا وْ العْريِسْ مْعَاهُمْ؟ غَادِي يْجِي الوَقْتْ وِينْ العْرِيسْ غَادِي يَتْرَفَعْ مَنْ بِينَاتْهُمْ، فِي دَاكْ الوَقْتْ غَادِي ْيصُومُوا. 16 حَتَى وَاحَدْ مَايْرَقَّعْ لْبَاسْ قْدِيمْ بِطَرَفْ كَتَّانْ مَنْ لْبَاسْ جْدِيدْ، عْلَى خَاطَرْ التَرْقِيعَة غَادِى تَتْكَمَشْ،وَيْزِيدْ يَكَبَرْ التَڨْطَاعْ 17 وْحَتَى وَاحَدْ مَايْدِيرْ الشْرَابْ الجْدِيدْ فىِ ڨُرْبَاتْ قْدُمْ،عْلَى خَاطَرْ غَادِي يَطَرْدْڨُو، وْيْضِيعْ الشْرَابْ الجْدِيدْ وْيَتْشَقُّوا الڨُرْبَاتْ، وْبَصَحْ يَنْدَارْ الشْرَابْ الجْدِيدْ فىِ ڨُرْبَاتْ جْدُدْ بَاشْ مَايْضِيعْ حَتَّى حَاجَة ". إقامة إبنة يايرس وشفاء نازفة الدم 18 وْكِيكَانْ يَهْدَرْ مْعَاهُمْ بْهَادْ الشِي، وْجَالْعَنْدَهْ وَاحَدْ الرَايَسْ وْسْجَدْ لَهْ وْڨَالَهْ:" بَنْتِى هْذَا وِينْ مَاتَتْ، بَصَحْ أَرْوَاحْ وْحَطْ يَدَكْ عْلِيهَا وْتَحْيَا". 19 نَاضْ يَسُوعْ وْتَبْعَهْ هُوَ وْتَلاَمِيذْ تَاعَهْ. 20 وْكَانَتْ تَمَ وَاحَدْ لَمْرَة مْرِيضَة طْنَاعَشْ نْعَامْ وْهِيَ تَدْمَى ڨَرْبَتْ مَنْ مُورَ يَسُوعْ وْلَمْسَة جَلَابْتَهْ، 21 عْلَي خَاطَرْ ڨَالَتْ فِي نَفْسْهَا: إِذَا "لْمَسْتْ غِيرْ قَشَّهْ نَبْرَى". 22 دَارْ يَسُوعْ وْشَافْهَا، وْڨَالْ: "ثِقِي يَاْبنَتىِ، إيِمَانِكِ شَفَاكِ". وَفْهَدِيكْ السَّاعَة بَرَاتْ لَمْرَا. 23 وْكِي وْصَلْ يَسُوعْ لَدَّارْ الرَائِيسْ، وْشَافْ النَّاسْ يْنَوْحُوا وَيْزَڨُّوا، 24 ڨَاْلهُمْ:" خُرْجُوا مَنَّا، البَنْتْ مَامَتَتْشْ رَاهِي غِيرْ رَاڨْدَة". وْهُمَا يَظَّحْكُوا عْلِيهْ 25 وْكِخْرَّجْهُمْ يَسُوعْ لْبَرَّا دْخَلْ وْشَدْ البَنْتْ مَنْ يَدْهَا، وْنَاضَتْ البَنْتْ. 26 وْخْرَجْ لَخْبَرْ فْ ڨَاعْ دُوكْ لَجْوَايَهْ . 27 وككان يسوع فايت، تبعوه زوج عَمْيِينْ وَيْڨُولُوا: " إرْحَمْنَا يَا إبْنْ دَاوَدْ ". 28 وْكِدْخَلْ لَدَّارْ ڤَرْبُوا لْعَنْدَهْ، وْ ڨَالْهُمْ يَسُوعْ :" تْأَمْنُوا بَلِّي نَقْدَرْ نَشْفِيكُمْ؟". وْجَاوْبُوهْ: "وَاهْ يَاسِيدِي " 29 وْتَمْ تَمْ تْلَمَّسْ يَسُوعْ عَيْنِيهُمْ وْڨَالْ:"عْلَى قَدْ إْيمَانْكُمْ غَادِي يْكُونْ لِيكُمْ الشِّي لِبْغِيتُوهْ". 30 وَنْتْحَلَّتْ عَيْنِيهُمْ. وْنْهَاهُمْ يَسُوعْ وْڨَالْهُمْ: "عَنْدْكُمْ تْڨُولُوا، هَادْالشِّي لِصْرَا لْكَاشْ وَاحَدْ". 31 وْبَصَّحْ هُمَا خَرْجُوا وْشَنْعُوا لَخْبَرْ فْڨَاعْ هَدُوكْ جْوَايَهْ. 32 وْكِي جَاوْ خَارْجِينْ، جَابُولَهْ وَاحَدْ الرَّاجَلْ بَكُّوشْ وْمَسْكُونْ. 33 وْكِخْرَجْ يَسُوعْ الرُّوحْ الشَرِّيرْ هْدَر البَكُّوشْ، تْعَجْبُوا النَّاسْ وْڨَالُوا:" عَمُرْنَا مَاشَفْنَا هَذَا الشِّى فِي إسْرَائِيلْ". 34 وْبَصَّحْ رْجَالْ الدِّينْ ڨَالُوا:" رَاهْ إخَرَّجْ الشّيَاطِينْ بْرَئِيسْ الشَّيَاطِينْ!". الفعلة قليلون 35 وْكَانْ يَسُوعْ يْرُوحْ لْڨَاعْ لَمْدُنْ وَ دْوَاوِيرْ وَيْعَلَّمْ فَدْيُورْ الْصْلَاة، وَ يْبَشَّرْ بَالْبْشَارَة نْتَاعْ مَلَكُوتْ الْلَّه، وْ كَانْ يْدَاوِي ڨَاعْ الْمَرْضَى وْ كُلْ ضُعْفْ فَالْشَّعْب. 36 وْ كِي شَافْ جْمَاعَة تَاعْ الْنَّاسْ تْحَنَّنْ عْلِيهُمْ، عْلَى خَاطَرْ كَانُوا مَتْعَذْبِينْ وْ مَتْشَتَتِينْ كِيمَا لَغْنَم الِّي مَعَنْدَهْش سَرَّاح 37 مَنْ بَعْدْ ڨَالْ لْتَلَامِيذَة:" لْحَصَادْ بَزَّافْ بَصَّحْ الْخَدَّامَة قْلَالْ. 38 اطَّلْبُوا لْمُولْ الْحَصَادْ بَاشْ يَرْسَلْ الْخَدَّامَة لَحْصَادْ نْتَاعَه".
1 مَنْ بَعْدْ عَيَّطْ لَتَّلَامِيذْ الطنَاعَشْ وَ عْطَاهُمْ سُلْطَانْ عْلَى الْأَرْوَاحْ الْنَّجِسَة بَاشْ يْخَرْجُوهَا، وْ يَشْفِيوْ مْكُل مَرْضْ و مْكُلْ ضُعْفْ 2 وَ سْمِيَاتْ تَاعْ طنَاعَشْ تَلْمِيذْ هِيَ: هَذِي الْلَّوَلْ سَمعَانْ لِّي يَنْڨَالَّهْ بُطْرُس،وانْدْرَاوُسْ خُوهْ. و يَعْقُوبْ بَنْ زَبَدِي، وْ يُوحَنَّا خُوهْ. 3 فِيلِبُوسْ، وْبَارْثُولْمَاوَسْ. تُومَا، مَتَّى مُولْ الْضْرِيبَة، يَعْقُوبْ بَنْ حَلَفِي، تَدَّاوُسْ. 4 سَمْعَانْ الْقَنَاوِي، وْ يَهُودَا الْاسْخَرْيُوطِي الِّي خَانَه. 5 هَادُوكْ الْطْنَاعَشْ رْسَلْهُمْ يَسُوعْ وْ وَصَّاهُمْ وْ ڨَالْهُمْ:" مَتْرُوحُوشْ عَنْدْ الْشُّعُوبْ الِّي مَشِي يْهُودْ، وْ مَتَدُّخْلُوشْ مْدِينَة الْسَامِرَة. 6 بَصَّحْ رُوحُوا لْعَنْد الْخِرْفَانْ الْمْوَدْرِينْ الِّي مَنْ شَعْب اسْرَائِيل. 7 وْ فَطْرِيڨْكُمْ خَبْرُوا الْنَّاسْ: بَلِّي الْوَقْت نْتَاعْ مَلَكُوتْ الْسَّمَواتْ ڨَرَّبْ 8 بَرُّوا الْمَرْضَى. طَهْرُوا الِّي فِيهُم الْبْرَصْ. وْ حَيِّيوْ الموتى. وْ خَرْجُوا الْارْوَاحْ الْشَّرِيرَة. 9 دِيتُوا بْلَاشْ أَيَّ اعْطُوا بْلَاشْ. وْ مَتَدُّوشْ فِي جْيُوبْكَمْ لاَ ذْهَبْ وْلَا فَضَّة وْلَا نْحَاسْ، 10 وْ لَا رَزْمَة لَلْطْرِيڨ وْ لَا زُوجْ لَبْسَات وْ لَا صَبَابَط وْ لَا حَتَّى عْصَا، عْلَا خَاطَرْ الْخَدَّامْ يَسْتَاهَل مَاكْلَتَّه. 11 "و الْمدِينَة وْ لَا الْدُّوَارْ الِّي تَدَّخْلُوهُم سَقْسُوا عْلَى لِشْكُونْ يَسْتَاهَل، إِضَيَفْكُم و ڨُعْدُوا عَنْدَه حَتَّى لِتُخُرْجُوا مَنْتَم. 12 و اذَا دْخَلْتُوا الْشِي دَارْ سَلْمُوا عْلَى مَّالِيهَا، 13 و الَا كَانُوا مَّالِينْ الْدَّار يَسْتَاهْلُوا سْلَامْكُم، أَيْ سْلاَمْكُمْ يَوْصُلْهُمْ وْ إِلَى مَا كَانُوشْ يَسْتَاهْلُوا ، سْلاَمْكُمْ يْوَلِّيلِكُمْ 14 وْلِّي مَايَقْبَلْكُمْشْ وْ مَا يَسْمَعْشْ كْلاَمْكُمْ أَخُّرْجُوا مَنْ دَارَهْ وْمَنْ دِيكْ المْدِينَة، وْ أَنَّفْظُوا الغُبْرَة الِّي فِي رْجْلِيكُمْ . 15 نْڨُولْكُمْ الْحَقْ :" حَالَة سَدُومْ وْ عَمُّورَة غَادِي تْكُونْ قَلْ مَنْ حالة هديك المدينة. 16 غَادِي نَرْسَلْكُمْ كِمَا الغْنَمْ فِي وَسْطْ الذْيُوبَ ، كُونُوا حُكَمَا كِلْفَاعِي وْ ظْرَيْفِينِ كِي الْحْمَامْ . 17 أَحَّرْزُوا أَرْوَاحْكُمْ مَالْنَّاسْ، عْلَى خَاطَرْ غَادِي يْسَلْمُوكُمْ لَلْمْحَاكَمْ، وْ فِي دْيُورْهُمْ تَاعْ الصْلاَةْ غَادِي يْضَرْبُوكُمْ وْ يَجَّلْدُوكُمْ. 18 وْغَادِي يْجَرُّوكُمْ ڨُدَّامْ الحُكَامْ و ْالْمْلُوكْ عْلَى جَالِي شْهَادَة لِيهُمْ وْ لَنَّاسْ وْ لْمَاشِي يْهُودْ. 19 وْ كِي يَدِّيكُمْ مَا تَتْقَلْقُوشْ كِيفَاشْ وْ لاَ وَاشْ غَادِي تَهَّدْرُوا ، 20 بَصَّحْ الْرُّوحْ تَعْ بُوكْمْ الِّي فِي السْمَا هُوَ الِّي غَادِي يَعْطِيكُمْ الْكْلاَمْ لِّي تْڨُولُوهْ 21 وْ غَادِي الْخُو يْسَلَّمْ خُوهْ، وَ الْبُو يْسَلَّمْ وَلْدَهْ وْ الْوْلاَدْ يْنُوضُو ضَدْ وَالْدِيهُمْ وْ يُكَّتْلُوهُمْ ، 22 وْ غَادِي تْكُونُوا مَكْرُوهِينْ مَالنَّاسْ عْلىَ جَالْ إِسْمِي. بَصَّحْ لِيْصْبُرْ حَتَّى التَّالِي وْ يَثْبَتْ فِيَّ غَادِي يَسْلَكْ . 23 وْ كِيْطَرْدُوكُمْ مَنْ هَادْ الْمْدِينَة هَرْبُوا لْوَحْدُ أُخْرَى. الْحَقْ نْڨُولْكُمْ : " مَا غَادِيشْ تْكَمْلُوا مْدُنْ اسْرَائيلْ حَتَّى يْجِي ابْن الْإِنْسَانْ. 24 "مَشِّي الْتِّلْمِيذْ خِيرْ مَنْ مْعَلَّمْ، تَاعَهْ وْ مَشِّي الْعَبْدْ خِيرْ مَنْ سِيدَه. 25 بَرَكَا عْلَى التَّلْمِيذْ إِكُونْ كِمَا مُعَلِّمْ تَاعَهْ ،و ْلاَ الْعَبْدْ كَمَا سِيدَهْ. وْلِّي سَمَّاوَهْ مُولْ الْدَّارْ بَعْلَزَبُولْ، مَالِينْ الْدَّارْ كِيفَاشْ غَادِي يْسَمُّوهُمْ! 26 مَا تْخَافُوهُمْشْ. عْلَى خَاطَرْ ڨَاعْ لْمَسْتُورْ غَادِي يَعَّرْفُوهْ، وْ ڨَاعْ لْمَدْسُوسْ غَادِي يْبَانْ. 27 وْعْلَى دَاكْ الشِّي ڨَاعْ لِنْڨُولَهَلْكُمْ فِالظَّلْمَة ڨُولُوهْ فَالنُّورْ، وْ لِّي تْسُمُعُوهْ بْوَذْنِيكُمْ بَرْحُوا بِيهْ فُوڨْ السْطُوحْ، 28 مَا تْخَافُوشْ مَنْ هَادُوكْ لِيكَتْلُوا الجَسَدْ وْ مَا يَقَّدْرُوشْ يَكَّتْلوُا الْرُّوحْ ، بَصَّحْ خَافُوا مَنْ هَادَاكْ الِّي قَادَرْ يَهْلَكْ الْرُوحْ وْ الجَسَدْ فِي زُوجْ فِي جَهَنَّمْ. 29 مَشِّي زُوجْ زْوَاوَشْ يَنْبَاعُو بْدِينَارْ؟ وْ غَادِي مَا يْطِيحْ عْلَى لَرْضْ حَتَّى وَاحَدْ فِيهُمْ إِلاَ إِذَ بْغَا بُوكُمْ الِّي فَالْسْمَا. وْ 30 بَصَّحْ نْتُمَا حَتَّى شْعَرْ رَاسْكُمْ رَاهْ ڨَاعْ مَحْسُوبْ. 31 مَا تْخَافُوشْ! رَاكُمْ نْتُمَا خِيرْ مَنْ بَزَّافْ الزْوَاوَشْ! 32 ڨَاعْ لِيَسْـتَعْرَفْ بِيَا ڨُدَّامْ النَّاسْ ، نَسْتَعْرَفْ بِيهْ ڨُدَّامْ بُويَا الِّي فَالْسْمَا، 33 وْ لِّي يَنْكَرْنِي ڨُدَّامْ النَّاسْ نَنُّكْرَهْ ڨُدَّامْ بُويَا الِّي فَالسْمَا 34 مَا تَحَسْبُوشْ جِيتْ بَاشْ نْدِيرْ لَهْنَا فَالأَرْضْ. مَاشِّي لَهْنَا بَصَّحْ السِّيفْ . 35 جِيتْ بَاشْ نْفَرَّقْ الوَلْدْ عْلَى بُوهْ، وْ بِينْ البَنْتْ وَ مْهَا، وْ بِينْ الكَنَّة و عْجُوزَتْهَا. 36 لْعَدْيَانْ تَعْ بْنَادَمْ لْعَايْلَة تَعَهْ. 37 أَلِّي يَبْغِي بُوهْ وَ لاَّ مَهْ كْثَرْ مَنِّي مَا يَسْتَهَلْنِيشْ، وْ لِي يَبْغِي بَنْتَهْ وَلَّا وَلْدَه كْتَرْ مَنِّي مَا يَسْتَهَلْنِيشْ، 38 وْلِمَيَرْفَذْشْ صَلِيبَهْ وَ يْتَبَّعْنِي مَا يَسْتَهَلْنِيشْ. 39 عْلَى خَاطَرْ لِبْغَى يَرْبَحْ حْيَاتَهْ يَخْسَرْهَا ، وْ لِيَخْسَرْهَا عْلَى جَالِي غَادِي يَلْقَاهَا. 40 ِليَقْبَلْكُمْ يَقْبَلْنِي، وْ لِيَقْبَلْنِي يَقْبَلْ لِرْسَلْنِي . 41 وْ لِيَقْبَلْ كَاشْ نْبِيْ وْ هُوَ عَارَفَهْ نْبِي غَادِي يَاخَذْ أَجَرْ كِمَا تَعْ نْبِيْ ، وْالِّي يَقْبَلْ بْوَاحَدْ مَتَقِّي الله وْ هُوَ عَارَفَهْ مَتَقِّي الله غَادِي يَاخَذْ أَجْرْ كِمَا تَاعْ مَتَقِّي الله، 42 وَ الِّي إِيمَدْ غِيرْ كَاسْ مَاء بَارَدْ لْهَادُوكْ الصْغَارْ بْسَمْ غِيرْ تَلْمِيذِ ، الحَقْ نْڨُولْكُمْ :هَادَا مَا غَادِيشْ إِضِيعْ أَجْرَهْ".
1 وْ كِي كَمَّل يَسُوعْ كْلَامَهْ و الْوْصَايَا الِّي أَعْطَاهَا لَتْلَامْذَه الْطْنَاعَشْ، رَاحْ مَنْ تَمْ بَاشْ يْعَلَّمْ وَيْخَبَّرْ بَالْبْشَارَة فَالْمْدُنْ نْتَاعْ الْيَهُودْ. يَسُوعْ وْ يُوحَنَّا الْمَعْمَدَانْ وْ كِي سْمَعْ يَسُوعْ يُوحَنَّا 2 وْ هُوَ فَالْحَبْسْ بْهَادْ الْشِّي لِرَاهْ يْدِيرْ فِيه ، رْسَلْ زُوجْ مَنْ الْتْلَامَذْ نْتَاعَهُمْ ، 3 وْ ڤَالَه:" أَنْتَا هُوَ لِغَادِي يْجِي وَلَّا نْسْتَنَّاوْ وَحْدَاخُر؟". 4 وْ جَاوْبَهُمْ يَسُوعْ وْ ڤَالْهُمْ:" رُوحُوا وْ خَبْرُوا يُوحَنَّا بْڤَاعْ لِرَاكُمْ تَسَّمْعُوا وَ تْشُوفُوا: 5 الْعُمْيِينْ وَلَّاوْ يْشُوفُوا، وَ الْقَجْعِينْ وَلَّاوْ يَتْمَشُّوا، وَ الْبْرُصْ تْنَقَّاوْ، وَ الْطَّرْشِينْ رَهُمْ يَسَّمْعُوا، وَ الْمُوتَى حْيَاوْ، وَ الْمْسَاكَنْ رَاهُمْ يَقَّبْلُوا لَبْشَارَة. 6 وْ سَعْدَاتْ هَدَاكْ الِّي مَغَادِيشْ يْشَكْ فِيَّ". 7 وْ كِي رَاحُوا تْلَامِيذْ يُوحَنَّا بْدَا يَسُوعْ يْڤُولْ لَلْجْمَايَعْ عْلَى يُوحَنَّا: " وَاشْ خْرَجْتُوا تْشُوفُوا فَالْصَّحْرَء ؟ قَصْبَة يْحَرَّكْهَا الْرِّيحْ؟ 8 وَلَّا وَاشْ خْرَجْتُوا تْشُوفُوا؟ بْنَادَمْ لَابَسْ لْبَاسْ حْرِيِرْ؟ ڤَاعْ لِيَلَبْسُوا لْبَاسْ حْرِيرْ هَادُوك سَاكْنِين فِي قْصُور الْملُوك 9 ڤُولُولِي وَاشْ خْرَجْتُوا تْشُوفُوا ؟ شِي نْبِي ؟ نْعَمْ، نْڤُولْكُمْ رَاهْ خِيرْ و اكْتَرْ مَنْ نْبِيْ. 10 هَدَا هُوَ أَلِّي ڤَالْ عْلِيهْ الْلَّه فِي كْتَابَهْ: غَادِي نَرْسَلْ ڤُدَّامَه مْلَاكِي يْوَجَّدْلَه الْطْرِيڤْ. 11 وَ نْڤُولْكُمْ الْحَقْ : مَبَانْشْ مَنْ الِّي نْزَادُوا مَانْسَا شِي وَاحَد خِير مَنْ يُوحَنَّا الْغَطَّاسْ، وْ بَصَّحْ الصْغِير ڤَاعْ فِي مَمْلَكَة السَّمَوَاتْ رَاه خِيرْ مَنَّه. 12 وْ مَنْ لِيَّامْ يُوحَنَّا الْغَطَّاسْ حَتَّى لْيُومْ مَمْلَكَة الْسَّمَوَات هُمَا الْقْوِيِينْ، لِيْدِيرُوا جَهْدْهُمْ بَاشْ يَخَّطْفُوهَا 13 وْ ڤَاعْ الْأَنْبِيَاء وشَرِيعَة نْتَاعْ مُوسَى تْنَبَّاْ حَتَّى الْوَقْت الِّي جَا فِيه يُوحَنَّا الْغَطَّاس. 14 وْ إِدَا بْغِيتُوا تَقَّبْلُوا، فْيُوحَنَّا الْغَطَّاسْ هَذَا هُوَ إِلِيَّا الِّي خَاصَّه إِيجِي. 15 وَ الِّي عَنْدَه وَدْنِينْ يَسْمَع . 16 بَشْكُونْ غَادِي نْشَبَّه هَاد الْجِيلْ؟ اشَبْهُوا لَوْلَادْ ڤَاعْدِينْ فَالْسُّوڤْ يْعَيْطُوا لْبَعْضِيَاتْهُمْ 17 وَ يْڤُولُوا: زَمَّرْنَالْكُمْ وْ مَارْڤَصْتُوشْ! وَ نْدَبْنَالْكُمْ و مَابْكِيتُوشْ! 18 عْلَى خَاطَرْ جَا يُوحَنَّا مَايَكُلْ مَا يُشْرُبْ، وَيْڤُولُوا: فِيه شِيطَانْ. 19 وْ جَا ابْنْ الإِنْسَانْ يَاكُلْ وْ يُشْرُبْ، وَ يْڤُولْ: هَوَلَا ابْنْ الإِنْسَانْ وَكَّالْ ويَشْرَبْ اَلشْرَابْ، وَ مْصَاحَبْ غِيرْ مَلِمينْ الْضْرِيبَة و الْمَدَّنْبِينْ. وْ بَصَّح حَكْمَة الْلَّه تْبَانْ صَالْحَة مَالعَلَّة نْتَاعْهَا. ويل للمدن التِي لَمْ تَتُب 20 وْ فْدَاكْ الْوَقْتْ بْدَى يْلُومْ الْمْدُن الِّي دَارْ فِيهُمْ الْمُعْجِزَاتْ كْثَرْ مَنْ الْمدُنْ لُخْرِينْ عْلَى خَاطَرْ الْنَّاسْ تَاعْهُمْ مَاتَبُوشْ: 21 "يَاوِيلَك يَا كُورَزِين! وْ يَاوِيلَكْ يَابِيتْ صَيْدَا! عْلَى خَاطَرْ لُوكَانْ انْدَارَتْ الْمُعْجِزَاتْ فِي صُورْ وْ صَيْدَا كِيمَا نْدَارُوا فِيكُمْ، رَاهُمْ شْحَالْ هَدِي تَابُوا مَمَّالِيهُمْ فِي لَمْسُوحْ وَ الْرْمَادْ. 22 بَصَّحْ نْڤُولْكُمْ: الْآخْرَة نْتَاعْ صُورْ وْ صَيْدَا فِي يُومْ لَحْسَابْ غَادِي تْكُونْ قَلْ مَنْ آخِرَتْكُم. 23 وَأَنْتِ أَكَفَرْنَحُومْ الْعَالْيَة فَالْسْمَا! غَادِي تْهَوْدِي لَلْهَاوْيَة. عْلَى خَاطَرْ لُوكَانْ نْدَارَتْ الْمُعْجِزَاتْ فِي سَدُومْ كِمَا نْدَارَتْ هْنَا لَڤَعْدَتْ حَتَّى لْيُومْ . 24 وْ بَصَّحْ نْڤُولْكُم: أَرْضْ سَدُومْ وْ عَمُّورَة غَادِي تْكُونْ آخْرَتْهَا قَلْ مَنْ آخْرَتْكُمْ فِي يُومْ لَحْسَابْ". 25 وْ فِي دْيكْ الْسَّاعَة تْكَلَّمْ يَسُوعْ وْ ڤَالْ: "نَحْمَدْ الْابْ يَارَبْ الْسَّمَاوِي و لَرْضْ عْلَى خَاطَرْ دَسِّيتْ دَاكْشِي عْلَى الْحُكَمَا وَ الْفَاهْمِينْ وْ وَرِّيتَه لَوْلَادْ الْصْغَارْ. 26 وَاهْ يَالْآبْ، هَكَّا كَانْ مُرَادَكْ بُويَا. 27 أَعْطَانِي كُلْشِي، وْ حَتَّى وَاحَدْ مَايَعْرَفْ الابْنْ غِيرْ الْبُوا، وْ حَتَّى وَاحَدْ مَا يَعْرَفْ الْبُوا غْير الْإِبْنْ وْ لِبْغَى وَ قْبَلْ الْإِبْنْ غَادِي يْوَرِّيلَه. 28 رْوَاحُوا عَنْدِي نْتُمَا ڤَاعْ الْعَيَّانِينْ وْ لِرَافْدِينْ الْثْقِيلْ، وْ أَنَا نَعْطِيكُمْ الْرَّاحَة. 29 رَفْدُوا نِيرْ نْتَاعِي وَ تْعَلْمُوا مَنِّي، عْلَى خَاطَرْ أَنَا ضْرِيفْ وْ مَتْوَاضَعْ، وْغَادِي تَلْقَاوْ الْرَّاحَة لَنْفُوسْكُمْ. 30 عْلَى خَاطَرْ الْنِّيرْ نْتَاعِي سَاهَلْ وْ الْحْمَلْ نْـتَاعِي خْفِيفْ".
1 وْ فيِ دَاكْ الوَقْتْ فِي النْهَارْ السَبْتْ رَاحْ يَسوُع ْفِي وَسَط ْالزُرُوعْ، جَاعُو تلْاَمَذَه وْ بْداَوْ يَڤَطْعوُ السْبوُل ْو ْياَكْلوُا . 2 وْ كِشاَفُوهُمْ رِجاَلْ الدِينْ قاَلوُ لَه: "شوف تلامذك راهُم ْايْدِيرُوا حْوَايَحْ لِماَخَصْهوُمَشْ ايْدِيِرُها فِي نَهاَرْ السَبْتْ!". 3 وْ رَدْ عْليِهُم ْ: "مَا قْرِيتُوشْ شَا دَارْ دَاوَدْ ولِمْعَاهْ مِينْ جَاعُو؟" 4 كِدْخَلْ لْبِيتْ اللهْ وْ كْلَ الخُبْزْ لِيْقْدْمُوهْ للهْ اللِي مَا كَانْشْ خَاصَهْ ياَكْلَهْ لاَ هُوَ وْ لاَ هَادُوكْ اللِي مْعَاه ْ،مَنْ غِيرْ رْجَالْ الدِينْ . 5 وْ مَا قْريتُوشْ فِي التُورَاة ْبَلِي رْجَالْ الدِينْ وْ هُماَ يَخَدْمُو فِي بِيتْ اللهْ فِي نْهَارْ السَبْتْ يَتْغَدَاوْ عْلَى نْهَارْ السَبْتْ وْ هُمَا مَا عْلِيهُمْ لُومْ ؟ 6 وْ بْصَحْ نْقُولَلْكُمْ: رَاهْ كَايْنْ هْناَ اللِي هُوَ كْبَرْ مَنْ بِيتْ اللَهْ! 7 وْ لُكاَنْ فْهَمْتُوا مَعْنَى لْلآيَهْ اللِي رَانِي نْقُولَلْكُمْ : بْغِيتْ الْرَحْمَهْ مَا شِي دْبيِحَه، كِحْكَمْتُو عَلَى اللِي مَا فِيهُومْشِ الُومْ ! 8 اِبَنْ الِأنْسَانْ هُوَ رَب السَبْتَ تاَن". 9 وْ رَاحْ مَنْ تْمَا وْ جاَ لْدَارْ الصْلاَة ْنْتَاعْهُمْ ، 10 وْ لْقَا وَاحَدْ الرَاجَلْ يْدَهْ ياَبْسَه، سَقْسَاوَهْ وْ قاَلُولَه : "وَاشْ حْلاَلْ الشْفاَ فِي السْبُت ؟" سَقْسَاوَهْ بَاشْ ايْلَصْقُولَهْ تَهْمَهْ 11 جاوَبْهُمْ : "اِذاَ وَاحَدْ فِيكُمْ عَنْدَهْ خْرُوفْ، اِذَا طَاحْ فِي حُفِرَهْ فِي نْهَارْ السَبْتْ مَا غَادِيشْ اِيْشَدْلَهْ يَدْهْ وْ يْخَرْحه ؟ 12 شْحَالْ بْناَدَمْ خِيرْ مْلَخْرُوْف! عْلَى هَادْ شِي حْلَالْ تْدِيرْ لْخِيرْ فِي السْبُت! ". 13 وْ مَمْبَعْدْ قَالْ لَلْاِنْسَانْ: "مَدِ يَدَكْ". وْ مَدْهاَ. وْوَلَاتْ صْحيِحَهْ كِماَ لْيَدْ لُخْرَى. 14 وْكِخَرْجُوا الفَرِسِيِينْ تْشَاوْرُو عْلِيهْ بَاهْ يَقَتْلُوهْ، 15 كِعْرَفْ يَسُوعْ رَاحْ مَنْ تَمْ . وْ تَبْعُوهْ جْمَايَعْ بَزَافْ نْتاَعْ النَاسْ وْ شْفَاهُمْ ڤَاعْ. 16 وَوْصَاهُمْ باَشْ مَا يْخَبْرُوا حَتَى وَاحَدْ، 17 بَاشْ يَتْحَقَقْ وَاشْ نْقاَلْ بَالنْبِي أشْعِياَءْ 18 : "هَذَا هُوَ بْنِي اللِي خْيَرْتْ ،وْ لْعْزِيْز نْتاَعِي اللِي بِيهْ نَفْسِي فَرْحَانَهْ بَزَافْ.غَادِي نْحَطْ عْلِيهْ رُوحِي وْ يْخَبَرْ الشْعُوبْ بالْحَقْ 19 مَا يْعاَدِي مَا يْزَڤِي،وْ مَا يَسْمَعْ حْتَى وَاحَدْ صُوتَهْ فَطْرِيقْ 20 قصبه مَشْقَوقَه مَا يْهَرَسْ،وفتيله تَطْلَقْ الدُخَانْ ماَ تَطْفَي، حَتَى يَخْرَجْ الْحَقْ هُوَ الْغاَلَبْ. 21 وْ باَسْمَهْ غَادِي يْكُونْ رَجَاءْ لْشْعُوبْ لِمَايْعَرْفُوشْ الرَبْ ". يسوع و بعلزبول 22 وْ فِي ذَاكْ الْوَقْتْ جَابُوا لْعَنْدَهْ وَاحَدْ الْمَجْنُونْ عْمَى وْ بْكُوشْ وْ بْرَاهْ ،حْتَى الآعْمَى وْ الْبْكُوْش هْدَرْ وْ شَافْ. 23 تْعَجْبُوا جْمَاعَاتْ نْتَاعْ النَاسْ وْ قَالوُا: "باَلاَكْ هَدَا هُوَ اِبْنْ دَاوْدْ؟". 24 وْ بَصَّحْ رْجَالْ الدِينْ كِسَمْعُوا هَادْ الشِّي ڤَالُوا: "هَادَا مَا رَاهْشْ يْخْرَجْ الشْياَطِينْ غِيرْ بْبَعْلَزَبُولْ رَئِيسْ الشَياَطِينْ". 25 وْعْرَفْ يَسُوعْ أَفْكَارْهُمْ،و ڤَالْهُمْ : "كُلْ مَمْلَكَهْ تَنْخْرَبْ ، وْ كُلْ مْدِينَهْ وْلَا عاَيْلَهْ تَنْقْسَم ْمَا غَادِيشْ تْدُوم ْ. 26 وْ اِدَا كاَنْ الشِيطَان يْخْرَجْ الشِيطاَنْ غَادِي يْكوُنْ الشِيطَانْ نْڤَسَمْ وْوْلَى ضَدْ رُوحَهْ وِيلاَ نْقْسَمْ وْوْلاَ ضَدْ رُوحَهْ. كِيفاَشْ غَادِي تَبْقَى مَمْلَكْتَهْ تاَبْتَهْ؟ 27 وِيِلاَ كُنْتْ أَناَ بَعْلَزَبوُلْ وْ نْخَرَجْ الشَيَاطِينْ، وَوْلاَدْكُمْ بْشْكوُنْ رَاهُمْ يْخَرْجُوهُمْ ؟عْلىَ هَادْ الشِي رَاه ْوْلاَدْكُمْ لِغَادِي يْحَكْمُوا عْليِكُمْ ! 28 كُنْتْ بْرُوحْ اللهَ نْخْرَجْ الشَياَطِينْ، فْمَمْلَكَةْ اللَه جَاتْ فْوْسْطْكُمْ 29 !شْكُونْ يْقْدَرْ يْدْخُلْ لْداَرْ وَاحَدْ صْحِيحْ وْ قْوِي وْ يَخْوَنْ لَه ْصْوَالْحَهْ، بْلاَماَ يْكْتْفَهْ الصْحِيحْ هُوَ الُلْوَلْ ،وْ عَادْ يْخْوَنْ لَه ْدَارَهْ ؟ 30 الْليِ مَاشِي مْعاَياَ هُوَ ضْدِي وْ لِمَا يْلْمْشْ وْ يْجْمَعْ مْعاَياَ رَاه هُوَ يْفَرَقْ. 31 عْلَى دَاك ْالشِّي أَنَا نْقُولْلْكُم: كُلْ ذَنْبْ وْ كْلاَمْ كْفَرْ رَاهْ يْنْغْفَرْ لْلْناَسْ، 32 و بَصَّحْ كْلاَم ْ الْكْفَرْ عْلَى الرُوحْ القُدُسْ مُا يَتَغْفْرْشْ . وْ لِيْقُولْ كْلْمَهَ ضْدْ اِبْنْ الِانْسَانْ يْتَغْفَرْلَه ْ،وْ بَصَحْ لِيْقُولْ كْلْمَه ضْدْ الرُوحْ القُدُسْ ماَ يْتْغْفَرْلَهْشْ، فِي الدْنيْاَ وْلاَ فِي الاَخْرَه . 33 غَرْسوُا شَجْرَهْ مْليِحَه، وْ غْلَتْهاَ مْليِحَه وْلا غْرْسوُا شْجْرَهْ مَاشِي مْليِحَهْ وْ غْلَتْهاَ مَاشِي مْليِحَه ،رَاهْ مَالْغْلَه تْنَعْرَفْ الشْجْرَهْ . 34 ياَ وْلاَدْ الْلفَاعِي! كِيفَاشْ تْقْدْرُوا تَهْدْرُوا عْلَى الصَالْحَاتْ وْنْتُماَ اَشْرَارْ؟ عْلَى خَاطَرْ لِمْعْمَرْبِيه الڤَلْبْ يْهْدْرْ بِيهْ الفُمْ. 35 الاِنْساَنْ الصَالَحْ يْخْرَجْ الصْوَالَحْ لْمْلاَحْ مْنْ كْنْزْ الَصاَلَحْ لِفْي قَلْبَهْ. وْ البْنَادْم ْالشرِيرْ مَالْكْنْزْ الشرِيرْ يْخْرَجْ الشرُ. 36 وْ بْصَحْ نْقوُلْلكُمْ :كُلْ كَلْمَه بَاطْلَة يْهْدْرُوا بيِهاَ النَاسْ غاَدِي يْعْطُوا عْليِهَا حْسَابْ فِي يوُمْ الدِينْ. 37 عْلىَ خاَطَرْ رَاه ْبْكْلَامَكْ غاَدِي يْنْحْكُمْ عْليِكْ اِمَا تَتْبْرَرْ وْلاَّ تُنْداَنْ". ايه يونان 38 وْ فِدِيكْ الْسَاعَهْ جَاوْبَهْ قُومْ مَنْ عُلَمَاءْ الْشَرِيعَهْ وْ رْجَالْ الْدِينْ وْ قاَلوُا : "يَا سِيدِي ،بْغيِنَا أَنْشُوفُوا مْنَكْ مُعْجِزَه". 39 جَاوْبْهُم ْو ڤَاَلَلْهُمْ: " جِيلْ فاَسَقْ وْ شْرِيرْ يْطْلَبْ مُعْجِزَهْ، وْ مَا يْنَعْطَالَهْشْ غيِرْ مُعْجِزَة ْيُوناَنْ النْبيِ . 40 عْلىَ خَاطَرْ كيِماَ كاَنْ يُوناَنْ فِي كَرْشْ الحُوتْ ثَلْتْ أِياَمْ وْ ثْلْتْ لِياَلِي، هَكَا غَادِي يْكُونْ اِبْنْ الِانْساَنْ فِي قْلْبْ لَرْضْ ثْلْتْ أِياَم ْو ثَلْتْ ليِاَلِي. 41 وْ ناَسْ نيِنِيوِى غَادِي يْقوُمُوا فِي يُومْ الدِينْ وْ الْحِساَبْ مْعَ هَاذْ الْجِيلْ وْ غَادِي يَشَهْدُوا عْليِهْ ،عْلَى خاَطَرْ هُمَا تاَبوُا كِنَبَهْهُمْ يوُناَنْ وْ دَرْوَكْ رَاهْ هْناَ وَاحَدْ اَحْسَنْ وْ اَفْضَلْ مَنْ يُوناَنْ ! 42 مَلِكَةْ الْجَنوُبْ التَيْمَنْ غاَدِي تَنْبْعَثْ مْعَ هَادْ الْجِيلْ فِي يُومْ الْحْسَابْ وْ تَشْهَد ْعْلِيهْ، عْلَى خَاطَرْ جَاتْ مَنْ أَرْضْ بْعيِدَهْ بَاشْ تَسْمَع ْحِكْمَةْ سْليِماَنْ، وْ هَاهُوَ دَرْوَكْ هْناَ وَاحَدْ اَحْسَنْ وْ اَفْضَلْ مَنْ سْليِماَنْ! 43 رَاهْ كِيَخْرُجْ الرُوحْ الشْرِيرْ مَالبْناَدَمْ يْرُوحْ فِي بْلاَيْصْ مَا كاَنَشْ فِيهُمْ الْمَاء، وْ يْحَوَسْ. 44 وْ يْقوُلْ:" أَناَ نْوَلِي لْدَارْ لِخْرَجْتْ مَنْهَا. وْ يْوَلِيلِهَا وْ يَلْقاَهَا خَاوْيَهْ وْ مَصْلُوحَه وْ مْصَڤدة. 45 وْ يْرُوحْ وْ يَدِي مْعاَهْ سَبْعَه نْتاَع ْالآرْوَاحْ وْحَدْ خْرِينْ أَشَرْ مَنهَ، وْ كِيَدَخْلُوا يَسَكْنوُا تَمْ ،وْ تْوَلِي حَالَه هَادَاكْ البْناَدَمْ أَشَرْ مَا الْلوَلْ! وْ هَكْذاَ غاَدِي يْصْرَا لْهَادْ الْجِيلْ لِيْديِرْ الْشَرْ حَتَى هُوَ". عمل مشيئة الله 46 وْ كِكاَنْ يَهدرمْعَ الْجْمَاعاَتْ نْتاَعْ الْناَسْ جَاتْ مُه ْوْ خُوتَهْ وْوَقْفُوا بَرَا باَغِينْ يَهَدْرُوا مْعاَه، 47 ڤَالَّه وَاحَدْ مَالْحاَضْرِينْ :"هَيَالَ مُكْ وْ خُوتَكْ وَاقْفِينْ بْرَا وْ باَغِينْ يَهَدْرُوا مْعاَكْ". 48 وْ يْجَاوَبْهُمْ يَسُوع ْوْ يْقُولَلْهُم ْ: "شْكُونْ هِيَ اَمَّا وْ شْكُونْ هُمَا خُوتِي؟". 49 وْ نَعَتْ بْيَدَه ْلْجِهَةْ تْلاَمْذَهْ وْ ڤَاَلْ :"هاَهُمَا اَمَّا وْ خُوتِي. 50 عْلَى خَاطَرْ هَادُو هُماَ لِيْديِرُوا مَشِيئَةْ اَبِي لِيفيِ السْمَاوَاتْ".
1 وْ فِي دَاكْ النْهَارْ خْرَجْ يَسُوعْ مَنْ الدَّارْ وْ جَمَّعْ عَنْدْ البْحَرْ، 2 وْ تْلَايْمُوا عْلِيهْ بَزَّافْ،النَّاسْ ،وْمَنْ كَثْرَةْ الدْمِيرْطْلَعْ لَلْفَلُوكَه وْ جَمَّعْ. فِيهاَ وْوَڤْفُوا ڤَاعْ هَدُوكْ النَاسْ عَنْدْ الشَّطْ. 3 وْهْدَرَلْهُم ْبْزَّافْ بْاِلَمْتُولْ وْ ڤَاَلْ : "وَاحَدْ الرَّاجَلْ خْرَجْ بَاشْ يَزْرَع ْ، 4 وْ كِكَانْ يَزْرَعْ طَاحُولَهْ حَباَتْ فِي الطْرِيڤْ ،وْ جَاوْ الزْوَاوَشْ وْ كْلاَوْهُمْ. 5 وْ طَاحُوا حْبَاتْ وَحْدْ خْرِينْ فْوَحَدْ الْأَرْضْ مْحَفْرَه، مَا فِيهَاشْ تْرَابْ بْزَافْ وْ تَمْ تَمْ نَبْتُوا عَلَى خَاطَرْ التْرَابْ مَاكَانْشْ غَامَقْ. 6 وْ كِشَرْقَتْ الشَمْسْ نْحَرْڤُوا، عْلَى خَاطَرْ مَاكَانَشْ عَنْدَهُمْ الجْذُورْ أَيَّا يَبْسُوا. 7 وْ طَاحُوا حْبَاتْ وَاحَدْ خْرِينْ فْوَسْطْ الشُّوكْ وْ كِكْبَرْ الشُّوكْ جَيَّفْهُمْ . 8 وْ طَاحُوا حْباَتْ وَاحَدْ خْرِينْ فِي أَرْضْ مْليِحَه وْ عْطَاوْ الْغَلَة، كاَيَنْ فِيهُمْ لِعْطَى مِيَهْ وْ كَايَنْ لِعْطَى سَتِينْ وْ كاَيَنْ لِعْطَى تْلاَتِينْ. 9 أَيَّا لِعَنْدَه ْ وَدْنِينْ يَسْمَعْ" 10 وْ ڤَرْبُوا عَنْدَهْ تْلاَمْذَه وْ ڤَالوُلَهْ :" عْلاَ شْ رَاكْ تَهْدَرْ مْعَانَا بْالَمْتُولْ؟". 11 وْ هُوَ يْجَاوَبْهُمْ وْ يْڤُولْ : "عَلَى خَاطَرْ نْتُماَ نَعْطَالْكُمْ بَاشْ تَفَّهْمُوا سْرَارْ مَلَكُوتْ السَّمَاوَاتْ،وْ بْصَّحْ هَادُوكْ مَانَعْطَالْهُمْشْ بَاشْ يَفَهْمُوهُم. 12 عْلَى خَاطَرْ لِعَنْدَهْ غَادِي يْتَعْطَالَهْ وْ يَنْزَادْلَهْ، كْتَرْ وْ لِماَعَنْدَهْشْ حَتَى دَاكْ الشِّي لِعْنْدَهْ غَادِي ينَقْلَعْلَهْ 13 وْ عْلَى هَادَا أَنَا رَانِي نْكَلَمْكُمْ بْالْمْتُولْ، عْلَى خَاطَرْ مَلِي يْشُوفُوا مَا يْشُوفُوشْ، وْ كِيَسَمْعُوا مَايَسَمْعُوشْ. 14 وْ هَكَا تْحَقَّتْ فِيهُمْ الْنًبُوَّه تَاعْ إشْعِيَاءْ: تَسَّمْعُوا لِتَسَّمْعُوهْ وْ مَتَفَّهْمُوشْ، وْ تْشُوفُوا اللِي شَفْتُوا وْ مَايْبَانْ لْكُمْ وَالُوا . 15 عْلَى خَاطَرْ ڤَلْبْ هَادْ الشَّعْبْ قَاسَحْ، وْوَدْنِيهُمْ وْلَّاتْ تْقِيلَهْ بَاشْ تَسْمَعْ. وْغَمْضُوا عَيْنِيهُمْ، بَاشْ مَا يْشُوفُوشْ، وْ مَا يَسْمَعُوشْ بْوَدْنِيهُمْ ،وْ يْفَّهْمُو بْڤْلُوبْهُمْ ، وْ يْوَلُولِي بَاشْ نَشْفِيهُمْ. 16 بَصَحْ سَعْدَاتْ لْعَيْنِيكُمْ عْلَى خَاطَرْ رَاهَا تْشُوفُ، وْ لوَدْنِيكُمْ رَاهَا تَسْمَعْ. 17 وْ نْڤُولَلْكُمْ الْحَقْ:" رَاهْ بْزَّافْ تَاعْ الأَنْبِيَاءْ وْ الصَالْحِينْ تْمَنَاوْ بَاشْ يْشُوفُوا لِرَاكُمْ تْشُوفُوهْ نْتُمَا، وْمَاشَافُوهْشْ وْ يَسَّمْعُوا لِرَاكُمْ تَسَّمْعُوهْ وْ مَاسْمَعُوهْشْ. " 18 أَسَّمْعُوا نْتُمَا مْتَلْ الرَّاجَلْ الِّي يَزْرَعْ: 19 لِيَسْمَعْ الْكْلَامْ تَاعْ مَمْلَكَةْ اللَهْ وْ مَايَفْهَمْشْ، وَ يْجِي الشِّيطَانْ وْ يَخْطَفْ لِنَزْرَعْ فِي قَلْبَهْ .هاَدَا هُوَ المَزْرُوعْ عْلَى الطْرِيقْ. 20 وَ الْمَزْرُوعْ عْلَى الْبْلَايْصْ الْمْحَجْرَهْ هُوَ لِيَسْمَعْ الْكَلْمَهْ، وْ يَقَبَلْهَا بْلْخُفْ بْالْفَرْحَه، 21 وْ بْصَّحْ كَلْمَةْ اللَّهْ مَاعَنْدْهَاشْ أَصْلْ فِي ڤَلْبَهْ، وِيلَا فَاتْ مَالضِّيقْ وَلَّا الأَضْطَاهَادْ عْلَى جَالْ الْكَلْمَهْ يْبَعَّدْ بَلْخَفْ عْلَى الإِيمَانْ . 22 وْ الْمَزْرُوعْ فِي وَسْطْ الشُّوكْ هُوَ لِيَسْمَعْ كْلَامْ، الّلَهْ وْ بَصَّحْ هَمْ الدَّنْيَا وْ مَحَبَّةْ الدْرَاهَمْ يْجَيْفُوا كْلاَمْ اللَّه مَايَلْقَاشْ كِيفَاشْ يَعْطِي الْغَلَة. 23 وْ بَصَّحْ الْمَزْرُوعْ فِي لَرْضْ صَالْحَه وْ مْلِيحَه هُوَ الِّي يَسْمَعْ كْلَامْ اللَّهْ .هُوَ لِيَعْطِي الْغَلَّهْ ،يَعْطِي مِيَّة وْ مَنْبَعْدْ سَتِينْ وْ مَنْبَعْدْ تْلَاِتينْ". مَثَلْ القَمْحْ وَ الْزَّوَانْ 24 وَ عْطَاهُمْ مْثَلْ وَاحْدَاخُرْ وْ ڤَالْ : "يْشَبَّهْ مَلَكُوتْ السَّمَاوَاتْ إنْسَانْ زْرَعْ وَاحَدْ الزَرِّيعَه مْلِيحَه فِي أَرْضَه. 25 وْ كِكَانُوا النَّاسْ رَاڤْدِينْ جَا عْدُوَّهْ زْرَعْلَهْ الزْوَانْ وَسْطْ الڤَمْحْ وْ رَاحْ. 26 وْ كِي نْبَتْ الزْرَعْ وْ خْرَجْ السْبُولْ، بَانْ مْعَاهْ الزْوَانْ حَتَّى هُوَ. 27 وْ جَاوْ الخَدَّامَا تَاعْ مُولْ الدَّارْ وْڤَلُولَهْ: يَا سِيدِي، َمشِّي زْرَعْتْ زْرَعْ مْلِيحْ فِي أَرْضَكْ؟ مْينِنْ جَا الزْوَانْ؟. 28 وْهُوَ يْجَاوَبْهُمْ : رَاهْ كَاشْ عْدُوْ دَارْ هَادْ الشِّي. ڤَالُولَهْ الخَدَّامَا ،إِدَا بْغِيتْ نْرُوحُوا وَ نْلَمُّوه؟ 29 ڤَالْ: أَلَّا! بَاشْ مَايَتَڤْلَعْشْ الْڤَمْحْ مْعَ الزْوَانْ 30 . خَلُّو الْڤَمْحْ يَكْبَرْ مْعَ الزْوَانْ حَتَى يَوْصَلْ وَقْتْ الْحْصَادْ، وْ دِيكْ السَّاعَه نْڤُولْ لَلْحَصَادِينْ:" جَمْعُوا فِي اللَوَلْ الزْوَانْ وْ أَحَزْمُوهْ حْزَامَاتْ بَاشْ يَنْحْرَڤْ، بْصَّحْ الْڤَمْحْ نْلَمُوهْ وْ نَدُّوهْ لْمَخْزَنْ تَاعِي". مَثَلْ حبة الخردل و مثل الخميرة 31 وْ عَاوَدْ ڤَالْهُمْ مْثَلْ وَحَداخُرْ: "مَلَكُوتْ السَّمَاوَاتْ إِشَبَّهْ لْحَبَّةْ الخَرْدَلْ أَدَّاهَا وَاحَدْ الرَّاجَلْ وَ زْرَعْهَا فِي أَرْضَهْ، 32 وْ هِيَ الْحَبَّهْ الصْغِيرَه فِي الزَرٍيعَه. وْ بَصَّحْ كِتَكْبَرْ، تْوَلِي شَجْرَه كْبِيرَه كْبَرْ مَنْ ڤَاعْ الغَرْسْ، حَتَى طْيُورْ السْمَا تْجِي وْ تَتْعَشَّشْ فِيهَا". 33 وْ زَادْ أَعْطَاهُمْ مْثَلْ وَحْدَاخُرْ: "مَلَكُوتْ السْمَا إِشَبَّهْ لَخْمِيرَ دَارَتْهَا مْرَا فِي تَلْثْ كْيَالْ فَرِينَه حَتىَ خَمْرَتْ ڤَاعْ الْعْجِينَه". 34 ڤَاعْ هَذَا الْهَدْرَهْ هْدَرْهَا يَسُوعْ لَلنَاسْ بْالَمْثُولْ، وْ بْلَا الْمْثُولْ مَا كَانْ إِڤُولْهُمْ حَتَى حَاجَهْ، 35 بَاشْ يَتْحَقَقْ الْكْلَامْ اللِي ڤَالَه النْبِي: "بْالَمْثُولْ نَتْكَلَمْ، وَ نْخَبَّرْ بْڤَاعْ لِكَانْ مَدْسُوسْ مَا الْيُومْ لِتْخَلْقَتْ فِيهْ الدَنْيَا". مثل القمح و الزوان 36 دِيِكْ السَّاعَه خَلَّا يَسُوعْ الجُمُوعْ إِرُوحُوا وْجَا لَلْدَّارْ. ڤَدْمُوا عَنْدَهْ تْلَامْذَه وْ ڤَالُوا: "فَسَرَّنَا مْثَلْ الزْوَانْ أَلِّي فْلَرْضْ". 37 وْ جَاوَبْهُمْ وْ ڤَالْ: "لِيَزْرَعْ الزَرِيعَه الْمْلِيحَه هُوَ إِبْنْ الإِنْسَانْ. 38 وْ الْحَقَلْ هُوَ الدْنْيَا. وْ الزَرْعْ الْمْلِيحْ هُوَ بَنُوا مَلَكُوتْ اللَّه. 39 وَ الزْوَانْ هُوَ بْنُوا إِبْلِيسْ. وْ الْحْصَادْ هُوَ آخَرْ الزْمَانْ. وْ الْحَصَّادَه هُمَا الْمْلَايْكَه. 40 كِمَا يَنْجْمَعْ الزْوَانْ وْ يَنْقَاسْ فَاالنَارْ، هَكَا غَادِي يْكُونْ فِي آخَرالزْمَانْ: 41 غَادِي يَبْعَتْ إِبَنْ الإِنْسَانْ الْمْلَايْكَه نْتَاعَهْ وْ يْلَمْ مَنْ الْمَمْلَكَه نْتَاعَهْ ڤَاعْ الْصْوَالَحْ أَلِّي تْعَتَّرْ و ڤَاعْ المَذْنُوبِينْ، 42 وْ يْقِيسْهُمْ فَالنَارْ. وِينْ غَادِي يْكُونْ البْكَا وْ تَغْزَازْ الْسْنَانْ، 43 بَصَّحْ الصَالْحِينْ وْ لِكَانُوا يَطِيعُوا اللَهْ غَادِي يْضَوِي وْ كِي الشَمْسْ فِي مَمْلَكَةْ بُوهُمْ. لِعَنْدَهْ وْدْنِينْ يَسْمَعْ، غِيرْ يَسْمَعْ.امثلة الكنز و اللؤلؤ و الشبكه " 44 وْعَاوَدْ تَانِي يْشَبَّهْ مَلَكُوتْ السَّمَاوَاتْ لْوَاحَدْ الكَنْزْ مَدْفُونْ فِي وَاحَدْ لَرْضْ، لْقَاهْ وَاحَدْ الرَّاجَلْ وْ عَاوَدْ دَفْنَهْ. وْمَالْفَرْحَه رَاحْ بَاعْ ڤَاعْ مَلْكَهْ وْ شْرَا دِيكْ لَرْضْ. 45 وْ يْشَبَهْ تَانِي مَلَكُوتْ السَّمَاوَاتْ لْوَاحَدْ تَاجَرْ كَانْ إِحُوَّسْ عْلَى الْجَوْهَرْ الصَافِي، 46 وْ كِلْقَى الجَوْهَرْ غَالِي بْزَافْ، رَاحْ وْ بَاعْ ڤَاعْ أَلِّي عَنْدَهْ وَ شْرَاهَا. 47 وْ تَانِ يْشَبَهْ مَلَكُوتْ السَمَاوَاتْ ،شَبْكَه قَاسُوهَا الصِيَادَه فِي البْحَرْ، وْ لَمَتْ ڤَاعْ لَنْوَاعْ تَاعْ الحُوتْ. 48 وْ كِتْعَمْرَتْ خَرْجُوهَا الصِيَادَه حْدَى البْحَر، وْ جَّمْعُوا وْ بْدَاوْ يْفَرْزُوا لَمْلِيحْ دَارُوهْ فَالسْلَلْ، وْ لِّمَيَصْلَحْ لْوَالُوا يْقِيسُوهْ. 49 وْ هَكَا غَادِي يْكُونْ فِي آخَرْ الزْمَانْ: "غَادِي يْجُوا الَمْلَايْكَهْ وْ يَعَزْلُوا المُدَنْبِينْ مَنْ بِينْ لْمَتْقِنينْ اللهَ، 50 وْ يْقِيسُوا الْمَدَنْبِينْ فِي النَارْ وِينْ غَادِي يْكُونْ الْبَكَا وْ تَغْزَازْ السْنَانْ". 51 وْ ڤَالْهُمْ يَسُوعْ: "فْهَمْتُوا ڤَاعْ هَادْ الشِّي؟". وْ جَاوْبُوهْ:"واه،يَاسِدِي" 52 وْهُوَ يْڤُولْهُمْ:"عْلَى جَالْ دَاكْ الشِي، كُلْ وَاحَدْ مَنْ عُلَمَاءْ الشَرِيعَه عْرَفْ مَمْلَكَةْ السَمَاوَاتْ إِشَبَهْ لْوَاحَدْ مُولَ دَارْ اللِي خَرَّجْ مَا الْكَنْزْ تَاعَهْ كُلْ حَاجَه قْدِيمَه وْ جْدِيدَه". 53 وْ كِكَمَلْ يَسُوعْ هَادْ الْمْثُولْ رَاحْ مَنْ تَمْ.الناصرة ترفض يسوع 54 وْ كِجَا لَمْدِينْتَهْ كَانْ يْعَلَّمْهُمْ فِي دَارْهُمْ تَاعْ الصْلاَةْ حَتَى نْخَلْعُوا فِيهْ وْ ڤَالُوا: "مِينْ عَنْدَهْ ڤَاعْ هَادْ الْحِكْمَه وْ السُّلْطَانْ؟ 55 مَشِي هُوَ هَذَا وَلْدْ النَجَّارْ،مَشِي امَهْ يْسَمُوهَا مَرْيَمْ وْ خُوتَهْ يَعْقُوبْ وْ يُوسِي وْ سِمْعَانْ وْ يَهُودَا؟ 56 وْ مَشِي خُوَاتَاتَهْ ڤَاعْ هُمَا مَنْ عَنَدْنَا؟ آيَّا مِينْ جَاهْ ڤَاعْ هَادْ الشِي؟". 57 مَا عْجَبْهُمْشْ الْحَالْ. وْ بَصَحْ يَسُوعْ ڤَالْهُمْ :"النْبِي هُوَ بْلُا كَرَامَه غِيرْ فِي بْلَادَهْ وْ فِي وَسْطْ عِيلْتَهْ". 58 وْ مَادَارْشْ فْدِيكْ البْلَاصَه بَزَافْ المُعْجِزَاتْ عْلَى خَاطَرْ مَا كَانَشْ عَنَدْهُمْ إِيمَانْ .
1 الْمُوتْ نْتَاعْ يُوحَنَّا مَالمُوت! عْلَى جَالْ دَاكْ الْشِّي الْمَعْمَدَانْ وْ فْدَاكْ الْوَقْتْ سْمَعْ هِيرُودُسْ الْحَاكَمْ بَخْبَارْ يَسُوعْ، 2 وْ هُوَ يْڤُولْ لْخَدَّامَة نْتَاعَه: "هَذَا هُوَ يُوحَنَّا الْمَعْمَدَان لِقَامْ الْمُعْجِزَات انْدَارُوا عْلَى يَدِّيهْ". 3 وْهِيرُودُسْ ڤْبَضْ يُوحَنَّا وْ كَتْفَهْ وْ دَخْلَهْ لَلْحَبْسْ عْلَى جَالْ هِيرُودْيَا مَرْتْ خُوهْ فِيلِبُسْ ، 4 عْلَى خَاطَرْ يُوحَنَّا كَانْ إِيڤُولَّه:"مَشِّي حْلَالْ عْلِيكْ بَاشْ تَتْزَوَّجْهَا". 5 وْ كَانْ بَاغِي يُكَّتْلَهْ وْ بَصَّحْ خَافْ مَالْشَّعْب ،عْلَى خَاطَرْ كَانُوا يْأَمْنُوا بِيهْ بَلِّي هُوَ الْنْبِي . 6 وْ فْحَفْلَة عِيد الْمِيلَادْ نْتَاعْ هِيرُودُسْ ، رَڤْصَتْ بَنْتْ هِيرُودْيَا فَالْحَفْلَة وْ عَجْبَتْ هِيرُودُسْ . 7 وْ مَنْ تَمَّا حْلَفْ بَاشْ يَعْطِيهَا ڤَاعْ الْلِّي تُطُلْبَهْ. 8 وْ كِيمَا وَصَّاتْهَا أَمْهَا شَاتدِيرْ ڤَالَتْ لْهِيرُودُسْ : " جِيبْلِي دَرْوَكْ رَاسْ يُوحَنَّا الْمَعْمَدَانْ فِي طَبْسِي". 9 انْتْغَمْ الْمَلِكْ. بَصَّحْ عْلَى جَالْ الْحَلْفْ الْلِّي حَلْفَهْ وَ الْنَّاسْ الْلِّي كَانُوا حَاضْرِينْ أْمَرْ بَاشْ يَنْتْمَدَّلْهَا الْشِّي الْلِّي طُلْبَاتَهْ. 10 وَرْسَلْ الْلِّي يَڤْطَعْ رَاسْ يُوحَنَّا فَالْحَبْسْ. 11 وْ جَابُوهْ فَوَحْدْ الْطَّبْسِي وَ عْطَاوَهْ لْبَنْتْ هِيرُودُسْ، دَاتَهْ لَمْهَا. 12 وْ جَاوْ تَلَامِيذْ يُوحَنَّا وْ دَاوْ الْجَتَّة انْتَاعَهْ وْ دَفْنُوهَا. وْمَنْبْعْدْ مْشَاوْ وْخَبْرُوا يَسُوعْ. يسوع يوكل خمسلاف واحد 13 وكِي سْمَعْ يَسُوع رَاحْ مَنْ تَمْ فِي وَحْدْ لَفْلُوكَة لْوَاحَدْ الْمُوضَعْ خَاوِي. و كِعَرْفُوا جْمَاعَاتْ الْنَّاسْ وِينْ رَاهْ رَايَحْ تَبْعُوهْ مَلْ الْمْدُنْ عْلَى كَرْعِيهُمْ. 14 و كِينْزَلْ يَسُوعْ مَنْ الْفْلُوكَة شَافْ جْمَاعَة كْبِيرَة تَاعْ الْنَّاسْ وْ حَنْ عْلِيهُمْ وَشْفَى الْمَرْضَى نْتَعْهُمْ 15 وْكِي جَاتْ لَعْشِيَة ڤَرْبُوا عَنْدَه تْلَامْدَه وْ ڤَالُولَه: " رَاهْ رَاحْ الْحَالْ وَحْنَا مَازَلْنَا فِي هَاد لَخْلَا . ڤُولْ لَجْمَاعَاتْ الْنَّاسْ إِيرُوحُوا لَدْوَاوِيرْ وْ يَشْرُوا لَرْوَاحْهُمْ شَا يَاكْلُوا". 16 بَصَّحْ يَسُوعْ ڤَالْهُمْ : " مَكَانْلَّهْ غِيررُوحُوا. أَعْطُوهُمْ أَنْتُومَا شَا يَاكْلُوا". 17 وْ ڤَالُولَه : "عَنْدْنَا هْنَا غِيرْ خَمْسْ خُبْزَاتْ وْ زُوجْ حُوتَاتْ". 18 وْ ڤَالْهُمْ: " جِيبُوهُمْ لِي هْنَا". 19 وْ أْمَرْ جْمَاعَتْ نْتَاعْ الْنَّاسْ بَاشْ يْجَمْعُوا عْلَى لَحْشِيشْ. وَأَدَّى هَدُوكْ لْخَمْس خُبْزَات و زُوجْ حُوتَأتْ، وْ طَلَّعْ عَيْنِيه لَسْمَا وَ شْكَرْ الْلَّه وْ كِي ڤَسَّمْ الْخُبْز أَعْطَى لَتَّلَامِيذْ، وَ الْتَّلَامِيذْ أَعْطَاو لَلْجُومُوعْ. 20 وَ كْلَاوْ ڤَاعْ حَتَّى شَبْعُوا. وْ مَنْ بَعْدْ لَمُّوا طْنَاعَشْ ڤُفَّة مْعَمْرَة بَالْطْرُوفَة الْخُبْزْ الِّي بْقَاوْ. 21 وْ كَانُوا هَدُوكْ الِّي كْلَاوْ خَمْسَالَافْ وَاحَد، مَنْ غِيرْ الْنْسَا وْ لَوْلَاد. معجزة المشي على الماء 22 وَأْمَرْ يَسُوعْ تَلَامِيذَه بَاشْ يَكَّتْبُوا فَالْفْلُوكَة وْ يَسَّبْڤُوه لَلْجِيهَة الُّخْرَى بِيلَامَا مَا يْرَوَّحْ الْجْمَاعَاتْ تَاعْ الْنَّاس. 23 وْ كِيرْسَلْهُمْ طْلَعْ لَجْبَلْ وَحْدَه بَاشْ يْصَلِّي .وَ ڤْعَدْ تَمَّا وَحْدَه حَتَّى لَعْشِيَة . 24 وَ الْفْلُوكَة تَاع الْتَّلَامِيذ بَعْدَتْ بَزَّافْ فْوَسْط لَبْحَر غَلْبُوهَا لَمْوَاجْ .عْلى خَاطَرْ كَانَت الْرِّيح مْعَاكْسَة. 25 وْ فَالْفَجْر جَا يَسُوع عَنْد الْتَّلَامِيذ وْ هُوَ يَمْشِي فُوڤ الْمَاء. 26 تْخَلْعُوا وْ ڤَالُوا: " هُو خْيَال". وْ مَالْخَوْف بْدَاو ازَڤُّوا ! 27 وْ تَمْتَمْ هْدَرْ مْعَاهُمْ يَسُوعْ وْ ڤَالْهُمْ : " اتْشَجْعُوا! أَنَا هُوَ . مَاتْخَفُوش". 28 جَاوْبَه بُطْرُس وْ ڤَالْ: " يَاسِيدِي، إِلَا أَنْتَ هُوَ، بَصَّحْ آمَرْنِي بَاشْ نْجِي عَنْدَكْ نَتْمَشَّى فُوڤْ الْمَاء". 29 وْ ڤَالَّه يَسُوع :" أَرْوَاح". وَنْزَلْ بُطْرُسْ مَالْفْلُوكَة وَتْمَشَّى عْلَى الْمَاء لْجِيهَة يَسُوع. 30 و بَصَّحْ كِي شَافْ الْرِّيحْ قْوِيَّة خَافْ وَتَخْلَعْ. و بْدَا يَغْرَقْ، و يْزَڤِّي وَ يْڤُولْ : " يَارَبْ سَلَّكْنِي !" 31 تَمْتَمْ مَدْ يَسُوعْ يَدَّه و شَدَّه و ڤَالَّه :" يَاقْلِيلْ الْإِيمَانْ عْلَاشْ شَكِّيتْ؟". 32 و كِي دَخْلُوا لَفْلُوكَة تْهَدْنَتْ الْرِّيح . 33 وْ هَدُوكْ لِي كَانُوا فَالْفْلُوكَة جَاوْ سَجْدُولَهْ وْ ڤَالُوا:"حَقِيقَة أَنْتَ ابْنَ الْلَّه. !" 34 وْ ڤَطْعُوا لَلْجِيهَة لُخْرَى مَالْبْحَر و جَاوْ لَبْلَاد جَنِّيسَارتَ، 35 عَرْفُوه رْجَالْ دِيكْ لَبْلَادْ. شَيْعُوا خَبْرَه فِي ڤَاعْ هَادُوكْ الجْوَايَه وْ جَابُولَهْ ڤَاع هَادُوكْ الْمَرْضَى نْتَاعْهُم، 36 و طَلْبُوه بَاشْ إِمَسُّوا غِيرْ طَرْفْ مَنْ لَبْسَتَّه. و ڤَاعْ أَلِّي تَلَمْسُوه بْرَاوْ.
1 و مَبْعْدْ جاوْ عَنْد يسوع فرِسيِن و عُلما الشريعة مَنْ أُرشَلِيمْ ﭭالوُلهْ : 2 "عْلاَشْ تْلاَمْذَك يَتْعَدَّاوْ عْلَى العَادة تَاعْ الشْيُوخْ ، عْلىَ خَاطَرْ مَايَغَسْلُوشْ يَدِّيهُمْ قْبَل مَا يَاكْلُوا؟". 3 بَصّحْ هُوَ جَاوَبْهُمْ وْ ﭭالْ : " وْنْتُمَا تَاِني، عْلاَشْ تَتْعَدّاوْ وْصِيَّةْ الّله بَاشْ تبْعُوا العَادَة نْتَاعْكُمْ؟" 4 و اللّيِ يْعَايَرْ بُوه وْ لاَ مَّهْ خَاصّهْ يْمُوتْ. 5 بَصَّحْ نْتُمَا تڤُولوا: اللّي ﭭَال لْبُوهْ وَ لاّ لَمُّهْ : هَادَاك الشِّي اللّي نْعَاوَنْكُمْ بِيهْ عْطِيتُوا هدِّية لِله . مَارَاهْشْ يَتْهَلّى فِي بُوه وْ مَّهْ . 6 وْهَكَّا بَطَّلْتُوا وْصِّيّةْ اللّه بَاشْ تَبْعُوا العَادَة نتَاعْكُمْ! 7 يَا مُنَافقين! أشعِياءْ كَانْ عَنْدهْ الحقْ مِينْ تْنَبَّأْ عْلِيكُمْ وْ ﭭَالْ : 8 "هَادْ الشعب يْقرّب لّيِ غِيرْ بْفمّهْ، بصَّحْ ﭭَلْبَهْ بْعِيدْ عْلِي. 9 وْ فِي بَاطَلْ هُمَا يَعْبْدُونِي وْ يْعَلْمُوا تَعالِيمْ هِيَ غِيرْ وْصِيّاتْ تَاع النَّاس". 10 وْعَيّطْ للنَّاس بَاشْ إيجُوا و ﭭَالْهُمْ : " آسَمْعُوا 11 وْ فَهْمُوا. مَاشِ لِيَذْخُلْ مَنْ فُمْ البْنَادَمْ، لِيَنْجَسَهْ بَصَّحْ لِيُخْرَجْ مَنْ فَمَهْ لِيْنَجَسَهْ". 12 وْ مَمْبَعْدْ جَاوْ عَنْدَهْ التَّلآمَدْ وْ ﭭَالُولَهْ : " عْرَفْتْ بَلِي الفَرِسِينْ زَعْفُوا كِسَمْعُوا هَدْرتكْ؟". 13 وْجَاوْبْهُمْ و ﭭَالْ : " كُلّْ غَرْسْ مَاغَرْسَهْشْ بُويَا السَّمَاوِي يَنْڨْلَعْ. 14 خَلُّوهُمْ. هَادُوا رَاهُمْ عُمْيِين إﭭُعْدُوا عُمْيِينْ. وْبْزُوجْهُمْ غَادِي يْطِيحُوا فِي الحُفْرَة". 15 وْ ﭭَالَهْ بُطْرُس :"فَسَّرَلْنَا هَادْ لَمْثَلْ". 16 وﭭَالْ يَسُوعْ : "حَتَّى نْتُمَا مَازَالْ مَافْهَمْتُوشْ ؟ 17 مَاتَعَرْفُوشْ بَلِّي ﭭَاعْ لِيَذْخُلْ لْفَمْ لْبْنَادَمْ إرُوحْ لْكَرْشَه وْمَمْبَعْدْ يَخْرُجْ لْبَّرَا؟ 18 وْ بَصَّحْ لِيَخْرُجْ مَنْ فُمْ البْنَادَمْ يَخْرُجْ مَا الڤَلْبْ، وْ هُوَ لِيْنَجَسْ البْنَادمْ، 19 عْلَى خَاطَرْمَا الڨَلْبْ تَخْرُجْ الأفْكَارْ الشَريرَة :الَقْتِيلَة, الزِنَّى, فُسْقْ, الخِيَانَة,وْ شَهَادَةْ الزُورْ, التَجْدِيفْ. 20 وْ هَادَا هُوَّ لِيْنَجَسْ البْنَادَمْ. مَاشِ المَاكْلَة بِيَدِّينْ مَاشِي مَغْسُولِينْ لِيَنْجْسُوا البْنَادَمْ". إِيمَان المرأَة الكَنْعَانِيَة 21 وْ خْرَجْ يَسُوعْ مَنْ تَمَّ وْ رَاحْ لَجْوَايَهْ صُورْ صَيْدَا. 22 وَاحْدْ المْرآ كَنْعَّانِيَة خَرْجتْ مَنْ هَادُوكْ الجْوَايَهْ وْزَڨَتْ وْ ﭭَالَتْ : "رْحَمْنِي، يَاسَيِدِي، يَا بَنْ دَاوَدْ! بَنْتِي رَاهْ سَاكَنْهَا جَنْ و رَاهْ مْعَدَّبهَا بَزَّافْ". 23 وْ بَصَّحْ هُوَ مَاجَاوَبْهَاشْ حَتَّى بَكَلْمَة. ڨَدْ مُوَهالَهْ تَلآمْذهْ وْ طَلْبُوهْ : "خَلِيهَا تْرُوحْ ،على خَاطَرْ رَاهْ تَبَّعْ فِينَا وْتْزَڨِ!" 24 وْجَاوْبَهُمْ يَسُوعْ وْ ڨَالْ : "أنَا مَا تَرْسَلْتْشْ غِير لَلْخَرْفَانْ الَمْوَدْرة تَاع بِيتْ إسْرَائِيل". 25 جَاتْ وْ سَجْدَتْلَهْ وْڨَاتْلَهْ: " يَا سِيدِي، عَاوَنِي !" 26 وْجَاوَبْهَا وْ ڨَال: " مَاشِي مْلِيحْ يَتَرْفَدْ خُبْز الوْلادْ وَ يَتَرْمَى لَلْكلاَبْ". 27 وْ ڨَاتْلَهْ الَمْراة: " وَاه، يَا سِيدِي ! بَصَّحْ حَتّى الكْلاَبْ يَاكْلُوا مَالْفْتَاتْ الِلّي يْطِيحْ مَالْمَايْدَة تَاعْ مَالِيهَا!". 28 وْ جَاوْبْهَا يَسُوعْ وْ ڨَالْ : "إيمَانَكْ كْبِيرْ! غَاذِي إيكُونْ لَكْ هَاذَاكْ الشِّي اللِّي بْغِيتِيهْ". وْ بْرَاتْ بَنْتْهَا تَمْ تَمْ.إِشْبَاع الأَرْبَعة الآلَاف رَجل 29 وْ مَمْبَعْدْ رَاحْ يسوع منْ تَمْ لَحْدَى البْحَرْ تَاعْ الجَلِيلْ، وْ طْلَعْ وَ ﭭْﻌَدْ تّمَّ. 30 وْجَاوْ لْعَنْدَه جْمَاعاتْ، مْعَاهُم قَجْعِينْ وْ عُمْيينْ وْ طُرْشِينْ وْ مَشْلولين وْ نَاسْ وَحْدُخْرِينْ بَزاّفْ، وْ حَطُّوهُمْ عَنْدْ رَجْلِيهْ. وْبَرَّاهُمْ 31 حَتَّى تْعَجْبُوا الجْمَاعَات كِشَافُوا الْبْكَاكِيشْ يَهَدْرُوا، و الْمَشْلُولِين بْرَاوْ، و الْقَجْعِينْ يَتْمَشَاوْ، وَ الْعُمْيِينْ يْشُوفُوا. وْ مَجْدُوا إلاَهْ إسْرَائِيل. 32 وْ بَصَّحْ يَسُوعْ عَيَّطْ لَتَلَاْمْذَهْ وْ ﭭََالْ : "شَفُّونِي هَادْ اَلْنَّاس، عَلى خَاطَر هَادِي ثَلْتْ يَّامْ وْهُمَا مْعَايَ وْ مَاعَنْدْهُمْشْ شَايَكْلُوا. وْ مَا بْغِيتْشْ إِرُوحُوُا صَايْمِينْ بَاشْ مَايَسَخْفُوشْ فالطْرِيقْ. 33 " ﭭَالُولَهْ تْلَامْذَهْ : " مِينْ غَاذِي نْجِيبُوا فِي هَادْ اَلْخَلاَ اَلْخُبْزْ، لِيَشَبَعْ جْمَاعَة كْبِيرَة كِمَا هَادِي؟". 34 وْﭭَالْهُمْ يَسُوع :"شْحَالْ عَنْدْكُمْ مَا لْخُبْزْ؟". ﭭَالُوا:" سَبْعَة و شْوِيَّ حُوتَاتْ صْغَارْ". 35 أْمَرْ اَلْنَّاسْ بَاشْ إِجَمْعُوا عَلَى اَلْأَرْض، 36 وَ دَّى اَلْسَبْعْ خُبْزَاتْ وْ اَلْحُوتْ، وْ شَكَرْ رَّبِي وْ ﭭَطَعْهُمْ وْعْطَى لَتلَامَذْ، واَلْتَلَامْذْ عْطَوْ لَجْمَاعَاتْ تَاعْ الْنَّاسْ. 37 وْ كْلاَوْ ﭭَاَعْ حَتَى شَبْعُوا. وْ دَّاوْ سَبْعْ ﭭُفَّاتْ مَعَمْرِينْ مَا اَلْخُبْزْ لِيبْقَى، 38 وْ كَانُوا اَلْنَّاسْ لِكْلاَوْ رَبْعَا لاَفْ رَاجَلْ مَنْ غِيرْ اَلْنْسَا وْ اللوْلاَدْ . 39 وْ كِرَوَّحْ يَسُوعْ اَلْنَّاسْ رْكَبْ فَالْفْلُوكَة وْ جَا لَجْوَايَهْ بَلاَدْ مَجْدالْ.
1 وْ جَا عَنْدَه اَلْفَرِسِّيُونْ وْ اَلْصَدُقِيُونْ بَاشْ يْجَرْبُوه، وْ طلبُو مَنَّهْ مُعْجِزَة مَالسْمَا. 2 بَصَّحْ هُوَ جَاوَبْهُمْ وْ ﭭَالْ : "كِتَغْرَبْ اَلْشَمْس تْڨُولُوا: اَلْحَالْ غَاذِي يْكُونْ صَافِي عْلَى خَاطَرْاَلْسْمَا حَمْرَا. 3 وْ فِي اَلْصَبَاحْ بَكْرِي تْڨُولُوا: اَليُوم غَاذِي يْكُونْ اَلْشْتَا عْلَى خَاطَرْ اَلْسْمَا حَمْرَا و مْضَّبَبة. يامُرَاؤُونْ! تْعَرْفُوا تَمَيْزُوا وَجْهْ اَلْسْمَا، وْ بَصَّحْ عَلاَمَاتْ الْزَّمَانْ مَاتَقْدْرُوشْ تْفَسْرُوهَا! 4 جِيلْ قْبِيحْ وْ فَاسَدْ اَلِّلِي يطلب معجِزه، وْ مَا تَنعْطَالَهْشْ غِيرْ معجِزة يُونَانْ اَلْنَّبِي" . و مَمْبْعَدْ رَاحْ وْخلاهُمْ. خمير الفرسيين 5 وْ كِجاوْ تَلاَمْذه لَجِهَة لُخْرَا مَنْ لَبْحَر نْسَاوْ بَاشْ يَدُّوا مْعَاهُمْ اَلْخُبْزْ. 6 وْ ﭭَالْهُمْ يَسُوعْ :" مَيِّزُوا، و أحَرْزُوا مَنْ خَمِيرْ اَلْفَرِسِيينْ و اَلْصدِّقِين". 7 خَمُّوا فِي نَفْسْهُمْ وْ ﭭَالُوا: " مَاجَبْنَاشْ مَعَانَا اَلْخُبْزُ". 8 عْرَفْ يَسُوعْ وْ ﭭَالْهُمْ: "عْلاَشْ رَاكُمْ تْخَمْمُوا فِي رْوَاحْكُمْ يَا قْلِيلي اَلْإيمَانْ مَاشِي مَاجَبْتُوشْ مْعَاكُمْ اَلْخُبْزْ؟ 9 حَتَّى لْدَرْوَكْ مَاتَفَهْمُوشْ؟ وْ مَا تَعَقْلُوشْ اَلْخَمْسْ خُبْزَاتْ وَ اَلْخَمْسَتَلاَفْ وْ شَحَالْ مَنْ ڤُفَّة دِّيتُوا مَا اَلْلِّي بْقَى؟ 10 وْ لاَّ سَبْعْ خُبْزَاتْ اَلْلأربَعْتَلاَفْ وْ شَحَالْ مَنْ ﭭُفَّة دِّيتُوا ؟ 11 كِيفَاشْ مَا تَفَهْمُوشْ بَلِّي مَا كُنْتْشْ نْڨُولْكُمْ عَلَى اَلْخُبْزْ بَصَّحْ بَاشْ تَحَرْزُوا مَنْ خَمِيرْ اَلْفَرِسِيينْ و اَلْصَّدُوقِينْ؟". 12 و فِي دَاك اَلْوَقْت عَادْ بَاشْ فَهْمُوا بَلِّي مَاكَانْشْ يَهْدَرْ عْلَى خْمِيراَلْخُبْزْ، بَصَّحْ بَاشْ يَحَرْزُوا مَنْ تَعْلِيمْ اَلْفَرِسِيين و اَلْصَدّوقين. إعْتِرَافْ بُطْرُسْ بِاَلْمَسِيحْ 13 وْ كِجَا يَسُوع لَجْوَايَهْ قَيْصَرِيَة فِلِبُسْ سَقْسَ تْلاَمْدْ وْ ڨَالْ: " شَا إِقُولُوا عْلِّيَّ اَلْنَّاسْ أَنَا إبْن اَلْإنْسَانْ؟" 14 ڨَالُوا : "قَوْم إِقُول: يُوحَنَّا اَلْمَعْمَدَانْ، وْ وَحْدُ خْرِينْ إِڤُولُوا: اَلْنَّبِي إِليَّا وْ وَحْدُخْرِينْ: تَان إِيڨُولُوا أَرْمِيَا وْ لاَ وَاحَدْ مَا اَلْأنبِيَّاء". 15 وڨَالْهُمْ: "وْ نْتُمَا ،شْكُونْ أَنَا بِالنِسْبَة لِيكُمْ؟". 16 وجَاوَبْ سَمْعان بُطْرُسْ وْڨَالْ :"أَنْتَ هُوَ اَلْمَسِيحْ إِبْن اللَّه اَلْحَيّْ!". 17 و جَاوْبَهْ يَسُوعْ :" سَعْدَاتَكْ يَا سَمْعَان بَنْ يُونَا ، لَى خَاطَرْ مَاشِي اَلْبَنادَمْ لِوَرَّاكْ هَادْ اَلْحَقْ، بَصَّحْ بُويَا لِيفْسَمَّاوَات لِأَعْلَنْ لَكْ هَادْ اَلْحَقْ. 18 و أَنَا نْڨُولَكْ تَانِي:"أَنْتَ بُطْرُسْ، وْ عْلَى هَادْ اَلْصَخْرَة غَاذِي نَبْنِي كَنِيسْتِي، وْ قُوَّة اَلْمَوْتْ مَا غَاذِيشْ تَقْدَرْ عْلِيَهَا 19 وْ نَعَطِيكْ مْفَاتِيحْ مَلَكُوتْ اَلْسَمَاوَاتْ، وْ ڨَاعْ لِتَرْبْطَه فِي اَلْأَرْضْ غَاذِي يْكُونْ مَرْبُوطْ فِي اَلْسّْمَا. وْ ڨَاعْ لِتْحَلُ فِي اَلْأَرْضْ غَادِي يَنْتْحَلْ فِي اَلْسْمَا". 20 وْ مَمْبَعْدْ وَصَّى تْلاَمْذَه بَاه : مَا يْڨُولُوا حَتَّى لْوَاحَدْ بَلِّي هُوَ اَلْمَسِيح. يسوع ينبئ بموته و قيامته 21 وْ مَنْ دَاك اَلْوَقْتْ بْدا يَسُوعْ إبْيَّنْ لَتَلامْذة بَّلِي خَصَّهْ إِرُوحْ لْأُرْشَلِيمْ وْ يَتْعَذَّبْ بَزَّافْ مَنْ اَلْشُيُوخْ وْرُؤسَاء رْجَالْ الدِّينْ و عُلماَ اَلْشَرِيعَة، وْ خَصَّه يَتَقْتَلْ، وْ فِي اَلْيُومْ اَلْثَالِثْ يْقُومْ مَنْ اَلْمُوتْ. 22 وأدَّاه بُطْرُسْ عْلَى جَنْبْ وْ بْدَا يَنْتَهْرَه و يْڨُولَهْ :"حَاشَا يَا سِيدِي! بَاشْ يَصْرَلَكْ هَادْ اَلْشِي!". 23 دَار وْ ڨَالْ لِبُطْرُسْ :" بَعَّدْ عْلِيَّ يَا شَيْطَانْ! أَنْتَا سَبَّتْ عَثْرَة لِيَّ ،عْلىَ خَاطَرْ تْخَمَّمْ فِي أُمُورْ اَلْنَّاسْ مَاشِي فِي أُمُورْ اَلْلَّه". 24 وْ تَّمَ ڨَالْ يَسُوعْ لَتْلاَمْذَه :" إِذَا بْغَى وَاحَدْ يْتَبَعْنِي يُنْكَرْ نَفْسَهْ وْ يَحْمَلْ صَلِيبَهْ وْيْتَبَّعْنِي، 25 عْلَى خَاطَرْ لِبْغَى يْسَلَّكْ حْيَاتَهْ غَاذِي يْضَيْعْهَا، بَصَّحْ لِيْضَيِّعْ حْيَاتَهْ عْلىَ جَالِي غَاذِي يَلْقَاهَا. 26 وَاشْ مَانْفَعْ عَنْدَهْ اَلْبَنَادَمْ إِذَا رْبَحْ اَلْدُّنْيَا ڨَاعْ وْ ضَيَّعْ حْيَاتَهْ؟ شا غَاذِّي يَعْطِي اَلْبْنَادَمْ فِدَاءْ لِنَفَسَهْ؟ 27 رَاهْ غَاذِي يْجِي إِبْن اَلْإنْسَانْ مْعَ اَلْمَلاَيْكَة، نْتَاعَهْ فِي مَجْدْ بُوهْ وْ غَاذِّي يْجَازِي كُلّْ وَاحَدْ عْلَى حْسَابْ اَلْأَعْمَالْ نْتَاعَهْ. 28 وْنْڨُولْكُمْ :اَلْحَق رَاه كَايَنْ فِي اَلْحَاضْرِينْ هْنَا لِمَا غَادِيشْ إيمُوتُوا حَتَّى يْشُوفُوا إِبْن اَلْإِنْسَان جَايْ فِمَمْلَكْتَهْ".
1 وْمَمْبَعْدْ سَتْ يَّام دَّا يَسُوعْ بُطْرُسْ وَ يَعْقُوبْ وْيُوحَنَّا خُوهْ وْ طْلَعْ بِيهُم لْوَاحَدْ جْبَلْ عَالِ غِير بْوَحَدْهُمْ. 2 وْ تْبَدَّل اَلْشَكْلْ نْتَاعَه ڨُدأمْهُمْ، وْ وَجْهَهْ بَدَا يْضَوِّي كِالْشَمْسْ، وْ وَلاَّتْ لَبْسَتَهْ بَيْضَا كِاَلْنُّورْ 3 وْ تَمّْ بَانَلْهُمْ مُوسَى إلِيَّا يَهَدْرُوا مْعَاهْ. 4 وْ ڨاَلْ بُطْرُسْ لِيَسُوعْ :"شْحَالْ غَايَا نْكُونُوا هْنَا يَا سِيدِي، إِذَا بْغِيتْ نَصَنْعُوا تَلْتْ خَيْمَاتْ: وَحْدَة لِيكْ، و لْمُوسَى وَاحْدَة، و لِإلِيَّا وَاحْدْ خْرَى" 5 وْ فِي اَلْوَقْتْ لِكَانْ يَهْدَرْ فِيه ضَلَّلَتْ عْلِيهُمْ، وَاحَدْ اَلْسْحَابَة مْضَوْيَّة وَتَكَلَّمْ صُوتْ مَنْ اَلْسْحَابَة وْ ڨَالْ:" :"هَادَا هُوَ وَلْدِي اَلْعَزِيزْ اَلْلِي بِيهْ أَنَّا فْرَّحْتْ بَّزَافْ. سَمْعُوا لِيهْ" . 6 وْ كِسَمْعُوا اَلْتْلاَمَذْ هَادْ اَلْشِي طَاحُوا عْلَى وْجُوُهُمْ وْ خَافُوا بَزّاف. 7 جَا يَسُوعْ وْ مَّسْهُمْ وْڨَالْهُمْ :" نُوضُوا، مَا تْخَافُوشْ". 8 وْ طَلْعُوا عَيْنِيهُمْ وْ شَافُوا غِيرْ يَسُوعْ وَحْدَهْ. 9 وْ كِهَوْدُوا مَالَجْبَلْ وَصَّاهُمْ يَسُوعْ وْ ڨالْ:" مَا تْڨُولُوا حْتَى لْوَاحَدْ وَاشْ شَفْتُوا حْتَّى يْقُومْ إِبْنْ اَلْإِنْسَانْ مَالْمُوتْ". 10 وْ سَقْسَاوَهْ تْلاَمْذَه وْڨَالُولَهْ: "أَيَّ عْلأَشْ عُلَمَاءْ اَلْشَرِيعَة: يْڨُولُوا إِلِيقْ إِلِيَّ اجِي هُوَ اَلْلَّوَّلْ؟" 11 جاوْبهمْ يَسُوعْ وْ ڤَالْهُم ׃" إِلِيَّا يْجِي هُوَ اَلْلَوَّلْ و يْصَلَّح كُل شي. 12 وْ بَصَّحْ نْڤُولْكُمْ: إِلِيَّا جَا وْمَاعَرْفُوهْشْ، بَصّحْ دَاروْ بِيَا ڤَاعْ وَاشْ بْغَاوْ. وْ هَاكَا تَانِ إِبنْ اَلْإِنْسَانْ هُوَغَاذِي يَتْعَذّْبْ عْلَى يَدْهُمْ". 13 وْ فْدَاكْ اَلْوَقْتْ فْهَمُوا اَلْتَلأَمَذْ بَلِي كَان يَهدَرْ لْهُمْ عَلَى يُوحَنَّا اَلْمَعْمَدَانْ. شفاء غلام به شيطان 14 كِوَصْلُوأ عَنْدْ اَلْجَمعْ، ڤَدَمْ عَنْدَه وَاحْدْ اَلْرَاجَلْ وْ سْجَدْ لَهْ 15 وْڤَالْ : " يَاسِيدي، إرْحَمْ وَلْدِي عْلَى خَاطَرْ رَاهْ يَتْعَّدَبْ بَزَافْ، وْشْحَالْ مَنْ خَطْرَة يْطِيحْ فَاَلْنَّارْ وْ فَلْمَاء. 16 وْ جَبْتَهْ لَتْلاَمْذَكْ بَصَّحْ مَانَجْمُوشْ يْبَرُّوهْ". 17 جَاوْبْهُمْ يَسُوعْ وڤَالْ: "يَاهَادْ اَلْجِيلْ لِمَا عَنْدَهْشْ إِيمَانْ، حَتَىّ لْوِينْتَى غَاذِي نَتْحَمَّلْكُمْ ؟ ڤَدْمُوهْلِي هْنَّا !". 18 انتهْرَهْ يَسُوعْ، وْ خْرَجْ مَنَّهْ اَلْشَيْطَانْ. وْبْرَى اَلْوَلْدْ فِي دِيكْ اَلْسَاعَه 19 وْمَمْبَعْدْ ڤَدْمُوا اَلْتَلاَمَذْ عَنْدْ يَسُوعْ وْسَقْسَاوَهْ غِيرْ بِينْهُمْ وْ بِينَهْ وْ ڤَالُوا : " عْلاَشْ حْنَا مَانَجَمْنَاشْ نْحَرْجُوا اَلْرُوحْ اَلْشَرِيرَة ؟". 20 وْ ڤَالَلْهُمْ :" بَسْبَابْ قَلَة إيمَانْكُمْ. وْ نْڤُولْكُمْ اَلْحَقْ: إِلاَ كَانْ عَنْدَكُمْ إِيمَانْ قَدْ حَبَّة اَلْخَرْذَلْ ، غَاذِي نْڤُولْ لْهَادْ اَلْجْبَلْ: تْحَوَلْ مَنْ هْنَا رُوحْ لْهِيهْ غَاذِي يَتْحَوَلْ وْ مَاكَانْ حْتَى حَاجَة مُحَالْ عْلِيكُمْ. 21 وْ بَصَّحْ هَاذْ اَلْنَّوْعْ مَالَرْوَاحْ مَا يَخْرُجْشْ غِيرْ بِاَلْصَلاَة وَ اَلْصُوْمْ" 22 وْ كِكَانُوا مُجْتَمْعِينْ فِي اَلْجَلِيلْ ڤَالْهُمْ يَسُوعْ :" إِبْنْ اَلْإِنْسَانْ غَاذِي يَتْسَلَّمْ لْيَدِّينْ اَلْنّاسْ 23 وْ غَادِي يَكْتْلُوهْ، وَ فِي اَلْنَّهَارْ اَلْثَالث غَاذِي يْنُوضْ". وْ حَزْنُوا اَلْتلاَمَذْ بَزَّافْ. ضَريبةِ اَلْهَيْكَلْ 24 وْ كِوَّلاَيَسُوع وْتْلاَمَذْ هْ لْكَفْرْ نَاحُومْ جَاوْ مَّالِينْ اَلْضْرِيبَةْ تَاعْ بِيتْ اَلْلَّه عَنْدْ بُطْرُسْ وَ سَقْسَاوَهْ :" اَلْمُعَلِّمْ نْتَاعْكُمْ مَا يْخَلَّصْشْ اَلْضَرِيبَة تَاعْ بِيت اَلْلَّه ؟". 25 وْجَاوَبْهُمْ :"وَاهْ غَاذِي يْخَلَصْهَا ". وْ كِدْخَلْ لَدَّارْ سَبْڤَهْ يَسُوعْ وْ ڤَالْهْ :" وَاشْ تْخَمَّمْ يَا سَمْعَانْ ؟ مَنْ عَنْدْ مَنْ يَدُّوا مُلُوكْ اَلْأرْضْ اَلْضْرِيبَة وْ لاَ اَلْجِيزْيَّة، مَنْ عَنْدْ اَلْبَرّانِي ؟"َ. 26 وْجَاوْبَهْ بُطْرُسْ: "مَاَلْبَرَّانِي ". و ڤُالَهْ يَسُوعْ :"عْلَىَ هَادْ اَلْشِي وْلاَدْهُمْ رَاهُمْ مَعْفِيِّينْ مَا اَلْضَرِيبَة. 27 وْ بَصَّحْ بَاشْ مَا تَتْسَبُوشْ فِي مُشْكِلْ، رُوحْ لَلْبْحَرْ وْقِيسْ اَلْصَّنَارَة، و اَلْحُوتَه اَلْلَوْلَىَ لِغَاذِي تْشَدْهَا، حَلَلْلَهَا فُمْهَا وْ غَاذِي تَلْقَى فِيهْ رَبْعَة تَاعْ اَلْدْرَاهَمْ ، دِّيهُمْ وْ رُوحْ خَلَّصْ عْلِيكْ وْ عْلِيَّا.
1 وْ فِي دِيك اَلْسَاعَةَ ڤَرْبُوا اَلْتَلاَمذْ عَنْدْ يَسُوعْ وْ سَقْساوَه ׃" شْكُونْ هُوَّ اَلْمْخْيَّرْ فِي مَلَكُوتْ اَلْسَمَاوَاتْ ؟" 2 عَيَّط يَسُوع لْوَاحَدْ اَلْوَلْدْ وْوَڤْفَهْ فِي وَسْطْهُمْ. 3 وْڤَالْ نْڤُولْكُمْ اَلْحَقْ ׃" إِذَا مَا تْبَدّلْتُوشْ وْ مَوَلِيتُوشْ كِمَا اَلْوْلاَدْ اَلْصْغَارْ غَادِي عُمُّرْكُمْ مَا تَدْخْلُوا مَلَكُوتْ اَلْسَمأوَاتْ 4 وْلِّي يَتْواضَعْ كِمَا هَادْ اَلْوَلْدْ اَلْصَغِيرْ غَادي يْكُونْ اَلْمْخَيَّرْ فِي مَلكُوتْ اَلْسْمَا. 5 وْلِّي يَقْبَلْ بْوَلْدْ كِمَا هَادَا بِإسْمِي رَاه قْبَلْنِي أَنَّايَا. 6 وْلِي طَيَّحْ فَاَلْذُنُوبْ وَاحَدْ مَنْ هَادْ اَلْصْغَارْ الِّي يْآَمْنُوا بِيَّ، غِيرْ خِيرْ لَهْ تْتْعَلٌّقْ فِي عُنْقَهْ حَجْرة كْبِيرَة تَاعْ اَلْرْحَى وْ يَتْقَاسْ فِي ڤَاعْ اَلْبَحَر 7 يَاوِيلْ اَلْعَالَمْ مَاَلْأُمُورْ وْ بَصَّحْ يَاوِيلْ هَادُوكْ لِيَتْسَبُوُّا فِي هَادْ اَلْأُمُورْ . 8 وْ إِلاَ الْيَّدْ نْتَاعَكْ وْ لاَ رَجْلَكْ طَيْحُوكْ فِي اَلْذُنُوبْ ! ڤَطَعْهُمْ وْ قِيسْهُمْ عَلىَ خَاطَرْ خِيرْ تَدْخُلْ اَلْحَيَاةْ اَلْدَايْمَةْ قْجَعْ وْ لاَ بْيَدْ وَحْدة وْ لاَ يَكُونُوا عَنْدَكْ بْزُوجْ وْ تَدْخُلْ لِلْنَّارْ 9 و إِلىَ طَيْحَتَكْ عَيْنَكْ فِي اَلْذُنُوبْ ڤْلَعْهَا وْ قِيسْهَا ، خِيرْ لَكْ تْذْخُلْ اَلْحَيَاة اَلْدَّايْمَة عْوَرْ وْلاَ تَنْقَاسْ فِي اَلْنَّارْ وَ أَنْتَ عَنْدَكْ عَيْنِيكْ اَلْزوُجْ. " 10 أَحَرْزُوا تَحَڤْرُوا وَاحَدْ مَنْ هَادُوكْ اَلْصْغَارْ عْلَىَ خَاطَرْ نْڤُولْكُمْ اَلْمَلأيْكَة نْتَاعْهُمْ رَاهُمْ فِي فَاَلْسْمَا دِيمَا مْعَ بُويَا اَلْلِّي فِي اَلْسْمَا . 11 عْلَىَ خَاطَرْ إِبْنْ اَلْإنْسَانْ رَاهْ جَا بَاشْ يْسَلَكْ اَلْنَّاسْ اَلْضَايْعِينْ . 12 وَاشْ تْخَمَّمُوا؟ إِلاَ وَاحَدْ عَنْدَهْ مْيَّه خْرُوفْ وْ تَوَدَرْلَهْ وَاحَدْ مَنْهُمْ، مَاشِي غَاذِي يْخَلِّي اَلْتَسْعَ وَ اَلْتَسْعِينْ فَاَلْجْبَلْ وْ يْرُوحْ يْحَوْسْ عْلَىَ اَلْخْرُوفْ اَلْمْوَدَّرْ؟.نْڤُولْكُمْ اَلْحَقْ :" 13 إِلاَ لْقَاهْ، غَاذِي يَفْرَحْ بِيهْ كْثَرْمَا اَلْفَرْحَة نْتَاعَهْ باَلْتَسْعَه وَ اَلْتَسْعِينْ اَلِلِّي مَاتَوَدْرُوشْ". 14 وْهَاكَّ بُوكُمْ لِفْسْمَا مَا يَبْغِيشْ حْتَّى وَاحَدْ يْضِيعْ مَنْ هَادُوكْ اَلْصْغَّارْ 15 وْ إِذَا ذْنَبْ خُوكْ فِي حَقَكْ ، رُوحْ عَنْدَهْ وْعَاتْبَهْ بِينَكْ وْ بِينَهْ، وَحَدْكُمْ وْ إذَا يَسْمَعْ مَنَّكْ رْبَحْتْ خُوكْ. 16 وْإلاَ مَابْغَاشْ يَسْمَعْ دِّي مْعَاكْ وَاحَدْ وْلاَ زُوجْ بَاشْ كُلْ كَلْمَة تَتْبُثْ بِاَلْشْهَادَة تَاعْ زُوجْ وْ لاَ ثَلاَتَ تَاعْ اَلْشُهُودْ. 17 وْ إِلَىَ مَابْغَاشْ يَسْمَعْ لْهُمْ ڤُولْهَا لَلْكْنِيسَة وْ إِلاَ مَابْغَاشْ يَسْمَعْ مَا اَلْكْنِيسَة أَحَسْبَهْ (أعْتَبْرَه) كِمَا وَاحَدْ يَعْبَّدْ اَلْأَصْنَّامْ وْ لاَ وَاحَدْ مُولْ اَلْضَرِيبَة 18 نْڤُولْكُمْ اَلْحَقْ :" ڤَاعْ لِغَادِي تْرَبْطُوهْ فَاَلْأرْضْ غَاذِي يْكُونْ مَرْبُوطْ فْاَلْسْمَا. 19 وْ نْڤُولْكُمْ تَانِي إِذَا تَافْقُوا زُوجْ مَنْكُمْ فَاَلْأَرْضْ بَاشْ يَطْلْبُوا حَاجَة غَاذِي يَتْحَقَقْ لْهُمْ مَنْ بُويَا لِفْسْمَا. 20 عْلَىَ خَاطَرْ وِينْ مَا إِجْتَمْعُوا زُوجْ وَ لاَ تْلاَثَ بِإِسْمِي تَمْ نْكُونْ فِي وَسْطْهُمْ". 21 ڤَرَّبْ لِيهْ بُطْرُسْ وْ ڤْالْ :" يَا رَبْ، شْحَالْ مَنْ مَرَّة نْغَفَرْ لْخُويَ كِيَذْنَبْ فِحَقِيّ؟ حتّى لْسَبْعْ مَرَّاتْ ؟". 22 وْڤأَلَهْ يَسُوعْ مَاشِي غِيرْ سَبْعْ مَرَّاتْ بَصَّحْ سَبْعِينْ مَرَة سَبْعْ مَرَّات 23 عَلَىَ هَادْ اَلْشِي يَشْبَهْ مَلَكُوتْ اَلْسَمَاوَاتْ لْوَاحَدْ اَلْمَلِك بْغَا يَتْحَاسَبْ مْعَ اَلْعَبِيدْ نـتاوْعَهْ، 24 وْ مَلِّي بْدَا يَتْحَاسَبْ مْعَاهُمْ جَابُولَه وَاحَدْ عْلِيهْ اَلْدِّينْ نْتَاعْ مْلاَيَينْ دِينَارْ تَاعْ اَلْفَضَة. 25 وْكِمَا كَانْشْ عَنْدَهْ بَاشْ يرَدْ لَهْ أَمَرْ سِيدَه بَاشْ يَتْبَاعْ هُوَّ وْمَرْتَهْ وْوْلاَدَهْ وْ ڤَاعْ مَا يَمْلَكْ بَاشْ إِرُدْ اَلْدِينْ لِعْلِيهْ 26 وْ سْجَدْ لَهْ اَلْعَبْدْ وْ ڤَالْ صْبَرْ عْلِيَّا يَا سِيدِي وْ غَاذِي نْرُدْ لَكْ ڤَاعْ اَلْشِي لِي عْلِيّاَ. 27 حَنْ عْلِيهْ سِيدَهْ وْ طَلْڤَهْ وْ سَمَحْلَهْ فِي اَلْدِّينْ لِي عْلِيهْ. 28 وْ كِخْرَجْ دَاكْ اَلْعَبْدْ لْقَا وَاحَدْ مَا اَلْعَبِيدْ صْحابَهْ كَانْ إسَالَهْ مْيَّة دِينَارْ فِضَة، شَدَّهْ فِي عُنْڤَهْ وْڤَالَهْ:" رُدْلِي وَاشْ نْسَالَكْ !". 29 وْطَاحْ صَاحْبَهْ عَنْدْ رْجْلِيهْ يَطُلَبَهْ وْ يْڤُولَهْ، صْبَرْ عْلِيَّا وْ غَاذِي نْرُدْ لَكْ وَاشْ تْسَالْنِي 30 بْصَّحْ مَابْغَاشْ وَ دَّاهْ وْ قَاسَهْ فِي اَلْحَبْسْ حْتَىَ يْرُدْ اَلْدِّينْ لِي عْلِيهْ. 31 وْ كِشَافُوأ اَلْعْبِيدْ صْحَابَهْ وَاشْ صْرَا حَزْنُوا بَزَّافْ وْ رَاحُوا خَبْرُوا سِيدْهُمْ بْڤَاعْ لِصْرَا. 32 وْعيّْطْ لَهْ سِيدَهْ وْ ڤَالَهْ :" يَا عَبْدْ يَا شَرِيرْ، ڤَاعْ هَادَاكْ اَلْشِي لِسْمَحْتْ لَكْ عْلَىَ خَاطَرْ مَاعَنْدَكْشْ وَتْوَسَلْتْنِي. 33 مَاشِي كَانْ لاَزَمْ نْتَا تَانِي تَرْحَمْ اَلْعَبْدْ صَاحْبَكْ كِمَا رْحَمْتَكْ أَنَايَا؟" 34 وَزْعَفْ سِيدَهْ بَزَّافْ وْقَاسَهْ فِي اَلْحَبْسْ بَاشْ يْعَذْبُوهْ حْتَىَ يْرُدْ وَاشْ عْلِيهْ. 35 هَكَا يْدِيرْ بُويَ اَلْسَّمَاوِي بِيكُمْ إِذَا مَا سْمَحْتَشْ كُلّْ وَاحَدْ فِيكُمْ لْخُوهْ مَنْ قَلْبَهْ.
1 وْكِكَمَلْ يَسُوعْ هَادْ الَكْلاَمْ خْرَجْ مَالْجَلِيلْ وْ رَاحْ لَجْوَايَهْ الْيَهُودِيَة لِهَيَّا مَالْجِيهة لُخْرَى تَاعْ الأُرْدُنْ. 2 وْتَبْعُوهْ بَزَّافْ النَّاسْ وْ شَفَاهُمْ تَمَّ 3 وْجَاعَنْدَهْ الْفَرِّسِيِنْ بَاشْ إِجَرْبُوهْ وْڤَالُولَهْ: "وَاشْ حْلاَلْ إِطَلَقْ الرَاجَلْ مَرْتَهْ لِأَيِ سَبَّة؟". 4 وْجَاوَبْهُمْ وْيْڤُولْهُمْ: "مَاقْرِيتُوشْ فَكْتَابْ اللَّهْ بَلِّي اللَّهْ خْلَقْ الْبْنَادَمْ مَا الْبَدْيَة ذْكَرْ وَأُنْثَى؟ 5 وْڤَالْ : هَادْ الشِي عْلاَهْ إِلِيقْ إِيخَلِّي الَرَاجَلْ بُوهْ وْامَّهْ وْيَتَّحَد مْعَ مَرْتَهْ ويْوَّلُوا فَى زُوجْ جَسَدْ وَاحَدْ. 6 وْاللِّي جَمْعَهْ اللَّهْ مَايْفَرْقَهْ حَتَّى إِنْسَانْ". 7 وْڤَالَولَهْ: "عْلاَشْ وَصَّى مُوسَى بَاشْ يَعْطِي الَرَاجَلْ لْمَرْتَهْ وَرْقَةْ الطْلاَقْ كِطَلَقْهَا". 8 وْجَاوَبْهُمْ يَسُوعْ: "عْلَى جَالْ قْسُوحِيَةْ ڤْلُوبْهُمْ خَلاَّهُمْ مُوسَى اطَلْقُوا نْسَاهُمْ. وْبَصَّحْ هَادْ الشِي رَاهْ مَاكَانْشْ كِخْلَقْ اللَّهْ آدَمْ وْ حَوَّاء فَاللَّوَلْ. 9 وْنْزِيدْ نْڤُولْكُمْ: الاَّ إِطَلَقْ مَرْتَهْ عْلَى شِي سَبَّة مَنْ غِيرْ الزْنَا وْتْزَوَجْ بْوَاحْدْ خْرَى رَاهْ زْنَى، وَلِّي يَتْزَوَجْ بَمْطَلْقَة رَاهْ يَزْنِي". 10 ڤَالُو لَهْ التْلاَمَذْ: "إِلاَ كَانَتْ هَادِي هِيَّ حَالَةْ الرَاجَلْ مْعَ المْرَا خِرْلَهْ مَايَتْزَوَجْشْ ڤَاعْ". 11 وْجَاوْبْهُمْ يَسُوعْ: "مَاشِي ڤَاعْ النَّاسْ يَقَبْلُوا هَادْ الكْلاَمْ غِيرْ هَدُوكْ لِنْعَمْ عْلِيهُمْ اللَّهْ بَاشْ يَقَبْلُوهْ، 12 عْلَى خَاطَرْ كَايَنْ نَاسْ تْوَلْدُوا مَنْ كْرُوشْ مَّاتْهُمْ وْ مَا قَادْرٍينْشْ عْلَى الزْوَاجْ، وْكَايْنِينْ اللِّي رَدُّهُمْ النَّاسْ هَكَّا، وْكَايْنِينْ لِمَا يَتْزَوْجُوشْ عْلَى جَالْ مَمْلَكَةْ السَمَاوَاتْ. وْلِقْدَرْ بَاهْ يَقْبَلْ هَادْ الشِي يَقَبْلَهْ". 13 وْ جَابُولَهْ وْلاَدْ صْغَارْ بَاشْ إِحَطْ يَدِّيهْ عْلِيهُمْ وْ يَدْعَى لْهُمْ، بَصَّحْ التْلاَمَذْ زَعْفُوا عْلَى اللِّجَابُوهُمْ. 14 وْبَصَّحْ يَسُوعْ ڤَالْ : "خَلُّوا الدْرَارِي إِيجُوا لْعَنْدِي وْ مَا تْحَبْسُوهُومْشْ عْلَى خَاطَرْ كِمَا هَادُوا اللِّي غَادِي إِكُونَلْهُمْ مَلَكُوتْ السَمَّاوَاتْ". 15 حَطْ يَدِّيهْ عْلِيهُمْ، وْ رَاحْ مَنْ تَمَّ 16 وْجَا عَنْدَهْ وَاحَدْ الشَابْ وْ ڤَالَهْ: "يَا مُعَلِمْ الصَّالَحْ، وَاشْ مَنْ صْلاَحْ نْدِيرْ بَاشْ تْكُونْ لِيَّ الحْيَاةْ الدَايْمَة؟". 17 ڤَالَهْ يَسُوعْ: "عْلاَشْ رَاكْ تْعَيَطْلِي صَالَحْ؟ مَاكَانْشْ وَاحَدْ صَالَحْ مَنْ غِيرْ وَاحَدْ وْهُوَ اللَّهْ. بْصَّحْ إِذَا بْغِيتْ تَدْخُلْ الْحْيَاةْ الدَايْمَة طِيعْ الوَصَايَا". 18 ڤَالَهْ: "وَاشْ مَنْ وْصَايَا؟" وْجَاوْبَهْ يَسُوعْ: "مَاتُكْتَلْشْ. مَتَزْنِيشْ. مَتَخْوَنْشْ. مَاتَشْهَدْشْ بَاالزُورْ. 19 قَادَرْ بُوكْ وِا مُّكْ، وْبْغِي لِقْرِيبْ لِيكْ كِمَا تَبْغِي نَفْسَكْ". 20 وْ يْڤُولَهْ الشَابْ: "رَانِي دَرْتْ بْڤَاعْ هَادُو الوْصَايَا، وَاشْ خَاصْنِي ثَانِي نْدِيرْ؟" 21 وْجَاوْبَهْ يَسُوعْ: "إِلَى بْغِيتْ تْكُونْ بْلاَعِيبْ، رُوحْ بِيعْ ڤَاعْ دَاكْ الشِي لِعَنْدَكْ وْعْطِي دُوكْ الدْرَاهَمْ لَلْمْسَاكِينْ، وْغَادِي يْكُونْ عَنْدَكْ كَنْزْ فَي السْمَا، وَأَرْوَاحْ وْ تَبَعْنِي". 22 بَصَّحْ كِسْمَعْ الشَابْ دَاكْ الكْلاَمْ رَاحْ حْزِينْ، عْلَى خَاطَرْهُوَ مْرَفَّهْ. 23 وْڤَالْ يَسُوعْ لَتْلاَمَذْ: "نْڤُولْكُمْ الْحَقْ: رَاهْ صْعِيبْ عْلَى وَاحَدْ مَتْرَفَهْ يَدْخَلْ لْمَمْلَكَةْ السَمَاوَاتْ 24 وْنْزِيدْ نْڤُولْكُمْ : رَاهْ دْخُولْ الجَمَلْ مَنْ عِينْ لَبْرَة سَاهَلْ مَنْ دْخُولْ وَاحَدْ مَتْرَفَهْ لْمَمْلَكَةْ اللَّهْ!". 25 وْتْعَجْبُوا التْلاَمَذْ بَزَّافْ كِسَمْعُوا هَادْ الكْلاَمْ وْ ڤَالُوا: "عْلَى هَادْ الحْسَابْ، شْكُونْ غَادِي يَقْدَرْ يَسْلَكْ؟". 26 وْشَافْ فِيهُمْ يَسُوعْ وْ ڤَالْهُمْ: "النَّاسْ مَايَقَدْرُوشْ عْلَى هَادْ الشِي، بَصَّحْ اللَّهْ يَقْدَرْ عْلَى كُلْ شِي". 27 وْجَاوْبَهْ بُطْرُسْ وْ ڤَالْ: "هَا حْنَا خَلِّينَا كُلْ شِي وْ تَبَعْنَاكْ وَاشْ غَادِي يْكُونْ الجْزَاءْ نْتَاعْنَا؟". 28 وْڤَالْهُمْ يَسُوعْ: "نْڤُولْكُمْ الَحَقْ: كِغَادِي يَڤْعَدْ إِبْنْ الإِنْسَانْ عْلَى عَرْشْ الْعَزْ تَاعَهْ فَالزْمَانْ اللِّي غَادِي يْوَلِي فِيهْ كُلْ شِي جْدِيدْ، نْتُمَا لِتَبَعْتُونِي غَادِي تُڤَعْدُوا عْلَى طْنَاعْشْ عَرْشْ بَاشْ تَحَكْمُوا عْلَى قْبَايَلْ إِسْرَائِيلْ الطْنَاعْشْ. 29 وْكُلْ مَنْ تْخَلَّى عْلَى دْيَارْ وْلاَ خُوتْ وْلاَ خْوَاتَاتْ وْلاَ بَوهْ وَلاَ مَّهْ وْلاَ أَرَاضِي مَنْ أَجْلْ اسْمِي، غَادِي يَنْتْرَدْلَهْ دَاكْ الشِي لِسْمَحْ فِيهْ مْيَة مَرَّة، وْغَادِي يَوْرَتْ الَحْيَاة الَدَايْمَة عَنْدْ اللَّهْ. 30 وْبَصَّحْ بَزَاّفْ مَنْ هَادُوكْ لِكَانُوا لَوْلِينْ يْوَلِيوْ اللَّخْرِينْ، وْ بَزَّافْ لِكَانُوا لَخْرِينْ يْوَّالُوا اللَّوْلِينْ".
1 مَلَكُوتْ السَمَاوَاتْ يْشَبَه لْوَاحْدْ الرَّجلْ عَنْدَه جْنَانْ تَاعْ لَعْنَبْ خْرَجْ مْعَ الصْبَاحْ بَكْرِي بَاهْ يْكرِيْ خْدَامَا للْجْنَانْ نْتَاعَه، 2 وْتْفَاهْمْ مْعَاهُم عْلَى دِيْنَارْ لْلنْهَارْ، وَرْسْلْهُم للْجْنَان نْتَاعَه 3 وْمَنْ بَعْد خْرَج عْلَى جْوَايَه التَّسْعَة تَاعْ الصْبَاح وْلْقَى خْدَاما وَاحْد خْرين وَاڨفِين فِالسُوڨ بْلاَ خْدْمَة، 4 وَڨالْهُم:" رُوْحُوا نْتُمَا تَانِيْ لْلجْنَانْ نْتَاعِيْ وْغاَدِيْ نَعْطِيْكُم حَقْ خَدْمَتْكُمْ". وْ رَاحُوا. 5 وخْرَجْ تَانِيْ جْوَايَه الطْنَاعَشْ تَاعْ النْهَار وْعَاوَد خرَج عْلَى التْلاَثَة تَاعْ النْهَارْ وْ دَارْ كِيفْ كِيفْ. 6 خرَجْ مَرَة خْرَى جْوَيَه الخْمْسَة تَاعْ لَعْشِيَة وْلْقَا خْدَامَا وَحْدُخْرِينْ وَاڤْفِين، وْڨالْهُم: "عْلاشْ رَاكُم واڨْفيِن هْنَا ڨاعْ الْنْهَار بْلاَ خْدْمَة ؟" 7 وْجَاوْبُوه:" حْتَى وَاحَدْ مَاخْدْمْنَا عَنْدَه" ، وڨالْهُم: "رُوْحُوا نْتُوْمَا تَانِي لْجْنَان نْتَاعِيْ" 8 كِيْ جَاتْ الَعْشِيَة ڨالْ مُولْ الجْنَانْ لْلوْكِيْل نْتَاعَه:"عَيَطْ لْڨاعْ الخْدَّامَا وْخْلّصْهُمْ مَنْ الْتْوَالَا لَلْوَالَا. 9 وْجَاوْ هَادُوكْ النَاسْ اللِي كَرَاهُم عْلَى الخَمْسَة تَاعْ الَعْشِيَة وْ دَا كُلْ وَاحَدْ دِينَارْ. 10 وْكِي جَاوْ اللَّوْلِيْن كَانُوا يَحَسْبُوا غَادِيْ يدُوا كْثَرْ. بْصَّح دَّاوْ غِيْر دِيْنَار لْلوَحَد. 11 كِي كَانُوا يْتْخَلْصُوا بْدَاوْ يَشْتْكُوا عْلَى مُولْ الْجْنَانْ 12 وْيْڨوْلُوا :"هَادُوكْ اللَّخْرِيْن خَدْمُوا غِيْرْسَاعَة ، وَسَاوِيْتهُم مْعَانَا تْحَمْلْنَا الثُقْلْ والسْخَانَة تَاعْ ڨاعْ النْهَارْ! " 13 وْمُولْ المَلْكْ إِيْجَاوَب وْيقُوْل لْوَاحَد فِيِهُم:" يَاصَاحْبِي، أَنَا مَاضْلَمْتَكْش! مَاشِي تْفَاهَمْتْ مْعَايَا عْلَى دِيْنَارْ؟ 14 أَدِيْ حَقَكْ وْرُوحْ، أَنَا نْبْغِي نَعْطِيْ كِيفَك لِجَا التَّاليْ. 15 مَشِي مَنْ حَقِيْ نْدِيرْ بَدْرَاهْمِيْ شَا نَبْغِي؟ وْلاَ عَيْنَكْ هِيَ لِشَرِيْرَة عْلَى خَاطَرْ أَنَا صَالِح؟ 16 هَكَا يْكُوْنُوا اللَخْرِيْنْ هُمَا اللَّوْلِينْ، واللَّولِينْ هُمَا لَخرِينْ عْلَى خَاطَرْ بَزَافْ يدْعُوهُم وبَصَح غِيْر لَقْلِيْل لِيُنْتَخْبُوا". 17 وْ كِيْ كَانْ يَسُوعْ طَالَعْ لأُورْشَلِيْمْ أَدَّا مْعَاه الطْنَاعْشْ تَلْمِيْذْ وَحْدْهُم وْڨَالْهُم فالطْرِيڤْ: 18 "هَاحْنَا طَالْعِيْن لأُرْشَلِيْمْ وْإِبْنْ الإنْسَانْ غَادِي يَتْسَلَّم لْرُؤَسَاءْ رْجَالْ الدّينْ وْ عُلَمَاء الشَرِيْعَة، وْيَحْكْمُوا عْلِيْه بْالمُوتْ، 19 وَيْسْلْمُوه لْلِي مَايْعَرْفُوشْ الله بَاهْ يْضَّحْكُوا وْيَتْمَسْخْرُوا بِيْه وْيجَّلْدُوْه وَيَصَلْبُوهْ، وْفِيْ النْهَارْ الثَّالَثْ يْقُومْ مْن المُوت". طَلَب يْمَاتْ ولاد زَبَدِي. 20 وْڤَدْمَتْ عَنْدَه أُمْ وْلاَد زَبَدِي هِيَ وْ وْلاَدْهَا عَنْدْ يَسُوع، وْسَجْدَت وْطَلْبَتْ مْنَه وَاحْد الشِيْ. 21 وْڤَالْهَا:" شَا بْغِيْتِي؟" . وْڤَاتلَه:" أْمَرْ بَاشْ يَڤُعْدُواوْلاَدِيْ هَادُوا، وَاحَدْ عْلَى يْمِيْنَك ولَّخُرْ عْلَى يْسَارَك فِي مَلَكُوْتَكْ". 22 جَوَبْهَا يَسُوْع وْڤَالْهَا:" مَارَكُمْشْ عَارْفِينْ وَاشْ رَاكُم تُطُلْبُوا. تْقَدْرُوا تَشَرْبُوا الكَاس اللِّي غَادِيْ نَشْرُبْهَا أَنَا، وَتَنْغَبْنُوا لَغْبِينَة لِغَادِيْ نَنْغْبَنْهَا؟". ڤَالو له:" نقَدْرُوا". 23 ڤَالهُم يَسُوعْ:" كَاسِي غَادِي تَشَرْبُوْهَا، بْصَّح الْڤْعَاد عْلَى يَمِينِي وْيَسَارِي مَانَعْطِيهْشْ غِيْر لْهَادُوك لِوَجدَهْلهُمْ بُويَا". 24 كِسَمْعُوا التْلاَمَذْ العَشْرة هَادْ الهَدْرَة زَعفُوا عْلَى يَعْقُوب وخُوه يُوحَنَا 25 وْعَيطْ لْهُمْ يَسُوع وْڤَال:" أنْتُمَا تعَرْفُوا بَلِّي الرؤسَاء يَتْحكمُوا في الشُعُوب نْتَاعْهُم وَالمَسؤولينْ الكِبَارْ. يَتْسَلْطُوا عَلَى لِتَحتْ مَنْهُم. 26 وْنْتُمَا مَا خَاصْشْ إِيْكُون هَدَا بِينَاتْكُم وْاللّي بْغَا يْوَّلِي كْبِير فِيْكُم خَصَّهْ إِيولٍي الخَدَامْ نْتَاعْكُمْ، 27 واللّي بْغَا يْوّلِي اللَّولْ فِيكُم خَاصَه يْوَّلِي العَبْدْ نْتَاعْكُم، 28 وْهَكَّا إِبْنْ الإنْسَان مَاجَاشْ بَاشْ يَخَدْمُو النَاس، وبَصَّح بَاشْ يَخْدَم ويَفْدِي بَزَّاف النّاس بَحياتَه". شفاء أعميين في أريحا 29 وْ فَلْوَقْتْ لِخَرْجُوا مَنْ أَرِيْحَا تَبْعُوه نَاسْ بَزَافْ، 30 وْكَانُوا زُوجْ عُمْيينْ ڤَاعْدِين عْلى الطْرِيْق. وغِيْر سَمْعُوا بَلِيْ يَسُوع كَان فَايَت مَنْ تَمْ بْدَاوْ إِيزٌڤُّوا وْيْڤُولُوا:" أَرْحَمْنَا يَاسِيدِي، يَاإبنْ دَاوُدْ!"، 31 زْڤُّوا عْلِيهُمْ الْجْمَاعَة تَاعْ النَّاس بَاش يْسَّكْتُوا ،بْصَّح هُمَا زَادُوا يزڤُّوا كْثَر وْيْڤُولُو:" رْحمْنَا يَاسِيديْ يَا بَنْ دَاوُد!". 32 وَ وْڤَفْ يَسُوع وعَيَّطلْهُم وْڤَال:" وَاش بْغِيتُوا نْدِيرَلْكُمْ؟". 33 وْجَاوبُوه:"يَاسِيدِي، بْغِينَا عَينِينَا يَتْحَلُوا" 34 وْتْحَنَّنْ يَسُوع عْلِيهُم وغِير مَسْ عَيْنِيهُم، بْداوْ إيشُوفُو وْهُمَا يْتَبْعُوه.
وْكِڤَرْبُوا لأُورْشَلِيمْ 1 وْوَصلُوا لْدُوَار بِيتْ فَاجِي اللِّي حْدَّا جْبَل الزِيْتُون،أ رْسَل يَسُوع زُوجْ مَا التْلاَمَذْ ، 2 وْڨَالْهُم:" رُوحوا لَلْدّوَار اللّي كَايَن ڨدَامْكُم، غَادِي تْلْقَاوْ وَاحْدْ الحْمَارَة مَرْبُوْطَة مْعَاهَا وَاحْد الجَحْشْ، طَلْقوه وْجِيبُوهُمْ لِيْ. 3 وْ إِلاَ ڨالْكُمْ وَاحَد شِيْ حَاجَة، ڤُولُولَه: رَاه الرَّب مَحْتَاج لِيهُم. وْغَادِي يْرُدْهُمْ بَلْخَفْ". 4 وْصْرَى ڨَاع هَادْ الشِي بَاشْ يَتْحقَق كْلاَم النْبِي لِڨالْ: 5 " قُولُوا لْبَنْت صَهْيُون: هَاهُوَ المَلِك نْتَاعَك جَايْ لْعَنْدَك مَتوَاضَع، وْرَاكْب عْلَى حْمَارْة وْجَحْشْ وُلْد حْمَارَة" 6 وْرَاحُو التْلاَمَذ وْدَارُوا كِمَا أْمَرْهُم يَسُوعْ، 7 وْجَابُو له الحْمَارَة والجَحْش، وْحَطُّوا عْلِيهُم حْوَايْجْهُم وْركَبْ يَسُوع فُوڨهُم. 8 وْفَرشُوا جْمَاعَة كْبِيرَة مَا النَاس حْوَايَجهُم فالطْرِيق. وْنَاسْ وَحْدُخْرِيْنْ ڨطْعُوا الأغْصَانْ تَاع الشْجَر وفَرْشُوهُم في الطْرِيْقْ. 9 وكَانُوا النَاسْ لِيَتَبْعُوا يَسُوع وْسَابْڨينَه يْزْقُوا يْقُولُوا: "أُوصَنَا لإبْنْ دَاوُد! مٌبَارَك هَادَا اللِجَايْ بإِسْم الرَّب! العَزْ للَّه فْي السْمَا العَالْيَة! " 10 وْكِدْخَلْ لأُورْشَلِيم هَاجُوا نَاسْ المْدِيْنَة ڨاع وْبْدَاو يْڨولُوا: " شْكُون هُوَ هَذا ؟". 11 وْجَاْوبُهُم النَاسْ: "هَادَا هُوَ يَسُوع النْبِي الِلي مَن نَاصِرَة اللِي في الجَلِيل". تَطْهِير الهَيْكَل 12 وْدْخَل يَسُوع لْبِيت الله وْخرَّجْ ڨاعْ اللِّي كَانُوا يْبِيعُوا وْيَشْرُوا تْمَ، وْڨلَبْ ڨاعْ الْطوَابل نْتَاع النَاسْ اللِّيْ يْصَرْفُوا الدّْرَاهْم وَالكَرَاسَ نْتَاع اللِّي يْبِيعُوا الحْمَامْ 13 وڨالهُم :" مَكْتُوب: فِي كْتَابْ اللَّه بْلِي دَّارِّي تَتْسمَى دَّارّْ الصْلاَة . بْصَح نْتُمَا رْدِيْتُوهَاغَارْ للسَرَّاقِين". 14 وْجَاو عَنْدَه عُمْيِين وْقُجْعِينْ وْشْفَاهُم 15 وِكِي شَافُوا رؤساء رجَالْ الدِين وْعُلَمَاء الشَرِيْعَة وَاشْ دَارْ، وَالولاَد يْزَقُوا فِي بِيْت اللَه وْيْڤُولُو:" أوصَنَا لإبْن دَاوَد!". زَعْفُوا وْ 16 ڨَالُولَه :" رَاكْ تَسْمَع وَاشْ رَاهُم إيقُولوا؟" وڤَالْهُم يَسُوع :" وَاه ! مَاقْرِيتُوشْ بَلِي: مَن فْوَام الوْلاَد الصْغَارْ و اللِي يْرضْعُوا يَخْرُجْ كْلاَم التَسْبِيح؟". 17 ومَمبَعد خَلاَهُم وْخْرَج مَن المْدِيْنَة لْبِيت عَنْيَا وْبَات تَمَ. شجرة التين اليابسة 18 وْفِي الصْبَاح كِي كَان مْوَلْي لَلْمْدِيْنَة جَاعْ، 19 وْشَافْ شْجْرَة الكَرْمُوس عْلَى الْطرِيڤ، وْجَا لْعَنْدْهَا وْمَا لْقَا فِيْهَا حْتَى حَاجَة مَنْ غِيْر الوْرَاق. ڨَالْهَا :" عُمْرّْ الْغَلَّة مَاغَادِي تْكُونْ فِيْك لَلَّبْدا !". يَبْسَتْ شَجْرَةْ الكَرْمُوس تَم تَم. 20 وْكِيْ شَافُوا التْلاَمَذْ دَاكْ الشِي اللّي صْرّى تْعَجْبُوا وْڨالُوا :" كِيْفَاش يَبْسَت شْجْرَة الكَرْمُوس بَلْخَف؟". 21 جَاِوبهُم يَسُوع وڨالْهُم :" نْڨولْكُم الحَقْ: إِلاَ كْان عَنْدْكُم إِيْمَانْ وْمَاتْشُكُوشْ، رَاه مَاغَادِيشْ دِيرُوا غِير هَادَاك لِدَرْتَه أَنَا لْشَجْرَة الكَرْمُوسْ وْبْصَّح إِلا ڨلْتُوا لْهَادْ الجْبَل: يَتْحَرك وْيْطِيح في الْبحَرّْ غَادِي يْصْرَّا. 22 دَاكْ الشِي لِڨولْتُوا وْڨاعْ الّْلي تَطَّلْبُوه فَالْصْلاَة بالإِيْمَان تَاخْذُوه". السؤَالْ عْلَى سُلْطَانْ يَسُوع 23 وْكِي جَا لْبِيت اللّه يْعلَّم فِيه جَاوْ لْعَنْدَه رُؤسَاء رْجَالْ الدّين وشْيُوخْ الشَعْب وْڨالُو لَه :" وَاشْ مَنْ سُلْطَة رَاكْ دِيْر هَاد الشِي؟ وْشكُونْ عْطَاهَالَك؟"، 24 وْجَاوْبهُم يَسُوع وْڨالْهُم:" حْتَى أَنَا بَاغِي نْسَقْسِيكُم، سُؤَال وَاحَد وْ إلاَ جَاوَبْتُوا عْلِيه غَادِي نْڨولكٌم بْوَاش مَنْ سُلْطَة رَانِي نْدِيرْ هَادْ الشْي: 25 مِينْ جَات المَعْمُودِيَة تَاع يُوحَنَا المَعمَدان: من الله ولاَ مَنْ النَاس؟". وْتْشَاوْرُوا مْعَ بَعْضْيَاتْهُم وْ ڨالُوا: " إلاَ ڨلْنَا جَاتْ مَنْ عَنْد الله، غَادِي يْقُولو لْنَا: عْلاَش مَا أَمنْتُوشْ بْيُوحَنَا؟ 26 وإِلاَ ڨلْنَا: مَنْ عَنْد النَاس، نْخَافوا مَن الشَعب، عْلَى خَاطَر يُوحَنَا عَنْد النَاس كِمَا النْبِي". 27 وْجَاوبُوا يَسُوع وْڨالُو:" مَاعْلاَبَلْنَاشْ". وْڨالْهم:" أَنَا تَانِي مَانْڨولْكُمْش بْوَاش سُلْطَة رَانِي نْدِير هَاد الشِي. " 28 وَاشْ تفَكْرُوا؟ فِي وَاحَد البْنَادَام ،عَنْدَه زُوجْ وْلاَد وْرَاح عَنْد اللَّول وْڨالَه: رُوح يَاوَلْدِي، وْخدَم اليُومْ فَلجْنَان تَاعْ العْنَب تَاعِي. 29 جَاوْبَه وَلْدَه وْڨالَه : مَابْغِيتْش. وْبَصَح مْعَ التَالي نْدَم وْرَاح. 30 وْرَاحْ البُو عَنْد الوَلْد الزَاوَج وْڨالَه كِمَا ڨال لْلُوَّل. وْهُوَّ جَاوْبَه وْڨالَه: وَاه يَاسِيدي. وْمَرَاحْشْ 31 بْصَح مَارَاحْشْ ، أَيَا، شْكُون مَن هَادْ الزُوجْ اللِّي دَار إِرَادَة بُوه؟". وْقَالُولَه "اللَّوَّل". وْڤَالْهُم يَسُوع:" نْڨولْكُم الحَق: مَّالِين الضْرِيبَة والزُنَاة غَادِي يَسَبْقُوكُم لْمَمْلَكَة الْلَّه، 32 عْلَى خَاطَر يُوحَنَا جَاكُم مْتَبَع طْرِيْقْ الحَقْ وْمَأمَنْتُوش بِيه، وْبَصَح مَالِين الضْرِيْبَة وْالزُنَاة أَمْنُوا بِيه". 33 إسمْعُو مَثَل وَاحْدَ أخُر: وَاحَد الرَجَل عَنْدَه أَرض وْغْرَس جْنَان الدَالْيَة العْنَب، وْدَوَّر عْلِيه السُورْ، وَحْفَر مْعَصْرَة، وَبْنَى بُرْج، وكَرَاه لْؤَحْدِين جْنَايْنِيَة وْسَافَر. 34 وْكِي وْصَل الوَقْت وِيْن غَادِي يَجْنِيو الغَلَة رْسَل العَبِيد تَاعَه لَلْجْنَاينِيَة بَاشْ يجِيبُو الغَلَة تَاعَه 35 نَاضُوا هَادُوك الْجْنَايْنِيَة وْضَربوا واَحَد العَبْد مَنْ هَادُوك العَبِيد وقَتْلُوا وَاحَد ورَجْمُوا وَاحَد آخُر بالحَجْرَة. 36 وْعَاوَد رْسَل عْبِيد وَحْدُخرين كْثَر مَالَّوْلِين، ودَارُولهُم الجْنَاينِيَة كِمَا دَارُوا لَلْولِيْنْ. 37 وْمْعَ التَّالِي رْسلَلْهُم وَلْدَه وْڨال: "غَادِي يْحْتَرْمُوا وْلدِي"! 38 وْكِي شَافُوا الجْنَايْنِيَة وَلْدْ مُول الجْنَان قَالُوا بِينَاتْهُمْ: " هَادَا هُوَ لِغَادِي يَوْرَث! أَيَا نُكُتْلُوه ونَدُوا الوَرث نْتَاعَه! 39 وْيْشَدُوه وْيخَرْجُوه بَرَّا الجْنَان وكَتْلُوه 40 وْدَرْوَك، إلاَ جَا مُول الجْنَان، وَاشْ إِلِيق إِيدِير لْدُوك الجْنَايْنِيَة ؟". 41 وْهُمَا يْجَاوْبُوه:"هَادُوك المَشْرَارِين غَادِي تْكُون أَخْرَتْهُم وَاعْرَة، وْغَادِي يَعطِي الجْنَان تَاع العْنَب لَجْناَيْنِيَة وَحْدَ خرِين لِغَادِي يَعْطُوا الغَلَة فِي وَقْتهَا". 42 ڨالْهُم يَسُوع :"عُمَرْكُم مَاقْرِيتُوا فِيْ كْتَاب اللَّه: الحَجْرَة اللِّي مَاقَبْلُوهَاشْ البَنَايَا هِيَ لِغَادِي تِوَلِي حَجْرَة الْسَاسْ؟ هَادْ الشِّي مَن عَنْد الرَّب وْهُوَ عَجِيبْ فِي عَيْنَيَا! 43 عْلَى هَاد الشِي أَنَا نْڨولْكُم:" مَلَكُوت اللَّه يَنْڨلَعْلْكُم وْيْنَعْطَى لْنَاس لِتَعْطِي الثِمَارْ . 44 وَاللِّي يْطِيح عْلَى هَاد الحْجَر غَادِي يَتَقردْ طْرَاف، وبَصَحْ اللِّي طَاحَت عْلِيه الحَجْرَة غَادِي تْسَحْقَه. !" 45 وْكِي سَمْعُوا رُؤَسَاء رْجَال الدِين والفَرِيْسِيين المْثُول نْتَاعَه، عَرفٌوا بَلِي رَاه يَهْدَر عْلِيهُم. 46 وْبْدَاو إيحَوْسُوا كِيْفَاش إشَدُوه، بْصَح خَافُوا مَاالنَاس، عْلى خَاطَر كَان يْشُوفُوه كِمَا نْبِي.
1 ومَرَه لَخْرَى يَسُوع ْبدَا يَهْدَرْ مْعَاهُمْ بْالْمتُولْ وْ ڤَالْ : 2 "يْشَبَهْ مَلَكُوتْ السَمَاوَاتْ لْوَاحَدْ الْمَلِكْ دَارْ عَرْسْ لْوَلْدَهْ، 3 وْ رْسَلْ لْعَبِيدْ نْتَاعَهْ بَاشْ يْعِيَطْ لْلمَعْرُوضِينْ بَصَّحْ مَابْغَاوَشْ إيْجُوا 4 وْ عَاوَدْ رْسَلْ عَبِيدْ وَحْدْ خْرِينْ ڤَالْهُمْ: ڤُولُوا لْلمَعْرُوضِينْ رَانِي وَجَدْتْ لَلْعَرْسْ وْ دْبَحْتْ الْبْڤْرِى وَالَوَكْرِيِفْ السْمَانْ ، وْ كُلْ شِي رَاهْ مْوَجَدْ . أَرْوحُوا لَلْعَرْسْ! 5 وْ بَصَّحْ هُمَا مَادَاوْهَاْش فِيهْ ,وَاحَدْ رَاحْ لَلْرْضْ تَاعَهْ يَخْدَمْهَا وْ وَحَدَ اخُرْ رَاحْ لْتِجَارْتَهْ . 6 وْ وَحَدخْرِينْ شَدُوا لْعَبِيدْ نْتَاعَهْ وْ عَايَرُوهُمْ وْ كتْلوُهُمْ. 7 وَزْعَفْ الْمَلِكْ وْ رْسَلْ الْعَسْكَرْ وْ هْلَكْ هَادُوكْ الْقَتَالَه وْ حْرَڤْ مَدِينَتْهُمْ 8 وْ مَنْبَعَدْ ڤَالْ لْعَبِيدَهْ:" الْعَرْسْ هَاهُو كَايَن ْبَصَّحْ هَاذُوكْ الْمَعْرُوضِينْ مَايَسْتَاهْلُوشْ. 9 رُوحُوا دَرْوَكْ وِينْ يَتْلاَقَاوْ الطُرْڤَانْ، وْعَرْضُوا كُلْ وَاحَدْ لْقِيتُوهْ لَلْعَرْسْ". 10 خَرْجُوا هَادُوكْ لْعَبِيدْ لَلطْرِيڤْ، وْ لَمُوا ڤَاعْ هَادُوكْ لِلْقَاوْهُمْ أَشْرَارْ وْ صَالْحِينْ حَتَى عَمْرُوا دَارْ الْعَرسْ بْالضِياَفْ . 11 وْ كِدْخَلْ الْمَلِكْ بَاشْ إِشُوفْ الْمَتَكْيِينْ فِي الْعَرْسْ ,شَافْ وَاحَدْ البْنَادَمْ مَالْبَسَشْ صْوَالَحْ الْعَرَسْ. 12 ڤَالَهْ :"يَا صَاحْبِي، كِيفَاشْ دْخَلْتْ هْنَا وْمَالْبَسْتَشْ صْوَالَحْ الْعَرْسْ ؟" وسْكَتْ 13 أَيَ ڤَالْ الْمَلِكْ لَلْخَدَامَا تَاعَهْ:" أَرَبْطُورَجْلِيهْ وْ يَدِيهْ، وْدُوهْ وْ قِيسُوهْ بَرَا فِي الضُلْمَهْ. وِينْ يْكُونْ البْكَا وْ تَغْزَازْ السْنَانْ. 14 عْلَى خَاطَرْ بْزَّافْ لِيَنْعَرْضُوا وْ بَصَّحْ لِيْتَخْتَارُوا هُمَا قْلَال" . 15 وْرَاحُوا الْفَرِسيِيِن ْوْ تْشَاوْرُوا بَاشْ إِشَدُوا كَاشْ غَلْطَة على يَسُوع ْفِكْلاَمَهْ. 16 رَسْلُولَهْ تْلَامْذَهْ مْعَ الْهَرُودُوسِيِينْ وْ ڤَالُولَهْ: "يَا مُعَلِمْ نَعَرْفُوا بَلِي رَاكْ صَادَقْ وْ تْعَلَمْ طْرِيقْ اللهْ بْالْحَقْ، وْمَاعْلَابَالَكْ بْحَتَّى وَاحَدْ، عْلىَ خَاطَرْ مَادِيرَشْ بْالَوْجُوهْ. 17 أَيَ ڤُولْنَا: وَاشْ تْفَكَرْ ؟وَاشْ حْلَالْ نَعْطِي الجَزْيَة لْقَيْصَرْ وَلَا ؟". 18 وَعْرَفْ يَسُوعْ الحِيلَة نْتَاعْهُمْ وْ ڤَالْهُمْ: "عْلَاشْ جَرْبْتُونِي يَا مُنَافِقِينْ؟ 19 وَرِوْلِي الدْرَاهَمْ لِتْخَلْصُوا بِهَا الضْرِيبَة ". وْجَابُولَهْ دِينَارْ. 20 وْ سَقْسَاهُمْ :"هَادْ التَصْوِيرَة وْهَادِ الكْتْبَة اللِّي فِي الدْرَاهَمْ تَاعْمَنْ؟". 21 ڤَاَلُولَهْ: "تَاعْ قَيْصَرْ". وْ هُوَ يْڤُولَهُمْ: "أَعْطُوا لْقَيْصَرْ مَالْقَيْصَرْ وَعْطُوا لَلَّهْ مَا لَلَّه". 22 وْ كِسَمْعُوهْ تْعَجْبُوا وْ خَلَاوَهْ وْ رَاحُوا 23 فِي دَاكْ النْهَارْ جَاوْعَنْدَهْ صَدُوقِينْ، اللِي يْڤُولُوا مَاكَانْشْ قِيَامَه أَياَ سَقْسَاوَهْ 24 ڤَالُولَهْ: "يَا مُعَلِمْ ڤَالْ مُوسَى: إِذَا مَاتْ وَاحَدْ مَاعَنْدَاهَشْ وْلَادْ، خُوهْ يَتْزَوَجْ بْمَرْتَه ْو ْيْكُونْ عَنْدَهْ وْلاَدْ وْ يْدِيرْ نَسَلْ لْخُوهْ. 25 كَانْ عَنْدَنَا سَبْعَ خوُتْ وَ تْزَوَجْ اللَّوَلْ وْمَاتْ. وْ كِمَاعَنْدَهَشْ لَوْلَادْ خَلَى مَرْتَهْ لْخُوهْ. 26 ومَنبَعْد للزَاوَجْ وَ الثَالَثْ حَتَى السَابَعْ. 27 وْمْعَ التَالِي ڤَاعْ مَاتُوا وْ حَتَّى لَمْرَا مَاتَتْ هِيَ تَانِي. 28 وْ فِي الْقِياَمَة شْكُونْ اللِّي غَادِي يْكُونْ رَاجَلْ هَادِيكْ لَمْرَا؟ عْلَى خَاطَرْ تْزوجُوْا بِهَا ڤَاعْ" 29 جَاوَبْهُمْ يَسُوعْ :"رَاكُمْ غَالْطِينْ وْ ضاَلِينْ عَلَى خَاطَرْ مَاتَعَرْفُوشْ كْتَابْ اللَهْ وْلَا قُوَةْ اللَهْ. 30 عْلَى خَاطَرْ فيِ القِيَامَة مَايْزَوْجُوشْ وْ مَايَتْزَوْجُوشْ، بَصَحْ إِيْكُونُوا كِالْمَلَاْيْكة فْي السْمَا 31 وْ مَنْ جِهَةْ قِيَامَةْ المُوتَى، مَاقْرِيتُوشْ كْلَامْ اللَهْ لِيكُم كڤَالْ: 32 "أَنَا هُوَإِلَهْ إِبْرَاهِيمْ وْ إِلَهْ إِسْحَاقْ وْإلَهْ يَعْقُوبْ؟ اللَهْ مَاشِي إِلَهْ المُوتَى بَصَّحْ إِلَهْ الأَحْيَاءْ". 33 كِسَمْعُوا جْمَاعَة النَاسْ التَعْلِيمْ تَاعَهْ تْعَجْبُوا فِيهْ . 34 وْ كِسَمْعُوا الفَرِسِيِينْ بْلِّي سَكَتْ الصَدُوقِينْ تْلَّامُوا مْعَ بَعْضْيَتْهُمْ، 35 وْ سَقْسَاهْ وَاحَدْ مَنْهُمْ وْهُوَ مَنْ عُلَمَاءْ الشَرَعْ بَاشْ ايْجَرْبَهْ: 36 "ياَ مُعَلِمْ وَاشْ هِيَ الوَصِيَة الْكْبِيرَة فَاالشَرِيعَة؟". 37 وْ جَاوَبْهُمْ يَسُوعْ وْ ڤَالَهْ: " تَبْغِي الرًبْ إِلاَهَكْ مَنْ ڤَاعْ ڤَلْبَكْ، وْمَنْ نَفْسَكْ، وَمَنْ ڤَاعْ عَقْلَكْ. 38 هَادِي هِيَ الْوَصِيَة اللَّوْلَى وْالكْبِيرَة. 39 وْ الزَاوْجَة كيِفْهَا: تَبْغِي لِقْرِيبْ لِيكْ كِمَا تَبْغِي رُوحَكْ. 40 وْعَلَى هَادْ الزُوجْ الوْصَايَا تَنَبْنَى ڤَاعْ الشَرِيعَة وْ كُتُبْ الأَنْبِيَاء 41 وْ كِكَانُوا الفَرِيسِييِنْ مَتْلَايْمِينْ سَقْسَاهُمْ يَسُوعْ: 42 "وَاشْ تْڤُولُوا عْلَى المَسِيحْ؟إِبَنْ شْكُونْ؟" ڤَالُولَهْ: "إِبَنْ دَاوُدْ". 43 ڤَاْلُهْمْ:"كِيفَاشْ دَاوُدْ باْلْوَحِيْ تَاْع رُوحْ اللَّه إيْعِيَطْلَهْ رَبِي؟ كِيْ ڤَاَلْ: 44 ڤَاَلْ الرَّبْ لْرَبِي: ڤْعَدْ عْلَى الْيَمِينْ نْتَاعِي حَتَّى نْدِيرْعَدْيَانَكْ تَحْتْ رَجْلِيكْ 45 إِذَا كَانْ دَاوُدْ إيْعِيَطْلَهْ رَبِي، كِيفَاشْ إِكُونْ الْمَسِيحْ إِبْنَهْ ؟". 46 وْمَاقْدَرْحَتَّى وَاحَدْ إِسَقْسِيهْ أَسْئِلَة وَاحَدْخْرَى.
1 تْكَلَمْ يَسُوعْ مْعَ جْمَاعَاتْ النَاسْ وْ تْلَامْذَهْ 2 وْقَالْ: "عُلَمَاءْ الشَرْعْ وْ الفَرِسِيِينْ ڤعْدُوا عَلَى كُرْسِي مُوسَى هُمَا لِعَنْدْهُمْ الحَقْ بَاشْ إِفَسْرُوا الشَرِيعَة تَاعْ مُوسَى، 3 ڤاعْ لِيْقُولُولْكُمْ دِيرُوهْ وْ تَبْعُوهْ، وْبَصَحْ مَاتْدِيرُوشْ فْعَايَلْهُمْ عْلَى خَاطَرْ مَايْدِيرُوشْ هَادَاكْ الشِّي لِيْقُولُوهْ 4 هُمَا إِحَزْمُوا حْزَامَاتْ تْقَالْ وْ صْعَابْ وْ يْحَطُوهُمْ عْلَى كْتَافْ النَّاسْ، وْ بْصَح ْهُمَا ماَيْحَرْكُوا حْتَى صْبَعْهُمْ بَاشْ يَرَفْدُوا مْعَاهُمْ، 5 وْ إِلاَ دَارُوا حَاجَة، يْدِيرُوهَا غِيرْ بَاشْ إِشُوفُوهُمْ النَاسْ: وْيْوَسْعُوا العِصَابَاتْ عْلَى جْبَاهيِهُمْ وْ يْطُوْلُوا جْلَايَلْهُمْ، 6 وْ يَبْغُوا يْكُونُوا فَا البْلَايَصْ المْخَيْرِينْ فَالَوْلَايَمْ، وْ فَدْيُورّْ الصْلَاةْ، 7 وْ يَبْغُوا اِسْلْمُوا عْلِيهُمْ النَّاسْ فْلَسْوَاقْ، وْ يَعْيطُولْهُمْ النَّاسْ: يَا سِيدِي يَا سيِدِي! 8 وْ بْصَحْ نْتُومَا مَاتْخَلِيوْشْ حَتَى وَاحَدْ اِيْعِيَطَلْكُمْ سِيدِي، عْلَى خَاطَرْ نْتُمَا قَاعْ خُوتْ، وْ عَنْدَكُمْ سِيدْ وَاحَدْ. 9 وْ مَانْسَمُوشْ حَتَى وَاحَدْ عْلَى هَادْ الأَرْضْ بُوكُمْ، عْلَى خَاطَرْ بُوكُمْ وَاحَدْ وْ هُوَ الأَبْ اللِي فِي السْمَا. 10 وْ مَا تْسَمِيوْشْ أَرْوَاحْكُمْ مْعَلْمِينْ، عْلَى خَاطَرْ مْعَلِمْكُمْ وَاحَدْ وْ هُوَ المَسِيحْ. 11 وْالْكْبِيرْ فِيكُمْ اِيْكُونْ خَدَامْ لِيكُمْ . 12 وْ لِيَرْفَدْ رُوحَهْ وْ يْعَلِي شَّانَهْ اِيْطِيحْ، بْصَحْ اللِّي يْتْوَاضَعْ الرَّبْ اِيْعَلِيهْ". 13 بْصَحْ يَاوِيلْكُمْ يَا عُلَمَاءْ الشَرِيعَة وْ الفَرِسِيِينْ المُنَافِقِينْ! عْلَى خَاطَرْ تْبَلْعُوا مَلَكُوتْ السَّمَاوَاتْ قُدَامْ النَّاسْ، مَاتَدَخْلُوشْ نْتُمَا وْ مَاتْخَلُوشْ لُخْرِينْ يْدَخْلُوا. 14 يَا وِيلْكُمَ يَا عُلَمَاءْ الشّرِيعَه وَ الفَرِسِييِنْ وْ المُنَافِقِينْ! عْلَى خَاطَرْ تَاكْلُوا رَزْقْ الهَجَالَاتْ، وْطُوْلُوا فِي صْلَاتْكُمْ غِيرْ بَاشْ تْبَانُوا. عْلَى هَادْ الشِّي الْعِقَابْ نْتَاعْكُمْ غَادِي يْكُونْ صْعِيبْ مَنْ نْتَاعْ النَّاسْ لَخْرِينْ. 15 يَاوِيلْكُمْ يَا عُلَمَاءْ الشَرِيعَه وَ الفَرِسِيِينْ وْ المُنَافِقِينْ! عْلَى َخَاطَرْ رَاكُمْ تَقَطْعُوا البَّرْ وْ البْحَرْ بَاشْ تْرَدُوا شِّي وَاحَدْ يْهُودِي، وْ كِيْوَليِ يْهُودِي تْرَدُوهْ يَسْتَاهَلْ جِهَنَمْ كْتَرْ مَنْكُمْ زُوجْ مَرَاتْ. 16 يَا وِيلْكُمْ يَا لمَسْؤُولِينْ الْعُمْيِينْ! اللِّي تْقُولُوا لِيَحْلَفْ بْبِيتْ اللَه مَا عْلِيهْ حَتَى شِي، بْصَحْ لِيَحْلَفْ بْذْهَبْ تَاعْ بِيتْ الله يْوَفِي حَلْفَهْ. 17 يَاجُهَالْ، يَا عُمْيِينْ! وَاشْ لِكْبِيرْ وْ عَنْدَهْ القِيمَةْ: الدْهَبْ وْلَا بِيتْ الله اللِّي يْرَدْ الدْهَبْ مْقَدَسْ؟ 18 وْاللِّي يَحْلَفْ بْالمَدْبَحْ حْلَفْ مَاشِي مَقْبُولْ، وْ بَصَحْ إلاَحْلَفْ بْالفدِيَة اللِّي فُوڤ مَنْهَا خَاصَهْ يُوفِي بْحَلْفَهْ. 19 يَا جُهَالْ يَا عُمْييِنْ! وَاشْ لِخِيرْ: الدْبِيحَة وْلَا الْمَدْبَحْ اللِّي يْرَدْ الدْبِيحَه مْقَدْسَة؟ 20 لِيَحْلَفْ بْالْمَدْبَحْ رَاهْ حْلَفْ بِيهْ وْ بْقَاعْ دَاكْ الشِّي لِفُوڤهْ 21 وْاللِّيَ حْلَفْ بْبِيتْ الله رَاهْ يَحْلَفْ بِيهْ وْ بْالله اللِّي سَاكَنْ فِيهْ، 22 وْلِحْلَفْ باْلسّْمَا يَحْلَفْ بْعَرْشْ الله وْ حَتَى بالله اللِّي قَاعَدْ عْلِيهْ. 23 يَا وِيلْكُمْ يَا عُلَمُاءْ الشَرِيعَة وْالفَرِسِيِينْ وْ المُنَافِقِينْ! تْعَشْرُوا النَعْنَاعْ وْالبْسْبَاسْ وَ الْكَمُونْ، وْخَلِيتُو الحْوَايَجْ المُهِمِينْ فالشَرِيعَة اللِّي هُمَا الحَقْ الرَحْمَة. وَ الإِيمَانْ ,كَانْ خَاصْكُم ْتْدِيرَوا هَادْ الشِي بْلَامَا تْخَلِيوْ الاُمُورْ لُخْرَي. 24 يَاالْمَسْؤُولِينْ الْعُمْيِينْ! اللِي يْصَفِيوْ الْمَا مَنْ النَامُوسْ وَ يْصَرْطُوا الْجْمَلْ 25 يَا وِيلْكُمْ يَا عُلَمُاءْ الشَرِيعَهْ وْ الفَرِسِيِينْ المنافقين! رَاكُمْ تْنَقُوا الكَاسْ وْ الطَبْسِي مَنْ بَرَا، وَتْخَلُوا لدَاخَلْ مْعَمَرْ بْهَادَاكْ الشِي لِجَاكُمْ مَاالسَرْقَة وْالطْمَعْ. 26 يَا الْفَرِيسِي الْعْمَى! نْقِي فَااللَوَلْ الكَاسْ وْالطَبْسِي مَاالدَاخَلْ بَاشْ اِيْوَلِي نْقِي حَتَى مَنْ بَرَا. 27 ياَوِيلْكُمْ يَا عُلَمَاءْ الشَرِيعَة وَ الفَرِسيِيِنْ الْمُنَافِقيِنْ نْتُمَا كِمَا الَقْبُورْ الْمَبِيضْ اللِي تْبَانْ شَابَة مَنْ بَرَا، وْبَصَحْ مَالدَاخَلْ مْعَمَرْ بَعْضَامْ المُوتَى وْ بْكُلْ حَاجَة نَجِسَة، 28 وْهَكَا حَتَى نْتُمَا تْبْانُوا لَنَاسْ مَنْ بَرَا مَتْقِينْ الله، وَبَصَحْ مَاالدَاخَلْ رَاكُمْ مْعَمْرِينْ بالنِفَاقْ وْ الدْنُوبْ. 29 ياَ وِيلْكُمْ يَا عُلَمَاء الشَرِيعَه وَ الفَرِسِيِينْ المُنَافِقِينْ! عْلَى خَاطَرْ رَاكُمْ تْبْنُوا قْبُورْ الأَنْبِيَاء وَ تْزَيْنُوا مَدَافِنْ الصَالْحِينْ، 30 وْتْقُولُوا: لُكَانْ عَشْنَا فُوقْ جْدُودْنْا كَانْ قَاعْ مَا شَارَكْنَاهُمْ فِي الَقْتِيلَة تَاعْ الأَنْبِيَاء. 31 وْهَكَا غَادِي تْشَهْدُوا عْلَى رْوَاحْكُمْ بَلِي اَنْتُمَا وْلَادْ هَادُوكْ لِقَتْلُوا الأَنْبِيَاء 32 أَيَ كَمْلُوا أَنْتُمَا دَاكْ الشِي لِبْدَاوَهْ جْدُودْكُمْ. 33 يَالَحْنُوشَة وْ وْلَادْ الْفَاعِي! كِيفَاشْ تْهَرْبُوا مَنْ دَيْنُونَةْ جِهَنَمْ؟ 34 عْلَى دَاكْ الشِي غَادِي نَرْسَلَلْكُمْ الأَنْبِيَاء وَ الْحُكَمَاء وْعُلَمَاء الشَرِيعَة، كَايَنْ مَنْهُمْ لِغَادِي تَكَتْلُوهُمْ وْ اللِي غَادِي تْصَلْبُوهُمْ، وْمَنْهُمْ لِغَادِي تْضَرْبُوهُمْ فِي دْيُورْ الصْلَاةْ نْتَاعْكُمْ وْ طَرْدُوهُمْ مَنْ مَدِينَة لَمْدِينَة، 35 بَاشْ يَنْزَلْ عْلِيكُمْ الْعِقَابْ تَاعْ كُلْ دَمْ مَغْدُورْ طَاهَرْ سَالْ عْلَى الأَرْضْ، مَنْ دَمْ هَابِيلْ اللِي كَانْ مَتْقِي الله حَتَى دَمْ زَكَرْياَ بْنْ بَرْخِيَا اللِي قَتْلُوه بِبنْ المَوْضِعْ الْمُقَدَسْ وْ الْمَذْبَحْ. 36 وْرَانِي نڤولكم الحَقْ:" هَادْ الْعِقَابْ قَاعْ غَادِي يَنْزَلْ عْلَى هَادْ الجِيلْ" 37 يَا أُرْشَلِيمْ ياَ أُرْشَلِيمْ يَا اللِي تُكْتَلْ الأَنْبِيَاء وْ تَرْجَمْ الْمَرْسُولِينْ لِيهَا، شْحَالْ مَنْ مَرَا بْغِيتْ نْلَمْ وْلَادَكْ كِمَا تْلَمْ الْجَاجَه فْلَالِيسْهَا تَحْتْ جْنَاحْهَا، بَصَحْ مَابْغِيتْيشْ! 38 هَاهِيَ دَارْكُمْ غَادِي تَبْقَالْكُمْ خَرِبَة. 39 عْلَى خَاطَرْ نْقُولْ:" مَا غَادِيشْ تْشُوفُونِي مَاالْيُومْ حَتَى تْقُولُوا مْبَارَكْ اللِي جَايْ بِاسَمْ الرَّبْ!".
1 خرَجْ يَسُوعْ وْرَاحْ لْبِيتْ اللَّهْ، وْڤَدْمُوا عَنْدَهْ تْلاَمْذَهْ بَاشْ يْوَرِيوَهْ البَنْيْ تَاعْ اللَّهْ. 2 ڤَالْهُمْ يَسُوعْ: "شَفْتُوا ڤَاعْ هَادْ الشِي رَانِى نْڤُولْكُمْ الْحَقْ: مَاغَادِي تَبْقَى هْنَا حَتَّى حَجْرَة عْلَى حَجْرَة". 3 وْكِكَانْ يَسُوعْ ڤَاعَدْ فجْبَلْ الزَيْتُونْ، وْسَقْسَاوَهْ بِينْتهُمْ وْ بِينَهْ: "ڤُولْنَا يَاسِيدِي وِينْتَ غَادِي يَصْرَا هَادْ الشِي؟ وْوَاشْ هِيَ الْعَلاَمَة تَاعْ الْمَجْيَ نْتَاعَكْ وْنْتَاعْ آخَرْ الزْمَانْ؟" 4 وْجَاوْبْهُمْ يَسُوعْ وْڤَالْ: "رَدُّوا بَالْكُمْ! لَيْغَلَطْكُمْ شِي وَاحَدْ. 5 عْلَى خَاطَرْ غَادِي يْجِيوْ بَزَّافْ النَّاسْ بِاسْمِي وْيْڤُولُوا أَنَا هُوَ الْمَسِيحْ! وْغَادِي يَغَلْطُوا بَزَافْ النَّاسْ. 6 وْ غَادِي تَسَمْعُوابَالَحْرُوبْ وَأَخْبَارْ الْحُرُوبْ، شُوفُوا، وْعْنْدَاكُمْ تَنْخَلْعُوا!. عْلَى خَاطَرْ هَادْ الشِي ڤَاعْ لاَزَمْ يَصْرا وْبَصَّحْ مَاغَادِيشْ إِيكُونْ هُوَ آخَرْ الزْمَانْ. 7 عْلَى خَاطَرْ غَادِي يَهْجَمْ شَعْبْ عْلَى شَعْبْ وْ مَمْلَكَة عْلَى مَمْلَكَة، وْغَادِي تْكُونْ مَجَاعَاتْ وْ مَرْضْ وْ زْلاَزْلْ بْزَّافْ. 8 وْبَصَّحْ هَادْ الشِي غِيرْ البَدْيَا تَاعْ الوْجَعْ 9 وْ فْدِيكْ السَاعَة غَادِي يْسَلْمُوكُمْ لَلِغَادِي يْعَدْبُوكُمْ وْ يْكَتْلُوكُمْ وْغَادِي تْكُونُوا مَكْرُوهِينْ مَنْ ڤَاعْ الشُعُوبْ عْلَى جَالْ إِسْمِى. 10 وْفْدِيكْ السَاعَة، بَزَافْ غَادِي يْخَلُّوا إِيمَانْهُمْ وْغَادِي يْبِيعُوا بَعْضَاهُمْ بَعْضْ. 11 وْ غَادِي يْبَانُوا بَزَافْ الأَنْبِيَاءْ الْكَذَّابِينْ وْ يْغَلْطُوا بَزَافْ النَّاسْ. 12 وْمَنْ كَثْرَة الدْنُوبْ غَادِي تَبْرَدْ المْحَبَة نْتَاعْ بَزَاّفْ النَّاسْ. 13 وْبَصَّحْ لِيَبْقَى تَابَتْ حَتَّى لَّخَرْ هَادَاكْ غَادِي يَسْلَكْ. 14 وْيْبَشَرْ بَبْشَارَة المَلَكُوتْ فِڤَاعْ الدَّنْيَا وْغَادِي يْكُونْ شَهَادَةْ لْشُعُوبْ الدَّنْيَا ڤَاعْ وْفِي هَادِيكْ السَاعَة غَادِي يْجِي آخِرْ الزْمَانْ". 15 وْكِتْشُوفُوا فَالْمَوْضِعْ الْمُقَدَّسْ النَّجَاسَة تَاعْ الخَرَابْ اللِّي هْدَرْ عْلِيهَا النْبِي دَانْيَالْ - لِيَقْرَا يَفْهَمْ -. 16 فْدِيكْ السَاعَة اللِّي فِي بْلاَدْ الْيَهُودِيَة يَهَرْبُوا لَلْجْبَالْ، 17 وْلِفُوقْ السْطَحْ مَايْهَوَدْشْ يَدِّي وَاشْ كَايَنْ فِي دَارَهْ، 18 وَاللِّي فِي اللَرْضْ تَاعَهْ مَايْوَلِيشْ بَاشْ يَدِّي اللَّبْسَة تَاعَهْ. 19 وْيَاوَيْلْ النْسَا اللِّي بَالْكَرْشْ وْلِيْرَضْعُوا فِي ذِيكْ اللَّيَامْ! 20 صَلُّوا بَاشْ مَايْكُونْشْ هْرُوبْكُمْ فِي نْهَارْ السَبْتْ وْلاَ فِي الشْتَا، 21 عْلَى خَاطَرْ غَادِي يْكُونْ ضِيقْ كْبِيرْ عُمَّرْ مَاكَانْ كِيفَهْ مَنْ الْوَقْتْ اللِّي خْلَقْ فِيهْ اللَّهْ الدَّنْيَا حَتَّى لَلْيُومْ وْ عَمُّرْهَا مَاغَدِي تَتْعَاوَدْ تَصْرَى مَمْبَعْدْ. 22 بَصَّحْ مَا قَصَّرْشْ اللَّهْ دِيكْ اللِّيَامْ لُكَانْ حَتَّى وَاحَدْ مَسْلَكْ مَا النَّاسْ، وبَصَّحْ بَسْبَابْ هَادُوكْ لِخْتَارُهُمْ اللَّهْ دِيكْ لِيَّامْ غَادِي تَقْصَر. 23 وْدِيكْ السَاعَة إِلاَ ڤَالْكُمْ شِي وَاحَدْ: هَاالْمَسِيحْ هْنَا! وْلاَرَاهْ لْهِيهْ! مَا تَيْقُوهشْ. 24 عْلَى خَاطَرْ غَادِي يْبَانُوا نَاسْ يَكَدْبُوا وْأَنْبَيَاءْ كَدَابِينْ وْغَادِي يْوَرِيوْ مُعْجِزَاتْ، بَاشْ يَغَلْطُوا بَزَافْ النَّاسْ وَإِذَا قَدْرُوا إِغَلْطُوا حَتَّى هَادُوكْ لِخْتَارْهُمْ اللَّهْ. 25 هَارَانِي عْلَمْتْكُمْ مَنْ قَبْلْ 26 إِلاَ ڤَالُولْكُمْ رَاهْ فِي الصَحْرَاء! مَاتْخُرْجُوشْ وْ لاَ هَاهُوَّ فِى الدْيَارْ الدَحْلاَنِيَة مَا تَيْقُوهٌومْشْ. 27 عْلَى خَاطَرْ كِمَا يَضْرَبْ الْبَرْقْ فَالشَرْقْ وْيْبَانْ فَى الْغَرْبْ هَكَا غَادِي تْكُونْ المَجْيَ تَاعْ إِبْنْ الإِنْسَانْ. 28 وِينْ مَا غَادِي تْكُونْ الْجِيفَة تَمَّ غَادِي يَتْلاَمُوا النْسُورْ 29 وْمَمْبَعْدْ ضِيقْ نْتَاعْ دِيكْ اللَّيَامْ غَادِي تَضْلاَمْ الَشَمْسْ، وْالْقْمَرْ مَايَضَوِيشْ، وْالنْجُومْ غَادِي طِيحْ مَا السْمَا، وْغَادِي تَتْزَعْزَعْ القُوَاتْ نْتَاعْ السْمَا 30 وْفْدِيكْ السَاعَة غَادِي تْبَانْ الْعَلاَمَة نْتَاعْ إِبْنْ الإِنْسَانْ فَاالسْمَا. وْمَمْبَعْدْ غَادِي يَنَدْبُوا قْبَايَلْ اللَرْضْ، ڤَاعْ وْغَادِي يْشُوفُوا إِبْنْ الإِنْسَانْ جَايْ فُوقْ سْحَابْ السْمَا بْقُوَة وْ عِزْ كْبِيرْ. 31 وْغَادِي يَرْسَلْ مَلاَيْكَة نْتَاعَهْ وْمْعَاهُمْ بُوقْ صُوتَهْ، قْوِيْ بَاشْ إِيلَمُّوا اللِّتَخْتَارُوا مَنْ رَبْعَةْ تَاعْ الْجِيهَاتْ، مَنْ كُلْ مَوْضِعْ تَحْتْ السْمَا 32 مَنْ شَجْرَة الْكَرْمُوسْ تْعَلْمُوا لَمثَلْ: كِيْوَّلِي غْصُنْهَا رُطْبِينْ وْيْوَّلُو خُضْرِينْ وَتَخَرَّجْ الوْرَاقْ نْتَاعْهَا تَعَرْفُوا بَلِّي الضِيقْ رَاهْ ڤَرَّبْ. 33 وْهَكَّا حَتَّا نْتُمَا، مَلِّي تْشُوفُوا هَادْ الأُمُورْ كُلْهَا تَصْرَى عَرْفُوا بَلِّي رَاهْ قَرَبْ إِيجِي وْرَاهْ حْدَا الْبِيبَانْ 34 نْڤُولْكُمْ الْحَقْ :" مَا يَنْقْضَاشْ هَادْ الجِيلْ حَتَّى يَصْرَوا ڤَاعْ هَادْ الأُمُورْ. 35 السْمَا وَ اللَرْضْ غَادِي يَفْنَاوْ وْبَصَّحْ كْلاَمِي عُمْرَهْ مَاغَادِي يَفْنَى" 36 دَاكْ النْهَارْ وْدِيكْ السَاعَة مَايَعْرَفْ بِهَا حَتَّى وَاحَدْ، لاَمَلاَيْكَة السَمَاوَاتْ، إِلاَّ بُويَا وَحْدَهْ 37 وْكِمَا كَانَتْ يَامَاتْ نُوحْ غَادِي ثَانِي تْكُونْ المَجْيَ تَاعْ إِبْنْ الإِنْسَانْ. 38 عْلَى خَاطَرْ كِمَا كَانُوا فْالْيَامْ قْبَلْ الطُوفَانْ , يَاكْلُوا وْيَشَرْبُوا وْيَتْزَوْجُوا وْ يْزَوْجُوا، حَتَّى الْيَوْمْ أَلِدْخَلْ فِيهْ نُوحْ الفْلُوكَة، 39 وْمَاعَرْفُوشْ حَتَّى جَا الطُوفَانْ وَدَّاهُمْ ڤَاعْ، هَكَا ثَانِي غَادِي تْكُونْ المَجْيَ تَاعْ إِبْنْ الإِنْسَانْ 40 تَمَّ غَادِي يْكُونُوا زُوجْ فَي اللَّرْضْ، يَتَخَذْ وَاحَدْ وْ لاَخُرْ يُڤْعَدْ. 41 زُوجْ نْسَا يَطَحْنُوا فَى الرْحَى، تَتَاخَذْ وَاحْدَة وْ لُخْرَى تُڤْعَدْ". 42 أَسَهْرُوا عْلَى خَاطَرْ مَاتَعْرَفُوشْ وَاشْ مَنْ سَاعَة يْجِي الرَّبْ نْتَاعْكُمْ 43 وْعَرْفُوا هَادْ الشِي: لُكَانْ يَعْرَفْ مُولْ الدَّارْ أَمَا سَاعَة فَي اللَّيلْ غَادِي يْجِي الْخَايَنْ لُكَانْ سْهَرْ وْمَا يْخَلِيهْشْ يَخْوَنْ لَهْ دَارَهْ. 44 هَادْ الشِي حَتَّى نْتُمَا كُونُوا وَاجْدِينْ، عْلَى خَاطَرْ إِبْنْ الإِنْسَانْ غَادِي يْجِي فِي وَاحَدْ الْوَقْتْ مَاعْلاَبَالْكُمْشْ بِيهْ 45 وْ شْكُونْ هُوَّ الْعَبْدْ الأَمِينْ الْحَكِيمْ اللِّي كَلَفَهْ سيدَهْ بَالْعْبِيدْ تَاعْ دَارَهْ بَاشْ يَعْطِيهُمْ الْمَاكْلَة فَالْوَقْتْ؟ 46 سَعْدَاتْ هَادَاكْ الْعَبْدْ اللِّي فَي الْوَقْتْ اللِّي غَادِي يْجِي سِيدَهْ غَادِي يَلْقَاهْ إِيدِيرْ الْخَدْمَة اللِّي وَصَّاهْ عْلِيهَا!. 47 نْڤوُلْكُمْ الْحَقْ : "رَاهْ غَادِي يْكَلْفَهْ بْكُلْ مَايَمْلَكْ. 48 وْإِلاَ كَانْ دَاكْ الْعَبْدْ قْبِيحْ وْڤَالْ مْعَ رُوحَهْ سْيدِي غَادِي يَبْطَى بَاهْ إِيْوَّلِي. 49 وَيَبْدَا يَضْرَبْ صْحَابَهْ الْعْبِيدْ وْيَاكُلْ وْيَشْرَبْ مْعَ السْكَايْرِيَة. 50 غَادِي يْجِي سِيدْ دَاكْ الْعَبْدْ فِوَاحَدْ النْهَارْ مَاقَارْعَهْشْ، 51 وْغَادِي يْعَاقْبَهْ بَزَّافْ وْ يْدِيرَهْ مْعَ الْمُنَافْقِينْ تَمَّ وِينْ غَادِي يْكُونْ الْبْكَاوْ تَغْزَازْ السْنَانْ".
1 وَفْداكْ الْوَقْتْ غَادى تْكُونْ مَمْلَكَة الَسَّمَاوَاتْ تَشَبَهْ لْعَشْرَ تَاعْ الْعَزْبَاتْ، دَاوْ مْصَابِيحْهِمْ وْخَرْجُوا بَاشْ يَتْلاَقَاوْ مْعَ الْعَرِيسْ. 2 وْكَانُوا خَمْسَ مَنْهُمْ جَاهْلاَتْ، وْخَمْسَ وْحَدَخْرِينْ عَاقْلاَتْ بَصَّحْ. 3 هَادُوكْ الْجَاهْلاَتْ دَّاوْ مْعَاهُمْ الْمَصَّابِيحْ نْتَّاعْهُمْ بَصَّحْ مَادَارُوشْ فِيهُمْ الَزِيتْ، 4 وْالْخَمْسَة لُخْرِينْ الْعَاقْلاَتْ دَّاوْ مْعَاهُمْ الْمَصَّابِيحْ تَاعْهُمْ ْدَّاوْ الَزِيتْ فِي الْقْرُعْ. 5 وْكِبْطَى الْعَرِيسْ بْدَاوْ الْعَزْبَاتْ ڤَاعْ يَنَعْسُوا وْفَرْشُووْرَڤْدُوا. 6 وْفْنَصْ الِلّيْلْ تَسْمَعْ وَاحَدْ الَصُوتْ قْوِيْ وْيْڤْولْ: "هَالَعْرِيسْ جَايْ، خَرْجُوا بَاشْ تَتْلاَقَاوْ مْعَاهْ! 7 وْنَاضُوا الْعَزْبَاتْ ڤَاعْ وْصَڤْدُوا الْمَصَّابِيحْ نْتَاعْهُمْ. 8 وْڤَالُوا الْعَزْبَاتْ الْجَاهْلاَتْ: عْطُونَا شْوِيَ مَاالَزِيْتْ نْتَاعْكُمْ عْلَى خَاطَرْ الْمَصَّابِيحْ نْتَاعْنَا قْرِيبْ يَنَطْفَاوْ. 9 بَصَّحْ الْعَقْلاَتْ جَاوْبُهُمْ وْڤَالُوا: يَقْدَرْ مَايْقَدْنَاشْ حْنَّا، وْنْتُمَا رُوحُوا وْاشْرُوا مَنْ عَنْدْ الّلي يْبِيعُوا. 10 وْكِكَانُوا غَادْيِينْ يَشْرُوا الَزِيتْ، جَالَعْرِيسْ وْدَخْلُوا مْعَاهْ هَادُوكْ الِّلى كَايْنِينْ لَلْمَوْضِعْ تَاعْ الَعْرِسْ، وْتْبَلَعْ الْبَابْ. 11 وْمَمْبَعْدْ وْلاَوْ الْعَزْبَاتْ لُخْرِينْ وْڤَالُوا: يَاسِيِدِي، يَاسِيدِي، حَلْ عْلِينَا! 12 وْبَصَّحْ الَعْرِيسْ جَاوَبْهُمْ وْ ڤَالْ: فَاالْحَقِيقَة اَنَا مَنَعْرَفْكُمْشْ. 13 عْلَى هَادْ الَشِي سَهْرُوا عْلَى خَاطَرْ مَاتَعَرْفُوشْ لاَ الَنْهَارْ وْلاَ السَاعَة الِلِي غَادِي يْجِي فِيهَا إِبْنْ الْإِنْسَانْ". 14 وْيَتْشَبَهْ مَلَكُوتْ الَسَّمَاوَاتْ لْوَاحَدْ مْسَافَرْ عَيَّطْ لَلْعَبِيدْ نْتَاعَهْ وْكَلَفْهُمْ بَدْرَاهْمَهْ، 15 عْطَى لْوَاحَدْ خَمْسَ وَزْنَاتْ، وْوَاحَدْ اخُرْ زُوجْ وَزْنَاتْ، وْوَحْدَاخُرْ وَزْنَة وْحَدَة. وْكُلْ وَاحَدْ عْلَى قَدْ جُهْدَهْ. وْهُوَسَافَرْ. 16 وْرَاحْ هَادَاكْ الِّلى دَّا خَمَسْ وَزْنَاتْ تَاعْ الَدْرَاهَمْ وْ بْدَا يْبِيعْ وْ يَشْرِي بِيهُمْ، وْرْبَحْ خَمَسْ وَزْنَاتْ وَحَدْ خْرِينْ 17 وْهَادَاكْ اللِّي دَّا زُوجْ وَزْنَاتْ، رْبَحْ زُوج وَحدَخْرِّين. 18 وْهَادَاكْ اللِّي دَّا وَزْنَة وَحْدَة رَاحْ وْحْفَرْ حَفْرَة فِي الأَرْضْ وْدَسْ فِيهَا هَادِيكْ الْوَزْنَة اللِّي عْطَاهالَهْ سِيدَهْ. 19 وْمَمْبَعْدْ وَاحَدْ الْمُدَة طْوِيلَة , وَلَّى الَسَّيِدْ نْتَاعْ هَادُوكْ الْعَبْيدْ وْ تْحَاسَبْ مْعَاهُمْ. 20 وْجّا عَنْدَهْ اللِّي دَّا خَمْسْ وَزْنَاتْ وْأَعْطَاهْ خَمْسْ وَزْنَاتْ وَحَدْخْرِينْ وْڤَالْ :" يَاسَيِدِي، عْطِيتْنِي خَمَسْ وَزْناتْ وْهَامَلاَ خَمْسْ وَزْنَاتْ وَحَدْخْرِينْ رْبَحْتْهُمْ". 21 ڤَالَهْ سِيدَهْ :" مَاعَنْدِي مَانْسَالَكْ رَاكْ عَبَدْ مْلِيحْ وْأَمِينْ! كُنْتَ أَمِينْ فِي الْقَلِيلْ نْوَكْلَكْ عْلَى الْكَثِيرْ. دْخَلْ وْفْرَحْ مْعَ سِيدَكْ. 22 وْمَمْبَعْدْ جَا اللِّي دَّا زُوجْ وَزْنَاتْ وْڤَالَ:" هَكْ مْعَاهُمْ زُوجْ وَحَدْخْرِينْ لِرْبَحْتْهُمْ زَايْدِينْ". 23 وْڤَالَهْ سِيدَهْ:" مَا عَنْدِي مَانْسَالَكْ! نْتَ عَبَدْ مْلِيحْ وْ أَمِينْ، كُنْتْ أَمِينْ مْعَايَ فِي الْقْلِيلْ وْدَرْوَكْ غَادِي نْكَلْفَكْ بَالْكَثِيرْ. أَرْوَاحْ وْفْرَحْ مْعَ سِيدَكْ. 24 وْمَنْبَعَدْ جَاعَنْدَهْ هَادَاكْ اللِّي دَّا وَزْنَة وَاحْدَة حَتَّى هُوَ وْڤَالْ:" يَاسِيدِي أَنَا عْرَفْتْ بَلِّى نْتَ رَاجَلْ قَاسَحْ تَحْصَدْ دَاكْ الَشِّي اللِّي مَازْرَعْتَهْشْ، وْتَجْمَعْ دَاكْ الَشِّي لِمَادَرْتَهْشْ. 25 وْعَلَى هَادْ الَشِّى خَفْتْ وْدَسِيتْ الْوَزْنَة تَاعَكْ فَى الَلَرْضْ. وْدَرْوَكْ هَاوَلَارَزْقَكْ 26 وْيْجَاوْبَهْ سِيدَهْ: "يَالْعَبْدْ الَشَرِيرْ وْالْفَنْيَانْ، يَاكْ عْرَفْتْنِي نَحْصَدْ دَاكْشِ لِمَازْرَعْتْشْ، وْنَجْمَعْ دَاكْ الَشِّي لِمَا دَرتَهشْ، 27 كَانْ عْلِيكْ تْحَطْ دْرَاهْمِي عَنْدْ التُّجَارْ تَاعْ الَدْرَاهَمْ، بَاشْ كِنْوَلِي نَدِّي الَرْبَحْ تَاعَهْ 28 ودُولَهْ هَادْ الْوَزْنَة وْزِيدُوهَا لْهَادَاكْ لِعَنْدَهْ عَشْرَة وَزْنَاتْ. 29 عْلَى خَاطَرْ ڤَاعْ لِكَانْ عَنْدَهْ غَادِي يَتَعْطَالَهْ وْيَتْزَادْلَهْ كْتَرْ مَنْ الاَزَمْ، وْبَصَّحْ اللِّي مَاعَنْدَهْشْ حَتَّى هَادَاكْ الَشِّي لِعَنْدَهْ غَادِي يَنْڤْلَعْلَهْ. 30 وْهَادْ الْعَبْدْ لِمَصَالَحْ لْوَالُوا قِيسُوهْ بَرَّا فَاالَضَلْمَة، وِينْ غَادِي يْكُونْ الَبْكَا وْ تَغْزَازْ السْنَانْ". 31 وْكِغَادِي يْجِي إِبْنْ الإِنْسَانْ فِي الْعَّزْ وَالْمَجْدْ نْتَاعَهْ وْ مْعَاهْ ڤَاعْ الْمَلاَيْكَة، وْفْدَيكْ الَسَاعَة غَادِي يَڤْعَدْ عْلَى الْعَرْشْ تَاعْ الَعْزْ وَالْمَجْدْ نْتَاعَهْ. 32 وْغَادِي يَتْجَمْعُوا ڤَاعْ الَشُعُوبْ، ڤُدَامَهْ وْغَادِي يَعْزَلْهُمْ عْلَي بَعْضَاهُمْ كِمَا يَعْزَلْ السُرَاحْ الْخِرْفَانْ مَاالْمَعِزْ، 33 وْغَادِي يْدِيرْ الْخِرْفَانْ عْلَى لْيْمِينْ تَاعَهْ وَالْمْعَازْ عْلَى الْيْسَارْ تَاعَهْ. 34 وْمَمْبَعْدْ غَادِي يْقُولْ الْمَلِكْ لْهَادُوكْ اللِّي عْلَى لْمِينْ تَاعَهْ:" أَرْوَاحُوا يَااللِّي بَارَكْهُمْ بُويَا إِوَرْثُوا مَمْلَكَةْ اللهْ اللِّي مْوَّجَدْهَالْكُمْ مَالْوَقْتْ لِتْخَلْقْتْ فِيهْ الَدَّنْيَا. 35 عْلَى خَاطَرْ جُعْتْ وْوَكَلْتُونِي. وْعْطَشْتْ شَرَّبْتُونِي. وْكُنْتْ غْرِيبْ وْضَيَفْتُونِي. 36 عَرْيَانْ وْكْسِيتُونِي وْمْرِيضْ وْزورْتُونِي. وْفَالْحَبْسْ وْجِيتُوا لْعَنْدِي. 37 وْفْدِيكْ الَسَّاعَة غَادِي يْجَاوْبُوهْ هَادُوكْ لِدَارُو مُرَادْ اللَّهْ ويْڤُولُوا: "يَارَبِّي وْقْتَاشْ شَفْنَاكْ جِيعَانْ وْوَكَلْنَاكْ، وْلاَّ عَطْشَانْ وْشَرَّبْنَاكْ؟، 38 ووْقْتَاشْ غْرِيبْ وْضَيَفْنَاكْ، وْلاَ عَرْيَانْ وْكْسِينَاكْ؟، 39 وْقْتَاشْ شَفْنَاكْ مْرِيضْ وْلاَفَاالَحَبْسْ وْجِينَاعَنْدَكْ؟، 40 وْغَادِي يْجَاوْبْهُمْ الْمَلِكْ: نڤْولْكُمْ الْحَقْ:" كُلْ خَطْرَة دَرْتُوا هَادْ الَشِّي لْوَاحَدْ مَنْ خُوتِي الَصْغَارْ، رَاكُمْ دَرْتُوهْ لِى". 41 وْغَادِي يْڤُولْ تَانِي لْهَادُوكْ عْلَى لْيْسَارْ نْتَاعَهْ: رُوحُوا عْلَيَ يَامَلاَعِينْ لَلْنَّارْ الَدَّايْمَة اللِّي مْوَجْدَة لإِبْلِيسْ وْلْمَلاَيْكَة لِمْعَاهْ، 42 عْلَى خَاطَرْ جُعْتْ وْمَاوْكَلْتُونِيشْ. وْعْطَشْتْ وْمَاشَرَبْتُونِيشْ. 43 وْكُنْتْ غْرِيبْ وْمَاضَيَفْتُونِيشْ. وْعَرْيَانْ وْمَا كْسِيتُونِيشْ. وْمْرِيضْ وْمَحْبُوسْ وْمَاجِيتُوشْ لْعَنْدِي 44 وْفْدِيكْ الَسَّاعَة غَادي يْجُو هُمَا تَانِي وْيْڤُولُوا: يَارَبْ ، وِينْتَ شَفْنَاكْ جِيعَانْ وعَطْشَانْ، عَرْيَانْ و مْرِيضْ وْلاَ مَحْبُوسْ وْمَخْدَمْنَاكْشْ؟ 45 وْغَادِي يْجَاوَبْهُمْ الْمَلِكْ وْيْڤْولْهُمْ: الْحَقْ نْڤُولْكُمْ: إلاَ مَادَرْتُوشْ هَادْ الَشِّي لْهَادُوكْ الَصْغَارْ رَاكُمْ مَادَرْتُوشْ لِى. 46 هَادُوكْ غَادِي يْرُوحُوا لَلْعَذَابْ الَدَّايْمْ وْ لِدَارْ مُرَادْ الَّلهْ غَادِي يْرُوحْ لَلْحْيَاة الأَبَدِيَة".
1 وْكِكَمَلْ يَسُوعْ ڤَاعْ هَادْ لَكْلاَمْ ڤَالْ لْتْلاَمِذَهْ: 2 "تَعَرْفُوا بَلِي يُومِينْ مَنْبَعْدْ غَادِي يْكُونْ عِيدْ الْفَصْحْ، وْإِبْنْ الإِنْسَانْ غَادِي يْسَلْمُوهْ بَاهْ يَتَصْلَبْ" 3 وْفْدَاكْ الْوَقْتْ تْجَمْعُوا رُؤَسَاءْ رْجَالْ الَدِّينْ وْشْيُوخْ الشَعْبْ فِي دَارْ قَيَافَا رَئِيسْ رْجَالْ الَدِّينْ، 4 وْتْشَاوْرُوا بِينَاتْهُمْ بَاشْ يَشْدُوا يَسُوعْ بَالْحِيلَة وَيْكَتْلُوهْ. 5 وْڤَالُوا: "بَصَّحْ مَانْدِيرُوشْ هَادْ الَشِّي فَالْعِيدْ بَاشْ مَتْنُوضْشْ الْفَوْضَى فِي وَسْطْ الَشَعْبْ". 6 وْكِكَانْ يَسُوعْ فِي بِيتْ عَانْيَا فِدَارْ سَمْعَانْ الْمَجْدَامْ، 7 وْهُوَ مْتكِي ڤَرْبَتْ عَنْدَهْ وَاحَدْ الَمْرَا عَنْدْهَا قَرْعَة رِيحَة غَالِيَة بَزَافْ وْكُبَتْهَا عْلَى رَاسَهْ. 8 وْكِيشَافُوا الَتْلاَمِدْ تَاعَهْ لِدَارْتَهْ الْمْرَا مَا عْجَبْهُمْشْ الْحَالْ وْ ڤَالُو: "عْلاَشْ هَادْ الضْيَاعَة؟ 9 هَادْ الرِيحَة كَانَتْ تَقْدَرْ تَتْبَاعْ بْسُومَا غَالِيَة يَتْقَسْمُوا دْرَاهَمْهَا عْلَى لْمْسَاكَنْ". 10 وْكِعْرَفْ يَسُوعْ ڤَالْهُمْ: "عْلاَشْ رَاكُمْ تْصَدْعُوا فَالْمْرَا؟ رَاهِي دَارَتْ مْعَايْ غِيرْ الْخِيرْ! 11 عْلَى خَاطَرْ الْمْسَاكَنْ رَاهُمْ دِايمَنْ مْعَاكُمْ، بَصَّحْ أَنَا مَغَدِيشْ نْكُونْ دِيمَا مْعَاكُمْ. 12 وْهِيْ كِخَواَّتْ الرِيحَة عْلَى الْجْسَدْ تَعِي هِيَ رَاهَا تْوَجَدْنِي لَلْدْفِينَة. 13 نْڤُولْكُمْ الْحَقْ: وِينْ مَاغَادِي يْبَشْرُوا بَالإِنْجِيلْ فِي ڤَاعْ الْعَالَمْ، غَادِي يَهْدْرُوا عْلَى هَادْ الَشِّي لِدَارَتَهْ هَادْ الْمْرَا وْيَتْفَكْرُوهَا". 14 وْفْدَاكْ الْوَقْتْ رَاحْ وَاحَدْ مَاالَتْلاَمِيذْ الطْنَاعْشْ، اللِّي سَمُوهْ يَهُوذَا الإِسْخَرْيُوطِي لْعَنْدْ رُؤَسَاءْ رِجَالْ الَدِينْ 15 وْڤَالْهُمْ: "شَا غَادِي تَعْطُونِي إلاَ سَلَّمْتَهْلْكُمْ؟". وْتَافْڤُوا مْعَاهْ عْلَى تْلاَتِينْ قِطْعَة تَاعْ الْفَضَة. 16 وْمَنْ دَاكْ الْوَقْتْ هُوَ يْحَوَّسْ عْلى فُرْصَة بَاشْ يْسَلْمَهْ. 17 وْفَالَنْهَارْ اللَّوَلْ تَاعْ عِيدْ الْفْطِيرْ جَاوْ الَتْلاَمِذْ عَنْدْ يَسُوعْ وْسَقْسَاوَاهْ : "وِينْ بْغِيتْ نْوَجْدُولَكْ العْشَا تَاعْ عِيدْ الْفَصْحْ؟". 18 وْجَاوَبْهُمْ وْڤَالْهُمْ: "رُوحُوا لَلْمْدِينَة، لْعَنْدْ فْلاَنْ وْڤُولُولَهْ: رَاهْ إِيڤُولَكْ سِيدْنَا: رَاهْ سَاعْتِي ڤَرْبَتْ وْ غَادِي نْجِي نْفَوَّتْ عِيدْ الْفَصْحْ أَنا وْ تْلاَمِيذِ تَاعِي عَنْدَكْ". 19 ودَارُوا الَتْلاَمِيذْ كِمَا ڤَالْهُمْ يَسُوعْ وْوَجْدُوا لَعْشَا تَاعْ عِيدْ الْفَصْحْ. 20 وْكِڤَرَبْ وَقْتْ لَعْشَا ڤْعَدْ يَسُوعْ حْدَا الْمَايْدَا بَاشْ يَاكُلْ مْعَ الَتْلاَمِيذْ الَطْنَاعْشْ. 21 وْهُمَا يَتْعَشَاوْ ڤَالْهُمْ: "نْڤُولْكُمْ الْحَقْ: رَاهْ وَاحَدْ مَنْكُمْ غَادِي يْسَلَمْنِي". 22 وْحَزْنُوا الَتْلاَمِيذْ بَزَافْ وْبْدَا كُلْ وَاحَدْ فِيهُمْ إِسَقْسِى: "أَنَا يَاسِيدِي؟". 23 وْجَاوَبْهُمْ وْ ڤَالْ: "اللِّي مَادْ يَدَّهْ مْعَايْ فَاالَطَبْسِ هُوَ لِغَادِي يْسَلَمْنِي! 24 إِبْنْ الإِنْسَانْ غَادِي يْمُوتْ كِمَا مَكْتُوبْ عْلِيهْ فِي كْتَابْ اللَّهْ، وْبَصَّحْ يَاوِيلَهْ الرَاجْلْ لِغَادِي يْسَلَمْ إِبْنْ الإِنْسَانْ. كَانْ خِيرْلَهْ لُكَانْ مَتَّوْلَدْشْ". 25 وْيْسَقْسِيهْ يَهُوذَا اللِّي غَادِي يْسَلْمَهْ ڤَالَهْ: "أَنَا هُوَ سَيدِي؟". ڤَالَهْ: "أَنْت ڤُلْتْ". 26 وْكِكَانُوا يَاكْلُوا جْبَدْ يَسُوعْ الْخُبْزْ، وِبَارْكْ وْقْسَمْ وْعْطَى لَتَلاَمِذْ وڤَالْ: "هَاكُوا كُولُو هَذَا هُوَ جَسْدِي". 27 وْجْبَدْ الْكَاسْ وْشْكَرْ اللَّهْ وْعْطَاهُمْ وْڤَالْ: "شُرْبُوا مَنْهَا ڤَاعْ، 28 عْلَى خَاطَرْ هَادَا هُوَ دَّمِي، دَّمْ تَاعْ الْعَهْدْ جْدِيدْ لِغَادِي يْسِيلْ عْلَى جَالْ بَزَافْ الَنَّاسْ لْمَغْفِرَةْ الَدْنُوبْ 29 وْنْڤُولْكُمْ: مَالْيُومْ مَا غَادِيشْ نْعَاوَدْ نَشْرَبْ مَنْ هَادْ لَعْصِيرْ تَاعْ لَعْنَبْ حَتَّى يْجِي الَنْهَارْ اللِّي غَادِي نَشُّرْبَهْ مْعَاكُمْ جْدِيدْ فَلْمَمْلَكَة تَاعْ بُويَا". 30 وْمَمْبَعْدْ سَبْحُوا الَّلهْ وْخَرْجُوا وْرَاحُوا لَجْبَلْ زَيْتُونْ. 31 وْڤَالْهُمْ يَسُوعْ: "فْهَادْ اللِّيْلَة غَادِي تَسَمْحُوا ڤَاعْ فِيَّ عْلَى خَاطَرْ مَكْتُوبْ فِي كْتَابْ اللَّهْ: تَضْرَبْ السَرَّاحْ و يَتْفَرْقُوا الْخِرْفَانْ تَاعْ الْقْطِيعْ. 32 وْبَصَّحْ مَنْبَعْدْ الْقِيَامَة نْتَاعِي نْسَبْقْكُمْ لَلْجَلِيل". 33 وْجَاوْبَهْ بُطْرُسْ وْڤَالَهْ: "لُكَانْ إِشْكُّوا ڤَاعْ فِيكْ أَنَا عُمْرِي مَا نْشْكْ فِيكْ". 34 ڤَالَهْ يَسُوعْ: "نْڤُولَكْ الْحَقْ: قْبَلْ مَايْصِيحْ الَدِّيكْ غَادِي تُنْكَرْنِي ثَلْثْ مَرَاتْ". 35 وْجَاوْبَهْ بُطْرُسْ: "وْلُكَانْ يَتْحَتَمْ عْلِيَ نْمُوتْ مْعَاكْ مَا نُنْكْرَكْشْ!". وْهَاكَ ڤَالُوا ڤَاعْ الَتْلاَمِيذْ 36 وْفْدَاكْ الْوَقْتْ جَا يَسُوعْ مْعَ الَتْلاَمِذْ تَاوَعَهْ لْوَاحَدْ الجْنَانْ إِسْمُوهْ جِتْسِمَانِي، وْڤَالْهُمْ: ُ"ڤعْدُوا هْنَا بِلَمَا نْرُوحْ لْهِيهْ وْنْصَلِي". 37 وْمْبَعْدْ دَّا مْعَاهْ بُطْرُسْ وَوْلاَدْ زَبَدِي فِزُوجْ، وْبْدَا يْحَسْ بَالْغَمْ وْلَحْزَنْ. 38 وڤَالْهُمْ: "نَفْسِى حْزِينَة بَزَّافْ حَتَّى لَلْمُوتْ ڤَعْدُوا هْنَا وَاسَهْرُوا مْعَايَ". 39 وْبَعَّدْ عْلِيهُمْ شْوِيَ وْسَجَدْ وْبْدَا ، يْصَلِي ڤَالْ: "يَا بُويَا، إِذَا تَقْذَرْ تْبَعَدْ عْلِيَ هَادْ الْمَحْنَة وْبَصَّحْ مَاشِي كِيمَا بْغِيتْ أَنَا، كِيمَا تَبْغِي أَنْتَ". 40 وَمَنْبَعْدْ وَلَّى عَنْدَ الَتّْلاَمِذْ وْلْقَاهُمْ رَاڤْدِينْ، وْڤَالْ لْبُطْرُسْ: "مَقْدَرْتُوشْ تَسَهْرُوا مْعَايَ غِيرْ سَاعَة وَاحْدَة؟ 41 سَهْرُوا وْ صَلُوا بَاشْ مَاطِحُوشْ فَاالَتَجْرِبَة. رَاهْ الَرُوحْ قْوِيَة وْبَصَّحْ الَذَاتْ ضْعِيفَة". 42 وَيْرُوحْ وْ يْصَلِي لَلْخَطْرَة الَزَاوْجَة وْصَلَّى وْڤَالْ: "بُويَا، إِلاَ مَا يَمْكَنْشْ تْبَعَدْ عْلِيَ هَادْ الْمَحْنَة حَتَّى نْذُوقْهَا، مَا يْكُونْ غِيرْ مُورَادَكْ". 43 وْعَاوَدْ وَلَّي وْلْڤَاهُمْ رَاڤْدِينْ عْلَى خَاطَرْ غْلَبْهُمْ النْعَاسْ، 44 وْخَلَاهُمْ وْرَاحْ وْصَلَّى لَلْمَرَة الثَالْثَة وْعَاوَدْ نَفْسْ الَكْلاَمْ 45 وْمَنْبَعْدْ جَاوْلْعَنْدَهْ الَتّْلاَمِذْ تَاوْعَهْ وْڤَالْهُمْ: "رُڤْدُوا وْرَيْحُوا! هَاهِيَ الَسَاعَة ڤَرْبَتْ، وْإِبْنْ الإِنْسَانْ غَادِي يَتَسْلَمْ لَلْيَدِينْ تَاعْ الَمَدَنْبِينْ. 46 أَيَاوْ نْرُوحُوا! هَادَاكْ لِغَادِي يْسَلَمْنِي ڤَرَبْ إِيجِي". 47 وْكِكَانْ يَسُوعْ مَازَالْ يَهْدَرْ وْصَلْ يَهُوذَا لِهُوَ وَاحَدْ مَا الطْنَاعْشْ وْمْعَاهْ جْمَاعَة كْبِيرَة مْسَلْحِينْ بَالسْيُوفَة وْ الْمْطَارڤْ رَسْلُوهُمْ رُؤَسَاءْ رْجَالْ الدِّينْ وْشُيُوخْ الَشَعْبْ. 48 وْهَادَاكْ لِسَلْمَهْ كَانْ عْطَاهُمْ وَاحَدْ الإِشَارَة وْڤَالْهُمْ: "الَرَاجْلْ لِغَادِي نْسَلَمْ عْلِيهْ هَادَاكْ هُوَ لِتْشَدُوهْ". 49 وْفْدِيكْ الَسَاعَة ڤَرْبْ يَهُوذَا عَنْدْ يَسُوع ، سَلَمْ عْلِيهْ وْ ڤَالَهْ: "سْلاَمْ عْلِيكْ يَاسِيدِي!" 50 وْڤَالَهْ يَسُوعْ: "يَاصَاحَبْ، عْلاَهْ جِيتْ؟" وْڤَرْبُوا عَنْدْ يَسُوعْ وْشَدُوهْ 51 وْ مَدْ وَاحَدْ مَنْ هَادُوكْ لِكَانُوا مْعَ يَسُوعْ يَدَّهْ وْجْبَدْ الَسِيفْ تَاعَهْ وْضْرَبْ الْعَبْدْ تَاعْ رَئِيسْ رِجَالْ الَدِّينْ، وْحَلَّهْ وَدْنَهْ. 52 وْڤَالَهْ يَسُوعْ: "رُدْ سِيفَكْ لَلْدَاخْلْ، عْلَى خَاطَرْ ڤَاعْ هَادُوكْ لِيْخَدْمُوا بَالسِيفْ، إِيمُوتُوبِهْ! 53 حَسَبْتْ مَانَقْدَرْشْ نْعَيَطْ لْبُويَ وْيَرْسَلْي طْنَاعْشْ جِيشْ مَالْمَلاَيْكَة ؟ 54 وْبَصَّحْ كِيفَاشْ غَادِي يَتْحَقَقْ الَكْلاَمْ لِتَكْتَبْ: وْاللِّي يڤُولْ بَلِي هَكَا إِلِيقْ إِيكُونْ؟". 55 وْفْدِيكْ الَسَاعَة يَسُوع ڤَالْ لَلْجْمُوعْ: "كَلِّي جِيتُوا تَدُّوا خَايَنْ وْلاَ مُجْرِمْ بَالسْيُوفْ وْ الْعْصَا ! كُلْ يُومْ كُنْتْ مْعَاكُمْ فَي الْهَيْكَلْ وْمَاشَدِيتُونِيشْ. 56 وْبَصَّحْ هَادَا ڤَاعْ بَاشْ يَتْحَقَق ْلِنْڤَالْ فَي كْتُبْ الأَنْبِيَاءْ". خَلاَوَه ْڤَاعْ تْلاَمِذَهْ وْهَرْبُوا. 57 وْهَادُوكْ لِشَدُّوا يَسُوعْ دَّوَاهْ عَنْدْ قَيَافَا رَئِيسْ رْجَالْ الَدِّينِ، وْينْ كَانُوا مَلْمُومِينْ عُلَمَاءْ الْشَّرْع وَ الْشُيُوخْ. 58 وْتَبّْعَهْ بُطْرُسْ مَنْ لْبْعِيدْ حَتَّى لَدَّارْ نْتَاعْ رَئِيسْ رْجَالْ الْدِّينْ، وْهُوَ يُدْخُلْ وْ يُڤْعُدْ مْعَ الْخَدَّامَا بَاشْ يَعْرَفْ وَاشْ غَادِي يَصْرَا مْعَ الْتَّالِي. 59 وْ كَانُوا رُؤَسَاءْ رْجَالْ الْدِّينْ وَ كْبَارْ الْمَحْكَمَة يْحَوْسٌوا يْشَدُّوا عْلِيهْ شْهَادَةْ الْزُّورْ بَاشْ يَكَّتْلُوهْ، 60 وْبَصَّحْ مَلْقَاوْشْ. وْ ڤَاعْ حَتَّى كِي جَاوْ شْهُودْ زُورْ بَزَّافْ بَصَّحْ مَالْقَاوْشْ. وْمْعَ لَخَّرْ ڤَدْمُوا زُوجْ شْهُودْ زُورْ 61 وَيْڤُولُوا: "هَاذَا الْرَّاجَلْ ڤَالْ: رَانِي نَقْدَرْ نْهَّدَمْ بِيِتْ الْلَّهْ و فْتَلْتَيَّامْ نَبْنِيه". 62 وَيْنُوضْ رَئِيسْ رْجَالْ الْدِّينْ وَ يْسَقْسِي يَسُوعْ: "وَاشْ مَاغَادِيشْ تْجَاوَبْ حَتَّى حَاجَة عْلَى هَادْ الْشِّي لِرَاهُمْ يَشَّهْدُوا عْلِيكْ هَادْ الْرْجَالْ؟". 63 وْبَصَّحْ يَسُوعْ ڤْعَدْ سَاكَتْ. وَيْڤُولَّه رَئِيسْ رْجَالْ الْدِّينْ: "نَحْلَفْلَكْ بَاللَّهْ الْحَيْ بَاشْ تْڤُولْنَا إِلَا أَنْتَ هُوَ الْمَسِيحْ ابْنَ الْلَّه؟". 64 ڤَالْ يَسُوعْ: " أَنْتَ ڤُلْتْ! وتَانِي نْڤُلْكُمْ مَنْ دَرْوَكْ: غَادِي تْشُوفُوا ابْنَ الْإِنْسَانْ ڤَاعَدْ عْلَى يَمِينْ الْلَّه الْقُدْرَة، وْجَايْ عْلَى سْحَابْ الْسْمَا" 65 فْدِيكْ الْسَّاعَة ڤَطَع رَئِيسْ رْجَالْ الْدِّينْ حْوَايْجَهْ وْ ڤَالْ: "هَذَا رَاهْ يَكْفَرْ! وْمَعَدْنَا مَنْدِيرُوا بَالْشْهُودْ؟ رَاكُمْ سْمَعْتُوا كْلاَمْ الْكُفْرْ تَاعَهْ! 66 وَاشْ تَفَكْرُوا؟". وْجَاوْبُوهْ وْڤَالُولَهْ: "رَاهْ يَسْتَاهَلْ الْمُوتْ". 67 وْدَفْلُوا عْلَى وَجْهَهْ، وْضَرْبُوهْ 68 وْڤَالُو: "تْنَبَّأْ أَلْمَسِيحْ مَنْ ضَرْبَكْ". 69 بَصَّحْ بُطْرُسْ كَانْ ڤََاعَدْ بَرَّا الَدَّارْ، وْ جَاتْ عَنْدَهْ وَاحَدْ الْمْرَا وْڤَالَتْ: «أَنْتَ كُنْتْ مْعَ يَسُوعْ الْجْلِيلِى!». 70 نْكَرْ ڤُدَامْ ڤَاعْ الْغَاشِى وْڤَالْ :"مَنِيشْ عَارَفْ وَاشْ رَاكِى تْڤُولِي!". 71 وْمَنْبَعْدْ خْرَجْ لَلْحَوْشْ وْشَافْتَهْ وَحْدُ خْرَى، وْڤَالَتْ لَلِي كَانُوا تَمَّ: "هَذَا كَانْ مْعَ يَسُوعْ الَنَّاصِرِي!". 72 وْنْكَرْ وْهُوَ يَحْلَفْ: "أَنَا مَا نَعْرَفْشْ هَادْ الَرَّاجْلْ!". 73 وْمَنْبَعْدْ جَاوْ وَقْفِينْ وْڤَالُوا لْبُطْرُسْ: "بَصَّحْ نْتَّ تَانِي مَنْهُمْ، لَهْجْتَكْ تْبَيَنَكْ!". 74 وْبْدَا يَلْعَنْ وْيَحْلَفْ: "أَنَا مَانَعْرَفْشْ الَرَّاجْلْ!". وْتَّمْ تَّمْ صَاحْ الَدِّيكْ. 75 تْفَكَرْ بُطْرُسْ هَدْرَةْ يَسُوعْ اللِّي ڤَالَهْ: "قْبَلْ مَايْصِيحْ الَدِّيكْ غَدِي تُنْكَرْنِي ثَلْثْ مَرَّاتْ وْخْرَجْ بَرَّا وْبْكَا بَكَيَتْ الْمْرَارْ".
1 وْ فِي الصْبَاحْ بَكْرِي تْشَاوْرُوا ڤَاعْ رُؤَسَاءْ الْكَهَنَة وْ شُيُوخْ الَشَعْبْ عْلَى يَسُوعْ بَاهْ يَكْتْلُوهْ ، 2 سلْسْلُوهْ مَنْ يَدَّهْ وْدَّاوَهْ وْسَلْمُوهْ لَلْوَالِي بِيلاَطُسْ الْبُنْطِي. 3 وْفْي دِيكْ الَسَّاعَة كِي شَافْ يَهُوذَا اللِّي سَّلْمَهْ بَلِي حَكْمُوا عْلَى يَسُوعْ، نْدَمْ وْرَدْ الَتْلاَثِينْ مَا الْفَضَّة لْرُؤَسَاءْ رْجَالْ الَدِينْ وْ الَشُيُوخْ 4 وْڤَالْهُمْ : "رَانِي غْلَطْتْ مِينْ سَلَّمتْ وَاحَدْ مَا عْلِيهْ حَتَّى ذَنْبْ". وْڤَالُولَهْ :"مَاشِي شُغْلْنَا دَبَّرْ رَاسَكْ!". 5 وْ قَاسْ يَهُودَا هَدِيكْ الْفَضَّة فْبِيتْ اللَّه وْ مَنْبَعْدْ رَاحْ وْ جَيَّفْ رُوحَهْ. 6 وْدَّاوْ رُؤَسَاءْ رْجَالْ الدِّينْ الْفَضَّة وْڤَالُوا : "مَاشِي حَلاَلْ نْدِيرُوهُمْ فَصَنْدُوقْ تَاعْ بِيتْ اللَّهْ عْلَى خَاطَرْ هَذِهِيَ الَسُومَى تَاعْ دَّمْ بْنَادْمْ". 7 وْتْشَاوْرُوا وْشْرَاوْ بِيهُمْ لَرْضْ الفَخَارِي مَقَبْرَة لَلْبَرَاوِيَ. 8 وْعْلَى دَاكْ الَشْى إِسْمُوا هَادِيكْ اللَرْضْ "حَقْلْ الدَّمْ" لَلْيُومْ 9 وْ فْدِيكْ الَسَاعَة تْحَقَّقْ دَاكْ الَشِي لِڤَالَهْ الَنَبِي إِرْمْيَا: "وْدَّاوْ تْلاَثِينْ مَالْفَضَة، الَسًومَى لِتَافْقًوا عْلِيهْ شِي وَحْدِينْ مَنْ شَعْبْ إِسْرَائِيلْ بَاشْ تْكُونْ الَسُومَى تَاعَهْ، 10 وْبْهَادْ الَسُومَى شْرَاوْ الأَرْضْ الفَّخَارِي كِيمَا وْصَانِى الرَّبْ". 11 وْقَفْ يَسُوعْ ڤُدَامْ الْوَالِي وْسَقْسَاهْ : "نْتَ هُوَ مَلِكْ الْيَهُودْ؟". رَّدْ عْلِيهْ يَسُوعْ : "أَنِتَ ڤُلْتْ". 12 وْكِكَانُو رُؤَسَاءْ رْجَالْ الَدِّينْ وْ الَشْيُوخْ تَّهْمُوهْ مَاكَانْ إِجَاوْبْهُمْ بْحَتَى حَاجَة. 13 وْڤَالْه بِيلاَطُسْ:"وَاشْ مَاسْمَعْتْشْ ڤَاعْ الَشِي لِيْشَهْدُوا بِيهْ عْلِيكْ؟". 14 وْ مَا جَاوْبَهْمْشْ يَسُوعْ حَتَّى بْكَلْمَة، وْعْلَى هَادْ الَشِي تْعَجَبْ فِيهْ الْحَاكَمْ بَزَافْ. 15 وْكَانَتْ الْعَادَة عَنْدَ الْحَاكَمْ فِى كُلْ عِيدْ الْفَصْحْ يَطَلْڤُوا وَاحَدْ مَالْمَحْبُوسِينْ اللّي بْغَاوْه النَّاسْ. 16 وْكَانْ عَنْدْهُمْ فْدِيكْ السَاعَة وَاحَدْ الْمَحْبُوسْ مَشْهُورْ سَمُوهْ بَارَابَاسْ. 17 وْكِتْجَمْعُوا النَّاسْ سَقْسَاهُمْ بِيلاَطُسْ :"شْكُونْ لِبْغِيتُوا نَطَلْڤَهْ لْكُمْ؟ بَارَابَاسْ وْلاَيَسُوعْ لِيَتْسَمَى الْمَسِيحْ؟". 18 عْلَى خَاطَرْ كَانْ عْلاَبَالَهْ سَلْمُّو يَسُوعْ عْلَى خَاطَرْ كَانُوا حَاسْدِينَهْ. 19 كِكَانْ ڤَاعَدْ عْلَى كُرْسِيْ الْحُكْمْ رَسْلَتْلَهْ مَرْتَهْ وْڤَاتْلَهْ:" حْرَزْ تْآدِي هَادَاكْ الَرَاجْلْ الْبَّارْ عْلَى خَاطَرْ تْعَدْبَتْ الْيُومْ بَزَافْ فَلْمْنَامْ مَنْ جِيهْتَهْ". 20 وْبَصَّحْ رِؤَسَاءْ رْجَالْ الدِّينْ وْالشْيُوخْ حَرْشُوا جْمَاعَاتْ تَاعْ الَنَّاسْ بَاشْ يَطَلْبُوا مَنْ بِيلاَطُسْ يَطْلَڤَلْهُمْ بَارَابَاسْ وْيَكْتَلْ يَسُوعْ. 21 وْسَقْسَاهُمْ بِيلاَطُسْ :"شْكُونْ فِي هَادْ الَزًوجْ بْغِيتُوا نَطْلَڤَهْلْكُمْ ؟". وْجَاوْبُوهْ بَارَابَاسْ!". 22 ڤَالْهُمْ بِيلاَطُسْ وَاشْ غَادِي نْدِيرْ بْيَسُوعْ اللِّي سَمَّوَهْ الْمَسِيحْ ؟ وْجَاوْبُوهْ كُلْهُمْ: "صَلْبَهْ !". 23 وْڤَالْهُمْ : "وَاشْ مَنْ شَرْ دَارْ؟". بَصَّحْ هُمَا زَادُوا فِي زْڤَاهُمْ وْڤَالُولَهْ : "صَلْبَهْ!" 24 وْكِشَافْ بِيلاَطُسْ بَلِّي مَانْفَعْ مْعَاهُم حَتَّى حَاجَة وْ الشَعْبْ زَادْ هَاجْ، جْبَدْ المَا وْغْسَلْ يَدِّيهْ ڤُدَامْ الَنَّاسْ وْڤَالْ : "أَنَا رَانِي مَتْبَرِّي مَنْ دَّمْ هَادْ الَرَّاجَلْ! شُوفُوا نْتُمَا مْعَاهْ!". 25 وْيْجَاوْبَهْ ڤَاعْ الَشَعْبْ : "غِيرْ خَلِّي دَّمَهْ عْلِينَا وْعْلَى وْلاَدْنَا". 26 وْفْدِيكْ الَسَاعَة طْلَڤْلْهُمْ بَارَابَاسْ، وْبَصَّحْ يَسُوعْ سَّلْمَهْ بَاشْ يَتَصْلَبْ. مَنْبَعْدْ مَا جَلْدُوهْ 27 الْعَسْكَرْ تَاعْ الْحَاكْمْ دَّاوْ يَسُوعْ لْدَارْ الْوِلاَيَة وْلَمُّوا عْلِيهْ ڤَاعْ الْفِرْقَة تَاعْ الْعَسْكَرْ، 28 وْعَرَّاوَهْ وْلَبْسُوهْ لْبَاسْ أَحْمَرْ، 29 وْضَّفْرُوا تَاجْ الَشُوكْ وْحَطُوهْ عْلَى رَاسَهْ، وْدَارُولَهْ فِي يَدَهْ لِمْنَى ڤَصْبَة . وْبْدَاوْ يَرْكْعُوا ڤُدَّامَهْ وْيَضَحْكُوا عْلِيهْ وْ يْڤُولُوا لَهْ:"سَلاَمْ عْلِيكْ يَامَلِكْ لِيهُودْ!". 30 وِتفْلُوا عْلِيهْ وْڤَلْعُولَهْ الْڤَصْبَة وْضَرْبُوهْ بِيهَا عْلَى رَاسَهْ . 31 وْمْبَعْدْ ضَحْكُوا عْلِيهْ، ڤَلْعُولَهْ اللْبَاسْ وْلَبْسُوهْ قَشَهْ، وْ دَّاوَهْ بَاهْ يَصَلْبُوهْ 32 وْكِكَانُوا خَارْجِينْ بِيهْ مَالْمْدِينَة تْلاَقَاوْ مْعَ وَاحَدْ الَرَاجَلْ مَالْقِيرَوَانْ إِسَمُّوا سَمْعَانْ، وْسَّيْفُوا عْلِيهْ بَاشْ يَرْفَدْ الَصَلِيبْ تَاعْ يَسُوعْ الْمَسِيحْ. 33 وْوَصْلُوا لَلْمَوضِعْ لِسَمُّوهْ الْجُلْجُثَة لِيعْنِي "الْجُمْجُمَة " 34 وْعْطَاوَهْ يَشْرَبْ الْشْرَابْ مْخَلَطْ بْوَاحَدْ الْعُشْبَة سَمُّوهَا الْمُرْ. وْكِدَاقَهْ مَابْغَاشْ يُشَرْبَهْ. 35 وْصَلْبُوهْ وْڤَسْمُوا بِينَاتْهُمْ حْوَايْجَهْ بَعْدْ مَادَارُوا عْلِيهُمْ الْقُرْعَة، بَاشْ يَتْحَقَقْ وَاشْ نْڤَالْ عْلَى لْسَانْ الَنَبِيْ: "تْڤَاسْمُوا قَشِّي بِينَاتْهُمْ وْ دَارُوا عْلِيهُمْ الْقُرْعَة". 36 وْمَنْبَعْدْ ڤَعْدُوا إِعَسُّوا عْلِيهْ. 37 وْدَارُوا فُوْقْ رَاسَهْ لُوحَة مَكْتُوبْ فِيهَا: "هَذَا هُوَّ يَسُوعْ مَلِكْ الْيَهُودِ". 38 الْيَهُودِيَة وْ دِيكْ الَسَاعَة صَلْبُوا مْعَاهْ زُوجْ خَيَّانْ وَاحَدْ عْلَى لَيْمِنى وْلاَخَرْ عْلَى لْيَسْرَى تَاعَهْ. 39 وْكَانُوا ڤَاعْ لِكَانُوا يْفُوتُوا عْلِيهْ يَكَفْرُوا وْيْعَايْرُوا فِيهْ وْهُمَا يْدَّوْرُوا فِي رِسَانْهُمْ 40 ويڤولو: "يَالِي هَدَمْتْ بِيتْ اللَّهْ وْغَادِي تْعَاوَدْ تَبْنِيهْ فِي تَلْتْ يَّامْ، سَلَّكْ رَاسَكْ! إِلَى كُنْتْ إِبْنْ اللَّهْ وْهَوَّدْ مَنْ فُوقْ الَصَلِيبْ!". 41 وْكَانُوا رُؤَسَاءْ رْجَالْ الَدِّينْ وْعُلَمَا الَشَرْعْ وَالشُيُوخْ حَتَّى هُمَا يَضَحْكُوا عْلِيهْ وْيْڤُولُوا: 42 " سَلَّكْ نَاسْ خْرِينْ وْ مَاقْدَرْتشْ يسَلَّكْ رُوحَه! إِلَى كَانْ هُوَ مَلِكْ إِسْرَائِيلْ يَنْزَلْ دَرْوَكْ فُوقْ الَصَلِيبْ وْغَادِي نْأَمْنُوا بِيهْ ! 43 يَكْ هُوَ تْكَلْ عْلَى اللَّهْ، أَيَ يْعَتْقَهْ دَرْوَكْ إِلَى بْغَا! عْلَى خَاطَرْ هُوَّ ڤَالْ:" أَنَا إِبْنْ اللَّهْ!". 44 وْ حَتَّى الْخِيَانْ اللِّي تَصَلْبُوا مْعَاهْ عَايْرُوهْ كِمَا لُخْرِينْ 45 وْطَاحَتْ الَضَلْمَة عْلَى ڤَاعْ الْبِلاَدْ مَا الطْنَاعْشْ تَاعْ النْهَارْ حَتَّى التْلاَتَة تَاعْ العْشِيَة. 46 وْمَنْ جْوَايَهْ تْلاَثَة تَاعْ العْشِيَة زْڤَا يَسُوعْ بْصوتْ عَالِي : "إِلِي إِلِي لِمَا شَبَقْتَنِي؟" أَلِي مَعْنَاتْهَا: إِلَهِي، إِلَهِي، عْلاَشْ سْمَحْتْ فِيَّ ؟ 47 وْسَمْعُوهْ وْحْدِينْ مَنْ هَادُوكْ لِكَانُوا وَاڤْفِينْ تَمَّ وْڤَالُوا : "رَاهْ يْعَيَطْ لْإِلِيَا 48 وْجْرَى وَاحَدْ مَنْهُمْ وْ دَّا طَرْفْ تَاعْ الْقَشْ وْعَمْرَهْ خَلْ وْعَصْرَهْ فِي قَصْبَة وْشَرْبَهْ لَهْ. 49 وْبَصَّحْ لُخْرِينْ ڤَالُوا: "خَلٍّى نْشُوفُوا إِلِيَّا إلَى إِيجِي يْسَلْكَهْ!". 50 وزَڤَا يَسُوعْ ثَانِي بْصَوْتْ قْوِيْ وْسَلَمْ الَرُوحْ 51 وْتْڤَطَعْ حْجَابْ بِيتْ اللَّهْ عْلَى زُوجْ مَالْفُوقْ لَتَحْتْ، وْ تْزَلْزْلَتْ لَرْضْ، وْالْحْجُرْ الْكْبَارْ تْشَقْقَتْ، 52 وْتْحَلُّوا القْبُورْ، وْقَامُوا بَزَّافْ النَّاسْ المْقَدْسِينْ مَالْمُوتْ، 53 وْخَرْجُوا مَالْقْبُورْ بَعْدْ قِيَامَتِه، وْدَخْلُوا المْدِينَة المْقَدْسَة، وْبَانُوا لْبزَافْ النَّاسْ. 54 وْڤَايْدْ العَسْكَرْ وْ اللِّي مْعَاهْ عَسَّاسَا عْلَى يَسُوعْ شَافُوا الَزْلْزْلَة وْلْصْرَا، خَافُوا بَزَّافْ وْ ڤَالُوا : "بَصَّحْ هَادْ الَرَاجَلْ كَانْ إِبْنْ اللَّهْ!". 55 وْكَانُوا تَّمْ نْسَا بَزَّافْ لِتَبْعُوا يَسُوعْ مَالْجَلِيلِ وْيْخَدْمُوهْ كَانُوا ڤَاعْدِينْ تَمَّ وْيْشُوفُو فِيهْ مَالْبْعِيدْ، 56 وْمَنْ بِينَاتْهُمْ مَرْيَمْ الْمَجْدَلْيَة، مَرْيَمْ أُمْ يَعْقُوبْ وْيُوسَفْ، وْأُمْ وْلاَدْ زَبَدِي. 57 وْفَالْعْشِيَة، جَا وَاحَدْ الرَاجَلْ لاَبَاسْ عْلِيهْ مَالرَّامَة إِسَمُّوهْ يُوسَفْ، وْكَانْ هُوَّ تَانِي تَلْمِيذْ يَسُوعْ. 58 وْدْخَلْ هَادْ الَراجَلْ عَنْدْ بِيلاَطُسْ وْ طَلْبَهْ بَاهْ يَعْطِيهْ الجَسَدْ تَاعْ يَسُوعْ. وْفْدِكْ الَسَاعَة أْمَرْ بِيلاَطُسْ بَاهْ يَعْطُوهْلَهْ. 59 وْدَّا يُوسَفْ الجْسَدْ وْكَفْنَهْ فِكَتَانْ نْقِيْ، 60 وْحَطَّهْ فَالْقْبَرْ الجْدِيدْ اللِّي فَالصْخَرْ، وْبَلَّعْ بَابْ الْقْبَرْ بْحَجْرَة كْبِيرة وْرَاحْ. 61 وْكَانَتْ تَمَّ مَرْيَمْ الْمَجْدَلِيَة وْ مَرْيَمْ لُخْرَى ڤَاعْدِينْ ڤُدَامْ القْبَرْ 62 وْ لْغَدْوَا كِينَا مَنْبَعْدْ النْهَارْ اللِّي يْوَجْدُوا فْيهْ السَبْتْ، تْلَّمُوا رُؤَسَاءْ رْجَالْ الدِّينْ وَالْفَرِيسِيِنْ عَنْدْ بِيلاَطُسْ 63 وْڤَالُولَهْ: "يَاسِيدِى، تْفَكَرْنَا بَلِّي هَادَاكْ الْكَذَّابْ كِكَانْ حَيْ كَانْ إِقُولْ:" بَلِّى مَنْبَعْدْ تَلْثْ يَّامْ غَادِي يْقُومْ. 64 أَيَ أَعْطِي أَمْرْ بَاشْ تْكُونْ العَسَّة عْلَى القَبْرْ حَتَّى النْهَارْ الثَالْثْ بَاشْ مَايْجُوشْ التْلاَمَذْ تَاعَهْ فَالْيلْ أُيْخَوْنُوهْ، وْ يْڤُولُوا لَلْشَعْبْ: بَلِّي قَامْ مَالْمُوتْ، وْغَادِي تْكُونْ هَادِي الكَذْبَة لَخْرَة أَشَرْ مَالْوْلَى!". 65 وْيْقُولْهُمْ بِيلاَطُسْ : "عَنْدْكُمْ عَسَّاسِينْ أَيَ رُوحُوا وْعَسُّوا القْبَرْ كِمَا بْغِيتُوا". 66 وْرَاحُوا وْشَّمْعُوا الحَجْرَة تَاعْ القْبَرْ وْ دَارُوا عْلِيهْ العَسَة.
1 وْمَمْبَعدْ نْهَارْ الَسَبْتْ طْلَعْ الْفْجَرْ تَعْ نْهَارْ الأَحَدْ، جَاتْ مَرْيَمْ الْمَجْدَلِيَة وْمَرْيَمْ لُخْرَى بَاشْ يْشُوفُوا لَقْبَرْ. 2 وْعْلَى غَفْلَة صْرَاتْ زَلْزْلَة قْوِّيَة، عْلَى خَاطَرْ مَلاَكْ نْزَلْ مَالَسْمَا وْجَا وْ لَزْ الْحَجْرَة اللِّي عْلَى بَابْ الَقْبَرْ، وْجَمَّعْ عْلِيهَا. 3 وْكَانْ إِيضَوِّي كِمَا الْبَرْقْ، وْقَشَّهْ بْيَضْ كِمَا الثَلْجْ. 4 وْتْرَعْدُوا الْعَسَّاسَا مَاالْخُوفْ وْوَلاَوْ كِمَا الْمُوتَى. 5 وْبَصَّحْ الْمَلاَكْ ڤَالْ لَزُوجْ الَنْسَا: «مَاتْخَافُوشْ أَنَا عَارَفْ بَلِّى رَاكُمْ تْحَوْسُوا عْلَى يَسُوعْ لِتَصْلَبْ. 6 رَاهْ مَارَاهْشْ هْنَا عْلَى خَاطَرْ قَامْ كِمَا َڤَالْ! رُوحُوا المُوضَعْ لِكَانْ مَحْطُوطْ فِيهْ. 7 وْرُوحُوا بَلْخَفْ وْڤُولُوا لَتْلاَمَذْ: رَاهْ قَامْ مَالْمُوتْ. وْهَاهُوَّ غَادِي يَسْبَقْكُمْ لَلْجْلِيلْ. تَمَّ غَادِي تْشُوفُوهْ. هَاأَنَا رَانِي ڤُلْتَلْكُمْ». 8 خَرْجُوا بَلْخَفْ مَالْقْبَرْ وْهُمَا خَايْفَاتْ وْ فَرْحَانَاتْ، وْرَاحُوا يَجْرُوا بَاشْ إِخَبْرُوا التْلاَمَذْ. 9 وْكِكَانُوا رَايْحِينْ فَالطْرْيڤْ لاَقَاهُمْ يَسُوعْ وْڤَالْهُمْ: «سَلاَمْ لِيكُمْ». لَزُّوا عَنْدَهْ وْشَدُّوا رَجْلِيهْ وْ سَجْدُوا لِيهْ. 10 وڤَالْهُمْ يَسُوعْ : «مَاتْخَافُوشْ. رُوحُوا وْ ڤُولُوا لْخُوتِي بَاشْ إِيرُوحُوا لَلْجْلِيلْ، وْتَمَّ غَادِي يْشُوفُونِْى». 11 وْكِكَانُوا النْسَا لْزُوجْ غَادْيَاتْ فَى الْطْرِيقْ رَاحُوا شِي عَسَّاسَا لَلْمْدِينَة وْخَبْرُوا الرُؤَسَا تَاعْ رْجَالْ الدِّينْ بْڤَاعْ دَاكْ الشِي لْصْرَا. 12 وْتْلَّمُوا مْعَ الشْيُوخْ، وْتْشَاوْرُوا فْهَادْ الشِي، وْرْشَاوْ الْعَسْكَرْ بَدْرَاهَمْ بَزَّافْ 13 وْڤَالُولْهُمْ: «ڤُولُوا بَلِّى التْلاَمَذْ تَاعَهْ جَاوْ فَاللَّيلْ خَوْنُوهْ وَحْنَا رَاڤْدِينْ. 14 وْ إِلاَ عْرَفْ الْحَاكُمْ حْنَا غَادِي نَقَنْعُوهْ، وْمَا غَادِي يْصْرَالْكُمْ حَتَّى حَاجَة». 15 وْدَّاوْ العَسَّسَا الْدَرَاهَمْ وْ دَارُو كِمَا وَصَّاوْهُمْ، وَتَنْشَرْ الخْبَرْ عَنْدْ لِهُودْ حَتَّى هَادْ الْيُومْ. 16 وْالطْنَاعْشْ التْلْمِيذْ رَاحُوا لَلْجْلِيلْ لَجْبَلْ، كِمَا وَصَّاهُمْ يَسُوعْ. 17 وْغِيرْ شَافُوهْ سَجْدُوا لَهْ، وْبَصَّحْ وَحْدِينْ مَنْهُمْ شَكُّوا. 18 يَسُوعْ وْتْكَلَّمْ مْعَاهُمْ وْڤَالْ:«اللَّهْ عْطَانِي ڤَاعْ السُلْطَة فِي السْمَا وْعْلَى اللَرْضْ، 19 رُوحُوا وْ تَلْمْذُهُمْ جمِيْع النَاسْ وْعمدُوهُمْ بإسْم الأَب والإبن والرُّحْ القُدُسْ 20 وْعَلْمُوهُمْ بَاشْ إِيدِيرُوا بْڤَاعْ الدَاكْشِي اللِّي وْصِيتْكُمْ بِيهْ. وْغَادِي نْكُونْ مْعَاكُمْ حَتَّى اللَّخَرْ تَاعْ الزْمَانْ». آمِينَ.
1 هَذِي هِيَ لْبَدْيَا تَاعْ إِنْجِيلْ الْمَسِيحْ إِبْنْ الَّلَهْ ، 2 كِمَا ڤَالُوا لَأَنْبِيَا لَّوْلِينْ :<<غَادِي نَرْسَلْ ڤُدَّامَكْ مَلَاكِيِ،لِي يْوَجَّدْلَكْ طْرِِيڤْ . 3 صُوتْ وَاحَدْ إيزَڤي فَالْخْلَا: وَجْدُّوا طْرِيڤْ الرَّبْ، وْ صَڤْدُوا طُرْڤَانَهْ >>. 4 كَانْ يُوحَنَا إَغَطَّسْ فَالْخْلَأ إخَبَّرْ بْتَغْطِيسْ الْتُّوْبَة وْغُفْرَانْ الْدْنُوبْ . 5 وْكَانُوا يْجُوا عَنْدَه ڤَاعْ مَنْ جِهَة تَاعْ الْيَهُودِيَة وْنَاسْ اُرُوشَلِيمْ وْكَانُوا يَتْغَطْسُوا عْلَى يَدَّهْ فِي وَادْ الأُرْدُنْ، وْ كَانُوا يَسْتَعَّرْفُوا بَدْنُوبْهُمْ . 6 وْكَانْ يُوحَنَّا يَلْبَسْ لَوْبَرْ تَاعْ جْمَلْ وْ يَتْحَزَّمْ بَالْجَلْدْ ،وْ يَاكُلْ الْجْرَادْ ولَعْسَلْ الْحُّرْ . 7 كَانْ إخَبَّرْ وَيْڤُولْ : " غَادِي يْجِي وَاحَدْ مَنْ مُورَايَ قْوِيْ عْلِيَّا ، لِمَانَسْتَاهَلْشْ حَتَّى نْطَاطِي وَنْحَلْ خْيُوطْ تَاعْ صَبَّاطَهْ . 8 أَنَا غَطَّسْتْكُمْ بَالْمَاءْ، بَصَّحْ هُوَ يْغَطَّسْكُمْ بَالْرُّوحْ الْقُدُسْ ". 9 فْهَاذُوكْ لِيَّامْ جَا يَسُوعْ مَنْ النَاصِرَةِ الْجَلِيلْ وَتْغَطَّسْ مَنْ يُوحَنَّا فِي وَادْ الأُرْدُنْ . 10 كِي خْرَجْ مَالْمَا شَافْ الْسْمَا نَحَلَّتْ ، وْا لرُوحْ هَوَّدْ عْلِيهْ كِي لْحْمَامَة 11 جَا صُوتْ مَالسْمَا يْڤُولْ: " أَنْتَ بْنِي الْحْبِيبْ الْلِّي أَنَا فَرْحَانْ بِهْ ". 12 وْ تَمْتَمْ ادَّاهْ الْرُّوحْ لَلْخْلَا ، 13 ڤْعَدْ رَبْعِينْ يُومْ وَالشّيطَانْ اجَرَّبْ فِيهْ .وْكَانْ بِينْ لَوْحُوشْ. وَالْمَلاَيْكَة تَخَّدْمَهْ . دعوة التلاميذ الأولين 14 وْكِي ڤَظْبُوا يُوحَنَّا ، جَا يَسُوعْ لَلْجَلِيلْ إِخَبَّرْ بْمَلَكُوتْ الْلَّهْ 15 وَ يْڤْولْ : "وْصَلْ الْوَقْتْ وْ ڤَرَّبْ مَلَكُوتْ الْلَّهْ ،تُوبُوا وْآمْنُوا بَالإِنْجِيلْ" 16 وْهُوَ يَتْمَشَّى عْلَى بْحَرْ الْجَلِيلْ شَافْ سِمْعَانْ وْ أَنْدْرَاوُسْ وْ خُوهْ لِهُمَا صَيّادِينْ. 17 ڤَالْهُمْ يَسُوعْ : "تَبْعُونِي وْ غَادِي نْرُّدْكُمْ صَيَّادِينْ الْنَّاسْ". 18 تَمْ تَمْ خَلَّاوْ الْشْبَكْ وْ تَبْعُوهْ . 19 مَنْبَعْدْ شْوِيَا شَافْ يَعْقُوبْ بَنْ زَبَدِي وْيُوحَنَّا خُوهْ ، يْرَقْعُوا فَالشْبَكْ . 20 عَيَّطَلْهُمْ . تَمْ تَمْ خَلَّاوْ بُوهُمْ زَبَدِي فَالْفْلُوكَه مْعَ لْخَدَّامَة وْ تَبْعُوهْ . 21 مَنْبَعْدْمَا دَخْلُوا كَفَرْ نَاحُومْ تَمْ تَمْ دْخَلْ لَلْمَجْمَعْ فَنْهَارْ السَّبْتْ وْبْدَا يْعَلَّمْ. 22 وْكَانُوا مَخْلُوعِينْ فَالتَّعلِيمْ تَّاعَهْ عْلَى خَاطَرْ كَانْ يْعَلَّمْ كِي لِي عَنْدَهْ سُلْطَانْ مَاشِّي كِيمَا الْكَتَبَة . 23 وْكَانْ كَايَنْ فَالْمَجْمَعْ وَاحَدْ مَسْكُونْ بْدَا يْزَڤِّي 24 وَيْڤُولْ : " شَا كَايَنْ بِينَّا وْ بِينَكْ يَا يَسُوعْ النَّاصِرِي؟ جِيتْ بَاهْ تَهْلَكْنَا! اَنَا نَعْرَفْ شْكُونْ انْتَ : قُدّوسْ الْلَّهْ!". 25 ڤَالَّهْ يَسُوعْ بْصُوتْ عَالِي: " أسْكُتْ! وُخْرُجْ مَنَّهْ !". 26 طَيْحَهْ الْرُّوحْ الْنَّجِسْ وْ بْدَى وَيْزَقِّي وَخْرَجْ مَنَّهْ . 27 ڤَاعْ تْحَيّْرُوا، وْ بْدَاوْ إسَقْسُوا بَعْضِيَاتْهُمْ وَيْڤْولُوا:" وَاشْ هَادْ ؟الْتَّعْلِيمْ لَجْدِيدْ ؟ عْلَى خَاطَرْ بْسُلْطَانْ يَامَرْ الأَرْوَاحْ النَّجِسَة تْطِيعَهْ !". 28 تَمْ تَمْ شَاعْ خَبْرَهْ فِي ڤَاعْ جِهَةْ الْجَلِيلْ . شفاء حماة سمعان و آخرين 29 كِخَرْجُوا مَالْمَجْمَعْ رَاحُوا لْدَارْ سِمْعَانْ وْ أَنْدْرَاوَسْ مْعَ يَعْقُوبْ وْ يُوحَنَّا . 30 وْ كَانَتْ نْسِيبَةْ سِمْعَانْ رَاقْدَة وْ فِيهَا الْحُمَّى، وْ ڤَالُوا لْيَسُوعْ عْلِيهَا . 31 وْ ڤَرَّبْ يَسُوعْ وْ شَدْهَا مَنْ يَدِّيهَا، وْ نَوَّضْهَا وْ تَمْ تَمْ رَاحَتَلْهَا الْحُمَّى وْ بْدَاتْ تَخْدَمْهُمْ . 32 لَعْشِيَة كِي طَاحَتْ الشَّمْسْ، جَابُوا ڤََاعْ الْمَرْضَى وَلْمَسْكُونِينْ . 33 وْ نَاسْ لَمْدِينَة كَانُوا ڤَاعْ مَتْلَايْمِينْ عَنْدْ الْبَابْ. 34 وْ شْفَى بَزَّافْ لِيكَانُوا يْعَانُوا مَنْ أمْرَاضْ مَتْنَوْعَة ، وْ خَرَّجْ شَيَاطِينْ بَزَّافْ ، وْ مَخَلَّاهُمْشْ يَهَدْرُوا عْلَى خَاطَرْ عَرْفُوهْ. 35 فَالصْبَاحْ بَكْرِي نَاضْ وْرَاحْ لَلْخْلَا، وْبْدَا يْصَلِّي تَمَّاكْ ، 36 وْمْبْعَدْ رَاحْ سِمْعَانْ وْلِي مْعَاهْ إحَوْسُوا عْلِيهْ. 37 وْ كِي لْقَاوَهْ ڤَالُولَهْ: " ڤَاعْ رَاهُمْ إحَوْسُوا عْلِيكْ". 38 ڤَالْهُمْ يَسُوعْ : " نْرُوحُوا لَدْوَاوِيرْ لِقُدَّامْنَا نْبَشْرُوا تَمَّا تَانِي، عْلَى جَالْ هَادْ شِي جِيتْ ". 39 وْ رَاحْ إِبَشَّرْ فِي ڤَاعْ الْمَجَامِعْ تَاعْهُمْ فِي الْجَلِيلْ يْحَرَّرْ لْمَسْكُونِينْ . 40 وْ جَا عَنْدَهْ وَاحَدْ فِيهْ لَبْرَصْ يَطْلَبْ مَنَّهْ وْ هُوَ رَاكَعْلَهْ ڤَالَهْ :"الاَ بْغِيتْ، تْنَجَّمْ تْنَقِّينِي". 41 تْحَنَّنْ عْلِيهْ يَسُوعْ مَدْ يَدَّهْ وَ لَمْسَهْ وْ ڤَالَهْ :" أَتْنَقَّى! ". 42 وْ تَمْ تَمْ وْ هُوَ يَهْدَرْ بْرَا وْ رَاحْلَهْ لْبَرْصْ. 43 تَمْ تَمْ رَسْلَهْ وْ حَّدْرَهْ 44 وْ ڤَالَهْ: " رُوحْ وْ مَا تْڤَولْ حَتَى لْوَاحَدْ، وْوَرّي رُوحَكْ لَلْكَاهَنْ وْ مَدْ عْلَى نْقَاوْتَكْ كِيمَا أْمَرْ بِيهْ مُوسَى ،بَاهْ تْكُونْ شْهَادَه لِيهُمْ ". 45 بَصَّحْ هُوَ كِخْرَجْ بْدَا يْزَڤَي بَزَّافْ وْ شَيَّعْ لَخْبَرْ، حَتَى مَوَلَّاشْ يَسُوعْ يْنَجَّمْ يُدْخُلْ وَيْبَانْ فْدِيكْ لَمْدِينَة ، وْ كَانْ يُقعُدْ فَالْخْلَا ، وْ كَانُوا يْجُوا عَنْدَهْ مَنْ كُولْ جِهَة.
1 بعْدْ يَامَاتْ دْخَلْ يَسُوعْ كَفَرْنَاحُومْ ،وَسَمْعُوا بَلِّ كَانْ فْاالدَّارْ 2 تَمْ تَمْ تْلاَيمُوا عَنْدَهْ بَزَافْ لْغاشِي ومَكَانْشْ وِينْ إجَّمْعُوا حْتَى عَنْدْ الْبَابْ،وْكَانْ يَخَبَرْهُمْ بْكْلاَمْ الله. 3 وْجَاوْعَنْدَهْ جَابُولَهْ وَاحَدْ مَشْلُولْ رَافْدِينَهْ رَبْعَ رْجَالْ 4 وْكِي مَنْجّْمُوشْ إِ ڤَرْبُوا عَنْدَهْ ، حَلُّوا سْقَفْ وِينْ كَان يَسُوعْ ، وْدَلاَّوْ مَنَهْ الَفْرَاشْ اللِّى كَانْ الْمَشْلُولْ مْكَسَّلْ فِيهْ . 5 كِشَافْ يَسُوعْ إيمَانْهُمْ ڤَالْ لَلْمَشْلُولْ " يَاوْلْدِي دْنُوبَكْ رَاهُمْ مَغْفُورِينْ " 6 وْكَانْ تَمَ جْمَاعَة مْنْ الْكَتَبَة ڤَاعْدِينْ إِيْخَمْمُوا فِي ڤَلُوبْهُمْ 7 " عْلاَهْ يَهْدَرْ كِمَا هَاكْ رَاهْ ْيَكُفْرْ ؟ شْكُونْ يْنَجَمْ يَغْفَرْ الدْنُوبْ مَنْ غِيرْ للَهْ وَحْدَهْ " 8 تَمْ تَمْ عْرَفْ يَسُوعْ بْرُوحْ نْتَاعَهْ بَلِّى كَانُوا يْخَمْمُوا كِمَا هَاكْ فِى نْفُوسْهُمْ ،و ڤَالْهُمْ<< عْلاَهْ رَاكُمْ تْخَمْمُوكِمَا هَاكْ فِى ڤَلُوبْكُم 9 ،وَاشْ مَنْ أَمْرْلِسَاهَلَ ؟ يَتْ ڤَالْ لَلْمَشْلُولْ دْنُوبَكْ مَغْفُورَة ،وْلّاَ يَتْڤَالْ نُوضْ وَأَرْفَدْ فْرَاشْكْ وْأتمْشَّي؟. 10 بَصَّحْ بَاهْ تَعَرْفُو بَلِّى إِبْنْ الْإنْسَانْ عَنْدَهْ السُلْطَانْ عْلَى الأَرْضْ بَاهْ يَغْفَرْ الدْنُوبْ ڤَالْ لَلْمَشْلُولْ 11 " نْڤُولَكْ نُوضْ وَأَرْفَدْ فْرَاشَكْ وْرُوحْ لْدَارَكْ 12 نَاضْ وْتَمْ تَمْ رْفَدْ لَفْرَاشْ خْرَجْ ڤُدَامْهُمْ ڤَاعْ ،حَتَى نْخَلْعُوا وْبْدَاوْ يْسَبْحُوا فِى اللهْ وْيڤُولُوا " عُمَّرْنَا مَا شَفْنَا حَاجَة كِمَا هَادِي". 13 وْزَادْ خْرَجْ يَسُوعْ لَلْبْحَرْوْجَاوْعَنْدَهْ بَزَافْ غَاشِي وْعَلَّمْهُمْ 14 كِكَانْ فَايْتْ شَافْ لاَوِيَ بَنْ حَلْفَى ڤَاعَدْ وِينْ اخَلْصُوا الضْريبَة وْ ڤَالْهْ <<تَبَّعْنِى>> ، نَاضْ وْ تَبّْعَهْ 15 كِى كَانْ يَسُوعْ مَتَّكِي فَدَارْاللاَّوِى هُوَوْتَلاَمْذَهْ بَزَّافْ الْعَشَّارِينْ وَالْخَاطِييِنْ ڤَاعْدِينْ مْعَاهْ ،وْكَانُوا يْتَبْعُوهْ 16 الْكَتَبَة وْالْفَرِيسَيُونْ شَافُوهْ يَاكُلْ مْعَا الْخَاطِيينْ وْالْعَشَارِينْ وْڤَالُوا لْتْلاَمْذُهْ " عْلاَهْ يَاكَلْ وْ يَشْرَبْ مْعَ الْعَشَارِينْ وَالْخَاطِيينْ ؟". 17 وْكِسْمَعْ يَسُوعْ ڤَالْهُمْ "مَشِ لِبْصَحَتْهُمْ لِيَسْتْحَقُوا الَطْبِيبْ بَصَّحْ اْلمُّرْضْى هُمَاَ لِيْسْتْحَقُوهْ ، أنَا مَاجِيتْشْ بَاهْ نَعْيَّطْ لْصْحَاحْ بَصَّحْ جِيتْ نْعَيَّطْ لَلْمَدْنُوبِينْ لْتُوْبَة " 18 السُؤَالْ عَنْ الصَوْمْ وْكَانُوا تْلاَمْذْ تَاعْ يُوحَنَّا وَلْفَرِِيسِينْ إِيصُومُوا ، وْجَاوْ وْڤَالُوا لْيَسُوعْ "عْلاَهْ تَلاَمِيذْ يُوحَنَّا وْ لْفَرِيسِيِنْ إِصُومُوا وْتَلاَمِيذْ نْتَاوْعَكَ مَايْصُومُوشْ ؟ " 19 ڤَالْهُمْ يَسُوعْ << يْنَجَمْوا صْحَابْ لَعْرِيسْ ايْصُومُوا وْلَعْريسْ مْعَاهُمْ، مَدَامْ لَعْرِيسْ بِنَاتْهُمْ مَيْنَجْمُوشْ إِيصُومُوا. 20 بَصَحْ غَادِ إجُوا يَامَاتْ وِينْ يْتَرَفَعْ لَعْرِيسْ مَنْ عَنْدْهُم فِي ذَاكْ الْوَقْتْ غَادِ يْصُومُوا . 21 حْتَى وَاحْد مَايْنَجَّمْ إِرَقَعْ لْبَسْة قْدِيمَة فُوڤْ طُرْفْ كْتَانْ جْدِيدْ وْلاَمَاكَاشْ الْطَرْفْ الْجْدِيدْ إيفَزَرْ لْقْدِيمْ تْوَلِّى التَُقْبَة كْتَرْمَلِّى كَانْتْ . 22 حْتَى وَاحْدْ مَيْنَجَمْ إِيْدِيرْ شْرَابْ جْدِيدْ فِى ڤُرْبَاتْ قْدُمْ ، بَاشْ الشْرَابْ الْجْدِيدْ مَايْشَقَقْشْ الْڤُرْبَاتْ وْيْضِيعْ الشْرَابْ ، بَصَّحْ الشْرَابْ الجْدِيدْ يَنْدَارْفِى ڤُرْبَاتْ جْدْدَ". 23 وْ فَاتْ يَسُوعْ فِى يَوْمْ السَبْتْ بِينْ الزَرْعْ تَاعْ الْڤَمْحْ ، وْبْدَوْا تْلاَمْدْ نْتَاوْعَهْ يْڤَلْعُوا السْبُولْ وْهُمَا يَتْمَشُوا . 24 ڤَالُوا الْفَرِّيسيِّنْ:" عْلاَهْ رَاهُمْ إِيْدِيرْوا فَى الشِّي لِمًيْنْدَارْشْ فِى نْهَارْ السَبْتْ ؟". 25 "ڤَالْهُمْ عَمَّرْكُمْ مَاقْرِيتُوا شَادَارْ دَاوْدْ وَلِكَانُوا مْعَاهَ كسْحَقُواوْجَاعُوا؟ 26 كِيفَاهْ دْخَلْ لْدَارْ اللهْ فِي زْمَانْ أَبِيأثَارْ رَئِس الْكَهَنَة ، وْكْلَا خُبْزْ التَقْدِمَة لِمَيْلِيقْشْ يَنْتْكَلْ لِكَانْ مَنْ حَقْ الْكَهَنَة يَاكْلُوهْ ، وْمَدْ لِكَانُوا مْعَاهْ تَانِ>>. 27 ڤَالْهُم :" السَبْتْ نْدَارْ للأنْسَانْ ، مَاشِى الإنْسَانْ لِنْدَارْ لَسَبْتْ . 28 إِمَلاَ إِبْنْ الإِنْسَانْ هُوَ رَبْ السَبْتْ تَانِ ".
1 مَمْبَعْدْ دْخَل ْيَسُوْع ْالمَسِيحْ لَلْمَجْمَع ْوكَانْ تَمَاكْ رَجُلْ يَدَه ْيَابْسَا . 2 وْ بْدَاوْ اِعَسُّو فِيهْ :اِذَا كَانْ يْدَاوِيهْ فَنْهَارْالسَّبْتْ بَاشْ يَشْكُوا عْلِيهْ. 3 وْ ڨَالْ لَلْرَجَلْ لِي كَانَتْ يَدِيه ْيَابْسَا " نُوضْ فَلْوَسْط" 4 مَمْبَعْدْ ڨَالْهُمْ :" وِيذَا حْلاَلْ نْهَارْ السَّبْتْ يَنْدَار لْخِيرْ وَلاَ الَشَّرْ ؟اسَلْكُواحْيَاة وَلاَ اكُّتْلوُهَا " سَكْتُوا. 5 وَيَسُوعْ شَافْهُمْ غَضْبَانْ وْحْزَنْ عْلىَ ڨْلُوبْهُمْ لقَاسْحاَ وْڨَالْ لَلْرَاجَلْ: " اَعْطِينِي يَدِيكْ ". وْمَدْهَا بْرَاتْ يَدِّيهْ وْ وَلاَّتْ كِيمَا لُخْرَى. 6 وتَمْتَم خَرُجُو الفَارِيسِيِينْ وَالهِيرُودِسِيِينْ وَتَشَاوْرُوا عْلِيهْ بَاه اهَلْكُوهْ. 7 رَاحْ يَسُوعْ مْعَ التَّلاَمَيذْ تَعَهْ لَلْبْحَرْ، وْ تَبْعُوهْ بَزَافْ نَّاسْ مِنَ الجَلِيلْ وَ اليَهُودَيَةُ 8 وَارُشَلِيمْ وَ اَدُومِيَّةَ وَمِنْ الاُرْدُنْ . وْمَنْ جْوَايَهْ صُورَ وَصَيْدَا، وَهَذَا عْلىَ خَاطَرْنَاسْ بَزَّافْ سَمْعوُا لِدَارَهْ جَاوْ عَنْدَهْ. 9 وْڨَالْ لَلْتَلاَمِيذْ تَاوْعَهْ اوَجْدُولَهْ فْلُوكَا صْغِيرَى عْلىَ جَالْ لغاشي ،بَاهْ مايغبنوهش، 10 خَاطَرْ بَرَى بَزَافْ ،نَاسْ حَتَى وَلاَّوْ ڨَاعْ ايِجُو عَنْدَهْ لَمْرَاضْ اتْلَمْسُوهْ بَاهْ يَبْرَاوْ 11 وَالاَرْوَاحْ النَّجِسَة كِي شَافْتَهْ سَجْدَتْلَهْ وْزَقَّتْ و ڨَعْدَتْ تْڨُولْ :"أَنْت َإبْنْ اللهْ". 12 وْوَصَّاهُمْ بَزَّافْ بَاه ْمَيْكَشْفُوهْشْ. 13 وْكَي طْلَعْ لَجْبَلْ عَيَّطْ لِّي بْغَاهُمْ وْجَاوْ عَنْدَهْ 14 وْنَوَّظْ طْنَاعَشْ وْخَيَّرْهُمْ بَاهْ إِكُونُومْعَاهْ وْرْسَلْهُمْ باَهْ ابَشْرُوا 15 إِكُونْ لِيهُمْ سُلْطَانْ بَاهْ يْبَرُّوا لْمَرْضَى وَيْخَرْجُوا الشَّيَاطِينْ 16 وْبَدَّلْ اسَمْ سِمْعَانْ ْببُطْرُسْ. 17 وَيَعقُوبْ بَنْ زَبْدِي وَ يُوحَنَّا خُوا يَعْقُوبْ ،وْدَارَلْهُمْ إسْمْ بُوَانَرْجِسَى لِمَعْنَاهْ ابْنيِ الرَّعْدِ. 18 وَانْدَرَاوُسْ، وَفِلِيِبِينْ، بَرْثولَمَاوُسْ،مَتَّى،وَتُومَا، ويَعْقُوبَ بْن حَلْفَى،وَتَدّاَوَُسَ، وَسِمْعانَ الْقَانَوِيَّ، 19 يَهُوذاَ الإسْخَرْيُوطِيَّ اللَّي خَانَهْ .ممْبَعْد جَاوْ لْوَاحْدْ الدَّارْ. 20 وَتْلاْيْمُوا عَنْدَهْ بَزَّافْ لْغَاشِي حَتَى مَنَجْمُوشْ يَاكْلُوا لْخُبْزْ. 21 وْكِيْ سَمْعُوعَايَلْتَهْ خََرْجُوا بَاهْ يَحَكْمُوهْ وْڨَالُو رَاهْ "بْلاَ عْقَلْ" 22 وَلْكَتَبَةُ لِي هَوْدُوا مَنْ اوُرُشَلِيمْ ڨَالُوا: " فِيهْ بَعْلَزَبُولْ وَهُوَ رَئِيسْ الشَّيَاطِينْ وَيْخَرَّجْ الشَيَاطِينْ" 23 وْڨَالْهُمْ بْلَمْثُولْ: " كِيفَاشْ اِنَجَّمْ شِيطَانْ يْخَرَّجْ شِيطَان ْ ؟ 24 وِيذَا انْڨَسْمَتْ مَمْلَكَةُ عْلَى رُوحْهَا مَتْنَجَّمْشْ هَدِيكْ لْمَمْلَكَةُ تَرْسَخْ . 25 وِيْلاَ نْڤْْسَمْ دَارْ عْلَى رُوحَهْ مَيْنَجَّمْشْ هَداَكْ الدَّار ْ يَرْسَخْ. 26 وْاِذَا نَاضْ شِيطَانْ ضَّدْ نَفْسَهْ وْخْرَجْ ضَدْ رُوحَهْ مَغَادِيشْ يَرْسَخْ بَلْعَكْسْ انَّقْضَى عْلِيهْ 27 مَغَادِشْ انَجَّمْ وَاحَدْ يُدْخُلْ لْعَنْدْ وَاحَدْ مَجْهَدْ يَدِّيلَهْ صْوَالْحَهْ، وِلاَ مَا رْبَطْشْ هَدَاكْ لْمَجْهَدْ مَالْبَدْيَا ،تَمَّاكْ يْنَجّمْ يَدِّيلَهْ صْوَالْحَهْ. 28 الْحَقْ اَنَا نْڨُولْكُمْ:ڨَاعْ الذْنُوبْ تَتَّغْفَرْ لَلْنّاسْ، والكْفيِراللِّي يَكَفْرُوهْ. 29 بَصَّحْ ليَكْفَرْ عَلىَ الرُّوحِ اُلْقُدُسِ مَيَنْتَغْفَرْلَهْشْ لَلَّبْداَ،بَصَّحْ هُوَ مَسْتْحَقْ دَيْنُونَه لَلَّبْدَا". 30 عْلىَ خَاطَرْ ڨاَلُوا: " فِيهْ رُوحْ نَجِسْ". 31 جَاوْ خُوتَهْ وْامَّه ْاُو وَڨْفُوا بَرَّى وْرَسْلُوا عَنْدَهْ . 32 وْكَانُوا النّاسْ ڨَاعَدْينْ وْمَدَّاوْرِينْ عْلِيهْ ،وْڨَالُولَهْ: "مُّك و خُوتَكْ ْرَاهُم ْبَرَّى يَعيطُولَكْ". 33 وْ رَدَّلْهُمْ وْ ڨَالْهُمْ: "شْكُونْ مَّا وَ شْكُونْ خُوتِي؟" . 34 وْشَافْ مْجِيهَتْ الڨَاعْدِينْ وْ ڨاَلْ: "هَاوْمَالاَ مَّا وْخُوتِي ، 35 عَلىَ خَاطَرَ لِي يْدِيرْ مَشِيئَةْ رَبِي هُوَ خُويَا وْاخْتِي وَ مَّا".
1 وَ بْدَا يَسُوعْ يْعَلَّمْ عَلَى شَطْ الْبْحَرْ ، وْ كِي شَاف تْلاَيْمُوا عَليهْ بْزَافْ غَاشِي طْلَعْ لِلْفْلُوكَة وَ هُومَا ڨَعْدُوا فَالشَّطْ . 2 كَانْ يْعَلَّمْهُمْ بْزَافْ بالمْثُول وْ ڨَالْهُم فَالتَّعْلِيمْ تَاعَهْ : 3 اسْمْعُوا الفَلاَّحْ خْرَجْ بَاشْ يَزْرَعْ ، 4 وْ ِكي كَانْ يَزْرَعْ طَاحتْلَهْ شْوِيَّ مْالزَرِّيعَة على الطْرِيڨْ ، وْ جَاوْ زْوَاوَشْ وْكْلَاوَها . 5 وْ طَاحتْلَهْ تاَنِي شويَّ عْلَى طْرِيڨْ مْحَجْرَة ، مَكَانْشْ فِيهَا بْزَاف تْرَابْ وَ نْبَتْ ، تَمْتَمْ عْلاَخَاطَرْ مَكَّانَتْشْ الَأرْضْ غَامْقَة. 6 بْصَّحْ كِي طَلْعَتْ الشَّمْسْ انْحْرَڨَتْ وَ يَبْسَتْ عَلاَخاَطَرْ مَعَنْدْهَاشْ جْذُورْ . 7 وْ طَاحَتْ شْوِيَّ فْالشُّوكْ، وْ اطْلَعْ الشُّوكْ وْ جيَّفْهَا وْ مَعْطَاشْ الغَلَّة 8 وْ طَاحَتْلَهْ شْوِيَّ فَالأَرْضْ مْلِِيحَة ، وْ عْطَات بْزَافْ غَلَّة، كَايْنْ زَرِيعَة لِي مَدَّتْ ثْلاَثِينْ وْ لُخْرَى سَتِّينْ وْ كَايَنْ لِي مَدَّتْ مْيَة . 9 وْ ڨَالْ لْهُمْ لِي عَنْدَهْ وَذْنِينْ بَاشْ يَسْمَعْ، غِيرْ يَسْمَعْ. 10 وْ كِي كَانْ وَحْدَهْ سَقْسَاوَهْ لِي كَانُو مْداَوْرِينْ بِيهْ وَ التْلاَمَذْ تَاوْعَهْ عْلَى الْمْثَلْ ، 11 وْ ڨَالْهُمْ : نْتُومَا مَعْطِيَتَلْكُمْ بَاهْ تَعَرْفُوا سِّرْ مَلَكوُتْ اللهْ بَصَّحْ لِي رَاهُمْ بَرَّا يَوْصَلَلْهُمْ كُلْشيِ بِالْمْثُولْ، 12 قَدْ مَا يَخَّزْرُوا مَيْشُوفُوشْ وْ قَدْ مَا يَسَّمْعُوا مَا يَفَهْمُوشْ ، حَتَى يْوَلُّوا وْ يْتُوبوُا وْ تَنَغْفَرْلْهُمْ ذْنُوبْهُمْ . 13 وْڨاَلْهُمْ : مَفْهَمْتُوشْ هَاذْ لَمْثَلْ؟ كِيفَاشْ تَفَّهْمُوا ڨَاعْ المْثُولْ ؟ 14 الْفَلاَّحْ يَزْرَعْ الكَلِمَة تَاعْ اَللهْ. وْهَاذُوا لِي عْلىَ الطْرِيڨْ وِينْ اِنْزَرْعَتْ الكَلْمَة ، 15 كِي يْسَّمْعُوا تَمْتَمْ يْجيِ الشِّيطَانْ وْ يَڨْلَعْ الكَلِمَة المَزْرُوعَة فِي ڨْلُوبْهُمْ. 16 وْهَاذُوهُمَا لِي نْزَرْعُوا فَالْأَرْضْ المْحَجْرَة ،كِي يْسَمْعُوا الْكَلِمَة يَتْقَبْلُوهَا بِالفَرْحَة ، 17 بْصَّحْ مَعَنْدْهَاشْ الجْذُورْ وْمَنْ بَعْدْ كِي تْجِي الشَّدَة وْ الضِّيقْ تَمْتَمْ يْطِيحُوا وْ يَرْتَدُوا فِي الْإِيمَانْ. 18 وْ هَاذُوكْ لِي نْزَرْعُوا فَالشُّوكْ ،هُمَا لِي يْسَّمْعُوا الكَلِمَة ، 19 بْصَّحْ هْمُومْ الدَّنْيَا وْ شُهْرَةْ الْعَالَمْ يْجَيْفُوا الْكَلِمَة وْ مَتْجِيبْشْ الغَلَّة. 20 وْ لِي نْزَرْعُوا فَالْأَرْضْ المْلِيحَة، لِي يَسَمْعُوا الكَلِمَة وْ يَتْقَبْلُوهَا وْ يْجِيبُوا الغَلَّة ،وَحْدِينْ يْجِيبُوا ثْلاَثِينْ ،وَحْدِينْ سَتِينْ ،وْ وَحْدُخْرِينْ مْيَّة. لمثل نتاع المصباح 21 وْ ڨَالْهُمْ : الْفَانُوسْ يَنْحَطْ تَحْتْ الْمِكْيَالْ وْلاَّ تَحْتْ السَّرِيرْ ؟ مَشِي يَنْحَطْ عْلَى المْنَارَة ؟ 22 عْلَى خَطَرْشْ حْتَى حَاجَة مَا تَڨْعُدْ مَدْسُوسَة وْ مَتْبَانْشْ، وْ حَتَّى حَاجَة مَا تَڨْعَدْ فَالسَّرْ وْ مَتْنَعْرَفْشْ . 23 لِي عَنْدَهْ وَذْنَينْ بَاشْ يَسْمَعْ غِيرْ يَسْمَعْ. 24 وْ ڨَالْهُمْ : رَدُّوا بَالْكُمْ عْلَى شَارَاكُمْ تَسَّمْعُوا. يَنْتْكَالَلْكُمْ بِالكِيلَة لِي تْكِيْلُوا بِيهَا ،وْ يْنْزَادْ لْكُمْ. 25 عْلَى خاَطَرْ لِي عَنْدَهْ يَنْعْطَالَهْ كْتَرْ ، وْ لِي مَعَنْدَهْشْ حْتَّى لِي عَنْدَهْ يَدُّوهْلَهْ. مْثَلْ تَاعْ الزَّرِيعَة لِي تَكْبَرْ 26 وْ ڨَالْ : كِيمَا هَاكْ مَلَكُوتْ اللهْ كِيمَا البْنَادَمْ لِّي يْقِيسْ الزَّرِيعَة فَالْأَرْضْ. 27 يَرْڤُدْ فَاللِّيلْ وْ يْنُوضْ فَالنْهَارْ وْ الزَّريعة تَطْلَعْ وْ تَعْطِي الْغَلَّة مَبْلاَمَا يْعْرَفْ كِيفَاهْ ، 28 عْلَى خَاطَرْ الْأَرْضْ وَحَدْهَا تْجِيبْ الغَلَّة. 29 لْوَقْتْ لِي تَطْلَعْ فِيهْ الغَلَّة تَمْتَمْ يَرْسَلْ لِي يَحَصْدَهْ باِلمِنْجَلْ عْلَى خَاطَرْ وَقْتْ الغَلَّة لْحَڨ.ْ. 30 وْ ڨَالْهُمْ : بَاشْ تْشَبْهُوا مَلَكُوتْ اللهْ ؟ وَاشْ مَنْ مْثَلْ نْمَثْلُوهْ بِيهْ ؟ 31 كِيمَا حَبَّةْ خَرْدَلْ كِي تَنْزْرَعْ فَالْأَرْضْ ،هِيَ الزَّرِيعَة ڤَاعْ الصْغِيرَة لِي تَنْزْرَعْ فَالْأَرْضْ، 32 بْصَّحْ كِي تَنْزْرَعْ ،تَنْبَتْ تْوَلِّي هِيَ الْكْبِيرَة فْالزَّرِيعَة وْ يْوَلُّوا عَنْدْهَا أَغْصَانْ كْبِيرَة وْ يْجُوا زْوَاوْشْ تْعَشَّشْ فِيهَا. 33 كَانْ يَهْدَرْ لْهُمْ بِبْزَافْ مْثُولْ كِيمَا هَاذُوا عْلَى حْسَابْ مَا يْنَجْمُوا يْسَّمْعُوا. 34 هَدْرَتَهْ كَانَتْ غِيرْ بْالمْثُولْ ،وْ كِي يْكُونْ وَحْدَهْ مْعَ التْلاَمَذْ يَشْرَحَلْهُمْ كُلْشِي. 35 وْ دَاكْ النْهَارْ مْعَ الْعْشِيَّة ،ڨَالْهُمْ ارْوَاحُوا نْڨَطْعُوا لْلجِهَة الْأُخْرَى. 36 رَوْحُوا الْغَاشِي وْ دَّاوَهْ مْعَاهُمْ فَالْفْلُوكَة وْ كَانَتْ مْعَاهْ فْلَايَكْ صْغَارْ وْ وَاحْدُخْرِينْ. 37 كِيجَاتْ الرِّيحْ قْوِيَّة وْ بْدَاتْ المْوَاجِي تَضْرَبْ فَالْفْلُوكَة ،حْتَى ڨْرِيبْ مَاتَتْعَمَّرْ بِالمَاء. 38 وْ كَانْ هُوَ حَاطْ رَاسَهْ عْلَى مْخَدَّة وْ رَاڨَدْ. نَوْضُوهْ وْ ڨَالُولَهْ : يَا مْعَلَّمْ ،مَعْلاَبَالَكْشْ بِينَا كُونْ نَغَتْرُوا ؟. 39 وْ نَاضْ وْحَبَّسْ الرِّيحْ وْ ڨَالْ لِلْبْحَرْ تْهَدَّنْ وَاسْكُتْ وْ حَبَّسْ الرِّيحْ وَ تْهَدْنَتْ الْحَالَة. 40 وْ مَنْ بَعْدْ ڨَالْ لْهُمْ : عْلاَشْ رَاكُمْ خَايْفِينْ ڨَاعْ هَاكَا ؟كِيفَاشْ مَعَنْدْكُمْشْ إِيمَانْ ؟ . 41 وْ خَافُوا بْزَّافْ وْڨَالُوا مَا بِينَاتْهُمْ : شْكُونْ هَاذَا ،حْتَّى الرِّيحْ وْ البْحَرْ يْطِيعُوا كْلاَمَهْ.
1 وْجَاوْ لْجِهَة واحْدُخْرَى لْلْبْحَرْ لْبْلاَدْ سْمُوهَا اَلْجَدَرِيِينْ. 2 وْكِي خْرَجْ مَالْفْلُوكَة تَمْ تَمْ لَقَاهْ وَاحَدْ لَبْنَادْمْ فِيهْ رُوحْ نَجِسْ، 3 كَانَ يْسْكُنْ فَلْقْبْرْ، وْحْتَى وَاحْدْ مَا نَجَّمْ يَرْبْطَهْ حْتَّى بَالْسْلاَسَلْ، 4 عْلَى خَاطَرْ نْشَدْ بْزَّافْ بالْسْلاَسَلْ وْحْتَّى ولَّى يْطَرْطَڤْهُمْ وْ مَا نَجَّمْ حْتَّى وَاحَدْ يْتْحْكَّمْ فِيهْ. 5 وْكَانْ دَايْمَنْ لِيلْ وْ نْهَارْ فْلْجْبَالْ وْ لْقْبَرْ وْ يْزَڤِّي وْ يْجْرَحْ رُوحَهْ بْلَحْجْرْ. 6 وْ كِشَافْ يَسُوعْ مْلْبْعِيدْ جْرَى وْ سْجَدْلَهْ، 7 وْ زَڤَّى بْزَّافْ وْ ڤَالْ: " شَا بِينِي وِ بِينَكْ يَا يَسُوعْ ابْنْ الله؟ فِوْجَهْ رْبِّي مَتْعْدَبْنِيشْ!". 8 عْلَى خَاطَرْ ڤَالَهْ: " اخْرْجْ مَالْبْنَادَمْ يَا رُوحْ نَجِسْ". 9 وْ سْقْسَاه: "كِي سَمُّوكْ".وْ جَاوْبَهْ :"سَمُّونِي جَيْشْ، عْلَى خَاطْرْ رَانَا بْزَّافْ". 10 وْ حَاوْلُوه ْبَاشْ مَايْرْسَلْهُمْشْ بَرَّى لمْدِينَة. 11 وْ كَانْ تْمَا عْنْدْ لْجْبَلْْ ڤْطِيعْ كْبِيرْ تَاعْ لَحْلَالِيفْ يْرْعَاوْ، 12 وْطْلْبُوه ڤَاعْ شْوَاطْنْ وِ يْڤُولُو:" رْسَلْنَا نَدُّخْلٌو فَلْحْلَالِيفْ". 13 وْ تَمْ تَمْ سْمَحَّلْهُمْ يَسُوعْ. وْ خَرْجَتْ اَلْأَرْوَاحْ اَلْنَّجِسَةُ وْ دَخْلَتْ فَلْحْلَالِيفْ، وْجْرَا لْڤْطِيعْ وْ طَاحْ فْلَبْحَرْ وْ كَانُو وَحْدْ اَلْفِينْ وْ جَافُو فْلْبْحَرْ. 14 بْصَّحْ سُرَّاحْ لَحْلَالِيفْ هَرْبُو وْ خَبْرُو لِّي فْلْمْدِينَة وْ دْوَاوِيرْ .وْ خَرْجُو بَاشْ يْشُوفُو شَا صْرَى. 15 وْ جَاوْ لْعْنْدْ يَسُوعْ و كِشَافُو لْمْجْنُونْ لِّي كَانْ فِيهْ رُوحْ نَجِسْ مْجْمَّعْ وْ لاَبَسْ وْ عَاقْلْ ،خَافُو. 16 وْ حْكَاوْلْهُمْ ِلّي شَافُو شَا صْرَى مْعَ لْمَجْنُونْ وْ لَحْلَالِيفْ . 17 وْ ڤَالُو لْيَسُوعْ يَرْحَلْ مْنْ بْلاَدْهُمْ. 18 وْ كِي دْخَلْ يَسُوعْ لْلْفْلُوكَة طْلْبْ مْنَّهْ لِّي كَانْ مْجْنُونْ بَاشْ يْكُونْ مْعَاهْ، 19 وْ مَخْلاَهْشْ ،يَسُوعْ بْصَّحْ ڤَالَه ْ: "رُوحْ عَنْدْ دَارْكْ وْ مَّالِيكْ ، وْ خْبَّرْهُمْ شَا دَارْلَكْ الله ْو ِكيفَاشْ رَحْمَكْ". 20 وْ رَاحْ وْ بْدَا يْبَرّحْ فْعَشْرْ مْدُنْ شَدَارْ يَسُوعْ مْعَاهْ. وْ تْعَجْبُو لْغَاشِي. اقامة ابنة يايرس و نازفة الدم 21 وْ كِفَاتْ يَسُوعْ بْلْفْلُوكَة لَلْجِهَة لُخْرَى ، تْلاَمُّو عْنْدَهْ بْزَافْ الْنَّاسْ ، وْ كَانْ عَنْدْ لْبْحَرْ. 22 وْ جَا عَنْدَهْ وَاحْدْ رَئِيسْ الْمْجْمَعْ سْمُوهْ يَايْرُسُ. وْ كِيشَافَهْ سْجْدْلَهْ ، 23 وْ حَاوْلَهْ وْ هُوَ يْڤُولْ :"بْنْتِي الصْغِيرَة رَاهِي تْلَقَّفْ. لُوكَانْ غِيرْ تْجِّي وْ تْحْطْ يْدَْكْ عْلِيهَا بَاشْ تْبْرَا وْ تْحْيَا!" . 24 وْرَاحْ مْعَاهْ وْ تْبْعُوهْ بْزَّافْ الْنَّاسْ وْ كَانُو غَابْنِينَهْ. 25 وْ كَانْتْ مْرَاه عَنْدْهَا طْنَاعْشْ سْنَة وْ ِهيَ تَدْمِي ، 26 نْضَرَّتْ بْزَّافْ مَاالْطْبَّى وْ خْسْرْتْ ڤَاعْ لِي عْنْدْهَا وْ مَانْفْعْهَا وَالُو، غِيرْ زَادْ عْلِيهَا الضَّرِ. 27 وْ كِي سَمْعَتْ بْيَسُوعْ جَاتْ فِي وَسْطْ الْجْمَاعَة مْنْ مُورَاهْ ، وْمَسَّتْ قْشَهْ، 28 عْلَى خَاطَرْ ڤَالَتْ : " إِلاَ تْلَمّسْتْ يَالُوكَانْ غِيرْ قْشَّهْ نْبْرَا". 29 وْ تَمْ تَمْ حَبَّسْ نَزِيفْ دَمْهَا ، وْ فَاقَتْ فِي رُوحْهَا بْلِّي بْرَاتْ مَالْمَرْضْ. 30 وْ تَمْ تَمْ دَارْ يَسُوعْ بِينْ الجْمَاعَة وْ حَّسْ فِي رُوحَهْ بْقْوَّة خَرْجَتْ مْنَّهْ، وْ ڤَالْ:" شْكُونْ لِّي لْمَسْ قْشِّي؟". 31 وْ ڤَالُولَهْ تْلاَمْذْه:" رَاكْ تْشُوفْ ڤَاعْ الْغَاشِي يَدَّمْرُوكْ، ْو تْڤُولْ: شْكُونْ لِمَسْنِي؟". 32 وْ كَانْ يْشُوفْ وِ يْحَوَّسْ بَاشْ يْشُوفْ لِّي دَارَتْ هَادْ الشِّي. 33 بَصَّحْ لْمْرَاه جَاتْ وْهِيَ خَايْفَة بْزَّافْ، وْ عَارْفَة شَاصْرَالْهَا، وْ سَجْدَتْ وْ ڤَالْتْلَهْ ڤَاعْ اْلْحَقْ. 34 وْ ڤَالْهَا : " يَا بْنْتِي ِإيمَانَكْ شْفَاكْ ، رُوحِي بَسْلاَمَة وْ كُونِي صْحِيحَة". 35 وْ هْوَ يْهْدَرْ جَاوْ مْنْ دَارْ رَئِيسْ الْمَجْمَعْ وِ يْڤُولُو:" بْنْتْكْ مَاتَتْ. عْلاَهْ رَاكْ تْشَقّؤي فْلْمْعَلَّمْ؟". 36 وْ تَمْ تَمْ سْمَعْ يَسُوعْ الْكْلْمَة لِّي نْڤَالَتْ، وْ ڤَالْ لْرَئِيسْ المَجْمَعْ : "مَتْخَافْشْ ! آمْنْ بَرْكْ". 37 وْ مَاخَلَّى حْتَى وَاحَدْ يْتَبْعَهْ غِيرْ بُطْرُسْ وْ يَعْقُوبْ، وْ يُوحُنَّا خُو يَعْقُوبْ. 38 وْ جَا لْدَارْ رَئِيسْ الْمْجْمَعْ وْ سْمَعْ التْوَاغْ . يْبْكُو وِ يْنَوْحُو. 39 وْ دْخَلْ وْ قَالْهُمْ : "عْلاَهْ رَاكُمْ تْبْكُو وْ تْنُوْحُو؟ لْبْنْتْ مَمَاتْتْشْ رَاهِي غِيرْ رَاڤْدَة ". 40 وْ ضَحْكُو عْلِيهْ. بْصَّحْ هُوَ خْرَّجْهُمْ ڤَاعْ. وْ دَّى مْعَاهْ بُوا البْنْتْ وَ امْهَا وْ لِي كَانُو مْعَاهْ وْ دْخْلْ وِينْ كَانْتْ الْبْنْتْ مْكَسْلَة، 41 وْ شْدْ يَدْ الْبَنْتْ وْ ڤَالْهْا: "طَالِيثَا ، نُوضِي!". لِي مْعْنَاهْ: يَا بْنْتْ لِيكْ نْقُولْ: نُوضِي! 42 وْ َتمْ تَمْ نَاضَتْ الْبَنْتْ وْ تْمْشَاتْ، عْلَى خَاطَرْ كَاْنتْ بْنْتْ تَاعْ طْنَاعْشْ سْنَة نْخْلْعُوا خْلْعَة كْبِيرَة . 43 وْ وَصَّاهُمْ بْزَّافْ بَاشْ حْتَّى وَاحْدْ مَا يْعْرَفْ شَا صْرَى وْ ڤَالْ بَاشْ يَعْطُوهَا تَاكُلْ.
1 وخْرَجْ مَنْ ثَمَّا وَ رْجَعْ لَبلاَدَهْ وتَبْعُوهْ تَلَامْذْهْ. 2 وْفَالنْهَارْ الَسَّبْتْ بْدَا يْعَلَّمْهُمْ فَالمُجَمَعْ. وبَزَّافْ النَّاسْ ّلِي سَمْعُوهْ نْخَلْعُو ڤَالُو:"مْنِينْ جَاهْ ڤَاعِ هَادْ الْشِّي ؟و شَا هَاذْ الحِكْمَة لِّي نَعْطَاتْلَهْ بَاشْ يَصْرُوا ڤَاعْ هَادْ المُعْجِزَاتْ عْلَى يَدِّيهْ؟ 3 مَاشِِي هَذَا هُوَ النَجَّارْ وَلْدْ مَرْيَمْ خُو يَعْقُوبْ و يُوسِي و يَهُوذَا و سَمْعَانْ؟ مَاشِي خُوتَهْ لِّي رَاهُمْ هْنَا عَنْدْنَا وكَانُو يْشَكُّوا فِيهْ. 4 ڤَالْهُمْ :"مَاكَانْشْ النْبِي بْلا كَرَامَة غِيرْ فِي وَطْنَهْ و فِي دَارَهْ بِينْ مَّالِيهْ ". 5 و مَنَجَّمْشْ يْدِيرْثَمَّا حَتَّى مُعْجِزَة، كَانْ يْحَطْ يَدِّيهْ عْلَى شِي مَرْضَى و شْفَاهُمْ. 6 وتَعَجَّبْ كِي مَعَنْدْهُومْشْ الإِيمَانْ . وَبْدَى يْدُورْ فَالدْوَاوِيرْ يْعَلَّمْ. 7 و عَيَّطْ طْنَاعَشْ وْ بْدَى يَرْسَلْهُمْ زُوجْ زُوجْ، وأَعْطَاهُمْ سُلْطَانْ عْلَى لَرْوَاحْ النَجِسَة. 8 وْوَصَّاهُمْ مَيَدُّوشْ مْعَاهُمْ لاَ خُبْزْ ولاَعَوْلَة و لاَدْرَاهَمْ فِي حْزَامْهُمْ ، بَصَّحْ يَرَّفْدُوا مْعَاهُمْ غِيرْ مَطْرَڤْ. 9 ويَلَّبْسوُ صَبَّاطْ و لَبْسَة وَحْدَة. 10 و ڤَالْهُمْ :"وْ كِي تَدُخْلُو لْدَارْ ڤُّعْدُو فِيهَا حَتَى تُخُّرْجُومَنْ ثَمَّا. 11 وڤَاعْ لِّي مَا يَقَّبَلْوكُمْشْ ومَايَسْمْعْولْكُمْشْ، خُّرْجُو مْنِ ثَمَّ وأَنْفْضُوا التْرَابْ لِّي فِي كَرْعِيكُمْ بَاشْ تْكُونْ شْهَادَة عْلِيهُمْ. الحَقْ نْڤُولْ لْكُمْ غَادِي تْكُونْ أَرْضْ سَدُومْ و عَمُورَة فِي يُومْ الدِّينْ ضِيقْ قَلْ مَنْ هَاذِيكْ لَمْدينَة". 12 و خَرْجُو يْبَشْرُو لَتَوْبَة. 13 وخَرْجُوبَزَّافْ شَيَاطِينْ، و دَهْنُو بَالزِّيتْ بَزَّافْ مَرْضَى وشْفَاوْهُمْ. قطع راس يوحنا الغطاس 14 سْمَعْ الْمَلِكْ هَيرُودُسْ بَلِّي إِسْمَه وَلَّى مَعْرُوفْ . ڤَالْ:" هَذْا يُوحَنَا الغَطَّاسْ نَاضْ مَنْ بِينْ المُوتَى و عْلَى يَدِّيهْ رَاهْ تَصْرَى مُعْجِزَاتْ". 15 وَحْدِين ڤَالُو:"هُوَ إِِيلِيَّا"ولُخْرِينْ ڤَالُو:"هُوَ النَبِي كِيمَا الانْبِيَاء". 16 و كِي سْمَعْ هِيرُودُسْ ڤَالْ:" هَذَا يُوحَنَا لِّي أَنَا ڤْطَعْتْ رَاسَهْ نَاضْ مْنْ بِينْ المُوتَى". 17 عْلَى خَاطَرْ هَيرُودَسْ هُوَ بْرُوحَهْ شَدْ يُوحَنَا و دَارَهْ فَالحَبْسْ عْلَى جَالْ هِيرُودِييَّا مَرْة فِيلِيبُسْ خُوهْ ، لِّي كَانْ تْزَوَجْ مْعَهَا. 18 عْلَى خَاطَرْ يُوحَنَا كَانْ يْڤُول لْهِرُودُسَ:"مَاشِي حْلاَلْ عْلَيكْ مَرْتْ خُوكْ". 19 حَڤْدَتْ هِيرُودِييَّا عْلِيهْ، بَاشْ تَكُّتْلَه ْبَصَّحْ مَنَجْمَّتْشْ، 20 عَلَى خَاطَرْ هِيرُودُسَ كَانْ يْهيبْ يُوحَنَا و يَعْرَفْ بَلِي هُوَ رَاجْلْ بَّارْ و قَديسْ، كَانْ يَدّْضَايَقْ كِي يَسَّمْعَهْ بَصَّحْ يْدِيرْ بَزّافْ عَلَى رَايَهْ ، ويَسَمْعَهْ بَالفَرْحْ. 21 كَي جَا عِيدْ مِيلاَدَهْ دَارْ مَلُومَة و عْرَضْ لَسْيَادْ و لِّي مَعْرُوفِينْ و قَادَةْ العَسكَرْ نْتَاعْ الجَلِيلْ، 22 دَخْلَتْ بَنْتْ هِرُودِييَّا ورَڨَصَتْ وفْرَحْ هِيرُودُس ولِّي كَانُو مْعَاهْ . و ڨَالْ السَلْطاَنْ للْبَنْتْ :"طَُلْبِي شَا بْغِيتِي نْمَدْ هْلَكْ". 23 و حْلَفْ لْهَا:" لُو كَانْ تَطَُّلْبِي نَّصْ مَمْلَكْتِي نَعْطِيهَالَكْ " 24 خَرْجَتْ و ڨََالَتْ لَمَّهَا :"شَا نَطْلَبْ؟. ڨَالَتْ لْهَا :" رَاسْ يُوحَنَا الغَطَاسْ". 25 دَخْلَتْ تَم تَمْ عَنْدْ السُلْطَانْ و طَلْبَتْ مَنَّهْ:"بْغِيتْ تْمَدْلِي رَاسْ يُوحَنَا الغَطَاسْ عْلَى طَبْسِي فَالحِينْ". 26 حْزَنْ السَلْطَانْ بْزَافْ . عْلَى جَالْ النَّاسْ لِّي مْعَاهْ وْلْحَلْفْ لِّي حَلْفَهْ مَبْغَاشْ إِرُدْهَا. 27 تَمْ تَمْ رْسَلْ السَلْطَانْ الْخَدَّامْ إِجِيبْ رَاسَهْ. 28 رَاحْ و ڨَْطَعْ رَاسْهْ فَالحَبْسْ وْجَابَهْ فِي طَبْسِي و أَعْطَاهْ لَلْبَنْتْ، وْالبَنْتْ عْطَاتَهْ لَمُهَا. 29 وكِي سَمْعُوا تْلاَمْذْ تَعَاهْ جَاوْ جَابُو الْجَثَة تَاعَهْ وْدَفْنُوهْ فِي قْبَرْ. 30 وْتْلاَيْمُوا الرُسُلْ عَنْدْ يَسُوعْ وْحْكَاوْلَهْ ڨََاعْ الشِّى ، لِّي دَارُوهْ. 31 ڨَالْ لْهُمْ:" رْوَاحُو نْتُمَا وَحَدْكُمْ لْمْكَانْ خَالِي ْورْتَاحُوا شْوِيَة". عْلَى خَاطَرْكَانُو بَزَّافْ نَاسْ رَايحَين وْ جَايِين حَتَى مَاقَدْرُوشْ يَاكْلُو. 32 و رَاحُوا بَالفْلُوكَة لَلْخْلَى وَحَّدْهُمْ. 33 شَافُوهُمْ بَزَّافْ نَاسْ كِي رَاحُوا، وْعَرْفُوهْ. وْجَاوْ لِيهْ يَتْمَشَوْ مَنْ كُلْ مْدِينَة . سَبْڨَُوهْ و تْلاَ يْمُو تَّمَّا مْعَاهْ. 34 كِي خْرَجْ يَسُوعْ شَافْ بَزَّافْ غَاشِي ، تْحَنَّنْ عْلِيهُمْ عْلَى خَاطَرْكَانُوا كِي لَغْنَمْ بْلاَ رَاعِي وْبْدَا يْعَلَّمْهُمْ بَزَّافْ صْوَالَحْ. 35 وْكِي رَاحْ لْوَقْتْ جَاوْ لْعَنْدَهْ تَلاَمْذْ و ڨَالُو لَهْ:" رَانَا فِي مْكَانْ خَالِي و رَاحْ لْوَقْتْ ، 36 سَرْحُوهُمْ بَاهْ إِيْرُوحُوا لَدْوَاوِيرْ وَيَبشْرُوا لَخْبْزْ،عْلَى خَاطَرْ مَعَنْدْهُومْشْ شَا يَاكْلُوا. 37 جَاوْبْهُمْ وْڨَالْ:"عْطُوهُمْ أَنْتُمَا يَاكْلُوا".ڨَالُولَهْ:"نْرُوحُوا نَشْرُوا خُبْزْ بْمِتَينْ دِينَارْ؟". 38 ْوڨَالْ لْهُمْ :" شْحَالْ مَنْ خُبْزَة عَنْدْكُمْ؟ رُوحُو شُوفُوا". وكِي عَرْفُوا ڨَالُوا:"خَمْسَ وْ زُوجْ حُوتَاتْ". 39 وْامَرْهُمْ يْجَمْعُوهُمْ جْمَايَعْ جْمَايَعْ عْلَى لَحْشِيشْ . 40 وْ تَكَّاوْ جْمَايَعْ: تَاعْ مْيَة مْيَة وْ تَاعْ خَمْسِينْ خَمْسِينْ. 41 رْفَدْ يَسُوعْ الخَمْسْ خُبْزَاتْ وْأَ زُّوجْ حُوتَاتْ، وْ رْفَدْ عِينِيهْ لَسْمَا، وْبَارَكْ وْڨَسَّمْ الْخُبْزَاتْ ، وْمَدْ لَتَلاَمَذْ بَاشْ يَڨَسْمُوهُمْ عْلَى النَّاسْ وْ ڨَسَّمْ ثَانِي الزُوجْ حُوتَاتْ عْلَى النَّاسْ. 42 وْ كْلاَوْ ڨَاعْ وْ شَبْعُوا . 43 مَنْبَعْدْ رَفْدُو طْنَاعْشْ ڨَُفَة مْعَّمْرَة بالخُبْزْ وْالحُوتْ لِّي بْقَى . 44 وْ كَانُو لِّي كْلاَوْ ڨَْرِيبْ خَمْسْ ضْعَافْ رَاجَلْ . 45 تَمْ تَمْ ڨَالْ لَتْلاَمَذْ نْتَاعَهْ يَدَّخْلُوا َلْلفْلُوكَة و يَسْبْڨَُوهْ لَشَّطْ فِي بِيتْ صَيْدَا بِلاَمَا يْسَرَّحْ لْغَاشِي. 46 وْمْنْبَعْدْ مَا وَدْعْوهُمْ رَاحْ لَجْبَلْ بَاشْ يْصَّلِي. 47 مْعَ لَعْشِيَة كَانَتْ لَفْلُوكَة فِي وَسْطْ لَبْحَرْ، وْ هُوَ على الشََّطْ وَحْدَهْ. 48 وشَافْهُمْ مْعَذْبِينْ فَالجَدْفْ ،عْلَى خَاطَرْ كَانَتْ الرِّيحْ مْعَاكْسَتْهُمْ وْ كِي ڨََرَّبْ يَكْمَلْ اللِّيلْ جَاهُمْ يَسُوعْ يَتْمَشَّى فُوڨَ الَبْحَرْ، بَغِي يْفُوتْهُمْ. 49 وْكِي شَافُوهْ يَتْمَشَي عْلَى الْمَا حَسْبُوهْ خْيَالْ، بْدَاوْ يَزَّڨَُوا. 50 عْلَى خَاطَرْ شَافُوهْ وْخَافُوا، تَمْ تَمْ ڨَالْهُمْ :"تِقُوا ! أَنَا هُوَمَتْخَافُوشْ". 51 طْلَعْ يَسُوعْ لَفْلُوكَة حَبْسَتْ الرِّيحْ، تْعَجْبُوا فِيهْ بَزَّافْ . 52 عْلَى خَاطَرْمَافَهْمُوشْ مُعْجِزَة الخُبْزْعْلَى خَاطَرْ ڨَْلُوبْهُمْ كَانَتْ قَاسِيَة. 53 كَي لَحْڨَُو لأَرْضْ جَنِّيسَارَتْ . 54 كِي خَرْجُوا مَالَفْلُوكَة تَمْ تَمْ عَرْفُوهْ 55 وْدَارُوا بِيهْ ڨَاعْ النَّاسْ تَاعْ هَادِيكْ لَبْلاَدْ، وْ بْدَاوْ يْجِيبُولَهْ النَّاسْ لِّي مْرَاضْ فُوڨْ مْطَارَحْهُمْ. 56 كُلْ دُوَّارْ وْبْلاَدْ يْدْخَلْلْهَا ، يْجِيبُو لَهْ لْمَرْضَى لَسُوڨْ غِيرْ بَاشْ يْمَسُّوا طَرْفْ مَنْ كَسَوْتَّهْ وْ يَبْرَاوْ.
1 وْتْلاَيْمُوا عَنْدَهْ الفَرِّسِيُونْ وْ الكَتَبَة لِجَاوْ مَنْ اُرُوشَلِيم. 2 كيِ شَافُوا بَعْضْ التَّلاَمَذْ تَاوْعَه يَاكْلُوا الخُبْزْ بْيَدِين مَشِي نْقَيِّينْ،لاَمُوهْ 3 عْلَى خَاطَرْ الْفَرِيسِيينْ وْ اليَهودْ اِلَى مَغَسْلُوشْ يَدِّيهُمْ مْلِيحْ .مَيَاكْلُوشْ، وْهُمَا شَادِّينْ فْعَادَتْ لِهُودْ. 4 وْحَتَّى كِيْ يْجُوا مَالسُّوڨْ إِذَامَغَسْلُوشْ مَيَاكْلُوشْ. وْبَزَّافْ عْوَايَدْ تْعَلْمُوهُمْ وْ مَزَالْهُمْ شَادِّينْ فِيهُمْ غْسِيلْ الَمًّاعَنْ وَ الكِيسَانْ وْالسْنِّيَاوَاتْ تَاعْ نْحَاسْ وْحَتَّى النَّامُوسِيَّاتْ. 5 وْمَنْبَعْدْ سَقْسَاوَهْ الفَرِّسِيِينْ وْ الكَتَبَةُ: "عْلاَشْ التَّلاَمْذْ تَاوْعَكْ مَيَتْمَشُّوشْ عْلَى لَعْوَايَدْ تَاعْ لَجْدُودْ ،وْيَاكْلُوا الْخُبْزْ بْيَدِّينْ مَاشِّي نْقَيِّينْ؟". 6 وْ ڨَالْهُمْ: " كِيمَا اِشْعِيَاءْ تْنَبَّأْ عْلِيكُمْ نْتُومَا يَا الْمُنَافِقِينْ! كِمَا هُومَكْتُوبْ :هَادَا شَّعْبْ إكَرَّمْنِي بْفُمَّهْ ،بَصَّحْ ڨَلْبَهْ بْعِيدْ عْلِيَا ، 7 يَعَبْدُونِي فِي بَاطَلْ وْهُمَا اِعَلْمُوا اتَعَاليِمْ تَاعْ النَّاسْ. 8 خَلِيتُوا وْصيَّة اللهِ وْشَدِيتُوا فِي عْوَايَدْ النَّاسْ كِمَا غْسِيلْ لَمَّاعَنْ وْالْكِيسَانْ وْ حْوَايَجْ وْحْدُخْرِينْ كِيمَا هَادُوا دِّيرُوهُم 9 وْڨَاَلْهُمْ: "مْلِيحَا هَادِي! خَلِّيتُوا وْصِيَةْ الله ِبَاشْ تْشَدُّوا فِي عْوَايَدْكُمْ 10 عْلَى خَاطَرْ مُوسَى ڨَالْ :كَرَّمْ بُوكْ وَامُّكْ، وَلِّي يْعَايَرْ بُوهْ وَ امَّهْ يَتْعَاقَبْ بالمُوتْ. 11 انْتُومَا تْڨُولُوا :اذَا وَاحَدْ ڨَالْ لَلْوَالِدْ وْ للوَالدَة ُ لِكُنْتْ قَادَرْ نْعَاوْنَكْ بيِهْ نْمَدُوهْ هِبَة لَلِرَّبْ . 12 مَتْزِيدُوشْ تْخَلُوهْ ادِيرْ حَاجَة لَلْوَالِدْ وَلَلْوَالِدَة . 13 مْبَطْلُينْ كْلاَمْ اللهِ بَعْوَايَدْكُم لِنَقَلْتُوهَا. وْبَزَّافْ صْوَالَحْ كِيمَا هَادُوا دَرْتُوهَا. 14 وْعَاوَدْ عَيَّطْ لَلْغَاشِي وْ ڨَالْهُمْ:" اسَّمْعُوا ڨَاَعْ كِيماَ رَاكُم ْوْافَّهْمُوا 15 مَاشِّي لِيَدْخُلْ مَنْ بَرَّى لْبْنَادَمْ لِيْنَجْسَهْ ،بَصَّحْ لِيَخْرَجْ مَنْ لَبْنَادَمْ هُوَ لِيْنَجْسَهْ. ْ 16 وَلِّي عَنْدَهْ وَدْنِينْ باَهْ يَسْمَعْ ،غِيرْ يَسْمَعْ". 17 وْكِي خَلّى الْغَاشِي وْ دْخَلْ لَدَّارْ سَقْسَاوَهْ التَّلامَذْ تَاوْعَه ْعْلىَ لَمْثَلْ. 18 وْڨَاَلْهُمْ :"نْتُومَا ثَانِي مَرَاكُمْشْ فَاهْمِين؟ بَلِّي ڨَاعْ لِيُدْخُلْ مَنْ بَرَّى الَبْنَادَمْ مَايْقَدْرْشْ انَجْسَهْ ، 19 عْلَى خَاطَرْ مَيُدْخُلْشْ لْڨَلْبَه يُدْخُلْ لْكَرْشَه وْ يُخْرُجْ لْبَرَّى، هَاكَا انَقِّى ڨَاَعْ ْلَمْوَاكَلْ". 20 مَنْبَعْد ڨَالْ:< لِيُخْرُجْ مَا لَبْنَادَمْ هَذاَ لِيْنَجَّسْهْ 21 عْلَى خَاطَرْ مَنْ دَاخَلْ ڨَلُوبْ النَّاسْ لِيُخْرُجْ التَّخْمَامْ لْمْاشِي مْلِيحْ ،الزْنَى،الفُسْقْ،قَتْلْ ، 22 السَّرِقَة الطَّمْعْ،الخُبْثْ،الشَّرْ، الحِيلَه،والجَهْلْ. 23 ڨَاعْ هَادْ لَحْوَايَجْ مَنْ دَاخَلْ َويْنَجْسُوا لَبْناَدَم ْ". 24 وْمَنْبَعْدْ نَاضْ مَنْ تَمَّ وْرَاحْ لْصُورْ و صَيْدَا وْدْخَلْ لْدَارْ وْ مَبْغاَشْ حَتَّى وَاحَدْ يَعْرَفهْ ، بَصَّحْ مَقْدَرْشْ ادَّسْ رُوحَهْ 25 اِمَلاَ وَاحْدْ لَمْرَة كَانْ عَنْدْهَا بَنْتْ مَسْكُونَه بْرُوحْ نَجِسْ وْسَمْعَتْ لْهَدْرَة عْليِه ْجَاتْ وْطَاحَتْ عَنْدْ رَجْليِهْ. 26 هِيِ مْرَا يُونَانِيَة وْ أَصَّلْهَا فيِنِيقِي سُورِي وْ طَلْبَتْ مَنَّهْ ْبَاشْ اخَرَّجْ الشَّيْطَانْ مَن ْبَنْتْهاَ 27 بَصَّحْ يَسُوعْ ڨَالْهَا :"حَتَى قْبَلْ الْدْرَارِي يَشَّبْعُواعْلَى خَاطَرْ مَاشِّي مْلِيحْ يَنْڨَلَعْ الخُبْزْ تَاعْ الدْرَارِي وْيَتْمَدْ لَلْكْلاَبْ ". 28 وْهِيَ وَاجْبَاتَهْ :"وَاهْ، يَاسَيدِي! :حَتَى لَكْلاَبْ ياَكْلُوا تَحْتْ المَايْدَا مَنْ فْتَاتْ ْتَاعْ الدْرَارِي!". 29 ڨَالْهَا: "عْلىَ جَالْ هاَدْ لْكَلْمَة رُوحِي ،الشِّيطَانْ رَاه ْخْرَج ْمَنْ بَنتَكْ". 30 وْ كِي رَاحَتْ لَدَّارْهَا لْقَاتْ بَنْتْهاَ فاَلْفْرَاشْ وَ الشِّيطَانْ خْرَجْ مَنْهَا . 31 وْرَاحْ خْرَجْ مَنْ جْوَايَه صُورْ وْ صَيْدَا وْجَا لَلبْحَرْ الجَلِيلْ فِي وَسْطْ حُدُودْ المْدُنْ العَشرَا. 32 وْجَابُولَهْ طَْرشْ يَهْدَرْوْ يْتَأْتَأْ وْڨَالُولَه بَاه ْاحَطْ يَدَّيه ْعْليِه 33 دَّاهْ يَسُوعْ وَحْدَهْ فِي جِهَة بْعيِدْ عْلَى لْغَاشِي وْدَارْ صْبَاعَهْ فِي وَدْنِينْ الرَاجَلْ وْ دْفَلْ وْ تْلَمَسْلَهْ لْسَانَه 34 وْ رْفَدْ عَينِيهْ لَسْمَا وْ تْنَهَّد ْوْ ڨَالْ <اِفَّثَا> .يَعْنِي انْحَلْ 35 وْ تَمْتَمْ نْحَلُوا وَدْنِيهْ ْوْ لْسَانَه تْحَرَّرْ،وْبْدَا يَهْدَر عَاَدِي . 36 وْوَصَّاهُمْ يَسُوعْ بَاشْ مَايْقُولُوا لْحَتَى وَاحَدْ بَصَّحْ قَدْ مَا كَانْ اوُصِّيهُمْ قَدْ مَا كَانُوا يْبَّرْحُوا وْكَانُوا مَخْلُوعِينْ بَزَّافْ،بَزَّافْ . 37 وْيْڨَولُوا: "ڨَاعْ شَايْدِيرْ مْلِيحْ رَدْ طُّرْشِينْ اسَّمْعُوا وُبْكَاكِيشْ يَهَدْرُوا".
1 فْى هَاذوُكْ اْلْلّيَامْ، كَانُو غَاشِي بْزَّافْ وْمَكَانْش عْنْدْهُم شَا يَاكْلُو، يَسُوعْ المَسِيحْ عْيْطْ لْلتَلاَمَذْ تَاوْعَهْ ْوڤَالهُمْ: 2 "رَانِي نشْفْقْ علِيهُمْ،عْلَى خَاطَرعْندْهُمْ تَلْتَيَامْ بَايْتِينْ ْ مْعَايَا ، ومَاعنْدْهُمشْ شَا يَاكْلُو. 3 وْاذَا خْلِيتُوهُمْ إِوّلُوا لْديَارْهُمْ صَايْمِينْ، رَايَحْ يَعْيَاو فْى الطْرْيڨْ ، عْلَى خَاطَرْ نَاسْ بْزَّافْ مْنْهُمْ جَاوْ مَنْ بْعِيدْ". 4 وْڤَالُو لَهْ تَلاَمْذْهْ : " مِْنِ نْقَدْرُو نْشَبْعُوهُمْ بْالخُبز فِى هَاذْ الصَحْرَا؟. 5 وْالمَسِيحْ سْقْسَاهُم :" شْحَالْ مْنْ خُبْزَة عنْدكُمْ؟ وڤَالُو لْهْ : عْنْدنَا سْبْع خُبْزَات". 6 وْڤَالْ لَنَّاسْ بَاْه اِجَّمْعُوا عْلَى اللَّرْضْ، وْدَاَ السْبْعَة خُبْزَاتْ وَحْمْدْ رْبِيْ و عْطَى لَتْلاَمَذْ اِڤسْمُوعْليهُمْ. 7 وكَانْ مْعَاهُمْ شْوِيَة نْتَاعْ الْحُوتْ، وْ بَارْكْ وْطْلْبْ مَا التَلاَمَدْ بَاهْ يْمَّدُو لّنَّاسْ. 8 كْلاَو وْشَبْعُو، وْجَمْعُو ّلِيْ بْقَى "سْبْعَة تَاعْ السَّلاَتْ". 9 وْكَانْو لِّي كْلاَّوْ رَبعَالاَّفْ وَاحَدْ، وْمْبَعدْ سَّرَحْهُم . 10 تَمْ تْم دْخَلْ لّْفلُوكَة هُوَ وْتْلاَمْدَهْ ، وْ رَاحْ لْجْوَايَهْ دَلمَانُوثَة. 11 وجَاو عْنْدَهْ الفَرِيسِيينْ وبْدَاو يهَدْرُوا مْعَاهْ وطلبُوا مْنَهْ مُعْجِزَة بَاهْ يْجَرْبُوْهْ. 12 تْنَهَّدْ وْ ڤَالْ: وَعْلاَهْ يْطْلْبْ هَاذْ الجِيْلْ مُعْجِزَة؟، وْنْڤُولْكُمْ اْلحَقْ مَا َيَنْعطَّاشْ لْهَاذْ الْجِيلْ مُعْجِزَة. 13 وْمْنْبَعدْ خَلاَّهُمْ وْدْخْلْ تَانِي لَفْلُوكَة وْرَاحْ لْمْكَانْ وَحَدَاخُرْ 14 وْنْسَاوْ بَاهْ يْدِّوُ مْعَاهُم خُبْزْ، وْكَانْ عنْدهُمْ غِيْر وَحْدَة. 15 وْصَّاهُمْ وْڤَالهٌمْ : " حَرزُوا رْوَاحْكُمْ مْا اْلفَرِّيْسِييْن وهِيْرُودُسْ ". 16 وخْمُّو بِيْنَاتْهُمْ ْوڤَالُو: " مَاعْندْنَاشْ خُبْزْ"، 17 وعْرّْفْ يَسُوعْ شَا كَانُو يْخَمَّمُوا وْڤَالْهُمْ: " عْلاَّشْ تْخّمٌوبَلِّي مَاعنْدْكُمْشْ الخُبْزْ؟، مَازَال مَافْهْمْتُوشْ؟، مَنْ دَرْوَكْ ڤْلُوبْكُمْ رَاهَا قَاسْحَة؟، 18 كِيفَاهْ؟ عْندْكُمْ عِيْنِينْ وْمَاتْشُوفُوشْ؟، وعْندُكُمْ وْدْنِين وْمَاتْسْمْعُوشْ وْمَاتْعَقْلُوشْ؟، 19 كِي ڤْسَّمْتْ خَمْسْ خُبْزَاتْ عْلََى خْمسَاَلاَفْ بْنَادَمْ، َشْحَالْ مْنْ ڤُفَة مْعَمْرَة تَاعْ الْخُبْزْ رْفْدَتُوهَا؟". وْڤَالُو لَهْ ،" طْنَاعْشْ". 20 وْالمُعْجِزَة لَّيْ فِيهَا رْبْعَالاَفْ ، شْحَالْ مْنْ ڤُفَة عْمَّرْتُمْ؟. ڤَالُو لَهْ سْبْعَة، 21 وْ ڤَالْهُمْ: كِيْفَاشْ مَتَفَّهْمُوشْ؟. شِفَاءْ أَعْمَى فِي بَيْتْ صيدا 22 وْجَا لْبِيتْ صَيْدَا ، وْجَاَبُولَهْ رَاجَلْ عْمَى وْطْلْبُو مْنَّهْ بَاهْ يْشْفِيهْ، 23 شَدْلَهْ يَدَّهْ وْدَّاهْ بَرَّا الدَوَّارْ، دْفْلَّهْ فِي عِيْنِيهْ، وْحَطْ يْدِّيهْ عْلِيهْ وْسْقْسَاهْ " إِذَا رَاكْ تْشُوفْ؟" 24 وْرَدْ عْلِيهْ بْلِّي رَاهْ يشُوفْ النَّاسْ كي شْجُر يَتْمَشَّوا. 25 وْمَنْبَعْدْ حَّطْ يْدِّيهْ عْلَى عِيْنِيهْ ، بْرَى وْوَلَّى يْشُوفْ. 26 رَسْلَهْ لْدَارَهْ وْڤَالَّهْ مَا يَدْخُلْشْ لَلْدَوَّارْ وْمَا يْڤُولْ لْحْتَّى وَاحَدْ.إِعْتِرَافْ بطرس بالمسيح 27 وْمَنْبَعْد خْرَجْ يَسُوعْ مْعَ تْلَامْذَهْ َلدْوَاوِيرْ تَاعْ قِيصَرْيَة فِيلِبُسْ، وْ فَالطْرِيڤْ سَقْسَاهُمْ وْ ڤَالْهُمْ: "شَا يْڤُولُو النَّاسْ عْلِيَا؟ ". 28 جَاوْبُوهْ: " يُوحَنَا الغَطَّاسْ ، وْوَحْدُخْرِينْ إِيلِيَّا، وْ وَحَدُخْرِينْ وَاحد منْ الأنْبِيَاءْ". 29 وْ زَادْ ڤَالْهُمْ : وْنْتُمَا شَا تْڤُولُو عْلِيَا؟، وْجَاوْبَهْ بُطْرُسْ وْڤَالَّهْ " نْتَ هُو المَسِيحْ إِبنْ الله"، 30 وَطْلَبْ مَنْهُمْ بَاهْ مَا يْڤُولُو لْحَتَّى وَاحَدْ. 31 بْدَا يْعَلَّمْهُمْ بَلِّي إِبْنْ الإِنْسَانْ إِلِيقْ يْتْعَذَّبْ وْيَنْضَّرْ بْزَّافْ، وْيَرْفْضَهْ الشُّيُوخْ وْرُؤَسَاءْ الكَهَنَةْ وْالْكَتَبَة وْ يَكُّتْلُوهْ ، وْبَعْدْ ثَلْثْ أَيَامْ يْنُوضْ. 32 وڤَالْ هَاذْ الهْدْرَة بْالزْڤَا ، وْجَبْدَهْ بُطْرُسْ عْلَى جِهَة وْبْدَا يْعَاتْبَهْ. 33 دَارْ وْشَافْ فْالتْلاَمَذْ تَاعَهْ وْزَڤَّا عْلَى بُطْرُسْ وْڤَالَه: " رُوحْ عْلِيَا يَاشِيطَانْ ،عْلَى خَاطَرْ مَارَاكْشْ تْخَمَّمْ عْلَى صْوَالَحْ نْتَاعْ الرَّبْ ، بَصَّحْ نْتَاعْ النَّاسْ". 34 وْڤَالْ لنَّاسْ وْ التْلاَمَذْ نْتَاعَهْ : " لِّي بْغَا يْجِي مُورَايَا ، يْليقْ يَنْكَرْ رُوحَهْ وْيَرْفَدْ الصَّلِيبْ نْتَاعَهْ وَيْتَبَّعْنِي . 35 لِّي بْغَا يَرْبَحْ نَفْسَهْ يَهْلَكْهَا، وْلِّي يَهْلَكْ نْفْسَهْ عْلَى جَالِي وْعْلَى جَالْ الإِنْجِيلْ يَرْبَحْهَا. 36 شَا يَنْفَعْ البْنَادَمْ لُوكَانْ يَرْبَحْ ڤَاعْ الدَّنْيَا وْيَخْسَرْ نَفْسَهْ؟ 37 وْلاَّ شَا يْمَدْ الإنسَانْ بَاهْ يْفدِي حْيَاتَهْ؟ 38 لِيَحْشَمْ بِيَّا وْبَكْلاَمِي فِي هَاذْْ الجِيلْ الفَاسَقْ الخَاطِي، تَانِي اِبْنْ الإِنْسَانْ يَحْشَمْ بِيهْ كِيْ يْجِي بْمَجْدْ بُوهْ مْعَ المَلاَيْكَا فَالسْمَا .
1 وْڤَالْهُمْ الْحَقْ نْڤُولْكُمْ : كَايَنْ وَحْدِينْ مَنْكُمْ هْنَا مَايْمُوتُوشْ حَتَّى يْشُوفُو مَلَكُوتْ الله جَا بْقَوَّة 2 وْمَنْ بَعْدْ سَتِّيَامْ جَابْ يَسُوعْ بُطْرُسْ وْ يَعْقُوبْ وْ يُوحَنَا وْطْلَعْ بِهُمْ لَجْبَلْ عَالِ وْڤَعْدُو وَحَدْهُمْ وْتْبَدْلَتْ صُورْتَهْ ڤُدَّامْهُمْ 3 وْوَلاَّتْ كَسَّوْتَهْ بَيْضَا كِثَلْجْ وْتَلْمَعْ مَكَانْشْ حَاجَة بَيْضَة كِمَاهِيَ عْلَى الأَرْضْ 4 بَانْ لْهُمْ إِلْيَاسْ مْعَ مُوسَى وْكَانُوا يْهَدْرُومْعَ يَسُوعْ 5 وْخَلَّى بُطْرُسْ يْڤُولْ لْيَسُوعْ يَاسِيدِي مْلِيحْ نُڤَعْدُواهْنَاوْنَّصنْعُوا تْلْتْ خْيَامْ وَحْدَة لِيكْ وَحْدَة لْمُوسَى وَحْدَة لإيلْيَّا 6 مَاكَانْشْ عْلَى بَاَلْه شَاكَانْ يَهْدَرْ عْلَى خَاطَرْ كَانُوا خَايْفِينْ . 7 وْكَانَتْ سْحَابَة ظَلَّتْ عْلِيهُمْ وْجَا صُوتْ مَا سْحَابَة هَذَا هُوَبْنِي لَحْبِيبْ سَمْعُوا لَهْ 8 وْشَافُو مَنْ كُلْ جِهَة كَانْ غِيرْ يَسُوعْ وَحْدَهْ مْعَهُمْ. 9 وْكِي كَانُوا مْهَوْدِّين مَا الجْبَلْ وْصَّاهُمْ حَتَّى وَاحَدْ مَايْڤَُولْ شَاشَافُوا حَتَّى يُْقُومْ إِبْنْ الأِنْسَانْ مَنْ بِينْ لْمُوتَى 10 وْخَلَاّوْلَكْلَامْ لَنْفُوسْهُمْ وْيْسَقْسِيوْ شَاهُوَ اْلقِيَامَة مَنْ بِينْ لْمُوتَى؟ 11 وْسَقْسَاوْ يَسُوعْ عْلاَشْ يْڤَُولُوا الْكَتَبَة بَلِّي إِيلِيَّا لاَزَمْ يْجِي لَوَّلْ، 12 وْجَاوَبْهُمْ: " إِيلِيَّا يْجِي لَوَّلْ وْيْرُّدْ كُلْ شِي كِمَا هُوَ مَكْتُوبْ عْلَى إِبْنْ الأِنْسَانْ يَتْأَلَمْ بَزَّافْ وْيَتْهَانْ، 13 وْأَنَا نَڤَُولْكُمْ إِيلِيَّا تَانِي جَا وْدَارُو فِيهْ شَابْغَاوْكِمَا هُوَ مَكْتُوبْ. 14 وْكِي جَا عَنْدَ تْلاَمَذْ شَافْ بَزَّافْ النَّاسْ مْدَّاوْرِينْ بِهْ وْلْكَتَبَة يْحَاوَرْهُمْ، 15 وْ تَّمْ تَّمْ كِي شَافُوهْ ڤَاعْ هَدُوكْ النَّاسْ تْحَيّْرُوا وْجْرَاوْ عَنْدَهْ وْسَلْمُواعْلِيهْ 16 سَقْسَاوْلْكَتَبَة عْلَى وَاشْ تْحَاوَرْهُمْ؟ 17 وْجَاوَبْ وَاحَدْ مَا النَّاسْ وْڤََالْ يَا مْعَلَمْ جَبْتْلَكْ وْلْدِي فِيهْ رُوحْ أَخْرَسْ، 18 وْهَادْ الرُوحْ يْطَيْحَهْ عْلَى لَرْضْ وْ يْغَزَزْلَهْ فِي سَنّيِهْ وْيَبْسَهْ وْڤُلْتْ لَتْلاَمْذَكْ بَهْ يْخَرْجُوهْ بَصَّحْ مَنَجْمُوشْ. 19 وْجَاوَبْهُمْ يَسُوعْ يَالْجِيلْ لْغِيرْ لْمُومَنْ حَتَّى لْوِنْتَ نْكُونْ مْعَاكُمْ وْنَصْبَرْعْلِيكُمْ؟ ڤَدْمُوهْ لِي. 20 قَدْمُوهْ لَهْ كِي شَافَهْ مَصْرُوعْ وْطَايَحْ عْلَى لََّرْضْ 21 سَقْسَا بُوهْ مَنْ وِنْتَ وْهُوَّ عْلَى هَادْ الْحَالَة؟ وْجَاوْبَهْ :مَنْ لِّي كَانْ ْصغِيرْ 22 وْشْحَالْ مَنْ خَطْرَة قَاسَهْ فَي النَّارْوْالْمَا بَاشْ يَكَتْلَهْ وْبَصَّحْ إِلَاتَقْدَرْ دِيرْ حَاجَة تْحَنَنْ عْلِينَا وْعَاوَنَّا. 23 وْڤَالَهْ يَسُوعْ :" إِلَا تَقْدَرْتْآمَنْ كُلْ شِي مُسْتَطَاعْ َللِّي ْيآمَنْ" 24 تَّمْ تَّمْ زَڤَا لْوَلْدْ بَاالدْمُوعْ وْ ڤَالْ نَآمَنْ يَا سِيدِي عَاوَنْ عَدَمْ إِيمَانِي 25 وْكِيشَافْ يَسُوعْ النَّاسْ يَجْرُوا أْمَرْ الرُوحْ النَجِسْ وْڤَالَه ْ"يَا الرُّوحْ لَخْرَسْ وْلَبْكَمْ نَأَمْرَكْ أُخْرَجْ مَنَهْ وْمَا تْعَاوَدْشْ تَدْخَلْ فِيهْ!" 26 زَڤَا وْصَرْعَهْ بَزَّافْ وْخْرَجْ وْلَّى كِي ْلَميّتْ حَتَّى ڤَالُوا الَّناسْ رَاهْ مَاتْ! 27 وْشَدَّهْ يَسُوعْ مَنْ يَدَّهْ وْنَوْضَهْ . 28 وِكِي دْخَلْ لْوَاحَدْ الدَّارْ سَقْسَاوَهْ تْلاَمَذْ عْلاَهْ مَا قْدَرْنَاشْ نَخَرْجُوهْ؟ 29 ڤَالْهُمْ "هَادْ اْلَجنْسْ مَا يَخْرَجْشْ غِيرْبَالصْلاَةْ وْالصُومْ". يسوع يُنْبِئُ بِمَوتِهِ وَقِيَامَتِهِ 30 وْخَرْجُوا مَنْ تَمَّا وْفَاتُوا مَا الْجَلِيلْ وْمَا بْغَاشْ حَتَّى وَاحَدْ يَعْرَفْ 31 عْلَى خَاطَرْ كَانْ يْعَلَّمْ التْلاَمَذْ وْيْڤُولْهُمْ "إِبْنْ الأِنْسَانْ يْسَلْمُوهْ لْيَدِينْ النَّاسْ وْيْكُتْلُوهْ وْمَنْبَعْدْ فَالْيُومْ التَالَتْ يْقُومْ 32 بَصَّحْ هُمَا مَا فَهْمُوشْ كْلاَمَهْ وْخَافُوا بَاهْ يْسَقْسُوهْ. مَنْ هوالاعظم 33 وْرَاحْ كَفَرْنَاحُومْ . كِي كَانْ فَالدَّارْ سَقْسَاهُمْ "عْلَى شَاهْ كُنْتُوا تَهَدْرُوا بِينَاتْكُمْ فَالطْرِيڤْ 34 سَكْتُواعْلَى خَاطَرْ كَانُوا يَتْنَاقْشُوا شْكُونْ هُوَالأَعْظْم 35 وْڤْعَدْ وْعَيَّطْ لَتْلاَمَذْ وْڤَالْهُمْ"إِذَا وَاحَدْ بْغَى يْوَلِّى لَوَّلْ يْكُونْ لَخَّرْ وْيَخْدَمْ لْكُلْ". 36 نَوَّضْ وَلْدْ صْغِيرْ فِي وَسْطْهُمْ وْحَظْنَهْ وْڤَالْهُمْ 37 لِيَقْبَلْ وَاحَدْ مَنْ لَوْلَادْ كِمَاهَادَ بَاسْمِي يَقْبَلْنِي وْلِيَقْبَلْنِي مَيَقْبَلْنِيشْ غِيرْ أَنَا بَصَّحْ يَقْبَلْ لِرْسَلْنِي". 38 وْجَاوَبْ يُوحَنَا وْڤَالَهْ: يَامْعَلَمْ شَفْنَا وَاحَدْ يْخَرَجْ شَيَاطِينْ بَاسْمَكْ وْهُوَمَايْتَبَعْنَاشْ 39 وْڤَالْ يَسُوعْ "مَا تَمَنْعُوهْشْ عْلَى خَاطَرْحَتَّى وَاحَدْ مَا يَصْنَعْ مُعْجِزَة بَاسْمِي وْيَقْدَرْ بَلْخَفْ يْڤُولْ عْلِيَّ الشَّرْ. 40 عْلَى خَاطَرْ لِمَشِي ضَدْنَا هُوَمْعَانَا. 41 ِلْيْشَرَّبْكُمْ كَاسْ مَاء بَاسْمِي عْلَى خَاطَرْ نْتُومَا لَلْمَسِيحْ نْڤُولْكُمْ الْحَقْ مَاظَاعْشْ أَجْرَهْ. 42 وْلِّي يْطَيَّحْ وَاحَدْ مَاالصْغَارْلِيْآمْنُوا بِيَا خِيرْلَهْ يَنْدَارْعْلَى رَڤْبَتَهْ حَجْرَة الرْحَى وْيَنْقَاسْ فَالَبْحَرْ 43 وْإِذَا طَيْحَاَتَكْ يَدَّكْ فَالْخَطِيَّة ڤْطَعْهَا خِيرْلَكْ تَدْخُلْ لَحْيَاةْ بْيَدْ وَحْدَة وْلاَّتَدْخُلْ نَّارْجَهَنَمْ لِمَتْنَطْفَاشْ بْزُوجْ يَدِّينْ 44 وِينْ دُودْهُمْ مَايْمُوتْشْ وْالنَّارْ مَاتَنَّطْفَاشْ. 45 وْإِذَا طَيْحَاتَكْ رَجْلَْكْ فَالْخَطِّيَة ڤَطْعْهَا خِيرْلَكْ تَدْخُلْ لَحْيَاْة قْجَعْ مَِّلي تْكُونْ عَنْدَكْ زُوجْ رَجْلِينْ وْتْنْقَاسْ فَاالنَّارْجَهَنَمْ لِمَتَّنَطْفَاشْ 46 وِينْ الدُودْ مَايْمُوتْشْ وْالنَّارْمَا تَنَّطْفَاشْ . 47 وِيلَا طَيْحَاتَكْ عَيْنَكْ فَالْخَطِيَّة ڤْلَعْهَا خِيرْلَكْ تَدْخُلْ مَلَكُوتْ لله عْمَى مَلِّي تْكُونْ عَنْدَكْ زُوجْ عَيْنِيْن وْتَتْقَاسْ فِي نَّارْجَهَنَّمْ . 48 وِينْ دُودْهُمْ مَا ْيمُوتْشْ ْوالنَّارْمَاتَنَّطَْفَاشْ . 49 كُلْ وَاحَدْ يَتْمَلَّحْ بَالنَّارْ وْكُلْ دْبِيحَة تَتْمَلَّحْ بَالْمَلْحْ ، 50 الْمَلْحْ مْلِيحْ بَصَّحْ إِذَا كَانْ الْمَلْحَ فَاسَدْ بَاشْ غَادِي نْصَلْحُوهْ ؟ إِيْكُونْ فِيكُمْ الْمَلْحْ وْكُونُومُسَالْمِينْ بَعْضَكُمْ مْعَ البَعْضْ .
1 وْرَاحْ مَنْ ثْمَّا وْجَالْجْوَايَهْ اليَهُودِيَة لِڤَْرِيبَا مَالأُرْدُنْ تْلَمُّوا عْلِيهْ بَزَّافْ الْنَّاسْ وْكَانْ إعَلَّمْهُمْ كِيمَا مْدَارِي ، 2 ڤَدْمُوا عَنْدَهْ الْفَرِيسِيِنْ بَاهْ إِجَرْبُّوهْ سَقْسَاوَهْ ،إِلاَ حْلاَلْ لْرَّاجْلْ إطَلَّڤْ مَرْتَهْ ؟ 3 جَاوَبْهُمْ وْڤَالْ : بَاهْ وْصَّاكُمْ مُوسَى 4 ڤَالُوا: مُوُسَى سْمَحَّلْهُمْ بَاهْ يَكَّتْبُوا كْتَابْ الطْلاَڤْ 5 جَاوَبْهُمْ يَسُوعْ ڤَالْهُمْ عْلَى "جَالْ ڤْلُوبْكُمْ الْقَاسْحَة أَكْتَبَلْكُمْ هَاذْ الْوْصِيَّة " 6 بَصَّحْ رَبِّى خْلَقْ رَاجَلْ وَ مْرَى مَلِّى بْدَاتْ الدَّنْيَا 7 عْلَى جَالْ هَادْ شِّى الرَّاجَلْ إخَلِّي بُوهْ وَ أمَّهْ وَيَتَّاحَدْ مْعَ مَرْتَهْ 8 وَيْوَلُّوا لَزُّوجْ جَسَدْ وَاحَدْ مَڤَعْدُوشْ زُوجْ بَصَّحْ وْلاَوْ وَاحَدْ 9 وْلِّي لَمَّهْ رَبِّى وَاحَدْ مَايْفَرْقَهْ 10 وْفَالدَّارْ سَقْسَاوَهْ تْلاَمَذْ تَاوْعَهْ عْلَى هَاذْ شِّى 11 لِّي يْطَلَّڤْ مَرْتَهْ وْتْزَّوَجْ بْوَحْدَ خْرَى رَاهْ زْنَى 12 وْإِذَا طَّلْڤَتْ مْرَاة رَاجَلْهَا وْ تْزَّوجَتْ بْوَاحْدَاخَرْ رَاهِي زْنَاتْ يَسُوع يُبَارِكْ الأَطفَال 13 ڤَدْمُوا لَهْ غْرَايِينْ بَاهْ يَلْمَسْهُمْ بَصَّحْ تْلاَمَذْ تَاوْعَهْ وَخْرُوهُمْ وْ مَخْلاَّوْهُمْشْ إِڤَدْمُوا 14 وْكِي شَافْ يَسُوعْ هَكَّا زْعَفْ وْڤَالْهُمْ <خَلُّوا الدْرَّارِي إِجُوا عَنْدِي عْلىَ خَاطَّرْ لِّي كِيمَاكِفْهُمْ مَدْيُورْ مَلَكُوتْ الله 15 الْحَقْ نْڤَُولْكُمْ: لِّي مَايَقْبَلْشْ مَلَكُوتْ الله كِيمَا وَلْدْ صْغِيرْ مَيَدْخُلْشْ " 16 عَنَّڤهُمْ وحَطْ يَدِّيهْ عْلِيهُمْ وْبَارَكْهُمْ. 17 وْكِي كَانْ يَسُوعْ يَتْمَشَّى فَالطْرِيڤْ جَا يَجرِي عَنْدَهْ وَاحَدْ أرْكَعْلَهْ وْسَقْسَاهْ <يَامْعَلَّمْ الْصَّالَحْ شَا نْدِيرْبَاهْ نَوْرَثْ الْحَيَاة الأبَدِيَّة ؟" 18 ڤَالَهْ يَسُوعْ عْلاَهْ ڤُتْلِي صَالَحْ مَكَانْشْ حَتَّى وَاحَدْ صَالَحْ مَنْ غَيرْ رَبِّى 19 نْتَ تَعْرَفْ لَوْصَايَا مَاتَزْنِشْ مَاتَكْتُلْشْ مَاتَخْوَنْشْ وْمَا تَشْهَدْشْ بَالزُّورْ،قَادَرْ بُوكْ وَأمَّكْ 20 جَاوْبَهْ وْڤَالَهْ "يَامْعَلِّمْ هَاذَا ڤَاعْ حْفَظْتَهْ مَنْ صُغْرِي . 21 شَافْ فِيهْ يَسُوعْ وْحَبَّهْ وْڤَالَهْ :خَاصَّاتَكْ حَاجَة وَحْدَة رُوحْ بِيعْ ڤَاعْ لِعَنْدَكْ وْأعْطِيهْ لَلْڤَلاَلِيلْ وْهَكَا إِكُونْ لَكْ كَنْزْ فَالسْمَا رْوَاحْ وْتَبَّعْنِى وَ نْتَ رَافَدْ الصَّلِيبْ. 22 غَاضَاتَهْ الْهَدْرَة وْرَاحْ حْزِينْ عْلَى خَاطَرْعَنْدَهْ بَزَّافْ دْرَاهَمْ. 23 شَافْ يَسُوعْ لِي دَايْرِينْ بِيهْ وْ ڤَالْ لَتْلَامْذَهْ شْحَالْ وَاعَرَة عْلَى الَمَتْرَفْهِينْ يَدُّخْلُوا مَلَكُوتْ الله". 24 تْحَيْرُوا التْلاَمْذْ مَنْ كْلاَمَهْ .وْجَاوَبْهُمْ يَسُوعْ وْڤَالْهُمْ : "يَاوَلْدي شْحَالْ وَاعْرَة عْلَى الْمَتْرَفْهِينْ بَاهْ يَدُّخْلُوا مَلَكُوتْ الله 25 سَاهْلَة فُوتَتْ جْمَلْ مَنْ تُقْبَةْ لَبْرَا عْلَى الْمَتْرَفَّهْ بَاهْ يُدْخَلْ مَلَكُوتْ الله". 26 نْخَلْعُوا بَزَّافْ وْڤَالُوا لْبَعْضِيَاتْهُمْ شْكُونْ إِنَجَّمْ يَسْلَكْ؟" 27 شَافْ فِيهُمْ يَسُوعْ وْڤَالْ لْوَاعَرْ عَنْدْ الَنَّاسْ مَاشِى وَاعَرْ عَنْدْ الله عْلَى خَاطَرْ رَبِى قَادَرْ عْلىَ كُلْشِى 28 وْبْدَا بُطْرُسْ يْڤَولَّهْ هَاحْنَا رَانَا خَلِّينَا كُلْشِى وْتَبَّعْنَاكْ ". 29 جَاوَبْهُمْ يَسُوعْ وْڤَالْهُمْ:" لْحَقْ نْڤُولْكُمْ :مَكَانْشْ حَتَّى وَاحَدْ خَلَّى الدَّارْ خُوتْ وْ خْوَاتَاتْ، بُوهْ وْمَّاهْ وْمَرْتَهْ وْلاَدَهْ وْاللاَرْضْ عْلاَ جَالِى وْعْلىَ جَالْ الإِنْجِيلْ ، 30 غَادِي يَدِّي مَيَّةْ ضِعْفْ دَرْوَكْ فْهَاذْ الزْمَانْ مَنْ دَارْ وْ خُوتْ وَخْوَاتَاتْ وْوْلاَدْ وَمْرَى وَ الأَرْض وْإضْطِهَادَاتْ وْفِى زْمَانْ لَخَّرْ الْحَيَاةْ الاَبَدِيَّة . 31 بَزَّافْ لْوَالَى يْوَلُو تْوَالَى وْتْوَالَى يْوَلُو لَوْلِينْ 32 يَسُوعْ يُنَبِىء بِموْتِه وَقيامته كَانُواطَالْعِينْ لْأُرُشَلِيمْ وْسْبَقْهُمْ يَسُوعْ وْكَانُوامَتْحَيْرِينْ وْ خَايْفِينْ وْدَّا الطْنَاعْشْ وْ بْدَا يْڤُولْهُمْ شَاغَادِي يْصْرَا لَهْ 33 :" رَانَا طَالْعِينْ لْأُرُشَلِيمْ وْإِبْنْ الإِنْسَانْ إِسَّلْمُوهْ لْرُؤَسَاءْ الْكَهَنَةِ وْالْكَتَبَة بَاهْ يَحَكْمُوا عْلِيهْ بَالْمُوتْ ،وْيْسَّلْمُوهْ 34 وْيْزَعْقُوا بِهْ وْيْجَّلْدُوهْ وْيَدَفْلُوا عْلِيهْ وْ يَكُّتْلُوهْ وْنْهَارْ الثَّالَثْ إِقُومْ 35 طلَبَة يَعْقُوبْ وَيُوحَنَا وْڤَدَّمْ عَنْدَهْ يَعْقُوبْ وَيُوحَنَا وْلاَدْ زَبَدِي ڤَالُوا يَامْعَلَّمْ بْغِينَاكْ أَدِيرَلْنَا ڤاعْ شِى لِّى طْلَبْنَاهْ . 36 ڤالْهُمْ "شَارَاكُمْ بَاغْيِينْ نْدِيلْكُمْ ". 37 ڤالُوا لَهْ طَالْبِينْ وَاحَدْ يَجَمَّعْ عْلَى يْمِينَكْ وْلاَخُرْعْلَى يْسَارَكْ فِي مَجْدَكْ". 38 وْڤالْهُمْ يَسُوعْ " مَارَكُمْشْ عَارْفِينْ شَارَكُمْ تُطَّلْبُوا تَنَّجْمُوا تَشُّرْبُوا مَالْكَاسْ لِّي شْرَبْتْهاَ أَنَا ؟وتَوَّصْلُوا تَتْأَلْمُوا بَالْألاَمْ لِّي غَادِي نْقَبْلَهْ أَنَا ، 39 ڤالُوا لَهْ <نَّجْمُوا> ڤالْهُمْ يَسُوعْ "امَلاَ الْكَاسْ لِشْرَبْتْهَا غَادِي تْشَرْبُهَا، وْلْأَلاَمْ لِتْأَلَّمْتَهْ أَنَا غَادِي تَتْأَلْمَهْ، 40 بَصَّحْ لَڤْعَادْ عْلى لَيْمِينْ وَعْلَى لَيْسَارْ مَغَادِيشْ نْمَدَّهْ غِيرْ لِّي مَعْطِيَتْلَهْ". 41 وْكِي سَمْعُوا هَادُوكْ لْعَشْرَة زَعْفُوا عْلَى شَادَارُوا يَعْقُوبْ وْيُوحَنَّا، 42 عَيَّطْ لْهُمْ يَسُوعْ وْڤَالْهُمْ نْتُومَا لِّي حَاسْبِينْ رْواحْكُمْ عْلَى النَّاسْ يْسَيْرُوهُمْ سْيَادْهُمْ يَتْسَلْطُواعْلِيهُمْ . 43 مَايْلِيقْشْ يْكُونْ هَاكَّا بِينَاتْكُمْ بَصَّحْ لِّي بْغَى فِيكُمْ يْوَلِّي عَظِيمْ يْلِيقْ يْكُونْ خَادَمْ ، 44 لِّي بْغَى يْوَلِّي فِيكُم لَوَّلْ ،يْكُونْ عَبْدْ لَلْجَمِيعْ 45 عْلَى خَاطَرْ إِبْنْ الإِنْسَانْ تَانِى مَجَاشْ بَاهْ يْخَدْمُوهْ بَصَّحْ يْمَّدْ نَفْسَهْ فَدْيَة عْلَى جَالْ لُخْرِينْ ". 46 وْجَاوْ لأرِيحَا وْكِي كَانْ خَارَجْ مَنْهَا هَوَ وَتْلَامْذَهْ وْ نَاسْ بَزَّافْ وْكَانْ بَارْتِمَاوسْ الاَعْمَى إِبْنْ تِيمَاوْسْ مْجَمَّعْ عْلَى الطْرِيڤْ يَطْلُبْ 47 وْكِي سْمَعْ بَلِّي هُوَ يَسُوعْ النَّاصِرِى بْدَا يْزَڤّي وْيْڤَولْ <<يَايَسُوعْ إِبْنْ دَاوُدْ رْحَمْنِى>> 48 بَزَّافْ النَّاسْ كَانُوا يْسَكْتُّوا فِيهْ بَصَّحْ كَانْ يْزَڤِّي كْتَرْ وَ كْتَرْ:" يَابَنَ دَاوُدْ رْحَمْنِى!". 49 حَبَّسْ يَسُوعْ وْڤَالْهُمْ عَيْطُوا لَلْعْمَى. عَيْطُولَهْ الْتْلَامَذْ وْڤَالُوا لَهْ : "آمَنْ وْ نُوضْ هُوَ رَاهْ يْعَيَّطْلَكْ ". 50 قَاسْ بَرْنُوسَهْ وْنَاضْ وْرَاحْ عَنْدْ يَسُوعْ. 51 جَاوْبَهْ يَسُوعْ وْڤَالْ لَهْ :"شَارَاكْ بَاغِي نْدِيرْ لَكْ ؟" وْجَاوْبَهْ لَعْمَى "يَاسِيدِي رَانِى بَاغِى نْشُوفْ". 52 ڤَالَّهْ يَسُوعْ :" رُوحْ إِيمَانَكْ شْفَاكْ " تَمْ تَمْ شَافْ وْ تَبَّعْ يَسُوعْ فَالطْرِيڤَ.
1 كِي ڤَرْبُوا مَنْ أُورُشَلِيمْ ڤَرِيبْ مَنْ بِيتْ فَاجِي وْبِيتْ عَانْيَا عَنْدْ جْبَلْ الزِّيتُونْ أَرْسَلْ تْلاَمْدَهْ ، 2 وْڤَالْهُمْ رُوحُوا لَدَّشْرَة لِڤَُدَامْكُمْ وْتَّمْ تَّمْ وَنْتُمَا دَاخْلِينْ تَلْقُوا جَحْشْ مَرْبُوطْ وْحَتَّى وَاحَدْ مَاجَمَّعْ عْلِيهْ مَالنّاسْ. حَلُّولَهْ رْبَاطَهْ وْ جِيبُوهْلِي. 3 وْإِلاَ كَاشْ وَاحَدْ ڤَالْكُمْ عْلَاهْ رَاكُمْ دِيرُواهَاكْ ؟ ڤُولُولَهْ : الــرَّبْ مَسْحَقَهْ، تَّمْ تَّمْ يَرَسْلَهْ لَهْ " . 4 رَاحُوا وْلْڤَاوْ الْجَحْشْ مَرْبُوطْ عَنْدْ الْبَاْب خَارَجْ ْعْلَى الطْرِيڤْ حَلُّــــوهْ . 5 وْڤَالُولْهُمْ لِكَانُوا سَاكْنِينْ تَمَّْ : شَارَاكُمْ دِيرُّوا ؟ عْلاَهْ تْحَّلُوا الْجَحْشْ ؟" . 6 وْڤَالُولْهُمْ كِيمَا هَاكْ وْصَّانَا يَسُوعْ, وْخَلَّاوْهُمْ 7 وْجَابُوا الْجَحْشْ لْيَسُوعْ وْحَطُّوعْلِيهْ قَشْهُمْ وْجَمَّعْ عْلِيْـه. 8 وْبَزَّافْ فَرْشُوا قَشْهُمْ فَالطْرِيڤْ. وَحْدُخْرِينْ ڤَطْعُواالْغُصْنْ مَالشَجْرَة وْفَرْشُوهْ فََــالطْرِيڤْ. 9 وْلِكَانُوا ڤُدَّامَهْ وْمُورَاهْ كَانُوا يْزَّڤُو وْيْڤُولُوا أُوْصَّنَا مُبَارَكُ الْأَتِي بِاسـمْ الرَّبْ ، 10 مُتْبَارْكَة مَمْلَكَةْ بُونَا دَاوَدْ لِجَايَا بَاسْمِ الرَّبْ، أُوصَانَا فِي الأَعَالِي. 11 كِدْخَلْ يَسُوعْ أُورُشَلِيمْ وْالْهَيْكَلْ وْكِشَافْ مَنْ جِهَةْ لِدَّايْرِينْ بِهْ وْكَانْ رَاحْ الْحَالْ خْرَجْ لْبِيتْ عَنْيَا مْعَ تَلْمِيدْ ، 12 وْلْغَدْوَ كِخَرْجُوا مَنْ بِيتْ عَنْيَا جَاعْ . 13 كِشَافْ شَجْرَة كَرْمُوسْ مَنْ بْعِيدْ وَعْلِيهَا وْرَاقْ حْسَبْ غَادِي يَلْقَى فِيهَا كَاشْ حَاجَة بَصَّحْ كِلْحَڤْ عَنْدَهَا لْقَى فِيهَا غِيرْ لَوْرَقْ عْلَى خَاطَرْ مَا كَانْشْ وَقْتَ اْلكَرْمُوسْ ، 14 جَاوَبْ يَسُوعْ وْڤَالْ : "مَا يَكُلْ حَتَّى وَاحَدْ مَنَكْ فَاكِيَة مَالْيُومْ حَتَّى لَبْدَا وْكَانُوا تْلامَدْ تَاوْعَهْ يَسَمْعُوا " . 15 وْجَاوْ لْلأُرُوشَلِيمْ، كِدْخَلْ يَسُوعْ الْهَيْكَلْ بْدَا يْخَرَّجْ لِي كَانُوا يْبِيعُوا وْيَشْرُوا فِي الْهَيْكَلْ وْڤَلَّبْ طْوَابَلْ الَصَيَّارِفَة وْلْكْرَاسَا تَاعْ لِيْبِيعُوا لَحْمَامْ. 16 وْمَاخَلَّى حَتَّى وَاحَدْ يْفُوتْ َللْهَيْكَلْ فِي غَرْدَهْ. 17 وْكَانْ يْعَلّمْ وْيْڤُولْ " مَا شِي مَكْتُوبْ : " يَتْسَمَى بِيتْ الصْلاَةْ لْڤَاعْ النَّاسْ؟ وْنْتُمَا رَدِّيتُوهْ مْغَارَةْ الْخَيَّانْ " . 18 وْسَمْعُوا الْكَتَبَة وْرُؤَسَا الْكَهَنَة طَلْبُوا كِيفَاهْ يَهَلْكُوهْ عْلَى خَاطَرْ خَافُواوْتْعَجْبُوا ڤَاعْ مَالتَّعْلِيمْ تَاعَهْ . 19 وْكِيجَاتْ الْعْشِيَة خْرَجْ بَرَّلْمْدِينَة. 20 وْفَاالصْبَاحْ كِيكَانُوا فَايْتِينْ شَافُوا شَجْرَةْ الْكَرْمُوسْ يَابْسَةْ مَالْجَدُورْ، 21 تْفَكَّرْ بُطْرُسْ وْڤَالْ: "يَا سِيدِي شُوفْ شَجْرَةْ الْكَرْمُوسْ لِنْعَلْتْهَا يَبْسَتْ!". 22 جَاوَبْهُمْ يَسُوعْ وْڤَالْهُمْ " لِيَكُونْ لْكُمْ إِيمَانْ بَاللهْ" . 23 الْحَقْ الْحَقْ نْڤُولْكُمْ : لِيْڤُولْ لْهَادْالْجْبَالْ تْحَرَكْ وْقِيسْ رُوحَكْ فْالَبْحَرْ وْمَتَشْكِشْ فِي ڤَلْبَكْ بَصَّحْ يْآمَنْ بَاالشِي لِيْڤُولَهْ بَلِّى كَايَنْ مَهْمَا ڤَالْ غَادِي إِيْكُونْ لَهْ. 24 عْلَى هَادَا نْڤُولْكُمْ ڤَاعْ لِتَطَلْبُوهْ آمْنُوا بَلِّي يْكُونْ لْكُمْ. 25 كِي تَوَڤْفُوا تْصَلُّوا غَفْرُو إِيلاَ عَنْدْكُمْ كَاشْ حَاجَة ضَدْ وَاحَدْ بَاهْ يَغْفَرْلْكُمْ تَانِي بُوكُمْ لِفَسمَا خَطَايَكُمْ. 26 وِيلاَ مَغْفَرْتُوشْ نْتُمَا مَايَغْفَرَلْكُمْشْ بُوكُمْ لِفَسْمَا تَانِي خَطَايَكُمْ . السؤال على سلطان يسوع 27 وْجَاوْ تَانِي لْأُورُشَلِيمْ ، وْكِكَانْ يَمْشِي فَالْهَيْكَلْ جَاوْ لْعَنْدَهْ رُؤَسَاءْ الْكَهَنَة وَالْكَتَبَة وْالشُيُوخْ ، 28 وْڤَالُولَهْ : "مِينْ جَاتَكْ السُلْطَة بَاشْ تْدِيرْ هَادْ الشِي ؟ وْشْكُونْ لِعْطَاكْ حَتَّى دِّيرْ هَادْ الشِي. 29 جَاوَبْ يَسُوعْ وْڤَالْهُمْ : " أَنَا تَانِي نْسَقْسِيكُمْ بْكَلْمَة وَاحْدَة وْجَاوْبُونِي بَاشْ نْڤُولْكُمْ بْأَيْ سُلْطَانْ نْدِيرْ هَادْ الشِي. 30 مَعْمُودِيَةْ يُوحَنَا : كَانَتْ مَاالسْمَا وْلَا مَالنَّاسْ ؟ جَاوْبُونِي ". 31 فَكْرُوا فِي نْفُوسْهُمْ ڤَايْلِينْ : " إِذَا ڤُولْنَا مَاالسْمَا يْڤُولْ عْلَاشْ مَآمَنْتُوشْ بِهْ ؟ 32 وْإِذَا ڤُولْنَا مَالنَّاسْ غَادِي يْخَافُوا النَّاسْ عْلَى خَاطَرْ يُوحَنَا كَانُوا يْشُفُوهْ النَّاسْ نَبِيْ. 33 جَاوْبُوا وْڤَالُوا لْيَسُوعْ : " مَنَاشْ عَارْفِينْ، جَاوَبْهُمْ يَسُوعْ : حَتَّى أَنَا مَنْڤُولْكُمْشْ شَاُهَوالسُلْطَانْ لِنْدِيرْ بِهْ ".
1 بْدَا يَهْدَرْمْعَاهُمْ بَلْمْثُولْ: ڤَالْهُمْ وَاحَدْ غْرَسْ دَالْيَة وْسَيْجَهَا وْحْفَرْمَعَصْرَة وْ بْنَى بُرْجْ، وْخََلاَهَا لَلْفَلاَحِينْ وْ سَافَرْ. 2 وْفْذَاكْ الْوَقْتْ رْسَلْ وَاحَدْ مَالْخَدَامَّة بَاشْ يْجِيبْ الْغَلَّة مَنْ عَنْدْ الْفَلاَّحِينْ ، بَصَّحْ هُمَا 3 دَاوَّهْ وْضَرْبُوهْ وْ رَسْلُوهْ خَاوِي 4 مْبَعْدْ رْسَلْ خَدَّامْ وَحْدَاخَرْ، رَجْمُوهْ وَضَرْبُوْهْ وَرَسْلُوهْ مْبَهْدَلْ. 5 رْسَلَلْهُمْ وَحْدَاخُرْ تَانِي، كَتْلُوهْ وْخَرْجُوهْ بَرَّا الدَّالِيَة مْبَعْدْ أَرْسَلْ بَزََّافْ ، سَوْطُو وَحْدِيْنْ وَكَتْلُو وَحْدْخْرِينْ. 6 هَاذَاكْ اَلِإنْسَانْ كَانْ عَنْدُهْ وَلْدْ عْزِيْزْ عْلِيْهْ بَزَّافْ، رَسْلَهْ لْهُمْ مْعَ اَلْتَالِي، ڤَالْ :غَادِيِ يْخَافُو مَنَّهْ ! 7 بَصَّحْ هَاذُوْكْ اَلْفَلاَحِينْ تْشَاوْرُو بِيْنَاتْهُمْ ڤَالُو : هَذَا لِي غَادِي يَوْرَثْ ! خَلُّوْنَا نْكُتْلُوهْ وْيْكُونْ الْوَرْثْ لِيْنَا ! 8 أَيَّ دَّاوَهْ كُتْلُوهْ وْخَرْجُوهْ بَرَّا اَلْدَّالِيَة 9 وَاشْ غَادِي يْدِيرْ مُوْلْ اَلْدَّالِيَة؟ يْجِيِ وْ يَكْتَلْ ڤَاعْ اَلْفَلاَّحِينْ، وْيْمَّدْ اَلدَّالِيَة لْوَاحَدْخْرِينْ. 10 مَقْرِيْتُوْشْ لِي رَاهْ مَكْتُوْبْ : لَحْجَرْ لِي رَفْضُوهْ لْبَنَاؤُونْ، وْلَّى رَاسْ الزَّاوْيَة؟ 11 مَنْ مَشِيئَةْ رَبِي صْرَا هَكَّا ، وْهَادِ مُعْجِزَة فِى عَيْنِينَا! 12 بْغَاوْإِحَكْمُوهْ، بَصَّحْ خَافُو مَالْغَاِشِي لِي كَانُو تَمََّا ، عْلَى خَاطَرْعْلاَ بَالْهُمْ بَلِّي كَانْ يْمَعْنِى عْلِيْهُمْ ، خَلاَّوَهْ وْرَاحُو. 13 مَنْبَعْدْ رَسْلُولَهْ وَحَدُخْرِينْ مَالْفَرِسَِيِّيِنْ وَالْهِيرُودُسَيِّينْ بَاشْ يْطَيْحُوهْ فَالْفَخْ 14 أَيَّ جَاوْ وَڤَالُولَهْ : يَا سِيدِي،عْلَى بَالْنَا بَلِّي تَهْدَرْ الَصَّحْ وْ مَعْلَبَلَكْشْ بْحََتَّى وَاحَدْ، عْلَى خَاطَرْ مَتْشُوفْشْ لَنَّاسْ، بَصَّحْ تْعَلَمْ طْرِيڤْ رَبِّي. يْلِيْقْ نْمَدُّو لْجَزْيَة لْقَيْصَرْ وَلاَّ لاَ؟ نْمَدُولَهْ وْلاَّ مَنْمَدُوْلَشْ ؟ 15 هُوَ عْرَفْ نِفَاقْهُمْ أَيَّ ڤَالْهُمْ، عْلاَهْ رَاكُمْ تْجَرْبُو فَيَّ؟ جِيبُولِي دِينَارْ بَاشْ نْشُوفَهْ 16 وْكِجَابُوهْ لَهْ . ڤَالْهُمْ : تَاعْ مَنْ هَادِ التَّصْوِيرَة ؟ ڤَالُولَهْ تَاعْ "قَيْصَرْ". 17 أَيَّ رَدْ عْلِيهُمْ وْڤَالْ : " مَدُّولْقَيْصَرْ لِهُوَّلْقَيْصَرْ وْ لله لِهُوَّ لله ." أَيَّ نْخَلْعُوا فِيهْ. السؤال عن قيامة الموت . 18 جَاوْ عَنْدَهْ وَحْدِينْ مَاَلْصَّدُوقَيِنْ ، لِمَيْآمْنُوشْ بِالْقِيَامَة ، سَقْسَاوَهْ وْڤَالُو لَهْ : 19 يَا مُعَلِمْ ، أَكْتَبْ لِينَا مُوْسَى : إِذْا مَاتَ لْوَاحَدْ خُوْهْ ، وَخَلَّى مَرْتَهْ وْمَاجَابْشْ مْعَهَا وْلاَدْ ، يَقْدَرْ يَدِّيهَا خُوْهْ؟ ، وَيْجِيبْ مْعَهَا وْلاَدْ . 20 كَايَنْ سَبَعْ خُوتْ . اللَّوَلْ فِيهُمْ تْزَوَّجْ وْمَاتْ، وْمَخَلاَّشْ وْلاَدْ . 21 وْ تْزَوَجْ بِيهَا خُوهْ الزَّاوَجْ هُوَ تَانِي مَاتْ ، وْمَجَابْشْ وْلاَدْ. وْحَتَّى التَّالَتْ كِيفْ كِيفْ 22 وْتْزَوْجُوبِهَا السَبْعْ خُوتْ ، وْمَجَابُوشْ مْعَهَا وْلاَدْ. وَمْعَ التَّالِي مَاتَتْ هَادِيكْ لَمْرَا. 23 أَيَ َفَالقِيَامَة ، مَرْتْ مَنْ فِيهُمْ ؟ عِلَى خَاطَرْ كَانَتْ مَتْزَوْجَ مْعَ السَبْعَ خُوتْ . 24 رَدَّلْهُمْ يَسُوْعْ وْڤَالْهُمْ : عْلَى هَادْ الشِى رَاكُو تَايْهِينْ عْلَى خَاطَرْمَتْعَرْفُوْشْ لَكْتَابْ وَلاَ قُوَةْ الله ؟ 25 فِي يَوْمْ اَلْقِيَامَة مَيْتْزَوْجُوْشْ وَمَيْزَوْجُوْشْ بَصَّحْ يْكُوْنُوا كِالْمَلاَيْكَة فِي اَلْسْمَا 26 بَصَّحْ مَنْ جِهَةْ اَلْمُوْتَى يْقُوْمُو : مَقْرِتُوْهْشْ فَالكْتَاَبْ مُوْسَى ، فِي أَمْرْ اَلْعَلِيقَة كِيْفَاَشْ ڤَالْ أَنَا إِلَهْ إِبْرَاهِيْمْ وَإِسْحَاقْ وَإِلَهْ يَعْقُوْبْ ؟ 27 هُوَ مَاشِى إلَهْ اَلْمَوْتَ بَصَّحْ إِلَهْ اَلْحَيِيِنْ . نْتُوْمَ غَالْطِينْ بَزَّافْ . لَوْصِيَة اَلْعُظْمَى 28 جَا وَاحَدْ مَالْكَتَبَة وَسْمَعْهُمْ يَهَدْرُو ، وْكِيْشَافْ رَدَلْهُمْ غَايَ ، سَقْسَاهْ: شَاهِيَ لَوْصِيَّة الَلَّوْلَى 29 رَدَلْهُمْ يَسُوعْ : لَوْصِيَّة اَللَّوْلَى هٍيَ : سْمَعْ يَاإِسْرَائِيْلْ . الرَّبْ إِلَاهُنَا رَبْ وَاحْدْ 30 وَتَبْغِى رَبِي مَنْ كُلْ قَلْبَكْ وَمَنْ كُلْ نَفْسَكْ وَمَنْ كُلْ فَكْرَكْ ، وَمَنْ كُلْ قُدْرَتَكْ هَادِ هِيَ لَوْصِيَّة الَلَّوْلَى 31 وَ اَلْزَاوْجَة كِيْفْهَا : تَبْغِِى غيرك كِنَفْسَكْ . مَكَانْشْ وْصِيَّة كْتَرْ مَنْ هَادُو زُوْجْ 32 ڤَالَهْ اَلْكَاتِبْ : مَلِيْحْ يَامْعَلِمْ عَنْدَكْ اَلْحَقْ فِي لِقُلْتَه، الله وَاحْدْ مَاكَنْشْ مِنْ غِيْرَه 33 وَلِّي يْحَبَهْ، يْحَبَهْ مَنْ كُلْ القَلْبْ ، وَمَنْ كُلْ اَلْفَهْمْ ، وَ اَلْنَفْسْ وَ اَلْقُدْرَة ، وَمْحَبَّةْ الْغِيرْ كِمَا رُوْحَكْ ،هَادَا الشِيْ ڤَاعْ خِيرْ مَالْذَبَائِحْ وَ اَلْمُحْرَقَاتْ 34 وَكِشَافُهْ يَسُوعْ رَدْلَهْ بَصْوَابْ ، ڤَالُهْ : مَرَاكْشْ بْعِيْدْ مَنْ مَلَكُوْتْ الله . وَمَقْدَرْشْ حَتَّى وَاحَدْ يْسَقْسِيه المسيح وداود 35 رَدَلْهُمْ يَسُوعْ وَهُوَ يْعَلَمْ فَالْهَيْكَلْ وَڤَالْهُمْ كِيْفَاَشْ يْڤُوْلُواالكَتَبَة بَلِّى اَلْمَسِيْحْ إِبَنْ دَاَوُدْ 36 عْلَى خَاطَرْ دَاَوُدْ ڤَالْ بِالرُوْحْ اَلْقُدُسْ : ڤَالْ اَلْرَبْ لِرَبِّي ڤْعَدْ عَلَى يَمِيْنِي حَتَى نْرَدْ عَدْيَانَكْ تَحْتْ رَجْلِيْكْ . 37 وَدَاَودْ بْرُوْحُ يْعَيْطْ لَهْ رَبًا أَيَ مِنْ وِينْ جَا إِبْنَهْ؟ وْكَاَنُوا نَاسْ بَزَّافْ يَسَمْعُولَهْ بَالْفَرْحْ 38 وْڤَالْهُمْ فَالتَعْلِيمْ التَاعَهْ حَرْزُوا رْوَاحْكُمْ مَالْكَتَبَة لِيَتْمَشُوا بَالْعَبَايَاتْ الْبُيْضِينْ وْ يْجَرُّوهُمْ فَالسُوڤْ 39 وَيْجَمْعُوا لْوَالَى فَالجْوَامَعْ وَلْوَاَلَى فْلَوْلاَيَمْ 40 وْيَاكُلُوا حَقْ الْهَجَالاَتْ وَيْطَوْلُوفَالصَلَوَاتْ تَاوَعْهُمْ هَاذُوكْ يْكُونْ عْلِيهُمْ حُكْمْ قَاسِ. 41 ڤْعَدْ يَسُوْعْ عَنْدْ لْخَزْنَة وْكَانْ يِشُوْفْ كِيْفَاشْ النَّاسْ تْحَطْ النْحَاسْ فْهَادِيكْ الْخْزَنَة وكَانُو لَمْتْرَفْهِيْنْ يْحَطُوا بَزَّافْ مَلِّى عَنْدْهُمْ 42 وْ جَاتْ مْرَا مَاتْ رَجَلْهَا حَطَتْ فَلْسَيْنِ قِيْمَتْهُمْ رُبْعْ. 43 عَيْطْ لَتَلَامَدْ تَاوْعَهْ وْڤَالْهُمْ اَلْحَقْ نَڤُولْكُمْ هَادِ لَمْرَا حَطَّتْ كْتَرْ مَلِّى حَطُّوا هَاذُوكْ النَّاسْ 44 عْلَى خَاطَرْ هَادُوكْ النَّاسْ حَطُّوا مَالشِى لِبْقَالْهُمْ بَصَّحْ هَادْ لَمْرَا مَدَّتْ ڤَاعْ لِعَنْدْهَا وَلٍبْقَاْلهَا.
1 وَ هُوَ خَارَج مَالْهَيكَلْ، ڤَالَهْ وَاحَدْ مَاَلتْلاَمَدْ:" يَا مَّعَلَمْ وَاشْ هَادْ الَحْجَرَة وَاشْ هَادْ اَلْبَنْيَانْ 2 جَاوْبَهْ يَسُوعْ وْ ڤَالَهْ :" رَاكْ تْشُوْفْ هَادْ البَنْيَانْ الَعْظِيمْ،مَغَادِيشْ تَبْقَى حَجْرَة فُوڤْ حَجْرَة وْ مَا تَتْهدَّمْشْ". 3 وْكِكَانْ ڤَاعَدْ عْلَي جْبَلْ الزِيتُونْ ، مْڤَابَلْ الْهَيْكَلْ، سَقْسَاهْ بُطْرُسْ وْ يَعْقُوْب وْيُوحَنَا وْ اَنْدَرَاوْسْ وْ هُمَا وَحَدْهُمْ 4 "ڤُولْنَا وِينْتَا غَادِي يَصْرَاهَادَ؟ وْشَاهِيَّ العَلَامَة لِّغَادِي تْبيَّن هَادْ الِشِي؟". 5 جَاوَبْهُمْ يَسُوعْ وَبْدَا يْڤْولْهُمْ :" حَرْزُو حَتَّي وَاحَدْ مَا يْوَدَّرْكُمْ 6 بَزَّافْ غَادِي يْجُو وْيَهَدْرُو بَاسْمِي وَيْضَيْعُوا بَزَّافْ النَّاسْ. 7 بَصَّحْ مِينْ تَسَمْعُو بَخْبَرْ الحَرْبْ مَا تْخَافُوشْ هَادا يْلِيْقْ يَصْرَا 8 عْلى خَاطَرْغَادِي يَنْڤْلَبْ شَعْبْ عْلَى شَعْبْ وْ مَمْلَكَة عْلَى مَمْلكَة وْ غَادِي تَصْرَا الزْلاَزَلْ فِي بَزَّافْ جْوايَهْ ،هَادِ هِيَ البَدْيَةُ تَاعْ هَادْ الضُرْ. 9 حَرْزُو رْوَاحْكُم ْعْلَي خَاطَرْغَادِي يَدُّوكُمْ لَلْمْحَاكَمْ وْ يَجَلْدُوكُمْ عْلَى جَالِي وِ يْوَڤْفُوكُم عَنْدْ الوُلاَةْ شَهَادَة لِيهُمْ 10 وَ يْليِقْ الِانْجِيل ْيَتبْشَرْ عَنْد ْڤَاعْ النَّاسْ. 11 وَ مِينْ يْجَرُوكُمْ لِلْمْحَاكَمْ مَاتْخاَفُوْش وْ مَا تَتْقَلْقُوشْ مِينْ غَادِي تَهَدْرُو، بَصَّحْ ڤُولُو شَانعْطَالْكُم فْديكْ السَاعَة،ُ عْلَي خَاطَرْمَاشِي نْتُومَا لِغَادِي تَهَدْرُو بَصَّحْ الرُوحْ القْدُسْ 12 غَادِي يْسَلَّمْ الأَخْ خُوهْ لَلْمُوتْ وَالأَبْ يْسَلَم ْوَلْدَهْ ، وَ الوْلاَدْ يْجُو ضَدْ وَالْدِيهُمْ وَ يَكُتَلُوهُم.ْ 13 غَادِي تْكُونُو مَكْرُوهِين مَالنَّاسْ عْلَي جَالْ سْمِي، بَصَّحْ لِيَصْبَر ْحَتَّي التَالِي يَسْلَكْ. 14 مِينْ تْشُوفُو "رَجْسَةْ الْخَرَابْ " كَايْنَة لِهْدَرْ عْليها نْبِي دَانْياَلْ ،مَتَلْقَاشْ لِيَقْدَرْ يَحْرَزْ رُوحَه ْفِي دَاكْ الوَقْتْ يَهَرْبُو لِى فَااليَاهُودِيَة لَلْجْبَلْ ، 15 وَ لِيكُونْ فَالسْطَحْ مَا يْلِيقْشْ يْهَوَّدْ وَ يَدِّي حَاجَة مَنْهَا 16 وَلِي رَاهْ فَجْنَانْ مَيْوَلِيْش لَلُورْ وَ يَدِّي كَسْوَتَهْ . 17 يَا وِيلْ النْسَا لِبَلْكَرْشْ وَ لِيْرَضْعُوا فِي دُوكْ لِّيَام ْ 18 وَ صَلُّو بَاشْ مَا تْكُونْشْ الضَرْبَة فِي الشْتَا 19 عْلَي خَاطَرْ فِي هَادِيكْ لِّيَامْ يْكُونْ ضِيقْ لِعُمْرَهْ مَا صْرَامَلِّي رَبِّي خْلَقْ الدُنْياَ حَتَّي لْدَرْوَكْ 20 لُكاَنْ مَاشِي رَبِّي لِقَلَّلْ هَدِيكْ اللِّيامْ وَاحَد ْفيِهُمْ مَاكَانْ غَادِي يَسْلَكُ ، عْلَي جَالْ لِخْطَارْهُم ْرَبِّي قَلَّلْ هَدِيكْ لَيَامْ. 21 لُكَانْ يْڤُولُولْكُمْ فِدَاكْ الوَقْتْ المَسِيحْ رَاهْ هْنَا وَ لاَ رَاهْ لْهِيهْ مَا تْآمْنُوهْشْ 22 غَادِي يْبَانُوكُثَرْ مِنْ مَسِيحْ دَّجَالْ وَ أَنْبِياَءْ كَدَّابِينْ وْيْمَدُّو مُعْجِزاتْ بَاشْ يْضَيْعُوكُمْ وْحَتَّي المُخْتَارِينْ 23 حَرْزُو رْوَاحْكُمْ أَنَا رَانِي خَبَّرْتكُمْ بْكُولْشِي قَبْلْ مَا يَصْرَا. 24 بَصَّحْ فِي هَديِكْ لِياَمْ الشَمْسْ تَطْلَع ْكحْلَة وَالقْمَرْ يْوَلِي بْلْاَ ضَوْ. 25 النْجُومْ لِفَسْمَا طِيحْ وَالقُوَاتْ تَتْزَعْزَعْ. 26 غَادِي تْشُوفُو إِبْنْ الاِنْسَانْ جَايْ فِي السْحَابْ بْقُوَة كْبِيَرة وْ مَجْدْ رَبِي. 27 غَادِي يَرْسَلْ المَلَايْكَة مَنْ رَبْعَة جْوَايَهْ مَنْ أَقْصَي السْمَا حَتَّي أَقْصَي الأَرْضْ . 28 مَنْ شَجْرَةْالكَرْمُوسْ تْعَلْمُو لَمْثَلْ مِينْ تْشُوفُو أَغْصَانْهَا وَلاَتْ طْرَيَّة وْ خَرْجَتْ لَوْرَاقْ تَعَرْفُو بَلِّي الصَيفْ ڤْرِيبْ . 29 اَنْتُومَا تَانِي هَاكَاكْ مِينْ تْشُوفُو هاَدْ الصْوَالَحْ يَصْرَاوْ عَرْفُو بَلِّي الوَقْتْ ڤْرِيبْ. 30 الحَقْ نْقُولْكُمْ مَغَادِي يَكمَلِ هَاد ْالجِيلِ حَتَي يْصِيرْ ڤَاعْ هَادْ الشِي 31 السْمَا وْ اللّرْضْ يَفْنُوْ بَصَّحْ كْلاَمِي مَيَفْنَاشْ . 32 "هاَدِيكْ السَاعَة مَيعْرَفْهَاشْ حَتَّي وَاحَدْ لاَ المَلاَيْكَمَة لِي فَسْمَا وَ لاَ الإبْنْ غِيرْ الأَبْ. 33 حَرْزُوسَّهْرُو وْ صَّلُو،عْلَى خَاطَرْ مَتَعَرْفُوشْ وِينْتَا يْجِي هَادْ الَوَقْتْ . 34 كِيمَا وَاحَدْ يْسَافَرْ وْ خَلَا دَارَه ْوعْطَي لِلْعَبِيدْ سُلْطَانْ علْيهَا ،وْ كُلْ وَاحَدْ خَدْمَتَهْ وْ وَصَّي العَسَّاسْ بَاشْ يَسْهَرْ. 35 سَهْرُوعْلَى خَاطَرْ مَتَعَرْفُو ِوينْتَا مُولْ الدَارْ يْوَلِّي فاَلعْشِيَا ،نُص اللِيلْ، مِيْن يْصِيحْ الدِيكْ وَ لا َفَصْبَاح. 36 باَشْ مَايِجِيشِ عْلَي غَفْلَة وَ يَلْقَاكُمْ رَاڤدِينْ . 37 لِينْڤولَهَ لْكُمْ نْقُولَه ْلْڤَاعْ ،أَسَهْرو".
1 مَقْبَلْ عِيدْ الْفِصْحْ بْيُومِينْ .الكَهَنَة و الكَتَبَة كَانُوا احَوْسُوا يَتْحَايْلُوا عْلِيه وْيُكَتْلُوهْ ، 2 بَصَّحْ ڤَالُوا:" مَاشِي فَالعِيدْ بَاشْ الشَّعْبْ مَيْدِيرْشْ فَوْضَى". 3 كِي كَانْ هُو فِي بِيتْ عَنْيَا وْ هُوَ مْتَّكِي فِي دَارْ سَمْعَانْ الأبْرَصْ، جَاتْ عَنْدَه مْرَا جَايْبَة مْعَهَا قَرْعَة رِيحَة تَاعْ الطِّيبْ تَاعْ نَارِدِينْ صَافْيَة وْ غَاليَة بَزَّافْ . دَفْڤَتْهَا عْلَى رَاسَهْ. 4 وْكَانُوا شِي وَحْدِين مَنْهُمْ زَعْفَانِينْ وْڤَالُوا "عْلاَشْ هَاذْ الضْيَاعَة ؟ 5 كَانْ إِقَدْ يَنْتْبَاع كْثَرْ مَنْ تَلْثْ مِيَة دِينَارو ينعْطِي لَلْڤلَاَلِيلْ". وْكَانُوا ايْلُومُوا فِيهَا 6 بصَّحْ يَسُوعْ ڤَالْ: "خَلُوهَا!مَاضَايْقُوهَاشْ؟ دَارَتْ فِيَا خِيرْ! 7 عْلَى خَاطَرْ لَڤْلَالِيلْ رَاهُمْ مْعَاكُمْ، وِينْتَا مَابْغِيتُوا دِيرُوا فِيهُمْ الْخِيرْ. بَصَّح انا مَنَيشْ مْعَاكُمْ دِيمَا. 8 دَارَتْ شِي لِقَدْرَتْ عْلِيهْ ، سَبْڤَتْ وْ دَهْنَتْ بَالطِيبْ جَسْمِي بَاه نَتْكَفَّنْ . 9 الَحَقْ نْڤُولْكُمْ: وِينْتَا مَا يَتْبَشَّر بْهَادْ الانْجِيلْ فْڤَاعْ الْعَالَمْ يَحْكُوا شَدَارَتْ هَادْ المْرَا شْهَادَة لِيهَا" 10 مَمْبْعَدْ يَهُوذَا الاِسْخَرْيُوطِي، وَاحَدْ مَالتْلاَمَدْ طْنَاعْشْ ، رَاحْ عَنْدْ رُؤسَاء الْكَهَنَة بَاهْ اِسَلْمُوهْ لِيهُمْ . 11 و كِسَمْعُوا فَرْحُوا وْ وَعْدُوه باَهْ يَعْطُوه افَضَّة . وْ كَانْ احَوَّسْ عْلَى فُرْصَة بَاهْ يْسَلْمَهْ. 12 وفِي النْهَارْ اللَّوَلْ مَنْ عِيد الفْطِيرْ كِي كَانُوا يَذَّبْحُوا خْرُوفْ لَلْعِيدْ الْفِصْحْ ڤَالُولَهْ تْلاَمَدْ تَّاوْعَهْ :"ويِنْ تَبْغِي نْرُوحُوا بَاهْ نْوَجْدُولَكْ تَاكُلْ لَلْعْشَا تَاعْ الفِصْحْ؟". 13 اَيّا رْسَلْ زُوجْ مَالتْلاَمَذْ تَاوعَه ڤَالْهُمْ :"رُوحُوا لَلْمْدِينَة ،و يْلَاقِيكُمْ انْسَانْ رَافَد قُلَّة تَاعْ المَاء .تَبْعُوهْ. 14 وْوِينْمَا يُدْخُلْ ڤُولُوا لْمُولْ الْدَّارْ الْمُعَلِّم اڤَولْ: وِينْهَا الدّارْ وِينْ غَادِي نَاكُلْ الْفُصْحْ مْعَ التْلاَمَدْ نتاَوْعِي؟ 15 وْهُوَ اِوَرِّيلْكُم دَارْ كْبِيرَة مْفَرْشَة مْوَجْدَة . وَ نْتُومَا وَجْدُولْنَا لَعْشَا تَاعْ الْفِصْحْ". 16 وْخَرْجُوا التْلاَمَدْ تَاوْعَهْ وْجَاوْ لَلْمْدِينَة، وَلْقَاوْ كِيمَا ڤَالهُم .وْوَجْدُوا لَلفِصْحْ. 17 وْفَالْعْشَاجَا مْعَ الطْنَاعْشْ تَلْمِيدْ. 18 كِيكَانُوا مَتَّكْيِينْ ، ڤَالْ يَسُوعْ: " الْحٌَقْ نْڤَولْكُمْ : وَاحَدْ مَنْكُم لِي رَاهْ يَاكُلْ مْعَايَا. غَادِي يْسَلَّمْنِي!". 19 بْدَاوْاِحَزْنُوُا،وَيْڤَولُولَهْ وَاحَد بْوَاحَدْ:<<إِلَا أَنَا ؟". 20 جَاوَبْهُمْ وْڤَالْهُمْ :"وَاحَد مَنْ الطْنَاعْشْ، لِرَاهْ يْغَمَّسْ مْعَايَا فَالْزْلاَفَة. 21 إِبْنْ الإِنْسَانْ تَصْرَالَهْ كِيمَا هُوَ مَكْتُوبْ عْلِيهْ ، بَصَّحْ يَاوِيلْ هَذَاكْ الرَّاجَلْ لِبِيهْ انْتَسْلَم ابْنْ الاِنْسَانْ كَانْ خِيرْ لَهْ لُكَانْ مَتَّوْلَدْشْ!". 22 وْكِيكَانُوا يَاكْلُوا، رْفَدْ يَسُوعْ الخُبْزْ بَارْكَهْ وْ كَسْرَهْ ،اَعْطَاهُمْ وْڤَالْ: " هَاكُوا كُولُوا، هَذَا هُوجَسْمِي". 23 وَرْفَدْ الكَاسْ وَشْكَرْ وْ مَدَّلْهُمْ وْشَرْبُوا ڤَاعْ مَنَّهَا. 24 وْڤَالْهُمْ:" هَاذَا هُوَ دَمْ العَهْدْ الجَدِيدْ، ألِّي يْسِيلْ عْلَى جَالْ بَزَّافْ النَّاسْ. 25 الْحَقْ نْڤَولْكُمْ: مَغَادِشْ نْزِيدْ نُشْرُبْ مَنْ عْصِيرْ لَعْنَبْ حَتَّى لْدَاكْ نْهَار لِنُشُّرْبَهْ جْدِيدْ فْمَلَكُوتْ اللَّه". 26 مَنْ مُورَاهْ سَبْحُوا وْخَرْجُوا لَجْبَل الزِّتُونْ . 27 وڤَالْهُمْ يَسُوعْ: "غَاديِ ڤَاعْ تْشَكُّوا فِيَّا فِي هَاذْ اللِّيلَة، عْلَى خَاطَرْمَكْتُوبْ: غَادِي نَضْرُبْ الرَّاعيِ تَتْفَرْكَتْ الخَرْفَانْ 28 بَصَّحْ كِنُوضْ نَسْبَڤَكُمْ لَلْجَلِيلْ". 29 وڤَالَهْ بُطْرُسْ:"لُوكَانْ ڤَاعْ اشكُّوا فِيكْ انَا مَانْشَوكْشْ!". 30 ڤَالَهْ يَسُوعْ :" الحَقْ نْڤَولَكْ: اليُومْ فْهَادْ الِّلِيلَة، مَقْبَلْ مَايْصِيحْ الدِّيكْ مَرْتِينْ ،غَادِي تُنْكُرنِي تَلْثْ خَطْرَاتْ". 31 أكَّدْلَهْ بُطْرُسْ:" لُكَانْ اظْطَرِّتْ نْمُوتْ مْعَاكْ مَنُنُّكْرُكْشْ!".وْهَاكَا ڤَالُولَهْ ڤَاعْ التَّلامَدْ. 32 وْوَصْلُوا لَجْنَانْ اسَمُّوهْ جَثْسَيْمَاني، وْڤَالْ الَتْلاَمَدْ :"اڤَعْدُوا هْنَا حَتَّى نْصَلِّي ". 33 وَدَّى مْعَاهْ بُطْرُسْ يَعْقُوبْ وْ يوُحَنَّا، بْدَى يْحَسْ بَالخُوفْ و الرَّهْبَة. 34 وْڤَالْهُمْ: " نَفْسِي حْزِينَة بَزَّافْ حَتَّى المُوتْ! اڤَعْدُوا هْنَا و اسَّهْرُوا". 35 ڤَدَّمْ شْوِيَا وَسْجَدْ عْلَى اللَّرْضْ ،وْكَانْ يْصَلِّي بَاهْ اِبَعَّدْ عْلِيهْ هَدِيكْ السّاعَه. 36 و ڤَاَلْ:" يَا أَبَا الآبُ، اَنْتَ قَادَرْعْلَى كُلْ شِي ،فَوَّتْ عْلِيَا هَادْ الْكَاسْ.بَصَّحْ اِكُونْ كِيمَا تَبْغِي نْتَا ،مَشِّي كِيمَا نَبْغِي اَنَا ". 37 وْ جَا لْقَاهُمْ رَاڤْدِينْ ، وْڤَالْ لْبُطْرُسْ:" يَاسِمْعَانْ، رَاكْ رَاڤَدْ! مَقْدَرْتْشْ تَسْهَرْ سَاعَة وَحْدَة ؟ 38 اسَّهْرُوا وْاصَلُّوا بَاشْ مَتَدُّخْلُوشْ فَالتَّجْرُبَه. عْلَى خَاطَرْ الْرُّوحْ نَاشْطَه، وَالجَسَدْ ضْعِيفْ". 39 رَاحْ اُو صَلَّى تَانِي وْڤَالْ نَفْسْ الْكْلاَمْ. 40 وْوَلَّى لْقَاهُمْ تَانِي رَاڤْدِينْ ،وْ كَانُوا عَيْنِيهُمْ تْقَالْ، مَعَرْفُوشْ شَيْجَاوْبوا. 41 جَا خَطْرَى الثَّالثَة وْڤَالْهُمْ : "خْلاَصْ جَاتْ السَّاعَة! ارَّڤدُوا دوُرْكْ! و ارَيْحُوا! هَوَلَا ابْنِ الاِنْسَانْ يَنْتَمِدُّ لِيَدَيْنِ الخُطَاة. 42 لْوَقْتْ نُوظُوا نْرُوحُوا! رَاهْ ڤَرَّبْ لِيْسَلَّمْنِي!". 43 لْوَقْتْ لِكَانْ يَهْدَرْ وْصَلْ يَهُوذَا، وَاحَدْ مَنْ الْطْنَاعَشْ، و مْعَاهْ نَاسْ بَزَّافْ بَالمْطَارَڤْ و السْيُوفَى مَرْسُولِينْ مَنْ رُؤَسَاء الْكَهَنَة وَ الْكَتَبَة والشُّيوخْ. 44 وَليِّ سَلْمَه اعْطَاهُمْ عَلاَمَة ڤَالْ :"لِنْسَلَّمْ عْلِيهْ هَذَاكْ هُوَ احَّكْمُوهْ وْ ادُّوهْ وْ عَسُّوهْ غَايَا". 45 وْ جَا تَمْ تَمْ وْ ڤَدَّمْ عَنْدَهْ و َ يْڤُولْ:" يَا سِيدِي يَاسِدِي!" وْ سَلَّمْ عْلِيهْ. 46 حَكْمُوهْ 47 وَاحَدْ مَنْ لِكَانْ تَمَّا جْبَدْ سِيفْ، وَضْرَبْ رَئِيسْ الكَهَنَة وَ ڤْطَعْلَهْ وَدْنَهْ. 48 و ڤَالْهُمْ يَسُوعْ:" كَلِّي عْلَى خَايَنْ خْرَجْتُوا بَسْيُوفَى وَ مْطَارَقْ بَاشْ تَدُّونِي! 49 كُلْ يُومْ كُنْتْ مْعَاكْ فَالهَيْكَلْ نْعَلَّمْ مَحْكَمْتُونِيشْ! بَاشْ يَصْرَى لِنَكْتَبْ". 50 خَلَاوَه ڤَاعْ و هَرْبُوا . 51 وْتَبْعَه شَابْ مْغَطِّي رُوحَهْ بْطَرْفْ كَتَّانْ، 52 وْ كِي شَدُّوه اطْلَقْ لَغْطَى وَ هْرَبْ عَرْيَانْ ڤَدَّامْ مَجْمَعْ الْيَهُودْ 53 وَدَّاوْ يَسُوعْ عَنْدْ رَئِيسْ الكَهَنَة،وَتْلَايْمُوا عْلِيهْ ڤَاعْ رُؤَسَاء الْكَهَنَة وَالشُّيُوخْ و الكَتَبَة. 54 وْ تَبْعَه بُطْرُسْ مَنْ بْعِيدْ لَلدَّاخَلْ دَارْ رَئيسْ الكَهَنَة ،و كَانْ مْجَمَّعْ بِينْ الخُدَّامْ يْدَفِّي عَنْدْ النَّار. 55 وْكَانُوا رُؤَسَاءْ الكَهَنَة وَ المَجْمَعْ ڤَاعْ يَطَّلْبُوا شْهَادَة عْلَى يَسُوعْ بَاهْ يَكَتْلُوه وْ مَلْقَاوَهْشْ. 56 عْلَى خَاطَرْ بَزَّافْ شَهْدُوا علِيهْ بَزُّورْ، و شْهَادَتْهُمْ مَكَانَتْشْ مَتْوَافْقَة. 57 و نَاظُوا وَحْدِينْ وْشَهْدُوا عْلِيهْ بالزُّورْ وْڤَالُوا: 58 " اَحْنَى سْمَعْنَاه اڤَولْ: غَادِي نْهَدَّمْ هَاذْ الْهَيْكَلْ الْمَصْنُوعْ بالْيَدِّينْ ،و فِي ثَلثْ اَيَّام نَبْنِي وَحْدَاخُرْ مَشِّي مَصْنُوعْ بَاليَدِّينْ". 59 وْمَكَنُوشْ مَتَّافْقِين بَالشْهَادَة تَاعْهُمْ 60 وْڤَفْ رَئِيسْ الكَهَنَة فَالْوَسْطْ سَقْسَى يَسُوعْ و ڤَالهْ : "مَتْجَاوَب ؟شَارَاهُمْ اشَهْدُوا عْلِيكْ ؟". 61 بَصَّحْ هُوَ بْقَا سَاكَتْ مَرَدْشْ بْحَّتَى حَاجَة. سَقْسَاهْ رَئسْ الْكَهَنَة تَانِى وْڤَالَهْ :" أَنْتَ الْمَسِيحْ الإبْنْ الْمُبَارَكْ؟". 62 ڤَالْ يَسُوعْ أَنَا هُوَ. وْ غَادِي نْشُوفْ إْبْنْ الإِنْسَانْ جَالْسْ عْلَى يَمِينْ الْقُوَة،جَايْ فِي سَحَابِ اسْمَا ". 63 ڤْطَعْ رَئِيسْ الْكَهَنَة كَسْوَتَهْ وْقَالْ : "شَا حَاجَتْنَا مَمْبَعْدْ لَشْهُودْ؟ 64 رَاكُمْ سْمَعْتُو كْلاَمْ الْكُفْرْ! شَرَايْكُمْ ؟ ". ڤَاعْ النَّاسْ ڤَالُو عْلِيهْ يَسْتَاهَلْ الْمُوتْ . 65 وْبْدَاوْ وَحْدِينْ يَدََّفْلُوا عْلِيهْ ،غَطُولَهْ وْجْهَهْ وْيْضَرْبُوهْ وْيْڤُولُولَهْ : " تْنَبَاْ". وْكَانْوا الْخُدَامْ يَضَرْبُوهْ عْلَى وَجْهَهْ . 66 كِكَانْ بُطْرُسْ لْتَحْتْ فْدَارْ جَاتْ وَحْدَة مِنْ جَوَارِي رَئِيسْ الْكَهَنَة . 67 وْكِي شَافْتْ بُطْرُسَ يَدَفِي رُوحَهْ شَافَتْ فِيهْ وْڤَالَتْ :" وْانْتَ كُنْتْ مْعَ يَسُوعْ الَنَّاصِرِي !". 68 نْكَرْ وْ ڤَالْ :" مَانِشْ عَارَفْ شَا رَاكِي تْڤُْولِي !". وْخْرَجْ عَنْدْ الدّخْلَة تَاعْ الدَّارْ ، وْصَاحْ الدّيكْ . 69 وْشَافْهْ جَارِيَة وَاحْدْوخْرَى وْبْدَتْ تْقُولْ لَلْى كَانُوا تَمَّاكْ :" هَادَا وَاحَدْ مَنْهُمْ !". 70 بَصَّحْ نْكَرْ تَانِي وَمَمْعْدْ شْوِيَا ڤَالُوا لَهْ لِكَانُوا تَمَاكْ لْبُطْرُسْ :" بَصَّحْ أَنْتَ مَنْهُمْ ، عْلى خَاطَرْ أَنْتَ تَانِي جَلِيلِيٌ وْلُغْتَكْ تَتْشَبَهْ لْلُغَتْهُمْ !". 71 بْدَا يَلْعَنْ وْيَحْلَفْ :" أَنَا مَنَعْرَفْشْ هَادْ الَرَاجَلْ لِرَاكُمْ تَهَدْرُوا عْلِيهْ !" . 72 وْصَاحْ الدِّيكْ خَطْرَا الَزَاوْجَة وْتْفَكَرْ بُطْرُسْ لَكْلاَمْ لِڤَالَهْ لَهْ ،يَسُوعْ قْبَلْ لِى يْصِيحْ الدِّيكْ مَرْتِينْ تَنْكَرْنِي تَلْتْ خَطْرَاتْ وْكِي تْفَكَرْ بْكَي
1 صْبَاحْ تْشَاوْرُ ِرِياَسْ الكَهَنَة وْ شُيُوخ و الكَتبَة وْ كُلْ الخَدَامِينْ تَاعْ المُجَمَعْ. رَبْطُو يَسُوعْ و دَاوَه ْعَنْدْ بِيلاَطُسْ. 2 سَقْسَاه ْ بِيلاَطُسْ: "اَنْتَ هُوَ مَلِكْ اليَهُودْ؟". جَاوْبَهْ وْ ڤَالَهْ:"أَنْتَ ڤُلتْ". 3 وكَانُو رِيَاسْ الكَهَنَة يَشْكيِوْ عْلِيهْ بَزَّافْ. 4 سَقْسَاهْ بِيلاَطُسْ خَطَرَةَ وَحَدْ أُخْرَى ڤَالَهْ :"مَتْرَدْشْ عْلِيهُمْ ؟ شُوفْ شْحَالْ رَاهُمْ يَشْكِيوْ عْلِيكْ!". 5 تْعَجَبْ بِيلاَطُسْ خَاطَرْ يَسُوعْ مَبْغَاشْ يْرَدْ عْليِهُمْ. 6 كَانْ يَطْلَقْ لْهُمْ كُلْ عِيدْ وَاحَدْ مْنْ المَحْبُوسِينْ ، أَلِي يَبْغِيوَهْ . 7 وْ كَانْ أَلِي يْسِمِوُهْ بَارَابَاسْ مَحْبُوسْ مْعَ صْحَابَه ْ،عْلَى خَاطَرْ قْتيِلَة أَلِي دَارُوهَا فِي رَحْبَة نْهَارْ دَارُو َفوْضَى. 8 وْبْدَاوْ النَاسْ إِتَّوْغُو أُو يَطَلْبُو مْنَهْ إِدِيرْ كِي مَا كَانْ إِدِيرْلْهُمْ دَايَمْن. 9 جَاوْبْهُمْ بِيلاَطُسْ وْ ڤَالْ:"تَبْغُوا نَطْلَڤْ لْكُمْ مَلِكْ اليَهُودْ؟". 10 عْلَى خَاطَرْ كَانْ عَارَفْ بَلِّى رِيَاسْ الكَهَنَة سَلْمُوهْ غِيرْ بْالَحْسَدْ. 11 رِِياَسْ الكَهَنَة هَيْجُو النَاسْ بَاهْ يْطْلَڤْ لْهُمْ بَارَابَاسْ. 12 جَاوْبْهُمْ بِيلاَطُسْ وْ ڤَالْ لْهُم ْ:"شَا رَاكُمْ بَاغْيِينْ نْدِيرْ بْهَذَا أَلِي تْسَمُوهْ مَلِكْ اليَهُودْ؟". 13 عَيْطُو مَرَّة خْرَى :"صْلْبَوهْ". 14 ڤَالْهُمْ بِيلاَطُسْ :"شَا دَارْ مْنْ شَّرْ؟". زَادُو تْوَاغْ :"أَصَلْبَهْ". 15 بِلاَطُسْ بْغَى يْدِيرْ لَنَاسْ شَا رَاهُمْ بَاغْييِنْ. أَطْلَقْ لْهُمْ بَارَابَاسْ ، أُو سَلَمْ لْهُمْ يَسُوعْ مِينْ جَلْدُوهْ بَاشْ يَصْلْبُوهْ . 16 أَدَاوَهْ العَسْكَرْ لْدَاخَلْ الدَارْ أَلِي هِيَ دَارْ الوِلاَيَة، و تْلاَيْمَتْ الكَتِيبَة. 17 لَبْسُولَهْ أَرْجْوَانًا أُو ضَفْرُولَهْ إِكْلِيلْ تَع ْالشُوكْ أُو حَطُوهْ عْلَى رَاسَهْ، 18 أُو بْدَاوْ يَسْلْمُو عْليِهْ ڤْايْليِنْ:"سَلاَمْ يَا مَلِكْ اليَهُودْ!". 19 وكَانُوا يَضْرْبُوهْ بْمَطْرَقْ عْلَى رَاسَهْ، ويَدْفْلُو عْلِيهْ، ويَسْجْدُو ڤُدَامَهْ. 20 مْنْ بَعْد ْمَا أَسْتَهْزَاوْ بِيهْ، ڤْلَعولهْ الأَرْجْوَانْ و لَبْسُولَهْ حْوَايْجَه ْ،مَمْبَعْدْ أَدَوَاهْ بَاهْ يَصْلْبُوهْ. 21 جَابُولَهْ وَاحَدْ الرَاجَلْ كَانْ مْوَلِّي مْا لْخْلَا ،هُوَ سَمْعَانْ القَيْرَوَانِي بُو أَلِكْسَنْدَرْ سَوَوُوفُسَ،بَاشْ يَرْفَدْ الصَليِبْ. 22 أَدّاوَهْ "للجُلْجُثَة" ليِ مَعْناَهَا "جُمجُمَة". 23 وْ أَعْطَاوَهْ الخَمْرْ مْخَلْطَة بَالمَّرْ بَاشْ يَشْرَبْ، وْهُوَ مَبْغَاشْ. 24 كِي صَلْبُوهْ بْدَاوْ يَڤَْسْمُوا قَشَهْ وْ يْقُولُوا شْكُونْ يَدِي هَاذِي شْكُونْ يَدِي هَدَا. 25 عْلَى السَاعَة الثْلاَتَ صَلْبُوهْ. 26 فُوڤْ الصَلِيبْ كَانْ مَكْتُوبْ:"مَلِكْ اليَهُودْ". 27 صَلْبُو مْعَاهْ زُوجْ سَرَاقِينْ ،وَاحَدْ مْنْ جِهَةْ لِيْمِينْ وْ لاَخُرْعْلَى اليِسْرَة. 28 هَكْدَا صْرَى ڤَاعْ شَا كَانْ مَكْتُوبْ مَقْبَلْ:"حَسْبُوهْ بِينْ الَمذْنُوبيِنْ" 29 وْكَانْ لِي يْفُوتْ يْزَعَّقْ عْلِيهْ، إِيحَرْكُو رِيسَانْهُمْ أُو يْقُولُوا:"أَنْتَ أَلِي قُلْتْ أَنْهَدَمْ الهَيْكَلْ أُو نَبْنِيهْ فِي ثَلاَثَةْ إِيَامْ! 30 أَيَا سَلَّكْ رُوحَكْ وهَوَدْ مْالصَليِبْ". 31 حَتَى رِيَاسْ الكَهَنَة و الكَتَبَة كَانُوا يَسْتَهْزَاوْ بِيهْ ، وْيڤُولُوا:"سَلَّكْ لُخْرِينْ وْ مَقْدَرْشْ إِسَلَّكْ رُوحَهْ". 32 يهَوَّدْ الَمسِيحْ مَلِكْ إِسْرَائِيلْ مْنْ الصَليِبْ، بَاهْ أَنْشُوفُوهْ وْنْآمْنُوا! ". ولِي كَانُو مَصْلُوبِينْ ڤُدَامَهْ إِيْعَايْرُوا فِيهْ. 33 وْ عْلَى السَاعَة السَتَّة ، كَانَتْ الضَلْمَة ِ فَي ڤَاعْ اللَّرْضْ حَتَّى السَاعَة التَّسْعَة. 34 وْ عْلَى السَاعَة التَسْعَة تَوَّغْ يَسُوعْ بْصُوتْ عَالِي ڤَاَلْ: "إِلْوِِي ،إِلْوِي ،لِمَا شَبَقتَنِي؟" لِّي مَعْنَاهْ :رَبِي ، رَبِي عْلاَهْ خَلتِْنيِ؟ 35 وْ جْمَاعَة مَلِّي كَانُوا حَاضْرِينْ كِي سَمْعُوهْ ڤَالُوا:"رَاهْ إِعَيَّطْ لْ إيليَّا". 36 جَا وَاحَدْ عَنْدَهْ عَمَرْ إَسْفَنْجَة بْلِْخْلْ دَارْهَا فُوڤْ قَصْبَة وْ سْقاَهْ وْڤَالْ:"خَليِوْ نْشُوفُو إَلىَ يْجِي إِيلِيَّا وْ يْهَوْدَهْ". 37 تَوَّغْ يَسُوعْ بْصُوتْ عَالِي وْسَلَّمْ الرُوحْ. 38 فِي هَدَاكْ الوَقْتْ تْڤَطَعْ لَحْجَابْ تَاعْ الهَيْكَلْ عْلَى زُوجْ، مْنْ الفُوڤْ حَتَى لَتحْتْ. 39 كِي شَافْ لْقَايَدْ تَاعْ لَمْيَة عَسْكْرِي أَلِي كَانْ وَاقَفْ مْقَابْلَهْ بَلِّي تَوَّغْ بْهَدَاكْ التْوَّاغْ وْسَلَمْ الرُوحْ ، ڤَاَلْ:"بَالْحَقْ هَذَا هُوَ وَلْدْ الله ! " 40 وْ كَانُوا ثاَنِي نْسَا إِشُوفُوا مَنْبْعِيدْ، كَانَتْ مَرْيَمْ المَجْدَلِيَّة ،ومَرْيَمْ أُمْ يَعْقُوبْ الصْغِيرْ ويُوسِي، أُوسَالُومَة، 41 لِّي كَانُوا يْتَبْعُوهْ ويَخْدْمُوا مْعَاهْ كِكَانْ فَالجَليِلْ. وْنْسَا وَحَدْخْرِينْ لِّي جَاوْ مْعَاهْ لاُرْشَليِمْ. 42 فْالَعْشِيَة كِكَانُوا يَْوجْدُوا لَسْبْتْ، 43 جَا يُوسَفْ لِّي مْنْ الَرَّامَة،لِهُوَ عُضْوْ مْلِيحْ فِي الْمَجْلِسْ الأَعْلَى ،كَانْ هُوَ ثَانِي يَسَّنَى مَلَكُوتْ الله، تْشَجَعْ ورَاحْ عَنْدْ بِيلاَطُسْ طْلَبْ جَسَدْ الَمِسيحْ. 44 تْعَجَبْ بِيلاَطُسْ عْلَى خَاطَرْ يَسُوعْ مَاتْ بْالْخَفْ. عَيَّط ْلْقَايَدْ مْيَة عَسْكْرِي و سَقْسَاهْ :"عَنْدَهْ بَزَّافْ مَلِّي مَاتْ؟". 45 كي عْرَفْ مْنْ قَايَدْ مْيَةْ عَسْكْرِي ،عْطَى جَسَدْ المَسِيحْ لْيُوسَفْ . 46 وْشْرَى لَهْ ْكفَنْ ، هَوْدَاهْ مْالصَليِبْ كَفنَهْ بَالكَتَانْ ، وْ دَفْنَهْ فِي قْبَْركَانْ مَحْفُورْ فْالَحْجَرْ و بَلَّعْ َلقْبَرْ بَحْجَرْكْبِيرْ. 47 و كَانَتْ مَرْيَمْ المَجْدَلِيَّة و مَرْيَمْ أًمْ يُوسِي إِشُوفُو وِينْ يَدَفْنُوهْ.
1 وْكِي فَاتْ السّبْتْ ،مَرْيَمْ المَجْدَلِيَّة ومَرْيَم اُمْ يَعْقُوب وَسَالُومَةُ، شْرَاوْ الْزِّيتْ مْعَطْرِينْ بَاشْ يْرُوحُوا يَدَّهْنُوا يَسُوعْ. 2 وْفَالسِّمَاناَ لَّوْلَى صْبَاحْ بَكْرِي كِطَلْعَتْ الشَّمْسْ جَاوْ لَلقْبَرْ. 3 وْ كَانُوا يْڤُولُوا لْبَعْضِيَاتْهُم ْ:<شْكُونْ لَّزْهَادْ الحَجْرَى مَنْ هَادْ لَقْبَرْ؟". 4 طَلْعُوا عَيْنِيهمْ ْوشَافُوا الحَجْرَى انْتْلَزَّتْ مَن ْمْكَانْهاَ .وْكَانَتْ كْبِيرَة بَزَّافْ. 5 وْ كِي دَخْلُوا للْقبَرْ شَافُوا شَابْ ڤَاَعَدْ عْلَى اليَمِينْ وْلاَبَسْ عْباَيَة بَيْضَاء ْونْخَلْعُوا. 6 وْهُوَ ڤَالْهُمْ: "مَا تَنْخَلْعُوشْ رَاكُم ْتْحَوْسُوا عْلَى يَسُوعْ النَّاصِرِي المَصْلُوبْ .ڤَالْ مَرَاهْشْ هْنَا هَوَلاَ المَكَانْ لِّي كاَنْ مَحْطُوطْ فِيه ْ. 7 بَصَّحْ رُوحُوا وْقُولُوا لَلتَّلاَمِيذْ تاَوعَه وْ لْبُطْرُسْ بَلِّي غَادِي يْسَبْقْكُمْ لَلْجَلِيلْ وَنْتُمَا تْشُوفُوهْ كِيمَا قَالْكُمْ". 8 خَرْجُوا وْهَرْبُوا مْلَقْبَرْ عْلى َخَاطَرْ كَانُوا مَخْلُوعِينْ وْ مَاقاَلُوا حَتَى حَاجَا لْحَتَّى وَاحَدْ عْلَى خَاطَرْ كَانُوا خَايْفيِنْ. 9 نَاضْ يَسُوعْ صْبَاحْ بَكْرِي اليَوْمِ اللَّوَّلْ تاَعْ السِّيمَانَا . مْعَ اللَّوَلْ باَنْ لْمَرْيَمْ المَجْدَلِيَة، لِخْرَجْ مَنْهاَ سَبْعَة شَياَطِينْ 10 راَحَتْ وْخَبْرَتْ لِكَانُو مْعَاهْ وَ َكَانُو يْنَوْحُوا وْ يَبْكُوا . 11 وْهُمَا كِي سَمْعُوا بَليِ يَسُوع ْرَاهْ حَيْ وْبَلِّي شَافْتَه ْمَآمْنُوشْ. 12 وْمْبَّعْدْ بَانْ بِصِفَة وَحْدُخْرَا لَزُّوجْ كَانُوا يَتْمْشُوا وْرَايْحِينْ لِلْبْلاَدْ . 13 وْهُومُا رَاحُوا دَاوْ لْبِشَّارَةُ لْوَحْدُوخْرِينْ بَصَّحْ هَادُوكْ تَانِي مَا آمْنُوهُمْْش. 14 وْمْعَ التَّالِي كِيكَانُوا لَحْدَاشْ تِلْمِيذْ مَتَّكْيِينْ بَانَلْهُمْ وْ لاَمْهُمُ عْلَى لِي لِمَا آمْنُوهْشْ وْعْلَى ڤَلْبْهُمْ ْالقَاسِي عْلَى خَاطَرْ مَامْنُوشْ مِشَافُوه ْحَيْ 15 وْ قَالْهُمْ: "رُوحُوا لَلدَّنْيَا قَاعْ وْ بَرْحُوا باِلانْجِيلْ ڤَاع ْالخَلْقْ 16 لِيَامَنْ وْيَتْغَطَّس ْيَسْلَكْ وْ لِمَيْامَنْشْ يَتْحَكَّم ْعَلِيهْ 17 وْهَاذْ الاَياَتْ تْرَافَڤَ المُؤمِنِينْ بِاسْمِي اخَرْجُوا الشَّيَاطِينْ ،يَهَدْرُوا لُغاَتْ جْدُدْ 18 اشَدُّوا لَحْنُوشَا فيِ يَدِيهُمْ وِيلا َشَرْبُوا حَاجَا تُكْتُلْ مَدِّلْهُم ْوَالُوْا وَيْحَطٌوا يَدِّيهُمْ عَلىَ المَرْضَى يَبْراُو. 19 مَمْبْعَد ْكِي هْدَرَلْهُمْ الرَّب ْ،اتَّرْفَعْ فاَلسّْمَا وْڤَعَدْ ْعْلىَ يَمِين ْاللهِ 20 وْهُمَا رَاحُوا ابَشْرُوا فْكُلْ مْكَانْ وَ الرَّبْ كاَنْ يَخْدَمْ مْعَاهُمْ وْيثَبَّتْ الكلِمَة بِالايَاتْ لِوَافْقُوهَا آمِين.
1 كِي بْدَاوْ بَزَافْ النَاسْ يَكَتْبُوا الْقِصَة تَاعْ الأُمُورْ لِي صْرَاتْ بِينَتْنَا، 2 كِيمَا وَصْلُوهَا لِينَا هَادُوكْ لِي كَانُوا مَلَوَلْ وشَافُوا ڤَاعْ دَاكْ الْشِي بْعِينِيهُمْ و يَخْدْمُوُا كَلْمَة الله، 3 مَلِي تَبَعْتْ مَنْ الْلَوَلْ كل هَادْ الأُمُوربَالْدِقَة، خَمَمْتْ أَنَا ثَانِي بَلِي مْلِيحْ نَكْتَبْ لَكْ يَالَحْبِيب ثَاوْفِيلُسْ، 4 بَاشْ تَعْرَفْ بَلِي لَكْلاَمْ لِي تْعَلَمْتَّه صْحِيحْ. 5 و كَانْ فِي لِيَامْ هِيرُودُسَ مَلَكْ أَلْيهُودِيَّة كَاهَنْ إِسْمَه زَكَرِيَّامَنْ فِرْقَة أَبِيَّا، ومَرْتَهْ مَنْ بْنَاتْ هَارُونْ و إِسْمْهَا أَلِيصَابَاتْ. 6 و كَانُوا لَزُوجْ بَارِينْ قُدَامْ الله، و كَانُوا يْتَبْعُوا ڤَاعْ فَرَائِضْ الله بْلاَ لُومْ. 7 و مَكَانْشْ عَنْدْهُمْ وَلْدْ، عْلَى خَاطَرْشْ أَلِيصَابَاتْ كَانَتْ عَاڤْرَة، و كَنُوا لَزُوجْ شْوَابِينْ. 8 كِي كَانْ زَكَرِيَا يْتْنَاوَبْ مْعَ لْفِرْقَة تَاعَهْ ڤُدَامْ الَّلهْ . 9 عْلَى حْسَابْ عَادَاتْ الكَهَنُوتْ، طَاحَتْ عْلِيهْ قَرْعَة وْجَاتْ فِيهْ بَاشْ يَدْخُلْ لْهَيْكَلْ الَّلهْ وْيْبَخَّرْ. 10 وْكَانُوا ڤَاعْ النَّاسْ مْجْتَامْعِينْ يْصَلُوا بَرَّا وَقْتْ لَبْخُورْ. 11 وْبَانْلَهْ مَلَاكْ مَنْ عَنْدْ الرَّبْ وَاقَفْ عْلَى اليُمْنَى تَعْ مَذْبَحْ البُخُورْ. 12 وْكِي شَافَهْ زَكَرِيَا تَخْلَعْ وْخَافْ. 13 وْڤَالَهْ المَلَاكْ «مَاتْخَافْشْ يَا زَكَرِيَا عْلَا خَطَرْ الرَّبْ سْمَعْ لْصْلَاتَكْ، وْمَرْتَكْ اليصَبَاتْ تَوْلَدْلَكْ وَلْدْ تْسَمِيهْ يُوحَنَا. 14 غَادِي تَفْرَحْ فَرْحَة كْبِيرَة وْ بَزَّافْ نَاسْ يَفَرْحُوا بالْوِلَادَة تَاعَهْ. 15 وْغَادِي يْكُونْ عَظِيمْ قدَامْ الَّلهْ. وْعُمْرَهْ مَاغَادِي يَشْرَبْ شْرَابْ وَلَا حَاجَة تْسَكَّرْ ، وْغَادِي يَتْعَمَرْ بالرُوحْ القُدُسْ فِي كَرْشْ مُهْ. 16 وْغَادِي بَزَافْ مَنْ بَنِي اسْرَائِيلْ للرَّبْ . 17 غَادِي يَتْمَشَى قدَّامْ الَّلهْ بْرُوحْ وْقُوَة اِيلِيَا بَاشْ يَصْلَحْ الوَلْدِينْ مْعَ وْلَادْهُمْ وْيْرَدْ لْعَاصِي لْطْرِيڤْ طَاعَة الَّلهْ وْيْوَجَّدْ طَاعَة الَّلهْ 18 « ڤَالْ زَكَرِيَا لَلْمَلَاكْ: «كِيفَاشْ نَتأَكَدْ بْهَادْ شِي ، انَا شِيبَانِي وْمَرْتِي شِيبَانِيَة؟». 19 جَاوْبَهْ المَلَاكْ وْڤَالَهْ: «انَا جِبْرِيلْ الوَاقَفْ قدَامْ الَّلهْ وْتَرْسَلْتْ بَاشْ نْبَشْرَكْ بْهَادْ الشِي. 20 وْنْتَ غَادِي تَتْبَكَشْ وْ مَتنْجَمْشْ تَهْدَرْ حَتِى نْهَارْ لِيَصْرَا هَادْ شِي ، عْلَى خَاطَرْ مَأَمَنْتْشْ لْهَدْرَة لِي غَادِي تَصْرَا فِي وَقْتْهَا». 21 وْكَانْ الشَعْبْ يْقَارَعْ لْزَكَرِيَا مَتْحَيْرِينْ عْلَاهْ طَوَلْ عْلِيهُمْ فالْهَيْكَلْ. 22 وْكِي خْرَجْ مَنْجَمْشْ يَهْدَرْ مْعَاهُمْ، فَهْمُوا بَلِي شَافْ رُؤيَا وْبْدَا يَهْدَرْ مْعَاهُمْ بالاشَارَاتْ وْبْقَا سَاكَتْ. 23 وْكِي كَمْلَتْ يَامَاتْ خَدَمْتَهْ ولَا لْدَارَه.ْ 24 وبَعْدْ دِيكْ لِيَامْ رَفْدَتْ مَرْتَهْ أَلِيصَابَاتْ بألْكَرْشْ، وخَبَتْ رُوحْهَا خَمْسْ شْهُرْوتْقُولْ: 25 « هَكَا دَارْ فِيَا الْرَب فْلِيَامْ لِي شَافْ فِيَا، ڤْلَعْ عَارِي مَنْ بِينْ الْنَاسْ». 26 و فِي الْشَهْرْ الْسَادَسْ أَرسَلْ الله الْمَلاَكْ جِيبْرَائِيلْ لَمْدِينَة مَنْ الْجَلِيلْ إِسْمْهَا نَاصِرَة، 27 لْعَدْرَاء إِسَمُوهَا مَرْيَمْ مَخْطُوبَة لَرَاجَلْ مَنْ بِيتْ دَاوَدْ إِسَمُوهْ يُوسَفْ، 28 ودْخَلْ عَنْدْهَا الْمَلاَكْ و ڤَالْ: «سْلاَمْ عْلَى لِي أَنْعَمْ عْلِيهَا! الْرَبْ مْعَاكْ.مْبَارْكَة نْتِي بِينْ الْنْسَا». 29 وكِي شَافْتَهْ تْحَيْرَتْ مَنْ كْلاَمَهْ، و فَكْرَتْ فِ رُوحْهَا: «شَا مَعْنَتْ هَادْ الْسْلاَم!». 30 وڤَالْهَا الْمَلاَكْ:«مَتْخَافِيشْ يَا مَرْيَمْ، رَاكِي لْقِيتِي نَعْمَة عَنْدْ الله. 31 و رَكِي رَيْحَة تَرَفْدِي بالكَرْشْ وتَزْيْدِي وَلْدْ و تْسَمِيهْ يَسُوعْ. 32 و هَدَا غَادِي يْكُونْ عَظِيمْ، و يَتْسَمَى إَبْنْ الْعَلِي، ويَعْطِيهْ الْرَبْ الإِلَه الْعَرْشْ تَاعْ دَاوُدْ بُوهْ، 33 و يَمْلَكْ عْلَى دَارْ يَعْقُوبْ لَبْدَّا، و الْمُلْكْ تَاعَهْ مَيَكْمَلْشْ». 34 وڤَالَتْ مَرْيَمْ لَلْمَلَاكْ: «كِيفَاشْ غَادِي يْكُونْ هَادَا وْانَا مَا عْرَفْتْ حَتَى رَاجَلْ؟» 35 وْجَاوْبْهَا المَلَاكْ وْڤَالْهَا: «الرُوحْ القُدُسْ يْنْزَلْ عْلِيكْ، وْقُوَة الَّلهْ تَغَطِّيكْ ،عْلَى بِيهَا القُدُّوسْ لِي غَادِي يْتَوْلَدْ مَنَكْ يَتْسَمَى ولْدْ الَلهْ. 36 وْهَيَلَا ايلِيصَابَاتْ تَانِي لِي مَنْ عِيلْتَكْ هِي تَانِي بالْكَرْشْ، عْلَى كْبَرْهَا ،وْهَادَا شَهْرْهَا السَادِسْ لْلِي كَانَتْ تَتْسَمَى عَاڤْرَة، 37 عْلَى خَاطَرْ مَاكَاشْ حَاجَة صْعِيبَة عْلَى رَبِي. 38 ڤَالَتْ مَرْيَمْ: «هَا اَنَا اُمْ الرَّبْ وْ لِي تْقُولْ غَادِي يْكُونْ»، وْرَاحْ مَنْ عَنْدْهَا المَلَاكْ. 39 وْفْدِيكْ لِيَامْ رَاحَتْ مَرْيَمْ بالْخُفْ لَجْبَالْ فْمَدِينَة يَهُودَا ، 40 وْدَخْلَتْ لْدَارْ زَكَرِيَا وْسَلْمَتْ عْلَى الِيصَابَاتْ . 41 وْكِي سَمْعَتْ الِيصَابَاتْ سْلَامْ مَرْيَمْ تْحَرَكْ لْجَنِينْ لِي في كَرْشْهَا ، وْتْعَمْرَتْ بالرُوحْ القُدُسْ ، 42 وْزَڤَاتْ وْڤَالَتْ: «مْبَارْكَة نْتِي بينْ نْسَا وْمْبَارْكَة ثَمْرَة كَرْشَكْ ! 43 وَاشْ نْكُونْ انَا حَتَى تْجِي عَنْدِي اُمْ الرَبْ؟ 44 وْكِي وْصَلْ صُوتْ سْلَامَكْ لْوَدْنِي الغُرْيَانْ زْغَدْ فْكَرْشِي ملْفَرْحَة 45 .سَعْدَاتْ لِي اَمْنَتْ بَلِي غَادِي يَصْرَا لِي ڤَالَهْ الرَبْ». 46 وڤَالت مَرْيَمْ: «نَفْسِي تْعَظَمْ سِيدِي رَبِي، 47 و تَفْرَحْ رُوحِي بَالله الْمُخَلَصْ تَاعِي، 48 عْلَى خَاطَرْشْ شَافْ خَدَامتَهْ الْمُتْوَاعْضَة. و ڤَاعْ الْأَجْيَالْ يْقُولُولِي يَاسَعْدَاتَكْ، 49 عْلَى خَاطَر الله الْقَادَرْ عْلَى كُلْ شِي دَارْلِي أُمُورْ عَظِيمَة، وإِسْمَهْ قُدُوسْ، 50 ورَحَمْتَهْ مَنْ جِيلْ لْجِيلْ لْلِي يْخَفُوهْ. 51 بَيَنْ قَوْةْ ذْرَاعَهْ. وشَتَتْ الْمَتْكَبْرِينْ فِي قَلْبْهُمْ. 52 هَوَدْ الْحُكَامْ مَنْ عَرْشْهُمْ وعَلَّى شَانْ الْمَتْوَاضْعِينْ. 53 شَبَعْ الْجِيعَانِينْ مَنْ خِيرَاتَهْ و رَدْ الْمَرْفْهِينْ خَاوْيِينْ. 54 عَاوَنْ عَبْدْ إِسْرَائِيلْ بَاشْ يَتْفَكَرْ رَحَمْتَهْ، 55 كِمَا وْعَدْ جْدُودْنَا، لْإِبْرَاهِيمْ ونَسْلَهْ لَلْأَبَدْ». 56 وڤَعْدَتْ مَرْيَمْ عَنْدْ أَلِيصَابَتْ ثَلاَثْة أَشْهُرْ، ورَجْعَتْ لْدَارْهَا. 57 وصَلْ الْوَقْتْ تَاعْ أَلِيصَابَاتْ بَاشْ تَوْلَدْ. 58 وسَمْعُو الْجِيرأنْ و حْبَابَاتْهَا بَلِي الرب فَاضْ بْرَحَمْتَهْ عْلِيهَا، فَرْحُوا مْعَاهَا. 59 و فِي الْيُومْ الْثَامَنْ جَاوْ يَخَتْنُوا الْوَلْدْ، و سَمَوَه بْإِسْمْ بُوهْ زَكَرِيَا. 60 بَصَّحْ أَمَهْ ڤَالَتْ: «لا!غَادِي تْسَمُوهْ يُوحَنَّا». 61 وڤَالُولْهَا: «مَكَانْشْ وَاحَدْ فالْعَايْلَة تْسَمَى بْهَادْ الأَسَمْ». 62 وسَقْسَاوْ بُوهْ بْالإِشَارَة، كِيفَاشْ بْغِيتْ يَتْسَمَى. 63 وطْلَبْ لُوحَا وكْتَبْ يقُولْ: «إِسْمَهْ يُوحَنَّا». ڤَاعْ تْعَجْبُوا 64 و فِدِيكْ الْسَاعَة تْحَلْ فَمْ زَكَرِيَّا و تْسَرَحْ لْسَانَهْ و تْكَلَمْ و بَارَكْ الله. 65 و طَاحْ الْخُوفْ عْلَى ڤَاعْ الْجِيرَانْ. 66 و حْكَاوْ الْنَاسْ بْكُلْ هَادْ الأمُورْ فْكُلْ جْبَالْ الْيَهُودِيَّة، وْكَانْ لِي يَسْمَعْ هَادْ الاُمُورْ فِي قَلْبَهْ وْيْڤُولُوا :«وَاشْ غَادِي يْكُونْ هَادْ الوَلْدْ؟". وْكَانَتْ يَدْ رَبِي مْعَاهُمْ . 67 و تْعَمَرْ زَكَرِيَّا بْالْرُوحْ الْقُدُسْ، وتْنَبَأْ وڤَالْ: » 68 مُبَارَكْ الْرَبْ إِلَهْ إِسْرَائِيلْ عْلَى خَاطَرْشْ شَافْ و عْطَى فِدَاءْ لْشَعْبَهْ، 69 ودَرْ لْنَا مُخَلِصْ صْحِيحْ مَنْ دَارْ دَاوَدْ خَدَامَهْ. 70 كِمَا ڤَالْ بْفَمْ الأَنْبِيَاَ تَعَهْ الْقَدِيسِينْ فِي الْزْمَنْ لِي فَاتْ، 71 لَسْلاَكْ مَنْ عَدْيَانَا و مَنْ يَدِينْ جْمِيعْ لِي يَكَرْهُونَأ . 72 بَاشْ يَعْطِي رَحْمَة لَجْدُدْنَا ويْفَكَرْبالْعَهْدْ الْمُقَدَسْ، 73 الْعَهْدْ لِي حْلَفْ بِيهْ لْبُونَا إِبْرَهِيمْ 74 بَاشْ نَعَبْدُوه بْلاَ خُوف مَنْ بَعْدْ مَايْسلَكنَا مَنْ يَدِينْ عَدْيَنْنَا 75 نَعَبْدُوه بَالْقْدَاسَة و الْحَقْ ڤَاعْ إِيَامْ حْيَاتْنَا . 76 وْ نْتَا يَاوَحْدْ الْوَلْدْ نْبِي العَلِي يْعَيْطُولَكْ ، عْلَاخَطَرْشْ تَتْقَدَّمْ ڤُدَامْ وَجْهْ رَبِي بَاشْ تْوَجَدْ طْرِيڤَه. 77 بَاشْ تَعْطِي لْشَعْبَهْ لْمَعْرِفَة تَاعْ سْلَاك بالْمَغْفِرَة تَاعْ دْنُوبْهُمْ ، 78 بكثْرَة الرَحْمَة تَاعْ رَبِي ، شَرْقَتْ الشَمْسْ تَاعَهْ عْلِينَا من السْمَا . 79 بَاشْ يْنَوَرْ عْلَى لِي عَايْشِينْ في الظَلْمَة وْ الظَلْ تَاعْ لْمُوتْ، بَاشْ يْقُودْنَا لْطْرِيڤْ السَلَامْ». 80 وْالوَلْدْ كَانْ يَكْبَرْ وْ يَتْقَوَى بالرُوحْ، وْكَانْ في البَرَاري حَتَى نْهَارْ لِي بَانْ لْاِسْرَائِيلْ.
1 وْفْدِيكْ لِيَامْ اَمَرَ القَيْصَرْ اُوغِسْطُسْ بَاشْ يَكَتْبُوا الاِحْصَاءْ تَاعْ ڤَاعْ سُكَانْ الامْبْرَاطُرِيَة. 2 وْكَانْ هَدَا اوَّل احْصَاءْ نْدَارْ مَلِّي كَانْ كِيرِينْيُوسْ وَالِي عَلَى سُورْيَا. 3 وْ رَاحْ كُل وَاحَدْ لَمْدِينْتَهْ بَاشْ يَكْتَبْ فِيهَا. 4 وْخْرَجْ يُوسَفْ حَتَى هُوَ مَنْ النَاصِرَة الِّلي في الجَليلْ وْ رَاحْ لْمَدِينَة دَاوَدْ ، بَيْتْ لَحْمْ عْلَى خَاطَرْشْ مَنْ عَايْلَة دَاودْ وْ قَبِيلْتَهْ. 5 بَاشْ يَكْتَبْ معَ مَرْيَمْ خَطِيبْتَهْ الِّلي كَانَتْ بالْكَرْشْ . 6 وْكِكَانوا فِي بَيْتْ لَحْمْ وْصَلْ وَقْتْ الوِلَادَة تَاعْهَا . 7 زَيْدَتْ وَلْدْهَا البِكَر وْ ڤمْطَاتَهْ وْ رَڤْدَاتَهْ فِي المدْوَدْ ، عْلَى خَاطَرْشْ مَاكَانْشْ عَنْدْهُمْ بْلَاصَة في الدَّارْ . 8 وْكَانُوا فْدِيكْ الجِهَة سُرَّاحْ يْبَاتوا بَرَّا وْ يتْنَاوْبُوا عْلَى العَسَّة تَاعْ لَغْنَمْ تَاعْهُمْ بالِيلْ . 9 وْ بَانلْهُمْ مَلَاكْ مَنْ عَنْدْ الرَّبْ وْ مَجْدْ الرَّبْ ضَوَّا عْلِيهُمْ وْ نْخَلْعُوا بَزَّافْ . 10 وْڤَالْهُمْ : "مَاتْخَافُوشْ عْلَى خَطَرْشْ رَانِي جَايَبَلْكُمْ خْبَارْ مْلِيحْ يْفَرَّحْ ڤَاعْ الشَعْبْ . 11 رَاهْ اليُومْ تَوْلَدَلْكُمْ فِي مَدِينَة دَاودْ مُنَجِّي الِّلي هُوَ المَسِيحْ الرَبْ . 12 وْهَادِي هِي العَلَامَة لِغَادِي نَعْطِيكُمْ : غَادي تْلْڤَاوْ وَلْدْ مْڤَمَطْ وْ رَاقَدْ فِي مَدْوَدْ . 13 وْعْلَى غَفْلَة بَانْ مْعَ المَلاكْ جْمَاعَة من الجَيْشْ تَاعْ السْمَا يْسَبْحُوا الرَبْ وْيْڤُولُوا : 14 " العِزْ لِلّهْ في السَمَاءْ العَالِيَة وْعْلَى الارْضْ لَهْنَا لْهَادُوكْ لِيرَاضي عْلِيهُمْ " . 15 وْمَلِّي خَلَّاوْهُمْ المَلَايْكَة وْرَجْعُوا لْسْمَا ، قَالُوا السُّرَاحْ لْبَعْضَاهُمْ :"اَيَا نْرُحُوا دَرْوَكْ لْبَيْتْ لَحْمْ وْنْشُوفُوا هَادَاكْ الشِي لِي عْلَمْنَا بِيهْ الرَبْ " . 16 وْرَاحُوا بَلْخُفْ وْلْڤَاوْ مَرْيَمْ وْ يُوسَفْ وْ الطْفَلْ رَاقَدْ فْالْمَدْوَدْ 17 وْكِيشَافُوهْ عَاوْدُوا وَاشْ ڤَالْهُمْ المَلَاكْ عْلَى هَادَاكْ الطْفَلْ . 18 وْڤَاعْ هَادُوكْ لِسَمْعُوا كْلَامْ السُّرَاحْ تْعَجْبُوا مَنْ هَادَاكْ الشِي . 19 بصَّحْ مَرْيَمْ كَانَتْ تْخَلي ڤَاعْ هَادْ الاُمُورْ فِي خَاطَرْهَا وْتَتْمَعَّنْ فِيهُمْ فِي قَلْبْهَا . 20 وْوَلَاوْ السُّراحْ وْهُمَا يْعَيْطُوا العِزْ لِلّهْ وْ يْسَبْحُوهْ عْلَى ڤَاعْ لِسَمْعُوهْ وْشَافُوهْ عْلَىخَاطَرْشْ ڤَاعْ دَاكْ الشِي لِي صْرَا كَانْ كِيمَا ڤَالهُمْ المَلَاكْ . 21 وْمَلِّي كَمْلُوا تْمَنيَامْ جَا الوَقْتْ بَاشْ يَتَخْتَنْ الطْفَلْ وْتْسَمَى يَسُوعْ ،كيمَا سمَاهْ المَلَاكْ قْبَلْ مَا تَرْفَدْ مَرْيَمْ في كَرْشْهَا . 22 و مَلِي كَمْلَتْ لِيَامْ تَاعْ التَطْهِيرْ نْتَاعْهُمْ كِمَا كَايَنْ فِي شْرَعْ مُوسى، دَاوْ يَسُوعْ لأُرْشَلِيمْ بَاشْ يْقَدْمُوهْ للرَبْ، 23 كِمَا مَكْتُوبْ فِي شْرَعْ الرَبْ: اللِي يْقُولْ بَلِي كُلْ ذْكَرْ بْكَرْ هُوَ تَاعْ الرَبْ. 24 وبَاشْ يْقَدْمُوا الدْبِيحَة كِمَا تْقَالْ فِي شْرَعْ الرَبْ: زُوجْ طْيُورْنْتَاع اليَمَامْ و زُوجْ فْرَاخْ نْتَاعْ الحْمَامْ. 25 وكَانْ فأُرْشَلِيم وَاحدْ الرَاجَلْ صَالَحْ و مُتَقِي الله إِسِمِوَه سِمْعَانْ، يَسَّنَى السْلاَكْ (الخَلاَصْ) نْتَاعْ شَعْبْ إِسْرَائِيلْ ،و كَانْ الروح القُدُسْ عْلِيهْ . 26 وعْرَفْ مَنْ الروح القُدُسْ بَلِي مَا غَادِيشْ إيمُوتْ حَتَّى يْشُوفْ مَسِيحْ الرب. 27 و بَالروح القُدُسْ جَا لْهَيْكَلْ الله. و مَلِي جَابُوا الوالْدِينْ وَلْدْهُمْ يَسُوعْ، بَاشْ يَعْطِيوعْلِيهْ كِمَا يْقولْ فَشْرَعْ. 28 رَفْدَه سَمْعَانْ فِدْرَاعََه وبَارَكْ الله وڤَالْ : 29 "و دْرَوَكْ يَاربِي طْلَقْ سْرَاحْ العَبْدْ نْتَاعَكْ عْلَى خِيرْ كِمَا فَاتْ ووْعَدْتْ. 30 عَلَى خَاطَرْ عِينِيَّ شَافُوا السْلاَكْ (الخَلاَصْ)نْتَاعَكْ. 31 اللِي وَجّدْتَهْ قُدَامْ الشُعُوبْ كُلْهُمْ. 32 نُورْ يَهْدِي الشُعُوبْ أَللِي مَا يَعْبْدُوشْ الله، و العَّزْ لْشَعْبَكْ إِسْرَائِيلْ". 33 وتْعَجَّبْ يُوسَفْ وامَّه مَنْ دَاكْ الشِي لِتْڤَالْ فِيه. 34 وبَارَكْهُمْ سَمْعَانْ وڤَالْ لْمَرْيَمْ مُّه :" هَادْ الوَلْدْ تَخْتَارْ بَاشْ يْكُونْ سْبَابْ لْبَزَافْ نْتَاعْ النَاسْ فْإِسْرَائِيلْ إِيطِيحُوُا و نَاسْ أُخْرِينْ بَاشْ إِينُضُوا،بَاشْ يْكُونْ عَلاَمَة إِخُوذُوهَا النَاسْ. 35 و هَاكَا غَادِي تْبَانْ أَفْكَارْ لَمْخَيْبَة نْتَاعْ النَاسْ ، حَتَى أَنْتِي يَامَرْيَمْ غَادِي يَدْخَلْ سِيفْ فِي نَفْسَكْ. 36 وكَانَتْ تَمَّ وَاحَدْ النَبِيَّة، كْبِيرَة فْلَعْمَرْ إِسِمِوْهَا حَنَّة بَنْتْ فنُوئِيلْ مَنْ قَبِيلَة أَشِيرْ، تْزَوْجَتْ و عأشَتْ مْعَ رَاجَلْهَا سَبْعْ سْنِينْ. 37 وْڤَعْدَتْ هَجَالَة حَتَّى ولَّى فِي عْمَرْهَا رَبْعَة وثْمَانْيِينْ عَامْ، وهِيَ دَايَمْ فِي لْهَيْكَلْ تَعْبَدْ الله بَالصُومْ و الصْلاَة لِيلْ و نْهَارْ. 38 و تَمْ تَمْ جَاتْ و ڤَرْبَتْ لْعَنْدْهُمْ و شَكْرَتْ الله يْسَلَّكْ و يَفْدِي أُورْشَلِيمْ. 39 و مَلِي كَمَّلْ يُوسَفْ و مَرْيَمْ ڤَاعْ دَاكْ الشِي لِمَفْرُوضْ عْلِهُمْ فِي شَرْعْ الرب، وَلاَوْ لَمْدِينَتْهُمْ النَاصِرَة فَالجَلِيلْ. 40 و كَانْ الوَلْدْ يَكْبَرْ و يَتْقَوَى بالروح، ومْعَمَرْ حِكْمَة، وكَانَتْ نِعْمَة الله عْلِيه. 41 و كَانُوا وَلْدِينْ يَسُوعْ يْرُوحُوا كُلْ عَامْ لأُرْشَلِيمْ فِي عِيدْ الفِصْحْ. 42 و كِوَّلاَ عَنْدْ يَسُوعْ طْنَاشْ نْعَامْ، طَلْعُوُا لِأُرْشَلِيمْ كِمَا كَانَتْ العَادَة فالعِيدْ. وكِكَمْلَتْ لِيَامْ تَاعْ العِيدْ، 43 و كِكَمْلَتْ لِيَامْ تَاعْ العِيدْ، وَلاَوْ وَالْدِينْ يَسُوعْ وبْقَى هُوَ فِي أُورْشَلِيمْ ، بَّلاَ مَا يَعَرْفُوا وَالْدِيهْ. 44 حَسْبُوا بَّلِي رَاهْ مْعَ النَاسْ المَسَفْرِينْ مْعَاهُمْ، و كِي مْشَاوْ نْهَارْ كَامَلْ، بْدَاوْ يْحَوْسُوُا عْلِيه عَنْدْ العَايْلَة و المَعَارَفْ الِي كَانُوا مْعَاهُمْ. 45 و كِمَا لْقَاوَهْشْ وَلاَوْ لأُورْشَلِيمْ يْحَوْسُوا عْلِيه. 46 و بَعْدْ ثَلْثْ إِيَامْ لْڤَاوَه فِي هَيْكَلْ الله، جَالَسْ فِي وَسْطْ عُلَمَاء الشْرَعْ، يَصَنَتْ و يْسَقْسِيهُمْ. 47 و ڤَاعْ الِي كَانُوا يَسَمْعُوهْ تْعَجْبُوا مضنْ الذَكَاء تَعَهْ و مَنْ أَجْوِبْتَهْ. 48 و مَّلِي شَافُوهْ وَالْدِيه تْعَجْبُوا، ڤَالَتْ لَهْ مَّهْ :"عْلاَشْ يَاوَلْدِي دَرْتْنَا هَكْدَا؟ أَنَا و بُوكْ كُّنَا نْحَوْسُوا عْلِيكْ و حْنَا مَخْلُوعِينْ!" 49 جَاوْبْهُومْ يَسُوعْ وڤَالْ:" عْلاَشْ تْحَوْسُوا عْلِيَّا ؟ مَاتَعَرْفُوشْ بَلِي خَاصْنِي فِي دَارْ بُويَا؟". 50 بَصَحْ مَا فَهْمُوشْ وَاشْ ڤَلْلْهُمْ. 51 وْوَلَّى مْعَاهُمْ للنَاصِرَة وْكَانْ يْطِيعْهُمْ وْدَسَّتْ مُهْ ڤَاعْ هَدِيكْ الاُمُورْ فِي ڤَلْبْهَا . 52 وْكَانْ يَسُوعْ يَكْبَرْ وْيْزِيدْ فالْحِكْمَة والقُبُولْ عَنْدْ النَاسْ وْاللَّهْ .
1 فِي لْعَامْ خَمْسَة عَشَرْ مَنْ حُكْمْ طِبْيارْيُوسْ قَيْصَرْ , مَنْ حُكْمْ بِيلاَطُسْ الْبُنْطِى حَاكَمْ عْلَى الْيَهُودِيَة , وْهِيرُودُسْ حَاكَمْ عْلَى الْجَلِيلْ , وْفِيلِبَسْ خُوهْ حَاكْمْ عْلَى إِيطْورِيَّة وَكُورَهْ تَرَاخُونِيتِسْ ,وْلِيسَانِيُونْ حَاكَمْ عْلَى الأَبْلِيَة , 2 فِى ذَاكْ الْوَقْتْ لِكَانْ حَنَانْ وْقِيَافْ حَاكَمْ الْكَهَنَة ,كَانَتْ كَلِمَة الله عْلَى يُوحَنَا وَلَدْ زَكَرِيَا فِي الَصَّحْرَاءَ . 3 رَاحْ ڤَاعْ جْوَارِيهْ الأَرْدُنْ يُبَشِرُ بِتَغْطِسْ الَتَّوْبَة لِمَغْفِرَة الَدْنُوبْ ، 4 كِيمَا مَكْتُوبْ فِي الَنَّبِيْ إشْعَيَاءَ: «صُوتْ يْزَڤِى فَى الْخَلاَ وْجْدُو طْرِيقْ الَرَّبْ ، وْصَڤْدُو طُرْڤَانَهْ . 5 كُلُ وَادْ غَادِى يَتْعَمَرْو كُلْ جْبَلْ غَادِى يَنْقَصْ , وَالَطُرْقَانْ الْمَعْوَجَة تَتْصَڤَدْ وَالْوَاعْرَة تَتْسَهَلْ ، 6 «وْڤَاعْ الَنَّاسْ يْشُوفُوا خْلاَصْ الَرَّبْ. 7 وْڤَالْ لْڤَاعْ الَنَّاسْ لِتْعَمْدُو عْلَى يَدِيهْ »: يَاوْلاَدْ الَلفْاعِى شْكُونْ لِنَبَهْكُمْ بَاشْ تَهَرْبُوا مَنْ غَضَبْ الله لِجَايْ ؟ 8 فِى الَشِّي لِدِرُوهْ بَيْنُو تَوْبَتْكُمْ , مَتْقَعْدُوشْ تْڤُولُوا بُونَا هُوَ بْرَاهِيمْ عْلَخَطَرْ نْڤُولْكُمْ الله قَادَرْ يَصْنَعْ وْلاَدْ لِبْرَاهِيمْ . 9 وْدُوكَ نْحَطَتْ الْفأْسْ عْلَى الشَجْرَة , وْكُلْ شَجْرَة مَتَعْطِيشْ ثَمْرَة مْلِيحَة تَنْقَاسْ بَالنَّارْ». 10 سَقْسَاوَهْ الَنَّاسْ وْڤَالْوا: »شَانْدِيرُوا دُورْكْ؟» 11 جَاوَبْهُمْ:« لِعَنْدَهْ زُوجْ لْبَسَاتْ يَعْطِي لِمَعَنَدْهُمْشْ , وْلِعَنْدَاهْ مَاكْلَة يَڤَسْمَهَا مْعَ لَخْرِينْ >>. 12 وْجَاوْ جْمَاعَة الَضَرَائِبْ بَاشْ يَتْغَطْسُوا فَالْمَاء <<وْسَقْسَاوَهْ وَاشْ نْدِيرُوا يَاسِيدِي ؟>> . 13 وْجَاوَبْهُمْ مَتْلُمُوشْ كْتِيرْ مَلِى مَفْرُوضْ عْلِيكُمْ >>. 14 وْسَقْسَاوَهْ بَعْضْ لْعَسْكَرْ وْڤَالُولَهْ :<< شَانْدِيرُوا حْنَا تَانِي ؟>> . وْمَمْبَعْدْ ڤَالْ لْهُمْ :<< مَتْظَلْمُوشْ حَتَّى وَاحَدْ وْمَتْحَصْلُوشْ فَى الَنَّاسْ بَالْبَاطَلْ , وْ قَنْعُوا بَالْخْلاَصْ تَعْكُمْ >>. 15 وْكَانُوا الَنَّاسْ يْقَارْعُوا مَجِئْ الْمَسِيحْ , وْكَانُوايْفَكْرُوا فِى قْلُوبْهُمْ عْلَى يُوحَنَا بَلاَكْ الْمَسِيحْ، 16 جَاوَبْهُمْ يُوحَنَا :<< أَنَا نْغَطَسْكُمْ بَالْمَاءْ ، بَصَّحْ غَادِى يْجِى لِقْوِيْ مَنِى ، مَنَسْتَهَلْشْ نْحَلْ خْيُوطْ صَبَاطْهْ ، هُوَ يْغَطَسْكُمْ بَالَرُوحْ الْقُدُسْ وْالَنَّارْ 17 يَرْفَدْ الْمَدْرَعْ فِى يَدِيهْ , وْيْنَقِى بَرَا وْيْلَمْ الْقَمْحْ فَى الْمَخْزَنْ تَاعَهْ , وَالَتِبْنْ يْحَرْڤَهْ بَالنَّارْ لِمَتْنَطْفَاشْ >>. 18 وْكَانْ يُوحَنَا يُشَجِعُهُمْ بِبَزَافْ حْوَايَجْ وَاحَدْ خْرِينْ , 19 بَصَّحْ الْحَاكَمْ هِرُودُسْ زْعَفْ عْلِيهْ يُوحَنَا وْوَبْخَاهْ عْلاَخَاطَرْ تْزَوَجْ بِهُرُودِيَا مَرْتْ خُوهْ فِيلِبُسْ وْدَارْ بَزَافْ دْنُوبْ , 20 وْزَادْ كَمَلْهَا كِدَخَلْ يُوحَنَا لَلْحَبْس. 21 وْكِتْغَطْسُوا ڤَاعْ الَنَّاسْ وْتْغَطَسْ يَسُوعْ تَانِي , كِبْدَا يْصَلِى ، 22 نْزَلْ عْلِيهْ الَرُّوحْ الْقُدُسْ عْلَى صِفَةْ لَحْمَامَة , سْمَعْ صُوتْ فَى الَسْمَا يْڤُولْ نْتَ بْنِى لَحْبِيبْ لِي فْرَحَةْ بِهْ . 23 نَسَبْ يَسُوعْ الْمَسِيحْ وْكِبْدَا يَسُوعْ يْبَشَرْ كَانْ عُمْرَهْ ثْلاَثِينْ عَامْ , تَقْرِيبَا وْكَانْ مَعْرُوفْ عَنْدْ الَنَّاسْ بَلِى وْلِدْ يُوسَفْ بَنْ هَالِي 24 .بْنِ مَتْثَاتَ، بْنِ لَاوِي، بْنِ مَلْكِي، بْنِ يَنَّا، بْنِ يُوسُفَ، 25 بْنِ مَتَّاثِيَا، بْنِ عَامُوصَ، بْنِ نَاحُومَ، بْنِ حَسْلِي، بْنِ نَجَّايِ، 26 بْنِ مَآثَ، بْنِ مَتَّاثِيَا، بْنِ شِمْعِي، بْنِ يُوسُفَ، بْنِ يَهُوذَا، 27 بْنِ يُوحَنَّا، بْنِ رِيسَا، بْنِ زَرُبَّابِلَ، بْنِ شَأَلْتِيئِيلَ، بْنِ نِيرِي، 28 بْنِ مَلْكِي، بْنِ أَدِّي، بْنِ قُصَمَ، بْنِ أَلْمُودَامَ، بْنِ عِيرِ، 29 بْنِ يُوسِي، بْنِ أَلِيعَازَرَ، بْنِ يُورِيمَ، بْنِ مَتْثَاتَ، بْنِ لَاوِي، 30 بْنِ شِمْعُونَ، بْنِ يَهُوذَا، بْنِ يُوسُفَ، بْنِ يُونَانَ، بْنِ أَلِيَاقِيمَ، 31 بْنِ مَلَيَا، بْنِ مَيْنَانَ، بْنِ مَتَّاثَا، بْنِ نَاثَانَ، بْنِ دَاوُدَ، 32 بْنِ يَسَّى، بْنِ عُوبِيدَ، بْنِ بُوعَزَ، بْنِ سَلْمُونَ، بْنِ نَحْشُونَ، 33 بْنِ عَمِّينَادَابَ، بْنِ أَرَامَ، بْنِ حَصْرُونَ، بْنِ فَارِصَ، بْنِ يَهُوذَا، 34 بْنِ يَعْقُوبَ، بْنِ إِسْحَاقَ، بْنِ إِبْرَاهِيمَ، بْنِ تَارَحَ، بْنِ نَاحُورَ، 35 بْنِ سَرُوجَ، بْنِ رَعُو، بْنِ فَالَجَ، بْنِ عَابِرَ، بْنِ شَالَحَ، 36 بْنِ قِينَانَ، بْنِ أَرْفَكْشَادَ، بْنِ سَامِ، بْنِ نُوحِ، بْنِ لَامَكَ، 37 بْنِ مَتُوشَالَحَ، بْنِ أَخْنُوخَ، بْنِ يَارِدَ، بْنِ مَهْلَلْئِيلَ، بْنِ قِينَانَ، 38 بْنِ أَنُوشَ، بْنِ شِيتِ، بْنِ آدَمَ، ٱبْنِ ٱللهِ.
1 وْلَا يَسُوعْ مَنْ الأُرْدُنْ مْعَمَرْ بْرُوحْ الْقُدُسْ ، وْ دَاهْ الْرُوحْ لَصَحْرَا 2 يْجَرَبْ فِيهْ ابْلِيسْ رَبْعِينْ يُومْ وْ مَا كْلَا وَالُو فِي دُوكْ لْيَامْ وْ مْعَ التَالِي جَاعْ . 3 وْ ڤَالَهْ ابْلِيسْ : " اِلَا كُنْتْ اِبْنْ الله ، ڤُولْ لْهَادْ لْحْجَرْ يْوَلِي خُبْزْ ". 4 جَاوْبَهْ يَسُوعْ وْ ڤَالَهْ :"مَكْتُوبْ فِي كْتَابْ الله : مَاشِي بْلْخُبْزْ وَحْدَهْ يْعِيشْ الْإِنْسَانْ ، بَصَحْ بْكُلْ كَلْمَة مَنْ الله ". 5 وْ طَلْعَهْ ابْلِيسْ لْوَاحَدْ لْبْلَاصَة عَالْيَة وْ مَنْبَعْدْ وَرَاهْ ڤَاعْ لْمَمَالَكْ تَاعْ الدْنْيَا . 6 وْ ڤَالَهْ إِبْلِيسْ : "غَادِي نَعْطِيكْ الْسُلْطَة عْلَى ڤَاعْ هَادْ لْمَمَالِيكْ وْ لْعَزْ تَاعْهَا عْلَى خَاطَرْ نْتْمَدَتْلِي وْ نَعْطِيهَا لَمَنْ نَبْغِي . 7 دَرْوَكْ سْجَدْلِي وْ هَاكْ الشِي ڤَاعْ يْوَلِي تَاعَكْ". 8 رَدْ عْلِيهْ يَسُوعْ وْ ڤَالَهْ : مَكْتُوبْ فِي كْتَابْ الله : لِلرَّبْ إِلَاهَكْ تَسْجِدْ وْ هُوَ وَحْدَهْ لِي تَعْبَدْ ". 9 وْ دَاهْ إِبْلِيسْ لْأُورْشَلِيمْ وْوَڤْفَهْ عْلَى الْحَافَة تَاعْ سَطْحْ تَاعْ الْهَيْكَلْ وْ ڤَالَهْ : " إِلَا كُنْتْ ابْنْ الله قِيسْ رُوحَكْ مَنْهْنَا لَلْتَحْتْ 10 عْلَى خَاطَرْ مَكْتُوبْ غَادِي يْوَصِي لْمَلَايْكَة تَاعَهْ عْلِيكْ بَاشْ يْسَلْكُوكْ 11 وْ عْلَى يْدِيهُمْ يْرَفْدُوكْ بَاشْ رَجْليكْ مَاتْنْضْرَبْشْ مْعَ لَحْجَرْ ". 12 جَاوْبَهْ يَسُوعْ وْ ڤَالَهْ : " مَا تْجَرَبْشْ الْرَّبْ إِلَاهَكْ ". 13 وْ كِي كَمَلْ إِبْلِيسْ ڤَاعْ الْتَجَارِبْ فَارْقَهْ وْ خْلَاهْ حْتَى لَلْوَقْتْ . 14 وْ وْلَى يَسُوعْ لْبْلَادْ لْجَلِيلْ وْ هِوَ مْعَمَرْ بْقُوَة الْرُوحْ القُدُسْ وْ تْشَيَعْ لْخْبَرْ فِي ڤَاعْ الْجْوَايَهْ 15 وْ كَانْ يْعَلَمْ فِي الْمَجَامِعْ وْ ڤَاعْ الْنَاسْ كَانَتْ تْشَكْرَهْ . 16 وْ جَا يَسُوعْ لْنَاصِرَة وِينْ كْبَرْ. وْ كِيمَا كَانَتْ لْعَادَة تَاعَهْ يَدْخُلْ لَلْمَجْمَعْ فْيُومْ السَبْتْ وْ وْڤَفْ بَاشْ يْقْرَا ، 17 وْ عْطَاوَهْ كْتَابْ تَاعْ الْنْبِي أَشْعِيَاءْ وْ كِي حَلْ لْكْتَابْ لْقَا لْبْلَاصَة لِّي مَكْتُوبْ فِيهْ : 18 " رُوحْ الْرَّبِّ عْلِيَّ ، عْلَى خَاطَرْخَيَرْنِي بَاشْ نْبَشَرْ لْمْسَاكِينْ بَلْبِشَارَة ، وْ رْسَلْنِي نْخَبَّرْ لِّي مَحْبُوسِينْ بَلِّي غَادِي يَنْطْلَقْ سْرَاحْهُمْ ، وْ لْعَمْيِينْ غَادِي يْشُوفْوا ، وْ لْمَظْلُومِينْ غَادِي يْتْحَرُوا ، 19 وْ رْسَلْنِي بَاشْ نْخَبَّرْ بَلْعَامْ لِّي فِيهْ غَادِي يَقْبَلْ الرَّبْ شَعْبَهْ . " 20 وْ بَلَّعْ يَسُوعْ كْتَابْ الله وْ عْطَاهْ لَلْخَدَّامْ لِّي فِي لْمَجْمَعْ ، وْ جَمَّعْ . وْ ڤَاعْ لِّي فِي لْمَجْمَعْ يْشُوفُو فِيهْ . 21 وْ بْدَا يْڤُولَلْهُمْ : " لْيُومْ رَاهْ تْحَقَقْ هَادْ لْكْلَامْ وْ كِيمَا سْمَعْتُوهْ ". 22 وْ ڤَاعْ شَهْدُوا عْلِيهْ بَلَمْلِيحْ وْ تْعَجْبُوا مَنْ كْلَامْ الْنِّعْمَة لِّي كَانْ يَخْرُجْ مَنْ فُمَهْ ، وْ ڤَالُوا : "هَذَا مَاشِي وَلْدْ يُوسَفْ ؟". 23 وْ ڤَالَلْهُمْ يَسُوعْ : " عْلَى كُلْ حَالْ عَادِي تْڤُولًولِي هَادْ الْمْثَلْ : يَا طْبِيبْ دَاوِي بَعْدَ رُوحَكْ ! وْ ڤَاعْ دَاكْ الْشِي لِي سْمَعْنَاهْ صْرَا فِي كَفَرْنَاحُومْ ، دِيرَهْ هْنَا تَانِي فِي بْلَادَكْ". 24 وْڤَالَلْهُمْ : " نْڤُولَلْكُمْ الْحَقّْ : عُمُرْ شِي نْبِي مَا قَبْلُوهْ فِي بْلَادَهْ . 25 وْ بَلْحَقْ نْڤُولَلْكُمْ : بْزَافْ هَجَالَاتْ كَانُوا فِي إِسْرَائِيلْ فِي وَقْتْ إَليلِيَّا مَلِي حَبْسَتْ الْشْتَا ثَلَاثْ سْنِينْ وْ سَتْ شْهُرْ ، وْ مَلِي جَا جُوعْ صْعِيبْ فِي ڤَاعْ لْبْلَادْ ، 26 وْ الله مَرْسَلْشْ إِيلِيَّا غِيرْ لْوَاحَدْ لْمْرَا ، هَجَالَة كَايْنَة فِي ضِرْفَة جْوَايَه صَيْدَاء . 27 وْ كَانُوا فِي إِسْرَائِيلْ بْزَّافْ نْتَاعْ لْبُرْصْ فِي زْمَانْ الِنْبَي أَلِيشَعْ بَصَحْ حْتَى وَاحَدْ مَنْهُمْ مَا بْرَا غِيرْ نُعْمَانْ الْسُّرْيَانِي ". 28 وْ مَلِي سَمِعُوا ڤَاعْ لْحَاضْرينْ فِي لْمَجْمَعْ هَادْ لْكْلَامْ، زَعْفُوا بْزَّافْ 29 وْ نَاضُوا وْ خَرْجُوا بَرَّا لْمْدِينَة ، وْجَابُوهْ لَلْحَافَة تَاعْ جْبَلْ لِّي كَانَتْ مَبْنِيَة عْلِيهْ لْمْدِينَة بَاشْ يْقِيسُوهْ لَلْتَحْتْ . 30 بَصَّحْ هُوَ فَاتْ بِينَاتْهُمْ وْ رَاحْ . 31 وْ هَوَدْ لْكَفَرْنَاحُومْ ، وْ هِيَ مْدِينَة فِي الْجَلِيلْ ، وْ كَانْ يْعَلَمْ الْنَّاسْ نْهَارْ الْسَّبْتْ . 32 وْ تْعَجْبُوا مَنْ الْتَعْلِيمْ تَاعَهْ ، كِيفَاشْ كَانْ يَتْكَلَمْ بْسُلْطَانْ . 33 وْ كَانْ وَاحَدْ الْرَاجَلْ سَاكْنَهْ رُوحْ شَيْطَانْ نَجِسْ ، وْ بْدَا يْزَڤِي 34 وْ يْڤُولْ : " آهْ وَاشْ كَايَنْ بِينَّا وْ بِينَكْ يَا يَسُوعْ الْنَّاصِرِي ؟ جِيتْ بَاشْ تْهْلَكْنَا ! أَنَا نَعَرْفَكْ شْكُونْ نْتَ : نْتَ هُوَ قُدُّوسْ الله ! ". 35 نْتَهَرْ يَسُوعْ الرُّحْ وْ ڤَالْ : " اسْكُتْ ! وْ خْرُجْ مَنَهْ ! ". طَيَحْ الْرُوحْ الْرَاجَلْ فِي وَسْطْ الْنَّاسْ وْ خْرَجْ مَنَهْ مْبْلَا مَا يْأَدِيهْ . 36 وْ الْنَاسْ ڤَاعْ تْعَجْبُوا وْ ڤَالُوا فِيمَابِينَاتْهُمْ :" شَا هَادْ لْكَلْمَة ؟ عْلَى خَاطَرْ بلْطَانْ وْ قُوَّة يَامُرْ الْأَرْوَاحْ النَجِسَة وْ تَخْرُجْ ! ". 37 وْ سَمْعُوا عْلِيهْ ڤَاعْ هَادُوكْ النَّاسْ لِي سَاكْنِينْ ڤُدَّامْ دِيكْ لْمْدِينَة . 38 خْرَجْ مَنْ الْمَجْمَعْ وْ دْخَلْ لْدَارْ سِمْعَانْ . وْ كَانَتْ حْمَاةْ سِمْعَانْ مْرِيضَة وْ فِيهَا لْحُمَّى طَالْعَة بْزَّافْ . وْ طَلْبُوا مَنَهْ بَاشْ يْشْفِيهَا . 39 وْڤَفْ حْدَاهَا وْ نْتَهَرْ لْحُمَّى وْ بْرَاتْ !وْ تَمْتَمْ نَاضَتْ وْ ضَيْفَتْهُمْ . 40 وْ كِي غَرْبَتْ الْشَمْسْ ، جَاوْ الْنَّاسْ بَلْمَرْضَى تَاعْهُمْ لْعَنْدَ يَسُوعْ وْ كَانْ كُلْ وَاحَدْ وْ مَرْضَهْ ، وْ حَطْ يَدِّيهْ عْلَى كُلْ وَاحَدْ فِيهُمْ وْ شْفَاهُمْ . 41 وْ خَرْجُوا الْأَرْوَاحْ الْشِريرَة مَنْ بَزَّافْ نَاسْ وْ هُومَا يْزَڤُو وْ يْڤُولُوا : " نْتَ الْمَسِيحْ ابْنْ الله !" . وْ نْتَهَرْهُمْ يَسُوعْ وْ مَاخَلَاهُمْشْ يَهَدْرُوا ، عْلَاخَطَرْ عَرْفُوهْ بَلِي هُوَ المَسِيحْ . 42 وْ فَصْبَاحْ بَكْرِي خْرَجْ يَسُوعْ وْرَاحْ لْوَاحَدْ لْمْكَانْ خَالِي ، وْ كَانُوا النَّاسْ يْحَوْسُوا عْلِيهْ . جَاوْ عَنْدَهْ وْ حَكْمُوهْ بَاشْ يَڤْعُدْ مْعَاهُمْ . 43 بَصَّحْ هُوَ ڤَالَلْهُمْ : " يْلَاقْ نْرُوحْ نْبَشَرْ المُدُنْ لُخْرِينْ بَلْمَلَكُوتْ تَاعْ الله ، عْلَى خَاطرء هَادْ الشِي جِيتْ ". 44 وْ كَانْ يْخَبَّرْ بَلْبِشَارَة فِي لْمَجَامِعْ تَاعْ لْجَلِيلْ .
1 كِكَانْ الْنَّاسْ يَدَّامْرُو عْلِيه بَاهْ يَسَمْعُوا كْلَام الْلَّه، كَانْ يَسُوعْ وَاڤَفْ عَنْدْ بُحَيْرَة جَنِّسَارَتَ . 2 و شَافْ زُوجْ فْلَايَكْ حَابْسِينْ حْدَا الْبُحْيْرَة وْ خَرْجُوا مَنْهُم الْبَحَّارَة بَاشْ يَغَّسْلُوا شَبَّاكْهُم . 3 دْخَلْ لْوَحْدَة مَنْهُمْ نْتَاعْ سَمْعَانْ و طْلَبْ مَنَّه بَاهْ يْبَعَّدْ شْوِيَة عْلَى الْبَّر ومْبَّعْد جَمَّع و بْدَا يْعَلَّم فَالْنَّاسْ مَنْ الْفْلُوكَة . 4 و كِكَمَّلْ كْلَامَه ڤًالْ لْسِمْعَانْ :" رُوحُوا لَلِعُمْقْ و قِيسُوا الْشَبَّاكْ الْتَّاعْكُمْ بَاهْ تْصَيْدُوا ". 5 جَاوْبَه سَمْعَانْ و ڤَالْ : " تْمَرْمَدْنَا ڤَاعْ الْلِّيلْ يَاسِيدِي و حْنَا أَنْصَيْدُوا و مَلْقِينَا حَتَّى حَاجَة . بَصَّحْ عْلَى كَلْمَتَّكْ غَادِي نْقِيسْ الْشَّبْكَة ". 6 كِدَارُوا هَادْ الْشِّي صَيْدُوا بَزَّافْ الْحُوتْ حَتَّى بْدَاتْ شَبْكَتْهُم تَتْڤَطَّعْ . 7 و رَيَّشْ لْهَادُوكْ لِكَانُوا فَالْفْلُوكَة أُحْدُخْرَى بَاهْ يْجُوا وَيْعَوْنُهُمْ . جَاوْ عَمْرُوا الْفْلَايَكْ نْتَاعْهُمْ حَتَّى ڤَرْبُوا يَغَّرْقُوا . 8 كِشَافْ سِمْعَانْ بُطْرُسْ هَادْ الْشِّي رْكَعْ عَنْدْ رَجْلِينْ يَسُوعْ و ڤَالَه: "أُخْرُجْ مَنْ فْلُوكْتِي يَاسِيدِي عْلَى خَاطَرْ أَنَا رَاجَلْ خَاطِي". 9 عْلَى خَطَرْشْ تْعَجَّبْ هُوَ و ڤَاعْ هَادُوكْ لِمْعَاه مَنْ الْحُوتْ لِصَيْدُوهْ . 10 وتَانِي يَعْقُوبْ و يُوحَنَّا و وْلَادْ زَبَدِي لِكَانُوا شُرْكَا مْعَ سِمْعَانْ. و ڤَالْ يَسُوعْ لْسِمْعَانْ : " مَتْخَافْشْ مَنْ الْيُومْ تْوَلِّي تْصَيَّدْ فَالْنَّاسْ !". 11 مَمْبَعْدْ رَدُّوا فْلَايَكْهُم و خَلُّوا كُلْشِي و تَبْعُوا يَسُوع . يَسُوعْ يَشْفِي لَبْرَسْ 12 كِكَانْ فِي وَحْدْ الْمْدِينَة ، كَانْ وَاحَدْ الْرَّجُلْ مْعَمَّر بْرَصْ. كِشَافْ يَسُوعْ طَاحْ رْكَعْ عْلَى وَجْهَه و طَلْبَه و ڤَالَه :" يَاسِيدِي، إِذَا بْغِيتْ تَقْدَرْ اطَهَّرْنِي". 13 مَدْ يَدَّه و تْلَمْسَه و ڤَالَه : " بْغِيتْ ، تْنَقَّى ". تَمتَمء بْرَى . 14 وَصَّاه يَسُوع بَاه مَيْڤُول حَتَّى وَاحَد . و ڤَالَه :" رُوحْ وَرِّي رُوحَكْ لَكَّاهَنْ ، و قَدَّم تَقْدِيمَة عْلَى نْقَاوَة تَاعَكْ كِيمَا وَصَّى مُوسَى بَاشْ يْكُونْ شْهَادَة لِيهُم". 15 زَادْ شَاعْ خَبْرَه . و تْلَايْمُوا بَزَّافْ الْنَّاسْ بَاه يَسَّمْعُوا و شْفَاوْ مَنْ مَرْضْهُمْ . 16 بَصَّحْ كَانْ يَعْتَزِلْ فالْبْلَايَصْ الْخَوْيَا و يْصَلِّي . شِفَاء مَشْلُولْ 17 و فْوَاحَدْ نْهَارْ كَانْ يَسُوعْ يْعَلَّمْ ، و كَانُوا فَارِسْيِّينْ مْعَلْمِينْ الْشَّرِيعَة قَاعْدِينْ و هُمَا جَاوْ مَنْ ڤَاعْ دْوَاوِيرْ لِفَالْجَلِيلْ الْيَهُودِيَة و أُورُشَلِيمْ . و بْقُوَّة الْرَّبْ لِكَانَتْ مْعَاهْ بْرَاوْ ڤَاعْ . 18 وْ جَاوْ نَاسْ رَافْدِينْ عْلَى الْفْرَاشْ وَاحَدْ مَشْلُولْ ، و كَانُوا احَوْسُوا كِيفَاشْ يْدِيرُوا بَاهْ يْدَخْلُوه و يْحَطُّوهْ فَالْوَسْطْ ڤُدَّامْ يَسُوعْ . 19 و كِيمَا لْقَوْشْ كِيفَاهْ يْدَخْلُوه طَلْعُوا لَسْطَحْ و هَوْدُوه بَفْرَاشَه مَنْ بِينْ الْقَرْمُودْ و حَطُّوهْ فَالْوَسْطْ قُدَّامْ يَسُوعْ . 20 و كِيشَافْ يَسُوعْ إِيمَانْهُمْ ڤَالْ لَلْمَشْلُولْ :" يَارَجَلْ ، مَغْفُورَة ذْنُوبَكْ ". 21 و بْدَاوْ الْكَتَبَة و الْفَرِّسِيُّونْ يْفَكْرُوا فِي ڤْلُوبْهُمْ و يْڤُولُوا " شْكُونْ هُوَ هَذَا لِيَكْفَرْ عْلَى رَبِّي ؟ شْكُونْ يْنَجَّمْ يَغْفَرْ ذْنُوبْ مَنْ غِيرْ رَبِّي وَحْدَه؟". 22 و عْرَفْ يَسُوعْ شَيْخَمَّمُوا ، و جَاوَبْهُمْ و ڤَالْهُمْ : " عْلَاشْ تْخَمَمُوا كِيمَا هَكَا فِي ڤْلُوبْكُمْ ؟ 23 شْكُونْ لِي سَاهَلْ: نْڤُولْ مَغْفُورَة ذْنُوبَكْ ، وَلَّا نْڤُولْ : نُوظْ اُومْشِي؟ 24 و بَاهْ تَعَّرْفُوا بَلِّي لِإِبْن الْإِنْسَانْ سُلْطَة عْلَى الْأَرْضْ بَاه يَغْفَرْ الْذْنُوبْ "، ڤَالْ لَلْمَشْلُولْ : " لِيكْ نْڤُولْ : نُوضْ وَرْفَدْ فْرَاشَكْ و رُوحْ لْدَارَكْ ! ". 25 تَمْتَمْ نَاضْ مَنْ ڤدَّامْهُمْ ، رْفَدْ فْرَاشَه ، و رَاحْ لْدَارَه و هُوَ يْمَجَّدْ الْلَّه. 26 و ڤَاعْ نْخَلْعُوا و مَجْدُوا الْلَّه، و خَافُوا بَزَّافْ و ڤَالُوا : " الْيُومْ شَفْنَا لَعْجَبْ !". 27 و مَمْبَعْدْ ڤَاعْ هَادْ الْشِّي خْرَجْ يَسُوعْ و شَافْ وَاحَدْ مَنْ جَبَّايِينْ الْضَّرَائِبْ يْسَمُّوهْ لَاوِي مْجَمَّعْ فِي دَار الْضْرِيبَة، و ڤَالَّه : "تَبَّعْنِي ". 28 نَاضْ و خَلَّا كُلْشِي و اتَّبْعَه . 29 و دَارْلَه لَاوِي ولِيمَة فِي دَارَه . و لِي كَانُوا حَاضْرِينْ مَتَّكْيِينْ مْعَاهُمْ كَانُوا ڤَاعْ عَشَّارِينْ وْوَحْدُخْرِينْ . 30 زَعْفُوا الْكَتَبَة و الْفَرِّسِيُونْ عْلَى تَلَامِيذْ يَسُوعْ و ڤَالُوا : "عْلَاشْ تَاكْلُوا و تَشَّرْبُوا مْعَ الْخُطَاة و الْعَشَّارِينْ؟". 31 جَاوَبْهُمْ يَسُوعْ و ڤَالْهُمْ : " مَشِّي الْصْحَاحْ لِيَسَّتْحَقُّوا الْطْبِيبْ ، بَصَّحْ الْمَرْضَى لِيَسَّتْحَقُّوا . 32 مَجِيتْشْ بَاه نْعَيَّطْ لَنَّاسْ لِتَتَّقِي الْلَّه بَصَّح لَلْمَذْنُوبِينْ بَاه يْتُوبُوا ". 33 الْبَعْضْ مَنْهُمْ ڤَالْ لْيَسُوعْ : "عْلَاشْ تَلَامِيذْ يُوحَنَّا يْصُومُوا و ايْصَلُّوا بَزَّافْ ، و تَانِي تَلَامِيذ الْفَرِّسِييِّنْ ، بَصَّحْ تَلَامِيذْ نْتَاعَكْ يَاكْلُوا و يَشَّرْبُوا ؟ ". 34 و جَاوَبْهُمْ يَسُوعْ : " تْنَجَّمْ تْخَلِّي الْمَعْرُوضِينْ يْصُومُوا و لَعْرِيسْ مَعَاهُم ؟ 35 بَصَّحْ غَادِي تْجِي يَمَاتْ وِينْ لَعْرِيسْ يَتَّرْفَعْ ، فْهَادَاكْ الْوَقْتْ غَادِي يْصُومُوا ". 36 و ڤَالْهُم تَانِي "مَكَانْ حَتَّى وَاحَدْ يْڤَطَّعْ لْبَاسْ جْدِيدْ و يْرَقَّعْ بِيه لْبَاسْ قْدِيم ، و إلَا دَارْ هَدَاكْ الْشِّي غَدِي يَتْڤَطَّعْ الْجْدِيدْ، و الْطَّرْف لَمْرَقَّعْ نْتَاعْ لْبَاسْ جْدِيدْ مَيْجِيشْ مْعَ لَقْدِيمْ . 37 حَتَّى وَاحَدْ مَيْنَجَّم يْدِيرْ شْرَابْ جْدِيدْ فِي ڤَرْبَاتْ قْدُمْ بَاشْ الْشْرَابْ الْجْدِيدْ، مَايْشَقَّقْشْ الْڤَرْبَاتْ . 38 و يْضِيعْ الْشْرَابْ بَصَّح الْشْرَابْ الْجْدِيدْ يَنْدَارْ فِي ڤَرْبَاتْ جْدُدْ . 39 و حَتَّى وَاحَد مَايُشْرُبْ لَشْرَابْ لَقْدِيمْ فَالْلَّوَّلْ و يَبْغِي يُشْرُبْ مَنْ مُورَاه شْرَابْ جْدِيدْ عْلَى خَاطَرْشْ يْڤُولْ : الْشْرَابْ لَجْدِيدْ ".
1 فْوَاحْدْ السْبْت فَاتْ يَسُوعْ مْنْ بِيْنْ الزَرْعْ، وْبْدَاو التَلاَمِيذْ تَاوْعَه يڤلعُوْا فْالسبُولْ بيدِيهُمْ وْيَاكْلُوْا. 2 وْڤَالُوْ لْهُّمْ وَحْدِينْ مْن الفَرِيْسِيينْ ، «عْلَاشْ رَّاكُمْ دِيْرُوْا الِّيْ مَايْلِيقْشْ نْهَارّْ الْسْبت؟". 3 جَاوْبْهُمْ يَسُوعْ وْڤَالْ: " مَاقْرِيتُوشْ شَّا دَارْ دَاوُّدْ، كِي جَاعْ هُوَ وْهَادُوكْ الِّي كَانُوْا مْعَاهْ؟، 4 كِيفَاهْ دْخْل بِيتْ الله وْجْبدْ الخُبْزْ الِّي قْدمُوهْ لله وْكْلاَ ، وْمْد لْرْجَالْ الي مْعَاْه، لِي مَايْلِيقْشْ يَاكْلَه حْتَى وَاحْدْ غِيْرْ الكَهَنَةْ وحَدْهُمْ. 5 وْڤَالْهُمْ يَسُوعْ : «إِبْنْ الإِنْسَانْ هُوَ رَّبْ السْبْت». 6 فْي السْبْت وَاحْدْ آخرّْ وهوَ فْى المَجْمَعْ يْعْلمْ . وْكَانْ ثَمَة رَّجْل يْدَهْ اليُمْنَى مْشلُولَة، 7 وْكاَنُوْا الكَتَبَة وْالفَرِيْسِيِّين يْعَسٌوْا يَسُوعْ، إِذَا غَادِيْ يْشْفِي فِيْ نْهَارّْ السَبْتْ بَاشْ يْلْقُوْا عْلِيْه التُهْمَة. 8 وَعْرفْ يَسُوعْ شَّا كَانُوْا يْخَمُّوْا وْڤَالْ لّْرَّاجْل لِّيْ يْدَهْ مْشْلُولَة:« نُّوضْ وْڤَفْ فْى الّْوسْط»، وْنَاضْ الرَّاجْل وْوْڤَفْ. 9 وْڤَالْ لْهُمْ يَسُوعْ : "غَادِيْ نْسَقْسِيكُمْ، شَّا هُوَ الٍّي حْلاَلْ فِيْ نْهَارْ السَبْتْ؟، نْدِيْرُّوا الخِيْرّْ وْلاَ نْدِيرُّوْا الشَرّْ؟، نْسْلْكُوْا رُّوحْ وْلاَ نْكُّتْلُوهَا؟" 10 ودَّارّْ وْشَافْ فِيهُمْ وْڤَالْ للْرَّاجْلْ مْدْ يْدَكْ، وْكِيْ هُوَ مْدْهَا وْلَّاةْ صْحيِحَة كِيمَا لُّخْرَّى. 11 زَعْفُوا بْزَافْ وْوْلاَّوْ يْتْشَاوْرُوا شَّا غَادِيْ يْدِيروْا لْيَسُوعْ. يسوع يخير ثناشّ رسول 12 فِيْ دِيكْ لِّيَامْ طْلَعْ يَسُوعْ لْلّْجْبْل بَاشْ يْصْلي ، وْبْقَى ڤَاعْ اللِيلْ وْهُوَ يْصْلِيْ لله. 13 فْى صْبَاحْ كِيْ طْلَعْ نْهَّارّْ، عْيطْ لّْتَلَامِيْذْ تَاوْعَهْ وْاخْتَارْ مْنهُمْ ثْنَاشْ، لِّيْ سْمَاهُمْ "الرُّسُلْ" وْهُمَا: 14 سِمْعَانَ الِّيْ سَمَّاهُ تَانِي بُطْرُسَ وَأَنْدَرَاوُسَ خُوهْ. يَعْقُوبَ وَيُوحَنَّا. فِيلُبُّسَ وَبَرْثُولَمَاوُسَ. 15 مَتَّى وَتُومَا. يَعْقُوبَ بْنَ حَلْفَى وَسِمْعَانَ الِّي يْسُمُوهْ الْغَيُورَ. 16 يَهُوذَا بْنَ يَعْقُوبَ وَيَهُوذَا الإِسْخَرْيُوطِيَّ اْلِّيْ خَانْ يَسُوعْ. بركات ودعاوي 17 وْهَوّْدْ مْعَاهُمْ يَسُوعْ وْوْڤْفْ فِي مَوْضِعْ سَهْلْ، هُوَ وْجْمَاعَة مْن تَلاَمِيذْ تَاوْعَهْ، وْنَاسْ بْزَافْ مْنْ كُلْ بْلاَدْ اليَهُودِيَةْ وْأُورْشَالِيمْ وْسَاحْلْ صُّورْ وْصَيْدَا، وْجَاوْ يْسْمْعُوْا وْيشْفُوا مْن مَرّْضْهُمْ. 18 وْالمْتْعَذْبِينْ مْن رّْوَاحْ النَجِسَة كَانُوْا يْبْرًّاو. 19 وْڤَاعْ النَاسْ بْغَاوْ يْتْلَمْسُوهْ عْلَى خَاطَرْ كَانَتْ تُخْرجْ مَنَهْ قُوَةْ تْشْفِيهُمْ ڤَاعْ. 20 وَرْفَدْ عِينِيهْ وْشَافْ فِى التَلاَّمِيذْ وْڤَاْل: « سَعْدَاتْكُمْ المَسَاكِيْنْ، خَاطَرْ لِيْكُمْ مَلَكُوْتْ الله. 21 سَعْدَاتْكُمْ يَالِّيْ رَّاكُمْ جِيْعَانِينْ، عْلَى خَاطَرْ غَادِي تْشَبْعُوْا، سَعْدَاتْكُمْ يَالِّيْ رَّاكُمْ تْبْكُوْا دُورّكْ، على خَاطَّرْ غَادِيْ تْفَرّْحُوْا. 22 سَعْدَاتْكُمْ مْنْ لِّيْ يْكَرّْهُوكُمْ النَاسْ، وْيْفَرْزُوكُمْ وْيْعَايْرُوكُمْ، وْيرُّدُوْا إِسْمكُمْ عَارّْ وْشْبْهُوكُمْ بْالشرِّيْرْ عْلَى جَالْ إِبْنْ الإِنْسَانْ. 23 فْدَاكْ نْهَارّْ اِبْتَهْجُوْا وْطِّيْرُوْا بْالفَرّْحَةْ، عْلَى خَاطَرّْ يْكُونْ عنْدْكُمْ أَجْرّْ عْظِيْمْ فِى السْمَا، عْلَى خَاطَرّْ هَكَا كَانُوْا يْدِيْرُوْا الَّوْلِيْنْ فِى الأَنْبِيَاءْ. 24 وَيَا وِيْلْكُمْ يَانْتُومَا لْمْتْرَفْهِينْ عْلَى خَاطَرْ تْعَزِيْتُوْا. 25 وِيْلْكُمْ لِّي تْشْبْعُوْا عْلَى خَاطَرْ غَادِيْ تْجُوْعُوْا، وْيَاوِيْلْكُمْ نْتُومَا لِّيْ تْضَحْكُوْا عْلَى خَاطَرّْ غَادِيْ تْحَزْنُوْا وْتْبْكُوْا. 26 يَاوِيْلْكُمْ إِذَا شْكْرُّوكُمْ ڤَاعْ النَاسْ ،عْلَى خَاطَرّْ هَكَا دَارُّوْا مْعَ الأَنْبِيَاءْ الكَذَبَةْ. 27 "صَحْ نْڤُولْكُمْ: حْبُّوْا عْدْيَانْكُمْ ،وْدِيْرُّوْا الخِيْرْ مْعَ لِّيْ يْكَرّْهُوكُمْ، 28 وْبَارْكُوْا لِّيْ يَلْعَنْكُمْ، وْدْعُوْا بْالخِيْرْ عْلَى لِّيْ يْتْمنَالْكُمْ الشَرّْ وْيْضَرّْبُوكُمْ. 29 لِّيْ يْضَرّْبَكْ عْلَى خْدَكْ عْطِيْلَهْ خْدَكْ الزَاوْجْ ، تَانِيْ لِّيْ دَالْكْ كْسَوْتَكْ مَاتْمنَعْشْ عْلِيهْ كْسَوتْكْ. 30 وْلِّيْ طْلبْ مْنَكْ شِيْ حَاجَةْ عْطِيْهَا لَهْ ، وْلِّيْ دَّا مْنْ عْندَكْ حَاجَةْ ،مَاتْعَاوْدْشْ تْدِيْهَا مْنْ عَنْدَهْ. 31 كِيْمَا تْبْغُوْا يْدِيْرُّوْا مْعَاكُمْ النَاسْ دِيْرُو نْتُومَا تَانِيْ مْعَاهُمْ. 32 وِإذَا بْغِيْتُوْا غِيْرْ لِّيْ يْبْغُوكُمْ ، شَا هِيَ المْزِيَة لِّي عْندكُمْ ؟عْلَى خَاطَرّْ حْتَى الخُطَاةْ يْبْغُوْا لِّيْ يْبْغُوهُمْ، 33 وِيلاَّ دَرْتُوْ الخِّيْرْ غِيْرْ مْعَ لِّيْ يْدِيْرُوهْ لْكُمْ ، شَا هِيَ المْزِيَة لِّيْ عَنْدْكُمْ؟ ،عْلَى خَّاطَرْ حْتَى الخُطَاةْ يْدِيرُوْا هَكَا. 34 وِيلاَ سْلفْتُوْا غِيْر لِّيْ تْقَارْعُوْلْهُمْ بَاشْ اِيْردُوْلْكُمْ ، شَا هِيَ المْزِيَة لِّيْ عَنْدْكُمْ؟ خَاطَرْشْ حْتَى الخُطَاةْ تَانِيْ اسَلْفُوْا لْلْخُطَاةْ بَاشْ اِرَجْعُولْهُمْ هُمَا تَانَي. 35 بْصَحْ حْبُّوْا عْدْيَانْكُمْ، وْدِيرُوْا الخِيْرْ وْسلفُوْا مْبْلَا مَاتْقَارْعُوْا بَاهْ اِرْدُوْلْكٌمْ، وْهَكَا يْكُونْ اَجْرْكُمْ كْبِيرْ وْغَادِي تْكُونُوْا وْلاَدْ الله العَالِيْ ، عْلَى خَاطَرْ يْنْعمْ عْلَى النْكَارِيْنْ الخِّيْرْ وَالمْذْنبِينْ. 36 وْتْكُوْنْ فِيكُمْ الرَحْمَةْ كِيمَا بُوكُم رَحِيمْ. 37 "مَاتْحْكْمُوشْ عْلَى حْتَى وَاحدْ بَاشْ مَاتْتْحَكْمُوشْ نْتُومَا تَانِيْ . اغْفْرُوْا وْغَادِيْ يْتَغْفَرْلْكُمْ. 38 مْدُوْا وْغَادِيْ يْتْمَدْ لْكُمْ، لْكِيْلْ لّْمْلِيْحْ وَفَايْضْ لِّيْ يْنحَطْ فِي حْجَرْكُمْ ،عْلَى خَاطَرْ بْالْكِيْلْ لِّيْ تْكِيْلُوْا بِيْه هَكَا يْتْكَالْ لْكُمْ". 39 وْضْرْبْلْهُمْ مَثَلْ وْڤَالْهُمْ : "يْنْجْمْ عْمَّى يْڤَاوْدْ عْمَّى ؟ زَعْمَا مَاغَدِيْشْ يْطِيْحُوْا فِي حَفْرَةْ؟ 40 مَكَانْشْ تْلمِيْذْ خِيْرْ مَنْ مُعَلِمْ تَاعَهْ، بْصَحْ كُلْ تْلمِيْذْ وَاصْلْ غَادِيْ يْولِيْ كِيْمَا مْعْلمْ تَاعَهْ. 41 عْلاَشْ تْشُوفْ الخْشْبَة لِّيْ فْى عِيْنْ خُوْكْ ، وْمَاتْفْطْنْشْ لْلْعُودْ لِّيْ فِيْ عِينِيْكْ؟ 42 وْكِيْفَاشْ تْڤُولْ لْخُوكْ: يَاخُويَا ، خْلِيْنِيْ نْڤْلَعْ الخْشْبَةْ لِّيْ فِى عِيْنَكْ ، وْعِيْنَكْ نْتَا فِيْهَا عُودْ؟ مْشِيْ تْنحِيْ يَامُنَافِقْ العُوْدُ لِّيْ فِى عِينَكْ! وْفِى دِيْكْ السَاعَةْ تْشُوفْ مْلِيْحْ بَاهْ تْڤْلَعْ الخْشْبَةْ مْنْ عِيْنْ خُوْكْ.ْ 43 "مَكَانْشْ شْجْرَةْ مْلِيْحَة لِّيْ تْمْد الغَلَةْ مَشِيْ مْلٍيْحَة، وْمَكَانْشْ شْجْرَةْ مَشِيْ مْلِيحَةْ لِّيْ تْمَدْ الغَلَةْ لْمْلِيْحَةْ. 44 كُلْ شَجْرَةْ تْنَعْرّْفْ مَنْ غْلْتهَا عْلَى خَاطَرْشْ نَاسْ مَاتْڤْلَعْشْ الحُرَّةْ مَنْ الشُوكْ وْالَعْنَبْ مَنْ السَدْرَةْ. 45 لْبْنَادمْ لْمْلِيْحْ اِخَرْجْ لَحْوَايْجْ لْمْلاَّحْ مَنْ الكَنْزْ المْلِيْحْ لِّيْ فِيْ ڤَلْبهْ، وْالبْنَادمْ الشْرِيْرْ اخْرْجْ لَحْوَايْجْ لِمَشِيْ مْلاَّحْ مَنْ الكَنْزْ الشْرِيرْ لِّيْ فِي ڤْلْبَهْ عْلَى خَاطَرْ مَنْ مْن لِيْ يْتْعَمَرّ الڤْلْبْ يْتْكْلْمْ الّْلْسَانْ". 46 " وَعْلاَشْ تْعيطُوْا لِّيَ يَارَّبِي يَارَّبِي وْنْتُومَا مَادِيْرُوشْ شَا نْڤُوِلْ؟ 47 كُلْ وَاحدْ يْجِيْ عْنْدِيْ وْيْسمَعْ كْلاَمِيْ وْيْدِيرْ بِيْهْ. 48 إِشْبَّهْ الوَاحْدْ الرَّاجْلْ يْبْنِيْ دَارّْ وْحْفَرْ وَعْمَقْ وْحَطْ لْسَاسْ عْلَى الصَخْرَة، كِيْ فَاضْ الوَادْ دِيْكْ الدَارّْ مَاتْزَعْزعَتْشْ ، عْلَى خَاطَرْ هَدِيْكْ الدَارّْ كَانَتْ مَبْنِيَةْ عْلَى الصَّحْ. 49 وْبْصَّحْ لْيْسْمَعْ كْلَامِيْ وْمَا يْدِيْرْشْ بِيهْ ،إِشبَهْ لْرَاجْل بْنَى دَارَّهْ عْلَى تْرَابْ بْلاَمَا يْدِيْرْ لْسَاسْ ، كِيْ فَاضْ لْوَادْ طَاحتْ بْلْخَفْ ، وْكَانَتْ طِيْحْتَهْ قْوِيَة وْوَاعْرَةْ!".
1 و كِي كَمَّلْ هَدْرَتَّه و اسْمَعْ الْشَّعْبْ دْخَلْ لْكَفَرْنَحُومْ. 2 و كَانْ خَادَمْ قَائِدْ الْمِئَة ، مْرِيضْ وْ صَلْ الْمُوتْ ، وْ كَانْ عْزِيزْ عَنْدَه . 3 و كِي سْمَعْ عْلَى يَسُوعْ ، رْسَلَّه شْيُوخْ الْيَهُودْ يْحَاوْلُوه بَاهْ يْجِي و يَشْفِي خَادَمْ نْتَاعَه . 4 كِي جَاوْ لْعَنْدْ يَسُوعْ وْطَلْبُوا مَنَّه و لَحُّوا عْلِيهْ بَزَّافْ و قَالُولَه : " هُوَ يَسْتَاهَلْ بَاهْ تْعَاوْنَه ، 5 عْلَى خَاطَرْ يَبْغِي أُمَّتْنَا ، و هُوَ لِي بْنَالْنَا الْمَجْمَعْ ". 6 و رَاحْ يَسُوعْ مْعَاهُم و هُوَ مَزَالَه بْعِيدْ عْلَى الْدَّار، ارْسَلَّه قَائِدْ الْمِئَة صْحَابَه و يْڤُولُوا لَه : " يَسِيدِي مَتْعَيِّيشْ رُوحَكْ . عْلَى خَاطَرْ مَنَسْتَاهَلْشْ بَاهْ تُدْخُلْ تَحْتْ سْقَفْ دَارِي . 7 عْلَى خًَاطَرْ أَنَا مَنَسْتَهَلْشْ حَتَّى بَاهْ نْجِي لْعَنْدَكْ. بَصَّحْ ڤُولْ كَلِمَة و يَبْرَى الْخَادَمْ نْتَاعِي . 8 عْلَى خَاطَرْ أَنَا تَانِي انْسَانْ عَنْدِي لِي مَنْ فُوڤِي عَنْدْكُمْ الْسُّلْطَة ، و عَنْدِي جْنُودْ تَحْت يَدِّي . وَنْڤُولْ لْهَذَا : رُوحْ ! و يْرُوحْ ، و لَاخُرْ: أَرْوَاحْ ! وَيْجِي ، و لْعَبْدِي : دِيرْ هَذَا! و يْدِيرْ". 9 كِي سْمَعْ يَسُوعْ هَذَا تْعَجَّبْ مَنَّه، و دَارْ لْجَمْعْ لِي تَبْعَه و ڤَالْهُمْ : "نْڤُولْكُم : مَلْڤِيتْشْ ولا إِسْرَائِيلْ إِيمَانْ قَدْ هَذَا !". 10 وَلَّاوْ لِرْسَلْهُمْ لَدَّارْ، و لْقَاوْ لْخَادَمْ لِي كَانْ مْرِيضْ بْرَى . 11 و فِي يُومْ وَحْدَاخُرْ رَاحْ لْوَحْد الْمْدِينَة سَمُّوهَا نَايِينْ ، و رَاحُوا مْعَاه بَزَّافْ مَنْ تَلَامِيذْ نْتَاوْعَه و نَاسْ بَزَّافْ . 12 كِي ڤَرَّبْ لْبَابْ الْمْدِينَة، فَاتُوا وَحْدِينْ رَافْدِينْ مَيَّت، و كَانْ لَوْحِيدْ نْتَاعْ امَّه، و هِيَ هَجَّالَة و تَبْعُوهَا بَزَّافْ نَاسْ مَن لَمْدِينَة . 13 و كِي شَفْهَا الْرَّبْ تْحَنَّنْ عْلِيهَا، و ڤَالْهَا: " مَتَبْكِيشْ". 14 و ڤَرَّبْ عَنْدَه يَسُوعْ و تْلَمَّسْ الْنَّعْشْ، و وَڤْفُوا لِي كَانُوا رَافْدِينَه. و ڤَالَه: "يَا شَابْ، أَنَا نْڤُولَكْ: نُوضْ!". 15 تَمْ تَمْ جَمَّعْ الْمَيَّتْ و بْدَا يَهْدَرْ، و مَدَّه لُمَّه . 16 و خَافُوا ، مَجْدُوا الْلَّه و ڤَالُوا :" بَانْ فِينَا نَبِيْ عَظِيمْ ، و اتْفَقَّدْ الْلَّه شَعْبَه ". 17 و خْرَجْ هَاذْ لَخْبَرْ فِي ڤَاعْ الْيَاهُودِيَة و ڤَاعْ جْوَايَه لِي دَايْرِينْ بِهَا. يَسُوعْ و يُوحَنَّا الْغَطَّاسْ 18 و خَبَّرْ يُوحَنَّا تَلَامِيذْ تَاوْعَه بْهَادَا ڤَاعْ . 19 عَيَّطْ يُوحَنَّا لْزُوجْ مَنْهُمْ ، و رْسَلْهُمْ لْعَنْدْ يَسُوعْ و ڤَالَه : " أَنْتَا هُوَ لِي غَادِي تْجِي وَلَّا نْقَارْعُوا وَحْدَاخُرْ؟". 20 و كِي جَاوْ عَنْدَه دُوكْ زُوجْ رْجَالْ ڤَالُولَه " يُوحَنَّا الْغَطَّاسْ رْسَلْنَا لْعَنْدَكْ و ڤَالْ أَنْتَ: هُوَ لِي غَادِي تْجِي وَلَّا نْقَارْعُوا وَحْدَاخُرْ؟". 21 و دِيكْ الْسَّاعَة بَرَّى بَزَّافْ نَاسْ مَنْ مَرْضْهُمْ و خَرَّجْ شَيَاطِينْ شَرِّيرَة ، و رَدْ الْعَمْيَانْ يْشُوفُوا . 22 و جَاوْبْهُمْ يَسُوعْ و ڤَالْهُمْ :" رُوحُوا خَبْرُوا يُوحَنَّا عْلَى لِي شَفْتُوه و سْمَعْتُوه : الْعُمْيَانْ اشُوفُوا ، و الْعُرْجْ يَتْمَشُّوا و الْبْرُّسْ يَتْنَقَّاوْ ، و الْطُّرْشِينْ يَسَّمْعُوا ، و الْمُوتَى يَحْيُوا و الْمْسَاكَنْ يَسَّمْعُوا لَخْبَرْ. 23 و سَعْدَاتْ لِي مَيْشَكْشْ فِيَا ". 24 و كِي رَاحُوا تَلَامِيذْ يُوحَنَّا ، بْدَا يْخَبَّرْ فَالْنَّاسْ عْلَى يُوحَنَّا : "شَاخْرَجْتُوا اتْشُوفُوا فَالْخْلَا ؟ الْڤَصْبَة تْحَرَّكْهَا الْرِّيحْ ؟ 25 و لَّا شَخْرَجْتُوا اتْشُوفُوا ؟ بْنَادَمْ لَابَسْ قَشْ نْتَاعْ حْرِيرْ ؟ هَاوْ مُلَّاكْ لِلَابْسِينْ لْبَاسْ الْفَاخَرْ و الْحْرِيرْ هُمَا فِي قْصُور الْمْلُوكْ . 26 وَلَّا شَخْرَجْتُوا اتْشُوفُوا ؟ انْبِيْ؟ وَاه ، نْڤُولْكُمْ : و خِيرْ مَنْ انْبِيْ ! 27 هَذَا هُوَ لِي انْكْتَبْ عْلِيه : غَادِي نَرْسَلْ ڤُدَّامَكْ مَلَاكْ لِي يْوَجَّدْلَكْ الْطْرِيڤْ! 28 اعْلَى خَاطَرْ نْڤُولْكُمْ: مَنْ بِينْ الْمَوْلُودِينْ مَنْ الْنْسَى مَكَانْشْ الْنْبِي اعْظَمْ مَنْ يُوحَنَّا الْغَطَّاسْ، بَصَّحْ الْصْغِيرْ فِي مَلَكُوتْ الْلَّه هُوَ اعْظَمْ مَنَّه" 29 و ڤَاعْ الْنَّاسْ و الْعَشَّارِينْ كِي سَمْعُوا قْتَانْعُوا بْصِدقْ الْلَّه و تْغَطْسُوا بْمَعْمُودِيَة يُوحَنَّا . 30 بَصَّحْ الْفَرِّسِيُّونْ و عُلَمَاءْ الْشَّرِيعَة رَفْضُوا شَرِيعَة الْلَّه مَنْ جِيهَة رْوَاحْهُمْ ، و مَتْغَطْسُوشْ . 31 مَنْبَعْدْ ڤَالْ الْرَّبْ:" بْمَنْ نْشَبَّه نَاسْ هَاذْ الْجِيلْ ؟ 32 و شَيْشَبْهُوا؟ يْشَبْهُوا وْلَادْ ڤَعْدِينْ فَالْصُّوق و يْعَيْطُوا لْبَعْضاهُمْ الْبَعْضْ و يْڤُولُوا : زَمَّرْنَالْكُمْ و مَرْڤَسْتُوشْ . نَوَّحْنَالْكُمْ مَبْكِيتُوشْ. 33 عْلَى خَاطَرْشْ جَا يُوحَنَّا الْغَطَّاسْ مَايَكُلْشْ الْخُبْزْ و مَيُشْرُبْشْ الْشْرَابْ ، ڤَلْتُوا: عْلِيه فِيه شِيطَانْ . 34 جَا ابْنْ الْإِنْسَانْ يَاكُلْ و يُشْرُبْ تْڤُولُوا :عْلِيه هَذَا الْإِنْسَانْ يَاكُلْ و يُشْرُبْ ،و يْحَبْ الْعَشَّارِينْ و الْحُطَاة. 35 و الْحِكْمَة لَمْلِيحَة تْبَانْ فِي ڤَاع وْلَادْهَا". 36 سَقْسَاه وَاحَدْ مَنْ الْفَرِّسِيِينْ بَاشْ يَاكُلْ مْعَاهْ، و دْخَلْ دَارْ الْفِرِّيسِي و تَكَّى. 37 كَانَتْ وَحْدْ الْمْرَى خَاطْيَة فاَالْمْدِينَة ، و عَرْفَة بَلِّي يَسُوعْ مَتَكِّي فِي دَارْ الْفَرِّيسِي ، جَابَتْ قَرْعَ رِيحَة ، 38 و جَاتْ مَنْ مُورَاه و رَكْعَتْ لْعَنْدْ كَرْعِيهْ و هِيَ تَبْكِي ، و بْدَاتْ تْشَمَّخْ كَرْعِيه بَدْمُوعْ ، و كَانَتْ تَمْسَحْهُم بَشْعَرْ رَاسْهَا، و تْسَلَّمْ عْلَى كَرْعِيه و تَدْهَنْ فِيهُم بَالْرِّيحَة . 39 و كِي شَافْ الْفَرِّسِي لِي عَرْضَه دَاكْ الْشِّي، هِدَرْ مْعَ رُوحَه وڤَالْ:"لُوكَانْ جَا هَذَا انْبِيْ هَاذْ الْمْرَى شَا هِيَ ! بَلِّي هِيَ خَاطْيَة ". 40 جَاوْبَه يَسُوعْ و ڤَالْ :" يَا سِمْعَانْ، عَنْدِي حَاجَة نْڤُولْهَالْكُم ". و ڤَالْ:" ڤُولْ ، يَا سِيدِي". 41 " كَانْ وَاحَدْ يْسَالْ لزُوجْ . لَوَّلْ يْسَالَه خَمْسْ مِئَة دِينَارْ و لَلُخُّورْ خَمْسُونْ . 42 و كِيمَا مَعَنْدْهُمْشْ بَاشْ يْرَدُّوا الْدِّينْ سْمَحَّلْهُم لَزُّوجْ . ڤُولْ : شْكُونْ يْوَلِّي يَبْغِيهْ بَزَّافْ ؟". 43 جَاوَبْ سِمْعَانْ و ڤَالْ : " نْضُنْ الْلِّي سَامْحَه فَالْدِّنْ لَكْبِيرْ". ڤَالَه " رَاكْ حْكَمْتْ بَالْصْوَابْ ". 44 مَنْ بَعْدْ دَارْ لْعَنْدْ الْمْرَى و ڤَالْ لْسِمْعَانْ : << رَاكْ تْشُوفْ هَاذْ الْمِرَى ؟ دْخَلْتْ لْدَارَكْ ، و مَعْطِيتْنِيشْ حَتَّى نَغْسَلْ كَرْعِيَا . بَصَّحْ هِيَ غَسْلَتْ كَرْعِيَا بَدْمُوعْهَا و مَسْحَتْهُم بْشَعَرْهَا. 45 سْلَامْ مَسَلَّمْتْشْ، عْلِيَا بَصَّحْ هِيَ مَلِّي دَحْلَتْ مَحَبْسَتْشْ مَنْ سْلَامْ عْلَى كَرْعِيَا. 46 مَدْهَنْتْشْ رَاسِي بَالْزِّيتْ، بَصَّح هِيَ دَهْنَتْ كَرْعِيَا بَالْرِّيحَة . 47 عْلَى هَدَاكْ الْشِّي نْڤُولَكْ :انْغَفْرَتْ لَهَا خَطَايَا بَزَّافْ ، علَى خَاطَر حَبَّت بَزَّافْ . و الِّي يَنْتَغْفَرْلَهْ قْلِيلْ يْحَبْ قْلِيلْ ". 49 و مَنْ بَعْدْ ڤَالْهَا : " نْتَغَفْرَة لَكْ ذْنُوبَكْ ". 48 بْدَاو المَتَّكْيِينْ مْعَه يْڤُولُوا فِي نْفُوسْهُمْ " شْكُونْ هَذَا لِي يَغْفَرْ ذْنُوبْ تَانِي؟". 50 و ڤَالْ لَلْمْرَى : " إِيمَنَكْ سَلْكَكْ، رُوحِي بْسَلَامْ".
1 وْمْن بَعْدْ يَسُوعْ كَانْ يْرُوحْ مْنْ مْدِيْنَةْ لْمْدِيْنَةْ وْمَنْ دْوَارّْ لْدُوَارّْ، يْخْبَرْ وْيْبَشَرْ بْمَلَكُوتْ الله، وْمْعَاهْ تْلَامَذْ تَوعَه لْطْنَاشْ. 2 وْشِيْ نْسَا كَانْ شْفَاهُمْ مْن الأَرْوَاحْ الشْرِيْرَة وْلْمَرْضْ: مَرْيَمْ لِيْ سْمُوهَا المَجْدَلِيَةْ لِيْ خَرْجُوْ مْنْهَا سَبْعَة شَيَاطِيْنْ 3 وْيُونَا مَّرْةْ خُوزِيْ وْكِيْلْ هِيرُودُسْ وْسُوسْنَةْ، وْبْزَافْ وَاحْدَ أْخْرَاتْ كَانُوْ يْخدْمُو مْنْ دْرَاهْمْهُمْ. 4 وْكِيْ تْلَيْمُو عْلِيْهْ بْزَافْ نَاسْ لِيْ عْنْدَهْ مْنْ مْدِيْنَة هْدَرّ بْلْمْثلْ : 5 "خْرْجْ الزَارْعْ بَاشْ يْزْرَعْ الزَرْعِيَةْ تَاعَهْ، وْكِيْ كَانْ يْزْرَعْ طَاحُوْا شِيْ حْبَاتْ عْلَى الطْرِيْڤ، اْتَعْفْسْ عْلِيْهُمْ وْكْلَاوْهُمْ زّْوَاوْشْ. 6 وْطَاحُوا حْبَاتْ وَحْدْ خْرِيْنْ تَانِيْ عْلَى لَحْجَر، كِيْ نْبْتُوا يْبْسُوا عْلَى خَاطَرْ مَكَانْشْ الرُطُوبَة. 7 وْطَاحُوْا حْبَاتْ وْحْد خْرِيْنْ فِيْ وْسْطْ الشُوكْ نْبَتْ مْعَاهُمْ الشُوْكْ وْخْنڤهُمْ. 8 طَاحُوْا حْبَاتْ وْحْدْ خْرِيْنْ فِيْ أَرْضْ مْلِيْحَةْ وْصَالْحَة، كِيْ نْبْتُو أَعْطَاوْ مْيَةْ ضِعْفْ". وْڤالْ يَسُوعْ بْصُوتْ عَالِيْ : "لِيْ عْنْدَهْ وْذْنِيْنْ بَاشْ يْسْمَعْ، غِيْرْ يْسْمَعْ!". 9 سْقْسَاوْهْ تْلَامَذْ تَاوْعَه:" شَا يَعْنِي هَاذْ الْمَثَلْ؟". 10 ڤالْهُمْ: "نْتُمَا مَعْطِيَاتْلْكُمْ بَاشْ تْعَرْفُوْا أَسْرَارْ مَلَكُوْتْ الله ، بْصَحْ لَّخْرِيْنْ نْهْدَرّْ مْعَاهُمْ بْلْمْثُولْ، حْتَى هُومَا يْشُوفُو مَا يْمِيْزُوشْ، وْسَامْعِيْنْ مَا يْسْمعُوشْ. 11 وْهَذَا هُوَ مَعْنَى هَاذْ لْمْثلْ: الزْرْع هُوَ كْلَامْ الله، 12 لِيْ طَاحْ عْلَى الطْرِيْڤ هُومَا لِيْ يْسْمعُوْا كْلَامْ الله، وْمْنْبَعْدْ يْجِيْ إِبْلِيْسْ يْڤلَعْ لْكْلَامْ مْنْ ڤلُوبْهُمْ بَاشْ مَايَأَمْنُوشْ بِيْهْ وْمَيْسْلكُوشْ . 13 وْلِيْ طَاحْ عْلَى لَحْجَرْ هُومَا لِيْسْمعُوا كْلَامْ الله وْيْقبْلُوهْ بْالفَرْحَةْ ، كِيْ مَا مَعْنْدْهُومْش جْذُورْ، يَامْنُوْ وْقْتْ قْلِيْلْ ، وْكِيْ يْتْجَرّْبُو يْبَعْدُوْا عْلَى الِإيْمَانْ. 14 وْلِيْ طَاحْ فِيْ وْسْطْ الشُوكْ ، هُمَا لِيْ سْمْعُوْا كْلَامْ الله، بْصَحْ يْدُوهَا غِيْرْ فِي هْمُومْ الدْنْيَا وْشَهْوَاتْهَا، يْتْخَنْڤوا وْغْلَتْهُمْ مَا تْثْمَرْشْ . 15 وْلِيْ طَاحْ فْي لَّرْضْ الصَالْحَةْ وْلَمْلِيحَةْ، هُمَا لِيْ يْسْمعُوْا الكَلِمَةْ وْيَحَرْزُوهَا فِيْ ڤلْبْ صَالْحْ وْيْثمْرُو غِيْرْ بْالصَبْرّْ. 16 "مَا كَانْ حْتَى وَاحَدْ يْشْعْل المَصْبَاحْ وْيْغَطِيْهْ وْلَا يْحْطَهْ تَحْتْ السْرِيْرْ، بْصَحْ يْحْطَهْ فِيْ مُوضَعْ بَاشْ يْضَوِيْ كُلْ هَاذُوكْ الدَاخْلِيْنْ . 17 عْلَىْ خَاطَرْشْ مَكَانْشْ لْلِي مْخبِيْ وْمَا يْبَانْشْ، وْڤاعْ لْلِيْ مَسْتُورْ غَادِيْ يْنْفْضَحْ وْيْتنكْشَفْ. 18 رُدُّوْا بَالْكُمْ كِيْفَاشْ تْسْمْعُوْا عْلَى خَاطَرْ لْلِيْ عْنْدَهْ يْنْزَدْ لَهْ، وْلِيْ مَاعْنْدُوشْ يَحْسبْ رُوحَهْ عَنْدَه بْصَحْ غَادِيْ يْنْڤلَعْ لَهْ». 19 وْجَاتْ عْنْدَهْ أُمَه وْخَوْتَهْ ،مَاقْدْرُوشْ يْوصْلُوْا عَنْدَهْ مْنْ كْثْرَة النَاسْ. 20 خَبْرُوهْ وْڤالُو لَهْ: "أُمَكْ وْخَاوْتَكْ وَاڤفِيْنِ بْرَّا، بَاغْيِيِنْ يْشُوفُوكْ ". 21 جَاوْبْهٌمْ وْڤالَهُمْ: " أّْمَا وْخَاوْتِيْ هُمَا لِيْسْمْعُوْا كْلَامْ الله ويْدِيْرُوْا بِيه". 22 فِيْ وَاحْدْ النْهَارْ دْخَلْ لْفْلُوكَة تَاعَهْ هٌوَ وْتْلَامْذْ نْتَاعَهْ وْقَالْ لْهُمْ:" نْڤطْعُوا لْلْجِهَةْ لُّخْرَةْ نْتَاعْ الْبُحَيْرَةْ" .ڤلْعُوْا. 23 كِيْ كَانُوْا غَادْيِينْ رْڤدْ يَسُوعْ. وْتْحْرْكَتْ رِيْحْ قْوِيَةْ فِيْ الْبُحَيْرَةْ، وْلْفْلُوكَةْ تْعْمْرَتْ بْالْمَا وْلاَوْ فِيْ خَطَرْ. 24 ڤرْبُوا عَنْدَهْ وْنْوْضُوهْ وْقَالُو لَهْ: "يَاسِيْدِيْ ، يَاسِيْدِيْ رَانَا نْهْلْكُوْا!". نَاضْ يَسُوعْ وْهْدنْ لْمْوَاجْ، وتْهَدْنْتْ الْحَالَةْ . 25 وْمْبَعْدْ ڤالْهُمْ: " وِيْنْ رَاهْ إِيْمَانْكُمْ؟". خَافُوْا وْتْعْجْبُوا وْبْدَاوْ يْهْدْرُوْا بِيْنَاتْهُمْ " اْشْكُونْ هَذَا؟ يَامَرْ الرِيْحْ وْثَانِيْ الْمَا وْيْطِيعُوهْ!". 26 وْآمْشَاوْا لْبْلَادْ الجْدْرِيْينْ لْلِيْ مْڤابْلَةْ الجَلِيْلْ. 27 وْكِيْ خْرجْ للبَرْ ڤابْلَهْ وَاحدْ الرَاجْلْ مْن لْمْدِينَةْ كَانْ سَاكْنِينَهْ شَيَاطِيْنْ مْنْ مُدَةْ طْوِيْلَةْ، وْكَانْ مَالَابْسْ وَالُو، كَانْ بْلَا دَارّْ، وْيْسكُنْ فِيْ لْمقَبْرَةْ. 28 وْكِيْ شَافْ يَسُوعْ زْڤا بْصُوتْ عَالِيْ وْرْكَعْ لَهْ وْڤالْ بْصُوتْ عَظِيْمْ : " شَا بِيْنِيْ وْبِينَكْ يَايَسُوعْ إِبْنْ الله العَالِيْ؟ فِيْ وْجْهْ رْبِيْ مَاتْعْذْبْنِيْشْ!". 29 عْلَى خَاطَرْ أَمْرْ الْرُّوْحْ النَجِسْ بَاهْ يَخْرُجْ مْن الرَّاجْلْ. وْعْلَىْ خَاطَرْ مُدَةْ طْوِيْلَةْ كَانْ هَاذْ الْرُوحْ الْنَجِسْ إِسَيْطَرْ عْلِيْهْ، وْكَانْ مَرْبُوطْ وْمسْلسْل وْمَعْسُوسْ، وْكَانْ يْڤطَعْ الرْبَاطْ وْيقُودَهْ الشِيْطَانْ لْلَّخْلَّى. 30 سَقْسَاهْ يَسُوعْ وْڤالَهْ: " كِيْ يْسْمُوكْ؟". ڤالْ:"لَاجِيْئُونْ". أَعْلَى خَاطَرْ بْزَافْ شَيَاطِيْنْ دَخْلَتْ فِيهْ. 31 وْيْتْرجَاهْ بَاهْ مَا يْقِيْسَاهْشْ فِيْ الهَاوِيَةْ. 32 وْكَانْ ڤطْعَةْ تَاعْ الْحْلَالِيْفْ تْسَرَحْ فِيْ الْجْبلْ، طْلْبُو مْنَهْ بَاشْ يْخلِيهُمْ إِدَخْلُوا فِي الحْلَالِيْفْ، وْخْلَاهُمْ إِدَاخْلُوْا. 33 وْخَرْجُو الجْنُونْ مَنْ الرَاجْلْ وْدَخْلُوْا فْالَحْلَالِيْفْ، وجْرَا الڤطِيعْ لْلْحَافَةْ نْتَاعْ الْجبَلْ وْطَاحَتْ لَحْلَالِيْفْ فِيْ البُحَيْرَةْ وْغَرْقَتْ. 34 وْمْلِي شَافُوا السَرَاحَا شَا صْرَا هَرْبُوا وْبْدَاو يْبَرْحُوْا بْهَذَاكْ الشِيْ فِيْ الَمْدِينَة وْالدْوَاوِيْرْ، 35 وْخَرْجُوا النَاسْ بَاشْ يْشُوفُوا شَا صْرَاَ. وْجَاوْ عْنْدْ يَسُوعْ، وْلْڤاو الرَاجْلْ الْلِيْ خْرَجْ مْنَهْ الأَرْوَاحْ الشْرِيْرَةْ، مْجْمَعْ حْذَاَ رْجْلِيْه وْلَابْس حْوَايْجَهْ وْبْعَقْلَهْ وْهُمْ انْخَلْعُوْا. 36 وْخَبْرُوهُمْ هَاذُوكْ الْلِيْ شَافُوهْ صْرَّا، كِيْفَاشْ بَرَّا الرَّاجْلْ المَسْكُونْ وْلِيْ فِيْهْ الجْنُونْ. 37 وْطْلْبُوا ڤاعْ النَاسْ لْمنْ جِهَة تَاعْ الجَدْريِيِنْ مْنْ يَسُوعْ بَاشْ إِبَعْدْ عْلِيْهُمْ، عْلَى خَاطَرْ كَانُو خَايْفِيْنْ بْزَافْ . وْرْكَبْ يَسُوعْ الفْلُوكَةْ وْرْجَعْ مْن تْمَة. 38 "أَرْجَعْ لْدَارَكْ وْخْبَرْ ڤاعْ وَاشْ دَارْ رَّبِيْ فِيْكْ ". وْرَاحْ وْهُوَ يْبَرَحْ فِيْ ڤاعْ الْمْدِيْنَةْ شَا دَارْ بِيْهْ يَسُوعْ. 39 كِيْ وْلاَ يَسُوعْ رَحْبُوا بِيْه بْزَافْ النَاسْ خَاطَرْ كَانُوْا يْقَارْعُو لَهْ. 40 كِيْ وْلاَ يَسُوعْ رَحْبُوا بِيْه بْزَافْ النَاسْ خَاطَرْ كَانُوْا يْقَارْعُو لَهْ. 41 وْكَانْ رَاجْلْ سَمُوهْ يَايْرُسْ كَانْ رَئِيْسْ الْمَجْمَعْ، جَا عَنْدْ يَسُوعْ، وْطَاحْ عَنْدْ رْجْلِيْهْ وْحَلَهْ بَاشْ يْدْخُلْ لْدَارَهْ. 42 عْلَى خَاطَرْشْ كَانْ عْنْدَهْ غِيْرْ هَذِيْكْ البَنْتْ فِيْ عُمَرْهَا ثْنَاشْ سْنَة، وْكَانَتْ قْرِيْبْ تْمُوتْ، كِيْ جَا رَايَحْ غَبْنُوهْ النَاسْ. 43 وْكَانَتْ وَاحْدْ لْمْرَّا ثْنَاشْ سْنَةْ وْهِيَ تْدْمِيْ، وْقَاسْتْ قَاعْ دْرَاهْمْهَا فِيْ الطْبَةْ،وْحْتَى وَاحْدْ مَا قْدَرْ إِيْدَاوِيْهَا، 44 جَاتْ مُوْرَاهْ وْلَمْسَتْ ثُوبَهْ . وْتَمْتْمْ حْبْسْ نْزِيْفْهَا. 45 وْڤالْ يَسُوعْ :" شْكُونْ لْمَسْنِي ؟". وْكِيْ ڤاعْ نَكْرُوا ڤالْ بُطْرُسْ وْلِيْ كَانُوا مْعَاهْ: "يَاسِيْدِيْ ، بْزَافْ نَاسْ مْدَاوْرِينْ عْلِيْكْ وْيدَمْرُو فِيْكْ، وْنْتَا تْڤولْ: شْكُوْن تْلَمْسنِي؟". 46 وْڤالْ يَسُوعْ : "وْاحْد تْلْمسنِي ، عْلَى خَاطَرْ حسِيْت قَوَة خَرْجَتْ مْنِي". 47 وْكِيْ شَافَتْ لْمْرَّا رُوْحْهَا نْكَشْفَتْ، جَاتْ تَرْجْفْ وْرَكْعَتْ عَنْدَهْ ، وْخْبْرَتَهْ ڤدَامْ قَاعْ الشَعْبْ عْلَاشْ تْلْمْسَاتَهْ، وْكِيْفَاشْ بْرَاتْ تَمْتْمْ. 48 وْڤالْ لْهَا :"ثِقِي يَابْنْتِي إِيْمَانَكْ بْرَاكْ، رُوْحِيْ بْسْلَامَةْ". 49 وْكِي كَانْ هُوَ يَهْدَرْ، جَا وَاحْدْ مْن دَارّْ رَئِيْسْ المَجْمَعْ ڤالَهْ: " بْنْتَكْ مَاتَتْ. عْلَاهْ رَاكْ تْشقِي فْي المُعَلِمْ ". 50 وْسَمْعَه يَسُوعْ وْڤالْ لْيَايْرُسْ: "مَاتْخَافْشْ! غِيرْ أَمْنْ، وْبَنْتَكْ غَادِيْ تْبْرَّا". 51 وْمْلِي وْصَلْ لْلْدَارْ مَا خْلَا حْتَى وَاحْدْ يْدْخُلْ مِن غِيْر بُطْرُسْ وْيُوحَنَا وْيَعْقُوبْ، وْبُو البَنْتْ وُمْهَّا. 52 وْكَانُوا ڤاعْ النَاْسْ يْبكُوا وْيْنُوْحُوا عْلَى البَنْتْ. وْبْصَح يَسُوعْ ڤالْ لِيْهُمْ : " مَاتْبْكُوشْ عْلِيْهَا، عْلَى خَاطَرْ رَاهِيْ مَامَتَتْش وْبْصَحْ غِيْرْ رَّاڤدَةْ". 53 وْبْدَاوْ يْضَحْكُوا عْلِيْهْ ، خَاطَرْ كَانُوْا عَارْفِيْنْ بْلِيْ مَاتَتْ. 54 وْبْصَحْ هُوَ شَدْ البَنْتْ مْن يْدهَا وْعِيَطْ عْلِيهَا وْڤالْ : "نُوضِيْ، يَابْنْتِيْ !". 55 وْفْدِيْكْ السَاعَةْ رْجْعَتْ فِيْهَا الرُوحْ. وْنَاضْتْ وْڤالْ لْهُمْ بَاشْ يْعْطُوهَا تَاكُلْ. 56 وَنْخَّلْعُوا وَالْدِيْهَا. وْوْصَاهُمْ بَاشْ مَا يْخَبْرُوا وَاحدْ بْدَاكْ شِيْ لِيْ صْرَّا.
1 مْ تَلَامِيذْ لَطْنَاشْ ، وَعْطَاهُمْ قُوَّة وْ سُلْطَانْ عْلَى ڤَاعْ الْشَيَاطِينْ وْ بَاشْ يْشَافِيوْ لْمَرْضَى تَانِي ، 2 وْ رْسَلْهُمْ يْخَبْرُوا بْمَلَكُوتْ الله وْ يْشَافِيوْ لْمَرْضَى . 3 وْ ڤَالَلْهُمْ : " مَتَدُّوا وَالُوا مْعَاكُمْ فِي طْرِيڤْ : لَا ڤُفَة وَ لَا خُبْزْ وَ لَا فَضَّة ، وَ مَتَدُوشْ مْعَاكُمْ زُوجْ عْبَايَاتْ . 4 وْ كُلْ دَارْ تَدَخْلُولْهَا بَاتُوا فِيهَا ، وْ مَنْ تْمَّ خَرْجُوا . 5 وْ ڤَاعْ لِّي مَقْبَلْكُمْشْ خَرْجُوا مَنْ هَادِيكْ لَمْدِينَة وَ نَفْضُوا الغُبْرَة مَنْ رَجْلِيكُمْ وْ هَادْ شِي يَشْهَدْ عْلِيكُمْ ". 6 وْ كِي خَرْجُوا كَانُوا يْرُوحُوا لْكُلْ دَشْرَة يْخَبْرُوا وْ يَشْفُوا فِي كُلْ مَوْضَعْ . 7 سْمَعْ لْحَاكِمْ هِيرُودُسْ بْڤَاعْ دَاكْ شِي لِي كَانْ يْصْرَى وْ خَافْ ، لَخَاطَرْ جْمَاعَة كَانُوا يْڤُولُوا :" بَلِّي يُوحَنَا الْغَطَّاسْ قَامْ مَنْ الْمُوتْ ". 8 وْ جْمَاعَة خْرَى :( بَلِّي إِيلِيَّا بَانْ ) وْ لُخْرِينْ :" بَلِّي نْبَي تَاعْ بَكْرِي قَامْ ". 9 وْ ڤَالْ هِيرُودُسْ: " يُوحَنَّا لْغَطَّاسْ أَنَا لِّي ڤْطَعْتْلَهْ رَاسَهْ شْكُونْ هَدَا لِّي رَانِي نَسْمَعْ عْلِيهْ هَادْ شِي ؟" وْ كَانْ بَغِي يْشُوفَهْ . 10 وْ كِي رَجْعُوا الْرُسُلْ خَبْرُوهْ بْشِي لِّي دَارُوهْ وْ دَاهُمْ وْ رَاحْ وَحْدَهْ لْوَاحَدْ لْمَوْضَعْ خَاوِي يْتْسَمَى بَيْتَ صَيْدَا . 11 كِي سَمْعُوا بِيهْ هَادُوكْ الْنَّاسْ تَبْعُوهْ ، قْبَلْهُمْ وْ هْدَرَلْهُمْ عْلَى مَلَكُوتْ الله وْ لِّي كَانُوا مَرْضَى شْفَاهُمْ . 12 كِي قَرَبْ يَكْمَلْ الْنْهَارْ . جَاوْ عَنْدَهْ تْلَامَذْ لَطْنَاشْ وْ ڤَالُولَهْ : " سَرَحْ نَاسْ يْرُوحُوا لَدْشُرْ لِّي دَيْرِينْ بِيهُمْ بَاشْ يْبَاتُوا وْ يَلْقُوا شَا يَاكْلُوا ، عْلَى خَاطَرْ هْنَا رَانَا فِي مَوْضَعْ خَاوِي ". 13 ڤَالَلْهُمْ :" أَعْطُوهُمْ نْتُومَا يَاكْلُوا ". رَدُّوا عْلِيهْ وْ ڤَالُوا :" مَعَنْدْنَاشْ كْتَرْ مَنْ خَمْسَ خُبْزْ وْ زُوجْ حُوتَاتْ ، غِيرْ إِذَا رُوحْنَا نَشْرُوا مَاكْلَة لْڤَاعْ هَادْ شَعْبْ ". 14 عْلَى خَاطِرْ كَانُوا وَاحَدْ لْخَمْسَة رَاجَلْ . وْ ڤَالْ لْتْلَامَذْ تَاوْعَهْ :" لَمُوهُمْ خَمْسِينْ خَمْسِينْ ". 15 دَارُوا كِيمَا ڤَالَلْهُمْ وْ لَمُوا ڤَاعْ النَّاسْ . 16 أَرْفَدْ لْخَمْسْ خُبْزَاتْ وْ زُوجْ حُوتَاتْ وْ رْفَدْ عَيْنِيهْ لَسْمَا وْ بَارْكْ ، وْ مَنْ بَعْدْ ڤَسَمْ وْ عْطَى لْتْلَامَذْ تَاوْعَهْ يَعْطُوا لْنَاسْ . 17 كْلَاوْ وْ شَبْعُوا ڤَاعْ . وْ رَفْدُوا ڤَاعْ لِي بْقَالْهُمْ منْ الْخُبْزْ طْنَاعَشْ نْڤُفَّة . 18 وْ كِي كَانْ يْصَلِي وَحْدَهْ كَانُوا تْلَامَذْ مْدَاوْرِينْ بِيهْ سَقْسَاهُمْ وْ ڤَالَلْهُمْ :" شْكُونْ أَنَا عْلَى حْسَابْ هَدْرَة الْنَّاسْ ؟". 19 جَاوْبُوهْ وْ ڤَلُوا :"يُوحَنَّا الْغَطَّاسْ . وْ لُخْرِينْ : إِيلِييَّا . وِ لُخْرِينْ : بَلِي نْبِي تَاعْ بَكْرِي قَامْ . 20 ڤَالَلْهُمْ : "وْ نْتُومَا شَا تْڤُولُوا عْلِيَا ؟ " جَاوْبَهْ بُطْرُسْ وْ ڤَالْ :" مَسِيحُ الله ! ". 21 حَدَرْهُمْ وْ وَصَاهُمْ بَاشْ مَا يْڤُولُو لْحَتَى وَاحَدْ ، 22 ڤَالْ :" يْلَاقْ عْلَى ابْنْ الْإِنْسَانْ يَنْدَرْ بْزَافْ وْ مَايضقَبْلُوهْشْ الْشُيُوخْ وْ لْحُكَّامْ وْ لْكَهَنَة وْ لْكَتَبَة ، وْ يَڤَتْلُوهْ و فِي نْهَارْ الْثَالَثْ يْقُومْ ". 23 وْ ڤَالَلْهُمْ :" إِلَا بْغَا وَاحَدْ يْتَبَعْنِي ، يَنْكَرْ نَفْسَهْ وْ يَرْفَدْ صَلِيبْ تَاعَهْ كُلْ يُومْ وْ يْتَبَعْنِي . 24 وْ لِّي بْغَا يْسَلَكْ رُوحَهْ يْهْلَكْهَا ، وْ لِي يَهْلَكْ رُوحَهْ عْلَى جَالِي هَذَا يْسَلَكْ رُوحَهْ . 25 عْلَى خَاطَرْ شَا غَادِي يَرْبَحْ الْإِنْسَانْ لُكَانْ يَرْبَحْ ڤَاعْ لْعَالَمْ، وْيَهْلَكْ رُوحَهْ وْ يَخْسَرْهَا ؟ 26 عْلَى خَاطَرْ لِي يَحْشَمْ بِيَّا وْ بْكْلَامِي ، هَكَا يَحْشَمْ بِيهْ ابْنْ الْإِنْسَانْ كِي يْوَلِي بَلْمَجْدْ تَاعَهْ وْ مَجْدْ الْآبْ وْ لْمَلَايْكَة وْ لْقِدِّيسِينْ . 27 الْحَقْ نْڤُولَلْكُمْ : كَايَنْ نَاسْ بِينَاتْنَا مَايْدُوقُوشْ لْمُوتْ حْتَّى يْشُوفُوا مَلَكُوتْ الله ". 28 وْبَعْدْ ثَمْنَيَامْ مَنْ هَادْ لْكْلَامْ ، أَدَّى بُطْرُسْ وْ يُوحَنَّا وْ يَعْقُوبْ وْ طْلَعْ لْجْبَلْ يْصَلِي . 29 وْ كِي كَانْ يْصَلِي تْبَلْ وَجْهَهْ وْ عْبَايْتَهْ وْلَاتْ بَيْضَة تَشْعَلْ . 30 وْ كَانْ زُوجْ رْجَالْ يَهَدْرُو مْعَاهْ ، لِّي هُومَا مُوسَى وْ إِيلِيَّا ، 31 وْ لِّي بَانُوا بَلْمَجْدْ نْتَاعْهُمْ ، وْ هَدْرُولَهْ عْلَى الْمَرْوَاحْ تَاعَهْ بَاشْ يْكَمْلَهْ فِي أُورْشَلِيمْ . 32 بَصَحْ بُطْرُسْ وْ لِي كَانُوا مْعَاهْ نَعْسُوا وْ كِي نَاضُوا شَافُوا لْمَجْدْ نْتَاعَهْ وْ زُوجْ رْجَالْ وَاڤْفِينْ مْعَاهْ . 33 وْ كِي فَارْقُوهْ هَادُوكْ زُوجْ رْجَالْ ، ڤَالْ بُطْرُسْ لْيَسُوعْ " يَا سِيدِي ، مْلِيحْ كِي رَانَا هْنَا ، أَيَا نْوَڤْفُوا ثَلَاثْ خْيَامْ : وَحْدَة لِيكْ ، وْ وَحْدَة لْمُوسَى وْ وَحْدَة لْإِيلِيَّا". وْ هُوَ مَا كَانْشْ عْلَابَالَه شَا رَاهْ يْڤُولْ . 34 وْ هُوَ مَازَالَهْ يَهْدَرْ جَاتْ سْحَابَة وْ غَطَاتْهُمْ . وْ كِي شَافْهُمْ دَخْلُوا فِي سْحَابَة خَافُوا . 35 وْ خْرَجْ صُوتْ مَنْ سْحَابَة وْ ڤَالْ :" هَادَا هُوَ إِبْنِي وْ حْبِيبِي . أَسَمْعُوا لَهْ ". 36 وْ كِي سَمْعُوا دَاكْ صُوتْ لْقَاوْ يَسُوعْ وَحْدَهْ بَصَحْ سَكْتُوا وْ مَا خَبْرُوا حْتَى وَاحَدْ بْشِي لِّي شَافُوهْ . 37 وْ فِي لْيُومْ الْثَانِي هَوْدُوا مَنْ جْبَلْ ، رَحْبُوا بِيهْ بْزَافْ نَاسْ . 38 وَاحَدْ رَاجَلْ مَنْ هَادِيكْ جْمَاعَة زْڤَا وْ ڤَالْ : يَا سِيدِي نْطَلْبَكْ . شُوفْ لْوَلْدِي ، عَنْدِي غِيرْ هَدَا . 39 وْ رُوحْ الْنَجِسْ لِّي فِيهْ خْلَاهْ يْزَڤِي وْ صَرْعَهْ وْ خْلَاهْ يْتْخَبَطْ فِي لْمَرْضْ ، مَيْخَلِيهْشْ حْتَى يْجَرْحَهْ ڤَاعْ وْ يْعَدْبَهْ . 40 وْ طْلَبْ مَنْ تْلَامَذْ بَاشْ يْخَرْجُوا الْرُوحْ نَجِسْ وْ مَنَجْمُوشْ ". 41 جَاوَبْ يَسُوعْ وْ ڤَالْ :" يَا لْجِيلْ لِي مَيْأَمَنْشْ لْوِينْتَا غَادِي نْكُونْ مْعَاكُمْ وْ نَتْحَمَلْكُمْ ؟ جِيبْ وَلْدَكْ لَهْنَا !". 42 و كِي كَانْ جَايْ دَاكْ لْوَلْدْ صَرْعَهْ فِي لْأَرْضْ وْ عَدْبَهْ الْشِيطَانْ ، وْ خَرَجْ يَسُوعْ الْرُوحْ الْنَجِسْ مَنَهْ ، وْ شْفَى لْوَلْدْ وْ رْجَعْ لْبُوهْ . 43 وْ ڤَاعْ نَاسْ نْخَلْعُوا مَنْ عَظَمَة الله . وْ كَانُوا الْنَاسْ مَتْعَجْبِينْ مَنْ لِّي دَارَهْ يَسُوعْ وْ ڤَالْ لْتْلَامَذْ : 44 "حَطُوا هَادْ لْكْلَامْ فِي وَدْنِيكُمْ بَلِي ابْنْ الْإِنْسَانْ غَادِي يْسَلْمُوهْ وْ يْطِيحْ فِي يْدِينْ نَاسْ ". 45 بَصَّحْ هُومَا مَفَهْمُوشْ هَادْ لْكْلَامْ ، وْ كَانْ مَدْسُوسْ عْلِيهُمْ بَاشْ مَيَفَهْمُوشْ ، وْ خَافُوا يْسَقْسُوهْ عْلَى هَادْ لْكْلَامْ . 46 وْ دْخَلْهُمْ وَسْوَاسْ شْكُونْ يْكُونْ أَعْظَمْ بِينَاتْهُمْ ؟ 47 وْ عْرَفْ يَسُوعْ شَا كَانُوا يْخَمُوا ، وْ رْفَدْ وَاحَدْ لْوَلءدْ وْ حَطَهْ عَنْدَهْ ، 48 وْ ڤَالَلْهُمْ : " لِي يَقْبَلْ هَادْ لْوَلْدْ بِاسْمِي ييَقْبَلْنِي ، وْ لِي يَقْبَلْنِي يَقْبَلْ لِّي رْسَلْنِي ، عْلَى خَاطَرْ أَصْغِيرْ فِيكُمْ ڤَاعْ هُوَ لِّي يْكُونْ عَظِيمْ ". 49 جَاوْبَهْ يُوحَنَّا وْ ڤَالْ :" يَا سِيدِي ، شَفْنَا وَاحَدْ يْخَرَجْ الأَرْوَاحْ الْنَجِسَة بِاسْمَكْ وْ مَاخَلِينَاهْشْ عْلَى خَاطَرْ مَا يْتَبْعَكْشْ ". 50 ڤَالَهْ يَسُوعْ :" مَا تَمَنْعُوهْشْ عْلَى خَاطَرْ لِي مَارَاهْشْ ضِدْنَا هُوْ مْعَانَا ". 51 كِي قَرَبْ الْوَقْتْ بَاشْ يْتَرْفَعْ قَرَرْ بَاشْ يْرُوحْ لْأُورْشَلِيمْ ، 52 وَ رْسَلْ ڤُدَامَهْ رُسُلْ وْ رَاحُوا دَخْلُوا لْدَشْرَة تَاعْ سَامِرِيِينْ بَاهْ يْوَجْدُولَهْ لَازَمْ . 53 وْ مَاقَبْلُوهْشْ عْلَى خَاطَرْ كَانْ غَادِي لْأُورْشَلِيمْ . 54 وْ كِي شَافْ دَاكْ شِي يَعْقُوبْ وْ يُوحَنَّا ، ڤَالُو:" يَا رَبُّ، رَاكْ بَاغِي نْڤُولُو تْهَوَدْ نَارْ مَنْ الْسْمَاء وْ تَحْرَڤْهُمْ . كِيمَا دَارْ إِيلِيَّا تَانِي ؟". 55 وْ دَارْ عَنْدْهُمْ وَبَخْهُمْ وْ ڤَالْ مَارَكُمْشْ عَارْفِينْ شَاهُوَ الْرُوحْ لِّي رَاهْ فِيكُمْ ! 56 عْلَى خَاطَرْ ابْنْ الْإِنْسَانْ مَجَاشْ بَاشْ يَهْلَكْ الْنَاسْ ، بَصَحْ بَاشْ يْخَلَّصْهُمْ وْ رَاحُوا لْدَشْرَة وَاحْدُ خْرَى . 57 وْ كِي كَانُوا يْتْمَشُوا فِي طْرِيڤْ ڤَالَهْ وَاحَدْ :" يَا سِيدِي ، نْتَبْعَكْ وِينْ تْرُوحْ ". 58 ڤَالَهْ يَسُوعْ : "لتْعَالَبْ أَوْجِرَة ، وْ زْوَاوَجْ عَنْدْهُمْ عْشَاشْ، بَصَحْ إِبْنْ الْإِنْسَانْ مَعَنْدَهْشْ وِينْ يْحُطْ رَاسَهْ ". 59 وْ ڤَالْ لْوَاحَدْ آخُرْ : (تَبَعْنِي ). ڤَالَهْ :" يَا سِيدِي، خَلِينِي قْبَلْ نْرُوحْ نَدْفَنْ بُويَا ". 60 ڤَالَهْ يَسُوعْ : " خَلِي لْمُوتَى يَدَفْنُوا مُوتَاهُمْ ، بَصَحْ نْتَا رُوحْ وْ خَبّضر بِمَلَكُوتْ الله ". 61 وْ ڤَالْ وَاحُدْ آخُرْ تَانِي : " نْتَبْعَكْ يَا سِيدِي بَصَحْ خَلِينِي قْبَلْ نْوَدَّعْ دَارْنَا ". 62 ڤَالَهْ يَسُوعْ :" مَكَانْشْ وَاحَدْ يْحُطْ يَدِيهْ عْلَى الْمِحْرَاثْ وْ يْشُوفْ لَرُولْ يْصْلَحْ لْمَلَكُوتْ الله ".
1 وْمْبَعدْ هَذَاكْ الشِيْ خَيَر الْرَّبْ سْبعِينْ وَاحْد خْرِينْ وَرْسلهُمْ زُوجْ زُوجْ لْكُلْ مْدِينَةْ وْمُوضَعْ وِينْ كَانْ هُوَ مْعول بَاشْ إِيْرُوحْ. 2 ڤَالْهُمْ : " الغْلَةْ بْزَافْ بْصَح الخْدَامَة قْلاَلْ، طْلْبُوْا مْنْ رَّبْ الغْلَة بَاشْ يْرسْل خْدَامَةْ لْلْغَلَةْ تَاعَهْ. 3 رُوْحُوا أَنَا نَرْسلْكُمْ كِيمَا لَّغْنَمْ بِينْ الدْيُوبَا. 4 مَا تْدُوا مْعَكُمْ ڤُفَةْ وْلاَ نْعَايْل وْمَاتْسلُمُوا عْلَى حْتَى وَاحدْ فْي الطَرِيڤْ. 5 وْكِيْ تْدْخلْ لْكَاشْ دَارّْ سْلْمٌو عْلٍيهُمْ فْي لّْوُلْ. 6 إِذَا كَانْ فِيهَا تْمَا إِبْنْ السَلاَمْ غَادِيْ يْردْ عْلِيكُمْ سَلَامْ، إِذَا مَكَنْشْ يْرجَعْ لِيْكُمْ سْلَامْكُمْ. 7 وْبَاتُو فِيْ هَاذِيْكْ الدَّارّْ كُلُو وْشَرّْبُو مْن لِيْ يَعْطَلْكُمْ ، خَاطَرْ الخْدَامْ يْسْحَقْ أَجْرْ تَاعَهْ وْمَا تْرُوحُوشْ لْدَارّ لْدَارّْ. 8 كُلْ مْدِينَة دْخْلْتُوهَا وْقْبلُوكُمْ فِيهَا، كُلُوْا مْنْ شِيْ لِتْمْدْ لْكُمْ، 9 اشْفُوْا لْمَرّْضَى لِيْ فِيهَا وْ ڤُولُو لِيهُمْ رَاهْ ڤْرَبْ مْنْكُمْ مَلَكُوتْ الله. 10 وْكُلْ مْدِينَة دْخلْتُوهَا مَقْبلُوكُومْشْ خَرْجُو لْزنقهَا وْڤُولُو : 11 حْتَى ْالغْبَارّْ لِيْ لْصَق فِينَا مْنْ مْدِينَتكُمْ نْنْفضُوهْ، بْصَحْ عَرْفُوا هَذاَ : رَاهْ ڤرْبْ مَنكُمْ مَلَكُوتْ اللَه . 12 أْنْڤُولْكُم: غَادِيْ تْصْرّا لْهَذِي لْمْدِينَة كْثَرْ مْلِي صْرَا لْسُدُومْ. 13 يَاوِيْلَكْ يَاكُورَزِينْ! يَاوِيلَكْ يَابِيتْ صَيْدَا ! عْلَى خَاطَرْ لُوكَانْ أْصْرَاتْ المُعْجٍزاَتْ لِيْ صْرَاتْ فِيْ صُورْ وصَيدَا ، لُوكَانْ رَاهُمْ تَابُوْا مْنْ بْكرِيْ وْرَجعُوا لْلرَّبْ . 14 بْصَّحْ صُورّْ وْصِيدَا غَادِي يْكُونْ لِيهُمْ حْسَابْ قْلْ مْنْكُمْ. 15 وْنْتِيْ يَاكَفَرْنَاحُوْمْ لِي رَاكِيْ تْرفْدِيْ رُوحَكْ لْسْمَا، غَادِيْ أَتْهَوْدِي لْلجَحِيمْ. 16 أْلِيْ يَسْمَعْ مْنْ عَنْدْكُمْ كْلِيْ يْسْمَعْ مْنِي، وْلِي مَا قْبْلْكُومْشْ مَاقْبْلْنِيشْ ، وْلِي مَايْقبْلْنِيشْ مَايْقْبْلْشْ أْلِيْ يَرْسْلْنٍيْ". 17 كِيْ وْلاَوْ هَذُوكْ السْبْعِينْ لِيْ رْسْلهُمْ فَرْحَنِينْ، ڤَالُوْ لَهْ:" يَارَّبْ حْتَى الأَرْوَاحْ النَجِسَة تْخْضَعْ لِينَا بْإِسْمَكْ!". 18 ڤَالْهُمْ : "شْفْت الشِيْطَانْ طَايْحْ كِيْ البَرّْقْ مْن السْمَا. 19 غَادِيْ نَعْطِيكُمْ السُلْطَانْ بَاشْ تْعفْسُو عْلَىْ لَحْنُوشَى وْلَعْقَاربْ وْڤَاعْ قُوَة لَعْدُو وْمَا يْضركُمْ حْتَى شِيْ. 20 بْصَحْ مَا تَفَرحُوشْ بْهَذَا: بلِيْ الأَرْوَاحْ رَاهِي تَخْضَعْ لِيكُمْ ، بْصَحْ فَرّْحُوا بْلِي سْمَاوَاتكُمْ رَاهِي مَكْتُوبَة فْي السْمَا". 21 وْفِي دِيْكْ السَاعَةْ سّْبَحْ يَسُوعْ بْالرُوحْ وْڤَالْ :" نْحَمْدَكْ يَابُويَا، رَّبْ السْمَا والأَرْضْ ،خَاطَرْ دْسِيْتْ هَذَا الشِيْ عْلَى الحُكَمَاءْ وْالعُلَمَاءْ ، وْبيْنتهَا لْصْغَارْ. وَاهْ يَابُويَا، عْلَى خَاطَرْ هَذِيْ هِيَ مَشِيئَة نْتَعكْ لْمْلِيحَةْ". 22 وْدَارّْ عْنْد التَلاَمِيذْ نْتَاعَه وْڤَالْهُمْ: " كُلْ شِي تَعْطَا لِيْ مْنْ بُوْيَا وْمَكَانْ حْتَى وَاحْد يَعْرفْ الإِبْنْ مْن غِيْرْ الأَبْ، وْلاَ شْكُونْ هُوَ الأَبْ منْ غِيْرْ الإِبْنْ". 23 وْداَرّْ عْندْ التَلاَمِيْذْ نْتَاعَهْ وْڤَالْهمُ: "يَاسَعْدَاتْ العْينَينْ الَلْي تْشُوْفْ الِلْي رَاكُمْ تْشُوفُوُهْ ! 24 عْلَى خَاطَرْ رَانِيْ نْڤُولْكُمْ كَاينْ أَنْبِيَاءْ وْمُلُوكْ بْزَافْ أْبْغَاوْ إِشُوفُوا آْشِيْ لِيْ رَاكُمْ تْشُوفُوهْ وْمَاشَفُوهْشْ ، آْشِي لِيْ رَاكُمْ تْسْمْعُوُهْ وْمَا سْمعُوهْشْ". 25 وَاحَدْ مْنْ مُعَلِمِيْ الشَرِيعَةْ نَاضْ وْبْغَى يْجَرّْبَه وْڤالَهْ: " يَاسِيْدِي وَاشْ نْدِيرْ بَاشْ نْورَثْ الحَيَاة الأَبَدٍيَة؟". 26 جَاوْبَه يَسُوعْ وْڤالَه: " شَا رَاهْ مَكْتُوبْ في الشَرِيعَة؟ كِيفَاشْ تْفَهمَهْ؟". 27 جَاوْبَهْ وْڤالَ:" تْحْبْ الرَّبْ إِلَاهَكْ مِنْ كُلْ قَلْبَكْ، وْمِنْ كُلْ نَفْسَكْ وْكُلْ قُوْتَكْ وْمْن كُلْ فِكْرَكْ، وْتْحبْ غِيْرَكْ كِمَا نْفسَكْ". 28 وْڤالَهْ يَسُوعْ " جَاوُبْتْ بْالصْوَابْ ، دِيْر كِمَا هَاكْ وْغَادِيْ تْحيَا لِلأَبْدْ ". 29 بْصَحْ هُوَ بْغَا يْمدْ الحَق لْرُوحَهْ وْڤالْ لْيَسُوعْ: " شْكُونْ هُوَ غِيْري؟ ". 30 جَاوْبَهْ يَسُوعْ وْڤَالْ:" كَايْنْ وَاحَدْ رَاجْلْ مْهودْ مْن أُوْرْشَالِيمْ لأَرِيْحَا، طَاحْ بِيْنْ يْدِينْ الْخْيَانْ ، عْرَاوْهْ وْضَرْبُوهْ وْرَاحُوْا وْخْلَاوْهْ بِيْنْ الْحْيَا وْالمُوتْ. 31 تْمْ تْمْ فَاتْ وَاحدْ رَاجْلْ دِيْنْ مِنْ دِيْك ْالطْرِيْڤْ شَافْهْ، وْ مْمْبَعْدْ كْمْل طْرِيْڤَهْ. 32 وْفَاتْ تَانِيْ وَاحْد مْن لاَوِيْينْ مْنْ دِيْكْ الطْرِيڤْ، ڤَرْبْ عْنْدَهْ وْشَافْ فِيْهْ، رَاحْ وْخْلاَهَ. 33 وْبْصَحْ وَاحْد بْرَانِيْ مْنْ بْلاَدْ السَامِرَةْ مْسَافْر جَا لْعَنْدَهْ، كِيْ شَافَهْ تْحْنَنَ عْلِيْهْ، 34 ڤْدْمْ عَنْدَهْ دَاواَ جُرْحَهْ بْالزِيْتْ وْالخَمْرَة، رْكْبَهْ عْلَى الدَابَة تَاعَهْ وْدَاهْ لْوَاحْدْ الفُنْدُقْ وْتْهّْلَّىْ فِيْهْ . 35 دِيْكْ الغْدْوَا كِيْ بْغَا إِرُوْحْ، خْرْجْ دْرَاهمْ وْعَطَاهُمْ لْمُولْ الفُنْدُقْ وْڤَالَهْ تْهلَّى فِيهْ، وْڤْدْ مَا صْرفْتْ عْلِيْهْ كِيْ نْولِيْ نْردْهُمْلَكْ. 36 شْكُونْ مْنْ هَادْ الثْلاَثَةْ ڤِرِيْبْ مْنْ هَادْ الإِنْسَانْ الِلِيْ طاَحْ بِيْنْ يْدِيْنْ الخْيَانْ؟". 37 ڤَالْ:" الِلِي دَارْ مْعَاهْ الخِيْرْ". ڤَالَهْ يَسُوعْ :"رُوحْ أْنْتَ تَانِيْ وْدِيرْ كِيْمَا هَاكْ". 38 مْلِيْ كَانُو غَادْيِيِنْ دَخْلُوْا لْوَاحْدْ الدْ شْرَةْ، رَاحْبَتْ بِيْهْ وَاحْد لْمْرَّا كِيْسْمُوْهَا مَرْثَا فِيْ دَارّْهَا. 39 وْكَانْ عْندْهَا خْتْهَا إِسْمُوهَا مَرْيَمْ، اللِي جْمْعَتْ عْنْد رْجْلِيْن يَسُوعْ تَسْمَعْ كْلاَمَهْ. 40 وْبْصَحْ مَرْثَا كَانْتْ لاَهْيَةْ فْشْغلْ نْتَاعْ الدَارّْ ، وْڤْفتْ وْڤَالتْ:" يَارّْبِ مَايْهمكشْ بْلِي خْتِيْ خْلَتْنِي نْخدْم وَحْدِيْ، ڤُوْلْهَا تْعَاوُنِيْ!". 41 وْجَاوُبْهَا يَسُوعْ وْڤَالْهَا:" مَارْثَا، مَاْرْثَا رَاكِيْ مْقلْقَةْ وْتحْمقِيْ عْلَى بْزَافْ صْوَالَحْ، 42 بْصَحْ الإِحْتِيَاجْ لْوَاحْدْ بَرّْكْ. وْمَريمْ خْيرَتْ النَصِيْبْ الصَالِحْ لِمَيْتنْڤْلَعْلْهَاشْ".
1 وْكِكَانْ إِصَلِي فِي وَاحَدْ المَوْضَعْ وْ مَلِي كَمَّلْ ڤالَهْ وَاحَدْ مَنْ تْلاَمْذَه : "يَارَبْ عَلَمْنَا كِيفَاشْ نْصْلُوا كِمَا عَلَمْ يُوحَنَا الغَطَاسْ تْلاَمْذَهْ". 2 ڤلْهُمْ :"وَقْتْمَا صَلِيتُوقُولُو: أَبَانَا لِفَسْمَا يتْقَدَسْ إِسْمَكْ ، إِجِي مَلَكُوتَكْ ، تكُونْ مَشِيئْتَكْ كِمَا فِي السْمَا تَانِي عْلَى الرْضْ . 3 الخُبْزْ أَلِي يَكْفِينَا اليُومْ أَعْطِينَا . 4 وأَغْفَرْ لنَا ذْنُوبْنَا كِمَا نَغْفَر لَنَاسْ ألِي يَضَلْمُونَا ، ومَدَخْلْنَاشْ فالتَجْرُبَة بَصَحْ سَلَكْنَا مَنْ الشَرِيرْ." 5 ومْبَعْدْ ڤَاللهُمْ :" شكُونْ فِيكُمْ لِيْكُونْ عَنْدَه صَاحْبَه ، وإرُوحْلَه فِي نَصْ اللِيلْ ، ويڤُولَه يَاصَاحْبِي سَلَفْلِي ثْلاَثَ خُبْزَاتْ. 6 لخَطَرْ جَانِي صَاحْبِي مَلْبْعِيدْ ومَعَنْدِي حَتَى حَاجَة نْحَطْهَا لِيه . 7 جَاوبَهْ صَاحْبَه مَدَارْ وڤَالَه : مَا تْصَدَعْنِيشْ! البَابْ مْبَلَعْ دَرْوَكْ ووْلاَدِي رَاڤْدِينْ . مَنَقْدَرْشْ أَنُودْ و نَعْطِيكْ . 8 نْڤُولكُومْ : إِذَا كَانْ مَايْنُودْشْ يَعْطِيه لخَطَرْ صَاحْبَه ، إِيْنُودْ ويَعْطِيه لخَطَرْ سَمَطْ عْلِيهْ . 9 وانَا نڤُولْكُمْ سَقْسُوا يَنَعطَلْكُمْ ، أطَلْبُوا تَلْقُوا ، 10 طَبطبُوا يَنحَللْكُم البَابْ . عْلاخَطَرْش لي يْسَقْسِي يْنَعْطَالَهْ، ولِي يَطْلَبْ يَلْقَى ، ولِي يْطَبْطَبْ يَنْفْتَحْلهْ . 11 شْكُونْ فِيكُمْ ،لِي أبْ ، يَطْلَبْ مَنّهْ وَلْدَهْ خُبْزْ، وْيَعْطِهْ حْجَرْ؟! ولاَ يَطْلَبْ منّهْ حُوتْ يَعْطِهْ حْنَشْ. 12 ولِيَطْلَبْ منّهْ بَيْضَة، يَعْطِيهْ عڤْرَبْ ؟ 13 وْ يْلاَكُنْتُوا شَرَانِيِينْ تَعْرَفْوا تْمَدْوا لوْلَادْكُمْ صْوَالَحْ مْلَاحْ، كِيفَاشْ بُوكُمْ لِفسْمَا ، مَيَعْطِشْ الرُوحْ القُدُسْ للِيَطَلْبُوهْ ". 14 وكَانْ يَسُوعْ يَخْرَجْ لَرْوَاحْ الشَرِيرَة، و كَانْ هَذَاكْ بكُّوشْ. وْ كِخْرَجْ الرُوحْ الشرِيرْ هْدَرْ هَدَاكْ لْبَكُوشْ، و النّاسْ تْعَجْبُوا. 15 وْ شِيوَحْدِنْ مَنْهُمْ ڤالُوا:"رَاهْ يْخَرّجْ الاَرْوَاحْ الشَرِيرَة بْقُوَة بِلَعْزَبُولْ رَئِيسْ الشَيَاطِينْ" 16 وْوَحْدُخْرِينْ بْغَاوْ يْجَرْبُوهْ وطَلْبُوا مَنّهْ مُعْجِزَة مِنْ السْمَا. 17 وعْرَفْ نَيَتْهُمْ. وڤالْهُمْ:"كُلْ مَمْلَكَة مَقْسُومَة عْلَى رُوحْهَا تْتّخْرَبْ وْدَارْ مَقْسُومْ عْلَى دَارْ يْطِيحْ. 18 وْ ْيلَا كَانْ الشِيطَانْ هُوَ تَانِي ولَّى ضَدْ رُوحَهْ ، كِيفَاهْ تْدُومْ مَمْلَكَتُهْ ؟ عْلَاخَطَرْشْ رَاكُمْ تْڤُولُوا : رَانِي نَخَرّجْ الارْوَاحْ الشَرِيرَة بِبَعْلَزبُولْ . 19 وْ يْلَا كُنْتْ انَا نَخَرّجْ الاَرْوَاحْ الشَرِيرَة بِبَعْلَزَبُولْ بَصّحْ وْلَادْكُمْ بَشْكُونْ يْخَرْجُوهُمْ ؟ عْلَى هَادْ الشِي هُمَا يْحَكْمُوا عْلِيكُمْ . 20 و يْلَا كُنْتْ بَصْبَعْ اللّهْ نْخَرّجْ الاَرْوَاحْ الشِرِيرَة، امَالَا عَنْدْكُمْ مَلَكُوتْ اللّهْ . 21 وْ كِي الرّاجَلْ صْحِيحْ مَتْسَلّحْ يْعَسْ دَارَهْ ، يْوَلِي رَزْقَهْ فِي اَمَانْ . 22 وْ كِي يْجِيهْ لِي صْحِيحْ عْلِيهْ يَغَلْبَهْ ، وْ يَڤْلَعْلَهْ ڤاعْ السْلَاحْ لِي كَانْ يَتْكَلْ عْلِيهْ يََدّي رَزْقَهْ وْ يَڤَسْمَهْ . 23 لِي مَاشِي مْعَايَا هُوَ ضَدّي ، وْ لِي مَيْلَمْشُ مْعَايَا رَاهْ يْفَرّقْ . 24 مَلِي يُخْرَجْ الرّوحْ الشَرِيرْ ماَلْبْنَادَمْ ،يْفُوتْ مَالْمْضَارَبْ لِي مَافِيهَاشْ الْمَا ، يَطْلُبْ رَاحَة وْلَا مَلْقَاشْ يْقُولْ : نْوَلِي لْدَارِي لِخْرَجْتْ مَنْهَا . 25 كِي يَوْصَلْ يَلْقَاهَا مْقِيَّة وْ مْزَوْقَة . 26 وْ مْبَعْدَ يْرُوحْ وَيْجِيبْ مْعَاهْ سَبْعَة رْوَاحْ وَحْدُخْرِينْ اَشْرَارْ عْلِيهْ ، يَدَّخْلُوا وْ يَسَّكْنُوا تَمَّ . وْ تْوَلِّي لْعَاقِبَة تَاعْ دَاكْ لَبْنَادَمْ صْعِبَة عْلَى لِي كَانَتْ !". 27 وْ تَمْ تَمْ كِي كَانْ يَهْدَرْ ، زَڤّاتْ وَاحَدْ لَمْرَا مَنْ هَادُوكْ النَّاسْ وْ ڤَالَتْ : "سَعْدَاتْ لَمْرَا لِي رَفْدَاتَكْ فِي كَرْشْهَا وْ لِرَضْعَاتَكْ " . 28 سَعْدَاتْ لِي يَسَمْعُوا كْلَامْ اللَّهْ وْ يْطَبْقُوهْ ". 29 وْ كِي كَانُوا النَّاسْ يَدّامْروُا ، بْدَا يْڤُولْ :" هَادْ لْجِيلْ شِرِّيرْ ، يَطْلَبْ مُعْجِزَة وْ مَتَنْعْطَالَهْشْ غِيرْ مُعْجِزَة يُونَانْ النَبِي . 30 عْلَاخَطَرْشْ كَانْ يُنَانْ النَبِي مُعْجِزَة لِشَعْبْ نِينيوى ، هَاكَأ غَادِي يْكُونْ تَانِي اِبْنْ لْاِنْسَانْ مُعْجِزَة لْهَادْ لْجِيلْ . 31 فْيُومْ لْحِسَابْ ، مَلِكَة بْلَادْ لْجَنُوبْ تْقُومْ وْ تْحَاسَبْ رْجَالْ هَادْ لْجِيلْ ، عْلَاخَطَرْشْ جَاتْ مْبْلَادْ بْعِيدَة بَاشْ تَسْمَعْ حِكْمَة سُلَيْمَانْ ، وْ رَاهْ هْنَا لِهُوَ اَعْظَمْ مِنْ سُلَيْمَانْ ! 32 رْجَالْ نِينْوَى يْقُومُوا فِي يُومْ لْحِسَابْ مْعَ هَادْ لْجِيلْ وْ يْحَاسْبُوهْ ، عْلَاخَطَرْ تَابُوا مَلِّي دْعَاهُمْ يُونَانْ لَتُّوبَة ، وْ رَاهْ هْنَا لِي هُوَ اَعْظَمْ مَنْ يُونَانْ ! 33 حَتَى وَاحَدْ مَا يَشْعَلْ قَنْدِيلْ و يْحَطَهْ فِي مَضْرَبْ مَدْسُوسْ ،ولَا يْغَطِيهْ بالْكَفَة ،بَصَحْ يَنْحَطْ فِي مَوْضِعْ بَاشْ لِي دَاخْلِينْ يْشُوفُوا النُورْ . 34 سِرَاجْ الجَسَدْ هُوَ العِينْ ، يْلَا كَانَتْ لْعيِنْ صْحِيحَة الجَسَدْ تَاعَكْ يْكُونْ ڤاعْ مْنَوَّرْ ، 35 ويْلَا كَانَتْ عِينَكْ شرِيرَة جَسَدَكْ يْكُونْ مْظَلَّمْ . 36 رَدْ بَالَكْ يْلَا كَانْ النُّورْ لِي فِيكْ ظْلَامْ . و يْلَا كَانْ لْجَسَدْ تَاعَكْ ڤَاعْ مَافِيهْشْ حَتَى شْوِيَا ظَلْمَة ، يْكُونْ ڤَاعْ مْنُوَرْكِيمَا يْضَوِيلَكْ لْمَصْبَاحْ . 37 توبيخ الفرسيين والكتبة كِكَانْ هُوَ يَهْدَرْ عَرْضَهْ الفَرَيسِي يَتْعَشَى عَنْدَهْ ، دْخَلْ و تَكَا ، 38 بَصّحْ الفرَيسِي كِشَافْ هَادْ الشِي تْعَجَّبْ عْلَاخَطَرْ مَا غْسَلْشْ يَدِّيهْ قْبَلْ مَا يَاكُلْ . 39 ڤَالْهُمْ الرَّبْ :"نْتُمَا يَارْجَالْ الدِينْ تْذُوقُوا لْكَاسْ و لْڤصْعَة مَنْ بَرَا بَصَّحْ مْدَاخَلْ مْعَمْرِينْ خِيَانَة وْ خُبْثْ . 40 يا جهال ، مَاشِي لِصْنَعْ لْبَرَا صْنَعْ لدَاخَلْ تَانِي ؟ 41 مَدُّوا مَلِي عَنْدْكُمْ صَدَقَة ، بَاشْ كُلْشِي يْوَلِي لْكُمْ نْقَى . 42 بَصَّحْ يَاوِيلْكُمْ يَا رْجَالْ الدِّينْ تَعَشْرُوا مَنْ النَعْنَاعْ الحَرْمَلْ وْ ڤَاعْ انْوَاعْ الاَعْشَابْ وَالبُقُولْ ، وْخَلِيتُوا لْحَقْ وْ مَحَبَة اللَّهْ . كَانْ يْلِيقْ دِيرُوا هَادِي وْ مَا تْخَلِيوْشْ لُخْرَى . 43 يَاوِيلْكُمْ يَارْجَالْ الدِينْ اللّيِ تَبْغُوا تْجَمْعُوا في الصْفُوفْ اللْوَالَى فِي المَجَامِعْ ، وْ حَيُوكُمْ فِي الاسْوَاقْ . 44 يَا وِيلْكُمْ يَالْكَتَبَة وَ الفَرَنْسِيينْ المُنَافِقِيين ، رَاكُمْ تْشَبْهُوا للَقْبُورْ لْمَدْسُوسَة ، لِي يَمْشِيوْ عْلِيهَا النَّاسْ شوْ مَايَعَرْفُوشْ !". 45 جَاوْبَهْ وَاحَدْ مَن مْعَلْمِي الشَرِيعَة وْ ڤَالَهْ : "يَا سِيدِي مِينْ رَاكْ تْڤُولْ في هَادْ لْهَدْرَة رَاكْ تْعَايَرْ فِينَا حْنَا تَانِي ؟!". 46 ڤَالْ :" يَا وِيلْكُمْ نْتُومَا يَا مْعَلْمِي الشَرِيعَة عْلَى خَاطَرْشْ تَحَمْلُوا النَاسْ فُوڤ طَاقَتْكُمْ وَنْتُومَا مَاتْحَرْكُوشْ يَديكُمْ حَتَا صْبَاحْ بَاشْ تْعَاوْنُوهُمْ . 47 يَاوِيلْكُمْ عْلَاخَطَرْ رَاكُمْ تَبْنُوا قْبُورْ الاَنْبِيَاءْ وْ جْدُودْكُمْ هُمَا لِكَتْلُوهُمْ . 48 هَكْدَا تَقَبْلُوا وْتَشَهْدُوا لِدَارُوهْ جْدُودْكُمْ ،عْلَى خَاطَرْ هُمَا قَتْلُوهُمْ وْ نْتُومَا تَبْنُوا قْبُورْهُمْ . 49 عْلَى هَادْ الشِي حِكْمَةْ اللَّهْ ڤَالَتْ : غَادِي نَرْسَلْهُمْ اَنْبِيَاءْ وْ رُسُلْ وْ غَادِي يَكَتْلُوا بَعْضْ مَنْهُمْ وْ يْطَرْدُوهُمْ . 50 بَاشْ يَتْحَاسَبْ هَادْ الجِيلْ عْلَى دَمْ ڤَاعْ الاَنْبِيَاءْ لِي سَالْ مَلِّي تْخَلْقَتْ دَّنْيَا . 51 مَن دَمْ هَابِيلْ حَتَى لْدَمْ زَكَرِيَا لِتَقْتَلْ بِين المَذْبَحْ وْ الهَيْكَلْ ، وَاهْ نْقُلْكُمْ غَادِي يَتْحَاسَبْ هَادْ الجِيلْ عْلَى دَمْهُمْ . 52 يَاوِيلْكُمْ مْعَلْمِي الشَرِيعَة عْلَى خَاطَرْ دِيتُوا مَفْتَاحْ المَعْرِفَة ، مَادْخَلْتُوا نْتومَا مَاخَلِيتُوا لِي بْغَا يَدْخَلْ ". 53 كِيكَانْ يَهْدَرلْهُمْ بْهَادْ الشِي بْدَاوْ الكَتَبَة وْ الفَرَسِيينْ يَعَصْرُوا وْ يْسَقْسُوا عْلَى بزَافْ أُمُور ، 54 وْهُمَا يْعَسُولَهْ كْلَامَهْ وْ يْحَوْسُوا يْشَدُوا عْليهْ هَدْرَة
1 و فِي ذَاكْ الْوَقْتْ، اْتْلَامُوا أَلَافْ الْنَّاسْ ، حَتَّى وَلَّاوْ يَعَّفْسُوا عْلَى بَعْضِيَاتْهُمْ ، وْبْدَا يْڤُولْ لَلْتَلَامِذْ اَتَّعَهْ : " رَدُّوا مَنْ خْمِيرَة الْفَرِّسِيِينْ لِهِيَا الالْنِّفَاقْ ، 2 ڤَاعْ الْمَسْتُورْ يَنْفْدَحْ ، و ڤَاعْ الْمَدْسُو ايبَانْ . 3 عْلَى دَاكْ الْشِّي لڤَلْتُوه فْالْظَّلْمَة يَنْسْمَعْ فَالْنُّورْ ، و ڤَاعْ لِهْدَرْتُوا فِيه فَالْسَّرْ فَالْدْيَارْ اتْبَرَّحْ بِيهْ فُوڤْ الْسْطُوحَ. 4 و بَصَّحْ أَنَا نْڤُولْكُمْ يَا حْبَابِي : مَتْخَافُوشْ مَنْ لِيَكُّتْلُوا الْجسَدْ ، و مَنْ بَعْدْ مَيَقَّدْرُوشْ يْدِيرُوا اكْثَرْ مَنْ دَاكْ الْشِّي. 5 بَصَّحْ نْوَرِّيلْكُمْ مَنْشْكُونْ لِي يْلِيقْ تْخَافُوا مَنَّه : خَافُوا مَنْ هَدَاكْ الْلّي مَنْ بَعْدْ يُكْتُلْ ، عَنْدَه سُلْطَانْ بَاشْ يْقِيسْ فِي جَهَنَّمْ . وَاهْ، اَنْڤُولْكُمْ : مَنْ هَذَا خَافُوا!. 6 مَشِّي خَمْسَة تَاعْ زْوَاوَشْ يَنْتْبَاعُو بْزُوجْ دُورُوا ،و حَتَّى وَاحَدْ مَنْهُمْ مَنْسِيْ أَمَامْ الْلَّهْ ؟ 7 حَتَّى الْشْعَرْ رَسْكُمْ رَاهْ مَحْسُوبْ . مَاتْخَافُوشْ ! نْتُومَا خِيرْ مَنْ بَزَّافْ انْتَعْ زْوَاوَشْ! 8 رَانِي نْڤُولْكُمْ : لِي سْتَعْرَفْ بِيَا ڤُدَّامْ الْنَّاسْ ، غَادِي يَسْتَعْرَفْ بِيه ابْنْ الْانْسَانْ ڤُدَّامْ الْمَلَائِكَة تَاعْ الْلَّه. 9 وْ لِّي يُنْكُرْنِي ڤُدَّامْ الْنَّاسْ ، يُنُّكْرَه ابْنْ الْانْسَانْ ڤُدَّامْ مَاَلئِكَة الْلَّه. 10 و ڤَاعْ لِي يْقولُوا كَلِمَة ضِدْ ابْنْ الْانْسَانْ غَادِي يَنْتَغْفَرْلَه، و بَصَّحْ لِي يْڤُولْ كْلَامْ الْكُفْرْ عْلَى رُوحْ الْقُدُسْ مَيَنْتَغْفَرْلَهْشْ . 11 كِي يَدُّوكُمْ لَلْمَجَامِعْ ڤُدَّامْ الْرُّؤَسَاءْ و صْحَابْ الْسُّلْطَة و مَتْخَمُّوشْ شَاتْڤُولُوا و بْشَا دَّافْعُوا ، 12 اعْلَى خَاطَرْ الْرُّوحْ الْقُدُسْ يْعَلَّمْكُمْ فْدِيكْ الْسَّاعَة شَاخَصْكُمْ تْڤُولُوا". 13 و ڤُلْ وَاحَدْ مَنْ جْمَاعَة لْيَسُوعْ : " يَا يَسِدِي، ڤُولْ لْخُويَا أڤْسَمْ مْعَايَا الْوَرْثْ ". 14 و ڤَالَهْ : " يَا بْنَادَمْ شْكُونْ دَارْنِي قَاضِي عْلِيكُمْ لِيْڤَسَّمْ عْلِيكُم الْوَرْثْ؟". 15 و ڤَالْهُم : " رَدُّوا بَالْكُمْ و احَّرْزُوا ارْوَاحْكُمْ مَنْ الْطْمَعْ ، عْلَى خَاطَرْ كَثْرَة الْدْرَاهَمْ مَشّي هِيَ لْطُولْ لَعْمَرْ". 16 أضْرَبَّلْهُمْ مْثَلْ و ڤَالْ : « وَاحَدْ الْرَّاجَلْ مْرَفَّه الْلَّرْضْ الْتَّاعَه ، 17 خَمَّمْ مْعَ رُوحَه و ڤَالْ : شَاغَدِي نْدِيرْ ، مَعَنْدِيشْ مَوْضَعْ بَاشْ نْلَمْ فِيه الْغَلَّة انْتَاعِي ؟ 18 و ڤَالْ : غَادِي نْدِيرْ هَادْ الْشِّي : غَادي نْهَدَّمْ الْمْخَازَنْ تَاعِي و نَبْنِي لَكْبِيرَة عْلِيهَا و نْلَمْ فِيهُمْ ڤَاعْ الْخِيرْ و الْغَلَّة نْتَاعِي. 19 وانْڤُولْ الْنَّفْسِي : يَانَفْسِي عَنْدَكْ الْخِيرْ بَزَّافْ ، مَدْسُوسَة و تَكْفِيكْ شْحَالْ مَنْ عَامْ . و دْرُوكْ أَتْهَنِّي كُولِي و الْشُّرْبِي و فَرْحِي ! 20 و ڤَالَه الْلَّه : يَاغَبِيْ ! فَهَادْ الْلِّيلَة رُوحَكْ تَطْلَعْ ، و مَنْ ڤَاعْ لِوَجَّتَه و خْزَنْتَه لِي مَنْ غَادِي يْوَلِّي ؟ 21 هَكَّا غَادِي يَصْرَى أَلِّي يَغْنِي رُوحَه و مَيكَّانْشْ غَانِي لَلَّه ". 22 و ڤَالَه لْتَلَامِيذه :" علَى هَاذْ الْشِّي نْڤُولْكُمْ : مَتَتْقَلْقُوشْ و مَتَتْخَمُّوشْ فِي حْيَاتْكُمْ شَا تَاكْلُو،ا ولَّا شَا تَشَّرْبُوا . 23 الْحَيَاةْ مَشِّي غِيرْ مَاكْلَة، و الْجَسَدْ مَشِّي غِير الْبَاسْ . 24 شُوفُوا الْغُرْبَانْ : مَاتَزْرَعْ مَا تَحْصَدْ ، و مَعَنْدْهَا عُشْ و مَعَنْدْهَا مَخْزَنْ ، بَصَّحْ رَبِّي يْقَوَّتْهَا . قِيمَتْكُمْ تَسْوَى كْثَرْ مَنْ قِيمَة الْطُّيُورْ ! 25 شْكُونْ فِيكُمْ لِي مَهْمُومْ و مْقَلَّقْ يَقْدَرْ يْزِيدْ سَاعَة وَحْدَة مَنْ عُمْرَه ؟ 26 إِذَا كُنْتُوا مَشِّي قَادِّينْ علَى صْوَالَح صْغَارْ ، عْلَاه تَتْقَلْقُوا عْلَى الْبَاقِي ؟ 27 شُوفُوا الْنْوَاشْ كِيفَاشْ تَكْبَرْ: مَايَعْيَا مَا تَنْسْجَشْ بَصَّحْ، نْڤُولْكُم : حَتَّى سُلَيْمَانْ فِي ڤَاعْ عَزَّه مَكَانْشْ يَلْبَسْ وحْدَة فِيهُمْ . 28 إِذَا كَانَ لَحْشِيشْ لَخْضَرْ لِي رَاه نَابَتْ فَالْحَقْلْ الْيُومْ و غَدْوَى يَتْقَاسْ فَالْنَّارْ و الْلَّه يَلَّبْسَه كِمَا هَاكْ ، كِيفَاشْ مَيَلْمَسْكُمْشْ نْتُومَا يَاقَلِيلَ الْإِيمَانْ ؟ 29 مَاتَطَّلْبُوشْ شَا تَاكْلُوا و شَاتَشَّرْبُوا و مَتَتْقَلْقُوشْ ، هَذَا قاعْ الْشِّي يُطُّلْبَه نَاسْ الْدَّنْيَا . 30 و بَصَّحْ نْتُومَا بُوكُمْ الِّي فَالْسْمَا يَعْرَفْ بَلِّي تَسْحَقُّوا هَاذْ الْشِّي . 31 بَصَّحْ اطَّلْبُوا مَلْكُوت الْلَّه ، و هَاذْ الْشِّي يَنْزَادْ لْكُم . 32 "مَاتْخَافْشْ ، يَا الْقْطِيعْ الْصْغِيرْ ، عْلَى خَاطَرْ بُوكُمْ الْلِّي فَالْسْمَا فْرَح بَاشْ يَعْطِيكُمْ الْمَلَكُوتْ . 33 بِيعُوا شَعَنْدْكُمْ و صَدْقُوه . دِيرُوا لْكُمْ شْكَايَرْ مَيَتَرْشُوشْ و كَنْز فَالْسْمَا مَا يَفْنَاشْ ، و بَاشْ مَيَقْدَرْشْ يَتَّسْرَقْ وْلَا يَتْصَدَّى، 34 عْلَى خَاطَرْ وِينْ مَا يْكُونْ كَنْزَكْ تَمَّاكْ يْكُونْ قَلْبَكْ تَانِي . 35 "كُونُوا مَتْحَزْمِينْ و وَاجْدِينْ و مْصَابِحُكُمْ شَاعْلِينْ ، 36 و نْتُمَا كِيمَا لْعَابِيدْ يْقَارْعُوا سِيدْهُم وِينْتَا يْوَلِّي مَنْ الْعَرْسْ، حَتَّى إذَا طَبْطَبْ احَلُّولَه بْخُوفْ. 37 يَاسَعْدَاتْ هَادُوكْ الْعَبِيدْ الِّي إِذَا جَا سِيدْهُمْ يَلْقَاهُمْ سَاهْرِينْ . الْحَقْ أَنَا نْڤُولْكُمْ : بَلِّي غَادِي يَتْحَزَّمْ و يَجْمَعْهُمْ حْدَاهْ و يْقُومْ بِيهُمْ . 38 و إِذَا جَا فَالْلِّيلْ و لَّا نُصْ الْلِّيلْ و لْقَاهُمْ هَاكَا ، عْلَى هَذِي الْحَالَة يَاسَعْدَاتْ لْهَادُوكْ الْعَبِيدْ . 39 بَصَّحْ عَرْفُوا هَاذْ الْشِّي : لُوكَانْ يَعْرَفْ صَاحَبْ الْدَّار الْسَّاعَة لِي يْجِي فِيهَا الْخَايَنْ يَسَّهْرُوا و مَيْخَلِّيهْشْ دَارَه تَتَّخْوَنْ . 40 كُونُوا نْتُومَا تَانِي وَاجْدِينْ ، مَرَكُمْشْ عَارْفِينْ الْسَّاعَة الْلِّي يْوَلِّي فِيهَا إِبْنْ الْإِنْسَانْ". 41 ڤَالَه بُطْرُسْ : " يَارَبُّ، لِينَا تْڤُولْ هَذَا الْمْثَلْ و ڤَاعْ الْنَّاسْ ؟". 42 و ڤَالْ الْرَّبْ : " شْكُونْ هَذَا الْوَكِيلْ الْأَمِينْ الْعَاقَلْ الْلِّي يْوَكْلَه سِيدَه بَاشْ يَعْطِي الْمَاكْلَة لْخَدَّامَة فِي وَقْتْهَا ؟ 43 يَسَعْدَاتْ هَذَاكْ الْعَبْدْ جَا سِيدَه يَيَلْقَاه يْدِيرْ كِي مَا هَكْ! 44 الْحَقْ نْڤُولْكُمْ :غَادِي يْوَكْلَه عْلَى ڤَاعْ رَزْقَه . 45 و بَصَّحْ إِذَا ڤَالْ هَذَاكْ الْعَبْدْ فِي ڤَلْبَه : غَادِي يَبْطَى سِيدِي بَاه يْوَلِّي يَبْدَا يَضْرُبْ فَالْعَبِيدْ و الْخَدَّامَة، و يَاكُلْ و يُشْرُبْ و يَسْكَرْ . 46 و مَنْ بَعْدْ يْجِي سِيدْ هَذَاكْ الْعَبْدْ فَالْنْهَارْ و الْسَّاعَة لِي مَيَعْرَفْهَاشْ، غَادِي يْعَاقْبَه بَزَّافْ و يْقِيسَه مْعَ الْنَّاسْ الْلِّي خَانُوا الْأَمَانَة . 47 بَصَّحْ هَذَاكْ الْعَبْدْ الّي يَعْرَفْ شَابْغَى سِيدَه و مَوَجَّدْشْ رُوحَه و مَيْدِيرْشْ كِيمَا بْغَى سِيدَه يَنْضْرَبْ بَزَّافْ . 48 بَصَّحْ الِّي مَيَعْرَفْشْ و يْدِيرْ حَاجَة الِّي تَستْحَق الْضَّرْبْ، يَنْظْرَبْ قْلِيلْ. و الِّي يَنْتْمَدْلَه بَزَّافْ يَنْطْلَبْ مَنَّه بَزَّافْ، و يَنْحَطْ عَنْدَه أَمَانَة كْبِيرَة و يَطَّلْبُوه بَزَّافْ. 49 "جِيتْ بَاشْ نْقِيسْ نَارْ عْلَى الْلَّرْضْ ، مَدَبِيَا لُوكَانْ تَشْعَلْ دَرْوَكْ ؟ 50 خَاصْنِي أَنْفُوتْ فِي الْمَعْمُودِيَة و شْحَالْ ڤلْبِي مْزَيَّرْ حَتَّى يَنْكْمَلْ ؟ 51 احْسَبْتُوا جِيتْ بَاشْ تْكُونْ لَهْنَا فَالْأَرْضْ ؟ لَا ، نْڤُولْكُم : جِيتْ انْفَرَّق . 52 أَعْلَى خَاطَرْ غَادِي يْكُونْ خَمْسَة فَالْدَّار مْڤَسْمِين : ثْلَاثَة عْلَى زُوجْ ، و زُوجْ عْلَى ثْلَاثَة . 53 يْدُور بُوه عْلَى وَلْدَه ، و الْوَلْدْ عْلَى بُوه ، و الأُمْ عْلَى بَنْتْهَا، و الْبَنْتْ عْلَى امْهَا، و الْعْجُوزَة عْلَى كَنَّتْهَا ، و الْكَنَّة عْلَى عْجُوزَتْهَا". 54 و مَنْ بَعْد ڤَالْ لَنَّاسْ: " إِذَا شَفْتُوا الْسْحَابَة جَايَة مَنْ الْغَرْبْ تَمْتَمْ تْڤُولُوا : غَدِي تْصُبْ الْنُّوا، و يْكُونْ هَذَا. 55 و إِلَا شَفْتُوا الْرِّيحْ جَايَة مَنْ الْجَنُوبْ تْڤُولُوا: غَادِي يْكُونْ الْحُمَّانْ ، و يْكُونْ . 56 يَاالْمْنَافْقِينْ! تَعَّرْفُوا اتْمَيْزُوا حَالَة الْسْمَا ، و مَتَقَدْرُوشْ تْمَيْزُوا هَادْ الْزْمَانْ؟ 57 عْلَاشْ مَتَحَّكْمُوشْ بَالْرْوَاحْكُمْ شَاهُو الْحَقْ ؟ 58 مِينْ تْرُوحْ مْعَ خصِيمَكْ لَلْمَحَّكْمَة ، دِيرْ ڤاعْ الْلِّي عْلِيكْ بَاشْ تَتْصَالَحْ مْعَاهْ و لَّا تَسْلَكْ مَنَّه، بَاشْ مَيْجَرَّكْشْ لَلْقَاضِي، و الْقَاضِي إِمَدَّكْ لَلْحَاكِمْ بَاشْ يْدَخْلَكْ لَلْحَبْسْ . 59 أَنْڤولَكْ : مَتُخْرُجْشْ مَنْ تَمَّا حَتَّى تْخْلَّص الْدُّورُوا الْتَّالِي".
1 وْ كَانْ حَاضَرْ فِي هَدَاكْ الْوَقْتْ وَحَدْ الْقَوْمْ إِخَبْرُوهْ عْلَى الْجَلِيلِيِينْ الْلِّي كْتَلْهُمْ الْحَاكَمْ بِيلَاطُسْ وْ خَلَّطْ دَمْهُمْ بَالْدَّمْ الْذَّبَائِحْ . 2 جَاوَبْهُمْ يَسُوعْ وْ ڤَالْهُمْ :" شَرَكُمْ حَاسْبِينْ هَادُوكْ الْجَلِيلِيِينْ كَانُوا مَذْنُوبِينْ كْثَرْ مَنْ ڤَاعْ الْجَلِيلِيِينْ لَخَطَرْ صْرَالْهُمْ ڤَاعْ هَادْ الْشِّي ؟ 3 أَلْاَّ! أَنْڤَولْكُمْ : مَتَبْتُوشْ غَادِي ڤَاعْ تَهَّلْكُوا كِيمَنْ هَكَا. 4 وْهَادُوكْ الْثْمَنْتَاعَشْ لِطَاحْ عْلِيهُمْ الْبُرْجْ سِلْوَانْ وْكْتَلْتْهُمْ، رَكُمْ حَاسْبِينْ هَذُوكْ لِيكَانُوا مِذَنِبِينْ أَكْثَرْ مَنْ هَدُوكْ الْنَّاسْ اْلِّي فِي أُورُشَلِيمْ؟ 5 أَلَّا! أَنْڤولْكُمْ : إِذَا مَتَبْتُوشْ غَادِي تَهَّلْكُوا ". 6 وْڤَالْ بْهَاذْ الْمْثَلْ : "كَانَتْ لْوَاحَدْ شَجْرَة الْحُرَّة مَغْرُوسَة فِي وْسَطْ دَالْيَة تَاعْ لَعْنَبْ، جَا يْحَوَّسْ فِيهَا عْلَى الْفَاكْيَة مَلْقَاشْ . 7 وْ ڤَالْ لَلْخَدَّامْ : رَانِي فِي تَلْتْ سْنِينْ نْجِي نْحَوَّسْ عْلَى الْفَاكْيَة فِي هَادِي الْشَّجْرَة وْ مَلْكِيتْشْ . أَمَلَا أَڤْطَعْهَا! عْلَاشْ هَذِه الْأَرْضْ ضَايْعَة بْلَا فَايْدَة؟ 8 جَاوْبَهْ وْ ڤَالَهْ :" يَاسِيدِي حَلِّيهَا ، خَلِّيهَا هَاذْ الْعَامْ ثَانِي حَتَّى نَحْرڤْهَا وَ نْدِيرْهَا الْزْبَلْ نْتَاعْ الْحَيَوَانْ . 9 وَإِذَا جَابَتْ الْفَاكْيَة ، وْ إِلَا مَعْطَاتْشْ الْفَاكْيَة نَڤْطَعْهَا". 10 وْكَانْ يْعَلَّمْ فَالْمَجْمَعْ نْهَارْ الْسَّبْتْ، 11 وْ كَأَنَّهَا مَرْأَة فِيهَا رُوحْ شَرِّيرْ مَرَّضْهَا تْمَنْتَاعَشْ نْعَامْ ، وْ كَانَتْ مْحَدْبَه مَتَقْدَرْشْ تَرْفَدْ رُوحْهَا ڤَاعْ . 12 كِيشَافْهَا يَسُوعْ عَيَّطَلْهَا و ڤَالْهَا:" يَامْرَى ، بْرِيتِي مَنْ مَرْضَكْ! " . 13 و حَطْ يَدِّيه ،عْلِيهَا فْدِيكْ الْسَّاعَة بْرَاتْ و وَڤْفَتْ وْ مَجْدَتْ الْلَّه . 14 جَاوْبَه رَئِيسْ الْمَجْهَعْ و هُوَ زَعْفَانْ عْلَى خَاطَرْ يَسُوعْ بَرَّى هَدِيكْ الْمْرَى فَنْهَارْ الْسَّبْتْ ، و ڤَالْ لْهَدُوكْ الْنَّاسْ :" عَنْدْنَا سَتْ أَيَّامْ نْتَاعْ خَدْمَة ، و فِي هَدِيكْ لِيَامْ تْجُوا وَتْبَرُّوا الْنَّاسْ، و مْشِي بَسَّبْتْ !". 15 جَاوَبْهُم الْرَّبْ و ڤَالْ :" يَا مْنَافْقِينْ ! مَيْنَجَّمْشْ يْسَرَّحْ كُولْ وَاحَدْ مَنْكُمْ بَنْهَارْ الْسَّبْتْ الْبْڤَرْ وْلَّا حْمَارَهْ مَنْ الْكُورِي و يْشَرَّبْهُمْ ؟ 16 و هَذِي، بَنْتْ بْرَاهِيمْ ، رْبَطْهَا الْشِّيطَانْ ثْمَنْتَاعَشْ نَسْنَى ، عْلَاشْ مَشِّي كَانْ يْلِيقْ يَتْسَرَّحْ مَنْ رَبْطْهَا نْهَارْ الْسَّبْتْ ؟". 17 و كِي ڤَالْ هَدْ الْشِّي حَشْمُوا ڤَاعْ الْلِّيكَانُوا يْنَاڤْرُوا فِيهْ و فَرْحُو ڤَاع لِيكَانُوا تَمَّاكْ بَالْشِّي الْعَظِيمْ لِكَانْ يْدِيرْ فِيهَا. مَثَلْ حَبَّة الْخَرْدَلْ و مثَلْ الْخَمِيرَة 18 و ڤَالْ :" شَايْشَبَّهْ مَلَكُوتْ الْلَّه ؟ و شَانْشَبْهَه ؟ 19 يْشَبَّهْ حَبَّة خَرْدَلْ ادَّاهَا وَحْدْ الْإِنْسَانْ و غْرَسْهَا فِي جْنِينْتَه ، نَبْتَتْ وْوَلَّاتْ شَجْرَة كْبِيرَة ، و عَشَّتْ الْزْوَاوَجْ نْتَاعْ اسْمَا فِي غْصَانْهَا". 20 و ڤَالْ تَانِي : " بَاشْ نْشَبَّهْ مَلَكُوتْ الْلَّه ؟ 21 اتْشَبَّه الْخْمِيرَه أَدَّاتْهَا امْرَى و دَسَّتْهَا فْتَلْتْ كِيلَاةْ دْڤِيڤْ حَتَّى خَمْرَتْ ". 22 و فَاتْ فِي لَمْدُنْ وَ دْشُرْ يْعَلَّمْ و يْرُوحْ لَطْرِيقْ أُورُوشَالِيمْ ، 23 وڤَالَه وَاحَدْ :" يَاسِيدِي ، أَقْلِيلْ هُمَا لِي يَسَّلْكُوا ؟". 24 و ڤَالْهُمْ : اجْتَاهْدُوا بَاشْ تَدَّخْلُوا مَنْ الْبَابْ الْضَّيَّقْ،و أَنَا نْڤُولْكُمْ : غَادِي بَزَّافْ يَطَّلْبُوا بَاشْ يَدَّخْلُوا و مَيْقَدُّوشْ 25 وْكِي جَا مُولْ الْدَّارْ و بَلَّعْ الْبَابْ ، و بْدِيتُوا تُوَّڤْفُوا بَرَّى وْ طَّطْبُوا فَالْبَابْ و تْڤُولُوا: يَارَبْ ، يَارَبْ ! حَلْ عْلِينَا . يْجَاوَبْ ، وَيْڤُولْكُمْ: مَنَعْرَفْكُمْشْ مْنِينْ جِيتُوا نْتُومَا ! 26 تَمْتَمْ تَبْدُوا تْڤُولُوا : اكْلِينَا وَ شْرُبْنَا ڤُدَّامَكْ ، و عَلَّمْتْ فِي جْوَايَهْنَا ! 27 وَ يْڤُولْ : نْڤُولْكُمْ: مَنَعْرَفْكُمْشْ مْنِينْ جِيتُوا ، نْتُومَا بَعْدُوا عْلِيَا يَا ضَالْمِينْ! 28 تَمَّا يْكُونْ لَبْكَى و الْنْوَاحْ ، كِي شَفْتُوا ابْرَاهِيمْ و اسْحَاقْ وْ يَعْقُوبْ و ڤاعْ الْأَنْبِيَاءْ فِي مَلَكُوتْ الْلَّهْ ، وَ نْتُومَا مَقْيُوسِينْ بَرَّى . 29 وَيْجُوا مَنْ الْشَّرْقْ و الْغَرْبْ و مَنْ الْشَّمَالْ و الْجَنُوبْ ، و يَتَّكُوا فْمَلَكُوتْ الْلَّهْ . 30 وْهَادُوا لِيْكُونُوا لْوَالَا يْوَلُّوا تْوَالَا وَتْوَالَا لْوَالَا ". 31 فِي دَاكْ الْنْهَارْ تْڤدْمُوا عَنْدَه الْفَرِّسِيِّينْ و ڤالُولَه : " أُخْرُجْ وْ رُوحْ مَنَّا ، عْلَى خَاطَرْ هِيرُودُسْ بْغَا يُكُّتْلُكْ". 32 و ڤالْهُمْ : " رُوحُوا ڤولُوا لْهَاذْ الْتَّعْلَبْ : أَنَا رَانِى نْخَرَّجْ الْشْوَاطَنْ ، وْنَشْفِي لْيُومْ وْ غَدْوَا ، و فَالْيُومْ نْكَمَّلْ هَادْ الْشِّي . 33 بَصَّجْ يْلِيقْ نَمْشِي الْيُومْ و غَدْوَا وَ الْلِّي مُورَاهْ، مَكَانْشْ انْبِيْ يَهْلَكْ بَرَّى أُورُوشَالِيمْ! 34 يَا أُورُشَالِيمْ ، يَا أُورُوشَالِيمْ ! يَا قَتَّالَتْ الْأَنْبِيَاءْ و الْلِّي رَجْمَتْ الْأَنْبِيَاءْ الْمُرْسَلِينْ لِيهَا، شْحَالْ مَنْ مَرَّة بْغِيتِي تْلَمِّي وْلَادَكْ كِيمَا تْلَمْ الْدْجَاجَة الْفْلَالِيسْ تَوَعْهَا تَحْتْ جْنَاحْهَا، و مَبْغَوْشْ! 35 و تَخْلَا دَارْكُمْ و الْحَقْ أَنْڤُولْكُمْ : مَاتْشُوفُونِيشْ حَتَّى يْجِي الْوَقْتْ تْڤُولُوا فِيه : مُبَارَكٌ الْآتِي بِاسْمِ الْرَّبْ!".
1 ونْهَارْ الْسَّبْتْ كِي جَا لْوَحْدْ الْدَّارْ تَعْ الْفِرِّيسِي بَاشْ يَفَّطْرُوا عَنْدَه ، كَانُوا يْعَسُّوهْ . 2 و كَانْ وَاحَدْ الْإِنْسَانْ مْرِيضْ ڤُدَّامَه. 3 جَاوَبْهُمْ يَسُوعْ وْ هَدَرْ لْمْعَلْمِينْ الْشَّرِيعَة و الْفَرِّسِيِينْ و يْڤُولْ:" بَصَّحْ حْلَالْ عْلِينا نْبَرُّوا نْهَارْ الْسَّبْتْ؟" 4 سَكْتُوا. شَدَّه وْ بَرَّاه وْ طَلْڤَهْ مَنْ مَرْضَهْ. 5 مَنْبَعْد جَاوَبْهُمْ وْ ڤَالْ: " شْكُونْ فِيكُمْ يْطَيَّحْ حْمَارَهْ و الْبَقْرِي نْتَاعَهْ فِي بِيرْ وْ مَيَرْفَدْهُمْشْ تَمْتَمْ نْهَارْ الْسَّبْتْ؟". 6 وْ مَقَدْرُوشْ يْجَاوْبُوهْ عْلَى هَدَاكْ الْشِّي . 7 وْ ڤَالْ لَلْمَعْرُوضِينْ وَاحَدْ لَمْثَلْ ، و هُوَ كَانْ يْمَيَّزْ كِيفَاشْ كَانُوا يْخَيْرُوا صْفُوفْ الْوَالَا ڤَالْهُمْ : 8 " وِينْتَا مَعَرْضُوكُمْ لَلْعَرْسْ مَتُڤُعْدُوشْ فَالْصْفُوفَ الْوَالَا، بَالَاكْ كَايَنْ نَاسْ اعْزَازْ عْلَى مُولْ الْعَرْسْ كْثَرْ مَنَّكْ. 9 وَيْجِي لْعَنْدَكْ مُولْ الْعَرْسْ وَ يْڤُولَّكْ: نُوضْ مْنِينْ رَاكْ مْجَمَّعْ وْ مَدَّهْ لْهَذَا الْضِّيفْ. وْ تَمْتَمْ تَبْدَا تَحْشَمْ وْ تْجَمَّعْ مَنْ الْتَّالِي. 10 وِينْتَ مَغَرْضُوكْ رُوحْ وْ جَمَّعْ مْعَ الْتَّالِي ، حَتَّى وْ إِذَا جَا عَنْدَكْ لِعَرْضَكْ وَ يْڤُولَكْ: يَاصَاحْبِي، تْڤَدَّم الْڤُدَّامْ. تَمْتَمْ يْكُونْ لِيكْ قِيمَة ڤُدَّامْ لِي مْجَمْعِينْ حْدَاكْ . 11 لَخَطَرْ ڤَاعْ الْلِّي يَتْكَبَّرْ يْطِيحْ وْلِي يَتْوَاضَعْ يَتَّرْفَعْ". 12 وْڤَالْ تَانِي أَلِّي عَرْضُوهْ :" وْإِلَا دَرْتْ وْلِيمَة مَتَعْرَضْشْ غِيرْ صْحَابَكْ وْ غِيرْ خُوتَكْ وَلَّا غِيرْ الْأَصْدِقَاءْ الْتَّاعَكْ وْلَغِيرْ الجِيرَانَ الْمَتْرَفْهِينْ ، بَاشْ هُمَا مَيَعَّرْضُوكْشْ هُمَا ثَانِي ، هْنَا دِّيتْ الْلآجَرْ نْتَاعَكْ. 13 بَصَّحْ إِذَا عْرَضْتْ: عْرَضْ الْمْسَاكَنْ ، الْمْعَوْقِينْ ، وَالْعُمْيِينْ ، 14 يْكُونْ لِيكْ أَجْرْ كْبِيرْ عْلَى خَاطَرْ مَعَنْدْهُمْشْ بَاشْ يْحَلْصُوكْ ، وَيْكَافْأَكْ رَبِّي فِي يْوْمْ الْقِيَامَة". 15 وْ كِي سْمَعْ دَاكْ الْشِّي وَاحَدْ مَنْ هَادُوكْ لِيكَانُوا مْجَمْعِينْ تَمَّاكْ ڤَالَهْ :" يَاسَعْدَاتْ لِيَاكُلْ خُبْزْ فِي مَلَكُوتْ الْلَّه". 16 وْ ڤَالَهْ: " وَاحَدْ الْإِنْسَانْ دَارْ وْلِيمَة كْبِيرَة وَاعْرَضْ بَزَّافْ نَاسْ ، 17 وَارْسَلْ عَبْدَه فِي وَقْتْ لَعْشَا بَاشْ يْڤُولْ لَلْمَعْرُوضِينْ: أَرْوَاحُوا كُلْشِي رَاهْ وَاجَدْ. 18 أَبْدَاوْ ڤَاعْ بْرَايْ وَاحَدْ إِهَرْبُوا. ڤَالَهْ الْلَّوَلْ : رَانِي أَشِرِيتْ أَرْضْ، وْ لَازَمْ نْرُوحْ أَنْشُوفْهَا. رَانِي نُطْلُبْ مَنَّكْ بَاشْ تَسْمَحْلِي . 19 وْ ڤَالَه وَحْدَاخُرْ : أَنِّي شْرِيتْ خَمْسَة بْڤَرْ، وْ رَانِي رَايَحْ نْشُوفْهُمْ. رَانِي طَلْبَكْ بَاشْ تَسْمَحْلِي . 20 وْ ڤَالْ وَحْدَاخُرْ : رَانِي عَادْ كِي تْزَوَّجْتْ بَامْرَى ، مَنَجَّمْشْ أَنْجِي . 21 وْجَا هَدَاكْ الْعَبْدْ أُخَبَّرْ سِيدَه بْهَذَاكْ الْشِّي . أُتَمَّاكْ زْعَفْ مُولْ لَوْلِيمَة ، وْ ڤَالْ لْعَبْدَهْ : أُخْرُجْ بُلْخُفْ الْوَسْطْ الْمْدِينا وَ زْنَاقِيهَا ، وْ جِيبْ لَهْنَايَا الْمْسَاكَنْ و الْعُرْجْ و الْعُمْيِينْ . 22 ڤَالَه الْعَبْدْ : رَاهِ صْرَا كِيمَا آمَرْتْ ، وْ مَزَالْ كَايَنْ لَمْكَانْ. 23 ڤَالْ الْسَيَّدْ لَلْعَبْدْ : أُخْرُجْ لَطُّرْڤَانْ وْ جْوَايَهْ لَمْزَرْبَة وْ جِيبْهُمْ يَدُّخْلُوا حَتَّى تَتْعَمَّر الْدَّارْ، 24 عْلَى خَاطَرْشْ نْڤُولْكُمْ: مَكَانْ حَتَّى وَاحَدْ مَنْ هَدُوكْ الْرْجَالْ الْمَعْرُوضِينْ يْذُوقُوا عْشَايَا". 25 وْ كَانُوا بَزَّافْ نَاسْ يَتْمَشُّوا مْعَاهْ ، دَارْ وْ ڤَالْهُمْ : 26 " إِلَا كَانْ وَاحَدْ يْجِي لْعَنْدِي يَبْغِي بُوهْ وَامَّه ، وْ مَرْتَهْ وَوْلَادَهْ وْ خُتَهْ وَخْوَتَتَه ، وْ حَتَّى نَفْسَهْ تَانِي ، مَيَقْدَرْشْ إِكُونْلِي تلْمِيذْ لِي. 27 مَيَرْفَدْشْ صَلِيبْ نْتَاعَهْ وَيْجِي مُورَايَا وْ يَتْبَعْنِي مَايَقْدَرْشْ إِيكُونْ تِلْمِيذِي. 28 وَشْكُونْ الْلِّي فِيكُمْ يَبْغِي يَبْنِي بُرْجْ وْ مَيْدِيرْشْ حِسَابَهْ. شْحَالْ عَنْدَهْ بَاشْ يْكَمْلَهْ ؟ 29 بَاشْ مَيْحَطْشْ الْسَاسْ وْ مَيَقْدَرْشْ يْكَمَّلْ ، وَالْلِّي يْفُوتْ مَنْ تَمَّاكْ اشُوفُوهْ وَيْزَعْقُوا عْلِيهْ ، 30 وَيْڤُولُوا: هَاذْ الْبْنَادَمْ بدَا الْبَنْيَانْ وَ مَقْدَرْشْ يْكَمْلَهْ. 31 شْكُونْ هَاذْ الْمَلِكْ أَلِّي يْرُوحْ يْحَارَبْ مَلِكْ وَحْدَاحُرْ، مَايْجَمَّعْشْ وْ يَتْشَاوَرْ: إِذَا يَقْدَرْ يْحَارَبْ بْعَشْرِ آلَافْ مُقَابِلْ عَشْرِينْ أَلْفْ ؟ 32 و إِذَا مَيَقْدَرْشْ ، يَرْسَلْ وَاحَدْ يُطْلُبْ شُرُوطْ الْصُّلْحْ. 33 و تَانِي كُولْ وَاحَدْ مَنْكُمْ مَيْخَلِّيشْ ڤَاعْ رَزْقَهْ، مَيَقْدَرْشْ يْوَلِّي تِلْمِيذِي. 34 "الْمَلْحْ حَاجَة مْلِيحَة . بَصَّحْ إِذَا الْمَلْحْ فْسَدْ ، بَاشْ يَتْسَقَمْ؟ 35 مَيَصْلَحْ لَا لَلْأَرْضْ وَلَا سْمِيڤْ نْتَاعْ تْرَابْ، يَنْتْقَاسْ بَرَّا. وْلِي عَنْدَهْ وَدْنِينْ بَاهْ يَسْمَعْ ، غِيرْ يَسْمَعْ".
1 وْ كَانُوا ڤَاعْ الْعَشَارِينْ وْ لْخَاطيِينْ يْڤَدْمُوا لْعَنْدَهْ بَاشْ يَسَمْعُوهْ . 2 زَعْفُوا الفَرِيسيِينْ وْ مُعَلِمِينْ الشَرِيعَة : " هَذَا يْرَحَبْ بِالْخَاطْيِينْ وْ يَاكُلْ مْعَاهُمْ !". 3 وْ كَلَمْهُمْ بْهَذَا لْمْثَلْ وْ ڤَالْ: 4 شْكُونْ فِيكُمْ عَنْدَهْ مْيَاتْ خْرُوفْ، وْ ظَاعْلَهْ وَاحَدْ ،مَيْخَلِيشْ تْسْعَ وْ تَسْعِينْ فْلَخْلَا ، وْ يْرُوحْ يْحَوَسْ عْلَى لْخْرُوفْ الضَايَعْ حْتَى يَلْقَاهْ ؟ 5 و كِي يَلْقَاهْ يَفْرَحْ ، 6 وْ يْجِي لْدَارَهْ وْ يَعْرَضْ صْحَابَهْ وْ جِيرَانَهْ وْ يْڤُولَلْهُمْ : اَفَرْحُوا مْعَايَا ، لَخَاطَرْ لْقِيتْ لْخْرُوفْ لَي ضَاعْلِي ! 7 نْڤُولَلْكُمْ : هَكَا يْكُونْ فَرْحْ فِي الْسْمَا بْخَاطِي وَاحَدْ يْتُوبْ أَكْثَرْ مَنْ تَسْعَة وْ تَسْعِينْ صَالَحْ مَيَسْحَقُوشْ الْتُوبَة . 8 شْكُونْ هَادْ لْمْرَة لَي عَنْدْهَا عَشْرة دُورُو، وْ إِدَا تْوَدَرَلْهَا دُورُو وَاحَدْ ، مَتْنُوضْشْ تَشْعَلْ الْمَصْبَاحْ وْ تَصْلَحْ ڤَاعْ الْدَارْ وْ تْفَتَشْ ڤَاعْ جْوَايَهْ حْتَى تَلْقَاهْ ؟ 9 وْ كِي تَلْقَاهْ تَعْرَضْ صْحَبَاتْهَا و جَارَاتْهَا و ْ تْڤُولضلْهُمْ افَرْحُوا مْعَايَا لَخَاطَرْ لْقِيتْ الدُورُو لِي ضَيَعْتَهْ . 10 كِيمَا هَاكْ ،نْڤُولَلْكُمْ : يْكُونْ فَرْحْ كْبِيرْ ڤُدَامْ الْمَلَايْكَة بْخَاطِي وَاحَدْ يْتُوبْ . 11 وْ ڤَالْ : " وَاحَدْ لْبْنَادَمْ كَانْ عَنْدَهْ زُوجْ وْلَادْ . 12 وْ ڤَالْ صْغِيرْ لْبُوهْ : يَا بَويَا أَعْطِينِي حَقِي مضنْ الْوَرْثْ وْ ڤْسَمَلْهُمْ رَزْقَهْ . 13 وْ بَعْدْ شِي يَمَاتْ لَمْ لْوَلْدْ الْصْغِيرْ كُلْ شِي وْ سَافَرْ لْبْلَادْ بْعِيدَة ، وْ تْمَ ضَيَعْ ڤَاعْ رَزْقَهْ . 14 وْ كِي ضَيَعْ ڤَاعْ دْرَاهْمَهْ ، صْرَى جُوعْ كْبِيرْ فِي دِيكْ لْبْلَادْ بْدَا يَسْحَقْ دْرَاهْمَهْ . 15 رَاحْ وْ تْلَاقَا بْوَاحَدْ مَنْ هَادِيكْ لْبْلَادْ ، وْ رَسْلَهْ بَاشْ يَرْعَى لْحْلَالِيفْ . 16 وْ كَانْ يْشْتْهَى بَاشْ يءعَمَرْ كَرْشَهْ مَنْ لْخَرُوبْ لِي كَانَتْ تَاكْلَهْ لْحْلَالِيفْ وْ مَا عْطَاهْ حْتَى وَاحَدْ . 17 رْجَعْ لْعَقْلَهْ وْ ڤَالْ : شْحَالْ مَنْ خْدَّامْ عَنْدْ بُويَا يَاكُلْ الْخُبْزْ بْلَا شَحَة وْ أَنَا هْنَا رَانِي ضَايَعْ بَلْجُوعْ! . 18 نُوضْ وْ نْوَلِي عَنْدْ بُويَا وْ نْڤُولَهْ : يَا بُويَا ، غْلَطْتْ ڤُدَّامْ رَبِي مْعَاكْ ، 19 وْ مَانَسْتَاهَلْشْ بَاشْ نْتْسَمَى وَلْدَكْ وْ حْسَبْنِي كِيمَا وَاحَدْ مَنْ خْدَامْ تَاوْعَكْ . 20 نَاضْ وْ جَا عَنْدْ بُوهْ. وْ شَافَهْ بُوهْ مَنْ بْعِيدْ ، تْحَنَنْ عْلِيهْ وْ جْرَى عَنْدَهْ وْ عَنْڤَهْ وْ سَلَمْ عْلِيهْ . 21 وْ ڤَالَهْ وَلْدَهْ : يَا بُويَا ، غْلَطْتْ ڤُدَامْ رَبِي وْ ڤُدَّامَكْ، وْ مَا نَسْتَاهَلْشْ بَاشْ نْتْسَمَى وَلْدَكْ . 22 وْ ڤَالْ بُوهْ لَلْخُدَامْ : جِيبُوا لْبْسَة لْمْخَيْرَة وْ لَبْسُوهْلَهْ ، وْ دِيرُولَهْ خَاتَمْ فِي يَدَهْ ، وْ صْبَاطْ فِي كَرْعِيهْ ، 23 وْ جِيبُوا فَرْدْ مْلِيحْ وْ ذَبْحُوهْ نَاكْلُوا وْ نَفَرْحُوا، 24 لَخَاطَرْ وَلْدِي كَانْ مَيَتْ وْ عَاشْ وْ كَانْ ضَايَعْ وْ رْجَعْ وْ بْدَاوْ يَفَرْحُوا . 25 وْ كَانْ وَلْدَهْ لَكْبِيرْ فِي لْفِيرْمَا .وْ كِي رْجَعْ وْ ڤَرَبْ لْدَارْ ، سْمَعْ لْغْنَى وْ رْڤِيصْ . 26 وْ عَيَطْ لْوَاحَدْ لْخَدَامْ و سَقْسَاهْ : شَا رَاهْ صَارِي هْنَا ؟ 27 ڤَالَهْ : خُوكْ صْغِيرْ رْجَعْ وْ بُوكْ دْبَحْلَهْ الْفَرْدْ لَمْلِيحْ ، لَخَاطَرْ رْجَعْ بْخِيرْ وْ عْلَى خِيرْ. 28 زْعَفْ خُوهْ وْ مَبْغَاشْ يضدْخُلْ لْدَّارْ . وْ خْرَجْ عَنْدَهْ بُوهْ بَاشْ يْحَاوْلَهْ . 29 جَاوَبْ وْ ڤَالْ لْبُوهْ : رَانِي نَخَدْمَكْ شْحَالْ مَنْ عَامْ ، وْ عُمْرِي مَا عْصِيتَكْ ، وْ عَنْزِي صْغِيرْ مَا عْطِيتْنِيشْ بَاشْ نَفْرَحْ بِيهْ مْعَ صْحَابِي . 30 وْ بَصَحْ كِيجَا وَلْدَكْ الْصْغِيرْ لِي كْلَا رَزْقَكْ فَلَحْرَامْ ، ذْبَحْتْلَهْ الْفَرْدْ لَمْلِيحْ ! 31 ڤَالَهْ : يَا وَلْدِي أَنْتَ مْعَايَا كُلْ يُومْ، وْ ڤَاعْ لِي عَنْدِي هُوَ تَاعَكْ . 32 وْ بَصَحْ كَانْ يْلِيقْ نَفَرْحُوا ، لَخَاطَرْ خُوكْ كضانْ مَيَتْ وْ عَاشْ، وْ كَانْ ضَايَعْ وْ تَلْقَا ".
1 وْ ڤَالْ تَانِي لْتْلَامَذْ تَاوْعَهْ : "كَانْ وَاحَدْ الْرَاجَلْ مْرَفَهْ وْ عَنْدَهْ وْكِيلْ ، جَابُولَهْ خْبَرْ بَلِي رَاهْ يْضَيَعْلَهْ فِي دْرَاهْمَهْ . 2 عَيَطْلَهْ وْ ڤَالَهْ : شَا رَانِي نَسْمَعْ عْلِيكْ ؟ عْطِينِي ڤَاعْ لْحْسَابْ مَنْ نْهَارْ لِي وَكَلْتَكْ عْلَى خَاطَرْ مَنْ دُوكْ مَاغَدِيشْ تْكُونْ وْكِيلْ . 3 وْ ڤَالْ لْوْكِيلْ فِي ڤَلْبَهْ : شَا نْدَيرْ ؟ عْلَى خَاطَرْ سِيدِي غَادِي يَڤْلَعْلِي لْوَكَالَة . وْ مَنْقَدْشْ نَخْدَمْ ، وْ نَحْشَمْ نَطْلُبْ. 4 رَانِي عْرَفْتْ شَا غَادِي نْدِيرْ ، وْ حَتَى اذَا حَاوْزُونِي يَقَبءلُونِي شِي نَاسْ فِي دْيَارْهُمْ . 5 وْ جَابْ ڤَاعْ نَاسْ لِكَانْ يْسَالَلْهُمْ سَيدَهْ ، وْ ڤَالْ لَلَوَلْ : شْحَالْ يْسَالَكْ سِيدِي ؟ 6 جَاوْبَهْ وَ ڤَالَهْ : مِيَة بِيدُو زِيتْ . ڤَالَهْ : أَدِّي ضْمَانْتَكْ وْ خُفْ جَمَعْ وْ اكْتُبْ خَمْسِينْ . 7 وْ ڤَالْ لْوَاحَدْ آخُرْ . وْ نْتَ شْحَالْ يْسَالَكْ ؟ جَاوْبَهْ : مِيَة كِيلْ ڤَمْحْ وْ َالَه أَدِّي ضْمَانْتَكْ وَ كْتَبْ ثْمَانِينْ . 8 شْكَرْ الْسِّيدْ هَدَاكْ لَوْكِيلْ الِظَالَمْ عْلَى الْحِكْمَة تَاعَهْ ، عْلَى خَاطَرْ وْلَادْ هَادْ لْجِيلْ عَنْدْهُمْ حِكْمَة كْتَرْ مَنْ وْلَادْ الْنُّورْ فِي جِيلْهُمْ . 9 وْ أنَا نْڤُولَلْكُمْ : دِيرُوا صْحَابْ بَدْرَاهَمْ لَحْرَامْ ، بَاشْ اذَا كَمْلُولْكُمْ دْرَاهَمْ يْفِيدُوكُمْ فِي دْيَارْ لَبْدَة 10 لِي يْتْأَمَنْ عْلَى لَقْلِيلْ يَقْدَرْ يْتْأَمَنْ عْلَى بْزَافْ حْوَايَجْ وْ لِي ظَالَمْ فِي لَقْلِيلْ يَقْدَرْ يَظْلَمْ فِي بْزَافْ حْوَايَجْ . 11 وْ إِذَا مَتْأَمَنْتُوشْ فِي دْرَاهَمْ لَحْرَامْ ، شْكُونْ غَادِي يْأَمَنْكُمْ عْلَى لْحَقْ ؟ 12 وْ اذَا مَكُنْتُوشْ مْأَمْنِينْ عْلَى صْوَالَحْ لْغِيرْ ، شْكُونْ غَادِي يْمَدَلْكُمْ شِي لِي هُوَ لِيكُمْ 13 مَايَقْدَرْشْ لْخَادَمْ يَخْدَمْ زُوجْ سْيَادْ ، إَما يْزَعَفْ لْوَلْ وْ يَرْضِي لَاخُرْ ، وْلَا يْكُونْ مْعَ وَاحَدْ وْ يَحْڤَرْ لَاخُرْ. وْ مَنَقَدْرُوشْ نَعَبْدُو رَبِي وَ دْرَاهَمْ ". 14 وْ تَانِي كَانُوا الْفِرِّيسِيِّونْ يَسَمْعُوا وْ هُومَا يَبْغُوا دْرَاهَمْ ، مَنْبَعْدْ تْمَسَخْرُوا بِيهْ . 15 وْ ڤَالَلْهُمْ : ". نْتُومَا لِي تْصَفُوا رْوَاحْكُمْ ڤُدَّامْ الْنَّاسْ بَصَحْ رَبِي يَعْرَفْ ڤْلُوبْكُمْ . وْ لِي يْتْكَبَّرْ حْدَا الْنَّاسْ هُوَ مضكْرُوهْ عَنْدْ الله . 16 " وْ بْقَاتْ الْشَّرِيعَة وَ الْأَنْبِيَاءْ حْتَى جَاءَ يُوحَنَّا . وْ مَنْ دَاكْ الْوَقْتْ بْدَا يْبَشَرْ بْلْمَلَكُوتْ تَاعْ الله ، وْ كُلْ وَاحَدْ كَانْ يَضْرَبْ بَاشْ يَوْصَلْ لَعَنْدَهْ . 17 سَاهَلْ بَاشْ تَفْنَى الْسْمَا وْ الْأَرْضْ بَصَحْ حْتَى حَرْفْ وَاحَدْ مَنْ الْشَرِيعَة مَايْتَمْحَاشْ . 18 ڤَاعْ لِي طَلَڤْ مَرْتَهْ وْ يَتْزَوَجْ بْوَاحْدُخْرَى هُوَ يَزْنِي ، وْ ڤَاعْ لِّي يَتْزَوَجْ مَنْ مْطَلْڤَة هُوَ رَاجَلْ زَانِي . 19 كَانْ وَاحَدْ لَبْنَادَمْ مْرَفَهْ يَلْبَسْ غِيرْ لَبْسَة الْغَالْيَة الْمَخْدُومَة بَلْأُرْجُوَانْ وْ هُوَ دَايْمََا يْتْنَعَّمْ بَالْرَزْقْ تَاعَهْ . 20 وْ كَانْ وَاحَدْ لْمَسْكِينْ سْمُوهْ لَعَازَرْ ، لِّي كَانْ طَايَحْ ڤُدَامْ دَارَهْ مَضْرُوبْ وْ مَجْرُوحْ ، 21 وْ هُوَ مَشْتَاڤْ يَاكُلْ حْتَى لَفْتَاتْ لِي طَايَحْ مَنْ طَابْلَة تَاعْ لْمْرَفَهْ ، وْ كَانَتْ لضكْلَابْ تْجِي وْ تَلْحَسْ جْرُوحَهْ . 22 وْ مَاتْ هَدَاكْ لْمَسْكِينْ وْ رَفْدُوهْ لْمَلَايْكَة لْعَنْدْ إِبْرَاهِيمْ وْ مَاتْ لْمْرَفَهْ تَانِي وْ دَفْنُوهْ ، وْ لْقَى رُوحَهْ فِي لْجَحِيمْ يْتْعَذَّبْ ، 23 وْ شَافْ إِبْرَاهِيمْ مَنْ بْعِيدْ وْ لِعَازَرْ مْعَاهْ فِي حَجْرَهْ 24 عَيَطْ وْ ڤَالْ يَا بُويَا إِبْرَاهِيمْ أَرْحَمْنِي، وَ رْسَلْ لِعَازَرْ بَاشْ يْشَمَخْ طَرْفْ صْبَاعَهْ بَلْمَاء وْ يْبَرَدْلِي لْسَانِي، عْلَى خَاطَرْ رَانِي مْعَذَّبْ فِي هَادْ نَّارْ . 25 ڤَالَهْ إِبْرَاهِيمْ يَا وَلْدِي ، تْفَكَّرْ بَلِي تْمَتَّعْتْ فِي لْحْيَاة تَاعَكْ وْ أَلِيعَزَرْ كَانْ مَغْبُونْ . وَ لْيُومْ هُوَ يْتْعَزَّى وْ نْتَ تَتْعَذَّبْ . 26 وْ فُوڤْ هَاذْ شِي ڤَاعْ ، بِينَّا وْ بِينْكُمْ حُفْرَة عَامْقَة ، مَا يَقْدَرْ حْتَى وَاحَدْ يَڤْطَعْهَا لَا مَنْ هْنَا لْعَنْدْكُمْ لَا مَنْ عَنْدْكُمْ لَعَنْدْنَا . 27 ڤَالْ : يَا بُويَا إِبْرَاهِيمْ ، أَنَا نْطُلْبَكْ بَاشْ تَرْسَلْ لْدَارْ بُويَا ، 28 لَخَطَرْ عَنْدِي خَمْسَ خُوتْ، بَاشْ يْخَبَرْهُمْ بْلِّي صْرَا بَاشْ هُومَا تَانِي مَيْجُوشْ يَتْعَذْبُوا فِي هَذا المَوْضِعْ . 29 ڤَالَهْ إِبْرَاهِيمْ : عَنْدْهُمْ مُوسَى وْ الْأَنْبِيَاءْ ، بَاشْ يَسَمْعُوا مَنْهُمْ . 30 وْ ڤَالْ لَا يَا بُويَا إِبْرَاهِيمْ ، بَصَحْ إِذَا رَاحْ وَاحَدْ مَنْ الْمُوتَى يْتُوبُو . 31 ڤَالَه : إِذَا كَانُوا مَيَسَمْعُوشْ مَنْ مُوسَى وَ الْأَنْبِيَاءْ ، وْ حَتَى إِذَا رَاحْ وَاحَدْ مَنْ المُوتَى مَيْأَمْنُوشْ ".
1 لْعَثْرَة وَ الْمَغْفِرَة وْ ڤَالْ لَتْلَامْذَهْ:" مَلْمُحَالْ مَيْكُونُوشْ الْسْبَايَبْ بَاشْ الْطِّيحْ، بَصَّحْ يَا وِيلَهْ لِيْكُونْ الْسَبَّا! 2 خِيرْلَهْ لُكَانْ يْعَلَّڤْ الْرَحَّايَة وَيْقِيسْ رُوحَهْ فَالْبْحَرْ، خِيرْ مَيْكُونْ سَبَّا بَاشْ يْضِيعْ وَاحَدْ مَنْ هَادُوكْ الْصْغَارْ. 3 حَرْزُوا رْوَاحْكُمْ. إِذَا غْلَطْ عَنْدَكْ خُوكْ أَنَّصْحَهْ، وْإِذَا تَابْ غْفَرْلَهْ. 4 وْ إِذَا غْلَطْ مْعَاكْ سَبْعْ خَطْرَاتْ فَالْيُومْ، وَ يْڤُولَكْ أَنَا تُبْتْ أَغْفَرْلَهْ وَرْجَعْ لْعَنْدَهْ سَبْعَ خطْرَاتْ وَ يْڤُولَّكْ: أَنَا تُبْتْ، أَغْفَرْلِي ". 5 وْڤَالُولَهْ الْرُّسُلْ لَرَّبْ: "زِدَلْنَا فِي إِيمَانْنَا!". 6 ڤَالْهُمْ الْرَّبْ :" لُوكَانْ عَنْدْكُمْ إِيمَانْ كِيمَا حَبَّةْ الْخَرْدَلْ ، تْڤُولُوا شَجْرَة الْتُّوتْ : أَنْڤَلْعِي وَ انْغَرْسِي فَالْبْحَرْ أَطِّيعْكُمْ . 7 "وَشْكُونْ فِيكُمْ عَنْدَهْ عَبْدْ يَحْرَتْ وَلَا يَسْرَحْ ،وَ يْڤُولَهْ إِذَا دْخَلْ مَنْ لَخْلَى : أَمْشِي وَ اَتَّكَى . 8 بَصَّحْ مَيْڤُولَهْشْ: رُوحْ بَدَّلْ قَشَّكْ وْ وَجَّدْلِي لَعْشَى، بَاشْ نَاكُلْ وْ نُشْرُبْ، مَنْ بَعْدَ تَاكُلْ وْ تُشْرُبْ نْتَايَا مَنْ بَعْدْ؟ 9 زَعْمَا غَادِي يَنْشْكَرْ هَدَاكْ الْعَبْدْ عْلَى هَدَاكْ الْشِّي لِدَارَهْ؟ مَشَكِّيتْشْ. 10 نْتُومَا تَانِي ، مَنْ كُولْ مَادِّيرُوا لِيَامْرُوكُمْ بِيهْ ڤُولُوا: حْنَا غْيرْ خَدَّامَا، وَنْدِيرُوا غِيرْ الْشِّي لِيَامْرُنَا بِيهْ". 11 وْكِي رَاحْ لْأُرُوشَالِيمْ فَاتْ فِي وَسْطْ الْسَّامِرَة وَ الْجَلِيلْ. 12 وْكِي كَانْ دَاخَلْ لْهَادِكْ الْدَّشْرَة تْلَقَاوْ بِيه عَشْرَا أَرْجَالْ فِيهُمْ الْبُرْصْ ، 13 وَڤْفُوا بْعِيدْ وْ زَڤُّوا وْ ڤَالُو:ا " يَاسِيدِي أَرْحَمْنَا!". 14 شَافْ فِيهُمْ وْ قَالْهُمْ : " رُوحُوا وْ وَرُّوا أَرْوَاحْكُمْ لَلْكَهَنَة ". وْ كِي كَانُوا رَيْحِينْ بْرَاوْ . وَاحَدْ مَنْهُمْ كِي شَافْ بَلِّي بْرَاوْ ، 15 وَلَّاوْ يْمَجْدُوا الْلَّهْ بْصُوتْ عَالِي . 16 وَرْكَعْ عَنْدْ رَجْلِيهْ وْ شَكْرَهْ وْ هُوَ مَنْ الْسَّامِرَة. 17 جَاوْبَهْ يَسُوعْ وْ ڤَالْ : " مَاشِي ڤَاعْ هَدُوكْ الْعَشْرَة بْرَاوْ ؟ وِينْهُمْ الْتَّسْعَة مَنْهُمْ؟ 18 مَكَانْشْ فِيهُمْ لِيْوَلِّي وَ يْمَجَّدْ الْلَّه مَنْ غِيرْ هَادْ لَغْرِيبْ ؟". 19 وْ مَنْ بَعْدْ ڤَالَه: " نُوضْ وَمْشِي ، إِيمَانَكْ خَلْصَّكْ>>. وِينْتَا يْجِي مَلْكُوتْ الْلَّه؟ 20 وْكِي سَقْسَاهْ الْفَرِّسِيُّونْ : " وِينْتَا يْجِي مَلْكُوتْ الْلَّه؟". جَاوَبْهُمْ وْ ڤَالْ: " مَيْجِيشْ مَلْكُوتْ الْلَّهْ كِي تَبْدَاوْ تْعَسُّوا فِيهْ، 21 مَيْڤُولُوشْ: هَذَا هْنَا ، وَلَّا: لْهِيهْ! خَاطَرْ مَلْكُوتْ الْلَّهْ فِي دَاخَلْكُمْ ". 22 وْ ڤَالْ لَلْتَّلَامِيذْ :" يْجِي يَمَاتْ تَشْتْهُوا بَاشْ تْشُوفُوا نْهَارْ وَاحَدْ مَنْ يَمَاتْ ابْنْ الْإِنْسَانْ . 23 وَ يْڤُولُوكُمْ: هَوَلَا هْنَا !وَلَّا: لْهِيهْ! مَتْرُوحُوشْ وْ مَتَّبْعُوشْ، 24 عْلَى خَاطَرْ الْبَرْقْ تَحْتْ الْسْمَا وَ يْبَانْ الْجِيهَا وَحْدُحْرَا تَحْتْ الْسْمَا تَانِي يْكُونْ ابْنْ الْإِنْسَانْ فِي يُومَه. 25 بَصَّحْ يْلِيقْ يَنْظَّرْ بَزَّافْ وْ يَرَّفْضَهْ هَذَا الْجِيلْ. 26 كِيمَا كَانْ فِي زْمَانْ نُوحْ هَاكَ يْكُونْ تَانِي فِي زْمَانْ إِبْنْ الْإِنْسَانْ: 27 كَانُوا يَاكْلُوا وْ يَشَّرْبُوا، وَ يْزَوْجُوا وْ يَتْزَوْجُوا، مَنْ الْيُومْ الْلِّي دْخَلْ فِيه نُوحْ لْسَفِينَة، وْ جَا طُوفَانْ هَلْكُوا ڤاعْ. 28 كِيمَا كَانُوا فِي زْمَانْ لُوطْ : كَانُوا يَشَّرْبُوا وَ يْبِيعُوا، و يَغَّرْسُوا وْ يَبْنُوا. 29 بَصَّحْ الْيُومْ الْلِّي خْرَجْ فِيهْ لُوطْ مَنْ سَدُومْ ، صَبَّتْ مَنْ الْسْمَا نَارْ وْ كَبْرِيتْ وْ هَلْكَتْهُمْ ڤَاعْ. 30 هَكَا إِكُونْ فِي نْهَارْ لِيْوَلِّي فِيه ابْنْ الْإِنْسَانْ. 31 فْهَدَاكْ الْنْهَارْ ڤَاعْ الْلِّي يْكُونُوا فَالْسْطَحْ وَ صْوَالْحَهْ فَالْدَّارْ مَيْهَوَّدْشْ يَدِّيهُمْ ، وْ الِّيْكُونْ فَالْخْلَا هَيَرْجَعْشْ لَرَّوْلْ. 32 تْفَكْرُوا مَرْتْ لُوطْ! 33 وْ الِّي أَطْلَبْ بَاشْ يْسَلَّكْ نَفْسَه يَهْلَكْهَا، وَ الِّي هْلَكْهَا يَحْيِيهَا. 34 نْڤُولْكُمْ: غَادِي يْكُونْ دِيكْ الْلِّيلَة زُوجْ رَاڤْدِينْ عْلَى الْفْرَاشْ يَنْتَرْفَدْ الْوَاحَدْ وْ يُڤْعُدْ الْزَّاوَجْ . 35 يْكُونُوا زُوجْ يَطَّحْنُوا مْعَ بَعْضْ تَنَرْفَدْ الْوَحْدَا تُڤْعُدْ الْزَّاوْجَة. 36 يْكُونُوا زُوجْ فَالْخْلَا، يَنَّرْفَدْ الْلَّوَلْ وْيُڤْعُدْ الْزَّاوَجْ". 37 جَاوْبُوهْ وْ ڤَالُولَه: " وِينْ يَا رَبْ؟". ڤَالْهُمْ: " وِينْ تْكُونْ الْجَنَّة تَمَّاكْ يَتْلَامُّوا الْنْسُورَ".
1 وعَظْهُم ثَانِي مَثَل بَلِي يْلِيقْ يْصَلُو كُلْ وَقْتْ و ما يْمَلُوشْ، 2 ڤَالْ :"كَانْ فِي وَاحَدْ لَمْدِينَة قَضِ مَيْخَافْشْ رَبِي و مَيْهَمَهْشِ فِي بْنَادَمْ. 3 وْكَانَتْ فْهَدِيكْ لَمْدِينَة هَجَالَة .وْكَانَتْ تْجِي عَنْدَهْ وْتْڤُولَهْ جِبْلِي حَقِي . 4 وْمَكَاشْ يَسْمَعْ لْهَا بَصَحْ ڤَالْ مْعَ رُوحَهْ:وْحَتَى ويْلَا مَكُنْتْشْ نْخَافْ رَبِي وْ نْخَافْ مَنْ شِي بْنَادَمْ . 5 عْلَى خَاطَرْشْ هَادْ الهَجَالَة سَامْطَة عْلِيَا نْمَدَلْهَا حَقْهَا بَاشْ مَاتْجِيشْ دَايْمَا تْصَدَعْنِي . 6 وْڤَالْ الرَبْ:"سَمْعُوا شَارَاهْ يْقُولْ قَاضِي الظُلْمْ . 7 الَلهْ مَيْرَدْشْ الحَقْ لْمُخْتَارِينْ لِيَطَلْبُوهْ لِيلْ وْنْهَارْ وْهُوَ زَعْمَا يَبْطَا عْلِيهُمْ ؟ 8 نْڤُولْكُمْ مَدَلْهُمْ حَقْهُمْ بَصَّحْ وِينْتَا مَا رْجَعْ اِبْنْ الاِنْسَانْ عَادِي زَعْمَا يَلْقَى الاِيمَانْ في الاَرْضْ ؟ 9 وْڤَالْ لْوَحْدْ لْقَوْمْ عَنْدْهُمْ ثِقَة في رْوَاحْهُمْ بلِي هُمَا صَالْحِينْ وْيَحَڤْرُوا لُخْرِينْ هَدَا هُوَ لْمْتَلْ : 10 "كَانُوا زُوجْ بْنْيَادَمْ طَلْعُوا لَلْهَيْكَلْ بَاشْ يْصَلُوا وَاحَدْ مَنْهُمْ فَارسِي وْلَاخُرْ عَشَارْ . 11 بَصَحْ الفَارسِي وْڤَفْ وْيْصَلِي وْيْقُولْ مْعَ رُوحَهْ : الَّلهُمَّ نَشَكْرَكْ عْلَى خَاطَرْ مَنِيشْ كِيمَا النَّاسْ الطَّمَاعِينْ وْ الظَالْمِينْ وْ الزُنَاتْ ، وْلَا كِيمَا هَادْ العَشَارْ . 12 نْصُومْ يُومِينْ في السْمَانَة وْنَعْشَرْ منْعَنْدِي . 13 بَصَحْ هَادَاكْ العَشَارْ وْڤَفْ مَبْعِيدْ مَنَجَمْشْ حَتَى يَرْفَدْ عِينِيهْ لْسْمَا ، بَصَحْ ضْرَبْ عْلَى صَدْرَهْ وْڤَالْ : الَّلهُمَ ارْحَمْنِي انَا المَدْنُوبْ . 14 نْڤُولْكُمْ هَدَا هوَّدْ لْدَارَهْ صَافِي منْ دْنُوبْ عْلَى خَاطَرْ ڤَاعْ لِيَتْكَبَرْ يْطِيحْ وْڤَاعْ لِيَتْوَاضَعْ يتَعْلَى شَانَهْ . 15 جَابُولَهْ وْلَادْ صْغَارْ بَاشْ يْبَارَكْهُمْ ، وْ كِيشَافْهُمْ التَلَامِيذْ حَاوْزُوهُمْ . 16 بَصَحْ يَسُوعْ عَيَطَلْهُمْ وْڤَالْهُمْ :"خَلُوا لَوْلَادْ يْجُوا عَنْدِي مَتَمَنْعُوهُمْشْ عْلَاخَطَرْ مَلَكُوتْ الَّلهْ مَخْدُومَة لْكِيمَا هَادُو . 17 الحَقْ نْڤُولْكُمْ :"لِمَيَقْبَلْشْ مَلَكُوتْ الَّلهْ كِيمَا هَادْ الوَلْدْ مَيَدْخُلْشْ" . 18 وْسَقْسَاهْ وَاحَدْ مَتْرَفَهْ وْ قَالْ : "يَا مُعَلِمْ الصَالِحْ شَانْدِيرْ بَاشْ نَوْرَثْ مَلَكُوتْ السَمَوَاتْ ؟" 19 وْڤَالَهْ يَسُوعْ عْلَاهْ سَمِيتْنِي صَالِحًا مَاكَانْ حَتَى وَاحَدْ صَالِحْ مَنْ غِيرْ وَاحَدْ هُوَ الَّلهْ . 20 رَاكْ تَعْرَفْ الوَصَايَا :مَتزْنِيشْ . مَتسْرَقْشْ . مَتَقْتَلْشْ . مَتَشْهَدْشْ بْزُورْ . وْكْرَمْ بُوكْ ومُكْ." 21 وْڤَالَهْ :"هَادُوا ڤَاعْ حْفَظْتْهُمْ مَلِي كُنْتْ صْغِيرْ ." 22 كِي سْمَعْ لَهْ يَسُوعْ ڤَالَهْ: بَاقِيلَكْ حَاجَة وَحْدَة تْدِيرْهَا : "بِيعْ ڤَاعْ شَاعَنْدَكْ وْڤَسْمَهْ عْلَى ڤْلَالِيلْ وْيْكُونْ لَكْ كَنْزْ فْسْمَا وْمْبَعْدْ تَبَّعْنِي." 23 وْكِي سْمَعْ دَاكْ الشِي حْزَنْ عْلَى خَاطَرْ كَانْ مْرَفَّهْ بَزَافْ . 24 كِشَافَهْ يَسُعْ حْزِينْ ڤَالْ: شْحَالْ وَاعَرْ بَاشْ يَدْخَلْ المْرَفَهْ لْمَلَكُوتْ الَّلهْ! 25 عْلَى خَاطَرْ سَاهَلْ يَدْخُلْ لْجْمَلْ في ثُقْبْ تَاعْ لَبْرَا وْوَاعَرْ بَاشْ يَدْخُلْ المْرَفَهْ لْمَلَكُوتْ الَّلَهْ ." 26 ڤَالُولَهْ لِسَمْعُوا :"شْكُونْ لِيَقْدَرْ يَدْخُلْ لْمَلَكُوتْ الَّلهْ؟ " 27 ڤَالْ :"لِمَيْقْدَرْشْ عْلِيهْ النَّاسْ يَقْدَرْ عْلِيهْ رَبِي". 28 ڤَالْ بُطْرُسْ :"رَانَا خَلِينَا كُلْشِي وْتَبَعْنَاكْ" 29 ڤَلهُمْ :"الحَقْ نْقُولْكُمْ : مَكَاشْ حَتَى وَاحَدْ خَلَّى دَارَهْ وَلَا وَالْدِيهْ وَلَا خَاوْتَهْ ولَا مَرْتَهْ وَلَا وْلَادَهْ عْلَى جَالْ مَلَكُوتْ الَّلهْ . 30 رَاهْ غَادِي يَتْرَدْلَهْ كُلْشِي لِسْمَحْ فِيهْ الزْمَانْ فَلَخْرَا يَتْرَدْلَهْ الحَيَاةْ الاَبَدِيَة . 31 وْدَا التَلَامِيذْ الاثْنَا عَشَرْ طَلْعُوا لْاُورْشَالِيمْ وْغَادِي يَصْرَا الشِي لْمَكْتُوبْ بلْاَنْبِيَاءْ عْلَى اِبْنْ الاِنْسَانْ . 32 عْلَى خَاطَرْ يْمَدُوهْ لَلْمَسْؤُولِينْ ، يْزَعْقُوا عْلِيهْ ، يْعَايْرُوهْ وْيَشَتْمُوهْ وْ يَدَفْفْلُوا عْلِيهْ . 33 وْيَجَلْدُوهْ وْيَقَتْلُوهْ في النْهَارْ الثَالَثْ يَحْيَا . 34 بَصَّحْ مَفَهْمُوا حَتَى حَاجَة وْكَانْ هَادْ الشِي مَخْفِي عْلِيهُمْ وْمَفَهْمُوشْ لِي ڤَالَهْ . 35 وْكِي ڤَرْبُوا مَنْ اَرِيحَا كَانْ وَاحْدْ لَعْمَى مْجَمَعْ فْطْرِيقْ يَطْلَبْ . 36 كِي سْمَعْ بَلِي جْمَاعَة فَايْتَة مَنْ تَمَا سَقْسى وْڤَالْ :"شَاكَاينْ هْنَا ؟" 37 خَبْرُوهْ بَلِي يَسُوعْ النَّاصِرِي فَايَتْ مَنْ تَمَا . 38 زَڤَا وْڤَالْ :"يَايَسُوعْ اِبْنْ دَاوَدْ اِرْحَمْنِي !" 39 بْدَاوْ يْسَكْتُوا فِيهْ وْهُوَ يْزَڤِي وْيْقُولْ :"يَايَسُوعْ اِبْنْ دَاوَدْ اِرْحَمْنِي !" 40 وْڤَفْ يَاسُوعْ وْقَالْهُمْ جِيبُوهْ لَهْنَا وْ كِي ڤَرَبْ لْعَنْدَهْ سَقْسَاهْ 41 وْڤَالَهْ:" شَارَاكْ بَاغِي نْدِيرْلَكْ ؟ " ڤَالْ :"يَاسِيدِي نِ بَاغِي نْشُوفْ " 42 ڤَالَهْ يَسُوعْ :"شُوفْ. اِيمَانَكْ هُوَ لِبَرَّاكْ" 43 تَمْتَمْ وَلَّا يْشُوفْ وْتَبْعَهْ وْيْمَجَّدْ الَّلهْ وْڤَاعْ لِي شَافُوا هَادْ الشِي حَمْدُوا رَبِّي .
1 دْخَلْ يَسُوعْ لْأرِيحَا . وْ بْدَا يْتْمَشَى فِيهَا ، 2 وَاحَدْ الْرَاجَلْ سَمُوهْ زَكَّا ، مَتْرَفَهْ هُوَ مَنْ الْمَسْؤُولِينْ لْكْبَارْ تَاعْ الْضَرِيبَةَ ، 3 بْغَا بَاهْ يْشُوفْ شْكُونْ هُوَ يَسُوعْ ، بَصَحْ مَاقْدَرْشْ يْشُوفَهْ عْلَى خَاطَرْ كَانُوا مْدَاوْرِينْ بِيهْ بْزَافْ نَاسْ ، و تَانِي زَكَّا كَانْ كْصِيرْ . 4 وَاشْ دَارْ رَاحْ يَجْرِي وْ طْلَعْ لْوَاحَدْ الْشَجْرَة بَاشْ يْشُوفَهْ ، عْلَى خَاطَرْ كَانْ غَادِي يِفُوتْ يَسُوعْ مَنْ تْمَّ . 5 كِي جَا يَسُوعْ لْدِيكْ لْبْلَاصَة ، طَلَّعْ عَيْنِيهْ لْفُوڤْ وْ شَافَهْ ، وْ ڤَالَهْ : "يَا زَكَّا ، خُفْ هَوَدْ ، الْيُومْ غَادِي نَقْعَدْ فِي دَارَكْ ". 6 هَوَّدْ زَكَّا بْلْخُفْ وْ رَحَبْ بْيَسُوعْ وْ هُوَ فَرْحَانْ . 7 وْ كِي شَافُوا الْنَاسْ هَدَاكْ الْشِيء اللِّي صْرَا بْدَاوْ ڤَاعْ يْشْتْكُوا وْ يْڤُولُوا :" دْخَلْ لْدَارْ رَاجُلْ خَاطِي ". 8 وْڤَفْ زَكَّا وْ ڤَلْ للرَبّْ يَسُوعْ :" يَا سِيدِي غَادِي نَعْطِي نُصْ لِي عَنْدِي لْزَوَالِيَة ، وْ اذَا دِّيتْ لْشِي وَاحَدْ حَاجَة غَادِي نْرُدْلَهْ رَبْعَ مَرَاتْ هَدَاكْ شِي لِي دِّيتَهْ ". 9 ڤَالَهْ يَسُوعْ :" الْيُومْ دْخُلْ الخَلَاصْ لْهَادْ الْدَارْ، وْهَادْ الْرَاجَلْ هُوَ تَانِي ابْنْ إِبْرَاهِيمْ ، 10 عْلَى خَاطَرْ ابْنْ الإِنْسَانْ جَاء بَاشْ يْحَوَسْ عْلَى الْمْوَدْرِينْ وْ يْسَلَكْهُمْ ". 11 وْ كِي كَانُوا يْسَمْعُوا هَادْ الْشِي عَاوَدَلْهُمْ وَاحَدْ الْمْثَلْ ، عْلَى خَاطَرْ كَانْ ڤْرِيبْ لُْأورْشَلِيمْ ، وْكَانُوا يَحَسْبُوا بَلّي مَمْلَكَة الله غَادِي تْبَانْ فِي دِيكْ السَّاعَة . 12 وْ ڤَالْ : " وَاحَدْ الإِنْسَانْ مْسَڤَمْ سَافَرْ لْبْلَادْ بْعِيدَة بَاشْ يْوَلِي مَلِكْ عْلِيهَا وْ يْوَلِي . 13 عَيَطْ عْلَى عَشْرَة تَاعْ لَعْبِيدْ تَاوْعَهْ وْ عْطَى لْكُلْ وَاحَدْ مَنْهُمْ مْيَة دِينَارْ ، وْ ڤالَلْهُمْ :تَاجْرُوا بِيهُمْ حْتَي نَرْجَعْ . 14 وْكَانْ الْشَعْبْ تَاعَهْ يَكَرْهُوهْ وْ رَسْلُوا مُورَاهْ مَرْسُولِينْ بَاشْ يْڤُلُوا : مَابْغِينَاشْ هَادْ الرَّاجَلْ يَحْكَمْ عْلِينَا . 15 وْ كِي رْجَعْ هَادَاكْ المَلِكْ ، أْمَرْ بَاشْ يْجِيبُولَهْ هَادُوكْ لَعْبِيدْ لِّي عْطَاهُمْ الفَضَة دْرَاهَمْ ، بَاشْ يَعْرَفْ شْحَالْ يَرْبَحْ كُلْ وَاحَدْ فِيهُمْ فِي تِيجَارَتْهُمْ . 16 جَوَبْ لْوَلْ وْ ڤَالْ : يَا سِيدِي مْيَةْ دِينَارْ تَاعَكْ جَابَتْ أَلْفْ دِينَارْ . 17 وْ ڤَالَهْ : مَا عَنْدِي مَانْسَالَكْ أنْتَ عَبْدْ ضَالِحْ ! عْلَى خَاطَرْ كُنْتْ أَمِينْ فِي لَقْلِيلْ غَادِي نَعْطِيكْ الْسُلْطَة عْلَى عَشْرَة مُدُنْ . 18 وْ دْخَلْ الْزَّاوَجْ وْ ڤَالْ : يَاسِيدِي ، مِيَةْ دِينَارْ تَاعَكْ جَابَتْ خَمْسَمِيَة دِينَارْ . 19 وْ ڤَالْ لْهَدَا تَانِي : غَادِي تْوَلِي حَاكَمْ عْلَى خَمْسَة مُدُنْ . 20 مَنْبَعْدْ جَا وَاحَدْ آخُرْ وْ ڤَالْ : يَا سِيدِي ، هَاهِيَ مِيَةْ دَينَارْ لِي عْطِيتْنِي دَسِيتْهَا فْوَاحَدْ لْمَنْدِيلْ ، كُنْتْ خَايَفْ مَنَكْ ، 21 لَخَاطَرْ أَنْتَ رَاجَلْ وَاعَرْ ، تَدِي دَاكْ الْشِي لِي مَخْزَنْتْشْ ، وْ تَحْصَدْ لِي مَازْرَعْتَهْشْ . 22 ڤَالَهْ الْمَلِكْ : مَنْ فُمَكْ غَادِي نَحْكُمْ عْلِيكْ يَا لْعَبْدْ الْشَرِيرْ . كَانْ عْلَابَالَكْ بَلِي أَنَا رَاجَلْ وَاعَرْ ، نَدِي لِي مَاخْزَنْتْشْ ، وْ نَحْصَدْ لِي مَزْرَعْتْشْ ، 23 عْلَاهْ مَحَطِيتْشْ دْرَاهْمِي عْلَى طَابْلَة تَاعْ لي يْبَدْلُوا الْدْرَاهَمْ ، وْ كِي نْوَلِي نْرَدْهُمْ مْعَ الْرَبْحْ تَاعْهُمْ ؟ 24 وْ مَنْبَعْدْ ڤَالْ لءنَاسْ لْحَاضْرِينْ : أَدُوا مَنْ عَنْدَهْ هَادِيكْ لْمِيَة وَ عْطُواهَا لْمُولْ أَلْفْ دِينَارْ . 25 وْ ڤَالُولَهْ : يَا سِيدِي ، رَاهْ عَنْدَهْ أَلْفْ دِينَارْ ! 26 عْلَى خَاطَرْ نْڤُولَلْكُمْ : لِّي عَنْدَهْ يْتَزَادْلَهْ ، وْ لِي مَاعَنْدَهْشْ حْتَى لِّي عَنْدَهْ يَتَڤْلَعْ مَنَهْ . 27 وْعَدْيَانِي ، هَادُوكْ لِي مَابْغَاوْنِيشْ نَحْكَمْ عْلِيهِمْ ، جِيبِوهِمْ لْهْنَا وِ دَبْحُوهُمْ ڤُدَّامِي". 28 ڤَالْ يَسُوعْ هَادْ لَكْلَامْ وْ كَمَلْ طْرِيڤَهْ لُْأورْشَلِيمْ . 29 وْ كِي ڤَرَبْ مَنْ دَارْ فَاجِي وْ دَارْ عَنْيَا ، عَنْدْ الْجْبَلْ لِّي يْسَمُوهْ جْبَلْ الْزَّيْتُونْ ، رْسَلْ زُوجْ مَنْ تَلَامِيذْ تَاوْعَهْ 30 وْ ڤَالَلْهُمْ: " رُوحُوا لْدَاكْ دُوَّارْ لِّي ڤُدَامْكُمْ ، وْ كِي تَدَخْلُوا غَادِي تَلْقُوا جَحْشْ مَرْبُوطْ مَا رْكَبْ عْلِيهْ حْتَّى وَاحَدْ . حَلُوهْ وْ جِيبُوهْ . 31 وْ اذَا سَقْسَاكُمْ كَاشْ وَاحَدْ : عْلَاهْ رَاكُمْ تْحَلُو فِيهْ ؟ ڤُولُولَهْ : لخَاطَرْ الْرَبْ مَسْحَقَهْ ". 32 ورَاحُو ولْڤاو كِمَا ڤَالْ لْهُم. 33 فِي الْوَقْتْ لِّي كَانُوا يْحَلُوا الِّربَاطْ ڤَالُوا مَالِيهْ "عْلَاشْ رَاكُمْ تْحَلِوا فِي الْرِبَاطْ تَاعْ لْجَحْشْ ؟ ". 34 جَاوْبُوهُمْ : " الرَبْ رَاهْ مَسْحَقَهْ. 35 وْجَابُو التْلَامَذْ الجَحْشْ عَنْدْ لْيَسُوعْ , وْحَطُّوا فُوقَهْ حْوَايَجْهُمْ وْرْكَبْ يَسُوعْ , 36 فِى الْوَقْتْ الِلِى كَانْ غَادِى فِيهْ أَبْدَوْ الَنَّاسْ إِفَرْشُولَهْ حْوَايْجْهُمْ فَى الَطْرِيقْ. 37 وْكِڤَرَبْ عَنَدْ الْهَضْبَة نْتَاعْ جْبَلْ الَزَيْتُونْ , بْدَاتْ الْجَمَاعَة الَتَّلاَمِيذْ يْهَلْلُوا , يَفَرْحُوا وْيْسَجْدُوا الله بْصَوْتْ عَظِيمْ بَسْبَابْ ڤَاعْ الْمُعْجِزَاتْ لِشَافُوهُمْ , 38 ڤَالُوا :" متبَارَكْ الْمَلِكْ الَلِى جَايْ بَإِسْمْ الَرَّبْ . لَهْنَا فَى الَسْمَا وْ الْمَجْدْ فَى الَسْمَا الْعَالْيَة !". 39 وْبَعْضْ الْفَرِّسِيِنْ ڤَالُولَهْ الَلِى كَانُوفَى الْجْمَاعَة نْتَاعْ الَنَّاسْ : " يَاسِيدِي سَكَتْ الَتَّلاَمِيذْ نْتَاوْعَكْ ". 40 وْجَاوَبْهُمْ يَسُوعْ وْڤَالْهُمْ :<< نْقُولْكُمْ إِلاَ سَكْتُوا هَادُوا , الْحَجْرَة هِيَ الِلِى غَادِى تْزَڤِ !". 41 وْكِڤَرَبْ مَا الْمَدِينَة شَافْهَا وَبْكَى عْلِيهَا 42 وْهُوَ يْڤُولْ :" تْمَنِيتْ لُكَانْ عْرَفْتِ الْيُومْ طْرِيقْ الَهْنَا ! بَصَّحْ دُورْكْ رَاهْ مَدْسُوسْ عْلَى عَيْنِيكْ . 43 عْلَى خَاطَرْ غَادِى إِيجُو يَامَاتْ وْيْدُورْ عْلِيكْ عَدْيَانْكْ يْحَاصْرُوكْ وْيْحَبْسُوكْ , وْيَتْجَمْعُوا عْلِيكْ مَنْ كُلْ جِهَة ، 44 وْغَادِ يْسَحْقُوكْ أَنْتِ وَوْلاَدَكْ الَلِى سَاكْنِينْ فِيكْ وْمَايْخَلِيوْ فِيكْ حَتَّى حَجْرَة وَاقْفَة عْلَى خَاطَرْ مَاعْرَفْتِيشْ الْوَقَتْ الَلِى جَافِيهْ الله بَاشْيْسَلْكَكْ ". 45 وْكِدْخَلْ الْهَيْكَلْ , بْدَا يْخَرَجْ لِكَانُويْبِيعُوا وْيَشْرُوا فِيهْ 46 ڤَالْهُمْ :" مَكْتُوبْ : بَيْتِى بِيتْ صْلاَة ، وَأَنْتُمَا رَدِّيتُوهْ غَارْ الْخِيَانْ !". 47 وْكَانْ يْعَلَمْ كُلْ يُومْ فَى الْهَيْكَلْ , وْكَانْ رُؤَسَاءْ رِجَالْ الَدِينْ وْعُلَمَاءْ الَشَّرْعْ وْزُعَمَاءْ الَشَعْبْ . بَاغْيِينْ يَكَتْلُوهْ ، 48 مَالْقَاوْ مَايْدِيرُوا عْلَى خَاطَرْ الَشَعْبْ ڤَاعْ مَتْعَلَقْ بِهْ يَسَمْعُولَهْ .
1 الُسُؤَالْ عَنْ سُلْطَانْ يَسُوعْ كَانَ يُعَلِمُ اَلْشَعْبَ فِي اَلْهَيْكَلِ وَيُبَشِرَ ,وَڤْفُوا رُؤَسَاءَ رِجَالَ اَلْدِّينَ وَاَلْكَتَبَة مَعَ اَلشُيُوخَ 2 كَلَمُوهُ وْڤَالُولَهْ :" ڤُلْ لَنَا بِأَيِّ سُلْطَانْ رَاكْ دِّيرْ هَذَا ؟وْلاَ شْكُونْ عْطَاكْ هَادْ الَسُلْطَانْ ؟". 3 جَاوَبْ وْڤَالْهُمْ :" أَنَا تَانِى نْسَقْسِيكُمْ كَلِمَة وَاحْدَ ,وْڤَولُولِى : 4 مَعْمُودِيَة يُوحَنَّا :كَانَتْ مَا الَسْمَا وَلاَ مَا الَنَّاسْ؟". 5 تْآمْرُوا مَابِينَاتْهُمْ وْڤَالُوا :<< إِذَا ڤُلْنَا مَا الَسْمَا يْڤُولْ :عْلاَهْ مَاَمَنْتُشْ بِهْ , 6 إِذَا ڤُلْنَا مَا النَّاسْ ,ڤَاعْ الَشَعَبْ غَادِى يْرَجْمُونَا عْلاَ خَاطَرْ كَانُوا ڤاعْ وَاثْقِينْ بَلِى يُوحَنَّأ نَبِيْ". 7 جَاوْبُوا بَلِّى مَايَعَرْفُوشْ مَنْ وِينْ . 8 ڤَالْهُمْ يَسُوعْ :" حَتَّى أَنَا مَانْڤُولَكُم بِأَيِ سُلْطَانْ أَنَا نْدِيرْ هَادْ الَشِي". 9 مَثَلُ الَكَرَامِينَ وَبْدَا يَسُوعْ يَحْكِى لِشَعبْ هَادْ لَمْثَلْ :" إِنْسَانُ غَرَسَ جْنَانْ تَاعْ لَعْنَبْ وْخَلاَهْ لْوَاحْدِينْ جْنَايْنِيَة وْسَافَرْ لْمُدَة طَوِيلَة 10 وْفِي الَوَقْتْ نْتَاعْ الْحْصَادْ ,رْسَلْ لَجْنَيْنِي وَاحَدْ الْعَبْدْ بَاشْ يَعْطُوهْ حَقَّهْ مَالعَنِيبْ ,ضَرَبُوهُ وَجَلَدُوهُ الْجْنَايْنِيَة وْ رَجْعُوهْ خَاوِي. 11 عَاوَدْ وَأَرْسَلْلْهُمْ عَبْدْ وَحْدَا خَرْ وْحَتَّى هُوَ ضَرْبُوهْ وِعَايْرُوهْ وْرَجْعُوهْ يَدِيهْ خَاوْيِينْ . 12 وْزَادْ رْسَلْ الَثَالَثْ وْ حَتَّى هُوَ ضَرْبُوهْ وْخَرْجُوهْ وْقَاسُوه بَرَا 13 وْڤَالْ مُولْ الْجْنَانْ :وَاشْ نْدِيرْ دُرُوكْ؟غَادِي نَرْسَلْ إؤبْنِى الْحَبِيبِبْ بَلاَكْ يْخَافُوهْ وَيْهَابُوهْ! 14 كِشَافُوهْ ,ڤَالُو بِينَاتْهُمْ هَذَا هُوَ لِغَادِي يَوْرَثْ !أَيَا نَقَتْلُوهْ وْنَدُو الْوَرْثْ ! 15 خَرْجُوهْ بَرَا الْجْنَانْ وْكَتْلُوهْ .أَيَا شَاغَدِي يْدِيرْ مْعَهُمْ صَاحِبْ الْجْنَانْ ؟ 16 إِيجِي وْيَقْتَلْ هَادُوكْ الْجْنَايْنيَة وْيَعْطِى الْجْنَانْ لْوَحَدْخْرِينْ ". وْمَلِي سَمْعُوا الَنَّاسْ هَادْالْكْلاَمْ ڤَالُوا : "حَاشَا". 17 شَافْ فِيهُمْ وْڤَالْ " وَاشْ مَعْنَى هَادْ الْكْلاَمْ ؟: الْحَجْرَة الْلِى مَا بْغَاوْهَاشْ الْبَنَّايَا هِيَ اللِّوَلاَتْ حَجْرَة الْسَاسْ ؟ 18 وْاللِّطَاحْ عْلَى هَادْ الْحَجْرَة غَادِي يَتْهَرَسْ وْ اللِّطَاحَتْ عْلِيهْ غَادِي يَتْسَحَقْ !". 19 وْفِي دِيكْ الْسَاعَة بْدَاوْ عُلَمَاءْ الشَرْعْ وَالْرُؤَسَاءْ نْتَاعْ رِجَالْ الدِينْ إِيحَوْسُوا بَاشْ إِشَدُوهْ عْلَى خَاطَرْ عَرْفُوا بَلِى رَاهْ إِمَعْنِى عْلِيهُمْ بْهَادْ لَمْثَلْ بَصَّحْ خَافُوا مَنْ النَّاسْ.دَفْعْ الْجِزْيَة لِقَيْصَرْ 20 بْدَاوْ إِعَسُوا يَسُوعْ وْيَرَسْلُوا جْمَاعَة كَانَتْ تْبَانْ تَبَّعْ طْرِيقْ الله ,بَاشْ يْشَّدُوا عْلِيه شِي كَلْمَة يْڤُولْهَا وْيْسَلْمُوهْ للَسُلُطَاتْ تَاعْ الْحَاكَمْ. 21 وْسَقْسَاوَهْ :" يَاسِدِي حْنَا عَارْفِينْ بَلِّى نْتَ صَادَقْ فِي كْلاَمَكْ وْتَعْلِيمَكْ وْمَادِيرْشْ بَصَّحْ تْعَلَمْ طَرِيقْ الله بَالْحَقْ 22 وَاشْ حْلاَلْ لِينَا نْخَلْصُوا الْضْرِبَة لِقَيْصَرْ وْلاَلاَ؟ ". 23 وْعْرَفْ يَسُوعْ الْحِيلَة نْتَاعْهُمْ وْڤَالْهُمْ :" عْلاَهْ تْجَرْبُوا فِيَا 24 وْرُولِى دِينَارْ ,نْتَاعْ شْكُونْ هَادْ الْتَّصْوِيرَة وْهَادْ الْكَتْبَة ؟". وْجَاوْبُوهْ " نْتَاعْ قَيْصَرْ ". 25 وْهُوَ يْڤُولْهُمْ :" عْطِيوْ لِقَيْصَرْ مَاهُوَ لِقَيْصَرْ وْعْطِيوْ لله مَاهُوَ لله ". 26 وْمَاقَدُوشْ إِشَدُّو عْلِيهْ حَتَّى كَلْمَة مَنْ الْكَلاَمْ لِكَانْ يَهْدَرْ بِيهْ قُدَامْ الْنَّاسْ وْتْعَجْبُوا مَنْ جْوَابَهْ وْسَكْتُوا . 27 وْجَاوْ عَنْدْ يَسُوعْ شِي وَحْدِينْ مِنْ الْصَّدُوقْيِنْ لِيَنَكْرُوا أَمَرْ الْقِيَامَة 28 وْسَقْسَاوَهْ :" يَا سِيدِي وْصَّانَا مُوسَي ,إِلاَ كَانْ رَاجَلْ مَتْرَوَجْ وْمَاتْ وْمَاخَلاَشْ وْلاَدْ ,إِلِيقْ خُوهْ يَتْزَوَجْ بْمَرْتَهْ بَاشْ يْدِيرْ نَسَلْ لْخُوهْ. 29 وْإِذَا كَانُوا عَنَدْنَا سَبَعَة نْتَاعْ الْخُوتْ ,وْتْزَوَجْ اللَّوَلْ بْوَاحَدْ لَمْرَوْمَاتْ بْلَمَا تَوْلَدْ 30 ,وْالَزَاوْجْ تْزَّوجْ بِهَا حَتَّى هُوَ , 31 وْالَثَالَثْ حَتَّى هُوَكِيفْ كِيفْ حَتَّى تْزَّوْجُوبِهَا ڤَاعْ الَسَّبْعَ الْخُوتْ وْمَاتُوا بْلاَمَا يْخَلُوا وْلاَدْ, 32 وْفَالَخَرْ مَاتَتْ الْمْرَا , أَيْوَا لِمَنْ تْكُونْ هَذِى الْمْرَا فِى 33 يَوْمْ الْقِيَامَة ؟عْلَى خَاطَرْ تْزَوْجُوا بِهَا الَسَبْعَة!". 34 جَاوَبْهُمْ يَسُوعْ :" الَنَّاسْ نْتَاعْ هَادْ الَدَنْيَا يَتْزَوجُوا وَيْزَوْجُوا, 35 وْبَصَّحْ هَادُو لِيَسْتَاهْلُوا الْحَيَاة الَدَّايْمَة وْالْقِيَامَة مِنْ بِينْ الْمُوتَى مَا مَيَتْزَوْجُوشْ وْمَايْزَوْجُوُشْ 36 ,عْلَى خَاطَرْهُمَا كِيمَا الْمَلاَيْكَة ,وْهُمَا أَبْنَاءْ الله وْأَبْنَاءْ الْقِيَامَة. 37 الْقِيَامَة مِنْ الأَمْوَاتْ بَيَنَهُ مُوسَى بِنَفْسِهِ فِى قِصَة الْعُلَيْقَة كِڤَالْ بَلِى الَرَّبْ هُوَ إِلاَهْ إِبْرَاهِيمْ وْإِلاَهْ إِسْحَاقْ وْإِلاَهْ يَعْقُوبْ . 38 هُوَمَشِ إِلاَهْ نْتَاعْ الْمَيْتِينْ بَصَّحْ إِلاَهْ الْحَيِّينْ,عَلَى خَاطَرْ ڤَاعْ حَيِّينْ عَنْدَهْ ". 39 جَاوْبُوهْ قَوْمْ مالْكَتَبَة وْڤَالُولَهْ :" يَامُعَلِمْ تْكَلَمَتْ مْلِيحْ!". 40 وْمَمْبَعْدْ حَتَّى وَاحَدْ مَاتْجَرَاْ إِسَقْسِيهْ حَتَّى حَاجَة. 41 الْمَسِيحْ وَدَاوْودْ وْڤَالْهُمْ :" كِيفَاشْ إِيڤُولُوا الَنَّاسْ بَلِى الْمَسِيحْ هُوَوَلَدْ دَاوُدْ؟ 42 وْدَاوْدْ بِنَفْسِهِ إِيڤُولْ فِى كِتَابْ الَزَّابُورْ ڤَالْ الَرَّبْ لِرَبِى : أَجْلَسْ عْلَى الَيَمِينْ 43 نْتَاعِى حَتَّى نْدِيرْ عدْيَانْكْ تَحْتْ رَجْلِيكْ. 44 فَإِذَا دَاودْ إِعْطِلَهْ ,لِلْمسِيحْ رَبِى أَيْوَا كِيفَاشْ إِيكُونْ المَسِيحْ وَلَدَهْ؟". 45 وْكِكَانُوا الَنَّاسْ يَسْمْعُوهْ ’ڤَالْ لْتَلاَمِيذْ 46 :"أَحَرْزُوا رْوَاحْكُمْ مَن الْعُلَمَاءْ الَشَرْعْ اللِّى يَبْغُوا يَمْشُوا بَالْعَبَايَاتْ الَطَو,يلَة , وْيَسْلَمُوا عْليهُمْ فِى الْبْلاَيْصْ العَامَة وْاللَسْوَاقْ ,وْيَكُونُوا فِي الْبَلاَيْصْ اللَوَلِينْ فَدْيُورْ الَصَلاَةْ وْيَڤَعْدُوا فِى الَبْلاَيْصْ الْخَيْرِينْ فَالْوْلاَيَمْ , 47 وْيَاكْلُوا رَزْقْ الْهَجَلاَتْ وْ يْطَوْلُوا الَصَلاَة نْتَاعْهُمْ بَاشْ إِيْبَانُوا قُدَامْ الَنَّاسْ , هَادْ الَنَّاسْ غَادِى يَدِوا دَيْنُونَة عَظِيمَة !".
1 فَلْسَا الاَرْمَلَة وْشَافْ يَسُوعْ هَدُوكْ الْمَتْرَفهِينْ يْحَطُوا شْوَيَمَنْ دْرَاهَهْمْ فَالْهَيْكَلْ , 2 وْشَافْ ثانِى وَاحَدْ لَمْرَا هَجَالَة حَطَتْ زُوجْ دُورُ, 3 وْڤَالْ :" الْحَقْ نْڤُولْكُمْ هَذِهِ الْهَجَالَة الْڤَلِيلَة حَطَتْ أَكْثَرْ مَنْهُمْ ڤَاعْ , 4 لَخَطَرْ هَدُوكْ ڤَاعْ حَطُوا شْوِيَ مَنْ دْرَاهَمْهُمْ , وْهَدْ الْهَجَالَة مَدَتْ ڤَاعْ لِعَنْدْهَا". 5 خَرَابْ الْهَيْكَلْ وَعَلاَمَتْ نِهَايَة الأزْمِنَة وْإِذَا كَانْ قَوْمْ يْڤُولْ عْلَى الْهَيْكَلْ رَاهْ مْزَيَنْ بْحْجَرْ شْبَابْ ڤَالْ 6 : " هَدِ لِرَاكُمْ تْشُوفُوهَا تْجِى يَامَاتْ مَيَبْاقَاشْ فِيهَا حَتَّى حَجْرَة عْلَى حَجْرَة ". 7 وْسَقْسَاوَهْ وْڤَالُولَهْ : " يَامُعَلِمْ وِينْتَ يَصْرَا ڤَاعْ هَدْا؟ وْشَاهِيَ الْعَلاَمَة كَيْصِرْ ڤَاعْ هَدْالَشِي ؟" . 8 وْڤَالْ:" شُوفُوا !مَاتْظَلْلُوشْ , كَايَنْ بَزَافْ يْجُوا يَهَدْرُوا بْالأَسْمِ تَاعِ يْڤُولُ أَنَا هُوَ !وْالَزْمَانْ قَرَبْ مَاتْرُحُوشْ مُرَاهُمْ، 9 وْإِذَا سَمْعُوا بَالْڤِرَاتْ وْمَتَنْخَلْعُوشْ لَخَطَرْ إِلاَقْ يَصْرَا ڤَاعْ هَدْ الَشِي فَالأَوَلْ ,وْبَصَّحْ مَشِي هَذهِ الَنِّهَايَة لَخَطَرْ مَيْكُنْشْ بَلْحَقْ ". 10 وْمَبَعْدْ ڤَالَلْهُمْ :" تْنُودْ أُمَة عْلَى أُمَة وْمَمْلَكَة عْلَى مَمْلَكَة 11 ,وْغَادِى يَضْرَبْ الَزْلاَزْلْ كْبِيرَة فِى مْكَانْ , وْمَاجَاعَتْ وْأَوْبِئَة وْيْكُونْ خُوفْ كْبِيرْ وْعَلاَمَاتْ كْبِيرَة مَنْ الَسْمَا . 12 وْقْبَلْ هَدَا ڤَاعْ يَضَرْبُكُمْ وْيْطَرْدُكُمْ , وْيْسَلْمُكُمْ بَاشْ تَتْحَاسْبُوا وْيْدَخْلُكُمْ لَلْحَبْسْ ,وْيَدُوكُمْ وْيْحَطُوكُمْ قُدَامْ الْحَاكْمْ بَاشْ يْحَاسْبُكُمْ عْلَى جَالْ إِسْمِى , 13 وِهَدْ ڤَاعْ بَاشْ تَشَهْدُوا عْلِيَا. 14 وْمَتْحَوْسُوشْ كِيفَاهْ دَافْعُوا عْلَى رْوَاحْكُمْ 15 ,لَخَطَرْ أَنَا نَعْطِيكُمْ كْلاَمْ وْحِكْمَة مَيْقَدْرُوشْ ڤَاعْ يْقَاوْمُوهَا وْيْنَقْضُهَا . 16 وْغَادِ يْسَلْمُوكُمْ الْوَالْدِينْ تَاعْكُمْ وْخُوتْكُمْ وْصْحَابْكُمْ وْفَمِيلَتْكُمْ وْيْقَتْلُكُمْ , 17 وْتْكُونُوا مَكْرُوهِينْ مَنِ ڤَاعْ الَنَّاسْ عْلَى جَالْ أَسْمِى 18 وْبَصَّحْ حَتَّى شَعْرَة مَنْ رَاسْكُمْ مَتَهْلَكشْ 19 ,وْكِتَصَبْرُوا تْرَبْحُوا رْوَاحْكُمْ. 20 وِينْتَ شَفْتُوا أُرُوشَلِيمْ مَدَاوْرَا بَالْجْيُوشْ ,تَمَ تَعَرْفُوا بَلِ قَرَبْ الْوَقْتْ , 21 وْتَمَ يَهَرْبُوا الِلى فَى الْيَهُودِيَة لَجْبَالْ وْيْرُوحُوا لِى فَالْمْدِينَة وْمَيَدَخْلُوشْ لِى رَاهُمْ فَالَدُوَارْ 22 ,لَخَطَرْ هَدْ لِيَامْ تَاعْ الإِنْتِقَامْ , بَاشْ يَصْرَا لِهُوَمَكْتُوبْ . 23 وْيَوِيلْكُمْ يَالِبَلْكَرْشْ وْلِيْرَضْعُوا فِى دُوكْ لِيَامْ لَخَطَرْ يَصْرَا ضِيقْ كْبِيرْ عْلَى الأَرْضْ وِزْعَافْ كْبِيرْ يْطِيحْ عْلَى الَشَعْبْ 24 ,وْيْكْتْلُوهُمْ بَالَسِيفْ وْيْدُوهُمْ مْسَبِينْ لْڤَاعْ الَشُعُوبْ وْتَبْقَى أُورُشَلِيمْ يَعَفْسُوا عْلِيهَا ڤَاعْ الأُمَمِيِنْ حَتَّى يْكَمَلْ الَزْمَانْ تَاعْ الأمَمْ . 25 وْتْبَانْ عَلاَمَاتْ فَالسْمَا لَقْمَرْ وَالَنْجُومْ وْعْلَى الأَرْضْ وْيَصْرَا ضِيقْ كْبِيرْ فَالاَرْضْ عَلَى الَنَاسْ لْمَتْحَيْرِينْ كِيمَا البْحْرْ وْ لَمْوَاجْ كِتْهَاجْ , 26 وْالَنَّأسْ ڤَاعْ يَتْغَاشَوْ مَلْخُوفْ وَيْقَارْعُوا شَاغَادِى يَصْرَا لِيَسَكْنُ تَمْ , لَخَطَرْ قْوَاتْ فَالسْمَا تْتْزَعْزَعْ . 27 هَادَكْ الْوَقْتْ يْشُوفْ إِبْنْ الإِنْسَانْ جَايْ فِى سْحَابَة بْقَوَة وْمَجْدْ كْبِيرْ , 28 وْكِيَبْدَا ڤَاعْ هَدْ الشِي يَصْرَا , وُڤْفُ وْرَفْدُوا رِسَنْكُمْ عْلَى خَاطَرْ لَسْلاَكْ رَاهْ ڤَرَبْ ". 29 وْڤَالْلَلْهُمْ مْثَلْ :" شُفُوا شَجْرَة الْحُرَة وْڤَاعْ شْجُرْ 30 وِنْتَ شَفْتُوا شَجْرَة تْخَرَجْ فِى وْرَاقْهَا عَرْفُوا بَلِى قَرَبْ الَصِيفْ 31 ,هَكَا نْتُمَا تَانِى وِنْتَ مَاشَفْتُوا ڤَاعْ هَادْ صْوَالَحْ أَعَرْفُوا بَلِى مَلَكُوتْ الله ڤَرَبْ . 32 الْحَقْ نْڤُولْ لْكُمْ : مَاغَدِيشْ يَفْنَى هَدْ الْجِيلْ حَتَى يْصِيرْ ڤَاعْ هَدَا , 33 الَسْمَا وْ لَأَرْضْ يَفْنَاوْ بَصَحْ كْلاَمِى مَيَفْنَاشْ 34 "حَزْرُوا رْوَاحْكُمْ وْقْلُوبْكُمْ مَنْ شَهْوَاتْ تَاعْ الَدَّنْيَا كَشْرَابْ وَسَكْرَانْ وْهْمُومْ الَدَّنْيَا , وْيْجِي هَذَاكْ الْيُومْ لِيَرْجَعْ الْمَسِيحْ فِى غَفْلَة . 35 وْيْجِى كَالْبَرْقْ عْلَى ڤَاعْ الَنَاسْ لِكَيْنِينْ فْهَادِكْ الأَرْضْ . 36 اسَهْرُوا وْتَضْرْعُوا فْكُلْ الْوَقْتْ بَاشْ يْكُونُوا مْنَاسْ الَّسَالْكِينْ مَنْ ڤَاعْ هَذَاكْ الَشِي لِيَصْرَا وْتَوَڤْفُوا ڤْدَامْ إِبْنْ الإِنْسَانْ ". 37 وْفَالنْهَارْ كَانْ يْعَلَمْ فَالْهَيْكَلْ , وْفَالِيلْ يَخْرَجْ وْيْبَاتْ فَالْجْبَلْ لِيَنْسَمَى جْبَلْ الزَيْتُونْ 38 .وْكَانْ ڤَاعْ الَشَّعْبْ يْبَكْرُوا لْعَنْدَاهْ فِي الْهَيْكَلْ بَاشْ يَسَمْعُولَهْ.
1 وْڤرْبْ عِيْدْ الفَطِيْرْ، الْلِيْ يْتْسمَى الفِصْحْ. 2 وْكَانُوْا رُؤَسَاءْ رِجَالْ الدِيْنْ وْعُلَمَاءْ الشَرْعْ يْحوْسُوْا كِيْفاَشْ يْقْتلُوْا يَسُوعْ، عْلَى خَاطَرْ كَانُوْا خَايْفِيْنْ مْالشَعْبْ. 3 وْدْخلْ الشِيْطَانْ فْيَهُوذَا الِلي يْسْمُوْهْ، الإِسْخَرْيُوطِيْ وْهُوَ مِنْ التْلاَمْذْ الثْنَاشْ نْتَاعْ يَسُوعْ. 4 وْرَاحْ وْتَافَقْ مْعَ رُؤَسَاءْ وْرِجَالْ الدِيْنْ وْالقِيَادَةْ نْتَاعْ الحَرَسْ نْتَاعْ الهَيْكَلْ كِيفَاشْ إِسْلمَهْ لِيْهُمْ. 5 وْفَرْحُوْا وْتَفْقُوْا مْعَاهْ بَاهْ يَعْطُوهْ دْرَّاهْمْ . 6 وْوَافْقْ عْلَى هَاذْ الشِيْ. وْبْدَا يْحَوسْ عْلَىْ عَفْسَةْ بَاشْ يْسْلْمَهْ لِيْهُمْ بْلَمَا يْشُوفُوهْ النَاسْ. 7 وْجَا عِيْد الفَطِيْرْ الْلِيْ فِيْهْ خَاصْ يْندْبَحْ الكْبشْ لْلْعْشَا نْتَاعْ الفِصْحْ . 8 وْصِيْفْط يَسُوعْ، بُطْرُّسْ وْيُوحَنَا وْڤالْهٌمْ : " رُوحُوْا وْوجْدُولْنَا لَعْشَا نْتَاعْ الفِصْحْ بَاشْ نَاكْلُوْا". 9 وْڤالُوْ لَهْ: "وِيْنْ بْغِيْتنَا نْوُجْدُوهْ؟". 10 وْهُوَ جَاوْبْهُمْ وْقَالْ: "كِيْ تْدَخْلُوْا لْمدِينَة غَادِيْ تْلقَاوْ وَاحَدْ الرَّجْلْ رَافْدْ قُلَةْ نْتَاعْ المَاء. تَبْعُوهْ حْتَى الدَارّْ الِلِيْ يْدْخُلْهَا، 11 وْقُولُو لْمُولْ الدَارّْ : رَاهْ يْقُولَكْ سِيْدِي وِيْنْ هُوْ دَارّْ الضْيَافْ الْلِي ْغَادِي نَاكُلْ .فِيْهْ لَعْشَا نْتَاعْ الفِصْحْ مْعَ التْلَامَذْ نْتَاوْعِيْ؟ 12 وْغَادِيْ يْوَرِيْلكُمْ الدَارّْ لْفُوڤ كْبِيْرَةْ وْمْفَرشَةْ. وْمْمْبَعْد وْجْدُوهْ". 13 رَاحُوْا وْلْڤاوْ دِاكْ الشِيْ كِيْمَا ڤالْهُمْ يَسُوْعْ، وْوجْدُوا لَعْشَا نْتَعْ الْفِصْحْ. 14 وْكِيْ وْصْلْ الْوَقْتْ، ڤعَدْ يَسُوعْ مْعَ الرُّسُلْ بَاش يَاكْلُوْا، 15 وْڤالْهُمْ : " شْحَالْ تْشْهِيْتْ نَاكُلْ هَادْ لَعْشَا نْتَاعْ الفِصْحْ قْبْل مَا نْتْعَذْبْ، 16 غَادِيْ نْڤولْكُمْ: مْن الْيُومْ عُمْرِيْ مَا غَادِيْ نَاكُلْ مْنَهْ حْتَى يْبَانْ الْمَعْنَى نْتَاعَهْ فْمَمْلَكَةْ الله". 17 وْمبَعدْ دَا الكَاسْ وْشَكَرْ الله وْڤالْ : " أْدُوْ هَاذْ الكَاسْ وْشَربُوهْ بِيْنَاتْكُمْ . 18 عْلَى خَاطَرْ نْڤولْكُمْ: مْن اليُومْ مَاغَادِيْشْ نْعَاودْ نْشْرُبْ مْن عَصِيْرْ الْعِنَبْ حْتَى تْجِيْ مَمْلَكَة الله". 19 وْخْذَا الخُبْزْ وْشكَرْ الله وْ قَطْعَهْ وْعْطَاهُمْ وْقَالْهُمْ: "هَذَا هُوَ الجَسَدْ نْتَاعِيْ تَعْطَي عْلَىْ جَالْكُمْ . دِيْرُوا هَاذْ الشِيْ بَاشْ تَتْفَكْرُونِيْ". 20 وْدَا الكَأسْ حْتَى هُوَ مْمْبَعْدْ لَعْشَا وْقَالْهُمْ: " هَاذْ الكَأسْ هُوَ العَهْد لْجْدِيْد بْالدَمْ نْتَاعِي الِلي غَادِي يْسِيْلْ عْلَىْ جَالْكُمْ. 21 وْبْصَحْ هَاذَاكْ الْلِي غَادِيْ يْسلْمنِيْ رَاهْ مْعَايَا عْلَى المَايْدَةْ. 22 عْلَى خَاطَرْ إِبْنْ الإِنْسَانْ غَادِيْ يْمُوتْ كِيْمَا هِيَ الخُطةْ نْتَاع الله، وْبْصَحْ يَاوِيْلْ هَادَاكْ الْلِي غَادِيْ يْسَلْمَهْ!". 23 وْبدَاوْ التْلَامْذْ يْڤولُوا لْبَعضْهُمْ لْبَعْضْ:" شْكُونْ لِيْ غَادِيْ يْدِيْرْ هَادْ الخْدمَةْ؟". 24 وْتْنَافْسُو بِيْنَاتْهُمْ عْلَى شْكُونْ هُوَ لَمْخَيَرْ فِيْهُمْ، 25 وْيڤولْهُمْ يَسُوعْ : "لْمُلُوكْ نْتَاعْ الشُعُوبْ يْحْكْمُوا عْلَى الشُعُوبْ، وْالْلِي عَنْدهُمْ السُلْطَةْ يَبْغُوا بَاشْ النَاسْ يْسمُوهُمْ مُحْسِنِيْينْ. 26 بْصَحْ نْتُمَا مَاخْصْكُمْشْ تْكُونُوا كِيفْهُمْ، بْصَحْ الّْمْخِيَرْ فِيْكُمْ خَاصَهْ يْكُونْ كِيمَا الصْغِيرْ، وْالرَّايسْ كِمَا الخْدَامْ. 27 بْصَحْ شْكُونْ هُوَ الَمخِيَرْ؟ الْلِي يْڤعَدْ وْيَاكُلْ؟ وْلَا لِّيْ يْڤعَدْ وْيخْدمْ. 28 تُمْ صْبَرّْتُو مْعَايَا فْي الْمِحْنَة نْتَاعِيْ، 29 أْنَا غَادِيْ نَعْطِيْكُمْ مَمْلَكَة كِيْمَا عْطَانِيْ بُويَ مَمْلَكَةْ، 30 بَاشْ تَاكْلُو وْتْشَرّْبُوا عْلَى لْمَايْدَةْ نْتَاعِيْ فِيْ مَمْلكْتِي، وْتجمعُوْا عْلَىْ الْكْرَاسِيْ نْتَاعْ العَرْشْ بَاشْ تْحكْمُوْا عْلَى الأسباط الثناش نتاع بني إسرائيل". 31 وْڤالْ الرَّبْ: "سْمعَانْ ،سَمْعَانْ هَا هُوَ الشيِطْانَ بْغَا يْغَرّْبْلْكُمْ كِيْمَا يْغَرّْبْل الڤمْحْ! 32 بْصَحْ أَنَا دْعِيْتْ عْلِيكْ بَاشْ مِايْفْنَاشْ إِيْمَانَكْ. وْأْنْتَ كِيْ تَرْجَعْ شْجَعْ خَوْتَكْ". 33 وْڤالَهْ: "يَارّْبِيْ أَنَا وَاجْدْ بَاشْ نْمشِيْ مْعَاكْ حْتَى لْلْحبْسْ وْلْلمُوتْ!". 34 وْڤالْ: " نْڤولْكْ يَابُطْرُسْ: مَايْصِيحْشْ الدِيْكْ اليُوْم قْبلْ مَاتْنكَرّْنِي ثْلاثْ خْطْرَاتْ بْلِيْ تَعْرفْنِيْ ". 35 وَمْبَعْدْ ڤالْهُمْ: " كِيْ رْسلْتكُمْ بْلَا ڤفَة وْبْلَا دْرَاهْم وْلاَنْعَايْلْ، سَحْقِيتُوا شِيْ حَاجَةْ؟" وْڤالُو لَهْ «لاَ». 36 وْڤالُهُمْ : "بْصَحْ ذُورْكْ شْكُونْ لِعْندَهْ ڤفَةْ يْدِيْهَا، وْلِعْنَدَه رُزْمَةْ دْرَّاهْم تَانِي يْدِيْهَا، وْلِمَعنْدَهْشْ يْبِيْعْ كَسَوْتَهْ وْيشْرِيْ سِيْفْ. 37 عْلَى خَاطَرْ نْڤولْكُمْ: رَاهْ إِلاَقْ يْصْرَّا فِيْهَا هَذَاكْ الشِيْ لِيْ مَكْتُوبْ فِيْ كْتَابْ الله: وْيْتَنحْسَبْ مْعَ الخَاطِيْيْن. وْڤاعْ الشِيْ للِيْ تْڤالْ عْلَيَ خَاصَهْ يْتحْقَقَ ". 38 وْڤالُوْا: " يَارّْبْ، هَاهُمْ عْنْدنَا زُوجْ سْيُوفَا ". وْڤاللهُمْ: "بَرْكَا!". 39 وْخْرجْ وْمْشَى كِيْعَادْتَهْ لْجْبَل ْالزِيْتُونْ ، وْتْلَامْذَهْ تْبْعُوهْ. 40 وْكِيْ وْصْلْ لْهَذَاكْ المُوضَعْ ڤالْ لْهُمْ:"صْلُوْا بَاشْ مَاتْدَخْلُوشْ فِيْ التَجْرِبَةْ". 41 وْبَعَدْ عْلِيْهُمْ شْوِيَةْ وْرْكَعْ وْصْلَى 42 وڤالْ: "يَا أَبَتَاهْ، بْعَدْ عْلِيَا هَاذِيْ الْمَحْنَةْ إِلاَ بْغِيْتْ. وبْصَحْ يْصَرَّا لِيْ بْغِتْ أْنْتَا وْمْش كِمَا بْغِتْ أَنَا". 43 وْبَانْ لَهْ مَلاَكْ مَنْ السْمَا بَاهْ يْشْجعَهْ . 44 وْمَنْ كَثرَةْ لِيْ كَانْ مْصَارَعْ مْعَ رُوْحَهْ ، تْضَايقْ وْكثَرْ فْي الصْلَاةْ وْوَلَى لَعْرّْقْ تَاعَهْ يْقطَرّ كِالدَمْ وْيْطِيْحْ فْي لْلَرْضْ. 45 مْبَعْدْ نَاضْ مْن الصْلَاةْ وْرْجَعْ لْعَنْد تْلَامْذَهْ ، وْلْقَاهُمْ رَاڤدِينْ مْن كْثْرَة الغْمْ. 46 وْڤالْ لْهُمْ: " مَالْكُمْ رَاڤدِينْ؟ نُوضُوا وْصْلُوا بَاشْ مَا تْدَخْلُوشْ فْي التَجْرِبَةْ". 47 فْلْوَقْتْ لِيْ كَانْ يَهْدَرْ بَانَتْ جْمَاعَة تَاعْ النَاسْ، جَايْبْهُمْ يَهُودَا، إْلِيْ هُوَ وَاحْد مْن تْلَامْذْ الطْنَاشْ وْڤرَبْ عَنْدْ يَسُوعْ بَاشْ يْسْلمْ عْلِيْهْ. 48 وْڤالَهْ يَسُوعْ: " يَايَهُودَا، بْتَسْلًام تْبِيعْ إِبْنْ الإِنْسَانْ؟". 49 وْكِيْ شَافْ هَاذُوكْ لِكَانُوا مْدَاورِيْنْ بِيْهْ شَا رَاهْ صَّايَرّْ، ڤالُوْا: " يَارَّبْ ، نْضَرْبُوا بْالسِيْفْ؟". 50 وْضْرَبْ وَاحْد مْنهُمْ عَبْد رَئِيْسْ رْجَالْ الدِيْن وْڤطَعْ لَهْ وْذْنَهْ اليُمْنَى . 51 جَاوْبَهْ يَسُوعْ وْڤالَهْ: « حَبْسُو، خْلُوهْ!». وْتْلَمْسْ وَذْنَهْ وْبْرَاهَا. 52 وْمْبَعْدْ ڤالْ يَسُوعْ لْرُّؤسَاءْ رْجَالْ الدِيْنْ وْمَسْؤُولِيْ حُرَاسْ الهَيْكَلْ وْالشْيُوخْ اللِيَ كَانُوْ ضْدَهْ: « كْلِيْ رَاكُمْ زَّادْمِينْ عْلَى خَاينْ بْسيُوفْ وْمْطَارڤ! 53 وْأَنَا كُنْتْ مْعَاكُمْ كُلْ يُومْ فْي الْهَيْكَلْ . عُمَرْكُمْ مَاخْرَبْتُوا فِيَاَ وْبْصَحْ هَذِيْ هِيَ سَاعْتْكُمْ، وْهَذِيْ هِيَ السُلْطَةْ تَعْ الظْلْمَةْ". 54 شَدُوهْ وْدَاوْه وْدَخْلُوهْ لْدَارّ رَئِيسْ رْجَالْ الدِيْن . وْكَانْ بُطْرُسْ يْتبَعْ فِيْه مَنْ بْعِيدْ. 55 كِيْ شَعْلُوا نَارّْ فِيْ وَسْط الدَارّ، جْمْعُوا مْعَ بَعْضْ، وْجمَعْ بُطْرُسْ بِينَاتْهُمْ. 56 شَافْتَه وَاحْدْ الخْدَامَة مْجْمَعْ حْذَا النَارّْ، وْشَافْتْ فِيْه غَايَة وْڤالَتْ :" هَذَا الرَّاجْل كَانْ تَانِيْ مْعَاهْ!". 57 نْكرَهْ وْقَالْ:" مَانْعَرّْفَهْشْ يَامْرَّا!" . 58 مْمبَعْدْ شْوِيَةْ، شَافَهْ وَاحْدْ أَخُرّْ وْڤالْ:" نْتَا تَانِيْ مْنهُمْ!". جَاوْبَه بُطْرُسْ: "يَابْنَادَمْ ، مَاشِي أَنَا!". 59 مْمْبَعْد سَاعَة وْهُوَ يْتمْشَا أَكدْ لَهْ وَاحدْ آَخُرّْ وْڤالْ: "بْصَحْ هَذَا تَانِي كَانْ مْعَاهْ، خَاطَرْ هُوَ تَانِي مْن الجَلِيْل!". 60 وْڤالْ بُطْرُسْ: " يَابْنَادَمْ، شَا رَاكْ تْڤٌولْ، مَانْعَرْفَهْشْ!" وْتَمْتَمْ وْهُوَ يَهْدَرّ صَاحْ الدِيْكْ. 61 دَارّْ الرَّبْ وْشَافْ فِيْ بُطْرُسْ، وْتفْكَرْ دَاكْ الشِيْ لِيْ ڤالَهْ الرَّبْ: "قْبَلْ مَا يْصِيْحْ الدِيْكْ تْنْكَرْنِيْ ثْلْث خْطْرَاتْ" . 62 وْخْرجْ بُطْرُسْ لْبَرَّا وْبْكَى بْحَرْقَةْ. 63 وْرْجَالْ لِكَانٌو حَاكْمِينْ يَسُوعْ وْيْسْتَهْزَاوْ بِيْه وْيْجْلدُوهْ 64 وْغْطَوْلَهْ وْجْهَه وْيْضَرْبُوهْ، وْيْسقسُوهْ وْيڤولُو لَهْ: " تْنبَأْ! شْكُونْ لِيْرَاهْ يْضَرْبْك؟". 65 وْكَانُوا يْزِيدُوا يْعَيْرُوا فِيْه بْزَافْ. 66 مِيْنْ طْلَعْ النْهَارْ، تْلَايْمُو شْيُوخْ الشَعْبْ: وْرُؤَسَاءْ رِجَالْ الدِيْنْ وْعُلَمَاءْ الشَرِيْعَة، جَابُو يَسُوعْ لْلمَجْلِسْ نْتَاعْهُمْ 67 ڤالُو لَهْ: " إِذَا كُنْتْ هُوَ المَسِيْح!". وْجَاوْبْهُمْ وْڤالْ: "حْتَى وِإِذَا ڤولْتْلكُمْ مَاغَادِيْشْ تْأَمْنُونِيْ، 68 وْيْلَا سَقْسِيْتكُمْ مَاغَادِيْشْ تْجَاوْبُونِي، وْمَاغَادِيْشْ تْطْلْڤونِيْ. 69 وْمَنْ ذُورْكْ غَادِيْ يْقعَد إِبْن الإِنْسَانْ عْلَى يَمِيْنْ الله لِيْ قَادَرْ عْلَى كُلْ شِيْ". 70 وْقَالُو لَهْ هَاذُوْكْ النَاسْ: "أْنْتَ هُوَ إِبْن الله؟". جَاوْبْهُمْ: "نْتُومَا تْقٌولُوا أَنَا هُوَ". 71 وْقَالُوا: "مَازَالْ مْسْحَقِيْنْ لْشِيْ شْهَادَةْ؟، رَانَا سْمَعْنَا كُلْ شِيْ مَنْ فَمَهْ".
1 وْ نَاضُوا ڤَاعْ جْمَاعَتْهُمْ وْ دَاوْ يَسُوعْ لْبِيلَاطُسْ ، 2 وْ بْدَاوْ يْحَصْلُوا فِيهْ وْ يْڤُولُوا :" لْقِينَا هَادْ الْرَاجَلْ يْحَرَشْ فِي الْشَعْبْ ، بَاشْ مَيْخَلْصُوشْ الْجِزْيَة تَاعْ قَيْصَرْ وْ يْڤُولْ : بَلِي الْمَسِيحْ هُوَ الْمَلِكْ ". 3 وْ سَقْسَاهْ بِيلَاطُسْ : " نْتَ هُوْ مَلِكْ الْيَهُودْ ؟". وْ رَدْ عْلِيهْ وْ ڤَالَهْ :" نْتَ ڤُلْتْ ". 4 وْ ڤَالْ بِيلَاطُسْ لْرُؤَسَاءْ رْجَالْ الْدِّينْ وْ ڤَاعْ الْنَّاسْ :" مَالْقِيتْشْ حْتَى دَنْبْ فِي هَادْ الْإِنْسَانْ ". 5 كَانُوا شَادِّينْ فِي هَدْرَتْهُمْ وْ يْڤُولُوا :" هُوَ رَاهْ يْهَيَجْ فَشَعْبْ وْ يْعَلَّمْ فِي ڤَاعْ لْيَهُودِيَة بْدَا مَنْ لْجَلِيلْ حْتَى لَهْنَا ". 6 وْ كِي سْمَعْ بِيهَادْ لْهَدَرَة لِي كَانَتْ دَايْرَة فِي لْجَلِيلْ ، سَقْسَا : " هَادْ الْرَاجَلْ مَنْ الْجَلِيلْ ؟ " 7 وْ كِي عْرَفْ بَلِي هُوَ مَنْ لَبْلَادْ لِي يَحْكَمْ فِيهَا هِيرُودُسْ ، رَسْلَهْ لْعَنْدْ هِيرُودُسْ ، لِيكَانْ هُوَ تَانِي فِي أُورْشَلِيمْ . 8 وْ كِي شَافْ هِيرُودُسْ يَسُوعْ فَرْحَانْ بْزَافْ ، عْلَى خَاطَرْ كَانْ بَاغِي يْشُوفَهْ مَنْ زْمَانْ مَنْ كَثْرَة لِي سْمَعْ عْلِيهْ ، وْ بْغَا يْشُوفْ مَنَهْ مُعْجِزَة . 9 وْ سَقْسَاهْ بْزَافْ بَصَحْ مَاجَاوْبَهْشْ عْلَى حْتَى حَاجَة 10 .مَنْ بَعْدْ وْڤَفْ رُؤَسَاءْ رْجَالْ الدِّينْ وْ لْكَتَبَة يْحَصْلُوا فِيهْ بَالْعُنْفْ . 11 وْ حَڤْرَهْ هِيرُودُسْ مْعَ لْعَسْكَرْ تَاعَهْ وْ ضَحْكُوا عْلِيهْ وْ لَبْسُوهْ عْبَايَة مْنَوْرَة ، وْ رَدَّهْ لْعَنْدْ بِيلَاطُسْ . 12 وْ مَنْ بَعْدْ وْلَّى هِيرُودُسْ وْ بِيلَاطُسْ صْحَابْ مَنْ دَاكْ الْنْهَارْ ، عْلَى حخَاطَرْ كَانُوا مَنْ قْبَلْ عَدْيَانْ . 13 لَمْ بِيلَاطُسْ رُؤَسَاءْ رْجَالْ الْدِّينْ وْ الْزُعَمَاء وْ الْشَّعْبْ ، 14 وْ ڤَالَلْهُمْ : " جَبْتُولِي هَذَا الْإِنْسَانْ وْ ڤَلْتُولِي هُوَ لِي كَانْ يْضَلَلْ فِي الْشَعْبْ وْ هَا رَانِي سَقْسِيتَهْ ڤُدَامْكُمْ وْ مَالْقِيتْ فِيهْ حْتَى ذَنْبْ مَلِحَصَلْتْ فِيهْ . 15 وْ حَتَى هِيرُودُسْ مَالْقَا فِيهْ حْتَى ذَنْبْ وْ رَدَّهْ لِينَا وْ مَادَارْ وَالُوا بَاشْ يْسْحَقْ لْمُوتْ . 16 غَادِي نْجَلْدَهْ وْ نَطَلْڤَهْ يْرُوحْ ". 17 وْ كَانْ عْلِيهْ بَاشْ يَطْلَڤْ مَحَابْسِي وَاحَدْ كُلْ عِيدْ . 18 وْ كَانُوا يْزَڤُوا بْصُوتْ وَاحَدْ وْ يْڤُولُوا : " أدُوا هَدَا وْ طَلْڤُوا لِينَا بَارَابَاسْ!". 19 وْ بَارَابَاسْ كَانْ فِي لْحَبْسْ عْلَى خَاطَرْ كَانْ يْدِيرْ فِتْنَة فْلَمْدِينَة وْ يَڤْتُلْ . 20 وْ عَاوُدْ هْدَرْ مْعَاهُمْ بِيلَاطُسْ عْلَى خَاطَرْ كَانْ بَاغِي يَطْلَڤْ يَسُوعْ ، 21 وْ كَانُو يْزَڤُوا وْ يْڤُولُوا : <<صَلْبُوهْ !صَلْبُوهْ ! >>. 22 وْ سَقْسَاهُمْ لَلْمَرَة الْثَالْثَة : " شَاهُوَ الذَنْبْ لِي دَارَهْ هَادْ الْرَاجَلْ؟ مَ لْقِيتْ فِيهْ حْتَى ذَنْبْ يَسْتَاهَلْ عْلِيهْ لْمُوتْ ، غَادِي نَجَلْدَهْ وْ نَطَلْڤَهْ ". 23 وْكَانُوا يْزَڤُوابْجَهْدْهُمْ وْ يَطَلْبُوا مَنَهْ بَاشْ يْصَلْبَهْ . وْ صُوتْهُمْ كَانْ غَالَبْ . 24 وْ قَرَرْ بِيلَاطُسْ بَاشْ يْدِيرْ الْشِي لِي بْغَاوَهْ . 25 مَنْ بَعْدْ طْلَڤَلْهُمْ لِّي كَانْ فِي لْحَبْسْ بْسَبَتْ الْفِتْنَة وْ قَتْلَهْ ، لِّي طَلْبُوهْ ، وْ سَلَّمْ يَسُوعْ بَاشْ يْدِيرُوا فِيهْ شَا بْغَاوْ . 26 فَلْوَقْتْ لِّي كَانُوا غَادْيِينْ بِيهْ شَدُّوا وَاحَدْ الْرَاجَلْ مَنْ قَيْرَوَانْ سَمُوهْ سِمْعَانْ ، كَانْ مْوَلِي مَنْ لَخْلَى ، وْ حَطُوا عْلَى ظَهْرَهْ الخَشْبَة تَاعْ صَلِيبْ . 27 وْ تَبْعُوهْ بْزَافْ نَاسْ مَنْ الْشَعْبْ ، وْ نْسَا لِي كَانُوا يْنَدْبُوا عْلِيهْ . 28 وْ وْ دَارْ عَنْدْهُمْ يَسُوعْ وْ ڤَالْ : "يَا بْنَاتْ أُورْشَلِيمْ ، مَا تَبْكُوشْ عْلِيَّ بَصَحْ بْكُوا عْلَى رْوَاحْكُمْ وْ عْلَى وْلَادْكُمْ ، 29 لَخَاطَرْ غَادِي يْجُوا يَمَاتْ يْڤُولُوا فِيهَا : سَعْدَاتْ نْسَا لِي مَيَوَلْدُوشْ وْ مَيْرَضْعُوشْ ! 30 فِي دَاكْ لْوَقْتْ يْبْدَاوْ يْڤُولُوا لَلْجْبَالْ : طِيحُوا عْلِينَا ! وْ وْ تِلَالْ غَطِينَا ! 31 عْلَى خَاطَرْ اذَا دَرُوا هَدَا بَالءغُصْنْ لَخْضَرْ ، شَا غَدِي يْصْرَا بْالْيَابَسْ ؟". 32 وْ جَابُوا تَانِي زُوجْ خِيَانْ وَحْدُخْرِينْ بَاشْ يَڤَتْلُوهُمْ . 33 وْ كِي وَصْلُوا لَلْجُمْجُمَة صَلْبُوهْ تْمَّ مَعَ هَادُوكْ لْخِيَانْ ، وَاحَدْ عْلَى لْيْمِينْ وْ لَاخُرْ عْلَى لِيسَرْ . 34 وْ ڤَالْ يَسُوعْ : " يَا أَبَتَاهْ ، غْفَرَلْهُمْ ، لَخَاطَرْ مَعْلَابَالْهُمْشْ شَا رَاهُمْ يْدِيرُوا ". تْڤَاسْمُوا كَسَوْتَهْ وْ دَارُوا قُرْعَة عْلِيهَا . 35 وْ كَانُوا نَاسْ وَاڤْفِينْ وْ يْشُوفُوا ، وْ الْرُؤَسَاءْ تَانِي مْعَاهُمْ يْزَعْقُوا بِيهْ وْ يْڤُولُوا :" اذَا كَانْ لْمَسِيحْ مُخْتَارْ الله ، كِيمَا سَلَكْ لُخْرِينْ يْسَلَكْ رُوحَهْ! ". 36 وْ ضَحْكُوا عْلِيهْ لْعَسْكَرْ حْتَى هُومَا ڤَدْمُوا عَنْدَهْ وْ عْطَاوَهْ لْخَلْ ، وْ ڤَالُوا لِيهْ : 37 " اذَا كُنْتْ نْتَ مَلِكْ لْيَهُودْ سَلَكْ رُوحَكْ !". 38 وْ كَانْ فُوڤْ رَاسَهْ لُوحَة مَكْتُوبْ عْلِيهَا بْلْيُونَانِيَة وْ رُومَانِية وْ لْعِبْرِيَة : " هَدَا هُوَ مَلِكْ الْيَهُودْ ". 39 وْ كَانْ وَاحَدْ مَنْ الْخِيَانْ لَمَصْلُوبِينْ مْعَاهْ يْڤُولْ : " اذَا كُنْتْ أَنْتْ هُوَ الْمَسِيحْ ، سَلَكْ رُوحَكْ وْ سَلَكْنَا !". 40 بَصَحْ لَاخُرْ زَڤَى وْ ڤَالْ : مَتْخَافْشْ رَبِّي وْ نْتَا رَاكْ غَادِي تَتْعَدَبْ كِيفَهْ ؟ 41 حْنَا نْسْتَاهْلُوا هَادْ لْعُقُوبَة ، عْلَى جَالْ لِّي دَرْنَاهْ، بَصَحْ هُوَ مَا دَارْ وَالُو ". 42 وْ ڤَالْ لْيَسُوعْ : " تْفَكَرْنِي كِي تْجِي فِي لْمَلَكُوتْ تَاعَكْ ". 43 جَاوْبَهْ يَسُوعْ وْ ڤَالَهْ : " الْحَقْ نْڤُولَكْ : غَادِي تْكُونْ مْعَايَا فِي الْجَنَّة ". 44 جْوَايَهْ طْنَاشْ تَاعْ نْهَارْ ظَلْمَتْ الْأَرْضْ حْتَى ثْلَاثَة تَاعْ لَعْشِيَة . 45 وْدَرْڤَتْ الْشَمْسْ وْ تَڤْطَعْ لْحْجَابْ تَاعْ لْهَيْكَلْ مَنْ لْوَسْطْ . 46 وْ زَڤَا يَسُوعْ مَنْ كُلْ جَهْدَهْ وْ ڤَالْ بِينْ يَدِيكْ نْسَلَمْ رُوحِي وْ كِي ڤَالْ هَادْ لْهَدْرَة سَلَمْ رُوحَهْ . 47 وْ كِي شَافْ مَسْؤُولْ تَاعْ لْعَسْكَرْ لِي صْرَا مَجَدْ الله وْ َڤَالْ : " بَلْحَقْ كَانْ هَدَا إِنْسَانْ مَا عْلِيهْ حْتَى ذَنْبْ !". 48 وْ ڤَاعْ نَاسْ لِّي حَضْرُوا وْ شَافُوا لِي صْرَا ، وْلَاوْ يْخَبْطُوا فِي صْدُورْهُمْ ، 49 وْ كَانُوا ڤَاعْ لِّي يْعَرْفُوهْ وْ نْسَا لِّي تَبْعُوهْ مَنْ الْجَلِيلْ وَاڤْفِينْ مَنْ بْعِيدْ يْشُوفُوا شَا رَاهْ صَارِي . 50 وْ كَانْ وَاحَدْ الْرَاجَلْ سَمُوهْ يُوسَفْ ، وْ كَانْ رَاجَلْ مْسَڤَمْ . 51 هَذَا مَا كَانشْ مْوَافَقْهُمْ فِي وَاشْ كَانُوا يْدِيرُوا . وْ هُوَ كَانْ مَنْ مْدِينَة جَايَة فِي لْيَهُودْ سَمُوهَا الرَّامَة وْ هُوَ تَانِي كَانْ يْقَارَعْ فِي ملَكُوتْ الله . 52 رَاحْ يُوسَفْ عَنْدْ بِيلَاطُسْ وْ طْلَبْ مَنَهْ الْجَسَدْ تَاعْ يَسُوعْ ، 53 نَزْلَهْ مَنْ الْخَشْبَة ، وْ لَفَّهْ بْلْكَتَّانْ ، وْ دَارَهْ فِي الْقْبَرْ جْدِيدْ مَا كَانْ فِيهْ حْتَى وَاحَدْ . 54 وْ كَانْ نْهَارْ تَوْجَادْ وْ نَهَارْ الْسَبْتْ جَايْ . 55 وْ تَبْعَهْ نْسَا جَاوْ مَنْ الْجَلِيلْ ، وْ شَافُوا الْقْبَرْ وْ كِيفَاشْ كَانْ مَحْطُوطْ لْدَاخَلْ . 56 وْلَاوْ وْ وَجْدُوا رْوَايَحْ وْ أَطْيَابْ . وْ نْهَارْ الْسَبْتْ رَيْحُوا عْلَى حْسَابْ الْوْصِيَة .
1 وفى لْفْجَر نْتَاع نْهَار الْحَدْ جَاوْ للْقبَر جَايْبِيْن مْعَاهُم لَحْنُوط لِي وجْدُه. 2 ولْڤَاوْ الْحجْرَة موَخرَة عْلَى لَقْبَرّْ. 3 وكِي دَخْلُوا مَالْڤَاوش لْجُثَة تَاعْ الْرَّب يَسٌوع. 4 وهُمَا مْتْحيرَاتْ وڤف لْهُم زُوجْ رْجَالْ لاَبْسِيْن بْيضْ. 5 خَافُو وْحطُو وْجُهْهُم فْلَرْض، وڤالُو لْهُم هَذُوكْ الرْجَالْ: "عْلاَش رَاكُو تْحَوسُو علَى الحَيْ بِينْ الْمُوتَا؟ 6 مَارَاهْشْ هْنَا،بصَّحْ قَامْ من الْمُوتَا! تْفكْرُوا الهْدرَّة لِيْ ڤالْهَا لْكُم فْى الجَلِيلْ 7 كِي ڤال: إِبنْ الإِنْسَان يلِيقْ يتسلَمْ فيْ يدِيْن الْخَاطْيِين ويتْصلَب، وفِي نْهَار الثالْث يقُوم مْن لْمُوت". 8 وتْفَكَرُوا هْدَرْتَه، 9 ولاَّو من الَقِبَرّ، وخَبْرُوا الْتْلاَمذ حْدَاشْ وڤعْ لَخْرِيْن بْشِي لِيْ صْرا. ولِيْ خَبْرُوا الرُسُل همَا. 10 مَريَم المَجْدَلِيَة، يُوَنَّا ومَريَم يْمَاتْ يَعقُوب، ونْسَا لَخْرِين لِيْ رَاحُوا مْعَاهُمْ. 11 مَا أمْنُوهُومْش الرُّسُل عْلَى خَاطَر حَسْبُوهُم رَاهُم يتخَيْلُوا. 12 نَاضْ بُطرُس وْجرَّا للقْبَرّ، وكِي طَاطَا شَاف كَفَن مَلْفُوفْ وَحدَه، ومْبَعد رَاح مَخْلُوعْ مَنْ وَاشْ صْرَا. 13 و فِيْ دَاك النْهَار كَانُو زُوجْ مَنْهُم رَاحُو لْوَاحْد الدْوَار بْعِيْد عْلى أُورْشَلِيم بْسبعَة كِيْلُومِتر، يسمُوه «عَمْوَاسْ». 14 ويهدْرُوا بِينَاتْهُم عْلَى ڤاعْ وَاشْ صْرا. 15 كِيْ كَانُوا يْتحَاوْرُّوا، يَسُوع بْرُحَه ڤربْ لهُم وتْمشَى مْعَاهُم. 16 بْصَحْ حَجَة مَا خلاَتْش عَينِيهُم تْعَرْفَه. 17 وسْقسَاهُم: "شَا رَاكُم تْهدْروا بِيْنَاتْكُم ونْتُومَا مَاشيين مكتَائبِيْن ؟". 18 وجَاوْبَه واحَد، يسْمُوهْ كَلْيُوبَاص وڤالَه: "نْتَا وَاحْدَك البَرَانِيْ لِي سَاكنْ فِي أُورشَلِيْم ومَا رَاكْش عَارف وَاشْ صْرا فِي هَذي لْيَامَات؟". 19 ڤال لْهُم: "شَا صْرا؟". جَاوبُوه: "لِي صْرَا لْيَسُوعِ النَاصِرِيْ، لِيْ كَانْ نْبِيْ قَوِي فِيْ كْلاَمَهِ وْفْعَايْلَهْ ڤدَامْ الله وْڤاعْ الشَعْبْ. 20 وْكِيفَاهِ سَلْمُوهْ لْرُؤَسَاءْ رِجَالْ الدِيْنْ وْالحُكَامْ نْتَاوعْنَا بَاهْ يْحكمُوْ عْلِيْه بْلْمُوتْ وْيْصَلْبُوهْ. 21 وَحْنَا كُنَا نْترجَاو بلِيْ هُوَ لِيْ غَادِيْ يسْلَك إسْرَائِيل. بصَحْ، مْعَ هَاذ شِيْ ڤاع،هَاوْلاَ اليُومْ الثَالَث مَلِيْ صْرا هَاذْ الشِي. 22 بصَاحْ شِيْ نْسَا مْنْ عنْدنَا حَيْرُونَا عْلَى خَاطَرْ عَلَى رَاحُو لَقْبَرصْبَاحْ بكرِيْ، 23 كِي مَا لْڤاوش الْجُثَة تَاع يَسُوع، جَاوْ وْڤالُوا: شَافُو المَلاَيْكَة ڤالوا لهُمْ يَسُوع حَيْ. 24 ورَاحُوا جْمَاعة لِي كَانُوا مْعَانَا للقَبَرْ، ولْڤاوهْ كِيْمَا ڤالُوا النْسَا بْصَحْ هُمَ مَاشَافُوهْش". 25 وْڤالْ لهُم يسوع: "يَالِي ماتْفَاهْمُوش وإيمَانْكُم قْلِيل فِي الإيمَانْ لِي هَدْرُوه الأَنْبِيَاء! 26 مَاشِيْ كَانْ يْلِيقْ الْمَسِيح يتألْم ويدخُل لِمَجدَ نْتَاعَه؟". 27 وْبْدَا المَسْيح يفسَرْ لهُم ڤاع الكُتُب وبْدَا منْ مُوسى وڤاعْ الأَنْبِيَاءْ. 28 مْبَعْد ڤرْبُوا لَدوَار لِيْ كَانُوا رَايِحِينْ لَه، وْبَانْ لْهُم يَسُوع كَلِي رَايَح لْمُوضَع بْعِيد. 29 وْحَاوْلُوهْ وْڤالُو لَه: "ڤعَد مْعَانا، عْلَى خَاطَر نْهَارْ رَاح وْاللِيل ڤربْ». ودخل بَاشْ يْبَاتْ مْعَاهُم. 30 كِي تْكَا مْعَاهُم رفَد الْخُبْز ْوبَارْكْ وْڤطَعْ وْمدْلهُمْ، 31 وتْحلُو عَينِهُم وعَرْفُوه مْبَعد ما بَانش لهُم، 32 وْبْدَاو يْهدْرُوا مَا بِيْنَاتهُمْ وْيڤولُوْا: "مَاشِيْ كَانْ فِيْ قَلْبنَا لَحْرَارَة كِيْ كَانْ يَهْدَرْ لْنَا فِيْ الطرِيْڤ وْيفسَرْ لنَا الشَرِيعَةْ؟". 33 وْنَاضُوا فِيْ دِيْكْ السَاعَةْ وْرجْعُوا لأُورْشَلِيْمْ، وْلڤاوْ حْدَاشْ التْلَامْذْ مَتْلَايْمِينْ هُمْ وْلِيِ مْعَاهُمْ 34 وْهُمَا يْڤولُو : "الرَّبْ بْالحَقِيقَةْ قَامْ مْنْ المَوتْ وْبَانْ لْسَمْعَانْ!". 35 بْصَحْ هُمَا كَانُو يْعَاوْدُو الصْرَا فْي الطْرِيْڤ وْكِيْفَاهْ عَرْفُوهْ كِيْ ڤطَعْ الخُبْزْ. 36 وْكِيْ كَانُوا يْهَدْرُوْا بْهَاذْ الشِيْ وْڤفْ يَسُوعْ فِيْ وَسْطْهُمْ، وْڤالْ لْهُمْ : "سَلَامْ لِيْكُمْ!". 37 خَافُوا وْانْخَلعُوْا، وحْسْبُوا يَلِيْ شَافُو رُوحْ. 38 ڤالْ لْهُمْ يَسُوعْ: " عْلاَشْ رَاكُمْ مَخْلُوعِيْنْ، وَعْلَاشْ دْخَلْ الشَكْ فِي ڤلُوْبْكُمْ؟ 39 شُوفُو يْدِيَا وْشُوفُو رْجْلِيَا: رَانِيْ أَنَا هُوَ! تْلْمسُونِيْ تْشُوفُوْا، خَاطَرْشْ الرُّوْحْ مَاعْندهَاشْ لْحَمْ وْلَعْظَمْ كِيْمَا رَاكُمْ تْشُوفُو فِيَا". 40 كِيْ ڤالْ لْهُمْ هَكَا وَرَالْهُمْ يْدِيْه وْرَجْلِيْه. 41 وْكِيْمَا هُمَا مَاشِيْ مْأَمْنِينْ مَلفَرْحَة ْوْ الخَلْعَة ڤالْهُمْ: "عَنْدْكُمْ هْنَا مَكْلَة". 42 "عْطَاوْهْ حُوتْ مَشْوِيْ وْشْوِيَا عْسَلْ. 43 دَاهْ وْكَلاَهْ قُدَامْهُمْ. 44 وْڤالْ لْهُمْ: "هَذَا هُوَ لْكْلَامْ لِيْ كْلَمْتْ لْكُمْ بِهْ وْأَنَا مَازَالْ مْعَاكُمْ: بْلِيْ يْلِيْقْ يْتحْقَقْ ڤاعْ لِيْ مَكْتُوبْ فِيْ شَرْعْ تَاعْ مُوسَى وكتُبْ الأَنْبِيَاء ". 45 تَمْتَمْ نَوَرْ لْهُم عْقَولْهُمْ بَاشْ يْفَهْمُوا كْتَابْ الله . 46 وْڤالْ لْهُمْ: "هَكَا مَكْتُوبْ، كَانْ يلِيقْ عْلَى المَسِيْح بَاشْ يْتْألَمْ وْ يْقُومْ مْن المُوتْ فِيْ اليَومْ الثَالْثْ، 47 بَاشْ يْبَشَرْ بْإِسْمَه بْالتَوبَة وْغُفْرَانْ الذْنُوبْ لْڤاعْ الشْعُوبْ، وْالبَدْيَةْ مَنْ أُوْرْشَلِيْمْ. 48 وْنْتُومَا شْهُودْ عْلَى هَاذْ الشِيْ. 49 وَأَنَا غَادِيْ نَرْسْل لْكُمْ لِي وْعَدْ بِه بُويَا. ڤعْدُو غِيْرْ فِيْ أُوْرشَلِيْم حْتَى تَنْزلْ عْلِيْكُمْ قُوَة مَنْ السّْمَا" . 50 خَرَجْهُمْ وْدَاهُمْ لْبِيْتْ عَنْيَا ، وْطَلَعْ يَدِيْه وْبَارْكهُمْ. 51 وْالوَقْتْ لِلْي كَانْ يْبَارْكْهُمْ ، فَارْقْهُمْ وْطْلَعْ لْسّْمَا. 52 سَجْدُو لَهْ وْولاَوْ لأُورْشَلِيْمْ وْهُمَا فَرْحَانِيْن، 53 وْكَانُوْا فِيْ كُلْ الوَقْتْ فْي الهَيْكَلْ يْسَبْحُوا ويْعَبْدُوا الله. أَمِيْنْ.
1 فَى الْبَدْيَة كَانْ الْكَلْمَة، وَالْكَلْمَة كَانْ عَنْدَ اللهّْ، وَالْكَلِمَة كَانْ اّْلله. 2 هَدَا كَانْ فَى الْبَدْيَة عَنْدَ اّْلله. 3 بِيهْ كُلْ شِي كَانْ، وْ بْلاَبِيهْ مَاكَانْ حَتَّى حَاجَة مَنْ دَاكْ الَشِي لِكَانْ. 4 فِيهْ كَانَتْ الْحَيَاةْ، وْ الْحَيَاةْ كَانَتْ نُورْ لَلْنَّاسْ. 5 وَالنُورْ إِيضَوِّي فَالضَلْمَة، وْ الَضَلْمَةَ مَاقَبْلَتْهَشْ. 6 كَانْ وَاحْدْ الرَاجْلْ مَرْسُولْ مَنْ عَنْدْ اّْلله إِسَمُوهْ يُوحَنَا. 7 جَا يَشْهَدْ لَنُورْ، بَاهْ ڤَاعْ إِآَمْنُوا عْلَى يَدَّهْ . 8 مَاكَانْشْ هَادْ الرَّاجَلْ هُوَالنُّورْ، بَصَّحْ كَانْ يَشْهَدْ للَنُّورْ. 9 كَانْ النُّورْ الْحَقِيقِي اللٍِّي جَايْ للَدَّنْيَا، بَاشْ يْضَوِّي كُلْ بْنَادْمْ. 10 الْكَلْمَة كَانْ فَي الَدَّنْيَا، وْ الذَّنْيَا بِيهْ تْخَلْقَتْ، وَبَصَّحْ الدَّنْيَا مَاعَرْفَاتَهْشْ. 11 جَا لْعَنْدْ شَعْبَهْ، وْ شَعْبَهْ مَاقْبْلُوهْشْ. 12 بَصَّحْ هَادُوكْ ڤَاعْ لِقْبْلُوهْ، وْ آمْنُوا بِيهْ، عْطَاهُمْ الَسُلْطَة بَشْ إِيَولُّوا وْلاَدْ اللهَّْ. 13 وْهُمَا لِمَاتْوَلْدُوشْ مَنْ دَمْ، وْلاَمَنْ مَشِيئَة جَسَدْ، وْلاَمَنْ مَشِيئَة رَاجَلْ، بَصَّحْ مَنْ اللهَّْ. 14 وَالْكَلِمَة وَلَّى بْنَادَمْ، وْ سْكَنْ بِينَاتْنَا، وَشَفْنَا الْعَزْتَاعَهْ، الْوَلْدْ الْوَحِيدْ تَاعْ الأَبْ، مْعَمَّرْ نِعْمَةْ وْحَقْ . 15 يُوحَنَّا شْهَدْ لَهْ، وْبَرَّحْ وْ ڤَالْ : «هَادْ ا هُوَ اللِّي ڤُلْتْ عْلِيهْ : هَادَاكْ اللِّغَادِي يْجِي مَنْ بَعْدْ مَنِّي، رَاهْ مُهِّمْ كْثَرْمَنِّي، عْلَى خَاطَرْ كَانْ قْبَلْ مَنِّي». 16 وَمَنْ عَنْدَهْ هُوَ دِّينَا حْنَا ڤَاعْ، نِعْمَة فُوقْ نِعْمَة . 17 عْلَى خَاطَرْ الَشَرْعْ تَعْطَى بْمُوسَى، وْبَصَّحْ النِعْمَة وْالْحَقْ جَاوْ بْيَسُوعْ الْمَسِيحْ . 18 حَتَّى وَاحَدْ مَا شَافْ اللهَّْ، بَصَّحْ الْإِبْنْ الْوَحِيدْ اللِّي ڤْريبْ مَالَْأبْ، هُوَ اللِّي خَبَّرْ بِيهْ. 19 وْهَادِي هِيَ شْهَادَةْ يُوحَنَّا، كِرْسْلُولَهْ لِيهُودْ مَنْ اُورُشَلِيمْ رْجَالْ الدِّينْ وْلاَوِيِينْ، بَاشْ إسَقْسَوهْ : « شْكُونْ نْتَ؟» 20 وْهُوَ يَعْتَرْفْ، وْمَانْكَرْشْ ,عْتَرَفْ وْڤَالْ : « أَنَا مَاشِي الْمَسِيحْ» . 21 وْسَقْسَاوَهْ : « شْكُونْ نْتَ؟ نْتَ إِلِيَّا ؟» وْهُوَ يْڤُولْهُمْ: « لاَ، أَنَا مَاشِي هُوَ». وْ يْڤُولُولَهْ ثَانِي : « أَنْتَ نْبِي ؟». وْ جَاوَبْهُمْ وْڤَالْ: « لاَ». 22 وْهُمَ يْڤُولُولَهِ : « أَيَّ شْكُونْ أَنْتَ؟ بَاشْ نْمَدُّوا الْجَوَابْ لِهَادُوكْ لِرْسْلُونَا ، وَاشْ تْڤُولْ عْلَى رُوحَكْ ؟ ». 23 وْڤَالْ : « أَنَا صُوتْ لى ابَرَّح فَالَصْحْرَاء، وْ يْڤُولْ: « صَڤْدُوا طْرِيڤْ الَرَّبْ، كِمَا ڤَالْ الَنْبِي أَشْعَيَاءْ». 24 وْمَنْ بِينْ هَادْ الْمَرْسُولِينْ كَانُوا شِي وَحْدِينْ مَالْفَرِّيسَيِّينْ . 25 وْسَقْسَاوَ يُوحَنَّا وْ ڤَالُوا : « عْلاَشْ رَاكْ تْعَمَّدْ النَّاسْ، إِلَى مَاكُنْتْشْ نْتَ هُوَّ الْمَسٍيحْ، وْلاَإِلِيَّا، وْلاَ النْبِيَّ؟» 26 جَاوَبْهُمْ يُوحَنَّا وْڤَالْ : « أَنَا نْعَمَّدْ بَالْمَا، بَصَّحْ بِينَاتْكُمْ وَاڤفْ وَاحَدْ مَا تَعَرْفُوهْشْ . 27 هُوَّ لِغَادِي يْجِي مَنْ بَعْدْ مَنِّي، وْمَانْسْتَاهَلْشْ نْحَلْ خْيُوطْ صَبَّاطَهْ ». 28 وْ صْرَا ڤَاعْ هَادْ الَشِي فَبِيتْ عَنْيَا، مَنْ وْرَا وَادْ الأُرْدُنْ، وِينْ كَانْ يُوحَنَّا يْعَمَّدْ النَّاسْ. 29 وْلْغَدْوَ كِينَا شَافْ يُوحَنَّا يَسُوعْ جَايْ لْعَنْدَهْ ، وْ هُوَّ يْڤُولْ : « هَاهُوَ خْرُوفْ اللهَّْ، اللِّي غَادِي يَرْفَدْ الدْنُوبْ تَاعْ ڤَاعْ العَالَمْ . 30 هَادَا هُوَ لُِلْتْ عْلِيهْ، غَادِي يْجِي مَنْبَعْدْ مَنِّي رَاجْلْ مُهِّمْ كْتَرْ مَنِّي، عْلَى خَاطَرْ كَانْ قْبَلْ مَنِّي . 31 وْ أَنَا مَا كُنْتْشْ نَعَرْفَهْ، بَصَّحْ جِيتْ نْعَمَّدْ بَالْمَا، بَاشْ إِيوَلِّي مَعْرُوفْ عَنْدْ إِسْرَائِيل». 32 شْهَدْ يُوحَنَّا لْيَسُوعْ، وْ ڤَالْ : « رَانِي شَفْتْ رُوحْ اللهَّْ نَازَلْ مَاالسْمَا، كِمَا الحْمَامَة، وْبْقَى عْلِيهْ . 33 أَنَا مَاكُنْتْشْ نَعَرْفَهْ، بَصَّحْ هُوَّ لِرْسَلْنِي بَاشْ نْعَمَّدْ بَالْمَا ، هُوَّرَاهْ ڤَالْ لِيَّ : غَادِي نْشُوفْ رُوحْ اللهَّْ نْزَلْ بْقَى عْلِيهْ، رَاهْ هَادَاكْ هُوَّ اللِّي غَادِي يْعَمَّدْ بَالرُوحْ الْقُدُسْ . 34 وْ أَنَا رَانِي شْفْتْ هَادْ الشِي، وْ شَهَدْتْ بَلِّي هَادَا هُوَّ إِبْنْ الله ». 35 وْ لْغَدْوَكِينَا يُوحَنَّا عَاوَدْ تَانِي وَاڤَفْ تَمَّ، هُوَّ وْ زُوجْ مَنْ تْلاَمْذَهْ . 36 وْ غِيرْ شَافْ يَسُوعْ يَتْمَشَّي وْڤَالْ : « هَاذَا هُوَّ خْرُوفْ اللهَّْ». 37 وْسَمْعُوا زوج تَلاَمِيذْ يُوحَنَّا هَادْ الَكْلاَمْ، وْتَبْعُوا يَسُوعْ . 38 وْتْلَفَتْ يَسُوعْ وْشَافْهُمْ تَابْعِينَهْ وْيْسَقْسِيهُمْ : « عْلَى وَاشْ رَاكُمْ تْحَوْسُوا ؟» وْجَاوْبُوهْ :«رَّابِّي » لِمَعْنَاهْ يَامْعَلِمْ، وِينْ تَسْكُنْ ؟ . 39 وْهُوَّ يْڤُولْهُمْ :« أَرْوَحُوا وْ غَادِي تْشُوفُوا» وِرَاحُوا مْعَاهْ، وْشَافُوا وِينْ يَسْكَنْ، وْ فَوَّتْ مْعَاهْ دَاكْ النْهَارْ، وْكَانْ هَادْ الشِي فِي جْوَايَهْ الرَبْعَة تَاعْ الَعْشِيَة. 40 كَانْ أَنْدَرَاوْسْ خُو سَمْعَانْ بُطْرُسْ وَاحَدْ مَنْ هَادُوكْ الزُوجْ اللِّي سَمْعُوا كْلاَمْ يُوحَنَّا وْتَبْعُوا يَسُوعْ . 41 وْلْقَا أَنْدْرَاوْسْ فَااللَّوَلْ خُوهْ سَمْعَانْ وْ ڤَالَهْ: « رَاهْ لْقِينَا المَسِيَّا» اللِّي المَعْنَى نْتَاعَهْ : الْمَسِيحْ . 42 وْجَاوْبَهْ يَسُوعْ وْشَافْ فِيهْ وْڤَالْ : « نْتَ سَمْعَانْ وَلْدْ يُونَّا نْتَ غَادِي تْوَلِّي صَفَا » اللِّي مَعْنَاهْ : بُطْرُسْ. 43 وْلْغَدْوَا كِينَا بْغَى يَسُوعْ إِرُوحْ لَلْجْلِيلْ وْيَلْقَى تَمَّ فِيلِيبُسْ وْ ڤَالَهْ: « تَبَعْنِي !» . 44 وْ كَانْ فِيلِيبُسْ مَنْ بِيتْ صَيْدَا، اللِّي هِيَّ مَدِينَة أَندَرَاوْسْ وْ بُطْرُسْ . 45 وْلْقَا فِيلِبْيُوسْ نَتَانَائِيلْ وْ ڤَالَهْ: « رَاهْ لْڤِينَا هَادَاكْ اللِّي كُتَبْ عْلِيهْ مُوسَى فِكْتَابْ الشَرْعْ، وْ كَتْبُوا عْلِيهْ الأَنْبِيَاء، اللِّي هُوَّ يَسُوعْ وَلْدْ يُوسَفْ اللِّي مَاالنَاصِرَةِ». 46 ڤَالَهْ نَتَانَائِيلْ: « زَعْمَ يْطِيڤْ يَخْرَجْ مَا النَاصِرَة حَاجَة مْلِيحَة ؟ وْ رَدْ عْلِيهْ فِيلِيبُسْ: « أَرْوَاحْ وْ شُوفْ !» . 47 وْشَافْ يَسُوعْ نَتَانَائِيلْ جَايْ لْعَنْدَهْ وْڤَالَهْ : « هَاهُوَ وَاحَدْ إِسْرَائِيلِي حَقِيقِي مَافِيهْشْ غُشْ ! » . 48 وْيْسَقْسِهْ نَتَانَائِيلْ : « كِيفَاشْ عْرَفْتْنِي؟»، وْجَاوْبَهْ يَسُوعْ وْڤَالَهْ: « قْبَلْ مَاعَيَّطْلَكْ فِيلِيبُسْ، وْ أَنْتَ تَحْتْ شَجْرَة الكَرْمُوسْ، أَنَا شَفْتَكْ» . 49 جَاوْبَهْ نَتَانَائِيلْ: « يَامُعَلِمْ، أَنْتَ إِبْنْ اللهَّْ؟ أَنْتَ مَلِكْ إِسْرَائِيلْ؟ ». 50 جَاوَبْو يَسُوعْ وْڤَالْ : « وَاشْ آمَنْتْ غِيرْ مِينْ قُتْلَكْ رَانِي شَفْتَكْ تَحْتْ شَجْرَة الْكَرْمُوسْ ؟ غَادِي تْشُوفْ كْتَرْ مَنْ هَادْ الشِي ! ». 51 وْ ڤَالَهْ : « الْحَقْ الْحَقْ نْڤُولْكُمْ : مَنْ الْيُومْ تْشُوفُوا السْمَا مَحْلولَة، وْالْمَلاَيْكَة اللهَّْ، يَطَلْعُوا وْ يْهَوْدُوا عْلَى إِبْنْ الإِنْسَانْ».
1 وْ فِي النْهَارْ الثَالَثْ، كَانْ كَايَنْ عرْسْ فْقَانَا الْجَلِيلْ، وْ كَانَتْ اُمْ يَسُوعْ تَمَّ . 2 وْعَرْضُوا تَانِي يَسُوعْ وْ تْلاَمْدَه. 3 وْ كِكَمَلْ الشْرَابْ، ڤَالَتْ أُمْ يَسُوعْ لْيَسُوعْ: « مَاعَنْدْهُمْشْ الشْرَابْ ». 4 ڤَالْهَا يَسُوعْ: « وَاشْ بَيْنِي وْ بِينِيكْ يَامْرَا؟ مَازَالْ مَاجَاتْشْ سَاعْتِي ». 5 وْ ڤَالَتْ أَمَّهْ لَلْخَدَامَة: « ڤَاعْ لِڤُولَهُلْكُمْ دِيرُوهْ» . 6 وْكَانْ كَايَنْ تَمَّ سَتَّة ڤَرْبَاتْ مَخْدُومِينْ بَالَحْجَرْ يَسْتَخَدْمُوهُمْ لِهُودْ بَاشْ يَتْنَقَاوْ، وْ كَانَتْ كُلْ جَرَة، تَرْفَدْ مَابِينْ تْمَانِينْ حَتَّى لَمْيَة وْ عَشْرِينْ يُوتْرُوا. 7 وْڤَالْهُمْ يَسُوعْ: « عَمْرُوا الْجَرَّاتْ بَالْمَا » ، وْ هُمْ عَمْرُوهُمْ حضتَّى لَلْفَمْ. 8 وْ مَنْبَعْدْ ڤَالْهُمْ :« دَرْوَكْ سَرْبِيوْ وأَعْطِيوْ لِمْكَلَفْ بَلْعَرْسْوْ» عْطَاوَهْ . 9 وْمَلِّي دَاقْ الْمَا لِوَلَى شْرَابْ، مَا عْرَفْشْ مْنِينْ جَا، وْبَصَّحْ الْخَدَّامَا لِقَسْمُوا كَانُوا عَارْفِينْ، وْعَيَّطْ لِمْكَلَّفْ بَالْعَرْسْ لَلْعْرِيسْ. 10 وْ ڤَالَهْ : « ڤَاعْ النَّاسْ يَعْطِيوْ الشْرَابْ الَمْخَيَّرْ فِي اللَّوَّلْ، وْ كِيَسَكْرُوا الضْيَافْ يَعْطِيوْهُمْ الشْرَابْ الرْخِيصْ، بَصَّحْ نْتَ رَاكْ خَلِّيتْ الشْرَابْ الَمْلِيحْ حَتَّى لْدَرْوَكْ ». 11 هَادِي هِيَ الْمُعْجِزَة اللَّوْلَى اللِّي دَارْهَا يَسُوعْ فْقَانَا اللِّي فَلْجَلِيلْ، وْ بَيَّنْ الْعَزْ تَاعَهْ وْ آمْنُوا، بيهْ التْلاَمَدْ. 12 وْ مَنْبَعْدْ هَادْ الشِي هُوَّدْ لْكَفَرْنَاحُومْ، هُوَّ وْ مَّهْ وْ خُوتَهْ وْ تْلاَمْدَهْ، وَڤَعْدُوا تَمَّ شِي يَامَاتْ قْلاَلْ . 13 وْكَانْ عِيدْ الْفَصْحْ تَاعْ اليَهُودْ ڤَريبْ، وْ طْلَعْ يَسُوعْ لُْأرُوشَلِيمْ . 14 وْ لْقَا فْبِيتْ الله الْبَيَّاعَا تَاعْ البْقَرْ، وْ الغْنَمْ، وْ الْحَمَامْ، وْ اللِّي يْبَدْلُوا الدْرَاهَمْ ڤَاعْدِينْ. 15 وْ صْنَعْ مَسْوَطْ مَنْ الحْبَالْ، وْ طرَّدْ ڤَاعْ لِكَانُوا فِي بِيتْ الله، الغْنَمْ البْقَرْ وْكَبْ ڤَاعْ دْرَاهَمْ البَيَّاعَا وْ ڤَلَبْ مْوَايَدْهُمْ . 16 وْ ڤَالْ لَلْبَيَّاعَا تَاعْ الْحَمَامْ :« خَرْجُوا هَادْ الشِي مَنْ هْنَا، مَا تْرُودُّشْ دَارْ بُويَ دَارْ لَلْبِيعْ وَ الشْرَا!» . 17 وْ تْفَكْرُوا التْلاَمَدْ بَلِّي مَكْتُوبْ فَكْتَابْ الله: « الْغِيرَة عْلَى دَارَكْ غَادِي تَاكُلْنِي ». 18 جَاوْبُوا لِهُودْ وْ ڤَالُوا :« وَاشْ مَنْ أَيَة غَادِي تْدِيرْ، بَاشْ تْوَّرِينَا بَلِّي عَنْدَكْ الْحَقْ، تْدِيرَهَادْ الشِي ؟ ». 19 جَاوَبْهُمْ يَسُوعْ وْ ڤَالْ :« هَدْمُوا بِيتْ الله، وْ فَتَلْتْ يَّامْ أَنَا غَادِي نَبْنِيهْ». 20 وْ ڤَالُوا لِهُودِ : « هَادْ بِيتْ الله تَبَنِي فِي سَتَة وْ رَبْعِينْ عَامْ، وْ نْتَ فِي تَلْتْ يَّامْ غَادِي تْعَاوَدْ تَبْنِيهْ ؟». 21 وْ بَصَّحْ يَسُوعْ يَقْصَدْ بْبِيتْ الله هُوَّ الدَّاتْ تَاعَهْ . 22 وْ كِقَامْ مَالْمُوتْ تْفَكْرُوا تْلاَمْدَهْ بَلِّي ڤَالْ، هَادْ الشِي وْ آمْنُوا بَكْتَابْ وْ لَكْلاَمْ اللِّي ڤَالَهْ يَسُوعْ. 23 وْ كِكَانْ يَسُوعْ فْأُرُوشَلِيمْ فْعِيدْ الْفَصْحْ، آمْنُوا بَزَافْ النَّاسْ بَلإإِسْمْ تَاعَهْ، عْلَى خَاطَرْ شَافُوا الْمُعْجِزَاتْ لِدَارْهَا . 25 وْ بَصَّحْ يَسُوعْ مَاكَانْشْ إِيتِيقْ فِيهُمْ، عْلَى خَاطَرْ كَانْ يَعَرْفْهُمْ ڤَاعْ . 24 وْ مَاكَانْشْ مَسْتْحَقْ لْشِي وَاحَدْ يَشْهَدْلَهْ عْلَى بْنَادَمْ، عْلَى خَاطَرْ كَانْ يَعْرَفْ وَاشْ كَايَنْ فِڤَلَبْ البْنَادَمْ.
1 كَانْ وَاحَدْ الرَّاجْلْ مَاالْفَرِّيسَيِّينْ إِسَمُوهْ نِيقُوديمُوسْ، رَيَسْ اليَهُودْ . 2 جَا لْعَنْدْ يَسُوعْ فَاللِيلْ وْڤَالَهْ : « يَامْعَلَمْ ، نَعَرْفُوا بَلِّي جِيتْ مَنْ عَنْدْ الله مُعَلِّمْ، عْلَى خَاطَرْ مَا يْنَجَّمْ حَتَّى وَاحَدْ يْدِيرْ هَادْ الْمُعْجِزَاتْ اللِّي رَاكْ دِّيرْ فِيهُمْ إِلَى مَاكَانْشْ الله مْعَاهْ ». 3 جَاوَبْ يَسُوعْ وْ ڤَالْ : « الْحَقْ ، الْحَقْ نْڤُولْكُمْ : إِذَا مَتَوْلَدْشْ وَاحَدْ مَنْ فُوڤْ، مَا يْنَجَمْشْ إِيشُوفْ مَلَكُوتْ الله » . 4 ڤَالَهْ : «كِيفَاشْ يَقْدَرْ بْنَادَمْ يَتَوْلَدْ وْ هُوَ شِيبَانِي ؟ وَاشْ يَدْخَلْ لْكَرْشْ مَّهْ مَرَّة وَاحْدْ خْرَي وْيَتَوْلَدْ ؟». 5 وْ جَاوْبَهْ يَسُوعْ : « نْڤُولْكُمْ الْحَقْ، لِمَتَوْلَدْشْ مَالْمَا وْ الرُوحْ، مَايَقْدَرْشْ يَدْخُلْ لْمَمْلَكَةْ الله. 6 رَاه لِتْوْلَدْ مَاالجْسَدْ هُوَّ جْسَدْ وْ لِتَولَدْ مَاالرُوحِ هُوَّ رُوحْ. 7 مَاتَنَخْلَعْشْ إِذَا ڤُتْلْكْ: خَاصْكُمْ تَتْولْدُوا منْ فُوڤْ . 8 الرِّيحْ يْهَبْ وِينْ مَابْغَى وَيَتَسْمَعْ صُوتَهْ ، بَصَّحْ مَا تَعْرَفْشْ مِينْ إِيجِي، وْ لاَ وْ ينْ إِيرُوحْ، هَكَّا كُلْ وَاحَدْ تَوْلَدْ مَاالرُوحْ ». 9 وْ عَاوَدْ سَقْسَاهْ نِيقُودِيمُوسْ : « كِيفَاشْ يَقْدَرْ يَصْرَاهَادْ الشِي ؟» . 10 وْ جَاوْبَهْ يَسُوعْ وْ ڤَالْ لَهْ : « أَنْتَ مُعَلِّمْ إِسْرَائِيلْ وْ مَا تَعْرَفْشْ هَادْ الشِي ». 11 نْڤُولَكْ الْحَقْ : « رَاهْ حْنَا نَتْكَلْمُوا بْدَاكْشِ اللِّي نَعَرْفُوهْ، وْ نَشَهْدُوا بْدَاكْشِي لِشَفْنَاهْ بَصَّحْ . ؟ مَقْبْلْتُوشْ الشَهَادَة نْتَاعْنَا. 12 إِذَا قُلْتْكُمْ الأُمُورْ تَاعْ الأَرْضْ وْ مَا آمْنُوشْ، كِيفَاشْ غَادِي تْآمْنُوا بَالأُمُورْ تَاعْ السْمَا. 13 حَتَّى وَاحَدْ مَا طْلَعْ لَلْسْمَا غِيرْ هَادَاكْ لِنْزَلْ مَنْهَا، اللِّي هُوَّ إِبْنْ الأِنْسَانْ اللِّي هُوَّ فَالسْمَا. 14 وْكِمَا رْفَعْ مُوسَى اللَّفْعَة فَالصَّحْرَا، هَكَّا خَاصْ وَلْدْ الأِنْسَانْ يَتْرَفَعْ . 15 بَاشْ ڤاعْ لأَمَنْ بِيهْ تْكُونْ عَنْدَهْ الحَيَاةْ الدَايْمَة. 16 عْلَى خَاطَرْ هَكَّا بْغَا الله نَاسْ الدَنْيَا حَتَّى عْطَى بْنَهْ الْوَحِيد، بَاشْ مَا يَتَهْلَكْشْ ڤَاعْ لِيُؤْمْنْ بِيهْ ، بَصَّحْ تْكُونْ عَنْدَهْ لَحْيَاةْ الدَّايْمَة . 17 الله مَرْسَلْشْ بْنَهْ لْهَادء الدَنْيا بَاشْ يَحْكَمْ عْلَى نَاسْهَا، وَلَكِنْ بَاشْ يَسَلْكُوا بِيهْ . 18 اللِّي آمَنْ بِإبْنْ الله مَايَتَحْكَمْشْ عْلِيهْ، وْ اللِّي مَا يْآمَنْشْ رَاهْ تَحْكَمْ عْلِيهْ ، عْلَى خَاطَرْ مَاآمَنْشْ بأسْمْ ابن الله الْوَحِيدْ. 19 وْهَادِي هِيَّ الدَّيْنُونَة، النُورْ جَا لَدَّنْيَا، وْ بَصَّحْ النَّاسْ بْغَاوْ الضَّلْمَة كْتَرْ مَاالنُورْ. 20 عْلَى خَاطَرْ فْعَايَلْهُمْ مَاشِي مْلاَحْ، ڤَاعْ لِيْدِيرْ الشَرْ يَكْرَهْ النُورْ، وْ مَايْجِيشْ لَلنُّورْ بَاشْ مَايَتْوَبَخْشْ عْلَى جَالْ فْعَايْلَهْ 21 .بَصَّحْ لِيَمْشِي فِي طْرِيڤْ الْحَقْ، إِيجِي لْنُّورْ بَاشْ إِبَانْ بْفْعَايْلَهْ إِطِيعْ الله » . 22 وْمَنْبَعْدْ هَادْ الشِي، جَا يَسُوعْ وْ تْلاَمْدَهْ لَبْلاَدْ الْيَهُودِيَة، وْڤْعَدْ مْعَاهُمْ تَمَّ شِي يَامَاتْ وْ كَانْ يْعَمَّدْ . 23 وْ كَانْ يُوحَنَّا إِعَمَّدْ النَّاسْ هُوَّ تَانِي فْعِينْ نُونْ، حْدَا مدِينَةْ سَالِيمْ عْلَى خَاطَرْ كَانْ كَايَنْ تَمَّبَزَّافْ الْمَا ، وْ النَّاسْ كَانُوا يْجُو وَيَتْعَمْدُوا . 24 وْ يُوحَنَّا كَانْ مَازَالْ مَتْشَدْشْ فَالْحَبْسْ. 25 وْصْرَا وَاحَدْ النِقَاشْ بِينْ تْلاَمَدْ يُوحَنَّا وْ وَاحَدْ لِيهُودِي عْلَى كِيفَاشْ إِكُونْ التَطْهِيرْ . 26 جَاوْ عَنْدْ يُوحَنَّا وْ ڤَالُولَهْ : « يَامْعَلِمْ ، هَادَاكْ اللِّي كَانْ مْعَاكْ فَالْجِهَة لُخْرَى تَاعْ وَادْ الأُرْدُنْ، اللِّي شْهَدْتْ لَهْ هَاهُوًّ يْعَمَدْ وْ ڤَاعْ النَّاسْ إِيجُوا لَعَنْدَهْ ». 27 وْجَاوَبْهُمْ يُوحَنَّا وْ ڤَالْهُمْ : « مَايَقْدَرْشْ بْنَادَمْ يَاخُذْ شِي حاجَة إِلأَّ ما أَعْطَاهَالَهْ الله منعنده . 28 نْتُمَ بْرُوحْكُمْ تَشَهُدُوا، بَلِّي ڤُلْتْ: أَنَا مَاشِي هُوَّ الْمَسِيحْ، وْبَصَّحْ الله رْسَلْنِي قْبَلْ مَنَهْ بَتشْ نْوَجَدْ الطْرِيڤْ. 29 اللِّي عَنْدَهْ العْرُوسَة هُوَّ الَعْرِيسْ، وْ بَصَّحْ صَاحَبْ العْرِيسْ اللِّي وَاڤَفْ وْ يَسْمَعْ لَهْ ، يَفْرَحْ بَزَّافْ كِيَسْمَعْ صُوتْ العْرِيسْ، وْ هَكَّا حَتَّي أَنَا الْفَرْحَة تَاعِي تَكْمَلْتْ . 30 لاَبُدَّ يْزِيدْ هُوَّ وْ أَنَا نَنْقَصْ. 31 هَادَاكْ اللِّي يْجِي مَاالفُوڤْ هُوَّ فُوڤْ كُلْ شِي، وْ هَادَاكْ اللِّي مَا لَرْضْ، هُوَّ مَنْ سُكَّانْ لَرْضْ، وْ بْهَدْرَة سُكَانْهَا يَهْدَرْ. 32 وْيَشْهَدْ بْدَاكْ لِشَافْ وْ سْمَعْ، وْ بَصَّحْ حَتَّي حَدْ مَايَقْبَلْ الشْهَادَة تَاعَهْ . 33 وْ اللِّي قْبَلْ الشْهَادَة تَاعَهْ يَشْهَدْ بَلِّؤ الله صَادَقْ. 34 عْلَى خَاطَرْ اللِّي رْْسْلَهْ الله يَتْكَلَمْ بْكْلاَمْ الله، عْلَى خَاطَرْ الله يَعْطِي الرُوحْ تَاعَهْ بْلاَ حْسَابْ . 35 رَاهْ الأَبْ يَبْغِي إِبْنَهْ وْدَارْ كُلْ شِي فْيَّدَهْ، اللِّي يْآمَنْ بْأَبْنَهْ عَنْدَهْ الحَيَاةْ الدَايْمَة. وْ 36 اللِّي مَا يَؤْمَنْشْ بْإِبْنَهْ مَايْشُوفْشْ الحَيَاةْ، بَصَّحْ يَبْقَي عْلِيهْ غَضَبْ الله ».
1 وْ كِي عْرَفْ الرَّبْ يَسوُعْ بَلِّي الفَرِسِيِينْ سَمْعُوا بَلِّي التْلَامَذْ جَاو عَنْدَهْ وْ يْغَطَّسْهُمْ كْتَرْ مَنْ يُوحَنَا. 2 أُو مَاشِّي يسُوعْ اللِّي كَانْ يْغَطَّسْ، بَصَّحْ التْلَامَذْ تَاعَهْ. 3 خَلَّا بْلَادْ اليَهُودِيَّه وْ وَلّى تَانِي للْجَلِيلْ. 4 وْ كَانْ خَاصَّهْ إِيْفُوتْ مَالسَّامِرَة. 5 هوْ يَوْصَلْ لْوَاحَدْ المْدِينَه فَالسَّامِرَه لِيْسَمُّوهَا سُوخَارْ، ڤْرِيبَه لَلَّرْضْ لِكَانْ عْطَاهَا يَعْقُوبْ لْوَلْدَهْ يُوسَفْ. 6 وْ كَانْ تَمْ الْبِيرْ تَاعْ يَعْقُوبْ، وْ كِي كَانْ يَسوُعْ عِيَّانْ مَاالسْفَرْ جَمَّعْ عَنَدْ وَاحَدْ البِيرْ، وْ كَانَتْ السَّاعَه جْوَايَه الطْنَاعَشْ. 7 وْ جَاتْ وَحَدْ لَمْرَا مَاالسَّامِرَه بَاشْ تَسْڤيِ الْمَا، ڤَالْهَا يَسُوعْ "عْطِينِي نَشْرُبْ " . 8 وْ كَانُو تْلَامْذَه رَاحُوا للْمْدِينَه بَاشْ يَشْرُوا الْمَاكْلَه. 9 ڤَالَتْلَهْ لَمْرَا السَّامِرِيَه : « كِيفَاشْ تَطْلُبْ مَنِّي نَعْطِيكْ تَشْرُبْ وْ أنْتَ يْهُودِي وْ أَنَا مْرَا سَامِرِيَه؟ عْلَى خَاطَرْ اليَهُودْ مَا يَتْعَامْلُوشْ مْعَ السَّامِرِيِينْ » . 10 جَاوَبْهَا يَسوُعْ وْ ڤَالْهَا : « لُوكَانْ كُنْتِي تَعَّرْفِي عَطِّيَةْ اللهَّ، وْ شْكُونْ هُوَ اللِّي رَاهْ يْڤُولَّكْ أَعْطِينِي نَشْرُبْ، كُونْ رَاكِي نْتِي اللِّي طْلَبْتِي مَنَّهْ وْ عْطَاكْ الْمَا تَاعْ الْحَيَاةْ ». 11 وْ ڤَالَتْلَهْ الَمْرَا: « يَا سِيدِي أَنْتَ مَا عَنْدَكْ حَتَى بِيدُوا وْ البِيرْ غَامَقْ، مِينْ جَاكْ الْمَا تَاعْ الحَيَاةْ؟ . 12 وَاشْ نْتَ خِيرْ مَنْ جَدْناَ يَعْقُوبْ، اللِّي عْطَانَا الْبِيرْ، وْ هُوَ بْرُوحَهْ شْرُبْ مَنَّهْ، وْ شَرْبُوا مَنَّهْ وْلَادَهْ، وْ البْهَايَمْ تَاعَهْ؟ ». 13 وْ جَاوَبْهَا يَسُوعْ وْ ڤَالْهَا: « ڤَاعْ اللِّي غَادِي يَشْرَبْ مَنْ هَادْ الْمَا، غَادِي يْعَاوَدْ يَعْطَشْ. 14 وْ بَصَّحْ لِغَادِي يَشْرُبْ مَالْمَا، اللِّي غَادِي نَعْطِيهْ أَنَا، رَاهْ عُمْرَهْ مَا غَادِي يَعْطَشْ، وْ الْمَا لِّي غَادِي نَعْطِيهْلَهْ، غَادِي يْوَلِي فِيهْ عِينْ تْفِيضْ بَالْمَا تَاعْ الْحَيَاةْ الدَايْمَه ». 15 وْ ڤَالَتْلَهْ الَمْرَا : «يَاسِّيدِي عْطِينِي هَادْ الْمَا، بَاشْ مَانْعَاوَدَشْ نَعْطَشْ، وَ لاَ نْجِي لَهْنَا بَاشْ نَسْڤِي». 16 ڤَالْهَا يَسُوعْ : « رُوحِي وْ عَيْطِي لْرَاجْلَكْ وْ وَلِّي لَهْنَا ». 17 وْ جَاوْبَاتَهْ لَمْرَا : « وْ مَاعَنْدِيشْ رَاجَلْ»، وْ رَدْ عْلِيهَا يَسُوعْ: «عَنْدَكْ الْحَقْ كِڤُولْتِي مَاعَنْدِيشْ رَاجَلْ. 18 عْلَى خَاطَرْ كَانُوا عَنْدَكْ خَمْسَه تَاع الرْجَالْ وْ الرَاجَلْ اللِّي يْعِيشْ مْعَاكْ دَرْوَكْ مَاشِي رَاجْلَكْ هَادْ الشِّي لِڤُلْتِيهْ رَاهْ صْحِيحْ ». 19 وْ تْڤُولَهْ الَمْرَا : «يَا سِيد ِرَانِي نْشُوفْ بَلِّي نْتَ نْبِي . 20 جْدُودْنَا عَبْدُوا اَّْلله فْهَادْ الْجْبَلْ، وْ نْتُمَا تْڤُولُوا بَلِّي أُرْشَلِيمْ هُوَ الْمَوْضَعْ اللِّي خَاصْ يَتَّعْبَدْ فِيهْ ». 21 وْ ڤَالْهَا يَسُوعْ : « تِيْقِينِي يَا الْمْرَا رَاهْ غَادِي يْجِي وَاحَدْ الوَقَتْ ، اللِّي فِيهْ مَاغَادِيشْ تَعَّبْدُوا لَْأبْ اَ فْهَادْ الجْبَلْ وْ لَا فْأُرْشَلِيمْ . 22 نْتُمَا تَعَّبْدُوا اللِّي مَاتَعَرْفُوهْشْ، بَصَّحْ حْنَا، نَعَّبْدُوا اللِّي نَعَّرْفُوهْ، عْلَى خَاطَرْ السْلَاكْ إِيْجِي مَالْيَهُودْ. 23 وْ غَادِي يْجِي وَاحَدْ الْوَقَتْ ، وْ رَاهْ جَا دَرْوَكْ، وِينْ لِيَعَبْدُوا الأب عْلَى حَق،ْ يَعَّبْدُوه بَالرُّوحْ وَ الحَقْ، عْلَى خَاطَرْ الأَبْ يْحَوَس عْلَى هَادُوا اللِّي َيعَبْدُوهْ هو . 24 الله رُوحْ وْ اللِّي يَعَبْدُوهْ خَاصْهُمْ يَعَبْدُوهْ بَالرُوحْ و الحق ». 25 وْ ڤَاَلَتْلَهْ الَمْرَا : «أَنَا نَعْرَفْ بَلِّي الْمَسِياَ اللِّي هُوَ الْمَسِيحْ غَادِي يْجِي، وْ كِي غَادِي يْجِي، غَادِي يَشْرَحَّلْناَ كُلْشِي ». 26 وْ ڤَالْهَا يَسُوعْ : « رَاهْ أَنَا هُوَ اللِّي نَهْدَرْ مْعَاكْ ». 27 وْ دِيكْ السَّاعَه وْلاَوْ التْلَامَذْ وْ نْخَلْعُوا كِلْقَاوَهْ يَهْدَر مْعَ مرا بَصَّحْ حَتَّى وَاحَدْ مَاسَقْسَاهْ: «عْلَاشْ رَاكْ تَهْدَرْ مْعَاهَا »وْلَّا « وَاشْ بْغِيتْ ». 28 خَلَّتْ الَمْرَا القُلَّة تَاعْهَا، وْ رَاحَتْ للْمَدِينَه وْ خَبْرَتْ ڤَاعْ النَّاسْ . 29 رْوَاحُوا تْشُوفُوا وَاحَدْ الرَّاجْلْ، ڤَالِّي ڤَاعْ اللِّي دَرْتَهْ، يْقَدْ إِيكُونْ هُوَ المَسِيح؟ . 30 وْ خَرْجُوا النَّاسْ مَالْمَدِينَه، وْ جَاوْ لَعَنْدْ. 31 و فنَفَسْ الْوَقَتْ كَانُوا التْلَامَذْ يَطَّلْبُوا يَسُوعْ وْ يْڤُولُولَهْ : « المْعَلَمْ كُولْ ». 32 وْ بَصَّحْ هُوَ رَد عْلِيهُمْ : « أَنَا عَنْدِي مَاكْلَه نَاكُلْهَا نْتُمَا مَاتَعَّرْفُوهَاشْ ». 33 ڤَالُوا التْلَامَذْ لْبَعَضْهُمْ بَعَضْ : « بَالَاكْ شِي وَاحَدْ جَابْلَهْ يَاكُلْ ؟ » 34 وْ ڤَالَلْهُمْ يَسُوعْ : « مَاكَّلْتِي هِيَ نْدِيرْ مَشيِئَةْ الله اللِّي رْسَلْنِي، وْ نَكَمَّلْ الْخَدْمَه تَاعَهْ . 35 ياَكْ رَاكُمْ تْڤُولُوا مَنْ دَرْوَكْ رَبْعَ شْهُورْ غَادِي يْجِي لَحْصَادْ، أَيْ رَانِي نْڤُولْكُمْ : طَلْعُوا عَيْنِيكُمْ وْ شُوفُوا الزّْرَعْ فَلَّرْضْ كِيفَاشْ وَلَّى وَاَجَدْ لَلَحْصَادْ . 36 وْ الَحْصَادْ يَدّي لُْأجْرَه، وْ يَجْمَعْ الْغَّلَه لَلْحْيَاةْ الدَّايْمَه، بَاشْ يَفْرَحْ هَادَاكْ اللِّي يَزْرَعْ، وْ هَادَاكْ اللِّي حْصَدْ . 37 وْ مَاكْدَبَشْ هَادَاكْ اللِّي ڤَالْ : وَاحَدْ يَزْرَعْ وْ لَاخُرْ يَحْصَدْ . 38 رَانِي رْسَلْتَكُمْ بَاشْ تَحَّصْدُوا مِنَ دَاكْ الشِّي لِمَا عْيِتُوشْ فِيهْ. وَاحَدُخْرِينْ عْيَاوْ وْ نْتُمَا دْخَلْتُوا عْلَى عْيَاهُمْ ». 39 وْ آَمْنُوا بْيَسُوعْ فِي هَدِيكْ الَمْدِينَه بَزَّافْ مَنْ السَّامِرِييِنْ، بَسْبَابْ كْلَامْ هَادِيكْ الَمْرَا اللِّي كَانَتْ تَشْهَدْ "بَلِّي ڤَالْهَا ڤَاعْ وَاشْ دَارَتْ . 40 كِجَاوْ عَنْدَهْ السَّامِرِيُونْ طَلْبُوا مَنَّهْ بَاهْ يَبْقَى عَنْدَهُمْ وْ ڤْعَدْ تَمْ يُومِينْ . 41 وْ آَمَنُوا بِيهْ بَزَّافْ النَّاسْ بَسْبَابْ كْلَامَهْ . 42 وْ ڤَالُوا لَلْمَرَا : « رَاهْ مَاشِي غِيرْ بَسْبَابْ هَدَّرْتَكْ غَادِي نآمَنُوا، بَصَّحْ دَرْوَكْ سْمَعْنَا، وْ عْرَفْنَا بَلِّي بَصَّحْ هَذَا هُوَ الِّي يْنَجِّي ڤَاعْ الدَّنْيَا ». 43 وْ مِينْ فَاتُوا يُومِينْ، خْرَجْ مَنْ تَمْ وْ رَاحْ لَلْجَلِيلْ . 44 عْلَى خَاطَرْ يَسُوعْ بْرُوحَهْ شْهَدْ بَلِّي : « مَاكَانَشْ نْبِي عَنْدَهْ كَرَامَه فِي بْلَادَهْ» . 45 وْ كِوْصَلْ لَلْجَلِيلْ رَحْبُوا بِيهْ الْجَلِيلِيِينْ عَلَى خَاطَرْ شَافُوا ڤَاعْ لّيِ دَارَهْ فِي أُرْشَلِيمْ فَالْعِيدْ.وْ جَاوْ هُمَا ثَاِنى لَلْعِيدْ . 46 وْ مَنْبَعْدْ وَلَّى يَسُوعْ لْقَانَا اللِّي فِي الْجَلِيلْ، وِينْ رَدْ الْمَا الَشْرَابْ، وْ كَانْ فِي كَفَرْنَاحُومْ خَادَمْ الْمَلِكْ عَنْدَهْ وَلْدَهْ مَرِيضْ . 47 وْ كِسْمَعْ هَادْ الرَّاجَلْ بَلِّي يَسُوعْ جَا مَبْلَادْ اليَهُودِيَه لَلْجَلِيلْ، رَاحْ و سَاْلَهْ بَاهْ اِهَوَدْ يَشْفِي وَلْدَهْ لِكَانْ قْرِيبْ اِمُوتْ . 48 وْ ڤَالَّهْ يَسُوع : « ماْتآْمُنُوشْ غِيرْ إِلَا شَفْتُوا اْلُمُعْجِزَاتْ » . 49 وْ ڤَالَهْ الْخَدَّامْ تَاعْ الْمَلِكْ : « يَا سِّيدِي أَرْوَاحْ مْعَايَا قْبَلْ مَا يْمُوتْ وَلْدِي ». 50 وْ رَدْ عَلِيهْ يَسُوعْ وْ ڤَالْ : « رُوحْ رَاهْ وَلْدَكْ حَيْ» وْ آَمَنْ الرَّاجَلْ بْالَكْلَامْ لِڤَالَهْ يَسُوعْ وْ رَاحْ. 51 وْ كِرَاحْ لرَّاجَلْ فِي طْرِيڤَهْ لَدَّارْ تْلَاقَا بْالَعَبِيدْ تَاعَهْ وْ ڤَالُولَهْ بَلِّي وَلْدَهْ حَيّْ . 52 وْ سَقْسَاهُم عْلَى السَّاعَه لِّي بْدَا يْرِيَّحْ فِيهَا وْ ڤَالُولَه: « الْبَارَحْ مْعَ الْوَحْدَه تَاعْ النْهَارْ رَاحَتْلَهْ الْحُمَى ». 53 وْ فْهَمْ الأَبْ أَنوُ بَلِّي فْدِيكْ الَسَّاعَه اللِّي ڤَالْ فِيهَا يَسُوعْ : « وَلْدَكْ رَاهْ حِيّْ ، َآمَن بْهَادْ الشِّي لِصْرَا ْ هُوَ وْ ڤَاعْ عِيلْتَهْ ». 54 وْ كَانَتْ هَذِي هِيَ الْمُعْجِزَه الزَاوْجَه اللِّي دَارْهَا يَسُوعْ وَلَّى مَبْلَادْ اليَهُودِيَّة لَلْجَلِيلْ .
1 وْ مَنْ بَعَدْ ڤَاعْ هَادْ الشِّي، فَالْوَقَتْ لِكَانْ وَاحَدْ الْعِيدْ تَاعْ الْيَهُودْ، طْلَعْ يَسُوعْ لُْأرْشَلِيمْ . 2 وْ فَأُرْشَلِيمْ عَنَدْ بَابْ الَغْنَمْ، وَاحَدْ" بَرْكَه" تَاعْ الْمَا إِسَمُوهَا « بِيتْ حَسْدَا »، لِعَنْدَهَا خَمْسَه تَاع لَْأرْوِقَه . 3 وْ فِيهَا كَانُوا مْكَسْلِينْ بَزَّافْ مَرْضَى فيِهُمْ الْعُمْيِينْ، وْ اْلقُجْعِينْ، وْ لِيْزَّحْفُوا، وْ يْقَارْعُوا الْمَا تَاعْ الْبَرْكَه يَتْحَرَّكْ . 4 عْلَى خَاطَرْ كَانْ خَطْرَاتْ وَاحَدْ الَمْلَاكْ يْهَوَّدْ لَلْبَرْكَه، وْ يْحَرَّكْ الْمَا، وْ الَمْرِيضْ اللَّوَلْ لِيْهَوَّدْ مُورْ تَحْرَاكْ الْمَا كَانْ يَبْرَا، مَنْ ڤاعْ مَرْضْ كِيفْ مَا كَانْ لْمَرَضْ . 5 وْ كَانْ تَمْ وَاحَدْ الرَّاجَلْ تْمَنْيَة وْ تْلَاتِينْ سْنَة وْ هُوَ مْرِيضْ . 6 وْ شَافَهْ يَسُوعْ مَتَّكِي، وَ عْرَفْ بَلِّي هَادَا وَقَتْ طْوِيلْ وْ هُوَ مْرِيضْ، وْ ڤَالَّهْ : «بْغِيتْ تَبْرَا؟ ». 7 وْ جَاوْبَهْ الَمْرِيضْ : « يَا سِّيدِي، مَا عَنْدِيشْ حَتَى وَاحَدْ يْهَوَّدْنِي لَلْبَرْكَه فَلْوَقَتْ لِيَتْحَرَّكْ فِيهْ الْمَا، وْ كِنَبْغِي نْرُوحْ أَنَا، يَنْزَلْ وَاحَدْ ڤُدَّامِي ». 8 وْ يْڤُولَهْ يَسُوعْ : « نُوضْ رْفَدْ فْرَاشَكْ وَ تْمَشَّى ». 9 تَمْ تَمْ بَرَا الرَاجَلْ وْ رْفَدْ فْرَاشَهْ ، وْ ڤَاعْ هَادَا صْرَا فِي نْهَارْ السَبَتْ . 10 وْ ڤَالُوا لِيهُودْ لْهَادَاكْ لِبَرَا: « الْيُومْ السَبَتْ، أَحْرَامْ تَرْفَدْ فْرَاشَكْ ». 11 وْ رَدْ عْلِيهُمْ وْ ڤَالْ: « هَادَاكْ لِبْرَانِي، هُوَ لِڤَالِي رْفَدْ فْرَاشَكْ وْ تْمَشَّى ». 12 سَقْسَاوَهْ : «وْ شْكُونْ هَدَا لِڤَالَكْ رْفَدْ فْرَاشَكْ وْ تْمَشَّى؟ ». 13 وْ بَصَّحْ الرَّاجَلْ اللِّي بْرَا مَاكَانَشْ عَارَفْ شْكُونْ هُوَ، عْلَى خَاطَرْ يَسُوعْ بَعَّدْ عْلَى الْمُوضَعْ لِكَانْ فِيهْ النَّاسْ . 14 وْ مَنْبَعَدْ لْڤَاهْ يَسُوعْ فِي بِيتْ الله، وْ ڤَالَّهْ : « أَيَ دُرْوَكْ رَاكْ بْرِيتْ مَاتْزِيدْشْ تَذْنَبْ خِيرْ مَاغَادِي يَصْرَالَكْ شَّرْ كْثَرْ مَا الْلَّوَلْ ». 15 وْ مَنْبَعَدْ رَاحْ الرَّاجَلْ وْ خَبَّرْ لِهُودْ بَلِّي يَسُوعْ هُوَ اللِّي بَرَّاهْ. 16 وْ عْلَى هَادْ الشِّي، كَانُوا لِهُودْ اِحَوْزُو يَسُوعْ، و إِحَوْسُوا كِفَاشْ يَكُّتْلُوه، عْلَى خَاطَرْ كَانْ إِيْدِيرْهَادَاكْ الشِّي فِي نْهَارْ السَبَتْ . 17 وْ رَدْ عْلِيهُمْ يَسُوعْ وْ ڤَالْ : « بُويَا رَاهْ يَخْدَمْ حَتَى الْيُومْ، وْ حَتَى أَنَا نَخْدَمْ" ». 18 بَسْبَابْ هَادْ الشِّي، بْدَاوْ لِهُودْ إِحَوْسُوا كِيفَاشْ يَكَّتْلُوا يَسُوعْ، مَاشِي عْلَى خَاطَرْ مَادَارَشْ بَالْقَانُونْ تَاعْ السَبَتْ، بَصَّحْ تَانِي ڤَالْ بَلِّي الله بُوهْ، وْ هَكَا حْسَبْ رُوحَهْ كِمَا رَّبِي. 19 جَاوَبْ يَسُوعْ لِهُودْ وْ ڤَالْهُمْ : « نْڤُولْكُمْ الْحَقْ، مَايَقْدَرَشْ لْإبْنْ يْدِيرْ شِي حَاجَه مَنْ عَنْدَهْ، بَصَّحْ إِدِيرْ غِيرْ الَحْوَايَجْ اللِّي يْشُوفْ لأَبْ إِدِيرْهُمْ، عْلَى خَاطَرْ كُلْ حَاجَه إِدِيرْهَا لَْأبْ إِدِيرْهَا بْنَهْ حَتَّى هُوَ . 20 عْلَى خَاطَرْ لَْأبْ يَبْغِي بْنَهْ، وْ يْوَرِّيهْ ڤَاعْ لِيْدِيرَهْ، وْ غَادِي يْوَرِيهْ خَدْمَه كْبِيرَه عْلَى هَادِي، وْ هَكَّا غَادِي تَتْعَجْبُوا. 21 كِمَا لَْأبْ إِنَوَّضْ الْمُوتَا وْ يَحْيِّيهُمْ، هَكَا لْإِبَنْ حَتَّى هُوَ غَادِي يَحْيِّى لِبْغَى . 22 لَْأبْ مَايْدِينْ، وْ مَايَحْكُمْ عْلَى حَتَى حَدْ، بَصَّحْ عْطَى ڤَاعْ الْحُكْمْ وْ الدَيْنُونَهْ لْلِإبْنْ. 23 بَاشْ ڤَاعْ النَّاسْ يَعَطِيوْ الْعَزْ لْلِإبْن، كِمَا يَعْطِيوْ الْعَزْ لَلَْأبْ، و لِمَا يَعْطِيشْ الْعَزْ لَلْإِبْنْ رَاهْ مَا يْعَطِيشْ العَزْ لَلَْأبْ الِّي رْسَلْهْ . 24 الْحَقْ الْحَقْ نْڤُولَلْكُمْ : لِيَسْمَعْ كْلاَمِي، وْ يَامَنْ بَاالِّي رْسَلْنِي، رَاهْ عَنْدَهْ الَحْيَاةْ الدَّايْمَه، وْ مَاغَادِيشْ يَتَّحْكَمْ عْلِيهْ فْيُومْ الدِّينْ، عْلَى خَاطَرْ إِكُونْ فَاتْ مَالْمُوتْ للْحِيَاةْ. 25 الْحَقْ الْحَقْ نْڤُولَلْكُمْ : غَادِي تْجِي سَاعَهْ، وْ رَاهَا جَاتْ دَرْوَكْ، وينْ غَاِدي يسَّمْعُوا الْمُوتَى صُوتْ وَلْدْ اَّْلله، وْ ڤَاعْ الِّي غَادِي يَسَّمْعُوه غَادِي يَحْيَا. 26 وْ كِمَا لَْأبْ فِيهْ الَحْيَاةْ فِي ذَاتَهْ ،عْطَى لَبْنَهْ بَاشْ تْكُونْ لَهْ حْيَاةْ فِي ذَاتَهْ. 27 وَ عْطَاهْ السُّلْطَه بَاشْ يَحْكُمْ، عْلَى خَاطَرْهُوَ إِبَن الإِنْسَانْ. 28 وْ مَاتَتْعَجْبُوشْ مَنْ هَادْ الشِّي، رَاهْ غَادِي يْجِي وَاحَدْ الْوَقَتْ، اللِّي فِيهْ ڤَاعْ الْمُوتَى اللِّي فَالَقْبُورْ يَسَّمْعُواالصُوت تَاعَهْ. 29 و غَادِي يَخُرْجُوا مَالَقْبُورْ هَادُوكْ لِدَارُوا الْحَسَنَاتْ وْ غَادِيَ يْقُومُوا لَلْحْيَاةْ، وْ هَادُوكْ اللِّي دَارُوا السَّيِئَاتْ غَادِي يْقُومُوا لَلْحُكَمْ وْ الدَيْنُونَة. 30 أَنَا مَانَقْدَرْشْ نْدِيرْ حَتَى حَاجَه مَنْ عَنَدْ رُوحِي، كِمَا نَسْمَعْ نَحْكُمْ، وْ الْحْكُمْ تَاعِي عَادَلْ، عْلَى خَاطَرْ مَانْحَوَّسْشْ مَشِيئْتِي بَصَّحْ مَشِيئَةْ لأَبْ لِرْسَّلْنِي. 31 وْ إِلَا كُنْتْ نَشْهَدْ لْنَفْسِي، رَاهَا شْهَادْتِي مَاشِّي صْحِيحَه. 32 وْ بَصَّحْ كَايَنْ وَاحْدَ آخُرْ يَشْهَدْ لِي وْ نَعْرَفْ بَلِّي شْهَادْتَهْ صْحِيحَة. 33 رَاكُمْ رْسَلْتُوا الْمَرْسُولِينْ تَاعْكُمْ لْيُوحَنَا، وْهُوَ شْهَدْلِي بَالْحَقْ. 34 أَنَا مَا نَقْبَلْشْ شْهَادَهْ مَنْ إِنْسَانْ، وْ بَصَّحْ رَانِي نَهْدَرْ هَاكَا بَاشْ نْتُمَا تْسَّلْكُوا . 35 وْ كَانْ هُوَ السِّرَاجْ الشَّاعَلْ وْ الَمْضَوِّي، وْ نْتُمَا قْبَلْتُوا تْفَرْحُوا بَالنُّورْ تَاعَهْ لْوَقَتْ قْلِيلْ. 36 وْ بَصَّحْ عَنْدِي شْهَادَه كْبَرْ مَنْ هَادْ الشْهَادَه تَاعْ يُوحَنَا، عْلَى خَاطَرْ الْخَدْمَه لِعْطَاهَالِي لْآبْ وْ خَاصْنِي نْكَمَّلْهَا، هِيَ بْرُوحْهَا تَشْهَدْ بَلِّي لَْآبْ لِرْسَلْنِي. 38 وْ هُوَ بْرُوحَهْ لِرْسَلْنِي يَشْهَدْ لِي، وْ نْتُمْ عُمُّرْكُمْ مَا سْمَعْتُوا صُوتَهْ وِلَا شَفْتُوا وَجْهَهْ . 37 وْ كْلَامَهْ مَاشِي تَابَتْ فِيكُمْ، عْلَى خَاطَرْ مَا تَامْنُوشْ بْهَادَاكْ اللِّي رَسْلَهْ. 39 نْتُمَا تَقَّلْبْوا فِي كْتُبْ الله عْلَى خَاطَرْ تَحَسْبُوا عَنْدَكُمْ فِيهَا الْحْيَاةْ الدَّايْمَه، وْ رَاهْ هَادُوا الكْتُوبَ هُمَا لِيَشَّهْدُوا لِي . 40 مَابْغِيتُوشْ جِيوْ عَنْدِي بَاشْ تْكُونْ عَنْدْكُمْ الَحْيَاةْ الدَّايْمَه. 41 أَنَا مَا نَقْبَلْشْ الْعَزْ وْ الْمَجْدْ مَاالنَّاسْ . 42 وْ بَصَّحْ نَعْرَفْكُمْ وْ نَعْرَفْ بَلِّي مَافيِكُمْشْ مْحَبَّةْ الله . 43 أَنَا جِيتْ بِاسَمْ بُويَا وْ نْتُومَا مَارَحَّبْتُوشْ بِيَّ، وْ إِلَا جَا وَاحْدَ اخُرْ مَرَّاسَهْ هَادَاكْ غَادِي تْرَحْبُوا بِيهْ . 44 كِيفَاهْ غَادِي تَقَدْرُوا تْآَمْنُوا وْ نْتُمَا تْقَارْعُوا الْمَّجْدْ وَ الْعَّزْ مَنْ بَعْضِيَاتْكُمْ، وَ الْمَّجَدْ اللِّي هُوَ غِيرْ مَاالله وَحْدَهْ مَارَاكُمْشْ تَطَّلْبُوهْ؟. 45 مَاتْحَسْبُوشْ بَلِّي رَانِي نَشْكِي بِيكُمْ لْبُويَا، لِغَادِي يَشْكِي بِيكُمْ هُوَ مُوسَى، اللِّي دَايْرِينْ فِيهْ رَجَائْكُمْ . 46 عْلَى خَاطَرْ كُنْتُوا تِّيْقُوا فِي مُوسَى، رَاكُمْ تَقْتُوا بِيَّ عْلَى خَاطَرْهُوَ كْتَبْ عْلِيَّ . 47 وْ إِلاَ كُنْتُوا مَا تِيقُوشْ الَكْتُبْ تَاعْ مُوسَى كِيفَاشْ تِيْقُوا كْلَامِي؟ ».
1 وْمَمْبَعْدْهَادْ الَشِىى ڤْطَعْ يَسُوعْ لَلْجِهَة لَخْرَى تَاعْ بْحَرْ الْجَلِيلْ , لِهُوَ بْحَرْ طَبَرِيَة. 2 وْتَبْعُوهْ جْمَايَعْ تَاعْ النَّاسْ، عْلَى خَاطَرْ شَافُوا الْمُعْجِزَاتْ لِدَارْهَا مْعَ الْمَرْضَى 3 .طْلَعْ يَسُوعْ لْوَاحَدْ جْبَلْ وْجَمَّعْ مْعَ تْلاَمْدَهْ. 4 وْڤَرَّبْ عِيدْ الْفَصْحْ، لِهُوَ عِيدْ الْيَهُودْ . 5 وْطَلَعْ يَسُوعْ عَيْنِيهْ وْشَافْ جْمَايَعْ تَاعْ النَّاسْ جَايِينْ عَنْدَهْ، وْڤَالْ: « لْفِلِيبُسْ مِنْ نَقَدْرُو نَشْرُوا الْخُبْزْ بَاشْ يَاكْلُوهَادْ النَّاسْ ؟» . 6 وْڤَالْ يَسُوعْ هَادْ الْهَدْرَة لْفِيلِبُسْ بَاشْ يَمْتَحْنَهْ، عْلَى خَاطَرْ يَسُوعْ كَانْ عَارَفْ شْتَبَاغِي يْدِيرْ . 7 جَاوْبَهْ فِيلِبُسْ : « رَاهْ مَيْقَدْهُمْشْ خُبْزْ بْمِتِينْ دِينَارْ بَاشْ يَاكُلْ كُلْ وَاحَدْ مَنْهُمْ شْوَيَة ». 8 ڤَالَهْ وَاحْدْ مَنْ تْلاَمْدَهْ، لِهُوَأَنْدَرَاوُسْ خُو سِمْعَانْ بُطْرُسْ 9 : «رَاهْ كَايْنْ هْنَا وَاحَدْ لْوَلْدْ عَنْدَهْ خَمْسْ خُبْزَاتْ تَاعْ شْعِيرْ وْ زُوجْ حُتَاتْ، بَصَّحْ كِيفَاشْ غَادِي يَقْدَرْ يْكَفِي ڤَاعْ هَادْ النَّاسْ ؟». 10 وْڤَالْ يَسُوعْ : « ڤُولُوا لَنَّاسْ تَڤْعَدْ » وْكَانْ هَادَكْ الْمَوْضَعْ مْعَمَرْ بْلَحْشِيشْ، وْكَانُوا تَمَّ شِي خَمْسَلاَفْ رَجَلْ . 11 رْفَدْ يَسُوعْ الْخُبْزَاتْ وْشْكَرْالله، وْ وَزَعْ عْلَى تْلاَمَدْ ، وْهُمَا عْطَاوْ لَنَّاسْ لِڤَاعْدِينْ، وْعَاوَدْ دَاكْ الَشِىى مْعَ الْحُوتَاتْ . 12 وْ كِشَبْعُوا ڤَالْ لَتْلاَمْدَهْ : « لَمُّوا الْكَسْرَة لِبْقَاتْ بَاشْ مَايْضِيعْ وَالُوا». 13 لَمُّوا وْ عَمْرُوا طْنَاعْشْ ڤُفَة مَنْ طْرُوفَة الْكَسْرَة، مَنْ خَمْسَة خُبْزَاتْ تَاعْ الَشْعِيرْ، لِبْقَاتْ مَنْ مَكْلَتْهُمْ . 14 كِشَافُوا النَّأسْ هَادْ الْمُعْجِزَة لِدَرْهَ يَسُوعْ ڤَالُوا: « فَيٍ لْحَقِيقَة هَادَ هُوَ الَنْبِي لِغَادِي يْجِي لَدَنْيَا !». 15 بَصَّحْ يَسُوعْ كِعْرَفْ بَلِي بْغَاوْ يَخَطْفُوهْ بَاشْ يْرَدُوهْ مَلَكْ عْلِيهُمْ، طْلَعْ مَرَّة وَاحَدْ خْرَى لَجْبَلْ بُحْدَهْ . 16 وْكِجَاتْ لَعْشِيَة، هَوْدُوا التْلاَمَدْ لَبْحَرْ. 17 رَكْبُوا فْلَفْلُكَة بَاشْ يْڤَطْعُوا لَبْحَرْ وْيْرُوحُوا لْكَفَرْنَاحُومْ، وْطَاحَتْ الظَلْمَة وْ يَسُوعْ مَازَالْ مَجَاشْ عَنْدْهُمْ . 18 وْهَاجْ لَبْحَرْ بَسْبَابْ الَرِّيحْ لَقْوِيَة. 19 وْكِڤَدْمُوا التْلاَمَدْ وَاحَدْ لْخَمْسْ وَلاَسَتْ كِلُمِتْرَاتْ شَافُوا يَسُوعْ يَتْمَشَى فُڤْ الْمَا، وْيْڤَرَّبْ لَلْفْلُكَة وْ هُمَا خَافُوا. 20 وْ ڤَالْهُمْ يَسُوعْ: « أَنَا هُوَ مَتْخَافُوشْ !». 21 وْمَاجَاوْ إِڤُولُولَهْ يَدْخُلْ عَنْدْهُمْ لَلْفْلُوكَة حَتَّى وَصْلُوا لَلْمَوْضَعْ لِكَانُوا رَايْحينْ لَهْ. 22 وَلْغَدْوَ كِينَا جْمَاعَة تَاعْ النَّاسْ لِكَانُوا وَاڤْفِينْ عْلَى الْجِهَة لَخْرى تَاعْ لَبْحَرْ، شَافُوا مَكَانْتْشْ كَايْنَ غِيرْ فْلُوكَة وَاحْدْ خْرَى، غِيرْ هَادِكْ لَفْلُوكَة لِرَكُبُوا تْلاَمَدْ يَسُوعْ، وْ يَسُوعْ مَكَانْشْ رَاكَبْ مْعَهُمْ كَانُوا غِيرْ تْلاَمَدْ وَحَدْهُمْ . 23 وْ جَاوْ وَاحْدْ لَفْلاَيْكْ مَنْ طَبَرِيَة، مَنْ وَاحَدْ المَوْضَعْ قْرِبْ مَنْ مْكَانْ لِكْلاَوْ فِيهْ الْخُبْزْ، بَعْدْ مَشْكَرْالَرَبْ يَسُوعْ. 24 كِشَافُوا ڤَاعْ النَّاسْ بَلِّي مَكَانْشْ لَا الرَّبْ يَسُوعْ وْ لاَ التْلاَمَدْ، رَكْبُوا فْهَدُوكْ لَفْلاَيَكْ وْجَاوْ لْكَفَرْنَاحُومْ بَاشْ يْحَوْسُو عْلَى يَسُوعْ. 25 كِلْقَاوَهْ فَالْجِهَة لَخْرَى تَاعْ لَبْحَرْ ڤَالُوا لَهْ : « يَامْعَلَمْ وِينْتَ وْصَلْتْ لَّهْنَا؟». 26 جَاوَبْهُمْ يَسُوعْ وْ ڤَالْ : « نْتُومَا تْحَوْسُوا عْلِيَا مَاشْى عْلَى خَاطَرْ شَفْتُوا الْمُعْجِزَاتْ، بَصَّحْ عْلَى خَاطَرْ كْلِتُوا الْخُبْزْ وْ شْبَعْتُوا . 27 مَتْخَدْمُوشْ لَلْمَاكْلَة الْفَانِيَة، بَصَّحْ خَدْمُوا لَلْمَاكْلَة لِدُومْ لَلَحْيَاةْ الَدَايْمَة، وْهِيَ الْمَاكْلَة لِيَعْطِيكُمْ إِبْنْ الإِنْسَانْ، عْلَى خَاطَرْ الله الآبْ هُوَ لِخَتْمَهْ ». 28 وڤَالُوا لَهْ : « وَاشْ خَصْنَّا نْدِيرُوا بَاشْ نْدِيرُوا أَعْمَالْ الله؟ ». 29 وْ جَاوَبْهُمْ يَسُوعْ : « الْخَدْمَة لِبْغَاكُمْ الله تْدِيرُوهَا هِيَ تْآمْنُوا بْهَادَاكْ لِرَسِْلَهْ ». 30 ڤَالُوا لَهْ : « وَاشْ مَنْ مُعْجِزَة تَقْدَرْ دِرْ ڤُدَّامْنَا نْشُوفُهَا وْ نْآمْنُوا بْكْ ؟ وَاشْ غَادِي تْدِيرْ ؟ 31 جْدُدْنَا كْلاَوْ الْمَنْ فَالصَحْرَا كِيمَا هُوَ مَكْتُوبْ : عْطَاهُمْ خُبْزْ مَاسْمَا بَاشْ يَكْلُوا». 32 وْ رَّدْ عْلِهُمْ يَسُوعْ : « نْڤُولْكُمْ الْحَقْ مَاشِي مُوسَى لِعْطَاكُمْ الْخُبْزْ مَاسْمَا بَصَّحْ بُويَا هُوَ لِعْطَاكُمْ الْخُبْزْ الْحَقِيقِى مَاسْمَا . 33 عْلَى خَاطَرْ خُبْزْ الله هُوَ لِنَزَلْ مَاسْمَا وْ هُوَ لِيَعْطِي الْحْيَاة الدَايْمَة ». 34 ڤَالُوا لَهْ : « عْطِينَا هَادْ الْخُبْزْ يَاسِيدِي فْكُلْة وَقْتْ». 35 ڤَالْهُمْ يَسُوعْ : « أَنَا هُوَ خُبْزْ لَحْيَاة، لِيْجِى عَنْدِي عُمْرَهْ مَايْجُوعْ، وْ لِآمَنْ بِيَ عُمْرَهْ مَيَعْطَشْ . 36 بَصَّحْ كُنْتْ ڤُلْتْ لْكُمْ رَاكُمْ شَفْتُونِي بَصَّحْ مَآمَنْتُشْ . 37 كُلْ وَاحَدْ عْطَاهْ لِى الأَبْ غَادِي يْجِي لْعَنْدِي، وَلْغَادِي يْجِي لْعَنْدِي مَنْخَرْجَهْشْ بَرَّا. 38 عْلَى خَاطَرْ أَنَا نْزَلْتْ مَاسْمَا مَاشْى بَاشْ نْدِيرْ مَشِيئْتِين، بَصَّحْ بَاشْ نْدِيرْ مَشِيئَتْة لِرْسَلْنِي . 39 وْهَادِ هِيَ مَشِيئَة لِرْسَلْنِى: لِهِيَ مَنْضَيَعْ حَتَّى وَاحَدْ مَنْ هَادُوكْ لِعْطَانِي، بَصَّحْ فْيُومْ لَحْسَابْ نْقِيمْهُمْ مَالْمُوتْ . 40 عْلَى خَاطَرْ هَادْ هِيَ مَشْئَة لِرْسَلْنِي : عْلَى خَاطَرْ ڤَاعْ لِيْشُوفْ الإبْنْ وْ آمَنْ بِيهْ تْكُونْ لَهْ لْحَيَاةْ الَدَايْمَة، وْ غَادِي نْقَوْمَهْ فَالْيُومْ لَخَرْ ». 41 وْبْدَاوْ لِهُودْ يَدَمْرُوا عْلِيهْ عْلَى خَاطَرْ ڤَالْ : « أَنَا هُوَ الْخُبْزْ لِنْزَلْ مَاسْمَا ». 42 وْڤَالُوا :« مَاشِي هَادَ هُوَ يَسُوعْ وَلْدْ يُوسَفْ، لِنَعَرْفُوا بُوهْ وَمَهّْ؟ أَيَّ كِيفَاهْ رَاهْ إِيڤُولْ دَرْوَكْ نْزَلْ مَاسْمَا ؟ ». 44 جَاوَبْهُمْ يَسُوعْ وْ ڤَالْ لْهُمْ : « بْلَمَا تَهَدْرُوا بِينَاتْكُمْ . 45 رَاهْ حَتَّى وَاحَدْ مَيَقْدَرْ يْجِي لْعَنْدِي حَتَّى يْجِيبَهْ الأَبْ لِرْسَلْنِي، وَأَنَا نْقَوْمَهْ فْيُومْ لَحْسَابْ . 43 خَاطَرْ مَكْتُوبْ فَكْتُوبْ الأَنْبِيَاء : ڤَاعْ النّاسْ غَادِي يَتْعَلْمُوا مَنْ الله، وَلِيَتْصَنَتْ لَلَْابْ وْ يَتْعَلَمْ مَنَهْ يْجِي لْعَنْدِي. 46 وَأَنَا مَرَانِيشْ نْڤُولْ بَلِّي شْى وَاحَدْ شَافْ الأَبْ عْلَى خَاطَرْ غِيرْ هَادَاكْ لِمَنْ الله هُوَ وَحْدَهْ شَافْ الأَبْ. 47 نْڤُولْكُمْ الْحَقْ ڤَاعْ لِآَمَنْ بِيَ عَنْدَهْ لَحْيَاةْ الَدَايْمَة . 48 أَنَا هُوَ خُبْزْ لَحْيَاةْ . 49 يَاخْ جْدُودْكُمْ كْلَاوْ الْمَنْ فَالصَحْرَا وْ مَاتُوا. 50 هَادَ هُوَ الْخُبْزْ لِنَزَالْ مَاسْمَا لِياكُلْ مَنَهْ مَيْمُوتْشْ . 51 أَنَا هُوَ الْخُبْزْ الْحَيْ لِنْزَلْ مَاسْمَا، إِلَى كْلَا وَاحَدْ مَنْ هَادْ الْخُبْزْ يَحْيَى لَبْدَا، وْلْخُبْزْ أَلِى أَنَا نَعْطِيهْ هُوَ ذَاتِي لِنَعْطِيهْ بَاشْ يَحْيَاوْ نَاسْ الْعَالَمْ ». 52 وَبْدَاوْ لِهُودْ يَدَبْزُوا مْعَ بَعْضِيَاتْهُمْ وْيْڤُولُوا : « كْيفَاهْ يَقْدَرْ هَادْ الرَّاجَلْ يَعْطِينَا ذَاتَهْ نَاكْلُوهَا ؟» . 53 ڤَالْهُمْ يَسُوعْ: « الْحَقْ الْحَقْ نْڤُولْكُمْ إِلاَ مَكْلِيتُوشْ ذَاتْ إِبْنْ الإنْسَانْ مَشْرَبْتُوشْ مَنْ دَّمَهْ مَاغَادِيشْ تْكُونْ فِيكُمْ الْحْيَاةْ. 54 لِيَاكُلْ مَنْ ذَاتِي وْيَشْرَبْ مَنْ دَمِي عَنْدَهْ لَحْيَاةْ الَدَايْمَة، وَأَنَا غَادِي نْقَوْمَهْ فْيُومْ لَحْسَابْ . 55 عْلَى خَاطَرْ ذَاتِي هِيَ الْمَاكْلَة الْحَقِيقِيَة وْ دَمِى هُوَ الْمَشْرُوبْ الْحَقِيقِي. 56 لِيَاكٌلْ ذَاتِى وْيَشْرَبْ دَمِى يَثْبَتْ فِيَ وَأَنَا فِيهْ. 57 كِيمَا رْسَلْنِي الأَبْ الْحَيْ، أَنَا حَيْ بَالَْأبْ لِيَكُلْنِي غَادِي يَحْيَا بِيَ . 58 هَادَ هُوَ الْخُبْزْ لٍنْزَلْ مَاسْمَا، مَاشِى كِيمَا كْلَاوْ جْدُودْكُمْ الْمَنْ فَالصَحْرَا وْ مَاتُوا، لِيَاكُلْ هَادْ الْخُبْزْ غَادِي يَحْيَا لَلْبْدَا ». 59 ڤَالْ يَسُوعْ هَادْ لَكْلاَمْ وْهُوَ يْعَلَمْ فَالْهَيْكَلْ فِي كَفَرْنَاحُومْ. 60 وْڤَالُوا بَزَافْ مَنْ تْلاَمْدَهْ كِسَمْعُوا هَدْرَتَهْ : « هَادْ لَكْلاَمْ صْعِيبْ شْكُونْ يَقْدَرْ يَسَمْعَهْ ؟ » . 61 وْ عْرَفْ يَسُوعْ فِي نَفْسَهْ بَلٍّي تْلاَمْدَهْ كَانُوا يَدَمْرُوا عْلَى هَادْ لَكْلاَمْ وْ جَاوَبْهُمْ : « وَاشْ هَادَ غَادِي يْزَعْزَعْ إيمَانْكُمْ ؟. 62 وْإلاَشَفْتُوا وَاشْ غَادِي يَصْرَا لْإِبْنْ الإنْسَانْ مِنْ غَادِي يَطْلَعْ وِينْ كَانْ فَاللَوَلْ! 63 الرُوحْ هُوَ لِيَحْيِ، بَصَّحْ الذَاتْ مَايْفِيدْ بْوَالُوا، لَكْلاَمْ لِرَانِي نْكَلَمْكُمْ بِيهْ هُوَ رُوحْ وْحْيَاةْ. 64 بَصَّحْ رَاهْ بِينَاتْكُمْ قَومْ مَيْآمْنُوشْ، عْلَى خَاطَرْ يَسُوعْ مَلْبَدْيَة كَانْ عَرَفْ شْكُونْ هُمَا لِمَايْآمْنُوشْ بِيهْ، وَشْكُونْ هُوَ لِغَادِي يْسَلْمَهْ ». 65 وْ ڤَالْ : « عْلَى خَاطَرْ هَادْ الَشِي ڤُلْتْلْكُمْ : حَتَّى وَاحَدْ مَايَقْدَرْ إيجِي عَنْدِي غِيرْ إِيلاَ أَعْطَاهْ لِى الأَبْ ». 66 وْ فْدَاكْ الْوَقْتْ سَمْحُوا فْيهْ بَزَافْ تْلاَمَدْ وْ مَاوَلَوْشْ يَتْمَشُوا مْعَاهْ . 67 وْ ڤَالْ يَسُوعْ لَتْلاَمَدْ طْنَاعْشْ : « بَلاَكْ نْتُومَا تَانِى بْغِيتُوا تْرُوحُوا؟ ». 68 جَاوْبَهْ سَمْعَانْ بُطْرُسْ : « لِمَنْ نْرُوحُوا يَارَبْ وْكْلاَمْ لَحْيَاةْ الَدَايْمَة . 69 وَحْنَا آمَنَا وَعْرَفْنَا بَلِّي نْتَ هُوَ الْمَسِيحْ إِبْ الله الْحَيْ ». 70 جَاوَبْهُمْ يَسُوعْ : « مَاشِي أَنَا خَيَرْتْكُمْ لَطْنَاعْشْ ؟ وَاحَدْ مَنْكُمْ شِيطَانْ! ». 71 ڤَالْ هَادْ الشِي عْلَى يَهُوذَا سَمْعَانْ الإِسْخَرْيُوطِي، عْلَى خَاطَرْ هَادَ كَانْ بَاغِي يْسَلْمَهْ وْ هُوَ .كَانْ وَاحَدْ مَنْ تْلاَمَدْ طْنَاعْشْ.
1 وْ مْبَعْدْ هَادْ الَشِي، كَانْ يَسُوعْ يَمْشِي مَنْ مَوْضَعْ لَلْمَوْضَعْ فَالْجَلِيلْ، عْلَى خَاطَرْ مَبْغَاشْ يْرُوحْ لَبْلاَدْ الْيَهُودِيَة، وِينْ كَانُوا الْيَهُودْ يْحَوْ سُوا عْلِيه بَاهْ يَكُتْلُوهْ. 2 وْكَانْ عِيدْ الْيَهُودْ لِسَمٌوهْ عِيدْ الْمَظَالْ ڤَرَبْ. 3 وْڤَالُولَهْ خُوتَهْ : « رُوحْ مَنْ هْنَا لَبْلاَدْ الْيَهُودِيَة، بَاشْ حَتَّى تْلاَمَدْ تَوْعَهْ يْشُوفُوا الْمُعْجِزَاتْ لِرَاكْ دِيرْهَا. 4 رَاهْ حَتَّى وَاحَدْ مَايْدَّسْ دَاكْ الَشِي لِيْدِيرْ غِيرْ إِلَ بْغَا يْوَلِي مَعْرُوفْ عَنْدَ النَّاسْ إِلاَ كُونْتْ دْيرْ هَادْ الْمُعْجِزَلتْ بَيَنْ نَفْسَكْ لَلْعَالَمْ ». 5 عْلَى خَاطَرْ حَتَّى خُوتَهْ مَكَانُوشْ يْآمْنُوا بِيهْ . 6 ڤَالْهُمْ يَسُوعْ : « وَقْتِ مَزَالْ مَجَاشْ بَصَّحْ وَقْتْكُمْ نْتُومَا دِيمَا كَايَنْ. 7 النَّاسْ تَاعْ الَدَنْيَا مَيَقَدْرُوشْ يَكَرْهُكُمْ، بَصَّحْ يَكَرْهُونِي أَنَا، عْلَى خَاطَرْ أَنَا نَشْهَدْ عْلِيهُمُ بَلِّي أَعْمَالْهُمْ شَرِيرَة. 8 رُوحُوا نْتُمَا عَيْدُوا وْأَنا مَغَدِيشْ نْعَيَدْ، عْلَى خَاطَرْ وَقْتِ مَازَالْ مَا جَاشْ ». 9 ڤَالْهُمْ هَادْ الْهَدْرَة وْ بْقَى فَالْجَلِيلْ . 10 وْكِي رَاحُوا خُوتَهْ لَلْعِيدْ، رَاحْ هُوَ فَالسَرْ بْلاَمَا يْشُوفَهْ شِي وَاحَدْ . 11 وْ كَانُوا لِهُودْ يْحَوْسُوا عْلِيهْ نهَارْ الْعِيدْ وْ يْسَقْسُوا : « وِرَاهْ هَادَاكْ الَّرَّجَلْ؟». 12 وْكَانُوا بَزَافْ النَّاسْ يَهَدْرُوا عْلِيهْ، وْ كَانُوا بَزَافْ بِينَاتْهُمْ وَاحْدِينْ يْڤُولُوا: « رَاهْ هُوَ رَاجَلْ مْلِيحْ »، وْ نَاسْ وَاحَدْ خْرِينْ يْڤُولُوا : « لاَّ رَاهْ يْخَرَّجْ النَّاسْ عْلَى الطْرِيڤْ». 13 بَصَّحْ مَكَانْ حَتَّى وَاحَدْ يَهْدَرْ عْلِيهْ ڤُدَامْ كُولْشِى، عْلَى خَاطَرْ كَانُوا خَايْفِينْ مَنْ الْيَهُودْ. 14 وْ كِنَصَّفْ الْعِيدْ طْلَعْ يَسُوعْ لْبِيتْ الله بْدَا يْعَلَمْ . 15 وْ تْعَجْبُوا لِيهُودْ وْ ڤَالُوا: « كِيفَاشْ هَادْ الرَّاجَلْ يَعْرَفْ كْتُبْ الأَنْبِيَاء وْ هُوَ عُمْرَهْ مَاقْرَا ؟». 16 وْ جَاوَبْهُمْ يَسُوعْ وْ ڤَالْ : « دَاكْ الشِي لِتْعَلَمْتَهْ مَاشِي تَاعِي بَصَّحْ تَاعْ هَادَاكْ لِرْسَلْنِي . 17 إِلاَبْغَا وَاحَدْ يْدِيرْ مَشْئَة الله، غَادِي يَعْرَفْ لِرَانِى نْعَلَمْ فِيهْ هُوَ مَنْ عَنْدْ الله، وْلاَ غِيرْ مَنْ عَنْدِى . 18 لِيَهْدَرْ مَنْ عَنْدْهْ رَاهْ يَعْطِي الْمَجْدْ لْنَفْسَهْ، بَصَّحْ لِيَعْطِي الْمَجْدْ لِرَسْلَهْ، رَاهْ هُوَ صَادَقْ وْمَافِيهْشْ غُشْ. 19 مَاشِي مُوسَى عْطَاكُمْ الَشَرِيعَة؟ بَصَّحْ حَتَّى وَاحَدْ مَيْدِيرْ بْيهَا ! عْلَاشْ رَاكُمْ تْحَوْسُوا تَكَتْلُونِي ؟ ». 20 وْ جَاوْبَتَهْ جْمَاعَة تَاعْ النَّاسْ وْ ڤَالُوا: « رَاهْ فِيكْ شِيطَانْ، شْكُونْ بْغَا يَكُتْلَكْ؟ ». 21 جَاوَبْ يَسُوعْ وْڤَالْهُمْ: « دَرْتْ مُعْجِزَة وَاحْدَة وْنْخَلَعْتُوا. 22 عْلَى هَادْ الشِي مُوسَى اْمَرْكُمْ بْلَخْتَانَة، هِيَ مَاشِى مَنْ عَنْدْ مُوسَى، وْبَصَّحْ مَنْ عَنْدْ جْدُودْكُمْ، وْهَاكَ تَخَتْنُوا وْلَادْكُمْ حَتَّى فِى نْهَارْ السَّبْتْ. 23 وْإِلَى كَانُوا النَّاسْ يَخَتْنُوا وْلَدْهُمْ فَى نْهَارْ السَّبْتْ بَاشْ مَيَخَرْجُوشْ عْلَى شَرِيعَة مُوسَى، مَلْكُمْ زْعَفْتُوا عْلِيَ عْلَى خَاطَرْ شْفِيتْ إِنْسَانْ فَى نْهَارْ السَّبْتْ ؟. 24 مَتَبْدُوشْ تَحَكْمُوا غِيرْ مَنْ بَرَّا، بَصَّحْ حَكْمُوا بَالْحَقْ ». 25 وْيْڤُولُوا وَاحْدِينْ مَنْ سُكَانْ أُرُوشَلِيمْ: « مَاشِي هَادَا لِرَاهُمْ يْحَوْسُوا عْلِيهْ بَاشْ يَكَتْلُوهْ ؟. 26 هَاهُوَ يَهْدَرْ ڤُدَامْ النَّاسْ وْمَيْڤُولُولَهْ وَلُوا! بَلاَكْ رُؤَسَاءْ الْيَهُودْ تَيْقُوا بَلِّي هَادَاكْ الرَّاجَلْ بَصَّحْ هُوَ الْمَسِيحْ ؟ وْ بَصَّحْ هَدَا رَانَا نْعَرْفُوهْ مْنِينْ هُوَ. 27 الْمَسِيحْ كِيغَادِي يْجِي مَيَعْرَفْ حَتَّى وَاحَدْ مْنِينْ هُوَ ». 28 وْڤَالْ يَسُوعْ، بْصُوتْ عَالِي وْ هُوَ يْعَلَمْ فْى بِيتْ الله: « وَاشْ نْتُمَا بَصَحْ تَعَرْفُونِي ؟ وْتَعَرْفُوا أَنَيَا مْنِينْ؟ رَانِي مَجِيتْشْ مَنْ نَفْسِي، هَادَاكْ لِرْسَلْنِي هُوَ حَقْ، وْنْتُمَا مَتَعَرْفُوهْشْ. 29 بَصَّحْ أَنَا نَعَرْفَهْ، عْلَى خَاطَرْ جِيتْ مَنْ عَنْدَهْ وْ هُوَ لِرْسَلْنِي ». 30 وْحَوْسُوا لِيهُودْ كِيفَاشْ يْشَدُوهْ وْ حَتَّى وَاحَدْ مَحَطْ يَدَهْ عْلِيهْ، عْلَى خَاطَرْ سَاعْتَهْ مَزَالْ مَجَاتْشْ. 31 وْآمْنُوا بَزَافْ النَّاسْ وْ ڤَالُوا : « غَادِي يْجِي الْمَسِيحْ وْ يْدِيرْ مُعْجِزَاتْ كْتَرْ مَلِي دَارْ هَادْ الرَّجَلْ؟ ». 32 وْ سَمْعُوا الْفَرِيسَيِينْ النَّاسْ يَهَدْرُوا مْعَ بَعْضِيَاتْهُمْ عْلَى الْمَسِيحْ، وْ رَسْلُوهُمْ رُؤَسَاءْ رْجَالْ الدِينْ عَسْكَرْ بَاشْ يَڤَظْبُوهْ. 33 ڤَالْهُمْ يَسُوعْ: « أَنَا غَادِي نَبْقَى مْعَاكُمْ غِيرْ وَقْتْ قْلِيلْ، وْ مْبَعْدْ غَادِي نْرُوحْ عَنْدْ هَادَاكْ لٍرْسَلْنِي . 34 فْدِيكْ السَاعَة غَادِي تْحَوْسُوا عْلِيَ وْمَغَادْيشْ تَلْقَاوْنِي، وْمَاتَقَدْرُوشْ حَتَّى تْجُوا وِينْ غَادِي نْكُونْ ». 35 وْڤَالُوا لِهُودْ بِينَاتْهُمْ : « وِينْ غَادِي يْرُوحْ هَادَ بَاشْ مَانَلْقَاوَهْشْ؟ بَلاَكْ يْرُوحْ لْمْدُنْ الْيُونَانَيِينْ. 36 وْيْعَلَمْ نَاسْهَا، وَاشْ رَاهْ يَقْصَدْ بْهَادْ الشِى لْرَاهْ يْڤُولْ : غَادِي تْحَوْسُوا عْلِيَ وْمَاتَلْقَاوْنِيشْ، وْمَاتَقَدْرُوشْ حَتَّى تْجُوا وِينْ غَادِي نْكُونْ؟ ». 37 فَانْهَارْ التَالِي، لِهُوَ نْهَارْ لَكْبِيرْ فَالْعِيدْ، وْڤَفْ يَسُوعْ وْڤَالْ بْصُوتْ عَالِي: « إلَى عْطَشْ وَاَحَدْ يْجِي عَنْدِي وْ يَشْرَبْ. 38 وْكِيمَا ڤَالْ كْتَابْ الله: لِآمَنْ بِيَ غَادِي تَجْرِي مَنْ كَرْشَهْ وِيدَانْ تَاعْ الْمَا الْحَيْ ». 39 ڤَالْ يَسُوعْ هَادْ الَشِي، عْلَى الرُوحْ لِغَادِي يَخْذُوهْ هَادُوكْ لآمْنُوا بِهْ، عْلَى خَاطَرْ فْدَاكْ الْوَقْتْ كَانْ الرُوحْ الْقُدُسْ مَازَلْ مَتَعْطَاشْ، عْلَى خَاطَرْ يَسُوعْ مَازَالْ مَخْدَاشْ الْمَجْدْ. 40 وَاحَدْ خْرِينْ مَنْ النَّاسْ سَمْعُوا هَادْ الْهَدْرَة وْڤَالُوا: « هَادَ بَالْحَقْ نْبِي ». 41 وْڤَالُوا وَحَدْ خْرِينْ: « رَاهْ هَادَ هُوَ الْمَسِيحْ !» وْ لَخْرِينْ ڤَالُوا: « وَاشْ مَنْ الْمَسِيحْ لِغَادِي يْجِي مَنْ بْلاَدْ الْجَلِيلْ ؟. 42 مَاشِي كْتَابْ الله ڤَالْ بَلِّي الْمَسِيحْ غَادِي يْجِي مَنْ نَسْلْ دَاوَدْ، وْ مَنْ بِيتْ لَحْمْ، دَوَارْ لِكَانْ فِيهْ دَاوَدْ ؟ ». 43 وْتْقَسْمُوا النَّاسْ فِي رَايْهُمْ بَسْبَابْ يَسُوعْ . 44 وْ كَانُوا وَاحْدِينْ مَنْهُمْ بَاغْيِينْ يَڤَبْضُوهْ، وْ بَصَّحْ حَتَّى وَاحَدْ فِيهُمْ مَحَطْ عْلِيهْ يَدَهْ. 45 وْكِوَلَوْ لْعَسْكَرْ عَنْدْ رُؤَسَاءْ رْجَالْ الِدينْ وَ الْفَرِّسَيِينْ سَقْسَاوْهُمْ : «عْلاَشْ مَجَبْتُوهْشْ ؟ ». 46 وْ يْجَاوْبُهْ الْعَسْكَرْ: « عُمَّرْ وَاحَدْ مَاهْدَرْ كِيمَا هْدَرْ هَادَاكْ الرَّاجَلْ ». 47 وْرَدُّو عْلِيهُمْ الْفَرِيسَيِينْ وْڤَالُوا: « بَالاَكْ نْتُومَا تَانِي خرَجْتُوا عْلَى الطْرِيڤَ؟. 48 بَلاَكْ كَايَنْ شِي وَاحَدْ مَالَرؤَسَاء وَلاَ مَنْ الْفَرِّسَيِينْ لِآمَنْ بِيهْ ؟. 49 بَصَّحْ هَادْ الَشَعْبْ لِمَيَفْهَمْشْ الشَرِيعَة رَاهْ مَلْعُونْ ». 50 وْيْڤُولْهُمْ نِيقُودِيمُوسْ، لِكَانْ جَا عَنْدْ يَسُوعْ فْلِيلْ لِهُوَ وَاحَدْ مَنْهُمْ. 51 « مَاشِي شَرٍيعَة تَاعْنَا مَا تَحْكَمْشْ عْلَى وَاحَدْ قْبَلْ مَتَسْمَعْ مَنَهْ مَالَوَالِ وْتَعْرَفْ قْبَلْ وَاشْ دَارْ ؟» . 52 وْ هُمَا يْجَاوْبُهْ :« بَلاَكْ نْتَ تَانِي مَالْجَلِيلْ؟ حَوَسْ وْشُوفْ إِذَا كَانْ شِى نْبِي جَا مَالْجَلِيلْ؟». 53 وْمَمْبَعْدْ رَاحْ كُلْ وَاحَدْ لْدَارَهْ.
1 رَاحْ يَسُوعْ لَجْبَلْ الزَيْتُونْ. 2 وْلْغَدْوَة فَالصْبَحْ بَكْرِي وَلَى لْبِيتْ الله، وْجَاوْ عَنْدَهْ ڤَاعْ النّاسْ، وْ ڤْعَدْ يْعَلَمْهُمْ . 3 وْجَابُوا لَهْ عُلَمَاءْ الشَرِيعَة وَ الْفَرِّيسَيِّينْ، وَاحَدْ لَمْرَا شَدُوهَا وْهِيَ تَزْنِي، كِوَڤْفُوهَا ڤُدَامْ الْحَاضْرِينْ. 4 ڤَالُوا لَهْ : « يَامْعَلَمْ هَادْ لَمْرَا تْڤَبْضَتْ وْ هِيَ تَزْنِي . 5 وْ مُوسَى وَصَانَة فَالَشَرِيعَة نَرْجْمُوا كِيمَا هَادْ لَمْرَ،ا وْنْتَيَ وَاشْ تْڤُولْ » . 6 ڤَالُوا هَادْ لَكْلاَمْ بَاشْ يْحَصْلُوا يَسُوعْ وْيَتَهْمُوهْ، وْ بَصَّحْ هُوَ طَاطَى وْ بْدا يَكْتَبْ فَالاَرْضْ بْصَبْعَهْ. 7 كِِبْدَاوْ يْزِيدُوا يْسَقْسُوا فِيهْ ڤَالْهُمْ : « لِمَدَارْ فِيكُمْ حَتَّى دَنْبْ يْقِسْ عْلِيهَا الْحَجْرَة هُوَ لَوْلْ !» 8 . وْ يْزِيدْ يْطَاطِي مَرَّة وَاحَدْ خْرَى وْيَكْتَبْ فَالاَرْضْ. 9 وْكِسَمْعُوا هَادْ لْهَدْرَة خَرْجُوا ڤَاعْ وَاحَدْ مُورْ وَاحَدْ وْ شْيُوخْ هُمَا لْوَالَى، وْڤْعَدْ يَسُوعْ بْوَحْدَهْ وْ لَمْرَا، وَڤْفَ فَالْوَسطْ . 10 كِوْڤَفْ يَسُوعْ ڤَالْهَا: « وِينْ رَاهُمْ ؟ حَتَّى وَاحَدْ فِيهُمْ مَحْكَمْ عْلِيكْ ؟» وْتْڤُولَهْ: « حَتَّى وَاحَدْ يَاسِيدِي!» 11 ڤَالْهَا يَسُوعْ: « حَتَّى أَنَا مَنَحْكَمْشْ عْلِيكْ رُوحِي وْ مَتْعَاوْدِيشْ تَدَنْبِي !». 12 عَاوَدْ هْدَرْ مْعَاهُمْ يَسُوعْ وْڤَالْ : « أَنَا هُوَ نُورْ هَادْ الَدَّنْيَا لِيْتَبَعْنِي عُمْرَهْ مَيَمْشِي فَالضَلْمَة، بَصَّحْ غَادِي يْكُونْ عَنْدَهْ نُورْ الْحَيَاةْ » . 13 وْ يْڤُولُوا لَهْ الْفَرِّيسَيِّينْ : « أَنْتَ دَرْوَكْ رَاكْ تَشْهَدْ لْرُوحَكْ وْشْهَادَة تَاعَكْ مَاشِي صْحِيحَة». 14 وْ جَاوَبْهُمْ يَسُوعْ وْ ڤَالْهُمْ : « إِلاَ كُنْتْ نَشْهَدْ لْنَفْسِي شْهَادْتِي رَاهِي صْحِيحَة، عْلَى خَاطَرْ أَنا نَعْرَفْ مْنِينْ جِيتْ وْ وِينْ غَادِي، بَصَّحْ نْتُمَا مَتَعَرْفُوشْ مْنِينْ جِيتُو وَلاَ وِينْ غَادْيِينْ . 15 نْتُمَا تَحَكْمُوا كِيمَا يَحْكَمْ لَبْنَدَمْ بَصَّحْ أَنَا مَنَحْكَمْ عْلَى حَتَّى وَاحَدْ. 16 وْ إِلاَ كُنْتْ نَحْكَمْ حُكْمِي حَقْ عْلَى خَاطَرْ اَنَا مَاشِي بْوَحْدِي مْعَايَا الأَبْ لِرْسَلْنِي. 17 مَكْتُبْ فَالشَرِيعَة نْتَاعْكُمْ شْهَادَة تَاعْ زُوجْ هِيَ الصْحِيحَة . 18 أَنَا نَشْهَدْ لْرُوحِي وْ يَشْهَدْ لِيَا الآبْ لِرْسَلْنِي ». 19 وْيْسَقْسُوهْ : « وِينْ رَاهْ بُوكْ ؟» جَاوَبْهُمْ يَسُوعْ : « مَتَعَرْفُونِيشْ لََأنا وَلاَ بُويَا، وْلُكَانْ عْرَفْتُونِي رَاكُمْ عْرَفْتُوا بُويَا حَتَّى هُوَ ». 20 هَادْ لْهَدْرَة ڤَالْهَ يَسُوعْ كِكَانْ حْدَا الَصَنْدُوقْ لِكَانُوا يْحَطُوا فِيهْ التَقْدِيمَاتْ، وْ هُوَ فِي بِيتْ الله، وْ مَڤَبْضَهْ حَتَّى وَاحَدْ عْلَى خَاطَرْ سَاعْتَهْ مَازَالْ مَجَاتْشْ. 21 ڤَالْهُمْ يَسُوعْ : « غَادِي نْرُوحْ فٍى طْرِيڤِى وَنْتُومَا غَادِي تْحَوْسُواعْلِيَ بَصَّحْ نْتُومَا غَادِي تْمُوتُوا فَالدْنُوبْكُمْ وْمَتَقَدْرُوشْ تْرُوحُوا وِينْ غَادِي نْرُوحْ ». 22 وْڤَالُوا لِهُودْ : « بَلاَكْ رَاهْ بَاغِي يَكْتَلْ رُوحَهْ عْلَى هَادْ الشِي رَاهْ يْڤُولْ مَتَقَدْرُوشْ تْرُوحُوا وِينْ رَانِي رَايَحْ ». 23 وْڤَالْهُمْ يَسُوعْ: « نْتُومَا مَالْتَحْتْ بَصَّحْ أَنَا مَالْفُوڤْ، نْتُومَا مَنْ هَادْ الدَنْيَا. 24 بَصَّحْ أَنَا مَاشِي مَنْهَا، عْلَى هَادْ الشِي ڤُولْتْلْكُمْ : غَادِي تْمُوتُوا فِي دْنُوبْكُمْ عْلَى خَاطَرْ لِمَآمَنْوشْ بَلِّي أَنَا هُوَ، غَادِي تْمُوتُوا فِي دْنُوبْكُمْ ». 25 وْهُمَا يْسَقْسُوهْ : « شْكُونْ نْتَ؟» وْ رَدْ عْلِيهُمْ يَسُوعْ وْ ڤَالْ : « خَبَرْتْكُمْ مَالاَوَلْ . 26 عَنْدِي بَزَافْ أُمُورْ نْڤُولْهَا وْنَحْكُمْ بِيهَا عْلِيكُمْ، بَصَّحْ هَادَكْ لِرْسَلْنِي صَادَقْ، وْلِسْمَعْتَهْ مَنَهْ رَانِي نْڤُولَهْ لْكُمْ فْهَادْ الدَنْيَا ». 27 بَصَّحْ مَفَهْمُشْ بَلٍّي يَسُوعْ يَهْدَرْ لْهُمْ عْلَى الأَبْ. 28 وْڤَالْهُمْ يَسُوعْ : « كِغَادِي تْعَلْڤُوا إِبْنْ الإنْسَانْ عْلَى الصَلِيبْ، دِيكْ السَاعَة غَادِي تَعَرْفُوا بَلِّي أَنَا هُوَ، وْ مَكُنْتْشْ نْدِيرْ شِي حَاجَة مَنْ عَنْدِي، مَكُنْتْشْ نْڤُولْ غِيرْ لِعَلَمْنِي الأَبْ . 29 وْ هَادَاكْ لِرْسَلْنِي هُوَ مْعَايَا، وْ مَخَلاَنِيشْ بْوَحْدِي، عْلَى خَاطَرْ نْدِيرْ دَايْمَنْ وَاشْ يْفَرْحَهْ » . 30 كِكَانْ يَسُوعْ يَتْكَلَمْ هَادْ لَكْلاَمْ آمْنُوا بِيهْ بَزَافْ النَّاسْ. 31 وْڤَالْ يَسُوعْ لَلْيَهُودْ لِآمْنُوا بِيهْ : « إِلاَڤْعَدْتُوا ثَبْتِينْ فِي كْلاَمِي غَادِي تْوَالُوا تْلاَمْدِ بَصَحْ . 32 وْهَاكَ غَادِي تَعَرْفُوا الْحَقْ وْ الْحَقْ يْحَرَرْكُمْ ». 33 وْ جَاوْبُوهْ : « حْنَيَا وْلاَدْ إِبْرَاهِيمْ وْعَمَرْنَا مَكُونَا عْبِيدْ، لْحَتَّى وَاحَدْ كْفَاشْ نْتَ تْڤُولَنَا غَادِي نَتْحَرُوا ؟ ». 34 جَاوَبْهُمْ يَسُوعْ وْڤَالْ : « نْڤُولْكُمْ الْحَقْ لِدَارْ الدَنْبْ يْكُونْ عَبْدْ لَدَنْبْ. 35 وَالْعَبْدْ مَيَسْكُنْشْ فِي دَارْ سِيدَهْ بَصَّحْ لْوَلْدْ هُوَ لِيَسْكُنْ فِيهَا دِيمَا . 36 وِلاَ حَرَرْكُمْ الإبْنْ غَادِي بَصَّحْ تَتْحَرُوا. 37 أَنَا نَعْرَفْ بَلِّى نْتُومَا وْلاَدْ إِبْرَاهِيمْ وْتْحَوْسُوا بَاشْ تَكَتْلُونِي، عْلَى خَاطَرْ كْلاَمِي مَدْخَلْشْ لَڤْلُوبْكُمْ . 38 أَنَا رَانِى نْكَلَمْكُمْ عْلَى الشِي لِشَفْتَهْ عَنْدْ بُويَا، وْنْتُومَا رَاكُمْ دِيرُوا بْدَاكْ الشِي لِسْمَعْتُوا مَنْ بُوكُمْ ». 39 وْرَدُوا عْلِيهْ وْڤَالُوا : « بُونَا هُوَ إِبْرَاهِيمْ » . وْڤَالْهُمْ يَسُوعْ : « لُكَانْ كُنْتٌمْ وْلاَدْ إِبْرَاهِيمْ لُكَانْ رَاكُمْ دِيرُوا أَعْمَالْ إِبْرَاهِيمْ. 40 بَصَّحْ دَرْوَكْ تْحَوْسُوا تَكَتْلُونِي يَاكْ ڤُولْتْلْكُمْ الْحَقْ لِسْمَعْتَهْ مَنْ الله وْ إِبْرَاهِيمْ مَادَرْشْ هَادْ الشِى . 41 نْتُومَا دِيرُوا بْاَعْمَالْ بُوكُمْ ». هُمَ يْڤُولُولَهْ : «حْنَا مَاشِي وْلاَدْ الزْنَى عَنْدْنَا بُونَا وَاحَدْ وْ هُوَ الله ». 42 ڤَالْهُمْ يَسُوعْ : « لُكَانْ كَانْ الله هُوَ بُوكُمْ غَادِي تَبْعُونِي، عْلَى خَاطَرْ أَنَا خْرَجتْ مَنْ عَنْدْ الله وْجِييتْ، وَ الْمَجْيَة نْتَاعِي مَكَانَتْشْ مَنْ عَنْدِي بَصَّحْ هُوَ لِرْسَلْنِي . 43 عْلاَهْ مَتَفَهْمُوشْ هَدْرَتِي؟ عْلَى خَاطَرْ مَتَقَدْرُوشْ تَسَمْعُوا كْلاَمِي . 44 نْتُومَا رَاكُمْ وْلاَدْ بُوكُمْ إِبْلِيسْ، وْ تَبْغُوا دِيرُوا دَاكْ الشِي لِيَبْغِي بُوكٌمْ ، هَادَاكْ كًانْ قَتَالْ مَالَوَالْ وْ عَمْرَهْ مَتْبَتْ فَالْحَقْ، عْلَى خَاطَرْ مَافِيهْشْ الْحَقْ، وْ كِيَكْدَبْ يَهْدَرْ غِيرْ لِفِي ڤَلْبَهْ عْلَلى خَاطَرْ هُوَ كَدَابْ وْ بُو الْكَدَابِينْ. 45 بَصَّحْ أَنَا جِيتْ نْڤْولْكُمْ الْحَقْ وْنْتُمَا مَتَيَقْتُونِيشْ . 46 شْكُونْ فِيكُمْ لِيَقْدَرْ يَثْبَتْ عْلِيَ دَنْبْ ؟ وْإِلاَ كُنْتْ نْڤُولْ الْحَقْ عْلَلاهْ مَتَيَقْتُونِيشْ ؟ 47 لِمْنْ الله يَسْمَعْ كْلاَمْ الله بَصَّحْ نْتُمَا مَتَسَمْعُوشْ كْلاَمْ الله عْلَى خَاطَرْ مَارَاكُمْشْ مَنْ الله ». 48 ڤَالُولَهْ لِهُودْ: « وَاشْ كْلاَمْنَا مَاشِي صْحِيحْ كِڤُولْنَا لَكْ أَنْتَ سَامٍرِي وْفِيكْ شِيطَانْ ؟». 49 وْ جَاوَبْهُمْ يَسُوعْ وْڤَالْ: « أَنَا مَافِيَ حَتَّى شِيطَانْ بَصَّحْ نَعْطِي الْمَجْدْ لْبُويَا وَنْتُومَا تَحَڤْرُونِي . 50 أَنَا مَنَطْلَبْشْ الْمَجْدْ لْرُوحِي، بَصَّحْ كَايَنْ لِيَطْلْبَهْ لِيَ وْهُوَ لِيَحْكَمْ . 51 نْڤُولْكُمْ الْحَقْ : لِيْدِيرْ بَكْلاَمِي عُمْرَهْ مَا غَادِي يْشُوفْ الْمُوتْ ». 52 وْڤَالُولَهْ لِهُودْ : « دَرْوَكْ تْاَكَدْنَا بَلِّي بَصَّحْ فِيكْ شِيطَانْ. عْلَى خَاطَرْ إٍبْرَاهِيمْ مَاتْ وْ الاَنْبِيَا مَاتُوا، وْ نْتَ رَاكْ تْڤُولْ لِيْدِيرْ بَكْلاَمَكْ عُمْرَهْ مَيْدُوقْ الْمُوتْ. 53 يَادْرَا نْتَ خِيرْ مَنْ بُونَا لِمَتْ ؟ الأَنْبِيَا بْرُوحْهُمْ مَاتُوا، وَاشْ رَاكْ حَاسَبْ رُوحَكْ؟ ». 54 وْرَدْ عْلِيهُمْ يَسُوعْ وْڤَالْ: « إٍلاَ كُنْتْ نَعْطِي الْمَجْدْ لْرُوحِي هَدْ الْمَجْدْ مَعَنْدَهْ حَتَّى قِيمَة، بَصَّحْ بُويَا هُوَ لِيَعْطِينَا المَجْدْ وْ هُوَ لِتْڤُولُوا عْلِيهْ إلاَهْنَا. 55 وْ نْتُومَا مَتَعَرْفُوهْشْ، بَصَّحْ أَنَا نَعَرْفَهْ، وْحَتَّى إِلاَ ڤُولْتْ مَنَعَرْفَهْشْ غَادِي نْكُونْ كَدَابْ كِيفْكُمْ، وْ بَصَّحْ أَنا نَعَرْفَهْ وْ نْدِيرْ بَكْلاَمَهْ. 56 بُوكُمْ إِبْرَاهِيمْ كَانْ يَتْمَنَى بَالْفَرْحَة يْشُوفْ نْهَالرْ تَاعْ الْمَجْيَ نْتَاعِي وْكَانْ فَرْحَانْ ». 57 وْڤَالُولَهْ لِهُودْ : « مَعَنْدَكْشْ حَتَّى خَمْسِينْ عَامْ فْالَعْمَرْ وَ عْقَلْتْ عْلَى إِبْرَاهِيمْ ؟». 58 وْ جَاوَبْهُمْ يَسُوعْ وْڤَالْ: « نْڤُولْكُمْ الْحَقْ قْبَلْ مَيكُونْ إِبْرَاهِيمْ أَنَا كُنْتْ » 59 وْ بْدَاوْ يَرَفْدُوا فَالَحْجَرْ بَصَّحْ يَسُوعْ دَسْ رُوحَهْ وْ خْرَجْ مَنْ بِيتْ الله.
1 وْكِيكَانْ يَسُوعْ رَايَحْ شَافْ وَاحَدْ الرَّاجْلْ مَوْلُودْ عْمَى. 2 سَقْسَاوَهْ تْلاَمَدْ وْڤَالُولَهْ: « يَاسِيدِي شْكُونْ لِدْنَبْ، هَادْ الرَّاجْلْ وْلاَّ وَالْدِيهْ حَتَّى نْزَادْ عْمَى؟ ». 3 جَوَابْهُمْ يَسُوعْ : « رَاهْ مَدْنَبْ لاَهُوَ لَوَلْدِيهْ، بَصَّحْ صْرَالَهْ هَاكَّا غِيرْ بَاهْ يْبَانُوا فِيهْ أَعْمَالْ الله. 4 خَصْنَا نْدِيرُوا أَعْمَالْ تَاعْ هَادَكْ لِرْسَلْنِي مَدَامْ مَازَالْ النْهَارْ، عْلَى خَاطَرْ كِيْجِي اللِّيلْ حَتَّى وَاحَدْ مَيَقْدَرْ يَخْدَمْ. 5 مَادَامْ رَانِي فِى هَادْ الدَنْيَا أَنَ هُوَ نُورْ الدَنْيَا ». 6 وكِڤَالْ يَسُوعْ هَادْ الْهَدْرَة، دْفَلْ فَاتْرَابْ وْدَارْ مَنَهْ شْوَيَة تَاعْ لَغْرِيسْ وْ حَطَهْ عْلَى عَيْنِينْ الرَّاجَلْ. 7 وْڤَالْ لَهْ: « رُوحْ وْغْسَلْ فِى بِرْكَةْ سِلْوَامَ»، وْ لْمَعْنَى تَاعْ سِلْوَامْ هِي الْمَرْسُولْ، وْ رَاحْ وَغْسَلْ، وْوَلَى وْهُوَ يْشُوفْ. 8 وْ لْجِيرَانْ وْ النَّاسْ لِكَانُوا يْشُوفُهْ أَعْمَى، بْدَاوْ يْسَقْسُوا فِى رْوَاحْهُمْ وْ يْڤُولُوا: « مَاشِي هَادْ الرَّاجَلْ كَانْ يَڤْعَدْ وْ يَطْلَبْ ؟» 9 وْڤَالُوا وَاحْدِينْ: « وَاهْ هُوَ !»، وْ وَاحْدْ خْرِينْ ڤَالُوا: « غِيرْ يْشَبَهْ لَهْ !» . بَصَّحْ هُوَ ڤَالْ : «أَنَاهُوَ ». 10 وْهُمَا سَقْسَاوَهْ: « كِيفَاشْ تْحَلُوا عَيْنِيكْ ؟». 11 وْ جَاوَبْهُمْ: « وَاحَدْ الرَّاجَلْ يْسَمُوهْ يَسُوعْ، دَارْ شْوَيَة غَرْسْ وْ دَارَهْ عْلَى عَيْنِيَ وْ ڤَالِ رُوحْ لْبِرْكَةْ سِلْوَامْ وْ غْسَلْ، وْ أَنَا رُوحْتْ وَغْسَلْتْ وْلِتْ نْشُوفْ ». 12 وْ سَقْسَاوَهْ: « وِينْ رَاهْ هَادْ الرَّاجَلْ ؟»، ڤَالْهُمْ: « مَاعْلَابَالِيشْ !». 13 وْدَّاوَهْ عَنْدْ الْفَرِّيسَيِينْ. 14 وْ كَانْ هَادَاكْ نْهَارْ لِحَلْ فِيهْ يَسُوعْ عَيْنِينْ لَعْمَى كَانْ نْهَارْ السَبْتْ. 15 سَقْسُوهْ الْفَرِّيسَيِيينْ هُمَا تَانِي كِفَاشْ وْلَى يْشُوفْ، وْ ڤَالْهُمْ: «هَادَاكْ لَعْمَى حَطْ شْوِيَة تَاعْ لْغَرْسْ عْلَى عَيْنِيَ وْغْسَلْتْ وَلِتْ نْشُوفْ». 16 وْڤَالُوا وَاحَدْ لَخْرِيينْ مَنْ الْفَرِّيسَيِيينْ: «هَادْ الرَّاجَلْ مَاشِي مَنْ الله، عْلَلى خَاطَرْ مَادَارْشْ بْالَوْصَيَة تَاعْ السَبْتْ»، وْڤَالُوا وَحَدْ خْرِينْ: «كِفَاشْ يَقْدَرْ وَاحَدْ مَدْنَبْ يْدِيرْ هَادْ الْمُعْجِزَاتْ »، وْ مَكَانُشْ مَتَفْقِينْ فِى هَدْرَتْهُمْ . 17 وْ عَاوْدُوا سَقْسَاوْ الرَّاجَلْ لِكَانْ عْمَى: «وْ أَنْتَ وَاشْ تْڤُولْ عْلِيهْ عْلَى خَاطَرْ حَلَكْ عَيْنِيكْ ؟»، وْ جَاوَبْهُمْ : «هُوَ نْبى!». 18 مَآمْنُوشْ لِيهُودْ بَلِّى هُوَ كَانْ عْمَى وْ لَى يْشُوفْ، بَعْثُو لْوَاْلِديهْ . 19 وْ سَقْسَاوَهْ وْڤَالُوا: « إِلَا هَادَا وْ لِيدْكُمْ لِرَاكُمْ تْڤُولُوا تَوْلَدْ عْمَى، أَيَ كِفَاشْ يْشُوفْ دَرْوَكْ ؟». 20 وجَاوْبُهُمْ وَالْدِيهْ: « حْنَا نَعَرْفُةا بَلِّي هَادَ وَلَدْنَا وْ تَوْلَدْ عْمَى. 21 بَصَّحْ مَنَعَرْفُوشْ كِيفَاشْ دَرْوَكْ وَلَى يْشُوفْ، وْ مَنَعَرْفُوشْ شْكُونْ حَلَهْ عَيْنِيهْ، هُوَ كْبِيرْ فْالَعْمَرْ سَقْسُوهْ، وْ هُوَ يْجَاوَبْكُمْ عْلَى رُوحَهْ ». 22 ڤالُوا وَالْدِينْ الرَّاجَلْ هَادْ الْهَدْرَة عْلَى خَاطَرْ كَانُوا خَيْفِينْ مَنْ الِيهُودْ، عْلَى خَاطَرْ كَانُوا مَتَفْقِينْ بْينَاتْهُمْ لِيَعْتَرَفْ بَالْمَسِيحْ يْطَرْدُوهْ مَنْ بْيتْ الْصْلاَةْ. 23 عْلَى هَادْ الشِي ڤَالُوا وَالْدِيهْ: « هُوَ كْبِيرْ فَالَعْمَرْ سَقْسُوهْ». 24 وْعَيْطُوا مَرَّة وَاحَدْ خْرَى لَرَّاجَلْ لِكَانْ عْمَى ڤَالُوا لَهْ: « أَعْطِي الْمَجْدْ لَ الله، حْنَا نَعَرْفُوا هَادْ الرَّاجَلْ مَدْنَبْ ». 25 وْ جَاوَبْهُمْ : «أَنا مَنَعْرَفْشْ هَادْ الرَّاجَلْ مَدْنَبْ، حَاجَة وَاحْدَ لِنَعْرَفْهَا كُنْتْ عْمَى وْ دَرْوَكْ وَلِيتْ نْشُوفْ». 26 وْ يْڤُولُولَهْ: « وَاشْ دَرْلَكْ كِفَاشْ حَلْ لَكْ عَيْنِيكْ ؟ ». 27 رَدْ عْلِيهُمْ وْ ڤَالْ: « رَانِي ڤُولْتْلْكُمْ وْ مَاسْمَعْتُونِيشْ، عْلَى بْغِيتُوا تَسَمْعُوا الْهَدْرَة مَرَّة وَاحْدْ خْرَى؟ بَلاَكْ نْتُومَا تَانِي بْغِيتُوا تْوَلُوا تْلاَمْدَهْ ؟». 28 وْ سَبُوهْ وْ ڤَالُوا: « أَنْتَ هُوَ تَلْمِيدْ تَاعًَهْ. 29 حْنَايَا تْلاَمَدْ مُوسَى، وْ نَعَرْفُوا بَلِّى مُوسَى تْكَلَمْ مْعَاهْ الله، بَصَّحْ هَادْ الرَّاجَلْ مَنَعْرْفُوشْ مْنِينْ هُوَ ». 30 جَاوَبْ الرَّاجَلْ وْڤَالْهُمْ: « هَادْ الرَّاجَلْ عْجَبْ ! مَنَعَرْفَهْشْ مْنِينْ هُوَ، بَصَّحْ حَلْ لِيَ عَيْنِيَّ . 31 وْ حْنَا نَعَرْفُوا بَلِّى رَبِي مَيَسْعْشْ لَلْمَدَنْبِينْ، وْ يَسْمَعْ غِيرْ لَمُتَقِيهْ وْ لِيْدِيرُوا مَشِيئْتَهْ. 32 وْ مَنْ بَكْرِي عُمَرْنَا مَسْعْنَا شِي وَاحَدْ حَلْ عَيْنِينْ وَاحَدْ تَوْلَدْ عْمَى . 33 لُكَانْ هَادْ الرَّاجَلْ مَاشِي مَنْ عَنْدْ الله لُكَانْ مَقْدَرْ يْدِيرْ وَالُوا ». 34 وْ جَاوْبُوهْ وْڤَالُوا :«أَنْتَ بْرُوحَكْ ڤَاعْ فَالدْنُوبْ وْ دَرْوَكْ جِيتْ تْعَلَمْنَا!». وْخَرْجُوهْ بَرَا. 35 وْكِسْمَعْ يَسُوعْ بَلِّي الْفَرِّيسِيِيينْ خَرْجُو بَرَا كِلْڤَاهْ يَسُوعْ ڤَالَهْ: « وَاشْ تْآمَنْ بْإِبْنْ الله». 36 جَاوْبَهْ دَاكْ الرَّاجَلْ وْڤَالْ: « شْكُونْ هُوَ أَسِيدِي بَاشْ نْآمَنْ بِيهْ ؟». 37 وْڤَالَهْ يَسُوعْ: « لِيرَاكْ تْشُوفْ فِيهْ وْ لِرَاهْ يَهْدَرْ مْعَكْ دَرْوَكْ هُوَ هَادَاكْ !». 38 وْ ڤَالْ الرَّاجَلْ: « نْآمَنْ يَا سِيدِي!» وْ سْجَدْ لَهْ. 39 ڤَالْ يَسُوعْ : «جِيتْ لَنَّاسْ تَاعْ هَادْ الدَنْيَل بَاشْ نْبَيَنْ دْنُوبْهُمْ، الْعُمْيِينْ يْوَلُوا يْشُوفُوا وْلِيْشُوفُوا يْوَلُوا عَمْيِينْ » . 40 وْ سَمْعُوا وَاحَدْ الْفَرِّيسَّيِيينْ لِكَانُوا مْعَهْ هَادْ الْهَدْرَة وْ ڤَالُوا لَهْ: «بْلاَكْ حْتَّى حْنَا عَمْيِينْ ؟». 41 وْ ڤَالْهُمْ يسُوعْ : « لُكَانْ كُنْتُ عَمْيِينْ مَيْكُونْشْ فِيكُمْ دْنُوبْ و بَصَّحْ كِرَكُمْ تْڤُولُوا بَلِّى رَاكُمْ . تْشُوفُوا دْنُوبْكُمْ مَازَالَتْ فِيكُمْ ».
1 «نْڤُولْكُمْ الْحَقْ: لِمَيَدْخُلْشْ مَنْ الْبَابْ لَزْرِيبَة تَاعْ الْخُرْفَانْ، وْ يَطْلَعْ لْهَا مَنْ مَوْضَعْ وَاحْدْ خَرْ هَادَاكْ خَايْنْ. 2 وْلْيَدْخُلْ مَالْبَابْ رَاهْ هُوَ الَسَرَاحْ تَاعْ الْخَرْفَانْ. 3 وْ كِيَدْخُلْ يْحَلْ عْلِيهْ الْعَسَاسْ، وْ لْخَرْفَانْ تسْمَعْ صُوتَهْ، وْ يْعَيَطْ عْلَى الْخَرْفَانْ تَوْعَهْ بَسْمَيَتْهُمْ وْ يْخَرَجْهُمْ . 4 وْكِيْخَرَجْ الْخَرْفَانْ تَوْعَهْ، يَمْشِى ڤُدَامْهُمْ وْ هُمَ يْتَبْعُهْ عْلَى خَاطَرْ يَعَرْفُ صُوتَهْ. 5 عَمَرْهُمْ مَيْتَبْعُوا الْبَرَانِي، بَصَّحْ يَهَرْبُوا مَنَهْ عْلَى خَاطَرْ مَيَعَرْفُشْ صُوتْ الْبَرَانَيِينْ» . 6 ڤَالْهُمْ يَسُوعْ، هَادْ لَمْثَالْ بَصَّحْ هُمَا مَفَهْمُوشْ قَصْدَهْ. 7 وْڤَالْهُمْ يَسُوعْ تَانِي: « نْڤُولْكُمْ الْحَقْ : أَنَا هُوَ بَابْ الْخِرْفَانْ . 8 ڤَاعْ هَادُوكْ لِجَاوْ قْبَلْ مَنِي هُمَا خَيَانْ بَصَّحْ الْخِرْفَانْ مَسَمْعُلْهُمْشْ. 9 أَنَا هُوَ الْبَابْ، إِلَا دْخَلْ مَنِّي شِوَاحَدْ غَادِي يَسْلَكْ، وْ غَادِي يَدْخَلْ وْ يَخْرَجْ وْ يَلْقَى وِينْ يَسْرَحْ . 10 الْخَايَنْ يْجِي غِيرْ بَاشْ يَخْوَنْ، وْيَقْتَلْ، وْيْخَرَبْ، بَصَّحْ أَنَا جِيتْ بَاشْ تْكُونْ عَنْدْهُمْ حْيَاةْ فَايْضَة بَالْخِيرْ. 11 أَنَا هُوَ الَرَاعِي الَصَالَحْ، وْ الرَاعِي الصَالَحْ يْمَدْ حْيَاتَهْ عْلَى قْبَلْ الْخِرْفَانْ . 12 بَصَّح الْخَدَامْ لِمَكْرِي مَاشِى هُوَ الرَاعِي، وْ الِخَرْفَان مَاشِي تَوْعَهْ، غِيرْ يْشُوفْ الدِيبْ جَايْ يَسْمَحْ فَالْخَرْفَانْ وْيَهْرَبْ، وْ هَاكَ يَخْطَفْ الدِيبْ الْخٍرْفَانْ وْيْشَتَتْهُمْ، الْخَدَامْ الْمَكْرِي يَهْرَبْ. 13 عْلَى خَاطَرْ هُوَ غِيرْ مَكْرِي، وْ مَيَطْهَلَاشْ فَالْخَرْفَانْ. 14 أنَا هُوَ الرَاعِي الصَالَحْ وْنَعْرَفْ خَرْفَانِ وْخَرْفَانِ تَعْرَفْنِى. 15 كِيمَا الأَبْ يَعْرَفْنِي وْ أَنَا نَوْهَبْ حْيَاتِي عْلَى خَاطَرْ خَرْفَانِ . 16 وْعَنْدِي خَرْفَانْ وَاحَدْ خْرِينْ مَاشِي مَنْ هَادْ الزْرِيبَة خَاصِنِي نْجِيبْهُمْ وْ غَادِي يَسَمْعُوا صُوتِ وْ يْوَلُوا ڤْطِيعْ وَاحَدْ عَنْدَهْ رَاعِي وَاَحَدْ. 17 عْلَى هَادْ الشِي يَبْغِينِي الأَبْ، عْلَى خَاطَرْ نَوْهَبْ حْيَلتِي بَاشْ تَانِي نْرَجَعْهَا. 18 حَتَّى وَاحَدْ مَيَدِيهَا مَنِي، بَصَّحْ نَوْهَبْهَ حْيَاتِي، عْلَى خَاطَرْ عَنْدِي السُلَطَة بَاشْ نَوْهَبْهَ وْ عَنْدِ السُلْطَة بَاشْ نْرَجَعْها، وْ الأَبْ هُوَ لِعْطَانِي هَادْ الوْصَيَة». 19 وْ مَتَافْقُوشْ لْيهُودْ تَانِ فِي هَدْرَتْهُمْ . 20 وْ بَزَافْ مَنْهُمْ ڤَالُ: « رَاهْ سَكْنَهْ جَنْ، وْ رَاهْ غِيرْ يْخَرَفْ، عْلاَشْ رَاكُمْ تَسَمْعُوا لَهْ ». 21 وْڤَالُو وَاحَدْ خْرِينْ: «هَادَ مَاشِي كْلاَمْ تَاعْ وَاحَحْ سَاكْنَاهْ جَنْ، وْ مَاشِي لِسَكْنَهْ جَنْ لِيْحَلْ عَيْنِينْ الْعُمْيِينْ؟» . 22 فَالْوَقْتْ تَاعْ الشْتَا كَانْ فْأُرْشَلِيمْ عِيدْ تَاعْ التَجْدِيدْ. 23 وْ كَانْ يَسُوعْ يَتْمَشَى فِي بْيتْ الله فَالطْرِيڤِ تَاعْ سُلَيْمَانْ . 24 وْ دَاوْرُوا بِيهْ لِيهُودْ وْڤَالُوا لَهْ:« لْوِينْتَا غَادِي تْخَلِينَا هَاكَ حَيْرِينْ إِلاَكُنْتْ هُوَ الْمَسِيحْ ڤُولْهَا لْنَا بِكُلْ صَرَاحَةْ». 25 وْ جَاوَبْهُمْ يَسُوعْ وْڤَالْ: « رَانِي ڤُولْتْهَا لْكُمْ وْ مَتَيَقْتُوشْ الأَعْمَالْ لِأَنَا نْدِيرْهَا بْأَسْمْ بُويَا هِيَ لِتَشْهَدْ لِي . 26 بَصَّحْ نْتُومَا مَتْآمْنُوشْ عْلَى خَاطَرْ مَرَكُومْشْ مَالْخَرْفَانْ تَوْعِي كِيمَا ڤُولْتْلْكُمْ 27 خِيرْفَانِ يَسَمْعُوا صُوتْ تَاعِي وْ أَنَا نَعْرَفْهُمْ وْ هُمَا يْتَبْعُونِي . 28 وْ نَعْطِيهُمْ لَحْيَاةْ الدَايْمَة، وْ عَمَرْهُمْ م مَاغَادِي يْمُوتُوا، وْ مَا غَادِي يَخْطَفْهُمْ حَتَّى وَاحَدْ مَنْ يَدِي. 29 بُويَا هُوَ لِعْطَهُمْ لِي، وْ هُوَ قْوِيْ مَنْ كُلْ شِي، وْ حَتَّى وَاحَدْ مَيَقْدَرْ يَخْطَفْهُمْ مَنْ يَدْ بُويَا. 30 رَاهْ أَناَ وْ هُوَ وَاحَدْ ». 31 وْرَفْدُوا لِيهُودْ مَرَة وَاحَدْ خْرَي لَحْجَرْ بَاشْ يْرَجْمُوُهْ. 32 وْڤَالْهُمْ يَسُوعْ : « وَرِيتْكُمْ بَزَافْ تَاعْ الأَعْمَالْ الَصَالْحَة لِعْطَهَا لِي بُويَا، عْلَى وَاشْ مَنْ عَمَلْ مَنْ هَادُوكْ بْغِيتُوا تَرَجْمُونِي ». 33 وْ جَاوْبُهْ لِيهُودْ: « مَبْغِينَاشْ نَرَجْمُوكْ عْلَى جَالْ الأَعْمَالْ الصَالْحَة، بَصَّحْ عْلَى جَالْ لَكْفَرْ دْيَالَكْ أَنْتَ جِيتْ غِيرْ بْنَادَمْ وْ رَدِيتْ رُوحَكْ إِلاَهْ ». 34 وْجَاوَبْهُمْ يَسُوعْ وْڤَالْ: « مَاشِي مَكْتُوبْ فَالَشَرِيعَة تَاعْكُمْ : أَنَا ڤُولْتْ نْتُومَا آلِهَ؟. 35 إِلَا هَادُكْ لِجَاهُمْ كْلاَمَهْ آلِهَ وْ كْلاَمْ الله عُمْرَهْ مَيْطِيحْ كِيفَاشْ نْتُومَا تْڤُولُوا. 36 لِهَادَاكْ لِقَدْسَهْ الأَبْ وْ رَسْلَهْ لَدَنْيَا رَاكْ ڤُولْتْ كْلاَمْ الْكُفْرْ، عْلَى خَاطَرْ ڤُولْتْ أَنَا إِبْنْ الله ؟. 37 إلاَ مَكُنْتْشْ نْدِيرْ أَعْمَالْ تَاعْ بُويَا، مَتْآمْنُوشْ بِيا . 38 وْبَصَّحْ إِلاَ كُنْت نْدِيرْهَا، إِلاَ مَآمَنْتُوشْ بْيَا، آمْنُوا بَالَْأعْمَالْ، بَاشْ تْآمْنُوا وْ تَعَرْفُوا وْ تَفَهْمُوا بَلِّي الأَبْ فِيَ وْ أَنَا فَالَْابْ». 39 وْ بْدَوْ يْحَوْسُوا بَاشْ يْشَدُهْ بَصَّحْ هْرَبْ مَنْ يَدِيهُمْ. 40 وْوَلَى يَسُوعْ لَلْجِيهَة لَخْرَي تَاعْ وَادْ الأُرْدُنْ، وِينْ كَانْ يُوحَنا يْغَطَسْ مَقْبَلْ، وْڤْعَدْ تَمَة. 41 وْ جَاوْ عَنْدَهْ بَزَافْ النَّاسْ يْڤُولُوا: « يُوحَنَا مَدَارْ حَتَّى مُعْجِزَة، بصَّحْ ڤَاعْ لِڤَالَهْ عْلَى هَادْ الرَّاجَلْ كَانْ صْحِيحْ ». 42 وْ آمْنُوبِيهْ تَمَة بَزَافْ النَّاسْ .
1 وْ كَانْ الرَّاجْلْ مْرِيضْ يْسَمُوهْ لَعَازَرْ، مَنْ بِيتْ عَانْيَا دَوَرْ وِينْ سَاكْنَة مَرْيَمْ وْ خَتْهَا مَرْثَا. 2 وْمَرْيَمْ هَادِ هِيَ لِدَهْنَتْ الرَبْ يَسُوعْ بَرِيحَة وَمَسْحَتْ رَجْلِيهْ بْشَعْرْهَا. 3 وْرَسْلُوا لَخْوَتَاتْ فِي زُوجْ لْيَسُوعْ وْ ڤَالُولَهْ: «يَاسِيدِي هَادَاكْ لِعْزِيزْ عْلِيكْ رَاهْ مْرِيضْ ». 4 كِسْمَعْ يَسُوعْ هَادْ لَكْلاَمْ ڤَالْ: «هَادْ لْمَرْضْ مَيَدِيشْ لَلْمُوتْ، بَصَّحْ غَادِي يْبَانْ لْمَجْدْ تَاعْ الله وْ بِيهْ غَادِي يَطَعْطَا الْمَجْدْ لْإِبْنْ الله». 5 كَانْ يَسُوعْ يَبْغِي مَرْثَا وْ خَتْهَا وْ لِعَازَرْ. 6 كِسْمَعْ لِعَازَرْ مْرِيضْ فَوَتْ غِيرْ يُومِينْ فَالْمَوْضَعْ لِكَانْ فِيهْ بَعْدْ دَاكْ الشِي. 7 ڤَالْ لَتْلاَمْدَهْ: « يَالَهْ نْوَلُوا لَبْلاَدْ الْيَهُودِيَة ». 8 وْڤلَهْ تْلاَمْدَهْ: « يَا مْعَلَمْ غِيرْ دَرْوَاكْ لِهُودْ كَانُوا بَغْيِينْ يْرَجْمُوكْ وْ دَرْوَاكْ بَاغِي تْوَالِي عَنْدْهُمْ ». 9 وْ يْجَاوَبْهُمْ يَسُوعْ: « يَاكْ نْهَارْ فِيهْ طْنَاعْشْ نْسَاعَة ؟ إِلاَ كَانْ شِي وَاحَدْ يَمْشِي فَالنْهَارْ مَيَعْتْرشْ، عْلَى خَاطَرْ يْشُوفْ الضُّو تَاعْ هَادْ الَدَنْيَا. 10 إِلاَ وَاَحَدْ يَمْشِي فَاللَيلْ غَادِي يَعْثَرْ، عْلَى خَاطَرْ مَفِيهْشْ الضُّو» ، ڤَالْ يَسُوعْ هَادْ الْهَدْرَة وْ زَادْ مَنْبَعْدْ. 11 ڤَالْهُمْ : « لِعَازَلرْ صَحَبْنَا رَاهْ رَڤَدْ، بَصَّحْ غَادِي نْرُوحْ وْنْفَيْقَهْ». 12 ڤَالُولَهْ تْلاَمْدَهْ : «إِلاَ كَانْ يَاسِيدِي رَاهْ رَاڤَدْ غَادِي يَبْرَا ». 13 بَصَّحْ يَسُوعْ كَانْ يَهْدَرْ لْهُمْ عْلَلا الْمُوتْ تَاعْ لِعَازَرْ، وْهُمَا كَانُوا يَحَسْبُوا رَاهْ يَهْدَرْ لْهُمْ عْلَى النْعَاسْ . 14 وْ فْدِيكْ السَاعْة ڤَالْهُمْ بْكُلْ صَرَاحَةْ: « لِعَازَرْ مَاتْ ». 15 اَنَا فرْحَانْ عْلَى جَالْكُمْ، عْلَى خَاطَرْ مَكُنْتُوشْ تَامَة بَاشْ تَقَدْرُوا تْآمْنُوا، اَيَاوْ دَرْوَكْ نْرُحُوا لْعَنْدَهْ!» وْ تُومَا لِكَانُو يْعَيْطُو لَهْ تْوَامْ. 16 ڤَالْ لَتْلاَمَدْ صْحَابَهْ: « أَيَ حَتَّى حْنَا نْرُوحُوا مْعَا يَسُوعْ بَاشْ نْمُوتُوا مْعَاهْ !». 17 كِوْصَلْ يَسُوعْ، لْقَى بَلِّي لِعَازَرْ فَوتْ رَبْع يَّامْ. 18 وْكَانَتْ بِيتْ عَانْيَا بْشِي تْلَثَا كِيلُمِتْرْ. 19 وْ جَاوْ بَزَافْ لِهُودْ عَنْدْ مَرْثَا وْ مَرْيَمْ بَاشْ يْعَزِيهُمْ فِي خُوهُمْ. 20 كِسَمْعَتْ مَرْثَا بَلِّي يَسُوعْ جَايْ لَقَاتْ لَهْ، بَصَّحْ مَرْيَمْ بْقَاتْ ڤَاعْدَة فَالدَّارْ. 21 وْڤَالَتْ مَرْثَا لْيَسُوعْ : «يَاسِيدِي لُكَانْ كُنْتْ هْنَا لُكَانْ ڤَاعْ مَمَتْشْ خُويَا ! 22 بَصَّحْ حَتَّى لْدَرْوَكْ أَنَا نَعْرَفْ بَلِّي الْحَاجَة لِتَطْلَبْهَا مَنْ عَنْدْ الله يَعْطِيهَا لَكْ». 23 وْ يْڤُولْهَا يَسُوعْ : « خُوكْ غَادِي يْقُومْ ». 24 ڤَالَتْ لَهْ مَرْثَا: «رَانِي عَارْفَة غَادِي يْقُومْ مَالْمُوتْ يُومْ الْقِيَامَة ». 25 وْ جَاوَبْهَا يَسُوعْ : «أَنَا هُوَ الْقِيَامَة وْ لَحْيَاة لِآمَنْ بِيَا مَيْمُوتْشْ بَصَّحْ يَحْيَا!. 26 وْ كُلْ وَاحَدْ حَيْ يْآمَنْ بِيَا عُمْرَاهْ مَا غَادِي يْمُوتْ، وَاشْ نْتِ تْآمِنِي بْهَادْ لَكْلاَمْ ؟». 27 وْهِيَ تْڤُولَهْ : «وَاهْ يَاسِيدِي أَنَا آمَنْتْ بَلِّي نْتَ هُوَ الْمَسِيحْ إِبْنْ الله لِجَايْ لَدَنْيَا». 28 كِڤَالَتْ مَرْثَا هَادْ الشِى رَاحَتْ وْعَيْطَتْ لْمَرْيَمْ خُوتْهَا فَالسَرْ، وْ ڤَالتْ : «رَاهْ لَمْعَلَمْ جَا وْرَاهْ يْعَيَطْ لَكْ ». 29 كِسَمْعَتْ مَرْيَمْ بَالْمَجْيَ تَاعْ يَسُوعْ نَاضَتْ بَالْخُوفْ وْ رَاحَتْ عَنْدَهْ. 30 كَانْ يَسُوعْ مَزَالْ مَوْصَلْ لَدَوَرْ، بَصَّحْ كَانْ بَاقِي فَالْمَوضَعْ لِتْلَقَاةْ بِيهْ مَرْثَا . 31 وْكِشَافُوهَا لِهُودْ لِكَانُوا يْعَزُوهَا نَايْضَة بَلْخُوفْ تَبْعُوهَا: «عْلَى خَاطَرْ حَسْبُوهَا رَايْحَة لَلَفْبَرْ تَبْكِي تَمَة ». 32 وْ غِيرْ وَصْلَتْ مَرْيَمْ لِكَانْ فِيهْ يَسُوعْ، وْشَافْتَهْ سَجْدَتْ عَندْ رَجْلِيهْ وْڤَالَتْ لَهْ: « يَاسِيدِي لُكَانْ كُنْتْ هْنَا لُكَانْ ڤَاعْ مَامَتْشْ خُويَا ». 33 وْ كِيشَافْهَا يَسُوعْ تَبْكِي، هِيَ وْ لِهُودْ لِجَاوْ مْعَاهَا، تْأَلَمْ وْ تْأَثَرْ. 34 وْ سَقْسَاوْهُمْ: «وِينْ دْفَنْتُوهْ ؟» وْ ڤَالُولَهْ: «أَرْوَاحْ أَسِيدِي تْشُوفْ !». 35 وْ بْكَى يَسُوعْ. 36 وْڤَالُو لِهُودْ لْبَعْضِيَاتْهُمْ : « شُوفُوا شْحَالْ كَانْ يَبْغِيهْ ». 37 بَصَّحْ وَحْدِينْ مَنْهُمْ ڤَالُوا: «هَادْ الرَّاجَلْ لِحَلْ لَعْنِينْ تَاعْ لَعْمَى، مَاَكَنْشْ يَقْدَرْ يْبَعَدْ لْمُوتْ عْلَى لِعَازَرْ؟». 38 وْ تْأَثَرْ يَسُوعْ بَزَاَفْ وْ ڤَرَبْ مَالَقْبَرْ، وْ كَانْ هَادْ لَقْبَرْ غَارْ الْبَابْ نْتَاعَهْ مَسْدُودْ بْحَجْرَة . 39 وْ ڤالْ يَسُوعْ: «ڤَالْعُوا الْحَجْرَة!» وْ ڤَالَتْ لَهْ مَرْثَا خُوتْ لْمَيِتْ : «يَا سِيدِي رَاهْ غَادِي يْكُونْ خْنَازْ، عْلَى خَاطَرْ دْفَنَهْ هَادِي رَبْعَ يَّامْ !» 40 وْڤَالْهَا يَسُوعْ: «مَاشِي ڤُولَتْ لَكْ : إِلاَ آمَنْتِ غَادِي تْشُوفِي الْمَجْدْ تَاعْ الله؟». 41 وْڤَالْعُوا الْحَجْرَة وْ رْفَدْ يَسُوعْ عَيْنِيهْ لَلْفُوڤْ وْ ڤَالْ: « يَابُويَا نَشَكْرَكْ عْلَ خَاطَرْ سْمَعْتْ لٍي وْ دِيمَا تَسْمَعْنِي. 42 وْ ڤُولْتْ هَادْ لَكْلاَمْ عْلَى جْمَاعَة تَاعْ النَّاسْ لِمْدَوْرِينْ بِيَا بَاشْ يْآمْنُو بَلِّى نْتَ رْسَلْتْنِي». 43 كِڤَالْ هَادْ لَكْلاَمْ زَڤَا بْصُوتْ قْوِيْ وْ ڤَالْ: «أَلِعَازَرْ أُخْرَجْ !». 44 وْ خْرَجْ الْمَيِتْ بْيَدِيهْ وْ رَجْلِيهْ مَرْبُوطِينْ بْالَكْفَنْ، وْ وَجْهَهْ مْلَوِي عْلِيهْ وَاحَدْ الْمَنْدِييلْ، وْ ڤَالْهُمْ يَسُوعْ: « حَالُوهْ وْ خَالُوهْ يْرُوحْ». 45 بَزَافْ تَاعْ لِهُودْ لِجَاوْ عَنْدْ مَرْيَمْ لْدَارْهَا , وْ شَافُوا الْمُعْجِزة لِدَارْهَا يَسُوعْ وْ آمْنُوا بْيهْ. 46 بَصَّحْ شِي وَحْدِينْ مَنْهُمْ رَاحُوا عَنْدْ الْفَرِّيسَيِيينْ وْ عَاوْدُوا لْهُمْ وَاشْ دَارْ يَسُوعْ. 47 وْ تْجَمْعُ رُؤَسَاءْ رْجَالْ الدِينْ بِينَتْهُمْ وْ ڤَالُ: «وَاشْ نْدِيرُوا ؟ هَادْ الرَّجَلْ رَاهْ يْدِيرْ بَزَافْ مُعْجِزَاتْ. 48 وْ إِلَا خَلِينَاهْ هَاكَ غَادِي يْآمْنُوا بْيهْ ڤَاعْ النَّاسْ، وْ غَادْي يْجِ الرُومَانْيِينْ وْ يَدُوا الْمَوْضَعْ الْمُقَدَسْ تَاعْنَا وْ الشَعْبْ تَاعْنَا». 49 وْڤَالْهُمْ وَاحَدْ مَنْهُمْ يْسَمُوهْ قَيَافَا وْ كَانْ رَيَسْ لَرْجَالْ الدِينِ: « نْتُومَا مَتَعَرْفُوا وَالُوا. 50 مَتْفَهْمُوشْ رَاهْ خِيِرْلْكُمْ يْمُوتْ إِنْسَانْ وَاحَدْ فِي مْكَانْ الشَعبْ وْ مَيْمُوتْشْ ڤَاعْ الشَعْبْ». 51 وْ مَڤَالْشْ هَادْ الْهَدْرَة غِيرْ مَنْ عَنْدَهْ، بَصَّحْ عْلَى خَاطَرْ كَانْ هُوَ رَئِسْ رْجَالْ الدِينْ فِي دَاكْ الْعَامْ، تْنَبَأْ بَلِّى يَسُوعْ غَادِي يْمُوتْ عْلَى قْبَلْ الشَعبْ . 52 وْ مَاشْى عْلَى جَالْ الشَعْبْ وَحْدْهْ، بَصَّحْ بَاشْ يَجْمَعْ وْلََادْ الله لَمْتَشَتْتِينْ، وْ يْوَلُوا وَاحَدْ. 53 وْ مَنْ دَاكْ النْهَارْ لِهُودْ يْحَوْسُوا بَاهْ يَكَتْلُوا يَسُوعْ. 54 وْ عْلَى هَادْ الشِي مَوَلَشْ يَسُوعْ يَمْشِي بِينْ لِهُودْ رَاحْ مَنْ تَمَة لْوَاحَدْ الْمَوضَعْ ڤْرِيبْ لَصَحْرَا، مْدِينَة صْغِيرَة يْسَمُوهَا أَفْرَايِمْ، وْڤْعَدْ تَمَة مْعَ تْلاَمْدَهْ . 55 وْكَانْ عِيدْ الْفَصْحْ تَاعْ لِهُودْ ڤْرِيبْ، وْ طَلْعُوا بَزَافْ النَّاسْ مَادَوَرْ لُْأرْشَلِيمْ قْبَلْ عِيدْ الْفَصْحْ بَاشْ يَتْنَقَوْ. 56 وْ كَانُوا يْحَوْسُوا عْلَى يَسُوعْ، وْ يْسَقْسُوا بَعْضِيَاتْهُمْ، وْ هُمَا مَجْمُوعِينْ فِي بْيتْ الله: «وَاشْ تْفَكْرُوا مَغَدِيشْ يْجِي لَلْعِيدْ ؟ ». 57 وْ أَمْرُوا رُؤَسَاءْ رْجَالْ الدِينْ وْ الْفَرِّيسَيينْ وْ ڤَالُولْهُمْ: «لِيَعْرَفْ وِينْ رَاهْ يَسُوعْ خَاصَهْ، يَعْلَمْنَا بَاشْ يْشَدُوهْ».
1 وْ قْبَلْ عِيدْ الْفَصْحْ بْسَتَ يَّامْ، جَا يَسُوعْ لْبِيتْ عَنْيَا، وِينْ كَانْ لِعَازَرْ لِأَقَامَهُ يَسُوعْ مَاالْمُوتْ . 2 وْ وَجَدْو لَهُ النَّاسَ الْعَشَا، وَ كَانَتْ مَارْثَا تَخْدِيمُهُمْ وْ لِعَازَرْ كَانَ وَاحِدْ مَ النَّاسْ اللِّي كَانُوا ڤَاعْدِينْ يَاكْلُوا مْعَ يَسُوعْ . 3 وْجَبْدَتْ مَرْيَمْ قَرْعَة فِيهَا الرِّيحَة تَاعْ النَّارْدِينْ الْحُرْ لِّي سُومْتَهْ غَالْيَة بَزَّافْ، وْ دَهْنَتْ رَجْلِينْ يَسُوعْ، وَمَمْبَعْدْ مَا مَسْحَتْهُمْ بْشَعْرْهَا وْلَّتْ الدَّارْ مَعَّمْرَة بَالرِيحَة تَاعْ النَّارْدِينْ. 4 وْڤَالْ وَاحَدْ مَنْ تْلاَمْدْ يَسُوعْ اللِّي هُوَّ يَهُودَا الإِسْخَرْيُوطِي، اللِّى غَادِي يْخُونَهْ: 5 «عْلاَشْ مَا تَتْبَاعْشْ هَادْ الرِّيحَة بِثَلْتْمِيَة دِينَارْ يَنَعْطَاوْ دْرَاهَمْهَا لَلْفُقَرَاءْ ؟». 6 ڤَالْ هَادْ الشِي مَاشِي عْلَى خَاطَرْ يْخَمَمْ عْلَي الْفُقَراَءْ، بَصَّحْ عْلَى خَاطَرْ كَانْ خَايَنْ، و هُوَّ مَسْؤُولْ عْلَى صُنْدُوقْ تَاعْ الدْرَاهَمْ وْ كَانْ يَخْوَنْ دَاكْ الشِي اللِّي يَنْحَطْ فِيهْ. 7 ڤَالْ يَسُوعْ: « خَلُّوهَا !رَاهَا دَّسَتْ دَاكْشِي لَلْنْهَارْ، اللِّى غَادِي تَتْكَفَنْ فِيهْ. 8 عْلَى خَاطَرْ الْفُقَرَاءْ كَايْنِينْ مْعَاكُمْ فْكُلْ وَقْتْ، بَصَّحْ أَنَا مَا نْكُونْشْ مْعَاكُمْ دِيمَا». 9 وْعَرْفُوا لِهُودْ بَلِّي يَسُوعْ رَاهْ تَمَّ، و جَاوْمَاشِي عْلَى خَاطَرْ يَسُوعْ بَرْكْ، عْلَى جَالْ ثَانِي بَاشْ يْشُوفُوا حَتَّى لِعَازَرْ اللِّي أَقَامَهُ يَسُوعْ مَاالْمُوتْ. 10 وْ تَافْقُوا رُؤَسَاءْ رْجَالْ الدِينْ بَاشْ يُكَتْلُوهْ لَعَازَرْ حَتَّى هُوَّعْلَى خَاطَرْ جَالْ لَعَازَرْ. 11 بَزَّافْ النَّاسْ كَانُوا يَسَمْعُوا فْرُؤَسَاءْ رْجَالْ الدِّينْ وْ يْآمْنُوا بْيَسُوعْ . 12 وْ لْغَدْوَاكينَا سَمْعَتْ جْمَاعَة تَاعْ النَّاسْ اللِّي بَلِّي جَاوْ يْفَوَّتُ عِيدْ الْفَصْحْ، وْ يَسُوعْ جَايْ لُْأرُوشَلِيمْ. 13 وْ دَّوْال، النْخَلْ وْ خَرْجَوْ بَاشْ يَتْلَقَوَهْ، وْكَانُوا يْعَيْطُوا: « أُصَنَّا! مُبَارَكْ لِجَايْ بْاَسْمْ الرَّبْ !مَلِكْ إِسْرَئِيلْ ». 14 وْ لْڤَا يَسُوعْ وَاحْدْ الْجَحْشْ، رْكَبْ عْلِيهْ، كِيمَا هُوَّ مَكْتُوبْ فِي كْتَابْ الله 15 لِيْڤُولْ : «مَتْخَفِيشْ يَابَنْتْ صَهْيُونْ، هَاهُوَ الْمَلِكْ تَاعَكْ جَايْ رَاكَبْ عْلَى جَحْشْ». 16 فَاللَّوَلْ مَفَهْمُوشْ التْلاَمَدْ هَادْ الأُمُورْ، بَصَّحْ كِتَعْطَى الْمَجْدْ لْيَسُوعْ، عَاوْدُوا تْفَكْرُوا بَلِّي هَادْ الشِي تْڤَالْ عْلَى فَاالكْتَابْ الله، وْ دَّرُوا هَادْ الشِي عْلَى جَالَهْ. 17 وْ كِيْ حَيَّاهْ مَالْمُوتْ، كَانُوا تَمَاكْ جْمَاعَةَ تَاعْ النَّاسْ وْ شَهْدُوا عْلِيهْ . 18 عْلَى هَادْ لبشِي خَرْجُوا نَاسْ بَزَافْ يَتْلاًَقَاوَهْ، عْلَى خَاطَرْ سَمْعُوا عْلَى الْمُعْجِزَاتْ اللِّي دَارْهَا . 19 ڤَالُ الْفَرِّيِسَييِنْ بْينَتْهُمْ : «شُوفُوا رَاكُمْ مَتَنَفْعُوا فَحَتَّى حَاجَة، هَاوَلاَ ڤَاعْ النَّاسْ تَبْعُوهْ !». 20 وْ كَانُو وَاحْدْ الْيُونَانَيِّينْ بْينْ النَّاسْ لِطَلْعُوا لُْأرُوشَلِيمْ لِيَعَبْدُو الله . 21 رَحُوا عَنْدْ فِيلٍبُسْ لِمَنْ بَيْتْ صَيْدَا فَاللْجَلِيلْ ، وْطَلْبُو مَنَهْ وْ ڤَالُوا لَهْ: « يَاسِيدِي بْغِينَا نْشُوفُوا يَسُوع ». 22 وْ جَا فِيلبُسْ وْ ڤَالْ لَْأنْدْرَاوْسْ ، وْ مَمْبَعْدْ رَحُوا فِي زُوجْ وْڤَالُو لْيَسُوعْ. 23 بَصَّحْ يَسُوعْ جَاوَبْهُمْ وْ ڤَالْ : «جَاتْ السَاعَة لْيَتْمَجَدْ فِيهَا إِبْنْ الإِنْسَانْ . 24 الْحَقْ الْحَقْ نْڤُولْكُمْ إِلاَ طَاحَتْ حَبَة قَمْحْ فَاالأَرْضْ وْ مَامَتَتْشْ تَبْقَى وَاحَدْهَا بَصَّحْ إِلاَ مَاتَتْ تَعْطِي غَلََّة كْبِيرة. 25 لِيَبْغِي حْيَاتَهْ رَاهْ يْضَيَعْهَا، وْ لاَ يَنْكُرْ فَهَادْ الدََّنْيا غَادِي يَحْفَضْهَا لَلْحْيَاةْ الدََّايْمَة . 26 لِبْغَا يْكُونْ خَادَمْ لِيَا، خَاصَهْ يْتَبَعْنِي، وِينْ مَانْكُونْ أَنَا غَادِي يْكُونْ خَادَمْ تَاعِي، وْ إِلاَ كَانْ خَدَامْ تَاعِي غَادِي يْجَازِيهْ بُيَ. 27 وْ دَرْوَكْ نَفْسِي مَتْأَثْرَة، وَاشْ غَادِي نْڤُولْ يَابُويَ: نَجِنِي مَنْ هَادْ السَاعَة ؟بَصَّحْ عْلَى هَادْ الشِي جِيتْ عْلَى هَادْ السَاعَة. 28 يَا بُويَ ، مَجَدْ إِسْمَكْ!» جَا صُوتْ مَاالسْمَا: « تْمَجَّدْتْ ، وْ غَادِي نَتْمَجَّدْ تَانِي !». 29 وْ لَجْمَاعَة لِكَانَتْ تَمَّة سَمْعُوا دَاكْ الشِي وْ ڤَالُ: «هَادَ رَاهْ غِيرْ رَعْدْ !» وَاحْدْ خْرِينْ ڤَالُ : «هَادَ مَلاَكْ هْدَرْ مْعَاهْ». 30 وْجَاوَبْ يَسُوعْ وْ ڤَالْ: « مَشِي عْلَى جَلِ جَ هَادْ الصُوتْ ، بَصَّحْ عْلَى جَالْكُمْ . 31 دَرْوَكْ وَقْتْ الْحُكْمْ عْلَى الدَّنْيَا، وْدَرْوَكْ غَادِي يَنْقَاسْ رَئِسْ تَاعْ هَادْ الْعَالَمْ بَرَا. 32 وْكِي غَادِي نَتَرْفَعْ مَنْ اللَرْضْ، غَادِي نْجِيبْ عَنْدِي». 33 ڤَالْ هَادْ الشِي بَاشْ يْبَيَنْ لَنَّاسْ كِيفَاشْ غَادِي يْمُوتْ. 34 ڤَالْتْ لَهْ جْمَاعَةَ تَاعْ النَّاسْ : «حْنَّا سْمَعْنَا مَالشَرِيعَة بَلِّي الْمَسِيحْ غَادِي يَبْقَى دِيمَا، كِيفَاشْ نْتَيَا تْڤُولَنَا: إِبْنْ الأِنْسَانْ خَاصَهْ يَتَرْفَعْ؟ شْكُونْ هَادَ إِبْنْ الأِنْسَانْ». 35 وْيْڤُولْهُمْ يَسُوعْ : «النُّورْ غَادِي يَبْقَى مْعَاكُمْ غِيرْ وَقْتْ قَلِيلْ، أَيَ رُوحُوا فِى طْرِيڤِكُمْ مَادَامْ عَنْدْكُمْ النُّورْ، بَاشْ مَطِيحْشْ عْلِيكُمْ الظَلْمَة، عْلَى خَاطَرْ لِيَمْشِي فِي الظَلْمَة مَيَعْرَفْشْ وِينْ رَاهْ رَايَحْ . 36 مَادَامْ عَنْدْكُمْ النُّورْ، آمْنُوا بَالنُّورْ بَاشْ تْوَلُوا وْلاَدْ النُّورْ »، وْ مَمْبَعْدْ مَاڤَالْهُمْ يَسُوعْ هَادْ الشِي رَاحْ وْبَبَانْلْهُمْشْ . 37 وْڤَاعْ دُوكْ الْمُعْجِزَاتْ لِدَرْهُمْ ڤَاعْ هَاكَ وْ مَاآمْنُوشْ بِهْ. 38 بَاشْ يَتْحَقَقْ دَاكْ الشِي لِتَوْحَى بِهْ الْنْبِي أَشْعِيَاْ : « يَارَبِي شْكُونْ لِآمَنْ بَكْلاَمْنَ ؟ وْلَمَنْ بَانَتْ قُوَةْ الرَّبْ؟». 39 مَقَدْرُوشْ يْآمْنُوا، عْلَى خَاطَرْ أَشْعِيَاءْ عَاوَدْ ڤَالْ: 40 «نَعْمَاوْ عَيْنِيهُمْ وْ تْقَسُحٌوا قْلُوبْهُمْ، بَاشْ مَايْشُوفُوشْ بْعَيْنِيهُمْ وْ مَيْحَسُوشْ بْقَلْبْهُمْ، وْ يَرْجْعُوا عَنْدِي وْ أَنَا نَشْفِيهُمْ ». 41 ڤَالْ أَشْعِيَاءْ هَادْ لَكْلاَمْ كِشَافْ الْمَجْدْ تَاعْ الرَّبْ يَسُوعْ وْ تْكَلَمْ عْلِيهْ. 42 هَاكَ بَزَافْ الرُؤَسَاءْ تَاعْ لِهُودْ، حَتَّى هُمَا آمْنُوا بْيَسُوعْ، وْ بَسْبَابْ الْفَرِّيسَيِّينْ مَعْتَارْفُوشْ بهْ، ڤُدَامْ النَّاسْ، بَاشْ مَيْخَرْجُوهُمْشْ مَالْهَيْكَلْ . 43 عْلَى خَاطَرْ بْغَاوْ الْمَجْدْ لِيْجِي مَنْ عَنْدْ النَّاسْ كْتَرْ مَالِي يْجِي مَنْ عَنْ الله. 44 ڤَالْ يَسُوعْ بْصُوتْ عَالِي: « لِآمَنْ بِيَا مَيْآمَنْشْ غِيرْبِيَا أَنَيَا، بَصَّحْ يْآمَنْ بْهَادَاكْ لِرْسَلْنِي. 45 وْلِشَافْنِي شَافْ هَادَاكْ لِرْسَلْنِي. 46 أَنَا جِيتْ نُورْ لْهَادْ الدَّنْيَا، بَاشْ ڤَاعْ لِآمَنْ بِيَا مَيَبْقَاشْ فَالظَلْمَة. 47 إِلاَ وَاحْدْ سْمَعْ كْلاَمِى وْ مَدَارْشْ بِيهْ، مَاغَادِشْ نَحْكَمْ عْلِيهْ، عْلَى خَاطَرْ مَاجِيتْشْ بَاشْ نَحْكَمْ عْلَى النَّاسْ الدَّنْيَا، بَصَّحْ جِيتْ بَاشْ نْسَلَكْهُمْ. 48 لِمَقْبَلْنِيشْ وْ مَقْبَلْشْ كْلاَمِي رَاهْ كَايَنْ لِغَادِي يَحْكَمْ عْلِيهْ، عْلَى خَاطَرْ لَكْلاَمْ لِڤُولْتَهْ لِيهْ، هُوَاللِّي غَادِي يَحْكَمْ عْلِيهْ يُومْ لَحْسَابْ. 49 عْلَى خَاطَرْ مَهْدَرْتْشْ مَنْ عَنْدِي، بَصَّحْ الآبْ لِرْسَلْنِي، هُوَ لِوْصَانِي وَاشْ خَاصْنِي نْڤُولْ، و بَاشْ غَادِي نَهْدَرْ . 50 وْأَنَا نَعْرَفْ بَلِّى لَوْصِيَة تَاعَهْ، هِيَ لَحْيَاةْ الدَايْمَة، وْ هَادْ لَكْلاَمْ لِرَانِي نْڤُولَهْ كِيمَا وَصَانِي الآبْ نَهَدْرهْ».
1 قْبَلْ عِيدْ الْفصْحْ، كَانْ يَسُوعْ عَارَفْ بَلِّي سَاعْتَهْ جَاتْ بَاهْ يْرُوحْ مَنْ هَادْ الدَّنْيَا عَنْدْ الآَبْ، وْ كَانْ يَبْغِي هَادُوكْ لِتَبْعُوهْ فَالدَّنْيَا وْ بْغَاهُمْ لَلَبْدَا . 2 كِكَانُوا يَتْعَشَاوْ، وَسْوَسْ الشِيطَانْ مَاقْبَلْ قَلْبْ فِي قَلْبْ يَهُدَا وَلْدْ سَمْعَانْ الإسْخَرْيُوطِي بَاهْ ِاِسَلْمَهْ. 3 وْكَانْ يَسُوعْ عَارَفْ بَلٍّي الأَبْ عْطَاهْ كُولْشِي فِي يَدَهْ، وْ بَلِّي هُوَ جَا مَنْ عَنْدْ الله، وْعَنْدْ الله غَادِي يَرْجَعْ . 4 وْيْنُوظْ مَالَعْشَا وْيَڤْلَعْ اللْبَاسْ الْفُوقَانِي وْ جْبَدْ فُوطَة وْ تْحَزَمْ بِيهَا. 5 مَمْبَعْدْ كُبْ الْمَا فِي بَسِينَة وْ بْدَا يَغْسَلْ رَجْلِينْ التْلاَمَدْ وْ يَمَسَحْهُمْ بَالْفُوطَة لِكَانْ مْحَزَمْ بِهَا. 6 وْ كِوْصَلْ عَنْدْ سَمْعَانْ بُطْرُسْ، ڤَالَهْ سَمْعَانْ: « يَاسِيدِي أَنْتَ غَادِي تَغْسَلِ رَجْلَيَ؟». 7 وْجَاوْبَهْ يَسُوعْ وْڤَالَهْ: «نْتَ دَرْوَكْ مَتَعْرَفْشْ شَارَانِي نْدِيرْ بَصَّحْ غَادِي تَفْهَمْ مَمْبَعْدْ ». 8 ڤَالَهْ بُطْرُسْ: « عُمْرَكْ مَاغَادِي تَغْسَلٍ رَجْلِيَ!>> وْ جَاوْبَهْ يَسُوعْ : « إِلاَ مَغْسَلْتْلَكْشْ رَجْلِيكْ مَاغَدِيشْ إِكُونْ عَنْدَكْ حَقْ مْعَايَا». 9 وْيْڤُولَهْ سَمْعَانْ بُطْرُسْ: « مَتَغْسَلِشْ غِيرْ رَجْلِيَ بَصَّحْ حَتَّى يَدِيَا وْ رَاسِى». 10 ڤَالَهْ يَسُوعْ : «وْ لِغْسَلْ رَاهْ ڤَاعْ نْقِيْ يْسْحَقْشْ غِيرْ يَغْسَلْ رَجْلِيهْ وْ نْتُومَا رَاكُمْ نْقَيِنْ، بَصَّحْ مَاشِي ڤَاعْ » . 11 عْلَى خَاطَرْ كَانْ عَارْفْ شْكُونْ غَادِي يْسَلْمَهْ عْلِيهَا ڤَالْ: «مَاشِي ڤَاعْ نْقَيِنْ ». 12 كِغْسَلْ لْهُمْ رَجْلِيهُمْ، لْبَسْ لْبَاسَهْ الْفُڤَانِي وْوَلَى لَلْمَوْضَغْ تَاعَهْ، وْ ڤَالْهُمْ : « فْهَمْتُوا وَاشْ دَرْتْ لْكُمْ ؟. 13 نْتُومَا تْعَيْطُولِي مْعَلَمْ وْ سَيِّدْ، عَنْدْكُمْ الْحَقْ تْڤُولُوا عْلِيَا هَادْ الشِي، عْلَى خَاطَرْ أَنَا هَاكَ . 14 إِلاَ كُنْتْ أَنَا سَيِّدْ مْعَلَمْ وْ غْسلْتْ لِيكُمْ رَجْلِيكُمْ، رَاكُمْ حَتَّى نْتومَا خَاصْكُمْ تَغَسْلُ رَجْلِينْ بَعْضِيَاتْكُمْ. 15 وْ رَانِي عْطِيتْكُمْ هَادْ لَمْثَلْ بَاشْ حَتَّى نْتُومَا دِيرُوا كِيفِي. 16 نْڤُولْكُمْ الْحَقْ مَكَانْشْ عَبْدْ خِيرْ مَنْ سِيدَهْ، وْ مَكَانْشْ رَسُولْ خِيرْ مَالِي رَسْلَهْ . 17 وْ دَرْوَكْ كِعْرَفْتُوا هَادْ الشِي سعْدَاتْكُمْ إلَدَرْتُهْ . 18 مَانِيشْ نْڤُولْ هَادْ الشِي عْلِيكُمْ ڤَاعْ عْلَى خَاطَرْ نَعْرَفْ هَادُكْ لِخَيَرْتْهُمْ، بَصَّحْ إِلِيقْ يَتْحَقَقْ لَكْلاَمْ لِفَاكْلاَمْ الله : لِڤُولْ هَادَكْ لِكْلاَ مْعَايَا خُبْزِي مْعَايَا وْلاَ ضَدِي. 19 وَأَنَا نْڤُولْكُمْ دَرْوَكْ هَادْ الشِي قْبَلْ مَايَصْرَا بَاهْ كِتْشُوفُوهْ صْرَا تْآمْنُوا بَلِّي أَنَا. 20 وْ نْڤُولْكُمْ الْحَقْ : لِقْبَلْ وَاحَدْ أَنَيَا رْسَلْتَهْ، رَاهْ قْبَلْنِي، وْ لِقْبَلْنِي رَاهْ قْبَلْ لِرْسَلْنِي ». 21 كِڤَالْ يَسُوعْ هَادْ الشِي تْبَدَلْ خَاطْرَهْ وْبْدَا يَهْدَرْ ڤُدَامْ التْلاَمَدْ : «الْحَقْ نْڤُولْكُمْ : رَاهْ وَاحْدْ مَنْكُمْ غَادِي يْسَلَمْنِي!». 22 وْ بْدَوْ يَتْخَازْرُو فِي بَعْضِيَاتْهُمْ وْ كَانُوا حَايْرِينْ عْلَى خَاطْرْ مَكَانُوشْ عَرْفِينْ عْلَى مَنْ يَهْدَرْ فِيهُمْ . 23 كَانْ وَاحَدْ مَالتْلاَمَدْ لِكَانْ يَسُوعْ يَبْغِيهْ. 24 كَانْ ڤْرِيبْ مَنَهْ وْشَوَرْ لَهْ سَمْعَانْ بُطْرُسْ بَشْ إِسَقْسِي يَسُوعْ شْكُونْ هَوَ لْيْقَصْدَهْ بَكْلاَمَهْ. 25 وْ تَكَا هَادْ التَّلْمِيدْ عْلَى صْدَرْ يَسُوعْ: « وْ سَقسَاهْ شْكُكُونْ هُوَ أَسِيدِي ؟». 26 وْجَاوْبَهْ يَسُوعْ : « رَاهْ هُوَ لِغَادِي نْغَمَسْ اللَقْمَّة وْ نَعْطِيهَا لَهْ !». وْهُو يْغَمَسْ اللَّقْمَة وَ عْطَاهَا لْيَهُودَا الإِسْخَرْيُوطِي . 27 وْغِيرْ كْلَ اللُّقْمَة دْخَلْ فِيهْ الشِيطَانْ وْ ڤَالَهْ يَسُوعْ : «دَاكْ الشِي لِغَادِي دِيرَهْ ، غَادِي دِيرَهْ بَلْخُوفْ ». 28 حَتَّى وَاحْدْ مَنْ هَادُكْ لِكَانُوا ڤَاعْدِينْ مْعَاهُمْ مَفْهَمْ عْلَهْ ڤَالْ هَادْ الْهَدْرَة. 29 بَصَّحْ شِي وَاحْدِينْ، مَنْهُمْ حَسْبُوا بَلِّي يَسُوعْ ڤَالَهْ إِيرُوحْ يَشْرِي لَحْوَايَجْ لِكَانُوا خَاصِنْهُمْ لَلْعِيدْ، وْلاَيَعْطِي دْرَاهَمْ لَلْفُقَرَاءْ، عْلَى خَاطَرْ يَهُوذَا كَانْ هُوَ الْمَسْؤُولْ تَاعْ الدْرَاهَمْ. 30 وْ غِيرْ كْلَ يَهُوذَا خْرَجْ وْ جَا اللِيلْ. 31 كِخْرَجْ يَهُوذَا ڤَالْ يَسُوعْ: « دَرْوَكْ بَانْ الْمَجْدْ تَاعْ إِبْنْ الأِنْسَانْ، و بَانْ الْمَجْدْ تَاعْ الله فِي إِبْنْ الأِنْسَانْ . 32 إِذَا بَانْ مَجْدْ تَاعْ الله فِي إِبْنْ الأِنْسَانْ الله غَادِي يْبَيَنْ الْمَجْدْ تَاعْ لإِبْنْ الأِنْسَانْ فِي الذَاتْ تَاعَهْ، وْغَادِي يْبَانْ الْمَجْدْ نْتَاعَهْ بَلْخُفْ . 33 يَاوْلاَدِي غَادِي نَبْقَى مْعَاكُمْ غِيرْ وَقْتْ قْلْيلْ وْ غَادِي تْحَوْسُوا عْلْيَ كِيمَا ڤُولْتْ لِهُودْ غَادِي نْڤُولْكُمْ دَرْوَكْ نْتُومَا تَانِي: مَتَقَدْرُشْ نْتُومَا تْجُوا وِينْ غَادِي نْرُوحْ. 34 رَانِي نْوَصِيكُمْ وْصِيَة جْدِيدَة: بْغُوا بَعْضِيَاتْكُمْ، كِيمَا بْغِيتْكُمْ أَنَا بْغُوا حَتَّى نْتُومَا بَعْضِيَاتْكُمْ. 35 بْهَادْ الشِي يَعَرْفُوا ڤَاعْ النَّاسْ نْتُومَا تْلاَمْدِي : إِلاَ كُنْتُ تَبْغُوا بَعْضِيَاتْكُمْ». 36 ڤَالَهْ سَمْعَانْ بُطْرُسْ: « يَاسِيدِي وِينْ غَادِي تْرُوحْ؟» وْجَاوِبَهْ يَسُوعْ: « الْمَوْضَعْ لِغَادِي نْرُوحْ لَهْ دَرْوَكْ مَغَادِيشْ تَقْدَرْ تَبَعْنِي، بَصَّحْ مَمْبَعْ غَادِي تَبَعْنِي». 37 وْيْڤُولَهْ بُطْرُسْ: « عْلاَشْ أَسِيدِي مَنَقْدَرْشْ نْتَبْعَكْ دَرْوَكْ؟ نَعْطِي حْيَاتِي عْلَى جَالَكْ!». 38 جَاوْبَهْ يَسُوعْ: «بَصَّحْ نْتَ مَوْجُودْ بَاشْ تْمُوتْ عْلَى جَالِي نْڤُولَكْ الْحَقْ : مَاغَادِي يْصِيحْ، الدِيكْ حَتَّى نَنْكَرْنِي ثَلْتْ مَرَاتْ».
1 «بْلَمَا يَتْشَوَشْ قَلْبْكُمْ نْتُومَا بَ الله آمْنُوا بْيَا حَتَّى أَنَيَا. 2 فِي دَارْ بُويَا كَايْنْ بَزَافْ بْيُوتْ، وْ لُكَانْ مَاكَانُوشْ وَاشْ كُنْتْ غَادِي نْڤُولْكُمْ، غَادِي نْرُوحْ نْوَجَدْ لْكُمْ مْكَانْ. 3 وْكِي غَادِي نْرُوحْ، وْ نْوَجَدْ لِكُمْ مْكَانْ، غَادِي نْوَلِي وْ نَدِكُمْ مْعَايَا، وِينْ مَاكُنْتْ غَادِي نْكُونُ مْعَايَا تَمَّ. 4 رَاكُمْ تَعَرْفُوا وِينْ غَادِي نْرُوحْ وْ تَعَرْفُوا الْطْرِيڤْ». 5 وْڤَالَهْ تُومَا: «يَاسِيدِي حْنَا مَنَعَرْفُوشْ وِينْ رَاكْ غَادِي تْرُوحْ، أَيَ كِيفَاشْ غَادِي نَعَرْفُوا الطْرِيڤ ». 6 وْجَاوْبَهْ يَسُوعْ : «أَنا هُوَ الطْرِيڤْ وَ الْحَقْ وَالَحْيَاةْ، حَتَّى وَاحَدْ مَيَقْدَرْ يْجِي لْعَنْدْ الآبْ بْلََا بِيَّ. 7 وْ لُكَانْ عْرَفْتُونِي رَاكُمْ عْرَفْتُهوا حَتَّى بُويَا، وْ مَنْ دَرْوَكْ رَاكُمْ تَعَرْفُوهْ وْرَاكُمْ شَفْتُوهْ». 8 وْ يْڤُولَهْ فِيلِبُسْ: « يَاسِيدِي، وَرِينَا الأَبْ وْ بَرْكَانَا !». 9 وْڤَالَهْ يَسُوعْ: «وَاشْ أَنَا مْعَكُمْ ڤاَعْ هَادْ الْمُدَة وْ مَعْرَفْتُونِيشْ! اللِّي شَفْنِي شَافْ الأبْ كِيفَاشْ. تْڤُولِي وَرِينَا الأَبْ؟. 10 وَاشْ مَتْآمَنْشْ بَلِّي أَنَا فَالأَبْ وَ الأَبْ فِيَا؟ لَكْلاَمْ لِرَانِي نْڤولَهْ مَرَانِيشْ نْقُولَهْ مَنْ عَنْدِي، بَصَّحْ الأَبْ لِفِيَا هُوَ لِيْدِيرْ الأَعْمَالْ. 11 تِيقُوا فِيَا كِنْڤولْ بَلِّي أَنَا فَالأَبْ وَ الأَبْ فِيَّ، وْ لاَ تَيْقُونِي نْتُومَا غِيرْ عْلَى جَالْ الأَعْمَالْ لِنْدِيرْهَا. 12 الْحَقْ نْڤُولْكُمْ : لِيْآمَنْ بِيَ الأَعْمَالْ لِنْدِيرْهَا يْدِيرْهَا حَتَّى هُوَ، وْ يْدِيرْ كْتَرْ مَنْهَا، عْلَى خَاطَرْ أَنَا غَادِي نَمْشِي عَنْدْ الأَبْ. 13 وْ ڤاَعْ دَاكْ الشٍي لِتَطَلْبُوهْ بَاسْمِي غَادِي نْدٍيرَهْ بَاشْ يَتَعْطَى الْمَجْدْ لَلَْأبْ بَالأِبْنْ . 14 إِلاَ طْلَبْتُو شِي حَاجَة بَسْمِي غَادِي نْدِيرْهَا. 15 وْلاَ كُنْتُ تَبْغُونِي دِيرُو بْالَوْصِيَاتْ تَاعِي . 16 وْأَنَا غَادِي نَطْلَبْ مَالأَبْ يَعْطِيكُمْ مُعِينْ وَاحْدْ آخَرْ بَاشْ يَبْقَى مْعَاكُمْ دِيمَا. 17 هُوَ رُوحْ الْحَقْ لِمَقَدْرُؤشْ نَاسْ تَاعْ الدَّنْيَا يَقَبْلُوهْ، عْلَى خَاطَرْ مَيَفَهْمُوشْ وْ مَيَعَرْفُوشْ، بَصَّحْ نْتُومَا غَادِي تَعَرْفُوهْ عْلَى خَاطَرْ سَاكَنْ فِيكُمْ، وْغَادِي يْكُونْ فِيكُمْ. 18 وْمَاغَادِشْ يْخَلِيكُمْشْ يْتَامَى رَانِي غَادِي نْوَلِي لْعَنْدْكُمْ . 19 دَرْوَكْ شْوِيَة تَاعْ النَّاسْ مَغَادِشْ يْوَلُوا يْشُوفُونِي، بَصَّحْ نْتُومَا غَادِي تْشُوفُونِي، وْعَلَى خَاطَرْ أَنَا حَيْ نْتُومَا تَانِي غَادِي تَحْيَاوْ . 20 فْدَاكْ النْهَارْ غَادِي تَعَرْفُوا أَنَل فَلأَبْ وْ نْتُوُمَا فِيَا وْ أَنَافِيكُمْ. 21 وْ لِعَنْدَهْ لَوْصِيَاتْ تَاعِي وْ يْدِيرْ بِيهَا هُوَ لِيَبْغِينِي، وْ لِيَبْغِينِي يَبْغِيهْ بُويَا و أَنَا نَبْغِيهْ وْ نْبَيَنْ لَهْ دَاتِي». 22 وْيْسَقْسِيهْ يَهُودَا مَاشِي يَهُودَا الأِسْخَرْيُوطِي :«يَا سِيدِي، وَاشْ صْرَا حَتَّى بْغِيتْ تْبَيَنْ لِينَا ذَاتَكْ وْ مَتْبَينَهْشْ لْنَّاسْ لَدَّنْيَا؟». 23 جَاوْبَهْ يَسُوعْ وْ ڤَالْ لَهْ: «إِلاَ بْغَانِي شِي وَاحَدْ يْدِيرْ بَكْلاَمِي بُويَا غَادِي يَبْغِيهْ، وْ نْجُو لْعَنْدَهْ وْ نَبْنُوا سَكْنَا تَاعْنَا وْ نْسَكْنُوا مْعَاهْ. 24 وْ لِمَيَبْغِينِيشْ مَيْدِيرْشْ بَكْلاَمِي، وْ هَادْ لَكْلاَمْ لِتْسَمْعُوهْ رَاهْ مَاشِي تَاعِي بَصَّحْ هُوَ كْلاَمْ الأَبْ لِرْسَلْنِي. 25 ڤَاعْ هَادْ الشِي ڤُولْتَهْ لْكُمْ وْ أَنَا مْعَكُمْ. 26 بَصَّحْ الْمُعِينْ لِهُوَ الرُوحْ الْقُدُسْ لِغَادِي يْرَسْلَهْ الأَبْ بَاسْمِي، هُوَ لِغَادِي يْعَلَمْكُمْ كُولْشِي، وْ يْفَكَرْكُمْ ڤَاعْ دَاكْ الشِي لْڤُولْتَهْ لْكُمْ . 27 نْخَلِيلْكُمْ لَهْنَا تَاعِي نَعْطِيكُمْ مَاشِي كِيمَا تَعْطِيكُمْ الدَّنْيَا نَعْطِيكُمْ أَنَيَا، مَيَتْشَوَشْ قَلْبْكُمْ وْ مَتَنْخَلْعُوشْ . 28 رَاكُمْ سْمَعْتُوا بَلِّي ڤُولْتْ لْكُمْ أَنَا غَادِي نْرُوحْ، وْغَادِي نْعَاوَدْ نْوَلِي لْكُمْ لُكَانْ كُنْتُ تَبْعُونِي لُكَانْ رَاكُمْ فْرَحْتُو، أَنَا غَادِي نْرُوحْ عَنْدْ الأَبْ، عْلَى خَاطَرْ الأَبْ حْسَنْ مَنِّي. 29 هَارَانِي عْلَمْتْكُمْ بْهَادْ الشِي دَرْوَكْ قْبَلْ مَايَصْرَا بَاشْ كِيَصْرَا تْآمْنُوا. 30 وْمَغَدِيشْ نْعَاوَدْ نَهْدَرْ مْعَاكٌمْ بَزَافْ، عْلَى خَاطَرْ الرَايَسْ تَاعْ هَادْ الدَّنْيَا جَايْ، وْ مَيَقْدَرْشْ يَحْكَمْ فِيَّ، بَصَّحْ هَادْ الشِي غَادِي يَصْرَا. 31 بَاهْ يَعَرْفُوا نَاسْ الدَّنْيَا بَلِي رَانِي نَبْغِي الأَبْ، وْ نْدِيرْ دَاكْ الشِي لِوْصَانِي بْهْ أَيَ نُوضُوا وْ رُوحُوا مَنَّا ». .
1 «أَنَا هُوَ الدَالْيَا الْحَقِيقِيَة، وْ بُويَا هُوَ الَجْنَيْنِي . 2 كُلْ غُصْنْ فِيَّ مَيَعْطِيشْ غَلَّو يَڤَطْعَهْ وْ كُلْ غُصْنْ فِيَّ يَعْطِي غَلَّة يْنَقِيهْ بَاهْ يَعْطِي غَلَّة كْتَرْ. 3 وْ نْتُومَا دَرْوَكْ رَاكُمْ نْقَيِينْ بَسْبَابْ لَكْلاَمْ لِتْكَلَمْتْ مْعَاكُمْ بِيهْ . 4 ثْبَتُوا فِيَّ وْأَنَا فِيكُمْ رَاهْ كِيمَا الْغُصْنْ لِمَيَقْدَرْشْ يَعْطِي الْغَلَّة بْوَاحْدْهْ إِلاَ مَكَانْشْ ثَابَتْ فَالدَالْيَا، هَاكَا حَتَّى نْتُومَا مَتَقَدْرُوشْ تَعْطُوا الْغَلَّة إِلاَ مَثْبَتُوشْ فِيَّ. 5 اَنَا الَدَّالْيَا وْ نْتُومَا لَغْصَانْ، لِثْبَتْ فِيَّ وْ أَنَا فِيهْ، هُوَ لِغَادِي يَعْطِي غَلَّة كْبِيرة، عْلَى خَاطَرْ بْلاَ بِيَ مَتَقَدْرُو دِيرُوا حَتَّى حَاجَة . 6 وْإِلاَ كَانْ شِي وَاحَدْ مَاشْي ثَابَتْ فِيَّ غَادِي يَنْقَاسْ بََرَا كِيمَا الْغُصْنْ وْغَادِي يَيْبَسْ وْ يْلَمُوهْ وْ يْقِيسُوهْ فَالنَّارْ وْ يَتَحْرَقْ. 7 بَصَّحْ إِلاَ ثْبَتُوا فِيَّ، وْ ثْبَتْ كْلاَمِي، فِيكُمْ تَطَلْبُوا لِبْغِيتُوا غَادِي يْكُونْ لْكُمْ. 8 وْهَاكَ غَادِي يَتَعْطَي الْمَجْدْ : كِتَعْطُوا غَلَّة كْبِيرَة، وْ تْكُونُوا تْلاَمْدِي. 9 كِيمَا بْغَانِي الأَبْ هَكَا حَتَّى أَنَا نَبْغِيكُمْ . ثَبْتُوا فِي مْحَبْتِي. 10 إِلاَ دَرْتُوا بْالَوْصَايَا تَاعِي، غَادِي تَثَبْتُوا فِي مْحَبْتِي كِيمَا دَرْتْ أَنَا بَوْصَايَا تَاعْ بُويَا وْ ثْبَتْ فِي مْحَبْتَهْ. 11 ڤُولْتْلْكُمْ هَادْ الشِي بَاشْ تثثْبَتْ الْفْرْحَة تَاعِي فِيكُمْ، وْ تَكْمَلْ الْفَرْحَة تَاعْكُمْ. 12 وْ هَادِ هِيَ وْصَيْتِي بْغِيوْ بَعْضِيَاتْكُمْ. 13 رَاهْ مَكَانْشْ مْحَبَة كْبَرْ مَنْ هَادِ لَمْحَبَة لَكْبِيرَة : يَوْهَبْ حْيَاتَهْ عْلَى جَالْ لِيَبْغِيهُمْ. 14 نْتُومَا حْبَابِي إِلاَ دَرْتُو ا الشِي لِوَصِيتْكُمْ بِيهْ. 15 مَنْ دَرْوَكْ مَنْعَاوَدْشْ نْسَمِيكُمْ عْبِيدْ، عْلَى خَاطَرْ الْعَبْدْ مَيَعْرَفْشْ وَاشْ يْدِيرْ سِيدَهْ، بَصَّحْ دَرْتْكُمْ حْبَابِي عْلَى خَاطَرْ خَبَرْتْكُمْ بْڤَاعْ لِسْمَعْتْ مَنْ عَنْدْ بْويَا. 16 مَاشِي نْتُومَا لِيخَيَرْتُونِي، بَصَّحْ أَنَا خَيَرْتْكُمْ وْ كَلَفْتْكُمْ بَاهْ تْرُوحُوا وْ تْجِيبُوا الْغَلَّة وْ غَلَّتْكُمْ دُومْ وْ الأَبْ غَادِي يَعْطِيلْكُمْ ڤَاعْ لِتَطَلْبُوهْ بَسْمِي . 17 وْ لِي نْوَصِيكُمْ عْلِيهْ تَبْغِيوْا بَعْضِيَاتْكُمْ. 18 إِلاَ كَانُوا نَاسْ الدَنْيَا يْكَرْهُكُمْ، خَاصْكُمْ تَعَرْفُوا بَلِّي كَرْهُونِي قْبَلْ مَنْكُمْ. 19 لُكَانْ كُنْتُ مَنْ هَادْ الدَّنْيَا يَبْغُوكُمْ نَاسْهَا، بَصَّحْ نْتُومَا مَاشِي مَالدَّنْيَا، وْأَنَا لِخَيَرْتْكُمْ مَنْ وَسْطْ النَّاسْ تَاعْهَا، عْلَى هَادْ الشِي نَاسْ الدَّنْيَا يَكَرْهُكُمْ. 20 تْفَكْرُوا لَكْلاَمْ لِڤُولْتَهْ لْكُمْ: رَاهْ الْعَبْدْ مَاشِي خِيرْ مَنْ سِيدَهْ، إِذَا كَانُوا يَتْعَدَوْ عْلِيَا رَاهْ غَادِي يَتْعَدَوْ عْلِيكُمْ حَتَّى نْتُومَا، إِلاَ كَانُوا يْدِيرُوا بَكْلاَمِي غَادِي يْدِيرُوا بَكْلاَمْكُمْ حَتَّى نْتُومَا. 21 بَصَّحْ غَادِي يْدِيرُلْكُمْ هَادْ الشِي عْلَى جَالْ سْمِي، عْلَى خَاطَرْ مَيَعَرْفُوشْ هَادَاكْ لِرْسَلْنِي . 22 لُكَانْ مَجِيتْشْ وْ مَهْدَرْتْشْ مْعَاهُمْ لُكَانْ مَبْقِي عْلِيهُمْ حَتَّى ذَنْبْ، بَصَّح دَرْوَكْ مَبْقَاتْشْ حَتَّى سَبَة عْلَى دْنُوبْهُمْ. 23 لِيَكْرَهْنِي يَكَرْهَهْ بُويَا حَتَّى هُوَ . 24 لُكَانْ غِيرْ مَدَرْتْشْ بِينَاتْهُمْ مُعْجِزَاتْ لِمَدَرْهَا حَتَّى وَاحَدْ، مَاغَادِي يَبْقَى عْلِيهُمْ حَتَّى ذَنْبْ، بَصَّحْ دَرْوَكْ حَتَّى وْ شَافُوا هَادُوكْ الْمُعْجِزَاتْ كَرْهُونِي أَنَا وْ بُويَا. 25 بَصَّحْ هَادْ الشِي صْرَا بَاهْ يَتْحَقَقْ لَكْلاَمْ لِمَكْتُوبْ فَالشَريعَة تَاعْهُمْ رَاَهُمْ كَرْهُونِي بْلاَ سَبَة . 26 وْ كِيْجِي الْمُعِينْ لِغَادِي نَرَسْلَهْ مَنْ عَنْدْ الأَبْ، رُّوحْ الْحَقْ لِيَخْرَجْ مَنْ عَنْ الأَبْ، غَادِي يَشْهَدْ لِي وْ غَادِي. 27 تَشَهْدُو لِي حَتَّى نْتُومَا عْلَى خَاطَرْ رَاكُمْ مْعَايَا مَاللَوَلْ.
1 «ڤُولْتْلْكُمْ هَادْ الشِي بَاشْ تَڤَعْدُوا ثَابْتِينْ فِي إِيمَنْكُمْ. 2 غَادِي يْخَرْجُكُمْ مَالدْيُورْ الصْلاَة وْغَادِي يْجِي وَاحَدْ الْوَقْتْ لِيْظُنْ فِيهْ لِيَكْتَلْكمْ رَاهْ يْدِيرْ خَدْمَة لَ لله. 3 غَادِي يْدِيرُولْكُمْ هَادْ الشِي عْلَى خَاطَرْ مَعَرْفُوشْ الأَبْ، وْمَا عَرْفُونِيشْ. 4 بَصَّحْ هْدَرْة مْعَاكُمْ بْهَادْ الْهَدْرَة، بَاشْ إِلاَ جَا هَادْ الْوَقْتْ وْ صْرَا وَاشْ رَانِي نْڤُولْ غَادِي تَتْفَكْرُوا بَلِّي ڤُولْتَهْ لْكُمْ، وْ مَڤُولْتَهْشْ لْكُمْ مَالأَوَلْ عْلَى خَاطَرْ كُنْتْ مْعَكُمْ. 5 بَصَّحْ دَرْوَكْ غَادِي نْوَلِي عَنْدْ هَادَاكْ لِرْسَلْنِي، وْ حَتَّى وَاحَدْ فِيكُمْ مَا غَادِي يْسَقْسِينِي وِ ينْ نْرُوحْ؟. 6 بَصَّحْ قَلْبْكُمْ مْعَمَرْ بَالْحُزْنْ، عْلَى خَاطَرْ ڤُولْتْلْكُمْ الْحَقْ. 7 بَصَّحْ نڤُولْكُمْ الْحَقْ خِيرْ لْكُمْ نْرُوحْ، عْلَى خَاطَرْ إِلاَ مَرُحْتْشْ مَاغَادِشْ يْجِيكُمْ الْمُعِينْ، بْصَّحْ إِلاَ رُوحْتْ غَادِي نْرْسَلَلُكُمْ. 8 وْكِغَادِي يْجِي غَادِي يْبَيَنْ لَنَّاسْ، بَلِّي كَانُوا غَالْطِينْ مَنْ جِهَةْ الدْنُوبْ، وْالتَقْوَي، وَ الْحُكْمْ تَاعْ الرَّبْ. 9 مَنْ جِهَهْ الدْنُوبْ عْلَى خَاطَرْ مَآمْنُوشْ بِيَا. 10 وَ مَنْ جِهَةْ التَقْوَي عْلَى خَاطَرْ غَادِي نْوَلِي عَنْدَ الأَبْ مَتْعَاوْدُشْ تْشُوفُونِي. 11 وْمَنْ جِهَةْ الْحُكْمْ، عْلَى خَاطَرْ رَئِسْ تَاعْ هَادْ الدَنْيَا لِهُوَ إِبْلِيسْ رَاهْ تَحْكَمْ عْلِيهْ. 12 رَاهْ بَاقِي لِي بَزَافْ الأُمُورْ مَنْڤُولْهُمْ لْكُمْشْ ، عْلَى خَاطَرْ، مَتَقَدْرُوشْ عْلِيهُمْ دَرْوَكْ . 13 بَصَّحْ كِيْجِي رُوحْ الْحَقْ، هُوَ لِغَادِي يْوَرِلْكُمْ ڤَاعْ الْحَقْ، عْلَى خَاطَرْ مَغَادِيشْ يَهْدَرْ مَنْ عَنْدَهْ، بَصَّحْ يْڤُولْكُمْ ڤَاعْ لِيَسَمْعَهْ، وْ يْخَبَرْكُمْ بَالأُمُورْ الجَاية. 14 هُوَ لِغَادِي يْبَيَنْ الْمَجْدْ نْتَاعِ ، عْلَى خَاطَرْ دَاكْشِي لْيْخَبَرْكُمْ بْيهْ هُوَ مَنْ عَنْدِي. 15 كُلْ حَاجَة عَنْدْ الأَبْ هِيَ تَاعِي، عْلِيهَا ڤُلْتْلْكُمْ : لِغَادِي يْخَبَرْكُمْ بِيهْ رُوحْ الْحَقْ هُوَ مَنْ عَنْدِي. 16 وْ دَرْوَكْ شْوِيَة تَاعْ الْوَقْتْ مَتْزِيدُشْ تْشُوفُونِي، وْمَنْ بَعْدْ شْوِيَة غَادِي تْعَاوْدُو تْشُوفُونِي على خاطر رانى رايح للآب». 17 وَاحْدِينْ مَنْ التْلاَمَدْ تَاوْعَهْ بْدَاوْ يْسَقْسِوْ بَعْضِيَاتْهُمْ وَاشْ رَاهْ يَقْصَدْ بَكْلاَمَهْ لِينَا: «دَرْوَكْ مَاغَادِشْ تْشُوفُونِي وْمَمْبَعْدْ شْوِيَة تْعَاَوْدُو تْشُوفُونِي، عْلَى خَاطَرْ رَانِي مْوَالِي عَنْدْ الأَبْ؟». 18 وْ ڤَالُوا: «وَاشْ يَقْصَدْ بْهَادْ الْهَدْرَة كڤَالْ دَرْوَكْ شْوِيَة ؟ مَافْهَمْنَاشْ وَاشْ بْغَا يْڤُولْ». 19 وْ عْرَفْ يَسُوعْ، بَلِّي بْغَاوْ يَسَقْسُوهْ وْ ڤَالْهُمْ: «شْتَرَاكُمْ تْسَقْسُوا فِي بَعْضِيَاتْكُمْ مِينِْ ڤُولْتْ!: دَرْوَكْ شْوِيَة مَغَادِشْ تْشُوفُونِي، وْ مَنْبَعْدْ شْوِيَة تْشُوفُونِي. 20 نْڤُولْكُمْ الْحَقْ غَادِي تَبْكُوا وْ تْنَوْحُوا، وْ نَاسْ الدَنْيَا غَادِي يَفَرْحٌوا، نْتُومَا تَحَزْنُوا، بَصَّحْ الْحُزْنْ تَاعْكُمْ يْوَلِي فَرْحْ. 21 الْمَرَا كِيْقَرَبْ وَقْتْهَا بَاشْ تْزَيَدْ تْكُونْ مْقَلْقَةَ، عْلَى خَاطَرْ جَا وَقْتْهَا، بَصَّحْ كِتْزَيَدْ مَتْزِيدْشْ تْقَلَقْ مَالْفَرْحَة، عْلَى خَاطَرْ تْزَادْ بْنَادَمْ وَاحْدْخَرْ فَالدُنْيَا. 22 وْ هَاكَ حَتَّى نْتُومَا دَرْوَكْ رَاكُمْ مْقَلْقِينْ بَزَافْ، بَصَّحْ كِنْعَاوَدْ نْشُوفْكُمْ، يَفْرَحْ قَلْبْكُمْ وْ حَتَّى وَاحَدْ مَيَقْدَرْ يَڤْلَعْ هَادْ الْفَرْحَ. 23 فْدَاكْ النْهَارْ مَا غَادِي تَطَلْبُوا مَنِي حَتَّى حَاجَة، وْ رَانِي نْڤُولْكُمْ الْحَقْ: ڤَاعْ لِغَادِي تَطَلْبُوهْ مَنْ الأَبْ بَسْمِي غَادِي يَعْطِيهْ لْكُمْ. 24 حَتَّى لْدَرْوَكْ مَاطْلَبْتُوا حَتَّى حَاجَة بَسْمِي، طَلْبُوا وْ غَادِي تَدُوا، بَاشْ تَكْمَلْ الْفَرْحَة تَاعْكٌمْ. 25 ڤُولْتْلْكُمْ هَادْ الأُمُورْ بَاالأَمْثُولْ، بَصَّحْ غَادِي يْجِي وَقْتْ نْخَبَرْكُمْ بِهْ عْلَى الأَبْ بَكْلاَمْ بَايَنْ بْلاَ مْثُولْ. 26 وْ فْدَاكْ النْهَارْغَادِي تَطَلْبُوا بَاسْمِي ، وْمَنْڤُولْكُمْشْ بَلِّي غَادِي نَطْلَبْ الأَبْ عْلَى جَالْكُمْ. 27 عْلَى خَاطَرْ الأَبْ بْرُوحَهْ يَبْغِيكُمْ، عْلَى خَاطَرْ بْغِيتُونِي وْآمَنُتُوا بَلِّي خْرَجْتْ مَنْ عَنْدْ الله. 28 خْرَجْتْ مَنْ عَنْدْ الأَبْ وْ جِيتْ لَدَنْيَا وْدَرْوَكْ غَادِ نْخَلِي الدَنْيَا وْ نْوَلِي عَنْدْ الأَبْ» . 29 وْ يْڤُولُوله تْلاَمْدَهْ: «هَا دَرْوَكْ رَاكْ تَهْدَرْ بَكْلاَمْ بَايَنْ بْلاَمَا تْڤُولَنَا مْثَالْ وَاحَدْ. 30 دَرْوَكْ نَعَرْفُوا بَلِّي تَعْرَفْ كُلْشِي وْ مَتَسْحَقْشْ يْسَقْسِيكْ شِي وَاحَدْ، وْ عْلَى هَادْ الشِي نْآمْنُوا بَلِّي جِيتْ مَنْ عَنْدْ الله». 31 وْ رَدْ عْلِيهُمْ يَسُوعْ: « أدَرْوَكْ عَادْغَادِي تْآمْنُوا؟. 32 رَاهْ غَادِي يْجِي وَاحَدْ الْوَقْتْ وْ رَاهْ جَا دَرْوَكْ، وِينْ غَادِي تَاْفَرْقُوا كُلْ وَاحَدْ يْرُوحْ فِي طْرِيڤَهْ، وْ تْخَلُونِي وَحْدِي، بَصَّحْ أَنَا نْرُوحْ وَاحْدِي، عْلَى خَاطَرْ الأَبْ مْعَايَا. 33 ڤُولْتْلْكُمْ هَادْ الأُمُورْ بَاشْ يْكُونْ عَنْدْكُمْ لَهْنَا فِيَا، فْهَادْ الدَنْيَا غَادِي يْكُونْ عَنْدْكُمْ ضِيقْ، بَصَّحْ تْقَوَاوْ رَانِي غْلَبْتْ الدَنْيَاٍ».
1 وْمَمْبَعْدْ هْدَرْ مْعَاهُمْ بْهَادْ لَكْلاَمْ، وْ طَلَعْ عَيْنِيهْ لَسْمَاڤَالْ: « يَا الأَبْ، جَا الْوَقْتْ، يْبَانْ الْمَجْدْ تَاعْ وَلْدَكْ، بَاشْ حَتَّى وَلْدَكْ يْبَيْنْ الْمَجْدْ نْتَاعَكْ. 2 عْلَى خَاطَرْ عْطِيتَهْ سُلْطَة عْلَى ڤَاعْ الْبَشَرْ، بَاشْ يَعْطِي الْحَيَاةْ الدَايْمَة لْڤَاعْ هَادُكْ لِعْطِيتْهُمْ لَهْ. 3 وْ هَادْ لَحْيَاةْ الدَايْمَة: هِيَ يَعَرْفُوا بَلِّي نْتَ وَاحْدَكْ الأِلَهْ الْحَقِيقِي وْ يَسُوعْ الْمَسِيحْ لِرْسَلْتَهْ. 4 أَنَا بَيَنْتْ الْمَجْدْ نْتَاعَكْ فِي الأَرْضْ، وْ كَمَلْتْ الْخَدْمَة لِعْطِيتْنِي نْدِيرْهَا. 5 وْ دَرْوَكْ يَالأَبْ بَيَنْ الْمَجْدْ نْتَاعِي عَنْدَكْ ، بَالْمَجْدْ لِكَانْ لِيَا عَنْدَكْ أَنَا مَاقْبَلْ مَتْكُونْ الدَنْيَا. 6 أَنَا بَيَنْتْ الأِسْمْ تَاعَكْ لَنَّاسْ لِعْطِيتْهُمْ لِي مَاالدَنْيَا، كَانُوا تَاعَكْ وعْطِيتْهُمْ لِي، وْ رَاهُمْ دَارُوا بَكْلاَمَكْ. 7 وْ دَرْوَكْ عَرْفُوا بَلِّي ڤَاعْ لِعْطِيتْهْ لِي هُوَ مَنْ عَنْدَكْ. 8 عْلَى خَاطَرْ لَكْلاَمْ لِڤُولْتَهْ لِي رَانِي وَصْلْتَهْ لْهُمْ، وْ قَبْلُوهْ وْ تْيَقْنُوا بَلِّي جِيتْ مَنْ عَنْدَكْ، وْآَمْنُوا بَلِّي نْتَ لِرْسَلْتْنِي. 9 وْ عْلَى جَالْهُمْ نْصَلِي، مَنْصَلِيشْ عْلَى جَالْ النَّاسْ تَاعْ الدَنْيَا بَصَّحْ نْصَلِي عْلَى جَالْ النَّاسْ لِعْطِيتْنِي، عْلَى خَاطَرْ هَمَا تَاعَكْ. 10 وْڤَاعْ لِتَوْعِي رَاهُمْ تَاوْعَكْ، وْڤَاعْ لِتَوْعِكْ رَاهُمْ تَاَوْعَي، وْ الْمَجْدْ تَاعِي بَانْ فِيهُمْ. 11 أَنَا مَاغَادِيشْ نَبْقَي فْهَادْ الدَنْيَا، بَصَّحْ رَاهُمْ بَاقْيِينْ فِيهَا ، أَنَا رَانِي جَايْ عَنْدَكْ يَالأَبْ الْقَدُوسْ، تْهَلَي فِي هَادُكْ تَاعَكْ لِعْطِيتْنِي، وْ يْكُونُوا وَاحَدْ كِيمَا حْنَا وَاحَدْ. 12 كِيكُنْتْ مْعَاهُمْ فَاالدَنْيَا كُنْتْ نَتْهَلَي فِيهُمْ بِقُوَةْ الأِسْمْ تَاعَكْ لِعْطِيتْنِي، وْ رَانِي تْهَلِيتْ فِيهُمْ وْ مَاتَهْلَكْ مَنْهُمْ حَتَّى وَاحَدْ غِيرْ وَلْدْ لَهْلاَكْ، بَاشْ يَتْحَقَقْ لِمَكْتُوبْ فَالَكْتَابْ . 13 بَصَّحْ دَرْوَكْ غَادِي نْوَلِي عَنْدَكْ، وْرَانِي نْڤُولْ هَادْ الشِي وْأَنَا مَازَالْنِي فْهَادْ الدَنْيَا، بَاشْ تْكُونْ الْفَرْحَة تَاعِي كَامْلَة فِيهُمْ. 14 أَنَا وَصَلْتْ لْهُمْ كْلاَمَكْ، وْ دَنْيَا كَرْهَتْهُمْ عْلَى خَاطَرْ هُمَا مَاشْي مَاالدَنْيَا، كِيمَا أَنَا مَاشْي مَاالدَنْيَا. 15 مَنْصَلِيشْ بَاشْ تَدِيهُمْ مَنْ الدَنْيَا، بَصَّحْ بَاشْ تْسَلَكْهُمْ مَاالشْيطَانْ. 16 هُمَا مَاشْي مَالدَنْيَا كْيمَا أَنَا مَاشِي مَالدَنْيَا. 17 قَدَّسْهُمْ بَالْحَقْ تَاعَكْ عْلَى كْلاَمَكْ حَقْ. 18 كِيمَا أَنْتْ رْسَلْتْنِي لَدَنْيَا أَنَا تَانِي رْسَلْتْهُمْ لَدَنْيَا. 19 وْعْلَى جَالْهُمْ نَوْهَبْ رُّوحِي حَتَّى هُمَا يْكٌونُوا مَقَدْسِينْ فَالْحَقْ تَاعَكْ. 20 وْ مَانْصَلِيشْ غِيرْ عْلَى جَالْ هَادُوا وَاحَدْهُمْ، بَصَّحْ تَانِي عْلَى جَالْ هَادُوكْ لِغَادِي يْآمْنُوا بْسْبَابْ كْلاَمْ تَلاَمِدْ تَاوْعِي . 21 بَاشْ يْكُونٌوا ڤَاعْ وَاحَدْ، كِيمَا نْتَ يَاالأَبْ فِيَا وْ أَنَا فِيكْ، بَاشْ يْكُونُوا حَتَّى هُمَا وَاحَدْ فِينَا، وْ يْآمْنُوا نَاسْ تَاعْ الدَنْيَا بَلِّي نْتَ رْسَلْتْنِي. 22 وْأَنَا رَانِي عْطِيتْلهُمْ الْمَجْدْ لِعْطِيتْنِي، كْيمَا حْنَا وَاحَدْ. 23 أَنَا فْيهُمْ وْ نْتَ فِيَا بَاشْ يْكُونُوا كَامْلِينْ، وْ بَاشْ يْعَرْفُوا نَاسْ تَاعْ الدَنْيَا بَلِّي نْتَ رْسَلْتْنِي، وْ تَبْغِيهُهمْ كْيمَا نْتَ تَبْغِينِي. 24 يَالأَبْ بْغِيتْ هَادُكْ لِعْطِيتْهُمْ لِي يْكُونُوا مْعَايَا وِينْ غَادِي نْكُونْ أَنَا، بَاشْ يْشُوفُوا الْمَجْدْ تَاعِي لِعْطِيتْنِي عْلَى خَاطَرْ نْتَ بْغِيتْنِي قْبَلْ مَاتَخْلَقْ الدَنْيَا. 25 يَا الأَبْ الصَالَحْ، النَّاسْ تَعْ هَادْ الدَنْيَا مَيْعَرْفُوكْشْ، بَصَّحْ أَنَا نَعَرْفَكْ وْ هَادُوا عَرْفُوا بَلِّي نْتَ رْسَلْتْنِي. 26 وْ خَلِيتْهُمْ يَعَرْفُوا إِسْمَكْ، وْغَادِي نْخَلِيهُمْ يَعَرْفُوهْ تَانِي بَاشْ تْكُونْ فِيهُمْ الْمَحَبَة لِبْغِيتْنِي بِيهَا، وْ نْكُونْ أَنَا فِيهُمْ».
1 مَمْبَعْدْ مَا كَامَلْ يَسُوعْ هَادْ الصْلاَةْ، خْرَجْ مْعَا تْلاَمْدَهْ لَلْجِهَة لَخْرَي وَادْ قَدْرُونْ، وِينْ كَانْ وَاحَدْ لَجْنَانْ هُوَ وْ دْخَلَهْ تْلاَمْدَهْ. 2 وْ كَانْ يَهُودَ لِغَادِي يْسَلْمَهْ يَعْرَفْ هَادْ الْمَوْضَعْ عْلَى خَاطَرْ يَسُوعْ كَانْ يَجْتَمَعْ فِيهْ مْعَ تْلاَمْدَهْ شْحَالْ مَنْ خَطْرَا. 3 وْ يْجِي يَهُودَا لْتَمَّ وْ جَابْ مْعَاهْ لْعَسْكَرْ، وْ لْحَرَسْ لِرْسَلْهُمْ مْعَاهْ رُؤَسَاءْ رْجَالْ الدِينْ، وْ الْفَرِّيسَيِّينْ، وْ كَانُوا رَفْدِينْ مْعَهٌُمْ لَقْنَادَلْ وْ سْلاَحْ. 4 وْ خْرَجْ يَسُوعْ لْعَنْدْهُمْ وْ هُوَ عَارَفْ ڤَاعْ دَكْ الشِي لْغَادِي يَصْرَا لَهْ وْ ڤَالْ لْهُمْ: «عْلَى مَنْ رَاكُمْ تْحَوْسُوا ؟». 5 وْ جَاوْبُهْ : «عْلَى يَسُوعْ النَاصٍيري»، وْ هُوَ يْڤُولْهُمْ : « أَنَا هُوَ»، وْ كَانْ يَهُودَا لِغَادِي يْسَلْمَهْ كَانْ وَاڤَفْ مْعَهُمْ». 6 كِجَاوَبْهُمْ يَسُوعْ وْ ڤَالْهُمْ : «أَنَا هُوَ»، وْ لُوا لَلْرُولْ وْ يْطِيحُوا فَاللَّرْضْ. 7 وْ سَقْسَاهُمْ يَسُوعْ مَرَة وَاحْدْ خْرَيي: «عْلَى مَارَاكُمْ تْحَوْسُوا؟» وْ هُمَا يْجَوْبُهْ: «عْلَى يَسُوعْ النَّاصِري». 8 ڤَالْهُمْ يَسُوعْ: «رَانِي ڤُلْتْ لْكُمْ أَنَاهُوَ، وْ إِلاَ كُونْتُوا تْحَوْسُوا عْلِيَا أَنَا خَالُوا هَادُوا يْرُوحُوا فِي طْرِيڤُمْ». 9 بَاشْ يَتْحَقَقْ لَكْلاَمْ لِڤَالْ يَسُوعْ: «هَادُوكْ لِعْطِيتْهُمْ لِيَا مَاخْسَرتْ مَنْهُمْ حَتَّى وَاحَدْ». 10 وْ كَانْ عَنْدْ سَمْعَانْ بُطْرُسْ وَاحَدْ السِيفْ، وْ جَبْدَهْ وْ ضْرَبْ بِيهْ الْعَبْدْ تَاعْ رْجَالْ الدِينْ، وْڤََطَعْ لِيهْ وَدْنِيهْ لَمْنَة، وْ كَانْ إِسْمْ هَادَكْ الْعَبْدْ مَلْخُسْ. 11 ڤَالْ يَسُوعْ لْبُطْرُسْ: «رُدْ سِيفَكْ لَدَاخَلْ وَاشْ مَاغَادِيشْ نَشْرَبْ هَادْ لْكَاسْ لِعْطَانِي الأَبْ ؟». 12 وْ مَمْبَعْدْ شَدُّوا لْعَسْكَرْ وْ لْڤََايَدْ وْ حَرَسْ تَاعْ لِهُودْ يَسُوعْ وْ كَتْفُوهْ. 13 وْ دَوَاهْ فَاللَوَلْ عَنْدْ حَنَّانْ نْسِبْ قَيَافَا لِكَانْ هُوَ رَئِسْ تَاعْ رْجَالْ الدِينْ فْدَاكْ الْعَامْ . 14 وْ قَيَافَا هُوَ لِڤََالْ لِهُودْ بَلِّي خَيَرْ يْمُوتْ رَجَلْ وَاَحْ فِي بْلاَصَةْ الشَعْبْ. 15 وْ تَبَعْ سَمْعَانْ بُطْرُسْ وَاحَدْ التَلْمِيدْ لَخَرْ تَاعْ يَسُوعْ، وْ كَانْ هَادْ التَلْمِيدْ مَعْرُوفْ عَنْدْ الرَئِسْ تَاعْ رْجَالْ الدِينْ، وْ دْخَلْ مْعَ يَسُوعْ لْدَارْ رْجَالْ الدِينْ. 16 بَصَّحْ بُطْرُسْ بْقَا وَڤََفْ بَرَا حْدَا الْبَابْ، وْ يَخْرُجْ هَادَاكْ التَلْمِيدْ لَخَرْ لِكَانْ مَعْرُوفْ عَنْدْ رَئِسْ رْجَالْ الدِينْ وْ هْدَرْ مْعَ لْعَسَاسِينْ تَاعْ الْبَابْ وْ دْخَلْ بُطْرُسْ. 17 18 وْ سَقْسَاتْ الْجَارْيَة لِتْعَسْ البَابْ بُطْرُسْ: «نْتَ مَاشِي مَاالتْلاَمَدْ تَاعْ هَادْ الرَجَلْ ؟» وْ هُوَ يْجَاوَبْهَا: «لاَّ أَنَا مَاشِي مَنْهُمْ ». وْ كَانُوا لَعْبِيدِ وْ لْعَسَاَسَة وَاڤَْفِينْ حْدَا النَّارْ لِشَعْلُوهَا عْلَى خَاطَرْ كَانْ الْبَرْدْ بَزَافْ وْ بْدَاوْ، يَدَفُوا بِيهَا، وْڤََفْ بُطْرُسْ يَدَفَ مْعَهُمْ. 19 سَقْسَا رَئسْ رْجَالْ الدِينْ يَسُوعْ عْلَى تْلاَمْدَهْ وْ عْلَى تَعْلِيمْ تَاعَهْ. 20 وْ جَاوْ بَهْ يَسُوعْ: «أَنَا هْدَرْتْ مْعَ نَاسْ تَاعْ الدَنْيَا عِينَانِي، وْ كُنْتْ نْعَلَمْ فِي كُلْ وَقْتْ فِي دْيُورْ صْلاَةْ وْ فْبِيتْ الله وِينْ كَانُوا يَجْتَمْعُوا ڤََاعْ لِهُودْ وْ عُمْرِي مَڤٌَلْتْ حَاجَة فَالسَرْ. 21 عْلاَشْ رَاكُمْ تْسَثْسُونِي أَنا سَقْسُوا النَّاسْ لِسَمْعُوا لَكْلاَمْ تَاعِي، عْلَى خَاطَرْ هَادُوكْ يَعَرْفُوا وَاشْ ڤَُلْتْ». 22 كِڤََالْ يَسُوعْ هَادْ الْهَدْرَة، صَرْفَهْ وَاحَدْ مَلْحَرَسْ كَانْ وَڤََفْ حْدَاهْ وْ ڤََالَهْ: «كِيفَاشْ تْجَاوَبْ رَئسْ رْجَالْ الدِينْ هَاكَ؟». 23 وْ جَاوْبَهْ يَسُوعْ: «إِلاَ كُنْتْ هْدَرْتْ بْهَدْرَة قْبِيحَة بَيَنْهَا لَنَّاسْ، وْ إِلاَ هْدَرْتْ هَدْرَة مْلِيحَة عْلاَشْ تَضْرَبْنِي ؟». 24 وْ مَمْبَعْدْ رْسَلْ حَنَّانْ يَسُوعْ وْهُوَ مْكَتَفْ عَنْدْ قَيَافَا رَئسْ رْجَالْ الدِينْ. 25 كِكَانْ سَمْعَانْ بُطْرُسْ يَدَفَ، ڤَالُولَهْ وَاحْدِينْ: «مَاشِي حَتَّى نْتَ مَاالتْلاَمَدْ يَسُوعْ ؟ »، نْكَرْوَڤََالْ: «لاَّ ، أَنَا مَاشِي مَنْهُمْ !». 26 ڤََالْ وَاحَدْ مَاالْعَبِيدْ تَاعْ رَئسْ ؤْجَالْ الدِينْ، وْ هُوَ نْسِيبْ الرَجَلْ لِڤََطَعْ لَهْ وَدْنَهْ: «مَاشَفْتَكْشْ مْعَاهْ فَالجْنَانْ؟». 27 نْكَرْ بُطْرُسْ مَرَة خْرَي ، فْدِيكْ السَاعَة صَاحْ الدِيكْ. 28 فَالصْبَاحْ بَكْري جَابُوا يَسُوعْ مَنْ دَارْ قَيَافَا لَقْصَرْ الْحَاكَمْ، وْ مَدَخْلُوشْ بَاشْ مَيَتْنَجْسُوشْ، وْ بَاشْ يَقَدْرُو يَطْلُوا خْرُوفْ عِيدْ الْفَصْحْ. 29 عْلَى دَاكْ الشِي خْرَجْ لْعَنْدْهُمْ بِيلاَطُسْ وْ سَقءَاهُمْ وْڤََالْ: «بَاشْ رَاكُمْ تَتَهْمُوا هَادْ الرَاجَلْ؟». 30 وْ جَاوْ بُوهْ وْڤََالُوا: « لُكَانْ مَدَارْ وَالُوا رَانَا ڤََاعْ مَنْجِيبُوشْ لَكْ». 31 و يڤََولْهُمْ بِيلاَطُسْ: «دُوهْ نْتُومَا وْ حَكْمُوا عْلِيهْ عْلَى حْسَابْ شَرْعْ تَاعْكُمْ». ڤََالُولَهْ لِهُودْ: «مَعَنْدْنَاشْ الْحَقْ نَكَتْلُوا شِي وَاحَدْ ». 32 صْرَا هَادْ الشِي بَاهْ يَتْحَقَقْ كْلاَمْ يَسُوعْ لِڤََالَهْ وْ بَيَنْ بِيهْ لَنَّاسْ كِيفَاشْ غَادِي يْمُوتْ. 33 دْخَلْ بِيلاَطُسْ مَرَة خْرَا لَقْصَرْ تَاعَهْ وْ عَيَطْ لْيَسُوعْ وْ سَقْسَاهْ: «أَنْتَ هُوَ مَلِكْ لِهُودْ ؟». 34 وْ جَاوْبَهْ يَسُوعْ: «رَاكْ تْڤََُولْ هَادْ الشِي مَنْ عَنْدَكْ وْلاَ لَخْرِينْ هُمَا لِڤََالُولَهْ عْلِيَا ؟». 35 وْيْرُدْ عْلِيهْ بْلاَطُسْ: «عْلاَشْ أَنَا يَهُودِي؟ الشَعْبْ لِنْتَ مَنَهْ وْ رُؤَسَاءْ رْجَالْ الدِينْ هُمَا لِجَابُوكْ لِيَا، ڤََُولِي وَاشْ دَرْتْ؟». 36 جَاوْبَهْ يَسُوعْ: «الْمَمْلَكَة تَاعِي مَاشِي مَنْ هَادْ الدَنْيَا، لُكَانْ كَانَتْ الْمَمْلَكَة تَاعِي مَنْ هَادْ الدَنْيَا، لُكَانْ هَادْ النَّاسْ لِمْعَايَا غَادِي يْدِيرُوا جَهْدْهُمْ بَاشْ مَيْخَلُونِيشْ نْطِيحْ فِي يَدْ لِهُودْ، بَصَّحْ الْمَمْلَكَة تَاعِي مَاشي مَنْ هْنَا». 37 يْڤََولَهْ بِيلاَطُسْ: «عْلَى حْسَابْ هَادْ الْهَدْرَة نْتَ مَالَكْ؟». جَاوْبَهْ يَسُوعْ: «نْتَ لِڤََولْتْ لِي بَلِّي أَنَا مَالَكْ عْلَى هَادْ الشِي تَوْلَدْتْ وْ عْلَى هَادْ الشْي جِيتْ لَدَنْيَا بَاشْ نَشْهَدْ لَلْحَقْ، وْڤََاعْ لِيَبْغِي الْحَقْ يَسْمَعْ صُوتِي». 38 ڤََالَهْ بِيلاَطُسْ : «وَاشْ هُوَ هَادْ الْحَقْ ؟»، كِڤََالْ هَادْ الشِي، عَاوَدْ خْرَجْ عَنْدْ لِهُودْ وْڤََالْهُمْ : «أَنا رَانِي مَالْڤََِيتْ حَتَّى تُهْمَة عْلَى هَادْ الرَّجَلْ. 39 بَصَّحْ عْلَى حْسَابْ الْعَادَة تَاعْكُمْ نَطْلَڤََلْكُمْ فعِيدْ الْفِصْحْ وَاحَدْ مَالْمْحَبْسِيَة، شْكُونْ تَبْغُوا نْطَلَڤََ لْكُمْ مَلِكْ لِهُودْ ؟». 40 وْهُمَا ڤََاعْ يْزَڤََوا وْيْڤََولُولَهْ: «مَاشِي هَادَ، بَصَّحْ بَارَابَاسْ!». وْ كَانْ بَارَابَاسْ خَايَنْ .
1 وْ مَمْبَعْدْ دَّا بِيلاَطُسْ يَسُوعْ وْ ضَرْبَهْ. 2 وْ ضَفْرُ الْعَسْكَرْ تَاجْ تَاعْ الشُوكْ وْ حَطُوهْ عْلَى رَاسَهْ، وْ لَبْسُوهْ لْبَاسْ أُرْجُوانِي. 3 وْ بْدَوْ يْڤََرْبُوا عَنْدَهْ وْ يْڤََُولِولَهْ: «سْلاَمْ عْلِيكْ يَا مَلِكْ الْيَهُودْ!»، ويْصَفْعُوهْ. 4 وْ خْرَجْ بِيلاَطُسْ مَرَة وَاحَدْ خْرَ وْ ڤََالَهُمْ: «هَارَانِي غَادِي نْخَرْجَهْ لْكُمْ بَاشْ تَعَرْفُوا بَلِّي مَلْقِيتْ عْلِيهْ حَتَّى تُهْمَة ». 5 خْرَجْ يَسُوعْ بَرَا وْ عْلَى رَاسَهْ تَاجْ تَاعْ الشُوكْ وْ لَبَسْ لْبَاسْ أَرْجُوانِي وْ ڤََالبْهُمْ بِيلاَطُسْ: «هَاهُوَ هَاَدْ الرَجَلْ ؟». 6 كْيشَافُهْ رُؤَسَاءْ رْجَالْ الدِينْ زَڤََوا وْ ڤََالُوا: «صَلْبَهْ !صَلْبَهْ!»، رَدْ عْلِيهُمْ بِيلاَطُسْ: « دُوهْ نْتُومَا وْ صَلْبُهْ عْلَى خَاطَرْ أَنَيَا مَالْقِيتْ عْلِيهْ حَتّى تُهْمَة». 7 ووْجَاوْبُوه لِيهُودْ: «عَدْنَا الْشَّرِيعَة وَ عْلَى حْسَابْهَا خَصَّهْ يْمُوتْ، عْلَى خَاطَرْ رَدْ رُوحَهْ ابْنْ اَّْلله». 8 وْ كِي سْمَعْ بِيلَاطُسْ هَادْ الْهَدْرَة، زَادْ خَافْ. 9 وْ عَوَدْ دْخَلْ مَنْ قْصَرْ تَاعَهْ وْ سَقْسَى يَسُوعْ: «مْنِينْ أَنْتَ؟». بَصَّحْ يَسُوعْ مَاعْطَاهْ حَتَّى جْوَابْ. 10 وْ ڤَالَّهْ بِيلَاطُسْ: «وَاشْ مَغَادِيشْ تَهْدَرْ مْعَايَا؟ مَتَعْرَفْشْ بَلِّي عَنْدِي الْسُّلْطَة بَاشْ نَطَّلْڤَكْ وَ لَّا بَاشْ نَصَّلْبُكْ؟». 11 جَاوْبَهْ يَسُوعْ: «مَعَنْدَكْ حَتَّى سُلْطَة عْلِيَا مَنْ غِيرْ الِّي نَعْطَتْلَكْ مَنْ لْفُوڤ، عْلَى خَاطَرْ هَدَاكْ الِّي سَلَّمْنِي لِيكْ ذَنْبَهْ كْبِيرْ». 12 مَنْ هَدَاكْ الْوَقْ وْبِيلَأطُسْ بْغَ يَطْلَڤْ، يَسُوعْ بَصَّحْ لِيهُودْ كَانُوا يْزَڤُّوا وَ يْڤُولُوا: « إِلَا طْلَڤْتْ هَادْ الْرَّاجَلْ غَادِي نْكُونُوا ضَدْ قَيْصَرْ. عْلَى خَاطَرْ ڤَاعْ الِّي يْرُدْ رُحَهْ مَلِكْ رَاهْ ضِدْ قَيْصَرْ!». 13 كِي سْمَعْ بِيلَاطُسْ هَادْ الْهَدْرَة أْمَرْ بَاشْ يْخَرْجُوا يَسُوعْ ، وْ جَمَّعْ عْلَى الْكُرْسِي تَاعْ الْحُكْمْ فْوَحْدْ الْمَوْضَعْ الِّي يْڤُولُولَهْ « الْبَلَاطُ» وْ بَالعِبْرِيَة الْجَبَاثَا. 14 دَاكْ الْنْهَارْ كَانُوا يْوَجْدُوا لْعِيدْ الْفِصْحْ، وْ كَانَتْ الْسَّاعَة ڤْرِيبَة الْطْنَاعَشْ، وْ ڤَالْ لْيَهُودَا: «هَاهُوَ الْمَلِكْ الْتَّاعْكُمْ!». 15 وْ هُمَا يْزَڤُّوا: «أَدِّيهْ! أَدِّيهْ! أَصَّلْبَهْ!»، سَقْسَاهُمْ بِيلَاطُسْ: «غَادِي نَصْلُبْ الْمَلِكْ الْتَّاعْكُمْ؟"، وْ جَاوْبُوهْ رُؤَسَاءْ رْجَالْ الْدِّينْ: «مَعَدْنَا حَتَّى مَلِكْ مَنْ غِيرْ قَيْصَرْ!». 16 وْ فْدِيكْ الْسَّاعَة عْطَاهَلْهُمْ بِيلَاطُسْ بَاشْ يَصَّلْبُوهْ وْشَدُّوه الْعَسْكَرْ وَ دَّاوَهْ. 17 وَ خْرَجْ وْ هُوَ رَافَدْ الْصَّلِيبْ الْتَّاعَهْ لَلْمَوْضَعْ الِّي يْسَمُّوهْ «الْجُمْجُمَة» وْيْسَمُّوهْ بَالْعِبْرِيَة «الْجُلْجُثَة». 18 وْ تَمَّا صَلْبُوهْ، وْ صَلْبُوا مْعَاهْ زُوجْ وَحْدُخْرِينْ وَاحَدْ مَنْ الَّيْمِينْ وْ وَاحَدْ عْلَى لَيْسَارْ، وْ يَسُوعْ فَالْوَسْطْ. 19 وَ كْتَبْ بِيلَاطُسْ وَحَدْ الْلُّوحَة وَأْمَرْ بَاشْ تَتْعَلَّڤْ، وْ كَانْ مَكْتُوبْ فِيهَا: «يَسُوعْ الْنَّاصِيِري مَلِكْ لِيهُودْ». 20 وْ بَزَّافْ مَنْ الِّيهُودْ قْرَاوْ هَادْ الْلُّوحَة، عْلَلى خَاطَرْ الْمَوْضَعْ الِّي تَصْلَبْ فِيهَا يَسُوعْ كَانْ ڤْرِيبْ مَنْ الْمْدِينَة وْ كَانَتْ مَكْتُوبَة بْالْلُّغَة الْعِبْرِيَة وَ الْيُونِيَة وَ الْلَّاتِنِيَة. 21 و ڤَالُوا رُؤَسَاءْ رْجَالْ الْدِّينْ تَاعْ لِيهُودْ لْبِيلَاطُسْ: «مَتَكْتَبْشْ: مَلِكْ لِيهُودْ بَصَّحْ كْتَبْ: هَادْ الْرَّاجَلْ ڤَالْ: أَنَا مَلِكْ لِيهُودْ!». 22 وْ جَاوَبْهُمْ بِيلَاطُسْ: «الِّي كْتَبْتَهْ رَانِي كْتَبْتَهْ». 23 وْ مَنْ بَعْدْ كِي صَلْبُوا الْعَسْكَرْ يَسُوعْ، شَدُّوا حْوَايْجَهْ وْ ڤَسْمُوهُمْ عْلَى رَبْعْ طْرَافْ مْكُلْ وَحَدْ الْدَّى طَرْفْ، وَدَّاوْ الْقَمِيصْ تَانِي مَشِّي مخَيَّطْ. 24 وَيْڤُولُوا لْبَعْدِيَاتْهُمْ: «مَتْڤَطْعُوهْشْ، بَصَّحْ نْدِيرُوا عْلِيهْ الْقُرْعَة لَمَّنْ يْكُونْ»، بَاشْ يَتْحَقَّقْ كْتَابْ اَّْلله الِّي ڤَالْ: «تْڤَاسْمُوا حْوَيْجِي مْعَ بَعْضِيَاتْهُمْ، وَ عْلَى لَبْسَتِّي دِيرُوا الْقُرْعَة»، وْهَدَا مَادَارَه الْعَسْكَرْ. 25 وْالِّي كَانُوا وَاڤْفِينْ حْدَى صَلِيبْ يَسُوعْ هُمَا، أُمَّه، و خَالْتَهْ، وْ مَرْيَمْ مَرْتْ كِلُوبَا، وْ مَرْيَمْ الْمَجْدَلِيَة. 26 وْ كِي شَافْ يَسُوعْ أُمَّهْ، و الْتَّلْمِيدْ الِّي يَبْغِيهْ وَاڤَفْ، حْدَاهَا ڤَالْ لَمَّهْ: «يَامْرَى، هَاهُوَ وَلْدَكْ». 27 وْ مَنْ بَعْدَ ڤَالْ لَتَّلْمِيدْ تَاعَهْ : «هَاهِيَ مُّكْ». وْفْدِيكْ الْسَّاعَة الْدَّاهَا الْتَّلْمِيدْ مْعَاهْ لْدَارَهْ. 28 وْ مَنْ بْعْدْ هَادْ الْشِّي شَافْ يَسُوعْ بَلِّي كُلْشِي كْمَلْ بَاشْ يَتْحَقَّقْ الِّي تْڤَالْ فِي كْتَابْ اَّْلله: «أَنَا عَطْشَانْ». 29 وْ كَانْ مَحْطُوطْ وَحْدْ الْغُرَّافْ مْعَمَّرْ بَالْخَلْ وْ هُمَا كَبُّوهْ فِي طَرْفْ كَتَّانْ وْ حَطُّوهْ عْلَى عَشْبَتْ الْزُّوفَةْ وْ ڤَرْبُوهْ الْفُمَّهْ. 30 وْكِي دَاقْ يَسُوعْ الْخَلْ وْ ڤَالْ: «كُلْشِي كْمَلْ»، حَطْ رَاسَهْ وْ مَاتْ. 31 و كَانْ هَدَاكْ هُوَ الْنْهَارْ الِّي كَنُوا يْوَجْدُوا فِيه لِيهُودْ لَسَبْت، عْلَى هَدَاكْ الْشِّي مْيْلِيقْشْ الْدَّاتْ الْتَّاعْهُمْ يَڤْعُدْ مْعَلَّڤْ عْلَى الْصَّلِيبْ عْلَى خَاطَرْ الْسَبْتْ هُوَ نْهَارْ كْبِيرْ عَنْدْهُمْ، طَلْبُوا مَنْ بِيلَاطُسْ بَاشْ يَڤْرَدَّلْهُمْ كَرْعِيهُمْ وَ يْهَوَّدْ دَاتْهُمْ. 32 وْ جَاوْ الْعَسْكَرْ وْ ڤَرْدُوا كْرْعِينْ الْلَّوَلْ مَنْ بْعَدْ الْزَّاوَجْ الِّي كَانُوا مَصْلُوبِينْ مْعَاه. 33 وْ بَصَّحْ يَسُوعْ كْي جَاوْ يَڤَّرْدُوا كَرْعِيهْ، لْقَاوَهْ مَاتْ. 34 وْ وَاحَدْ مَنْ هَادُوكْ الْعَسْكَرْ تْقَبْ جَنْبْ يَسُوعْ بَالْحْرْبَة وْ فِدِيكْ الْسَّاعَة خْرَجْ مَنَّه دَمْ وَ الْمَا. 35 وْ هَادَاكْ الِّي شَافْ هَادْ الْشِّي شْهَدْ بِيهْ، وَ شْهَادْتَه صْحِيحَة، وْ هُوَ مَتْيَقَّنْ بَلِّي يْڤُولْ الْحَقْ، بَاشْ تْآمْنُوا حَتَّى نْتُومَا. 36 صْرَا هَادْ الْشِّي بَاشْ يَتْحَقَّقْ لَكْلَامْ الِّي فؤي كْتَابْ اَّْلله الِّي يْڤُولْ: «حَتَّى عْظَمْ مَيَنْڤْرَدْ مَنَّه». 37 وْ آيَة وَحْدُخْرَى فِي كْلَامْ اَّْلله الِّي تْڤُولْ: «غَادِي يْشُوفُوا فِي هَدَاكْ الِّي تَقْبُولَهْ جَنْبَهْ». 38 وْ مَنْ بَعْدْ هَادْ الْشِّي جَا يُوسَفْ الِّي مَنْ الْرَّامَة، الِّي كَانْ تَلْمِيدْ تَاعْ يَسُوعْ، مَشِّي مَعْرُوفْ عْلَى خَاطَرْ كَانْ يْخَافْ مَنْ لِيهُودْ، وَطْلَبْ مَنْ بِيلَاطُسْ بَاشْ يَدِّي الْدَّاتْ تَاعْ يَسُوعْ، قْبَلْ بِيلاَطُسْ، وْ جَا يُوسَفْ وَ دَّا الْجَسَدْ تَاعْ يَسُوعْ. 39 وْ جَا تَانِي نِيقُودِيمُوسُ، الِّي كَانْ جَا مَنْ قْبَلْ عَنْدَهْ يَسُوعْ فَلِّيلْ، وْجَابْ مْعَاهْ وَحْدْ تْلَاتِينْ كِيلُوا مَسْكْ حُرْ مْخَلَّطْ بَالْعُودْ. 40 وَ دَّاوْ الْدَّاتْ تَاعْ يَسُوعْ وْدَارُوهْ فَالْكْفَنْ وْ حَنْطُوهْ كِيمَا كَانَتْ الْعَادَة عَنْدْ لِيهُودْ. 41 وَ الْمَوْضَعْ الِّي تَصْلَبْ فِيهْ يَسُوعْ وَحْدْ الْجْنَانْ فيهْ قْبَرْ جِدِيدْ حَتَّى وَاحَدْ مَتَّدْفَنْ فِيه. 42 دَارُوا يَسُوعْ فِي هَادْ لَقْبَرْ عْلَى خَاطَرْ ڤْرِيبْ، وْتَانِي عْلَى خَاطَرْ فْدَاكْ الْنهَارْ لِيهُودْ كَانُوا يْوَجْدُوا لَسَبْت.
1 فَنْهَارْ الْحَدْ صْبَاحْ بَكْرِي جَاتْ مَرْيَمْ الْمَجْدَلِيَة لَلْقْبَرْ وْ كَانْ مَزَالْ الْظَّلْمَ وْشَافَتْ حَجْرَة مَڤْلُوعَة مَنْ بَابْ الْقْبَرْ. 2 رَاحَتْ تَجْرِي عَنْدْ سَمْعَانْ بُطْرُسْ و الْتَّلْمِيدْ لَاخُرْ الِّي كَانْ يَبْغِيهْ يَسُوعْ، وْ ڤَاتَّلْهُمْ: « رَّاهْ دَّاوْ الْدَّاتْ تَاعْ الْرَّبْ يَسُوعْ مَنْ الْقْبَرْ وْ مَعْرَفْنَاشْ وِينْ دَارُوهْ!». 3 وَ خْرَجْ بُطْرُسْ وَ الْتَّلْمِيدْ لَاخُرْ وَرَاحُوا لَلْقْبَرْ. 4 وْ كَانُوا فِي زُوجْ يَجْرُوا بَصَّحْ الْتَّلْمِيدْ لَاخُرْ سْبَڤْ لَلْقْبَرْ. 5 وْ هَوَّدْ وْبَانْلَهْ لَكْفَنْ مَحْطُوطْ فَالْلَّرْضْ بَصَّحْ مَدْخَلْشْ. 6 وَلْحَڤْ عْلِيهْ سَمْعَانْ بُطْرُسْ، وَ دْخَلْ لَلْقْبَرْ وْ شَافْ لَكْفَنْ مَحْطُوطْ فَالَّرْضْ. 7 وَ الْمَنْدِيلْ الِّي كَانْ عْلَى رَاسْ يَسُوعْ مَكَانْشْ مَحْطُوطْ مْعَ لَكْفَنْ، بَصَّحْ كَانْ مَتْلَمْ فِي بْلَاصَة وَحْدُخْرَى وَحْدَه. 8 فْدِيكْ الْسَّاعَة دْخَلْ لتَّلْمِيدْ لَاخُرْ الِّي وْصَلْ هُوَ الَّوَلْ لَلْقْبَرْ، شَافْ وْ آمَنْ. 9 عْلَى خَاطَرْ مَكَانُوشْ فَاهْمِينْ الْكْلَامْ الِّي فِي كْتَابْ اَّْلله الِّي يْڤُولْ الْمَسِيحْ خَاصَّهْ يْقُومْ مَنْ الْمُوتْ. 10 وْ رَاحُوا تْلَامَدْ فؤي زُوجْ فِي طْرِيڤْهُمْ. 11 بَصَّحْ مَرْيَمْ الْمَجْدَلِيَةْ ڤَعْدَتْ وَاڤْفَ حْدَى لَقْبَرْ بَرَّا تَبْكِي وْ كؤي كَانَتْ تَبْكؤي طَلَّتْ عْلَى لَقْبَرْ. 12 تْشُوفْ زُوجْ مَلَايْكَ لَابْسِينْ حْوَيَجْ بُيْدِينْ ڤَاعْدِينْ وِينْ كَانْ كَايَنْ الْدَّاتْ تَاعْ يَسوعْ مَحْطُوطْ، وَاحَدْ حْدَا الْرَّاسْ وْ لَاخُرْ حْدَى الْرَّجْلِينْ. 13 وْ هُمَا يڤُولُولْهَا: «يَامْرَى ، عْلَاشْ رَكِي تَبْكِي؟». وْ ڤَاتَلْهُمْ: «رَهُمْ الْدَّاوْ سِيدِي، وْ مَعْلَبَالِيشْ وِينْ دَارُوهْ». 14 كِي ڤَاتَلْهُمْ هَادْ الْشِّي، دَارَتْ مُورَهَا وْ شَافَتْ يَسُوعْ وَاڤَفْ. وْ مَعَرْفَاتَهْشْ بَلِّي هُوَ. 15 وْ سَقْسَاهَا: «عْلَاشْ رَاكؤي تَبْكِي؟ وْعْلَامَنْ رَاكؤي تْحَوْسِي؟»، حَسْبَاتَهْ الْجْنَايْنؤي وْ جَاوْبَتَهْ: «يَاسِيدِي، إِلَا كُنْتْ الْنْتَا الِّي رْفَدْتَاه غِيرْ ڤولِلي وؤينْ دَرْتَهْ، وْ أَنَا نَدِّيهْ». 16 وْڤَالْهَا يَسُوعْ: «يَامَرْيَمْ». وْ دَارَتْ وْ ڤَاتْلَهْ بَالْعرِبْرِيَة: «رَبُّونِي!» الِّي مَعْنَاهَا الْمْعَلَّمْ. 17 وْڤَلْهَا يَسُوعْ: «مَتْمَسِّينِيشْ عْلَى خَاطَرْ مَزَالْ مَطْلَعْتْشْ عَنْدْ الْآبْ بَصَّحْ رُوحؤي عَنْدْ خُوتؤي رَانِي غَادؤي نَطْلَعْ عَنْدْ بُويَا وْ بُوكُمْ وْ إِلَاهِي وْ إِلَاهْكُمْ». 18 وْ رَاحَتْ مَرْيَمْ لْمَجْدَلِيَة وْخَبْرَتْ الْتْلَامَدْ وْ ڤَاتَلْهُمْ: «رَانِي شَفْتَ الْرَّبْ»، وْعَاوْدَتَلْهُمْ ڤَاعْ دَاكْ الْشِّي الِّي ڤَالَهَلْهَا يَسُوعْ. 19 وْ فَالْعْشِيَةْ تَاعْ نْهَارْ الْحَدْ، الِّي هُوَ لَّوَلْ تَاعْ الْسِّيمَانَة كَانُوا الْتْلَامَدْ مَتْلَايْمِينْ فْوَحْدْ لَبْلاصَة وْ مْبَلْعِينْ الْبِيبَانْ عْلَى خَاطَرْ كَانُوا خَايْفِينْ مَنْ لؤيهُودْ، وَجَا يَسُوعْ وْڤَفْ فِي وَسْطْهُمْ وْ ڤَالْ: «سْلَامْ عْلِيكُمْ!». 20 كِي ڤَالْهُمْ هَادْ الْشِّي وَرَّالْهُمْ يَدِّيهْ وْ جَنْبَهْ، وْ فَرْحُوا الْتْلَامَدْ كِي شَافُوا الْرَّبْ. 21 وَ يْڤُولْهُمْ تَانِي يَسُوعْ: «سْلَامْ عْلِيكُمْ! كِيمَا رْسَلْنؤي الْآبْ نَرْسَلْكُمْ حَتَّى أَنَا». 22 كِي ڤَالْ هَادْ الْشِّي نْفَخْ فِيهُمْ وْ ڤَالْهُمْ: «قَّبْلُوا الْرُوحْ الْقُدُسْ. 23 الِّي غْفَرْتُولَهْ دْنُوبَهْ غَادِي يَتَّغْفَرْلَهْ وَ الِّي مَغْفَرْتُولَهْشْ مَغَادِيشْ يَتَّغْفَرْلَهْ». 24 بَصَّحْ تُومَا، وَاحَدْ مَنْ الْتْلَامَدْ الْطْنَاعَشْ، الِّي يْسَمُّوهْ الْتْوَامْ، مَكَانْشْ مْعَاهُمْ كي جَا يَسُوعْ. 25 وْڤَالُولَهْ الْتْلَامَدْ لُخْرِينْ: «رَاهْ شَفْنَا الْرَّبْ يَسُوعْ!» وْ جَاوَبْهُمْ: «إِلَا مَشَفْتْشْ فِي يَدِّيه الَْأثَرْ تَاعْ الْمْسَامَرْ، وْ حَطِّيتْ صُبْعِي فِيه وْ حَطِّيتْ يَدِّي فْجَنْبَهْ، مَغَادِيشْ نْآمَنْ». 26 وْمَنْ بَعْدَ تَمْنِيَامْ كَانُوا تْلَامَدْ يَسُوعْ مَلْمُومِينْ مَرذَة وَحْدُخْرَا وْ كَانْ مْعَأهُمْ تُومَا وْ كَانُوا الْبِيبَانْ مْبَلْعِينْ وْ جَا يَسُوعْ وْڤَفْ فَالْوَسْطْ وْڤَالْهُمْ: «سْلَامْ عْلِيكُمْ!». 27 وْ مَنْ بَعْدْ ڤَالْ لْتُومَا: «جِيبْ صُبْعُكْ هْنَا وْ شُوفْ يَدِّي، وْ أَرَى يَدَّكْ وْ حَطْهَا عْلَى جْنْبِي وْ مَتْشُكْشْ وْ بَصَّحْ كُونْ مُومَنْ». 28 وْجَاوبَهْ تُومَا وْ ڤَالَّهْ: «رَبِّي وْ إلَاهِي!». 29 وَ يْڤُولَّهْ يَسُوعْ: «عْلَى خَاطَرْ شَفْتْني آمَنْتَ! سَعْدَاتْ الِّي آمَنُوا بْلَى مَايْشُفُوا». 30 وْدَارْ يَسُوعْ بَزَّافْ الْمُعْجِزَاتْ، وَحْدُخْرِينْ ڤُدَّامْ تْلَامْدَهْ مَتَكَّتْبُوشْ فْهَأدْ لَكْتَابْ. 31 بَصَّحْ هَادْ لَكْلَامْ تَكْتَبْ بَاشْ تْآمْنُوا بَلِّي يَسُوعْ هُوَ الْمَسِيحْ ابْنْ اَّْلله، وْإِلَا آمَنْتُوا تْكُونْ عَنْدْكُمْ حْيَاة فَالْإِسْمْ الْتَّاعَه.
1 وْ مَنْ بَعْدْ هَادْ الْشِّي بَيَّنْ يَسُوعْ رُوحَهْ لَلْتْلَامَدْ حْدَى بْحَرْ طَبَرِيَّة. وْبَانْ هَاكَا: 2 كَانْ سَمْعَانْ بُطْرُسْ، وْ تُومَا الِّي سَمُّوهْ تَوْأَمْ، وْ نَتَانَائِيلْ الِّي مَنْ قَانَا الِّي فَالْجَلِيلْ، وْلَادْ زَبَدِي، وْ زُوجْ وَحْدُخْرِينْ الِّي مَنْ تْلَامَدَهْ مَتْلَايْمِينْ ڤَاعْ مْعَ بَعْدِيَاتْهُمْ. 3 وَيْڤُولْهُمْ سَمْعَانْ بُطْرُسْ: «أَنَا غَادِي نْرُوحْ نْصَيَّدْ»، وْڤَالُولَهْ: «حَتّى حْنَا نْرُوحُوا مْعَاكْ»، خَرْجُوا وْ رَكْبُوا فَألْفْلُوكَة دِيكْ السَّاعَة، وْ فْدِيكْ الْلِّيلَة مَصَيْدُوا وَالُوا. 4 وْ كِي صْبَحْ الْحَالْ، وْڤَفْ يَسُوعْ عَنْدْ شَطْ لَبْحَرْ. بَصَّحْ مَعَّرْفُوهْشْ هُوْ يَسُوعْ. ڤَالْهُمْ يَسُوعْ: «يَا دْرَارِي وَاشْ عَنْدْكُمْ الْحُوتْ؟». جَاوْبُوهْ: «أَلَّا». 5 وْ ڤَالْهُمْ: «قِيسًوا الْشَّبْكَة تَاعْكُمْ حْدَى لَفْلُوكَة عْلَى لَيْمِينْ وْ غَادِي تَلْقَاوْ». 6 كِي قَاسُوهَا، مَنَجْمُوشْ يْجَرُّوهَا مَنْ كَتْرَتْ الْحُوتْ الِّي فِيهَا. 7 وڤَالْ الْتَّلْميدْ الِّي كَانْ يَسُوعْ يَبْغِيهْ الْبُطْرُسْ: «رَاهْ هَادَا هُوَ الْرَّبْ!»، وْ كِي سْمَعْ سَمْعَانْ بُطْرُسْ بَلِّي هُوَ الْرَّبْ لَبَسْ حْوَايْجَهْ، عْلَى خَاطَرْ كَانْ عَرْيَانْ، وْ قَاسْ رُوحَهْ فَالْبْحَرْ. 8 بَصَّحْ الْتْلَامَدْ لُخْرِينْ جَاوْ فَالْفْلُوكَا وْ هُمَا يْجَرُّوا فَالْشَّبْكَة تَعْ الْحُوتْ عْلَلى خَاطَرْ كَانُوا بْعَادْ عْلَى الْشَّطْ بَمِيَّة مِتْرَا. 9 وْ كِي خَرْجُوا لَلَْبَرْ شَافُوا الْخُبْزْ وَ الْجْمَرْ مَحْطُوطْ عْلِيهْ الْحُوتْ. 10 ڤَالْهُمْ يَسُوعْ: «جِيبُوا شْوِيَا مَ،ْ دَاكْ الْحُوتْ الِّي صَيَّتُوهْ دَرْوَكْ». 11 طَلَعْ سَمْعَانْ بُطْرُسْ لَلْفْلُوكَة وْ جَرْ الْشَّبْكَةْ لَشَّطْ ، وْهِيَ مْعَمْرَة بْالمْيَة وْ تَلَاتَ وْ خَمْسِينْ، حُوتَة مَنْ الْحُوتْ لَكْبِيرْ، وْ ڤَاعْ هَاكَ مَتْڤَطْعَتْشْ الْشَّبْكَة. 12 ڤَالْهُمْ يَسُوعْ: « أَرْوَاحُوا تَاكْلُوا!» وْ حَتَى وَاحَدْ مَنْ الْتْلَامَدْ مَنَجَّمْ يْسَقْسِيهْ شْكُونْ أَنْتَ عْلَى خَاطَرْ كَانُوا عَارْفِينَهْ هُوَ الْرَّبْ. 13 وْ مَنْ بَعْدْ ڤَرَّبْ يَسوعْ وَرْفَدْ الْخُبْزْ وَ عْطَاهُمْوْ زَادَلْهُمْ حَتَّى الْحُوتْ. 14 وْ هَدِي هْيَ الْمَرَّة الْتَّالْتَة الِّي بَانْ فِيهَا يَسُوعْ لَتْلَامَدَه مَنْ بَعْدْ مَا قَامْ مَنْ الأَمْوَاتْ. 15 وْ مَنْ بَعْدْ مَاكْلَاوْ ڤَالْ يَسُوعْ لْسَمْعَانْ بُطْرُسْ: « يَاسَمْعَانْ وَلْدْ يثوحَنَّا وَاشْ تْبْغِينِي كْتَرْ مَنْ هَادُوا؟». وْ جَاوْبَهْ وْ ڤَالَّهْ: «وَاهْ يَارَبْ، أَنْتَ تَعْرَفْ بَلِّي نَبْغِيكْ». وْڤَالَّهْ: «نْوَكْلَكْ عْلَى الْخَرْفَانْ تَاعِي». 16 وْ عَاوَدْ ڤَالَّهْ مَرَّة وَحْدُحْرَى: «يَا سَمْعَانْ وَلْدْ يُوحَنَّا، وَاشْ تَبْغِينِي؟». ڤَالَّه: «وَاهْ، يَارَبْ أنْتَ تَعْرَفْ بَلِّي نَبْغِيكْ». وْ هُوَ يْڤُولَّهْ: «رَدْبَالَكْ عْلَى الْخَرْفَانْ تَاعِي». 17 وْعَاوَدْ ڤَالَّهْ لَلْمَرَّة الْتَّالْتَة: « يَاسَمْعَانْ وَلْدْ يُوحَنَّا إِلَا تَبْغِينِي؟». زْعَفْ بُطْرُسْ عْلَى خَاطَرْ هَادِي الْمَرَّة الْتَّالْتَ الِّي يَسُوعْ يْڤُولَهْ: «إِلَا تَبْغِينِي؟». وْ جَاوْبَهْ بُطْرُسْ وْ ڤَالَّهْ: «أَنْتَ يَا رَبْ تَعْرَفْ كُلْشِي وَ أَنْتَ تَعْرَفْ بَلِّي نَبْغِيكْ». وَ يْڤُولَّهْ يَسُوعْ: «تْهَلّا فَالْخَرْفَانْ تَاوْعِي. 18 وَ نْڤُولَّكْ الْحَقْ: كِي كُنْتْ مَزَالْ صْغِيرْ كُنْتْ قَادَرْ تَتْحَزَّمْ وَتْرُوحْ وؤينْ مَا بْغِيتْ بَصَّحْ كِي تْشؤيحْ غَادِي تْمَدْ يَدَّكْ وْ غَادِي يْجي وَحْدَاخُرْ يْحَزْمَكْ وِينْ مَابْغِيتْشْ تْرُوحْ». 19 ڤالَّهْ يَسُوعْ هَادْ الْشِّي بَاشْ يَبَيَّنْ كِيفَاشْ غَادِي يْمُوتْ بُطْرُسْ، وْ هَاكَا غَأدِي يَعْطِي الْمَجْدْ لََّله . وْ كِي ڤَلَّهْ هَادْ الْهَدْرَة ڤَالَّهْ: «تَبَّعْنِي». 20 دَارْ بُطْرُسْ وْ شَافْ الْتَّلْمِيدْ الِّي يَبْغِيهْ يَسُوعْ تَبَّعْهُمْ، وْهُوَ كِي كَانْ مَتَّكِي عْلَى صْدَرْ يَسُوعْ وَقْ لَعْشَى ڤَالَّهْ: «شْكُونْ يَ سِيدِي غَادِي يْسَلْمَكْ؟». 21 كِيشَفَهْ بُطْرُسْ، ڤَالْ لْيَسُوعْ:" «يَارَّبْ وهَذَا شَاغَادِي يَسْرَالَهْ؟». 22 ڤَالَّهْ يَسُوعْ: «وْ إِلَا بْغِيتَهْ يَبْقَى حَتَّى يْوَلِّي، وَاشْ رَاحْلَكْ أَنْتَ؟ غِيرْ تَبَّعْنِي!». 23 وْ خْرَجْ لَخْبَرْ بِينْ الْخُوتْ بَلِّي هَدَاكْ الْتَّلْمِيدْ مَغَادِيشْ يْمُوتْ بَصَّحْ يَسُوعْ مَڤَالْشْ لْبُطْرُسْ بَلِّي هَدْاكْ الْتَلْمِيدْ يْمُوتْ. بَصَّحْ ڤَالْ: «إِلَا بْغِيتَهْ يَبْقَى حَتَّى يْوَلِّي، وَاشْ رَاحْلَكْ أَنْتَ؟». 24 وْهَادْ الْتَّلْمِيدْ هُوَ الِّي شْهَدْ بْهَادْ الُْأمُورْ وْ هُوَ الِّي كْتَبْهَا، وَ حْنَا نَعَّرْفُوا بَلأِّي الْشْهَادَة تَاعَه صْحِيحَة. 25 وَ كَايَنْ بَزَّافْ مَنْ الُْأمُورْ وَحْدُخْرَ دَرْهَا يَسُوعْ لُوكَانْ تْكَتْبَتْ وَحْدَة بْوَحْدَة، مَنْضُنْشْ بَلِّي الْدَّنْيَا غَادِي تْقَدْ لَلْكْتُبْ الِّي نْتَكَّتْبُوا عْلِيهَا. آمِين.
1 لَكْلاَمْ لَوَلْ لِي كْتَبْتَهْ يَا ثَاوْفِيلُسْ، عْلَى ڤَاعْ اللِّي كَانْ يْدِيرَهْ يَسُوعْ وُيْعَلْمَّهْ، 2 حَتَى الْيُومْ الَلِّى تَرْفَعْ فِيهْ، مَمْبَعْدْ مَا وَصَّى بَالْرُوحْ القُدْسْ الْرُسُلْ الَلِّى خْتَارْهُمْ. 3 الَلِّى وَرَّالْهُمْ رُوحَهْ حَيْ بَالْبَرَاهِينْ، هُوَ كَانْ يْوَرِّلْهُمْ رُوحَهْ رَبْعِينْ يُومْ، ويْكَلَّمْهُمْ عْلَى صْوَالَحْ تَاعْ مَلَكُوتْ الله. 4 وْكِكَانْ مْجَمَّعْ مْعَاهُمْ وَصَّاهُمْ بَاشْ مَا يَخَرْجُوشْ مَنْ أُرْشَلِيمْ، بَصَّحْ يْقَارْعُوا "الْوَعْدْ الَلِّى سْمَعْتُوهْ مَنِّي، 5 عْلَى خَاطَرْ يُوحَنَّا غَطَّسْ بَالْمَا، بَصَّحْ نْتُمَ تَتْغَطْسُوا بَالْرُوحْ الْقُدُسْ، مَا بْقَاشْ بَزَّافْ بَاشْ يَصْرَى هَادْ الْشِّيْ" 6 هُمَا كَانُوا مَجْتَامْعِينْ سَقْسَاوَهْ ڤَالُوُا: "يَارَّبْ، إِلَى فِي هَادْ الْوَقْتْ تْرُدْ الْمُلْكْ لْإِسْرَائِيلْ؟". 7 وْڤَالْ لْهُمْ: "مَا تَقَدْرُوشْ تَعَرْفُوا لَوْقَاتْ الَلِّى خْتَرْهَا الله فْسُلْطَانَهْ، 8 رَايْحِينْ تَخْذُوا قُوَّة كِي يْحَلْ عْلِيكُمْ الْرُوحْ الْقُدُسْ ، وْتْوَلُوا لِي شْهُودْ فِي أُرْشَلِيمْ فْڤَاعْ الْيَهُودِيَّة وْ الْسَّامِرَة وْ ڤَاعْ اللَّرْضْ". 9 وْكِي ڤَالْ هَادْ لَكْلَامْ تَرْفَعْ وْهُمَا يْشُوفُوا. حَتَى الْسْحَابْ غَطَاهْ عْلَى عِينِيهُمْ. 10 وهُمَا مَازَالْ يْشُوفُوا لَسْمَا مَمْبَعَدْ مَا تَرْفَعْ، زُوجْ رْجَالْ لْبَاسْهُمْ بْيَضْ وَڤْفُوا ڤُدَّامْهُمْ ، 11 وْڤَالُوا: " يَا جْلِيلِيُّونْ، عْلَاشْ مَازَالْكُمْ وَاڤْفِينْ تْشُوفُوا لَسْمَا؟ يَسُوعْ هَادَ الَلِّى تَرْفَعْ عْلِيكُمْ لَسْمَا رَايَحْ يْوَّلِي هَاكْدَا كِيمَا شَفْتُوهْ تَرْفَعْ لَسْمَا". 12 فْدَاكْ الْوَقْتْ رَجْعُوا لْأُرْشَلِيمْ مَجْبَلْ الَلِّى يْسَّمُوَهْ جْبَلْ الَزِيتُونْ، الَلِّى ڤْرِيبْ مَنْ أُرْشَلِيم وْيَخُدْ نْهَارْ تَاعْ مَشْيَ. 13 وْكِي دَخْلُوا طَلْعُوا لَلْعُلِيَّة الَلِّى كَانُوا سَاكْنِينْ فِيهَا: بُطْرُسْ وْيَعْقُوبْ وْيُوحَنَّا وْأَنْدْرَاوُسْ وْفِيلِبُّسْ وْتُومَا وْبَرْثُولَمَاوْسْ وْمَتَّى وْيَعْقُوبْ بَنْ حَلْفَى وْسَمْعَانْ الْغَيُورْ وْيَهُوذَ خُويَعْقُوبْ. 14 هَدُوا ڤَاعْ كَانُوا دِيمَا يْصَّلُوا مْعَ بَعْضْ، مْعَ الَنْسَا، وْمَرْيَمْ مُتْ يَسُوعْ، وْمْعَ خُوتَّهْ. 15 وْ فْدِيكْ لِيَّامْ نَاضْ بُطْرُسْ فِي وَسْطْ الَتْلاَمَدْ، كَانُوا بَزَّافْ مَلْأَسَامِي مِيَّا وْعَشْرِينْ وَاحَدْ. وْڤَالْهُمْ: 16 "يَا خَوْتِي، كَانْ لاَزَمْ يَصْرَى اَلْمَكْتُوبْ الَلِّى الَرُوحْ الْقُدُسْ سْبَڤْ وْتْنَبَأْ بِيهْ بْفَمْ دَاوُدْ، عْلَى يَهُوذَا الَلِّى وَرَّى الَطْرِيڤْ لَنَّاسْ الَلِّى ڤَبْضُوا يَسُوعْ. 17 الَلِّى كَانْ مَحْسُوبْ وَاحَدْ مَنَّا وْكَانْ خَادَمْ مْعَنَا. 18 رَاحْ شْرَّى بْحِيرَة بَدْرَاهَمْ الَظَّلْمْ، وْطَاحْ عْلَى وَجْهَهْ وَتَقْسَمْ مَلْوَسْطْ، وْخَرْجَتْ ڤَاعْ مْصَارِينَهْ. 19 وْسَمْعُوا بِيهْ ڤَاعْ نَّاسْ أُرْشَلِيمْ، حَتَّى سَمَّاوْ دِيكْ لَبْحِيرَة فِي لُغَتْهُمْ "حَقْلْ دَمَأ" أَيْ: بْحِيرَة الْدَمْ. 20 كِيمَا مَكْتُوبْ فَكْتَابْ الْمَزَامِيرْ: تْكونْ دَارَهْ مْخَرْبَة وْمَهْجُورَة. وَالْخَدْمَة تَاعَهْ يَدِّيهَا وَاحَدْ آخَرْ. 21 لَازَمْ الَرْجَالْ الَلِّى كَانُوا مْعَنَا فَالْوَقْتْ الَلِّى كَانْ الَرَّبْ يَسُوعْ مْعَنَا يَدْخَلْ وْيُخْرَجْ، 22 مَالَتَّغْطَاسْ تَاعْ يُوحَنَّا حَتَّى النْهَارْ الَلِّى تَرْفَعْ فِيهْ عْلِينَا، نَخْتَارُوا وَاحَدْ مَنْهُمْ بَاشْ يْكُونْ شَاهَدْ مْعَانَا بْقِيَامْتَهْ". 23 خْتَارُوا زُوجْ: يُوسُفْ الَلِّى يْسَمِوَاهْ بَارْسَابَا يُوسْتُسَ، وْمَتْيَاسْ. 24 وْ صَلَّوْ ڤَالُوا: "يَا رَّبْ الْعَارَفْ ڤْلُوبْ الَنَّاسْ، خَيَرْ نْتَ مَنْ هَادْ الْزُوجْ الَلِّى بْغِيتْ تْخَيْرَهْ، 25 بْهَادْ الْقَرْعَة بَاشْ يَدِي وَيْكَمَّلْ الْخَدْمَة وَالَرِّسَالَة الَلِّى خَلاَهَا يَهُوذَا". 26 مَمْبَعَدْ دَارُو الْقُرْعَة، وْخْرَجْ مَتِّيَاسْ، وْوَلَّى مَحْسُوبْ مَعَ الَلَّحْدَاشْ رَسُولْ.
1 وْ كِي لْحَڤْ يُومْ الْخَمْسِينْ كَانُوا مْعَ بَعْضْ بْنَفْسْ وَحْدَة، 2 وْعَلَى غَفْلَة سَمْعُوا صُوتْ مَالَسْمَا كِيمَا رِيحْ قَوْيَة وَتْعَمْرَتْ ڤَاعْ الَدَّارْ الَلِّى كَانُوا مْجَمْعِينْ فِيهَا، 3 وْبَانَتْ لْهُمْ لْسَانَاتْ تَشْبَهْ لَنَّارْ وْنْحَطُوا عْلَى كُلْ وَاحَدْ مَنْهُمْ. 4 وَتْعَمْرُوا ڤَاعْ بَالْرُوحْ الْقُدُسْ، وْبْدَاوْ يَهَدْرُوا بْلُغَاتْ وَحَدُ خْرِينْ كِمَا مَدَّلْهُمْ الَرُوح بَاشْ يَنَطْقُوا. 5 وَتْعَمْرُوا ڤَاعْ بَالْرُوحْ الْقُدُسْ، وْبْدَاوْ يَهَدْرُوا بْلُغَاتْ وَحَدُ خْرِينْ كِمَا مَدَّلْهُمْ الَرُوح بَاشْ يَنَطْقُوا. 6 وْكَانُوا يْهُودْ رْجَالْ أَتْقِيَا مَنْ كُلْ بْلاَدْ تَحْتْ الْسْمَا سَاكْنِينْ فِي أُرْشَلِيمْ. 7 كِي سَمْعُوا دَاكْ الْصُوتْ، جْتَمْعُوا الَنَّاسْ وَتْحَّيْرُوا، عْلَى خَاطَرْ كُلْ وَاحَدْ كَانْ يَسْمَعْهُمْ يَهَدْرُوا بْلُغْتَهْ، 8 كِيفَاشْ كُلْ وَاحَدْ فِينَا رَاهْ يَسْمَعْ الَلُغَة الَلِّى تَوْلَدْ بِيهَا؟ 9 فَرْتِيُّونْ وْمَادِيُّونْ وْعِيلاَمِيُّونْ، وْنَاسْ مَسْبُوطَيمَا، وْالْيَهُودِيَّة وْكَبْدُوكِيَّة وْبُنْتُسْ وْأَسْيَّا 10 وْفَرِيجِيَّة وْبَمْفِيلِيَّة وْمَصْرْ، وْ الَلِّى مَنْ جِهَةْ لِيبْيَا فَالْقَيْرَوَانْ، وْالَرُومَانِيُّونْ الَسَاكْنِينْ فْدِيكْ الْجِهَة يَهُودْ وْبَرَانِيِّينْ، 11 كِرِيتِيُّونْ وْعْرَبْ، نَسَمْعُهُمْ يُهَدْرُوا بْلُغَتْنَا عْلَى عَجَائِبْ الله!". 12 وْتْحَيْرُوا الَنَّاسْ وْخَافُوا ڤَالُوا بِينَاتْهُمْ: "وَاشْ رَاهْ صَارِي هْنَا؟". 13 وْكَانُوا وَاحَدْ خْرِينْ يَسْتَهْزَاوْ ڤَالُوا: "رَاهُمْ سَكْرَانِينْ". 14 ووْقَفْ بُطْرُسْ مْعَ لَحْدَاشْ تِلْمِيذْ وَرْفَدْ صَوْتَهْ وْڤَالْ لْهُمْ: "يَا رْجَالْ الْيَهُودْ وْ الَلِّى سَاكْنِينْ فِي أُرْشَلِيمْ، عَرْفُوا هَادَا الَشِّي وْسَمْعُوا لَكْلاَمِي، 15 عْلَى خَاطَرْ هَادُوا مَارَاهُمْشْ سَكْرَانِينْ كِيمَا رَاكُمْ حَاسْبِينْ، رَاهِي تْلاَثَة تَاعْ لَعْشِيَّة. 16 بَصَّحْ هَادَا الَلِّى ڤَالَهْ يُوئِيلْ الَنْبِي: 17 يْڤُولْ الله: وَيْكُونْ فْلِيَامْ الَلَّخْرَة أَنِي نْفَرَغْ مَنْ رُوحِي عْلَى ڤَاعْ الَنَّاسْ، وْيَتْنَبَأْ وْلاَدْكُمْ وَبْنَاتْكُمْ، وْشُبَانْكُمْ يشُفُوا رُوؤَّى، وَشْوَابِينْكُمْ يْنُمُوا. 18 وَعْلَى رْجَالْ وَنْسَا الَلِّى يَخَدْمُونِي نْفَرَغْ مَنْ رُوحِي فْدِيكْ لِيَامْ وْيَتْنَبْئُوا. 19 وَنْدِيرْ مُعْجِزَاتْ مَنْ فُوقْ الَسْمَا وْ مُعْجِزَاتْ خْرَى فَالَلَّرْضْ : دَمْ وْنَارْ وْبْخَارْ دُخَانْ. 20 تَرْجَعْ الَشَمْسْ ظَلْمَة وْلَقْمَرْ دَمْ، قْبَلْ مَا يْجِي نْهَارْ الَرَّبْ الْعَظِيمْ 21 وَالَكْبِيرْ وْيْكُونْ ڤَاعْ الَلِّى يَدْعِي بْأَسَمْ الَرَّبْ يَسْلَكْ. 22 يَارْجَالْ تَاعْ إِسْرَائِيلْ سَمْعُوا لْهَادْ لَكْلاَمْ: يَسُوعْ الَنَاصِرِي رَاجَلْ بِيَّنْ لْكُمْ بِيهْ الله قُوَاتْ وْمُعْجِزَاتْ وْأَيَاتْ دَارْهُمْ الله بْيَّدَهْ فْوَسْطْكُمْ، كِيمَا رَكُمْ عَارْفِينْ. 23 وْكِيمَا كَانْ فَحْسَابْ وْالْخُطَة تَاعْ الله مَالَلَّوَلْ ،دِيتُوهْ بْيَدِكُمْ الَلِّى مْعَمْرَة ذْنُوبْ صْلَبْتُوهْ وْقْتَلْتُوهْ. 24 الله نَوْضَاهْ وْغْلَبْ حَتَّى الْمُوتْ، الَلِّى مَا قَدْرَاتْشْ تَحَكْمَهْ. 25 عْلَى خَاطَرْ دَاوُدْ ڤَالْ فِيهْ: كُنْتْ نْشُوفْ رَّبِي ڤُدَامِي فْكُلْ وَقْتْ، رَاهْ عَلَى لِيمِينْ تَاعِي بَاشْ مَا نَتْزَعْزَعْشْ. 26 عْلَى بِيهَا فْرَحْ ڤَلْبِي وْلُغْنَى خْرَجْ مَالْسَانِي، حَتَّى الْجَسَدْ تَاعِي غَادِي يَرْتَاحْ وْيَسَنَى الله. 27 عْلَى خَاطَرْ مَا خَلِتْنِيشْ بِينْ الْمُوْتَى، وْمَا خَلِيتْشْ الْقُدُوسْ تَاعَكْ فْالَقْبَرْ. 28 وَرِّيتْلِي طَرْڤَانْ الْحَيَاةْ وْرَاحْ تْعَمَرْنِي فَرْحَة ڤُدَامْ وَجْهَكْ. 29 يَا خَوْتِي، خَلُونِي نْڤُولْكُمْ بْكُلْ حُرِيَة عْلَى أَبُونَا دَاوُدْ بَلِّي مَاتْ وْنَدْفَنْ، وْقَبْرَهْ مَازَالَّهْ عَنْدْنَا حَتَّى لْهَادْ الَنْهَارْ. 30 إِلاَ دَاوُدْ كَانْ نْبِي، وْكَانْ عَارَفْ بَلِّي الله وَعْدَهْ وْحْلَفْ لَهْ ،بَاشْ مَالَنَسْلْ تَاعَهْ غَادِي يَخْرُجْ الَلِّى يَڤْعَدْ عْلَى كُرْسِي الْعَرْشْ تَاعَهْ. 31 سْبَقْ شَافْ وْهْدَرْ عْلَى قِيَامَةْ الْمَسِيحْ، بَلِّي مَا يَقْعَدْشْ بِينْ الْمُوتَى وْالْجَسَدْ تَاعَهْ مَايَفْسَدَشْ. 32 يَسُوعْ هَادَا نَوْضَهْ الله مَالْمُوتْ، وْحْنَا كُلْنَا شْهُودْ عْلِيهْ. 33 وْالَلِّى تَرْفَعْ بِيْمِينْ الله، وْشَّدْ وَعْدْ الْرُوحْ الْقُدُسْ مَنْ الْأَبْ، وْفَرَغْهْ كِيمَا رَاكُمْ تْشُوفُو وْتَسَمْعُوا دَرْوَكْ. 34 عْلَى خَاطَرْ دَاوُدْ مَاطْلَعْشْ لَسْمَا، وْهُوَ بْرُوحَهْ يْڤُولْ: ڤَالْ الَرَّبْ لْرَّبِي: أَڤعَدْ عَلِيمِينْ تَاعِي 35 حَتَّى نْحَطْ عَدْيَانَكْ تَحَتْ رَجْلِيكْ. 36 بَاشْ ڤَاعْ نَّاسْ إِسْرَائِيلْ يَتْقَنْعُوا بَلِّي الله هُوَ الَلِّى دَارْ يَسُوعْ هَادَا، الَلِّى صْلَبْتُوهْ نْتُمَا، رَبَّا وَمَسِيحًا". 37 كِي سَمْعُوا هَادْ لَكْلاَمْ حَسُوا مَنْ قْلُوبْهُمْ، وْڤَالُوا لْبُطْرُسْ وْلْڤَاعْ الَرُسُلْ: "شَا لاَزَمْ نْدِيرُوا يَا خَوَتْنَا؟". 38 ڤَالْهُمْ بُطْرُسْ: "تُوبُوا وْكُلْ وَاحَدْ مَنْكُمْ يَتْغَطَسْ بْإِسْمْ يَسُوعْ الْمَسِيحْ بَاشْ الَذْنُوبْكُمْ تَنْغْفَرْ، وْتْقَبْلُوا عْطِيَّة الْرُوحْ الْقُدُسْ. 39 عْلَى خَاطَرْ هَادْ الْوَعْدْ لِكُمْ وْلَوْلاَدْكُمْ وْڤَاعْ الَلِّى رَاهُمْ بْعَادْ، ڤَاعْ الَلِّى يَدْعِي الَرَّبْ إِلَهْنَا". 40 وْكَانْ بُطْرُسْ يْشَجَعْهُمْ بكْلاَمْ آخَرْ بَزَّافْ وْ كَانْ يَشْهَدْ لْهُمْ وَيْبَشَرْهُمْ وَيْڤُولْ: "بَعْدُوا مَنْ هَادْ الْجِيلْ لَمْعَوَجْ". 41 قَبْلُوا كْلاَمَه بَالْفَرْحْ، وَتْغَطْسُوا، وْآمْنُوا فْدَاكْ الَنْهَار ڤْرِيبْ مَنْ ثْلْثَة أَلَفْ وَاحَدْ. 42 كَانُوا مْدَاوْمِينْ فَالْتَعْلِيمْ تَاعْ الَرُّسُلْ، وَالشَرِكَة بِينَتْهُمْ، وْڤَسْمُوا الْكَسْرَة، وَالْصْلاَة. 43 وْرَاحْ خُوفْ مَنْ كُلْ وَاحَدْ، وْكَانَتْ مُعْجٍزَاتْ وْآيَاتْ كْثِيرَة تَصْرَى عْلَى يَدْ الَرُّسُلْ. 44 وَ الَلِّى آمْنُوا كَانُوا معَ بَعَضْ، وْكَانُوا يَشْتَرْكُوا فْكُلْ حَاجَة. 45 كَانُوا ثَانِي يْبِيعُوا أَمْلاَكْهُمْ وْصْوَالَحْهُمْ وَيَڤَسْمُوهَا بِينَتْهُمْ كُلْ وَاحَدْ كِيمَا يَحْتَاجْ. 46 وْكَانُوا دِيمَا يْرُحُوا لَلْهَيْكَلْ بْرُوحْ وَاحْدَة. وْكَانُوا يَڤَسْمُوا الكَسْرَة فَالْدْيَارْ، وْكَانُوا يَاكْلُوا بَالْفَرْحْ وْبْطِيبَةْ الْڤَلُوبْ، 47 يْسَبْحُوا الله، وْكَانْ لْهُمْ نِعْمَة عَنْدْ ڤَاعْ الَنَّاسْ. وْكَانْ الرَّبْ كُلْ يُومْ يْزِيدْ الَنَّاسْ لَلْكَنِيسَة بَاشْ يَسَلْكُوا.
1 طْلَعْ بُطْرُسْ وْيُوحَنَّا فِي رَحْبَة لَلْهَيْكَلْ فْسَاعَةْ الَصْلاَة. 2 وْكَانْ وَاحَدْ الَرَاجَلْ أَعْرَجْ مَلِّي زَادْ كَانُوا يْجِيبُوهْ كُلْ يُومْ، وَ يْحَطُوهْ عَنْدْ بَابْ الْهَيْكَلْ الَلِّى يْسَمُوهْ "الْجَمِيلْ" بَاشْ يَطْلَبْ صَدَقَة مَالَنَّاسْ الَلِّى يَدَخْلُوا لَلْهَيْكَلْ. 3 وْمَلِّي شَافْ بُطْرُسْ وْيُوحَنَّا رَايْحِينْ يَدَخْلُوا لَلْهَيْكَلْ، طْلَبْ مَنْهُمْ صَدَقَة. 4 شَافُوا فِيهْ بُطْرُسْ وْيُوحَنَّا، وْڤَالُوالَهْ: "شُوفْ لِينَا". 5 وْهُوَ ڤْعَدْ يْشُوفْ فِيهُمْ وْيْقَارَعْ يَعْطُىوهْ شِّي حَاجَة. 6 وْڤَالَهْ بُطْرُسْ: "مَاعَنْدِي فَضَّة وَلاَ ذْهَبْ، الَلِّى عَنْدِي نَعْطِيهْلَكْ: بْأَسَمْ يَسُوعْ الْمَسِيح الَنَاصِرِي نُوضْ وَ مْشِي!". 7 وْشَدَّهْ مَنْ يَدَهْ لِيمْنَا وْنَوْضَهْ، تَمْ تَمْ تْصَڤْدَوا رَجْلِيهْ، 8 وْنَاضْ تَمْ تَمْ وَبْدَى يَمْشِي، وَدْخَلْ مْعَهُمْ لَلْهَيْكَلْ وْهُوَ يَمْشِي وْيْنَقَزْ وْيْسَبَحْ الله. 9 وْڤَاعْ الَنَّاسْ شَافُوهْ يَمْشِي وَيْسَبَحْ الله. 10 وْعَرْفُوا بَلِّي هُوَ الَلِّى كَانْ يَڤْعَدْ يَطْلَب صَدَقَة فْبَابْ الْهَيْكَلْ الْجَمِيلْ، وْحَكْمَتْهُمْ دَهْشَة وَتْحْيْرُوا مَالشِّي الَلِّى صَارْ لَهْ. 11 وْكِي كَانْ لَعْرَجْ الَلِّى بْرَا مَابْغَاشْ يْفَرَقْ بُطْرُسْ وْيُوحَنَّا، تْجَمَعُوا ڤَاعْ الَنَّاسْ فْالَمْكَان الَلِّى يْسَمُوهْ"رِوَاقْ سُلَيْمَانْ" وْهُمَا فْدَهْشَة. 12 مَلِّي شَافْهُمْ بُطْرُسْ ڤَالْ: "يَا إِسْرَائِيلِيُّونْ، عْلاَشْ رَاكُمْ مَتْعَجْبِينْ مَنْ هَادْ الَشِّي؟ عْلاَهْ تْشُفُوا فِينَا كَلِي بْقَوَتْنَا وَلَا التَقْوَى تَاعْنَا الَلِّى وَلَى هَادْ الَرَاجَلْ يَمْشِي؟ 13 الله تَاعْ إِبْرَاهِيمْ وْإِسْحَاقْ وْيَعْقُوبْ، الله تَاعْ أَبَأْنَا، عْطَى الْمَجْدْ لَوَلْدَهْ يَسُوعْ، الَلِّى سَلَمْتُوهْ نْتُمَا وَنْكَرْتُهْ ڤُدَامْ بِيلاَطُسْ، وْهُوَ كَانْ بَاغِي يْطَلْڤَهْ. 14 وَنْتُمَا نْكَرْتُوا الْقُدُّوسْ الْبَارْ، وَبْغِتُوا يْطْلَڤْ لْكُمْ رَاجَلْ قَتَالْ. 15 وْرَايَسْ الْحَيَاةْ ڤْتَلْتُوهْ، الَلِّى نَوْضَهْ الله مَالْمُوتْ، وَحْنَا شَاهْدِينْ عْلِيهْ. 16 وْبَالْإيمَانْ بْأَسْمَاهْ، الَلِّى شْفَى هَادْ الَرَاجَل الَلِّى شَفْتُوهْ وْعَرْفُتُوهْ، وْبَالْإِيمَانْ بْأَسْمَاهْ الَلِّى عْطَاهْ الْصَّحَة وَنْتُمَا حَاضْرِينْ. 17 "وْدَرْوكْ يَا خَوْتِي رَانِي عَارَفْ بَلِّي دَرْتُوا هَادْ الَشِّي بْقَلَة الْمَعْرِفَة كِمَا الرِّيَاسْ تَاعْكُمْ. 18 كِيمَا سْبَقْ الله وْهْدَرْ مَنْ فَمْ الْأنْبِيَا تَاعَهْ، بَلِّي الْمَسِيحْ رَاحْ يَتْأَلَمْ، وْكُلْ هَادَا صْرَى نِيشَانْ. 19 تُوبُوا وْوَلِيوْ بَاشْ يَتَّمْحَاوْ ذْنُوبْكُمْ، بَاشْ تْجِي وْقَاتْ وِينْ يَفْرَجْ رَّبِي، 20 وْيَرْسَلْ يَسُوعْ الَلِّى بَشَرْكُمْ بِيهْ مَنْ قْبَلْ. 21 وَلِي الَسْمَا لاَزَمْ تَقَبْلَهْ، حَتَّى كُلْ شِي يَرْجَعْ، كِيمَا سْبَقْ وْڤَالْ الله مَالَلَّوَلْ بْفَمْ ڤَاعْ الْأنْبِيَا تَاعَهْ الْقِدِّيسِينْ. 22 مُوسَى ڤَالْ: الَرَّبْ إِلَهْكُمْ وَاحَدْ الَنَبِّي كِيمَا أَنَا رَايَحْ يَخْرَجْ مَنْ وَسطكُمْ، وْتَسَمْعُوا لَهْ فْكُلْ مَا يْڤُولْكُمْ . 23 وْكُلْ وَاحَدْ مَايَسْمَعْشْ لْدَاكْ الَنَبِّي يَتَڤْلَعْ مَنْ وَسْطْ الَشَعْبْ. 24 وْڤَاعْ الْأنْبِيَا الَلِّى هَدْرُوا ثَانِي، مَنْ وَقْتْ صَمُوئِيلْ، تْنَبْؤُا عْلَى هَادْ لِيَامْ. 25 نْتُمَا وْلاَدْ الْأَنْبِّيَا، وَوْلاَدْ الْعَهْدْ الَلِّى عَاهَدْ بِهْ الله أَبَاَءْنَا مَلِّي ڤَالْ لْإِبْرَاهِيمْ: بوْلاَدَكْ تْتْبَارَكْ ڤَاعْ الْعَايْلاَتْ الَلِّى فَالَدَنْيَا. 26 نْتُمَا الَلَّوْلِينْ عْلَى خَاطَر يَسُوعْ خْرَجْ مَنْ وَسْطْكُمْ، رَسْلَهْ الله يْبَارَكُمْ مَلِّي وَخَرْ كُلْ وَاحَدْ مَنْكُمْ مَالشَرْ الَلِّى كَانْ فِيهْ".
1 وَمَلِّي كَانُوا يَهَدْرُوا لَنَّاسْ، جَاوْعَنْدْهُمْ الْكَهَنَة وْرَايَسْ عَسْكَرْالْهَيْكَلْ وَالْصَّدُّوقِيُّونْ، 2 مَعْجَبْهُومْشْ الْحَالْ كِي كَانُوا يْعَلْمُوا النَّاسْ، ويَحْكُوا بَلِّي بيَسُوعْ وَاحْدَهْ الَلِّى تْكُونْ الْقِيَامَة بَعْدْ الْمُوتْ. 3 حَكْمُوهُمْ وَدَوْهُومْ لَلْحَبْسْ حَتَّى لَنْهَارْ الَتَالِي عْلَى خَاطَرْكَانُوا فَالَلِّيلْ. 4 وْبَزَّافْ مَاالنَّاسْ الَلِّى سَمْعُوا الْكَلْمَة آمْنُوا، وَلْحَڤْ عَدَدْ الْمُومْنِين قْرِيبْ خَمْسَة آلاَفْ رَاجَلْ 5 وْفَالْغَدْ رِيَاسْهُمْ وَشْيُوخْهُمْ وَالْكَتَبَة تَاعْهُمْ جْتَمْعُوا فْأُورُشَلِيمْ 6 وَمْعَهُمْ حَنَّانْ رَايَسْ الْكَهَنَة وَقَيَافَا وْيُوحَنَّا الْإِسْكَنْدَرْ، وْڤَاعْ الَلِّى كَانُوا مَنْ عَرْشْ رِيَاسْ الْكَهَنَة. 7 وْجَابُوا بُطْرُسْ وْيُوحَنَّا فْوَسْطْهُمْ، سَأْلُوهُمْ: " وَاشْ مَنْ قُوَّة وَلَى إِسْمْ تَاعْ مَنْ دَارتُوا هَادْ الَشِّي؟". 8 تَمَ تْعَمَرْ بُطْرُسْ بَالْرُوحْ الْقُدُسْ وْڤَالْ لْهُمْ: "يَا رِيَاسْ الَشَّعْبْ وْيَاشْيُوخْ إِسْرَائِيلْ، 9 إِذَا رَنَا نَتْحَسْبُوا الْيُومْ عْلَى خَاطَر دَرْنَا خِيرْ لْوَاحَدْ مْرِيضْ، وْكِيفَاشْ بْرَا، 10 لاَزَمْ عْلِيكُمْ كُلْكُمْ وَعْلَى ڤَاعْ شَعَبْ إِسْرَائِيلْ تَعَرْفُوا، بَلِّي بَإِسْمْ يَسُوعْ الْمَسِيحْ النَّاصِرِي، الَلِّى نْتُمَا صْلَبْتُوهْ، وَالله نَوْضَهْ مَالْمُوتْ، هَادَ هُوَ الَشِّي الَلِّى خَلَّى هَادْ الَمْرِيضْ يَبْرَا وْيَوڤَفْ قُدَامكُمْ. 11 يَسُوعْ هُو: الْحَجْرَة الَلِّى حْڤَرْتُوهَا نْتُىمَا الْبَنَايِينْ، وَلَى هُوَ رَاسْ الَزَّاويَة. 12 وْ مَكَاشْ سْلاَكْ غِيرْبِيهْ. عْلَى خَاطَرْ مَكَاشْ إِسَمْ آخَرتَحَتْ الَسْمَا، تْمَدْ بِينْ الَنَّاسْ، يَقْدَرْ يْجِيبْنَا لَسْلاَكْ". 13 كِي شَافُوا الَثِقَة تَاعْ بُطْرُسْ وْيُوحَنَّا، وْعَرْفُوا بَلِّي مَاشِي قَارْيِينْ وْنَاسْ بُسَطَا، تْعَجْبُوا. وْعَرْفُوهُمْ بَلِّي كَانُوا مْعَ يَسُوعْ. 14 وْمَلِّي شَافُوا الَرَاجَلْ الَلِّى بْرَا وَاقَفْ مْعَهُمْ، مَلْقَاوْشْ وَاشْ يْقُولُوا. 15 أَمْرُوهُمْ بَاشْ يَخَرْجُوا مَالْمُجَمَعْ، وَتْشَاوْرُوا بِينَاتْهُمْ 16 وْڤَالُوا: "وَاشْ نْدِيرُوا لْهَادْ الَزُوجْ الَرْجَالْ؟عْلَى خَاطَرْ ڤَاعْ شَعْبْ أُورُشَلِيمْ سَمْعُوا بَالْمُعْجِزَة الَلِّى نْدَارَتْ بِيهُمْ، وْمَانَقَدْرُشْ نَنَكْرُوا. 17 بَاشْ مَايْزِدْشْ يْشِيعْ هَادْ لَخْبَرْ كْثَرْبِينْ الَنَّاسْ، نْخَوْفُوهُمْ وْنَمَنْعُوهُمْ يَحْكُوا لَنَّاسْ عْلَى هَادْ الْأَسَمْ مَنَا لْڤُدَامْ". 18 عَيْطُلْهُمْ وْوَصَوْهُمْ بَاشْ مَايْعَوْدُشْ يَحْكِوا وَلاَ يْعَلْمُوابْأَسَمْ يَسُوعْ. 19 بُطْرُسْ ويُوحَنَّا جَوْبُهُمْ وْڤَالُوا:"إِلاَ كَانْ حَقْ عْلِينَا قُدَامْ الله بَاشْ نَسَمْعُولْكُمْ كْثَرْ،وَنْخَلِيوْ الله، حَكْمُوا نْتُمَا. 20 مُحَالْ مَنَحْكِيوشْ عَالشِّي الَلِّى شَفْنَاهْ وَسْمَعْنَاهْ". 21 وْمَمْبَعْدْ مَا زَادُوا خَوْفُهُمْ طَلْڤُوهُمْ،عْلَى خَاطَرْ مَالْڤَاوْشْ كِيفَاشْ يْعَاقْبُوهُمْ ڤُدَامْ الَنَّاسْ، عْلَى خَاطَرْ ڤَاعْ كَانُوا يْسَبْحُوا الله عَلِي الَشِّى الَلِّى صْرَى. 22 عْلَى خَاطَرْ الَرَجَلْ الَلِّى نْدَارَتْ فِيهْ الْمُعْجِزَة وَبْرَا، كَانْ عَنْدَهْ كْثَرْ مَنْ رَبْعِينْ سْنَة وْهُوَ مْرِيضْ. 23 وُكِي طَلْڤُوهُمْ جَاوْ عَنْدْ صْحَابْهُومْ وْحْكَاوْلْهُمْ ڤَاعْ وَاشْ ڤَالُولْهُمْ رِيَاسْ الْكَهَنَة والْشْيُوخْ. 24 كِي سَمْعُوا، رَفْدُوا برُوحْ وَاحْدَة صُوتْ لَ لله وڤَالُوا: "يَا سِيدْنَا، اَنْتَ هُوَ الْإِلَهْ أَلِي صْنَاعْ الْسْمَا و الْلَرْضْ ولَبْحَرْ وڤَاعْ وَاشْ فِيهُمْ، 25 وُأَنْتَ أَلِي قُلْتْ بفَمْ دَاوُدْ خَدَامَكْ: عْلاَشْ تْزَعْزْعَتْ الْأُمَمْ وفَكْرَتْ الْشُعُوبْ 26 نَاضُوا سْلَاطَنْ الْلَرْضْ، وُالْرِيَاس تْفْهَمُوا مْعَهُمْ ضَدْ الرَّبْ والْمَسِيحْ تَاعَهْ. 27 خَاطَرْ بَالْصَحْ تْفَهْمُوا ضَدْ وَلْدَكْ الْقُدُّوسْ يَسُوعْ أَلِي أَمْسَحْتَهْ، هِيرُودُسْ وبِيلاَطُس الْبُنْطِي مْعَ أُمَمْ وشُعُوبْ إِسْرَائِيلْ، 28 بَاشْ يْدِيرُوا الْشِي أَلِي سْبَڤْتْ وخِيَرْتَه بْيَدَكْ و مَشُورْتَكْ مَنْ الْلَوَلْ. 29 وضُورْكْ يَا رَبْ، شُوفْ كِي رَاهُمْ إِيخَوفُوا فِينَا، ومَدْ لَعْبَادَكْ بَاشْ يَهَدْرُوا بكْلاَمَكْ بثِقَة وبلاَ خُوفْ، 30 مِنْ تْمَدْ يَدَكْ لَشْفَى، ومِنْ أَدِيرْعْجَايَبْ بأَسَمْ وَلْدَكْ الْقُدُّوسْ يَسُوعْ". 31 وُمَلِي صَلُوا تْزَعْزَعْ الْمَكَانْ أَلِي مْجَمْعٍينْ فِيهْ، و أَتْعَمْرُوا ڤَاعْ بالْرُوحْ الْقُدُسْ، وكَمْلُوا يَهَدْرُوا بكْلاَمْ الله بكُلْ ثِقَة. 32 وكَانُوا أَلِي أَمْنُوا ڤَلْبْ وأحَدْ ورُوحْ وَاحْدَة، ومَكَانْشْ أَلِي كَانْ يْقُولْ هَدْ الْشِي تَعِي، كَانْ كُلْ شِي شَرْكَة بِينَتْهُمْ. 33 وبْقَوَة كْبِيرَة كَانُوا الْرُسُلْ يَشْهْدُوا بقِيَامَة الْرَّبْ يَسُوعْ مَنْ الْمُوتْ، ونِعْمَة كْبِيرَة كَانَتْ عْلِيْهُمْ، 34 حَتَى مَابْقَاشْ بِينَتْهُمْ وَاحَدْ زَوَالِي، خَاطَرْ ڤَاعْ أَلِي عَنْدْهُومْ بْحَايَر وحْوَاشْ كَانُوا يْبِيعُوا فِيهَا، ويْجِيبُوا الْسُمَة أَلِي بَاعُوا بِيهَا، 35 يْحَطُوهَا عَنْدْ رَجْلِين الْرُسُلْ، وكَانْ يَتْقَسَمْ عْلَى حْسَابْ كُلْ وَاحَدْ شْحَالْ يَسْحَقْ. 36 وُيُوسف أَلِي الْرُسُلْ سَمَاوَهْ بَرْنَابَا، أَلِي مَعْنَاهْ وَلْدْ الوَعْظْ، هُوَ لاضوِي قُبْرُسِي الْجَنْسِيَة، 37 كَانْ عَنْدَهْ حَوْشْ بَاعَهْ وجَابْ الْدْرَاهَمْ وحَطْهُمْ عَنْدْ رَجْلِينْ الْرُسُلْ
1 واحَدْ الْرَاجَلْ إسَمُوهْ حَنَانِيَّا، وُ مَرْتَهْ سَفِّيرَة، بَاعُوا مُلْكْ 2 وُڤَلْعُوا مَنْ الْسُمَة، وُمَرْتَهْ كَانَتْ عَارْفَة، جَابُوا أَلِي بْقَى مَالْدْرَاهَمْ عَنْدْ رَجْلِينْ الْرُسُل. 3 بُطْرُس ڤَالْ: "يَاحَنَانِيَّا عْلاَشْ عَمَرْ الْشَيْطَانْ قَلْبَكْ بَاشْ تَكْذَبْ عْلَى الْرُوحْ الْقُدُسْ وتَسْرَقُ مَنْ سُمَة الْحُوشْ؟ 4 لَوْكَانْ مَابَعْتَهْشْ كَانْ يَبْقَى لِيكْ؟ وُمَلِي بَعْتَهْ مَاشِي دْرَاهْمَهْ ڤَاعْ تَعَكْ؟ عْلاَشْ خَلِيتْ هَدْ الْشِي يَخْدَعْ قَلْبَكْ؟ مَا رَاكْشْ تَكْذَبْ عْلَى الْنَاسْ رَاكْ تَكْذَبْ عْلَى الله". 5 كِي سْمَعْ حَنَانْيَّا هَدْ الْكْلاَمْ طَاحْ وُمَاتْ. وُصَارْ خُوفْ كْبِيرْ عْلَى ڤَاعْ أَلِي سَمْعُوا. 6 وُتَمْتَمْ نَاضُوا الْصْغَارْ كَفْنُوهْ ودَوَهْ و دَفْنُوهْ. 7 وُمْبَعْدْ قْريب ثَلْثْ سْوَايَعْ، مَرْتَهْ دَخْلَتْ، ومَاكَلنَتْشْ عَارْفَة بالْشِي أَلِي صْرَى. 8 بُطْرُسْ ڤَالْلْهَا: "ڤُولِي لِي: بهَدْ الْسُومَة بَعْتُوا الْحُوشْ؟. ڤَالَتْ: وَاهْ، بهَدْ الْسُومَةَ". 9 ڤَالْ لْهَا بُطْرُس: عْلاَشْ أَتَفَهَمْتُوا أَجَرْبُوا رُوحْ الْرَّبْ؟ أَلِي دَفْنُوأ رَجْلَكْ رَهُمْ عَنْدْ الْبَابْ، ورَايْحِينْ يَرَفْدُكْ بَرَى". 10 وتَمْتَمْ طَحَتْ قُدَامْ رَجْلِيهْ ومَاتَتْ. دَخْلُوا الْصْغَارْ ولْڤَاوْهَا مِيْتَة، رَفْدُهَا لْبَرَى ودَفْنُوهَا ڤُدَامْ رَجَلْهَا. 11 وُصَارْ خُوفْ كْبِيرْ عْلَى ڤَاعْ الْكَنِيسَة وعْلَى ڤَاعْ أَلِي سَمْعُوا وَاشْ صْرَى. 12 وُصْرَاتْ عْلَى يَدِينْ الْرُّسُل بَزَافْ مَلْ أَيَاتْ وَعْجَايَبْ فِي وَسْطْ الْشَعْبْ. وُكَانُوا ڤَاعْ بنَفْسْ وَاحْدَة فِي رِوَاقْ سُلَيْمَانْ. 13 وُمَاكَنْ حَتَى وَاحَدْ مَلْ اللُخْرِينْ يْجَمَعْ مْعَاهُمْ، وُالْشَعْبْ كَانْ إِيْعَظَّمْ فِيهُمْ. 14 وُلِي يأَمْنُوا بالْرَّبْ كَانُوا يَكْثْرُوا، جْمَعَاتْ مَنْ رْجَالْ وُمَنْ نْسَا، 15 حَتّى وَلاَوْ يْجِيبُوا الْمَرْضَى لَطْرِيڤْ و يْفَرْشُولْهُمْ، بَاشْ إٍذَا فَاتْ بُطْرُسْ مَنْ ثَمْ إِيطِيحْ خْيَالَهْ عْلَى وَاحَدْ مَنْهُمْ. 16 وُأَجْتَمْعُوا نَاسْ الْمُدُنْ الْدَيْرَة عْلَى أُرْشَلِيمْ جَايْبِينْ الْمَرْضَى وأَلِي مْعَذْبِينْ بلَرْوَاحْ النَاجْسَة، وكَانُوا ڤَاعْ يَبْرَاوْ. 17 وُنَاضْ رَايَسْ الْكَهَنَة وڤَاعْ أَلِي كَانُوا مْعَاهْ، هُمَا مَنْ جْمَاعَة الْصَّدُّوقِيِينْ، أَتْعَمْرُوا بالْغِيْرَة، 18 وُحَاكْمُوا الْرُّسُلْ ودَوْهُومْ لَلْحَبْسْ الْعَامَّة. 19 بصَحْ مَلاَكْ الْرَّبْ فَالِيلْ أَفْتَحْ بِيبَانْ الْحَبْسْ وخَرَجْهُمْ وڤَالْ: 20 "رُوحُوا أَوَقْفُوا وهَدْرُوا لَشَعْبْ فَالْهَيْكَلْ بڤَاعْ كْلاَمْ هَدْ لَحْيَاة". 21 ومَلِي سَمْعُوا دَخْلُوا لَلْهَيْكَلْ الْصْبَحْ وبْدَاوْ يْعَلْمُوا. مَنْ بَعْدْ جَا رَايَسْ الْكَهَنَة ولِي مْعَهْ، عَيْطوُا الْمَجْمَعْ وڤَاعْ شْيُوخْ بْنِي إِسْرَائِيلْ، ورَسْلُوا لَلْحَبْسْ بَاشْ إِجِبُوهُمْ. 22 كِي وَصْلُوا الْخُدَامِينْ مَا لْڤْاوْهُمْشْ فَالْحَبْسْ، وَلاَوْ خَبْرُوهُمْ 23 ڤَالُوا: "لْڤِنَا الْحَبْسْ مَغْلُوقْ كِمَا لاَزَمْ، والْعَسَاسِينْ وَاڤْفِينْ بَرَى ڤُدَامْ الْبَابْ، ومَلِي فْتَحْنَا مَالْڤِنَا حَتَى وَاحَدْ دَاخَلْ". 24 كِي سْمَعْ الْكَاهَنْ ورَايَسْ عَسْكَرْ الْهَيْكَلْ ورِيَاسْ الْكَهَنَة لَهَدْرَتْهُمْ، تْخَلْعُوا مَنْهُمْ: وَاشْ رَاهْ أَصِيرْ؟ 25 تَمَ جَا وَاحَدْ وخَبَّرْهُمْ ڤَالْ: " دُوكْ الْرْجَالْ أَلِي دَرْتُهُمْ فَالْحَبْسْ رَاهُمْ وَاقْفِينْ فَالْهَيْكَلْ إِيعَلْمُوا الْشَّعْبْ!". 26 مَنْ بَعْدْ رَاحْ رَايَسْ الْعَسْكَرْ مْعَ الْخَدَامِينْ، جَابْهُمْ مَاشِي بَالْعُنْفْ، عْلَى خَاطَرْ كَانُوا خَايفِينْ مَنْ الْشَعْبْ يَرْجَمْهُومْ. 27 وُ كِي جَابُهُمْ وَقْفُوهُمْ فَالْمَجْمَعْ. سَقْسَاهُمْ رَايَسْ الْكَهَنَة 28 ڤَالْ: "يَاكْ وَصِيْنَاكُمْ بَاشْ مَاتْزِيدُشْ تْعْلْمُوا بهَدْ الأَسَمْ؟ وضُورْكْ رَاكُمْ عَمَرْتُوا أُوْشَلِيمْ بهَدْ الْتَعْلِيمْ، وبغِيتُوا نْخَلْصُوا حْنَا دَمْ هَدْ الْرَاجَلْ". 29 بُطْرًسْ و الْرُّسُلْ جَاوْبٌوا ڤَالُوا: "لَازَمْ أَنْطِيعًوا الله كْثَرْ مَنْ الْنَاسْ. 30 إِلَهْ جْدُودنَا نَوَضْ يَسُوعْ مَنْ الْمُوتْ أَلِي قْتَلْتُوهْ أَنْتُمَ وُعَلَقْتُوهْ عْلَى الْخَشْبَة. 31 الله رَفْدَهْ بلِمِينْ تَعَهْ رَايَسْ ومُسَلَكْ ، بَاشْ يْمَدْ لْإِسْرَائِيلْ الْتُوبَة ومَعْفِرَة ذْنُوبْهُمْ. 32 وُحْنَا كُونَا شْهُودْ لْهَدْ الْشِي، والْرُوحْ الْقُدُسْ ثَانِي، أَلِي الله أَعْطَاه أَلِي يْطِيعُوهْ". 33 مَلِي سَمْعُوا زَعْفُوا، وبْدَاوْ يَتْشَاوْرُوا بَاشْ يَقَتْلُوهُمْ. 34 نَاضْ فَالْمَجْمَعْ رَاجَلْ فَرِّيسِي أَسْمَهْ غَمَالأئِيل، مُعَلِمْ تَعْ الْنَّامُوسْ، مَحْبُوبْ عَنْدْ ڤَاعْ الْشَعْبْ، ڤَالْهُمْ إِيخَرْجُوا الْرُّسُلْ لَشْوِيَة مالْوَقْتْ. 35 مَنْ بَعْدْ ڤَالْ لْهُمْ: " يَا رْجَالْ إِسْرَئِيلْ، أَحَرْزُوا رْوَاحْكُمْ مَنْ جِهَة هَدْ الْنَاسْ الْشِي أَلِي رَاكُمْ مْعَاولِينْ أَدِيرُوا فِيهُمْ. 36 خَاطَرْ قْبَلْ هَدْ لِيَامْ نَاضْ ثُودَاسْ ڤَالْ عْلَى رُوحَهْ: بَلِي حَاجَة، وشْحَالْ مَنْ وَاحَدْ تَبْعُوقْرِيبْ رَبْعَمْيَة، مَلِي تَقْتَلْ ، ڤَاعْ أَلِي تَبْعُوهْ تْفَرْكْتُوا وبَانْ بَلِي مَاشِي حَاجَة. 37 مَنْ بَعْدْ نَاضْ يَهُوذَا الْجَلِيلِي فِي لِيَامْ الإِكْتِتَابْ، ودَا مْعَاهْ بَزَافْ الْنَاسْ. وهُوَ ثَانِي مَاتْ، وڤَاعْ أَلِي كَانُوا مْعَاهْ تْفَرْكْتُوا. 38 وُضُورْكْ نْڤُولْ لْكْمْ: بَعْدُا عْلَى هَدْ الْنَاسْ وخَلِوْهُمْ! خَاطَرْ إِلَى كَانْ هَدْ الْرَيْ وُ هَدْ الْشِي مَنْ عَنْدْ الْنَاسْ مَايْدُومْشْ، 39 وَإِلَى كَانْ مَنْ عَنْدْ الله مَاطِڤُوشْ تْحَبْسُوهُمْ، وَلَى غَادِي تْوَلُوا مُحَرِبِينْ الله تَانِي". 40 سَمْعُوا رَيَهْ. ودَاوْ الْرُّسُل جَلْدُوهُمْ، و وَصَوْهُمْ مَيْوَلِوْشْ يَهَدْرُوا بأضسْمْ يَسُوعْ، وُطَلْڤُوهُمْ. 41 وهُمَ رَاحُوا فَرْحَنِينْ مَنْ قُدَامْ الْمَجْمَعْ، خَاطَرْ حَسْبُوا بَلِي قْدَرْ كْبِيرْ كِي تْظَرْبُوا عْلَى جَالْ إِسْمْ يَسُوعْ. 42 وُكَانُوا كُلْ يُومْ فالْهَيْكَلْ و فالْدْيَارْ إِيعَلْمُوا ويْبَشْرُوا بأَسَمْ يَسُوعْ.
1 وُفِي دِيكْ لِيَامَاتْ زَادُ عَدَدْ الْتَلاَمِيذْ بَزَافْ، الْيُونَانيِّينْ زَعْفُوا مالْعِبْرَانِيِّينْ خَاطَرْ مَا كَانُوشْ يْتْهَلاَوْ بالْهَجَلاَتْ تَعْهُمْ فخِدْمَة المَعُونَة تَاعْ كُلْ يُومْ. 2 لَطْنَعْشْ عَيْطُوا لَتَلاَمِيذْ وڤَالُوا: "مَايْلِقْشْ نْخَلِيوْ كَلِمَة الله ونَخْدْمُوا طْوَابَلْ. 3 خَيْرُوا أَنْتُومَ يَا خَاوْتْنَا سَبْعَة رْجَال بِينَتْكُمْ، عَنْدْهُمْ شْهَدَة مْلِيحَة وُ مْعَمْرِينْ بالْرُوحْ الْقُدُسْ وُالْحِكْمَة، وُهُمَا يَتْهَلاَوْ بْهَادْ الْخِدْمَة. 4 وَحْنَا نْكَمْلُوا فالْصْلاَة وُ خِدْمَة الْكَلِمَة". 5 وَالْنَاسْ ڤَاعْ أَعْجَبْهُمْ الْحَالْ، خَيْرُوا أسْتِفَانُوسْ، رَاجَلْ مْعَمَرْ بالْإِيمَانْ و َالْرُوحْ الْقُدُسْ، وُفِيلبُّس وَبُرُوخُورُسْ وُنِيكَانُورْ وُتِيمُونْ وُبَرْمِينَاس وُنِيقُولاَوُس أَلِي جَا مَنْ أَنْطَاكْيَّا. 6 أَدْوْهُمْ عَنْدْ الْرُسُل، حَطُوا عْلِيهُمْ الْيَدِينْ. 7 ُوكَانَتْ كَلِمَة الله تَتَعْرَف، وَالْتَّلاَمِيذْ يْزِدُوا بْكَثْرَة فِي أُرْشَلِيمْ، وُنَاسْ كْثِيرَة مَنْ الْكَهَنَة كَانُوا يْاَمنُوا. 8 وُأسْتِفَانُوسْ كَانْ مْعَمَرْ بالْإِيمَانْ والْقُوَّة، كَانْ إِيْدِيرْ أَيَاتْ وعْجَايَبْ كْبِيرَة فِي وَسْطْ الْنَاسْ. 9 وُنَاضُوا وَحْدِينْ مَنْ الْمَجْمَعْ أَلِي يْسَمُوهْ مَجْمَعْ الْلِّيبَرْتِينِيّين وَالْقَيْرَوَانِيِّين وَ الْإِسْكَنْدَرِيِّين، وُمَنْ الْيَهُودْ تَعْ كِيلِيكِيَّا وْأَسِيَّا، يَحْكِيوْ مْعَ أسْتِفَانُوس. 10 وُمَاڤَدْرُشْ يَحَبْسُوا الْحِكْمَة وَ الرُّوحْ أَلِي كَنْ يَهْدَرْ بِيهُمْ. 11 وُتَمَ دَّخْلُوا رْجَالْ يْڤُلُوا: "حْنَا سْمَعْنَاهْ يَهْدَرْ بَكْلاَمْ مَاشِي صحِيحْ عْلَى مُوسَى وَعْلَى الله". 12 وُهَيْجُواالْشَّعْبْ والْشْيُوخْ وأَلِي يَكْتْبُوا، ورَاحُوا خَطْفُوهْ وَأَدَاوَهْ الْمَجْمَعْ، 13 وُجَابُوا شْهُودْ كَذَبِينْ يْڤُولُوا: "هَدْ الْرَاجَلْ مَاحَبَسْشْ مَنْ الْهَدْرَة بَكْلاَمْ مَاشِي صَاحْ عْلَى هَدْ الْمْكَانْ الْمقَدَسْ وَ عْلَى الْشَرِيعَة، 14 لِأَنَنَا سْمَعْنَاهْ يْڤُولْ: يَسُوعْ الْنَّاصِرِي هَدَا رَاحْ يْهَدَمْ هَادْ الْمْكَانْ، وُيْبَدَلْ لَعْوَيَدْ أَلِي خَلَهَلْنَا مُوسَى". 15 ڤَاعْ أَلِي كَانُوا مْجَمْعِينْ فَالْمَجْمَعْ شَافُوا فِيهْ، وُبَانْ لْهُمْ وَجْهَه مْنَوَرْ كِي لْمَلاَيْكَة.
1 وُ رَايَسْ الْكَهَنَة ڤَالْ: " صَاحْ كِيمَا هَاك صْرَى؟". 2 ڤَالْ إِسْتِفَانُوس ڤَالْ: " يَارْجَالْ الْخَوَى ويَا شْوَابِينْ، أَسَمْعُوا! بَانْ إِلَهْ الْمَجْدْ لْبُونَا إِبْرَاهِيمْ وُهُوَ بِينْ الْزُوجْ وِدَانْ، قْبَلْ مَايَسْكُنْ فِي حَارَانْ، 3 وُڤَالْ لَهْ: أَخْرَجْ مَنْ أَرْضَكْ وُمَنْ عَايْلْتَكْ وُرُوحْ لَلَرْضْ أَلِي نْوَرِلَكْ. 4 وُتَمْ تَمْ أَخْرَجْ مَنْ أَرْضْ الْكَلْدَانِيِينْ وُسْكَنْ فِي حَارَانْ. وُمَنْ بَعْدْ مَامَاتْ بُوهْ، أَدَاهْ الله اَلْهَادْ لَبْلاَدْ أَلِي رَاكُمْ سَكْنِينْ فِيهَا اليُومْ. 5 وُمَاعْطَاهْ حَتَى وَرْثْ تَمَ وَلُوْ شْوِيَة أَرْضْ وِينْ أيْحَطْ رَجْلِيهْ، بَصَحْ وَعْدَهْ بَاشْ يَعْطِيهْ مَلْكْ لِيهْ لَولاَدَهْ مَنْ جِيلْ لْجِيل مَنْ بَعْدَهْ، وُهُوَ مَزَالْ مَعَنْدَهْشْ وَلْدْ. 6 وُهْدَرْ الله هَكْذَا: ويْكُنُوا لَجْيَالْ أَلِي مَنْ وْلاَدَهْ زْوَفْرَى فِي بْلاَد غْريبَة، ويْوَلِيوْ عَبِيدْ دِيكْ لَبْلاَدْ مُدَة رَبْعْ مِيَةْ سْنَة، 7 وُلَبْلاَدْ أَلِي يْكُنُوا فِيهَا عَبِيدْ أَنَا نْحَاسَبْهَا، ڤَالْ الله. وُمَنْ بَعْدْ يَخَرْجُوا يَعْبْدُونِي فِي هَدْ الْمْكَانْ. 8 وُأَعْطَاهْ عَهْدْ الْخِتَانْ، وُهَكْدَا تَوْلَدْ إِسْحَق وُخَتْىنَهْ فِي الْنْهَارْ الْثَامَنْ. وُمَنْ إِسْحَاقْ تَوْلَدْ يَعْقُوبْ، وُمَنْ يَعْقُوبْ تَولْدُوا جْدَدْنَا لَثْنَاشْ. 9 وُجْدَدْنَا حَسْدُوا يُوسَفْ وُبَاعُوهْ لْمَصَرْ، وَالله كَانْ مْعَاهْ. 10 وُسَلْكَهْ مَنْ ڤَاعْ أَلِي حَڤْرُوهْ، وَعْطَاهْ نِعْمَة وْحِكْمَة ڤُدَامْ فِرْعَوْن سُلْطَانْ مَصَرْ، وَخْتَارَهْ بَاشْ يْكُونْ مْدَبَرْ عْلَى مَصَرْ وَعْلَى عَايْلْتَهْ. 11 "وُكَانْ جُوعْ عْلَى ڤَاعْ أَرْضْ مَصَرْ وُكَنْعَانْ، وُضِيقْ كْبِيرْ، وُكَانُوا جْدُدْنَا مَعَنْدْهُمْشْ الْقُوتْ. 12 وُمَلِي سْمَعْ يَعْقُوبْ بَلِي كَايَنْ الْقَمْحْ فِي مَصَرْ، أَرْسَلْ جْدُدْنَا مَرَّة، 13 وُفَالْمَرَّة الْتَانْيَة أَسْتَعْرَفْ يُوسُف لْخَوْتَهْ، تَمَ أَتْعْرَفْ فَرْعُونْ عْلَى عَايْلَة يُوسُف. 14 وُيُوسَف بْعَثْ بَاشْ إِجِيبْ بُوهْ يَعْقُوبْ وَلْعَايْلَة تَاعَهْ، خَمْسَة وُسَبْعِينْ وَاحَدْ. 15 وُهَوَدْ يَعْقُوبْ لْمَصَرْ وُمَاتْ هُوَ وَجْدُودْنَا، 16 وُدَوْهُمْ لْشَكِيمْ وُدَفْنُهُمْ فَالْقْبَرْ أَلِي شْرَاهْ إِبْرَاهِيمْ بَالْفَضَّة مَنْ بنِي حَمُورْأَبِي شَكِيمْ. 17 وُكِمَا كَانْ يْڤَرَبْ وَقْتْ الْوَعْدْ أَلِي أَحْلَفْ الله عْلِيهْ لإِبْرَاهِيمْ، كَانْ يَكْثَرْ الْشَعْبْ يْزِيدْ فِي مَصَرْ، 18 حَتَى جَاسَلْطَانْ أَخَرْ مَا كَانْشْ يَعْرَفْ يُوسَف. 19 أَحْڤَرْ بَزَافْ شَعْبْنَا، حَتَّى رَدْ أَوْلَدْهُمْ مَحْڤُورِينْ وُمَا يَسْتَهْلُوشْ يْعِيشُوا. 20 "وُفِي دَاكْ الْوَقْتْ تَوْلَدْ مُوسَى وُكَانْ شْبَابْ بَزَافْ، وَتْرَبَى تَلْتْ أَشْهُرْ فِي دَارْ بُوهْ. 21 وُمَلِي خَلَّوَهْ أَدَتَهْ بَنْتْ فَرْعُونْ وُرَبَتَّهْ كِي وَلْدْهَا. 22 وَتْرَبَى مُوسَى وَتْعَلَمْ حِكْمَة الْمَصْرِيِينْ، وُكَانْ قْوِي فَالْهَدْرَة وُفَالْأعْمَالْ. 23 وُكِي كَمَلْ رَبْعِينْ سْنَة، تْحَطْ فِي ڤَلْبَهْ إِيزُورْ خَوْتَه الإِسْرَائِلِيِينْ. 24 وُكِي شَافْ وَاحْدْ مَنْهُمْ مَظْلُومْ حَامَى عْلِيهْ، وُرَدْلَهْ الْحَقْ، مَلِي قْتَلْ الْمَصْرِي. 25 وُظَّنْ بَلِي خَوْتَّهْ يَفَهْمُوا بَلِي الله بَعْثَهْ بَاشْ بْيَدَهْ يْحَرَرهُمْ. وُ هُمَا مَا فَهْمُوشْ. 26 وُمَالْغَدْ جَا عَنْدْهُمْ وَلْڤَهُمْ يَدَوْسُوا، وُحَبْ إِيدِيرالْسَلاَمْ بِينَتْهُمْ ڤَالْ: يَا رْجَالْ، أَنْتُمَ خَوَى. عْلاَشْ تَظَلْمُوا بَعْضْكُمْ؟ 27 وَلِي كَانْ يَظْلَمْ قْرِيبَهْ دَفْعَهْ وُڤَالَهْ: شْكُونْ دَارَكْ رَايَسْ وُقَاضِي عْلِينَا؟ 28 رَاكْ حَبْ تَقْتَلْنِي كِمَا قْتَلْتْ الْمَصْرِي؟ 29 وُبْسَبَة هَادْ الْكَلْمَة هْرَبْ مُوسَى، وُوَلَى غْرِيبْ فِي أَرْضْ مَدْيَان، وُزَادْ عَنْدَه زُوجْ أَولَادْ. 30 "وكِي فَاتُو رَبْعِينْ سْنَة، بَانْ لَهْ مَلاَيْكَة الْرَّبْ فَالْصَحْرَة فِي جْبَلْ سِينَاء فَالنَارْ تَاعْ الْعُلَّيْقَة. 31 وُمَلِي شَافْهَا مُوسَى تْعَجَّبْ مَنْ دَاكْ الْمَنْظَرْ. وُكِي كَانْ يَمْشِي بَاشْ يْشُوفْ، سْمَعْ صُوتْ الْرَّبْ. 32 أَنَا إِلَهْ جْدُودَكْ، إِلَهْ إِبْرَاهِيمْ وُإِلَهْ إِسْحَاقْ وُإِلَهْ يَعْفُوبْ. ومُوسَى أضتَرْعَدْ و مَاقْدَرْشْ إِيشُوفْ 33 وُڤَالَهْ الْرَّبْ: أَڤْلَعْ الْصَبَاطَ مَنْ كَرْعِيكْ، خَاطَرْ لَمْكَانْ أَلِي رَاكْ وَاڤَفْ فِيهْ مُقَدَسْ. 34 رَانِي شَفْتْ الْذَلْ تَعْ شَعْبِي أَلِي فِي مَصَرْ، وُسْمَعْتْ تَنْهِيدَة تَعْهُمْ وُهَوَدْتْ نْسَلَكْهُمْ. أَرْوَاحْ ضَرْوَكْ نَرَسْلَكْ اَلْمَصَرْ. 35 "وُهَدَا مُوسَى لِنَكْرُوهْ ڤَالُوا: شْكُونْ دَارَكْ رَايَسْنَا وُقَاضِينَا؟ هَدَا رَسْلُو الله رَايَسْ وُفَادِي بْيَدْ الْمَلاَيْكَة أَلِي بَانْ لَهْ فَالْعُلَيْقَة. 36 هَدَا خَرَجْهُمْ بَعْجَايَبْ وُمُعْجِزَاتْ فِي أَرْضْ مَصَرْ، وَفْالَبْحَرْ لَحْمَرْ، وُفَصَحْرَى رَبْعِينْ سْنَة. 37 "هَدَا هُوَ مُوسَى أَلِي ڤَالْ لْبْنِي إِسْرَائِيلْ: نْبِي كِمَا أَنَا رَاحْ أَيدِرُ الْرَّبْ إِلَهْكُمْ مَنْ خَوَتْكُمْ لِيهْ تَسَمْعُو. 38 هَدَا هُوَ أَلِي كَانْ فالْكَنِيسَة فالْصَحْرَة، مْعَ الْمَلاَيْكَة أَلِي كَانْ يَكَلْمَهْ فِي جْبَلْ سِينَاء، ومْعَ أَجْدَدْنَا. 39 أَلِي مَحَبُوشْ إِطِعُوهْ، وبقْلُبْهُمْ رَجْعُوا لْمَصَرْ. 40 ڤَالُوا لْهَارُونْ: دِيرْ لْنَا أَلِهَة أَلِي يَمْشِيوْ ڤُدَامْنَا، عْلَى خَاطَرْ مُوسَى هَدَا أَلِي خَرَجْنَا مَنْ أَرْضْ مَصَرْ مَارَنَاشْ عَارْفِينْ وَاشْ صْرَلَهْ! 41 وُدَارُوا فَرْدْ فِي دِيكْ لِيَامْ وُقَدْمُوا ذَبِيحَة لَصَّنَمْ، وُفَرْحُوا بَالْخَدْمَة تَعْ يَدْهُم. 42 وُخَلَاهُمْ الله يَعَبْدُوا عَسْكَرْ الْسْمَا، كِمَا كَانْ مَكْتُوبْ فِي كْتَابْ الأَنْبِيَا: هَلْ قَدَمْتُو لِي ذَّبَائِحْ وُ قَرَابِينْ فَالرَبْعِينْ سْنَة فَالْصَحْرَى يَا بِيتْ إِسْرَائِيلْ؟ 43 أَدِيتُو مْعَاكُمْ خَيْمَة مُولُوكْ، وُنَجْمَة الإِلَه رَمْفَان، الْتَّمَاثِيلْ أَلِي أَصْنَعْتُوهَا بَاشْ تَسْجْدُولْهَا. وَدَاكُمْ حَتَى مُورْ بَابِلْ. 44 " وُخَيْمَة الْشَهَادَة كَانَتْ مْعَ جْدَدْنَا فالْصَحْرَى، كِمَا أَمَرْ أَلِي كَلَمْ مُوسَى بَاشْ يَصْنَعْهَا عْلَى الْصُورَة أَلِي شَافْهَا، 45 أَلِى جَبُوهَا مْعَهُمْ جْدَدْنَا بْقِيَادَة يَشُوع لَلَرْضْ أَلِي كَانَتْ تَعْ الْأمَمْ أَلِي طَرَدْهُمْ الله مَنْ وَجْهْ جْدَادْنَا، حَتَى لْوَقْتْ دَاوَدْ 46 أَلِي أَلْڤَا نِعْمَة عَنْدْ الله، أَلِي كَانْ عْلَى قَلْبَهْ يَبْنِي هَيْكَلْ لِإلَه يَعْقُوبْ. 47 وُفَالَخَرْ سُلَيْمَان أَلِي بْنَى لَهْ الْهَيْكَلْ. 48 بَصَحْ الْعَلِي مَا يَسْكَنْشْ فْي هَيَاكِلْ مَصْنُوعَة بَالْيَدِينْ، كِمَا ڤَالْ الْنْبِيْ: 49 الْسْمَا كُورْسِي تَاعِي، وُ اَللَرْضْ تْتْحَطْ عْلِيهَا رَجْلِي. وَاشْ مَنْ دَارْ تَبْنِيوْ لِي؟ يْقُولْ الْرَّبْ وِينْ رَاهْ مْكَانْ رَاحْتِي؟ 50 مَاشِي بْيَدِي صْنَعْتْ كُلْشِي؟ 51 "يَالِي رْڤَابْهُمْ قَاسْيِينْ، وُلِي ڤْلُوبْهُمْ وُ وَدْنِيهُمْ مَاشِي مَخْتُونِينْ! أَنْتُمَ دَايْمَنْ ضَدْ الْرُوحْ الْقُدُسْ، كِمَا دَارُوا جْدَادْكُمْ رَاكُمْ تْدِيرُوا! 52 وَاشْ مَنْ الأَنْبِيَا مَقَهْرُهُمْشْ جْدَادْكُمْ؟ هُمَا أَلِي قَتْلُوا أَلِي تْنَبْأُو بَلِي الْبَارْ غَادِي يْجِي، وَنْتُمَ أَلِي سَلَمْتُوهْ وُقْتَلْتُوهْ، 53 وُأَنْتُمَ أَلِي أَخْذِيتُوا الْشَرِيعَة مَنْ عَنْدْ الْمَلاَيْكَة وُمَا طَاعْتُهَاشْ". 54 كِي سَمْعُوا لَكْلاَمَهْ تْعَمْرَتْ ڤْلُوبْهُمْ بَالْحُڤْدْ وُزَيْرُوا سِنِهُمْ عْلِيهْ. 55 وُرْفَدْ إِسْتِفَانُوسْ عَيْنِيهْ لَسْمَا وُهُوَ مْعَمَرْ بَالْرُوحْ الْقُدُسْ، وشَافْ مَجْدْ الله، ويَسُوعْ وَاڤَفْ عْلَى إِيمِينْ الله. 56 وُڤَالْ: " رَانِي نْشُوفْ الْسْمَا مَفْتُوحَة وُإِبْنْ الإِنْسَانْ عْلَى يْمِينْ الله". 57 وُعَايْطُوا بْصُوتْ عَالِي وُبَلْعُوا وَذْنِهُمْ، وُهَجْمُوا عْلِيهْ مَرَة وَاحْدَة، 58 وُخَرْجُوهْ بَرَى الْمْدِينَة وُرَجْمُوهْ. وُالْشْهُودْ ڤَلْعُوا حْوَايْجْهُمْ عَنْدْ كَرْعِينْ وَاحَدْ الْشِيرْ إِسَمُوهْ شَاوَل. 59 وُكَانُوا يَرْجْمُوا إسْتِفَانُوس وُهُوَ يَدْعِي وَيْڤُولْ: " يَا رَبِي يَسُوعْ، أَقْبَلْ رُوحِي". 60 مَنْ بَعْدْ سْجَدْ وُزْڤَا بْصُوتْ عَالِي: "يَا رَبْ، مَاتَحْسَبْشْ لْهُمْ هَدْ الْخَطِيَة". وُمَلِي ڤَالْ هَدْ لَكْلاَمْ رْڤَدْ.
1 وُكَانْ شَاوَلْ قَابَلْ كِي قَتْلُوهْ. وُصْرَى فِي دِيكْ لِيَامْ إِضْطِهَادْ كْبِيرْ عْلَى الْكَنِيسَة أَلْلِي فِي أُرْشَلِيمْ، وَتْفَرْكْتُوا الْإِخْوَة لْڤَاعْ لَمْدُونْ تَعْ الْيَهُوذِيَة وُ الْسَّامِرَة، غِيرْ الْرُّسُل. 2 وُدَاوْ إِسْتِفَانُوسْ نَاسْ إِيخَافُو رَبِي وُدَارُلَهْ جَنَازَةَ كْبِيرَة. 3 وُشَاوَلْ كَمَلْ يَضْطَهَدْ الْكَنِيسَة، وُكَانْ يَدْخُلْ لَدْيَارْ وُيَدِي رْجَالْ وَنْسَا لَلْحَبْسْ. 4 وُهَدُوكْ أَلْلِي تْفَرْكْتُوا رَاحُوا يْبَشْرُوا بَالْكَلِمَة. 5 وُدْخَلْ فِيلُبُّس لَمْدِينَة الْسَامِرَة وكَانْ يْبَشَرْ لْهُمْ بَالْمَسِيحْ. 6 وَالنَاسْ كَانُوا يَسَمْعُوا بْرُوحْ وَاحْدَة لَكْلَامَهْ مَلِي سَمْعُوا وُشَافُوا المُعْجِزَاتْ أَلِي صْرَاتْ، 7 خَاطَرْ بَزَافْ مَلِي كَانَتْ فِيهُمْ أَرْوَاحْ نَاجْسَة خَرْجَتْ مَنْهُمْ بَعْيَاطْ عَالِي. وُكْثِيرْ الْمَعْوقِينْ وُالْعُرْجْ بْرَاوْ. 8 وُكَانْ فَرْحْ كْبِير فِي دِيكْ لَمْدِينَة. 9 وُكَانْ مَنْ قْبَلْ رَاجَلْ أَسْمَهْ سِيمُون، يَخْدَمْ بَالْسْحُورْ وُيْدَهَشْ نَاسْ الْسَّامِرَة، ڤَايَلْ هَدَا شِي كْبِيرْ! 10 وُكَانُوا ڤَاعْ يْتَبْعُوهْ صْغِيرْ وُكْبِيرْڤَالُوا: "هَذِي هِيَ قُوَّة الله الْعَظِيمَة". 11 وُكَانُوا يْتَبْعُوهْ خَاطَرْ عَنْدَه مُدَّة طْوِيلَة وُهُوَ يَدْهَشْ فِيهُمْ بَالسِحْرْ تَاعَهْ. 12 بَصَحْ كِي أَمْنُوا فِيلُبُّسْ وُهُوَ يْبَشَرْ بَشِي تَاعْ مَلَكُوتْ الله وُبْأَسْمْ يَسُوعْ الْمَسِيحْ، رْجَالْ وَنْسَا غَطْسُوا. 13 وُسِيمُونْ تَانِي أَمَنْ. وُكِي أَغْطَسْ وَلَى يَمْشِي مْعَ فِيلُبُّسْ، وُمَلِي شَافْ عْجَايَبْ وُقُوَّاتْ كْبَارْ تَصْرَى نَدْهَشْ. 14 مَلِي سَمْعُوا الْرُسُل فِي أُرْشَلِيمْ بَلِي الْسَّامِرَة قَبْلَتْ كَلِمَة الله، رَسْلُولْهُمْ بُطْرُس وُيُوحَنَّا، 15 وُغِيرْ وَصْلُوا صَلاَوْ مَنْ أَجْلْهُمْ بَاشْ يَقَبْلُوا اَلرُوحْ الْقُدُسْ، 16 خَاطَرْ مَازَالْ مَاحَلْشْ عْلَى حَتَى وَاحَدْ مَنْهُمْ، بَصَحْ كَانُوا تْغَطْسُوا بْأَسْمْ الْرَّبْ يَسُوع. 17 فِي دَاكْ الْوَقْتْ حَطُوا عْلِيهُمْ الْيَدِينْ وُقَبْلُوا اَلرُوحْ الْقُدُسْ. 18 وُكِي شَافْ سِيمُون بَلِي بْحَطْ الْيَدِينْ الْرُّسُلْ يَتَعْطَى الْرُوحْ الْقُدُس جَابْ لِيهُمْ دْرَاهَمْ 19 وُڤَالْ: " مَدُلِي أَنَا تَانٍي هَادْ الْسُّلْطَانْ، بَاشْ أَلِي أَنْحَطْ عْلِيهْ يَدِي يَقْبَلْ الْرُوحْ الْقُدُس". 20 وُڤَالْ لَهْ بُطْرُس: "الْفَضَّة تَعَكْ تَهَلْكَكْ، خَاطَرْ أَحْسَبْتْ قَادَرْ تَشْرِي مَوْهِبَة الله بَدْرَاهَمْ! 21 مَاعَنْدَكْ لاَ نْصِيبْ وَلاَ قَسْمَة فْهَادْ الْشِي، خَاطَرْ ڤَلْبَكْ مَاهُوشْ نِيشَانْ مْعَ الله. 22 تُبْ مَنْ هَادْ اَلشِرْكْ، وَأَطْلَبْ مَنْ الله بَاشْ يَغْفَرْلَكْ هَادْ اَلْفِكْرْ أَلِي فِي ڤَلْبَكْ، 23 رَانِي نْشُوفْ فِيكْ تْتْخَبَطْ فَالمُّرْ وُمَرْبُوطْ فالظُّلْمْ". 24 جَوْبَاهْ سِيمُونْ وُڤَالْ: "أَدْعُولِي أَنْتُمَا رَّبِي بَاشْ مَا يْجِيشْ عْلِيَا الْشِي أَلِي ذْكَرْتُوهْ". 25 مْبَعْدْ مَا شَهْدُوا وُهَدْرُا بْكَلِمَة الْرَّبْ، رَجْعُوا لِأُرْشَلِيمْ وُبَشْرُوا فِي دْوَاوِير الْسَّامِرِيِينْ 26 مَنْ بَعْدْ مَلاَيْكة الرَّبْ كَلَّمْ فِيلِبُّسْ ڤَالْ: "أَوْڤَفْ أُو رُوحْ لْجِهَة الْجَنُوبْ، عْلَى طْرِيڤْ بَرِّيَّة أَلِي بِينْ أُرْشَلِيم أُوغَزَّة". 27 تَمْ تَمْ نَاضْ أُو رَاحْ. وُكاَنْ وَاحَدْ الْرَاجَلْ حَبَشِي، وْزِيرْالْمَالِيَة لِكَنْدَاكَة سُلْطَانَة الْحَبَشَة، وُهُوَ حَجْ لأُرْشَلِيمْ بَاشْ يَسْجَدْ فِيهَا. 28 وُمَلِي كَانْ رَاجَعْ عْلَى الْمَرْكَبَة تَعَه يَقْرَأ الْنَّبِي إِشْعِيَاءْ. 29 وَالرُّوحْ الْقُدُسْ ڤَالْ لْفِيلُبُّسْ: " رُوحْ رَافَقْ هَدْ الْمَرْكَبَة". 30 وُتْقَدَمْ عَنْدَهْ فِيلُبُّسْ، وُسَمْعَهْ يَقْرَأ النَّبِي إِشْعِيَاء، وُڤَالَهْ رَاكْ فَاهَمْ شَا تَقْرَأ؟". 31 وُڤَالَهْ كِيفَاشْ نَفْهَمْ إِلَى مَافَهَمْنِيشْ كَاشْ وَاحَدْ؟". وُعْرَضْ فِيلُبُّسْ يَطْلَعْ يْجَمَعْ مْعَاهْ. 32 وُكَانْ يَقْرَأ فالْكْتَابْ مَنْ هَادْ الْفَصْلْ: " كِي لَخْرُوفْ أَلِي رَايَحْ يَتَذْبْحْ، كِي خْرُوفْ سَاكَتْ قُدَامْ أَلِي دَوَاهْ مَافْتَحْشْ فَمَهْ. 33 وُهُوَ مَتْوَاضَعْ كْلاَوْلَهْ حَقَهْ، وُشْكُونْ مَنْ جِيلَهْ يْحْكِي عْلِيهْ؟ خَاطَر حْيَاتَهْ تَتْنَڤْلَعْ مَنَهْ". 34 وُجَاوَبْ الْخَصِي فِيلُبُّس وُڤَالْ:"نَطْلَبْ لِيكْ: عْلَى مَنْ رَاهْ يَهْدَرْ الْنَّبٍي؟ عْلَى رُوحَه وَلَى عْلَى وَاحَدْ أَخَرْ؟. 35 وهْدَرْ فِيلُبُّس وُبْدَى مَنْ هَادْ الَكْتَابْ يْبَشْرَهْ بْيَسُوع. 36 وُهُمَا يَمْشِيوْ فَالْطْرِيڤْ وَصْلُوا أَلْوَاحَدْ لَمْكَانْ فِيهْ اَلْمَا، ڤَالْ الْخَصِي: هَاوْ الْمَا شَا يَمْنَعْنِي نَتْغَطَسْ؟". 37 ڤَالْ فِيلُبُّسْ: "إِذَا رَاكْ مُؤْمِنْ مَنْ ڤَلْبَكْ تَقْدَر". جَوْبَاهْ وُڤَالْ: "رَانِي مُؤْمِنْ بَلِي يَسُوعْ الْمَسِيحْ هُوَ إبْنْ الله". 38 أَمْرَهْ بَشْ يْحَبَسْ الْمَرْكَبَة، هَوْدُوا فِي زُوجْ لَلْمَا، وُفِيلُبُّسْ غَطَسْ الخَصِي. 39 وُمَلِي خَرْجُوا مَالْمَا رُوحْ الْرَّبْ خْطَفْ فِيلُبُّسْ، وُالخَصِي مَاوَلاَشْ يْشُوفَهْ وُكَمَلْ طْرِيڤَاهْ بَالْفَرْحْ. 40 وُفِيلُبُّسْ أَلْڤَى رُوحَهْ فِي أَشْدُودْ. وُهُوَ مْسَفَرْبَشَرْ لَمْدُونْ حَتَّى وْصَلْ قَيْصَرِيَّة.
1 كَانْ مَازَال يَضْطَهَدْ وُيَقْتَلْ تَلاَمِيذْ اَلرَّبْ، وُرَاحْ أَلْرَايَسْ الْكَهَنَة 2 وَطْلَبْ مَنَهْ بْرِيَة لْدِمَشْقْ، للْمَجَامَعْ تَعْ الْيَهُودْ بَاشْ يَحْكَمْ ڤَاعْ أَلِي تَبْعُوا هَادْ الْطْرِيڤْ رْجَالْ وَنْسَا وُيْجِيبْهُومْ مْقَيْدِينْ لأُرْشَلِيمْ. 3 وُكِي رَاحْ مَلِي ڤْرِيبْ يَوْصَلْ دِمَشْقْ عْلَى غَفْلَة بَرَقْ عْليهْ ضُو مَالسْمَا، 4 طَاحْ لاَرْضْ وُسْمَعْ صُوتْ ڤَالَهْ: " شَاوُل، شَاوُلْ! عْلاَشْ رَاكْ تَضْطَهَدْنِي؟". 5 ڤَالْ: " شْكُونْ أَنْتَ يَاسِيدي؟". وڤَالْ الْرَّب: "أَنَا يَسُوع أَلِي رَاكْ تَضْطَهَدْ فِيهْ.صْعِيبْ عْلِيكْ تَرْفَسْ مَنَاخِسَ". 6 وُڤَالْ وُهُوَ يَرْجَفْ وُمَتْحَيَرْ: "يَارَب، شَا حَبِيتْ نْدِيرْ؟". ڤَالَهْ الْرَّبْ:نُضْ وَأَدْخَلْ لَمْدِينَة وُيَتْڤَالْ لَكْ شَا لاَزَمْ أَدِيرْ". 7 وُ الرْجَالْ أَلِي كَانُوا مْسَافْرِينْ مْعَاهْ نَاضُوا سَاكْتِينْ، يَسَمْعُوا الصُوتْ وُمَاشَافُوا وَالُوا. 8 نَضْ شَاوُل مالْلَرْضْ، وعِينِيهْ مَفْتُوحِين وهُوَ مَيْشُوفشْ. حَكْمُوهْ مَنْ يَدِيهْ و دَخْلُوهْ لدِمَشْقْ. 9 وُڤْعَدْ ثَلْتْ إِيَامْ مَايْشُوفْشْ، مَايَاكُلْ مَايَشْرَبْ. 10 وُكَانْ فِي دِمَشْقْ تِلْمِيذْ أَسْمَهْ حَنَانِيَّا، وُڤَالَهْ اَلرَّبْ فِي رُؤْيَة: "يَا حَنَانِيَّا!". وُڤَالْ:"رَانٍي هْنَا يَارَب". 11 وُڤَالَهْ اَلرَّبْ:" رُوحْ لَزُّقَاقْ أَلِي يْسِمِوَهْ اْلمُسْتَقِيمْ، وحَوَسْ عْلَى دَارْ يَهُوذَا تَلْڤَى عَنْدَهْ رَجَلْ طَرْسُوسِي يْسَمِوَهْ شَاوُلْ. خَاطَرْ رَاهْ يْصَلِي 12 وُشَافْ فْي رُؤْيَا رَاجَلْ أَسْمَهْ حَنَانِيَّا دَاخَلْ وُحَطْ عْلِيهْ يَدَهْ بَاشْ يْوَلِي يْشُوفْ. 13 جَاوَبْ حَنَانِيَّا: "يَارَب، سْمَعْتْ بَلِي هَادْ اَلرَاجَلْ، شْحَالْ مَنْ شَّرْدَارْ فَالْقِدِّيسِينْ تَاعَكْ فْي أُرْشَلِيمْ. 14 وُرَاهْ عَنْدَهْ الْسُلْطَة مَنْ رَايَسْ الْكَهَنَة بَاشْ يْقَيَدْ ڤَاعْ أَلِي يَدْعُو بْأَسْمَكْ". 15 وُڤَالَهْ الْرَّب: "رُوحْ! خَاطَرْ أَنَا أَلِي خَيَرْتَهْ بَاشْ يَرْفَدْ وُيَدِي أسْمِي لَلبَلْدَانْ وُلَسْلاطَنْ وُبَنِي إِسْرَائِيلْ. 16 نْوَارِلَهْ قَدَاشْ لاَزَمْ يَتَوْجَعْ عْلَى أَسْمِي". 17 رَاحْ حَنَانِيَّا أدْخَلْ لَدَارْ وحَطْ عْلِيهْ يَدِيهْ وڤَالْ: " يَا خُويَا شَاوُلْ، الْرَّب يَسُوعْ أَرْسَلْنِي أَلِي بَانْ لَكْ فالْطٍرِيڤْ أَلِي جِيتْ مَنْهَا، بَاشْ تْشُوفْ و تَتْعَمَرْ بالْرُوحْ الْقُدُس". 18 تَمتَمْ طَاحْ مَنْ عَيْنِيهْ حَاجَة تَشْبَهْ قْشُورْ، وتَمْتَمْ وَلَى يْشُوفْ، و رَاحْ تْغَطَسْ . 19 وكْلَى وتْقَوَى. وكَانْ شَاوُلْ مْعَ الْتَلاَمِيذْ أَلِي فِي دِمَشْقْ يَامَاتْ. 20 وُلَلْوَقْتْ بْدَ يْبَشَرْ فالْمَجَامَعْ بَالْمَسِيح: "بلِي هُوَ وَلْدْ الله". 21 نْدَهْشُوا ڤَاعْ أَلِي كَانُوا يَسَمْعُوا وُڤَالُوا: "مَاشِي هَدَا هُوَ أَلِي أَهْلَكْ فِي أُورْشَلِيمْ أَلِي يَدْعُوا بْهَادْ الأَسَمْ؟ وُجَا لَهْنَا بَاشْ يْقَيْدْهُمْ وُيَدِيهُمْ لَرِيَاسْ الْكَهَنَة!". 22 وُشَاوُلْ كَانْ يَقْوَّة كْثَرْ، وُيْحَيَرْ الْيَهُودْ الْسَّاكْنِينْ فِي دِمَشْقْ وُيْبَرْهَنْ: "بَلِي يَسُوعْ هُوَ الْمَسِيحْ". 23 وُ كِي فَاتْ بَزَاف مَالْوَقْتْ تْشَّاوْرُوا الْيَهُودْ بَاشْ يَقَتْلُوهْ، 24 وُشَاوُلْ سْمَعْ بَالخُطَة تَعْهُمْ، كَانُوا يْعَسُوا لْبِبَانْ تَاعْ لَمْدِينَة لِيلْ وُنْهَارْ بَاشْ يَقَتْلُوهْ. 25 أدَاوَهْ الْتَلاَمِيذْ فالْلِيل وهَوْدُوهْ مالسُّورْ دَاخَلْ سَلَّة. 26 وُكِي لْحَّڤْ شَاوُلْلأُورْشَلِيمْ بْغَى يَتَقَرَبْ مالْتَّلاَمِيذْ، بَصَحْ كَانُوا يْخَافُوهْ مَاشِي مْصَدْقِينْ بَلِي تِلْمِيذْ. 27 وَدَاهْ بَرْنَابَا عَنْدْ اَلرُّسُلْ، وَأحْكَالْهُمْ كِيفَاشْ شَافْ اَلرَّبْ فَالطْرِيقْ وُكِي كَلْمَّهْ، وُكِي كَانْ أيْبَشَرْفِي دِمَشْقْ بْأَسَمْ يَسُوعْ. 28 وَڤْعَدْ مْعَاهُمْ يَدْخَلْ وُ يَخْرَجْ فِي أُورْشَلِيمْ وُيَهْدَرْ بْجُرْئَة بْأَسَمْ الْرَّب يَسُوع. 29 وُكَانْ يَوْعَظْ وُيَتْبَاحثْ مْعَ الْيُوننَانِيِّين، وُحَاوْلُوا يَقْتْلُوهْ. 30 كِي سَمْعُوا الْإِخْوَة هَوْدُوهْ الْقَيْصَرِيَّة وُرَسْلُوهْ لْطَرْسُوسْ. 31 وُ الْكَنَائِس فْڤَاعْ الْيَهُودِيَّة وَالْجَلِيلْ وَالسَّامِرَة كَانْ عَنْدْهَا اَلسَلاَمْ، وُكَانَتْ تَتَبْنَى وُتَمْشِي بْخُوفْ اَلرَّبْ، وُتَعْزِيَة اَلرُوحْ اَلْقُدُسْ وُكَانَتْ تَكْبَرْ. 32 وُكِي كَانْ بُطْرُسْ يْزُورْ لَمْدَايَنْ، زَارْ الْسُكَانْ تَعْ لُدَّة، 33 كَانْ تَمَى رَاجَلْ إِسَمُهْ إِينِيَاسْ مْعَوَقْ رَاقَدْ عْلَى سْرِيرَهْ مَنْ ثْمَنْ سْنِينْ، 34 وُڤَالَهْ بُطْرُسْ: "يَا إِينِيَاسْ، يَسُوعْ الْمَسِيحْ شْفَاكْ نُوضْ وُفَرَشْ لْرُوحَكْ!". تَم تَم وْڤَفْ. 35 وُشَافُوهْ ڤَاعْ سُكَانْ لُدَّة وْسَارُون، وُأَمْنُوا بَالرَّبْ. 36 وُكَانْ فِي مْدِينَة يَافَا تِلْمِذَة أَسَمْهَ طَابِيثَا أَلِي مَعْنَاهْ غْزَالَة. كَانَتْ أَدِيرْ غِيرْالْخِيرْوُتْعَمَلْ الْنَاسْ بْإِحْسَانْ. 37 وُفِي دِيكْ لِيَامْ مَرْضَتْ وُمَاتَّتْ، غَسْلُوهَا وُحَطُوهَا فِي بِيتْ عَالْيَة. 38 وَمْدِينَة لُدَّةَ ڤْرِيبَة مَنْ يَافَا، سَمْعُوا الْتَلاَمِيذْ بَلِي بُطْرُسْ كَانْ فِيهَا، رَاسْلُوا زُوجْ رْجَالْ لِيهْ بَاشْ أيْجِي عَنْدْهُمْ. 39 تَمْ تَمْ رَاحْ بُطْرُس مْعَاهُمْ. كِي وَصْلُوا طْلَعْ لَلبِيتْ الْعَالْيَة، وُ كَانَت مْعَاهْ ڤَاعْ الْهَجَالاَتْ تَبْكِي وُيْوَرِيوْ لَحْواَيَجْ أَلِي كَانَتْ تْخَيَطْ غْزَالَة كِي كَانَتْ مْعَاهُمْ. 40 خَارَجْهُمْ بُطْرُس ڤَاعْ بَرَى، وَسْجَدْ وُصَلَّى، مَنْ بَعْدْ دَارْ لَلْجَسَدْ وُڤَالْ: "يَا طَابِيثَا، نُوضِي!". فَتْحَتْ عِيْنِيهَا. وُمَلِي شَافَتْ بُطْرُس جَمْعَتْ، 41 أَعْطَلْهَا تَاكُّلْ وُنَوَضْهَا. مَنْ بَعْدْ عَيَطْ لَلْقِدِّيسِينْ وَالْهَجَالاَت وُرَدْهَالْهُمْ حِيَّة. 42 وُڤَاعْ يَافَا وْصَلْهَا لَخْبَرْ، وُبَزَافْ أَمْنُوا بَالْرَّبْ. 43 وُڤْعَدْ فِي يَافَا إِيَّامْ كْثِيرَة، عَنْدْ سِمْعَان رَاجَلْ دَبَّاغْ
1 فِي قَيْصَرِيَّة رَاجَلْ إِسَمُهْ كَرْنِيلِيُوس، رَايَس مِيَة عَسْكْرِي مَنْ الْكَتِيبَة أَلِي يْسَمُهَا الإِطَالِيَّة. 2 وُهُوَ تَقِي وُخَايَفْ الله مْعَ ڤَاعْ عَايَلْتَهْ، يْدِيرْ الْخِيرْ لَنَاسْ، وُيْصَلِّي فِي كُلْ وَقْتْ لله 3 وُشَافْ فِي رُؤْيَا وَاضْحَة عْالْسَاعَة الْتَاسْعَة مَالْنْهَارْ، مَلاَيْكَة تَاعْ الله دْخَالْ لْعَنْدَهْ وُڤَالَهْ: "يَا كَرْنِيلِيُوس!". 4 كِي شَافْ لِيهْ دَخْلَهْ الْخَوفْ، ڤَالْ: " شَا بْغِيتْ يَا سِيدِي؟". وُڤَالَهْ: " صْلاَتَكْ وَ الصَدَقَة تَاعَكْ طَلْعَتْ عَنْد الله. 5 وُظَرْوَكْ أَرْسَلْ لْيَافَا رْجَالْ وَعْرَضْ سِمْعَانْ أَلِي يْسَمُوهْ بُطْرُسْ. 6 رَاهْ عَنْدْ سِمْعَان رَاجَلْ دَبَّاغْ دَارَهْ عَنْدْ لَبْحَارْ. وُهُوَ يْڤُولَكَ شَا بَغِي أَدِيرْ". 7 وُمَلِي رَاحْ الْمَلاَيْكَة أَلِي كَانْ يَهْدَرْ لْكَرْنِيلِيُوس عَيَطْ لْزُوجْ مَنْ الْخَدَامِينْ تَاعَهْ، وُعَسْكْرِي تَقِي مَنْ أَلِي كَانُوا تَحْتْ قِيَادتَهْ، 8 وُحْكَالْهُمْ كُلْ شِي وُأَرْسَلْهُمْ لْيَافَا 9 وُفَالْغَدْ وُهُمَا مْسَافْرِينْ ڤْرِيبْ يَوصْلُوا لَمْدِينَة، طْلَعْ بُطْرُس لَسْطَحْ بَاشْ إِيْصَلِي عْلَى الْسَاعَة الْسَتَة. 10 جَاعْ بَزَافْ وُشَهَى يَاكُلْ. وُكِي كَانُوا يْوَجْدُلُوا الْمَاكْلَة، دْخَلْ فِي غَيْبُوبَة، 11 وُشَافْ الْسْمَا مَفْتُوحَة، وِوِعَاءْ مْهَوْدْ عْلِيهْ يَشَبَهْ لْطَرْفْ قْمَاشْ كْبِيرْ مَرْبُوطْ مَنْ رَبْعْ جْوَايَهْ يْهَوَدْ لَلَرْضْ. 12 وُكَانْ فِيهْ ڤَاعْ حَيَوانَاتْ الْلَرْضْ وُالْوْحُوشْ وَطْيُورْ الْسْمَا. 13 وُسْمَعْ صُوتْ: "نُوضْ يَا بُطْرُس، أَذْبَحْ وُكُولْ". 14 وُڤَالْ بُطْرُسْ: "لاَ يَا رَبْ! أَنَا مَا نَاكُلْ شِي مْحَرَمْ وَلاَ نَجَسْ". 15 وُسْمَعْ مَرَة تَانْيَة الْصُوتْ : "أَلِي نَقَاهْ الله مَاتْحَسْبَهْشْ أَنْتَ تَدَنَّسْ!". 16 وُصْرَى هَكْدَا ثَلْثْ مَرَّاتْ، مَنْ بَعْدْ طْلَعْ الْوِعَاءْ لَسْمَا. 17 تْحَيَرْ بُطْرُسْ وُ ڤْعَدْ يَسَقْسِي رُوحَهْ: وَاشْ مَعْنَى هَادْ الْرُؤْيَا أَلِي شَفْهَا وَالرْجَالْ أَلِي أرْسَلْهُمْ كَرْنِيلِيُوس، سَقْسَاوْ عْلَى دَارْ سِمْعَانْ وُ وَڤْفُوا عَنْدْ الْبَابْ: 18 " يَسَاْلُوا إِذَا سِمْعَانْ أَلِي يْسَمُهْ بُطْرُس رَاهْ هْنَا؟". 19 فَالْوَقْتْ أَلِي كَانْ بُطْرُس مَازَالْ يْخَمَمْ فالْرُؤْيَا، الْرُوحْ ڤَالَهْ: "رَاهْ هْنَا ثْلاَثْ رْجَالْ يْحَوْسُوا عْلِيكْ. 20 نُوضْ وُهَوَدْ وُرُوحْ مْعَاهُمْ بْلاَ خُوفْ، خَاطَرْ أَنَا أَرْسَلْتْهُمْ". 21 هَوَدْ بُطْرُسْ أَلْعَنْدْ الْرْجَالْ أَلِي أَرْسَلْهُمْ عَنْدَهْ كَرْنِيلِيُوسْ، وُڤَالْ: "أَنَا هُوَ أَلِي رَاكُمْ تْحَوْسُوا عْلِيهْ. شَا رَاكُمْ بَاغْيِينْ مَنِي؟". 22 ڤَالُوا: "كَرْنٍيلِيُوس رَايَس لَمْيَة، رَاجَلْ تَقِي وُخَايَفْ الله وُمَشْهُودْ لَهْ مَنْ كُلْ أُّمَة الْيَهُود، وَحَلَهْ مَلاَيْكَة مْقَدَّسْ بَاشْ يَعَرْضَكْ لْدَارَهْ وُيَسْمَعْ مَنَكْ كْلاَمْ". 23 عْرَاضْهُمْ لَدَارْ، وُفَالْغَدْ شَوَرْ بُطْرُس مَعَهُمْ، وُنَاسْ مَنْ الإِخْوَة تَعْ يَافَا رَافْقُوهْ. 24 وُ فَالْغَدْ وَصْلُوا قَّيْصَرِيَّة. كَرْنِيلِيُوس كَانْ يْقَرَعْ فِيهُمْ، وُعْرَضْ نْسَابَهْ وُحْبَابَهْ لَڤْرَابْ. 25 كِي دْخَلْ بُطْرُس قَبْلَهْ كَرْنِيلِيُوسْ وُسْجَدْ عْلَى كَرْعِيهْ. 26 نَوْضَهْ بُطْرُسْ وُڤَالْ: "نُوضْ، أَنَا تَانِي إِنْسَانْ". 27 وُدْخَلْ وُهُوَ يَهْدَرْ مْعَاهْ شَافْ كْثِيرْ مالْنَاسْ مْجَمْعِينْ. 28 وُڤَالْ لْهُمْ: "رَاكُمْ عَرْفِينْ بَلِي مْحَرَّمْ عْلَى وَاحَدْ يَهُودِي يَتْعَامَلْ مْعَ وَاحَدْ بَرَانِي وَلاَ يْزُورَهْ. وَأَنَا وَرَالِي الله مَانْقُولْشْ عْلَى إِنْسَانْ دْنَسْ وَلاَ نْجَسْ. 29 عْلَى هَدْ الْشِي جِيتْ، وُقْبَلْتْ الْعَرْضَة تَاعْكُمْ. عْلاَشْ عْرَضْتُونِي؟" 30 كَرْنِيلِيُوس ڤَالْ: " هَدِي رَبْعْ إِيَامْ فِي هَادْ الْسَاعَة كُنْتْ صَايَمْ. وُعَالْسَاعَة الْتَسْعَة كُنْتْ أَنْصَلِي فِي دَارِي، وُوَاحَدْ اَلرَاجَلْ وْڤَفْ قُدَامِي بَلْبَاسْ يَبْرَڤْ 31 وُڤَالْ: يَا كَرْنِيلِيُوس، الله سْمَعْ صْلاَتَكْ وُذْكَرْ صَدَقَاتَكْ. 32 أَرْسَلْ ألْ يَافَا وُعْرَضْ سِمْعَانْ أَلِي يْسَمُوهْ بُطْرُس. رَاهْ فِي دَارْ سِمْعَانْ رَاجَلْ دَبَّاغْ عَنْدْ لَبْحَارْ. كِي يْجِي يْكَلْمَكْ. 33 أَرْسَلْتْ لِيكْ تَمْ تَمْ. وَأَنْتَ دَرْتْ مْلِيحْ كِي جِيتْ. وُضُرْوكْ رَنَا فِي رَحْبَة حَاضْرِينْ ڤُدَامْ الله بَاشْ نَسَمْعُوا اَلشِي أَلِي أَمْرَكْ بِهْ الله". 34 فْتَحْ بُطْرُس فَمَهْ وُڤَالْ: " بَالْحَقْ أَنَا نْقُولْ الله مَا يْشُوفْشْ لَوْجُوهْ. 35 فِي كُلْ بْلاَدْ الله يْشُوفْ أَلِي يَتَقِيوَاهْ وُيْدِيرُوا الْخِيرْ. 36 الْكَلِمَة أَلِي أَرْسَلْهَا لَبْنِي إِسْرَائِيلْ يْبَشَرْ بَالسَلاَمْ بْيَسُوعْ الْمَسِيحْ. هَذَا هُو رَب ڤَاعْ الْنَاسْ. 37 أَنْتُمَ سْمَعْتُوا بَالشِي أَلِي صْرَى فْڤَاعْ الْيَهُودِيَّة وُبْدَى مَالْجَلِيلْ، بَعْدْ الْتَغْطَاسْ أَلِي بَشَرْ بِهْ يُوحَنَّا. 38 يَسُوعْ أَلِي مَنْ الْنَّاصِرَة مَسْحَهْ الله بَالْرُوح الْقُدُسْ وُالْقُوَّة، أَلِي كَانْ يْرُوحْ مَنْ مْكَان لَمْكَانْ يْديرْ الْخِيرْ وُيَشْفِي ڤَاعْ أَلِي إِبْلِيسْ تْسَلَّطْ عْلِيهُمْ، خَاطَرْ الله كَانْ مْعَهْ. 39 وحْنَا شْهُودْ بْكُلْ الْشِي أَلِي صْرَى فْي بْلاَدْ الْيَهُودِيَّة وُفِي أُورْشَلِيم. قَتْلُوهْ صَحْ وُعَلْڤُوهْ عْلَى خَشْبَة. 40 الله نَوْضَهْ مَن الْمُوتْ فَالْيُومْ الْثَالَثْ، وُخَلَاهْ يَضْهَرْ لَنَاسْ، 41 مَاشِي لْڤَاعْ الشَّعْبْ، لَشْهُودْ الله أَلِي خَيَرْهُمْ. حْنَا اللَوْلِينْ كْلِينَا وَشْرَبْنَا مْعَاهْ بَعْدْ مَا قَامْ مَنْ الْمُوتْ. 42 وُ وَصَّانَى نْبَشَرُو لَشَّعْبْ، وُنَشْهَدْ بَلِي هَذَ هُوَ أَلِي خْتَارُو الله بَاشْ يْحَاسَبْ الْحَيِينْ و الْمِيْتِينْ. 43 بِهْ شَهْدُوا ڤَاعْ الأَنْبِيَا بَلِي أَلِي يُؤْمِنْ بِيهْ يْنَالْ بَأَسْمَهْ غُفْرَانْ الْذْنُوبْ". 44 وُبُطْرُسْ مَازَالْ يَحْكِي عْلَى هَادْ الأُمُورْ، اَلرُوحْ اَلْقُدُسْ هَوَدْ ڤَاعْ أَلِي كَانُوا يَسْمْعُوا الْكَلِمَة. 45 أَنْدَهْشُوا الْمُومْنِين الْيَهُودْ، أَلِي جَاوْمْعَ بُطْرُسْ، خَاطَرْ مَوْهِبَة الْرُوحْ الْقُدُسْ دَخْلَتْ لَلْأُمَمْ تَانِي. 46 خَاطَرْ كَانُوا يَسَمْعُهُمْ يَتْكَلْمُوا بْلُغَة اَلرُوحْ وُيْعَظْمُوا الله. وُبُطْرُسْ ڤَالْ: 47 " يَادْرَى يَقْدَرْ وَاحَدْ يَمْنَعْهُمْ مَنْ الْتَغْطَاسْ رَاهُمْ قَبْلُوا الْرُوحْ الْقُدُسْ كِمَا قْبَلْنَاهْ حْنَا؟". 48 وُأَمَرْهُمْ يَتْغَطْسُوا بْأَسْمْ اَلرَّبْ. وُتَمَ عَرْضُوهْ يَڤْعَدْ مَعَاهُمْ شِي يَامَاتْ.
1 سَمْعُوا الْرُّسُل الإِخْوَة أَلِي كَانُوا فالْيَهُودِيَّة بَلِي الأُمَمْ تَانِي قَبْلُوا كَلِمَة الله. 2 وُكِي طْلَعْ بُطْرُس لأُورْشَلِيمْ،خَاصْمُوهْ الْمُومْنِينْ أَلِي أصَلْهُمْ مَالْيَهُودْ، 3 ڤَالُوالَهْ: "كِيفَاشْ دْخَلْتْ عَنْدْ أَلِي مَاشِي مَخْتُونِينْ وُكْلِيتْ مْعَاهُمْ". 4 وُبْدَى بُطْرُس يْفَهَمْهُمْ كِي صْرَتْ الأُمُورْ ڤَالْ: 5 "أَنَا كُنْتْ فِي مْدِينَة يَافَا نْصَلِي، وُشَفْتْ فِي رُؤْيَة: وِعَاءْ كِي طَرْفْ قْمَاشْ كْبِيرْمَرْبُوطَة بْرَبْعَة جْوَايَهْ مْهَوَدْ مَالْسْمَا عْلِيَّا. 6 وُشَفْتْ فِيهْ مْلِيحْ، بَانْ لِي فِيهَاحَيَوَانَاتْ الْلَرْضْ وُلَوْحُوشْ وُالزَّحَّافَاتْ وُطْيُورْ الْسْمَا. 7 سْمَعْتْ صُوتْ يْقُولْ لِي: نُوضْ يَا بُطْرُس، اَذْبَحْ وُكُّولْ. 8 وُڤُلْتْ: لاَ يَارَبِ! مَا يَدْخَلْشْ فَمِي شِي مْحَرَمْ وَلاَ نَجِسْ. 9 جَاوَبْنِي الصُوتْ مَرَة تَانْيَة مَنْ الْسْمَا: أَلِي نَقَاهْ الله مَا تَحْسْبَهْشْ أَنْتَ نْجَسْ. وُ 10 كَانْ هَادْ اَلْأمْرْ ثْلاَثْ مَرَّاتْ. وُأَطْلَعْ كُلْشِي لَسْمَا. 11 وثْلاَثْ رْجَالْ وَقْفُوا فِي دَاكْ الْوَقْتْ عَنْدْ بَابْ الْدَارْ أَلِي كُنْتْ فِيهَا، مَرْسُولِينْ أَلْ عَنْدِي مَنْ قَيْصَرِيَّة. 12 وُڤَالْ لِي اَلرُّوحْ اَلْقُدُسْ نْرُوحْ مْعَاهُمْ بْلَى خُوفْ. وُرَوَحْتْ مْعَاهُمْ وُ جَاو مْعَانَا هَادُو الإِخْوَة الْسَتَة، دْخَلْنَا دَارْ الْرَاجَلْ، 13 وُ حْكَالْنَا كِيفَاشْ شَافْ مَلاَيْكَة فِي دَارَهْ وْقَفْ وُڤَالَهْ: أَرْسَلْ اَلْ يَافَا رْحَالْ، وَأَعْرَضْ سِمْعَانْ أَلِي يْسَمُوهْ بُطْرُسْ، 14 وُهُوَ يْكَلْمَكْ بَكْلاَمْ تَسْلَكْ بِيهْ أَنْتْ وُڤَاعْ دَارَكْ. 15 كِي بْدِيتْ نَهْدَرْ، هَوَدْ الْرُّوحْ الْقُدُسْ عْلِيهُمْ كِمَا هَوَدْ عْلِينَا فَالْبِدَايَة. 16 تْفَكَرْتْ كْلاَمْ الْرَّب مَلِي ڤَالْ: يُوحَنَّا يْغَطَسْ بَالْمَا وَأَنْتُمَ رَاحْ تَعْمْدُوا بالْرُّوحْ الْقُدُسْ. 17 إِذَا الله حَبْ يْسَاوِهُمْ بِينَا وَأَعْطَاهُمْ المَوْهِبَة كِمَا أَعْطَاهَلْنَا لِينَا وُأَمْنُوا بَالْرَّبْ يَسُوعْ الْمَسِيحْ، شْكُونْ أَنَا؟ قَادَرْ نْحَبَسْ الله؟". 18 كِي سَمْعُوا أَلِي كَانُوا يْعَرْضُوهْ سَكْتُوا، وُكَانُوا يْسَبْحُوالله ڤَالُوا: "الله أَنْعَمْ عْلَى الأُمَمْ بَالْتُوبَة لَلْحَيَاة!". 19 وَأَلِي تْفَرْكْتُوا عْلَى خَاطَرْ الْضِيقْ أَلِي صْرَى بْسَبَة اسْتِفَانُوسْ رَاحُوا لْ فِينِيقِيَّة وُقُبْرُسْ وُأَنْطَاكِيَة، وُ كَانُوا يَحْكُوا بَالْكَلِمَة غِيرْ لَليَهُودْ. 20 بَصَحْ كَانْ مَنْهُمْ قُومْ، رْجَالْ قُبْرُسِيُّن وُقَيْرَوَانِيُّون، كِي دَخْلُوا أَنْطَاكِيَة كَانُوا يَهَدْرُوا مْعَ الْيُونَانِيِّين يْبَشْرُوا بَالْرَّب يَسُوعْ. 21 وُكَانتْ يَدْ الْرَّب مْعَهُمْ، وُأَمْنُوا كْثِيرْ وُرَجْعُوا لَرَّبْ 22 وْصَلْ لَخْبَرْ لْكَنِيسَة فِي أُورْشَلِيم، وُرَاسْلُوا بَرْنَابَا يْرُوحْ لأَنْطَاكِيَة. 23 كِي وْصَلْ شَافْ نِعْمَة الله فْرَحْ، وُ وْعَظْهُمْ كُلْهُمْ بَاشْ يَثَبْتُوا فالْرَّبْ مَنْ كُلْ الْڤَلْبْ، 24 خَاطَرْ كَانْ رَاجَلْ صَالَحْ وُ مْعَمَرْ بَالْرّوُحْ اَلْقُدُسْ وُالْإِيمَانْ. وُزَادُوا أَمْنُوا بَالْرَّبْ بَزَافْ مَنْ نَاسْ 25 مَنْ بَعْدْ رَاحْ بَرْنَابَا لْطَرْسُوسْ أَيْجِيبْ شَاوُلْ. وُكِي لْقَاهْ جَابَهْ لأَنْطَاكِيَة. 26 وُڤَعْدُوا فَالْكَنِيسَة عَامْ كَامَلْ وُقَرَاوْ الْكَلِمَة لْشْحَالْ مَنْ الْنَاسْ. وُأَوَلْ مَرَة سَمَاوْ الْتَلاَمِيذْ "مَسِيحِيِّينْ" فِي أَنْطَاكِيَة. 27 وُفِي دِيكْ لِيَامْ جَاوْ أَنْبِيَا مَنْ أُورْشَلٍيمْ لأَنْطَاكٍيَة. وُوَاحَدْ مَنْهُمْ يَسَمُوهْ أَغَابُوسْ، 28 تْنَبَأ بالْرُّوح بَلِي جُوعْ كْبِيرْ رَاحْ يْطِيحْ عْلَى ڤَاعْ اللَرْضْ، وُ صْرَى فِي وَقْتْ كْلُودِيُوسْ قَيصَرْ. 29 وُتْفَهْمُوا الْتَلاَمِيذْ بِنَتْهُمْ يَتْبَرَعُوا عْلَى حْسَابْ مَا يَقْدَرْ كُلْ وَاحَدْ، خِدْمَة للإخْوَة أَلِي سَّاكْنِينْ فَالْيَهُودِيَّة. 30 وُبَعْثُوا الْمَعُونَة للْمَشَايِخْ بْيَدْ بَرْنَابَا وُشَاوُلْ
1 وُفِي دَاكْ الْوَقْتْ بْدَى الْسُلْطَان هِيرُودُوس يَضْطَهَدْ نَاسْ مَنْ الْكَنِيسَة، 2 وُقْتَلْ يَعْقُوب خُو يُوحَنَّا بَالْسِيفْ. 3 وُكِي شَافْ بَلِي هَادْ اَلشِي فَرَحْ لِيهُودْ، حْكَمْ عْلَى بُطْرُس تَانِي. وُكَانْ فِي عِيدْ اَلْفَطِيرْ. 4 وُكِي حَكْمَهْ دَرَاهْ فالْحَبْسْ، سَلْمَهْ لْرَبْعَة مَجْمُوعَاتْ كُلْ وَاحْدَة فِيهَا رَابْعَة عَسْكَرْ بَاشْ إِيعَسُوهْ، بَاشْ يْقَدْمَهْ مُورْ عِيدْ الْفِصْحْ لَشَّعْبْ. 5 وُكَانْ بُطْرُسْ يْعَسُوهْ فالْحَبْسْ، وَالْكَنِيسَة كَانَتْ تْصَلِي بَحْرَارَة مَنْ أَجْلَهْ. 6 وُفَالْلِيلَة أَلِي كَانْ هِيرُودُس مْعَوَلْ يْقَدْمَهْ، بُطْرُس كَانْ رَاقَدْ بِينْ زُوجْ عَسْكَرْ مَرْبُوطْ بَسْلاَسَلْ، وُكَانْ قُدَامْ الْبَابْ عَسَاسِينْ إِيعَاسُوا الْحَبْسْ. 7 وُعْلَى غَفْلَة بَانْ مَلَايْكَة اَلرَّبْ، تَنَوْرَتْ ألبِيتْ تَعْ الْحَبْسْ، وُالْمَلاَيْكَة نَوَضْ بُطْرُسْ وُڤَالَهْ: " نُوضْ بَالْخَفْ!". وُتْفَتْحَتْ اَلسْلاَسَلْ أَلِي كَانُوا فِي يَدِيهْ. 8 وُڤَالَهْ: " دِير حْزَامَكْ وُأَلْبَسْ صَبَاتَكْ". دَارْ زَادْ ڤَالَهْ: "أَلْبَسْ رِدَاءكْ وتَبَعْنِي". 9 وَخْرَجْ مْتَبْعَهْ. وُمَاكَانْشْ فَاهَمْ شَا رَاهْ صَارِلَهْ مْعَ الْمَلاَيْكَة صَحْ، كَانْ حَاسَبْ رَاهْ فِي مْنَامْ. 10 فَاتُوا مَنْ الْحِرَاسَة الْلَوْلَة وُالثَانْيَة، وُكِي وَّصْلُوا لْبَابْ الْحَبْسْ تَعْ حْدِيدْ أَلِي يَّدِي لَمْدِينَة، أَتَفْتَحْ وَاحْدَهْ، مَلِي خَرْجُوا وُتْمَشَاوْ فِي طْرِيڤْ وَاحْدَة، فَارْقَه الْمَلاَيْكَة. 11 وُڤَالْ بُطْرُسْ، كِي رْجَعْ لْرُّوحَهْ: "ضُورْكْ أَتْأَكَدْتْ بَلِي الْرَّب أَرْسَلْ مَلاَيْكَة وُسَلَكْنِي مَنْ يَدْ هِيرُودُسْ، وُمَنْ شَّعْبْ الْيَهُود أَلي كَانْ يْقَارَعْ". 12 مَنْ بَعْدْ رَاحْ لَدَارْ مَرْيَمْ يَمَاتْ يُوحَنَّا أَلِي يْسَمُوهْ مَرْقَسْ، كَانُوا مُومِنِينْ بَزَافْ مْجَمْعِينْ يْصَلُوا. 13 كِي وْصَلْ قْرَعْ عَالْبَابْ تَاعْ بَرَى جَاتْ خَدَامَة يْسَمُوهَا رَوْدَا بَاشْ تَسْمَعْ. 14 كِي عَرْفَتْ صُوتْ بُطْرُسْ مَافَتْحَتْشْ الْبَابْ مَنْ الْفَرْحْ، رَجْعَتْ لَداَخَلْ أَدَارْ وُخَبْرَتْهُمْ بَلِي بُطْرُس رَاهْ وَاقَفْ عَنْدْ الْبَابْ. 15 وُڤَالُوا لْهَا: "رَاكِي تَتْخَيْلِي!". وُهِيَ كَانَتْ تْؤَكَدْ لْهُمْ بَلِي هُوَ. ڤَالُوا: " بَلاَكْ مَلاَيْكَة!". 16 وُبُطْرُسْ كَمَلْ يَقْرَعْ. كِي فَتْحُولَهْ شَافُوهْ أَنْدَهْشُوا. 17 وُشَارْ لْهُمْ بْيَدَهْ يَسْكْتُوا، وُحْكَالْهُمْ كِيفَاشْ خَرْجَهْ اَلرَّبْ مَالْحَبْسْ. وڤَالْ: "خَبْرُوا يَعْقُوبْ وَالإِخْوَة بْهَادْ اَلشِي". مَنْ بَعْد خْرَجْ وُرَاحْ لَمْكَانْ أَخَرْ. 18 وُكِي طْلَعْ الْنْهَارْ صْرَاتْ بَلْبَلَة بِينْ الْعَسْكَرْ: يَادْرَى شَا صْرَى لْبُطْرُس؟ 19 وُكِي أَسْتَدْعَاهْ هِيرُدُسْ بَأشْ يَقَتْلُوهْ مَالْقَهْشْ حَقَقْ مْعَ الْعَسْكَرْ وُأَمَرْ بَاشْ يَقَتْلُوهُمْ. 20 وُكَانْ هِيرُدُسْ سَاخَطْ عْلَى الصُّرِيِّين وَالصَّيْدَاويِّين، أَتَفْقُوا وُرَسْلُوا نَاسْ يَسْتَعْطْفُوا عَنْدْ بَلاَسْتُسْ حَاجَبْ الْسَلْطَانْ طَالْبِينْ الأَمَانْ عْلَى خَاطَرْ مْدِينَتْهُمْ تَدِي رَزْقْهَا مَنْ مْدِينَة الْسُلْطَانْ. 21 وُفِي وَاحَدْ الْنْهَارْ أَلْبَسْ هِيرُودُس لَبْسَة الْسَلْطَانْ، وُڤْعَدْ فُوڤْ كُرْسِّيهْ وُبْدَى يْخَاطَبْهُمْ. 22 وُ الْشَّعْبْ ڤَالْ بَعْيَاطْ: " هَدَاصُوتْ إِلَهْ مَاشِي صُوتْ إِنْسَان!". 23 فَالْحِينْ ضَرْبَهْ مَلاَيْكَة الْرَّبْ خَاطَرْ مَاعْطَاشْ الْمَجْدْ لله، وُالْدُودْ بْدَى يَاكْلَهْ حَتَى مَاتْ. 24 وُكَلِمَة الله كَانَتْ تَكْبَرْ وُتَزْدَادْ. وُمَلِي بَرْنَابَا وُشَاوُلْ كَمْلُوا الْخِدْمَة فِي أُورْشَلِيمْ، رَجْعُوا لأَنْطَاكِيَة، 25 وُدَاوْ مْعَاهُمْ يُوحَنَّا أَلِي يْسَمُوهْ مَرْقُسْ.
1 كَانْ فِي كَنِيسَة أَنْطَاكِيَة أَنْبِيَا وُمُعَلِّمُونْ: بَرْنَابَا، وُسَمْعَانْ أَلْلِي يْسَمُوهْ نِيجَرَ، ولُوكِيُوسْ الْقَيْرَوَانِي، وُمَنَايِنُ أَلْلِي تْرَبَى عَنْدْ هِيرُودُسْ رَايَس الْرُبْعْ، وُشَاوُلْ. 2 وُكِي كَانُوا يَخَدْمُوا لَرَّبْ وُيْصُومُوا، اَلرُوحْ اَلْقُدُسْ ڤَالْ: "خَيْرُوا لْلِي بَرْنَابَا وُشَاوُلْ لَلْخِدْمَة أَلْلِي أَخْتَرْتَلْهُمْ". 3 مَنْ بَعَدْ مَا صَامُوا وُصَلاَوْ وُحَطُوا عْلِيهُمْ الْيَدِينْ،خَلاَوهُمْ إِشَاوْرُوا. 4 وُ فِي زُوجْ أَرْسَلْهُمْ اَلرُّوحْ اَلْقُدُسْ هَوْدُوا لْسَلُوكِيَّة، وُمَنْ هْنَاكْ سَافْرُوا مَالَلْبْحَرْأَلْقُبْرُسْ. 5 وُكِي وَصْلُوا أَلْسَلاَمِيسْ بَشْرُوا بْكَلِمَة الله فَي مْجَامَعْ الْيَهُودْ. وُكَانْ مْعَاهُمْ يُوحَنَّا خَادِمْ. 6 وُكِي رَاحُوا اَلْجَزِيرَة بَافُوسْ، أَلْڤَاوْ رَاجَلْ سَحَارْ نَبِي كَذَابْ يَهُودِي أَسْمَهْ بَارْيَشُوعْ، 7 كَانْ مْعَ الْوَالِي سَرْجِيُوسْ بُلُوسْ، وُهُوَ رَاجَلْ فَاهَمْ، عْرَضْ بَرْنَابَا وُشَاوُلْ وُبْغَى يَسْمَعْ كَلْمَة الله، 8 بَصَحْ عَارَضْهُمْ عَلِيمْ الْسَاحَرْ، خَاطَرْ هَادَ هُوَ مَعْنَى أَسْمَهْ، بْغَى يْخَسَرْ نِيَة الْوَالِي عْلَى آلإِيمَانْ. 9 وُشَاوُلْ، أَلْلِي هُوَ بُولُس تَانِي أَتْعَمَرْ مَنْ اَلرُّوحْ اَلْقُدُسْ وُشَافْ لِيهْ 10 وُڤَالْ: "أَنْتَ أَلْلِي رَاكْ مْعَمَرْ مَنْ كُلْ غَشْ وُكُلْ خُبْثْ!يَا وَلْدْ إِبْلِيسْ! يَا عْدُو كُلْ حَقْ! مَازَالَكْ تْفَسَدْ طَرْڤَانْ الله لَمْسَڤْدَة؟ 11 وُضُورْكْ هَا يَدْ الْرَّب عْلِيكْ، تَتَعْمَى وُمَتْشُوفْشْ الْشَّمْس لَلْوَقْتْ". وُفَالْحِينْ طَحْ عْلِيهْ ضْبَابْ وُظَلْمَة، وُرْجَعْ يْحَوَسْ شْكُون يْقُودَهْ مَنْ يَدِيهْ. 12 وُمَلِي شَافْ اَلْوَالِي مَاصْرَى، اَمَنْ وُأَدْهَشْ مَنْ تَعْلِيمْ اَلْرَّبْ. 13 مَنْ بَعْدْ قَلَعْ بُولُسْ وُأَلْلِي مْعَاهْ مَنْ بَافُوسْ لْبَرْجَة بَمْفِيلِيَّة. وُيُوحَنَّا فَارَقْهُمْ وُرْجَعْ لِأُوْرْشَلِيمْ. 14 وُهُمَا فَاتُوا مَنْ بَرْجَة وُجَاوْ لْأَنْطَاكِيَة بِيسِيدِيَّة، وُدَخْلُوا الْمَجْمَعْ يُومْ الْسَبْتْ وُجَمْعُوا. 15 وُبَعْدْ قِرَاءَة الْشَرِيعَة وَالأَنْبِيَا، رَاسْلُوا لْعَنْدْهُمْ رِيَاسْ الْمَجْمَعْ ڤَالُوا: " يَا إِخْوَة، إِلَى عَنْدْكُمْ كَلِمَة وَعْظْ لَشَّعْب ڤُولُوا". 16 وڤَفْ بُلُوسْ وُشَرْ بْيَدِيهْ وُڤَالْ: " يَا رْجَالْ إِسْرَائِيلْ يَالِي تَتَقُوا الله آسَمْعُوا! 17 إِلَهْ شَّعْبْ إِسْرَائِيلْ خْتَارْ جْدَادْنَا، وُطَلَعْ شَأنْ شَعْبْنَا وَقْتْ غَرْبْتَهْ فِي مَصَرْ، وُبْيَدَهْ لَقْوِيَة خَرَجْهُمْ مَنْهَا. وُطُولْ رَبْعِينْ سْنَة، 18 تْحَمَلْ عْوَايَدْهُمْ فَالصَحْرَى. 19 مَنْ بَعْدْ أَهْلَكْ سَبْعَ أُمَمْ فِي أَرْضْ كَنْعَانْ وُڤَسَمْ لْهُمْ أَرْضْهُمْ بَالْقُرْعَة. 20 وُبَعْدْ رَبْعْمْيَا وْ خَمْسِينْ سْنَة أَعْطَاهُمْ قُضَاةْ حَتَى لْصَمُوئِيلْ اَلنَبِي. 21 وُمَنْ ثَمَ بْغَاوْ إِيدِيرْ لْهُمْ سُلْطَانْ، دَارْلْهُمْ شَاوُل بَنْ قَيْسْ، رَاجَلْ مَنْ عَرْشْ بِنْيَامِينْ، رَبْعِينْ سْنَة. 22 مَنْ بَعْدْ عَزْلَّهْ وُدَارْلْهُمْ دَاوُدْ سُلْطَانْ، ألْلِي شْهَدْ عْلِيهْ، وُڤَالْ: لْڤِيتْ دَاوُدْ بَنْ يَسَّ رَاجَلْ عْلَى حْسَابْ ڤَلْبِي، أَلْلِي يْدِيرْ ڤَاعْ مَشِئْتِي. 23 وُمَنْ نَسْلَهْ، عْلَى حْسَابْ الْوَعْدْ، أَلِي وْعَدْ الله بَلِي يَخْرَجْ لَمْسَلَكْ مَنْ إِسْرَائِيل، يَسُوعْ. 24 وُسْبَقْ يُوحَنَّا وُ بَشَرْ بمَجِيئِهْ بَالتَغْطَاسْ لَتُوبَة لْڤَاعْ شَّعْب إِسْرَائِيلْ. 25 وُكِي ڤَرَبْ يُوحَنَّا يْكَمَّلْ خَدَمْتَهْ ڤَالْ: شْكُون رَاكُمْ حَاسْبِينِّ؟ مَاشِي أَنَا الَمْسَلَكْ، رَاحْ يْجِي وْرَيَا وَأَنَا مَا نَسْتْهَلْشْ نْحَلْ رْبَاطْ صَبَاطْ كَرْعِيهْ 26 "يَا خَوْتِي أوْلاَدْ جَنْسْ إِبْرَاهِيم، وُ أَلْلِي مَنْكُمْ يْتَقُوا الله، لِيكُمْ أَرْسَلْتْ كَلْمَة هَادْ الْسْلاَكْ. 27 عْلَى خَاطَرْ الْسَاكْنِينْ فِي أُورْشَلِيمْ وُرِيَاسْهُمْ مَا عَرْفُوهْشْ وُكَمْلُوا عْلَى حْسَابْ لْكَلْمَة أَلِي يَقْرُوهَا بَالسَبْتْ، وُحَكْمُوا عْلِيهْ. 28 مَلْقَاوْ حَتَى ذَنْبْ وَاحَدْ عْلِيهْ أَلِي يَسْتْهَلْ الْمُوتْ طَلْبُوا مَنْ بِيلاَطُس بَاشْ يَقَتْلَهْ. 29 وُكِي كَمْلُوا أَلشِي أَلِي كَانْ تَكْتَبْ عْلِيهْ، هَوْدُوهْ مَنْ الْصَلِيبْ وُدَفْنُوهْ. 30 بَصَحْ الله نَوْضَهْ مَنْ اَلْمُوتْ. 31 وُبَانْ مُدَّة إِيَامْ لَلِي رَافْقُوهْ مَنْ اَلْجَلِيلْ لْأُورْشَلِيمْ، أَلِي هُمَا شْهُودْ تَاعَهْ عَنْدْ الْشَّعْبْ. 32 وُ حْنَى نْبَشْرُوكُمْ بَالْوَعْدْ أَلِي كَانْ لَجْدَادْنَا، 33 وُالله كَمَلْ هَادْ الْوَعْدْ لِينَا حْنَى أَوْلاَدْهُمْ، نَوَضْ يَسُوعْ مَنْ اَلْمُوتْ كِمَا كَانْ مَكْتُوبْ فَالْمَزْمُورْ اَلْثَانِي: أَنْتَ أَبْنِي، أَنَا الْيُومْ وْلَدْتَكْ. 34 الله نَوْضَهْ مَنْ اَلْمُوتْ، وُمَاخَلَاهْشْ يَتْعَفَنْ، هَكْدَا ڤَالْ: نَعْطِيكُمْ مَرَاحِمْ دَاوُدْ اَلْصَّادْقَة. 35 وُڤَالْ ثَانِي فِي مَزْمُورْاَخَرْ: مَا تْخَلِيشْ لَمْقَدَّسْ تَعَكْ يَتْعَفَنْ. 36 عْلَى خَاطَرْ دَاوُدْ بَعْدْ مَا خْدَمْ جِيلَهْ بَمْشَاوْرَة الله، مَاتْ وُ لْحَڤْ جْدَادَهْ الْلَقْبَرْ، وُتْعَفَنْ. 37 وُهَذَاكْ لِي حْيَاهْ الله مَا تْعَفَنْشْ. 38 وُأَعَلْمُوا يَا خَوْتِي، بَلِي بيَسُوعْ تْبَشْرُوا بْغُفْرَانْ اَلْخَطَايَا، 39 وُبِهْ يَتْبَرَّرجْمِيعْ أَلِي يْؤَمَنْ مَنْ كُلْ الْشِي أَلِي عَجْزَتْ عْلِيهْ شَرِيعَة مُوسَى 40 أَحَرْزُوا بَاشْ مَا يَصْرَى لْكُمْشْ أَلِي تْڤَالْ فَالْأنْبِيَا: 41 "شُوفُوا يَاالْمَسْتَاهْزِيِين، تْعَجْبُوا وُ أَهَلْكُوا! رَانِي دَايَرْ فِي إِيَامْكُمْ خَدْمَة لَوْكَانْ يَحْكِيوْهَا لْكُمْ مَاتْصَدْقُوشْ". 42 وُكٍي خَرْجُوا الْيَهُودْ مَالْمَجْمَعْ طَلْبُوا الأُمَمْ بَاشْ يَوَلِوْ الْسَبْتْ الْتَالِي وُيْكَلْمُوهُمْ بْهَادْ الَكْلاَمْ. 43 وُكِي كْمَلْ اَلْإجْتِمَاعْ تَبْعُوهُمْ نَاسْ كْثِيرْ مَالْيَهُودْ وُالْمَتْهَوْدِينْ بُولُس وُبَرْنَابَا كَانُوا يْكَلْمُوهُمْ وُيْقَنْعُوهُمْ بَاشْ يَثَبْتُوا فِي نِعْمَة الله. 44 وُفَالسَبْتْ الْتَالِي أَجْتَمَعْتْ ڤْرِيبْ ڤَاعْ لَمْدِينَة بَاشْ تَسْمَعْ كَلِمَة الله. 45 وُمَلِي شَافُوا الْيَهُودْ دُوكْ الْنَاسْ تْعَمْرُوا غِيْرَة، وُبْدَاوْ يْعَارْضُوا كْلاَمْ بُولُسْ. 46 وُبْجُرْأة بُولُسْ وُبَرْنَابَا كَلْمُهُمْ وُڤَالُوا: "كَانْ عْلِينَا نْكَلْمُكُمْ أَنْتُمَا فَالْلَوَلْ بْكَلْمَة الله، بَصَحْ مَا بْغِيتُوشْ وُبَيَنْتُوا بَلِي مَا تَسْتَهْلُوشْ الْحَيَاة الْأَبَدِيَّة، وُرَانَا ضُورْكْ نْكَلْمُوا أَلْلِي مَاشِي يَهُودْ. 47 عْلَى خَاطَرْ هَاكْدَا وَصَانَا اَلرَّبْ : رَانِي دَرْتَكْ نُورْ لَلْأُمَمْ، أَنْتَ تْوَصَلْ الَسْلاَكْ لْڤَاعْ اَلْلَرْضْ". 48 كِي سَمْعُوا اَلْأمَمْ هَادْ لَكْلاَمْ فَرْحُوا وُمَجْدُوا كَلِمَة اَلرَّبْ. وُاَمَنْ جْمِيعْ أَلْلِي وَجَدْهُمْ الله لَلْحَيَاة ْاَلْأَبَدِيَّة. 49 وُهَكْدَا أَنْتَشْرَتْ كَلِمَة اَلرَّبْ فَالْمنْطْقَة كُلْهَا. 50 بَصَحْ لِيهُودْ حَرْكُوا اَلنْسَا اَلتَقِيَاتْ اَلشَّرِيفَاتْ وُشُورَفَاءْ لَمْدِينَة، ونَوْضُوا إِضْطِهَادْ عْلَى بُولُسْ وُبَرْنَابَا، وُطَرْدُوهُمْ مَنْ مْدِينَتْهُمْ. 51 وُهُمَا نَفْضُوا لْغَبْرَى تَاعْ كَرْعِيهُمْ، وُرَوْحُوا أَلْإِيقُونِيَة. 52 وُ الْتَلاَمٍيذْ كَانُوا يَتْعَمْرُوا بَالْفَرْحْ وُالرُّوحْ الْقُدُسْ.
1 وُفِي إِيقُونِيَة دْخَلْ بُولُسْ وُبَرْنَابَا مَجْمَعْ الْيَهُودْ وُتْكَلْمُوا، حَتَّى اَمَنْ كْثِيرْ مَنْ الْيَهُودْ وُالْيُونَانِيِّينْ. 2 بَصَحْ لِيهُودْ أَلْلِي مَأَمْنُوشْ غَارُّوا وُفَسْدُوا عْقُولْ الْنَاسْ عْلَى الإِخْوَة. 3 وُفَوْتُوا وَقْتْ طْوِيلْ تَمَّا يْبْشْرُوا بْكُلْ جُرْأَة بَالرَّبْ أَلْلِي كَانْ يَشْهَدْ لِكَلْمَة نِعْمَتَهْ، بَالْمُعْجِزَاتْ وُ الْعْجَايَبْ ألْلِي كَانْ يْدِيرْهُمْ بْيَدِيهُمْ. 4 وُنَاسْ لَمْدِينَة تْقَاسْمُوا فَالرَايْ، أَلْلِي كَانُوا مْعَ لِيْهُودْ وُأَلْلِي كَانُوا مْعَ الرَّسُولَيْن. 5 وُكِي بْغَاوْ الْأُمَمْ وُالْيَهُودْ وُرِيَاسْهُمْ يْبَهْدْلُوا الْرَّسُولَيْنْ وُ يَرَجْمُوهُمْ، 7 لْحَڤْهُمْ لَخْبَرْ وُهَرْبُوا لَمْدِينَة لِيكَأُّونِيَّة: لِسْتِرَة وُدَرْبَة، وُلَمْدُونْ لَڤْرِيبَة. 6 وُكَانُوا تَّمَ يْبَشْرُوا. فِي لِسْتِرَة وُدَرْبَة 8 وُكَانْ وَاحَدْ مَنْ لِسْتْرَة رَاجَلْ عْرَجْ الْكَرْعِينْ مَلِي نْزَادْ ،عَمْرَهْ مَا مْشَى. 9 وُكَانْ يَسْمَعْ كْلاَمْ بُولُسْ، شَافْ فِيهْ، وُحَسْ بَلِي عَنْدَهْ إِيمَانْ بَاشْ يَبْرَى، 10 ڤَالَهْ بْصُوتْ عَالِي: "نُوضْ وَوْڤَفْ عْلَى كَرْعِيكْ!". تَم تَمْ نَاضْ وُمْشَى 11 وُكِي شَافُوا النَّاسْ أَلْلِي دَارَهْ بُولُسْ، ڤَالُوا بَعْيَاطْ بْلُغَة لِيكأُّونْيَّة: "هَادُوا أَلِهَة تْشَبْهُوا بَالنَّاسْ وُهَوْدُوا عَنْدْنَا". 12 وُكَانُوا يْسَمُوا بَرْنَابَا "زَفْسَ" وُبُولُس "هَرْمَسَ" خَاطَرْ هُوَ أَلْلِي كَانْ يَهْدَرْ. 13 وُجَا كَاهَنْ زَفْسَ ، أَلْلِي كَانْ فَالْدَخْلَة تَاعْ لَمْدِينَة، جَابْ مْعَاهْ فْرَادْ وُوَرْدْ هُوَ وَ النَّاسْ أَلْلِي كَانُوا مْعَاهْ، وُبْغَاوْ يْقَدْمُوهُمْ ذْبِيحَة لَرَّسُولَيْنْ. 14 كِي سَمْعُوا بَرْنَابَا وُبُولُسْ، قَطْعُوا لْقَشْ تَاعْهُمْ وُرَاحُوا لَنَّاسْ يْعَيْطُوا 15 وُ ڤَالُوا: "يَا رْجَالْ، شَا رَاكُمْ أَدِيرُوا؟ حْنَا غِيرْ نَّاسْ ضْعَافْ كِي نْتُمَ، رَنَى نْبَشْرُكُمْ بَاشْ تْخَلِيوْ هَادْ الْخُرَافَاتْ وُتْرَجْعُوا لْلإِلَهْ اَلْحِيْ أَلْلِي خْلَقْ اَلسْمَا وُالْلَرْضْ وُالَبْحَرْ وُكُلْ مَا فِيهُمْ، 16 أَلْلِي خَلَى الْأُمَمْ مَالزْمَانْ يَمْشِيوْ كِي بْغَاوْ. 17 وُهُوَ مَاخَلاَشْ رُوحَهْ بْلَى شَاهَدْ، وُ هُوَ مَازَالْ يْدِيرْ الْخِيرْ: يَعْطِينَا الْنُو مَالْسْمَا وُيَثْمَرْ عْلِينَا فِي كُلْ وَقْتْ، وُيْعَمَرْ ڤْلُوبْنَا بَالْفَرْحْ". 18 وُبَكْلاَمْهُمْ هَادَ قَنْعُوا الْنَاسْ وُمَا ذَبْحُولْهُمْشْ 19 مَنْ بَعْدْ جَاوْ يَهُودْ مَنْ أَنْطَاكِيَة وُإِيقُونِيَة وُهَيْجُوا الْنَاسْ، وُرَجْمُوا بُولُس وُجَرُوهْ بَرَى لَمْدِينَة، ظَانِينْ بَلِي مَاتْ. 20 وُكِي دَارُوا عْلِيهْ الْتَلاَمِيذْ ، نَاضْ وُدْخَلْ لَمْدِينَة، وُفَالْغَدْ رَاحْ مْعَ بَرنَابَا أَلْدَرْبَة 21 وُ بَشْرُوا فِي دِيكْ لَمْدِينَة وُتْلَمْذُوا بَزَافْ مَنْ الْمُومْنِينْ. مَنْ بَعْدْ رَاجْعُوا اَللِسْتِرَة وُإِيقُونِيَّة وَأَنْطَاكِيَة، 22 وُكَانُوا يْعَلْمُوا التَلاَمِيذْ بَاشْ يَثْبْتُوا فَالْإِيمَانْ، يْشَجْعُوهُمْ بَلِي بْضِيقْ كْبِيرْ وُبْصُعُبَاتْ نَدَخْلُوا لْمَلَكُوتْ الله. 23 وُخَيْرُوا لْهُمْ شْيُوخْ لْكُلْ الْكَنِيسَة، مَنْ بَعْدْ مَا فَوْتُوا وَقْتْ فَالْصْلاَةْ وُالصْيَامْ وُوَدْعُوهُمْ لَرَّب أَلْلِي أَمْنُوا بِيهْ. 24 وُكِي فَاتُوا مَنْ بِيسِيدِيَّة لْبَمْفِيلِيَّة. 25 وُبَشْرُوا بَالْكَلِمَة فِي بَرْجَة، هَوْدُوا لْأَتَالِيَة. 26 وُمَنْ تَمْ سَافْرُوا لْأَنْطَاكْيَة مَالَبْحَرْ، وِينْ كَانُوا الْمُومْنِينْ أَلْلِي سَلْمُوهُمْ لَنِعْمَة الله بَاشْ يْكَمْلُوا الْخَدْمَة أَلْلِي بْدَاوْهَا. 27 كِي وَصْلُوا عَرْضُوا ڤَاعْ الْكَنٍيسَة وُجَمْعُوا، حْكَاوْ لْهُمْ الْشِي أَلِي دَارَهْ الله مْعَاهُمْ، بَلِي فْتَحْ بَابْ الإِيمَانْ قُدَامْ الأُمَمْ. 28 وُفَوْتُوا تَمَ وَقْتْ مَاشِي قْلِيلْ مْعَ الْتَلاَمِيذْ.
1 وُهَوْدُوا قُومْ مَلْ الْيَهُودِيَّة، وُ بْدَاوْ يْعَلْمُوا الإِخْوَة بَلِي: "إِذَا مَا تَتْخَتْنُوشْ كِيمَا فِي عَادَة مُوسَى، مَاتَقْدْرُوشْ تْنَالُوا لَسْلاَكْ". 2 تْخَالْفُوا مْعَاهُمْ بُولُس وُبَرْنَابَا دَاخلُوا فِي حِوَارْ طْوِيلْ مْعَاهُمْ، مَنْ بَعْدْ قَرُوا بُولُس وُبَرْنَابَا يَطَلْعُوا لأُوْرْشَلِيمْ مْعَ نَاسْ أُخْرِينْ بَاشْ يْقَبْلُوا الْرُّسُلْ وُالشْيُوخْ بَاشْ يْوَضْحُوا هَادْ الْقَضِيَة. 3 مَنْ بَعْدْ مَاوَدْعَتْهُمْ الْكَنِيسَة سَافْرُوا وُفَاتُوا عْلَى فِينِيقِيَّة وَالسَّامِرَة خَبْرُوا الإِخْوَة تَمَ بَلِي الأُمَمْ تَانِي أَمْنُوا وُرَجْعُوا لَرَّبْ، وُ كَانُوا سْبَابْ الْفَرْحَة تَعْ الإِخْوَة. 4 وُكِي وَصْلُوا لأُوْرْشَلِيم قَبْلَتْهُمْ الْكَنِيسَة وَالرُّسُلْ وَالشْيُوخْ، وُخَبْرُوهُمْ بَاشْ دَارْ الله مْعَاهُمْ. 5 بَصَحْ نَاضُوا نَاسْ مَلِي أَمْنُوا مَنْ مَذْهَبْ الْفَرِّسِيِّين، وُڤَالُوا:"لاَزَمْ عْلِيهُمْ يَتْخَتْنُوا، وُيَتْعَلْمُوا يَتْمَشَاوْ بَشَرِيعَة مُوسَى". 6 أَجْتَمْعُوا الْرُّسُل وَالْشْيُوخْ بَاشْ يَدْرْسُوا هَادْ الْقَضِيَة. 7 مَنْ بَعْدْ مَا صْرَى حِوَارْ طْوِيلْ نَاضْ بُطْرُس وُڤَالْ لْهُمْ: "يَا إِخْوَة، رَاكُمْ عَارْفِينْ بَلِي مَنْ شْحَالْ مَلْ لِيَامْ خِيَارْ الله فِي وَسْطْنَا بَاشْ بِفَمِي يْسَمَعْ الأُمَمْ بْكَلْمَة الإِنْجِيل وُيْؤَمْنُوا. 8 وُالله أَلِي يَعْرَفْ لَڤْلُوبْ، شْهَدْ لْهُمْ مَلِي أَعْطَاهُمْ اَلرُّوحْ اَلْقُدُسْ كِمَا أَعْطَنَا أَحْنَا. 9 وُمَا دَارْشْ فَرْقْ بِيْنَتْنَا فِي حَتَى شِي، هُوَ طَهَّرْ ڤْلُوبْهُمْ بَالإِيمَانْ 10 وُ ضُورْكْ عْلَاشْ جَرْبُوا الله مَلِي رَاكُمْ تْثَقْلُوا عْلَى الْتَلاَمِيذْ الْشِي أَلِي حَتَى جْدَدْنَا مَا قَدْرُوشْ يَحَمْلُوهْ؟ 11 بَصَحْ بنِعْمَة يَسُوع الْمَسِيح نْؤَمْنُوا بَلِي رَنَا مْسَلْكِينْ كِيمَا هُمَا تَانِي". 12 وُسَكَتْ الْنَاسْ كُلْهُمْ. وُكَانُوا يَسْمْعُوا بَرْنَابَا وُ بُولُس يَحْكُوا الْشِي أَلِي دَارَهْ الله مَنْ مُعْجِزَات وُعْجَايَبْ فِي وَسْطْ الأُمَمْ. 13 وُكِي كَمْلُوا كْلَامْهُمْ جَاوَبْ يَعْقُوبْ ڤَالْ: " يَا خَوْتِي أَسَمْعُولِي. 14 سِمْعَانْ خَبَرْنَا كِيفَاشْ الله جَا فَالْلَوَلْ لَلْأُمَمْ بَاشْ يْدِيرْ مَنْهُمْ شَعْبْ عْلَى أَسْمَهْ. 15 وُ هَذَا كِمَا جَا فِالْكْتَابْ مَنْ كْلاَمْ الأَنْبِيَا: 16 وُبَعْدْ هَدَا نَرْجَعْ وُنْعَاوَدْ نَبْنِي خَيْمَة دَاوُدْ الْمَهْدُومَة، وُنَبْنِيهَا مَنْ خْرَبْهَا مَنْ جْدِيدْ، 17 بَاشْ أَلِي بَاقْيِينْ مَنْ الْنَاسْ يَطَلْبُوا الْرَّبْ، وُ جْمِيعْ أَلِي تْحْمَلْ أَسْمِي عْلِيهُمْ، يْقُولُوا الْرَّبْ دَارْ هَدْ الأُمُور. 18 الْمَعْرُوفَة عَنْدَهْ مَالْأزَلْ. 19 اَنَا رَانِي نْشُوفْ بَلِي مَا نْثَقْلُوشْ عْلَى الْمُومْنِينْ أَلِي مَلْ الأُمَمْ، 20 بَصَحْ نْرَسْلُولْهُمْ بَاشْ مَا يْعَوْدُوشْ يَكْلُوا مَنْ الْذَبَائِحْ أَلِي يْقْدْمُوهَا للْأصْنَامْ، وُيْبَعْدُوا عْلَى الْزْنَا، وُمَا يَكْلُوشْ لْحَمْ الْحَيَوَانْ الْمَخْنُوقْ، وُالدَمْ. 21 عْلَى خَاطَرْ مُوسَى مَنْ لَجْيَالْ لَقْدِيمَة،عَنْدَهْ شْكُونْ يْبَشَرْ بِيهْ فِي كُلْ مْدِينَة، يْقْرَاوَهْ فَالْمَجَامَعْ كُلْ سَبْتْ". 22 تْفَاهْمُوا اَلرُّسُلْ وَالْشْيُوخْ مْعَ كُلْ الْكَنِيسَة يْخَيْرُوا زُوجْ رْجَالْ مَنْهُمْ، وُيَرَسْلُوهُمْ اَلْ أَنْطَاكِيَة مْعَ بُولُس وُبَرْنَابَا: خَيْرُوا يَهُوذَا أَلِي يْسَمُوهْ بَرْسَابَا، وُسِيلاَ، كَانْ عَنْدْهُمْ قْدَرْ بَزَافْ عَنْدْ الْخَاوَة. 23 وُكَتْبُولْهُمْ بْرِيَة تْقُولْ: " الْرُّسُلْ وَ الشْيُوخْ وَالْإِخْوَة يَرَسْلُوا سْلَامْ لَلإِخْوَة أَلِي مَلْ الأُمَمْ فِي أَنْطَاكِيَة وُسُورِيَّة وُكِيلِيكِيَة: 24 رَانَا سْمَعْنَا بَلِي نَاسْ جَاوْ مًنْ عَنْدْنَا وُقَلْقُوكُمْ بَكْلاَمْهُمْ، ڤَالُولْكُمْ: لاَزَمْ تَتْخَتْنُوا وُ تَمْشُوا بَالْشَرِيعَة، مَاشِي حْنَى أَلِي أَرْسَلْنَاهُمْ. 25 تْفَهْمْنَا برَايْ وَاحَدْ وُخَيَرْنَا زُوجْ رْجَالْ أَرْسَلنَاهُمْ مْعَ حْبَابْنَا بَرْنَابَا وُبُولُسْ، 26 زُوجْ رْجَالْ سَلْمُوا حْيَاتْهُمْ لْخَدْمَة رَّبْنَا يَسُوعْ الْمَسِيحْ. 27 أَرْسَلْنَا يَهُوذَا وُسِيلاَ، وُهُمَا يَخَبْرُوكُمْ بْهَدْ الْأَمْرْ بْفَمْهُمْ. 28 مَيَزْاَلرُّوحْ الْقُدُسْ وَحْنَا ، بَاشْ مَا نْثَقْلُوشْ عْلِيكُمْ، مَنْ غِيرْ هَدْ الْأُمُورْ الْلاَزْمَة: 29 مَا تْعَوْدُوشْ تَاكْلُوا مَنْ الْذَبَائِحْ أَلِي يْقَدْمُوهَا لَلْأَصْنَامْ، وُمَا تَشْرْبُوشْ اَلدَمْ، وُمَا تَكْلُوشْ لْحَمْ الْحَيَوَانْ الْمَخْنُوقْ، وَتَبْعْدُوا مَالْزْنَا، وِإِذَا حْرَزْتُوا رُوحْكُمْ مَنْ هَادْ الْأُمُورْرَاكُمْ مْلاَحْ. كُونُوا مُعَافِينْ". 30 كِي قَلْعُوا رَاحُوا أَلْ أَنْطَاكِيَة، وُجَمْعُوا مْعَ الْمُومْنِينْ وُعْطَاوْلْهُمْ لَبْرِيَة. 31 كِي قْرَاوْهَا فَرْحُوا وُتْعَزَاوْ. 32 يَهُوذَا وُسِيلاَ هُمَا تَانِي أَنْبِيَا، وَعْظُوا الْلإِخْوَة بَكْلاَمْ كْثِيرْ وُتَقْوَى إِيمَانْهُمْ. 33 وُبَعْدْ مُدَة مَنْ زْمَانْ وَدْعُوهُمْ الإِخْوَة بَسْلاَمْ وُرَجْعُوا عَنْدْ الرُّسُلْ. 34 بَصَحْ سِيلاَ خِيَرْ يَڤْعَدْ فِي أَنْطَاكِيَة. 35 وُبُولُسْ وُبَرْنَابَا ڤَعْدُوا فِي أَنْطَاكِيَة يْعَلْمُوا وُيْبَشْرُوا مْعَ وَاحَدْ أُخْرِينْ بْكَلِمَة الْرَّبْ. بولس وبرنابا يفترقوا 36 بَعْدْ شْوِيَة مَلْ لِيَامْ بُولُسْ قَالْ لْبَرْنَابَا: نَرْجْعُوا نْسَقْسِيوْ عْلَى خَوَتْنَا كِي رَاهُم فِي كُلْ مْدِينَة بَشَرْنَا فِيهَا بْكَلِمَة اَلرَّبْ، 37 بَرْنَابَا بْغَى يَدُوا مْعَهُمْ يُوحَنَّا أَلِي يْسَمُوهْ مَرْقَسْ، 38 بَصَحْ بُولُسْ مَابْغَاشْ، عْلَى خَاطَرْ فَارَقْهُمْ مَقْبَلْ فِي بَمْفِيلِيَّة وُمَا رَفَاقْهُومْشْ فَالْخِدْمَة. 39 تْخَاصْمُوا بِينَتْهُمْ وُتْفارْقُوا. بَرْنَابَا أَدَى مْعَاهْ مَرْقُسْ وُ سَافَرْ فَبْحَرْ رَاحْ لْقُبْرُسْ. 40 وُبُولُسْ خَيَرْ سِيلاَ وَدْعُوهْ الْإِخْوَة لْنِعْمَة الله. 41 وُسَافَرْ لْسُورِيَة وُكِيلِيكِيَّة يْقَوِي الْكَنَائِس.
1 مَنْ بَعْدْ وَصْلُوا لْدَرْبَة وُلِسْترَة، وُكَانْ وَاحَدْ اَلتِلْمِيذْ إِسَمُوهْ تِيمُوثَاوْسْ، وَلْدْ مْرَة إِيهُودِيَة مُؤْمِنَة وَبُوهْ يُونَانِي، 2 وُكَانْ عَنْدَهْ شْهَادَة مْلِيحَة عَنْدْ الْخَاوَة أَلِي فِي لٍسْترَة وْإِيقُونِيَة. 3 وُبُولُسْ بْغَى يَدِيهْ مْعَاهْ، وَدَاهْ وُخَتْنَهْ عْلَى جَالْ لِيْهُودْ أَلِي كَانُوا فِي دُوكْ الْجْوَايَهْ، عْلَى خَاطَرْ كَانُوا ڤَاعْ عَارْفِينْ بَلِي بُوهْ يُونَانِي. 4 وُمَلِي كَانُوا يْفُوتُوا عْلَى الْمُدُنْ كَانُوا يْوَصُوا الْخَاوَة بَاشْ يَحْتَرْمُوا الْقَرَرَاتْ أَلِي أَخْذَوْهَا الْرُّسُلْ وُالْمَشَايَخْ أَلِي فِي أورْشَلِيمْ. 5 وُكَانَتْ الْكَنَائِسْ تَتْقَوَى فَالإيمَانْ وُيَزْدَدُوا لِيهَا مُؤْمِنِينْ كُلْ يُومْ. 6 مَنْ بَعْدْ مَا سَافْرُوا لْفِرِيجِيَّة وُغَلاَطِيَّة، مْنَعْهُمْ اَلرُّوحْ اَلْقُدُسْ يَبَشْرُوا بَالْكَلِمَة فِي أَسِيَّا. 7 وُكِي وَصْلُوا لْمِيسِيَّا بْغَاوْ إِيْرُحُوا لْبِثِينِيَّة، وَالرُّوحْ مَاخَلَهُومْشْ يَدَخْلُوهَا. 8 وُفَاتُوا عْلَى مِيسِيَّا وُهَوْدُوا لْتَرُوَاسْ. 9 وُشَافْ بُولُسْ رُؤْيَا فَالْلِيلْ: رَاجَلْ مَكِدُونِي وَاڤَفْ يْحَّوَسْ عْلِيهْ وُڤَالْ: "أَرْوَحْ لْمَكِدُونِيَّة وُسَعَدْنَا!". 10 وُمَلِي شَافْ الْرُؤْيَة، تْأَكْدْنَا بَلِي اَلرَّبْ دْعَانَا نْبَشْرُهُمْ، وُسَافَرْنَا لْمَكِدُونِيَّة فَالْحَالْ. 11 قَلَعْنَا مَنْ تَرُوَاس لْجَزِيرَة سَامُوثْرَاكِي، وُفَالْغَدْ رَوَحْنَا لْ نِيَابُولِيسْ. 12 وُمَنْ تَمْ لْفِلِبِي، أَلِي كَانَتْ هِيَ لْمْدِينَة الَكْبِيرَة فِي مُقَاطَعَة مَكِدُونِيَّة، وُهِيَ مَسْتَعْمْرَة مَنْ الْرُومَانْ. وُفَوَتْنَا شْحَالْ مَلْ لِيَامْ فِيهَا. 13 وُفِي نْهَارْ اَلسَّبْتْ خْرَجْنَا بَرَى لَمْدِينَة ڤُدَامْ وَاحَدْ الْوَادْ، وِينْ كَانُوامْوَلْفِينْ إِصَلُوا، جَمَعْنَا وُكُنَا نْبَشْرُوا لَنْسَا أَلِي كَانُوا مْجْمْعَاتْ تَمَ. 14 وُ كَانَتْ وَاحَدْ لَمْرَة تَسْمَعْ إِسَمُهَا لِيدِيَّة، تَاجِرَة الأَرْجُوَانْ وُ هِيَ مَنْ مْدِينَة ثَيَاتِيرَا، تْحَبْ تَعْبَدْ الله، فْتَحْ اَلرَّبْ ڤَلْبْهَا بَاشْ تَقْبَلْ كْلاَمْ بُولُسْ. 15 وُمَلِي تْغَطْسَتْ هِيَ وُالْعَايْلَة تَعْهَا عَرْضَتْهُمْ وُ ڤَالَتْ: " إِذَا رَاكُمْ مَقْتَنْعِينْ رَانِي مُؤْمِنَة الَرَّبْ، أَدْخْلُوا ضْيَافْ لْدَارِي وُقَعْدُوا مْعَنَا". 16 وُفِي وَاحَدْ الْيُومْ كُنَا رَيْحِينْ لَصْلاَةْ، تْلَقَاتْ بِينَا وَحْدَة جَارِيَة فِيهَا رُّوحْ شَوَافَةَ. كَانَتْ أَدَخَلْ دْرَاهَمْ كْبَارْلَسْيَادْهَا مَنْ خَدْمَة اَلشْوَافَة. 17 وُكَانَتْ تَمْشِي مُورْ بُولُسْ وُمُوْرَانَا وُتْعَيَطْ ڤَايْلَة: "هَدْ الْنَّاس عِبَاد الله الْعَلِي، أَلِي رَاهُمْ يْدْعُوكُمْ لَطْرِيڤْ أَسْلاَكْ". 18 وُكَانَتْ أَدِيرْ هَكْدَ شْحَالْ مَلْ لِيَامْ. حَتَى بُولُسْ زْعَفْ دَارْ لَرُّوحْ وُڤَالْ: " نْأَمْرَكْ بَأَسْمْ يَسُوعْ الْمَسِيحْ تَخْرَجْ مَنْهَا!". وُخْرَجْ مَنْهَا تَمْ تَمْ. 19 وُكِي شَافُوا سْيَادْهَا بَلِي الْمَدْخُولْ تَعْهُمْ نَڤْطَعْ، حَكْمُوا بُولُس وُسِيلاَ وُأَدَوْهُمْ لْسَاحَة لَمْدِينَة يْحَاكْمُهُمْ. 20 وُقَدْمُوهُمْ لَلْحُكَامْ، ڤَالُوا: " هَدْ اَلزُوجْ رَاهُمْ أَيْدِرُوا فَوْضَى فَالْمْدِينَة، وُهُمَا يَهُودْ، 21 وُيْبَشْرُوا بَعْوَايَدْ مَاشِي حَقْ عْلِينَا نَقَبْلُوهَا وَلاَ نْطَبْقُوهَا، حْنَا رُومَانِيِينْ". 22 ونَاضْ ڤَاعْ الْغَاشِي عْلِيهُمْ، الْحُكَامْ ڤَطْعُوا قَشْهُمْ وُأَمْرُوا بَاشْ يَضَرْبُوهُمْ بَالعْصَا. 23 جَلْدُوهُمْ بَزَافْ وُدَارُهُمْ فَالْحَبْسْ، وُ وَصَاوْ عَسَاسْ الْحَبْسْ يْعَسْهُومْ كِيمَا لاَزَمْ. 24 وُهُوَ طَبَقْ الأَوَامَرْ كِيمَا لاَزَمْ، دَارْهُمْ فَالْحَبْسْ وُرْبَطْهُمْ مَنْ كَرْعِيهُمْ. 25 وُفِي نَصْ الْلِيلْ كَانْ بُولُسْ وُسِيلاَ يْصَلُوا وُيْسَبْحُوا الله، وُالْمْحَبْسِيَا يَسَمْعُهُمْ. 26 وُفِي غَفْلَة ضَرْبَتْ زْلَزْلَة كْبِيرَة حَتَى تْزَعْزَعْ سَاسْ الْحَبْسْ، وُتَفْتْحَتْ ڤَاعْ الْبِبَانْ تَعْ الْحَبْسْ، وُتْحَلَتْ قْيُودْ ڤَاعْ الْمَحْبُوسِينْ. 27 وُكِي نَاضْ مَنْ اَلنُومْ عَسَاسْ الْحَبْسْ، وُشَافْ الْبِبَانْ مَفْتُوحِينْ، أَرْفَدْ سِيفَه وُبْغَى يَقْتَلْ رُوحَهْ، كَانْ حَاسَبْ بَلِي الْمَحْبُوسِينْ هَرْبُوا. 28 عَيَطْلَهْ بُولُسْ بْصُوتْ عَالِي وُڤَالْ:"مَا دِرْشْ فرُوحَكْ هَدْ الْشِي! رَنَا ڤَاعْ هْنَا!". 29 اَلْعَسَاسْ طْلَبْ اَلْضُو، وُ أَدْخَلْ وُهُوَ يَتَرْعَدْ مَالْخُوفْ، طَاحْ ڤُدَمْ بُولُس وُسِيلاَ. 30 وَخْرَجْهُمْ مَنْ تَمْ وُڤَالْ: يَا سِيدِي وَاشْ لاَزَمْ أَنْدِيرْ بَاشْ أَنَالْ لَسْلاَكْ؟" 31 ڤَالُوا لَهْ: " أَمَنْ بَالْرَّبْ يَسُوعْ تْنَالْ لَسْلاَكْ أَنْتَ وَأَهْلْ دَارَكْ". 32 وُبَشْرُوا لَهْ هُوَ وَأَهْلْ دَارَهْ أَلِي كَانُوا مْعَاهْ بْكَلِمَة اَلرَّبْ. 33 الْعَسَاسْ أَدَاهُمْ فِي دِيكْ اَلسَاعَة تَعْ الْلِيلْ وُنَقَى جْرُوحْهُمْ وُتْغَطَسْ هُوَ وَأَهْلْ دَارَهْ. 34 وَعْرَضْ بُولُسْ وُسِيلاَ يَاكْلُوا فِي دَارَهْ. وُفْرَحْ بَزَافْ مَعَ ڤَاعْ أَهْلْ دَارَهْ مَلِي أَمْنُوا بَالله. 35 وُكِي طْلَعْ اَلنْهَارْ، الْحُكَامْ بَعْثُوا عَسْكَرْبَاشْ يْقُولُوا لَلْعَسَاسْ:" يَطْلَڤْ بُولُسْ وُ سِيلاَ". 36 الْعَسَاسْ خَبَرْ بُولُس بَالأَمْرْ ڤَالَهْ: " الْحُكَامْ رَاسْلُوا أَمْرْ بَاشْ نَطْلَڤْكُمْ، وُضُورْكْ رُوحُوا فِي سَلاَم". 37 وُڤَالْ لْهُمْ بُولُسْ: " ضَرْبُونَا ڤُدَمْ الْنَّاسْ بْلَى مَا يْحَاكْمُونَا، وَحْنَا رُومَانِيِينْ، وُدَخْلُونَا الْحَبْسْ. وُضُورْكْ يَطَرْدُونَا فَالْسَرْ؟ لاَ! يْجِيوْ هُمَا وُيْخَرْجُونَا". 38 وُالْجَلاَدِينْ أَدَاوْ هَدَاكْ لَكْلاَمْ لَلْحُكَامْ، وُخَافُوا كِي عَرْفُوا بَلِي هُمَا رُومَانِيِينْ. 39 وُجَاوْ طَلْبُوا اَلسْمَاحْ مَنْهُمْ وُ طَلْڤُهُمْ وُڤَالُولْهُمْ يَخْرْجُوا مَنْ الْمْدِينَة. 40 خَرْجُوا مَالْحَبْسْ وُدَخْلُوا لْدَارْ عَنْدْ لِيدِيَّة، قَبْلُوا الإِخْوَة شَجْعُوهُمْ وُخَرْجُوا مَلْ الْمْدِينَة.
1 فْي تِسَالُونِيكِي وُفَاتُوا مَنْ أَمْفِيبُولِيسْ وُأَبُولُونِيَّة، حَتَى وَصْلُوا لْ تَسَالُونِيكِي، وِينْ كَانْ مَجْمَعْ الْيَهُودْ. 2 أَدْخَلْ بُولُس لِيهُمْ كِي عَدْتَهْ، وُكَلَمْهُمْ ثْلاَثْ سْبُوتْ عْلَى لَكْتُبَا، 3 يْوَضَحْ ويْبِيَنْ لْهُمْ بَلِي الْمَسِيح كَنْ لاَزَمْ يَتْأَلَمْ ويْقُومْ مَنْ الْمُوتْ، وبَلِي: هَدَا هُوَ الْمَسِيحْ يَسُوع أَلِي رَانِي نْبَشَرْلْكُمْ بِيه. 4 وقُومْ مَنْهُمْ تْقَنْعُوا ومْشَاوْ مْعَ بُولُس وسِيلاَ، كَانْ بَزَافْ مَنْ الْيُونَانِيِّينِ الْمَتْعَبْدِينْ لله، وكْثِيرْ مَنْ النْسَا النَبِيلاَتْ. 5 وتَمَ غَارُوا الْيَهُودْ أَلِي مَاشِي مُومْنِينْ وجَابُوا وَاحَدْ الْنَاسْ أَشْرَارْمَنْ الْطْرِيڤْ، وجَمْعُوا الْنَاسْ ضَدْهُمْ حَتَى دَارُوا فَوْضَى فَلَمْدِينَة، وهَجْمُوا عْلَى دَارْ يَاسُونَ بَاشْ يْسَلَمْ لْهُمْ بُولُس وسِيلاَ. 6 ومَلِي مَا لْڤْوْهُمْشْ، أَدَاوْ يَاسُونَ ونَاسْ أُخْرِينْ مَنْ الإِخْوَة عَنْدْ حُكَّامْ لَمْدِينَة يَشْكُوا عْلِيهُمْ بَعْيَاطْ: "هَذُوا أَلِي ڤَلْبُوا الدَنْيَا ورَهُم جَاوْ هْنَا تَانِي، 7 ويَاسُونَ رَحَب بِهُمْ. وهَدُوا ڤَاعْ يَمْشِيوْ ضَدْ قْوَانِينْ قَيْصَروڤَالُوا: كَايَنْ سَلْطَانْ وَاحَدْ أُخَرْ: يَسُوع!". 8 الْشَّعْبْ وحُكَّامْ لَمْدِينَة زَاعْفُوا كِي سَمْعُوا هَدْ لَكْلاَمْ. 9 وحَكْمُوا الْحُكَّامْ كَفَالَة مَنْ يَاسُونَ واللَخْرِينْ، وطَلْڤُوهُمْ. 10 وفَالْلِيلْ الإِخْوَة رَسْلُوا بُولُس وسِيلا أَلْ بِرِيَّة. كِي وَصْلُوا رَوحُوا لمَجْمَعْ الْيَهُود. 11 وكَانْ الْيَهُود تَعْ بِيرِيَّة أَشْرَفْ مَنْ تَلاعْ تَسَالُونِيكِي، قَبْلُواالْكَلِمَة بْحَمَاسْ ويَدْرْسُوا الَكْتُبَا كُلْ يُومْ يَحَوْسُوا يَتْأَكْدُوا عْلَى صِحَة الْتَعْلِيمْ. 12 وأَمْنُوا مَنْهُمْ بَزَافْ، مَنْ النْسَا الْيُونَانِيَّاتْ اَلشَّرِيفَاتْ، ومَنْ اَلرْجَالْ تَانِي. 13 وكِي سَمْعُوا الْيَهُودْ تَعْ تَسَالُونِيكِي بَلِي بُولُسْ بَشَرْ بْكَلِمَة الله فِي بِيرِيَّة، جَاوْ يْهَيْجُوا الْنَّاسْ عْلِيهْ. 14 وُفَالْحَالْ أَدَوَهْ شِي إِخْوَة جِهَة لَبْحَرْ بَاشْ إِسَافَرْ، سِيلاَ وتِيمُوثَاوُس ڤَعْدُوا تَمَ. 15 والإِخْوَة أَلِي رَفْقُوا بُولُس حَتَى أَلْ أَثِينَا. مَنْ بَعْدْ رَاجْعُوا وبُولُسْ وَصَاهُمْ يْڤُولُوا لْسِيلاَ و تِيمُوثَاوُس يَلَحْڤُوا بِيهْ فِي أَسْرَعْ وَقْتْ، مْضَّوْ. 16 وكِي كَانْ بُولُسْ يَسَنَى فِيهُمْ فِي أَثِينَا رُّوحَهْ حَزْنَتْ، كِي شَافْ لَمْدِينَة مْعَمْرَة أَصْنَامْ. 17 وكَانْ يْكَلَمْ فَالْمَجْمَعْ الْيَهُودْ الْمُتَعَبْدِينْ، ولِي يَتْلَقَهُمْ فْسَاحَة لَمْدِينَة كُلْ يُومْ. 18 وقَابْلُه قُومْ مَنْ الْفَلاَسِفَة الأَبِيكُورِيّين والرّوَاقِيِّين، وَحْدِينْ ڤَالُوا: " يَادْرَى وَاشْ رَاهْ حَابْ هَدْ الأَحْمَقْ بكْلاَمَه". ووَاحَدْ أَخْرِينْ: " رَاهْ يْبَشَرْ بْأَلِهَة غْرِيبَة". عْلَى خَاطَرْ كَانْ يْبَشَرْهُمْ بْيَسُوعْ وبَالْقِيَامَة. 19 أَدَاوَهْ مْعَهُمْ لْ أَرِيُوسْ بَاغُوس، وڤَالُوا لَه: " تَقْدَرْ تْعَرَفْنَا كْثَرْ عْلَى هَدْ اَلتَّعْلِيمْ الَجْدِيدْ أَلِي رَاكْ تَحْكِي بِه. 20 خَاطَرْ رَانَا نَسْمْعُوا أُمُورْ جْدِيدَة عْلِينَا، حَبِنَا نَفَهْمُوا مَعْنَهَا". 21 كَانْ أَهْلْ أَثِينَا و الْبَرَانِيِينْ اَلسَاكْنِينْ فِيهَا، يْفَوْتُوا وَقْتْ لَفْرَاغْهُمْ يَتْنَاقْشُوا عْلَى الْأَفْكَارْ الَجْدِيدَة. 22 وڤَفْ بُولُسْ فِي وَسْطْ أَرِيُوسْ بَاغُوس وڤَالْ: " يَا رْجَالْ أَثِينَا! رَانِي نْشُوفْ فِيكُمْ مْدِيْنِينْ بَزَافْ، 23 كِي كُنْتْ نْدُورْ ونْشُوفْ الْمَعَابَدْ تَعْكُمْ، شَفْتْ وَاحَدْ الْمَذْبَحْ مَكْتُوبْ عْلِيهْ: "لإِلَهْ مَجْهُولْ". وهَذَا أَلِي رَاهْ عَنْدْكُمْ مَجْهُولْ، رَانِي أَنْبَشْرْكُمْ بِهْ. 24 الإِلَهْ أَلِي خْلَقْ الَعَالَمْ وڤَاعْ أَلِي فِيهْ، هُوَ رَّب الْسْمَا والأَرْضْ، مَا يَسْكُنْشْ فِي هَيَاكَلْ مَصْنُوعَة بَالْيَدِينْ، 25 ومَا يَتَخْدَمْشْ بيَدِينْ الْنَاسْ كَلِي رَاهْ مَحْتَاجْ اَيْ شِي، هُوَ أَلِي يْمَدْ لَلْجَمِيعْ لَحْيَاة والْنَفْسْ وكُلْ شِي. 26 وهُوَ أَلِي خْلَقْ مَنْ دَمْ وَاحَدْ ڤَاعْ الْشُعُوب، وسَكَنْهُمْ فكُلْ الأَرْضْ، وحَدَدْ لَوْقَاتْ ولْحُدُودْ لْ كُلْ شَعْبْ، 27 بَاشْ يَحَوْسُوا عْلَى الله ويَلْقَوَاهْ، عْلَى خَاطَرْ مَا رَاهْ بْعِيدْ عْلَى حَتَى وَاحَدْ مَنَا. 28 بِهْ أَلِي رَانَا نَحْيَاوْ نَتْحَرْكُوا ونُوْجَدْ، كِمَا قَالُوأ وَاحْدِينْ مَنْ الْشُعَرَاء تَعْكُمْ: حْنَى تَانِي ذَرِيَة تَاعَهْ. 29 إِلَى رَانَا حْنَى ذَرِيْتَه، مَا لاَزَمْشْ نَحَسْبُوا الأُلُوهِيَة تَشْبَه الْذْهَبْ وَلَى الْفَضَّة وَلَى حَجْرَة يَقْدَرْ الْإِنْسَانْ يَصْنَعْهَا كِمَا بْغَى. 30 الله ذُورْكْ رَاهْ يَأْمَرْ ڤَاعْ الْنَاسْ فِي كُلْ مْكَانْ يَرَجْعُوا لِيه ويْتُوبُوا، مْغَمَضْ عَيْنِيهْ عْلَى وْقَاتْ الْجَهْلْ أَلِي فَاتْ. 31 عْلَى خَاطَرْ رَاهْ خِيَرْ نْهَارْ أَلِي يْحَاسَبْ فِيهْ ڤَاعْ الْنَاسْ بَالْعَدْلْ، بْرَاجَلْ هُوَ أَلِي خْتَارَهْ، ومَدْ الْبَرْهَانْ للْجَمِيعْ مَلِي نَوْضَهْ مَنْ الْمُوتْ". 32 وكِي سَمْعُوا بَالْقِيَامَة مَالْمُوتْ كَانُوا وَاحْدِينْ يَسْتَهْزَاوْ، و وَاحَدِينْ يْڤُولُوا: "بَاغْيِينْ أَتْزِيدْ تْكَلَمْنَا عْلَى هَدْ الْمَوْضُوعْ!". 33 وهَكْدَا خْرَجْ بُولُس مَنْ وَسْطْهُمْ. 34 بَصَحْ نَاسْ تَبْعُوهْ وأَمْنُوا، كَانْ مَنْهُمْ دِيُونِيسِيُون الأَرِيُوبَاغِيُّ، ومْرَأة أَسَمْهَا دَامَرِسُ و وَاحْدِينْ تَانِي مْعَهُمْ.
1 مَنْبَعْدْ هَدَا رَاحْ بُولُس مَنْ أَثِينَا لْكُورَنْثُوسْ، 2 لْڤَا يَهُودِي آسْمَهْ أَكِيلاَ، بُنْطِيَّ الأَصْلْ، كَانْ غِيرْ كِيمَا جَا مَنْ إِيطَالِيَةَ، مْعَ بْرِيسْكِلاَّ مَرْتَهْ، عْلَى خَاطَرْ كُلُودِيُوسْ أَمَرْ يْطَرَّدْ ڤَاعْ الْيَهُودْ مَنْ رُومَا، وُجَا لْعَنْدْهُمْ. 3 وُمَلِي كَانْ عَنْدَهْ خَدْمَة كِيمَا هُمَا، خْيَاطَة لْخْيَامْ ڤْعَدْ عَنْدْهُمْ يَخْدَمْ مْعَهُمْ. 4 وُكَانْ كُلْ سَبْتْ يَتْنَاقَشْ فَالْمَجْمَعْ الْحَاضْرِينْ وُيْقَنَعْ يَهُودْ وُيُونَانِيِّينْ. 5 وُكِي وْصَلْ سِيلاَ وُتِيمُوثَاوسْ مَنْ مَكِدُونِيَّة، تْفَرَغْ بُولُسْ لَتَبْشِيرْ كَانْ يَشْهَدْ لَلْيَهُودْ بَالْمَسِيحْ يَسُوع. 6 وُهُمَا كَانُوا يْعَارْضُوهْ وُيْڤُولُوا كْلاَمْ مَاشِي مْلِيحْ نْفَضْ قَشَّاهْ وُڤَال لْهُمْ: " دَمْكُمْ عْلَى رِسَانْكُمْ! مَالْيُومْ أَنَا أَنْبَشَرْ اَلْأُمَمْ". 7 وُأَرْحَلْ مَنْ تَمْ لْوَاحَدْ اَلدَارْ تَعْ رَاجَلْ أَسْمَهْ يُوسْتُسْ، كَانْ يَعْبَدْ اللهْ، وُكَانَتْ دَارَهْ لَصْڤَا لَلْمَجْمَعْ. 8 وكْرِيسْبُسْ رَايَسْ الْمَجْمَعْ آمَنْ بَالرَّبْ هُوَ وَأَهْلْ دَارَهْ، وُبَزَافْ مَنْ الْكُورِنْثِيِّينْ كِي سَمْعُوا آمْنُوا وُتْغَطْسُوا. 9 وَالرَّبْ ڤَالْ لْبُولُسْ فِي رُؤْيَا فَالْلِيلْ: " مَا تْخَافْشْ أَهْدَرْ وُمَا تَسْكُتْشْ، 10 عْلَى خَاطَرْ رَانِي مْعَاكْ، وُوَاحَدْ مَا يَقْدَرْ يْمَسَّكْ، خَاطَرْ عَنْدِي شَّعْبْ كْثِيرْ فِي هَدْ لَمْدِينَة". 11 وُفَوَتْ عَامْ وُسَتْ شْهُورْ يْعَلَمْ بِينَتْهُمْ كَلِمَة الله. 12 وُكِي كَانْ غَالْيُونْ وَالِي تَعْ أَخَائِيَة، نَاضُوا الْيَهُودْ ضَدْ بُولُسْ برَأيْ وَاحَدْ، وُجَابُوهْ الْمَحْكَمَة 13 ڤَايْلِينْ:"هَدَا رَاهْ يْقَنَاعْ الْنَاسْ يَعْبْدُوا الله عْلَى خْلاَفْ اَلشَرِيعَة". 14 وُكِي بْغَى بُولُس يْجَاوَبْ، غَالِيُون ڤَالْ لَلْيَهُودْ: " يَا يَهُودْ، لُوْ كَانَتْ الْقَضِيَة ظُلْمْ وَلاَ خُبْثْ نَحْتَمَلْكُمْ كِيمَا يَقْضِي الْعَدْلْ. 15 وِ إِذَا كَانَتْ قَضِيَة كَلْمَة، وُأَسَامِي، وُشَرِيعَتْكُمْ، أَفْرِيوْهَا بِيْنَتْكُمْ. عْلَى خَاطَرْ مَانِيشْ بَاغِي نْكُونْ قَاضِي فِي هَدْ الْأُمُورْ". 16 مَنْ بَعْدْ طَرَدْهُمْ مَالْمَحْكَمَة. 17 وُڤَاعْ الْيُونَانِيِّينْ أَدَاوْ سُوسْتَانِيسْ رَايَسْ الْمَجْمَعْ، وُضَرْبُوهْ ڤُدَّامْ الْمَحْكَمَة، وُغَالْيُونْ مَا هَمَاهْشْ اَلشِي 18 وُبُولُسْ زَادْ قْعَدْ شْحَالْ مْلْ لِيَامْ، مَنْ بَعْدْ وَدَّعْ الْخُوتْ وُسَافَرْ مَلْ بْحَرْ لْسُورِيَّة، وُكَانْ مْعَهْ بِرِيسْكِلاَ وُأَكِيلاَ، مَنْ بَعْدْ مَا حَسَنْ رَاسَهْ فِي كَنْخَرِيَا عَلَى خَاطَرْ كَانْ دَارْ وَعْدْ لله. 19 وُكِي وَاصْلُوا لأَفَسُسْ خَلَهُمْ تَمَا وُهُوَ أَدْخَلْ مَجْمَعْ الْيَهُود وُتْكَلَمْ مْعَهُمْ . 20 وُطَلْبُوا مَنَه يْزِيدْ يْفَوْتْ وَقْتْ مْعَهُمْ وُهُوَ مَا بْغَاشْ. 21 وَدَّعْهُمْ وُڤَالْ: " لاَزَمْ عْلِيَا نْفَوَتْ الْعِيدْ الْجَايْ فِي أُورُشَلِيمْ. وُنَوْعَدْكُمْ نَرْجَاعْ عَنْدْكُمْ مَرَة أَخْرَى إِنْ شَاءَ الله". وُرَاحْ مَنْ أَفَسُسْ. 22 وكِي وْصَلْ لْقَيْصَرِيَّة طْلَعْ وُسَلَّمْ عْلَى الْكَنِيسَة، مَنْ بَعْدْ هَوَّدْ لْأَنْطَاكِيَة. 23 فَوَتْ وَقْتْ تَمَا مَنْ بَعْدْ رَاحْ يْزُورْ لَمْدُونْ فِي غَلاَطِيَّة وُفِرِيجِيَّة يْشَجَعْ ڤَاعْ الْتْلاَمِيذْ. 24 جَا لأَفَسُس يَهُودِي يْسَمُوهْ أَبُولُّوسْ، إِسْكَنْدْرِي الأَصْلْ، رَاجَلْ فَصِيحْ الْلْسَانْ يَفْهَمْ فَالْكُتُبْ. 25 كَانْ يَعْرَفْ بَزَافْ فِي طْرِيڤْ اَلرَّبْ. وُكَانْ حَارْ فَالْرُّوحْ يَتْكَلَّمْ وُيْعَلَّمْ بْتَدْقِيقْ عْلَى اَلرَّبْ. كَانْ يَعْرَفْ غِيرْ الْتَغْطَاسْ تَعْ يُوحَنَّا. 26 وُكَانْ يْبَشَرْفَالْمَجْمَعْ. وُكِي سَمْعَهْ أَكِيلاَ وُبِرِيسْكِلاَّ أَدَاوَهْ عَنْدْهُمْ، وُشَرْحُولَهْ طْرِيڤْ اَلرَّبْ بْكْثَرْدِقَة. 27 وُكِي بْغَى يْرُوحْ لْأَخَائِيَة، كَتْبُوا الْخُوتْ لَتْلاَمِيذْ بَاشْ يَقَبْلُوهْ فِي وَسْطْهُمْ. كِي جَا عَوَّنْ كْثِيرْ بْالْنِّعْمَة أَلِي كَانُوا مْؤَمْنِينْ مَقْبَلْ، 28 عْلَى خَاطَرْ كَانْ جَرِيئ فِي كْلاَمَه مْعَ لِيهُودْ، يْبِيَنْ لْهُمْ بَالْكُتُبْ بَلِي يَسُوعْ هُوَ الْمَسِيحْ.
1 وكِي كَانْ أَبُلُوسْ فِي كُورِنْثُوس وْصَلْ بُولُس لْأفَسُس، مَنْ بَعْدْ مَا فَاتْ فَالْجْوَايَاهْ الْعَالْيَة. وتَمَا لْڤَى تْلاَمِيذْ 2 ڤَالْ لْهُمْ: " هَلْ قْبْلْتُوا اَلرُّوحْ اَلْقُدُسْ كِي أَمَنْتُوا؟". ڤَالُوا لَهْ: "عْمَرْنَا مَا سْمَعْنَا كَايَنْ اَلرُّوحْ الْقُدُس". 3 وڤَالْ لْهُمْ: " بَاشْ تْغَطَسْتُوا؟". ڤَالُوا بَتَغْطَسْ تَعْ يُوحَنَّا". 4 وڤَالْ بُولُسْ: " يُوحَنَّا غَطَسْ لَتُّوبَة، وبَشَرْ لَشَّعْبْ بَاشْ يْأَمْنُوا بَلِي يْجِي بَعْدَهْ، بْيَسُوعْ الْمَسِيحْ". 5 وكِي سَمْعُوا تْعَمْدُوا بْأَسْمْ الْرَّب يَسُوعْ. 6 ومَلِي حَّطْ يَدِيهْ عْلِيهُمْ هَوَّدْ اَلرُّوحْ اَلْقُدُسْ عْلِيهُمْ، وبْدَاوْ يَهْدْرُوا بْلُغَاتْ ويَتْنَبْأُو. 7 و كَانُوا فِي ثْنَاشْ رْجَالْ. 8 وكَانْ بُولُسْ يْرُوحْ الْمَجْمَعْ لْمُدَّة ثْلَثْ أَشْهُورْ، يَتْكَلَمْ بْجُرْاَة ويْقَنَعْ الْحَاضْرِينْ عْلَى حَقِيقَة مَلَكُوتْ الله. 9 وكِي بْدَاوْ وَاحْدِينْ أَلِي مَا قْتَنْعُوشْ، يْسَبُوا طْرِيڤْ اَلرَّب ڤُدَامْ الْحَاضْرِينْ، جْبَدْ رُوحَّهْ مَنْ عَنْدْهُمْ، و كَانْ يْجَمَّعْ غِيرْ مْعَ الْتْلاَمِيذْ، يْعَلَّمْ كُلْ يُومْ فِي مَدْرَسَة تَعْ وَاحَدْ الْرَاجَلْ أَسْمَهْ تِيرَانُّسْ. 10 لْمُدَّة عَامِينْ، حَتَّى سَمْعُوا كَلِمَة اَلرَّب ڤَاعْ اَلْسَاكْنِينْ فِي أَسِيَّا، مَلْ لِيهُودْ ولْيُونَانِيِّينْ. 11 وكَانْ الله يْدِيرْ مُعْجِزَاتْ عْلَى يَدْ بُولُس، 12 حَتَّى وَلاَوْ اَلنَاسْ يَدِيوْ طْرَاشَنْ ولْقَشْ أَلِي مَسَاتَهْ لَلْمَرْضَى، و يَبْرَاوْ مَنْ مَرْضْهُمْ، وتَخْرَجْ أَرْوَاحْ اَلشَّرْ مَنْهُمْ. 13 و حَاوْلُوا وَاحْدِينْ مَنْ اَلْيَهُودْ الْلِي يْتْجَاوْلُوا بَاشْ يْخَرْجُوا أَرْوَاحْ الْشَّرْ بآسَمْ يَسُوع، ڤَالُوا: "نَطَرْدُوكْ بْآسَمْ يَسُوعْ أَلِي يْبَشَرْ بِهْ بُولُس!". 14 وكَانْ بِينَتْهُمْ سَبْعَة خَاوَة، وْلاَدْ وَاحَدْ رَايَسْ الْكَهَنَة يْسَمُوهْ لِسَكَاوَا، أَلِي دَارُوا هَدْ الْشِي. 15 جَاوَبْهُمْ اَلرُّوحْ اَلْشِّرِيرْ وڤَالْ: " يَسُوعْ أَنَا نْعَرْفَهْ، وبُولُسْ نَعْلَمْ بِهْ، وأَنْتُمَ شْكُونْ؟" 16 زْدَمْ عْلِيهُمْ اَلرَاجَلْ أَلِي كَانْ فِيهْ اَلرُّوحْ اَلْشِّرِيرْ، وتْغَلَبْ عْلِيهُمْ حَتَّى هَرْبُوا مَنْ دِيكْ الْدَارْ عَرْيَانِينْ ومَجْرُحِينْ. 17 وسَمْعُوا بِيهُمْ ڤَاعْ الْيَهُودْ و الْيُونَانِيِّينْ أَلِي سَّاكْنِينْ فِي أَفَسُسْ، و صْرَى خُوفْ كْبِيرْ بِينَتْهُمْ، وكَانْ آسَمْ يَسُوعْ يَتْعَظَّمْ. 18 وكَانْ بَزَافْ مَلِي أَمْنُوا يْجُوا ويَسْتَعْرْفُوا بَفْعَالْهُمْ، 19 وكَانْ شْحَالْ مَلِي كَانُوا يَسْتَخْدْمُوا اَلسْحُورْ يْلَيْمُوا كْتُوبَتْهُمْ ويَحَرْڤُوهَا ڤُدَامْ الْنَّاسْ. وكِي حَسْبُوا سُمَّتْهَا لْڤَاوْ خَمْسِينْ أَلَفْ مَنْ الْفَضَّة. 20 هَكْذَا كَانَتْ كَلِمَة الْرَّب تَكْبَرْ وتَتْقَوَى. 21 مَنْ بَعْدْ مَا صْرَى هَدْ اَلشِي، عَوَلْ بُولُسْ يْسَافَرْ لْأُورْشَلِيم ويْفُوتْ مَنْ مَكِدُونِيَّة وأَخَائِيذَة، ڤَالْ: " لاَزَمْ عْلِيَا نْرُوحْ نْزُورْ رُومَا مَنْ بَعْدْ". 22 أَرْسَلْ أَلْ مَقْدُونِيَّة زُوجْ مَلِي كَانُوا يَخَدْمُوا مْعَهْ: تِيمُوثَاوس وأَرَسْطُوس، وڤَعْدُوا لْمُدَّة فِي أَسِيَّا. 23 وصْرَاتْ فِي دَاكْ الْوَقْتْ فَوْضَى كْبِيرَة بسْبَبْ طْرِيڤْ اَلرَّبْ، 24 عْلَى خَاطَرْ كَانْ وَاحَدْ اَلرَاجَلْ آسْمَهْ دِيمِتْرِيُوس، يَصْنَعْ تَمَاثِيلْ مَنْ اَلْفَضَّة لأَرْطَامِيسَ، وكَانْ يَرْبَحْ مَنْهَا مْعَ الْخَدَمِينْ تَاعَهْ بَزَافْ دْرَاهَمْ. 25 وجَمَّعْ الْخَدَامِينْ تَعَهْ وأَلِي عَنْدْهُمْ الْحَرْفَة تَاعَهْ وڤَالْ: " يَا نَاسْ رَاكُمْ عَرْفِينْ بَلِي خَبْزَتْنَا مَنْ هَدْ اَلْحَرْفَة. 26 رَاكُمْ تْشُفُوا وتَسَمْعُوا مَاشِي غِيرْ فِي أَفَسُسْ، فِي ڤْرِيبْ ڤَاعْ أَسِيَّا، كِيفَاشْ بُولُسْ هَدَ يْضَلَلْ الْنَاسْ ويْڤُولْ: بَلِي الْشِي أَلِي يَتَصْنَعْ بَالْيَدِينْ مَاهِيشْ أَلِهَة. 27 وهَدَ مَا رَاهْشْ يْهَدَدْ خَدْمَتْنَا تَحْبَسْ بَارْكْ، رَاهْ يْهَدَدْ حَتَّى هَيْكَلْ أَرْطَامِيسْ، الْأَلِهَة اَلْعْظِيمَة، يْطِيحْ قْدَرْهَا وتَتْهَدَمْ عَظَمَتْهَا هِيَ أَلِي يَعَبْدُوهَا ڤَاعْ سُكَانْ أَسِيَّا والْعَالَمْ بْلْكُلْ". 28 وكِي سَمْعُوا تْعَمْرُوا بَالْزْعَافْ، وبْدَاوْ يْزَڤُوا ڤَالُوا: " عْظِيمَة أَرْطَامِيس لَلأَفَسُسِيِّين!". وتْهَوْلَتْ ڤَاعْ لَمْدِينَة، 29 وغَاشِي كْبِيرْ هْجَمْ عْلَى غَايُوسْ وأَرِسْتَرْخُس الْمَكْدُونِيِّينْ، صْحَابْ بُولُسْ فَالْسَفَرْ، ودَاوْهُمْ لْسَاحَة لَمْدِينَة. 30 وكِي بْغَى بُولُسْ يَدْخَلْ بِينْ الْشَّعْبْ الْتْلاَمِيذْ مَا خَلَوَهْشْ. 31 ونَّاسْ مَنْ عُقَالْ أَسِيَّا، كَانُوا صْحَابَهْ، رَسْلُوا لَهْ بَاشْ مَا يَدَخَلْشْ رُوحَهْ. 32 وكَانُوا وَاحْدِينْ يْزَڤُوا بشِي وَاحَدْ أُخْرِينْ بشِي أُخَرْ، عْلَى خَاطَرْ كَانَتْ فُوْضَّى، والْكَثْرَة مَنْهُمْ مَا كَانُوشْ عَارْفِينْ عْلاَشْ كَانُوا مَجَمْعِينْ! 33 وكَانْ بِينْ الْنَّاسْ وَاحَدْ يَهُودِي آسْمَهْ إِسْكَنْدَر، دَفْعُهْ الْيَهُودْ لْڤُدَامْ ، وشَرْ لْهُمْ بْيَدَهْ بَاشْ يَتْكَلَمْ لَشَّعْبْ. 34 ومَلِي عَرْفُوا بَلِي يَهُودِي، بْدَاوْ يْزَڤُوا بْصُوتْ وَاحَدْ لْمُدَّة زُوجْ سْوَايَعْ: " عْظِيمَة هِيَ أَرْطَامِيس الأَفَسُسِيِّين!". 35 وفَالْلَخَرْ ڤْدَرْ كَاتَبْ لَمْدِينَة يْسَكَتْ الْشَّعْبْ: يَا نَّاسْ أَفَسُسْ،شْكُونْ مَا يَعْرَفْشْ بَلِي مْدِينَة أَفَسُس تَعْبَدْ أَرْطَامِيس اَلأَلِهَة اَلْعَظِيمَة و التِمْثَالْ أَلِي هَوَّدْ مَنْ زَفْس؟ 36 وهَدْ الْشِي رَاهْ بَايَنْ ومَا يْتْقَاوَمْشْ، لاَزَمْ تْكُونُوا هَادِئِينْ ومَا دِيرُشْ شِي بْزْعَافْ. 37 عْلَى خَاطَرْ جَبْتُوا هَدْ الْزُوجْ رْجَالْ، وهُمَا مَاشِي خِيَانْ الْهَيْكَلْ، وَلاَ كَذَابِينْ عْلَى أَلِهَتْكُمْ. 38 وإِلَى كَانْ دِيمِتْرِيُوس والْصُّنَّاعْ أَلِي مَعَهْ عَنْدْهُمْ شَكْوَى عْلَى وَاحَدْ مَنْهُمْ، عَنْدْنَا مَحَاكِمْ وقُضَاةْ،يْقَدْمُوا شْكَاوِي تَعْهُمْ. 39 وإِلَى عَنْدْكُمْ شَكْوَى أُخْرَى، لاَزَمْ تَنْدَرْ فِي جَلْسَة قَانُونِيَة. 40 وضُورْكْ رَنَى ڤَاعْ نَسْتَهْلُوا الْمُحَاكَمَة عَلَى هَدْ الْفَتْنَة الْيُومْ. ومَا عَنْدْنَا حَتَّى حَقْ نْدَفْعُوا بِهْ عْلَى هَد الْفَوْضَى". 41 وكِي ڤَالْ هَدْ الْكْلاَمْ فَرَّقْ الْنَّاسْ.
1 وكِي كَمْلَتْ الْفْوْضَى، دْعَا بُولُس اَلتْلاَمِيذْ وَدَّعْهُمْ و رَاحْ لْمَكِدُونِيَّة. 3 وكِي كَانْ يْزُورْ دِيكْ الْجْوَايَهْ كَانْ يْبَشَرهُمْ ويْشَجَعْهُمْ بْكْلاَمْ كْثِيرْ، حَتَّى وْصَلْ لْهَلاَّسْ، 2 وڤْعَدْ ثَلْثْ أَشْهُورْ. وكِي كَانْ بَغِي يْرُوحْ لْسُورِيَّة، سْمَعْ بَلِي لْيَهُودْ دَرُوا لَهْ فَخْ بَاشْ يَقَتْلُوهْ بَدَلْ الْطْرِيڤْ ورَاحْ لْمَكِدُونِيَّة. 4 وسَافَرْ مَعَهْ لْأسِيَّا سُوبَاتَرُس آلْبِيرِيُّ، و مَنْ نَّاسْ تَسَالُونِيكِي:أَرَسْتَرْخُس و سَكُونْدُس و غَايُوس آلْدَّرْبِيُّ و تِيمُوثَاوْس. و مَنْ نَّاسْ أَسِيَّا: تِيخِيكُس وتُرُوفِيمُس. 5 وهَدُوا سَبْقُوا وقَرْعُونَا فِي تَرُوَاس. 6 وحْنَا سَافَرْنَا مَنْ فِيلِيبِي مَل لَبْحَرْ بَعْدْ عِيدْ آلْفَطِيرْ، وأَلْحَڤْنَا بِهُمْ لْتَرُوَاس بَعْدْ خَمْسَة إِيَّامْ، وڤْعَدْنَا تَمَا سَبْعْ إِيَّامْ. 7 وفِي الْيُّومْ اَلْلَوَالْ تَعْ الْسِمَانَة، كَان الْتْلاَمِيذْ مْجَمْعِينْ بَاشْ يْكَسْرُوا الْكَسْرَة، خَاطَبْهُمْ بُولُس وهُوَ كَانْ نَاوِي يْسَفَرْ فَالْغَدْ، وطَوَالْ الْكْلاَمْ حَتَّى نَصْ اَلْلِيلْ. 8 وكَانَتْ مَصَابِيحْ كْثِيرَة فْالبِيتْ اَلْعَالْيَّة أَلِي كَانُوا مْجَمْعِينْ فِيهَا. 9 وكَانْ وَاحَدْ الْشِيرْ أَسْمَهْ أَفْتِيخُوس مْجَمَعْ ڤُدَامْ الْطَّاقَة أَدَاهْ الْنُومْ، وبُولُسْ طَوَلْ فِي كْلاَمَه، غَلْبَهْ الْنُومْ وطَاحْ مَنْ الْطَّبَقْ الْثَّالَثْ لَلَرْضْ، و رَافْدُوه وهُوَ مِيَّتْ. 10 هَوَّدْ بُولُس ورَفْدَه لْعَنْدَه وعَنْڤَهْ و ڤَالْ: "مَا تْخَافُوشْ! عْلَى خَاطَرْمَازَلَه حَيْ!". 11 مَنْ بَعْدْ طْلَعْ وكَسَّرْ الْكَسْرَة وكْلاَ وزَادْ لَكْلاَمْ حَتَّ لَفْجَرْ. مَنْ بَعْدْ خْرَجْ. 12 وجَابُوا دَاكْ الْشِيرْ حَيْ، وتْعَزَاوْ تَعْزِيَة مَشِي قْلِيلَة. 13 وحْنَا سْبَڤْنَا لَلْبَابُورْ و قَلَعْنَا لْأسُّوس، مْعَوْلِينْ نَرَفْدُوا بُولُس تَمَا، عَلَى خَاطَرْ هُوَ أَلِي بْغَى يْجِي بَالْمَشْي. 14 وكِي لْحَڤْ بِينَا لْأسُّوس أَرْفَدْنَاه وقَلَعْنَا لْمِيتِيلِينِي 15 ومَنْ تَمْ سَافَرْنَا بْحَرْ ومَلْغَدْ وْصَلْنَا لْجِهَة خِيُوس. وفالْيُّومْ التَّالِي وْصَلْنَا لْسَامُوس، وڤْعَدْنَا فِي تُرُوجِيلِيُّون، وفالْيُّومْ الْتَّالِي رَوحْنَا لْمِيلِيتُس، 16 عْلَى خَاطَرْ بُولُس مَاكَانْشْ بَغِي يْفُوتْ مَنْ أَفَسُس مَلْلَبْحَرْبَاشْ مَا يْضِيَعْشْ الْوَقْتْ فِي أَسِيَّا، عْلَى خَاطَرْ كَانْ بَغِي يْوْصَلْ لأُوْرُشَلِيمْ اِذَا ڤْدَرْ فِي يُّومْ الْخَمْسِينْ 17 ومَنْ مِيليتُس أَرْسَلْ لأَفَسُس و أَسْتَدْعَى قُسُوسْ الْكَنِيسَة. 18 وكِي جَاوْ عَنْدَهْ ڤَالْ لْهُمْ: "رَاكُمْ عَارْفِينْ مَنْ الْيُّومْ اَلْلَوَلْ أَلِي دْخَلْتْ أَسِيَّا، كِيفْ كُنْتْ مْعَاكُمْ فِي كُلْ وَقْتْ. 19 نَخْدَمْ الْرَّب فِي تَوَاضُعْ ودْمُوعْ كْثِيرَة، وشْحَالْ مَنْ مُصِيبَة صْرَاتْ لِي مَنْ مَكَايِدْ الْيَهُودْ. 20 ومَا قَصَرتْ عْلِيكُمْ فِي حَتَّى شِي فِيهْ فَايْدَة لِيكُمْ خَبَرْتْكُمْ وعَلَّمْتْكُمْ جَهَرَا مَنْ دَارْ لْدَارْ، 21 شَاهَدْ لَلْيَهُودْ و لَلْيُونَانِيِّينْ بالْتُّوبَة لله والإِيمَانْ أَلِي بْرَّبْنَا يَسُوع الْمَسِيح. 22 ودُورْكْ رَانِي رَايَحْ لأُوْرُشَلِيمْ مْقَيَّدْ بالْرُّوحْ، مَا رَانِي عَارَفْ وَاشْ يْقَبَلْنِي تَمَا. 23 بَصَحْ اَلْرُّوحْ الْقُدُسْ يَشْهَدْ فِي كُلْ مْدِينَة ڤَايَلْ: الْحَبْسْ والْمَصَاعِبْ تَسَنَانِي. 24 بَصَحْ مَا رَانِيشْ دَايَرْ قِيمَة لْرُوحِي، مَادَامْ رَانِي بَغِي نْكَمَّلْ الْخَدْمَة أَلِي أَعْطَهَالِي اَلْرَّب يَسُوعْ، بَاشْ نَشْهَدْ بَبْشَارَة نِعْمَة الله. 25 ورَانِي عَارَفْ بَلِي مَا تْزِيْدُوشْ تْشُفُوا وَجْهِي مَلْ الْيُّومْ، أَنْتُمَ ڤَاعْ أَلِي كُنْتْ بِينَتْكُمْ نْبَشَرْ بْمَلَكُوتْ الله. و 26 نَشْهَدْ الْيُّومْ ڤُدَامْكُمْ بَلِي أَنَا بَرِيءْ مَنْ دَمْكُمْ، 27 عْلَى خَاطَرْ مَا خَبِيت عْلِيكُمْ حَتَّى شِي مَنْ قَصْدْ الله. 28 عَاسُوا عْلَى رْوَاحْكُمْ و عْلَى رَّاعِيَّة الله أَلِي حَطْكُمْ اَلْرُّوحْ الْقُدُسْ رُعَاتْ، بَاشْ تَرْعَاوْ كَنِيسَة الله أَلِي شْرَاهَا بْدَمَهْ. 29 عْلَى خَاطَرْ رَانِي عَارَفْ بَلِي بَعْدْ رْوَاحِي يَدَخْلُوا بِينَاتْكُمْ نَّاسْ ذْيُوبَا تَخْطَفْ ومَا تَرْحَمْشْ اَلرَّعِيَّة. 30 ومَنْكُمْ يْنُوضُوا رْجَالْ يَتْكَّلْمُوا بْتَعَالِيمْ كَذْبَة يْدِيواَلتْلاَمِيذْ مُورَاهُمْ 31 عْلَى هَدْ الْشِي كُونُوا فَطْنِينْ، وتْفَكْرُوا بَلِي مُدَّة ثَلْثْ سْنِينْ وأَنَا نْوَصِيكُلْ وَاحَدْ فِيكُمْ بَالْدْمُوعْ. 32 وضُورْكْ نْوَدَعْكُمْ يَا خُوتِي لله ولْكَلْمَة نِعْمَتَهْ، الْقَادْرَة تْبْنِيكُمْ وتَعْطِيكُمْ اَلْوَرْثْ مْعَ ڤَاعْ اَلْمَقْدْسِينْ. 33 مَا طْمَعْتْ لاَ فِي فَضَّة ولاَ ذْهَبْ و لاَ قَشْ وَاحَدْ مَنْكُمْ. 34 رَاكُمْ عَارْفِينْ بَلِي كُنْتْ نَخْدَمْ بْيَدِي بَاشْ نَكَفِي رُوحِي ولِي كَانُوا مْعَيَا. 35 وَرِيتْ لْكُمْ كِيْفَاشْ لاَزَمْ نَخَدْمُوا بَاشْ نْعَوْنُوا الْمَحْتَاجِينْ، ونَتْفَكْرُوا كْلاَمْ الْرَّب يَسُوعْ أَلِي ڤَالْ: اَلْفَرْحْ اَلِي يْمَّدْ كْثَرْ مَلِي يْشَدْ". 36 وكِي ڤَالْ هَدَا رْكَاعْ بُولُس مَعَهُمْ وصَلَّى. 37 وڤَاعْ بْكَاوْ بَزَافْ، ويْعَنْڤُوا بُولُسْ ويَسْلْمُوا عْلِيه 38 حَزْنُوا بَزَافْ، مَلِي ڤَالْ لْهُمْ: مَا تْزِدُوشْ تْشُفُوا وَجْهِي مَلْيُّومْ. مَنْ بَعْدْ رَافْقُوهْ لْبَابُورْ و وَدْعُوهْ.
1 و كِي تْفَرَقْنَا عْلِيهُمْ ڤَلَعْنَا ورَوَحْنَا نِيشَانْ لْكُوسَ، وفَالْريُومْ الْتَّالِي لْرُودُس، ومَنْ تَمَا لْبَاتَرَا. 2 لْڤِينَا بَابُورْ رَايَحْ لْفِينِيقِقَة طْلَعْنَا فِيهْ وڤَلَعْنَا. 3 مَنْ بَعْدْ فَتْنَا عْلَى قُبْرُسْ، أَلِي كَانَتْ عَلْ لِيسْرَى وسَافَرْنَا لْسُورِيَّة، وكِي لْحَڤْنَا لْصُور وهَوَّدْنَا فِيهَا عْلَى بَاشْ يْهَوْدُوا الْسَلْعَة أَلِي كَانَتْ فالْبَابُورْ. 4 حَوَسْنَا عْلَى الْتْلاَمِيذْ وڤْعَدْنَا عَنْدْهُمْ سَبْعْ إِيَّامْ. وكَانُوا يَنَصْحُوا بُولُس بَالْرُّوحْ مَا يَطْلَعْشْ لأُورُشَلِيمْ. 5 وكِي كَمْلَتْ لِيَّامْ أَلِي فَوْتْنَهَا خْرَجْنَا نْكَمْلُوا الْسْفَرْ تَعْنَا، ورَافْڤُونَا مْعَ نْسَاهُمْ ووْلاَدْهُمْ لْبَرَى لْمْدِينَة. و رْكَاعْنَا فَالشَّاطِئ وصَلِينَا. 6 وكِي وَدَّعْنَاهُمْ طْلَعْنَا لْبَابُورْ. و هُمَا رَاجْعُوا لَدْيَارْهُمْ. 7 وكَمَلْنَا اَلسْفَرْ بْحَارْ مَنْ لْصُورْ، حَتَّى لْبُتُولِمَايِس، سَلَّمْنَا عْلَى الْخُوتْ وفَوَتْنَا عَنْدْهُمْ نْهَارْ وَاحَدْ. 8 وفَالْغَدْ خْرَجْنَا ورَوَحْنَا لْقَيْصَرِيَّة، ودْخَلْنَا ضْيَافْ لْدَارْ فِيلِبُّسْ اَلْمُبَشِّرْ، أَلِي كَانْ وَاحَدْ مَنْ الْسَبْعَة لَمْدَبْرِينْ. 9 وكَانْ عَنْدَهْ رَبْعَة شِيرَاتْ كُلْهُمْ يَتْنَبْاُو. 10 وفَوَتْنَ عَنْدَهْ شْحَالْ مَلْلِيَّامْ ، حَتَّى لْحَڤْ مَنْ الْيَهُودِيَّة نْبِي أَسْمَه أَغَابُوس. 11 جَا لْعَنْدْنَا، ورْفَدْ لَحْزَامْ تَعْ بُولُس، ورْبَطْ يَدِيهْ و كَرْعِيه وڤَالْ: " الْرُّوحْ الْقُدُسْ يْڤُولْ: الَراجَلْ مُولْ هَدْ لَحْزَامْ، هَكْدَا يَرَبْطُوهْ لِيهُودْ فِي أُورُشَلِيمْ ويَسْلْمُوهْ فِي يَدِينْ الأُمَمْ". 12 وكِي سْمَعْنَا هَدْ لَكْلاَمْ طْلَبْنَا مَنَه حْنَا صْحَابَه و الْخُوتْ أَلِي مَلْ لَمْدِينَة بَاشْ مَا يَطْلَعْشْ لأُورُشَلِيمْ. 13 وجَوَابْنَا بُولُسْ: " شَارَاكُمْ أَدِيرُوا؟ تَبْكُوا وتَكْسْرُوا ڤَلْبِي، عْلَى خَاطَرْ رَانِي وَاجَدْ مَاشِي نَتَرْبَطْ بَارْكْ وَاجَد حَتَّى نْمُوتْ فِي أُورُشَلِيمْ عْلَى جَالْ آسْمْ يَسُوعْ ". 14 وكِي مَا تْقَنَعْشْ سْكَتْنَا وڤُولْنَا: لِتَكُنْ مَشِيئَة الْرَّبْ". 15 وبَعْدْ هَادُوكْ لِيَامْ وَجَدْنَا وَطْلَعْنَا لأُرْشَلِيمْ. 16 وجَا ثَانِى نَاسْ مَتْلاَمَذْ مَنْ قَيْصَرِيَةْ جَابُونَا عَنْدْ مَنَاسُونْ، وهُوَ رَجُلْ مَنْ قُبْرُسْ، تَلْمِيذْ قْدِيمْ بَاشْ نْبَاتُو عَنْدَهْ. 17 وكِي وْصَلْنَا أُورُشَلِيمْ قَبْلُونَا الْخُوتْ بَالْفَرْحْ. 18 وفَالْيُومْ الْتَّالِي دْخَلْنَا مْعَ بُولُس عَنْدْ يَعْقُوبْ، وكَانُوا ڤَاعْ الْشْيَاخْ مَجَمْعِينْ. 19 مَنْ بَعْدْ مَا سَلَّمْ عْلِيهُمْ بْدَى يَحْكِي خَطْوَة بْخَطْوَة ڤَاعْ الْشِي أَلِي دَارَه الله فَالاُمَمْ بَالْخِدْمَة تَعَهْ. 20 كِي سَمْعُوا كَانُوا يْمَجْدُوا آلْرَّبْ. وڤَالُوا لَهْ: " أَنْتَ تَعْرَفْ يَا خُونَا شْحَالْ مَنْ الْيَهُودْ أَلِي آمْنُوا، وهُمَا مَزَالْ مَتْحَمْسِينْ لْشَرِيعَة. 21 ورَاهُمْ سَمْعُوا عْلِيكْ بَلِي رَاكْ تْعَلَمْ الْيَهُودْ أَلِي رَاهُمْ بِينْ الأُمَمْ يَتْخَلاَوْ عْلَى مُوسَى، وتْوَصِهُومْ بَاشْ مَا يَخْتْنُوشْ أَولاَدْهُمْ ومَا يَمْشِيوشْ بْالَعْوَايَدْ. 22 وَاشْ نْدِيرُوا ضُورْكْ؟ رَايْحِينْ يَسْمْعُوا بَلِي رَاكْ جَيتْ، 23 دِيرْ كِمَا نْڤُولُوا لَكْ: عَنْدْنَا رَبْعَة رْجَالْ عَنْدْهُمْ وَعْدْ لله. 24 أَدِيهُمْ مْعَاكْ و تْطَهَّرْ مْعَهُمْ وخَلَّصْ عْلِيهُمْ بَاشْ يْحَسْنُوا رِسَانْهُمْ، و يَعْرْفُوا ڤَاعْ بَلِي الْشِي أَلِي سَمْعُوهْ عْلِيكْ مَاشِي صَّحْ، وحَتَّى أَنْتَ تَمْشِي بَالْشَرِيعَة. 25 والْمُومْنِينْ أَلِي مَاشِي مَلْ لِيْهُودْ، رَانَا رْسَلْنَالْهُمْ حْنَا بْرِيَّة نْوَصِوْهُمْ فِيهَا، بَاشْ مَا يَكْلُوشْ مَنْ لْحَمْ الْذْبَايَحْ، ومَا يَشَرْبُوشْ الْدَّمْ، ومَا يَكْلُوشْ اَلْحَيَوَانْ اَلْمَخْنُوڤْ، ويْبَعْدُوا عَالْزْنَا". 26 وهَكْدَا كَانْ، فَالْيُومْ الْتَّالِي أَدَهُمْ بُولُسْ مْعَهْ، وتَطَهَّرْ مْعَهُمْ و دْخَلْ اَلْهَيْكَلْ، يْخَبَرْ بَالْتَارِيخْ أَلِي تَكْمَلْ فِيهْ يَامَاتْ اَلْتَّطْهِيرْ، والْصَدْقَة تَعْ كُلْ وَاحَدْ. 27 وڤْبَلْ مَا تَكْمَلْ اَلْسَبْعْ إِيَّامْ، شَافُوهْ اَلْيَهُودْ تَعْ أَسِيَّا فَالْهَيْكَلْ، وهَيْجُوا النَّاسْ عْلِيهْ، حَكْمُوهْ 28 ويْزَڤُوا: يَا نَّاسْ إِسْرَائِيلْ! هَدَا هُوَ الْرَّاجَلْ أَلِي يْعَلَّمْ فِي كُلْ مْكَانْ ضَدْ الْشَّعْبْ والْشَرِيعَة و الْهَيْكَلْ، حَتَّى دَخَّلْ يُونَانِيِّينْ لْهَيْكَلْ ونَجَّسْ هَدْ لَمْكَانْ الَمْقَدَّسْ". 29 عْلَى خَاطَرْ شَافُوا مْعَهْ فْلَمْدِينَة تُرُوفٍيمُسْ الأَفَسُوسِي، وكَانُوا حَاسْبِينْ بُولُسْ أَدَاهْ الْهَيْكَلْ. 30 هَاجَتْ ڤَاعْ لَمْدِينَة، وهَجْمُوا عْلَى بُولُسْ وجَرُّوهْ خَارَجْ الْهَيْكَلْ، و تَمْ تَمْ تْغَلْقَتْ الْبِيبَانْ. 31 ومَلِي كَانُوا بَاغْيِينْ يَقْتْلُوهْ، وْصَلْ لَخْبَرْ لْرَايَسْ الْكَتِيبَة بَلِي كَايَنْ فَوْضَى كْبِيرَة فِي أُورُشَلِيمْ 32 وتَمْ تَمْ أَدَى قِيَادْ مِيَة عَسْكَرْ ولْعَسْكَرْ وهَوَّدْ لِيهُمْ. مَلِي شَافُوا اَلرَايَسْ والْعَسْكَرْ حَبْسُوا مَنْ ضَرْبْ بُولُسْ. 33 وتْقَرَبْ الْرَايَسْ وحَكْمَهْ، وڤَيْدَّهْ بَسْلاَسَلْ، وسْأَلْهُمْ : يَادْرَى شْكُونْ هَدَا؟ ووَاشْ دَارْ؟ 34 وكَانُوا وَاحْدِينْ يْزَڤُوا بْشِي و وَاحَدْ أُخْرِينْ بْشِي بْشِي أَخَرْ. وكِيمَا قْدَرْشْ يَفْهَمْ مَنْ الْفَوْضَى، أَمَرْ يَدُوهْ الْثَكَنَة. 35 وكِي وَصْلُوا لَدَّرْجْ أَتَفَقْ الْعَسْكَرْ بَاشْ يَرَفْدُوهْ عَلَى جَالْ اَلْعُنْفْ تَعْ النَّاس، 36 عْلَى خَاطَرْ النَّاسْ كَانُوا يْتَبْعُوهْ ويْزَڤُوا: "أَقَتْلُوهْ!". 37 وكِي ڤَرَبْ بُولُسْ يَدْخَلْ الْثَكَنَة ڤَالْ لَلْأَمِيرْ: تَسْمَحْ لٍي نڤُولَكْ شِي؟" ڤَالَهْ الْرَيَسْ: " تَعْرَفْ اَلْيُونَانِيَّة؟ 38 مَاشِي أَنْتَ الْمَصْرِي أَلِي دَارْ فَتْنَة لِيَامْ أَلِي فَاتُوا، و خَرَجْ لَصَحْرَة رَبْعْ اَلاَفْ رَّجَلْ مَلْ اَلْقَتَلَة؟". 39 وڤَالَه بُولُسْ: "أَنَا رَاجَلْ يَهُودِي طَرْسُوسِي، مَنْ أَهْلْ مْدِينَة مَاشِي دِنِيَّة مَنْ كِيلِيكِيَّة. ونَتْرَجَاكْ تَسْمَحْ لِي نْكَلَمْ الْشَّعْبْ". 40 و مَلِي خَلَّهْ، وْڤَفْ بُولُسْ عَالْدَّرْجْ وشَرْ بْيَدَهْ لَشَّعْبْ، وكِي سَكْتُوا. زَڤَى بالْلُّغَة الْعِبْرِيَة وڤَالْ:
1 " يَا خُوتِي وجْدَادِي، آسَمْعُوا كِي نْدَفَعْ عْلَى رُوحِي". 2 ومَلِي سَمْعُوهْ يْكَلَمْهُمْ بالْلُّغَة الْعِبْرِيَة سَكْتُوا ڤَاعْ. وڤَالْ: 3 " أَنَا رَاجَلْ يَهُودِي تَوْلَدْتْ فِي طَرْسُوسْ كِيلِيكِيَّة، و تَرْبِيتْ فِي هَدْ لَمْدِينَة وتْعَلَمْتْ عَنْدْ كَرْعِي غَمَالاَئِيلْ الْتَرْبِيَة الْلاَزْمَة فالْشَرِيعَة تَعْ جْدَدْنَا. وكُنْتْ غَيُورْ لله كِيمَا رَاكُمْ الْيُومْ أَنْتُمَا. 4 أَضْطَهَدْتْ هَادْ اَلطْرِيڤْ حَتَّى اَلْمُوتْ، قَيَّدْتْ وسَلَّمْتْ رْجَالْ والْنْسَا لَلْحَبْسْ، 5 وحَتَّى اَلْكَهَنَة والْشْيَاخْ يَشَهْدُوا لِي، بَلِي مَدُولِي بْرِيَّة لْخُوتْهُمْ فِي دِمَشْقْ، بَاشْ يْعَوْنُونِي نْقَيَّدْ أَلِي كَانُوا تَمَا ونْجِيبْهُمْ لأُورُشَلِيمْ يَتْعَاقْبُوا. 6 وكِي ڤْرِيبْ نَوْصَلْ لْدِمَشْقْ فِي نَصْ الْنْهَارْ، بْرَڤْ قُدَامِي مَنْ الْسْمَا نُورْ عْظِيمْ. 7 وطَحْتْ لَلَرْضْ، وسْمَعْتْ صُوتْ ڤَالْ لِي: شَاوُلْ، شَاوُلْ! عْلاَشْ رَاكْ تَضْطَهَدْنِي؟ 8 وجَاوَبْتْ: شْكُونْ أَنْتَ يَا سِدِي؟ ڤَالْ لِي: أَنَا يَسُوعْ اَلْنَّاصِرِي أَلِي رَاكْ تَضْطَهَدْ فِيهْ. 9 ولِي كَانُوا مْعَيَا شَافُوا الْنُورْ وخَافُوا، بَصَحْ مَا سَمْعُوشْ اَلْصُوتْ أَلِي كَلَّمْنِي. 10 ڤُلْتْ: وَاشْ أَنْدِيرْ يَا رَّبْ؟ وڤَالْ لِي الْرَّبْ: نُّضْ ورُوحْ لْدِمَشْقْ، وتَمَا نْڤُولَكْ شَا لاَزَمْ أَدِيرْ. 11 وتَعْمِيتْ عْلَى جَالْ دَاكْ الْنُّورْ، حَتَّى حَكْمُونِي مَنْ يَدِي أَلِي كَانُوا مْعَيَا ودَاوْنِي لْدِمَشْقْ. 12 "وكَانْ فِي دِمَشْقْ رَاجَلْ أَسْمَهْ حَنَنِيَّا، تَقِي عْلَى حْسَبْ اَلْشَرِيعَة، مَشْهُودْلَهْ مَنْ ڤَاعْ الْسُّكَانْ 13 جَا لْعَنْدِي، وْڤَفْ وڤَالْ لِي: يَا خُويَا شَاوُلْ، شُوفْ! وتَمْتَمْ وَلِيتْ نْشُوفْ وشَفْتْ فِيهْ. 14 وڤَالْ إِلَهْ جْدَادْنَا خَيْرَكْ بَاشْ تَعْرَفْ مَشِيئْتَهْ، وتْشُوفْ اَلْعَادَلْ وتَسْمَعْ صُوتْ مَنْ فَمَهْ. 15 عْلَى خَاطَرْ رَاحْ تْكُونْ لِيهْ شَاهَدْ لْڤَاعْ الْنَّاسْ بَالشِي أَلِي شَفْتْ وسْمَعْتْ. 16 وضُورْكْ مَا تْوَدَرْشْ الْوَقْتْ، نُوضْ وتْغَطَسْ وأَغْسَلْ ذْنُوبَكْ ودْعِي بآسْمْ الْرَّب. 17 مَنْ بَعْدْ مَا رْجَعْتْ لأُورُشَلِيمْ وأَنَا نْصَلِّي فَالْهَيْكَلْ، طَحْتْ فِي غَيْبَة، 18 وشَفْتَهْ ڤَالْ لِي: خَفْ! أَخْرَجْ ضُورْكْ مَنْ أُورُشَلِيمْ، عْلَى خَاطَرْ مَا يَقْبْلُوشْ شْهَادْتَكْ عْلِيَا. 19 ڤُولْتْ : يَا رَّبْ، هُمَا رَاهُمْ عَارْفِينْ بَلِي كُنْتْ نَحْبَسْ و نَضْرَبْ فَالْمْجَامَعْ أَلِي أَمْنُوا بِيكْ. 20 وكِي سَالْ دَمْ آسْتِفَانُوسْ الْشَهِيدْ تَعَكْ كُنْتْ أَنَا وَقَفْ رَاضِي مَلِي ڤَتْلُوهْ. 21 وڤَالْ لِي: رُوحْ، أَنَا نَرَسْلَكْ للأُمَمْ بْعِيدْ". 22 و سَمْعُوا لَهْ حَتَّى لْهَادْ الْكَلْمَة، مَنْ بَعْدْ زَڤُوا ڤَالُوا: "أَدِي أَلِي كِيمَا هَادَ مَالْلَرْضْ، عْلَى خَاطَرْ مَا لاَزَمْشْ يْعِيشْ!". 23 وكَانُوا يْزَڤُوا، ويَنَحِوا قَشْهُمْ ويَرْمُوا اَلْغَبْرَة لَسْمَا، 24 أَمَرْ اَلْرَايَسْ بَاشْ يَدُوهْ الْثَكَنَة، ويْسَقْسِيوَاهْ بَالْضَرْبْ، بَاشْ يَعَرْفُوا عْلاَشْ اَلْنَّاسْ كَانُوا يْزَڤُوا ضَدَهْ. 25 وكِي رَبْطُوهْ اَلْعَسْكَرْ بَاشْ يَجَلْدُوهْ، ڤَالْ بُولُسْ لْرَايَسْ لَمْيَةْ عَسْكْرِي اَلْوَاڤَفْ: " مَسْمُوحْ لْكُمْ تَجَلْدُوا إِنْسَانْ رُومَانِي مَاشِي مَحْكُومْ عْلِيهْ؟". 26 كِي سْمَعْ رَايَسْ لَمْيَة عَسْكْرِي رَاحْ عَنْدْ الْرَيَسْ تَعَهْ، وخَبْرَهْ ڤَالْ لَهْ: "شُوفْ شَا رَاكْ رَايَحْ أَدِيرْ! هَادْ الْرَّجَلْ رُومَانِي". 27 تَمْ تَمْ رَاحْ لِيهْ الْرَايَسْ وڤَالْ لَهْ: " ڤُلْ لِي: أَنْتَ رُومَانٍي؟. وڤَالْ لَهْ: "وَاهْ" . 28 جَاوْبَهْ اَلْرَايَسْ: " أَنَا خَلَصْتْ سُومَة كْبِيرَة بَاشْ نْوَلِي رُومَانِي". وڤَالْ بُولُسْ: " اَنَا تَوْلَدْتْ فِيهَا". 29 وتَمْ تَمْ بَعْدُوا عْلِيهْ اَلْعَسْكَرْ أَلِي كَانُوا رَايْحِينْ يَجَلْدُوهْ. و حْشَّمْ رَايَسْ اَلْعَسْكَرْمَلِي أَعْرَفْ بَلِي رُومَانِي، ومَلِي قَيْدَّهْ. 30 وفَالْيُومْ الْتَالِي بْغَى رَايَسْ اَلْعَسْكَرْ يْتْأَكَدْ: عْلاَشْ يَشْكُوا عْلِيهْ اَلْيَهُودْ؟ حَلَّهْ لَقْيُودْ، و أَمَرْ بَاشْ يَحْضَرْ رِيَاسْ الْكَهَنَة وڤَاعْ أَلِي فَالْمَجْمَعْ. وجَابْ بُولُسْ لْعَنْدْهُمْ.
1 وشَافْ بُولُسْ فَلِي كَانُوا مْجَمْعِينْ وڤَالْ: " يَا خُوتْ، رَانٍي بْضَمِيرْ صَالَحْ عَشْتْ لله حَتَّى لْهَادْ الْيُومْ". 2 وحَنَانِيَّا رَيَسْ الْكَهَنَة أَمَرْ، الْوَاڤْفِينْ حْذَاهْ يَضَرْبُوهْ عْلَى فَمَهْ. 3 و تَمَا ڤَالْ لَهْ بُولُسْ: " الله يَضَرْبَكْ يَا حِيطْ لَمْقَبْرَة لْمَسْبُوغْ بَالْجَبْسْ! رَاكْ ڤَعَدْ تَحْكَمْ عْلِيَا بَالْشَرِيعَة، ورَاكْ تَأَمَرْ نَتْنَضْرَبْ ومْخَالَفْ الْشَرِيعَة؟". 4 وڤَالُوا الْوَاڤْفِينْ: " رَاكْ تْسَّبْ رَايَسْ الْكَهَنَة؟ 5 وبُولُسْ ڤَالْ: " مَا كُنْتْشْ عَارَفْ يَا خُوتِي بَلِي هَدَا رَايَسْ كَهَنَة، عْلَى خَاطَرْ مَكْتُوبْ: رَايَسْ شَّعْبَكْ مَا تْڤُولْشْ فِيهْ الْسُوءْ". 6 وكِي عْرَفْ بُولُسْ بَلِي وَاحْدِينْ مَنْهُمْ صَدُّقِيُّونْ ووَاحْدِينْ أَخْرِينْ فَرِّيسِيُّونْ، زَڤَى فالْمَجْمَعْ:"خُوتِي، أَنَا فَرٍّيسِي وَلْدْ فَرِّيسي. رَانِي نْتْحَاكَمْ الْيُومْ عْلَى خَاطَرْنَؤْمَنْ بْقِيَامَة الْمُوتَى". 7 وكِي ڤَالْ هَدْ لَكْلاَمْ صْرَى خِلاَفْ بِينْ آلْفَرِّيسِيِّينْ وآلْصَّدُّوقِيِّينْ، و نْڤَسْمَتْ لَجْمَاعَة، 8 عْلَى خَاطَرْ آلْصَّدُّوقِيِّينْ يْڤُولُوا: مَاكَنْشْ قِيَامَة ولاَ مَلاَيْكَة ولارُوحْ، وآلْفَرِّيسِيِّينْ يْأَمْنُوا بهَدْ الأُمُورْ. 9 وصْرَى زْڤَى كْبِيرْ، ونَاضُوا وَاحْدِينْ مَنْ عُلَمَا اَلْشَرِيعَة مَلْ الْفَرِّسِيِّينْ دَاخْلُوا فِي خِصَامْ وڤَالُوا: " مَا لْڤِينَا حَتَّى شِي مَاشِي مْلِيحْ فْهَادْ الإِنْسَانْ! وإِذَا كَانْ رُوحْ ولاَ مَلاَيْكَة أَلِي كَلْمَّهْ مَانْحَارْبُوشْ الله". 10 ومَلِي صْرَى خِلاَفْ كْبِيرْ خَافْ رَايَس الْعَسْكَرْ يَڤَسْمُوا بُولُسْ عْلَى زُوجْ، وآمَرْ الْعَسْكَرْ يْهَوْدُوهْ وڤَلْعُوهْ مَنْ وَسْطْهُمْ ويَدِوَهْ لَثَكَنَة. 11 و فَالْلِيلَة الْتَّالْيَة بَانْ لَهْ الْرَّبْ وڤَالْ:" ثِقْ يَا بُولُسْ! كِيمَا شْهَدْتْ لِي فِي أُورُشَلِيمْ، لاَزَمْ تَشْهَدْ لِي فِي رُومَا تَانِي". 12 وكِي طْلَعْ الْنْهَارْتَفْقُوا وَاحْدِينْ مَلْ الْيَهُودْ بَاشْ يَڤَتْلُوا بُولُسْ، و حَرْمُوا رُوحْهُمْ مَنْ الْمَكْلَة والْشْرَابْ حَتَّى يَقَتْلُوهْ. 13 وكَانُوا أَكْثَرْ مَنْ رَبْعِينْ وَاحَدْ. 14 ورَوحُوا عَنْدْ رِيَاسْ الْكَهَنَة والْشْيُوخْ وڤَالُوا: "رَانَا حْرَمْنَا رْوَاحْنَا مَا نَكْلُوا ومَا نَشَرْبُوا حَتَّى نَڤَتْلُوا بُولُسْ. 15 وضُورْكْ خَبْرُوا أَنْتُمَ الْرَايَسْ بَاشْ يْهَوْدَهْ لْعَنْدْكُمْ فَالْغدْ، كَلِي رَاكُمْ بَاغْيِينْ تَسَاْلُوهْ بَكْثَرْ دِقَة عْلَى حَالْتَهْ. و حْنَا، رَانَا وَاجْدِينْ نَڤَتْلُوهْ مَلِي يْڤَرَبْ مَلْ الْمَجْلَسْ". 16 بَصَحْ وَلْدْ خُّتْ بُولُسْ سْمَعْ بْهَادْ الْحِيلَة ورُوَحْ لَتَكَنَة وخَبَرْ بُولُسْ. 17 وعَيَطْ بُولُسْ لْوَاحَدْ مَنْ رِيَاسْ لَمْيَّة عَسْكْرِي و ڤَالْ: "أَدِي هَادْ الْشِيرْ عَنْدْ الْرَايَسْ، عْلَى خَاطَرْ عَنْدَهْ شِي يَخَبِرَهْ بِهْ". 18 أَدَاهْ لْعَنْدْ الْرَايَسْ وڤَالْ: " عَيَطْلِي الْمَحْبُوسْ بُولُسْ، وطْلَبْ مَنِي نْجِيبْ لَكْ هَادْ الْشِيرْ، رَاهْ عَنْدَهْ شِي يْڤُولَهْ لَكْ". 19 شَدَّه الْرَايَسْ مَنْ يَدَهْ ودَاهْ وَاحْدَهْ، وسَاَلَهْ: وَاشْ رَاكْ تْخَبَرْنِي بِهْ؟". 20 ڤَالْ لَهْ: " الْيَهُودْ تْفَهْمُوا بَاشْ يَطَلْبُوا مَنكْ فَالْغَدْ تْهَوَدْ لْهُمْ بُولُسْ لَمَجْمَعْ، كَلِي رَاهُمْ بَاغْيِينْ يَسَاْلُوهْ بَكْثَرْ دِقَة. 21 مَا تَصَدَقْهُومْشْ، عْلَى خَاطَرْ كْثَرْ مَنْ رَبْعِينْ وَاحَدْ مَنْهُمْ يْعَسُوهْ فَالطْرِيڤْ، حَرْمُوا رُوحْهُمْ مَنْ الْمَكْلَة والْشْرَابْ حَتَّى يَڤَتْلُوهْ. ورَاهُمْ يَسَنَاوْ مَنَكْ تَعْطِي الأَمْرْ". 22 وسَرَّحْ الْرَايَسْ دَاكْ الْشِيرْ مْوَصِهْ : " مَا تْڤُولْ لْحَتَّى وَاحَدْ بَلِي خَبَرْتْنِي ". 23 مَنْ بَعْدْ زْڤَى لْزُوجْ مَنْ رِيَاسْ الْمَيَة عَسْكْرِي وڤَالْ: "وَاجْدُّوا مِتِينْ عَسْكْرِي وسَبْعِتِينْ فَارِسْ ومِتِينْ رَامَحْ يْرَوحُوا لْقَيْصَرِيَّة، عْلَى اَلسَاعَة الْثَّالْثَّة مَنْ الْلِيلْ. 24 ويَدِيوْ الْدْوَابْ بَاشْ يَرْكْبْ بُولُسْ ويْوَصْلُوهْ بْخِيرْ لْ فِيلِكْسْ الْوَالِي". 25 وكْتَبْ بْرِيَة لَلْحَاكَمْ يْڤُولْ فِيهَا. 26 "مَنْ كُلُودِيُوسْ لِيسِيَاسْ، لَلْوَالِي الْعْزِيزْ فِيلِكْسْ: سَلاَمْ! 27 هَادْ الْرَّاجَلْ كِي حَكْمُوهْ الْيَهُودْ وكَانُو بْغَاو يَڤَتْلُوهْ، ومَلِي عْرَفْتْ بَلِي رُومَانِي الْجَنْسِيَة، رَوحْتْ بَلْ خَفْ مْعَ الْعَسْكَرْ وسَلَكْتَهْ. 28 وكُنْتْ بَاغِي نَعْرَفْ بَاشْ كَانُوا يَتَهْمُوهْ ويَشْكُوا عْلِيهْ، هَوَّدْتْ لَلْمَجْمَعْ تَعْهُمْ، لْڤِيتْهُمْ يَشْكُوا عْلِيهْ عْلَى أمُورْ اَلشَرِيعَة تَعْهُمْ. 29 مَا لْڤِيتْ حَتَّى شَكْوَى تَسْتَهَلْ الْمُوتْ لاَالْحَبْسْ. 30 وكِي سْمَعْتْ بَلِي الْيَهُودْ كَانُوا دَيْرِينْ حِيلَة بَاشْ يَڤَتْلُوهْ، تَمْ تَمْ أَرْسَلْتَهْ لِيكْ، وأَمَرْتْ اَلِي رَاهُمْ يَشْكُوا يْجُوا لْعَنْدَكْ يَشْكُوا. كُنْ مُعَافَّى". 31 الْعَسْكَرْ أَدَاوْ بُولُسْ فَالْلِيلْ كِيمَا أَمَرْهُمْ الْرَايَسْ، لْأنْتِيبَاتْرِيس. 32 وفَالْغَدْ خَلاَوْ الْفَرْسَانْ يْرَوحُوا مْعَاه وهُمَا رَاجْعُوا لَثَكَنَة. 33 وكِي وَاصْلُوا قَيْصَرِيَّة دَفْعُوا لَبْرِيَة لَلْوَالِي وسَلْمُولَهْ بُولُسْ. 34 كِي قْرَى الْوَلِي لَبْرِيَة، وسَقْسَاهْ مَنْ أَيَّة وِلاَيَة هُوَ، وصَابَهْ مَنْ كِيلِيكِيَّة، 35 ڤَالْ: " نَسْمَعْلَكْ مَلِي يَوَصْلُوا أَلِي يَشْكُوا عْلِيكْ". وأَمَرْ يْعَاسُوهْ فِي قْصَرْ هِيرُودُسْ.
1 وبَعْدْ خَمْسْ إِيَّامْ هَوَّدْ حَنَانِيَّا رَايَسْ الْكَهَنَة مْعَ الْشْيُوخْ ومُحَامِي أَسْمَهْ تَرْتُلُّس. وشْكَاوْ لَلْوَالِي ضَدْ بُولُسْ. 2 وكِي دْعَاوْ بُولُسْ بْدَى تَرْتُلُّس بَالْشَكْوَى عْلِيهْ ڤَالْ: 3 يَا سُمُو الْوَالِي، رَنَا فِي سْلاَمْ كْبِيرْ مَنْ الْشِي أَلِي رَاكْ أَدِيرَهْ، وهَادْ الأُمَة رَاهِي بْخِيرْ " بَالْتَدْبَارْ تَاعَكْ، أَقْبَلْ مَنَّا هَادْ الْشُكْرْ يَالْعْزِيزْ فِيلِكُس فِي كُلْ مْكَانْ وكُلْ زْمَانْ. 4 بَاشْ مَنْكَثَرْشْ عْلِيكْ، نَتْرَجَاكْ تَسْمَعْ إِخْتِصَارْ هَادْ الْشَكْوَى: 5 لْڤِينَا هَادْ الْرَّاجَلْ يْفَسَدْ ويْدِيرْ فِتْنَة بِينْ ڤَاعْ الْيَهُودْ فَالبْلاَدْ، ويَتْزَعَمْ مَذْهَبْ اَلنْصَارَى، 6 وكِي بْغَى يْنَجَسْ حَتَّى اَلْهَيْكَلْ، حْكَمْنَاهْ وبْغِينَا نَحَكْمٌوا عْلِيهْ بْشَرِيعَتْنَا. 7 بَصَحْ الْرَايَسْ لِيسِيَسْ أَدَاهْ مَنْ بِينْ يَدِينَا بالْقَوَة، 8 وأَمَرْ اَلِي يَشْكُوا عْلِيهْ يْجُوا لْعَنْدَكْ. وأَنْتَ تَڤَدْ إِلاَ سْأَلْتَهْ تًعْرَفْ هَادْ الأُمُورْ أَلِي رَانَا نَشْكُوا عْلِيهْ". 9 والْيَهُودْ أَلِي كَانُوا حَاضْرينْ وَفْقُوا كْلاَمْ الْمُحَامِي ڤَالُوا: " هَكْدَا كَانْ الْحَالْ". 10 جَاوَبْ بُولُسْ، مَلِي طْلَبْ مَنَهْ الْوَالِي: رَانِي عَارَفْ بَلِي هَادِي سْنِينْ وأَنْتَ قَاضِي لْهَادْ الأُمَة، ورَانِي مَرْتَاحْ نْدَفَعْ عْلَى رُوحِي بكُلْ ثِقَة. 11 ورَاكْ ڤَادَرْ تَعْرَفْ بَلِي مَا فَتْشْ ثْنَاشْ نْيُومْ مَلِي طْلَعْتْ لأُورُشَلِيمْ. 12 ووَاحَدْ مَلْ الْيَهُودْ مَا شَافْنِي حَتَّى مَرَّة دَاخَلْ الْهَيْكَلْ ولاَ فلَمْدِينَة لْلَايَمْ الْنَّاسْ ونْهَيَجْهُومْ للْفَوْضَى. 13 ومَا يْڤَدُوشْ يْبَيْنُوا عْلَى الْشِي أَلِي رَاهُمْ يَشْكُوا بِهْ عْلِيَا. 14 بَصَحْ نَسْتَعْرَفْ لَكْ بهَدَا: رَانِي نَعْبَدْ إِلَهْ جْدَادِي عْلَى حْسَبْ الْمَذْهَبْ أَلِي رَاهُمْ يْوَصْفُوهْ بَلِي بِدْعَة، نْاَمَنْ بَكُلْ الْشِي الْمَكْتُوبْ فَالْشَرْيعَة والأَنْبِيَا. 15 و عَنْدِي رَجَاءْ فالله فِي الْشِي أَلِي رَاهُمْ يَسَنَاوَهْ: بَلِي قِيَامَة الْمُوتَى تْكُزنْ لَلْأبْرَارْ والأَشْرَارْ. 16 أَنَا تَانِي نْدَرَبْ رُوحِي بَاشْ يْكُونْ عَنْدِي دَايْمَنْ ضَمِيرْ صَالَحْ بْلاَ عِيْبْ مَنْ جِهَة الله والنَّاسْ. 17 ومَنْ بَعْدْ شْحَالْ مَنْ عَامْ جِيتْ نْقَدَمْ صَدَقَّاتْ وتَقْدِمَاتْ لْأمْتِي. 18 وكِي كُنتْ نَتَّطَهَرْ فَالْهَيْكَلْ شَافُونِي وَاحْدِينْ مَل الْيَهُودْ تَعْ أَسِيَّا، مَاكُنْتْ مْجَمَعْ مْعَ الْنَّاسْ ولاَ نْدِيرْ فَوضَى فِي وَسْطْهُمْ، 19 لُوْ كَانْ عَنْدْهُمْ دَلِيلْ ضَدِي، رَاهُمْ قَدْمُوهْ لَكْ فِي شَكْوَتْهُمْ كِيمَا يَنْدَرْ فَالأَصْلْ. 20 وضُورْكْ يْڤُولُوا وَاشْ مَنْ ذَنْبْ عَنْدْهُمْ عْلِيَا مَلِي جَابُونِي لَلْمَجْمَعْ يْحَاكْمُونِي، 21 مَنْ غِيرْ الْشِي أَلِي ڤُولْتَهْ ڤُدَامْهُمْ: رَاكُمْ تَحَاكْمُونِي الْيُومْ عْلَى جَالْ نْأَمَنْ بقِيَامَتة الْمُوتَى". 22 كِي سْمَعْ فِيلِكْسْ بْهَدَا أَعْطَاهُومْ وَقْتْ، هُوَ كَانْ يَعْرَفْ كْثَرْ غْلَى هَادْ اَلْطْرِيڤْ، ڤَالْ: " مَلِي يَلْحَڤْ لِيسِيَاسْ الْرَايَسْ نَعْطِكُمْ الْحُكْمْ". 23 وأَمَرْ رَايَسْ الْمْيَّة عَسْكْرِي يْعَّسْ بُولُس، و يْكُون حُّر شْوِيَة، ويَمَنْعُوشْ زْيَارَة حْبَابَهْ يْزُورُهْ و يَخَدْمُوه. 24 ومَنْ بَعْدْ يَمَاتْ جَا فِيلِكْسْ مْعَ دُرُوسِّلاَ مَرْتَهْ، وهِيَ يَهُودِيَّة. ودْعَى بُولُسْ وسَمْعُوا عْلَى الإِيمَانْ تَعَهْ بَالْمَسِيحْ. 25 وكِي كَانْ يَحْكِي عْلَى الْبِر والْتَّعَفُفْ والْدَّيْنُونَة أَلِي تْكُونْ فَاللَخْرَة ، خَافْ فِيلِكْسْ، وڤَالْ: " رُوحْ ضُورْكْ، وكِي يْكُونْ عَنْدِي الْوَقْتْ نْعَيَطْلَكْ". 26 وكَانْ يَسَنَى فِي بُولُسْ يَعْطِيهْ دْرَاهَمْ بَاشْ يَطَلْڤَهْ، عْلَى خَاطَرْ كَانْ شْحَالْ مَنْ مَرَّة يَدْعِيهْ يَهْدَرْ مْعَهْ. 27 وكِي فَاتُوا عَامِينْ، جَا بُورْكِيُوسْ فَسْتُوسْ وَالِي فِي مْكَانْ فِيلِكْسْ. و فِيلِكْسْ بْغَى يَرْبَحْ ڤْلُوبْ الْيَهُودْ خَلَى بُولُسْ فالْحَبْس
1 وبَعْدْ ثَلْثْ إِيَّام مَلِي أَبْدَى فَسْتُوسْ الْخَدْمَة تَعَهْ طْلَعْ مَنْ قَيْصَرِيَّة لأُورُشَلِيمْ. 2 جَاهْ رَايَسْ الْكَهَنَة ونَّاسْ مَنْ الْيَهُودْ وقَدْمُوا الْشَكْوَة تَعْهُمْ ضَدْ بُولُسْ، 3 وطَلْبُوا مَنَهْ يْجِيبْ بُولُسْ لأُورُشَلِيمْ، وهُمَا دَارُوا حِيلَة بَاشْ يَڤَتْلُوهْ فَالْطْرِيڤْ. 4 جَوَبْهُمْ فَسْتُوسْ بَلِي بُولُسْ يَڤْعَدْ فِي قَيْصَرِيَّة، وهُوَ مَا يْطَوَلْشْ ويَرْجَعْ. 5 وڤَالْ: "يْهَوْدُوا مْعَيَا الْڤَادْرِينْ مَنْكُمْ، وإِذَا كَانْ فِي هَادْ الْرَّاجَلْ ذَنْبْ يَشْكُوا عْلِيهْ". 6 ومَنْ بَعْدْ مَا فَوَتْ عَنْدْهُمْ عَشْرْ إِيَّامْ هَوَّدْ لْقَيْصَرِيَّة. وفَالْغَدْ ڤْعَدْ عْلَى كُرْسِي الْوِلاَيَة وأَمَرْ يْجِيبُوا بُولُسْ. 7 وكِي حْضَرْ دَارُوا بِيهْ الْيَهُودْ أَلِي جَاوْ مَنْ أُورُشَلِيمْ، وقَدْمُوا شْكَاوِي ضَدْ بُولُسْ كْثِيرَة وثْقِيلَة بْلَى حَتَّى بُرْهَانْ. 8 وهُوَ كَانْ يْدَافَعْ عْلَى رُوحَهْ: "أَنَا مَا غْلَطْ فِي حَتَّى شِي، لاَ مَنْ جِهَة شَرِيعَة الْيَهُود ولاَ لَلْهَيْكَلْ ولاَ لْقَيْصَرْ". 9 بَصَحْ فَسْتُوسْ كَانْ بَاغِي يْدِيرْ مْزِيَّة ويَرْبَحْ لِيهُود ڤَالْ: " إِذَا رَاكْ بَاغِي تَطْلَعْ لأُورُشَلِيمْ تْتْحَاكَمْ تَمَّا و أَنَا نْكُونْ حَاضَرْ؟". 10 وبُولُسْ ڤَالْ: " رَانِي فِي مَحْكَمَة قَيْصَرْ وِين لاَزَمْ عْلِيَا نَتْحَاكَمْ. أَنَا مَا ظْلَمْتْشْ الْيَهُودْ فِي حَتَّى شِي كِيمَا رَاكْ عَارَفْ. 11 لُوْ كُنْتْ ضَالَمْ، ولاَ دَرْتْ شِي يَسْتْهَلْ الْمُوتْ، مَا نَهْرَبْشْ مَنْ عُقُوبَة الْمُوتْ. بَصَحْ إِذَا مَا كَانْ حَتَّى شِي مَلِي يَشْكُوا بِه عْلِيَّى هَادُوا، حَتَّى وَاحَدْ مَا يَڤْدَرْ يَسَلَّمْنِي لِهُمْ. نَطْلَبْ ضُورْكْ بَاشْ نَتْحَاكَمْ عَنْدْ قَيْصَرْ!". 12 تْشَاوَرْ فَسْتُوسْ مْعَ الْمُسْتَاشْرِينْ تَعَهْ، و جَاوْبَهْ: " عَنْدْ قَيْصَرْ بْغِيتْ تَتْحَاكَمْ. لْعَنْدْ قَيْصَرْ تْرُوحْ!". 13 بَعْدْ شِي يَّمَاتْ جَا أَغْرِيبَاسْ الْسَلْطَانْ وبَرْنِيكِي لْقَيْصَرِيَّة يْسَلْمُوا عْلَى فَسْتُوسْ. 14 وكِي فَوتُوا تَمَا شْحَالْ مَلْلِيَّامْ، فَسْتُوسْ عْلَمْ الْسُلْطَانْ بقَضِيَة بُولُس، ڤَالْ لَهْ: "كَايَنْ وَاحَدْ الْرَّاجَلْ خَلَّهْ فِيلِكْسْ فَالْحَبْسْ، 15 و طَلْبُوا مَنِي رِيَاسْ الْكَهَنَة وشْيُوخْ الْيَهُودْ كِي كُنْتْ فِي أُورُشَلِيمْ نَحْكَمْ عْلِيهْ. 16 جَاوَبْتْهُمْ بَلِي مَاشِي مَنْ عَادَة الْرُّومَانِيِّينْ يَسَلْمُوا وَاحَدْ لَلْمُوتْ قْبَلْ يْقَابَلْ فَالْمَحْكَمَة أَلِي يَشْكُوا عْلِيهْ، بَاشْ يَڤْدَرْ يْدَافَعْ عْلَى رُوحَهْ. 17 وكِي جَاوْ اَلَهْنَا غَاوَلْتْ ونَظَمْتْ جَلْسَة فَالْيُومْ الْتَّالِي، وأَمَرْتْ يْجِبُوا الْرَّاجَلْ. 18 كِي وَڤْفُوا أَلِي يَشْكُوا عْلِيهْ، مَا جَابُوا حَتَّى بَرْهَانْ يَسْتْهَلْ ضَدَهْ كِيمَا كُنْتْ نْظَنْ. 19 بَصَحْ كَانْ عَنْدْهُمْ إِتِهَمَاتْ عْلِيهْ مَنْ جِهَة دِيَانَتْهُمْ، وعْلَى وَاحَدْ أَسْمَهْ يَسُوعْ، مَاتْ وبُولُسْ ڤَالْ رَاهْ حِيْ. 20 تْحِيَرْتْ كِي نَحْكَمْ بِيْنَتْهُمْ وڤُلْتْ لَهْ: إِذَا رَاكْ بَاغِي تْرُوحْ لْأورُشَلِيمْ تَتْحَاكَمْ تَمَا؟ 21 وكِي دَافَعْ بُولُسْ عْلَى رُوحَهْ طْلَبْ بَاشْ يْتْحَاكَمْ عَنْدْ أُوغُسْطُسْ، أَمَرْتْ نَعَسَهْ حَتَّى نَرَسْلَهْ لْعَنْدْ قَيْصَرْ". 22 أَغْرِيبَاسْ ڤَالْ لْفَسْتُوسْ: " حَتَّى أَنَا رَانِي بَاغِي نَسْمَعْ هَادْ الْرَّاجَلْ". ڤَالْ: "تَسَمْعَهْ فَالْغَدْ". 23 وفَالْغَدْ كِي جَا أَغْرِيبَاسْ وبَرْنِيكِي دَرُولْهُمْ إِحْتِفَالْ كْبِيرْ، دَخْلُوا الْمَحْكَمَة مْعَ الْرِيَاسْ ورْجَالْ لَمْدِينَة أَلِي عَنْدْهُمْ الْشَانْ، أَمَرْ فَسْتُوسْ يْجِبُوا بُولُسْ. 24 وڤَالْ فَسْتُوسْ: " يَا الْسُلْطَانْ أَغْرِيبَاسْ ويَا ڤَاعْ رْجَالْ الْحَاضْرِينْ مْعَنَا، رَاكُمْ تْشُوفُوا هَادْ اَلرَّاجَلْ أَلِي شْكَى عْلِيهْ الْشَعْبْ الْيْهُودِي فِي أُورُشَلِيمْ وهْنَا، يْزَڤُوا بَاشْ يَتَڤْتَلْ. 25 وأَنَا مَلِي مَا لْڤِيتْشْ شِي دَارَهْ يَسْتْهَلْ الْمُوتْ، وهُوَ طْلَبْ يْتْحَاكَمْ عَنْدْ أُوغُسْطُسْ، عَوَلْتْ نَرَسْلَهْ. 26 وكِي مَا لْڤِيتْشْ شِي مَتَأَكَدْ فِيهْ نَكَتْبَهْ لَسَلْطَانْ. عَلَى هَادْ الْشِي أَلِي جَابْتَهْ ڤُدَامْكُمْ، وخَاصَة أَنْتَ يَا سُلْطَانْ أَغْرِيبَاسْ، مَلِي تَمَيْزُوا فْهَادْ اَلْقَضِيَة نَلْڤَى وَاشْ نَكْتَبْ لَهْ. 27 عْلَى خَاطَرْ رَانِي نْشُوفْ مَا يْلِيقْشْ نَرْسَلْ مَحْبُوسْ لَسَلْطَانْ بْلَى نْقَدَمْ تَهْمَة عْلِيهْ".
1 وأَغْرِيبَاسْ ڤَالْ لْبُولُسْ: " مَسْمُوحْ لَكْ تْدَافَعْ عْلَى رُوحَكْ". تَمْ تَمْ أَرْفَدْ بُولُسْ يَدَهْ و بْدَى يَهْدَرْ: 2 " رَانِي حَاسَبْ رُوحِي فَرْحَانْ يَا الْسُلْطَانْ أَغْرِيبَاسْ، كِي رَانِي نْدَافَعْ عْلَى رُوحِي ڤُدَامَكْ الْيُومْ ونْرَّدْ عْلَى الْشَكْوَى تَعْ لِيْهُودْ ضَدِي. 3 وأَنْتَ رَاكْ تَعْرَفْ ڤَاعْ عْوَايَدْهُمْ والْمَسَائِلْ أَلِي بِينْ الْيَهُودْ. عْلَى هَادْ الْشِي نَطْلَبْ مَنَكْ تَسْمَعْنِي و تَصْبَرْ عْلِيَا. 4 ڤَاعْ الْيَهُودْ يَعَرْفُوا سِيرْتِي مَنْ صَغْرِي، أَنَا أَلِي كُنْتْ عَايَشْ فِي وَسْطْ شَّعْبِي فِي أُورُشَلِيمْ، 5 و يَعَرْفُونِي مَلْ الْلَوَلْ، لُوكَانْ بْغَاوْ يَشَهْدُوا، بَلِي كُنْتْ فَرِيسِي، نْتَبَعْ الْمَذْهَبْ الأَكْثَرْتَزْيَارْ فِي عِبَادَتْنَا 6 والْيُومْ رَانٍي وَاڤَفْ نْتْحَاكَمْ عْلَى خَاطَرْ رَانِي مَأَمَنْ بَالْوَعْدْ أَلِي أَعْطَاهْ الله لَجْدَادنَا، 7 ومَازَالْ لَعْرَاشْ تَعْ شَّعْبْنَا الْثْنَاشْ يَسَنَاوْ هَادْ الْوَاعْدْ، عَابْدِينْ الله بْجَهْدْ لِيلْ ونْهَارْ. وعْلَى جَالْ هَادْ الْرَّجَاء رَانِي نَتْحَاكَمْ مَنْ الْيَهُودْ يَا الْسُلْطَانْ أَغْرِيبَاسْ. 8 عْلاَشْ مَا تْأَمْنُوشْ بَلِي الله يْنَوَّضْ الْمُوتَى؟ 9 وكُنْتْ حَاسَبْ بَلِي لاَزَمْ أَنْدِيرْ جَهْدْ كْبِيرْبَاشْ نْقَاوَمْ أَسْمْ يَسُوعْ الْنَّاصِرِي. 10 وهَكْدَا دَرْتْ فِي أُورُشَلِيمْ، وأَدِيتْ تَرْخِيصْ مَنْ عَنْدْ رِيَاسْ الْكَهَنَة، أَرْمِيتْ شْحَالْ مَلْ الْقِدِّيسِينْ لَلْحَبْسْ، وكُنْتْ نْوَافَقْهُمْ كِي يَحْكْمُوا بَالْمُوتْ عْلِيهُمْ. 11 وفْڤَاعْ اَلْمَجَامَعْ كُنْتْ نْعَاقَبْهُمْ شْحَالْ مَنْ مَرَّة، ونْعَذْبْهُمْ حَتَّى يَنَكْرُوا إِيمَانْهُمْ. وكُنْتْ نْتَابَعْهُمْ حَتَّى فْلَمْدُونْ أَلِي خَارَجْ لَبْلاَدْ. 12 "كِي كُنْتْ مْرَوَحْ لْدِمَشْقْ، بْتَرْخِيصْ وتَفْوِيضْ مَنْ رِيَاسْ الْكَهَنَة، 13 شَفْتْ فِي نَصْ الْنْهَارْ فَالْطْرِيڤْ، يَا الْسُلْطَانْ، نُورْ مَالْسْمَا نُورَهْ كْثَرْ مْنُورْ الْشَمْسْ، بَرَقْ ڤُدَمِي وڤُدَامْ أَلِي كَانُوا مْعَيَا. 14 مَلِي طَحْنَا لَرْضْ، سْمَعْتْ صُوتْ يَكَلَمْنِي ويْڤُولْ بَالْلُّغَة الْعِبْرِيَّة: شَاوُلْ! عْلاَشْ رَاكْ تَضْطَهَدْنِي؟ صْعِيبْ عْلِيكْ تَرْفَسْ مَنَاخِسَ. 15 وڤُلْتْ أَنَا: شْكُونْ أَنْتَ يَا سِيدِي؟ ڤَالْ: أَنَا يَسُوعْ أَلِي رَاكْ تَضْطَهْدَهْ. 16 بَصَحْ نُوضْ عْلَى كَرْعِيكْ عْلَى خَاطَرْ بَنْتْ لَكْ، بَاشْ نْخَيْرَكْ خَادَمْ وشَاهَدْ بَهَادْ الْرُؤْيَة أَلِي شَفْتَهَا والرُؤَى أَلِي رَايَحْ نْوَارِلَكْ، 17 و نْسَلْكَكْ مَنْ شَّعْبَكْ والْشُّعُوبْ أَلِي نَرَسْلَكْ لِيهُمْ، 18 بَاشْ تَفْتَحْ عِينِيهُمْ ويَخَرْجُوا مَالْضَلْمَة لَنُورْ، ومَنْ يَدْ الْشٍيطَانْ لْيَدْ الله، حَتَّى يْنَالُوا بَالْإِيمَانْ غَفْرَانْ الْذْنُوبْ ونْصِيبْ مْعَ الْمَقْدْسِينْ. 19 " ومَنْ دَاكْ الْوَقْتْ يَا الْسَلْطَانْ أَغْرِيبَاسْ مَا زَدْتْشْ نْكُونْ ضَدْ الْرُّؤْيَة الْسَّمَاوِيَّة، 20 وبَشَرْتْ أَهْلْ دِمَشْقْ فَالْلَوَلْ، وفِي أُورُشَلِيمْ وڤَاعْ مْدُونْ الْيَهُودِيَّة، مَنْ بَعْدْ بَشَرْتْ الْأمَمْ، بَاشْ يْتُوبُوا ويَرَجْعُوا لله ويْدِيرُوا أَعْمَالْ تْلِيقْ بَالْتُوبَة. 21 عْلَى هَادْ الْشِي أَلِي حَكْمُونِي الْيَهُودْ فَالْهَيْكْلْ وبْغَاوْ يَڤَتْلُونِي. 22 بَصَحْ الله حْفَضْنِي حْتَّى لْهَادْ الْيُومْ، شَاهَدْ لَصْغِيرْ ولَكْبِيرْ. وأَنَا مَا ڤُلْتْ غِيرْ أَلِي تْنَبَاُوا الأَنْبِيَا و مُوسَى عْلِيهْ: 23 بَلِي الْمَسِيحْ رَاحْ يَتْأَلَمْ ويْكُونْ اَلْلَوَلْ أَلِي يْقُومْ مَنْ الْمُوتْ، ويْبَشَرْ بَالْنُورْ لْشَّعْبْنَا و الُّشُّعُوب الْلَخْرَى". 24 وهُوَمَزَالْ يْدَافَعْ عْلَى رُوحَهْ، حَبْسَهْ فَسْتُوسْ بْصُوتْ عَالِي: " رَاكْ هْبْلْتْ يَا بُولُسْ! الْكْتَبَاتْ لَكْثِيرَة أَلِي قْرِتْهَا هَبْلَتَكْ!". 25 وڤَالْ: "مَا هْبَلْتْشْ يَا لَعْزٍيزْ فَسْتُوسْ، رَانِي نَتْكَلَّمْ بَكْلاَمْ الْصِّدْقْ وكْلاَمْ يْفَطَّنْ. 26 والْسُلْطَانْ أَلِي رَانِي نْكَلْمَه ضُورْكْ عَالَمْ بهَادْ الْأمُورْ، عْلَى خَاطَرْ مَا رَانِيشْ نْصَدَقْ بَلِي يَخْفَى عْلِيهْ شِي مَنْ هَادْ الأُمُورْ، عْلَى خَاطَرْ هَدْ الْشِي مَا صْرَاشْ فَالْظَلْمَة. 27 رَاكْ مْؤَمَنْ بالْأنْبِيَا يَا الْسُلْطَانْ أَغْرِيبَاسْ؟ رَانِي عَارَفْ بَلِي تَأَمَّنْ". 28 وڤَالْ أَغْرِيبَاسْ لْبُولُسْ: " تْزِيدْ شْوِيَة تَقَنَعْنِي نْوَلِي مَسِحِي!". 29 وبُولُسْ ڤَالْ: " قْلِيلْ ولاَ كْثِيرْ، كُنْتْ نْصَلِّي لله مَنْ أَجْلَكْ ومَنْ أَجْلْ ڤَاعْ الْحَاضْرِينْ هْنَا، بَاشْ يْوَلُوا كِمَا أَنَا، بَصَحْ بْلاَ هَادْ الْسْلاَسَلْ". 30 وكِي ڤَالْ هَكْدَا نَاضْ الْسُلْطَانْ والْوَالِي وبَرْنِيكِي وأَلِي ڤَعْدِينْ مْعَهُمْ، 31 ورَوْحُوا وهُمَا يَتْكَلْمُوا بِينَتْهُمْ يْڤُولُوا: " هَادْ الإنْسَانْ مَا دَّارْشْ شِي يَسْتْهَلْ الْمُوتْ ولاَ الْحَبْسْ". 32 وڤَالْ أَغْرِيبَاسْ لْفَسْتُوسْ:" لُو كَانْ مَاطْلَبْشْ يْتْحَاكَمْ عَنْدْ قَيْصَرْ كَانْ قَادَرْ يَخْرَجْ هَادْ الإِنْسَانْ".
1 وفَالْلَخَرْ خْذَاوْ قَرَارْ بَاشْ نْسَافْرُوا مَلْ بْحَرْ لَطَلْيَانْ، وكَلْفُوا رَايَسْ لَمْيَّة عَسْكْرِي مَنْ كَتِبَة أُوغَسْطُسْ أَسْمَهْ يٌولْيُوسْ يْعَسْ بُولُسْ ومْحَابِيسْ أَخْرِينْ. 2 طْلَعْنَا لْبَابُورْجَايْ مَنْ أَدْرَامِيتْ ورَايَحْ لأَسِيَّا. وكَانْ مْعَنَا أَرِسْتَرْخُسْ، رَّاجَلْ مَكْدُونِي مَنْ تَسَالُونِيكِي. 3 وفَالْيُومْ الْتَّالِي وصَلْنَا لْصَيْدَاءْ، ويُولِيُوسْ تْعَامَلْ بَالْخِيرْ مْعَ بُولُسْ، سْمَاحْ لَهْ يْرُوحْ يْزُورْ حْبَابَهْ فِي صَيْدَاءْ بَاشْ يْجِيبْ الْشِي أَلِي يَحْتَاجَهْ مَنْهُمْ. 4 مَنْ بَعْدْ ڤَلَعْنَا وسَافَرْنَا ڤُدَامْ شْوَاطِيء قُبْرُسْ، عْلَى خَاطَرْ الْرِيحْ كَانَتْ ضَدْنَا. 5 وكِي فَتْنَا ڤُدَامْ كِيلِيكِيَّة 6 و بَمْفِيلِيَّة، هَوَّدْنَا لْمِيرَالِيكِيَّة. ورَايَسْ الْمْيَّة لْڤَى بَابُورْ مَنْ الإِسْكَنْدْرِيَّة مْسَافْرَة لَطَلْيَانْ رْكَبْنَا فِيهَا. 7 وكِي كُنَا مْسَافْرِينْ غِيرْ بْلَعْقَلْ شْحَالْ مَلْ لِيَّامْ، وكِي ڤْرِيبْ نَلَحْڤُوا لْكِنِيدُسْ بجَهْدْ كْبِيرْ، الْرِيحْ مَاخَلَنَاشْ نَدَخْلُوا الْمِينَاء، وسَافَرْنَا مَنْ ڤُرْبْ جَزِيرَة كْرِيتْ ڤُدَامْ سَلْمُونِي. 8 وكِي فَتْنَاهَا بَالْجَهْدْ جِينَا لْوَاحَدْ الْمْكَانْ يْسَمُهْ"الْمَوَنِي الْحَسَنَة" أَلِي ڤْرِيبَة مَنْ لَسَائِيَة. 9 ومَلِي فَاتْ وَقْتْ طْوِيلْ، والْسْفَرْ فَالْبْحَرْ وَلَى صْعِيبْ، وكَانْ وَقْتْ الْصُّومْ تَانِي كْمَلْ، وبُولُسْ نْصَحْ الْبَحَارَة 10 ڤَالْ: " يَارْجَالْ، رَانِي نْمَيَزْ بَلِي هَادْ الْسْفَرْصْعِيبْ ويْجِيبْ خْسَارَة كْبِيرَة، مَاشِي غِيرْ لَسَلْعَة والْبَابُورْ،حَتَّى عْلَى رْوَاحْنَا تَانِي" 11 بَصَحْ رَايَسْ الْمْيَّة كَانْ يْمِيلْ لْرَايْ الْبَحَارَة ومُولْ الْبَابُورْ كْثَرْ مَالْشِي أَلِي ڤَالَهْ بُولُسْ. 12 مَلِي الْمِينَاء مَا كَنَتْشْ صَالْحَة لَلْمَشْتَى، خْذَاوْ بْرَايْ الْكَثْرَة وتْفَهْمُوا بَاشْ يَڤَلْعُوا مَنْهَا، وطَمْعِينْ يَوَصْلُوا لْمِينَاء فِينِكْسْ يْفَوْتُوا الْمَشْتَى فِيهَا. و هِيَى مِينَاء فِي كْرِيتْ مْڤَابْلَة مَالْجَنُوبْ والْشَّمَالْ الْغَرْبِيَّينْ. 13 وكِي هَبَتْ رِيحْ خْفِيفَة مَالْجَنُوبْ، طَنُّوا الْبَحَارَة بَلِي الِرِيحْ تَدْفَعْهُمْ، رَفْعُوا الْمِرْسَاة وبَحْرُوا مَنْ ڤَرْبْ شَاطِيء كْرِيتْ. 14 بَصَحْ هَاجَتْ رِيحْ قْوِيَة يْسُمُهَا "أُورُوكْلِيدُونْ" 15 والْبَابُورْ أَدَاهْ الْرِيحْ مَا ڤْدَارْشْ يْقَاوَمْهَا، سَلَّمْنَا، فَصِرْنَا نُحْمَلْ. و لْحَڤْنَا ڤُدَامْ جَزِيرَة يْسُمُهَا "كَلَوْدِي" 16 وبَالْجَهْدْ قْدَرْنَا نَتْحَكْمُوا فَالْبُوطِي أَلِي كَانْ فَالْبَابُورْ. 17 وكِي رَفْدُوهْ الْبَحَارَة أَسْتَخْدْمُوا الإِحْتِيَاطِاتْ الْلاَزْمَة، رَبْطُوا الْبَابُورْ، وكَانُوا خَايْفِينْ يْطِيحُوا عْلَى الْسِّيرْتِس، هَوْدُوا الْقُلُوعْ، 18 وهَكْدَا خَلِينَاالِريحْ يَدِينَا. و كَانَتْ الْعَاصِفَة ڤَاسْيَة عْلِينَا، و فَالْغَدْ رْمِينَا الْسَلْعَة لْلَبْحَرْ. 19 وفَالْيُومْ الْثَالَثْ رْمِينَا بْيَدِينَا صْوَالَحْ الْبَابُورْ. 20 وكَانَتْ الْعَاصِفَة تَقْوَى يُومْ بَعْدْ يُومْ، ومَا شَفْنَاشْ الْشَّمْسْ و لاَ الْنْجُومْ شْحَالْ مَنْ يُومْ، حَتَّى فْقَدْنَا الْأمَالْ. 21 وفَوَتْنَا شْحَالْ مَنْ يُومْ بْلَى مَا نَكْلُوا، ووڤَفْ بُولُسْ فِي وَسْطْهُمْ و ڤَالْ: " كَانْ لاَزَمْ عْلِيكُمْ يَا رْجَالْ تَسَمْعُوا لِي، ومَا تْڤَلْعُوشْ مَنْ كْرِيتْ، وتَسَلْكُوا مَن هَادْ الْضَّرْ والْخْسَارَة. 22 و ضُورْكْ نْخَبَرْكُمْ بَاشْ تَتْهَدْنُوا، وَاحَدْ مَنْكُمْ مَا يَخْسَرْ حْيَاتَهْ، غِيرْ الْبَابُورْ. 23 عْلَى خَاطَرْ لْبَارَحْ فَالْلِيلْ بَانْ لِي مَلاَيْكَة الإِلَهْ أَلِي أَنَا لِيهْ ولِي نَعَبْدَهْ، 24 ڤَالْ: "مَا تْخَافْشْ يَا بُولُسْ. لاَزَمْ عْلِيكْ تَوْڤَفْ ڤُدَامْ قَيْصَرْ. والله عْطَاكْ حْيَاةْ ڤَاعْ لَمْسَافْرِينْ مْعَاكْ. 25 عْلَى هَادْ الْشِي أَفَرْحُوا يَا نَّاسْ، وأَنَا نْاَمَنْ بالله والِشِي أَلِي ڤَالَهْ لِي يَصْرَى. 26 بَصَحْ لاَزَمْ نَلْڤَاوْ جَزِيرَة". 27 وفَالْلِيلَة الْرْبَاعْطَاشْ، وكُنَا تَايْهِينْ فِي بْحَرْ أَدْرِيَا، والرِيحْ تَدِينَا لْوِينْ مَا نَعَارْفُوشْ وفِي نَصْ الْلِيلْ، الْبَحَارَة ضَنُّوا بَلِي ڤَرْبُوا لَلْبرْ. 28 وقَاسُوا عُمْقْ لَبْحَرْ لْڤَاوْ عَشْرِينْ قَامَة. وكِي زَادُوا قَاسُوا مَنْ بَعْدْ لْڤَاوْ خَمْسْ طَاشْ قَامَة. 29 وكَانُوا خَايْفِينْ يْطِيحُوا فِي مْكَانْ صْعِيبْ، رْمَاوْ مَن الْلُورْ رَبْعة مَرَاسْ، و سْنَاوْ يَطْلَعْ الْنْهَارْ. 30 وكِي بْغَاوْ الْبَحَارَة يَهَرْبُوا مَلْ الْبَابُورْ، هَوْدُوا الْبُوطِي لْلَبْحَرْحَاسْبِينْ بَلِي يَرْمِيوْ الْمَرَسِي مَلْ الْڤُدَامْ، 31 ڤَالْ بُولُسْ لْرَايَسْ الْمْيَّة والْعَسْكَرْ: " إِذَا مَا ڤَعْدُوشْ هَادُوا فالْبَابُورْ مَا تَڤْدْرُوشْ تَسَلْكُوا". 32 وتَمْ تَمْ ڤَطْعُوا الْحْبَالْ وخَلاَوْ الْبُوطِي يْطِيحْ فَالْبْحَرْ. 33 وكِي ڤَرَبْ يَطْلَعْ الْنْهَارْ كَانْ بُولُسْ يَطْلَبْ مَنْهُمْ ڤَاعْ يَاكْلُوا، ڤَالْ: " هَدَا هُوَ الْيُومْ الْلَرْبَاعْطَاشْ، وأَنْتُمْ مَازَلْكُمْ صَايْمِينْ، ومَا كْلِيتُوا حَتَّى شِي. نَدْعِيكُمْ بَاشْ تَاكْلُوا، 34 عْلَى خَاطَرْ يْكُونْ مُفِيدْ لَسْلَكُمْ، وشَعْرَة مَا طِيحْ مَنْ رَاسْ وَاحَدْ مَنْكُمْ". 35 وكِي ڤَالْ هَدَا أَرْفَدْ كَسْرَةْ وشْكَرْ الله ڤُدَامْهُمْ، و ڤْسَمْهَا، وبْدَى يَاكُلْ. 36 وفَرْحُوا ڤَاعْ وهُمَا تَانِي كْلاَوْ. 37 وكَانْ فالْبَابُورْ مِتِينْ وسَتَّة وسَبْعِينْ وَاحَدْ. 38 وكِي شَبْعُوا مَنْ الْمَاكْلَة رْمَاوْالْڤَمْحْ لَلْبَحَرْ بَاشْ يْخَفْ الْبَابُورْ. 39 وكِي طْلَعْ الْنْهَارْ، الْبَحَارَة مَا ڤَدْرُوشْ يْمَيْزُوا الْمْكَانْ، بَصَحْ شَافُوا خَلِيجْ شَاطِيء، وتْفَهْمُوا يَدَفْعُوا الْبَابُورْ لِيهْ إِلَى ڤَدْرُوا. 40 وكِي ڤَطْعُوا الْمَرأسِي وخَلَاوْهَا تَغْرَڤْ، وحَلُوا حْبَالْ الْدَّفَّة، وطَلْعُوا الْشِرَاعْ أَلِي مَلْ الْڤُدَامْ لَلْرِيحْ، و تْقَدْمُوا لْشَاطِيء. و 41 طَاحُوا فِي مْكَانْ الْمَا مَاشِي غَارَڤَة فِيهْ، وحْصَلْ الْبَابُورْ مَلْ الْڤُدَامْ ومَنْ جِهَة اَلْلُورْ كَانْ يَتْكَسَرْ مَنْ قُوَة لَمْوَاجْ 42 والْعَسْكَرْ أَتَفْقُوا بَاشْ يَڤَتْلُوا الْمْحَابِيسْ خَايْفِينْ يَهْرْبْ وَاحَدْ مَنْهُمْ بَالْعُومْ. 43 بَصَحْ رَايَسْ الْمْيَّة، كَانْ بَاغِي يْسَلَكْ بُولُسْ، مْنَعْهُمْ مَنْ هَادْ الْرَايْ، وأَمَرْ بَاشْ أَلِي يَڤْدَرُوا يْعُومُوا يَرْمُوا رُوحْهُمْ الْلَوْلِينْ حَتَّى يَوَصْلُوا الْبَرْ، 44 والْبَاقِي يْعُومُوا بَالْلُوحْ لَمْكَسَرْ تَعْ الْبَابُورْ. و هَكْدَا سَلْكُوا و وَصْلُوا ڤَاعْ لَلْبَر
1 وكِي سَلْكُوا لْ ڤَاوْ الْجَزِيرَة يْسَمُهَا مَالْطَة. 2 رَحْبُوا بِينَا أَهْلْهَا الْبَرَابِرَة بَحْنَانَة كْبِيرَة قْلِيلْ أَلِي يْدِرَهَا، عْلَى خَاطَرْ كَان الْنُو يْصَبْ والْحَالْ بَارَدْ شَعْلُوا نَارْعَلَى جَلْنَا. 3 وبُولُسْ لَّيَمْ بَزَافْ أَغْصَانْ و حَطْهَا فَالْنَارْ، و كَثْرَةْ الْحُمَانْ خَرْجَتْ لَفْعَى و تَعَلْڤَتْ عَلَى يَدَهْ. 4 وكِي شَافُوا الْبْرَابْرَة الْحِيَة مْعَلْڤَة بْيَدَهْ، ڤَالُوا وَاحْدٍينْ مَنْهُمْ : " لاَ بُدْ هَادْ الْرَّجَلْ قَاتَلْ، الْحَقْ تَبْعَهْ ومَا خَلَهْشْ يَحْيَا هُوَ أَلِي سْلَكْ مَنْ الْمُوتْ فَالْبْحَرْ". 5 وبُولُسْ نْفَضْ الْلَفْعَى لَنَارْ بْلَى مَا تْضَرَهْ 6 وهُمَا كَانُوا يَسَنَاوْ يَتْنَفَخْ ولاَ يْطِيحْ مِيَتْ عْلَى غَفْلَة. ومَلِي سَنَاوْ بَزَافْ ومَا صْرَى لَهْ حَتَّى شِي ضَرَهْ، بَدْلُوا رَايْهُمْ وڤَالُوا: " هُوَ إِلَهْ!". 7 وكَانْ ڤُدَامْ الْمْكَانْ أَلِي كُنَا فِيهْ حْوَاشْ تَعْ مُقَدَّمْ الْجَزِيرَة أَلِي أَسْمَهْ بُوبْلِيُوسْ. عْرَضْنَا وتْهَلَى فِينَا مُدَّة ثَلْثْ إِيَامْ. 8 وكَانْ بُو بُوبْلِيُوسْ مْكَسَلْ عْلَى فْرَشَهْ مْرِيضْ بَالْحُمَّى والإِسهَالْ. دْخَلْ عَنْدَهْ بُولُسْ و صَلَّى، وحَطْ يَدِيهْ عْلِيهْ وبْرَاهْ. 9 وكِي سَمْعُوا الْمَرْضَى أَلِي فَالْجَزِيرَة جَاوْلْعَنْدَهْ وبْرَاوْ. 10 و عْطَاوْنَا بَزَافْ هَدَايَا، وكِي ڤَلَعْنَا عْطَاوْ لْنَا الْشِي أَلِي نَحْتَاجُوهْ فِي سْفَارْنَا. 11 وبَعْدْ ثَلْثْ أَشْهُورْ ڤَلَعْنَا فِي بَابُورْ مَنْ الْإِسْكَنْدْرِيَّة مَرْسُومْ عْلِيهْ صُورَة الْزُوجْ تْوَامْ، أَلِي فَوَتْ الْمَشْتَى فِي مَالْطَا. 12 و هَوَّدْنَا لْسِرَاكُومَا وفَوَتْنَا ثَلْثْ إِيَّامْ. 13 ومَنْ تَمَا بَحْرْنَا حَتَّى وْصَلْنَا رِيغُونْ. وفَالْيُّومْ الْتَّالِي هَبَتْ رِيحْ جَنُوبِيَة، وْصَلْنَا لْبُوطِيُولِي فِي يُومِينْ، 14 وِينْ لْڤِينَا الْخُوتْ أَلِي طَلْبُوا مَنَا نْفَوْتُوا سَبْعْ إِيَّامْ عَنْدْهُمْ. وهَكْدَا وْصَلْنَا لْرُومَا. 15 وكِي سَمْعُوا الْخُوتْ أَلِي تَمَا بَخْبَرْنَا، خَرْجُوا يْلَڤِيوْنَا فْي فُورُنْ أَبِيُوسْ والْثْلاَثْ حْوَانِيتْ. كِي شَفْهُمْ بُولُوسْ شْكَرْ الله و تْشَجَّعْ. 16 وكِي دْخَلْنَا لْرُومَا سَلَمْ رَايَسْ الْمْيَّة بُولُسْ لْضَابَطْ الْعَسْكَرْ، وسْمَحْلَهْ يَسْكَنْ فِي دَارْ وَحْدَهْ مْعْ الْعَسْكْرِي أَعَسْ عْلِيه. 17 و بَعْدْ ثَلْثْ إِيَّامْ سْتَدْعَى بُولُسْ عُقَالْ الْيَهُودْ. كِي جَمْعُوا ڤَالْ لْهُمْ: "يَا خُوتِي، حَتَّى وِلاَ مَا دَرْتْ شِي ضَدْ الْشَّعْبْ ولاَ عْوَايَدْ جْدَادْنَا، حَبْسُونِي فِي أُورُشَلِيم وسَلْمُونِي لَرُومَانْ، 18 كِي حَاكْمُونِي بْغَاوْ يَطَلْڤُونِي، عْلَى خَاطَرْ مَا لْڤَاوْ حَتَّى شِي يَسْتَهَلْ الْمُوتْ. 19 وكِي مَا قَبْلُوشْ الْيَهُودْ، تْحَتَمْتْ نْطْلَبْ نَتْحَاكَمْ عَنْدْ قَيْصَرْ، بَصَحْ مَاشِي بَاشْ نَشْكِي عْلَى شَّعْبِي. 20 عْلَى هَادْ اَلسَّبَة أَلِي طْلَبْتْ نْشُوفْكُمْ ونَحْكِي مْعَكُمْ، رَانِي مَرْبُوطْ بْهَادْ الْسْلاَسَلْ عْلَى جَالْ رَجَاءْ إِسْرَائِيلْ". 21 وڤَالُوا لَهْ: "مَا وَصْلَتْنَا حَتَّى بْرِيَّة عْلِيكْ مَنْ الْيَهُودِيَّة، وحَتَّى وَاحَدْ مَنْ الْخُوتْ جَا وخَبَارْنَا ولاَ حْكَّى عْلِيكْ بْشِي مَاشِي مْلِيحْ. 22 بَصَحْ خِيرْ نَسَمْعُوا رَايَكْ، عْلَى خَاطَرْ رَانَا عَارْفِينْ بَلِي الْنَّاسْ رَاهِي تْقَاوَمْ هَادْ الْمَذْهَبْ فِي كُلْ مْكَانْ". 23 خَيْرُوا نْهَارْ يَتَلَڤَاوْ فِيهْ، وجَاوْ لْعَنْدَهْ لَدَارْ فِي شْحَالْ، وبْدَى يَشْرَحْ لْهُمْ ويَشْهَدْ بْمَلَكُوتْ الله، ويْقَانَعْهُمْ مَنْ شَرِيعَة مُوسَى والأَنْبِيَا بْأَمْرْ يَسُوعْ، مَنْ الْصْبَاحْ حَتَّى الْلِيلْ. 24 وقْتَنْعُوا وَاحْدِينْ بَالْشِي أَلِي ڤَالَهْ، ووَاحْدِينْ مَا أَمْنُوشْ. 25 رَوْحُوا وهُمَ مَاشِي مَتَفْقِينْ بِينَتْهُمْ، وكِي ڤَالْ بُولُس كَلْمَة وَاحْدَة: " بَصَحْ تْكَّمْ اَلرُّوحْ اَلْقُدُسْ جْدَادْنَا بَالْنَّبِي إِشْعِيَاءْ 26 أَلِي ڤَالْ: رُوحْ لْهَادْ الْشَّعْبْ وڤُالْ: تَسَمْعُوا ومَا تَفَهْمُوشْ، تْشُوفُوا ومَا تَعَقْلُوشْ. 27 عْلَى خَاطَرْ ڤَلْبْ هَادْ الْشَّعْبْ رَاهْ تَقْسَى، غَلْقُوا وَذْنِيهُمْ، وغَمْضُوا عِينِهُمْ. بَاشْ مَا يْشُوفُشْ بْعِينِهُمْ و مَا يَسَمْعُوشْ بْوَاذْنِيهُمْ ويَفَهْمُوا بَڤْلُوبْهُمْ ويَرْجْعُوا، وأَنَا نَشْفِيهُمْ. 28 و يْكُونْ مَعْرُوفْ عَنْدْكُمْ بَلِي سْلاَكْ الله رَاهْ وْصَلْ لَلْأمَمْ، وهُمَا يَسَمْعُولَهْ!". 29 وكِي ڤَالْ هَادْ الْشِي خَرْجُوا الْيَهُودْ مَنْ عَنْدَهْ وهُمَا يَتْجَادْلُوا بْعُنْفْ. 30 فَوَتْ بُولُسْ عَامِينْ كَامْلِينْ فِي دَارْ أَلِي كْرَاهْ لْرُوحَهْ. وكَانْ يْڤَابَلْ ڤَاعْ أَلِي يَدَخْلُوا عَنْدَهْ، 31 يْبَشَرْ بْمَلَكُوتْ الله، ويْعَلَّمْ بْأَمْرْ اَلْرَّبْ يَسُوعْ الْمَسِيحْ بْجُرْأَة وبْلاَ مَانَعْ.
1 بُولُسُ، عَبْدْ لْيَسُوعَ الْمَسِيحِ، الِّلِيْ تْسمَى رَسُولْ، وخيَرنِي نْخبَرّْ بْإِنْجِيلِ اللهِ. 2 الَّلي وْعَد بِه بالِأَنْبِيَاء تَاعَهْ فِي الْكْتُبْ لْمْقَدْسَة. 3 عَلَى ابْنِهِ. الَّلي تَولد َ مِنْ نَسْلْ ونَسَبْ سِيدْنَا دَاوُد. 4 ولْلي بْقٌوَة الرُّوح القٌدُس بَانْ بْلْي هُوَ إِبِن الله، كِيْ حْيَا مْن المُوْتَ : يَسُوعْ الْمَسِيحِ رْبْنَا. 5 الَّلْي بِيهْ، عْلجَال عَظَمْتَه ، قبْلناْ كلاَمَه بالإِيْمَان، بَاشْ نْخَبْرُّو بالطَاعَة ڤَاْعْ النَاسْ. 6 الَّليْ بَيْنَتْهُمْ نْتُومْ تَانِي مْدْعُوُّين بَاشْ تكُونُو نْتَاعْ يَسُوعْ الْمَسِيحْ. 7 لْجمِيْع الِّلْي رَاهُم فْى رُّومَا، حْبَاب الله، وتْسمِيْتُو قْدِيسِين، سْلاَم ونِعْمَة لِيْكُم من عَنْد الله بُّوْنَا وسِيْدنَا يَسُوع المَسِيح. 8 نشْكَرّ رَبْنَا يَسُوع المَسِيْحْ فاللّول عْلَى جَالْكُم ، عْلَى خَاطَر النَاس ْفْڤَاعْ الدنْيَا تْشهد على إِيْمَانْكُم. 9 الله لي أَنَا نَعَبْدَهْ مَن ڤلْبِي عْلَى حْسَابْ إِنْجِيْل إٍبْن الله، يْشهد لِيْ كِيْفَاه نَهْدَر علِيْكُم. 10 نَدعِي دَاِيْمَنْ فِي صْلاَتي بَاهْ الله يمْدلِيْ وَقْت خْطرَةْ خْرَى بَاهْ نْجِيْ نْزُورْكُمْ. 11 عْلَخاطَر مشْتَاق نْشُوفْكُم، وْنشَاركْ مْعَاكُمْ مَوهِبَة رَوحِيَة تْقوِي إِيمَانكُمْ. 12 وْنتشْجْعُوا مْعَ بَعضْ بْالإِيْمَانْ اللِي فِيْنَا وْيجْمَعْنَا، الإِيمَانْ نْتَاعِي وْنتَاعْكُم. 13 وتَانِي يَاخُوْتِي بْغِيْت تْعَرفُوا أشْحَال مَن خَطْرَّة قصَدْت نْجِي عَنْدْكُمْ بْصَحْ الظُرُوف مَاخْلاَتْنِيش، بَاشْ نْبَارك و نْتْبَارك مَن عندْكُم كِيْمَا ْبَاركت وْتْبَاركْت مْن عَنْد النَاسْ لَخْرِينْ. 14 عَنْدِي دٍيْن نْخبَرْ بْالإِنْجِيلْ لليُونَانِيينْ وْالبَرَّانِيَة ، للْنَاسْ الفَاهْمِين وْالجَاهْلِين. 15 وْحبِيتْ تَانِيْ نْخْبَرْ لْكُمْ الإِنْجِيلْ، لِيْكُمْ ْنُتمْ لِيْ رَاكُمِ فِيْ رُومَا، عْلَخَاطْرّْ هَذْ الشِيْ فِياَ، 16 وأنَا عُمْرِي مَانَحْشم بإنْجِيْل المَسِيحْ، عْلَخَاطَرْ هُوَ قُوَة الله لْسْلاَك لْڤاعْ لِي يَأْمنُوا: لْلْيَهُودِي وْتَانِي لْليَونَانِيْ. 17 عْلَخَاطَرْ فِيْه يْبَانْ حَقْ الله بْالإِيْمَانْ كِيمَا هُوَ مَكْتُوبْ :«ُالصَالِح يْعِيْشْ بالإِيْمَان». 18 علَخَاطَر زْعَاف الله جَا مَالْسْمَا عْلى ڤَاعْ النَاسْ الأشْرَار وذْنُبْهُم، اللِي يْبدْلُو الحَق بالبَاطل. 19 و اللهَ عْطَالْهُم مَعْرِفَة و كَانَتْ فِيهُم، 20 ودوركَ مَابْقَاش عَنْدهُم عُذْر ،عْلَى خَاطَر ڤَاعْ صْوَالْحَهْ لِّيْ مَاتْبَانْش نْشُوفُوهَا مَنْهَارْ لِّيْ تْخَلْقْت الدْنْيَا ، وتْبين رّْبَنِيتَه و قُدَّرْتَه لِي مَاتْفْنَاش. 21 عْلَى خَاطَر كِي عَرْفُوا الله مَاعَبْدُوهشْ ومَا شْكْرُوهش كاإِلَه، بْصَح فسْدُو عْقُولهُم، وظْلاَمْت ڤْلُوبْهُم لَغْبِيَة. 22 وْهُم يْلَعْبُوهَا فَاهْمِين وحُكَمَاء بْصَحْ وْلاَو جُهَلاَء. 23 وَبْدلُو مَجْد الله اللِّي مَايْفْنَاش، وْشَبهُوه بْصُورَة الإْنسَانْ لِّي يْفْنَى، والطْيُور، وڤَاْعْ صْنَافْ الْحَيَوانَات. 24 عْلَى هَذِي رَّبِي تَاني خْلاَهُم يتَبْعُوا الشَهْوَة الشرِيْرَة اللِي فِي قْلُوبْهُم، ويْطِيحُوا وْيْوسخوا اجسَادْهُم بِينَاتْهُم. 25 هَاذُوا بْدلُو حَق الله بالكَذِبْ، وْعَبْدُوا اللي تَخْلَق مَنْ غِيْر الخَالقْ، اللِي إسْمَه يْتبَارك لَلْبْدَا. آمْينْ. 26 عْلَى هَاذِي رَّبِي خلاَهُم يْتَبْعُوا الفَانِي، عْلَى خَاطَر النْسَا تَاعهُم بدْلُو العَلَاقَة الجِنسِيَة الطَبِيعيَة بِعَلاَقَة مَاشِي طَبِيعِيَة. 27 وحْتى الرْجَالْ مَنهُم خْلاَو نْسَاهُم، وتَبْعُوا الشَهوة تَاعْ الشَرّْ بيناتْهُم، ومَارْسُوا الفَاحِشَة رَّاجْلْ مْعَ رَّاجْلْ، وهَكَا طَيْحُوْا عْذَابْ الله عْلَىْ رِّيسَانْهُم بْسبَة الظْلال اللْي فِيهُم. 28 وْكِي مَابْغَاوشْ يْعَرّْفُوا الله فيِ حْياتهُم، خْلَاْهُمْ الله بْتَخمامهُم الشَرِيْرْ وْيدِيرُو الْلِّي مَايْلِيقْش. 29 مْعَمْرِيْنْ بْالإِثْمْ والزْنَا والشَرّ والطْمَعْ والخُبْثْ، شَحْنَة فْلَحَسد وْالتَقْتِيلَا بْينَاتْهُمْ، لَخْصُومَة والْمَكْرّْ وَالْسُوء. 30 نَمِيمَة وكْذَبْ، يْكَرّْهُوْ الله، يشْتمُوْا وْيتْكَبْرُّوا عْلَى الغِيْر، يْعَرّفُوا غِير يْدِرُوا الشَرّ، مايْطِيعُوشْ والدِيهُم. 31 ماعَنْدهُم لا فَهْم ولاَ أَمَانَة، لاَ حْنَانَةْ وْلاَ رَّحْمَة. 32 هَاذُوْ يْعَرّْفُوا حُكْم الله بْلِي الِليْ يْدِيرْ دُوكْ الصْوَالَحْ يْلِيقْ يْمُوتْ، هُومَا مَادَارُوهَاشْ بَرْك، بْصَّحْ ْيْفَرّْحُوا بْالِّلْيْ يْدِيرْهَا.
1 عْلَىْ هَادْ الْشِي لِي مَاعنْدَكش عُذر يَابْنَادم، ڤَاعْ لِيَحْكَمْ. عْلَخَاطَر كِي تَحْكَم عْلَىْ لَّخّْرِينْ رَّاك تَحْكَمْ عْلَى رُّوحَكْ. علَخَاطَرْ نْتَ تَانِيْ غَادِيْ تْدِيْرْ نَفْس لَحْوَيَجْ لْيدِيروهَا النَاس للِي رَّاك تْدِينْهُم! 2 وْحْنَا نْعَرّفوا بْليِ رّبِي يحَاسَب بْلْحَق الْلِيْ يْديرُو هَاذْ الأَعْمَالْ. 3 زَعمَا حاسب رُوحَك بَلِّيِ كِيْ تَحْكَمْ وتْحَاسَبْ لَخْرِّيْنْ رَّبِيْ مَاغَادِيْشْ يْحَاسْبَك حْتَى وإذَا كُنْت تْدِيرْ هَادْ الأَعْمَالْ؟ 4 وْلا رَّاكْ تْزْعَقْ عْلَى لُطْفْ وْصْبَرّْ الْلِي عَنْدَهْ، وْمَا رَّاكْش عَارَفْ بْلِي لُطْفْ الله يْرشْدَك بَاهْ تَتوبْ؟ 5 بْصَحْ عْلَجَالْ ڤَلْبَكْ القَاسَيْ وْلِي مَاتَابْش، رَّاكْ تْلَايْم لْرُّوحَك حْسَابْ كْبِيرْ وْعَادْل فِيْ لْيُوم لِيْ يَغْضبْ الله وْيْحَاسبْ الكُلْ، 6 لِّي غَادِي يْحَاسَبْ كُلْ وَاحَد عْلَى حْسَابْ شَا دَارْ. 7 بْصَحْ الْلِيْ صَبْرُوْا وْخَدْمُوا شْغَالاَتْ صَالْحِيْن يْطْلْبُوْا المَّجْد وْالكَرَامَةْ، وْتكُوْن لِيهُمْ حْيَاةْ لّبْدَة. 8 وْهَادُوكْ لِّي يَبْغُو المَشَاكِلْ، وْمَايْطِيعُوشْ الحَقْ وْيبغُوا يْطِيعُوْ البَاطلْ، يْطِيْحْ عْلِيُهُم غَضْبْ، 9 شِدَة وْهْلَاك، عْلَى كُلْ نَفْس بْنَادَمْ لِيْدِيرْ الشَرّْ: فْلَولْ لْليَهُودِي وْممبَعْد لَلْيُونَانِيْ. 10 مَجْد وْكَرَامَة ولَهنَا عْلَى كُلْ لِّيْ يْدِيرْ الخِيْر: فْلَولْ لْليَهُودِي وْممبَعْد لَلْيُونَانِيْ. 11 عْلَى خَاطَرْ الله مَايْدِيرْشْ الفَرقْ بِيْن الْنَاسْ. 12 كُلْ لِّيْ خْطَأْ مَنْ غِيْر الشَرِيعَة، يتْحَسَبْ مَنْ غِيْر الشَرِيعَةْ. وْلِيْ خِطَأ وْهُوَ يَعْرَفْ الْشَرِيعَةْ يْتحَسبْ عْلَى حْسَابْ الشَرِيْعَةْ. 13 مَاهُومْشْ لْبْنَادْمِينْ لِيْسَمْعُوا لّْشَرِيْعَة لِيتْحَسْبُوا أَبْرَّارّْ، الأَبْرَّارَّ هُمْ اللِي يْطَبْقُوا الشَرِيعَةْ. 14 عْلَى خَاطَرْ الأُمَمْ لِيْ مَاعَنْدْهُمْش الشَرِيعَةْ، كِيِ يِدِيْرُوا بْنِيَاتهُمْ لِّيِ مَوْجوُدْ فْي الشَرِيْعَة، وْلَاوْ هُمْ شَرِيْعَةْ لْرْوَاحْهُمْ، 15 هُمْ لْلِيْ يْبَينُوا بْلِي شَرِيعَة ْالله مَكْتُوبَة فِيْ ڤْلُوبْهُمْ، وْنشْهَدْ تَانِيْ بْلِي ضْمِيرهُمْ وْأَفْكَارهُمْ تْحَاسبهُم عْلَى أَيْ شِي ْيدِيْرُوهْ، 16 فِيْ لْيُومْ لّْيْ غَادِي يْحَاسْب الله ڤَاعْ النَاسْ عْلَى حْسَابْ إِنْجِيل المَسِيحْ يَسُوعْ. 17 يَا لِّيْ رَّاكْ تَتْسْمَى يْهُودِيْ، وْتَكْلْ عْلَى الشَرِيعَة، وْتفْتَخرّْ بالله، 18 وْتَعْرفْ شَا بَاغِيْ، وْتمَيزْ بِيْن الصْوَالَحْ لْمَخْتَلفِيِنْ، وْتْتعْلَمْ مْنْ الشَرِيْعَة. 19 وْتْأَمنْ بْلِي رَّاكْ تْڤُودْ عْمَى، وْتْضْوِيْ لِعَايْشِينْ فْي الظُلْمَة، 20 وْتْبَان رّْزِينْ لْلأَغْبِيَاءْ، وْقَارِيْ لْشَاشْرَة، وْعَنْدَكْ مْقَامْ فْي العِلْم وْالمَعْرِفَة فْي الشَرِيْعَة. 21 مَلَا نْتَا يَالِيْ رَّاكْ تْعَلَم غِيْرَكْ، مَارَاكْشْ تْعْلَم فِيْ رُوْحَكْ؟ رَّاكْ تْعَلَمْ: مَايْخُونْش، وْرَّاكْ تْخْوَنْ؟ 22 رَّاكْ تْڤُولَهْ: بَاه مَايْزْنِيشْ، وْنتَا رَّاكْ تَزْنِي؟ وْتكْرَهْهُمْ فْي الأَوْثَانْ، وْنْتَا تَخْوَن ْالمْقَامَاتْ؟ 23 يَا لِيْ رَّاكْ تْزُوخْ بْالشَرِيعَة، رَّاكْ تْكَسْرّْ فْي الشَرِيْعَة لِّيْ بِهاَ تْسْب الله؟ 24 عْلَى خَاطَرْ إِسْم الله يْتْسَب بِيْن الشُعُوبْ بْسْبَابْكُمْ، كِمَا هُوَ مَكْتُوبْ. 25 التَخْتَانْ لِّي يْطَبَق الشَرِيعَةْ. بَصَحْ إِلَا كُنْت تْعَدِيْت عْلَى الشَرِيْعَة، كْلِي مَارَّكْش مَخْتُونْ! 26 مَالاَ إِلَا كَانْ لِّي مَاشِي مَخْتُونِ يَحْفَظْ وْيطْبَقْ الشَرِيْعَةْ، زَعْمَة رَّبِي يْحَسْبَهْ غِيْر مَخْتُونْ؟ 27 لِيْ مَارَاهْشْ مَخْتُونْ وْيطْبَقْ فْي الشَرِيْعَة، يْحَاسْبَك نْتَا يَالِيْ مَخْتُونْ وْتَعْرَفْ الكْتَابْ وْتعَدِيْت عْلَى الشَرِيْعَة؟ 28 عْلَى خَاطَرْ لِّيْ يْبَانْ يْهُودِي مَاهٌوْ يْهُودِي، 29 وْلخْتَانَة الصْحِيْحَة مَاشِيْ نْتَاعْ لْحَمْ، لّْيهٌودِيْ نْتَاعْ الصَحْ مَاشِيْ بْالفَّمْ، وْلَخْتَانَةْ نْتَاعْ الصَحْ هِيَ فْي القَلْب، لِّيْ يْقَارَّعْ الله يْشْكَرهْ وْمُشْ النَاسْ.
1 مَالاَ وَاشْ هِيَ لّْملَاحَة نْتَاعْ لِيهُودِيْ، وْلاَ فَاْش تَنفَعْ لْخْتَانَة؟ 2 بْزَافْ حْوَايَجْ! لُّوْلَة رَّبِي أْمَنْهٌم عْلَى كْلَامَهْ. 3 وَاشْ لُوكَانْ لْقُومْ مَايْكُونُوشْ أَمُنَاء؟ زَعْمَة كْلِي مَارَهُمْش أُمَنَاء، الله مَايْكُونْش أَمِينْ؟ 4 حَاشَا! يْكُونْ دِيمَا الله صَادْق وْالبْنَادْم كْذَابْ. كِيْمَا هُوَ مَكْتُوبْ: « بَاهْ يْبَانْ الحَقْ فِي كْلَامَكْ، وْكِي تْحَاسَبْ يْبَانْ العَدْل». 5 بْصَح إِلاَ كَانْتْ الخَطِيَة تَاعْنَا تْبينْ حَقْ الله، شَا نْقُولْ؟ زَعْمَة رَّبِي كِي يْسْخَطْ عْلِينَا يْكُونْ هُوَ لِيْ ظَالْمْ؟ هْدَرْتِي عْلَى حْسَابْ البْنَادَمْ. 6 حَاشَا! مَلَا كِيْفَاشْ الله يْحَاسَبْ الدْنْيَا لُوكَانْ مَاهُوَاشْ عَادلْ؟ 7 خَاطَرْ لُوكَانْ لّْكْذَبْ نْتَاعِي يْمجْد الله، إِمَلَا عْلَاه نْتحَاسَبْ ؟ 8 وْلاَ كِيمَا يْكَذْبُو عْلِينَا، وْكِيمَا يْقُولُو شِيْ نَاسْ بْلِي حْنَا نْقُولُو:« نْدِيْرُو الشَرْ بَاشْ يْجِيْنَا الخِيْر»؟ هَاذُوا حْسَابْهُم عَندْ الله بَايْن. 9 إِمَلَا حْنَا خِيْر؟ لاَلاَ مُوحَالْ! عْلَى خَاطَرْ نْعَرّْفُو دَرْوَكْ بْلِي كِيْ لْيَهُودْ كِيْ اليُونَانِيِينْ، ڤَاعْ فَاسْدِينْ، 10 كِيْمَا هُوَ مَكْتُوبْ: « مَكَاشْ إِنْسَان يَمْشِي بْالْحَق، مَاكَاشْ حْتَى وَاحَدْ. 11 مِكَانْشْ لْفَاهْم. مَكَانْشْ لِيْحَوَسْ عْلَى الله. 12 ڤَاعْ خَسْرُّوا وْفَسْدُوا. مَابْقَاشْ لِيْ يْدِيْر لّْخِيْرْ، مَكَاشْ حْتَى وَاحَدْ. 13 لْكْلاَمْ لِّيْ يَڤُوْلُوهْ غِيْر قْبَر مَحْلُولْ. ْولْسَانْهُمْ مْعَمَرْ بْالكْذَبْ. يْهْدرُوا غِيْر بْالسَمْ. 14 وْفَّمْهُّمْ مْعَمَرْ غِيْر لْعْنَة وْسَّبْ. 15 وْرَجْلِيهُمْ تْدِيْهُمْ لْغِيرْ لْقْتِيْلَةْ. 16 يَبْغِيْو غِيْرْ الزْنَى وْلَخْسِارَة. 17 وْعْمَرْهُمْ مَاعَرّْفُوا لَهْنَا فِيْ حْيَاتْهُمْ. 18 وْمَايْبَانْشْ خُوفْ الله فِي وْجُوهْهُمْ». 19 وْحَنَا عَارْفِيْن بْلِّي الشَرِيعَة تَهْدَرّْ لّْنَاسْ لِعَايْشِينِ بالشَرِيْعَة، بَاهْ مَايڤُولُوشْ مَاسْمَعْنَاشْ، وْيجُو ڤَاعْ دُوكْ الَناسْ يْتْحَاسْبُوا تَحْتْ يَدْ الله. 20 عْلَخَاطَرْ بْأَعْمَالْ الشَرِيعَةْ مَكَاشْ لِّيْ غَادِيْ يْتبَرَّرْ. خَاطَرْ الشَرِيْعَةْ تْوَرِيْنَا بَرّْكْ الخَطِيَةْ. 21 بْصَحْ دَرْوَكْ هَاوْ بَانْ حَقْ الله مَنْ غِيْر الشَرِيْعَة، وْڤَاعْ الأَنْبِيَاءْ وَالشَرِيْعَة شَاهْدُو عْلِيهْ، 22 حَقْ الله يْجِي بِالإِيْمَانْ بْالمَسِيْحْ يَسُوعْ، ڤَاعْ النَاسْ وْلِيغَادِيْ يَأَمْنُو بِهْ تَانِيْ، عْلَى خَاطَرّْ مَكَاشْ لْفَرْقْ. 23 ڤَاعْ النَاسْ فَسْدُوا وْبَعْدُو عْلَى مَجْدْ الله، 24 وَبْالنِعْمَة نْتْبَرٌّرُو بَاطْلْ بْالْفِدَاءْ ليِ فِي يَسُوعِ المَسِيْحْ، 25 لِّيْ الله مْدَّهْ ذْبِيحَة بْالإِيْمَانْ بَاهْ يْكْفَّرْ الخَطَايَا تَاعْنَا، وْيْبَينْ حَقَهْ، بَاهْ يَغْفَرْ خَطَايَا تَاعْنَا وْهُوَ يَصْبَرْ عْلِيْنَا. 26 بَاهْ يْبَانْ حَقْ الله فِيْ هَاذْ الزْمَانْ، بَاهْ يْكُونْ يْتبَرَّرْ كُلْ إِنْسَانْ لِي يْأَمَنْ بْيَسُوعْ المَسِيْحْ. 27 لاَزَمْ نْزُوخُوْ؟ لاَلاَ، عْلَى خَاطَرْ لاَزَمْ نْزُوخُو بْالإِيْمَانْ وْمَاشِيْ بْالأَعْمَالْ. 28 لاَزَمْ نْعَرْفُوا بْلِي البْنَادَمْ يْتْبَرَّرْ بَرْكْ بْالإِيْمَانْ وْمَاشِيْ بْالشَرِيْعَةْ. 29 وْلاَ حَاسْبِيْن الله غِيْر لْلْيَهُودْ؟ مَاشِيْ تَانِيْ للأُمَمْ؟ لاَلاَ، هُوَ لْڤَاعْ الدَنْيَا. 30 عْلَى خَاطَرْ الله وَاحَدْ، وْهُوَ لِيْ يْسْلَكْ البْنَادَمْ لْمَخْتُونْ بْالإِيْمَانْ وْلِيْ غِيْر مَخْتُونْ بْالإِيْمَانْ تَانِيْ. 31 نْحَبْسُو مَا نْأَمْنُوشْ بْالشَرِيْعَة؟ حَاشَا! بْصَحْ نْأَمْنُو بِهَا كِيْمَا هِيْ صْحِيْحَةْ.
1 إِمَالاَ نْڤُولُو بْلِّيِ سِيْدْنَا إٍبْرَاهِيْم كَانْ صَالَحْ عْلَى حْسَابْ الجَسَدْ؟ 2 عْلَخَاطَرْ إلِاَ كَانْ سِيْدْنَا إِبْراهِيْمْ يَنْجَمْ يْزُوخْ، بْصَحْ مَاشِيْ عَنْدْ الله. 3 مَلاَ شَا يڤُولْ الكْتَابْ؟ «تْبْرَّرْ سِيدْنَا إبْرَاِهِيمْ عَنْد الله بْالإِيْمَانْ ». 4 بْصَحْ لِيْ يْدِيْر وْيَعْمل مَاتَنْحْسَبْلَهْشْ الْخَلْصَةْ عْلَى حْسَابْ النِعْمَةْ، بْصَحْ عْلَىْ حْسَابْ دِيْنْ. 5 وْهَذَاكْ لِيْ مَا يْدِيرشْ، يَأمَنْ بْلِي ْيْبَرّْرْ الخَاطِيْ، وبَالإِيْمَانْ يْتْنَحْسَبْ لَهْ حَقْ. 6 كِيْمَا يْڤُولْ النَبِيْ دَاوُدْ تَانِيْ وْهُوَ فْرْحَانْ عْلَى لْبْنَادَمْ لِيْ الله يْشُوفْ إِيْمَانَهْ مَنْ غِيْر الأَعْمَالْ: 7 «يَاسَعْدَاتْ لِيْ تْغَفْرَتْ ذْنُوبْهُمْ وْتْسَتْرَتْ عْيُوبْهُمْ. 8 سَعْدَاتْ الرَاجَلْ لِيْ الله مَايْحْسَبْلَهْشْ الخَطِيَةْ نْتَاعَهْ». 9 زَعْمَ هَادْ المَدْح هُوَ بَرْكْ عْلَى النَاسْ المَخْتُونِيْن وْلاَ تَانِيْ لْغِيْر المَخْتُونِيْنْ؟ على خاطر نڤُولو: تْبْرَّرْ سِيدْنَا إبْرَاِهِيمْ عَنْد الله بْالإِيْمَانْ. 10 كِيْفْ يْتْنَحْسَبْ إِبْرَاهِيْمْ؟ مَخْتُونْ ولَا غِيْر مَخْتُونْ؟ الحَقْ هُوَ مَكَانْشْ مْن أَهْل الخِتَانْ، بْصَحْ مْن النَاسْ لِيْ مَاخْتْنُوشْ! 11 وْدَا العَلاَمَةْ كِيْمَا النَاسْ المَخْتُونِيْن، وْهُوَ الإِيْمَانْ لِيْ بِيْهْ يْتْبَرَّرْ، بَاهْ يْكُونْ بُّو لْڤَاعْ لِيْ يْأَمْنُوا وْ مَارَّهُمْش مَخْتُونِيْنْ، بَاشْ يْتنَحْسَبْ لِيْهُمْ الحَقْ. 12 وْبُّو المَخْتُونِيْن لّْيْ مَاهٌومْشْ يْهٌودْ، بْصَحْ لِّيْ يَتْمَشُّوا فْي الحَقْ كِيْمَا أَمَن بُونَا إِبْرَاهِيْمْ لِيْ مَكَانْشْ مَخْتُونْ. 13 مَلاَ وَعْدْ الله لإِبْرَاهِيْمْ وْولاَدَهْ مَاكَانْشْ بْالشَرِيْعَةْ بْلِيْ يَوَرّْثٌوا العَالَمْ، بْصَحْ بْالِإيْمَانْ. 14 عْلَى خَاطَرْ لُوكَانْ لِيْ يَوَرْثُو غِيْر النَاسْ لَّي يْطَبْقُو الشَرِيْعَة، مَعَنْتْهَا الإِيْمَانْ مَايْنْفَعْش وْوَعْد الله مَابْقَاشْ: 15 الشَرِيْعَة تْبَيْن زْعَافْ الله، مَلاَ وِيْن مَكَاشْ الشَرِيْعَة مَانْعَرْفُوشْ وِيْن خْسَرّْنَا. 16 عْلَى هَذَا وَعْدْ الله لإِبْرَاهِيْم كَانْ عْلَى حْسَابْ الإِيْمَانْ نْتَاعَهْ، لَّيْ هُوَ بُونَا ڤَاعْ، وْهَذَا الوَعْدْ هُوَ لْڤَاعْ النَاسْ لَّي تأَمَنْ وْمَاشِيْ بَرّْكْ لِّيْ يَتْخَتْنُو. 17 كِمَا هُوَ مَكْتُوبْ: «رَاكْ غَادِيْ تْكُونْ بُوْ لْبْزَافْ الشُعُوبْ». ڤُدَامْ الله لِّيْ تْأَمَنْ بِهْ، لّْيْ يَحْيِ فْالْمُوتَ، وْلِيْ يْسْمِي فْالصْوَالَحْ لِّيْ مَاهِيشْ كَايْنَةْ كّْلِي هِيَ كَايْنَة. 18 وْكِيْ كَانَتْ النَاسْ فَقْدَتْ الرَّجَاءْ، كَانْ إِبْرَاهِيْمْ أَمَنْ بْالرَّجَاءْ، بَاشْ يْولِّيْ بُو لْبْزَافْ الشُعُوبْ، كِيْمَا هُوَ مَكْتُوبْ: «وْلَادْكْ يْكُونُوا بْزَافْ». 19 وْهُوَ مَاكَانْشْ ضْعِيْفْ فْالإِيْمَانْ وْمَاشَافْشْ الشَيْخُوخُةْ نْتَاعَهْ، وْهُوَ كَانْ فِي عُمْرَهْ : ڤْرِيْب مْيَةْ سْنَةْ وْمَّرّْتَهْ سَارَّةْ تَانِيْ كَانَتْ شِيْبَانِيَة كْبِيْرَةْ وْمَڤَالْشْ مُحَالْ تُوْلَدْ. 20 وْإِيْمَانَهْ مَاخْلَاهْشْ يْشَكْ فِي وَعْدْ الله، بْصَحْ زَادْ تْقوَى فِي الإِيْمَانْ وَحْمَدْ الله. 21 وْمْتْيَقَنْ بَلِيْ الله قَادَرْ يَعْطِيْلَهْ شَا وْعَدْلَهْ. 22 عْلَى هَاذْ الشِيْ: تْنَحْسَبْ لَهْ حَقْ بْالِإيْمَانْ». 23 بْصَح ْمَاتْكتَبْش لِيْه وَحْدَهْ ، بَلِيِ تَتْنَحْسَبْ لَهْ هُوَ، 24 بْصَحْ لِيْنَا حْنَا تَانِيْ، غَادِيْ يْتْنَحْسَبْ لِيْنَا، حْنَا لِّيْ نَأْمْنُوا بْلِي حْيَا رَبْنَا يَسُوعْ المَسِيْحْ مِنْ بِيْن المُوْتَى. 25 لِّيْ سْلَم رُّوحَهْ عْلَجَالْ ذْنُبْونَا، وْنَاضْ مْن بِيْنْ المُوْتَى بَاشْ يْبَرَرْنَا.
1 وْحْنَا بَرَّرْنَا رَّبِيْ بِالإِيْمَانْ وْصَارْ لِيْنَا رَاحَةْ البَالْ مْعَ الله بْرَبْنَا يَسُوعْ المَسِيْحْ. 2 لِيْ بِيْه تَانِي وْلِيْنَا قَادْرِيْن نْدَخْلُو بِالإِيْمَانْ لْهَذْ النِعْمَةْ لِي رَانَا عَايْشِينْ فِيْهَا دَرْوَكْ، وْنْزُوخُو بْالرَّجاَءْ عَظَمَة الله. 3 وْمَاشِيْ غِيْر هَاذْ الشِيْ بَرّْك، بْصَح نْزُوخُو تَانِي كِيْ نْفُوتُو فْلَمْحَانِيْ، وْعَارْفِيْن بْلِي لْمَحْنَةْ تْعَلْمنَا الصْبَرْ، 4 وْالْصّْبَرْ يْقَوِيْنَا فِي التَجْرِبَة، وْمَمبَعْد يْوَّلِيْ لِيْنَا رَجَاءْ، 5 وْهَاذْ الرَجَاءْ مَايْتَخْزَاشْ، عْلَى خَاطَرْ مْحَبَة الله تْسَكْبَت فِي ڤْلُوبْنَا بْالرُوحْ القُدُسْ لِيْ تْمَدْلْنَا. 6 عْلَى خَاطَرْ كِيْ كُنَا ضْعَافْ، جَا الوَقْت وِيْنْ المَسِيْح مَاتْ عْلَجَالْ الفَاسْدِيْن. 7 وْعَارْفِيْنْ بْلِي قْلِيْل لِيْ يْمُوتْ وَاحَدْ عْلَجَالْ بْنَادَمْ مْلِيْح، بَلَاكْ يْطِيڤْ وَاحَدْ يْمُوتْ عْلَجَالْ البْنَادَمْ الصَالْحْ. 8 وْرَّبِيْ بْيَنْ مْحَبْتَه لِيْنَا، وْحْنَا خَاطْيِينْ مَاتْ المَسِيْحْ عْلَجَلْنَا. 9 إِيْمَالَا ذَرْوَكْ تْبَرَّرْنَا بْدَمَهْ بَاشْ نْسَلْكُو مَنْ زْعَافْ رَّبِيْ ! 10 عْلَخَاطَرْ إِلاَ كُنَا عَدْيَانْ ذَرْوَكْ تْصَالَحْنَا مْعَ الله بْمُوتْ المَسِيْحْ إِبْنَهْ، وْكِيْمَا تْصَالَحْنَا مْعَ الله بِيهْ، نْسَلْكُو تَانِي بِيهْ هُوَ! 11 وْمَشِيء غِيْر هَاذْ الشِيْ بَرْكْ، بْصَحْ نْزُوخُو تَانِيْ بْالله، بْرَبْنَا يَسُوعْ المَسِيْحْ، لِيْ بِيهْ تَعْطَاتْ لْنَا المُصَالَحَةْ. 12 عْلَجَالْ دَاكْ الشِيْ يْبَانْ بْلِي الدْنُوبْ دْخَلْ بِبْنَادَمْ وَاحْدْ لْدَنْيَا، ْوالدْنُوبْ جَابْ المُوْت، وْهَكَا صَارْ المُوتْ عْلَى ڤَاعْ النَاسْ، عْلَى خاَطَرْ ڤَاعْ فَسْدُو. 13 حْتَى مْعَ الشَرِيْعَة كَانْ فِيْه لْفْسَدْ فْي الدْنْيَا. وْحْنَا عَارْفِين بْلِي الخَطِيَة نْعَرْفُوهَا بْالشَرِيْعَة. 14 بْصَحْ المُوتْ مْلَكْ مَنْ أَدَمْ لْمُوسَى عْلَى النَاسْ لِيْ مَا دَارُوشْ دْنُوبْ لِيْ يْشْبَه خَطِيَةْ أَدَمْ، لِيْ هُوَ أَوَل وَاحَدْ ذَنَبْ. 15 وْالشِيِ لِيِتَعْطَى مَارَاهْشْ كِيْمَا الخَطِيَةْ. عْلَى خَاطَرْ كِيْمَا ذْنَبْ وَاحَدْ وْبْسَبْتَهْ مَاتُو بْزَافْ، هَكَا كَثْرَتْ نِعْمَةْ نَتَاعْ الله، وْالنِعْمَة لِّيْ تَعْطَاتْ بْيَسُوعْ المَسِيْح البْنَادَمْ، وْكَثْرَتْ لْبْزَافْ النَاسْ! 16 وْالعَطِيَة مَارَاحْشْ تْكُونْ عْلَى حْسَابْ الخَطِيَةْ. خَاطَرْ الحْسَابْ يْجِيْنَا مَنْ وَاحَدْ، وْالعَطِيَة لِتْتَنَعْطَى تْبَرَّرْنَا بْسَبَةْ الدْنُوبْ الكْثِيْرَةْ لْتَنْدَرَتْ. 17 إِلَا كَانْ بْدَنْبْ بْنَادَمْ وَاحَدْ مْلَكْ المُوْتْ بْدَاكْ الْوَاحَدْ، رَاحْ تَانِيْ كْثِيْر لِيْ غَادِيْ تْفِضْ عْلِيْهُمْ النِعْمَةْ وْيْتَعْطَى لِيْهُمْ الخَلاَصْ، وْتْكُونْ لِيهُمْ الحْيَاةْ بْيَسُوعْ المَسِيْحْ الوَاحْدْ! 18 مَلاَ كِيْمَا بْخَطِيَةْ وَاحْدَةْ كَانْ لْحْسَابْ عْلَى ڤَاعْ النَاسْ بَاشْ يْرُوحُوا لْلْجَهَنَمْ، هَاكَا تَانِيْ بْحَقْ وَاحَدْ كَانَتْ العَطِيَةْ لْكُلْ النَاسْ، بَاهْ يْتْبَرُّرْو وْتْكُونْ لِيْهُمْ لَحْيَاةْ. 19 عْلَى خَاطَرْ كِيْمَا عْصَا البْنَادَمْ الوَاحَدْ صَارُوا ڤَاعْ خَاطْيِينْ، هَاكَا تَانِيْ بْطَاعَة البْنَادَمْ الْوَاحَدْ غَادِي يْوُلُوا بْزَافْ النَاسْ أَبْرَّار 20 الشَرِيْعَةْ جَاتْ بَاهْ تْكَثَرْ الخَطِيَةْ، بْصَحْ وِيْن كَثْرَتْ الخَطِيَةْ تْكَثْرَتْ تَانِيْ النِعْمَةْ بْلْبْزَافْ. 21 حْتَى كِيمَا حْكْمَتْ الخَطِيَةْ فْي المُوتْ، هَاكَا تَانِيْ تَمْلَكْ النِعْمَةْ بْالْحَقْ لْلْحْيَاةْ لَّلْبْدَى بْيَسُوعْ المَسِيْحْ رَّبْنَا.
1 شَا نڤُوْلْ؟ نْجَمَعْ وْنْدِيْرْ فَيْ الْخَطِيَةْ بَاشْ تَكْثَرْ عْلِيَا النِعْمَةْ؟ 2 حَاشَا! حْنَا لِّيْ مُّتْنَا عْلَى الْخَطِيَةْ، كِيْفَاشْ بْغِيْتُو نْعِيْشُو فِيْهَا؟ 3 وْلاَ نْسِيْتُو بْلِي المَسِيْحْ يَسُوعْ كِيْ تَغْطَسْ حْنَا تَانِيْ تَغْطَسْنَا مْعَاهْ فَيْ لْمَمَاتْ، 4 وْحْنَا تَدْفنَّنَا مْعَاهْ فَي لْمَعْمُودِيَةْ بَاهْ نْمُوتُو عْلَى حْيَاتْنَا لْقْدِيْمَةْ، وْتُكُونْ لِيْنَا قِيَامَةْ كِيْمَا حْيَا لْمَسِيْحْ مَن بِيْنْ لْمُوتَ، وْهَادْ الشِيْ لْمَجْد بُوْنَا، وْبَاشْ حْنَا نْعِيْشُو حْيَاةْ مْصَڤْمَةْ ؟ 5 خَاطَرْشْ إِلَا تَحْدْنَا مْعَاهْ فِيْ مُوتَهْ، غَادِيْ نَحْيَاوْ تَاِنْي مْعَاهْ كِيْ قَامْ مَنْ بِيْنْ لْمُوتَ. 6 وْعَارْفِيْنْ بَلِيْ: طْبِيعَتْنَا القْدِيْمَةْ تْصَلْبَتْ مْعَاهْ بَاشْ مَانْسَلْكُوشْ فِي الْخَطِيَةْ، وْبَاشْ مَانْعُوْدْوشْ تَانِي نْكُوْنُو عَبْيِد لْهَدْ لْخَطِيَةْ. 7 عْلَخَاطَرْشْ لِّيْ مَاتْ بْرَّا مَنْ لْخَطِيَةْ. 8 وْإِلاَ كُنَا مْتْنَا مْعَ لْمَسِيْحْ، نَامْنُوْا تَانِيْ بْلِي غَادِيْ نَحْيَاوْ تَانِي مْعَاهْ. 9 عَارْفِيْنْ بْلِيْ كِيْ حْيَا لْمَسِيْحْ مَنْ بِيْن لْمُوتَ مَا رَاحْشْ يْمُوتْ تَانِيْ. وْلْمُوتْ مَاْيْطِيْڤْلَهْشْ. 10 عْلَى خَاطَرْ لْمُوْتَة لِمَاتْهَا، مَاتْهَا عْلَجَالْ الخَطِيَةْ خَطْرَّةْ وَحْدَة بَرّْكْ، وْلَحْيَاةْ لِّيْ يَحْيَاهَا يْعِيْشْهَا لله. 11 عْلَى هَادِيْ نْتُمْ تَانِيْ دِيْرُو رْوَاحْكُمْ مُوْتَةْ عْلَىْ لْخَطِيَةْ، بْصَحْ حَيْينْ لله بْالْمَسِيْحْ يَسُوعْ رّْبْنَا. 12 وْهَكَا لْخَطِيَةْ مَارَاحْشْ تْسَيرْ فِيْكُمْ إِلَا كُنْتُوْ مُوْتَةْ وْمَا تَشْتَهُوشْ الْخَطِيَةْ، 13 وْمَاتْمَدُوْشْ الَجَسَدْ نْتَاعْكُمْ بَاشْ يْكُونْ وَسِيْلَةْ بَاشْ تَنْدَارْ خَطِيَةْ، بْصَحْ مَدُّوْ رّْوَاحْكُمْ حَيْيْنْ لله بَاشْ تْعِيْشُوْ لَلْحَقْ لّْيْ فِيْ الله. 14 وْلْخَطِيَةْ مَنْبَعْدْ مَاتْكُوْنشْ فُوْڤْكُمْ، خَاطَرّْ مَارَكُمْشْ تْسَلْكُوْا بْالشَرِيْعَةْ لَكِنْ بْالنِعْمَةْ. 15 إِمَلَا وَاشْ؟ نْدِيْرُو خَطِيَةْ عْلَا خَاطَرْ مَارَانَاشْ تَحْتْ الشَرِيْعَةْ بْصَحْ تَحْتْ النِعْمَةْ؟ حَاشَا! 16 وْمَرَاكُمْشْ عَارْفِيْنْ بْلِيْ كِيْ تْمَدُوْ رّْوَاحْكُمْ كِيْمَا الْعَبِيْدْ لاَزَمْ تْطِيْعُوهْ، مَعَنْتْهَا رَّاكُمْ عْبِيْدْ لّْيْ رَّاُكْم تْطِيْعُوهْ: يَا لْلْخَطِيَةْ لِتَدِيْ لَلْمُوْتْ وْلَا لَلْطَاعَةْ لِتَدِيْ لَلْحَقْ؟ 17 بْصَحْ نَشْكُرّْ الله عْلَى خَاطَرّْ كُنْتُوْ عْبِيْدْ لَلْخَطِيَة، وْبَصَحْ دَرْوَكْ رَّاكُمْ صَنَتُوْ مَنْ قْلُوْبْكُمْ لْلتَعْلِيْمْ لِّيْ سْمَعْتُوهْ. 18 وْدَرْوَكْ رَّاكُمْ حُرِّيْنْ مَنْ لْخَطِيَةْ وَوْلِيْتُوْ عْبِيْد لَلْحَقْ. 19 نَهْدَّرّْ كِيْ الْنَاسْ ڤَاعْ بَاشْ تْفًهْمُوْنِيْ. عْلَخَاطَرْ كِيْمَا مَدِيْتُوْ الْجَسَدْ نْتَاعْكُمْ عَبْدْ ونجستوه وْدَرْتُوْ بِيْهْ غِيْرْ لِّيْ مَايَصْلَحْشْ، وْدَرّْوَكْ مَّدُوْ الْجَسَدْ نْتَاعْكُمْ بَاشْ يْكُونْ عَبْدْ لْلْحَقْ وْلَلْقَدَاسَةْ. 20 عْلَخَاطَرْ كِيْمَا كُنْتُوْ عْبِيْد لْلْخَطِيَةْ، كُنْتُوْ حُرِّيْنْ مَالْحَقْ. 21 وْشَا رْبَحْتُو مَنْ هَادِيْكْ الأُمُوْرّْ لِّيْ كُنْتُوْ تَحَشْمُوْ بِهَا؟ دَرّْوَكْ عْلَخَاطَرّْ تَدِي لَلْمُوتْ. 22 وْكِيْ رَّاكُمْ دَرّْوَكْ تْحَرّْرْتُوْ مَالْخَطِيَةْ، وْوْلِيْتُوْ عْبِيْدْ لله، رَّاكُمْ رْبَحْتُو لْقْدَاسَةْ وَحْيَاةْ لَبْدَةْ. 23 عْلَخَاطَرْ لْخَلْصَةْ تَاعْ لَخْطِيَةْ هِيَ لْمُوتْ، وْبَصَحْ عْطِيَةْ الله هِيَ حْيَاةْ لَّبْدَةْ لِّيْ يَقْبَلْ لْمَسِيْحْ يَسُوْعْ رّْبْنَا.
1 وْلاَ مَارَاكُمْشْ عَارْفِيْن يَاخُوتِيْ. بْلِيْ كُنْت نَهْدَرْ مْعَ النَاسْ لِيْ يْعَرْفُوْ مْلِيحْ الشَرِيْعَةْ. بْلِيْ البْنَادَمْ مَادَامْ حَيْ، الشَرِيْعَة هِيَ لِيْ تَحْكُمْ فِيْه. 2 مَثْلاً لَمْرَّاْ لِّيْ مَتْزَوْجَةْ مْعَ الْرَّاجْلْ، هِيَ مَرْتَبْطَة مْعَاهْ مِنْ خِلَالْ الْشَرِيْعَةْ بْدَاكْ الْرَّاجَلْ لِّيْ هُوَ حَيْ، بْصَحْ كِيْ يْمُوْتْ الْرَّاجَلْ تَتْحَرّْرْ دِيْكْ لَمْرَّا مِنْ شْرِيْعَة الْرَّاجَلْ. 3 مَعَنْتْهَا لُوْكَانْ تَتْزَوجْ رَّاجَلْ وَاحَدْ أَخُرْ وْرَّاجْلْهَا حَيْ تَتْسَمَى زَانْيَةْ. وْبَصَحْ لُوكَانْ يْمُوتْ رَاجْلْهَا هِيَ تْحَرّْرْتْ مِنْ الشَرِيْعَة وْمَتَتْسَمَاْش زَانِيَةْ لُوْكَانْ تَتْزْوجْ بْوَاحَدْ أَخُرْ. 4 5 مَلاَ يَاخُوتِيْ نْتُمْ تَانِيْ رَّاكٌمْ تْمَوْتُوْ رْوَاحْكُمْ لْلشَرِيْعَةْ بْجَسَدْ الْمَسِيْحَ بَاشْ تْكُونُوا لْهَدَاكْ لِّيْ حْيَا مْنْ بِيْنْ لْمُوتَا، وْنْعِيْشُو حَقْ الله. حْنَا كِيْ كُنَا فْي الجَسَدْ كَانَتْ الشَهْوَةْ تَاعْنَا بْالخَطِيَةْ لِّيْ نْعَرْفُوهَا بْالشَرِيْعَة تَخْدَمْ فِيْنَا بَاشْ تْكُونْ الخَلْصَةْ تَاعْنَا فْي التَالِيْ هُوَ المُوْتْ. 6 ودَرْوَكْ كِيْ تْحَرَّرْنَا مَنْ الشَرِيْعَةْ وْمَاتْ فِيْنَا هَدَاكْ القِيْدْ وْتْكَسَرّْ، وَوْلِيْنَا نْعَبْدُو الله بْالرُّوْحْ وْمَاشِيْ غَيْر بَالْكْلاَمْ. 7 إِمَلَا شَا نْڤُولْ؟ زَعْمَة الشَرِيْعَة هِيَ خْطِيَةْ؟ لاَلَا! بْصَحْ اَنَا عْرَفْتْ الخَطِيَة بْالشَرِيْعَة. لُوْكَانْ مَاشِيْ لَوْصِيَةْ لِّي ڤالَتْلِيِ: «لاَ تَشْتِهِ!» مَاكُنْتْش غَادِيْ نَعْرَفْ شَا هِيَ الشْهْوَةْ. 8 وْتَانِيْ الخَطِيَةْ لّْيْ عَرّْفْنَاهَا بْالشَرِيْعَةْ نَلْڤَاوْهَا فِيْ كُلْ شَهْوَةْ، وْمَنْ غِيْرْ لَّوْصِيَةْ مَنْعَرْفُوشْ الْخَطِيَةْ. 9 وْأَنَا كُنْتْ زْمَانْ نْعِيْش مَنْ غِيْر الشَرِيْعَةْ، بْصَحْ كِيْ جَاتْ الشَرِيْعَةْ عْرَفْتْ وْعَشْتْ مِيَتْ فِيْ لْخَطِيَةْ، 10 وْهَكَا بَانَتْ الشَرِيْعَةْ لّْيْ فِيْهَا وْصِيَةْ نْتَاعْ لَحْيَاةْ نَلْقَاوْ فِيْهَا تَانِيْ وْصِيَةْ لّْمُوْتْ. 11 عْلَخَاطَرْ الْخَطِيَةْ عَاوْنَتْ رُّوْحْهَا بْلَوْصِيَةْ، وْسَكْنَتْ فِيَا وْدَاتْنِيْ لَلْمُوتْ. 12 مَعْنْتْهَا الشَرِيْعَةْ مْقَدْسَةْ، وْلَوْصِيَةْ تَانِيْ لِّيْ فِيْهَاْ مْقَدْسَةْ وْمْلِيْحَةْ وْفِيْهَا الْحَقْ. 13 زَعْمَا وْلاَ لِّيْ يَصْلَحْ لِّيْ يْمَوَتْ؟حَشَا! بَرّْكْ الْخَطِيَةْ بَاشْ تْبَانْ بْلِيْ هِيَ خَطِيَةْ وْتَدِيْ لَلْمُوتْ وْهَادْ الشِيْ نْعَرّْفَهْ بْالشَرِيعَةْ الصَالْحَةْ، وْلِّيْ بِهَا نَعْرَّفْ بْلِيْ الْخَطِيَةْ تَمَوَتْ لَبْنَادَمْ. 14 حْنَا رَانَا عَارْفِيْنْ بَلِيْ الْشَرِيْعَةْ هِيَ رُّوْحِيَةْ، وْلْجَسَدْ تَاعِيْ تَنْبَاعْ لَلْخَطِيَةْ. 15 عْلَخَاطَرْ مَانَعْرَفْشْ شَا رَّانِيْ نْدِيْرَهْ، مَارَانِيْشْ نْدِيْرْ لِيْ نَبْغِيْهْ، بْصَحْ رَّانِيْ نْدِيْرْ لِيْ مَانَبْغِيْهْشْ. 16 إِمَلَا إِلَا رَّانِيْ نْدِيْرْ لِمْانَبْغِيْهْشْ، هْنَا نَسْتَعْرَفْ بْلِيْ الْشَرِيْعَةْ مْلِيْحَةْ. 17 وْدَرّْوَكْ مَارَانِيْشْ نْدِيْرَهْ أَنَا، بْصَحْ الْخَطِيَةْ لِيْ سَاكْنَةْ فِيَا هِيَ لِتْدِيْرَهْ. 18 وْرَّانِيْ عَارَفْ بْلِيْ مَكَانْشْ حَاجَةْ مْلِيْحَةْ لِّيْ تَسْكُنْ فِي الْجَسَدْ نْتَاعِيْ. عْلَخَاطَرْ عَنْدِيْ الإِرَادَةْ بَاشْ نَخْدَمْ، بَصَحْ بَاشْ نْدِيْرّْ لِّيْ مْلِيْحْ مَنَقْدَرّْشْ. 19 عْلَخَاطَرْ مَارَانِيْشْ نْدِيْرّْ شْغَلْ لَمْلِيْحْ ليْ نَبْغِيْه، بْصَحْ رَّانِيْ نْدِيْرْ دَاكْ الشَرّْ لِمَانَبْغِيْهْشْ. 20 مَعَنْتْهَا إِلَا كُنْتْ نْدِيْرْ لِمَانَبْغِيْهْشْ، مَاشِيْ أَنَا لِرَّانِيْ نْدِيْرْ فِيْهْ، بْصَحْ لْخَطِيَةْ لِسَاكْنَةْ فِيَاَ. 21 مَعَنْتْهَا نَلْڤَى رُّوحِيْ بْلِيْ كِيْ نَبْغِيْ نْدِيْرْ لْمْلِيْحْ عْلَى حْسَابْ الشَرِيْعَةْ، يْجِيْوْ فِيْ بَالِيْ الْصْوَالَحْ لِيْ مُشْ مْلَاحْ. 22 إِمَلَا حْتَى وْإِلا رَانِيْ بْنَادَمْ نَخْدَمْ لْرُّوحِيْ، لاَزَمْ نَفْرَّحْ بْشَرِيْعَةْ الله. 23 بْصَحْ دَرْوَكْ نْشُوفْ شْرِيْعَةْ وَاحْدَةْ اخْرَّ الْجَسَدْ نْتَاعِيْ يْحَارْبْ الْشَرِيْعَةْ لِيْ فِيْ الْفَكْرْ نْتَاعِيْ، وْيْخَلِيْنِيْ عَبْدْ بَاشْ نْدِيْرْ الْخَطِيَةْ لِيْ يَبْغِيْهَا الْجَسَدْ نْتَاعِيْ. 24 يَاحَاوْجِيْ! أَنَا لَبْنَادَمْ الْشَرِيْر! شْكُوْنْ لِغَادِيْ يْسَلَكْنِيْ مَنْ هَادْ لْجَثَّةْ نْتَاعْ لْمُوْتْ؟ 25 نْشْكُرّْ الله بْرَّبْنَا يَسُوْع لْمَسِيْحْ! خَاطَرْ أَنَا بْتَخْمَامِيْ نَخْدَمْ شْرِيْعَةْ الله، بْصَحْ بْالْجَسَدْ نَخْدْمْ شَرِيْعَةْ لْخَطِيَةْ.
1 الْنَاسْ لِّيْ يْأَمْنُوْ بْالْمَسِيْحْ مَايْتْحَاسْبُوشْ، مَاشِيْ عْلَى حْسَابْ الْجَسَدْ بْصَحْ عْلَى حْسَابْ الْرُّوحْ. 2 عْلَخَاطَرْ شْرِيْعَةْ لَحْيَاةْ لّْيْ فِيْ لْمَسِيْحْ يَسُوْعْ حَرّْتْنِيْ مَنْ شْرِيْعَةْ لْخَطِيَةْ وْلْمُوْتْ. 3 عْلَخَاطَرْ الشِيْ لِمَقْدَرْتْلَهْشْ الشَرِيْعَةْ، وْكَانْ ضْعِيْفْ فِيْ الجَسَدْ، سِيْدِيْ رَّبِيْ رْسَلْ إِبْنَه وْيْشَبَهْ الْجَسَدْ الْخَاطِيْ، عْلَجَاْل الْخَطِيَةْ، وْحَاسَبْ الْخَطِيَةْ فِي دَاكْ الْجَسَدْ، 4 بَاشْ حَقْ الله يْبَانْ فِيْنَا حْنَا لِنْعِيْشُوْ بَالرُّوحْ وْمَاشِيْ بْالْجَسَدْ. 5 مَلَا النَاسْ لِيْ يْعِيْشُو بْالْجَسَدْ يَهْتَمُوْ غِيْرْ بْالْجَسَدْ، بْصَحْ الْنَاسْ لِيْعِيْشُوْ بَالْرُّوحْ يَهْتَمُوْ بَالْرُّوحْ 6 عْلَخَاطَرْ الإِهْتِمَامْ نْتَاْعْ الْجَسَدْ هُوَ غِيْر مُوْتْ، وْالِإهْتِمَامْ نْتَاعِ الْرُّوحْ هُوَ حْيَاةْ وْلَّهْنَا. 7 وْعَلَخَاطَرْ الإِهْتِمَامْ نْتَاعْ الْجَسْدْ هُوَ عْدُوْ الله، عْلَخَاطَرْ هُوَ مَايْطِيْعْشَ شْرِيْعَةْ الله، وْتَانِيْ هُوَ مَايَقْدَرّْشْ. 8 وْلْبْنَادْمِيِّنْ لِّيْ هُمْ يْحَبُوْ غِيْرْ الْجَسَدْ مَايْطِيْڤُوشْ يْعَجْبُوْ الله. 9 إِمَلَا دَرْوَكْ نْتُمْ رَاكُمْ فِيْ الْرُّوحْ وْمَاشِيْ فَي الْجَسَدْ، إِلَا كَانْ رُّوحْ الله سَاكَنْ فِيْكُمْ. بْصَحْ إِلَا كَانْ وَاحَدْ لِيْ مَاعَنْدَهْشْ رُّوْحْ لْمَسِيْحْ، هَدَاكْ مَاعَنْدَهْشْ رُّوحْ الله. 10 وِإَلْا كَانْ لْمَسِيْحْ سَاكَنْ فِيْكُمْ، وْالْجَسَدْ مَاتْ بْسَبَةْ الْدْنُوبْ، بْصَحْ الْرُّوحْ يَحْيَا بْسَبَةْ لْحَقْ. 11 وِإْلَا كَانْ الْرُّوحْ لِّيْ حْيَّا يَسُوْعْ لْمَسِيْحْ مَنْ بِيْنْ لْمُوْتَ سَاكَنْ فِيْكُمْ، مَلَا دَاكْ لِيْ حْيَا لْمَسِيْحْ مَنْ بِيْنْ لْمُوْتَ غَادِيْ يَحْيِيْ الْأَجْسَادْ نْتَاعْكُمْ الْمِيْتَةْ بَالْرُّوحْ نْتَاعَهْ لِّيْ سَاكَنْ فِيْكُمْ. 12 مَلَا يَاخُوْتِيْ، الْجَسَدْ نْتَاعْنَا مَاعَنْدَهْشْ مْزِيَةْ عْلِيْنَا بَاشْ نْعِيْشُو بْحَسْبْ الْرَّغْبَةْ نْتَاعَهْ. 13 عْلَخَاطَرْ إِلَا عَشْتُو كِيْمَا يَبْغِيْ الْجَسَدْ رَّاحْ تْمُوْتُوْ، وِإْلَا عَشْتُوْ بَالْرٌّوْحْ رَّاحْ تْمَوْتُوْ شْغَلاَتْ الْجَسَدْ وْتْكُوْنُوْ حَيِيْنْ. 14 عْلَخَاطَرْ ڤَاعْ الْنَاسْ لِّيْ يْعِيْشُوْ بْرُّوْحْ الله، هَادُوْكْ هُمْ وْلَّادْ الله. 15 عْلَخاَطَرْ مَادِيْتُوشْ رُوْحْ نْتَاعْ الْعُبُوْدِيَةْ وْلْخُوفْ، بْصَحْ دِيْتُوْ رُوْح لِّيْ بِيْه وْلِيْتُو وْلَّادْ الله، وْلِّيْ بِيْه نْعِيْطُوْا :«يَا أَبَا الآبُ». 16 وْدَاكْ الْرُّوحْ هُوَ لِّيْ يَشْهَدْ لَرّْوَاحْنَا بَلِيْ حْنَا وْلَّا الله. 17 وِإْلَا كُنَا وْلَّادَهْ مَعَنْتْهَا وَرْثَةْ تَانِيْ، لْوَرْثَةْ نْتَاعْ الله وَنْوَرْثُوْ مْعَ الْمَسِيْحْ. إِلَا تْأَلْمْنَا مْعَاهْ بَاشْ نَتْمَجْدُوْ مْعَاهْ تَانِيْ. 18 وْأَنَا نْشُوفْ لِّيْ نْقَاسِيْهْ فِيْ هَادْ الْزْمَانْ مَارَّاحْشْ يْتْقَاسْ بْالْمَجْدْ لِيْغَادِيْ يْجِيْ نْهَارْ وْيْبَانْ فِيْنَا. 19 عْلَخَاطَرْ ڤَاعْ الْخَلِيْقَةْ يْقَارْعُوْا بَاشْ يْبَانُوْ وْلَّادْ الله. 20 وْتَانِيْ الْخَلِيْقَةْ فَشْلَتْ وْفَسْدَتْ مَنْ غِيْرْ مَاتَبْغِيْ، بْصَحْ مَنْ عَنْدْ الله لِّيْ خْلَهَا تْقَارَعْ وْتَتْرَّجَىْ. 21 عْلَخَاطَرْ ڤَاعْ الْخَلِيْقَةْ يْجِيْ نْهَارْ وْتَتْحَرَّرْ مَنْ الْعَبُوْدِيَةْ وْلَفْسَادْ، وْيْكُونْ لِيْهَا حُرِيَةْ وْمَجْدَ نْتَاعْ وْلَّادْ الله. 22 وَحْنَا عَارْفِيْنْ بَلِيْ ڤَاعْ الْخَلِيْقَةْ عَنْدْهَا لَّوْجَاعْ حْتَىْ لْدَرّْوَكْ، كِيْمَا لَّوْجَعْ نْتَاعْ لْمَرَاةْ لِّيْ رَاهِيْ بْالْجُوْفْ. 23 وْمَاشِيْ هُمَا بَرْكْ، بْصَحْ حْنَا تَانِيْ لِيْ عَنْدْنَا الْرُّوحْ مَنْ الْلَوَلْ، حْنَا تَانِيْ فِيْنَا هَدَاكْ لَّوْجَعْ وَنقَارْعُوْ مْنَهْ بَاشْ يْتـْبَنَنَا وْيَسْلَكْنَا بْالْأَجْسَادْ نْتَاعْنَا. 24 عْلَخَاطَرْ الله سْلَكْنَا بْالْرَّجَاءْ لِّيْ فِيْنَا. بْصَحْ الْرَّجَاءْ لِّيِ نْشُوفُوهْ مَاشِيْ رَّجَاءْ، عْلَخَاطَرْ لِيْشُوْفْهَا الْبَنَادَمْ كِيْفَاشْ يْطِيْڤْ يْتْرَجَهَا تَانِيْ؟ 25 وْبْصَحْ إِلَا كُنَا نْقَارْعُوْا لِّيْ مَانْشُوْفُوهْشْ، رَاحْ نْقَارْعُوْلُوْ بَصْبَرْ. 26 وْتَانِيْ رُّوحْ الله يْسَاعَفْنَا فِيْ حْيَاتْنَا، خَاطَرْشْ مَانْعَرْفُوْشْ عْلَىْ شَا لَازَمْ نْصَلِيْو كِيْمَا لَازَمْ. بْصَحْ الْرُّوحْ الْقُدُسْ هُوَ لِّيْ يَشْفَعْ عْلَجَالْنَا بْكَلْمَاتْ مَنْ غِيْرْ مَا يَحْبَسْ. 27 بْصَحْ لِيْ يَفْحَصْ لَقْلُوْبْ يَعْرَفْ شَا يَسْحَقْ الْرُّوْح،ْ عْلَخَاطَرْ الْرُّوحْ يَشْفَعْ فْيْ لَمْقَدْسِيْنْ عْلَى حْسَابْ وَاشْ يْبْغِيْ الله. 28 وَحْنَا عَارْفِيْنْ بَلِيْ ڤَاعْ الْصْوَالَحْ تَخْدَمْ غِيْرْ الْخِيْرْ لْلْنَاسْ لِّيْ يْحَبُوْ الله، لِّيْ هُمْ دْعَاهُمْ عْلَىْ حْسَابْ لْمَشِيْئَةْ نْتَاعَهْ. 29 عْلَخَاطَرْ لِّيْ عْرَفْهُمْ فْلَلْوَلْ خْيَرْهُمْ بَاشْ يْكُوْنُوْ يْشَبْهُوْ تْصْوِيْرَةْ وَلْدَهْ، بَاشْ يْكُونْ هُوَ الْكْبِيْرْ بِيْنْ بْزَافْ لْخُوْتْ. 30 وْلِيْ خْيَرْهُمْ، هَادُوْا تَانِيْ رَّبِيْ دْعَاهُمْ، وْلِيْ دْعَاهُمْ هَادُوْ بْرَّرْهُمْ تَانِيْ، وْلِّيْ بْرَّرْهُمْ، هَادُوْكْ مْجَدْهُمْ تَانِيْ. 31 مَلَا شَا نْڤُولْ؟ إِلَا كَانْ رَّبِيْ مْعَانَا، شْكُونْ يْوَّلِي ضَدْنَا؟ 32 لِّيْ مَاحَنْشْ عْلَىْ وَلدَهْ، بْصَحْ مْدَهْ ذْبِيْحَةْ عْلَجاَلْنَا، كِيْفَاشْ مَايْمَدْلْنَاشْ مْعَاهْ كُلْشِيْ مْعَاهْ تَانِيْ؟ 33 شْكُونْ لِيْغَادِيْ يَشْكِيْ عْلَى لَمْخَيْرِيْنْ نْتَاعْ الله؟ رَبِيْ هُوَ لِيْ يْبَرَّرْ. 34 شْكُوْنْ لِّيْ رَاحْ يْحَاسَبْ؟ لْمَسِيْحْ هُوَ لِّيْ مَاتْ، وْتَانِيْ لِّيْ حْيَا مَنْ بِيْن لْمُوْتَ، وْهُوَ دَرّْوَكْ مْجَمَعْ عْلَى يَامِيْنْ الله، وْلِّيْ رَاهْ يَتْشَّفَعْ عْلَى جَالْنَاْ. 35 شْكُوْنْ لِّيْ رَّاحْ يْفَرَقْنَا عْلَى مْحَبَةْ لْمَسِيْحْ؟ مَاشِيْ ضِيْقْ وْلَا شْدَةْ وْلَا إٍضْطِهَادْ وْلَا لْجُوعْ وْلَا لَعْرَى وْلَا اْلخَطَرْ وْلَا الْسِيفْ؟ 36 كِيْمَا هُوَ مَكْتُوبْ: «عْلَجَالَكْ نْمُوْتُوْ كُلْ يُومْ. وْحَسْبُوْ فِيْنَا كِيْمَا لّْكْبَاشْ يْذَبْحُوْ فِيْنَا». 37 بْصَحْ فْڤَاعْ هَادْ الشِيْ لِصْرَّا، حْنَا غْلَبْنَا بْلْمَسِيْحْ لِّيْ يْحَبْنَا. 38 وَأَنَا مَتْيَقَنْ بْلِيْ لاَ مُوْتْ وْلَا حْيَاةْ، لَا مَلَايْكَةْ وْلَا رُؤْسَاءْ وْلَا قُوَاتْ، ولاَ صْوَالَحْ تَاعْ دَرّْوَكْ وْلَا لِيْ جَايِيِنْ، 39 لَا لْعَالِيْ وْلَا لِعَامَقْ، وْلَا خْلِيْقَةْ وَاحْدَ خْرَةْ تْطِيْڤْ تْفَرَقْنَا عْلَى لَمْحَبَةْ رَّبِيْ لِّيْ هِيَ مَوْجُودَةْ فِيْ رَّبْنَا يَسُوعْ لْمَسِيْحْ.
1 نْڤُوْلْ الْحَقْ فْيْ لْمَسِيْحْ وْمَانَكْذَبْشْ، وْضَمِيْر نْتَاعِيْ يَشْهَدْ لِّيْ بْالْرُّوحْ الْقُدُسْ: 2 ڤَلْبِيِ يِتْقَطَعْ بْالْحُزْنْ وْلَّوْجَعْ. 3 رَانِيْ حَبِيْتْ لُوْكَانْ غِيْرْ نْكُونْ مَحْرُومْ مَنْ لْمَسِيْحْ عْلَجَالْ خُوْتِيْ وْالْشَعْبْ نْتَاعِيْ، 4 لِّيْ هُمْ مَنْ بَنِيْ إِسْرَّائِيْلْ، وْلِّيْ تْبَنَاهُمْ الله وْعَطَالْهُمْ عَهْدْ وْوْعُودْ، 5 وْلِيْهُمْ تَانِيْ الْأَبَاءْ، وْلِّيْ مَنْهُمْ جَا لْمَسِيْحْ بْالْنَسَبْ، لِيْ هُوَ مَوْجُودْ فِيْ كُلْ مْكَانْ، تْباَرَكْ إِسْمَهْ لَلْبْدَا. أَمِيْنْ. 6 بْصَحْ مَنْهُمْ لِّيْ مَاشَدْشَ فِيْ وَعْدْ الله، وْدَرّْوَكْ مَاشِيْ ڤَاعْ لِّيْ يَسْكُنْ فِيْ إِسْرَائِيْلْ هُوَ عِبْرَانِيْ، 7 وْمَاشِيْ عْلَخَاطَرْ هُمْ مَنْ نَسْلْ سِيْدَنَا إِبْرَاهِيْمْ يَتْحَسْبُوا وْلَادَهْ. بْصَحْ مَكْتُوبْ «بِإِسْحَاقَ يكونو عَنْدَكْ وْلَّادْ». 8 مَعَنْتْهَا وْلَّادْ لِّيْ يْجِيْوْ بْالْجَسَدْ مَاشِيْ هُمَاْ لِّيْ وْلَّادْ الله، بْصَحْ لَوْلَّادْ لِّيْ وَعَدْ بِهُمْ الله. 9 عْلَخَاطَرْ لْكَلْمَةْ لِّيْ وْعَدْ بِهَا هِيَ هَادِيْ: «أَنَا نْجِيْ كِيْمَا فْهَادْ الْوَقْت وَتكُون سَارَةْ زْيْدَتْ بْوَلْدْ». 10 وْمَاشِيْ غِيْرْ هَدْ الْشِيْ بَرْكْ، حْتَىْ رِفْقَةْ مَّرْةْ بُوْنَا إِسْحَاقْ وْهُوَ تَوْلَدْ بْالْوَعْدْ. 11 وْحْتَى وْهُمَا مَزَالْ مَاتْوَلْدُوشْ، مَادَارُوْشْ لاَ خِيْرْ لاَ شَرّْ، بَاشْ قَصْدْ الله يْتَثْبَتْ بْالْإِخْتِيَارْ، وْمَاشِيْ مَنْ الْأَعْمَالْ بْصَحْ مَنْ لّْيْ يَدْعُوْ، 12 وْ ڤَالْهَا :«بْلِيْ لَكْبِيْرْ غَادِيْ يْكُوْنْ عَبْد لَلْصْغِيْرْ». 13 وْكِيْمَا هُوَ مَكْتُوبْ:«يَعْقُوْبْ حْبِيْتَهْ وْعِيسُو كْرَهْتَهْ». 14 وْشَانْڤُوْلُوْ؟ زَعْمَا رَّبِيْ ضَالَمْ؟ حَاشَا! 15 عْلَخَاطَرْ ڤَالْ لْمُوْسَى: «غَادِيْ نَرْحَمْ لِّيْ نْرَحْمَهْ، وْنَشْفَقْ عْلَى لِنَشْفَقْ عْلِيْه». 16 مَعَنْتْهَا رَّبِيْ يَخْتَارْ عْلَى حْسَابْ الْرَحْمَةْ نْتَاعَهْ، وْمَاشِيْ عْلَى حْسَابْ وَاشْ يَخْتَارْ الْبْنَادَمْ. 17 عْلَخَاطَرْ كَلْمَةْ الله تْڤُولْ لْفَرْعُونْ: «أَنَا لِدَرْتَكْ تَحْكُمْ، بَاشْ نْبَيْنْ قُوْتِيْ فِيْكْ، وْبَاشْ يْوَلِيْ إِسْمِي مَعْرُوفْ فِيْ ڤَاعْ الْلَرْضْ». 18 إِمَلَا هُوَ يَرْحَمْ لِّيْ يَبْغِيْه، وْيَقْسِيْ لْقَلْبْ لَّخُّرّْ إِلَا بْغَا. 19 غَادِيْ تْڤُولِّيْ: «اِمَلَا عْلَاهْ يْحَاسَبْ؟ وَشْكُوْنْ لِّيْ يْطِيْڤْ يْقَاوَمْ مَشِيْئْتَهْ؟» 20 بْصَحْ شْكُونْ نْتَا يَابْنَادَمْ بَاشْ تْجَاوَبْ الله؟ زَعْمَ تْطِيْڤْ الْصْيَاغَةْ تْڤُولْ لِّيْ صْنَعْهَا: «عْلَاشْ صْنَعْتْنِيْ كِيْمَا هَاكْ؟» 21 وْلَا لِّيْ يْدِيْرْ الْفَخَارْ مَعَنْدَهْشْ الْسُلْطَةْ عْلَى الْطِيْنْ، وْيْطِيْڤْ يَصْنَعْ مَنْ شْوِيَةْ زُوْجْ طْبَاسَةْ، وَاحَدْ مْلِيْحْ لَضْيَافْ وْلَخُرْ عَادِيْ يَخْدَمْ بِيهِ كُلْ يُوْمْ؟ 22 إِمَلَا وَاشْ؟ إِلَا كَانْ رَّبِيْ حَابْ يْبَينْ زْعَافَهْ وْقَوْتَهْ، أَشْحَالْ صْبَرّْ عْلَى لَبْنِاَدْمِيِنْ لِّيْ هُمْ يَمْشِيْو وَيْدِيْرُو الْشَرْ. 23 وْهَادْ الْشِيْ بَاشْ يْبَيْنْ رَحْمَةْ نْتَاعَهْ عْلِيْنَا حْنَا وْلِّيْ وْجَدْلْهَا لَلْمَجْدْ، 24 لِّيْ دْعَانَا حْنَا تَانِيْ لِيْهَا، مَاشِيْ غِيْر لَلْيَهُوْد بْصَحْ لَلْعَالَمْ تَانِيْ. 25 كِيْمَا يْڤُوْلْ الْكِتَابْ فِيْ هُوْشَعْ تَانِيْ: «غَادِيْ نْعَيَطْ لْلنَاسْ لِّيْ مَاهُمْشْ مَنْ شَعْبِيْ يَاشَعْبِيْ، وْلِّيْ مَاشِيْ مَحْبُوبُةْ مَحْبُوْبَةْ. 26 وْيْكُوْنْ فِيْ الُمُوْضَعْ لِيْ ڤَالْهُمْ: مَاشِيْ شَعْبِيْ، غَادِيْ يَتْسَمَاْو تَمْا وْلَّاْدْ الله الْحَيِيْنْ». 27 وْإِشَعْيَاءْ يَزّْڤِيْ لْبَنِيْ إِسْرَائِيْلْ: «وِإْلَا كَانْ شَعْبْ بَنِيْ إِسْرَائِيْلْ بْزَافْ كِيْ رّْمَلْ لَبْحَرّْ، الْنَاسْ لَّخْرِيْنْ يْسَلْكُوْ. 28 عْلَخَاطَرْ رّْبِيْ هُوَ لِيَحْكُمْ فْهَادْ الْعَالَمْ، غَادِيْ يَكْمَلْ كْلَامَهْ كِيْمَا ڤَالَهْ». 29 وْكِيْمَا سْبَقْ وْڤَالْ إِشَعْيَاءْ: «لُوْكَاْن رَّبْ الْجِيْشْ مَاحَنْشْ عْلِيْنَا وْخَلَا ذْرِيَةْ لَلْبْنَادَمْ، لًا نْوُلُوْ كِيْمَا سُدُوْم وْنْشَبْهُو لْمَدِيْنَةْ عْمُوْرَة». 30 شَا نْڤُولُو؟ الْنَاسْ لِيْمَحُوْسُوشْ عْلَى الْحَقْ لْڤَاوْ دَاكْ الْحَقْ، الْحَقْ لِّيْ رَاهْ بْالْإِيْمَانْ. 31 بْصَحْ إِسْرَائِيْلْ، وْلِيْ رَاهْ يْحَوَسْ فْيْ الْشَرِيْعَةْ عْلَىْ الْحَقْ، مَا قْدَرْشْ يَلْقَىْ شْرِيْعَةْ الْحَقْ! 32 عْلَاهْ؟ عْلَى خَاطَرْ رَاهُمْ يْقَلْبُوْ مَنْغِيْرْ إِيْمَانْ، بْصَحْ بَصْوَالَحْ الْشَرِيْعَةْ وْلَڤَاوْ فِيْ لَحْجَرْ لِحَبَسْهُمْ، 33 كِيْمَا هُوَ مَكْتُوبْ: «غَادِيْ نْدِيْرْ فْي صَهْيُونْ حْجَرْ لِيْحَبَسْ، وْحَجْرَةْ لِتْطَيْحْ، وْڤَاعْ لِيَاْمَنْ بِيْهْ مَارَاحْشْ يْنْدَمْ».
1 يَاخُوتِيْ، فَرّحَةْ ڤَلْبِيْ وْالطَلْبَة لِيْ نَطْلبْهَا مَنْ عَنْد الله هِيَ لَسْلَاكْ نْتَاعْ إِسْرَائِيْل. 2 عْلَخَاطَرْ نَشْهَدْ بْلِي عَنْدْهُمْ غِيْرَة لله، بْصَحْ مَاشِيْ عْلَى حْسَابْ المَعْرِفَةْ. 3 هُمْ مَايْعَرّْفُوشْ حَقْ الله، وْحَابِيْنْ يْثَبْتُوْ فِيْ الْحَقْ لِّيْ يْشُفُوْهْ هُمَا مَنْ غِيْرْ حَقْ الله. 4 عْلَخَاطَرْ حَقْ الْشَرِيْعَةْ هُوَ: الْمَسِيْحْ حَقَ لڤَاعْ لِّيْ يْأَمْنُوْا بِهْ. 5 وْمُوسَىْ كْتَبْ عْلَىْ الْحَقْ لِيْجِيْ مَنْ الْشَرِيْعَةْ وْڤَالْ: «الْإِنْسَانْ لِّيْ يْطَبَقْ الْشَرِيْعَةْ، يْعِيْشْ بِهَا». 6 بْصَحْ الْحَقْ لِيْ يْجِيْ مَنْ الْإِيْمَانْ يْڤُوْلْ: «مَاتْڤُوْلْشْ فِيْ قَلْبَكْ: شْكُوْنْ يَطْلَعْ لَلْسْمَا؟» مَعَنْتِهَا يْهَّوَدْ الْمَسِيْحْ، 7 «وْلَاْ: شْكُونْ يْهَّوَدْ لْقْبُوْرْ الْمُوْتَ؟» مَعَنْتْهَا بَاهْ يَطْلَعْ الْمَسِيْحْ مَنْ الْمُوْتْ. 8 بْصَحْ وَاشْ يْڤُولْ؟ «كْلَاْمْ الله ڤْرِيْب لِيْكْ، فِيْ فَمَكْ وْفِيْ ڤَلْبَكْ» أَيْ كلَمْةَ الْإِيْمَانْ لِّيْ نْخَبْرُو بِهَا؟ 9 عْلَخَاطَرْ إِلَا إِعْتَرَفْتْ بْفَمَكْ بْالْرَّبْ يَسُوعْ، وْأَمَنْتْ بْلِيْ الله حْيَاهْ مَنْ بِيْنْ لْمُوْتَ فِيْ ڤَلْبَكْ، سْلَكْتْ. 10 اْلْڤَلْبْ يْأَمَنْ بْالْحَقْ، وْالْفَّمْ يَعْتَرَفْ بْالْحَقْ لْلَسْلَاكْ. 11 عْلَخاَطَرْ الْكْتَابْ يْڤُوْلْ: « ڤَاعْ لِيْأَمَنْ بِيْهْ مَرَاحْشْ يَنْدَمْ». 12 عْلَىْ هَادْ الْشِيْ مَاكَاشْ فَرْقْ بِيْنْ يْهُوْدِيْ وْيُوْنَانِيْ، عْلَخَاطَرْ كَايَنْ رَّبْ وَاحَدْ لْڤَاعْ الْنَاسْ، يَسْمَعْ لْڤَاعْ لِّيْ يَدْعِيْوْ لَهْ. 13 عْلَخَاطَرْ «ڤَاعْ لِّيْ يَدْعُوْ بْإِسْمْ الْرَّبْ يْسْلَكْ». 14 وْكِيْفَاشْ يَدْعِيْوْ بْاْلِّيْ مَأْمْنُوْشْ بِهْ؟ وْكِيْفَاشْ يْأَمْنُوْ إِلْا مَاسَمْعُوْشْ بِهْ؟ وْكِيْفَاشْ يْسَمْعُوْ إِلَا مْكَاشْ لِيَخْبَرْ لْهُمْ؟ 15 وَشْكُوْنْ يْخَبَرّْ إِلَا مْكَاشْ لِيْ يَرْسَلْ؟ كِيْمَا هُوَ مَكْتُوبْ: «أَشْحَالْ نَبْغِيْ رْجْلِيْنْ الْنَاسْ لِّيْ يْخَبْرُوْا بْلَّهْنَا، وْلِيْخَبْرُوْا بْاْلْخِيْرْ». 16 بْصَحْ مَاشِيْ ڤَاعْ الْنَاسْ طَاعُوْا اْلِإِنْجِيْلْ، عْلَخَاطَرْ إِشَعْيَاءْ يْڤُولْ: «يَارَّبْ شْكُونْ يَأَمَنْ لِّيْ خْبَرْنَا بِهْ؟» 17 إِمَلَا الْإِيْمَانْ يْجِيْ بَالِيْ يَتَخْبَرّْ، وْلِيْ يْتَخْبَرّْ مَنْ كْلَامْ الله. 18 بْصَحْ نْڤُوْلْ: زَعْمَا مَازَالْ مَاسَمْعُوشْ؟ لَالَا! «بْصَحْ لْجْمِيْعْ الْبُلْدَانْ خْرَجْ صُوْتْهُمْ، وْلْڤَاعْ الْعَالَمْ وْصَلْ كْلَامْهُمْ». 19 وَنْزِيْدْ نْڤُولْ: يَادْرَا إِسْرَائِيْلْ مَاعْلَبَالَهْشْ؟ فْلَوَلْ مُوْسَى يْڤُولْ: «نْخَلِيْكُمْ تْغِيْرُوْ مَنْ لِّيْ يْشَبَهْ شِيْ شَعْبْ، بْشَعْبْ مَايَسْوَاشْ نْخَلِيْ فِيْكُمْ غِيْرَةْ». 20 وْيْزِيْدْ إِشَعْيَاءْ فِيْ كْلَامَهْ وْيْڤُولْ: «الْنَاسْ لِّيْ مَاحَوسُوْشْ عْلِيَا لْڤَاْوْنِيْ، وَوْلِيْتْ بَايَنْ لّْنَاسْ لِمَسَقْسَاوْشْ عْلِيَا». 21 وَمَنْ جِهَةْ بَنِيْ إِسْرَائِيْلْ يْزِيْدْ يْڤُولْ: « ڤَاعْ الْنْهَارْ وْأَنَا نْمَدْ يْدِيْ بَاشْ نْعَاوَنْ شَعْبْ لِّيْ رَاسَهْ خْشِيْنْ وْيْعَانَدْ».
1 نْڤُوْلُوْ: زَعْمَةْ رَبِيْ رْفَضْ شَعْبَهْ؟ حَاشَا! خَاطَرْشْ أَنَا تَانِيْ إِسْرَائِيْلِيْ مَنْ دْرِيَةْ إِبْرَاهِيْمْ، مَنْ عَرْشْ بَنْيَامِيْنْ. 2 رَّبِيْ مَا رْفَضْشْ شَعْبَهْ لِيْ خَيْرَهْ مَلَوَلْ. وْلَا مَارَاكُمْشْ عَارْفِيْنْ شَا يْڤُوْلْ لْكْتَابْ فِيْ إِيْلِيَا؟ كِيْفْ كَانْ يَشْكِيْ لله عْلَجَالْ 3 إِسْرَائِيْلْ وْيْڤُوْلَهْ: «رَّاهُمْ ڤَتْلُوْ الْأَنْبِيَاءْ وْهَدْمُوْا مْقَامَاتَكْ، وَبْقِيْتْ أَنَا وَحْدِيْ وْحَبِيْنْ يْمَوْتُوْنِيْ!». 4 بْصَحْ وَاشْ جَاوَبْلَهْ الْوَحْيْ؟ «رَانِيْ خْلِيْتْ لْرُوْحِيْ سْبَعَةْ لَافْ رَاجَلْ لِمَارَكْعُوشْ لَلْبَعْلْ». 5 حْتَى تَانِيْ فْهَادْ الْزْمَانْ، وِيْنْ كَايَنْ شِيْ نَاسْ رَّبِيْ يَخْتَارْهُمْ عْلَجَالْ الْرَحْمَةْ نْتَعَهْ. 6 لُوْكَانْ رَّبِيْ يْخَيَرْهُمْ عْلَىْ حْسَابْ الْأَعْمَالْ مَعَنْتْهَا مَكَانْشْ نِعْمَةْ، وْلْا دَاكْ الْعَمَلْ مَايْتْسْمَاشْ وَاحَدْ خْدَمْ. 7 إِمَلَا وَاشْ؟ لِّيْ بْغَاهْ إسْرَائِيْلْ دَاكْ مَالَحڤَهش. بْصَحْ لِّيْ خْيَرْهُمْ صَارْ لِيْهُمْ، وْلَخْرِيْن غِيْر تْعَبْ، 8 كِيْمَا هُوَ مَكْتوبْ: «رَّبِيْ عْطَاهُمْ رُّوْحْ الْرْڤَادْ وْعِيْنِيْنْ بَاشْ مَايْشُوْفُوْشْ بِهَا، وَوْذْنِيْنْ وْمَايْسَمْعُوْشْ بِيْهُمْ حْتَى لْهَدْ الْيُوْمْ». 9 وْدَاوْدْ زَادْ ڤَالْ: «مَايْدَتْهُمْ تْوَلِيْ فَخْ يْطِيْحُوْا فِيْهَا وْيَتْعَقْبُوْا. 10 وْتَظْلَمَتْ عَيْنِيْهُمْ بَاشْ مَايْشُوْفُوْشْ، وْتْوَلِيْ ظْهُوْرْهُمْ مْحَدْبَةْ دِيْمَا». 11 وْنْزِيْدْ نْڤُولْ: زَعْمَا طَاحُوْا وْمَايْنُضُوْشْ؟ حَاشَا! بْصَحْ مَلِيْ طَاحُوْا ، بِهُمْ صَارْ سْلَاكْ الله بَاشْ تْدِيْهُمْ لْغِيْرَةْ. 12 وْإِلَا كَانَتْ الْطَيْحَةْ لِطَاحُوْهَا جَابَتْ بَرَكَةْ كْبِيْرَةْ لْلْعَالَمْ، وْالْفَشَلْ نْتَاعْهُمْ جَابْ تَانِيْ بَرَكَةْ لْغِيْرْ يَهُوْدْ، مَلاَ ڤَدَاهْ تْكُوْنْ دِيْكْ الْبَرَكَةْ نْهَارْ يْرَجْعُوْا لله؟ 13 وْأَنَا نْڤُوْلْكُمْ يَانَاسْ: أَنَا لِيْ رَّانِيْ مَرْسُوْلْ لْغِيْرْ لِيْهُوْدْ نْمَجَدْ هَادْ الْخِدْمَةْ لِّرَانِيْ نْدِيْرْهَاْ، 14 بَلَاكْ نْخَلِيْ شَعْبِيْ يْغِيْرْ وْيْسَلْكُوْ شِيْ نَاسْ مَنْهُمْ. 15 عْلَخاَطَرْ إِلَا كَانْ الْرَفْضْ نْتَاعْهُمْ فِيْهْ مَصْلَحَةْ لَلْعَالَمْ، كِيْ غَادِيْ يْكُوْنُوْ لُوْكَانْ يْوَلُوْ مَلْمُوْتْ لَلْحَيَاةْ؟ 16 إِمَلَا: إِلَا كَانْ طَرْفْ الْخَبْزَةْ مُقَدَسْ مَلَا الْخُبْزَةْ ڤَاعْ مُقَدَسَةْ، وِإلَاْ كَانْ الْجَذْرْ نْتَاعْ اْلْشَجْرَةْ مُقَدَسْ، مَلَا ڤَاعْ دِيْكْ الْشَجْرَةْ مُقَدَسَةْ! 17 وِإِلَا كَانْ تْنَحَاوْ شِيْ غْصَانْ، وْنْتَا لَقْمُوْكْ فْشَجْرَةْ نْتَاعْ زِيْتُوْنْ، مَلَا نْتَا رَّاكْ شْرِيْكْ فِيْ دِيْكْ الْزَيْتُوْنَةْ وْلِيْ فِيْهَا، 18 مَلَا مَتَتْكَبْرُشْ عْلَى لَغْصَانْ لَّخْرِيْنْ. وْإِلْا تْكَبَرْتْ ماشي نْتَا لِرَّاكْ رَافَدْ الْجِذْرْ، عْلَخَاطَرْ الْجِدْرْ هُوَ لِيْ رَاهْ رَافْدَكْ! 19 وْغَادِيْ تْڤُوْلْ: «ڤَطْعُوْا لَغْصَانْ بَاشْ يْلَقْمُوْنِيْ أَنَا!». 20 مَعْلِيْشْ! ڤْطْهُوْهَا عْلَخَاطَرْ مَعَنْدْهَاشْ إِيْمَانْ، وْأَنْتَ رَاكْ شَادْ بِاْلِإيْمَانْ. مَلاَ خَافْ وْمَاتَتْكَبَرْشْ! 21 عْلَخَاطَرْ إِلَا كَانْ الله مَاشْفَقْشْ عْلَى الْأَغْصَانْ نْتَاعْهَا، بَلَاْكْ مَاغَادِيْشْ يْشْفَقْ عْلِيْكْ نْتَا تَانِيْ! 22 مَلَا شُوْفْ أَشْحَالْ رَّبِيْ حْنِيْنْ، وْأَشْحَالْ تَانِيْ وَاعَرْ، وْلَوْعَارَةْ تَاعَهْ تْبَانْ لْنَاسْ لِيْ طَاحُوْا، وَحْنِيْن لِيْكْ إِلَا شَدِيْت فْي لَمْلَاحَةْ تَاعَكْ، وْإِلَا مَرَاكْشْ حْنِيْنْ تَتْڤَطَعْ نْتَا تَانِيْ. 23 وْهُمْ إِلَا مَاثَبْتُوْشْ وْمَا أَمْنُوشْ غَادِيْ يْلَقَمْهُمْ. عْلَخَاطَرْ الله قَادَرْ يْلَقَمْهُمْ تَانِيْ. 24 إِلَا كُنْتْ نْحَاوْكْ مَنْ شَجْرَةْ الْزَّبُوْجْ، وْلَقْمُوْ بِيْكْ شَجْرَةْ الْزِيْتُوْنْ لَمْلِيْحَةْ، مَلَا أَشْحَالْ سَاهَلْ لله بَاشْ يَلْقَمْ هَادُوْكْ الْنَاسْ لِفْيْ الأَصْلْ مُخْتَارِيْنْ فِيْ دِيْكْ الْشَجْرَةْ نْتَاعْهُمْ. 25 وَمانِيْشْ بَاغِيْ يَاخُوْتِيْ بَاشْ مَايْتَخْفَاشْ عْلِيْكُمْ هَادْ الْسَرّْ، وْمَاتْڤُلُوْشْ بَلِيْ حْنَا عَاقْلِيْنْ: بْلِيْ بَنِيْ إِسْرَائِيْلْ عْصَّاوْ الله لْوَقْتْ مْحَدْدْ حْتَى يْقَبْلًوْا الْنَاسْ لَخْرِيْنْ خْبَرْ الإِنْجِيْلْ، 26 وْهَكَا غَادِيْ يْسَلْكُوْ ڤَاعْ بَنِيْ إِسْرَائِيْلْ. كِيْمَا هُوَ مَكْتُوبْ: «غاَدِيْ يَخْرُجْ مَنْ صَهْيُوْنْ لِيْ يْسَلْكْ، وْيْبَعَدْ الْشَرْ عْلَى يَعْقُوْبْ. 27 وْهَدَا هُوْ لْعَهْدْ نْتَاعِيْ لِيْهُمْ كِيْ نَمْحِيْ دْنُوْبْهُمْ». 28 عْلَىْ حْسَابْ الإِنْجِيْلْ يْبَانُوْا عَدْيَانْ عَلَجَالْكُمْ، وْمَنْ جِهَةْ الَمْخَيْرِيْنْ، هُمْ حْبَابْ عْلَجَالْ الْعَهْدْ مْعَ الأَبَاءْ، 29 عْلَخَاطَرْ رَّبِيْ مَايَنْدَمْشْ عْلَى الْهِبَةْ وْالْعَطِيَةْ لِعْطَاهَا. 30 مَلاَ كِيْمَا كُنْتُوْ خَطْرَةْ مَاتْطِيْعُوشْ الله، بْصَحْ دَرّْوَكْ الله رْحَمْكُمْ بْاْلعَصْيَانْ لِعْصَاوْهْ هَادُوْ. 31 كِيْمَا هَاكْ تَانِيْ هَادُوْ، هُمْ تَانِيْ مَاطَعُوْشْ الله بَاشْ مَايَتْرَحْمُوشْ بْالْرَحْمَةْ تَاعْكُمْ. 32 عْلَخاَطَرْ الله بْلَعْ عْلَىْ ڤَاعْ لِّيِ فِي الْعًصْيَانْ، بَاشْ يَرْحَمْ ڤَاعْ الْنَاسْ. 33 أْشْحَالْ عَامْقَةْ حَكْمَةْ الله ْولْمَعْرِفَةْ نْتَاعَهْ! وَشْكُونْ قَادَرْ يَفْهَمْ الْقَصْدْ نْتَاعَهْ وْلَا يَعْرَفْ طُرْڤَانَهْ! 34 «عْلَخَاطَرْ شْكُونْ لِّيْ عْرَفْ تَخْمَاْمْ الله؟ وْلْا شْكُوْنْ قَادَرْ يْوَرِيْلَهْ؟ 35 وْلَا شْكُوْنْ لِّيْ مَدْ لَهْ بَاشْ يَرْجَعْلَهْ الْدِيْنْ؟». 36 عْلَخَاطَرْ مَنْ عَنْدَهْ، وْبِيْهْ وْلِيْهْ ڤَاعْ الأَشْيَاءْ. لِيْهْ الْمَجْدْ لَلْبْدَا. أَمِيْنْ.
1 يَاخُوْتِيْ: بْرَّحْمَةْ رَّبِيْ نَطْلَبْ مَنْكُمْ تْمْدُوْ رْوَاحْكُمْ ذْبِيْحَةْ حَيَةْ مْقَدْسَةْ لِتَعْجَبْ الله، بْالْعِبَادَةْ تَاعْكُمْ. 2 وْمَتَتْشَبْهُوْشْ لْلْنَاسْ الْعَالَمْ، بْصَحْ خَلُوْ حْيَاُتْكُمْ تَتْبَدَلْ كِيْ يَتْبَدَلْ تَخْمَامْكُمْ، وْتْعَرْفُوْا شَا هِيَ مَشِيْئَةْ الله: لِهِيَ صَالْحَةْ وْكَامْلَة لِتَرْضِيْهْ. 3 وَأَنَا بِالْنِعْمَةْ لِعْطَهَا لِّيْ الله نْڤُولْ لْكُلْ وَاحَدْ لِيْ رَاهْ بِيْنَاتْكُمْ: مَاتْدِيْرُش فِيْ بَالَكْ بَلِيْ نْتَا خِيْرْ مْلَخْرِيْنْ، بْصَحْ كُنْ مْتْوَضَعْ ، عْلَى ْحْسَابْ كِيِمَا الله عْطَى قِيْسْ مَنْ الْإِيْمَانْ لْكُلْ وَاحَدْ. 4 عْلَخاَطَرْ كِيْمَا فْي الْجَسَدْ لِعَنْدَهْ بْزَافْ طْرَافْ، بْصَحْ كُلْ طَرْفْ عَنْدَهْ خَدْمَةْ وَاْحْدَةْ يْدِيْرْهَا، 5 هَكَا تَانِيْ حْنَا لِرَّانَا بْزَافْ: ڤَاعْ كِيْمَا رَّانَا حْنَا جَسَدْ تَاعْ لْمَسِيْح، وْبَزَافْ طْرَافْ لْبَعْضِيَاتْنَا، وْكُلْ وَاحَدْ يَخْدَمْ لَلْتَالِيْ. 6 وْتَانِيْ عَنْدْنَا مَوَاهِبْ مَخْتَلْفَةْ عْلَى حْسَابْ الْنِعْمَةْ لِعْطَهَا رَّبِيْ لْكُلْ وَاحَدْ فِيْنَا: لِيْتْنْبَأْ يْكُوْنْ عْلَى حْسَابْ الْإِيْمَانْ، 7 يْمَدْ مَوْهِبَةْ الْخِدْمَةْ لَلِيْ يَخْدَمْ، وْلِيْعَلَمْ بَاشْ يْعَلَمْ، 8 وْلِيْ يْشَجَعْ يْمَدْلَهْ مَوهِبَةْ فْيْ الْتَشْجِيْعْ، وْلِّيْ يْعَاوَنْ يْوَلِيْ كْرِيْمْ، وْلِعَنْدَهْ مَوْهِبَةْ الْتَسْيِيْرْ يْدَبَرّْ مْلِيْحْ، وْلِعَنْدَهْ مَوْهِبَةْ الْرَحْمَةْ يْدِيْرْ كُلْشِيْ بْالْفَرْحَةْ. 9 لْمَحَبَةْ لاَزَمْ تْكُوْنْ مَنْ غِيْر نِفَاقْ. لَازَمْ تْكَرْهُوْ الْشَّرْ وْتْحَبُوْ الْخِيْر. 10 وْتْعَاوْنُوْا بِيْنَاتْكُمْ بْالَمَحَبَةْ تَاعْ لْخُوتْ، وْكُلْ وَاحَدْ يْكُوْنْ كْرِيْمْ لْخُوهْ. 11 إِجْتَهْدُوْ وْمَاتَتْكَسْلُوْشْ، وْعَبْدُوْ الله بْلَحْرَّارَة، 12 وْكُوْنُوْا فَرْحَانِيْن فِيْ الْرَجَاءْ، وْصَبْرُوْا كِيْ يْكُوْنْ عْلِيْكُمْ الْضِيْقْ، وْكُوْنُوا دِيْمَا فْي صْلَاْة، 13 تْعَاوْنُوْ بِيْنَاتْكُمْ إِلَا كَانْ وَاحَدْ مَخْصُوْصْ، وْرَّحْبُوْ بْالْنَاسْ الْبَرَانِيَةْ. 14 بَارْكُوْا لِّيْ يْضَطَهْدُوْ فِيْكُمْ. بَارْكُوْا وْمَاتْلَعْنُوْشْ. 15 فَرْحُوْا مْعَ لِّيْ يْفَرْحٌوْا وْبْكُوْا مْعَ لِّيْ يَبْكُوْا. 16 عِيْشُوْا مْعَ بَعْضْ كِيْ عَايْلَةْ، مَاتَتْكَبْرُّوشْ وْكُوْنُوْا دِيْمَا مَتْوَضْعِيْنْ لْلْغِيْرْ. خْلِيْوْ الْنِفَاقْ بْعِيْد عْلِيْكُمْ. 17 مَاتْرَدُوْشْ الْشَرْ بْالْشَرْ. وْدِيْرُوْا الْخِيْرْ ڤُدَامْ ڤَاعْ الْنَاسْ. 18 وْإِلَا كُنْتُوْا قَادْرِيْنْ سَلْمُوْ عْلَى ڤَاْعْ اْلْنَاسْ. 19 مَاتَنْتَقْمُوْشْ يَاخُوْتِيْ، وْمَرَاهْشْ عِيْبْ كِيْ يَزْعَفْ الْبْنَادَمْ، عْلَخاَطَرْ مَكْتُوبْ: «أَنَا نَنْتَقَمْ وْأَنَا لِيْ نْحَاسَبْ يْڤُوْلْ الله. 20 إِلَا لَعْدُوْ تَاعَكْ جَاعْ وْكْلَهْ. وْإِلَا عْطَشْ مْدْلَهْ يْشْرَبْ. عْلَخَاطَرْ إِلَا دَرْتْ كِيْمَاهَاكْ، كَلِيْ رَاكْ دَايَرْ جْمَرّْ فُوِڤْ رَاسَهْ». 21 مَاتْخَلِيْشْ الْشَرْ يْغَلْبَكْ، بْصَحْ غْلَبْ الْشَّرْ بْالْخِيْرْ.
1 لَازَمْ كُلْ بْنَادَمْ يْكُونْ يْطِيْعْ لْحُكُوْمَاتْ، عْلَخَاطَرْ مَكَاشْ حُكٌوْمَة لِمَاجَاتْشْ مَنْ عَنْدْ الله، وْهَادْ لْحُكٌومَاتْ مَدْيُوْرَةْ مَنْ عَنْد الله، 2 وْلِيْقَاوُمْ هَادْ لْحُكُوْمَاتْ رَاهْ يْقَاوُمْ لِدَارَهْ الله، وْدُوْكْ لِرَاهُمْ يْقَاوْمُوْ يْجِيْبُوْ لْعِقَابْ لِيْهُمْ. 3 وْالٌحْكَامْ مَايْخَافُوْشْ مَنْ لِيْ يْدِيْرْ الْخِيْرْ، بْصَحْ يْخَافُوْ مَنْ لِّيْ يْدِيْرْ الْشَرْ. مَلَا حْبِيْتْ مَاتَخْافْشْ مَنْ لْحُكُوْمَةْ؟ دِيْرّْ الْخِيْرْ وْغَادِيْ تْكُوْن رَاْضْيَةْ عْلِيْكْ، 4 عْلَخَاطَرْ رَاهِيْ تَخْدَمْ اْلصَلَاحْ لِعَيْنَهْ الله، بْصَحْ إِلَا دَرْتْ الشَرْ لَازَمْ عْلِيْكْ تْخَافْ، خَاطَرْ الْحَاكْمْ مَايَرْفَدْشْ الْسِيْفْ بَاطَلْ عْلَخَاطَرْ هُوَ يَخْدَمْ الله، رَاهْ يْخَلْصْ وْيْعَاقَبْ لِّيْ يْدِيْرْ الْشَرْ. 5 عْلَىْ هَادْ الْشِيْ لَازَمْ نْطِيْعُوهْ، مَاشِيْ عْلَجَالْ الْخُوفْ مَنْ الْعِقَابْ، بْصَحْ الْضْمِيْر تَاعْنَا ْيڤُوْلْ وَاجَبْ عْلِيْنَا. 6 وْتَانِيْ عْلَى هَادْ الْشِيْ لِرَاكُمْ تْخَلْصُوْ الْضْرِيْبَةْ تَانِيْ، وْهَادِيْ هِيَ الْخَدْمَةْ تَاعْهُمْ وْلِّيْ يْسَهْرُّوْ عْلِيْهَا. 7 وْيمَدُوْ لْڤَاعْ الْنَاسْ كُلْ وَاحَدْ حَقَهْ: الْضْرِيْبَةْ لِيْ لاَزَمْ يْخَلَصْهَا. الْجِزْيَةْ لِيْ لَازَمْ يْمَدْهَا. وْيَحْتَرْمُوْ لِّيْ يَحْتَرْمْهُمْ. وْيْكَرْمُوْا الْبْنَادَمْ لْكْرِيْمْ. 8 مَاتْخَلُوشْ رْوَاحْكُمْ تْكُوْنُوْا مَدْيُوْنِيْنْ مَنْ غِيْرْ أَنْكُمْ تْحَبُوْ بَعْضَكُمْ، عْلَخَاطَرْ لِّيْ يْحَبْ غِيْرَهْ هَدَاكْ تَمَمْ الْشَرِيْعَةْ. 9 عْلَخَاطَرْ لَوْصَايَا «مَاتَزْنِيْشْ، مَاتَڤْتْلشْ، مَاتَسْرٍقْشْ، مَاتَشْهَدْشْ بْالزُّورْ، مَاتَطْمَعْشْ فَيْ الْشِيْ نْتَاع غِيْرَكْ»، وْڤَاعْ لَّوْصَايَا لَّخْرِيْنْ مَجْمُوْعِيْنْ فْهَادْ لْكَلْمَةْ: «تْحَبْ غِيْرَكْ كِيْمَا رُوْحَكْ». 10 الْمَحَبَةْ مَاتْدِيْرْشْ الْشَرْ لْغِيْرِيْ، بْصَحْ الْمَحَبَةْ هِيَ تْكَمَلْ الْشَرِيْعَةْ. 11 وْزِيْدُو عْلَى هَادْ الْشِيْ، رَاكُمْ عَارْفِيْنْ الْوَقْتْ، عْلَخَاطَرْ الْسَاعَةْ لِّيْ لَازَمْ نْفَطّْنُوْ مَنْ الْنْعَاسْ جَاتْ، وْيُوْمْ سْلَاكْنَا رَّاهْ ڤْرِيْبْ كْثَرْ مَنْهَارْ لِيْ أَمَنَا فِيْهْ. 12 هَاوْ لِّيْلْ قْرِيْبْ يَخْلَاصْ وْيَطْلَعْ الْنْهَارْ، مَلاَ نَحُوْ شْغَلَاتْ الْظْلَامْ وْنْلَبْسُوْا سْلَاحْ الْنُورْ. 13 وْلَازَمْ نْعِيْشُو كِيْمَا يْلِيْقْ بْلِيْ يْعِيْشْ فْيْ الْنُوْرْ: مَاشِيْ بْالْسَبَانْ وْالْسَكْرَانْ، وْمَاشِيْ بْالْفِسْقْ وْالدَعَارَةْ، وْمَاشِيْ بْلَحْسَدْ وْالْدَبْزَاتْ. 14 بْصَحْ كُوْنُوْا لَابْسِيْنْ الْرَّبْ يَسُوعْ الْمَسِيْحْ، وْمَاتْخَمُوْش بَاشْ تْتَبْعُوْ الْشَهَوَاتْ نْتَاعْ الْجَسَدْ.
1 وْلِيْ هُوَ ضْعِيفْ فْي الإِيْمَانْ قَبْلُوهْ بِيْنَاتْكُمْ، مَاتْحَكْمُوشْ غِيْرْ بْالتَخْمَامْ. 2 وَاحَدْ يْأَمَنْ بَلِيْ كُلْ شِيْ يْطِيْڤْ يَاكْلَهْ، وْهَدَا الضْعِيْفْ يَاكُلْ غِيْرْ لْخُضْرَةْ. 3 مَلَازَمْشْ لِّيْ يَاكُّلْ يْعَايَرْ لِّيْ مَاَيَكُلْشْ، وْهَدَاكْ لِّي مَايَكُلْشْ مَلاَزَمْشْ يْدِيْن هَدَكْ لِّي يَاكُلْ، عْلَخَاطَرّْ الله قَبْلَهْ. 4 شْكُوْنْ نْتَا لِّيْ رَاكْ تْحَاسَبْ عَبْدْ غِيْرَكْ؟ رّْبِيْ هُوَ لِّيْ يْحَاسَبْ، يْفَشْلَهْ وْلَا يْخَلِيْهْ وَا ڤَفْ، بْصَحْ غَادِيْ يُوْڤْفْ، عْلَخَاطَرْ رَّبِيْ يْطِيْڤْ يْوَڤْفَهْ وْيْشَجْعَهْ. 5 وَاْحْدِيْنْ يْحَسْبُوْ شِيْ يُوْمْ خِيْرْ مَنْ لِيَامَاتْ لَخْرِيْنْ، وْوَحْدَ خَرِيْنْ ڤَاعْ لِيَامَاتْ كِيْفْكِيْفْ عَنْدْهُمْ، لَازَمْ كَلْ وَاحَدْ يَقْتَنَعْ بْشِيْ لِيْ يَأَمَنْ بِهْ فِيْ عَقْلَهْ: 6 وْلِيْ يَهْتَمْ بْالْنْهَارْ هَدَاكْ رَّاهْ يْمَجَدْ فْالله، وْتَانِيْ لِّيْ مْاهْتَمْش بْالْنْهَارْ رَاهْ يْمَجَدْ الله. وْهَدَاكْ لِيَاكُلْ رَّاهْ يَكُلْ لِلَّهْ وْيُشْكَرْ فِيْهْ. وْلِّيْ مَرَاهْشْ يَاكُلْ، تَانِيْ مَايَكُلْشْ لْرَّبِيْ، وْرَّاهْ يَشْكَرْ فِيْه. 7 عْلَخَاطَرْ مَكَاْشْ لِيْعِيْشْ لْرُّوحَهْ، وْلَا يْمُوْتْ لْرُّوحَهْ. 8 إِلَا عَشْنَا نْعِيْشُو لله، وْإِلَا مُتْنَا نْمُوْتُوْ لله. وْإِلَا عَشْنَا وْلَا مُتْنَا حْنَا نْتَاعْ الله. 9 عْلَخَاطَرْ عْلَجَالْ هَادْ الْشِيْ لْمَسِيْحْ مَاتْ وَحْيَا وْعَاشْ، بَاشْ يْكُوْنْ سَيْدْ الْحَيِيْنْ وْلْمُوْتَ. 10 وْأْنْتَ، وَعْلَاهْ رَّاكْ تْحَاسَبْ خُوْكْ؟ وْلَا نْتَا تَانِيْ، عْلَاهْ تَحْڤَرْ فِيْ خُوْكْ؟ عْلَخَاطَرْ يْجِيْ نْهَارْ وِيْنْ نْوَڤْفُوْ ڤَاعْ ڤُدَامْ كَرْسِيْ لْمَسِيْحْ، 11 عْلَخاَطَرْ مَكْتُوبْ: «رَّانِيْ حَيْ يْڤُوْلْ الله، رَاحْ ڤَاعْ الْرْكَابِيْ يْسَجْدُوْا، وْكُلْ لْسَانْ يْسَبَحْ الله». 12 مَلَا كُلْ وَاحَدْ فِيْنَا غَادِيْ يْمَدْ حْسَابْ لله عْلَى حْيَاتَهْ. 13 مَلَازَمْشْ نْنْتَقْدُوْ فِيْ بَعْضِيَاتْنَا، بْصَحْ نْعِيْشُوْا بَاشْ وْلَا وَاحَدْ يْكُونْ لْغِيْرَه حَجْرَةْ فْوَسْطْ الْطْرِيْڤْ. 14 رَّانِي عَارَفْ وْمَتْيَقَنْ فْيْ لْمَسِيْحْ لِّيْ نْأَمَنْ بِهْ بَلِيْ مَكَانْشْ نَجِسْ لْرُّوحَهْ، غِيْرْ إِلَا وَاحَدْ حَسْبَهْ شِيْ نَجِسْ، وْلِيْه غَادِيْ يْكُونْ نَجِسْ. 15 إِلَا كَانْ خُوْكْ حْزَنْتَهْ بْسَبَةْ الْطْعَامْ، مْرَاكْشْ تَتْمَشَى بْالْمَحَبَةْ. مَاتْخَلِيْشْ مَاكَلْتَكْ تْكُونْ سْبَةْ تَهْلَاكْ نْتَاعْ خُوْكْ لِّيْ لْمَسِيْحْ مَاتْ عْلَجَالَهْ. 16 مَاتْخَلُوْشْ الْنَاسْ تَنْتَقْدْ الْشِيْ لِرَاكُمْ تْشُوْفُوْ فِيْهْ صْلَاْحْ، 17 عْلَخَاطَرْ مَلَكُوْتْ الله مَارَاهْشْ غِيْرْ مَاكْلْةْ وْشْرَابْ، بْصَحْ هْوَ حَقْ وْلَهْنَا وْفَرْحَةْ فْيْ الْرُّوْحْ الْقُدُسْ. 18 عْلَخَاطَرْ لِيْعِيْشْ لْمَسِيْحْ كِيْمَا هَاكْ، رَّبِيْ يْكُوْنْ رَاضِيْ عْلِيْهْ وْالْناَسْ غَادِيْ تَشْكَرْ فِيْهْ. 19 مَلَا لَازَمْ نْعِيْشُوْ فْلَهْنَا لِتْقَوِيْ بِيْنَاتْنَا وْتْبَنِيْنَا. 20 ماَتْرَيْبْشْ لِّيْ بْنَاهْ الله بْالْمَاكْلَةْ. صَحْ كُلْ شِيْ حْلَالْ، بْصَحْ الْغَلْطَةْ كِيْ تْكُوْنْ سَبَةْ لْخُوْكْ وْيْطِيْحْ بْسَبْةْ الْمَاكْلَةْ. 21 مْلِيْحْ مَاتَكُلْشْ لْحَمْ وْمَا تْشَرَبْشْ شْرَابْ وْلَا حَاجَةْ خّْرَا لِيْ يْضَعَفْ إِيْمَانْ خُوْكْ إِلَا كْلِيْتْهَا ڤُدَامَهْ. 22 عَنْدَكْ إِيْمَانْ عْلَى هَادْ الْشِيْ؟ خَلِيْهْ بِيْنَكْ وْبِيْنْ الله! سَعْدَاتْ الْبْنَادَمْ لِمَايْحَاَسْبْش رُّوْحَهْ فْىْ لِّيْ يْشُوفَهْ صْوَابْ. 23 وْلِّيْ يَاكُلْ وْعَنْدَهْ شَكْ فِيْ ڤَلْبَهْ يْتْحَاسَبْ، عْلَخَاطَرْ هَدَاكْ مَاكْلَاشْ بْاْلْإِيْمَانْ، وْلِيْ يْتَنْدَارْ مَنْغِيْرْ إِيْمَانْ مَلَا هُوْ خَطِيَةْ.
1 إِمَلَا إِيْلِيقَلْنَا حْنَا لّْكْبَّارْ فِيْ الإِيْمَانْ نْسَايْسَو خُوْتْنَا لِّيْ ضْعَافْ فْي الإِيْمَانْ، وْمَنْشُوفُوشْ غِيْرّْ صْوَالْحْنَا. 2 إِيْلِيْقْ كُلْ وَاحَدْ فِيْنَا إِعَاوَنْ خُوْه فِي لْخِيْر بَاشْ يْتْشْبَعْ وْيَتْقَوَى فِى الإِيْمَانْ. 3 عْلَخَاطَرْ المَسِيْح مَاجَاشْ يَرْضِي صْوَالْحَهْ، بْصَحْ كِيْمَا هُوَ مَكْتُوبْ: «دُوكْ لشْتَايْم لِّيْ عَيْرُوك بِهَا طَاحُوْ عْلِيَا». 4 عْلَخَاطَرْ ڤَاعْ دَاكْ لِيْ تَكْتَبْ مَنْقْبْلْ تَكْتَبْ بَاشْ نْثَبْتُو وْنْتْقَوَاوْ فِي كَلْمَةْ الله، وْيْكُونْ لِيْنَا رَجَاءْ. 5 وْالله مُولْ الصْبَرّْ هُوَ لِّي يْشْجَعْكُمْ بَاشْ تَتْفَهْمُو وْتْخَمُو تَخْمَامْ وَاحَدْ بِيْنَاتْكُمْ عْلَى حْسَابْ كْلَامْ المَسِيْحْ، 6 بَاشْ تْعْلُوْا وْتْمَجْدُوا الله بُوْ رَّبْنَا يَسُوعْ المَسِيْح بْقَلْب وَاحَدْ وْفَمْ وَاحَدْ. 7 عْلَى هَادْ الشِيْ قْبْلُوا بَعْضِيَاتْكُمْ كِيْمَا قَبْلنَا المَسِيْحْ تَانِيْ، عْلَجَالْ مَجْد الله. 8 وَنْڤُولْ: لْمَسِيْحْ وْلَّاَ خْدَامْ لْمَخْتُونِيْنْ، بَاشْ يْبَيْن حَقْ الله، وْيْشَدْ فَي لْوَعْد لِّي تْمَدْ لّْلأَبَاءْ الَلَوْلِيْنْ. 9 وْلَجْنَاسْ لَخْرِينْ حَمْدُوا الله عْلَى جَالْ الرَحْمَةْ نْتَاعَهْ كِيْمَا هُوَ مَكْتُوبْ: «عْلَجَالْ دَكْ الشِيْ نْحَمْدَكْ بِيْنْ لَجْنَاسْ، وْلإِسْمَكْ نْغَنْيْ» 10 وْيْزِيْدْ يْڤُولْ: «يَالَجْنَاسْ سَبْحُوْا الله مْعَ شَعْبَهْ» 11 وْتَانِيْ: «سَبْحُوا الله يَاڤَاعْ لَجْنَاسْ، وْمَدْحُوهْ يَاڤَاعْ البَنِيَادْمِيينْ». 12 وْإِشَعْيَاءْ ڤَالْ تَانِيْ: «غَادِيْ لْعَرْڤْ لِيَخْرَجْ مَنْ يَسَى هُوَ لِيَتْسَلَطْ عْلَى لَجْنَاسْ، وَيْتَكْلُو عْلِيه لَجْنَاسْ». 13 وَنْصَلِيْ لِلَّه مُوْلْ الرَجَاءْ بَاشْ يْمَدْلْكُمْ لْفَرْحَةْ وْلَهْنَا فْي الِإيْمَاْن، وْبَاشْ يْزِيْد فِيْكُمْ الْرَّجَاءْ بْقَوَةْ الرُّوحْ القُدُسْ. 14 وَأَنَا مَنْ جِهْتِي يَاخُوتُي رَانِيْ مَتْيَقْن بْلِي تْحْبُوْ بْزَافْ تْدِيْرُو الخِيْر، وْفَاهْمِيْن وْقَارّْيِيْنْ، وْرَّاكُمْ قَادْرِيْن تَنْصْحُوْ بَعْضْكُمْ لْبَعْضْ. 15 عْلَى هَادْ الشِيْ كْتَبْتْ لِيْكُمْ هَادْ لَبْرِّيَة حْتَى وِإِلاَ كُنْت شْوِيَة قَاسِيْ بَاشْ نْفْكَرّْكُمْ يَاخُوْتِيْ، وْ هَدَا عْلَى حْسَابْ النِعْمَةْ لِتَعْطَاتْ لِيْ مَنْ عَنْدْ الله، 16 بَاشْ نْكُونْ خَادْمْ كِيْمَا الكَهَنَةْ لْسِيْدْنَا يَسُوعْ لْمَسِيْح بِيْنْ البَرَّانِيَةْ، بَاشْ نْخْبَرّْ بْإِنْجِيْل الله وْيْكُونُوا شْغُلْ ذْبِيْحَةْ مْقَدْسَة لله بْالرُّوحْ القُدُسْ. 17 يْشَرَّفْنِيْ أَنِي نْكُونْ خَاْدْمْ لْلْمَسِيْحْ فِيْ إِنْجِيْلْ الله. 18 عَلَخَاطَرْ نْحَبْ بَرّْكْ نَحْكِيْ عْلَى لِي دَرَهْ لْمَسِيْح بِيَا بَاشْ البَرَّانِيَةْ يْجُوْ وْيْقَبْلُو الإِنْجِيْلْ، وَهَادْ الشِيْ بْالكْلاَمْ وْالفِعْلْ، 19 بْمُعْجِزَاتْ وْعَجَايْبْ كْبَارْ لِّي خْدَمْهُمْ رُّوحْ الله، كِيْ خْبَرْت بْكْلاَمْ الله مَنْ جْوَايَهْ أُوْرّْشَلِيمْ حْتَى إِللِّيرِيكُونَ. 20 وْكُنْت دِيْمَا بَاغِيْ نْبَشَرّْ فِي بْلاَدْ لِمَازَالَتْ مَاسَمْعَتْشْ بْالْمَسِيْحْ، بَاشْ مَانَبْنِيشْ عْلَى سَاسْ وَاحَدْ أْخُرّْ. 21 بْصَحْ كِيْمَا هُوَ مَكْتُوبْ: «لِيْ مَاتَخَبَرْلْهُمْشْ غَادِيْ يْشُوْفُو، وْلِيْ مَاسَمْعُوشْ غَادِيْ يْفَهْمُو». 22 عْلَى هَاذِيْ كَانَتْ شْغَالاَت لِيْ مَاخَلاَوْنِيْشْ بَاشْ نْجِيْ عَنْدْكُمْ. 23 بْصَحْ دَرّْوَكْ وْأَنَا فِي هَادْ لَجْوَايَهْ مَا نْطِيڤْشْ نَخْدَمْ، هَدِي عْوَامْ وَأَنَا بَاغِيْ نْجِيْ عَنْدْكُمْ، 24 غَادِيْ كِيْ نْرُّوحْ لْسْبَانْيَا نْفُوتْ لْعَنْدكُمْ. عْلَخَاطَرْ بَاغِيْ نْشُوْفْكُمْ وْنْجَمَعْ شْوِيَةْ مْعَاكُمْ، وْتَانِيْ تْسَهْلُوْ عْلِيَا الطْرِيْڤْ. 25 بْصَحْ أَنَا دَرّْوَكْ رَانِيْ غَادِيْ لْأُوْرْشَلِيْمْ بَاشْ نْعَاوَنْ الْمُوْمْنِيْنْ تْمَكْ، 26 عْلَخَاطَرْ نَاسْ تَاعْ مَكِدُونِيَّةَ وَأَخَائِيَةَ بْغَاوْ يْعَوْنُوْ الزَوَالِيَةْ فِي أُوْرْشَلِيْمْ وْجَمْعُوْ لْهُمْ شَا يْسَحْقُوْ. 27 هُمْ لِيْ بْغَاوْ يْعَاْوْنُو، وْحَسُوْا بْلِيْ لاَزَمْ عْلِيْهُمْ. عْلَخَاطَرْ المُوْمْنِيْن لِّيْ مَنْ لِيْهُودْ مَدُوْ فْي الرُّوْحْ لْڤَاعْ لَجْنَاسْ، عْلَبِيْهَا حَسُوْا بْلِيْ لاَزَمْ يْعَاوْنُهُمْ فِي لِّيْ يَحْتَاجُوهْ. 28 وْكِيْ نَكْمَلْ هَادْ الزْيَارَةْ لأُوْرْشَلِيْمْ نْفُوتْ عَنْدْكُمْ فِيْ طْرِيْڤِي لَسْبَانْيَا. 29 وَرَانِيْ عَارَفْ بَلِيْ إِلاَ رَانِيْ جَايْ عَنْدْكُمْ، نْجِيْ مْعَمَرْ بْالْبَرَّكَاتْ لِعْطَاهُمْ لِيْ الْمَسِيْح. 30 وْبَاغِيْ نَطْلَبْ مَنْكُمْ يَاخُوْتِيْ، بْرَبْنَا يَسُوعْ المَسِيْحْ وْالمَحَبَةْ نْتَاعْ الْرُّوحْ، بَاشْ تْجَاهْدُوْا مْعَايَا فْي الصْلَاةْ لْرَّبِيْ، 31 بَاشْ نْسْلَكْ النَاسْ لِمَرَاهُمْشْ مُومْنِيْن فْي الْيَهُودِيَةْ، وْبَاشْ تْكُوْنْ خْدَمْتِيْ فْي أُورْشَلِيْمْ مَقْبُولَة عَنْدْ الْمُومْنِيْن، 32 حْتَىْ نْجِيْ عَنْدكُمْ إِلاَ بْغَى رَّبِيْ، وْنْرَيَحْ شْوِيَةْ مْعَكُمْ. 33 رّْبْ لَهْنَا يْكُونْ مْعَكُمْ. أَمِيْنْ
1 غاَدِي نَوصِيكُم عْلَى خْتْنَا فِيْبِي، لِهِيَ تَخْدَمْ فْلْكَنِيسَة تَاع’ كَنْخَرِيَا، 2 بَاش تْرَحْبُو بِهَا وْتْقَبْلُوهَا بِيْنَاتْكُمْ كِيْمَا لاَزَمْ، وْعَاوْنُوهَا فْلِيْ تَحْتَاجَهْ، عْلَخاَطَرْ هِيَ تَعَاوْن بْزَافْ النَاسْ وْعَاوْنْتْنِيْ أَنَا تَانِيْ. 3 بْلْغُوْ سْلَامِيْ لْبْرِيسْكِلَا وْأَكِيْلَا لِيْعَوْنُوا فِيَا فِيْ لْخِدْمَةْ لْمَجْد لْمَسِيْحْ، 4 لِّيْ خَطْرُّوْ بَحْيَاتْهُمْ عْلَجَالْ حْيَاتِيْ، وْمَارَانِيْشْ وَحْدِيْ بَرّْكْ لِنَّشْكَرّْ فِيْهُمْ، بَصَحْ ڤَاعْ المُؤْمِنِيْنْ، 5 وْتَانِيْ عْلَى لْجْمَاعَةْ لِيْ فِيْ دَارّْهُمْ. سَلْمُوْا عْلَى أَبَيْنِتُوسَ لِّيْ نْعَزَّهْ، لِّيْ هُوَ لْلْوَّلْ لِيْ أَمَنْ بْالمَسِيْح فِيْ أَخَائِيَةَ. 6 سْلْمُوْا تَانِيْ عْلَى مَرْيَمْ لِّيْ تَعْبَتْ بْزَافْ عْلَّى جَالْنَا. 7 سَلِّمُوا عَلَى أَنْدَرُونِكُوسَ وَيُونِيَاسَ نْسَابِي، لِّيْ كَانُوا مْحَابْسِيَة مْعَايَا، وْهُمَا مَعْرُوفِيْن عَنْد الرُسُلْ، وْلِي قَبْلُو لْمَسِيْحْ قْبْلِيْ. 8 سْلْمُوْا عْلَى أَمْبِلِيَاسَ حْبِيْبِي عَنْدْ الله. 9 سْلْمُوْا عْلَى أُورْبَانُوسَ لِّيِ يِسَاعَدْ فِيْنَا لِيَخْدْمْ مْعَانَا لْمَجْدْ لْمَسِيْحْ، وْعْلَى إِسْتَاخِيسَ حَبِيبِي. 10 سْلْمُوْا عْلَى أَبَلِّسَ لي هُوَ أَمِينْ فِي الْمَسِيحِ. سْلْمُوا عْلَى العَاْيلَة نْتَاعْ أَرِسْتُوبُولُوسَ. 11 سْلْمُوْا عْلَى هِيرُودِيُونَ نْسِيبِي. سْلمُوْا عْلَى النَاسْ لِّيْ مَنْ عَايْلَةْ نَرْكِيسُّوسَ لِيْحَبُوْا لْمَسِيْحْ. 12 سْلْمُوْا عْلَى تَرِيفَيْنَا لِّيْ تَبْعَتْ لْمَسِيْحْ مْعَ تَرِيفُوسَا هِيَ تَانِيْ. سَلْمُوْا عْلَى المَحْبُوبَةْ بَرْسِيْسَ لِّيْ تَعْبَتْ بْزَافْ فَيْ لْمَسِيْحْ. 13 سَلْمُوْا عْلَى المُخْتَارْ لِّيِ فِي لْمَسِيْحْ رُوفُسَ وْعَلَى مَّه تَانِيْ لِهْيَ تَانِيْ مَّا. 14 سْلْمُوا عْلَى أَسِينْكِرِيتُسَ، فِلِيغُونَ، هَرْمَاسَ، بَتْرُوبَاسَ، وَهَرْمِيسَ، وَعْلَى.لْخُوْتْ لِّيْ مْعَاهٌمْ. 15 سْلْمُوا عْلَى فِيلُولُوغُسَ وَجُولِيَا، وَنِيرِيُوسَ وْخْتَهْ، وَأُولُمْبَاسَ، وَعْلَى ڤَاعْ لْمُومْنِيْنْ لِّيْ مْعَاهُمْ. 16 سْلْمُوْا عْلَى بَعْضْكُمْ البَعْض بْسْلَامْ نْقِي. ڤَاعْ كَنَائِسْ لْمَسِيْح هْنَا تْسَلَمْ عْلِيْكُمْ. 17 وْنَطْلَبْ مَنْكُمْ يَاخُوْتِيْ بَاشْ تْدِيْرُو بَالْكُمْ عْلَى النَاسْ لِّيْ يْزَرْعُوْ الْفَتْنَة وْيْحَبُوْ يْقَسْمُوْ، وْيْخَالْفُوْ لِّيْ جَا فِي الإِنْجِيْلْ، هَادُوْكْ بَعْدُوا عْلِيهُمْ. 18 عْلَخَاطَرّْ الْنَاسْ لِكِيْمَا هَادُوْ مَايْمَجْدُوشْ لْمَسِيْحْ، بْصَحْ يْحَوْسُوْ يْعَمْرُو كْرُوْشْهُمْ. يْسْتَخْدْمُوْ لَكْلَامْ لَمْزَوقْ وْلَمْلِيْحْ وْيْخَدْعُو فِي النَاسْ لِعَنْدَهَا النِيَّة. 19 وْالنَاسْ ڤَاعْ سَمْعَتْ عْلَى الطَاعَةْ تَاعْكُمْ، وَأَنَا رَاكُمْ فَرَّحْتُونِيْ، وْبَاغِيْ تَانِيْ مَنْكُمْ تْوُلُوْ فَاهْمِيْنْ لْلْخِيْر وْبْعَادْ عْلَى الشَرّْ. 20 والله لِّيِ يِمَدْ لَهْنَا غَادِيْ يَعْفَسْ وْيَسْحَق ْالشِيْطَانْ بَالخَفْ تَحْتْ رْجْلِيْكُمْ. نِعْمَةْ رَّبْنَا يَسُوْعْ لْمَسِيْحْ مْعَاكُمْ ڤَاعْ. أَمِيْن. 21 يْسلَمْ عْلِيْكُمْ تِيمُوثَاوُسُ لِّيْ يَخْدَمْ مْعَايَا، وْتَانِيْ لُوكِيُوسُ وَيَاسُونُ وَسُوسِيبَاتْرُسُ نْسَابِيْ. 22 أنا تَرْتِيُوسُ لي كتبت هاد لبرية، نسلم عليكم تاني بغسم المسيح. 23 يْسْلَمْ عْلِيْكُمْ غَايُسُ لِيْ ضْيْفْنِيْ عَنْدَهْ وْرَحَبْ عَنْدَهْ بْڤَاعْ الكَنِيْسَةْ. يْسْلَمْ عْلِيْكُمْ أَرَاسْتُسُ لِّيْ يْشَدْ صَنْدُوقْ المَالْ تَاعْ لّْمْدِيْنَةْ، وْخُونَا كَوَارْتُسُ. 24 نِعْمَةْ رَّبْنَا يَسُوْعْ لْمَسِيْحْ مْعَاكُمْ ڤَاعْ. أَمِيْن. 25 وْالله لِيْ قَادَرْ يْثَبْتْكُمْ، عْلَى حْسَابْ الإِنْجِيْلْ وْالتَبْشِيرَةْ تَاعْ يَسُوعْ لْمَسِيْحْ، عْلَىْ حْسَابْ السِرْ لِيْ تَعْلَنْ وْكَانْ زْمَانْ مْخَبِيْ، 26 بْصَحْ دَرَّوَكْ بَانْ، وْسَمْعُوا بِيْه ڤَاعْ لَجْنَاسْ بْكْتٌبْ الأَنْبِيَاءْ عْلَىْ حْسَابْ كْلَامْ الله، بَاشْ يْطِيْعُوا وْيْأَمْنُوا بِهْ. 27 الحِكْمَةْ لله وَحْدَهْ، وْلْيَسُوعْ لْمَسِيْحْ لِيْهْ المَّجْدْ لْلْبْدَا. أَمِيْنْ.
1 مِنْ بُولُسْ رَسُولْ يَسُوعْ اَلْمَسِيحْ بِمَشِيئَةْ اَلرَبْ، وُمَنْ سُوسْتَانِيسْ خُونَا فَي الْإِيمَانْ، 2 لِكَنِيسَةْ اَللهْ فِي كُورَنْتُوسْ، لْهَاذُوكْ لِقَدَسْهُمْ اَللهْ فَي الْمَسِيحْ يَسُوعْ وَاخْتَارْهُمْ مَنْ كُلْ مَوْضِعْ بَاشْ يْكُونْ مْقَدْسِينْ مْعَ ڤَاعْ هَاذُوكْ اَلْلِي يْعَبْدُو اِسْمْ رَبْنَا يَسُوعْ الْمَسِيحْ اَلْلِي هُوَ تَاعْهُمْ وُتَعْنَا 3 نِعْمَةْ مَنْ اَللهْ بُونَا وُمَنْ اَلرَبْ يَسُوعْ الْمَسِيحْ لِيكُمْ 4 نَشْكُرْ اَللهْ مَنْ جِهَتْكُمْ فْكُلْ وَقْتْ عْلَى اَلنِعْمَةْ نْتَاعَهْ اَلْلِي عْطَاكُمْ فَي الْمَسِيحْ يَسُوعْ 5 اَلِي بِيهْ وَلِيتُوا مْرَفْهِينْ فْي كُلْ شِيء، فْالَكْلاَمْ وُفَالْمَعْرِفَةْ، 6 كِمَا ثَبْتَتْ فِيكُمْ شْهَادَةْ اَلْمَسِيحْ 7 وُهَكَا مَا رَاهْ مَا نَاقَصْكُمْ حَتَى مَوْهِبَةْ رُوحِيَةْ وَنْتُمْ تْقَارْعُو الْمَجِيءْ تَاعْ رَبْنَا يَسُوعْ الْمَسِيحْ 8 اَلْلِي غَادِي يْخَلِيكُمْ ثَابْتِينْ حَتَى لَخَرْ بَاشْ تْكُونُو بْلاَ عِيبْ نْهَارْ الْمَجِيءْ تَاعَهْ 9 وُاللهْ أَمِينْ اَلِي عَيَطْ لِيكُمْ بَاشْ تْكُونُو فَالشَرِكَة مْعَ وَلْدَهْ يَسُوعْ الْمَسِيحْ رَبْنَا. 10 وُرَانِي خَاوْتِي نَطْلَبْ مَنْكُمْ فْاِسْمْ رَبْنَا يَسُوعْ الْمَسِيحْ، بَاشْ تْكُونُو كُلْكُمْ مَتْفَاهْمِينْ عْلَى كَلْمَةْ وَحْدَةْ. وُمَا تْخَلُوشْ الْمَشَاكَلْ تْفَرَقْكُمْ، وُ بَصَحْ تْكُونُو مَتَحْدِينْ بْفِكْرْ وَاحَدْ وُرَايْ وَاحَدْ. 11 جَانِي خْبَارْكُمْ خُوتِي مَنْ اَلنَاسْ تَاعْ خُلُوِي بَلِي كَايْنِينْ مَشَاكَلْ بِينَاتْكُمْ. 12 وُعْلَى خَاطَرْ كُلْ وَاحَدْ مَنْكُمْ إِڤُولْ أَنَا تَاعْ بُولُسْ، وُلاَخَرْ أَنَا تَاعْ أَبُولُوسْ، وُلاَخَرْ أَنَا تَاعْ صَفَا، وُلاَخَرْ أَنَا تَاعْ الْمَسِيحْ. 13 وَاشْ الْمَسِيحْ لِتَصْلَبْ عْلَى جَالْكُمْ؟ وَلاَ بَاسْمْ بُولُسْ تْعَمَدْتُو؟ 14 أَنَا نَشْكَرْ رَبِي مَا عَمَدْتْ حَتَى وَاحَدْ مَنْكُمْ مَنْ غِيرْ كِرِيسْبُسَ وُغَايُوسْ 15 بَاشْ حَتَى وَاحَدْ مَنْكُمْ مَا يَقْدَرْ يْقُولْ بَلِي رَاكُمْ تْغَطَسْتُوا بَسْمِي. 16 وُعَمَدْتْ عَايْلَةْ اِسْتِفَانُوسْ. وُمَنْ غِيرْهُمْ مَا غْطَسْتْ حَتَى وَاحَدْ اَخَرْ. 17 لِأَنُو عْلَى خَاطَرْ الْمَسِيحْ مَارْسَلْنِيشْ بَاشْ نَغْطَسْ، بَصَحْ بَاشْ نْخَبَرْ بَخْبَرْ الْخِيرْ، بْلَمَا نَتْكَلْ عْلَى كْلاَمْ الْحِكْمَة تَاعْ بْنَادَمْ بَاشْ مَايْكُونْشْ صَلِيبْ الْمَسِيحْ بْلاَ فَاْيَدْة. 18 اَلْبِشَارَةْ بْمُوتْ تَاعْ الْمَسِيحْ عَنْدْ اَلنَاسْ اَلْلِي مَاشِي مُوْمِنِينْ جَاهْلِينْ، وُعَنْدْنَا حْنَا اَلْلِي تَسْلَكْنَا رَاهْ هِيَ قُوَةْ اَللهْ. 19 مَكْتُوبْ فَكْتَابْ اَللهْ "غَادِي نَمْحِي الْحِكْمَة تَاعْ الْحُكَمَاءْ وُمَا نَقْبَلْشْ لَفْهَامَةْ تَاعْ الْفُهَمَاءْ". 20 وِينْ هُوَ الْحَكِيمْ؟ وُوِينْ هُوَ الْعَالَمْ؟ وُوِينْ هُوَ الْفَيْلَسُوفْ تَاعْ هَاذَا اَلزْمَانْ؟ وَاشْ مَا رَدَشْ اَللهْ اَلْحِكْمَةْ تَاعْ هَادْ اَلدَنْيَا جْهَالَةْ؟ 21 نَاسْ اَلدَنْيَا مَا قَدْرُوشْ يْعَرْفُو الْحِكْمَةْ تَاعْ اَللهْ بَالْحِكْمَةْ تَاعْهُمْ ،وُهَكَا بْغَا اَللهْ يَسْلَكْ اَلنَاسْ لِيَامْنُوا بِهْ بَالْبِشَارَةْ اَلْلِي يْحَسْبُوهْ اَلنَاسْ جْهَالَةْ. 22 عْلَى هَادَشِي لِيهُودْ بْغَاوْ الْمُعْجِزَاتْ وُ الْيُونَانِيِينْ يْحَوْسُو عْلَى الْحِكْمَة 23 وُبَصَحْ حْنَا نْبَخْبْرُو بَالْمَسِيحْ اَلْلِي تَصْلَبْ اَلْلِي هُوَ عَثْرَةْ لَلْيَهُودْ وُجْهَالَةْ لَلْيُونَانَيِينْ 24 وُاَلْلِي اَخْتَارْهُمْ اَللهْ كَانُوا يْهُودْ وَ لاَ يُوَنَانِيِينْ رَاهْ الْمَسِيحْ هُوَ قُوَةْ اَللهْ وُ الْحِكْمَةْ تَاعَهْ 25 عْلَى خَاطَرْ جْهَالَةْ اَللهْ رَاهْ حِكْمَةْ كْثَرْ مَنْ حِكْمَةْ اَلنَاسْ ، وُالضِعْفْ نْتَاعَهْ رَاهْ قُوَةْ مَنْ قُوَةْ تَاعْ اَلنَاسْ 26 نْتُمْ يَا الْإِخْوَةْ اَلْلِي عَيَطْ لْكُمْ اَللهْ، بْلَي مَا فِيكُمْشْ بَزَافْ تَاعْ الْحُكَمَاءْ عْلَى حْسَابْ الْحِكْمَةْ تَاعْ بْنَادَمْ، وَلاَ فِيكُمْ نَاسْ قْوَيِينْ وَلاَ شُرَفَاءْ. 27 وَلَكِنْ اَللهْ خْتَارْ اَلنَاسْ لِيْحَسْبُوهُمْ لَخْرِينْ جْهَالْ بَاهْ يَحْشَمْ الْحُكَمَاءْ، وُاخْتَارْ اَلضْعَافْ بَاهْ يَحْشَمْ الَقْوَيِينْ 28 وُاخْتَارْ اَللهْ اَلضُعَفَا وُالْمَحْقُورِينْ وُاَلْلِي مَا عَنْدْهُومْشْ قِيمَةْ فَي الدَنْيَا ، بَاشْ يَمْحِي اَلنَاسْ لِيْحَسْبُوهُمْ لَخْرِينْ عَنْدْهُمْ قِيمَةْ 29 وُهَكَا حَتَى وَاحَدْ مَا يَقْدَرْ يَفْتَخَرْ قُدَامْ اَللهْ . 30 بَصَحْ نْتُمَا وَلِيتُو فَالْمَسِيحْ يَسُوعْ لِي هُوَ حِكْمَةْ مَنْ اَللهْ وُالتَقْوَى وُالْقَدَاسَةْ وَالْفِدَاءْ 31 وُكِيمَا يْقُولْ فَكْتَابْ اَللهْ " اَلْلِي بْغَا يَفْتَخَرْ، يَفْتَخَرْ بَالرَبْ"
1 وأنَا مَلِي جِيتْ عَنْدْكُمْ يَا خُوتِي بَاشْ نْخَبَرْكُمْ بْسَرْ الله ، مَا جِيتْشْ نَتْكَلَمْ مْعَاكُمْ بَالْحِكْمَةْ وَلاَ بَكْلاَمْ مَاتْفَهْمُوهْشْ 2 مَا بْغِيتْ نَعْرَفْ حَتَى حَاجَةْ فْي وَسْطْكُمْ ، غِيرْ يَسُوعْ الْمَسِيحْ أَلْلِي تْصَلَبْ 3 وُمَلِي جِيتْ عَنْدْكُمْ كُنْتْ نْحَسْ بَالضُعْفْ والْخُوفْ بَزَافْ 4 وكْلاَمِي والتَّبْشِيرْ تَاعِي مَاشِي بَالْحِكْمَةْ تَاعْ بْنَادَمْ، وبَصَحْ بَالْبُرْهَانْ تَاعْ قُوَةْ رُوحْ الله 5 بَاشْ مَا يْكُونْشْ إِيمَانْكُمْ تَبْنُوهْ عْلَى حِكْمَةْ تَاعْ بْنَادَمْ ، ولَكِنْ يَتَبْنَى عْلَى قُوَةْ الله 6 نَتْكَلْمُوا بَالْحِكْمَةْ بِينْ اَلْمُوْمِنِينْ، مَا شِي بْحِكْمَةْ هَاذْ اَلدَنْيَا وَلاَ بْحِكْمَةْ اَلْحُكَامْ تَاعْهَا اَلْلِي مَا تْدُومْشْ 7 وَلَكِنْ نَتْكَلْمُوبْحِكْمَةْ الله اَلْلِي فَالسَرْ. هَاذِيكْ الْحِكْمَةْ لِكَانَتْ مَدْسُوسَةْ والْلِي لْقَاهَا لِينَا الله مَنْ قْبَلْ مَا تْخَلْقَتْ اَلدَنْيَا لَلْمَجْدْ نْتَعْنَا. 8 والْلِي مَا عْرَفْهَا حَتَى وَاحَدْ مَنْ حُكَامْ هَاذْ اَلدَنْيَا ولُو كَانْ عَرْفُوهَا مَا يْصَلْبُوشْ رَبْ الْمَجْدْ 9 وكِيمَا مَكْتُوبْ فَكْتَابْ الله " الْلِي مَا شَافْتَهْ الْعِينْ ، ومَاسْمَعْتُوشْ الْوَذْنِينْ ، ومَا جَا عْلَى بَالْ حَتَى إِنْسَانْ ، هُوَ الْلِي وَجْدَهْ الله لْهَاذُوكْ لِيَبْغُوهْ ". 10 وبَيْنَهْ لِينَا الله بَالرُوحْ تَاعَهْ ، عْلَى خَاطَرْ رُوحْ الله لِيَعْرَفْ كُلْشِي حَتَى أَعْمَاقْ الله. 11 وُ شْكُونْ الْلِي يَعْرَفْ وَاشْ يْخَمَمْ بْنَادَمْ مَنْ غِيرْ اَلرُوحْ اَلْلِي فِيهْ ،هَكَاكْ حَتَى شْغَالْ الله مَا يَعْرَفْهَا غِيرْ رُوحْ الله 12 وُحْنَا مَا دِينَاشْ رُوحْ اَلدَنْيَا ولَكِنْ دِينَا اَلرُوحْ اَلْلِي مَنْ عَنْدْ الله، بَاشْ نْعَرْفُو لَحْوَايَجْ لِعْطَاهُمْ لِينَا الله 13 وُكِنَتْكَلْمُو مَا شِي بَكْلاَمْ لِتْعَلْمُوا حِكْمَةْ بْنَادَمْ ، ولَكِنْ بَكْلاَمْ لِيْعَلْمُوا اَلرُوحْ اَلْقُدُوسْ،ونْفَهَمْ لَلنَاسْ اَلصْوَالَحْ اَلرُوحِيَةْ لَلنَاسْ لِعَنْدْهُمْ هَاذْ اَلرُوحْ. 14 ولَكِنْ نَاسْ تَاعْ اَلدَنْيَا مَايْقَبْلُوشْ اَلشِي اَلْلِي مَنْ رُوحْ الله يْحَسْبُوهْ جْهَالَةْ، ومَا يْقَدْرُوشْ يْفَهْمُوهْ وُيْحَكْمُو فِيهْ مَنْ غِيرْ اَلرُوحْ. 15 ولَكِنْ بْنَادَمْ الْلِي فِيهْ اَلرُوحْ اَلْقُدُوسْ يَقْدَرْ يَحْكَمْ فِي كُولْشِي ، وهُوَ مَا يَحْكَمْ فِيهْ حَدْ. 16 وكْتَابْ الله يْقُولْ "شْكُونْ لِيَعْرَفْ أَفْكَارْ اَلرَبْ ؟ وشْكُونْ لِيَقْدَرْ يْعَلْمُوا" أُبَصَحْ حْنَا عَنْدْنَا فِكْرْ اَلْمَسِيحْ.
1 مَا نَقْدَرْشْ نَتْكَلَمْ مْعَاكُمْ يَا خُوتِي كِمَا النَاسْ اَلرُوحَيِينْ، بَصَحْ كِمَا النَاسْ تَاعْ اَلدَنْيَا كِمَا وْلاَدْ صْغَارْ فَالْمَسِيحْ. 2 أَعْطِيتْكُمْ تْشَرْبُو الَحْلِيبْ مَا شِي الْمَاكْلَةْ تَعْ الَكْبَارْ، مَزَالْ مَا قْدِيتُوشْ عْلِيهَا. 3 عْلاَهْ رَاكُمْ بَاقْيِينْ مَنْ اَلنَاسْ تَاعْ اَلدَنْيَا، وبَاقِي بِينَاتْكُمْ الَحْسَدْ والَخْصَامْ. نْتُمَا مَا شِي كِيمَا النَاسْ تَاعْ اَلدَنْيَا تْدِيرُو كِمَا هُمَا؟. 4 كِيْقُولْ وَاحَدْ مَنْكُمْ: أَنَا تَاعْ بُولُسْ ، ووَاحَدْ أَخَرْ: أَنَا تَاعْ أَبُولُسْ، مَاشِي نْتُمَا كِيمَا النَاسْ تَاعْ اَلدَنْيَا. 5 شْكُونْ هُوَ بُولُسْ؟ وشْكُونْ هُوَ أَبُولُسْ؟ رَاهُمْ غِيرْ خَدَامْ وبَسْبَابْهُمْ أَمَنْتُو عْلَى حْسَابْ مَا عْطَى اَلرَبْ لْكُلْ وَاحَدْ فِيهُمْ. 6 أَنَا غْرَسْتْ و أَبُولَسْ سْقَا، ولَكِنْ الله هُوَ لِيْكَبَرْ الْغَرْسْ. 7 و هَكَا مَا يْهَمْشْ الْلِي غْرَسْ وَلاَ الْلِي يَسْقِي ، ولَكِنْ اَلْلِي يْهَمْ الله اَلْلِي يْكَبَرْ الْغَرْسْ . 8 اَلْلِي يَغْرَسْ وَالْلِي يَسْقِي كِيفْ كِيفْ، بَصَحْ كُلْ وَاحَدْ يَدِي الْأَجْرْ تَاعَهْ عْلَى حْسَابْ الْخِدْمَة لِيدَارْهَا 9 حْنَا نْخَدْمُو مْعَ بَعْضِيَاتْنَا خِدْمَة الله، ونْتُمْ فْلاَحَة الله و الَبْنِي تَاعْ الله. 10 وُبَالنِعْمَة اَلْلِي عْطَانِي الله، حَطِيتْ اَلْسَاسْ كِلْبَنَايْ، ووَاحَدْ أَخَرْ يَبْنِي عْلِيهْ،ولَكِنْ كُلْ يْرَدْ بَالْ كِيفَاشْ يَبْنِي عْلِيهْ. 11 حَتَى وَاحَدْ مَا يَقْدَرْ يْحَطْ سَاسْ وَاحَدْ أَخَرْ مَنْ غِيرْ اَلْسَاسْ اَلْلِي تْحَطْ، اَلْلِي هُوَ يَسُوعْ الْمَسِيحْ. 12 ولَكِنْ وَاحَدْ بْنَى عْلَى هَادْ الْسَاسْ بَالذْهَبْ، وَلاَ بَالْفَضَةْ، وَلاَ بَالَحْجَرْ الْغَالِي، وَلاَ بَالَخْشَبْ، وَلاَ بْالَحْشِيشْ الْيَابَسْ، وَلاَ بَالتْبَنْ. 13 والْخَدْمَة تَاعَهْ يُومْ الْحِسَابْ غَادِي يْبَيَنْهَا، تْفُوتْ فَي النَارْ غَادِي تْبَيَنْ قِيمَةْ الْخَدْمَة تَاعْ كُلْ وَاحَدْ. 14 وِإذَا قَعْدَتْ الْخِدْمَةْ اَلْلِي بْنَاهَا وَاحَدْ عْلَى الْسَاسْ، رَاهْ يَدِي الْأَجْرْ تَاعَهْ. 15 وِإذَا تْحَرْقَتْ الْخِدْمَةْ تَاعْ وَاحَدْ رَاهْ يَخْسَرْ الْأَجْرْ تَاعَهْ، أَمَا هُوَ يَسْلَكْ ولَكِنْ كِيمَا فَاتْ فَي النَارْ. 16 وَاشْ مَا تْعَرْفُوشْ بَلِي نْتُمْ بِيتْ الله، وبَلِي رُوحْ الله يَسْكُنْ فِيكُمْ؟. 17 كَايَنْ شِي وَاحَدْ لِيَخْرَبْ بِيتْ الله ، رَاهْ الله غَادِي يْهَلْكَهْ ، لِأَنُو بِيتْ الله مْقَدَسْ اَلْلِي هُوَ نْتُمْ. 18 حَتَى وَاحَدْ مَا يَخْدَعْ رُوحَهْ وَلاَ كَايَنْ وَاحَدْ مَنْكُمْ حَاسَبْ عَنْدَهْ الْحِكْمَةْ تَاعْ اَلدَنْيَا ، رَاهْ خَاصَهْ يْوَلِي جَاهَلْ بَاشْ يْوَلِي حَكِيمْ. 19 لِأَنُو الْحِكْمَة تَاعْ اَلدَنْيَا جَهْلْ عْلَى حْسَابْ الله ، لِأَنُو مَكْتُوبْ "غَادِي يْحَصَلْ الْحُكَمَا بْالَخْدِيعَة تَاعْهُمْ". 20 ويْقُولْ تَانِي " اَلرَبْ يَعْرَفْ بَلِي أَفْكَارْ الْحُكَمَا بَاطْلَةْ". 21 عْلَى هَادَشِي حَتَى وَاحَدْ مَا خَاصَهْ يَفْتَخَرْ بَبْنَادَمْ ، كُلْشِي تَاعْكُمْ . 22 سِوَا بُولُسْ وَلاَ أَبُولُسْ وَلاَ صَفَا، وَلاَ الَدَنْيَا وَلاَ الَحْيَاةْ وَلاَ الْمُوتْ وَلاَ الْحَاضَرْ وَلاَ الْمُسْتَقْبَلْ رَاهْ كُلْشِي تَاعْكُمْ. 23 وَنْتُمَا تَاعْ الْمَسِيحْ، وَالْمَسِيحْ تَاعْ الله.
1 وهَكَا خَاصْ الَنَاسْ يْحَسْبُونَا خْدَامِينْ لَلْمَسِيحْ ومْكَلْفِينْ بَأسْرَارْ الله. 2 وخَاصْ الَمْكَلْفِينْ يْكُونُو أُمَنَاءْ. 3 أَمَا أَنَايَا مَا يْهَمْنِيشْ إِلاَ حْكَمْتُو عْلِيَ نْتُمْ، وَلاَ حْكَمْ تَاعْ اَلدَنْيَا، وَأنَايَا مَا نَحْكَمْشْ عْلَى رَاسِي. 4 مَا لُومْشْ رُوحِي حَتَى فْي حَاجَةْ،ومَا نْبَرَرْشْ رُوحِي ، بَصَحْ اَلرَبْ اَلْلِي يَحْكَمْ عْلِيَا. 5 مَا تْحَكْمُوشْ عْلَى حَاجَةْ قْبَلْ الْوَقْتْ، حَتَى يْجِي اَلرَبْ اَلْلِي غَادِي يْبَيَنْ الصْوَالَحْ الْمَدْسُوسِينْ فْي الضْلاَمَة ويْبَيَنْ نِيَةْ الَقْلُوبْ وكُلْ وَاحَدْ يَدِي حَقْ مَنْ عَنْدْ الله. 6 ويَا خُوتِي قُولَتْكُمْ هَاذْ اَلشِي، وأنَا وأَبُولُسْ كُنَا مِثَالْ لِيكُمْ، بَاشْ تَتْعَلْمُوا مَنَا ومَا تْفَكْرُوشْ حَاجَة فُوقْ اَلْلِي مَكْتُوبْ، وحَتَى وَاحَدْ مَا يَتْكَبَرْ عْلَى الاَخَرْ. 7 وَاشْ اَلْلِي يْمَيْزَكْ نْتَ عْلَى لَخْرِينْ؟ ووَاشْ اَلْلِي مَا تَعْطَاشْ لِيكْ مَنْ اَلشِي لِعَنْدَكْ؟ وِإذَا مَدُوهْلَكْ ، عْلاَهْ تَتْكَبَرْ كِمَا مَا تْمَدْ لِكْ وَالُوا؟. 8 وذُرْوَكْ رَاكُمْ شْبَعْتُوا ومَا تَسْتَحْقُوا وَالُو؟ووَلِيتُو مُلُوكْ بْلاَ بِينَا!ولُوكَانْ كُنْتُو بَالصَحْ مُلُوكْ بَاشْ نْشَارْكُو مْعَاكُمْ حْنَا فَالْمُلْكْ. 9 وحْنَا اَلرُسُلْ دَارْنَا الله فَ اللَخَرْ، كِي مَحْكُومْ عْلِينَا بَالْمُوتْ.ولِينَا فَرْجَة للَدَنْيَا والْمَلاَيْكَة واَلنَاسْ. 10 حْنَا جُهَالْ عْلَى جَالْ الْمَسِيحْ ونْتُمْ حُكَمَا فَالْمَسيح!، حْنَا ضْعَافْ أَمَا نْتُمْ قْوَيِينْ!، نْتُمْ عَنْدْكُمْ قِيمَةْ أَمَا حْنَا بْلاَ قِيمَةْ!. 11 وحَتَى ضُرْوَكْ حْنَا قَاعْدِينْ بَالْجُوعْ، والَعْطَشْ، والَعْرَا، والضَرْبْ، ومَا عَنْدْنَا سَكْنَى. 12 ونْخَدْمُو بْيَدِينَا، وكِيْسَبُونَا وحْنَا نْبَارْكُوهُمْ، ويَتْعَدَاوْ عْلِينَا وحْنَا نْصَبْرُو. 13 وكِي يْقُولُو فِينَا كْلاَمْ الْعِيبْ وحْنَا نْرَدُولْهُمْ بَالْطَافَة، ووَلِينَا كِزْبَلْ تَاعْ اَلدَنْيَا واَلْوَسْخ تَاعْ كُلْشِي. 14 مَا كْتَبْتَلْكُمْشْ بَاشْ نْحَشَمْكُمْ، بَصَحْ بَاهْ نْبَهْكُمْ كِيمَ اوْلاَدِي. 15 وِإذَا عَنْدْكُمْ لَكْثِيرْ لِيْعَلَمْكُمْ فَالْمَسِيحْ، بَصَحْ مَاعَنْدْكُمْشْ أُبَّايَاتْ بْزَافْ، عْلَخَاطَرّ أَنَا لِّيْ وْلَدْتُكُمْ فْى لْمَسِيح يَسُوع بْالإِنْجِيلْ. 16 ورَانِي نَطْلَبْ مَنْكُمْ بَاشْ تْكُونُو كِيمَا أَنَايَا. 17 وعْلَى هَادَشِي رْسَلْتَلُكُمْ تِيمُوثَاوَسْ وَلْدِي الْحَبِيبْ الْأَمِينْ فَي الرَبْ ، بَاشْ يْفَكَرْكُمْ بَالسِيرَة تَاعِي فَالْمَسِيحْ يَسُوعْ كِيمَا كُنْتْ نْعَلَمْ فِي كُلْ بْلاَصَةْ والْكَنِيسَة. 18 ورَاهْ شِي وَحْدِينْ مَنْكُمْ حَسْبُو مَا غَادِيشْ نْجِي لْعَنْدْكُمْ وتْنَفْخُو وتْكَبْرُو. 19 ولَكِنْ قْرِيبْ نْجِي عَنْدْكُمْ إِلاَ بْغَا رَبِي، مَاشِي بَاشْ نَعْرَفْ وَاشْ يْقُولْ ولَكِنْ وَاشْ يْقَدْرُو يْدِيرُوا. 20 عْلَى خَاطَرْ مَلَكُوتْ الله مَاشِي بَالْهَدْرَة ولَكِنْ بْقُوَةْ. 21 وَاشْ تْحَبْ؟ نْجِيكُمْ بْلَعْصَا، وَلاَ بَالْمَحَبَةْ وَرُوحْ اَلضْرَافَة؟.
1 رَاهْ نَسْمَعْ بَلِي كَايَنْ زْنَى بِينَاتْكُمْ، وهَادْ اَلزْنَى مَا يْقَدْرُوشْ يْدِيرُوهْ حَتَى مَاشِي مُوْمِنِينْ بَالله، رَاهْ كَايَنْ مْعَاكُمْ رَاجَلْ عَنْدَهْ عَلاَقَة مْعَ مْرَاة بَاهْ. 2 هَاكَ ومَازَالْ مَتْكَبْرِينْ!خَاصْكُمْ تْحَزْنُو حَتَى يَخْرَجْ هَادَاكْ اَلْلِي دَارْ هَادْ اَلشِي!. 3 وأنَا مَارَانِيشْ مْعَاكُمْ بَالذَاتْ ولَكِنْ رَانِي حَاضَرْ مْعَاكُمْ بَالرُوحْ، ورَانِي حْكَمْتْ عْلَى مُولْ لدَارْ هَادْ اَلشِي كِمَا رَانِي حَاضَرْ. 4 كِي تْجَتْمُعو فْاِسْمْ رَبِنَا يَسُوعْ، نْكُونْ مْعَاكُمْ بْرُوحِي وُبْقُوَةْ رَبْنَا يَسُوعْ. 5 خَصَاهْ هَاذَ الرَاجَلْ نْخَلُوهْ لِلشِيطَانْ،بَاشْ يَهْلَكْ الْجَسَدْ تَاعَهْ وتْسَلَكْ اَلرُوحْ تَاعَهْ نْهَارْ كِي يْوَلِي اَلرَبْ يَسُوعْ. 6 اَلزُوخْ تَاعْكُمْ مَاشِي مْلِيحْ! ومَا عْلَى بَالْكُومْشْ بَلِي رَاهْ شْوِيَة خْمِيرَة تَخْمَرْ قَاعْ الَعْجِينَةْ كُلْهَا. 7 قَلْعُوا مَنْكُمْ الَخْمِيرَةْ الَقْدِيمَةْ بَاشْ تْكُونُو عْجِينَة جْدِيدَة، كِمَا نْتُمْ خُبْزْ فْطِيرْ. والْفِصْحْ تَاعْنَا هُوَ الْمَسِيحْ اَلْلِي تْقَدَمْ ذْبِيحَةْ عْلَى جَالْنَا. 8 خَاصْنَا نْعَيْدُ مَاشِي بْالَخْمِيرَةْ الَقْدِيمَةْ ولاَ بَخْمِيرَةْ اَلشَرْ والْفَسَادْ، بَصَحْ بَالْخُبْزْ بَخْمِيرَة الَفْطِيرْ تَاعْ النْقَا والْحَقْ. 9 كْتَبْتْ لِكُمْ فَالرِسَالَةْ تَاعِي بَاشْ مَا تْعَاشْرُوشْ اَلنَاسْ اَلزُنَاةْ. 10 وانَا مَا نَقْصَدْشْ اَلنَاسْ الْفَاسْدِينْ تَاعْ اَلدَنْيَا، ولاَ اَلطَمَاعِينْ ولاَ الْخِيَانْ، ولاَ اَلْلِي يْعَبْدُو الْأَصْنَامْ، وإلاَ خَاصْكُمْ تَتْعَزْلُو مَنْ اَلنَاسْ اَلدَنْيَا. 11 وبَصَحْ كْتَبْتَلْكُمْ بَاشْ إلاَ كَايَنْ اَلْلِي يْقُولْ بَلِي هُوَ أَخْ ، وُهُوَ زَانِي، ولاَ طَمَاعْ، ولاَ يَعْبَدْ الْأَصْنَامْ ولاَ يَسْكَرْ، ولاَ خَايَنْ، رَاهْ مَا خَاصْكُمْشْ تَتْعَاشْرُومْعَاهْ ولاَ تَاكْلُو مْعَ هَاذْ اَلرَاجَلْ. 12 وَاشْ كَانْ بِينِي وبِينْ اَلنَاسْ غِيرْ اَلْمُوْمِنِينْ بَاشْ نْحَاسَبْهُمْ؟ خَاصْكُمْ تْحَاسْبُو اَلْمُوْمِنِينْ اَلْلِي فَالْكَنِيسَة؟. 13 اَلْلِي مَاشِي مُوْمِنِينْ الله غَادِي يْحَاسَبْهُمْ. خَرْجُو بْنَادَمْ الْمَشْرَارْ مَنْ بِينَاتْكُمْ.
1 عْلاَهْ وَاحَدْ مَنْكُمْ يْشَارَعْ عَنْدْ الْحُكَامْ اَلْلِي مَاشِي مُوْمِنِينْ، ومَا يْرُوحْشْ عَنْدْ الْمُوْمِنِينْ. 2 وَاشْ مَا تْعَرْفُوشْ بَلِي الْمُوْمِنِينْ غَادِي يْحَكْمُو عْلَى الدَنْيَا، وَاشْ مَا تْقَدْرُوشْ تْحَكْمُو عْلَى الصْوَالَحْ اَلصْغَارْ؟. 3 وَاشْ مَا تْعَرْفُوشْ بَلِي حْنَا اَلْلِي غَادِي نْحَكْمُو عْلَى الْمَلاَيْكَة؟ فَمَاعْلَبَالَكْ صْوَالَحْ تَاعْ هَادْ اَلدَنْيَا. 4 كِي يْكُونْ بِينَاتْكُمْ شَرْعْ فَالصْوَالَحْ تَاعْ هَادْ اَلدَنْيَا ، وَاشْ غَادِي تْمَدُوهَا لَلْقُضَاةْ اَلْلِي مَا عَنْدْهُمْشْ قِيمَةْ عَنْدْ اَلْكَنِيسَة؟. 5 نْقُولْكُمْ هَادْ اَلشِي بَاشْ نْحَشَمْكُمْ! مَاكَانْشْ وَاحَدْ فِيكُمْ حَكِيمْ اَلْلِي يَقْدَرْ يَحْكَمْ بِينْ خَوْتَهْ؟. 6 أُوبَصَحْ أَخْ يْحَاكَمْ خُوهْ عَنْدْ اَلْحُكَامْ اَلْلِي مَاشِي مُوْمِنِينْ؟. 7 اَلْعِيبْ تَاعْكُمْ كْبِيرْ، عَنْدْكُمْ شَرْعْ مْعَ بَعْضِيَاتْكُمْ، عْلاَشْ مَا تْصَبْرُوشْ لَضُلْمْ؟ عْلاَشْ مَا تْخَلُوشْ مَنْ حَقْكُمْ؟. 8 بَصَحْ نْتُمْ تْضَلْمُو وُتَدِيوْ حَقْ لَخْرِينْ، خُوتْكُمْ الْمُوْمِنِينْ! 9 وَاشْ مَا تْعَرْفُوشْ بَلِي اَلضَالِمِينْ مَا يْوَرْثُوشْ مَمْلَكَة الله؟ مَا تْغَلْطُوشْ رْوَاحْكُمْ، رَاهْ لاَ لِيَزْنُو، ولاَ اَلْلِي يْعَبْدُو الْأَصْنَامْ، ولاَ اَلْلِي يْفَسْدُو، ولاَ الرْجَالْ لِيْفَسْدُو مْعَ بَعْضِيَاتْهُمْ. 10 ولاَ اَلْخِيَانْ، ولاَ اَلطَامْعِينْ، ولاَ اَلسَكْرَانِينْ، ولاَ اَلْلِي يْسَبُو، ولاَ اَلْخَطَافَا، حَتَى وَاحَدْ مَنْهُمْ مَاغَادِي يَوْرَثْ مَمْلَكَةْ الله. 11 هَكَا كَانُو شِي وَحْدِينْ مَنْكُمْ. بَصَحْ رَاكُمْ تْغَسَلْتُو وَتْقَدَسْتُو ، ووَلِيتُو مَقْبُولِينْ عَنْدْ الله بْإِسْمْ اَلرَبْ يَسُوعْ الْمَسِيحْ وبَالرُوحْ إِلَهْنَا. 12 "كُلْشِي حْلاَلْ لِي"، بَصَحْ مَاشِي كُلْشِي يَنْفَعْ." كُلْشِي حْلاَلْ لِي"، بَصَحْ مَا تْوَلِيشْ حَاجَة تَتْسَلَطْ فِيَا. 13 اَلْمَاكْلَة لَلْكَرْشْ والْكَرْشْ لَلْمَاكْلَةْ، والرَبْ يَهْلَكْ هَاذِي وهَادِيكْ، بَصَحْ الْجَسَدْ مَاشِي لَزْنَا، رَاهْ لَرَبْ والرَبْ لَلْجَسَدْ. 14 والله اَلْلِي خَلَ يَسُوعْ يْقُومْ مَنْ الْمُوتْ غَادِي حْنَا تَانِي يْخَلِينَا نْقُومْ بَالْقُوَة تَاعَهْ. 15 وَاشْ مَا تْعَرْفُوشْ بَلِي الْجَسَدْ تَاعْكُمْ طَرَفْ مَنْ الْمَسِيحْ؟ وَاشْ نَقْدَرْ نَدِي طَرَفْ مَنْ جَسَدْ الْمَسِيحْ ونْرَدْهُمْ طَرَفْ مَنْ جَسَدْ تَاعْ وَاحْدَة زَانِيَة؟ حَاشَا!. 16 وَاشْ مَا تْعَرْفُوشْ بَلِي اَلْلِي يْعَاشَرْ وَحْدَة زَانِيَةْ يْوَلِي هُوَ وَيَاهَا جَسَدْ وَاحَدْ؟ لِاَنَ الله يْقُولْ "غَادِي يْوَلِيوْ فَي زُوجْ جَسَدْ وَاحَدْ". 17 أمَا لِيَلْصَقْ مْعَ الرَبْ غَادِي يْوَلِي هُوَ وَيَاهْ رُوحْ وَاحَدْ. 18 اَهَرْبُوا مَنْ اَلزْنَا. كُلْ ذَنْبْ يْدِيرَهْ بْنَادَمْ رَاهْ مَا يَتْحَسَبْشْ عْلَى الْجَسَدْ تَاعَهْ، بَصَحْ اَلْلِي يَزْنِي يَذْنَبْ فْي حَقْ جَسَدْ. 19 وَاشْ مَا تْعَرْفُوشْ بَالْلِي اَلْجَسَدْ تَاعْكُمْ هِيَ اَلسَكْنَى تَاعْ اَلرُوحْ اَلْقُدُوسْ اَلْلِي فِيكُمْ وَاَلْلِي مَدَهْ لِيكُمْ الله . وَنْتُمْ مَاشِي تَاعْ رْوَاحْكُمْ . 20 رَبِي شْرَاكُمْ بَسُومَة غَالِيَةْ أَعْطِيوْ اَلْعَزْ لله بَالْجَسَدْ تَاعْكُمْ وارْوَاحْكُمْ.
1 أمَا مَنْ صْوَالَحْ اَلْلِي كْتَبْتُو لِي عْلِيهَا. رَاهْ مْلِيحْ لَرَاجَلْ مَا يْمَسْ حَتَى شِي مْرَاة. 2 ولَكِنْ بَاشْ مَا يْكُونْشْ اَلزْنَا، خَاصْ كُلْ رَاجَلْ تْكُونْ عَنْدَهْ مْرَاتَهْ وكُلْ مْرَاة يْكُونْ عَنْدْهَا رَاجَلْهَا. 3 وخَاصْ لَرَاجَلْ يْمَدْ لَمْرَاة حَقْهَا فَالزْوَاجْ ، وخَاصْ لَلَمْرَاة تْمَدْ حَتَى هِيَ للَرَاجَلْ حَقَهْ فَالزْوَاجْ . 4 الَمْرَاة مَا عَنْدْهَاشْ اَلسُلْطَة عْلَى الْجَسَدْ تَاعْهَا لِأَنُو تَاعْ رَجَلْهَا. وَالرَاجَلْ حَتَى هُوَ مَا عَنْدُوشْ اَلسُلْطَة عْلَى الْجَسَدْ تَاعَهْ، هُوَ تَاعْ مَرْتَهْ. 5 وحَتَى وَاحَدْ مَا خَاصَهْ يَمْنَعْ لاَخَرْ مَنْ جَسَدْ تَاعَهْ مَنْ غِيرْ وِإلاَ كُنْتُو مَتَافْقِينْ عْلَى شِي وَقْتْ، بَاشْ يْكُونْ عَنْدْكُمْ وَقْتْ لَلصُومْ ولَلصْلاَةْ. ومَنْ بَعْدْ وَلِيوْ مْعَ بَعْضِيَاتْكُمْ بَاشْ مَا يْجَرَبْكُمْشْ اَلشِيطَانْ لِأَنَكُمْ مَا تْقَدْرُوشْ تَتْحَكْمُو فَي رْوَاحْكُمْ. 6 كِي نْقُولْكُمْ هَادَشِي مَاشِي بَاشْ نْسَيَفْ عْلِيكُمْ، ولَكِنْ بَاشْ نَنْصَحْكُمْ. 7 ورَانِي نَتْمَنَى يْكُونُوا ڤَاعْ اَلنَاسْ كِيمَا أَنَايَا. بَصَحْ كُلْ وَاحَدْ وَاشْ مَدَهْ الله مَنْ مَوْهِبَةْ، وَاحَدْ مَدَهْ حَاجَةْ ولاَخَرْ حَاجَةْ خْرَى. 8 بَصَحْ نْقُولْ لَلِي مَاشِي مْزَوْجِينْ وللْهَجَالاَتْ، رَاهْ خِيرْ لِيهُمْ يْقَعْدُو كِمَا أَنَايَا. 9 ولَكِنْ إِذَا مَا قَدْرُوشْ يَتْحَكْمُو فَي رْوَاحْهُمْ مْلِيحْ لِيهُمْ يَتْزَوْجُو، لِأَنُو اَلزْوَاجْ خِيرْ مَنْ لْحَرْقَة تَاعْ اَلشَهْوَةْ. 10 أمَا اَلْلِي مْزَوْجِينْ، رَانِي نْوَصِيهُمْ مَاشِي أَنَا بَصَحْ اَلرَبْ، بَاشْ مَا تْفَارَقْشْ الَمْرَاة مْعَ رَاجَلْهَا. 11 بَصَحْ إِلاَ تْفَارْقَتْ مْعَاهْ، خَاصْهَا تَقْعَدْ بْلاَ زْوَاجْ ولاَ تَتْصَالَحْ مْعَ رَاجَلْهَا، والرَاجَلْ مَا خَصَاهْشْ يَتْفَارَقْ عْلَى مَرْتَهْ. 12 واللَخْرِينْ، رَاهْ اَنَا اَلْلِي نْقُولْ لِيهُمْ مَاشِي اَلرَبْ :إِلاَ شِي خُو مُوْمِنْ عَنْدَهْ مْرَاة مَاشِي مُوْمِنَة وُبْغَاتْ تَقْعَدْ عَايْشَةْ مْعَاهْ، مَا خَاصَهْشْ يَتْفَارَقْ عْلِيهَا. 13 وِإلاَ شِي أُخْتْ عَنْدْهَا رَاجَلْهَا مَاشِي مُوْمِنْ وبْغَا يَقْعَدْ يْعِيشْ مْعَاهَا، مَا خَصَاهْشْ تَتْفَارَقْ عْلِيهْ. 14 الرَاجَلْ اَلْلِي مَاشِي مُوْمِنْ يَتْقَدَسْ بَمْرَاتَهْ، والَمْرَاة اَلْلِي مَاشِي مُوْمِنَة تَتْقَدَسْ بْرَاجَلْهَا، وِإلَا رَاهْ وْلاَدْكُمْ مَنْجُوسِينْ، ولَكِنْ دُرْوَكْ رَاهُمْ مْقَدْسِينْ عَنْدْ الله. 15 ولَكِنْ إلاَ هَادَاكْ اَلْلِي مَاشِي مُوْمِنْ هُوَ اَلْلِي طَلَقْ ، يَطْلَقْ ، الأَخْ وَلاَ الْأُخْتْ الْمُوْمِنَة مَاشِي لاَزَمْ عْلِيهُمْ يَبْقَاوْ فْهَادْ الزْوَاجْ . الله عَيَطْ لِيكُمْ بَاشْ تْعِيشُو فَإِلَهْنَا. 16 كِيفَاشْ تَعْرَفْ الَمْرَاة بَلِي رَاجَلَكْ يَسْلَكْ عْلَى يَدِيكْ؟ وِلاَ كِيفَاشْ يَعْرَفْ الَرَاجَلْ بَلِي مْرَاتَكْ تَسْلَكْ عْلَى يَدِيكْ؟. 17 خَاصْ كُلْ وَاحَدْ يْعِيشْ كِيمَا اَعْطَاهْ اَلرَبْ وكِمَا أَخْتَارَهْ الله، وهَكَا نَمَرْهُمْ فِي ٍڤَاعْ الْكَنَائِسْ. 18 اَلْلِي دْعَاهْ الله وهُوَ مْخَتَنْ مَا خَصَاهْشْ يْوَلِي كِيمَا مَاشِي مْخَتَنْ، والْلِي أَخْتَارْ الله مَاشِي مْخَتَنْ، مَا خَصُوشْ يَتْخَتَنْ. 19 مْخَتْنِينْ وِلاَ مَاشِي مْخَتْنِينْ مَاشِي مُهِمْ، اَلْلِي مُهِمْ نْدِيرْ وَاشْ يْوَصِينَا الله. 20 خَاصْ كُلْ وَاحَدْ يَقْعَدْ كِيمَا اخْتَارَهْ الله. 21 اَلْلِي اخْتَارَهْ الله كَانْ عَبْدْ مَايْهَمْشْ. ولَكِنْ إِذَ قْدَرْتْ تْوَلِي حُرْ مَا تْوَدَرْشْ اَلْفُرْصَة. 22 اَلْلِي اخْتَارَهْ اَلرَبْ وهُوَ عَبْدْ يْوَلِي حُرْ فَي الرَبْ، وهَكَا حَتَى اَلْلِي كَانْ حُرْ واخْتَارَهْ اَلرَبْ يْوَلِي عَبْدْ لَلْمَسِيحْ. 23 الله شْرَاكُمْ وخَلَصْ عْلِيكُمْ، مَا لاَزَمْشْ تْوَلُوا عَبِيدْ لَلنَاسْ. 24 خَاصْ كُلْ وَاحَدْ فِيكُمْ يَا خُوتِي يَقْعَدْ مَرْسِي قُدَامْ الله كِيمَا اخْتَارَهْ مَنْ قْبَلْ. 25 لْلِي يْخَصْ الْعَزِبَاتْ، مَا عَنْدِيشْ وْصِيَة خَاصَةْ بِيهُمْ مَنْ عَنْدْ اَلرَبْ، ولَكِنْ نَقْدَرْ نْمَدْ اَلرَايْ تَاعِي وتْقَدْرُو تْأَمْنُونِي عْلَى حْسَابْ اَلرَحْمَة لِعْطَانِي اَلرَبْ. 26 نْخَمَمْ بَلِي بَسْبَابْ اَلْوَقْتْ الصْعِيبْ اَلْلِي رَانَا فِيهْ، خِيرْ لَلْوَاحَدْ يَقْعُدْ كِيمَا هُوَ. 27 إِذَ كُنْتْ مْزَوَجْ بْلاَمَا تْقَلَبْ عْلَى الطْلاَقْ، وِإذَ كُنْتْ مَاشِي مْزَوَجْ بْلاَمَا تْقَلَبْ تَتْزَوَجْ. 28 ولَكِنْ إِذَ تْزَوَجْتْ مَاشِي مُذْنِبْ، والْعَازْبَة إذَا تْزَوْجَتْ مَارَاهِيشْ ذَانْبَة، ولَكِنْ يَلْقَاوْ مَشَاكِلْ فَي حْيَاتْهُمْ، وَانَا بْغِيتْ نْبَعَدْ هَادْ الْمَشَاكَلْ عْلِيهُمْ. 29 ونْقُولْ لِيكُمْ يَا الْخُوتْ مَا بْقَاشْ الْوَقْتْ، خَاصْ الَرْجَالْ اَلْلِي مْزَوْجِينْ يْكُونُوا كِيمَا مَاشِي مْزَوْجِينْ، 30 اَلْلِي يَبْكِيوْ كِيمَا اَلْلِي مَايَبْكِوْشْ، واَلْلِي يْفَرْحُو كِيمَا اَلْلِي مَايْفَرْحُوشْ، واَلْلِي يَشْرِيوْ كِيمَا لْلِي مَا يَمْلَكْ. 31 والْلِي يْخَدْمُو بَاشْ يَرَبْحُو هَادْ اَلدَنْيَا يْكُونْ كِيمَا اَلْلِي مَايْرَبْحُوشْ لِأَنُو هَادْ اَلدَنْيَا مَا تْدُومْشْ. 32 مَا بْغِيتْكُمْشْ تْرَفْدُو اَلْهَمْ، اَلْلِي مَاشِي مْزَوَجْ يَطْهَلَى فَي صْوَالَحْ تَاعْ اَلرَبْ وكِيفَاشْ يَرْضِي اَلرَبْ. 33 ولَكِنْ اَلْلِي مْزَوَجْ يَخَمَمْ فَي صْوَالَحْ تَاعْ اَلدَنْيَا وكِيفَاشْ يَرْضِي مْرَاتَهْ. 34 وهَاكَ حَتَى الَمْرَاة اَلْلِي مَاشِي مْزَوْجَةْ والْعَازْبَة تْخَمَمْ فَي صْوَالَحْ تَاعْ اَلرَبْ وكِيفَاشْ تْكُونْ مْقَدْسَةْ فَي الْجَسَدْ والرُوحْ، ولَكِنْ اَلْلِي مْزَوْجَة تْخَمَمْ فَي صْوَالَحْ تَاعْ اَلدَنْيَا وكِيفَاشْ تَرْضَي رَاجَلْهَا. 35 نْقُولْكُمْ هَادْ اَلشِي لِمَصْلَحَتْكُمْ، مَاشِي بَاشْ تْكُونْ بْلاَ فَايْدَةْ، ولَكِنْ بَاشْ تْخَدْمُو اَلرَبْ بْكُلْ حُرِيَةْ ومَنْ كُلْ قَلْبْكُمْ. 36 إذَا كَانْ وَاحَدْ يْشُوفْ بَلِي مَاهُوشْ قَادَرْ يَتْحَكَمْ فِي رُوحَهْ مْعَ خْطِيبْتَهْ، وُبَلِي لاَزَمْ يَتْزَوْجُو خَاصَهْ يْدِيرْ كِيمَا بْغَا ويَتْزَوْجُو، رَاهْ مَايَذْنَبْشْ. 37 ولَكِنْ اَلْلِي يْخَمَمْ فْي قَلْبَهْ ومَاشِي مَفْرُوضْ عْلِيهْ ويَقْدَرْ يَتْحَكَمْ فْي رُوحَهْ وقَرَرْ مَا يَتْزَوَجْشْ رَاهْ يْدِيرْ مْزِيَة. 38 اَلْلِي تْزَوَجْ مْلِيحْ، والْلِي مَا يَتْزَوَجْشْ خِيرْلَهْ بَزَافْ. 39 الَمْرَاة يَجْمَعْهَا اَلشَرْعْ بِرَاجَلْهَا مَادَامْ حَيْ، ولَكِنْ إذَا تْوَفَى تْوَلِي حُرَة بَاشْ تَتْزَوَجْ بَالْلِي بْغَاتْ مَنْ بِينْ الْمُوْمِنِينْ بَالرَبْ. 40 ولَكِنْ فْي رَايِ أَنَا، تَتْبَارَكْ كْثَرْ كِي تَقْعَدْ هَكَا، ونْضَنْ بَلِ حَتَى أَنَا عَنْدِي رُوحْ الله.
1 فِيمَا يَخُصْ اَلذَبَائِحْ اَلْلِي يْقَدْمُوهُمْ لَلْأَصْنَامْ، كُلْنَا نَعْرَفْ هَادْ اَلصْوَالَحْ، اَلْمَعْرِفَةْ تْخَلِي وَاحَدْ يَتْنَفَخْ وَ يَتْكَبَرْ، ولَكِنْ الْمَحَبَة رَاهَا تَبْنِي. 2 وِإلاَ كَانْ وَاحَدْ يْخَمَمْ بَلِي يَعْرَفْ كُلْ شِي، رَاهْ هُوَ مَا يَعْرَفْ وَالُو وُخَاصَهْ يْحَوَسْ يَعْرَفْ. 3 ولَكِنْ اَلْلِي يَبْغِي الله رَاهْ الله يَعَرْفَهْ. 4 وُفِيمَا يْخُصْ اَلْمَاكْلَةْ اَلْلِي يْمَدُوهَا لَلْأَصْنَامْ، حْنَا نْعَرْفُو بَلِي اَلصَنَمْ مَكَاشْ فِي هَادْ اَلدَنْيَا، ومَا كَاشْ إِلاَهْ مَنْ غِيرْ إِلاَهْ وَاحَدْ. 5 يْكُونُو فَي السْمَا وُفَالأَرْضْ بَزَافْ هَادْ الَحْوَايَجْ يَتْسَمَاوْ الاَلِهَاتْ، كِمَا كَايَنْ بَزَافْ الإِلاَهَاتْ يْكُونْ بَزَافْ اَلْأَرْبَابْ. 6 رَاهْ عَنْدْنَا إِلاَهْ وَاحَدْ هُوَ اَلْأَبْ، اَلْلِي مَنَهْ تَخْلَقْ كُلْشِي وُلِيهْ نَحْيَاوْ، وعَنْدْنَا رَبْ وَاحَدْ هُوَ يَسُوعْ اَلْمَسِيحْ، اَلْلِي بِيهْ تَخْلَقْ كُلْ شِي وبِهْ نَحْيَاوْ. 7 هَادْ الْحَقِيقَةْ مَاشِي قَاعْ اَلنَاسْ يْعَرْفُوهَا، شِي وَحْدِينْ مَازَالْ مْوَلْفِينْ الْأَصْنَامْ وُيَاكْلُو مَنْ اَلذَبَائِحْ لِيمَدُوهَا لَلْاَصْنَامْ، والضَمِيرْ تَاعْهُمْ ضْعِيفْ يَتْنَجَسْ. 8 و لَكِنْ مَاشِى الْمَاكْلَة هِيَ اَلْلِي تْقَرَبْنَا لله، إذَا كْلِينَا مَا غَادِيشْ نْزِيدُو وِإلَا مَا كْلِينَاشْ مَا غَادِيشْ نَنْقُصْ. 9 رَدُو الْبَالْ بَاشْ مَا تْكُونُوشْ هَادْ الْحُرِيَة تَاعْكُمْ عَثْرَة لَلنَاسْ اَلضُعَافْ. 10 إلاَ شَافَكْ شِي وَاحَدْ اَلْلِي فَاهَمْ فْهَادْ اَلصْوَالَحْ، فَدَارْ الْعِبَادَةْ تَاعْ اَلصَنَمْ، مَا يَتْشَجَعْشْ هُوَ اَلْلِي ضَمِيرْ ضْعِيفْ، ويَنْجَمْ يَاكُلْ مَنْ اَلذَبِيحَة لِيْمَدُوهَا لَلْاَصْنَامْ؟. 11 وغَادِي تْكُونْ الْمَعْرِفَة تَاعَكْ هِيَ سْبَابْ فْي هَلاَكْ هَادْ بْنَادَمْ اَلضَعِيفْ، اَلْلِي هُوَ خُوكْ والْمَسِيحْ مَاتْ عْلَى جَاُلو. 12 وهَكَا تَذْنَبْ فْي حَقْ خَاوَتْكُمْ اَلْمُوْمِنِينْ ، وتْجَرْحُو اَلضَمِيرْ تَاعْهُمْ اَلضْعِيفْ، رَاكُمْ تْذَنْبُوا فِي حَقْ الْمَسِيحْ. 13 وِإذَا كَانَتْ الْمَاكْلَة هِيَ اَلسَبَة اَلْلِي غَادِي تَطَيَحْ خُونَا فَي الذَنْبْ، غَادِي عُمْرِي مَا نَاكَلْ اَللَحْمْ بَاشْ مَا نْكُونْشْ سْبَابْ الْعَثْرَةْ لْخُويَا.
1 وَاشْ أَنَايَا مَاشِي رَسُولْ؟ وَاشْ أَنَايَا مَاشِي حُرْ؟ مَا شَفْتَشْ يَسُوعْ رَبْنَا؟ نْتُمَا اَلْغَلَةْ الْخَدْمَةْ تَاعِي فَالرَبْ؟. 2 إلاَ مَا كُنْتَشْ رَسُولْ لَلنَاسْ لَخْرِينْ رَانِي رَسُولْ لِيكُمْ نْتُمْ، بَصَحْ نْتُمَا اَلْلِي تْبَيْنُو بَلِي أَنَايَا رَسُولْ فَالرَبْ. 3 وهَادَا هُوَ لْبَيَانْ لِهَادُوكْ اَلْلِي مَايْحَسْبُونِيشْ. 4 وَاشْ مَا عَنْدْنَاشْ الحَقْ نَاكْلُو ونْشَرْبُو؟. 5 وَاشْ مَا عَنْدْنَاشْ اَلْحَقْ نَتْزَوْجُو أُخْتْ مُوْمِنَة بَاشْ تَمْشِي مْعَنَا فَالسْفَرْ، كِيمَا يْدِيرُو اَلرُسُلْ لَخْرِينْ وُخُوتْ رَبْنَا يَسُوعْ وصَفَا؟. 6 ولَا غِيرْ أَنَايَا وبَرْنَابَا اَلْلِي خَاصْنَا نْكَسْبُو رْزَقْنَا مَنْ خَدْمَة يَدِينَا؟ 7 كَاشْ وَاحَدْ دْخَلْ لْلعَسْكَرْ ويْخَلَصْ مَنْ جِيبَهْ؟ وكَاشْ وَاحَدْ غْرَسْ اَلدَالِيَةْ ومَا كْلاَشْ مَنْ غَلاَتْهَا؟ ولَا كَاشْ وَاحَدْ سْرَاحْ لَغْنَمْ ومَا شْرَبْشْ مَنْ حْلِيبْهَا؟. 8 وَاشْ تْخَمَمْ بَلِي أنَايَا نَتْكَلَمْ فَالصْوَالَحْ هَادِ مَنْ رَاسِي؟ وَاشْ اَلشَرْعْ مَا يْقُولْشْ؟ يْقُولْ كِيفْ كِيفْ فِي هَادْ اَلصْوَالَحْ؟ 9 مَكْتُوبْ فَشَرْعْ مُوسَى:" مَا تْدِيرْشْ الْكَمَامَةْ عْلَى فَمْ اَلْفَرْدْ وهُوَ يَدْرَسْ فَالْغَلَة". وَاشْ الله يْهَتَمْ بَالثِيرَانْ. 10 وَلاَ يْقُولْ هَادْ اَلشِي عْلَى جَالْنَا حْنَايَا؟ إِيهْ تَكْتَبْ عْلَى جَالْنَا. خَاصْ اَلْلِي يَحْرَثْ وَالْلِي يَدْرَسْ يْكُونْ عَنْدْهُمْ اَلرَجَا بَلِي كُلْ وَاحَدْ يَدِي حَقْ. 11 إلاَ كُنَا حْنَا زْرَعْنَا فِيكُمْ اَلصْوَالَحْ اَلرُوحِيَةْ، عْلاَهْ بَزَافْ عْلِينَا إلاَ حْصَدْنَا مَنْكُمْ اَلصْوَالَحْ اَلْمَادِيَةْ. 12 كَايَنْ وَحَدْ خْرِينْ عَنْدْهُمْ الْحَقْ فِيكُمْ، مَاشِي حْنَا اَلْلُوْلَى مَنْهُمْ؟ وحْنَا مَا طْلَبْنَاشْ هَادْ اَلْحَقْ، وصْبَرْنَا عْلَى كُلْشِي بَاشْ مَا نْكُونُوشْ عَثْرَةْ لِلإِنْجِيلْ الْمَسِيحْ. 13 مَا تْعَرْفُوشْ بَلِي هَادُوكْ اَلْلِي كَانُوا يْخَدْمُوا فْبِيتْ الله، وهَادُوكْ اَلْلِي كَانُو يْخَدْمُو فَالْمَذْبَحْ كَانُو يَدُو حَقْهُمْ مَنْ هَادَاكْ اَلشِي لِيْمَدُوهْ فَالْمَذْبَحْ. 14 هَاكَا خْبَرْ رَبِي بَاشْ حَتَى اَلْلِي يْخَبْرُو بَالْإِنْجِيلْ إِعِيشُو مَنْ اَلْإِنْجِيلْ. 15 وابَصَحْ أنَا عُمْرِي مَا سْتَافَدْتْ مَنْ هَادْ اَلصْوَالَحْ، ومَا كْتَبْتْ هَادْ اَلشِي بَاشْ نَطْلَبْ حَاجَة، خِيرْ لِي نْمُوتْ و لاَ يَحْرَمْنِي حَدْ مَنْ هَادْ اَلْإِفْتِخَارْ. 16 كِي نْخَبَرْ بَالْإِنْجِيلْ عْلاَهْ نَفْتَخَرْ، هَادَشِي وَاجَبْ عْلِيَ، ويَا وِيلِي لُوكَانْ مَا نْخَبَرْشْ بَالْإِنْجِيلْ!. 17 لُوكَانْ كُنْتْ نْدِيرْ هَادْ الْخِدْمَة بْخَاطْرِي نَسْتَاهَلْ خْلاَصْ عْلِيهَا، ولَكِنْ رَاهِي مَسْؤُولِيَة أَئْتَمَنِي عْلِيهَا رَبِي. 18 وَاشْ هِيَ الْخَلْصَة تَاعِي؟ هِيَ نْخَبَرْ بَالْإِنْجِيلْ بْلاَ خْلاَصْ، وبْلاَ مَا نَطْلَبْ الْحَقْ تَاعِي اَلْلِي مَدَهْ لِي الْإِنْجِيلْ فْخَدْمَتِي. 19 وأنَا حُرْ مَانِيشْ عَبْدْ لْحَدْ، ولَكِنْ وَلِيتْ عَبْدْ لْكُلْ وَاحَدْ بَاشْ نَرْبَحْ بَزَافْ اَلنَاسْ. 20 ووَلِيتْ عَنْدْ الْيَهُودْ كِيمَا يَهُودِي بَاشْ نَرْبَحْهُمْ، ووَلِيتْ عَنْدْ اَلنَاسْ اَلْلِي تَحْتْ اَلشَرْعْ كِيمَا انَا تَحْتْ اَلشَرْعْ بَاشْ نَرْبَحْهُمْ. 21 وعَنْدْ اَلْلِي مَا عَنْدْهُمْ شَرْعْ كِيمَا مَا عَنْدِيشْ اَلشَرْعْ بَاشْ نَرْبَحْهُمْ، والشَرْعْ تَاعِي مَنْ عَنْدْ الله وَانَا تَحْتْ شَرْعْ الْمَسِيحْ. 22 ووَلِيتْ عَنْدْ اَلضْعَافْ فَالْإِيمَانْ كِيمَا هُمَا بَاشْ نَرْبَحْهُمْ، ووَلِيتْ لْڤاعْ اَلنَاسْ كُلْ حَاجَة بَاشْ نَسْلَكْ وَحْدِينْ مَنْهُمْ كِمَا كَانْ الْحَالْ. 23 وهَادْ اَلشِي نْدِيرَهْ عْلَى جَالْ الْإِنْجِيلْ بَاشْ نْشَارَكْ فَالْبَرَكَاتْ تَاعَهْ. 24 مَا تْعَرْفُوشْ بَلِي اَلْلِي يَتْسَابْقُو فَالْجَرْيْ ڤَاعْ يَجْرُوا، وبَصَحْ وَاحَدْ مَنْهُمْ غَادِي يَرْبَحْ الْجَائِزَة؟ جْرُوا نْتُمَا ثَانِي بَاشْ تْرَبْحُو!. 25 ورَاهْ ڤَاعْ اَلْلِي يَتْسَابْقُو، يَدَرْبُو مْلِيحْ بَاشْ يْجِيبُوا الْمِيدَالِيَاتْ اَلْلِي يَفْنَاوْ ولَكِنْ تَعْنَا مَاتَفْنَاشْ. 26 وهَكَا، رَانِي مَانَجْرِيشْ بْلاَمَا نَعْرَفْ الْمَقْصُودْ، ومَا نَضْرَبْشْ كِمَا هَادَاكْ اَلْلِي يَضْرَبْ فَالَهْوَا، 27 ورَانِي نَقْهَرْ الْجَسَدْ تَاعِي ونَغْلَبْهَا بَاشْ مَانَخْسَرْشْ رُوحِي بَعْدْ مَا خْبَرْتْ اَلنَاسْ لَخْرِينْ بَالْإِنْجِيلْ.
1 يَاخُوتِي بْغِيتْكُمْ تْعَرْفُوا بَلِي جْدُودْنَا ڤَاعْ كَانُو تَحْتْ اَلسْحَابَة، وڤَاعْ قَطْعُو الَبْحَرْ. 2 وڤَاعْ تْغَطْسُو فَالسْحَابَة وفْالَبْحَرْ لِتَبْعُو مُوسَى. 3 وڤَاعْ كْلاَوْ مَاكْلَة رُوحِيَة وَحْدَة، 4 وڤَاعْ شَرْبُو شْرَابْ رُوحِي وَاحَدْ، كَانُو يْشَرْبُو مَنْ وَاحَدْ أَصَخْرَة أرُوحِيَة كَانَتْ مْعَاهُمْ، وهَادْ اَلصَخْرَة كَانَتْ الْمَسِيحْ. 5 هَكَاكْ، الله مَكَانَشْ فَرْحَانْ بَزَافْ مَنْهُمْ، وتْقَتْلُو فَي الصَحْرَا. 6 وهَادْ اَلصْوَالَحْ صْرَاتْ مِثَالْ لِينَا، بَاشْ حَتَى حْنَا مَا نَتْشَهَاوْشْ الَشَرْ كِمَا تْشَهَاوَهْ هُمَا، 7 مَا تْعَبْدُوشْ الْأَصْنَامْ كِمَا دَارُو وَحْدِينْ مَنْهُمْ، كِيمَا مَكْتُوبْ فَكْتَابْ الله: "جْلَسْ اَلشَعْبْ بَاشْ يَاكُلْ ويَشْرَبْ، ومَنْ بَعْدْ نَاضُو يْلَعْبُو". 8 ومَا نْفَسْدُوشْ كِمَا فَسْدُو وَحْدِينْ مَنْهُمْ، وفَنْهَارْ وَاحَدْ مَاتُو ثْلاَثَ وعَشْرِينْ أَلْفْ وَاحَدْ، 9 ومَانْجَرْبُوشْ الْمَسِيحْ كِمَا جَرْبُوهْ وَحْدِينْ مَنْهُمْ ، وهَلْكُوهُمْ الْأَفَاعِي. 10 ومَانْدَمَدْمُوشْ كِماَ دَمَدْمُو وَحْدِينْ مَنْهُمْ، وهْلَكْهُمْ مَلاَك ْالْمُوتْ. 11 وهَادْ اَلصْوَالَحْ ڤَاعْ صْرَاتْ لِيهُمْ بَاشْ تْكُونْ مِثَالْ، وتْكَتْبَاتْ لِينَا حْنَا اَلْلِي نْعِيشُو فْهَادْ اَلزْمَانْ بَاشْ تْنَبَهْنَا. 12 اَلْلِي يَحْسَبْ رُوحَهْ وَاقَفْ، يْرَدْ بَالَهْ يْطِيحْ. 13 وُفِينْ مَا تْجَرَبْتُو، خَاصْكُمْ تْعَرْفُو بَلِي بْنَادَمْ يْفُوتْ فْهَادْ اَلتَجَارِبْ، وبَصَحْ الله أَمِينْ، ومَاغَادِيشْ يْخَلِيكُمْ تَتْجَرْبُو كْثَرْ مَنْ جَهْدْكُمْ وغَادِي يْدِيرْ لِيكُمْ مْعَ التَجْرِبَة حَلْ بَاشْ تْقَدْرُو تْصَبْرُو. 14 عْلَى هَادْ اَلشِي يَا حْبَابِي، بَعْدُو عْلَى عِبَادَة الْأَصْنَامْ. 15 رَانِي نَتْكَلَمْ كِيمَا نَتْكَلَمْ لَلْحُكَمَاء، ونْتُمْ حَكْمُو فْهَادَشِي اَلْلِي نْقُولْ. 16 كَاسْ الْبَرَكَة اَلْلِي نْبَارْكُوهَا، مَاشِي هُوَ اَلشَرِكَة فْي دَمْ الْمَسِيحْ؟ الْخُبْزْ اَلْلِي نْقَطْعُوهْ، مَاشِي هُوَ اَلشَرِكَة فْي جَسَدْ الْمَسِيحْ. 17 حْنَا بَزَافْ ولَكِنْ خُبْزَة وَحْدَة، حْنَا كُلْنَا جَسَدْ وَاحَدْ، كُلْنَا نْشَارْكُو فْخُبْزَة وَحْدَة. 18 شُوفُو شَعْبْ إِسْرَائِيلْ، مَاشِي اَلْلِي يَاكْلُو اَلذَبَائِحْ، هُمْ اَلْلِي يْشَارْكُو فْخِدْمَة الله فَالْمَذْبَحْ؟. 19 وَاشْ نْقُولْ؟ اَلذَبِيحَة تَاعْ اَلصَنَمْ عَنْدْهَا قِيمَةْ ولاَ اَلصَنَمْ هُوَ اَلْلِي عَنْدَهْ قِيمَة؟ 20 لاَ! بَصَحْ اَلْلِي يْذَبْحُوهْ اَلنَاسْ لِمَيْعَبْدُوشْ الله، هُوَ مَذْبُوحْ لَلشَيَاطِينْ مَاشِي لله. ومَا بْغِيتْكُمْشْ نْتُمْ تْشَارْكُو مْعَ الشَيَاطِينْ. 21 مَاتْقَدْرُوشْ تْشَرْبُو مَنْ كَاسْ اَلرَبْ وكَاسْ اَلشَيَاطِينْ. ومَا تْقَدْرُوشْ تْشَارْكُو فْمَايْدَةْ اَلرَبْ ومَايْدَةْ اَلشَيَاطِينْ. 22 وَاشْ بْغِينَا نَتْسَبْبُو فَالْغِيرَة تَاعْ اَلرَبْ؟ وَاشْ حْنَا قَاوْيِينْ مَنُو؟. 23 كُلْشِي حْلاَلْ ولَكِنْ مَاشِي كُلْشِي يَنْفَعْ. "كُلْشِي حْلاَلْ ولَكِنْ مَاشِي كُلْشِي يَبْنِي". 24 وحَتَى وَاحَدْ مَا خَاصَهْ يَطْلَبْ الْخِيرْ غِيرْ لْرُوحَهْ، ولَكِنْ خَاصَهْ يَطْلَبْ الْخِيرْ لْغِيرَهْ. 25 كُلْ مَايَتْبَاعْ فَسُوقْ اللْحَمْ كُولُوهْ بْلاَمَا تْسَقْسِيوْ بَاشْ تْرَيْحُو الْبَالْ تَاعْكُمْ. 26 لِأَنُو "اَلاَرْضْ وڤَاعْ لِي فِيهَا هُوَ لَرَبْ". 27 وِإلاَ عْرَضْ عْلِيكُمْ وَاحَدْ مَاشِي مُوْمِنْ وقْبَلْتُو بَاشْ تَمْشِيوْ عَنْدَهْ، كُولُو مَنْ كُلْشِي لِيْمَدَلْكُمْ بْلاَمَا تْسَوْلُو بَاشْ تْرَيْحُو بَالْكُمْ. 28 وبَصَحْ لِي يْقُولَكْ "هَادْ اَلذَبِيحَة رَاهَا تَاعْ الْأَصْنَامْ"، مَا تَكْلُوشْ مَنْهَا، عْلَجَالْ كْلاَمَهْ وتْرَيَحْ بَالَكْ."لْأَنُو كُلْشِي فَالاَرْضْ لْرَبِي". 29 مَا نَقْصَدْشْ بَالَكْ نْتَ، بَصَحْ بَالْ لْلاَخَرْ. عْلاَشْ اَلْبَالْ تَاعْ وَاحَدْ أَخَرْ يَحْكَمْ عْلَى اَلْحُرِيَة تَاعِي؟. 30 كِي تَاكُلْ شْكُرْ الله عْلَى كُلْشِي، عْلاَشْ يْلُومْنِي وَاحَدْ أَخَرْ عْلَى حَاجَة شْكَرْتْ الله عْلِيهَا؟. 31 كِي تَاكْلُو ولاَ تْشَرْبُو ولاَ تْدِيرُو أَيِ حَاجَة، دِيرُو كُلْشِي بَاشْ تْمَدُو اَلْعَزْ لله. 32 مَا تْكُونُوشْ سْبَابْ فَالذُنُوبْ، لاَ لْيَهُودْ ولاَ لْيُونَانِيِينْ ولاَ كَنِيسَة الله. 33 دِيرُو كِيمَا أنَا نْسَيِي نَرْضَي ڤَاعْ اَلنَاسْ فْكُلْشِي، ومَا نْقَلَبْشْ عْلَى مَصْلَحْتِي ولَكِنْ عْلَى مَصْلَحَة بْزَافْ اَلنَاسْ بَاشْ يْسَلْكُو.
1 دِيرُو كِمَا أَنَا، حَتَى أَنَا نْدِيرْ كِمَا الْمَسِيحْ. 2 رَانِي نَشْكُرْكُمْ يَا الْخُوتْ كِي تْفَكْرُونِي فِكُلْ وَقْتْ، وتَسْتَحَفْضُو عْلَى الْعَادَاتْ كِيمَا وْصَلَتْهَا لِيكُمْ. 3 بْغِيتْكُمْ تْعَرْفُو بَلِي اَلرَاسْ عْلَى الرَاجَلْ هُوَ الْمَسِيحْ، والرَاسْ عْلَى الَمْرَاة هُوَ الرَاجَلْ، والرَاسْ عْلَى الْمَسِيحْ هُوَ الله. 4 كُلْ رَاجَلْ كِيْصَلِي ولاَ كِيَتْنَبَأْ ورَاسَهْ مْغَطِي، يْجِيبْ الْعَارْ لْرَاسَهْ. 5 وكُلْ مَرَا تْصَلِي ولاَ تَتْنَبَأْ ورَاسْهَا عَرْيَانْ، تْجِيبْ الْعَارْ لْنَفْسْهَا، رَاهَا كِيمَا مْحَسْنَة رَاسْهَا. 6 إِلاَ كَانَتْ الَمْرَاة مَا تْغَطِيشْ رَاسْهَا، رَاهْ وَاجَبْ عْلِيهَا تَقْطَعْ شَعَرْهَا، ورَاهْ حْشُومَة تَقْطَعْ الَمْرَاة شَعَرْهَا ولاَ تْحَسْنَهْ، وَاجَبْ عْلِيهَا تْغَطِيهْ. 7 والرَاجَلْ مَا خَاصُوشْ يْغَطِي رَاسَهْ، عْلَى خَاطَرْ هُوَ صُورَة الله والْعَزْ تَاعُو، ولَكِنْ الَمْرَأة هِيَ الْعَزْ تَاعْ اَلرَاجَلْ. 8 عْلَى خَاطَرْ مَاشِي اَلرَاجَلْ هُوَ اَلْلِي جَا مَنْ الَمْرَأة، ولَكِنْ الَمْرَأة هِيَ اَلْلِي جَاتْ مَنْ اَلرَاجَلْ. 9 ومَاشِي اَلرَاجَلْ لِتَخْلَقْ عْلَى جَالْ الَمْرَأة، ولَكِنْ الَمْرَأة هِيَ اَلْلِي تْخَلْقَتْ عْلَى جَالْ اَلرَاجَلْ. 10 ولْهَادَشِي خَاصْ الَمْرَا تْكُونْ عَنْدْهَا اَلسُلْطَةْ عْلَى رَاسْهَا عْلَى جَالْ الْمَلاَيْكَة. 11 وهَكَا فَالرَبْ، اَلرَاجَلْ مَايَقْدَرْشْ يَقْعَدْ بْلاَ مْرَاة، والَمْرَاة مَاتَقْدَرْشْ تَقْعَدْ بْلاَ رَاجَلْ. 12 كِمَا جَاتْ الَمْرَاة مَنْ اَلرَاجَلْ ، هَكَا اَلرَاجَلْ تَوْلَدْ مَنْ الَمْرَأة، ولَكِنْ ڤَاعْ اَلصْوَالَحْ مَنْ الله. 13 نْتُمْ حَكْمُو بَرْوَاحْكُمْ وَاشْ يْلِيقْ لَلَمْرَاة تْصَلِي لله ورَاسْهَا عَرْيَانْ؟. 14 رَاهْ اَلطَبِيعَة تْعَلَمْكُمْ بَلِي عِيبْ عْلَى اَلرَاجَلْ يْخَلِي شَعْرَهْ طْوِيلْ، 15 إِلاَ الَمْرَأة سَرْحَتْ شَعَرْهَا رَاهْ هُوَ الْعَزْ تَاعْهَا! اَلشَعْرْ تَاعْهَا فَبْلاَصَة الَغْطَا. 16 وِإلاَ كَايَنْ وَاحَدْ بَاغِي يَعْرَضْ، رَاهْ هَادَشِي مَاشِي مَنْ عَادَتْنَا وَلاَ مَنْ عَادَةْ كَنَايَسْ الله. 17 وَأنَا نْوَصِيكُمْ بْهَادَشِي رَانِي مَاشِي نَشْكُرْكُمْ، عْلاَشْ اَلْإِجْتِمَاعَاتْ تَاعْكُمْ يْضَرُو كْثَرْ مَا يْنَفْعُو. 18 سْمَعْتْ بَلِي مَارَاكُومْشْ مَتَافْقِينْ كِي تَجْتَمْعُو فَالْكَنِيسَة، ورَانِي مَتْأَكَدْ شْوَيَ مَنْ هَادْ الْحَاجَة. 19 لاَبُدْ مَا يْكُونُو بِينَاتْكُمْ جْمَاعَاتْ، بَاشْ حَتَى هَادُوكْ اَلْلِي رَاسْخِينْ بِينَاتْكُمْ يْبَانُو. 20 ومَلِي تَجْتَمْعُو مْعَ بَعْضِيَاتْكُمْ، مَا تَجْتَمْعُوشْ بَاشْ تَاكْلُو الَعْشَا تَاعْ اَلرَبْ. 21 كِيَاكُلْ وَاحَدْ ويَزْرَبْ ويَاخْذَهْ عْشَاهْ، ولاَخْرِينْ يْقَعْدُو بَالْجُوعْ، ووَاحَدْ خْرِينْ كِي يْشَرْبُو حَتَى يْسَكْرُو. 22 وَاشْ مَا عَنْدْكُومْشْ دْيَارْ وِينْ تَاكْلُو وتْشَرْبُو؟ وَلاَ رَاكُمْ تْحَقْرُوا كَنِيسَةْ الله وتْحَشْمُو اَلنَاسْ اَلْلِي مَا عَنْدْهُمْشْ؟ وَاشْ نْقُولْكُمْ؟ غَادِي نَشْكُرْكُمْ عْلَى هَادْ اَلشِي؟ لاَ! فْهَادِي مَاغَادِيشْ نَشْكُرْكُمْ!. 23 هَادَكْ اَلشِي اَلْلِي جَبْتَهْ مَنْ اَلرَبْ مَدِيتَهْ لِيكُمْ تَانِي، بَالْلِي اَلرَبْ يَسُوعْ فَالْلِيلَة اَلْلِي سَلْكُوهْ فِيهَا، خْدَا الْخُبْزْ. 24 وشْكَرْ الله وقَطْعَهْ وقَالْ "هَادَا هُوَ الْجَسَدْ تَاعِي، اَلْلِي غَادِي يَنْكَسِرْ عْلَى جَالْكُمْ. دِيرُو هَادْ اَلشِي بَاشْ تْفَكْرُونِي". 25 وبَعْدْ مَا تْعَشَاوْ رْفَدْ اَلْكَاسْ وقَالْ "هَادْ اَلْكَاسْ رَاهْ هُوَ الْعَهْدْ الْجَدِيدْ بَالدَمْ تَاعِي، كُلْ مَا تْشَرْبُو مَنْهَا تَتْفَكْرُونِي". 26 كُلْ مَا تَكْلُو هَادْ الْخُبْزْ، وتْشَرْبُو هَادْ الْكَاسْ، رَاكُمْ تْخَبْرُو بْمُوتْ اَلرَبْ حَتَى يْعَاوَدْ يْجِي. 27 وعْلَى هَادَشِي كُلْ لِيَاكُلْ مَنْ هَادْ الْخُبْزْ، وَلاَ شْرَبْ هَادْ الْكَاسْ تَاعْ اَلرَبْ بْلاَمَا يَسْتَاهَلْ، رَاهْ يَذْنَبْ فْحَقْ جَسَدْ تَاعْ اَلرَبْ والدَمْ تَاعُوا. 28 ولَكِنْ خَاصْ كُلْ وَاحَدْ يْمَيَزْ فِي رُوحَهْ، عَادْ يَاكُلْ مَنْ الْخُبْزْ و يَشْرَبْ مَنْ الْكَاسْ، 29 اَلْلِي يَاكُلْ ولِي يَشْرَبْ بْلاَمَا يَفْهَمْ جَسَدْ تَاعْ اَلرَبْ، رَاهْ كِيمَا يَاكُلْ ويَشْرَبْ اَلْحُكْمْ عْلَى رُوحَهْ. 30 وعْلَى هَادَشِي كَايَنْ فِيكُمْ بَزَافْ اَلْلِي ضْعَافْ ومْرَاضْ وبَزَافْ اَلْلِي مَاتُو. 31 ولُوكَانْ حْكَمْنَا عْلَى رَاسْنَا مَا يَتَحْكَمْشْ عْلِينَا 32 بَصَحْ اَلرَبْ حْكَمْ عْلِينَا بَاشْ يَأَدَبْنَا ومَا نَتْعَاقْبُوشْ مْعَ النَاسْ تَاعْ اَلدَنْيَا. 33 عْلَى هَادْ اَلشِي يَا خَاوْتِي، كِي تَجْتَمْعُوا عْلَى الَعْشَا تَاعْ اَلرَبْ تْقَارْعُوا بَعْضِيَاتْكُمْ. 34 وإلاَ كَانْ وَاحَدْ جِيعَانْ، خَاصَهْ يَاكُلْ فْدَارَهْ بَاشْ مَا يَتَحْكَمْشْ عْلِيكُمْ ونْتُمْ مَجْتَمْعِينْ، وصْوَالَحْ لُخْرَى غَادِي نْقُولْكُمْ وَاشْ تْدِيرُو فِيهَا كِي نْجِي.
1 فِيمَا يَخُصْ الْمَوَاهِبْ اَلرُوحِيَة، رَانِي مَا بْغِيتْشْ يَا الْخُوتْ تْكُونُو مَا تْعَارْفُوهُمْشْ. 2 ورَاكُمْ تْعَرْفُو كِيفَاشْ كُنْتُو مَنْ اَلشُعُوبْ اَلْلِي مَا يْعَبْدُوشْ الله، كُنْتُو تْعَبْدُو الْأَصْنَامْ ومَجْرُورِينْ مُورَاهُمْ. 3 بْغِيتْكُمْ تْعَرْفُو بَلِي مَاكَاشْ وَاحَدْ وهُوَ يَتْكَلَمْ بَالرُوحْ اَلْقُدُسْ يْقُولْ : يَسُوعْ مَلْعُونْ، ومَكَاشْ وَاحَدْ يَقْدَرْ يْقُولْ: يَسُوعْ هُوَ رَبْ، مَنْ غِيرْ أَرُوحْ الْقُدُسْ. 4 رَاهْ كَايَنْ بَزَافْ مَنْ الْمَوَاهِبْ اَلرُوحِيَةْ، بَصَحْ إِيجُوا مَنْ رُوحْ وَاحَدْ. 5 وكَايَنْ بَزَافْ مَنْ الْمَسْؤُلِيَاتْ، ولَكِنْ اَلرَبْ وَاحَدْ. 6 وكَايْنِينْ بَزَافْ مَنْ الْخَدَمَاتْ، وبَصَحْ الله وَاحَدْ، هُوَ اَلْلِي يْعَاوَنْ اَلنَاسْ بَاشْ كُلْ وَاحَدْ يْدِيرْ خَدَمْتَهْ. 7 وبَصَحْ كُلْ وَاحَدْ يْمَدْلَهْ اَلرُوحْ الْقُدُوسْ بَاشْ يْبَيَنْ الْمَوْهِبَة اَلْلِي تَنْفَعْ. 8 وهَكَا وَاحَدْ مَدْلَهْ بَالرُوحْ كْلاَمْ الْحِكْمَة، ووَاحَدْ لَخَرْ كْلاَمْ الْمَعْرِفَة، وڤَاعْ مَنْ رُوحْ وَاحَدْ. 9 وبْنَفْسْ اَلرُوحْ مَدْ لْوَاحَدْ الْإِيمَانْ، ولْوَاحَدْ اَخَرْ مَوْهِبَة تَاعْ اَلشِفَاءْ بْنَفْسْ اَلرُوحْ. 10 ولْوَاحَدْ أَخَرْ مَدْلَهْ الْقُوَة بَاشْ يْدِيرْ الْمُعْجِزَاتْ، ولاَخَرْ اَلنُبُوَة، ولاَخَرْ يْمَيَزْ الْأَرْوَاحْ، ولاَخَرْ يَتْكَلَمْ بْلُغَاتْ مَخْتَلْفَة، ولاَخَرْ الَتَرْجَمَة لْهَادِيكْ اَللُغَاتْ. 11 وهَادْ اَلصْوَالَحْ ڤَاعْ يْدِيرْهُمْ رُوحْ وَاحَدْ، ويْمَدْهَا لِكُلْ وَاحَدْ كِيمَا بْغَا هُوَ. 12 وكِمَا الْجَسَدْ وَاحَدْ وُفِيهْ بَزَافْ تَاعْ الْأَطْرَافْ، وهَادْ الْأَطْرَافْ بَزَافْ وبَصَحْ مَتَحْدِينْ، رَاهْ هَكَا حَتَى الْمَسِيحْ. 13 ڤَاعْ تَغْطَسْنَا بَرُوحْ وَاحَدْ بَاشْ نْوَلُوا جَسَدْ وَاحَدْ، سِوَا يَهُودْ وَلاَ يُونَانِيِينْ، عَبِيدْ وَلاَ أَحْرَارْ، كُلْنَا تْسَقِينَا بْرُوحْ وَاحْدَ. 14 وَالْجَسَدْ رَاهْ مَاشِي طَرَفْ وَاحَدْ، ولَكِنْ عَنْدْهْ بَزَافْ تَاعْ مْفَاصَلْ . 15 إلاَ قَالْ الْكَرْعْ "أَنَا مَاشِي يَدْ، أَنَا مَاشِي مَنْ الْجَسَدْ"، وَاشْ هَادَا يَعْنِي بَلِي هِيَ مَاشِي مَنْ الْجَسَدْ؟. 16 ولاَ قَالَتْ الَوْذَنْ: " أَنَا مَاشِي عِينْ، أَنَا مَاشِي مَنْ الْجَسَدْ"، وَاشْ هَادْ يَعْنِي بَلِي هِيَ مَاشِي مَنْ الْجَسَدْ؟. 17 إِلاَ كَانْ الْجَسَدْ ڤَاعْ عِينْ، وِينْ هُوَ اَلسَمْعْ؟ وِإلاَ ڤَاعْ اَلسَمْعْ، وِينْ هُوَ اَلشَمْ؟. 18 ولَكِنْ الله دَارْ كُلْ الَمْفَاصَلْ فَالْجَسَدْ كِمَا بْغَا هُوَ. 19 ولُو كَانْ كَانُو قَالْ مَنْ مْفَاصَلْ وَاحَدْ، وِينْ هُوَ الْجَسَدْ؟. 20 مْفَاصَلْ بَزَافْ، ولَكِنْ جَسَدْ وَاحَدْ. 21 وعْلَى هَادَشِي مَا تَقْدَرْشْ تْقُولْ الْعِينْ لَلْيَدْ:" أَنَا مَا نَحْتَاجَكْشْ!". وَلاَ الرَاسْ يْقُولْ لَرَجْلِينْ:" أَنَا مَانَحْتَاجْكُمْشْ!". 22 وبَزْيَادَة عْلَى هَادْ الشِي الَمْفَاصَلْ تَاعْ الْجَسَدْ اَلْلِي يْبَانُو ضْعَافْ، رَاهُمْ مْهَمِينْ. 23 ولَمْفَاصَلْ تَاعْ الْجَسَدْ اَلْلِي نْحَسْبُوهُمْ مَاعَنْدْهُمْشْ قِيمَة، نْمَدُولْهُمْ قِيمَة كْثَرْ، ولَمْفَاصَلْ اَلْلِي مَايْبَانُوشْ نَتْهَلاَوْ فِيهُمْ بَزَافْ. 24 أمَا الَمْفَاصَلْ اَلْلِي بَايْنِينْ مَرَاهُمْشْ مَحْتَاجِينْ لْهَادْ اَلشِي، ولَكِنْ الله دَارْهُمْ فَي الْجَسَدْ ويَهْتَمْ حَتَى بَالَمْفَاصَلْ اَلْلِي مَاعَنْدْهُمْشْ قِيمَة. 25 بَاشْ مَا يْكُونْشْ اَلتَفْرِيقْ فَالْجَسَدْ، ولَكِنْ يْكُونْ اهْتِمَامْ كِيفْ كِيفْ فْالَمْفَاصَلْ لْبَعْضِيَاتْهُمْ. 26 وَلاَ كَانْ طَرَفْ وَاحَدْ يَتْعَذَبْ، رَاهْ ڤَاعْ لَمْفَاصَلْ لَخْرِينْ يَتْعَذْبُو مْعَاهْ، وَلاَ طَرَفْ وَاحَدْ مَدُولَهْ قِيمَة، رَاهْ ڤَاعْ لَمْفَاصَلْ لَخْرِينْ يْفَرْحُو مْعَاهْ. 27 ونْتُمْ رَاكُمْ جَسَدْ الْمَسِيحْ، وكُلْ وَاحَدْ مَنْكُمْ طَرَفْ فِيهَا. 28 والله حَطْ كُلْ وَاحَدْ فَبْلاَصْتَهْ فَالْكَنِيسَة، اَلرُسُلْ اَللَوْلِينْ، وَالْأَنْبِيَاءْ اَلثَانْيِينْ، وُالَمْعَلْمِينْ هُمْ اَلثَالْثِينْ، ومَنْ بَعْدْ اَلْلِي يْدِيرُو الْمُعْجِزَاتْ، ومَنْ بَعْدْ اَلْلِي عَنْدْهُمْ مَوَاِهْب شِفَاءْ، وَاَلْلِي يْعَاوْنُو، والْمَسْؤُولِينْ عْلَى الْخَدَمَاتْ، والْلِي يَتْكَلْمُوا بْلُغَاتْ مُخْتَلِفَة. 29 وَاشْ ڤَاعْ رَاهُمْ رُسُلْ؟ وَلاَ ڤَاعْ رَاهُمْ أَنْبِيَاءْ؟ وَلاَ ڤَاعْ رَاهُمْ مُعَلِمِينْ؟ وَلاَ ڤَاعْ يْدِيرُو مُعْجِزَاتْ؟. 30 وَاشْ عَنْدْهُمْ ڤَاعْ مَوَاهِبْ شِفَاءْ؟ وَلاَ ڤَاعْ رَاهُمْ يَتْكَلْمُوا بْلُغَاتْ؟ وَلاَ ڤَاعْ رَاهُمْ يَتَرَجْمُو؟. 31 وبَصَحْ بْغَاوْ بَزَافْ الْمَوَاهِبْ الَمْلِيحَة، وَأنَا نْبَيَنَلْكُمْ اَلطْرِيقْ الَمْخَيْرَةْ.
1 إِلاَ رَانِي نَتْكَلَمْ بْلُغَاتْ الَنَاسْ والْمَلاَيْكَة، ومَا عَنْدِيشْ الْمَحَبَة، رَانِي كِي نْحَاسْ يْطَنْطَنْ وَلاَ نَاقُوسْ يَزَنْزَنْ. 2 وِإلاَ كَانَتْ عَنْدِي مَوْهِبَة تَاعْ اَلنُبُوَة، ونَعْرَفْ ڤَاعْ اَلْأَسْرَارْ والْعِلْمْ، وِلاَ عَنْدِي إِيمَانْ بَاشْ نْحَوَلْ الَجْبَالْ ومَا عَنْدِيشْ الْمَحَبَة، رَانِي مَا نَسْوَ وَالُو. 3 وِإلاَ صَدَقْتْ كُلْ مَاعَنْدِي، وسَبَلْتْ جَسَدْ تَاعِى بَاشْ نَحْتَرَقْ، ولَكِنْ مَا عَنْدِيشْ الْمَحَبَة، رَاهْ هَادْ اَلشِي مَا يَنْفَعْنِي بْوَالُو. 4 الْمَحَبَة تَصْبَرْ، وتَتْحَنَنْ، الْمَحَبَة مَا تَحْسَدْشْ، الْمَحَبَة مَا تَفْتَخَرْشْ ومَا تَتْكَبَرْشْ. 5 الْمَحَبَة مَا تَقْبَاحْشْ وتْحَوَسْ عْلَى مَصْلَحَتْهَا،ومَا تَتْقَلَقْشْ ومَا تْحَوَسْشْ عْلَى الشَرْ. 6 الْمَحَبَة مَا تَفْرَحْشْ بَالضُلْمْ، ولَكِنْ تَفْرَحْ بَالْحَقْ. 7 الْمَحَبَة تْسَامَحْ عْلَى كُلْ شِي، وتْثِيقْ فْكُلْشِي، وتَصْبَرْ عْلَى كُلْشِي. 8 الْمَحَبَة مَا تْطِيحْشْ، ولَكِنْ اَلنُبُوَاتْ مَا تْدُومْشْ، واللُغَاتْ تَكْمَلْ، والْمَعْرِفَة مَا تْدُومْشْ. 9 الْمَعْرِفَة تَاعْنَا مَحْدُودَة، والنُبُوَة تَاعْنَا مَحْدُودَة. 10 بَصَحْ كِيجِي لْكَامَلْ يَقْلَعْ ڤَاعْ اَلْلِي هُوَ نَاقَصْ. 11 مَلِي كُنْتْ وَلْدْ صْغِيرْ، كُنْتْ نَتْكَلَمْ كِي وَلْدْ اَلصْغِيرْ، ونْفَكَرْ كِي وْلَدْ اَلصْغِيرْ، ونْمَيَزْ كِيمَا وَلْدْ اَلصْغِيرْ. وبَصَحْ كِيوَلِيتْ رَاجَلْ بَعَدْتْ كُلْ هَادْ اَلشِي اَلْلِي كَانْ فِيَا مَلِي كُنْتْ وَلْدْ الصْغِيرْ. 12 وضُرْوَكْ حْنَا نْشُوفُو فْالَمْرَايَا تَصْوِيرَة مَاهِيشْ تْبَانْ بَزَافْ، ولَكِنْ مَنْ بَعْدْ غَادِي نْشُوفُوهَا وَجْهْ لَلْوَجْهْ، ضُرْوَكْ نْعَرْفُو غِيرْ شْوَيَا. وفْهَدِيكْ اَلسَاعَة غَادِي تْكُونْ الْمَعْرِفَة تَاعْنَا كَامْلَة كِيمَا يَعْرَفْنِي الله. 13 وضُرْوَكْ هَادِي اَلثْلاَثَة لِغَادِي تْدُومْ: اَلْإِيمَانْ والرَجَاء والْمَحَبَة، ولَكِنْ اَلْلِي قَاوِي فْهَادْ اَلثْلاَثَة هِيَ الْمَحَبَة.
1 قَلْبُوا عْلَى الْمَحَبَة وبْغِيوْ بَزَافْ الْمَوَاهِبْ اَلرُوحِيَة، وبَالْخُصُوصْ مَوْهِبَة اَلنُبُوَة. 2 اَلْلِي يَتْكَلَمْ شِي لُغَة مَاشِي مَفْهُومَة، رَاهْ مَا يَتْكَلَمْشْ مْعَ النَاسْ ولَكِنْ مْعَ الله. عْلاَهْ حَتَى وَاحَدْ مَايْفَهْمُو لْأَنُو بَالرُوحْ يَتْكَلَمْ بَالْأَسْرَارْ. 3 ولِي يَتْنَبَأ، رَاهْ يَتْكَلَمْ مْعَ النَاسْ بَاشْ يَبَيَنْهُمْ ويْشَجَعْهُمْ ويْقَوِيهُمْ. 4 اَلْلِي يَتْكَلَمْ بالألسنة رَاهْ يَبْنِي رُوحَهْ، ولِي يَتْنَبَأْ رَاهْ يَبْنِي الْكَنِيسَة. 5 رَانِي بْغِيتْكُمْ ڤَاعْ تَهَدْرُوا بَلُغَاتْ مَاشِي مَفْهُومَة، ولَكِنْ مْلِيحْ تَتْنَبْأُو. اَلْلِي يَتْنَبَأْ خِيرْ مَنْ اَلْلِي يَتْكَلَمْ بِلُغَاتْ، مَنْ غِيرْ إِلاَ تَرَجْمُوهَا بَاشْ تَتْقَوَى الْكَنِيسَة. 6 لُوكَانْ يَا الْخُوتْ نْجِي عَنْدْكُمْ وتْكَلَمْتْ بْلُغَة مَاشِي مَفْهُومَة، بْوَاشْ غَادِي نَنْفَعْكُمْ؟ مَا نَنْفَعْكُمْ بْوَالُو مَنْ غِيرْ إِلاَ تْكَلَمْتْ مْعَاكُمْ بَالْوَحْيْ وَلاَ بَالْمَعْرِفَة وَلاَ بَالنُبُوَة وَلاَ بَالتَعْلِيمْ. 7 حَتَى صْوَالَحْ تَاعْ الْمُوسِيقَة اَلْلِي مَا فِيهَمْشْ حْيَاةْ، كِيمَا الْمَزْمَارْ والْقِيتَارْ، كِي مَا تْكُونْشْ اَلنَغْمَة تَاعْهُمْ بَايْنَة، كِيفَاشْ تَفْرَقْ بِينْ اَلنَغْمَة تَاعْ الْمَزْمَارْ وَلاَ تَاعْ الْقِيتَارْ؟ 8 وِإلَا صُوتْ الْبُوقْ مَارَاهْشْ بَايْنْ، شْكُونْ غَادِي يْوَجَدْ رُوحَهْ لَلْحَرْب؟. 9 هَكَا حَتَى نْتُمْ إِلاَ مَا كُنْتُوشْ تَتْكَلْمُو بَكْلاَمْ مَفْهُومْ، كِيفَاشْ غَادِي نَعْرَفْ وَاشْ تْقُولْ؟ 10 رَاهْ بْلاَ شَكْ كَايَنْ بَزَافْ تَاعْ اَللُغَاتْ فَالدَنْيَا، وكُلْ وَحْدَة فِيهُمْ عَنْدْهَا مَعْنَى. 11 كِي مَانَعْرَفْشْ اَللُغَة اَلْلِي يَتْكَلَمْ بِهَا وَاحَدْ، غَادِي نْوَلِي بَرَانِي بَالنَسْبَة لِيهْ، وهُوَ تَانِي بَرَانِي بَالنَسْبَة لِي. 12 وهَكَا حَتَى أَنْتُمْ، بْغِيتُو تْكُونْ عَنْدْكُمْ الْمَوَاهِبْ اَلرُوحِيَة، قَلْبُو عْلَى لِي تَبْنِي الْكَنِيسَة بَزَافْ. 13 وعْلَى هَادَشِي اَلْلِي يَتْكَلَمْ بَلُغَة مَاهِيشْ مَفْهُومَة، خَاصَهْ يْصَلِي بَاشْ يْمَدْلَهْ الله اَلتَرْجَمَة لْهَادَاكْ اَلشِي لِيْقُولَهْ. 14 عْلَى خَاطَرْ إِلاَ صَلِيتْ بْلُغَة مَاهِيشْ مَعْرُوفَة، رَاهْ رُوحِي تْصَلِي لَكِنْ عَقْلِي مَا يْسَتْفَادْ وَالُو. 15 كِيفَاشْ نْدِيرْ؟ غَادِي نْصَلِي بَالرُوحْ، نْصَلِي بَالْعَقْلْ، ونْسَبَح بَالرُوحْ، ونْسَبَحْ بَالْعَقْلْ. 16 لُوكَانْ تَشْكَرْ بَالرُوحْ، كِيفَاشْ هَادَاكْ اَلْلِي جَا جْدِيدْ يْقُولْ "أَمِينْ" عْلَى الشُكْرْ تَاعَكْ وهُوَ مَاعْرَفْشْ وَاشْ تْقُولْ؟. 17 نْتَ شْكَرْتْ مْلِيحْ، لَكِنْ وَاحَدْ أَخَرْ مَاسَتْفَادْ وَالُو. 18 نَشْكَرْ الله رَانِي نَتْكَلَمْ بْلُغَاتْ خِيرْ مَنْ كُلْ وَاحَدْ مَنْكُمْ، 19 ولَكِنْ فَالْكَنِيسَة نَبْغِي نْقُولْ خَمْسْ كَلْمَاتْ بْعَقْلِي بَاشْ نْعَلَمْ بِهُمْ لَخْرِينْ، خِيرْ مَا نْقُولْ عَشْرَالاَفْ كَلْمَة بْلُغَة مَاشي مَفْهُومَة. 20 يَا الْخُوتْ، مَا تْكُونُوشْ بْزُوزْ صْغَارْ فَالتَفْكِيرْ تَاعْكُمْ، ولَكِنْ كُونُو بْزُوزْ صْغَارْ فَالشَرْ وكُونُو وَاصْلِينْ فْالَفْهَامَة. 21 مَكْتُوبْ فَكْتَابْ اَلشَرِيعَة: " رَاحْ نْكَلَمْ هَادْ اَلشَعْبْ بْفَمْ اَلنَاسْ لِيْهَدْرُو لُغَة وَاحَدْ أُخْرَي، وهَكْذَا مَايْسَمْعُونِيشْ، هَاكْذَا يْقُولْ اَلرَبْ ". 22 وهَكَا رَاهْ اَللُغَاتْ بَيَانْ مَاشِي لَلْمُوْمِنِينْ ولَكِنْ لْهَادُوكْ اَلْلِي مَايْأَمْنُوشْ. ولَكِنْ اَلنُبُوَة رَاهَا مَاشِي لْهَادُوكْ اَلْلِي مَايْأَمْنُوشْ، 23 ولَكِنْ لَلْمُؤمِنِينْ. كِي تَجْتَمَعْ الْكَنِيسَة ڤَاعْ وكَانْ كُلْشِي بْلُغَاتْ مَاشِي مَفْهُومَة، ودَخْلُو وَاحْدِينْ مَاشِي قَارْيِينْ، وَلاَ مَاشِي مُؤْمِنِينْ، وَاشْ مَاغَادِيشْ يْقُولُو رَاهُمْ يْخَرْفُو؟. 24 ولَكِنْ كِي كُلْشِي بَالنُبُوَة ودْخَلْ وَاحَدْ مَاشِي مُؤْمِنْ وَلاَ مَاشِي قَارِي، رَاهْ كُلْشِي يْلُومَهْ وكُلْشِي يَحْكَمْ عْلِيهْ. 25 وغَادِي يْبَانْ اَلشِي اَلْلِي مْخَبِي فَالْقَلْبْ ويَرْكَعْ ويَسْجُدْ لله ويَعْتَرَفْ بَلِي بَالصَحْ الله فِيكُمْ. 26 وَاشْ لاَزَمْ تْدِيرُو يَا الْخُوتْ؟ كِي تَجْتَمْعُو، وكُلْ وَاحَدْ مَنْكُمْ عَنْدَهْ مَزْمُورْ، وَلاَ عَنْدَهْ تَعْلِيمْ، عَنْدَهْ وَحْيْ، عَنْدَهْ لُغَةْ، عَنْدَهْ تَرْجَمَة، خَاصْ كُلْ هَادَشِي يْكُونْ بَاشْ تَبْنِيوْ بَعْضِيَاتْكُمْ. 27 كِي يَتْكَلَمْ وَاحَدْ بْلُغَة اَلرُوحْ، خَاصْ يَتْكَلْمُو زُوجْ وَلاَ ثْلاَثَة بَالتَرْتِيبْ، ووَاحَدْ يْكُونْ يَتَرْجَمْ. 28 ولَكِنْ كِي مَايْكُونْشْ وَاحَدْ يَتَرْجَمْ خَاصْ اَلْلِي يَتْكَلَمْ بَلُغَة اَلرُوحْ يَسْكُتْ فَالْكَنِيسَة ويَتْكَلَمْ مْعَ رُوحَهْ ومْعَ الله. 29 ولِي عَنْدْهُمْ اَلنُبُوَة، خَاصْ زُوجْ ولاَ ثْلاَثَة لَخْرِينْ يْمَيْزُو فَكْلاَمْهُمْ. 30 ولَكِنْ إِلاَ وْحَى الله لْوَاحَدْ مْجَمَعْ، خَاصْ اَللَوَلْ يَسْكُتْ. 31 تْقَدْرُو ڤَاعْ تَتْنَبْأُو وَاحَدْ مُورْ وَاحَدْ بَاشْ ڤَاعْ يَتْعَلَمْ ويَتْشَجَعْ. 32 وأَرْوَاحْ اَلْأَنْبِيَاءْ تْطِيعْ اَلْأَنْبِيَاءْ، 33 عْلَى خَاَطْرْ الله، مَاشِي إِلاَهْ فَوْضَى بَصَحْ إِلاَهْ اَلسَلاَمْ. فِي ڤَاعْ كَنَائِسْ الَمْقَدْسِينْ. 34 اَلنْسَا خَاصْهُمْ يْسَكْتُوا فَالْكَنَائِسْ مَاشِي مَسْمُوحْ لْهُمْ يْهَدْرُوا، ولَكِنْ خَاصْهُمْ يْطِيعُو كِمَا تْوَصِي اَلشَرِيعَة. 35 وِإلاَ بْغَاوْ يَتْعَلْمُو حَاجَة، خَاصْهُمْ يْسَقْسِيوْ رْجَالْهُمْ فَالدَارْ،عْلَى خَاطَرْ عِيبْ اَلمْرَا تَهْدَرْ فَالْكَنِيسَة. 36 وَاشْ مَنْ عَنْدْكُمْ خْرَجْ كْلاَمْ الله؟ وَلاَ وْصَلْ عَنْدْكُمْ وَحَدْكُمْ؟ 37 إِلاَ كَانْ وَاحَدْ يَحْسَبْ رُوحَهْ نَبِيْ وَلاَ عَنْدَهْ مَوْهِبَة رُوحِيَة، غَادِي يَعْرَفْ مْلِيحْ بَلِي هَادَشِي اَلْلِي كْتَبْتْ هُوَ أَمْرْ مَنْ اَلرَبْ. 38 ولَكِنْ إِلاَ وَاحَدْ مَايَعْرَفْشْ هَادَشِي، مَايَعْتَرَفْشْ بِيهْ. 39 عْلَى هَادْ اَلشِي يَاالْخُوتْ، بْغِيوْ اَلنُبُوَة ومَا تْمَنْعُوشْ لِي بِغَا يَتْكَلَمْ بْلُغَاتْ رُوحِيَة. 40 ولَكِنْ خَاصْ كُلْشِي يْكُوْن بَالْإِحْتِرَامْ وبَالنِضَامْ.
1 ورَانِي نْفَكَرْكُمْ يَالْخُوتْ بَالْإِنْجِيلْ اَلْلِي خَبَرْتْكُمْ بِيهْ وقْبَلْتُوهْ ومَازَالْ ثَابْتِينْ فِيهْ، 2 وبِيهْ نْسَلْكُو إِلاَ قْعَدْتُو فَالكْلاَمْ اَلْلِي خْبَرْتْكُمْ بِيهْ ، وَلاَ كُنْتُو أَمَنْتُو بْلاَ فَايْدَة. 3 رَانِي وْصَلَتْكُمْ فَاللَوَلْ هَادَاكْ اَلشِي اَلْلِي قْبَلْتَهْ حَتَى أَنَا، بَلِي الْمَسِيحْ مَاتْ عْلَى جَالْ ذْنُوبْنَا كِيمَا مَكْتُوبْ فَكْتَابْ الله، 4 وتَدْفَنْ، وفَالنْهَارْ الثَالَثْ قَامْ مَنْ اَلْمُوتْ كِيمَا مَكْتُوبْ فَكْتَابْ الله. 5 وبَانْ لْصَفَا ومَنْ بَعَدْ لَتَلاَمِيذْ اَلطْنَاعْشْ. 6 ومَنْ بَعَدْ بَانْ لَكْثَرْ مَنْ خَمْسَمِيَة أَخْ عْلَى مَرَة وَحْدَة، بَزَافْ مَنْهُمْ قَعْدُو حَيِينْ ولَكِنْ وَحْدِينْ مَنْهُمْ مَاتُو. 7 ومَنْ بَعَدْ بَانْ لِيَعْقُوبْ، ولَرُسُلْ كُلْهُمْ. 8 وفَالتَالِي مَنْ بَعَدْ كُلْشِي، بَانْ لِي حَتَى أَنَا كِيمَا إِلاَ تَوْلَدَتْ مَنْ قَبْلْ اَلْوَقْتْ. 9 عْلَى خَاطَرْ رَانِي أَصْغَرْ مَنْ اَلرُسُلْ ومَا نَسْتَاهَلْشْ نَتْسَمَا رَسُولْ ، لِأَنِي كُنْتْ نَتْعَدَى عْلَى كَنِيسَة الله. 10 وبَالنِعْمَة تَاعْ الله وَلِيتْ فْهَادَشِي اَلْلِي أَنَا فِيهْ ضُرْوَكْ ، والنِعْمَة اَلْلِي مَدْلِي رَبِي مَا كَانَتْشْ بَالطَلْ، لِأَنُو تْعَبْتْ كْثَرْ مَنْهُمْ كَامْلِينْ. مَاشِي أَنَا اَلْلِي دَرْتْ هَادْ اَلشِي، ولَكِنْ نِعْمَةْ الله هِيَ اَلْلِي تَخْدَمْ فِيَا. 11 وسِوَا أَنَا وَلاَ هُمَ، رَاهْ هَكَا نْخَبْرُو بَالْبِشَارَة وهَكَا أَمَنْتُو. 12 وإِلاَ كَانْ الْمَسِيحْ اَلْلِي نْخَبْرُو بِيهْ قَامْ مَنْ بِينْ الْأَمْوَاتْ، كِيفَاشْ وَحْدِينْ مَنْكُمْ يْقُولْ مَكَاشْ الْقِيَامَة مَنْ الْأَمْوَاتْ؟. 13 وِإلَا مَكَاشْ الْقِيَامَة مَنْ الْأَمْوَاتْ، رَاهْ حَتَى الْمَسِيحْ مَاقَامْشْ مَنْ الْمُوتْ. 14 وِإلاَ الْمَسِيحْ مَاقَامْشْ مَنْ الْمُوتْ، رَاهْ حَتَى اَلتَبْشِيرْ تَاعْنَا بَاطَلْ، وحَتَى إِيمَانْكُمْ بَاطَلْ. 15 وحَتَى حْنَا غَادِي نْكُونُو شُهُودْ زُورْ عْلَى الله، عْلَى خَاطَرْ شْهَدْنَا عْلَى الله بَلِي أَقَامْ الْمَسِيحْ مَنْ بِينْ اَلْمُوتَى، وهُوَ كِمَا قَامُوشْ مَنْ بِينْ اَلْمُوتَى، إذَ كَانْ اَلْمُوتَى مَايْقُومُوشْ. 16 وِإلاَ مَا كَانُوشْ اَلْمُوتَى يْقُومُو مَنْ اَلْمُوتْ، رَاهْ حَتَى الْمَسِيحْ مَا قَامْشْ مَنْ الْمُوتْ. 17 وِإلَا الْمَسِيحْ مَاقَامْشْ، رَاهْ إِيمَانْكُمْ بَاطَلْ، وُرَاكُمْ بَاقْيِينْ فَذْنُوبْكُمْ. 18 إِذَ كَانْ كِيمَا هَكَا حَتَى هَادُوكْ اَلْلِي مَاتُو وهُمْ مُؤْمِنِينْ بَالْمَسِيحْ تْهَلْكُو!. 19 ولُوكَانْ عَنْدْنَا اَلرَجَاءْ فَالْمَسِيحْ غِيرْ فْهَادْ اَلدَنْيَا، نْكُونُو حْنَا الْمَغْبُونِينْ مَنْ ڤَاعْ اَلنَاسْ. 20 ولَكِنْ فَالْحَقِيقَة، الْمَسِيحْ قَامْ مَنْ بِينْ الْمُوتَى، وهُوَ الْبِكْرْ بِينْ هَادُوكْ اَلْلِي مَاتُو. 21 وبَسْبَابْ إِنْسَانْ جَاتْ الْمُوتْ، وهَكَا حَتَى قِيَامَة الْمُوتَى جَا بَسْبَابْ إِنْسَانْ. 22 كِيمَا مَاتْو ڤَاعْ اَلنَاسْ فْآدَمْ، هَكَا ڤَاعْ يَحْيَاْو فَالْمَسِيحْ. 23 ولَكِنْ كُلْ وَاحَدْ فَالْمَرْتَبَة تَاعَهْ: الْمَسِيحْ هُوَ اَللَوَلْ ومَنْ بَعْدْ الْمُؤْمِنِينْ بِيهْ كِي يْوَلِي الْمَسِيحْ. 24 ومَنْ بَعْدْ هَادَشِي غَادِي يْجِي يُومْ الْأَخِرَة، مَلِي يْرَدْ الْمَسِيحْ الْمُلْكْ لله لَلْآبْ، بَعْدْمَا يَغْلَبْ ڤَاعْ اَلرِيَاسَاتْ وڤَاعْ اَلسُلُطَاتْ وڤَاعْ الْقُوَاتْ. 25 لِأَنُو خَاصْ الْمَسِيحْ يَمْلَكْ حَتَى يْدِيرْ الله عَدْيَانَهْ ڤَاعْ تَحْتْ رَجْلِيه. 26 والْعَدُوْ اَلتَالِي اَلْلِي غَادِي يَتْغَلَبْ عْلِيهْ هُوَ الْمُوتْ. 27 عْلَخَاطَرْ"الله دَارْ كُلْشِي تَحْتْ رَجْلِيهْ" وُكِي يْقُولْ "يْرَدْ كُلْشِي" ، مَعْنَتْهَا يَهْدَرْ عْلَى الْمَسِيحْ لِيَمْلَكْ مَنْغِيرْ لِي هُوَ فَي الْأَصْلْ يَمْلُكْ. 28 ولَكِنْ مَلِي يْكُونْ كُلْشِي تَحْتْ رَجْلِيهْ، فْهَاذَاكْ اَلسَاعَة اَلْإِبْنْ يْكُونْ خَاضَعْ لله اَلْلِي مَلْكَهْ عْلَى كُلْشِي، بَاشْ يْكُونْ الله هُوَ اَلْلِي غَادِي يَمْلَكْ عْلَى كُلْشِي. 29 وِإلاَ كَانُو الْمُوتَى مَايْوَلِيوْشْ مَنْ الْمُوتْ، وَاشْ مَنْ الْفَايْدَة عَنْدْ هَاذُوكْ اَلْلِي يَتْعَمْدُو عْلَى جَالْ الْمُوتَى؟ وعْلاَشْ يَتْعَمْدُو عْلَى جَالْهُمْ؟. 30 وعْلاَشْ نْخَاطْرُو حْنَا بَحْيَاتْنَا كُلْ سَاعَة؟ 31 رَاهْ كُلْ نْهَارْ نْشُوفْ الْمُوتْ ، وأنَا نْقُولْ هَاذء اَلشِي يَا الْخُوتْ نَفْتَخَرْ بِيكُمْ فَالْمَسِيحْ يَسُوعْ رَبْنَا. 32 وِإلاَ أَنَا غِيرْ إِنْسَانْ وتْحَارَبْتْ مْعَ الْوُحُوشْ اَلْلِي فْأَفَسُسْ، وَاشْ مَنْ فَايْدَة عَنْدِي؟ وِإلاَ كَانْ مَكَاشْ قِيَامَة اَلْمُوتَى، خَلِيوْنَا نَاكْلُو ونْشَرْبُو غَادِي نْمُوتُو. 33 مَا تْغَلْطُوشْ " اَلْعَشْرَةْ اَلْفَاسْدَة تَفْسَدْ اَلتَرْبِيَة الَمْلِيحَة". 34 وَلِيوْ لَلْبَرْ تَاعْكُمْ ومَا تْذَنْبُوشْ، كَايْنِينْ وَحْدِينْ مَا يْعَرْفُوشْ الله. ونْقُولْكُمْ هَاذَشِي بَاشْ نْحَشَمْكُمْ. 35 ولَكِنْ يَسَقْسِي وَاحَدْ: كِيفَاشْ يْقُومْ الْأَمْوَاتْ؟ وبِأَيْ جَسَدْ يْوَلِيوْ؟. 36 يَا لْحَمْقَا! اَلزَرِيعَة كِي تَزْرَعْهَا مَاغَادِيشْ تَحْيَا إِلاَ مَامَاتَتْشْ. 37 وهَاذَاكْ اَلشِي اَلْلِي تْزَرْعَهْ مَاشِي هُوَ اَلنَبْتَة اَلْلِي غَادِي تَطْلَعْ مَنْ بَعْدْ، ولَكِنْ هُوَ اَلزَرِيعَة اَلْلِي تَقْدَرْ تْكُونْ تَاعْ الْقَمْحْ وَلاَ شِي زَرِيعَة خْرَى. 38 والله غَادِي يْمَدْهَا الْجَسَدْ اَلْلِي بْغَا هُوَ، وكُلْ زَرِيعَة غَادِي يْمَدْهَا خَاصْ بِيهَا. 39 مَكَاشْ جَسَدْ يَشْبَهْ جَسَدْ وَاحَدْ آخَرْ، لَلْإِنْسَانْ جَسَدْ تَاعَهْ، ولَبْهَايَمْ جَسَدْ وَحَدْهُمْ، ولَطْيُورْ جَسَدْ وَحَدْهُمْ، ولَلْحُوتْ جَسَدْ وَحَدْهُمْ. 40 كَايَنْ جَسَدْ تَاعْ اَلسْمَاء وكَايَنْ جَسَدْ تَاعْ اَلآرْضْ، ولَكِنْ مَجْدْ اَلسْمَاء وَحْدَهْ ومَجْدْ اَلآرْضْ وَحْدَهْ. 41 مَجْدْ اَلشَمْسْ وَحْدَهْ، مَجْدْ الَقْمَرْ وَحْدَهْ، ومَجْدْ اَلنُجُومْ وَحْدَهْ، وكُلْ مَجْدْ نَجْمْ يَخْتَلَفْ عَنْ مَجْدْ نَجْمْ وَاحَدْ أَخَرْ. 42 وهَكَا حَتَى فْي قِيَامَةْ اَلْأَمْوَاتْ: يَزْرَعْ جَسَدْ مَيَتْ ويْقُومْ جَسَدْ حَيْ. 43 يَزْرَعْ بْلاَ قِيمَة ويْقُومْ فَالْمَجْدْ، ويَزْرَعْ ضْعِيفْ ويْقُومْ قْوِيْ. 44 يَزْرَعْ جِسْمْ حَيَوَانِى ويْقُومْ جِسْمْ رُوحَانِي، وكِمَا كَايَنْ جَسَدْ حَيَوَانِي كَايَنْ جَسَدْ رُوحَانِي. 45 وهَكَا مَكْتُوبْ" وَلَى آدَمْ، اَلْإِنْسَانْ اَللَوَلْ، نَفْسَا حَيَة". وآدَمْ اللَخَرْ رُوحْ يْمَدْ اَلْحَيَاةْ. 46 فَاللَوَلْ مَاكَاشْ إِنْسَانْ اَلرُوحِي، ولَكِنْ كَانْ اَلْإِنْسَانْ الْأَرْضِي ومَنْ بَعَدْ جَا اَلرُوحِي. 47 اَلْإِنْسَانْ اَللَوَلْ مَنْ اَلْآرْضْ تْرَابْ، والْإِنْسَانْ اَلثَانِي جَا مَنْ اَلسْمَا. 48 كِمَا الْإِنْسَانْ لِي تَنْدَارْ مَنْ اَلتْرَابْ هَكَا حَتَى اَلْلِي هُمْ مَنْ تْرَابْ، وكِمَا الْإِنْسَانْ اَلْلِي جَا مَنْ اَلسْمَا هَكَا اَلْلِي هُمْ مَنْ اَلسْمَا. 49 وكِمَا كُنَا عْلَى صُورَة اَلْإِنْسَانْ اَلْلِي تَنْدَارْ مَنْ اَلتْرَابْ هَكَا غَادِي نْكُونُو عْلَى صُورَة اَلْإِنْسَانْ اَلْلِي جَا مَنْ اَلسْمَا. 50 رَانِي نْقُولْ يَا الْخُوتْ بَلِي الْجَسَدْ اَلْلِي مَنْ اَللْحَمْ والدَمْ مَايَقْدَرْشْ يَوْرَثْ مَمْلَكَة الله، و اَلْلِي غَادِي يَفْنَا مَايَقْدَرْشْ يَوْرَثْ اَلْلِي مَايَفْنَاشْ. 51 هَا وَاحَدْ اَلسَرْ غَادِي نْقُولْكُمْ : مَا غَادِيشْ نْمُوتُو ڤَاعْ، ولَكِنْ ڤَاعْ غَادِي نَتْبَدْلُوا. 52 وغَادِي فْرَمْشَةْ عِينْ، مَلِي يَتَسْمَعْ اَلْبُوقْ اَللَخَرْ، ويَتَنْفَخْ فَالْبُوقْ، وغَادِي الْمُوتَى يْقُومُو حَيِينْ وحْنَا نَتْبَدْلُو. 53 وكِي تَلْبَسْ الْجَسَدْ الْفَانِيَة الْجَسَدْ لِي مَايَفْنَاشْ، وتَلْبَسْ الْجَسَدْ الْمِيْتَة الْجَسَدْ لِي مَايْمُوتْشْ 54 وكِي تَلْبَسْ الْجَسَدْ الْفَانِيَة الْجَسَدْ لِي مَايَفْنَاشْ، ويَلْبَسْ الْجَسَدْ الْمَيَتْ الْجَسَدْ لِي مَايْمُوتْشْ، فْهَاذِيكْ اَلسَاعَة يَكْمَلْ الَكْلاَمْ اَلْلِي جَا فَكْتَابْ الله: " تْهَلْكَتْ الْمُوتْ وكَمَلْ اَلنَصْرْ". 55 وِينْ هِيَ شَوْكْتَكْ يَالْمُوتْ؟ وِينْ هِيَ اَلنَصْرْ تَاعَكْ؟ 56 شُوكَةْ اَلْمُوتْ هِيَ اَلذُنُوبْ، والْقُوَة تَاعْ اَلذْنُوبْ هِيَ الشَرِيعَة. 57 ولَكِنْ نْشَكْرُو الله لِي مَدْنَا اَلنَصْرْ بْرَبْنَا يَسُوعْ الْمَسِيحْ. 58 يَا خُوتِي الَعْزَازْ، كُونُو ثَابْتِينْ وَما تَزْعَزْعُوشْ، كَثْرُو فْي خِدْمَةْ اَلرَبْ فْكُلْ وَقْتْ، ورَاكُمْ تْعَرْفُو بَلِي تْعَبْ مَاشِي بَاطَلْ فَالرَبْ.
1 أَمَا مَنْ جِهَة نْجَمْعُوا الْمُعَاوَنَة لَلْخُوتْ الْمَقَدْسِينْ، دِيرُو نْتُمْ كِيمَا وَصِيتْ الْكَنَايَسْ تَاعْ غَلاَطِيَة. 2 فَالنْهَارْ اَللَوَلْ فْكُلْ سِيمَانَة، كُلْ وَاحَدْ مَنْكُمْ خَاصَهْ يَخَبِي عَنْدَهْ هَادْ اَلشِي اَلْلِي جْمَعْهَا مَنْ اَلرِبْحْ تَاعَهْ، بَاشْ كِي نْجِي لْعَنْدْكُمْ مَاتَحْتَاجُوشْ عَادْ تْجَمْعُو الْمَعُونَة. 3 وكِي نَلْحَقْ، غَادِي نَرْسَلْ هَادُوكْ اَلْلِي خَيَرْتُوهُمْ، ونْمَدَلْهُمْ بْرِيَاتْ بَاشْ يَدِيوْ الْمُعَاوْنَة تَاعْكُمْ لْأُورْشَلِيمْ. 4 وِإلَا كَانْ لاَزَمْ نَمْشِي حَتَى أنَا مْعَاهُمْ، يْرُوحُو مْعَايَا. 5 وغَادِي نْجِي لْعَنْدْكُمْ كِي نْفُوتْ لْمَكْدُونْيَة، وأَنَا رَايَحْ عَنْدْهَا. 6 ونَقْدَرْ نَقْعَدْ مْعَاكُمْ، وَلاَ نْفُوتْ عَنْدْكُمْ اَلشْتَا بَاشْ تْعَوْنُونِي نْكَمَلْ اَلسَفَرْ تَاعِي. 7 مَا بْغِيتْشْ نْشُوفْكُمْ بَلْخَفْ كِي نْفُوتْ عَنْدْكُمْ، بَصَحْ نَتْمَنَا نَقْعَدْ مْعَاكُمْ وَقْتْ طْوِيلْ إِلاَ بْغَا اَلرَبْ. 8 وُرَانِي نَقْعَد فْأَفَسُسْ حَتَى لْيُومْ الْخَمْسِينْ. 9 تْحَلْ لِي بَابْ كْبِيرْ بَابْ لَلْخِدْمَة، والنَاسْ لِي يْعَادُونِي كْثَارْ. 10 وِإلاَ جَا تِيمُوثَاوَسْ، تْهَلاَوْ فِيهْ بَاشْ يْحَسْ بَالْأَمَانْ مْعَاكُمْ، لِأَنُو حَتَى هُوَ خَادَمْ اَلرَبْ كِيمَا أَنَا. 11 مَايَحْتَقْرَهْشْ حَتَى وَاحَدْ، ولَكِنْ عَاوْنُوهْ وبَعْثُوهْ عْلَى خِيرْ لْعَنْدِي، رَانِي نَسْتَنَاهْ مْعَ الْخُوتْ. 12 أَمَا مَنْ جِهَةْ خُونَا أَبُولُسْ، رَانِي طْلَبْتَهْ بَزَافْ بَاشْ يِجِي لْعَنْدْكُمْ مْعَ الْخُوتْ، ولَكِنْ مَابْغَاشْ يْجِي ضُرْوَكْ، وغَادِي يْجِي مَلِي يْكُونْ عَنْدَهْ الْوَقْتْ. 13 كُونُو سَاهْرِينْ وثَابْتِينْ فَالْإِيمَانْ، كُونُو رْجَالْ وكُونُو قْوَيِينْ. 14 دِيرُو كُلْ حَاجَةْ بَالْمَحَبَة. 15 رَاكُمْ تْعَرْفُو بَلِي عَايْلَةْ إِسْتِفَانُوسْ هُمْ اَللَوْلِينْ اَلْلِي أَمْنُو بَالْمَسِيحْ فْأَخَائِيَة، ومَدُو حْيَاتْهُمْ بَاشْ يْخَدْمُو الِمُؤْمِنِينْ، وعْلِيهَا نَطْلَبْ مَنْكُمْ يَا الْخُوتْ 16 بَاشْ حَتَى نْتُمْ تْطِيعُو اَلْلِي كِيمَا هُمَا، وڤَاعْ اَلْلِي يْشَارْكُو مْعَاهُمْ فَالْخِدْمَة ويَتْعَبْ مْعَاهُمْ. 17 رَانِي فْرَحْتْ كِي جَا إِسْتِفَانُوسْ وفَرْتُونَاتُوسْ وأَخَائِيكُوسْ، هُمْ اَلْلِي نَابُو عْلِيكُمْ فَغْيَابْكُمْ. 18 عْلَى خَاطَرْ هَنَاوْ خَاطْرِي وخَاطَرْكُمْ، تْهَلاَوْ فَالنَاسْ كِيمَا هَادُو. 19 تْسَلَمْ عْلِيكُمْ كَنَايَسْ آسْيَا، وأَكِيلَا وبْرِيسْكِلاَ يْسَلْمُو عْلِيكُمْ بَزَافْ فَالرَبْ مْعَ الْكَنِيسَة اَلْلِي تَجْتَمَعْ فْي دَارْهُمْ. 20 ڤَاعْ الْخُوتْ يْسَلْمُو عْلِيكُمْ، سَلْمُو عْلَى بَعْضِيَاتْكُمْ بَسْلاَمْ مُقَدَسْ. 21 وأَنَا بُولُسْ نْسَلَمْ عْلِيكُمْ بْخَطْ يَدِي. 22 إِلاَ كَانْ شِي وَاحَدْ مَايَبْغِيشْ اَلرَبْ رَاهْ مَلْعُونْ! مَارَنْ أَتَا، أَجِي يَا رَبْنَا. 23 نِعْمَةْ اَلرَبْ يَسُوعْ اَلْمَسِيحْ تْكُونْ مْعَاكُمْ. 24 والْمَحَبَة تَاعِي لِيكُمْ كُلْكُمْ فَالْمَسِيحْ يَسُوعْ.
1 بُولُسْ، رَسُولْ يَسُوعْ الْمَسِيحْ بْمَشِيئَة الله، و تِيمُوثَاوسْ الأَخْ، لْكَنِيسَة الله أَلِّي فِي كُورِنْتُوسْ، و ڤَاعْ الْقِدِّيسِينْ أَلِّي فِي أَخَائِيَّة: 2 نِعْمَة لْكُمْ و سْلاَمْ مَنْ الله أَبِينَا و الْرَّبْ يَسُوعْ الْمَسِيحْ. 3 مُبَارَكْ الله أَبُو رَبِّنَا يَسُوعْ الْمَسِيحْ، أَبُو كُلْ رَحْمَة و إِلَهْ كُلْ تَعْزِيَة، 4 أَلِّي يْعَزِّينَا فِي ڤَاعْ ضِيقَتْنَا، حَتَّى نَقَدْرُوا نْعَزُّوا أَلِّي رَاهُمْ فَالْضِيقْ بَالْتَعْزِّيَة أَلِّي نَتْعَزُّوا حْنَا تَانِي بِهَا مَنْ عَنْدْ الله. 5 عْلَى خَاطَرْ كِمَا تَكْثَرْ أَلاَمْ الْمَسِيحْ فِينَا، تَكْثَرْ عْلِينَا تَانِي تَعْزِّيَة الْمَسِيحْ. 6 إِذَا رَانَا فِي ضِيقْ هَادَ بَاشْ نْشَجْعُوكُمْ وسْلاَكُمْ، و إِذَا رَانَا مَتْشَجْعِينْ هَادَ بَاشْ تَتْشَجْعُوا و هَادْ الْشِي يْخَلِيكُمْ تَحَمْلُوا نَفْسْ الأَلاَمْ أَلِّي رَنَا نَتَأَلْمُوا بِهَا حْنَا تَانِي. 7 و رَجَاؤْنَا فِيكُمْ صْحِيحْ. عَارْفِينْ بَلِّي كِمَا رَاكُمْ تْشَرْكُوا فَالأَلاَمْ، تْشَرْكُوا تَانِي فَالْتَعْزِّيَة. 8 يَا خَوْتِي مَا رَنَاشْ بَاغْيِينْ يَخْفَى عْلِيكُمْ مَن جِهَة الْضِيقْ أَلِّي فَأتْ عْلِينَا فِي أَسِيَّا، تْحَمَلْنَا كْثَرْ مَا لِي نْطِيڤُوا، حَتَّى كْرَهْنَا حْيَاتْنَا، 9 بَصَّحْ حَسِينَا فِي أَنْفُسْنَا بَلِّي مَحْكُومْ عْلِينَا بَالْمُوتْ، بَاشْ مَا نَتَكْلُوشْ عْلَى نْفُوسْنَا بَصَّحْ نَتَكْلُوا عْلَى الله أَلِّي يَحْيِّي الْمُوتَى، 10 أَلِّي سَلَاكْنَا مَنْ هَادْ الْمُوتْ، و هُوَ أَلِّي يْسَلاَكْ تَانِي مَمْبَعْدْ. 11 وأَنْتُمَ تَانِي تْعَوْنُونَا بَالصْلاَةْ مَنْ أَجْلْنَا، حَتَّى بَاشْ الْشِي أَلِّي يَتْمَّدْ لْنَا جْوابْ صْلاَة الْكْثِيرْ يَدْفَعْ بَزَافْ مَالْنَّاسْ لَشُكْرْالله. 12 عْلَى خَاطَرْ هَدَا هُوَالْفَخْرْ تَعْنَا: شْهَادَة ضَمِيرْنَا فالْقَدَاسَة و الإِخْلاَصْ تَعْ الله، مَاشِي فِي حِكْمَة جَسَدِيَّة بَصَّحْ فِي نِعْمَة الله، أَلِّي تْمَشِينَا فَالْعَالَمْ، و مَنْ جِهَتْكُمْ أَنْتُمَ تَانِي. 13 رَانَا نَكَتْبُوا لْكُمْ غِيرْ الْشِي أَلِّ تَقْدْرُوا تَقْرُوهْ و تَفَهْمُوهْ. و رَانِي نَتْمَنَّى تَفْهْمُوا كُلْ شِي، 14 كِيمَا فْهَمْتُونَا غِيرْ شْوِيَة مَلْ الْفْهَامَة، رَاحْ تَفْتَخْرُوا بِنَا كِيمَا حْنَى نَفْتَخْرُوا بِيكُمْ فِي يُومْ الْرَّبْ يَسُوعْ. 15 و بْهَادْ الْثِّقَة كُنْتْ بَاغِي نْجِي عَنْدْكُمْ مَالْلَوَلْ، بَاشْ تْكُونْ عَنْدْكُمْ نِعْمَة مَرَّة أُخْرَى. 16 و نْفُوتْ عَنْدْكُمْ فِي طْرِڤِي لْمَكِدُونِيَّة، و كِي نَرْجَعْ مَنْهَا تَانِي، بَاشْ مَمْبَعْدْ تْسَهْلُوا الْسْفَرْ تَاعِي لْجِهَة الْيَهُودِيَّة. 17 وَاشْ رَايْكُمْ فْهَادْ الْخُطَة، تْصَرَفْتْ بَالْخَفَّة؟ ولاَ رَانِي نْدِيرْ حْسَابِي عْلَى حْسَابْ الْجَسَدْ، بَاشْ يْكُونْ فِي كْلَامِي وَاهْ وَاهْ و لاَ لاَ؟ 18 بَصَّحْ أَمِينْ هُوَ الله يَشْهَدْ بَلِّي كْلاَمْنَا لِيكُمْ مَاشِي وَاهْ و لاَ. 19 عْلَى خَاطَرْ أبْنْ الله يَسُوعْ الْمَسِيحْ، أَلِّي بَشَّرْنَا بِهْ فِي وَسْطْكُمْ، أَنَا و سِلْوَنُسْ و تِيمُوثَاوْسْ، مَا كَانْشْ فِيهْ وَاهْ و لاَ، كَانْ فِيهْ غِيرْ وَاهْ. 20 عْلَى خَاطَرْ مَهْمَا كَانَتْ مَوَاعِيدْ الله هُوَ فِيهْ "الْنَّعَمْ" و فِيهْ "الأَمِينْ"، لْمَجْدْ الله، بِهْ هُوَ. 21 بَصَّحْ أَلِّي يْثَبَتْنَا مْعَكُمْ فَالْمَسِيحْ، وأَلِّي مْسَحْنَا، هُوَ الله 22 و حَطْ الْخَتَمْ تَعَهْ عْلِينَا تَانِي و عْطَانَا الْرُّوحْ الْقُدُسْ عَرْبُونْ فِي قْلُوبْنَا. 23 و رَانِي نَدْعِي الله يَشْهَدْ عْلَى نَفْسِي، مَا جِيتْشْ لْكُورِنْثُوسْ شَفَقَة عْلِيكُمْ. 24 مَاشِي عْلَى خَاطَرْ نْسَيْطْرُوا عْلَى إِيمَانْكُمْ، بَصَّحْ نْعَوْنُوكُمْ فَالْخِدْمَة تَعْنَا بَاشْ تْكُونُو فالفَرْحْ . عْلَى خَاطَرْ بَالإِيمَانْ رَاكُمْ ثَبْتِينْ
1 رَانِي عَوَّلْتْ فِي نَفْسِي بَاشْ مَا نْجِيشْ عَنْدْكُمْ و أَنَا حْزِينْ. 2 عْلَى خَاطَرْ إِذَا حَزَّنْتْكُمْ شْكُونْ يْفَرَّحْنِي غِيرْ هَدَاكْ أَلِّي حَزَّنْتَهْ؟ 3 و كْتَبْتْ لْكُمْ هَادْ الْشِي بَاشْ إِذَا جِيتْ لْعَنْدْكُمْ مَا نَحْزَنْشْ مَلِّي لازَمْ نَفْرَحْ بِهْ، و ثِقْتِي بِيكُمْ ڤَاعْ بَلِّي فَرْحِي هُو فَرْحْكُمْ تَانِي. 4 عْلَى خَاطَرْ بْحُزْنْ كْبِيرْ و كَآبَة قَلْبْ كْتَبْتْ لْكُمْ بْبَزَافْ مَدْمُوعْ، مَاشِي بَاشْ تَحَزْنُوا، قَصْدِي بَاشْ تَعَرْفُوا الْمَحَبَّة الْكْبِيرَة أَلِّي عَنْدِي مَنْ جِهَتْكُمْ. 5 بَصَّحْ إِذَا كَانْ وَاحَدْ سَبَة الْحَزْنْ، مَا حَزَّنِيشْ أَنَا وَحْدِي، بَصَّحْ حَزَّنْكُمْ ڤَاعْ شْوِيَة، هَدَا بَاشْ مَا ثَقَلْشْ عْلِيكُمْ. 6 و دُورْكْ يَكْفِي عْلَى هَادْ الْمَذْنُوبْ الْتَأْدِيبْ أَلِّي طَاحْ عْلِيهْ مَنْ الْكَثْرَة مَنْكُمْ، 7 حَتَّى تْكُونُوا -بَالْعَكْسْ - مَتْسَامْحِينْ مْعَه و تْعَزُّوهْ، بَاشْ مَا يَبَلْعَهْشْ الْحَزْنْ الْمُّرْ. 8 عَلَى جَالْ هَادْ الْشِي نَطْلَبْ مَنْكُمْ تْبَيْنُوا لَهْ الْمَحَبَّة. 9 و كْتَبْتْ لْكُمْ هَادْ الْشِي بَاشْ نَخْتَابَرْكُمْ و نْشُوفْ شْحَالْ رَاكُمْ طَايْعِينْ فِي كُلْ شِي؟ 10 و لِّي تْسَامْح,ا لَهْ فِي شِي أَنَا تَانِي نْسَامْحَهْ. وإِذَا أَنَا سَامَحْتْ دَاكْ الْرَّجَلْ بْشِي، سَامَحْتَهْ عْلَى جَالْكُمْ فِي حَضْرَة الْمَسِيحْ، 11 بَاشْ مَا يَطْمَعْشْ فِينَا الْشَّيْطَانْ، مَا دُمْنَا نَعَرْفُوا نِيْتَهْ. 12 بَصَّحْ كِي جِيتْ لْتَرُوَاسْ، عْلَى جَالْ إِنْجِيلْ الْمَسِيحْ و نَفْتَحْ لِي بَابْ لَلْخٍدْمَة فَالْرَّبْ، 13 مَا أَرْتَحَتْشْ رُوحِي عْلَى خَاطَرْ مَا لْڤِيتْشْ تِيطُسْ خُويَا. بَصَّحْ وَدَّعْتْهُمْ ورُوحْتْ لْمَكِدُونِيَّة. 14 بَصَّحْ شُكْرَا لله أَلِّي يْقُودْنَا فِي مَوْكَبْ الْغَلْبَة فَالْمَسِيحْ كُلْ وَقْتْ، و يْوَّارِي بِنَا رِيحَة الْمَعْرِفَة تَعَهْ فِي كُلْ مَكَانْ. 15 عْلَى خَاطَرْ حْنَا رِيحَة الْمَسِيحْ الْمْلِيحَة لله، لَلِّي يَسَلْكُوا و لِّي يَهَلْكُوا. 16 هَادُوا يْشَمُوا فِيهَا رِيحَة مَالْمُوتْ لَلْمُوتْ، و لُّخْرِينْ رِيحَة مَالْحْيَاةْ لَلْحْيَاة. وشْكُونْ مُولْ الكَفَاَة فِي هَادْ الأُمُورْ؟ 17 عْلَى خَاطَرْ مَنَاشْ كِي شِي نَّاسْ نْتَاجْرُوا بْكَّلِمَة الله، بَصَّحْ بَالإِخْلاَصْ، كَلِّي مَنْ الله و لله نَتْكَّلْمُوا فَالْمَسِيحْ
1 كِي غَادِي نَبْدُوا نَشَكْرُوا رْوَاحْنَا؟ وَلاَ مَحْتَاجِينْ كِمَا وَاحْدِينْ بْرِيَّاتْ تْوَصِنَا نَوَصْلُوهَا لِيكُمْ أُو مَنْكُمْ؟ 2 أَنْتُمَ بْرِيَّتْنَا، مَكْتُوبَة فِي قْلُوبْنَا، يَڤَدْرُوا ڤَاعْ الْنَّاسْ يَعَرْفُوهَا و يَقْرُوهَا. 3 بَايْنِينْ بَلِّي أَنْتُمَ بْرِيَّة الْمَسِيحْ، حْنَّا خْدَمْنَاهَا، مَاشِي مَكْتُوبَة بَالْحِبْرْ بَصَّحْ بْرُوحْ الله الْحِيْ، مَاشِي فِي أَلْوَاحْ تَعْ لَحْجَرْ بَصَّحْ فِي أَلْوَاحْ قْلُوبْ تَعْ الْلْحَمْ. 4 وْ عَنْدْنَا ثِقَة كِي هَادِي بَالْمَسِيحْ عَنْد الله. 5 مَاشِي عْلَى خَاطَرْ عَنْدْنَا كَفَأَة مَنْ رُوحْنَا بَاشْ نْفَكْرُوا بَلِّي مَنْ عَنْدْنَا، بَصَّحْ كِفَايَتْنَا مَنْ عَنْدْ الله، 6 أَلِّي أَعْطَانَا هَادْ الْكَفَأَة بَاشْ نْكُونُوا خُدَّامْ الْعَهْدْ الْجْدِيدْ. مَاشِي الْحَرْفْ بَصَّحْ الْرُّوحْ. عْلَى خَاطَرْ الْحَرْفْ يَقْتَلْ و الْرُّوحْ يَحْيِّي. 7 إِذَا كَانَتْ خِدْمَة الْمُوتْ، الْمَنْقُوشَة بْلَحْرُوفْ عْلَى لَحْجَارْ، بْدَاتْ بَالْمَجْدْ، حَتَّى بْنِي إِسرَائِيلْ مَا ڤَدْرُوشْ يْشُوفُوا فِي وَجْهْ مُوسَى عْلَى جَالْ مَجْدْ أَلِّي عْلَى الْوَجْهْ تَعَهْ، الْمَجْدْ الْفَانِي، 8 كِيفَاشْ مَا تْكُونْشْ خِدْمَة الْرُّوحْ فَالْمَجْدْ؟ 9 عْلَى خَاطَرْ إِذَا كَانَتْ خِدْمَة الْدَّيْنُونَة فَالْمَجْدْ، شْحَالْ تْفُوتْهَا بَزَافْ خِدْمَة الْبِّرْ فَالمَجْدْ! 10 حَتَّى أَلِّي تْمَجَّدْ تَانِي مَا تْمَجَّدْشْ بْهَادْ الْصُورَة عْلَى جَالْ الْمَجْدْ أَلِّي فُوقْ كُلْ شِي. 11 عْلَى خَاطَرْ إِذَا كَانْ الْفَانِي فِيهْ الْمَجْدْ، شْحَالْ كْبِيرْ يْكُونْ الْمَجْدْ أَلِّي فَالْدَايَمْ! 12 إِذَا كَانْ عَنْدْنَا هَادْ الْرَجَاءْ الْكْبِيرْ نَخَدْمُوا بْجُرْأَة كْبِيرَة تَانِي. 13 مَاشِي كِيمَا مُوسَى أَلِّي كَانْ يْدِيرْحْجَابْ عْلَى الْوَجْهْ تَعَهْ بَاشْ مَا يْشُوفُشْ بْنِي إِسْرَائِيلْ الْتَالِي تَعْ الْفَانِي. 14 بَصَّحْ تَعْمَّتْ عْقُولْهُمْ، عْلَى خَاطَرْ مَازَالْ دَاكْ الْحْجَابْ عْلِيهُمْ حَتَّى لَلْيُومْ كِي يَقْرُوا الْعَهْدْ الْقْدِيمْ، أَلِّي الْمَسِيحْ ڤَلْعَهْ. 15 بَصَّحْ حَتَّى لَلْيُومْ، كِي يَقْرُوا مُوسَى، الْحْجَابْ مَحْطُوطْ عْلَى قْلُوبْهُمْ. 16 و كِي تَرْجَعْ قْلُوبْهُمْ لَرَّبْ يَتَرْفَعْ دَاكْ الْحْجَاب. 17 و الْرَّبْ هُوَ رُّوحْ، و وِينْ يْكُونْ رُّوحْ الْرَّبْ تْكُونْ الْحُرِيَّة. 18 و رَانَا ڤَاعْ نَشُوفُوا مَجْدْ الْرَّبْ بْوَجْهْ مَكْشُوفْ، كِيمَا فِي مْرَايَا، نَتَبَدْلُوا لْدِيكْ الْصُورَة كِيمَا هِيَ، مَنْ مَجْدْ لْمَجْدْ، كِيمَا الْرَّبْ الْرُّوحْ.
1 مَادَامْ عَنْدْنَا هَادْ الْخٍدْمَة بْرَحْمَة مَنْ الله مَا لَازَمْشْ نَفَشْلُوا، 2 حْنَا أَلِّي خَلِينَا الْسِيرَة لَمْخَبْيَة لِّي كُونَا نَحَشْمُوا بِهَا، مَا وَلِنَاشْ نَمْشُوا بْلَخْدَعْ، و لا نْزَوْرُوا كَلِمَة الله، بَصَّحْ نْبِيْنُوا الْحَقْ، نَشَكْرُوا رْوَاحْنَا عَنْدْ كُلْ إِنْسَانْ بْضَمِيرْصَالَحْ ڤُدَامْ الله. 3 بَصَّحْ إِذَا كَانْ إِنْجِيلْنَا مَكْتُومْ، رَاهْ مَكْتُومْ غِيرْ عَنْدْ الْهَالْكِينْ أَلِّي مَاشِي مُِؤمِنِينْ، 4 أَلِّي إِلَهْ هَادْ الْزْمَانْ عْمَى عْقُولْهُمْ، بَاشْ نُورْ إِنْجِيلْ مَجْدْ الْمَسِيحْ مَا يْنَاوَرْهُمْشْ، أَلِّي هُوَ صُورَة الله. 5 مَا رَانَاشْ نْبَشْرُوا بْأَنْفُسْنَا، بَصَّحْ بَالْمَسِيحْ يَسُوعْ رَبَّا، وحْنَا غِيرْ عَبِيدْ لِيكُمْ عْلَى جَالْ الْمَسِيحْ. 6 عْلَى خَاطَرْ الله أَلِّي ڤَالْ: "تَشْرَقْ الْنُورْ مَالْظَلْمَة"، هُوَ أَلِّي أَشْرَقْ فِي قْلُوبْنَا، وشْعَلْ نُورْ مَعْرِفَة مَجْدْ الله فِي وَجْهْ يَسُوعْ الْمَسِيحْ. 7 بَصَّحْ عَنْدْنَا هَادْ الْكَنْزْ فِي أَوَانِي تَعْ فَخَارْ، بَاشْ تْبَانْ الْقُوَّة الْكْبِيرَة مَنْ عَنْدْ الله مَاشِي مَنْ عَنْدْنَا. 8 الْصُعُوبَاتْ دَايْرَة بِينَا مَنْ كُلْ جِهَة بَصَّحْ مَا نْطِيحُوشْ، مَا لْڤِينَاشْ الْحَّلْ بَصَّحْ مَا فْشَلْنَاشْ. 9 مُضْطَهْدِينْ، بَصَّحْ الله مَا خَلاَنَاشْ. نْطِيحُوا لَلَّرْضْ بَصَّحْ مَاشِي مَيْتِينْ. 10 وِينْ نْرُوحُوا نَدُوا مُوتْ الْمَسِيحْ فِي أَجْسَدْنَا بَاشْ تْبَانْ تَانِي حْيَاةْ الْمَسِيحْ فِي أَجْسَدْنَا. 11 عْلَى خَاطَرْ حْنَّى الْحِيِّينْ يْسَلْمُونَا دَايَمْ لَلْمُوتْ عْلَى جَالْ يَسُوعْ، بَاشْ تْبَانْ حْيَاةْ يَسُوعْ فِي أَجْسَدْنَا الْمِيْتَة. 12 إِذَا الْمُوتْ تَخْدَمْ فِينَا، و الْحْيَاةْ تَخْدَمْ فِيكُمْ. 13 مَا دَامْ عَنْدْنَا رُوحْ الإِيمَانْ كِيمَا مَكْتُوبْ: " أَمَنْتْ بَاشْ تْكَلَّمْتْ" حْنَا تَانِي نَمْنُوا عْلَى جَالْ هَادْ الْإِيمَانْ نَتْكَلْمُوا تَانِي. 14 عَارْفِينْ بَلِّي أَلِّي حْيَّا الْرَّبْ يَسُوعْ مَالْمُوتْ يَحْيِّينَا حْنَا تَانِي بْيَسُوعْ، و كُونُوا فِي حضْرَتِهِ مْعَكُمْ. 15 عْلَى خَاطَرْ كُلْ شِي يْقِيسْنَاعْلَى جَالْكُمْ، حَتَّى إِذَا فَضَتْ الْنِعْمَة فَالْكْثِيرْ، تَجْعَلْ الْشُكْرْ يْفِيضْ لْمَجْدْ الله. 16 عْلَى جَالْ هَادْ الْشِي مَا نَفَشْلُوشْ، حَتَّى إِذَا كَانْ إِنْسَانْنَا أَلِّي يْبَانْ مَنْ بَرَى يَفْنَى، أَلِّي مَالْدَّاخَلْ يَتْجَدَّدْ مَنْ يُومْ أَلْ يُومْ. 17 عْلَى خَاطَرْ الْضِيقْ أَلِّي رَاهْ يْصْعَبْ عْلِينَا دُورْك فَانِي، ويَنْتَجْ لْنَا كْثَرْ مَنْ الْمَجْدْ الْغِيرْ فَانِي. 18 نَرَفْدُوا عْيُونْنَا مَالأُمُورْأَلِّي بَايْنَة ونْشُوفُوا لَلأُمُورْ أَلِّي مَا تْبَانْشْ، عْلَى خَاطَرْ أَلِّي تْبَانْ فَانْيَة، و أَلِّي مَا تْبَانْشْ مَاشِي فَانْيَة أَبَدِيَّة.
1 عْلَى خَاطَرْ نَعَرْفُوا بَلِّي كِي تْرِيبْ الْخَيْمَة الأَرْضِيَّة أَلِّي رَانَا سَاكْنِينْ فِيهَا، عَنْدْنَا فَالْسْمَا بَنْيَانْ مَنْ عَنْدْ الله، دَارْ مَاشِي مَصْنُوعَة بْيَّدْ الْنَّاسْ، أَبَدِيَّة فَالْسْمَا. 2 فَالْوَاقَعْ رَانَا فْهَادْ الْخِيْمَة مَشْتَقِينْ لْدَارْنَا أَلِّي فَالْسْمَا. 3 و إِذَا كُنَا لاَبْسِينْ مَا نْكُنُ.وشْ فَالْعْرَى 4 عْلَى خَاطَرْ حْنَا أَلِّي فِي هَادْ الْخِيْمَة نَتْنَهْثُوا كِي لِّي رَافَدْ حَاجَة ثْقِيلَة، مَاشِي بَاغْيِّينْ نَڤَلْعُوهَا بصَّحْ نَلَبْسُوا فُوڤْهَا، بَاشْ تَبْلَىعْ الْحْيَاة الْشِي أَلِّي مِيَتْ فِينَا. 5 و لِّي وَجَّدْ هَادْ الأُمُورْ هُوَ الله، أَلِّي عْطَانَا تَانِي عَرْبُونْ الْرُّوحْ. 6 وعَنْدْنَا اثِقَة فِي كُلْ وَقْتْ و عَارْفِينْ بَلِّي و حْنَا سَاكْنِينْ فْهَادْ الْجَسَدْ، رَانَا فِي مَتْغْرْب ينْ عالله. 7 عْلَى خَاطَرْ نَمْشُوا بَالإِيمَانْ مَاشِي بَالْعَيَانْ. 8 نْثِقُوا و نَفَرْحُوا مَلِّي نَتْغَرْبُوا عْلَى هَادْ الْجَسَدْ و نَسَكْنُوا عَنْدْ الْرَّبْ. 9 عْلَى جَالْ هَادْ الْشِي أَلِّي نَحَرْزُوا رْوَاحْنَا نْكُونُوا مَرْضِيِّينْ عَنْدَهْ سَاكْنِينْ كُنَا ولاَ مَتْغَرْبِينْ. 10 عْلَى خَاطَرْ نَوَقْفُوا ڤَاعْ مكْشُوفِينْ ڤُدَامْ عَرْشْ الْمَسِيحْ، و كُلْ وَاحَدْ يْنَالْ عْلَى حْسَابْ فْعَالَهْ كِي كَانْ فَالْجَسَدْ، خِيرْ كَانْ ولاَ شَّرْ. 11 و حْنَا عَارْفِينْ مَخَافَة الْرَّبْ نَقَنْعُوا الْنَّاسْ. ورَانَا بَايْنِّينْ ڤُدَامْ الله، و نَتْمَنُوا نْوَالُوا بَايْنِّينْ فِي الْضَمِيرْ تَعْكُمْ تَانِي. 12 مَاشِي وَلِينَا نَشْكرُوا رْوَاحْنَا عَنْدْكُمْ، بَصَّحْ نَعْطُولْكُمْ فُرْصَة تَفْتَخْرُوا بِينَا، بَاشْ يْكُونْ عَنْدْكُمْ لَجْوَابْ لَلِّي يَفْتَخْرُوا بَالْمَضَاهِرْ مَاشِي مَالْقَلْبْ. 13 وِلاَ رَانَا نْبَانُوا تْبَادَلْنَا هَدَا لله، و إِذَا وَلِينَا عَاقْلِينْ رَاهْ لِيكُمْ. 14 عْلَى خَاطَرْ مَحَبَّة الْمَسِيحْ مْسَيْطْرَة عْلِينَا. و رَانَا حَاسْبِينْ هَدَا: مَادَامْ وَاحَدْ مَاتْ عْلَى ڤَاعْ الْنَّاسْ، مَعْنَاهْ ڤَاعْ مَاتُوا. 15 و هُوَ مَاتْ عْلَى جَالْ ڤَاعْ الْنَّاسْ بَاشْ يْعِيشُوا حَيِّينْ مَمْبَعْدْ مَاشِي لَّرْوَاحْهُمْ، بَصَّحْ لَلِي مَاتْ عْلَى جَالْهُمْ و حْيَى. 16 و حْنَا مَنْ دُورْكْ مَا نَعْرْفُوا حَتَّى وَاحَدْ عْلَى حْسَابْ الْجَسَدْ. و إِذَا كُنَا عْرَفْنَا الْمَسِيحْ عْلَى حْسَابْ الْجَسَدْ، رَانَا دُورْكْ مَا نَعْرفُوهْشْ هَكْدَا. 17 عْلَى خَاطَرْ إِذَا كَانْ وَاحَدْ فَالْمَسِيحْ رَاهْ وَلَّى خْلِيقَة جْدِيدَة: الْشِي لَقْدِيمْ ڤَاعْ مفَاتْ، و رَاهْ كُلْ شِي وَلَّى جْدِيدْ. 18 و كُلْ هَادْ الْشِي مَنْ عَنْدْ الله، أَلِّي صَالَحْنَا لْنَفْسَهْ بْيَسُوعْ الْمَسِيحْ، و أَعْطَانَا خِدْمَة الْمُصَالَحَة، 19 مَعْنَاهْ الله كَانْ فَالْمَسِيحْ مْصَالَحْ الْعَالَمْ لْنَفْسَهْ، و مَا حْسَبْشْ لْهُمْ ذْنُوبْهُمْ، و حَطْ فِينَا كَلِمَة الْمُصَالَحَة. 20 و رَانَا دُورْكْ سُفَرَاء الْمَسِيحْ، كَلِّي الله يْبَشَّرْ بِنَا نَطَلْبُوا فِي مْكَانْ الْمَسِيحْ: "تْصَالْحُوا مْعَ الله". 21 عْلَى خَاطَرْ أَلِّي عَمْرَهْ مَا ذْنَبْ، رَدَاهْ الله خَطِيَة عْلَى جَالْنَا بَاشْ نْوَلُوا حْنَا بِرْ الله فِيهْ
1 مَادَامْ رَانَا نَخَدْمُوا مْعَ الله، نَطْلَبْ مَنْكُمْ مَنْكْكُمْ بَاشْ قْبُولْكُمْ لْنِعْمَةْ الله مَا تْكُونْشْ بَاطَلْ. 2 عْلَى خَاطَرْ يْڤُولْ: " فِي يُومْ الْقُبُولْ سْمَعْتَكْ، و فِي يُومْ الْسْلاَكْ عَوَنْتَكْ". رَاهْ دُورْكْ وَقْتْ مَقْبُولْ. رَاهْ دُورْكْ يُومْ الْسْلاَكْ. 3 و مَا رَانَاشْ نْدِيرُوا صْوَالَحْ نْكُونُوا سَبَّة يْطِيحْ وَاحَدْ مَنْكُمْ بَاشْ مَا تَتْلاَمْشْ الْخِدْمَة. 4 بَصَّحْ فِي كُلْ شِي رَانَا نَتْمَشُوا بَاشْ نْبَانُوا صَّحْ خُدَامْ الله، فِي بَزَافْ مَالْصْبَرْ: فِالْضِيقْ، فِي إِحْتِيَاجَاتْ، فِي ضَرُورَاتْ، وإِضْطِهَادَاتْ، 5 فَالْضَربْ، فَالْحَبْسْ، فَي إِضْطِرَابَاتْ، فَالْتَعْبْ، فَالْسَهْرْ، فَالْصُومْ، 6 فَالْطَهَارَة، فَالْمَعْرِفَة، فِي طُولْ الْبَالْ، فَالْلُطْفْ، فَالْرُّوحْ الْقُدُسْ، فَالْمَحَبَّة أَلِّي مَا فِيهَاشْ الْرَيَاء، 7 فِي كْلاَمْ الْحَقْ، فِي قُوَة الله بَسْلاَحْ الْبِرْ فَالْهُجُومْ و الْدِفَاعْ. 8 فِي وَسْطْ الْمَجْدْ والْهَوَانْ، فِي وَسْطْ الْسُمْعَة الْمْلِيحَة و لِّي مَاشِي مْلِيحَة. يْشُوفُوا فِينَا خَدَاعِينْ و حْنَا صَادْقِينْ، 9 كِي أَلِّي مَاشِي مَعْرُوفِينْ و حْنَا مَعْرُوفِينْ بَزَافْ، كِي الْمَيْتِينْ و حْنَا مَازَلْنَا حِيِّينْ، كِي الْمَضْرُوبِينْ و مَاشِي مَقْتُولِينْ، 10 كِي الْحَازْنِينْ و حْنَا دَايْمَنْ فَرْحَانِينْ، كِي الْفُقَرَاء و حْنَا نَغْنُوا بَزَافْ، كِي لِّي مَا عَنْدْهُمْ وَالُوا بَصَّحْ عَنْدْنَا كُلْ شِي. 11 فَمْنَا مَفْتُوحْ لِيكُمْ يَا أَهْلْ كُورِنْثُوس. و قَلْبْنَا وَاسَعْ. 12 مَارَاكُومْشْ مَتْضَيْقِينْ عْلَى جَالْنَا بَصَّحْ عْلَى جَالْ الإِحْسَاسْ تَعْكُمْ. 13 بَصَّحْ نْرَدْ لْكُمْ لَجْمِيلْ و نْكَلَمْكُمْ كِيمَا أَوْلاَدِي: كُونُوا نْتُمَ تَانِي وَاسْعِينْ الْقَلْبْ! 14 مَا تْكُونُوشْ تَحْتْ نِيرْ وَاحَدْ مْعَ لِّي مَاشِي مُومْنِينْ، عْلَى خَاطَرْ وَاشْ مَنْ خَلْطَة لَلْبِرْ و الذْنُوبْ؟ و وَاشْ مَنْ شَرِكَة لَنُورْ مْعَ الْظَلْمَة؟ 15 و وَاشْ مَنْ إِتِفَاقْ لَلْمَسِيحْ مَعْ إِبْلِيسْ؟ و وَاشْ مَنْ نْصِيبْ لَلْمُؤْمَنْ و غِيرْ مُؤْمَنْ؟ 16 و وَاشْ مَنْ إِتِفَاقْ لْهَيْكَلْ الله مَعَ الأصْنَامْ؟ إِذَا أَنْتُمَ هَيْكَلْ الله الْحِي، كِيمَا ڤَالْ الله: "رَانِي رَايَحْ نَسْكُنْ فِيهُمْ و نَمْشِي بِينَاتْهُمْ، و نْكُونْ لْهُمْ إِلَهْ، و هُمَا يْكُونُوا شَعْبْ تَاعِي. 17 عْلَى جَالْ هَادْ الْشِي أَخَرْجُوا مَنْ وَسْطْهُمْ كُونُوا مَنْفَصْلِينْ، يْڤُولْ الْرَّبْ. و مَا تْمَسُوشْ الْشِي الْنَجَسْ و أَنَا نَقْبَلْكُمْ، 18 و نْكُونْ أًبْ لِيكُمْ، و أَنْتُمَ تْكُونُوا وْلاَدِي و بْنَاتِي، يْڤُولْ الْرَّبْ الْقَادَرْ عْلَى كُلْ شِي".
1 وإِذَا نَلْنَا هَادْ الْوْعُودْ يَا حْبَّابِي نْطَهْرُوا ذَوَاتْنَا مَنْ كُلْ شِي يْدَنَسْ الْجَسَدْ و الْرُّوحْ، و نْكَّمْلُوا الْقَدَسَة فِي خُوفْ الله. 2 أَقَبْلُونَا. مَا ظْلَمْنَا حَتَّى وَاحَدْ. مَا خَسَرْنا مْعَ حَتَّى وَاحَدْز مَا طْمَعْنَا فِي وَاحَدْ. 3 مَا رَانِيشْ نْڤُولْ هَادْ الْشِي بَاشْ نَحْكَمْ عْلِيكُمْ، عْلَى سْبَقْتْ و ڤُولْتْ رَاكُمْ فِي قْلُوبْنَا، حَتَّى رَانَا نْمُوتُوا مْعَكُمْ و نَحْيُوا مْعَكُمْ. 4 عَنْدِي ثِقَة كْبِيرَة فِيكُمْ. و نْزُوخْ بَزَافْ بِكُمْ رَانِي مْعَمَرْ تَشْجِيعْ و فَرْحِي زَادْ فِي ڤَاعْ ضِيقَاتْنَا. 5 عْلَى خَاطَرْ كِي جِينَا لْمَكِدُونِيَّة مَا رِيَحْنَاشْ فِي أَجْسَدْنَا، و كُنَا فِي ضِيقْ مَنْ كُلْ جِهَة: كْثَرْ عْلِينَا لَعَدْوَى مَنْ بَرَى، وزَادْ الْخُوفْ فِي دَاخَلْنَا. 6 بَصّحْ الله أَلِّي يْعَزِّي الْمَتْوَاضْعِينْ عَزَّانَا مَلِّي جَا تِيطُسْ. 7 ومَاشِي بْمَجِيءْ تَعَهْ بَارْكْ حَتَّى بَالْتَّعْزِيَة أَلِّي لْڤِينَهَا عَنْدْكُمْ، و هُوَ خَبَرْنَا بَالْشُوقْ تَعْكُمْ و نْوَحْكُمْ و غِيرَتْكُمْ عْلِيَا، حَتَّى فْرَحْتْ بَزَافْ 8 و إِذَا حَزَنْتْكُمْ بَالْبْرِيَّة تَعِي مَا رَانِيشْ نَدَمْ، حَتَّى و لَوْ أنْدَمْتْ فَالْلَوَلْ، حَتَّى و إِذَا دِيكْ الْبْرِيَّة حَزْنَتْكُمْ شْوِيَة. 9 و دُورْكْ رَانِي فَرْحَانْ، مَاشِي عْلَى خَاطَرْ حْزَنْتُوا، بَصَّحْ عْلَى جَالْ حْزَنْتُوا لَتُّوبَة. عْلَى خَاطَرْ حْزَنْتُوا عْلَى حْسَابْ مَشِيئَة الله بَاشْ مَاتَتْحْيْرُوشْ مَنَا فِي حَتَّى شِي. 10 عْلَى خَاطَرْ الْحُزْنْ الِّي عْلَى حْسَابْ مَشِيئَة الله يَدِي لَتُّوبَة لَلْسْلاَكْ بْلاَ نْدَامَة، و حُزْنْ الْعَالَمْ يَدِي لَلْمُوتْ. 11 شُوفُوا دُورْكْ هَادْ الْحُزْنْ أَلِّي عْلَى حْسَابْ مَشِيئَة الله، شْحَالْ جَابْ لْكُمْ: مَالإِجْتِهَادْ، وحَتَّى الْنْدَامَة، و حَتَّى الْغَيْظْ، وحَتَّى الْخُوفْ، و حَتَّى الْتَشْوُقْ، و حَتَّى الْغِيرَة، و حَتَّى التَأرْ. فِي كُلْ شِي بَيَّنْتُوا رْوَاحْكُمْ أَبْرِيَاءْ فِي هَادْ الْشِي. 12 وإِذَا كُنْتْ كْتَبْتْ لْكُمْ، مَاشِي عْلَى جَالْ الْذَانَبْ و لاَ عْلَى جَالْ الْذْنُوبْ، بَصَّحْ بَاشْ يْبَانْ لْكُمْ ڤُدَامْ الله إِجْتِهَادْنَا عْلَى جَالْكُمْ. 13 عْلَى جَالْ هَادْ الأُمُورْ تْعَّزِينَا بْتَعْزِيَتْكُمْ. بَصَّحْ فْرَحْنَا بَزَافْ عْلَى جَالْ فَرْحْ تِيطُسْ، عْلَى خَاطَرْ رُوحَهْ رْتَحَتْ بِكُمْ أَنْتُمَ ڤَاعْ. 14 و إِذَا كُنْتْ زُوخْتْ شْوِيَة مَنْ جِهَتْكُمْ مَا نَحْشَمْشْ، بَصَّحْ كِيمَا كَلَّمْنَاكُمْ بْكُلْ شِي بَالْصَّحْ، وإِفْتِخَارْنَا تَانِي عَنْدْ تِيطُسْ وَلَى صَادَقْ. 15 و الْمَشَاعِرْ تَعَهْ مَنْ جِهَتْكُمْ رَاهِي تَكْبَرْ، مَتْفَكَرْ طَاعَتْكُمْ، و كِيفَاشْ قْبَلْتُوهْ بْخُوفْ و رَعْدَة. 16 و أَنَا نَفْرَحْ و عَنْدِي ثِقَة فِيكُمْ فِي كُلْ شِي.
1 و دُوركْ نْخَبْرُكُمْ يَا خُوتْ بْنِعْمَة الله أَلِّي تَعْطَاةْ فِي كْنَايَسْ مَكِدُونِيَّة، 2 و هُمَا فِي تَجْرِبَة و ضِيقْ كْبِيرْ فَرْحْهُمْ الْدَايَمْ و فَقْرْهُمْ الْعْمِيقْ ثْمَرْ مَنْهُمْ بَزَافْ سَخَاءْ، 3 عْلَى خَاطَرْ مَدُّوا عْلَى حْسَابْ لِّي عَنْدْهُمْ، و أَنَا نَشْهَدْ مَدُّوا كْثَرْ مَلِّي عَنْدْهُمْ، وبْلَى مَا يْحَتَّمْهُمْ وَاحَدْ، 4 و كَانُوا طَلْبُوا مَنَا بْإِلْحَاحْ نَقَبْلُوا الْخِيرْ تَعْهُمْ و شَرِكَتْهُمْ فْخِدْمَة الْقِدِّيسِينْ. 5 و دَارُوا فُوقْ أَلِّي كُنَا نَسَنُوا، كِي سَلْمُوا نْفُوسْهُمْ مَلْلَوَلْ لَرَّبْ، و لِينَا تَانِي، بْمَشِيئَة الله. 6 حَتَّى طْلَبْنَا مَنْ تِيطُسْ يْكَمَلْ لْكُمْ هَادْ الإِحْسَانْ كِيمَا بْدَى، و يْكَمَلْ لْكُمْ هَادْ الْنِعْمَة. 7 و كِيمَا رَاكُمْ تَزْدَادُوا فِي كُلْ شِي: فَالإِيمَانْ و الْكْلاَمْ و الْعِلْمْ وكُلْ إِجْتِهَادْ و مَحَبَّتْكُمْ لِنَا، نَتْمَنَى تَزْدَادُوا فِي هَادْ الْنِعْمَة تَانِي. 8 مَا رَانِيشْ نْڤُولْ هَكْدَا عْلَى خَاطَرْ أَمْرْ، بَصَّحْ بْحَمَاسْ أُخْرِينْ، مْجَرَبْ إِخْلاَصْ مْحَبَّتْكُمْ تَانِي. 9 و أَنْتُمَ تَعَرْفُوا نِعْمَة رَبِّنَا يَسُوعْ الْمَسِيحْ، أَلِّي عْلَى جَالْكُمْ أَفْتَقَرْ و هُوَ غَنِّي، بَاشْ تَسْتَغْنُوا أَنْتُمَ بَالْفَقْرْ تَعَهْ. 10 نَعْطِي رَايِّي فِي هَادْ الأَمْرْ تَانِي، عْلَى خَاطَرْ هَدَا يَنْفَعْكُمْ أَنْتُمَ أَلِّي سْبَقْتُوا و بْدِتُوا مَالْعَامْ أَلِّي فَاتْ، مَاشِي أَدِيرُوا بَارْكْ بَصَّحْ تَبْغُوا أَدِيرُوا تَانِي. 11 و دُورْكْ كَمْلُوا أَدِيرُوا هَادْ الْشْغُلْ، كِيمَا كُونْتُوا تَبْغُوا أَدِيرُوا، تْكُونُوا تَانِي وَاجْدِينْ أَتْكَمْلُوا هَادْ الْعَطَاءْ عْلَى حْسَابْ مَا عَنْدْكُمْ. 12 عْلَى خَاطَرْ إِذَا كَثونْتُوا بَاغْيِّينْ الْعَطَاءْ مَقْبُولْ عْلَى حْسَابْ مَا كْسَبْ الإِنْسَانْ، مَاشِي عْلَى حْسَابْ أَلِّي مَا كَسْبَهْشْ. 13 و هَادَا مَاشِي بَاشْ يْكُونْ لَلَّخْرِينْ رَاحَة و تْكُونُوا أَنْتُمْ فِي ضِيقْ، 14 بَصَّحْ عْلَى أَسَاسْ الْمُسَاوَاة. بَاشْ الْزْيَادَة لِّي عَنْدْكُمْ تْغَطِي النَقْصْ تَعْهُمْ، و زْيَادَة تَعْهُمْ تْغَطِي الْنَقْصْ تَعْكُمْ هَادِ هِيَ الْمُسَاوَاةْ. 15 كِمَا مَكْتُوبْ: " أَلِّي لَيَمْ بَزَافْ مَا يبْقَالَهْشْ، و لِّي لَيَمْ شْوِيَة مَا يْخَصَاهشْ". 16 بَصَّحْ نَشْكَرْ الله أَلِّي حَطْ فِي قَلْبْ تِيطُسْ كِمَا هَادْ الْحَمَاسْ عْلَى جَالْكُمْ، 17 عْلَى خَاطَرْ قْبَلْ مَا نَطَلْبُوا مَنَه، كَانْ عَنْدهْ حَمَاس و جَا لْعَنْدْكُمْ مَنْ رُوحَهْ. 18 و أَرْسَلْنَا مْعَهْ الأَخْ أَلِّي شَكْرَالْخِدْمَة تَعَه لَلإِنْجِيلْ فْڤَاعْ الْكَنَائِسْ. 19 مَاشِي غِيرْ هَادْ الْشِي بَارْكْ، هُوَ مْخَيَّرْ تَانِي مالْكَنَائِسْ صَاحَبْنَا فَالْسْفَرْ، بَاشْ نْوَاصْلُوا هَادْ الْنِعْمَة لِّي رَا تَهِي خْدَمْ فِينَا لْمَجْدْ الْرَّبْ الْوَاحَدْ، وبََاشْ تْكُونُوا نَاشْطِينْ. 20 و نْعَسُوا رُوَاحْنَا بَاشْ وَاحَدْ مَا يْلُومْنَا فْهَادْ الْصَدْقَة الْكْبِيرَة أَلِّي رَانَا قَيْمِينْ بِيهَا. 21 دَايْرِينْ غِيرْ الأُمُورْ لَمْلِيحَة مَاشِي غِيرْڤُدَامْ الله، بَصَّحْ حَتَّى ڤُدَامْ الْنَّاسْ تَانِي. 22 و أَرْسَلْنَا مْعَهْ خُونَا، أَلِّي خْتَبَرْنَاهْ شْحَالْ مَنْ مَرَّة فِي أُمُورْ كْثِيرَة و لْڤِينَا فِيهْ حَمَاسْ، و دُورْكْ عَنْدَهْ حَمَاسْ كْثَرْ بَالْثِقَة الْكْبِيرَة بِكُمْ. 23 و مَنْ جِهَة تِيطُسْ هُوَ شْرِيكِي و خَدَامْ مْعَيَا عْلَى جَالْكُمْ. و زُوجْ خَوَتْنَا لُخْرِينْ هُمَا رُسُولْ الْكَنَائِسْ، و مَجْدْ الْمَسِيحْ. 24 بَيْنُوا لْهُمْ و ڤُدَامْ الْكَنَائِسْ تَانِي، مَحَبَّتْكُمْ، و إِفْتِخَارْنَا مَنْ جِهَتْهُمْ.
1 مَشِي لاَزَمْ لْكُمْ مَنْ جِهَة خِدْمَة مْعَوْنَة الْقِدِّيسِين، 2 عْلَى خَاطَرْ نَعْرَفْ الْحَمَاسْ تَعْكُمْ أَلِّي رَانِي نْزُوخْ بِهْ لَلْمَكِدُونِيِّينْ، بَلِّي أَخَائِيَة رَهِي وَاجْدَة تْعَوَنْكُمْ مَالْعَامْ أَلذِي فَاتْ. و الْحَمَاسْ تَعْكُمْ مَّسْ بَزَافْ مَالْخُوتْ. 3 بصّحْ أَرْسَلْتْ الاِخْوَة بَاشْ مَيْتْعَطَلْشْ الزُّوخْ تَاعْنَا مَنْ جِهَتْكُمْ مَنْ هَادْ الجِهَة، 4 بَاشْ تْكُونُوا وَاجْدِينْ كِيمَا ڤُلْتْ .بَاشْ يْلَا جَاوْ مْعَايَا مَكِدُنِيُّونَ وْصَابُوكُمْ مَاشِي وَاجْدِينْ حْنَا بَاشْ مَانْڤُولْشْ نْتُومَا فْهَادْ الزُّوخْ. 5 وْشَفْتْ لَازَمْ نَطْلَبْ مَ الْاِخْوَة بَاشْ يْجُو قْبَلْ عَنْدْكُمْ , وْيْوَجْدُو البرَكَة لِي ڤُلْتْ عْلِيهَا مْقْبَلْ ,بَاشْ تْكُونْ بَرَكَة مَاشِي بُخْلْ . 6 هَكَا لِي يَزْرَعْ بالشَّحَة يَحْصَدْ بالشَحَّة ,وْلِي يَزْرَعْ بالْبَرَكَة يَحْصَدْ بالبَرَكَة. 7 كُلْ وَاحَدْ يَتْبَرَّعْ كِيمَا نْوى فِي ڤَلْبَهْ ، مَاشِي بْالْحُزْنْ وَلاَ بَسِّيفْ .عْلَاخَاطَرْش لِي يْمَدْ بالْفَرْحْ يَبْغِيهْ رَبِي 8 وْ رَبِي قَادَرْ يْزِدَلْكُمْ كُلْ خِيرْ ,بَاشْ يْكُونْ عَنْدْكُم اِكْتِفَاءْ في كُلْ حَاجَة و في اَيْ وَقْتْ ,في كُلْ عَمَلْ صَالِحْ 9 كِيمَا مَكتوبْ :"اَعطِي لَلْمَسَاكينْ بْلَا شَحَّة.يَنْعْطَالْكُمْ لَلَْابَدْ ". 10 وْ لِي يْمَدْ بَذْرَة لْزَّرَعْ, ,ْخُبْزْ لَلْمَاكْلَة غَادِي يَنْعْطَالْكُمْ وْ يَكْثَرْ بِذَارْ تَاعْكُمْ وْ يْزِيدْ اَثْمَارْ البِرْ تَاعْكُمْ 11 .تَتَغْنُوا فِي كُلْ شِي لْكُلْ سَخَاءْ مَالْقَلْبْ يَثْمَرْ بِينَا شُكْرْالله. 12 عْلَى خَاطَرْ خِدْمَة الله فْهَادْ الْمْعَوْنَة مَاشِي تْعَوَنْ إِحْتِيَاجْ الْقِدِّيسِينْ بَارْكْ، بَصَّحْ تْزِيدْ بَزَافْ شُكْرْ الله، 13 و هُمَا مَلِّي جَرْبُوا هَادْ الْخِدْمَة، يْمَجْدُوا الله عْلَى طَاعَتْكُمْ و شْهَادَتْكُمْ لْإِنْجِيلْ الْمَسِيحْ، و سَخَاءْ لَمْعَوْنَة تَعْكُمْ لِيهُمْ و لْڤَاعْ الْنَّاسْ. 14 و بدْعَاوَاتْهُمْ عْلَى جَالْكُمْ، مَتْوَحْشِينْكُمْ عْلَى جَالْ نِعْمَة الله الْكْبِيرَة عَنْدْكُمْ. 15 شُكْرَا لله عْلَى الْعَطِيَّة تَعَهْ أَلِّي مَا تَتَوصَفْشْ.
1 و نْزِيدْ نَطْلَبْ مَنْكُمْ بْوَادَعَة الْمَسِيحْ و الْحَنَانَة تَعَهْ، أَنَا بُولُسْ الْمُتَوَاضَعْ و أَنَا حَاضَرْ بِينَاتْكُمْ، و الْجَرِيءْ وأَنَا غَايَبْ عْلِيكُمْ. 2 نَتْمَنَى مَا تْحَتْمُونِيشْ نْكُونْ جَرِيءْ كِي نْجِي لْعَنْدْكُمْ، عْلَى خَاطَرْ لاَزَمْ نَتْجَرَاءْ عْلَى قُومْ حَاسْبِينْ بَلِّي رَانِي نَتْمَشُوا عْلَى حْسَابْ الْجَسَدْ. 3 عْلَى خَاطَرْ إِذَا كُنَا نَتْمَشُوا عْلَى حْسَابْ الْجَسَدْ، مَا رَانَاشْ نْحَارْبُوا بَالْجَسَدْ. 4 عْلَى خَاطَرْ سْلاَحْ مْحَارْبَتْنَا مَاشِي جَسَدِي، بَصَّحْ ڤَادَرْ بَالله يْهَدَمْ حُصُونْ. 5 هَادْمِينْ الْظُنُونْ و كُلْ عَالِي يَطْلَعْ ضَدْ مَعْرِفَة الله، و نَدُوا كُلْ فِكْرْلْطَاعَة الله، 6 وَاجْدِينْ نْعَاقْبُوا كُل عِصْيَانْ، كِي تَكْمَلْ طَاعَتْكُمْ. 7 تَحَكْمُوا عْلَى الأُمُورْ عْلَى حْسَابْ مَا تْبَانْ مَالْفُوڤْ؟ إِذَا كَانْ وَاحَدْ عَنْدَهْ ثِقَة بَلِّي هُوَ تَعْ الْمَسِيحْ، يْفَكَرْ تَانِي إِذَا رَاهْ تَعْ الْمَسِيحْ حْنَا تَانِي تَعْ الْمَسِيحْ! 8 وإِذَا زُوخْتْ أَكْثَرْ مَالْلاَزَمْ بَالْسُلْطَة أَلِّي أَعْطَاهَلْنَا الْرَّبْ، بَاشْ نَبْنِوْكُمْ مَاشِي بَاشْ نْهَدْمُكُمْ، عْلَى هَادْ الْشِي مَا رَانِيشْ حَشْمَانْ. 9 بَاشْ مَا يْبَانْشْ رَانِي نْخُوَفْكُمْ بَالْبْرِيَّاتْ. 10 عْلَى خَاطَرْمَنْكُمْ أَلِّي يْڤُولْ: " الْبْرِيَّاتْ تَعَهْ ثْقِيلَة و قْوِيَّة، و حْضُورَهْ ضْعِيفْ، و كْلاَمَهْ خْفِيفْ". 11 إِيْرَادْ بَالَهْ أَلِّي رَاهْ حَاسَبْ هَكْدَا: كِيمَا نَهْدْرُوا فَالْبْرِيَّاتْ و حْنَا غَايْبِينْ، هَكْدَاكْ نْكُونُوا بَالْصَّحْ و حْنَا حَاضْرِينْ. 12 عْلَى خَاطَرْ مَا نَڤَدْرُوشْ نَحَسْبُوا نْفُسْنَا كِي الْقُومْ أَلِّي يَشَكْرُوا نْفُسْهُمْ، و مَا نْشْبْهُوشْ نْفُسْنَا بِهُمْ، هُمَا يْقِيْسُوا رُوحْهُمْ بْرُوحْهُمْ، و يْقَارْنُوا نْفُسْهُمْ بَنْفُسْهُمْ، و هُمَا مَاشِي فَاهْمِينْ. 13 بَصَّحْ حْنَا مَا نْزُوخُوشْ بَالْشِي أَلِّي مَا يَتَوزَنْشْ، بَصَّحْ بْمِيزَانْ الْقَانثونْ أَلذِي ڤَسْمَهْ لْنَا الله، بَاشْ نَوَاصْلُوا بِه لْعَنْدْكُمْ تَانِي. 14 عْلَى خَاطَرْ مَا نَتْعَدَاوْشْ الْحُدُودْ تَعْنَا كَلِي مَا وْصَلْنَاشْ لِيكُمْ. و حْنَا وْصَلْنَل لِيكُمْ تَانِي فَالإِنْجِيلْ تَعْ الْمَسِيحْ. 15 مَا نْزُوخُوشْ بَالْتَعْبْ تَعْ لُخْرِينْ، بَصَّحْ نَتْمَنُوا إِذَا كْبَرْ إِيمَانْكُمْ نَكَبْرُوا بِيْنَاتْكُمْ عْلَى حْسَابْ الْقَانُونْ تَعْنَا، 16 بَاشْ نْبَشْرُوا لَنَّاسْ اَلِّي بَرَى عْلَى مْدِينَتْكُمْ. و مَا نْزُوخُوشْ بَالأُمُورْ اَلِّي فِي قَانُونْ غِيرْنَا. 17 و أَلِّي: " بْغَى يْزُوخْ يْزُوخْ بَالْرَّب" 18 عْلَى خَاطَرْ الْمْزِيَة مَاشِي أَلِّي يَشْكَرْ رُوحَهْ بَصَّحْ فَالِّي يَشَكْرَهْ الْرَّبْ.
1 نَتْمَنَى تَحْتَمْلُوا الْغَبَاوَة تَاعِي شْوِيَة! بَصَّحْ أَنْتُمَ تَحْتَمْلُونِي. 2 رَانِي نْغِيرْ مَنْكُمْ غِيْرَة الله، عْلَى خَاطَرْ خْطَبْتْكُمْ لْرَاجَلْ وَاحَدْ، بََاشْ نْقَدَمْ عْذْرَاءْ نْقِيَة لَلْمَسِيحْ. 3 بَصَّحْ رَانِي خَايَفْ يَصْرَالْكُمْ كِمَا خَدْعَتْ الْلَّفْعَة حَوَّاءْ بَالْحِيلَة تَعْهَا، تَتَخْدَعْ عْقُولْكُمْ مَنْ بَسَاطَة الْمَسِيحْ. 4 و إِذَا وَاحَدْ يْبَشَّرْلْكُمْ بْيَسُوعْ أَخَرْ مَا بَشَّرْنَاشْ بِهْ حْنَا، و لاَ تَقَبْلُوا رُوحْ اُخْرَى مَنْ غِيرْ الْرُّوحْ الْقُدُسْ، ولاَ إِنْجِيلْ أَخَرْمَا تَعَرْفُوهْشْ، رَاكُمْ مَحْتَمْلِينْ هَادْ الْشِي بْفَرْحْ! 5 و رَانِي حَاسَبْ رُوحِي مَا يْخَصْنِي وَالُوا عْلَى الْرُّسُلْ الْكْبَارْ. 6 حَتَّى و إِذَا كُنْتْ نَهْدَرْ بَكْلاَمْ الْعَامَة مَاشِي فَصِيحْ، مَا تْخَصْنِيشْ مَعْرِفَة، و وَرِنَلْكُمْ كُلْ شِي ڤُدَامْ ڤَاعْ الْنَّاسْ. 7 ولاَ الْغَلْطَة تَاعِي مَلِّي بَشَّرْتْكُمْ بَالإِنْجِيلْ بْلَّى خْلاَصْ و نَقَصْتْ مَنْ قَدْرِي بَاشْ يْزِيدْ قْدَرْكُمْ؟ 8 ظْلَمْتْ كْنَايَسْ أُخْرِينْ كِي تْحَمْلُوا مَصْرُوفْ خِدْمَتْكُمْ، و كِي كُنْتْ حَاضَرْ عَنْدْكُمْ و أَحْتَجْتْ، مَا ثَقَلْتْ عَلَى وَاحَدْ مَنْكُمْ. 9 عْلَى خَاطَرْ إِحْتِيَاجِي خَلْصُوهْ الْخُوتْ أَلِّي جَاوْ مَنْ مَكِدُونِيَّة. و فِي كُلْ شِي مَا بْغِتْشْ نَثْقَالْ عْلِيكُمْ، و نَحْفَظْهَا 10 ومَادَامْ حَقْ الْمَسِيحْ فِيَّى. وَاحَدْ مَا يْحَبَسْ الْزُوخْ هَدَا تَعِي فِي بْلاَدْ أَخَائِيَّة. 11 عْلاَشْ؟ عْلَى خَاطَرْ مَا نْحَبْكُومْشْ؟ الله يَعْلَمْ. 12 بَصَّحْ نْدِيرْ الْشِي أَلِّي رَانِي نْدِيرَهْ دُورْكْ بَاشْ نْبَطَلْ الْسَبَة تَعْ اَلِّي رَاهُمْ يْحَوْسُوا عْلَى سَبَة تْبَيَنْهُمْ كِمَا حْنَا فَالْشِي لِّي يْزُوخُوا بِهْ. 13 عْلَى خَاطَرْ نَّاسْ كِمَا هَادُوا هُمَا رُسُلْ كَذَبَة، وخَدَاعِينْ، يْبَدْلُوا صُورَتْهُمْ كَلِي رُسُلْ الْمَسِيحْ 14 و لاَ عَجَبْ. عْلَى خَاطَرْ الْشِيطَانْ نَفْسَهْ يْبَدْلْ صُورْتَهْ لْشْبَهْ مَلاَيْكَة الْنُورْ! 15 مَاشِي مُحَالْ إِذَا خُدَامْ الْشِيطَانْ تَانِي يْبَدْلُوا صُورَتْهُمْ كِي خُدَامْ لَلْبِرْ. أَلِّي أَخْرَتْهُمْ تْكُونْ عْلَى حْسَابْ فْعَالْهُمْ. 16 و نْڤُولْ تَانِي: وَاحَدْ مَا يَحْسَبْنِي بَلِّي بَهْلُولْ، ولاَ أَقَبْلُونِي كِي بَهْلُولْ، بَاشْ نْزُوخْ أَنَا تَانِي شْوِيَة. 17 أَلِّي رَانِي نًهْدَرْ بِهْ مَاشِي عْلَى حْسَابْ الْرَّبْ، بَصَّحْ كِمَا رَانِي نَتْبَهْلَلْ، وهَادَا سَبَابْ الْزُوخْ تَعِي. 18 مَلِّي كَايَنْ شْحَالْ يْزُوخُوا عْلَى حْسَابْ الْجَسَدْ، نْزُوخْ اَنَا تَانِي. 19 كِي رَاكُومْ تَحْتَمْلُوا بَالْفَرْحْ الْبْهَالِيلْ، أَنْتُمَ الْعَاقْلِينْ! 20 و رَاكُمْ تَحْتَمْلُوا: أَلِّي يَسْتَعْبَدْكُمْ! أَلِّي يَاكَلْكُمْ! أَلِّي يَسْتَغْلْكُمْ! أَلِّي يَتْكَبَرْ عْلِيكُمْ! أَلِّي يَضْرَبْكُمْ! عْلَى وْجُوهكُمْ! 21 مَاشِي هَادَا هُوَ الْذَّلْ و نْڤُولْ: شْحَالْ كُنَا ضْعَافْ مْعَاكُمْ! 22 إِذَا هُمَا عِبْرَانِيُّونْ؟ أَنَا تَانِي. إِذَا هُمَا إِسْرَائِيلِيُّونْ؟ أَنَا تَانِي. إِذَا هُمَا مَنْ نَسْلْ إِبْرَاهِيمْ؟ أَنَا تَانِي. 23 إِذَا هُمَا خُدَامْ الْمَسِيحْ؟ نْڤُولْ كِي وَاحَدْ مَهْبُولْ، أَنَا خِيرْ مَنْهُمْ: فَالْتَعْبْ أَكْثَرْ مَنْهُمْ، فَالْضَرْبْ أَكْثَرْ، فَالْحْبُوسْ أَكْثَرْ، فَالْتَعَرَضْ لَلْمُوتْ شْحَالْ مَنْ مَرَّة. 24 مَنْ الْيَهُودْ تَجْلَدْتْ خَمْسَة مَرَّاتْ رَبْعِينْ جَلْدَة غِيرْ وَاحْدَة. 25 ثَلْثْ مَرَّاتْ تَضْرَبْتْ بَالْعْصَى، رَجْمُونِي مَرَّة، ثَلْثْ مَرَّاتْ تْكَسَرْ بِيَا الْبَابُورْ، شْحَالْ مَنْ لِيلَى و نْهَارْ فَوَتْ فِي وَسْطْ الْبْحَارْ. 26 سَافَرْتْ شْحَالْ مَنْ مَرَّة، و شْحَالْ مَنْ حَمْلَة قَبَلْتْ، أَخْطَاْرالْطْريڤْ و الْخِيَانْ، وأَخْطَارْ بْنِي جِنْسِي، و أَخْطَارْ فَالْمْدِينَة، و أَخْطَارْ فَالْصَحْرَى، و أَخْطَارْ فَالْبْحَرْ، و أَخْطَارْ مَنْ خُوتْ كَذَابِينْ. 27 و شْحَالْ عَانِيتْ مَالْتَعْبْ و الْكَدْ، و الْسَهْرَ شْحَالْ مَنْ مَرَّة، و الْجُوعْ و الْعْطَشْ، و الْصْيَامْ شْحَالْ مَنْ مَرَّة، فَالْبَرْدْ و الْعْرَى. 28 و فُوڤْ ڤَاعْ هَادْ الْمَخَاطَرْ: زَادْ عْلِيَا الْضَغْطْ يُومْ وْرَى يُومْ، مَلِّي أَرْفَدْتْ هَمْ ڤَاعْ الْكَنَائِسْ. 29 كَايَنْ اَلِّي يَضْعَفْ و أَنَا مَا نَضْعَفْشْ؟ و أَلِّي يَغلَطْ و أَنَا مَا نَتَحْرَڤْشْ؟ 30 و إِذَا لاَزَمْ نْزُوخْ، نْزُوخْ بْأُمُورْ ضَعْفِي. 31 الله أَبُو رَبِّنَا يَسُوعْ الْمَسِيحْ، أَلِّي هُوَ مُبَارَكْ لَلأَبَدْ، عَالَمْ بَلِّي مَا رَانِيشْ نَكْذَب 32 فِي دِمَشْقْ، الْوَالِي أَلِّي حَطَهْ الْحَارِثْ السَلْطَانْ كَانْ يْعَسْ مْدِينَة الْدِّمَشْقِيِّينْ، بَاشْ يَحْكَمْنِي، 33 بَصَّحْ هَوَّدْتْ مَالْطَاقَة الْصُورْفِي سَلَة، و سْلَكْتْ مَنْ يَدَّهْ.
1 بَصَّحْ الْزُوخْ مَا يَنْفَعْنِي قِي حَتَّى شِي. و دُورْكْ نْفُوتْ لَشِي أَلِّي كَشْفَهْ لِّي الْرَّبْ و الإِعْلاَنَاتْ تَعَهْ. 2 نَعْرَفْ إِنْسَانْ فَالْمَسِيحْ قْبَلْ أَرْبَعْطَاشْ سْنَة. فَالْجَسَدْ؟ مَا نَعْرَفْ، و لاَ خَارَجْ الْجَسَدْ؟ مَا نَعْرَفْ. الله يَعْلَمْ. أَتَرْفَدْ هَدَا لَسْمَا الْثَّالْثَة. 3 و نَعْرَفْ هَادْ الإِنْسَانْ فَالْجَسَدْ ولاَ خَارَجْ الْجَسَدْ؟ مَا نَعْرَفْ. الله يَعْلَمْ- 4 أَتَرْفَدْ لَلْفِرْدَوسْ، و سْمَعْ كْلاَمْ يَدْهَشْ مَا يَتَهْدَرْشْ بِهْ، و حَتَّى إِنْسَانْ مَا عَنْدَهْ الْحَقْ يَهْدَرْ بِهْ. 5 و مَنْ هَادْ الْجِهَة نْزُوخْ. بَصَّحْ مَنْ جِهَة نَفْسِي مَا نْزُوخْ غِيرْ بَالْضُعْفْ تَعِي. 6 و إِذَا بْغِيتْ نْزُوخْ مَا نْبَنْشْ بَهْلُولْ، عْلَى خَاطَرْ رَانِي نْڤُولْ الْحَقْ. بَصَّحْ مَا نْدِيرْشْ هَادْ الْشِي بَاشْ مَا يَشْفُوفْنِي حَتَّى وَاحَدْ فُوڤْ الْلاَزَمْ و أَلِّي سَمْعُوهْ عْلِيَّ. 7 و بَاشْ مَا نَتْكَبَرْشْ بْهَادْ الإِعْلاَنَاتْ، تْمَدَتْ لِّي شُوكَة فَالْجَسَدْ، كَلِي مَلاَيْكَةْ الْشِيطَانْ يَضْرَبْنِي بَاشْ مَا نَرْفَدْشْ رُوحِي. 8 عْلَى جَالْهَا تْضَرَعْتْ ثَاثْ مَرَّاتْ لْ الرَّبْ مَا ڤْلَعْهَاشْ مَنِّي. 9 ڤَالْ لِي: " تَكْفِيكْ نِعْمَتِي، عْلَى خَاطَرْ قَوْتِي فَالْضُّعْفْ تَكْمَلْ". و بْكُلْ فَرْحْ نْزُوخْ فَالْضُعْفْ تَعِي، بَاشْ تَتْحَطْ عْلِيَّى قُوَّة الْمَسِيحْ. 10 عْلَى جَالْ الْمَسِيحْ نَفْرَحْ بَالْضَّعَفَاتْ و الْسَبَانْ والْضِيقَاتْ و الإِضْطِهَادَاتْ. عْلَى خَاطَرْ كِي نْكُونْ ضْعِيفْ تَمَا نْكُونْ قْوِي. 11 رَانِي وَ لِيتْ بَهْلُولْ و أَنَا نْزُوخْ. أَنْتُمَ حَتَمْتُونِي! كَانْ لاَزَمْ تَشَكْرُونِي أَنْتُمْ، عْلَى خَاطَرْ مَا يْخَصْنِي حَتَّى شٍي عَلَى الْرُّسُلْ الْكْبَارْ، حَتَّى إِذَا أَنَا وَالُو. 12 و عَلاَمَاتْ الْرُّسُولْ نْدَرَتْ بِينَاتْكُمْ فْكُلْ صَبْرْ، بْمُعْجِزَاتْ و عْجَايَبْ و قُوَّاتْ. 13 وَاشْ كَا نَقَصْ لْكُمْ عْلَى الْكَنَائِسْ لُخْرِينْ، غِيرْ مَلِّي مَا ثَقَلْتْشْ عْلِيكُمْ؟ سَامْحُونِي عْلَى هَادْ الْظُّلْمْ! 14 هَادِي هِيَى الْمَرَّة الْثَالْثَة أَلِّي رَانِي وَاجَدْ أَنْجِي لْعَنْدْكُمْ و مَا نَثْقَالَشْ عْلِيكُمْ. عْلَى خَاطَرْ مَا نْحَوَسْشْ عْلَى لِّي عَنْدْكُمْ بَصَّحْ نْحَوَسْ عْلِيكُمْ. عْلَى خَاطَرْ مَلاَزَمْشْ الْشَاشْرَة هُمَا أَلِّي يْلَيْمُوا لَلْوَالْدِينْ، الْوَالْدِينْ هُمَا أَلِّي يْلَيْمُوأ لَشَاشْرَة. 15 و أَنَا بْكُلْ فَرْحْ نَصَرَفْ و نْضَحِي بْرُوحِ عَلَى جَالْكُمْ، و كُلْ مَا تْزِيدْ مْحَبْتِي لِيكُمْ نَتْحَّبْ قَلْ! 16 و يْكُونْ كِمَا هَاكْ. أَنَا مَاثَقَلْتْشْ عْلِيكُمْ، و إِذَا كُنْتْ خَايَنْ رَانِي خْوَنْتْكُمْ بَالْخْدَعْ! 17 كَاشْ مَا طْمَعْتْ فِيكُمْ بْوَاحَدْ مَلِّي أَرْسَلْتْهُمْ عَنْدْكُمْ؟ 18 طْلَبْتْ مَنْ تِيطُسْ يْجِي عَنْدْكُم و أَرْسَلْتْ مَعَهْ الأَخْ. كَاشْ مَا طْمَعْ فِيكُمْ تِيطُسْ؟ مَاشِي تْمَشِينَا بْرُوحْ و بْخَطْوأتْ وَاحْدَة؟ 19 وأَنْتُمْ رَا كُمْ حَاسْبِينْ بَلِّي رَانَا نْدَفْعُوا عْلَى رْوَاحْنَا عَنْدْكُمْ؟ ڤُدَامْ الله فَالْمَسِيحْ رَانَا نَهَدْرُوا. بَصَّحْ كُلْ شِي يَا حْبََابْنَا عْلَى جَالْ بَنْيَانْكُمْ. 20 عْلَى خَاطَرْ رَانِي خَايَفْ إِذَا جِيتْ مَا نَلْقَكُومْشْ كِمَا بْغِيتْ، و تَلْقَاوْنِي فِي حَالَة مَا تْبْغُوهَاشْ. و يْكُونْ بَزَافْ مَالْخُصُومَاتْ و الْحْسَدْ و الْزْعَافْ و الْنَمِيمَة والْتَحَزُبْ و الْتَكْبَارْ و الْتَشْوِيشْ. 21 و رَانِي خَايَفْ يَذَلْنِي إِلَهِي عَنْدْكُمْ، و يْكُنْ حَزْنِي كْبِيرْ مَنْ أَلِّي غَلْطُوا مَقْبَلْ و مَا تَبُوشْ عْلَى الْنْجَاسَة و الْزْنَا و الْعِيبْ أَلِّي دَارُوهْ.
1 هَادِي الْمَرَّة الْثَّالْثَة أَلِي نْجِي عَنْدْكُمْ. " عْلَى فَمْ زُوجْ شْهُودْ و لاَ ثْلاَثَة يَثْبَتْ كُلْ أَمْرْ". 2 سْبَڤْتْ و ڤُولْتْ، و نْزِيدْ نْڤُولْ و أَنَا غَايَبْ لَلْمَرَّة الْزَوْجَة، و أَنَا غَايَبْ دُورْكْ، نَكْتَبْ لَلِّي غَلْطُوا مَقْبَلْ، و لْڤَاعْ الْبَاقْيِّينْ: إِذَا جِيتْ تَانِي مَا نَشْفَقْشْ. 3 مَادَامْ رَاكُمْ تْحَوْسُوا عْلَى بَرْهَانْ بَلِّي الْمَسِيحْ رَاهْ يَهْدَرْ فِيَّى، أَلِّي مَا رَاهْشْ ضْعِيفْ مَنْ جْهَتْكُمْ بَصَّحْ قْوِي فِيكُمْ. 4 عْلَى خَاطَرْ إِذَا كَانْ تَصْلَبْ فِي ضَعْفْ، رَاهْ حِيْ بْقُوَّة الله. حْنَا تَانِي ضْعَافْ فِيهْ، بَصَّحْ نَحْيُوا مْعَهْ بْقُوَّة الله مَنْ جِهَتْكُمْ. 5 جَرْبُوا أَنْفُسْكُمْ، إِذَا رَاكُمْ فَالإيمَانْ؟ أَمْتَحْنُوا رْوَاحْكُمْ. و لاَ مَا رَاكُمْشْ عَارْفِينْ رْوَاحْكُمْ، بَلِّي يَسثوعْ الْمَسِيحْ هُوَ فِيكُمْ، غِيرْ إِذَا رَاكُمْ عَارْفِينْ رَاكُمْ مَرْفُوضِينْ؟ 6 بَصَّحْ نَتْمَنَّى تَعَرْفُوا بَلِّي حْنَا مَا رَانَاشْ مَرْفُوضِينْ. 7 و نْصَّلِي لله بَاشْ مَا دِيرُوا حَتَّى شَّرْ، مَاشِي بَاشْ نْبَانُوا حْنَا مْلاَحْ، بَصَّحْ بَاشْ أَنْتُمْ دِيرُوا خِيرْ، و نْكُونُوا حْنَا كِي أَلِّي مَرْفُوضِينْ. 8 عْلَى خَاطَرْ مَا نَقَدْرُوا نْدِيرُوا حَتَّى حَجَة ضَدْ الْحَقْ، بَصَّحْ عْلَى جَالْ الْحَقْ. 9 عْلَى خَاطَرْ نَفَرْحُوا كِي نْكُونُوا ضُعَفَا وأَنْتُمَ تْكُونُوا أَقْوِيَا. و رَانَا نْصَلُوا نَطْلْبُوا لْكُمْ: الْكَمَالْ. 10 عْلَى هَدَا نَكْتَبْ لْكُمْ هَادْ الأُمُورْ و أَنَا غَايَبْ، بَاشْ كِي نَجِي عَنْدْكُمْ مَا نْكُونْشْ قَاسِي، عْلَى حْسَابْ الْسُّلْطَانْ أَلِّي عْطَاهْلِي الْرَّبْ لْبُنْيَانْكُمْ مَاشِي لَلْهَدْمْ. 11 فَالْلَخَرْ يَا خُوتِي أَفَرْحُوا. تْكَمْلُوا. تْشَجْعُوا. أَتَفْقُوا فَالْرَايْ. عِيشُوا فِي سَّلاَمْ، و إِلَهْ الْمَحَبّة و الْسَّلاَمْ يْكُونْ مْعَكُمْ. 12 سَلْمُوا بِينَاتْكُمْ بْقُبْلَة مْقَدْسَة. 13 ويْسَلَّمُوا عْلِيكُمْ ڤَاعْ الْقِدِّيسِينْ. 14 نِعْمَة رَبِّنَا يَسُوعْ الْمَسِيحْ، و مَحَبَّة الله، و شَرِكَة الْرُّوحْ الْقُدُسْ مَعَكُمْ. أَمِينْ
1 بُولُسْ، رَسُولْ مَاشِي مَنْ عَنْدْ الَنَّاسْ وْلَا مَرَّسُولْ مْنْ عَنْد شِي بْنَادَمْ، بَصَّحْ مَرَسُولْ بْيَسُوعْ لْمَسِيْحْ وْالله بُّوْنَا الَلِّي حْيَاهْ مَنْ بِيْنْ لْمُوتَ، 2 وْڤَاعْ لْخُوتْ الَلِّي مْعَايَا، لَلْكَنَائِسْ الَلِّي فِيْ غَلَاْطِيَةْ: 3 نِعْمَة لِيْكُمْ وَسْلَامْ مَنْ عَنْدْ الله بُّوْنَا، وْمَنْ عَنْدْ رَّبْنَا يْسُوْعْ لْمَسِيْحْ، 4 الَلِّي فْدَا بْرُّوْحَهْ عْلَى جَاْل دْنُوْبْنَا، بَاشْ يْنَجِيْنَا مَنْ هَادْ الَدَنْيَا الَلِّي مْعَمْرَّة شَرّْ، عْلَى حْسَابْ مْشِيئَةْ الله الَلِّي هُوَ بْونَا، 5 لِيهْ الْمَجْدْ لَلْبْدَا. آمِيْنْ 6 رَانِي نَتْعَجَبْ كِيْفَاشْ خْلِيتُو بْالْخَفْ طْرِيْڤْ الله الَلِّي دْعَاكُمْ بْنَعْمَةْ لْمَسِيحْ بَاشْ تْكُونُو شَعْبَهْ، وْبَدَلْتُوهْ بْإِنْجِيلْ وَاحَدْ آخَرْ! 7 لَحَقِيقَة مْكَاشْ إِنِجِيلْ وَاحَدْ آخَرْ، بَصَّحْ كَايْنِينْ شِي نَاسْ حَابِينْ يْهَلْكُوكُمْ وَيْحَوْسُوا يْحَرْفُوا كْلَامْ لْمَسِيحْ. 8 بْصَّحْ إِلاَ جَا وَاحَدْ وْخَبَرْكُمْ بْإِنْجِيلْ مَنْ غِيرْ الْإِنْجِيلْ الَلِّي سْمَعْتُوهْ مَنْ عَنْدْنَا، يْكُوْنْ لْمَصِّيرْ نْتَاعَهْ جَهَنَمْ، وْحْتَّى وِإِلاَ دَرْنَا حْنَّا هَدَا وْلَا مَلِكْ مَنْ الْسْمَا، غَادِيْ يْكُونْ «مَلْعُونْ»! 9 كِيمَا سْبَقْ وْڤُولْنَا نْعَاوَدْ نْڤُولْ دَرْوَكْ: إِلاَّ جَاوَاحَدْ وْخَبَّرْكُمْ بْإِنْجِيلْ مَنْ غِيرْ الْإِنْجِيلْ الَلِّي قْبَلْتُوهْ مَنْ عَنْدْنَا غَادِي يْكُونْ«مَلْعُونْ»! 10 نْحَوَسْ نَرْبَحْ الَنَّاسْ وْلاَ الله؟ وْلاَ نْحَوَسْ نَعْجَبْ الَنَّاسْ؟ لُكَانْ رَّانِي نْحَوَسْ نَعْجَبْ الْنَاسْ، مَعَنْتْهَا مَارَّانِيشْ عَبَدْ لَلْمَسِيحْ. 11 وْبْغِيتْ نْفَكَرْكُمْ يَاخُوْتِي بَلِّي الْإِنْجِيلْ الَلِّي خْبَرْتْ بِيهْ مَاجَاشْ مَنْ عَنْدْ بْنَادَمْ. 12 عْلَى خَاطَرْ مَاتْعَلَمْتَهْشْ وْلاَ سْمَعْتَهْ مَنْ عَنْدْ شِي بْنَادَمْ، بْصَّحْ تَعْلَنْ لِي مَنْ عَنْدْ لْمَسِيحْ. 13 رَاكُمْ سْمَعْتُو بْلَحْيَاةْ نْتَاعِي كِي كُنَتْ مَتْدَيَنْ بَالْيَهُوْدِيَة، وْكُنْتْ نَضْطَهَدْ كْنِيسَة الله الَلِّي كُنَتْ بَاغِي نَمْحِيهَا. 14 وْكُنَتْ خِيْرْمَنْ لَكْثِيرِينْ فَي الَدِينْ لْيَهُوْدِي فْي الْجِيلْ نْتَاعِي، وْكِيْفَاشْ كُنَتْ نْغِيرْعْلَى الَتَّقَالِيدْ الَلِّي خَلَاوْهُمْ جْدُودْنَا. 15 بْصَّحْ الله الَلِّي خَيَرْنِي وْأَنَا مَازَلْتْ مَاتَوْلَدْتْشْ، وْدْعَانِي بَالَنِّعْمَةْ نْتَاعَه. 16 بَاشْ يْتَعْلَنْ وَلْدَهْ فِي حْيَاتِي وَنْخَبَرْ بِيهْ بِينْ لَجْنَاسْ، وْمَانْقَارَعْشْ بَاشْ نْشَاوَرْ الَنَّاسْ 17 وْمَا طْلَعْتَشْ لْأُورُشَلِيمْ بَاشْ نْشُوفْ الَرُسُلْ الَلِّي قَبْلِي، بْصَّحْ رَوَحْتْ لَبْلاَدْ عْرَبْ، وْمَنْهَا وَلِيتْ لْدِمَشْقْ. 18 وْكِي فَاتُو ثْلَاثْ سْنِينْ طْلَعْتْ لْأُورُشَلِيمْ بَاشْ نَتْعَرَّفْ عْلَى بُطْرُسْ، وْڤْعَدْتْ عَنْدَهْ خَمْسْطَاشْ نْيُوْمْ. 19 بْصَّحْ مَاشَفْتْشْ الرُسُلْ لَخْرِيْنْ مَنْ غِيرْ يَعْقُوبْ خُوْ لْمَسِيحْوْ 20 هَادْ الَشِّي لِرَّانِي نْكَتْبَهْ لْكُمْ رَّبِي رَّاهْ شَاهَدْ بَلِّي مَا نَكْذَبْ فِيهْ. 21 وْمَنْبَعْدْ دَاكْ الَشِّي جِيتْ لَجْوَايَهْ سُورِيَة وْكِيلِيكْيَة. 22 وْبْصَّحْ الْكَنَائِسْ نْتَاعْ الْمَسِيحْ الَلِّي كَانُو فِي جْوَايَهْ الْيَهُودِيَةْ مَايْعَرْفُوشْ وَجْهِي. 23 وْكَانْ غِيرْ سْمْعُوا: «بَلِّي الَلِّي كَانْ يْقَهَرْ فِيْهُمْ مَنْ قْبَلْ، وَلَى يْخَبَرْ بْالْإِيمَانْ الَلِّي فَالْمَسِيحْ». 24 وْكَانُوا يْحَمْدُوا الله عْلِيَّا.
1 مَنْبَعْدْ كِي فَاتُو رْبَعْطَاشْ سْنَة طْلَعْتْ لْأُورُشَلِيمْ مْعَ بَرْنَابَا، وْخْذِيتْ مْعَايَا رْفِيقْ الَلِّي هُوَ تِيطُسْ. 2 وْأَنَا طْلَّعْتْ كِي جَانِي إِعْلَانْ، وْوَرِيتْلْهُمْ الْإِنْجِيلْ الَلِّي نْخَبَرْ بِيهْ بِينْ لَجْنَاسْ، بْصَّحْ بِينِي وْبِينْ الَرُسُلْ، بَاشْ نَعْرَفْ بْلِّي مَاتْعَبْتْشْ بَاطَلْ وْلَا خْسَرْتْ. 3 صَّحْ حَتَّى تِيطُسْ لِكَانْ مْعَايَا وْلَا وَاحَدْ سْيَفْ عْلِيهْ يَتْخْتَنْ، وْڤَاعْ يْعَرْفُوا بْلِّي هُوَ يُونَانِي. 4 وْبْصَّحْ بْسَبَةْ شِّي خُوتْ لِمْعَمْرِينْ كْذَبْ، وْتَنْدَاسُوا بِينْ لَجْمَاعَة وْيْزَرْعُوا الْفِتْنَة، وْحَابِينْ يْنَحُولْنَا الْحُرِيَة الَلِّي نَتْمَتْعُو بِهَا فَالْمَسِيحْ، 5 عَمَرْنَا مَاسْمَعْنَالْهُمْ وْمَتْصَنَتْنَاشْ لَكْلَامْهُمْ وْلَوْ غِيرْ مَرَّة وَحْدَة وْمَادَرْنَاشْ الَلِّي يْڤُوْلُوهْ، بَاشْ يَبْقَى الْإِنْجِيلْ هُوَالْحَقْ. 6 وْهَادُوْكْ لِحَاسْبِينْ رْوَاحْهُمْ حَاجَة كْبِيرَة، وْأَنَاعَنْدِي مَكَاشْ فَرْقْ عْلَى خَاطَرْ الله مَايْشُوفْشْ بْلَوْجُوهْ، مَلَا هَادُوْا مَاقْتَرْحُوا عْلِيَا وْلَا شِّي، 7 بْصَّحْ الْعَكْسْ، عْلَى خَاطَرْكِي شَافُو بَلِّي صَحْ رَبِّي أَمَنِّي عْلَى الْإِنْجِيلْ لْلَجْنَاسْ كِيْمَا بُطْرُسْ رَبِّي أَمْنَّهْ عْلَى إِنْجِيلْ الَطَهَارَة. 8 وْعَرْفُوا بَلِّي الَلِّي خْدَمْ فِيْ بُطْرُسْ بَاشْ يْخَبَرْ الْإِنْجِيْل لَنَّاسْ لِمْخَتْنِينْ، خْدَمْ فِيَّا تَانِي بَاشْ نْخَبَرْ لَجْنَاسْ. 9 وْكِي يَعْقُوبْ وْبُطْرُسْ وْيُوحَنَا عَرْفُوا بَالَنِّعْمَةْ لِتَعْطَاتْ لِي، هُمْ لْسَاسْ تَاعْ لَكْنِيسَة، عْطَاوْ لِي بَرْنَابَا بَاشْ يْشَارَكْ مْعَايَا وَنْخَبْرُوا الْإِنْجِيلْ لَلْجْنَاسْ، وْهُمْ يْخَبْرُو الَلِّي مْخَتْنِينْ. 10 وْطَلْبُوا مْنَا بَاشْ نَتْفَكْرُوا لَڤْلَالِيلْ، وْأَنَا هَذَا الَلِّي مَانَنْسَاهْشْ. 11 بْصَّحْ كِي جَا بُطْرُسْ لْأَنْطَاكْيَا، جَمَّعْتَ مْعَاهْ ، وْوَاجَهْتَهْ عْلَى خَاطَرْ كَانْ غَالَطْ. 12 مَنْ قْبَلْ جَاوْ نَاسْ مَنْ عَنْدْ يَعْقُوبْ كَانْ بُطْرُسْ يَاكُلْ غِيْرْمْعَ لِهُودْ، وْكِي جَاوْهَدُوكْ الَنَّاسْ مَنْ الَلِّي مْخَتْنِيْنْ، جْبَدْ رُوْحَهْ وَڤْعَدْ وَحْدَهْ،وْخَايَفْ مَالِهُودْ. 13 وْكِي شَافُوْهْ لَخْرِينْ شَا دَارْ، دَارُوْ تَانِي كِيْمَا هُوَ، وْحْتَّى بَرْنَابَا تْبَعْهُمْ فْي الْغَلْطَة. 14 وْأَنَا كِيْ شَفْتْ بَلِّي مَا رَاهُمْشْ يْدِيرُوا عْلَى حْسَابْ وَاشْ ڤَالْ الْإِنْجِيلْ، وْڤُلْتْ لْبُطْرُسْ ڤُدَامْهُم ڤَاعْ:« إِلَا كُنْتْ نْتَا يْهُوْدِي وَ تْعِيشْ كِي لْأُمَمْ وْمَاشِي كِيمَا لِيْهُوْدْ، مَلَا عْلاَهْ رَاكْ بَاغِي مَنْ لَجْنَاسْ لَخْرِينْ يْعِيشُوا كِي لِيهُودْ؟» 15 حْنَاأَصَلْنَا لِيهُودْ وْمَارَانَاشْ مَلَجْنَاسْ الَلِّي مَدْنُوبِينْ، 16 وَحْنَا عَارْفِينْ بَلِّي الَبْنَادَمْ مَايَتْبَرَرْشْ بْالَشَرِيعَة، بْصَّحْ بْالِْإيْمَانْ بْالْمَسِيحْ يَسُوْعْ، وَحْنَا مْآمْنِينْ تَانِي بْالْمَسِيحْ يَسُوعْ، بَاشْ نَتْبَرُّرُو بْالْإِيمَانْ الَلِّي فِي لْمَسِيحْ وْمَاشِي بْأَعْمَالْ تَاعْ الَشَرِيعَة. عْلَى خَاطَرْ أَعْمَالْ الَشَرِيعَة مَا تْبَرَّرْحَتَّى بْنَادَمْ . 17 وْإِلَا كُنَا طَالْبِينْ بَاشْ نَتْبَرُّرُو فَالْمَسِيحْ، نَلْڤَاوْ رْوَاحْنَا تَانِي بَلِّي حْنَا مَدْنُوْبِينْ، زَعْمَى لْمَسِيحْ يْشَجَّعْنَا بَاشْ نْعِيشُوا فَالْخَطِيَّة؟ حَاشَا! 18 بَصَّحْ إِلَا كُنْتْ نَبْنِي هَادْ الَشِّي الَلِّي هْدَّمْتَهْ، غَادِي نْبَيَّنْ رُوحِي بَلِّي ذْنَبْتْ كِي هْدَّمْتَهْ. 19 بَصَّحْ عْلَى الَشَّرِيعَة نْمُوتْ لَشَّريعَة بَاشْ نْعِيشْ لَى لله. 20 تَصْلَبْتْ مْعَ الْمَسِيحْ، مَاشِي بَاشْ نَحْيَا أَنَا، بْصَّحْ الْمَسِيحْ هُوَ لِي يَحْيَا فِيَّا. وْلِي نْعِيْشَهْ دَرْوَكْ فَي الْجَسَدْ، رَاحْ نْعِيْشَهْ فَالْإِيمَانْ، الْإيمَانْ بْإِبْنْ الله، لِى بْغَانِى وْسَلَمْ حْيَاتَهْ عْلَى جَالِي. 21 مَارَانِيشْ نَكْفَرْ بْالَنِعْمَة تَاعْ الله. عْلَى خَاطَرْ لُوْكَانْ كُونَا نَتْبَرْرُبْالَشَّرِيعَة، مَعَنَتْهَا لْمَسِيحْ مَاتْ بْلَا سَبَة!
1 يَالْغَلاَطِيِينْ الْأَغْبِيَاءْ! شْكُونْ الَلِّي سْحَرْعْقُوْلْكُمْ وْنْتُمَ الَلِّي بَانْ ڤُدَامْ عَيْنِيكُمْ الْمَسِيحْ الَلِّي تَصْلَبْ؟ 2 بَاغِي نَفْهَمْ حَاجَة وَحْدَة مَنْ عَنْدْكُمْ: زَعْمَى وَلَى عَنْدْكُمْ رُّوحْ الله بْأَعْمَالْ تَاعْ الَشَّرِيعَة، وْلَا عْلَى خَاطَرْرَاكُمْ تْآمْنُوا بْالْإنْجِيلْ؟ 3 لْحْڤْتَ بِكُمْ الْجْهَالَةْ حْتَى لْهَادْ الَشِّي؟ بْدِيْتُوْ بْالْرُوحْ وْبْغِيْتُوْ تْكَمْلُو بْالْجَسَدْ؟ 4 هَاوْ الَلِّي جَرَّبْتُوهْ كَانْ غِيْر لَعْبْ؟ وْكِيْفَاشْ يْكُونْ هَادْ الْلَّعْبْ؟ 5 زَعْمَى لِعْطَالْكُمْ الَرُّوحْ الْقُدُسْ وْدَارْمُعْجِزَاتْ بِيْنَاتْكُمْ عْلَى خَاطَرْ كُنْتُوا تَتْمَشَاوْ بْالَشَّرِيعَة، وْلَا عْلَى خَاطَرْ آمَنْتُو بْالِْإنْجِيلْ؟ 6 كِيمَا «آمَنْ سِيدْنَا إِبْرَاهِيمْ بْاللَّهْ، وْتْبَرَّرْعْلَى حْسَابْ الْإِيمَانْ تَاعَهْ». 7 عَرْفُوْا بَلِّي الَلِّي رَاهُمْ مْآمْنِينْ هَادُوْكْ هُمَا وْلَادْ إِبْرَاهِيمْ. 8 وْلَكْتَابْ يْڤُولْ بَلِّي الله يْبَرَّرْ لَّجْنَاسْ عْلَى حْسَابْ الْإِيمَانْ تَاعْهُمْ، وَاللهْ سْبَقْ خَبَّرْ إِبْرَاهِيمْ بَلِّي «فِيْكْ غَادِي تَتْبَارَكْ ڤَاعْ الَشُعُوبْ». 9 وْالَلِّي رَاهُمْ مْآمْنِينْ غَادِي يَتْبَارْكُوْا مْعَ إِبْرَاهِيمْ الَلِّي هُوَ مُؤْمَنْ. 10 عْلَى خَاطَرْ ڤَاعْ الَنَّاسْ الَلِّي رَّاهُمْ يْعِيشُو بْالَشَّرِيعَة رَّاهُمْ تَحْتْ الَلَّعْنَة، عْلَى خَاطَرْ مَكْتُوبْ: « مَلْعُوْنْ ڤَاعْ الَلِّي مَايْثَبَتْشْ فِيَّ الَلِّي هُوَ مَكْتُوبْ فِكْتَابْ الَشَّرِيعَة وْمَايَخْدَمْشْ بِهْ». 11 بَصَّحْ عَنْدْ الله مَكَانْشْ لِيَتْبَرَّرْ بْالَشَّرِيعَة، عْلَى خَاطَرْ مَكْتُوبْ: « الْإِنْسَانْ الَتَّقِيْ يْعِيشْ بْالْإِيمَانْ». 12 وَالَشَّرِيعَة مَا تْجِيبْشْ الْإِيمَانْ، بَصَّحْ الْإِنْسَانْ ل الَلِّي يَقْدَرْ يْطَبَقْهَا رَاحْ يْعِيشْ بِهَا». 13 لْمَسِيحْ سْلَكْنَا مَالَلَّعنَة تَاعْ الَشَّرِيعَة، وْصَارْ هُوَ لَّعْنَة عْلَى جَالنَا، عْلَى خَاطَرْ مَكْتُوْبْ: «مَلْعُوْنْ ڤَاعْ لِيْتَعْلَقْ عْلَى خَشْبَة». 14 بَاشْ تْوَلِي لْبَرَّكَة تَاعْ إِبْرَاهِيمْ عْلَى ڤَاعْ لَّجْنَاسْ فَالْمَسِيحْ يَسُوعْ، وَيْكُوْنْ لِينَا وَعَدْ الَرُّوحْ الْقُدُسْ بْالْإِيمَانْ. 15 يَاخُوْتِي، عْلَى حْسَابْ الْإِنْسَانْ نْڤُولْ: مَايَقْدَرْشْ أَيْ وَاحَدْ يْبَطَلْ عَهْدْ مَوْجُوْدْ وَحَتَّى وِإِلَا مَنْ بْنَادَمْ، وْمَايَقْدَرْشْ يْزِيْدْ عْلِيهْ. 16 وَالْوَعُودْ تَنْڤَالَتْ فْإِبْرَاهِيمْ وْفَالَنَسْلْ تَاعَهْ. مَاڤَالْشْ: «فَالْأَنْسَالْ» كْلِي يْڤُولْ بَزَّافْ، بَصَّحْ هْدَّرْ كْلِي عْلَى وَاحَدْ: «فَالْنَسْلْ تَاعَكْ» الَلِّي هُوَ الْمَسِيحْ. 17 وْنْڤُولْ: الَشَّرِيعَة الَلِّي جَاتْ بَعْدْ رَبْعَمْيَا وْثْلَاثِينْ سْنَة، مَاتَقْدَرْشْ تَنْسَخْ هَدَاكْ الْعَهْدِ الَلِّي دَارَهْ الله مْعَ إِبْرَاهِيمْ، وَالْيُومْ الله كَمْلَهْ فَالْمَسِيحْ. 18 عْلَى خاَطَرْ إِلاَ كَانَتْ الَوْرَاثَة تْكُونْ بْالَشَّرِيعَة، مَاتْتْسْمَاشْ وَعَدْ، بَصَّحْ الله عْطَاهَا لْإِبْرَاهِيمْ عْلَى حْسَابْ الْوَعَدْ تَاعَهْ. 19 مَلَا عْلَاشْ الَشَّرِيعَة؟ تَعْطَاتْ بَاشْ تْبَيْنْ الْمَعَاصِى، حَتَّى بَاشْ يْجِي الَلِّي مَنْ نَسْلْ إِبْرَاهِيمْ الَلِّي وْعَدْ بِهْ، وْرَتَبْ هَدَاكْ الَشِّي بْالْمَلَايْكَة الَلِّي جَابْوا الَشَّرِيعَة لْيَدْ لَوْسِيطْ. 20 وْلَوْسِيطْ مَايْكُونْشْ وَاحَدْ بَرْكْ، بَصَّحْ الله وَاحَدْ. 21 زَعْمَى الَشَّرِيعَة تْنَاقَضْ الَلِّي وْعْدَهْ الله؟ حَاشَا ! عْلَى خَاطَرْ لُوكَانْ الَشَّرِيعَة قَادْرَة تَحْيِى، نْكُونُوا قَادْرِينْ نَتْبَرُّرُوْ بِهَا. 22 بَصَّحْ بْالَكْتَابْ عْرَّفْنَا بْلِّي مَدْنُوْبِينْ، وْتَعْطَى الْوَعَدْ بَالْإِيمَانْ بْيَسُوْعْ لْمَسِيحْ لْڤَاعْ لِيْآمْنُوا بِهْ. 23 بَصَّحْ قْبَلْ مَايْجِى الْإِيمَانْ كُنَا مَحْبُوسِينْ تَحْتْ الَشَّرِيعَة، وْتْبَّلَعْ عْلِينَا حَتَّى يْجِى نْهَارْ وِينْ يْبَانْ الْإِيمَانْ. 24 وْكَانَتْ الَشَّرِيعَة هِيَ لِتْأَدَبْنَا لَلْمَسِيحْ، بَاشْ نَتْبَرّْرُو بْالْإِيمَانْ. 25 بَصَّحْ كِى جَا الْإِيمَانْ، مَارَانَاشْ مْأَدْبِينْ بْالَشَّرِيعَة. 26 عْلَى خَاطَرْ رَاكُمْ ڤَاعْ وْلاَدْ الله بْالْإِيمَانْ لِي فَالْمَسِيحْ يَسُوعْ. 27 وْڤَاعْ لِى رَاكُمْ تْغَطَسْتُو بْالْمَسِيحْ رَاكُمْ لَابْسِينْ الْمَسِيحْ: 28 مَكَاشْ يْهُوْدِي وْلَا يُوْنَانِي. مَكَاشْ عَبَدْ وْلَا حُرْ، مَكَاشْ رَاجَلْ وْلَا مْرَا، ڤَاعْ رَاكُمْ وَاحَدْ فَالْمَسِيحْ يَسُوعْ. 29 وْإِلَا كُنْتُمْ تَاعْ الْمَسِيحْ، مَلَا نْتُمْا مَالنَسَلْ إٍبْرَاهِيمْ، وْعَلَى حْسَابْ الْوَعَدْ وْرَاثَةْ.
1 بَاغِى نْڤُوْلْ: إِلاَ لَوَرِيثْ مَزَالْ صْغِيرْ مَعَنَتْهَا رَّاهْ كِيمَا الْخَادَمْ حَتَّى وْإِلاَهُوَ لِيْوَلِي مُولْ ڤَاعْ الَشِّي. 2 بَصَّحْ يْكُونْ تَحَتْ وْصِيَّةْ نَاسْ وْكَلْهُمْ بُوهْ عْلِيهْ. 3 هَكَاحْنَا تَانِي: حْنَا كِي كُنَّا صْغَارْ فَِالرُوحْ، كُنَا تَحَتْ وْصِيَةْ هَادْ الْعَالَمْ. 4 بَصَّحْ كِي جَا مَلْءْ الَزْمَانْ، الله رْسَلْ إِبْنَهْ وَتَوْلَدْ مَنْ مَرَا، وْوْلَدْ تَحَتْ الَشَّرِيعَة، 5 بَاشْ يَفْدِي الَنَّاسْ لِهُمْ تَحَتْ الَشَّرِيعَة، وَنْوَلُو أَبْنَاءْ الله. 6 وْكِي رَاكُمْ أَبْنَاءْ الله بْعَثْ رُّوحْ إِبْنَهْ لَقْلُوبْكُمْ يْعَيَطْ: «يَا أَبَا الْأَبْ». 7 وْهَكَا تْوَلِى إِبْنْ وْمَرَاكْشْ عَبَدْ، وْإٍلَا كُنْتْ إِبْنَهْ مَعَنْتْهَا وْرِيثْ الله بْالْمَسِيحْ. 8 فَالْمَاضِي مَاكُنْتُوشْ تَعَّرْفُوا الله، كُنْتُو تَعَبْدُو الْأَوْثَانْ الَلِّي مَاكَانَتْشْ آلِهَة. 9 وْدَرْوَكْ كِي عْرَّفْتُوا الله، وْلَاعْرَفْكُمْ الله، كِيْفَاشْ بْغِيتُو تْوُلُوْ لَلْعُبُودِيَة الَلِّي عَشْتُو فِيهَا، وْحَابِينْ تْوَلُوا عْبِيدْ مَنْ جْدِيدْ؟ 10 زَعْمَى رَاكُمْ تْحَفْظُو يَامَاتْ وَشْهُوْرْ وْسْنِينْ؟ 11 رَانِي خَايَفْ عْلِيكُمْ إِلَا عْيِّيتْ رُّوْحِي بَاطْلْ! 12 وْرَانِي نَطْلَبْ عْلَى جَالْكُمْ يَاخُوْتِي، يْلِيقْ تْكُونُو كِيمَا أَنَا عْلَى خَاطَرْ أَنَا تَانِي كِيمَا نْتُمْا. مَاظْلَمْتُونِي فِحَتَّى حَاجَة. 13 بَصَّحْ رَاكُمْ عَارْفِينْ بَلِّي كُنْتْ ضْعِيفْ نْهَارْ الَّلْوَلْ كِخَبَرْتْكُمْ بْالْمَسِيحْ. 14 حَتَّى وِإِلَا لْمَرْضْ تَاعِي تَعَبْكُمْ مْعَايَا، وْمَاعْيِتُوشْ فِيَّا وْلَا كَرَهْتُونِى، بَصَّحْ رَحَّبْتُو بِيَا كَلِي مَلَاكْ جَاعَنْدْكُمْ، وْلَا كِيمَا لْمَسِيحْ يَسُوعْ. 15 مَلَا وِينْ رَاحَتْ فَرْحَتْكُمْ؟ عْلَى خَاطَرْ نَشْهَدْ عْلِيكُمْ بَلِي لُوْكَانْ نَجَمْتُوا تَعْطِيوْ لِى عَيْنِيْكُمْ لُكَانْ عْطِيتُوهَالِي. 16 وْدَرْوَكْ رَانِي وْلِيتْ عْدَوْ عْلَى خَاطَرْ نْڤُوْلْ الْحَقْ؟ 17 هَادُوْ لِرُّاهُمْ يْدِيرُو فِيكُمْ لَمْزِيَة مَايْبْغُوشْ لِيكُمْ الْخِيرْ، بَصَّحْ حَابِينْ يْبَعْدُوكُمْ عْلِيَا وْتَبْعُو فِيهُمْ. 18 الْغِيرَةْ لَمْلِيحَة تْبْقَى دِيمَا مْلِيحَة، بَصَّحْ مَاشِي كِي نْكُونْ أَنَاعَنْدْكُمْ بَرَكْ. 19 يَاوْلَادِي لِنْعَزْ بِيكُمْ كَلِى أَنَا وْلَدْتْكُمْ حَتَّى نْشُوفْ فِيكُمْ صِفَاتْ تَاعْ لْمَسِيحْ. 20 وْبْغِيتْ غِيرْ لُوْكَانْ رَّانِي عَنْدْكُمْ وْنْبَدَلْ شْوِيَة طْرِيقَةْ لَكْلَامْ مْعَاكُمْ، عْلَى خَاطَرْ رَانِي تْحَيَرْتْ فِيكُمْ! 21 ڤُولُولِى، نْتُمَا الَلِّي بْغِيتُو تْعِيشُو تَحَتْ الَشَّرِيعَة: مَارَدِيتُوشْ بَالْكُمْ عْلَى الَلِّي تْڤُولَهْ الَشَّرِيعَة؟ 22 عْلَى خَاطَرْ مَكْتُوبْ بَلِّي إِبْرَاهِيمْ عَنْدَهْ زُوْجْ وْلَادْ، وَاحَدْ مَالْخَدَامْة تَاعَهْ هَاجَرْ وْلَخَّرْ مَنْ مَرْتَهْ الْحُرَّة سَارَةْ. 23 وْهَدَاكْ الَلِّي مَالْخَدَامَة تَوْلَادْ بْالَشَهْوَة تَاعْ الْجَسَدْ، وَالَلِّي مَنْ مَرْتَهْ الْحُرَّةْ تَوْلَدْ عْلَى حْسَابْ وَعْدْ الله. 24 وْڤَاعْ هَادْ الَشِّي كَانْ رَمْزْ، عْلَى خَاطَرْ هَادُوالَنْسَا يْمَثْلُو عَهْدْ الله، وَاحْدَة مَنْ جَبْلْ سِينَاءْ، تَوْلْدْ الْعُبُودِيَة، الَلِّي هِيَ هَاجَرْ. 25 عْلَى خَاطَرْ هَاجَرْ مَنْ جْبَلْ سِينَاءْ لِجَايْ فْالْعَرَبِيَة. الَلِّي هِيَ أُورْشَلِيمْ تَاعْ دَرْوَكْ، وْلِي وْلَادْهَا هُمْ عْبِيدْ. 26 وْأُوْرْشَلِيمْ تَاعْ الْسْمَا، الَلِّي هِيَ الْأُمْ تَاعْنَا ڤَاعْ، هِيَ حُرَةْ. 27 عْلَى خَاطَرْ مَكْتُوبْ: إِفْرَحِي يَالْعَاڤْرَةْ لِي مَارَفْدَتْشْ، عَيْطِي وْڤُوْلِي يَالِي مَاتْزَيَدْشْ، عْلَى خَاطَرْ وْلَادْ لَمْرَا لِي خْلَاهَا رَاجَلْهَا كْثَرْمَنْ وْلَادْ لَمْرَا لِي عَنْدْهَا رَاجَلْ». 28 وَحْنَا يَاخُوْتِي وْلَادْ الله عْلَى حْسَابْ الْوَعْدْ كِيمَا كَانْ إِسْحَاقْ. 29 وْتَانِي كِمَا كَانْ لِيْتَوْلَدْ عْلَى حْسَابْ الْجَسَدْ غَادِي يَضْظَهَدْ لِيْتَوْلَدْ عْلَى حْسَابْ الَرُّوحْ، هَكْدَا غَادِي يْكُونْ. 30 بَصَّحْ شَا يْڤُولْ لَكْتَابْ؟ «نْحَاوْزْ الْخَدَامَةْ وَوْلِيدْهَا، عْلَى خَاطَرْ وْلِيدْهَا مَايَوْرَثْشْ مْعَ وَلَدْ لَمْرَا لْحُرَّةْ». 31 مَالَا يَاخُوْتِي حْنَا مَارَانَاشْ وْلَادْ الْجَارِيَة بَصَّحْ وْلَادْ لَمْرَا لْحُرَّةْ.
1 كُوْنُو ثَابْتِينْ فَالْحُرِيَة الَلِّي حَرَّرْنَا لْمَسِيحْ بِهَا، وْمَاتْوَلُوشْ بَاشْ تْكُونُوْ عْبِيدْ. 2 أَنَا بُوْلُسْ وْنْڤُوْلْكُمْ: إِلَا غِيرْ خْتَنْتُو، لْمَسِيحْ مَايْنْفَعْكُمْ فِي وَالُوا! 3 وْنَشْهَدْ بَلِّي ڤَاعْ بْنَادَمْ لِيَتْخَتَنْ يْكُونْ لَزَمْ عْلِيهْ يْعِيشْ بَالَشَّرِيعَة. 4 وْإِلَا حْوَسْتُو تْبَرُرُ رْوَاحْكُمْ بَالَشَّرِيعَة رَاكُمْ ضَيَعْتُو الْمَسِيحْ، وْطْحْتُو مَالَنِّعْمَة. 5 وَحْنَا رَانَا بَالَرُّوحْ نْقَارْعُورَجَاءْ الْحَقْ بَالْإِيمَانْ. 6 عْلَى خَاطَرْ فَالْمَسِيحْ يَسُوعْ مَايْنْفَعْ لاَ لَخْتَانْ لاَ الْغُرْلَة ، بَصَّحْ يَنْفَعْ غِيرْ الْإِيمَانْ الَلِّي نْعِيشُوهْ بْالْمَحَبَةْ. 7 مَاقْبَلْ كُونْتُوا مْلِيحْ. مَلَا شْكُونْ حْبَسْكُمْ بَاشْ مَاتْطِيعُوشْ الْحَقْ؟ 8 وْهَادْ الَشِّي مَاجَاشْ مَنْ عَنْدْ الله لِى دْعَاكُمْ. 9 «شْوِيَة خْمِيرَة تْخَلِي ڤَاعْ لَعْجِينْ يْتْخَمَرْ». 10 بَصَّحْ عَنْدِي ثِقَة فِيكُمْ فَالَرَّبْ بَاشْ مَتْقَبْلُوشْ حْوَايَجْ وَاحَدْ خْرِينْ. بَصَّحْ الَلِّي يَزْعَجْكُمْ غَادِي يَتْحَاسَبْ مَنْ عَنْدْ الله. 11 وْأَنَا يَاخُوْتِي إِلاَ كُنَتْ نْخَبَرْ بْشَّرِيعَةْ الْخِتَانْ، عْلَاهْ رَاهُمْ يَضْطَهْدُو فِيَّا؟ وْمُشْكِلْ الَصَلِيبْ تْنَحَى. 12 يَالَيْتْ هَادُو الَنَّاسْ الَلِّي يْقَلْقٌوكُمْ يْحَبْسُوا هَادْ الَشِّي لِيْدِيْرُوهْ! 13 وْرَاكُمْ يَاخُوتِي مَدْعُوِينْ بَاشْ تْكُونُو أَحْرَارْ. بَصَّحْ مَلَازَمْشْ لْحُرِيَة تَاعْكُمْ تْكُونْ بَابْ بَاشْ تْدِيرُالَشِّي الَلِّي مَايَرْضِيشْ الله، بَصَّحْ خَدْمُوا بَعْضِيَاتْكُمْ بَالْمَحَبَة. 14 عْلَى خَاطَرْ ڤَاعْ الَشَّرِيعَة نْكَمْلُوهَا فْكَلْمَة وَاحْدَةْ: «تْحَبْ قْرِيبَكْ كِرُّوْحَكْ». 15 وْإِلَا كُنْتُو كِى لَوْحُوشْ تَاكْلُو بَعْضِيَاتْكُمْ، مَلَا بَلَاكُو تَفْنَاوْ بَعْضِيَاتْكُمْ. 16 وْتَانِي نْڤُولْ: تْمَشَاوْ بَالَرُّوحْ وْمَاتَبْعُوشْ الَشَهْوَة تَاعْ الْجَسَدْ. 17 عْلَى خَاطَرْ الْجَسَدْ يَبْغِي الصْوَالَحْ الَلِّي مَايَبْغِيْهُومْشْ الَرُّوْحْ، وْالَرُّوْحْ هُوَ تَانِي ضَدْ الْجَسَدْ، وْكُلْ وَاحَدْ يْقَاوَمْ لاَخُرْ، حَتَّى تْدِيرُوا الَلِّي مَاتَبْغُوَهْشْ. 18 بَصَّحْ إِلاَ عَشْتُو بَالَرُّوحْ مَعَنْتْهَا مَارَاكُمْشْ تَحَتْ الَشَّرِيعَة. 19 وَالْأَعْمَالْ تَاعْ الْجَسَدْ بَايْنِينْ، الَلِّي هُمَا: الَزِنَى وَالْنَجَاسَة وْدَّعَارَة 20 لَعْبَادَة تَاعْ الْأَوْثَانْ سِحْرْ ،الْكَرَهْ ، لَمْخَاصْمَة لْغِيرَة وَالْأَنَانِيَة التَحَزُبْ الْبِدْعَة 21 لَحْسَدْ لَقْتِيلَةْ سَكْرَانْ وْالسَبَانْ وْغِيرْهَا، وْڤَاعْ لِيكِيمَا هَادُو نْزِيدْ نْڤُوْلْكُمْ تَانِي عْلِيهَا كِيمَا سْبَقْ وْڤُولْتَلْكُمْ تَانِي: الَنَّاسْ لِتْدِيرْ هَادْ الصَوَّالَحْ مَايْوَرْثُوْشْ مَلَكُوْتْ الله. 22 وْثَمْرْالَرُوحْ الْقُدُسْ هُوَ: مْحَبَة فَرَحْ لَهْنَا صْبَرْ لْطَافَةْ لَصْلَاحْ، لْإِيمَانْ 23 لْقَلْبْ الَصَافِي وْضَبْطْ الَنَفَسْ. وْمَكَاشْ أَيْ شَرِيعَة لِتَمْنَعْ هَادْ صْوَّالَحْ لَمْلَاحْ. 24 بَصَّحْ الَلِّي هُمْ فَالْمَسِيحْ صَلْبُو الْجَسَدْ تَاعْهُمْ مْعَ الْشَهْوَة تَاعَهْ. 25 لَا كُنَّا نْعِيشُو بَالْرُوحْ، لَازَمْ نْسَلْكُو تَانِي عْلَى حْسَابْ الَرُّوحْ. 26 مَلَازَمْشْ نْكُونُو مَغْرُورِينْ وَنْدَوْسُوا بِيْنَاتْنَا، وَنْحَسْدُو بَعْضِيَاتْنَا.
1 يَاخُوتِي، إِلاَ كَاشْ وَاحَدْ خْسَرْ وْدَارْ كَاشْ خَطِيَة، مَلَا نْتُمَا الَلِّي تْعِيشُوا بَالَرُّوحْ لَازَمْ تَصَلْحُوا هَادْ الَشِّي بَالَرُّوحْ وَالْقَلَبْ الَصَافِي، وْكُلْ وَاحَدْ يَحْرَزْ رُوْحَهْ بَاشْ مَايَتْجَرَبْشْ. 2 كُلْ وَاحَدْ فِيكُمْ يَرْفَدْ الَلِّي ثْقِيلْ عْلَى خُوهْ، وْهَكْدَا غَادِي تْكَمْلُو شَّرِيعَة الْمَسِيحْ. 3 عْلَى خَاطَرْ إِلاَ كَاشْ وَاحَدْ يْخَمَمْ بَلِّي هُوَ كَاشْ حَاجَة ، رَاهْ يَكْذَبْ عْلَى رُوحَهْ. 4 بَصَّحْ لَازَمْ كُلْ وَاحَدْ يْمَيَزْ شَا رَاهْ يَخْدَمْ ، 5 عْلَى خَاطَرْ كُلْ وَاحَدْ غَادِي يَتْحَاسَبْ عْلَى حْسَابْ صْوَالْحَهْ. 6 بَصَّحْ الَلِّي يَتْعَلَمْ كْلَامْ الله لَازَمْ يْشَارَكْ الَلِّي يْعَلَمْ هَدَاكْ لَكْلَامْ فْڤَاعْ الْخِيرْ الَلِّي يْكُونْ. 7 مَاتْغَلْطُوشْ! الله مَايْزَعْقُوشْ عْلِيهْ. عْلَى خَاطَرْ لَبْنَادَمْ غَادِي يَحْصَدْ غِيرْ دَاكْ الَشِّي الَلِّي زَرْعَهْ. 8 إِلاَ وَاحَدْ زْرَعْ لَلْجَسَدْ مَنْ الْجَسَدْ غَادِيْ يَحْصَدْ لَفْسَادْ، وْلِي يَزْرَعْ لَرُّوحْ غَادِي يَحْصَدْ حْيَاة لَّبْدَا مَنْ دَاكْ الَرُّوحْ. 9 عْلَى هَادْ الَشِّي مَالَازَمَشْ نْفَشْلُو كِنْخَدْمُو الْخِيرْ عْلَى خَاطَرْ غَادِي نَحَصْدُو فْوَقْتْ الله هَادَاكْ الْخِيرْ لِزْرَعْنَاهْ إِلَا مَافْشَلْنَاشْ. 10 مَلَا يَاخُوتِي لَازَمْ كِتْكُونْ عَنْدْنَا أَيْ فُرْصَة لَازَمْ نْدِيرُو الْخِيرْ لْڤَاعْ الَنَّاسْ، وْخَاصَة لَلْمُومْنِينْ. 11 شُوفُوْا، شْحَالْ رَاهِى كْبِيرَة الْكَتْبَة لِكْتَبْتْهَالْكُمْ بْيَدِي! 12 ڤَاعْ الَنَّاسْ لِى بْغَاوْ يْبَانُوا مْلَاحْ فَالْجَسَدْ، هَادُو بْغَاوْكُمْ تْخَتْنُوا، بَاشْ مَايَضْطَهْدُوشْ عْلَى جَالْ صَلِيبْ الْمَسِيحْ بَرْكْ. 13 عْلَى خَاطَرْ لِيْخَتْنُو مَايْحَفْضُوشْ الَشَّرِيعَة، بَصَّحْ بْغَاوْكُمْ تَتْخَتْنُوا بَاشْ يْزُوخُوا فَالْجَسَدْ نْتَاعْكُمْ. 14 وْمَنْ جِهْتِي يَاخُوْتِي، مَاغَادِيشْ نَفْتَخَرْ غِيرْ بْصَلِيبْ تَاعْ رَّبْنَا يَسُوعْ الْمَسِيحْ، الَلِّي بِهْ تَصْلَبْ عْلَجَالِي وْأَنَا مَصْلُوبْ عْلَى هَادْ الْعَالَمْ وَصْوَالْحَهْ. 15 عْلَى خَاطَرْ فَالْمَسِيحْ مَايَنْفَعْشْ خْتَنْتْ وْلَا مَرَاكْشْ مَخْتُوْنْ، الَلِّي يَنْفَعْ كِتْكُونْ خْلِيقَةْ جْدِيدَة. 16 وْڤَاعْ الَلِّي يْعِيشُوا بْهَادْ الْقَانُونْ يْكُوْنْ عْلِيهُمْ سَلاَمْ وْرَحْمَة، وَعْلَى شَعَبْ الله. 17 وْمَمْبَعْدْ مَايْجِيشْ وَاحَدْ وْيَتْعَبْ فِيَّا بَاطَلْ، عْلَى خَاطَرْ رَانِي رَافَدْ فَالْجَسَدْ تَاعِي عَلاَمَاتْ تَاعْ الْمَسِيحْ رَّبِي . 18 نِعْمَةْ تَاعْ رَّبْنَا يَسُوعْ الْمَسِيحْ تْكُونْ مْعَ رّْوَاحْكُمْ يَاخُوْتِي. آمِينْ.
1 بُوُلُسْ رَسُولْ يَسُوعْ الْمَسِيحْ بْمْشِيئَة اللهْ، لِأَقِدِّسِينْ لِّي فْاَفَسُسْ، و الْمُؤمْنِينْ بَالْمَسِيحْ يَسُوعْ: 2 نِعْمَة لِيكُمْ وَسْلاَمْ الله بُونَا وَالْرَّبْ يَسُوعْ الْمَسِيحْ! 3 مْبَارَكْ الله بُو رَبِّنَا يَسُوعْ الْمَسِيحْ، لَلِّي بَارَكْنَا بْڤَاعْ الْبَرَكَة الْرُوحِيَّة فَالْسْمَا فَالْمَسِيحْ، 4 و خْتَارْنَا فِيهْ مَقْبَلْ تَأْسِيسْ الْعَالَمْ، بَاشْ نْكُونُوا قِدِّيسِينْ وَبْلاَ لُومْ ڤُدَامَهْ فَالْمَحَبَّة، 5 هُوَ لَلِّي سْبَقْ وَخَيَّرْنَا بَاشْ نْوَّلُوا وْلَادَهْ بْيَسُوعْ الْمَسِيحْ، عْلَى حْسَابْ الْقَصْدْ لَلِّي كَانْ بَاغِيهْ 6 بَاشْ نَشَكْرُوا مَجْدْ الْنِعْمَة تَعَهْ لَلِّي نْعَمْ بِيهَا عْلِينَا فَالْمَحْبُوبْ. 7 لَلِّي فِيهْ عَنْدْنَا الْفِدَاءْ بْدَمَهْ، غُفْرَانْ الْذْنُوبْ، عْلَى حْسَابْ لَغْنَى تَاعْ الْنِعْمَة تَاعَهْ، 8 لَلِّي خَلَهَا تْفِيضْ عْلِينَا بْحِكْمَة وفْهَامَة، 9 وَكْشَفْ لِنَا سَرْ الْمَشِيئَة تَاعَهْ، عْلَى حْسَابْ الْمَسَرَّة الَلِّي قْصْدْهَا فِي نَفْسَهْ، 10 بَاشْ يَصْرَى كِي يَلْحَّڤْ الْوَقْتْ تَاعَهْ، بَاشْ يْلَّمْ كُلْ شِي فَالْمَسِيحْ، الَلِّي فَالْسْمَا وَالَلِّي فَالْلَرْضْ عْلَى يَدْ الْمَسِيحْ. 11 الَلِّي بِيهْ أَدِّينَا حَقَّنَا، الَلِّي عْطَاهْ لِنَا الله مَا الْلَّوَلْ عْلَى حْسَابْ الْقَصْدْ تَاعَهْ الَلِّي يْدِّيرْ كُلْ شِي عْلَى حْسَابْ الْمَشِيئَة تَاعَهْ، 12 بَاشْ نْكُونُوا شَاكْرِينْ الْمَجَدْ تَاعَهْ، حْنَّا الَلِّي سْبَقْ الْرَجَاءْنَا فَالْمَسِيحْ. 13 الَلِّي نْتُمَ تَانِي، كِي سْمَعْتُوا كَلْمَةْ الْحَقْ، إِنْجِيلْ سْلاَكْكُمْ، الَلِّي فِيهْ تَانِي كِي آمَنْتُوا خُتِمْتُمْ بْرُوحْ الْوَاعَدْ الْقُدُّسْ، 14 الَلِّي هُوَ عَرْبُونْ الْوَارْثْ، لَلِّي خَيَّرْهُمْ وَفْدَاهُمْ الله، بَاشْ يَشَكْرُوا الْمَجْدْ تَاعَه. 15 عْلَى هَادْ الْشِي أَنَا تَانِي كِي سْمَعْتْ بْإِيمَانْكُمْ بَالْرَّبْ يَسُوعْ، وَمْحَبَّتْكُمْ لْڤَاعْ الْقِدِّيسِينْ، 16 مَازَالْ نَشْكُرْ اللهْ عْلَى جَالْكُمْ، وَ نَتْذْكَرْكُمْ فِي صْلاَتِي، 17 بَاشْ يَعْطِيكُمْ إِلَاَهْ رَبَّنَا يَسُوعْ الْمَسِيحْ، أَبُو الْمَجَدْ، رُوحْ الْحِكْمَة وَ الإِعْلاَنْ بَاشْ تَعَرْفُوهْ مْلِيحْ ، 18 تْنَوَّارْعْيُونْ عْقُولْكُمْ، وَتَعَرْفُوا شَاهُوَ رَجَاءْ الْدَعْوَة تَاعَهْ، وَشَاهُوَ غْنَى الَمَجْدْ الْوَارْثْ الَلِّي مَوْجَدْهَا لَلْقِدِّيسِينْ، 19 وَشَاهِيَ عَظَمَة قَوْتَّهْ الْكْبِيرَة مَنْ جِهَتْنَا حْنَا الْمُومْنِينْ، عْلَى حْسَابْ الْخَدْمَة تَاعْ قَوْتَّهْ الْعَظِيمَة 20 الَلِّي بَيَّنْهَا فَالْمَسِيحْ، كِي حْيَاهْ مَالْمُوتْ، وَ قَعْدَّاهْ عْلَى يْمْنَهْ فَالْسْمَا، 21 فُوقْ كُلْ رِيَاسَة وَسُلْطَانْ وَقُوَّة وَسْيَادَة، وَكُلْ أَسْمْ يَتْسَمَى فْهَادْ الْوَقْتْ وَلاَ فَالْزْمَانْ الْجَايْ تَانِي، 22 وَحَّطْ كُلْ شِي تَحْتْ كَرْعِيهْ، وَدَارَهْ رَاسْ فُوقْ كُلْ شِي فَالْكَنِيسَة، 23 الَلِّي هِيَ الجَسَدَهْ مِلْءْ الَلِّي يْعَمَّرْ الْكُلْ فَالْكُلْ.
1 وَأَنْتُمَ الَلِّي كُنْتُوا مُوتَى بَالْذْنُوبْ وَالْخَطَايَا، 2 الَلِّي كُنْتُوا تَتْمَشُوا فِيهَا مَقْبَلْ عْلَى حْسَابْ هَادْ الْعَالَمْ، وَعْلَى حْسَابْ رَئِيسْ سُلْطَانْ الْهْوَى، الْرُّوحْ الَلِّي رَاهْ يَخْدَّمْ دُورْكْ فِي وْلادْ الْمَعْصِيَة، 3 وَحْنَا تَانِي كُنَّا ڤَاعْ نَتْمَشُوا مَقْبَلْ بِيْنَتْهُمْ بَالَهْوَاتْ تَاعْ جَسَدْنَا، دَّايْرِينْ مَشِيئَاتْ الْجَسَدْ وَالأَفْكَارْ، وَكُنَّا فِي طْبِيعَتْنَا وْلاَدْ الْمَعْصِيَة كِي لُّخْرِينْ، 4 بَصَّحْ الله الَلِّي غَنِي فَالْرَّحْمَة، عْلَى جَالْ مْحَبْتَهْ الْكْثِيرَة الَلِّي حَّبْنَا بِهَا، 5 وَحْنَا مَازَالْنَا مُوتَى بَالْذْنُوبْ حْيَّنَا مْعَ الْمَسِيحْ - بَالْنَعْمَة رَاكُمْ مْسَلْكِينْ - 6 وَحْيَّنَا مْعَاهْ، وقَعَّدْنَا مْعَاهْ فَالْسْمَا فَالْمَسِيحْ يَسُوعْ، 7 بَاشْ يْبَانْ فَالْزْمَانْ الْجَايْ غْنَى الْنِعْمَة تَاعَهْ الَكْبِيرْ، بَالْلُّطْفْ عْلِينَا فَالْمَسِيحْ يَسُوعْ. 8 عْلَى خَاطَرْ رَاكُمْ مْسَلْكِينْ بالْنِعْمَة، بَالإِيمَانْ، وْهَادَا مَاشِي مَنْكُمْ. هُوَعَطِيَّة الله. 9 مَاشِي بَالْأَعْمَالْ بَاشْ يْزُوخْ وَاحَدْ مَنْكُمْ. 10 عْلَى خَاطَرْ حْنَا مَنْ خَلْقْ الله، مَخْلُوقِينْ فالْمَسِيحْ يَسُوعْ لَلْأَعْمَالْ الَصَالْحَة، الَلِّي سْبَقْ الله وَجَّدْهَالْنَا بَاشْ نَتْمَشُوا فِيهَا. 11 تْفَكْرُوا بَلِّي نْتُمَ الْأُمَمْ كُنْتُوا فَالْجَسْدْ مَاقْبَلْ، نْتُمَ الَلِّي كُنْتُوا تَتْسَمَاوْ مَاشِي مَخْتُونِينْ قْبَلْ مَنْ عَنْدْ الْمَخْتُونِينْ الَلِّي يَصْرَى فَالْجَسَدْ بَالْيَّدْ، 12 كُنْتُوا فِي دَاكْ الْوَقْتْ بْلاَ الْمَسِيحْ، بَرَّانَيِّينْ عْلَى شَعَبْ إِسْرَائِيلْ، وَبْعَادْ عْلَى وُعُودْ الَلِّي مَبْنَيِّنْ الَوْعَدْ تَاعْ اللهْ، مَاعَنْدْكُومْشْ رَجَاءْ، وَبْلاَ إِلَهْ فَالْعَالَمْ. 13 بَصَّحْ دُوركْ فَالْمَسِيحْ يَسُوعْ، نْتُمَ الَلِّي كُنْتُوا مَاقْبَلْ بْعَادْ، وَّلِيتُوا قْرَابْ بْدَمْ الْمَسِيحْ. 14 عْلَى خَاطَرْهُوَ الْسَلاَمْ تَاعْنَا، الَلِّي رَّادْهُمْ لَزُوجْ وَاحَدْ، وَكَسَّرْ الْحِيطْ الَلِّي كَانْ يَفْصَلْ بِيْنَاتْهُمْ، 15 ڤْلَعْ الْعْدَاوَة. بَطَّلْ بجَسْدَهْ شَرِيعَةْ الْوَصَايَة فَالْفَرَائِضْ، بَاشْ يْرَّادْهُمْ فِي زُوجْ لْنَفْسَهْ إِنْسَانْ وَاحَدْ جْدِيدْ، صَانَعْ الْسْلاَمْ، 16 و يْصَالَحْ الْزُوجْ فِي جَسَدْ وَاحَدْ مَعَ الله بَالْصَّلِيبْ، وْبِهْ كْتَلْ لَعْدَاوَة. 17 جَا وَبَشَّرْكُمْ بَسْلاَمْ، نْتُمَ لَبْعَادْ كِيمَا لَقْرَابْ. 18 عْلَى خَاطَرْبِهْ عَنْدْنَا لَّزُوجْ الْدَخْلَة لَلأَبْ بْرُوحْ وَاحَدْ. 19 مَارَاكُومْشْ دُوركْ بَرَانِيَّنْ، رَاكُمْ رَعِيَّة مْعَ آلْقِدِّسِينْ وَأَهْلْ بِيتْ الله، 20 مَبْنِيِّينْ عْلَى أَسَاسْ الْرُّسُلْ وَالأَنْبِيَا، وَيَسُوعْ الْمَسِيحْ نَفْسَهْ حَجَرْ الْزَّاوِيَة الْسَاسْ، 21 الَلِّي فِيهْ ڤَاعْ الْبَنْيَانْ لاَصَقْ مْعَ بَعْضْ، يَطْلَّعْ وَ يْوَّالِي هَيْكَلْ مُقَدَّسْ فَالْرَّبْ. 22 الَلِّي فِيهْ نْتُمَ تَانِي مَبْنِيِّينْ مْعَ بَعْضْ، دَارْالله فَالْرُوحْ.
1 عْلَى هَادْ الشِّي أَنَا بُولُسْ، مَحْبُوسْ الْمَسِيحْ يَسُوعْ عَلَى جَالْكُمْ نْتُمَ الْأُمَمْ، 2 وَسْمَعْتُوا بْتَدْبِيرْ نِعْمَةْ الله الَلِّي مَّدْهَالِي عَلَى جَالْكُمْ. 3 كِي كْشَّفْ لِّي السَّرْ بَالْوَحْيْ. كِيمَا سْبَقْ وَكْتَبْتْ بْإِخْتِصَارْ. 4 وَتَقَدْرُوا كِي تَقْرَاوْالْشِّي لِّي كْتَبْتَهْ تَفَهْمُوا مَعْرِفْتِي لْسَّرْ الْمَسِيحْ. 5 هَادْ الَسَّرْ مَبِيْنَهْشْ الله لَنَّاسْ اللَّوِلِينْ, كِيمَا بَيْنُو دَرْوَكْ بَالَرُوحْ لَلرُّسُلْ اَلمَقَدْسِينْ وْالْأَنْبِيَا تَاعَهْ. 6 وَعَنْدْهُمْ الْحَقْ فَالْوَعْدْ فَالْمَسِيحْ بَالإِنْجِيلْ. 7 الَلِّي وَّلِيتْ أَنَا خَدَامْ تَاعَهْ عْلَى حْسَابْ مَوْهِبَة نِعْمَةْ الله الَلِّي مَدْهَاليَّا عْلَى حْسَابْ فِعْلْ قَوتَّهْ. 8 أَنَالَصْغِيرْ فِي ڤَاعْ الْقِدِّيسِينْ، تَمَدَّتْ لِّي هَادْ الْنِّعْمَة بَاشْ نْبَشَّرْ بِينْ الْأُمَمْ بْغْنَى الْمَسِيحْ الَلِّي مَاعَنْدَهْشْ حُدُودْ، 9 وَنْبَيَّنْ لَلْكُلْ الَسَّرْ الَلِّي كَانْ مْخَبِي، مَالْزْمَانْ الْقْدِيمْ فَاللهْ خَالَقْ الْكُلْ بْيَسُوعْ الْمَسِيحْ. 10 بَاشْ يَتَّعْرَفْ دُورْكْ عَنْدْ الَرُّؤَسَا وَالَسْلاَطَنْ فَالْسْمَا، بَالشِّي الَلِّي يْبَانْ فَالْكَنِيسَة، مَنْ حِكْمَة الله الَمَتْنَوْعَة، 11 عْلَى حْسَابْ قَصْدْ الله الْلَّوَلْ الَلِّي دَرَاهْ فَالْمَسِيحْ يَسُوعْ رَبِّنَا. 12 الَلِّي بِهْ عَنْدْنَا الْجُرْأَة وْثِقَة بَالْإِيمَانْ تَاعْنَا. 13 وْنَطْلَّبْ مَنْكُمْ مَا تَفَشْلُوشْ عْلَى جَالْ الْضِيقْ الَلِّي رَانِي نْعَانِيهْ عْلَى جَالْكُمْ، هَادَامَجْدْ لِيكُمْ . 14 عْلَى هَادْ الْشِّي نَرْكَعْ لْ أَبِي رَبِّنَا يَسُوعْ الْمَسِيحْ، 15 الَلِّي مَنَهْ تَتْسَمَّى كُلْ عْشِيرَة فَالْسْمَا وَعْلَى الْلَّرْضْ. 16 بَاشْ يَعْطِيلْكُمْ عْلَى حْسَابْ غْنَى الْمَجْدْ تَاعَهْ، بَاشْ تَتْقَوَاوْ بْالْرُّوحْ فِي أَعْمَاقْ نْفُوسْكُمْ، 17 و يَّدْخُلْ الْمَسِيحْ بَالإِيمَانْ فِي قْلُوبْكُمْ، 18 وَنْتُمَ مَتْأَصْلِّينْ وَثَابْتِينْ فَالْمَحَبَة، بَاشْ تَقَّدْرُوا تَفَهْمُوا مْعَ ڤَاعْ الْقِدِّيسِينْ، شَاهُوَالْعَرْضْ وَالْطُّولْ وَالْعُمَقْ وَالْعُلْوْ، 19 وَتَعَّرْفُوا مَحَبَّة الْمَسِيحْ الَلِّي فُوقْ كُلْ مَعْرِفَة، بَاشْ تَعَمْرُوا حَتَّي تَوَصْلُوا لَلْكَمَالْ تَاعَهْ . 20 وَاللهْ الَلِّييْنَجَمْ يْدِيرْ كْتَرْ مَنْ الَشِّي الَلِّي نَطَلْبُوهْ وَنَتْخَيْلُوهْ عْلَى حْسَابْ الْقَوَة الَلِّي تَخْدَمْ فِينَا 21 لِيهْ الْمَجْدْ فَالْكَنِيسَة فِي ڤَاعْ لَّجْيَالْ حَتَّى لْدَهْرْ آلْدُّهُورْ. آمِينْ
1 نَطْلَبْ مَنْكُمْ، أَنَا الْمَحْبُوسْ فَالْرَّبْ: تَتْمَشُوا كِيمَا يْلِّيقْ بَالْدَّعْوَة الَلِّي دُعِيْتُمْ بِهَا. 2 بْكُلْ تَوَاضُعْ وَوْدَاعَة وَبْصْبَّرْ، تَتْحَمْلُوا بِيْنَاتْكُمْ بَالْمَحَبَّة. 3 مَجْتَهْدِينْ تَحْفْظُوا عْلَى وِحْدَانِيَّة الْرُّوحْ بْرْبَاطْ الْسَلاَمْ. 4 جَسَدْ وَاحَدْ، رُوحْ وَحْدَة، كِيمَا دْعَاكُمْ دَعْوَة فِيهَا رَجَاءْ وَاحَدْ. 5 رَّبْ وَاحَدْ، إِيمَانْ وَاحَدْ، تَغْطَّاسْ وَاحَدْ، 6 إِلَهْ و أَبْ وَاحَدْ لَلْكُلْ عْلَى الْكُلْ وَبَالْكُلْ و فِي كُلْكُّمْ. 7 بَصَّحْ لْكُلْ وَاحَدْ مَنَّا تَعْطَاتْ الْنِّعْمَة عْلَى حْسَابْ قْيَاسْ هِبَة الْمَسِيحْ. 8 عْلَى هَادْ الْشِي يْڤُولْ: " الَلِّي طْلَّعْ دَارْ مَحْبُوسِينْ وَأَعْطَى الْنَّاسْ مَوَاهِب". 9 وَ الَلِّي "طْلَّعْ" تَعْنِي هُوَ تَانِي الَلِّي هَوَّد الْلَّوَلْ لْتَحْتْ لْعُمْقْ الْلَّرْضْ. 10 وَالَلِّي هَوَّدْ هُوَ الَلِّي طْلَّعْ تَانِي لْفُوقْ ڤَاعْ الْسْمَاوَاتْ، بَاشْ يْعَمَرْ الْكُلْ. 11 وَهُوَ أَعْطَى وَحْدِينْ يْكُونُوا رُسُلْ، وَوَحْدِينْ أَنْبِيَا، وَوَحْدِينْ مُبَشِّرِينْ، وَوَحْدِينْ رُعَاةْ وَمَعَلْمِينْ، 12 بَاشْ يَوَّصْلُوا الْقِدِّيسِينْ لَلْكَمَّالْ فَالْخِدْمَة، لْبَنْيَانْ جَسَدْ الَمَسِيحْ، 13 حَتَّى نَوَصْلُوا كُلْنَا لْوَاحْدَنِيَّة الْإِيمَانْ وْمَعْرِفَة إِبْنْ الله. نَوَاصْلُوا لَلْإِنْسَانْ الْكَامَلْ. لَقْيَاسْ قَامَةْ مِلْءْ الْمَسِيحْ بَاشْ مَا نْكُونُوشْ مَمْبَعْدْ كِي وْلاَدْ تَايْهِينْ وَتَرَفَدُوا كُلْ رِيحْ، 14 تَعْلِيمْ،لِتَخْدَعْ الْنَّاسْ، وَ يَّدِي لَضَلاَلْ. 15 بَصَّحْ صَادْقِينْ فَالْمَحَبَّة، نَكَبْرُوا فِي كُلْ شِي لْهَدَاكْ الَلِّي هُوَ الَرَاسْ: الْمَسِيحْ، 16 الَلِّي مَنَهْ ڤَاعْ الْجَسَدْ مَرْبُوط مْعَ بَغْضَهْ، وَالْكُلْ مَفْصَلْ يَخْدَمْ الْجَسَدْ عْلَى حْسَابْ الْخَدْمَة الَلِّي تَعْطَاتْ لَه، بَاشْ يَوْصَلْ وَيَتَبْنَى الْجَسَدْ فآلمَحَبَّة. 17 نْڤُولْ هَاكْ وْنَشْهَدْ فَالْرَّبْ: بَاشْ مَا تَتْمَشُوشْ مَمْبَعْدْ كِيمَا يَتْمَشُوا بَاقِي الْأُمَمْ وَ بْعْقَلْ حَابَسْ، 18 عْلَى خَاطَرْهُمَا عْقَلْهُمْ مْضَلَّمْ، وَبْعَادْ عْلَى حْيَاة الله عْلَى جَالْ الْجَهْلْ الَلِّي فِيهُمْ وَقْسَوَاة قْلُوبْهُمْ. 19 هُمَا الَلِّي وَدْرُوا الْإِحْسَاسْ وْسْلْمُوا رْوَاحْهُمْ لَدَّعَارَة بَاشْ يْعِيشُو فَالْنْجَاسَة وَالْطْمَّعْ. 20 وَنْتُمَ مَاتْعَلَّمْتُوشْ لْمَسِيحْ هَكَا، 21 مَلِّي سْمَعْتُوهْ صَّحْ وَتْعَلَّمْتُوا الْحَقْ الَلِّي فِي يَسُوعْ، 22 بَاشْ تَڤَلْعُوا سِيرَتْكُمْ الَسابْقَة الْإِنْسَانْ الَقْدِيمْ الْفَاسَدْ بْشَهْوَاتْ لَغُرُورْ 23 وَتَتْبَدْلُوا فْرُوحْ عْقُولْكُمْ، 24 وَتَلَبْسُوا الْإِنْسَانْ الَجْدِيدْ الْمَخْلُوقْ عْلَى حْسَابْ الله فَالْبِرْوَ قَدَاسَة الْحَقْ. 25 عْلَى هَادَا نَحِيوْ عْلِيكُمْ لَكْذَبْ، وَهَدْرُوا غِيرْ الْصَّحْ كُلْ وَاحَدْ مَعَ قْرِيبَهْ، عْلَى خَاطَرْ رَانَا أَعْضَاءْ بَعْضْنَا الْبَعْضْ. 26 أَزَعْفُوا وْمَاتَغَلْطُوشْ. مَا تَغْرَبْشْ الَشَّمْسْ عْلَى زْعَافْكُمْ، 27 وْمَا تْمَّدُوشْ إِبْلِيسْ مْكَانْ. 28 مَا يْزِيدْشْ يَخْوَنْ الَسَّارَقْ مَمْبَعْدْ، بَصَّحْ غَادِي يَتْعَبْ وَيَخْدَّمْ الَصْلاَحْ بْيَدِّيهْ، بَاشْ يْكُونْ عَنْدَهْ وَيْعَاوَنْ الْمَحْتَاجْ. 29 مَا تَخْرَجْشْ كَلْمَة مَاشِي مْلِيحَة مَنْ فْوَمْكُومْ، يَخْرَجْ غِيرْ كْلاَمْ صَالَحْ لَلْبَنْيَانْ فِي وَقْتَهْ، بَاشْ يْمَّدْ نِعْمَة الَلِّي يَسْمَّعْ. 30 وَمَا تَحْزْنُوشْ رُوحْ الله الْقُدُّوسْ الَلِّي بِهْ خُتِنْتُمْ لَنْهَارْ الْفِدَاءْ. 31 وَتَتْنَحَى مَنْ بِينَاتْكُمْ لَمْرَرَة وْسَخْطْ وَزْعَافْ وَزْڤَى وَالْهَدْرَة عْلَى الْنَّاسْ وَكُلْ شَّرْ. 32 كُونُوا لُطَفَاءْ بِينَاتْكُمْ، شَفُوقِينْ، مَتْسَامْحِينْ بِينَاتْكُمْ كِيمَا سَامَحْكُمْ الله فَالْمَسِيحْ.
1 كُونُوا مْشَابْهِينْ لَلهْ كِي أَوْلاَدْ أَحِبَّا، 2 وَتْمَشُوا فَالْمَحَبَّة كِيمَا حَبْنَّا الْمَسِيحْ وْسَلَمْ نَفْسَهْ عْلَى جَالْنَا، قُرْبَان وَذْبِيحَة للهْ رِيحَة مْلِيحَة. 3 وْبَعْدُوا عَالَزْنَّا وَالَشِّي الَلِّي يْنَجَاسْ وَطْمَّعْ مَا تَذَكْرُوهَاشْ حَتَّى بَالْأَسْمْ كِيمَا يْلِيقْ بَالْقِدِّسِينْ، 4 لاَ قْبَاحَة وَلاَ كْلاَمْ سَّافَهْ الَلِّي مَا يْلِيقْشْ، خِيرْ لْكُمْ تَهَدْرُوا بَشُّكْرْ لله. 5 رَاكُمْ عَارْفِينْ بهَدَا: بَلِّي كُلْ زَانِّي ولَا نَجِسْ ولاَ طَمَّاعْ الَلِّي هُوعَابَدْ لَلْأَوْثَانْ مَا عَانْدُوشْ وَارْثْ فِي مَلَكُوتْ الْمَسِيحْ وَالله. 6 بَلاَكْ يَغْوِيكُمْ وَاحَدْ بْكْلاَمْ بَاطَلْ، عْلَى خَاطَرْ عْلَى جَالْ هَادْ الْأُمُورْ الَلِّي يْجِي زْعَافْ الله عْلَى وْلاَدْ الْمَعْصِيَة. 7 مَا تْكُونُوشْ فِي شَرْكَة مْعَاهُمْ 8 عْلَى خَاطَرْ كُونْتُوا فَالَظَلْمَة مَا قْبَلْ، وْدُورْكْ رَاكُمْ نُورْ فَالَرَّبْ. تْمَشُوا كِي وْلاَدْ الْنُورْ. 9 عْلَى خَاطَرْ ثَمْرَة الَرُّوحْ رَاهِي فِي ڤَاعْ الَصْلاَحْ وْبِرْوْ حَقْ. 10 هَكْدَا تَخْتَبْرُوا الَشِّي الَلِّي يْفَرَّحْ الَرَّبْ. 11 وْمَا تَشَّارْكُوشْ فَالْأَعْمَالْ تَاعْ الَظَّلْمَة الَلِّي مَا تْمَّدْشْ فَايْدَة خِيرْلْكُمْ تَفَضْحُوهَا. 12 عْلَى خَاطَرْ الْأُمُورْ الَلِّي يْدِّرُوهَا فَالَسَّرْ، عِيبْ حَتَّى تَذْكْرُوهَا. 13 بَصَّحْ ڤَاعْ الَلِّي مَفْضُوحْ يْبَانْ بَالَنُّورْ. عْلَى خَاطَرْ ڤَاعْ الَلِّي يْبَانْ هُوَ نُورْ. 14 عْلَى هَادَ الْشِي يْڤُولْ: "نُوضْ نْتَ الَلِّي رَاكْ رَاقَدْ وْنُوضْ مَالْمُوتْ وَالْمَسِيحْ يْنَوْرَاكْ". 15 شُوفُوا كِيفَاشْ تَتْمَشُوا بَدِقَة، مَاشِي كِي الْجُهَالَا بَصَّحْ كِي الْحُكَمَاءْ, 16 رَبْحُوا الْوَقْتْ عْلَى خَاطَرْ لِيَّامْ فِيهَا شَّرْ. 17 عَلَى جَالْ هَادْ الَشِّي مَا تْكُونُشْ بْلَّى عْقَلْ بَصَّحْ فَاهْمِينْ مَشِيئَة الَرَّبْ. 18 مَا تَسَكْرُوشْ بَالْخَمْرْ الَلِّي فِيهَا لَعْوَّاجْ، أَتْعَمْرُوا بَالْرُّوحْ، 19 وْهَادْرُوا بِينَاتْكُمْ بْمَزَامٍيرْوْتَسَابِيحْ وَبْأَغَانِي رُوحِيَّة، وَبَغْنَاكُمْ سَبْحُوا مَنْ قْلُوبْكُمْ الَرَّبْ. 20 شَاكْرِينْ فِي كُلْ وَقْتْ وَعْلَى كُلْ شِي فْإِسْمْ رَبِّنَا يَسُوعْ الْمَسِيحْ، لله وَ الْأَبْ. 21 خَاضْعِينْ بِينَاتْكُمْ فِي خُوفْ آلله. 22 يَا نْسَا أَخَضْعُوا لَرْجَالْكُمْ كِيمَا لَرَّبْ، 23 عْلَى خَاطَرْ الَرَّاجَلْ هُوَ رَاسْ لَمْرَة كِيمَا الْمَسِيحْ تَانِي رَاسْ الْكَنِيسَة، وْهُوَ الَلِّي يْسَلَكْ الْجَسَدْ. 24 وْكِيمَا تَخْضَعْ الْكَنِيسَة لَلْمَسِيحْ، هَكْدَا الَنْسَا يَخَاضْعُوا لَرْجَالْهُمْ فِي كُلْ شِي. 25 عْلَى جَالْهَا، 26 بَاشْ يْقَدَّسْهَا، وَيْطَهَّرْهَا بَغْسِيلْ مَاء الْكَّلْمَة، 27 بَاشْ يْوَجَدْهَا لْنَفْسَهْ كَنِيسَة مَجِيدَة، مَا فِيهَا لاَعِيبْ وْلاَ تْجَاعِيدْ وْلَا شِّي يْشْبَاهْ لْهُمْ، بَصَّحْ تْكُونْ مْقَّدْسَة بْلاَعِيبْ. 28 هَكْدَا الَرْجَالْ لاَزَمْ يْحَبُّو نْسَاهُمْ كِيمَا أَجْسَادْهُمْ. الَلِّي يْحَّبْ مَرْتَهْ يْحَّبْ نَفْسَهْ. 29 مَاكَانْ حَتَّى وَاحَدْ يَكْرَهْ جَسَدَهْ، بَلْ يْوَكْلَهْ وَيْرَبِّهْ، كِيمَا الَرَّبْ مْعَ الْكَنِيسَة. 30 عْلَى خَاطَرْ رَانَا أَعْضَاءْ جَسْدَهْ، مَنْ لَحْمَهْ وَمَنْ عْظَامَهْ. 31 " عْلَى جَالْ هَادْ الَشِّي يْخَّلِي الَرَّاجَلْ بُوهْ وَمَّهْ وْيَلْصَڤْ بْمَرْتَهْ وْلَزُوجْ يْوَلِيوْ جَسَدْ وَاحَدْ". 32 هَادْ الَسَّرْ كْبِيرْ، وْرَانِي نْڤُولْ مَنْ جِهَة الْمَسِيحْ وَالْكَنِيسَة. 33 وَنْتُمَ الْمُومْنِينْ كُلْ وَاحَدْ يْحَّبْ مَرْتَهْ هَكْدَا كِي نَفْسَهْ، وْلَمْرَة تْهِيبْ رَاجَلْهَا.
1 يَا وْلاَدْ، طِيعُوا وَالْدِيكُمْ فَالَرَّبْ عْلَى خَاطَرْ هَدَا حَقْ. 2 " أكْرَمْ بُوكْ وَمُوكْ"، الَلِّي هِيَ الَوَصِيَّة الْلَوْلَة الَلِّي فِيهَا وَاعَدْ، 3 " بَاشْ يْكُونْ لْكُمْ الْخِيرْ، وْتَطْوَالْ عْمَارْكُمْ عْلَى الْلَرْضْ". 4 وَنْتُمَ يَا الْوَالْدِينْ، مَا تْزَاعْفُوشْ وْلاَدْكُمْ، بَصَّحْ رَبُّوهُمْ بْتَأْدِيبْ وْعَلْموهُمْ وْصيَّا الَرَّبْ. 5 يَاعَبِيدْ، طِيعُوا سْيَادْكُمْ بْخُوفْ كْبِيرْ بَقَلْبْ صَادَقْ كضلِي طِيعُو الْمَسِيحْ، 6 مَا تَخَدْمُوشْ مَالْقَلْبْ غِيرْ كِي يْكُونُوا قُدامْكُمْ بَاشْ تَعَاجْبُوا لَنَّاسْ، بَصَّحْ كِي عَبِيدْ الْمَسِيحْ، دَايْرِينْ مَشِيئَة الله مَالْقَلْبْ، 7 خَدَامِينْ بْنِيَّة صَالْحَة كِيمَا لَرَّبْ، مَاشِي لَنَّاسْ. 8 رَاكُمْ عَارْفِينْ بَلِّي مَهْمَا دَارْوَاحَدْ مَنْ خِيرْ الَرَّبْ الَلِّي يْعْطِيهْ عْلَى حْسَابْ عْمَالَهْ، عَبْدْ كَانْ ولَا حُّرْ. 9 وَنْتُمَ يَاسَّادَة، عَامْلُوهُمْ بْهَادْ الْمُعَامَلَة، خَالِيكُمْ مَالَتَّهْديِدْ، عَارْفِينْ بَلِّي سِيدْكُمْ نْتُمَ وْسِيدْهُمْ فَالْسْمَا مَا يْشُوفْشْ لْلَوْجُوهْ. 10 وْمْعَ الَتَّالِى خُوتِي، تْقَّوَاوْ فَالَرَّبْ وْفِي قَوْتَّهْ. 11 لَبْسُوا سْلاَحْ الله الْكَامَلْ الَلِّي بِهْ تَقَدْرُوا تَثَبْتُوا ضَّدْ عْمَايلْ إِبْلِيسْ. 12 عْلَى خَاطَرْ الْحَرَبْ تَاعْنَا مَاشِي مْعَ دَّمْ وْلْحَمْ، رَاهْ ضَّدْ الَرُّؤَسَاءْ وْمْعَ الْسْلاَطَنْ،وْ وُلاَةْ الْعَالَمْ حُكَامْ هَادْ الْزْمَانْ وْ، مْعَ عْسْاكَرْ الْشَّرْ فَالسْمَا. 13 عْلَى جَالْ هَدَا رَفْدُوا سْلاَحْ الله الْكَامَلْ الَلِّي بِهْ تَقَدْرُوا تْقَاوْمُوا فْيُومْ الْشَّرْ، وْتَبْقَاوْ وَاقْفِينْ مُّورْهَادْ الَشِّي وْتَثَبْتُوا. 14 ثَبْتُوا وْلَبْسُوا حْزَامْ الْحَقْ وَلَبْسُوا دَرْعْ الْبِّرْ، 15 وْلَابْسِينْ صَبَاطْ وَاجْدِينْ تْبَّشْرُوا بْالإِنْجِيلْ الَسَّلاَمْ. 16 وْفُوقْ هَادْ الَشِّي رَافْدُوا تُرْسْ الْإِيمَانْ، الَلِّي بِهْ تَقَدْرُوا طَفِيوْ ڤَاعْ سِهَامْ الَشِّرِيرْ الْمَشْعُولَة. 17 وْدِّيرُوا فُوقْ الَرَّاسْ خُوذَة الْسْلاَكْ، وْسِيفْ الْرُّوحْ الَلِّي هُوَ كَلِمَة الله. 18 مْصَلِّينْ بْكُلْ صْلاَةْ وْطِلْبَة فْكُلْ وَقْتْ فَالْرُّوحْ، وْسَهْرانِينْ لْهَادْ الَشِّي دَايْمِينْ فَالْدُعَاءْ لْڤَاعْ الْقِدِّيسِينْ. 19 وَ عْلَى جَالِي، بَاشْ يَعْطِلِي الله كْلاَمْ كِي نْحَلْ فَمِي، وَنْبَّشَرْ بْجُرْأَة بْسِّرْ الْإِنْجِيلْ، 20 الَلِّي عْلَى جَالَهْ رَانِي سَفِيرَهْ مَرْبُوطْ بَسْلاَسَلْ، بَاشْ نَتْكَّلَمْ بْجُرْأَة عْلِيهْ كِيمَا لاَزَمْ. 21 بَصَّحْ لاَزَمْ تَعَارْفُوا نْتُمَ تَانِي كِي رَانِي، وَاشْ رَانِي نْدِّيرْ، يْخَبَرْكُمْ بْكُلْ شِي تِيخِيكُسْ الْأَخْ الَحْبِيبْ وَ الْخَادَمْ الْأَمِينْ فَالرَّبْ، 22 الَلِّي رْسَلْتْهْ لْعَنْدْكُمْ لْهَادْ الَشِّي، بَاشْ تَعَرْفُوا حْوَالْنَا وْتَتْشَجَعْ قْلُوبْكُمْ. 23 سْلاَمْ عْلَى الْإِخْوَة، وَمْحَبَّة بَإِيمَانْ مَنْ عَنْدْ الله الْأَبْ الَرَّبْ وْ يَسُوعْ الْمَسِيحْ. 24 الَنِّعْمَة لْڤَاعْ الَلِّي يْحَبُّوا رَبْنَّا يَسُوعْ
1 مَنْ ُبولُسْ وْتِيمُوثَاوَسْ، الْعَبْيدْ تَاعْ الْمَسِيحْ يَسُوعْ، ْلڤَاعْ الْمُومْنِينْ الَمْقَدْسِينْ فَالْمَسِيحْ يَسُوعْ الَلِّي فْفِيلِبِي ْوْلڤَاعْ الْمَسْؤُولِينْ وْالَمْدَبْرِينْ فَالْكَنِيسَة. 2 الَنِّعْمَة وَالسَلاَمْ لِيكُمْ مَنْ الَّلهْ بُونَا وَالرَّبْ يَسُوعْ الْمَسِيحْ الصَّلاَةْ تَاعْ بُولُسْ: 3 نَشْكُرْ اللهْ فْكُلْ وَقْتْ الَلِّي نَتْفَكَرْكُمْ فِيهْ 4 وْدِيمَا كِي نْصَلِّي مَنْ جِهَتْكُمْ، نْصَلِّي بَالْفَرْحَة، 5 عْلَى خَاطَرْ عَاوَنْتُونِي بَاشْ نْخَبَرْ بَالْإِنْجِيلْ مَنْ الَنْهَارْ اللَّوَلْ الَلِّي عْرَفَتْكُمْ فِيهْ حَتَّى 6 الْيُومْ.وْأَنَا مَتْيَقَّنْ بَلِّي اللهْ الَلِّي بْدَا يْدِّيرْ هَادْ الْأَعْمَالْ الصَّالْحَة، غَادِي يْكَمَّلْهَا حَتَّى لْيُومْ الْمَّجِيَ تَاعْ يَسُوعْ الْمَسِيحْ. 7 عَنْدِي الْحَقْ نْفَكَرْ فِيكُمْ ڤَاعْ نْتُمَ فِقَلْبِي، وْڤَاعْ عَاوَنْتُونِي فَالْخَدْمَة الَلِّي نْعَمْ ِبيهَا اللهْ عْلِيَ، وْ أَنَا مَشْدُودْ فَالْحَبْسْ، وْلَا كِي كُنْتْ نْدَافَعْ عْلَى رُوحِي فَالْمَحْكَمَة بَاشْ نْبَيَّنْ الْإِنْجِيلْ حَقْ. 8 وَاللهْ شَاهَدْ عْلَيَ بَلِّي نَبْغِيكُمْ ڤَاعْ كِمَا يَبْغِيكُمْ الْمَسِيحْ يَسُوعْ. 9 وَنْصَلِّي اللهْ َباشْ تْزِيدْ الَمْحَبَة تَاعْكُمْ تَكْبَرْ، وْهَاكَ غَادِي تْكُونْ عَنَدْكُمْ الَمَعْرِفَة ْولَفْهَامَة، 10 بَاشْ تَقَدْرُوتْمَيْزُو الَصْوَالَحْ الَمْلِيحَة، وَتْكُونُو نْقَيِّينْ مَا يْكُونْشْ عْلِيكُمْ اللُّومْ فَالَنْهَارْ الَلِّي غَادِي يْوَلِّي فِيهْ الَمَسِيحْ. 11 وَتْكُونُو عَامْرِينْ بَالْغَلَّة تَّاعْ الَتَّقْوَى الَلِّي تْجِي مَنْ يَسُوعْ الْمَسِيحْ ، بَاشْ يْوَلِي الَمَجْدَ وَالْحَمْدْ لَلَّهْ. 12 وْبْغِيتْكُمْ يَا خُوتِي تَعَرْفُو بَلِّي الصْوَالَّحْ الَلِّي صْرَاتْ هِيَ الَلِّي خَلاَّتْ الْإِنْجِيلْ يَنْتَشَرْ بَزَّافْ. 13 وْهَكَّا وَلَّى مَعْرُوفْ فْقَصْرْ الْحَاكَمْ وْفْڤَاعْ الَبْلاَيَصْ ، بَلِّي أَنَا مَسْجُونْ عْلَى جَالْ الْمَسِيحْ. وْبَسْبَابْ الْحَبَسْ تَاعِي، 14 بَزَّافْ مَنْ الْخُوتْ الْمُومْنِينْ زَادُو يْثِقُوا فَالَّربْ، وْوَلاَوْ مْشَجْعِينْ بَاشْ يَتْكَلْمُو بَكْلاَمْ الله بْلاَمَ يْخَافُوا. 15 بْلاَ شَكْ كَايَّنْ فِيهُمْ الَلِّي يْخَبْرُوا بَالْمَسِيحْ بَسْبَابْ الَحْسَدْ وْالَخَصْمْ، وْبَصَّحْ كَايَّنْ فِيهُمْ الَلِّي يَتْكَلْمُو بْنِيَّة صَّالْحَة. 16 وْهَادُو يْدِّيرُو هَادْشِّي بَالْمَحَبَّة الَلِّي فِيهُمْ، وْهُمْ عَارْفِينْ بَلِّي أَنَا هْنَا بَاشْ نْدَافَعْ عْلَى الْإِنْجِيلْ. 17 وْلَّخْرِينْ الْأَنَانِيَة الَلِّي فِيهُمْ مَا يَتْكَلْمُوشْ عْلَى الْمَسِيحْ بْنِّيَة صَادْقَة، وْيَحَسْبُو بْلِّي غَادِي يْزِيدُو عْلَي الْعَذَابْ فَالْحَبْسَ. 18 بَصَّحْ مَايْهَمْشْ، مَا دَامْ الَتَّبْشِيرْ بَالْمَسِيحْ يَنْدَارْ كِمَا كَانْ الْحَالْ، سْوَا ْبنِّيَة صَالْحَة وْ لاَ بْنِّيَة غِيرْ صَالْحَة، رَانِّي فَرْحَانْ وْغَادِّي نَفْرَحْ بَزَّافْ. 19 عْلَى خَاطَرْ نَعْرَفْ بَلِّي صْلاَتْكُمْ مَنْ جِهْتِي وَالْعَوَنْ تَاعْ رُوحْ يَسُوعْ الْمَسِيحْ ، غَادِي يْكُونُوا هُمَا سْبَابْ فَالسْلاَكْ تَاعِي. 20 وْنَتْمَنَى وْنَتْرَجَا مَنْ ڤَاعْ قَلْبِي بَاشْ عَمِرِي مَا نَتْحَشَمْ فَالْخَدْمَة تَاعِي، بَصَّحْ حَتَّى دَرْوَكْ مَتْشَجَعْ كِمَا كُنْتْ دِيمَا، بَاشْ تْبَانْ الْعَظَمَة تَاعْ الْمَسِيحْ فَالْجَسَدْ تَاعِي، سْوَا عَشَتْ وْلَا مَتْ. 21 عْلَى خَاطَرْ الْحَيَاةْ عَنَدِي هِيَ الْمَسِيحْ، وَالْمُوتْ هِيَ الَرِّبْحْ. 22 رَانِّي مَاعْرَفْتْشْ وَاشْ نَخْتَارْ؟ 23 وْأَنَا حَايَرْ بِينْ زُوجْ صْوَالَحْ: بْغِيتْ نْمُوتْ بَاشْ نْكُونْ مْعَ الْمَسِيحْ وْهَادَا خِيرْ لِي بَزَّافْ. 24 بَصَّحْ خِيرْ نْعِيشْ، وْهَادْشِي عْلَى جَالْكُمْ. 25 عْلَي خَاطَرْعَنْدِي الَثِقَة فْهَادْشِي، رَانِي عَارَفْ بَلِّي غَادِي نَقْعَدْ مْعَاكُمْ ڤَاعْ بَاشْ تَكَبْرُوا وْتْكُونُو فَرْحَانِينْ فَالْإِيمَانْ تَاعْكُمْ. 26 وْهَكَا غَادِي يْزِيدْ الْإِفْتِخَارْ تَاعْكُمْ بِي فَالْمَسِيحْ يَسُوعْ. 27 مَلِّي نْوَلِي مَرَة خْرَى بَاشْ نْشُوفْكُمْ. وَالَلِّي مُهِمْ دَرْوَكْ، هُوَ تْعِيشُو كِمَا يْوَصِّيكُمْ إِنْجِيلْ الْمَسِيحْ. وْهَكَا وْلاَ جِيتْ وْشَفْتْكُمْ وَلاَ كُنْتْ غَايَبْ، نَسْمَعْ بَلِّي رَاكُمْ ثَابْتِينْ فْرُوحْ وَحْدَة، وَتْكَافْحُو بْقَلْبْ وَاحَدْ عْلَى جَالْ الْإِيمَانْ بَالْإِنْجِيلْ. 28 وْمَا تْخَلِيوْشْ النَّاسْ الَلِّي ضَدْكُمْ تْخَوَفْوكُمْ بْشِي حَاجَة، بَالنِّسْبَة لِيهُمْ بَيَانْ عْلَى الْهَلاَكْ تَاعْهُمْ، وْبَالنَّسْبَة لِيكُمْ هَادْ الَسْلاَكْ، وْهَادْشِي ڤَاعْ مَنْ عَنْدْ اللهْ. 29 عْلَى خَاطَرْ اللهْ نْعَمْ عْلِيكُمْ مَاشِي غِيرْ بَاشْ تْأَمْنُو بَالْمَسِيحْ، بَصَّحْ بَاشْ تَتْعَذْبُوا عْلَى جَالَهْ. 30 بَصَّحْ تْكَافْحُوا كِمَا شَفْتُونِي نْدِيرْ مَنْ قْبَلْ، وْكِمَا مَازَالْ تَسَمْعُوا عْلِيَّ دَرْوَكْ.
1 مَا دَامْ كَايَنْ الَتَّشْجِيعْ فَالْمَسِيحْ، وْكَايَنْ الَشَرِكَة فَالْمَحَبَة،وْفَالَرُوحْ الْقُدُوسْ، وْكَايَنْ الْحَنَانْ وَالَرَحْمَة. 2 كَمْلُوا الْفَرْحَة تَاعِي وْكُونُوا عْلَى رَايْ وَاحَدْ، وْكُونُوا مَتَاحْدِينْ فَالْمَحَبَة، بْقَلْبْ وَاحَدْ وْبْفَكْرْ وَاحَدْ. 3 وْعَمَرْكُمْ مَا تْدِيرُوا حَتَّى حَاجَة بَالْأَنَانِيَة وَالْإِفْتِخَارْ، بَصَّحْ بَالتَّوَاضُعْ، خَمُوا دِيمَا تْخَيْرُوا غِيرْكُمْ عْلَى رْوَاحْكُمْ. 4 وْحَتَّى وَاحَدْ مَنْكُمْ مَا يْخَمَمْ غِيرْ فْمَصْلَحْتَهْ، بَصَّحْ فْمَصْلَحَةْ الَنَّاسْ لَخْرِينْ. 5 بَصَّحْ يْكُونْ فِيكُمْ تَخْمَامْ يَسُوعْ الْمَسِيحْ. 6 هْوَ الَلِّي كَانْ فَالطَبِيعَة تَاعْ اللهْ، عُمْرَهْ مَا يخَمَمْ يَسَتْغَلْ الْمُسَاوْيَة تَاعَهْ مْعَ اللهْ لْمَصْلَحْتَهْ. 7 بَصَّحْ تْخَلَى عْلَى الْقِيمَة تَاعَهْ، وْدَّا طَبِيعَة تَاعْ الْعَبْدْ، 8 وْوَلَى فْصُورَة بْنَادَمْ. تْوَاضَعْ حَتَّى الْمُوتْ، الْمُوتْ عَلَى الَصَّلِيبْ. 9 وْعْلَى هَادْشِي رَفْعَهْ اللهْ، وْمَدْلَهْ إِسْمْ فُوقْ كُلْ إِسْمْ، 10 بَاشْ تَسْجَدْ لَهْ كُلْ رُكْبَة، فَالَسْمَا وْعْلَى الْأَرْضْ وْتَحْتْ الْأَرْضْ. 11 وْيَشْهَدْ كُلْ لْسَانْ بَلِّي يَسُوعْ الْمَسِيحْ هُوَ الَرَّبْ، بَاشْ يْبَانْ الْمَجْدْ تَاعْ الله ْالْأَبْ. 12 خُوتِي لَعْزَازْ، كِمَا كُنْتُوا دِيمَا تْطِيعُونِي، مَا شِي غِيرْ ْوَأنَا حَاضَرْ، بَصَّحْ حَتَّى وْأَنَا غَايَبْ، وْدِيرُوا جُهَدْكُمْ باَشْ تْكَمَلْوا لَسْلاَكْ تَاعْكُمْ بَالْخُوفْ وْالَطَاعَة. 13 عْلَى خَاطَرْ اللهْ هُوَ الَلِّي يَخْلَقْ فِيكُمُ ْالإِرَادَة باشْ تْدِيرُوا الَشِّي اَللِّي يَبْغِيهْ. 14 ديِرُوا كُلْشِي بْلاَ مَا تَشْكِيوْ وْبْلاَ مَا تَتْخَاصْمُوا بِنَاتْكُمْ. 15 بَاشْ تْكُونُوا بْلاَ لُومْ وْنْقَيِّينْ. وْتْكُونُوا وْلاَدْ اللهْ ، مَا فِيكُمْ حَتَّى عِيبْ فْي وَسَطْ جِيلْ حْيَاتَهْ فَاسْدَة، وَتْضَّوِيوْ كِنُورْ فِي الْعَالَمْ . 16 مَتْمَسْكِينْ فَكْلاَمْ اللهْ الَلِّي يْمَدْ الَحْيَاةْ، وْهَكَا غَاِّدي نَفْتَخَرْ فَالَنْهَارْ الَلِّي غَادِي يْوَلِي فِيهْ الْمَسِيحْ، عْلَى خَاطَرْ مَا جَرِيتْشْ بْلاَ فَايْدَة وْمَا عْيِتْشْ بَاطَلْ. 17 وحْتَى لُوكَانْ يْكُونْ دَمِي مَخْوِي عْلَى ذْبِيحَة إِيمَانْكُم وْخَدمَتْكُم، غَادِي نْكُون فَرّحَانْ بْزَافْ مْعَاكُم كَامَل. 18 هَكّا فَرّحُوا وسَعْدُو حْتَى نْتُم مْعَايَا. 19 نْتُمَا مَنْ الَرَّبْ يَسُوعْ،مَانْطَوَلْشْ نَرْسَلْ لِيكُمْ تِيمُوثَاوْسْ، بَاشْ نَفْرَحْ كِي نَعْرَفْ خْبَارْكُمْ. 20 عْلَى خَاطَرْ مَا عَنْدِي حَدْ كِمَا هُو الَلِّي يَهْتَمْ ِفيكُمْ بْقَلْبْ صَافِي. 21 عْلَى خَاطَرْ ڤَاعْ يْحَوْسُوا غِيرْ عْلَى مَصْلَحَتْهُمْ، مَاشِي عْلَى مَصْلَحْةْ يَسُوعْ الْمَسِيحْ. 22 أَمَا تِيمُوثَاوَسْ، رَاكُمْ تَعَرْفُوا الَحْوَايَجْ الَلِّي فَاتْ مَنْهُمْ، عْلَى خَاطَرْ خْدَمْ مْعَايَ كِمَا الَوَلْدْ مْعَ بُوهْ بَاشْ يْزِيدُو الَنَّاسْ يَسَمْعُوا عْلَى الَإْنْجِيلْ. 23 هَادَا هُوَ الَلِّي نَتْمَنَا نَرَسْلَهْ لِيكُمْ كِي نَعْرَفْ وَاشْ غَادِي يَصْرَا لِي. 24 وْرَانِي عَنْدِي ثِّقَة فَالَرَبْ بَلِّي حَتَّى أَنَا قْرِيبْ نْجِي لْعَنَدْكُمْ. 25 بَصَّحْ شَفْتْ بَلِّي لَزَمْ نَرْسَلْ لِيكُمْ خُويَا فَالْإِيمَانْ أَبْفِرودُتْسْ، الَلِّي عَوَنِي فَالْخَدْمَة وْكَافَحْ مْعَايَ، وْالَلِّي رْسَلْتَوهْ لْعَنْدِي بَاشْ يْعَاوَنِي فَالَشِي الَلِّي نَحْتَاجُوا. 26 رَاهْ مَشْتَاقْ بَزَّافْ يْشُوفْكُمْ كَامَلْ، وْكَانْ مَغْمُومْ، عْلَى خَاطَرْ سَمَعْتُوا بَالْمَرْضْ تَاعَهْ. 27 عْلَى خَاطَرْ كَانْ مْرِيضْ وْقْرِيبْ يْمُوتْ، بَصَّحْ اللهْ رَحْمَهْ، وَرْحَمْنِي حَتَّى أَنَا بَاشْ مَا نْزِيدْشْ هَمْ عْلَى هَمْ. 28 وْبَسْبَابْ هَادْشِي رَسْلَتَهْ لْكُمْ بَالْخَفْ، بَاشْ مَلِّي تْشُوفُوهْ تَفَرْحُوا وْيَنْقَصْ عْلِيَ الْهَمْ. 29 رَحَبُوا ِبيهْ بَالْفَرْحَة كِمَا خُوكُمْ فَالَرَبْ، وَتْهَلَاوْ فْكُلْ وَاحَدْ كِمَا هُوَ. 30 الَلِّي عْلَى جَالْ خَدْمَةْ الْمَسِيحْ كَانْ رَاحْ يْمُوتْ، وْغَامَرْ بْحْيَاتَهْ بَاشْ يْكَمَلْ الَشِّي الَلِّي كَانْ نَاقَصْ فْخَدَمْتْكُمْ لِي.
1 يَا خُوتِي، فَرْحُوا فَالَرَّبْ، مَاغَادِيشْ يَثْقَلْ عْلِيَ إِلاَّ كْتَبَتْ لِيكُمْ نَفَسْ الَصْوالَحْ ، وْهَادُوالصْوَالَحْ غَادِي يَنْفَعْوكُمْ بَزَّافْ. 2 رُّدُو بَالْكُمْ مَنْ الَكْلاَبْ! رُّدُو بَالْكُمْ مَنْ هَادُوكْ الَلِّي يْدِّيرُو الشَّرْ، رُّدُو بَالْكُمْ مَنْ هَادُوكْ الَلِّي يْمَدُّو الْأَهَمِيَة لَلْخْتَانَة. 3 عْلَى خَاطَرْ حْنَّا صْحَابْ لَخْتَانْ الْحَقِيقِي، نَعَبْدُو اللهْ بَالَرُوحْ الْقُدوسْ، وْنَفْتَخَرْوا بَالْمَسِيحْ يَسُوعْ، وْمَا نَتَّكْلُوشْ عْلَى الَصْوَالَحْ تَاعْ الْجَسَدْ. 4 مَنْ حَقِّي حَتَّى أَنَا نَتْكَلْ عْلَى الْجَسَدْ، إِلاَ يْخَمَمْ وَاحَدْ يَتَكَلْ عْلَى جَسْدَهْ، رَاهْ عَنْدِي الْحَقْ كْتَرْ مَنَهْ. 5 مَنْ جِهَةْ لَخْتَانَة رَانِي مْخَتَنْ فَالَنْهَارْ الثَامَنْ، وْمَنْ أَصَلْ إِسْرَائِيلِي مَنْ قَبِيلَةْ بَنْيَامِينْ، وْعَبْرَانِي مَنْ الْعَبْرَانِيِّينْ، وْمَنْ جِهَةْ الَشَّرِيعَة أَنَا فَرِّيسِي. 6 وْمَنْ جِهَةْ الْغِيَرة، كُنَتْ نَضْطَهَدْ فَالْكَنِيسَة، وَمَنْ جِهَةْ الَتَّقْوَى عْلَى حْسَابْ الَشَّرِيعَة، مَكَانْشْ عْلِيَ لُومْ. 7 بَصَّحْ الَصْوَالَحْ الَلِّي كَانَتْ عَنْدِي رِبْحْ، وَلاَتْ عَنْدِي خْسَاَرة عْلَى جَالْ الْمَسِيحْ. 8 وْمَاشِي غِيرْ هَادِشِي، بَصَّحْ نَحْسَبْ كُلْشِي خْسَارَة قُدَامْ مَعْرِفَةْ الْمَسِيحْ يَسُوعْ رَبِّي، الَلِّي عْلَى جَالَهْ خْسَرَتْ كُلْشِي، وْنَحْسَبْ كُلْشِي وْسَخْ بَاشْ نَرْبَحْ الْمَسِيحْ. 9 وَنْكُونْ فِيهْ،وْمَا نْكُونْشْ صَالَحْ بْفَضَلْ الَشَّرِيعَة، بَصَّحْ بْفَضَلْ الْإِيمَانْ بَالْمَسِيحْ، بَالَصْلاَحْ الَلِّي يْجِي مَنْ عَنَدْ اللهْ بَسْبَابْ الْإِيمَانْ. 10 وْنَعْرَفَهْ، وْنَعْرَفْ قَوَّةْ الْقِيَامَة تَاعَهْ وْالَشَرِكَة فَالْعَذَابْ تَاعَهْ، وْنْوَلِي نَشْبَهْ لِيهْ فَالْمُوتْ تَاعَهْ. 11 بَاشْ نْقُومْ مَنْ الْمُوتْ لَلْحَيَاةْ. 12 مَا نْقُولْشْ بَلِّي رْبَحَتْ، وَلاَ وَلِيتْ كَامَلْ، بَصَّحْ نْدِيرْ مَجْهُودِي بَاشْ نَرْبَحْ هَادَكْشِي الَلِّي عْلَى جَالَهْ رْبَحْنِي يَسُوعْ الْمَسِيحْ مَنْ قْبَلْ. 13 وْفَالْحَقِيقَة يَاخُوتِى، مَا نَحْسَبَشْ رُوحِي رْبَحَتْ، بَصَّحْ نْدِيرْ حَاجَة وَحْدَة نَنْسَى الَشِّي الَلِّي مُورَايَا، وَنْدِيرْ مَجْهُودِي ڤَاعْ بَاشْ نَلْحَقْ الَشِّي الَلِّي قُدَامِي. 14 نَجْرِي لْجِهَةْ الْهَدَفْ الَلِّي بْغِيتْ نَلْحَقْ لِيهْ، بَاشْ نَرْبَحْ الْجَائِزَة الَلِّي عَيَّطْ لِي عْلِيهَا اللهْ مَنْ الَسْمَا بَالْمَسِيحْ يَسُوعْ. 15 وَحْنَا الَلِّي كَامْلِينْ، خَاصْنَا نْخَمُو بْهَادْ الَتَّخْمَامْ، وَإِلاَخَمَمْتُو بَخْلاَفْ هَادْ الَشِّي، الله غَادِي يْبَيَّنْ لِيكُمْ هَادْ الَصْوَالَحْ. 16 خَلِيوْنَا نْكَمْلُو فْنَفَسْ الَطْرِّيقْ الَلِّي تَبَعْنَاهْ مَنْ قْبَلْ. 17 يَا خُوتِى، كُونُو ڤَاعْ كِمَا أَنَيَا، وَتْعَلْمُو مْلِيحْ مَنْ الَنَّاسْ الَلِّي يْعِيشُو عِلَى حْسَابْ الَطَرِيقَة الَلِّي وَرِينَالْهُمْ يْعِيشُو بِهَا. 18 عْلَى خَاطَرْ قُلَتْ لِيكُمْ بَزَّافْ خَطْرَاتْ هَادْ الَشِّي، وْغَادِي نْعَاوَدْ نْڤُولْكُمْ وْأَنَا نَبْكِي: بَزَّافْ الَنَّاسْ يْعِيشُو وْهُمْ عَدْيَانْ تَاعْ صَلِيبْ الْمَسِيحْ. 19 هَادُو الْمَصِيرْ تَاعْهُمْ لَهْلاَكْ، عْلَى خَاطَرْ إِلاَهْ تَاعْهُمْ هُوَ كَرْشْهُمْ، وَالْمَجَدْ تَاعْهُمْ هُوَ هَادَكْ اَلِّشي الَلِّي خَاصْهُمْ يَحَشْمُو مَنَهْ، وَيْخَمْمُو غِيرْ فَالَصْوَالَحْ تَاعْ هَادْ الَدَّنْيَا. 20 بَصَّحْ حْنَا نَخَمْمُو فَالَصْوَالَحْ تَاعْ الَسْمَا، الَلِّي مَنْهَا نَسْتَنَاوْ الَلِّي يْسَلَكْنَا هُوَ الَرَّبْ يَسُوعْ الْمَسِيحْ. 21 الَلِّي غَادِي يْبَدَلْ الَجَسَدْ تَاعْنَا الَلِّي مَاعَنَدْهَا قِيمَة بَاشْ تْكُونْ عْلَى صُورَةْ الْجَسَدْ تَاعَهْ الْمُمَجَدْ، بَالْقَوَة تَاعَهْ الَلِّي يْخَلَّي كُلْ حَاجَة تَحَتْ الْحُكَمْ تَاعَهْ.
1 يَا خُوتِي الَعْزَازْ، وَالَلِّي تْوَحَشَتْ نْشُوفْهُمْ، نْتُمَا الْفَرْحَة تَاعِي وْتَاجْ رَاسِي، 2 قَعْدُو ثَابْتِينْ فَإِيمَانْكُمْ بَالَرَّبْ. رَانِي نَطْلَبْ مَنْ أَفْودِيَة سَنْتِيخِي بَاشْ يْكُونُو مَتَّاحْدِينْ فَالَرَّبْ. 3 وْنَطْلَبْ مَنَكْ حَتَّى نْتَ، شْرِيكِي الَلِّي نْثِيقْ فِيهْ بَزَّافْ، بَاشْ تْعَاوَنْهُمْ عْلَى خَاطَرْ كَافْحُو مْعَايَ فَالْخَدْمَة تَاعْ الْإِنْجِيلْ، أَكْلِيمَنْدُسْ وْڤَاعْ الْخُوتْ لَخْرِّينْ الَلِّي عَاْونُونِي فَالْخَدْمَة، وَالَلِّي سْمِيَاتْهُمْ مَكْتُوبِينْ فَكْتَابْ الْحَيَاةْ. 4 فَرْحُوا دِيمَا فَالَرَّبْ، وَنْعَاوَدْ تَانِي نْڤُولْكُمْ فَرْحُوا. 5 خَلِيوْ الَضْرَافَة الَلِّي فِيكُمْ يَعَرْفُوهَا الَنَّاسْ ڤَاعْ.رَاهْ الَرَّبْ قْرِيبْ. 6 مَا تَتْقَلْقُوشْ عْلَى حَتَّى حَاجَة، بَصَّحْ طَلْبُو كُلَشْي مَنْ اللهْ بَالَصْلاَةْ وَالَدْعَاوِى وَالشُكْرْ، وْخَلِيوْ الَشِّي الَلِّي تَطَلْبُوهْ مَعْرُوفْ عَنَدْ الله. 7 وَسْلاَمْ اللهْ الَلِّي فُوقْ كُلْ حَاجَة، يَحْرَزْ قْلُوبْكُمْ وْأَفْكَارْكُمْ فَالْمَسِيحْ يَسُوعْ. 8 وْفَالَلَّخَرْ يَا الخُوتِى، دِيرُو بَالْكُمْ فْهَادُو الَصْوَالَحْ : ڤَاعْ الَشِّي الَلِّي صْحِيحْ ، يَسْتَاهَلْ يَتَّحْتَرَمْ، ڤَاعْ الَشِّي الَلِّي حَقْ، ڤَاعْ الَشِّي الَلِّي نْقِيْ، 9 ڤَاعْ الَشِّي الَلِّي نَبْغِيوَهْ ڤَاعْ الَشِّي الَلِّي سُمْعَة تَاعَهْ مْلِيحَة،وْڤَاعْ الَشِّي الَلِّي يَسْتَهَلْ يَشَكْرُوهِ الَنَّاسْ. 10 رَانِي فَرْحَانْ بَزَّافْ فَالَرَّبْ، عْلَى خَاطَرْ وَلِيتُو مَنْ جْدِيدْ تَتْهَلاَوْ فِيَّا، وْكُنْتُو بَاْغْيِّينْ تَتْهَلاَوْ فِيَّا مَنْ قْبَلْ بَصَّحْ مَا لْقِيتُوشْ فُرْصَة. 11 مَا قُولَتْلْكُومْشْ هَاكَا عْلَى خَاطَرْ أَنَا مَحْتَاجْ، بَصَّحْ تْعَلَّمَتْ نَقْتَنَعْ بَالَشِّي الَلِّي عَنْدِي. 12 تْعَلَّمَتْ نْعِيشْ فْوَقَتْ لَغْبِينَة وْفْوَقَتْ الَشَّبْعَة. تْعَلَّمَتْ نْعِيشْ كِمَا كَانْ الْحَالْ، كُنَتْ شَبْعَانْ وَلاَ جِيعَانْ، كَانْ عَنْدِي بَزَّافْ وَ لاَ شْوِيَة. 13 وْأَنَا نْنَجَمْ نْدِّيرْ كُلَشْي فَالْمَسِيحْ الَلِّي يْقَّوِينِي. 14 بَصَّحْ هَكَاكْ، دَرْتُو حَاجَة مْلِيحَة مَلِّي شَارَكْتُونِي فَالْمَحْنَة تَاعِي. 15 وْتَعَرْفُو يَا سُكَانْ فِلِّيبِي، بَلِّي فَالَلَّوَلْ كِي بْدِيتْ نْخَبَرْ بَالْإِنْجِيلْ، مَلِّي خْرَجَتْ مَنْ مَكْدُونِيَة، حَتَّى كْنِيسَة مَا كَانَتْ تْعَاوَنِي،فَالْمَدْخُولْ تَاعِي وَفَالْمَصْرُوفْ مَنْ غِيرْكُمْ نْتُمَ وَحَدْكُمْ. 16 وْحَتَّى كِي كُنَتْ فَتِسَالُونِيكِي، رْسَلْتُو لِي كْتَرْ مَنْ خَطْرَة الَشِّي الَلِّي كُنَتْ مَحْتَاجْ ليِه.ْ 17 وَرَانِي مَا نْحَوَسَشْ عْلَى الْهْدِيَاتْ، بَصَّحْ بْغِيتْ الْغَلَّة تَاعْكُمْ تْزِيدْ. 18 رَاهْ لْحَقْنِي الَشِّي الَلِّي كُنَتْ مَحْتَاجْ لِيهْ وَكْتَرْ. وْدَرْوَكْ عَنْدِي الَلِّي يَكْفِينِي عْلَى خَاطَرْ أَبَفْرُودِيسْ جَابْ لِي ڤَاعْ الَشِّي الَلِّي رْسَلْتُوهْ ِلي، هُوَ كِمَا الَرِّيحَة لَمْلِيحَة تَاعْ ذْبِيحَة مَقْبُولَة عَنَدْ الله وْتَرْضِيهْ. 19 إِلاَهِيَ غَادِي يْمَدْ لِيكُمْ ڤَاعْ وَاشْ تَحْتَاجُو، عْلَى حْسَابْ الْمَجَدْ تَاعَهْ بَالْمَسِيحْ يَسُوعْ. 20 الْمَجَدْ لله بُونَا دِيمَا.آمِينْ. 21 سَّلْمُو عِلَى ڤَاعْ الْمُومْنِينْ الْمَقْدْسِينْ بَالْمَسِيحْ يَسُوعْ، وَالْخُوتْ اَلَلِّي مْعَايَ يْسَّلْمُو عْلِيكُمْ. 22 وَيْسَّلْمُو عْلِيكُمْ الْمُومْنِينْ الَمْقَدْسِينْ الَلِّي هْنَا ڤَاعْ، وَبَالْخْصُوصْ الَلِّي يَخَدْمُو عَنَدْ قَيْصَرْ. 23 وَالَنِّعْمَة تَاعْ رَّبِنَا يَسُوعْ الْمَسِيحْ تْكُونْ مْعَاكُمْ.
1 بُولُسْ، رَسُولْ يَسُوعْ الْمَسِيحْ بْمَشِيئَة الله، و تِيمُوثَاوْسْ الأَخْ، 2 لَلْقِدِّيسِينْ فِي كُولُوسِّي، والْخُوتْ الْمُومْنِينْ فَالْمَسِيحْ: نِعْمَة لِيكُمْ وْسَلاَمْ مَنْ الله بُونَا وَالْرَّبْ يَسُوعْ الْمَسِيحْ 3 نَشْكَرُوا الله أَبُونَا وَرَبْنَّا يَسُوعْ الْمَسِيحْ كُلْ وَقْتْ، فِي صْلاَتْنَا مَنْ أَجْلْكُمْ، 4 سْمَعْنَا بَالْإِيمَانْ تَاعْكُمْ بَالْمَسِيحْ يَسُوعْ، وَمْحَبَّتْكُمْ لْڤَاعْ الْقِدِيسِّينْ، 5 عْلَى جَالْ الْرَّجَاءْ الَلِّي رَاهْ يَسْتَنَاكُمْ فَالْسْمَا، الَلِّي سْمَعْتُوا بِهْ مَا قْبْلْ فْكَلَمَة الْحَقْ الَلِّي فَالْإِنْجِيلْ، 6 الَلِّي وَصْلَتْ لْكُمْ كِمَا رَاهِي تَوْصَلْ لْڤَاعْ الْعَالَمْ تَانِي، وْرَاهِي تْمَّدْ الْثَمْرَة كِمَا رَاهِي تْبَانْ فِيكُمْ نْتُمَ تَانِي مَنْ يُومْ سْمَعْتُوا بنِعْمَه الله وَعْرَفْتُوهَا بَالْحَقْ. 7 كِمَا تْعَلَمْتُوا تَانِي مَنْ عَنْدْ أَبَفْرَاسْ الْعَبْدْ الْحَبِيبْ مْعَنَا، الَلِّي هُوَ خَادَمْ أَمِينْ لَلْمَسِيحْ عْلَى جَالْكُمْ، 8 الَلِّي خَبَرْنَا تَانِي بْمَحَبَّتْكُمْ فَالْرُّوحْ. 9 عْلَى جَالْ هَادْ الْشِّي حْنَا تَانِي مَنْهَارْ سْمَعْنَا، رَانَا نْصَلُوا وَنَطَالْبُوا مَنْ أَجْلْكُمْ بَاشْ تَكَبْرُوا فَالمَعْرِفَة مَشِيئَة الله، فْكُلْ حِكْمَة وْفَهْمْ رُوحِي، 10 بَاشْ تَتْمَشُوا كِمَا لاَزَمْ بالْرَّبْ، وْفالَرْضَى فِي كُلْ شِي، مُثْمِرِينْ فْكُلْ عَمَلْ صَالَحْ، وْتَكَبْرُوا فْمَعْرِفَة الله، 11 وْتَتْقَوَاوْ بْكُلْ قُوَّة عْلَى حْسَابْ قُوَّة الْمَجْدْ تَاعَهْ، بَاشْ تَقَدْرُوا تَتْحَمْلُوا وْ تَصَبْرُوا بَالْفَرْحْ، 12 شَاكْرِينْ الأَبْ الَلِّي أَهَّلْنَا لْشَرْكَة وْرثْ الْقِدِّيسِينْ فَالْنُّورْ، 13 الَلِّي سَلَكْنَا مَنْ سُلْطَانْ الْظَّلْمَة، وَدَانَا لْمَلَكُوتْ إِبَنْ الْمَحَبَّة تَاعَهْ، 14 الَلِّي عَنْدْنَا فِيهْ الْفِيدَاءْ، بْدَمَّهْ تَغَفْرَتْ ذْنُوبْنَا. 15 الَلِّي هُوَ صُورَة الله لِمَتْنَجَمَشْ تْشُوفَهْ، وْ الَلَّوَلْ فِي كُلْ الْخلِيقَة. 16 فِيهْ تَخْلَقْ كُلْ شِي: الَلِّي فَالْسْمَا وَ الَلِّي فَالْلَرْضْ، الَلِّي يْبَانْ وَ الَلِّي مَا يْبَانْشْ، كَانْ عُرُوشًا وَلاَ مَالسِيَادَاتْ وَلاَ مَالْرِيَاسَاتْ وَلاَ مَالْسْلاَطَينْ. الْكُلْ بِهْ وْلِهْ تَخْلَقْ. 17 هُوَ كَانْ قْبَلْ كُلْ شِي، وفِيهْ يْدُومْ كُلْ شِي، 18 وْهُوَ رَاسْ الْجَسَدْ: الْكَنِيسَة. هُوَالْبَدْيَة ، وَالَلَّوَلْ الَلِّي قَامْ مَالْمُوتْ، بَاشْ يْكُونْ هُوَ الَلَّوَلْ فِي كُلْ شِي. 19 عْلَى خَاطَرْالله بْغَى بَاشْ ڤَاعْ الْمَلاَءْ يَسْكَنْ فِيهْ ، 20 وَيْصَالَحْ بِهْ الْكُلْ مْعَ نَفْسَهْ، دَارْ الَصُّلْحْ بْدَمْهْ عْلَى الَصَلِيبْ، بِيهْ يْصَالَحْ كُلْ شِي عْلَى الْلَرْضْ، وَفَالْسْمَا. 21 وَنْتُمَ الَلِّي كُونْتُوا قْبْلْ بْعَادْ عْلَى الله وْعَدْيَانَهْ فَالتَّخْمَامْ تَاعْكُمْ ، وْأَعْمَالْكُمْ الَلِّي فِيهَا الَشَّرْ، رَاهْ تْصَالَحْ مْعَكُمْ دُورْكْ . 22 بَالْمُوتْ تَاعْ وَلْدَهْ ، بَاشْ يْوَجْدْكُمْ قِدِّيسِينْ وَبْلاَعِيبْ ڤُدَامَهْ، 23 إِلاَ ثْبَتُوا فَالْإِيمَانْ، وْرَسَخْتُو فِيهْ وْمَا تَتْبَدْلُوشْ عْلَى رَجَاءْ الْإِنْجِيلْ الَلِّي سْمَعْتُوهْ، بَشْرُوا بِهْ لْڤَاعْ الْخَلِيقَة الَلِّي تَحْتْ الَسْمَا، الَلِّي وَلِيتْ أَنَا بُولُسْ خَادَمْ لِهْ. 24 وْرَانِي دُورْكْ فَرْحَانْ فَالْأَلَمْ تَاعِي عْلَى جَالْكُمْ، نْكَمَلْ فَالْجَسَدْ تَاعِي الَشِّي الَنَّاقَصْ مَالْضِيقَاتْ الْمَسِيحْ عْلَى جَالْ الْجَسَدْ تَاعَهْ الَلِّي هُوَ الْكَنِيسَة، 25 الَلِّي وَلِيتْ أَنَا خَادَمْ لِهَا، عْلَى حْسَابْ تَدْبِيرْ الله الَلِّي نَعْطَى لِي عْلَى جَالْكُمْ بَاشْ نْكَمَّلْ كَلِمَة الله. 26 الَسَّرْ لَمْخَبِي مَالَزْمَانْ وْمَنْ جِيلْ بْعِيدْ، بَصَّحْ دُورْكْ رَاهْ بَيْنَاهْ لَلْقِدِّيسِينْ تَاعَهْ، 27 الَلِّي بْغَى الله يْعَرَّفْهُمْ شْحَالْ غَالِي الْمَجْدْ تَاعْ هَادْ الَسَّرْ فَالْأُمَمْ، هُوَ الْمَسِيحْ فِيكُمْ رَجَاء الْمَجْدْ. 28 هَادْ الْسَّرْ رَانَا نْبَّشْرُوا بِهْ كُلْ إِنْسَانْ، وْنْعَلْمُوا كُلْ إِنْسَانْ، بْكُلْ حِكْمَة، بَاشْ نْوَجْدُوا كُلْ إِنْسَانْ كَامَلْ فَالْمَسِيحْ يَسُوعْ. 29 الَشِّي الَلِّي رَانِي عْلَى جَالَهْ نَتْعَبْ وَنْجَاهَدْ، بْالْقُدْرَة تَاعَهْ الَلِّي رَاهِي تَخْدَمْ فِيَا بَالقُّوَة.
1 رَانِي بَاغِي تَعَرْفُوا وَاشْ مَنْ جِهَادْ جَاهَدتْ عْلَى جَالْكُمْ، وَعْلَى الَلِّي رَاهُمْ فِي لَوُدِكِيَّة، وْڤَاعْ الَلِّي مَا شَافُوشْ وَجْهِي، 2 بَاشْ قْلُوبْكُمْ تَتْعَزَّى وَيْكُونُوا مَتَحْدِّينْ فَالْمَحَبَّة بَاشْ تَوَصْلُوا لَلَفْهَامَة الْكَامْلَة فَالْغْنَى تَاعَهْ، وْتَعَرْفُوا سَّرْ الله الْأَبْ وَالْمَسِيحْ، 3 الَلِّي مَخْزُونَة فِيهْ كْنُوزْ الْحِكْمَة وَالْعِلْمْ. 4 رَانِي نْڤُولْ هَكْدَا بَاشْ وَاحَدْ مَا يَخْدَعْكُمْ بَكْلاَمْ خَدَاعْ. 5 حَتَّى وِلاَ رَانِي غَايَبْ فَالْجَسَدْ بَصَّحْ رَانِى مْعَاكُمْ فَالَرُّوحْ، فَرْحَانْ، كِى نْشُوفْ سِيرَتْكُمْ لَمْلِيحَة وْقُوَّة إِيمَانْكُمْ فَالْمَسِيحْ. 6 كِيمَا قْبَلْتُوا الْمَسِيحْ يَسُوعْ الْرَّبْ تْمَشُوا فِيهْ، 7 مَتْأَصْلِينْ وْمَبْنِيِّينْ فِيهْ، وْحَاكْمِينْ فَالْإِيمَانْ، كِيمَا تْعَّلَمْتُوا، وْفَايْضِينْ بَالَشُكْرْ. 8 حَرْزُوا يْطِيَّحْكُمْ كَاشْ وَاحَدْ فَالْفَلْسَفَة وْفْالَغُرُورْ الْبَاطَلْ، عْلَى حْسَابْ عْوَايَدْ الَنَّاسْ، عْلَى حْسَابْ سِيرَة الْعَالَمْ، مَاشِي كِيمَا عْلَى حْسَابْ الْمَسِيحْ. 9 عْلَى خَاطَرْ فِيهْ تْعَمَرْ ڤَاعْ مِلْء اللاَّهُوتْ فَالْجَسَدْ. 10 وَنْتُمَ رَاكُمْ مْعَمْرِينْ فِيهْ، الَلِّي هُوَ الَرَّاسْ عْلَى كُلْ رِيَاسَة وْسُلْطَانْ. 11 وْبِهْ تَانِي تَخَتَنْتُوا خْتَانْ مَاشِي مَصْنُوعْ بَالْيَّدْ، كِتَڤْلَعْ مَنْكُمْ جَسَدْ الَذْنُوبْ الْبَشَرِي، بْخْتَانْ الْمَسِيحْ. 12 مَدْفُونِينْ مْعَهْ فَالْتَغْطَاسْ، الَلِّي فِيهْ تَانِي حْيِّيتُوا مْعَهْ بَالْإِيمَانْ بْقُدْرَة الله ، الَلِّي حْيَاهْ مَالْمُوتْ. 13 كُونْتُوا مُوتَى فَالْذْنُوبْ وْمَاشِي مَخْتُونِينْ فَالْجَسَدْ، حْيَاكُمْ مْعَهْ، وْسَامَحْ لِكُمْ ڤَاعْ الْذْنُوبْ، كِي 14 مْحَا الْصَّكْ الَلِّي كَانْ مَكْتُوبْ فِيهْ الْمفْرُوضْ عْلِينَا، وَ الَلِّي كَانْ ضَدْنَا، رَافْدَهْ مَنْ وَسْطْنَا كِي سَمْرَاهْ عْلَى الْصَّلِيبْ، 15 وَڤْلَعْ الْسْلاَحْ لَرِّيَاسَاتْ وْالْسَّلاَطَينْ فْضَحْهُمْ قُدَامْ الَنَّاسْ، وَنْتَصَرْ عْلِيهُمْ. 16 مَا يَحْكُمْ عْلِيكُمْ وَاحَدْ فَالأَكْلْ وْلاَ فَالْشُرْبْ، وَلاَ مَنْ جِهَةْ لَعْيَادْ وْرَاسْ لَشْهُورْ وْلِيَّامْ، 17 هَادِي ڤَاعْ كَانَتْ ظَلْ الْاُومُورْ الْجَايَّة بَصَّحْ الْجَسَدْ هِيَ لَلْمَسِيحْ. 18 مَا يَحْرَمْكُمْ حَتَّى وَاحَدْ مَنْ الْجَائِزْة تَاعْكُمْ، إِذَا بْغَى يَدِيكُمْ بَالَتَّوَاضُعْ وْعِبَادَةْ الْمَلاَيْكَة، يْدَخَلْ رُوحَهْ فِي رُوؤَى الَلِّي مَا شَافْهَاشْ، وْعَقْلَهْ الْجَسَدِي نَفْخَهْ بَاطَلْ، 19 وْمَاشِي حَاكَمْ فَالَرَّاسْ الَلِّي مَنَهْ ڤَاعْ الْجَسَدْ يَتْغَذَى، وَيْتْمَاسَكْ بَالْمَفَاصَلْ وْيَنْمُوا بَالَنُمُوْ الَلِّي يْمَدَّهْ الله. 20 إِذَا مَاتُّوا مْعَ الْمَسِيحْ عْلَى سِيرَة الْعَالَمْ، عْلاَشْ رَاكُمْ عَايْشِينْ كَلِي فَالْعَالَمْ؟ تَتَفْرَضْ عْلِيكُمْ الْفَرَائِضْ: 21 "مَا تْمَسْشْ! وْمَا تْذُوقْشْ! وْمَا تَحْكَمْشْ!" 22 وْهَادْ الْأُمُورْڤَاعْ تَنْدَارْ وْتَفْنَى، عْلَى حْسَابْ وَصَايَا وْتَعَالِيمْ الَنَّاسْ، 23 الَلِّي تْبَانْ عَنْدْهَا حِكْمَة، بَالْعِبَادَة الْمُصْطَنَعَة، وْتَوَاضُعْ، وْقَهْرْ الْجَسَدْ، أُمُورْ مَا عَنْدْهَاشْ قِيمَة غِيرْ مَنْ جِهَة الْإِشْبَاعْ الْبَشَرِي.
1 إِذَا كُونْتُوا حْيِّيتُوا مْعَ الْمَسيِحْ طَلْبُوا الَلِّي فَالْفُوڤْ، وِينْ رَاهْ الْمَسِيحْ ڤَاعَدْ عْلَى يْمِينْ اللهْ. 2 حَوْسُوا عْلَى الَلِّي فَالْفُوڤْ مَاشِي عْلَى الَلِّي فَالْلَرْضْ، 3 عْلَى خَاطَرْ مَاتُّوا وْحْيَاتْكُمْ مَسْتُورَة مْعَ الْمَسِيحْ فَاالله. 4 كِي يْبَانْ الْمَسِيحْ وْهُوَ حْيَاتْنَا، نْبَانُوا حْنَا تَانِي مْعَهْ فَالْمَجْدْ. 5 قَتْلُوا أَعْضَاءْكُمْ الَلِّي عْلَى الَلَّرْضْ: الَزْنَى، الَنَّجَاسَة، الْهَوَى، الْشَهْوَة الْفَاسْدَة، الْطْمَعْ الَلِّي هُوَ عْبَادَة الأَصْنَامْ 6 الأُمُورْ الَلِّي عْلَى جَالْهَا يْجِي زْعَافْ الله عْلَى وْلاَدْ الْمَعْصِيَة، 7 الَلِّي نْتُمَ تَانِي كُونْتُوا تَتْمَشُوا بِينَاتْهُمْ مَا قْبْلْ، كِي كُونْتُوا تْعِيشُوا فِيهَا. 8 بَصَّحْ دَرْوَكْ أَرْمُوا عْلِيكُمْ ڤَاعْ هَادْ الْأُمُورْ: الَزْعَافْ، الْسَّخْطْ، الْخُبْثْ، وَكْلاَمْ الْكْذَبْ، وْلَكْلاَمْ لَقْبِيحْ الَلِّي يَقْدَرْ يَخْرَجْ مَنْ فَوَامْكُمْ. 9 مَا تَكْذْبُوشْ بَعْضْكُمْ عْلَى بَعْضْ، رَاكُمْ ڤْلَعْتُوا الْإِنْسَانْ الَقْدِيمْ وَعْمَالَهْ، 10 وْلْبَسْتُوا الَجْدِيدْ الَلِّي يَتْجَدَّدْ لَلْمَعْرِفَة عْلَى حْسَابْ صُورَةْ الْخَالَقْ تَاعَهْ، 11 مَا كَاشْ لاَ يُونَانٍي وَلاَ يَهُودِي،لاَمَخْتُونْ ولاَ مَاشِي مَخْتُونْ، لاَ بَرْبَرِي ولاَ سِيكِّيثِيُّ، لاَ عَبِيدْ ولاَ عَبْدْ حُرْ الْمَسِيحْ هُوَ الْكُلْ فَالْكُلْ. 12 كُونُوا كِي الَلِّي خَيَارْهُمْ الله الْقِدِّيسِينْ الْمَحْبُوبِينْ لَبْسُوا الَرَحْمَة، الْلُطْفْ، الْتَوَاضُعْ، الْوَدَاعَة،وَ الْصْبَرْ، 13 تْحَمْلُوا بِينَتْكُمْ، سَمْحُوا بَعْضْكُمْ بَعْضْ. إِذَا كَانْ لْوَاحَدْ شَكْوَى عْلَى خُوهْ، يَغْفَرْ لَهْ كِيمَا غْفَرْ لْكُمْ الْمَسِيحْ. 14 وْفُوقْ ڤَاعْ هَادْ الأُمُورْ لَبْسُوا الْمَحَبَّة الَلِّي هِيَ رْبَاطْ الْكَمَالْ. 15 ويَمْلَكْ فِي قْلُوبْكُمْ سْلاَمْ الله الَلِّي لِيهْ دْعَاكُمْ الله فِي جَسَدْ وَاحَدْ، وْكُونُوا شَاكْرِينْ. 16 وْتَسْكُنْ فِيكُمْ كَلِمَةْ الْمَسِيحْ بْغْنَى، وْنْتُمَ بكُلْ حِكْمَة عَلْمُوا وَنَذْرُوا بَعْضْكُمْ بَعْضْ، بمَزَامِيرْ و تَسَابِيحْ وْغْنَى رُوحِي، بْنِعْمَة، مُتَرَّنْمِينْ فِي قْلُوبْكُمْ لَرَّبْ. 17 وْكُلْ مَا دِيرُوا بَكْلاَمْ ولاَ بْأَعْمَالْ ، دِيرُوا كُلْ شِي بْأَسَمْ الَرَّبْ يَسُوعْ، شَاكْرِينْ الله بِهْ الأَبْ. 18 يَا نْسَا، قَدْرُوا رْجَالْكُمْ كِيمَا لاَزَمْ فَالْرَّبْ. 19 يَا رْجَالْ، حَبُّوا نْسَاكُمْ، وْمَا تَقْسُوشْ عْلِيهُمْ. 20 يَاوْلاَدْ، طِيعُوا وَالْدِيكُمْ فِي كُلْ شِي عْلَى خَاطَرْ هَكْدَا يَرْضَى عْلِيكُمْ الَرَّبْ. 21 يَا أَبَاءْ، مَا تَفَرْضُوشْ عْلَى وْلاَدْكُمْ حَتَّى يَفَشْلُوا. 22 يَا عَبِيدْ طِيعُوا فِي كُلْ شِي سْيَادْكُمْ عْلَى حْسَابْ الْجَسَدْ، مَا تَخْدْمُوشْ لَلْعِينْ بَاشْ تْرَضُوا الَنَّاسْ، خَدْمُوا بْنِيَّة وْ مَالْقَلْبْ، خَايْفِينْ الَرَّبْ. 23 وْدِيرُوا كُلْ شِي مَالْقَلْبْ، كِيمَا تْدِيرُوا لَرَّبْ مَاشِي لَنَّاسْ، 24 عَارْفِينْ بَلِّي الَرَّبْ هُوَ الَلِّي يْجَازِكُمْ بَالْوَرْثْ، عْلَى خَاطَرْ تَخَدْمُوا الَرَّبْ الْمَسِيحْ. 25 وْالَظَّالَمْ يْنَالْ الَشِّى الَلِّي ظْلَمْ بِهْ، وْالْرَّبْ مَا يْشُوفْشْ اَلَوْجُوهْ.
1 يَا سَّادَة، كُونُوا عَادْلِينْ مُنْصِفِينْ مْعَ الْعَبِيدْ، عَالْمِينْ بَلِّي نْتُمَ تَانِي عَنْدْكُمْ سَيَدْ فَالْسْمَا. 2 مَا تَحْبْسُوشْ مَا الَصْلاَةْ وَسَهْرُوا فِيهَا بَالْشُكْرْ، 3 صَلُوا مَنْ أَجْلْنَا حَنَّا تَانِي، بَاشْ يَفْتَحْ لِنَا الَرَّبْ بَابْ لَتَبْشِيرْ، وْ نَهَدْرُوا عْلَى سَّرْ الْمَسِيحْ، الَلِّي عْلَى جَالَهْ رَانِي مْقَيَدْ، 4 بَاشْ نْبَشَرْ بِهْ كِيمَا لاَزَمْ. 5 تْمَشُوا بْحِكْمَة مَنْ جِهَة الَلِّي مَاشِي مُومْنِينْ، مَا تْضَيْعُوشْ الْوَقْتْ. 6 وَيْكُونْ كْلاَمْكُمْ فْكُلْ وَقْتْ نِعْمَة، كْلاَمْ مْلِيحْ، عَرْفُوا كِيفَاشْ جَاوْبُوا كُلْ وَاحَدْ. 7 تِيخِيكْسْ الأَخْ الْحَبِيبْ و الْخَادَمْ الْأَمِينْ وَصَحَبْنَا الْعَبْدْ فَالْرَّب يْعَرَفْكُمْ عْلَى حْوَالِي، 8 الَلِّي رْسَلْتُوا عَنْدْكُمْ لْهَادْ الَشِّي، بَاشْ تَعَرْفُوا حْوَالْنَا وْتَتْشَجْعْ قْلُوبْكُمْ، 9 مْعَ أَنْسِيمُسْ الأَخْ الْأَمِينْ وَالْحَبِيبْ الَلِّي هُوَ مَنْكُمْ. هُمَا يْعَلْموكُمْ عْلَى حْوَالْنَا هْنَا. 10 يْسَلَمْ عْلِيكُمْ أَرِسْتَخُسْ الْمَحْبُوسْ مْعَيَا، وْمَرْقُسْ وَلْدْ خُتْ بَرْنَابَا، الَلِّي وَصَاوْكُمْ عَلَى جَالَهْ. إِذَا جَا لْعَنْدْكُمْ قَبْلُوهْ. 11 وْيَسُوعْ الَّذِي يْسَمُوهْ يُسْطُسْ، الَلِّي هُمَا مَا الْخِتَانْ. هَادُوا وَحَدْهُمْ الَلِّي رَاهُمْ يَخْدْمُوا مْعَيَا لْمَبلَكُوتْ الله، وْكَانُوا لِّي تَعْزِيَة. 12 يْسَلَمْ عْلِيكُمْ أَبَفْرَاسْ، الَلِّي هُوَ مَنْكُمْ، عَبْدْ لَلْمَسِيحْ وْجَاهَدْ فِي كُلْ وَقْتْ عْلَى جَالْكُمْ بَالْصْلاَةْ، بَاشْ تَثَبْتُوا كَامْلِينْ وْمْعَمْرِينْ فْڤَاعْ مَشِيئَة الله. 13 رَانِي نَشْهَدْ لَهْ بَلِّي عَنْدَهْ غِيرَة كْبِيرَة عْلَى جَالْكُمْ، وَعْلَى جَالْ الَلِّي فِي لاَوُدِكِيَّة، وْ الَلِّي فِي هِيرَابُولِيسْ. 14 يْسَلَمْ عْلِيكُمْ لُوقَا الَطَّبِيبْ الْحَبِيبْ، وْدِيمَاسْ. 15 سَلْمُوا عْلَى الْخُوتْ الَلِّي فِي لاَوُدِكِيَّة، وَعْلَى نِمْفَاسْ وْعْلَى الْكَنِيسَة الَلِّي فِي دَارَهْ. 16 وْكِي تَقْرُوا هَادْ الْبْرِيَّة عَنْدْكُمْ رَسْلُوهَا تَانِي لْكَنِيسَة لاَوُدِكِيَّة يَقْرَوْهَا، وَالْبْرِيَّة الَلِّي فِي لاَوُدِكِيَّة قْرَوْها نْتُمَ تَانِي. 17 وْڤُولُوا لْإِرْخِبُّسْ: " شُوفْ لَلْخِدْمَة الَلِّي عْطَهَالَكْ الَرَّبْ بَاشْ تْكَمَّلْهَا". 18 الْسْلاَمْ بْيَّدِي أَنَا بُولُسْ. أَتْفَكْرُوا لَقْيُودْ تَاعِي. الَنِّعْمَة مْعَكُمْ أَمِينْ كُتِبَتْ لْأَهْلْ كُولُوسِي مَنْ رُومَا بْيَّدْ تِيخِيكُسْ وْأَنِسِمُسْ !
1 مَنْ عَنْد بُولُسْ وُسِلْوَانُسْ وُتِيمُوتَاوَسْ، لِلْمُوْمِنِينْ تَاعْ كْنِيسَة تِسَالُونِيكِي، اَلْلِي هُمَ تَاعْ الله اَلْاَبْ وُالرَّبْ يَسُوعْ الْمَسِيحْ:اَلنِعْمَة وَالسَلاَمْ مَنْ الله بُونَا وَالرَّبْ يَسُوعْ اَلْمَسِيحْ. 2 دَيْمَنْ نْشَكْرُو الله مَنْ جِهَتْكُمْ قَاعْ، وُنَتْفَكْرُوكُمْ فَصْلاَتْنَا. 3 وُنَتْفَكْرُو قُدَامْ الله بُونَا اَلْخَدْمَة تَاعْكُمْ وُتَعَبْ مْحَبَتْكُمْ، وُكِيفَاشْ نْتُمَ ثَابْتِينْ فَالرَجَا اَلْلِي عَنْدْكُمْ فْرَبْنَا يَسُوعْ الْمَسِيحْ. 4 وْرَاهْ حْنَا عَارْفِينْ أَ الْخُوتْ الَعْزَازْ عَنْدْ الله، بَلِي الله خَيَرْكُمْ. 5 اَلْإِنْجِيلْ اَلْلِي خَبَرْنَاكُمْ بِيهْ مَا كَانْشْ غِيرْ بَالْهَدْرَة، وُبَصَحْ كَانْ بَالْقُوَة، وُبَالرُّوحْ اَلْقُدُوسْ، وَحْنَا مَتْيَقْنِينْ مَنُو، وَنْتُومْ تْعَرْفُو كِيفَاشْ كُنَا مْعَاكُمْ عْلَى جَالْ مَصْلَحَتْكُمْ. 6 وْرَاكُمْ تْعَلَمْتُوا تَتْشَبْهُوا بِنَا وُبَالرَّب، مَلِي قْبَلْتُو كْلاَمْ الله فْوَسْطْ اَلْمَحْنَة الَكْبِيرَة وُبَالْفَرْحَة اَلْلِي عْطَاهَا لِيكُمْ اَلرُّوحْ اَلْقُدُوسْ. 7 وُهَكَا وَلِيتُو مِثَالْ لِڤَاْع هَاذُوكْ اَلْلِي يَامْنُو فْمَكْدُونْيَة وُفِأَخَاِئَيَة. 8 مَنْ عَنْدْكُمْ سَمْعُوا كَلاَمْ اَلرَبْ، مَاشِي غِيرْ فِمَكْدُونِيَة وَأَخَائِيَة، وُبَصَحْ خْبَارْ إِيمَانْكُمْ بَالله سَمْعُو بِهْ فِكُلْ بْلاَصَة حَتَى مَا بْقَى لِينَا مَا نْقُولُو. 9 ڤَاْع اَلنَاسْ يْخَبْرُونَا كِيفَاشْ رَحَبْتُو بِينَا مَلِي كُنَا عَنْدْكُمْ، وُكِيفَاشْ وَلِيتُو لَطْرِيقْ الله وُمَا قْعَدْتُوشْ تْعَبْدُو اَلْأَصْنَامْ، بَاشْ تْخَدْمُو الله اَلْحَيْ وَالْحَقِيقِي. 10 وُبَاشْ تَسْتَنَاوْ مَنْ اَلسَمَاوَاتْ مَجِيء أَبْنُو، اَلْلِي قَامْ مَنْ بَيْنْ اَلْمَوْتَى، يَسُوعْ اَلْلِي يَنَجِينَا مَنْ اَلزْعَافْ تَاعْ الله.
1 رَاكُمْ تْعَرْفُوا يَا الْخُوتْ بَلِي كِي جِينَا عَنْدْكُمْ، مَاشِي بْلاَ فَايْدَة. 2 تْعَذَبْنَا مَنْ قْبَلْ وُعَايْرُونَا فَمْدِينَة فِلِيبِي كِيمَا تْعَرْفُو، وُبَصَحْ الله عَاوَنَا بَاشْ نْخَبْرُوكُمْ بَالإِنْجِيلْ فَوَسْطْ بَزَافْ اَلْمَشَاكَلْ. 3 وُالتَعْلِيمْ تَاعْنَا مَاشِي غَالَطْ، وَلاَ مَنْجُوسْ، وَلاَ فِيهْ الَخْدِيعَة. 4 وُبَصَحْ الله جَرَبْنَا بَاشْ يْأَمَنَا عْلَى كْلاَمَهْ، وَحْنَا كَنْخَبْرُو، مَاشِي بَاشْ نَرْضِيوْ اَلنَاسْ، وُبَصَحْ بَاشْ نَرْضِيوْ الله اَلْلِي يَمْتَحِنْ قُلُوبَنَا. 5 وُ كِيمَا تْعَرْفُو، عَمَرْنَا مَا نَافَقْنَالْكُمْ وُمَا فَكَرْنَا نْطَمْعُو فِي وَاحَدْ، وَالله شَاهِدْ. 6 وُمَا عَمَرْنَا حَوَسْنَا عْلَى اَلْعِزْ مَنْ عَنْدْ اَلنَاسْ، وَ لاَ مَنْ عَنْدْكُمْ وَ لاَ مَنْ عَنْدْ غِيرْكُمْ. 7 كَانْ مَنْ حَقْنَا نْلَزْمُو عْلِيكُمْ رْوَاحْنَا عْلَى خَاطَرْ حْنَا رُسُلْ الْمَسِيحْ، وُبَصَحْ تْحَنَنَا عْلِيكُمْ كِي كُنَا مْعَاكُمْ كِيمَا تَتْحَنَنْ اَلْأُمْ عْلَى وْلاَدْهَا. 8 وُبَسْبَابْ اَلْمَحْنَة تَاعْنَا، كُنَا مْوَجْدِينْ مَاشِي غِيرْ بَاشْ نْمَدُولْكُمْ إِنْجِيلْ الله، وُبَصَحْ بَاشْ نْمَدُو حَتَى حْيَاتْنَا عْلَى جَالْكُمْ، عْلَى خَاطَرْ وَلِيتُو عْزَازْ عْلِينَا. 9 وُرَاكُمْ عْقَلْتُوا يَا الْخُوتْ، شْحَالْ تْعَبْنَا فَالْخَدْمَة لِيلْ وُنْهَارْ بَاشْ مَا نْثَقْلُوشْ عْلَى حَتَى وَاحَدْ فِيكُمْ، كِي كُنَا نْخَبْرُوكُمْ بِإِنْجِيلْ الله. 10 وَنْتُوم شُهُودْ، وَالله حَتَى هُوَ شَاهَدْ عْلَى كِيفَاشْ كُنَا نَتْعَامْلُو مْعَ الْمُوْمِنيِنْ بَالنْقَاوَة وُالتَقْوَى وُبْلاَ لُومْ. 11 وُرَاكُمْ تْعَرْفُو بَلِي كُنَا مْعَ كُلْ وَاحَدْ فِيكُمْ كِيمَا اَلْأَبْ لَوْلَادَهْ. 12 وُنْصَحْنَاكُمْ، وُشَجَعْنَاكُمْ، وُ بْغِينَا بَاشْ تْعِيشُو كِيمَا َيَبْغِي الله اَلْلِي عَيَطَلْكُمْ بَاشْ تْشَارْكُو فْلمَمْلَكَة تَاعَهْ وُالْعَزْ تَاعُو. 13 وُعْلَى هَادْ اَلشِي نْشَكْرُو الله دِيمَا، عْلَى خَاطَرْ مَلِي خَبَرْنَاكُمْ بَكْلاَمْ الله، سْمَعْتُوهْ وُقْبَلْتُوهْ مَاشِي كِيمَا كْلاَمْ اَلنَاسْ، وُبَصَحْ قْبَلْتُوهْ كِمَا هُوَ فَالْحَقِيقَة، قْبَلْتُو بَلِي هُوَ كْلاَمْ الله اَلْلِي يَخْدَمْ فِيكُمْ نْتُمْ اَلْمُوْمِنِينْ. 14 وُرَاكُمْ يَا الْخُوتْ وَلِيتُو كِمَا كَنَاِئسْ الله اَلْلِي فَبْلاَدْ اَلْيَهُودِيَة، اَلْلِي هُمْ فَالْمَسِيحْ يَسُوعْ، عْلَى خَاطَرْ حَتَى نْتُمَ تْعَذَبْتُو تَانِي مَنْ عَرَشْكُمْ، كِمَا تْعَذْبُو حَتَى هُمَ عْلَى يَدْ اَلْيَهُودْ. 15 اَلْلِي قَتْلُو اَلرَبْ يَسُوعْ وُالْأَنْبِيَاءْ تَاعُو، وُتْعَدَاوْ عْلِينَا حْنَا، وُمَا يَرْضُوشْ الله وُمْعَادْيِينْ مْعَ قَاعْ اَلنَاْس. 16 وُمَا يْخَلُونَاشْ نْخَبْرُو اَلشُعُوبْ اَلْلِي مَاشِي يَهُودْ بَكْلاَمْ الله بَاشْ يَسَلْكُو، وُهَكَا يْزِيدُو فَذْنُوبْهُمْ ڤَاْع اَلْوَقْتْ، وُبَصَحْ فَاللَخَرْ نْزَلْ عْلِيهُمْ غَضَبْ الله. 17 وُحْنَا يَا الْخُوتْ، مَلِي بَعَدْنَا عْلِيكُمْ شِي وَقْتْ بَالْوَجْهْ مَاشِي بَالْقَلْبْ، دَرْنَا كْثَرْ مَنْ جَهْدْنَا بَاشْ نْشُوفُكُمْ اَشْتَقْنَا لِيكُمْ بَزَافْ. 18 عْلَى هَادَشِي كُنَا بَاغِيِينْ نْجِيوْ لْعَنْدْكُمْ بَزَافْ مَنْ خَطْرَاتْ، وُبَالْخُصُوصْ أَنَا بُولُسْ، وُبَصَحْ اَلشِيطَانْ عَوَقْنَا. 19 شْكُونْ هُوَ رَجَائْنَا وَالْفَرْحَة تَعْنَا؟ يَعْنِي مَاشِي نْتُمَ ثَانِي ُتَاجْنَا اَلْلِي غَادِي نَفْتَخْرُو بِيهْ قُدَامْ رَبِنَا يَسُوعْ الْمَسِيحْ نْهَارْ يْوَلِي؟. 20 رَاهْ نْتُمْ اَلْعَزْ تَاعْنَا وَالْفَرْحَة تَعْنَا.
1 مَا قْدَرْنَاشْ نَتْحَمْلُو، خَمَمْنَا بَلِي خِيرْ نْقَعْدُو لْوَحْدِينَا فْى أَثِينَا. 2 وَرْسَلْنَا خُونَا تِيمُوثَاوَسْ اَلْلِي يَخْدَمْ الله وُيْعَاوَنَا نْبَشْرُو بَإِنْجِيلْ الْمَسِيحْ، بَاشْ يَقَوِيكُمْ وُيْشَجَعْكُمْ فِإِيمَانْكُمْ. 3 بَاشْ حَتَى وَاحَدْ مَا يَتْزَعْزَعْ إِيمَانَهْ بَسْبَابْ هَادْ الَمْحَايَنْ، وُرَاكُمْ تْعَرْفُو مَلِي كُنَا عَنْدْكُمْ سْبَقْ وُقُلْنَا لِيكُمْ بَلِي 4 تَخْتَارْنَا لْهَادَشِي عْلَى جَالْ نَتْمَحْنُو كِيمَا صْرَلِينَا كيمَا تْعَرْفُو. 5 عْلَى جَالْ هَادْ اَلشِي مَا قْدَرْتَشْ نَصْبَرْ، رْسَلْتْ لِيكُمْ تِيمُوثَاوَسْ بَاشْ نَعْرَفْ وِينْ وْصَلْ إِيمَانْكُمْ، كُنْتْ خَايَفْ اَلشِيطَانْ يْجَرَبْكُمْ، وَيْكُونء تْعَبْنَا بَاطَلْ. 6 وُبَصَحْ كِي وَلَى تِيمُوثَاوَسْ مَنْ عَنْدْكُمْ، وُخَبَرْنَا عْلَى إِيمَانْكُمْ وَمَحَبَتِكُمْ، وُبَلِي تْفَكْرُونْ ادِيمَا بَالْخِيرْ، وُمَشْتَاقِينْ تْشُوفُونَا كِمَا حْنَا مْشْتَاقِينْ نْشُوفُوكُمْ. 7 عْلَى هَادْ اَلشِي تْشَجَعْنَا مَنْ جِهَتْكُمْ يَا الْخُوتْ عْلَى جَالْ إِيمَانْكُمْ وُحْنَا فَي وْسَطْ الَمْحَايَنْ وُالَعْذَابْ. 8 وُحْنَا نْعِيشُو هَانْيِينْ مَادَامْ نْتُمَ ثَابْتِينْ فَالرَبْ. 9 كِيفَاشْ نْقَدْرُو نْشَكْرُو الله مَنْ جِهَتْكُمْ عْلَى جَالْ اَلْفَرْحَة الَكْبِيرَة اَلْلِي نْحَسُو بِيهَا بَسْبَابْكُمْ قْدَامْ إِلَهْنَا؟. 10 وُرَانَا نْطَلْبُو الله لِيلْ وُنْهَارْ بَاشْ نْشُوفْكُمْ، وُنْكَمْلُوا اَلشِي اَلْلِي مَازَالْ نَاقَصْ فْإِيمَانْكُمْ. 11 وُنَطْلَبْ مَنْ الله أَبَنَا وُرَبْنَا يَسُوعْ الْمَسِيحْ، بَاشْ يْوَجَدْ لِينَا الَطَرِيقْ نْجِيوْ لْعَنْدْكُمْ. 12 وُنَطْلَبْ مَنْ اَلرَبْ يْزِيدْ يْكَبَرْكُمْ وُيْكَثَرْ فِيكُمْ الْمَحَبَة لْبَعْضِيَاتْكُمْ وُلڤَاْع اَلنَاسْ، كِيمَا مْحَبَتْنَا لِيكُمْ حْنَا ثَانِي. 13 بَاشْ يْثَبَتْ قْلُوبْكُمْ وَتْكُونُو مْقَدْسِينْ وُبْلَا لَوْمْ قُدَامْ الله بُونَا مَلِي يْوَلِي رَبْنَا يَسُوعْ مْعَ ڤَاْعْ الْمُوْمِنيِنْ الَمْقَدْسِينْ تَاعَهْ.
1 وُضُرْوْكْ يَا الْخُوتْ، رَاكُمْ تْعَلَمْتُو مَنَا كِيفَاشْ تْعِيشُو بَاشْ تَرْضِيوْ الله، وُهَادَشِي هُوَ اَلْلِي تْدِيرُو، وُبَصَحْ ضُرْوَكْ نْطَلْبُو مَنْكُمْ وُنَتْرَجَاوْكُمْ فِاسِمْ رَّبْنَا يَسُوعْ بَاشْ تْزِيدُو تْدِيرُو كْثَرْ. 2 رَاكُمْ تْعَرْفُو اَلْوَصَيَاتْ اَلْلِي مَدِينَالْكُمْ مَنْ عَنْدْ اَلرَبْ يَسُوعْ. 3 وُرَاهْ الله بْغَاكُمْ تْعِيشُو مْقَدْسِينْ، وُتْبَعْدُو عْلَى اَلزْنَا، 4 وُكُلْ وَاحَدْ فِيكُمْ خَاصَه يَعْرَفْ كِيفَاشْ يَسْتَخْدَمْ اَلذَاتْ تَاعَه بَالْقَدَاسَة وُبْشَرَفْ. 5 وُمَا يْعِيشَشْ فَالشَهْوَة اَلْفَاسْدَة كِيمَا اَلشُعُوبْ اَلْلِي مَا يْأَمْنُوشْ بَالله وُمَا يْعَرْفُوهَشْ. 6 وُحَتَى وَاحَدْ مَا يَطْمَعْ وُمَا يْضُرْ خُوهْ فْهَادْ اَلشِي، عْلَى خَاطَرْ الله غَادِي يْحَاسَبْ كُلْ وَاحَدْ يْدِيرْ هَادْ اَلشِي كِيمَا قُولْنَا لِيكُمْ مَنْ قْبَلْ وُنَبَهْنَاكُمْ. 7 عْلَى خَاطَرْ الله مَا خْتَارْنَاشْ بَاشْ نْعِيشُو مَنْجُوسِينْ، وُبَصَحْ نْعِيشُو مْقَدْسِينْ. 8 عْلَى هَادْ اَلشِي رَاهْ اَلْلِي مَا يَقْبَلْشْ هَادْ اَلْوَصَيَاتْ مَاشِي مَا يَقْبَلْشْ اَلنَاسْ، وُبَصَحْ مَا يَقْبَلْشْ الله اَلْلِي مَدْلَهْ اَلرُّوحْ اَلْقُدُوسْ تَاعُو. 9 وُفِيمَا يْخُصْ لَمْحَبَة اَلْخُوتْ، مَارَكُومْشْ مَحْتَاجِينْ نَكْتَبْ لِيكُمْ عْلِيهَا، نْتُمَ بْرَاسْكُمْ تْعَلَمْتُو مَنْ الله كِيفَاشْ تَبْغِيوْ بَعْضِيَاتْكُمْ. 10 وُرَاكُمْ بَصَحْ تَبْغِيوْ ڤَاْعْ اَلْخُوتْ فْمَكْدُونِيَة. وُبَصَحْ نَطَلْبُو مَنْكُمْ يَا اَلْخُوتْ تْدِيرُو كْثَرْ مَنْ هَادَشِي. 11 وُتْرَدُو بَالْكُمْ بَاشْ تْعِيشُو هَانْيِينْ، وُتْدِيرُو اَلشِي اَلْلِي يْهَمْكُمْ، وُتْخَدْمُو بَدْرَاعْكُمْ كِيمَا وَصِنَاكُمْ. 12 بَاشْ تْعِيشُو مُحْتَرَمِينْ قُدَامْ اَلنَاسْ اَلْلِي مَاشِي مُوْمِنِينْ، وُمَا تَحْتَاجُو لْحَدْ حَتَى فْشِي حَاجَة. 13 بْغِينَاكُمْ يَا الْخُوتْ تْكُونُو عَارْفِينْ وَاشْ يَصْرَا لِهَادُوكْ اَلْلِي مَاتُو، بَاشْ مَا تْحَزْنُوشْ كِيمَا اَلنَاسْ لَخْرِينْ اَلْلِي مَا عَنْدْهُمْشْ اَلرَجَا. 14 عْلَى خَاطَرْ كِي نْأَمْنُو بَلِي يَسُوعْ مَاتْ وُقَامْ مَنْ اَلْمُوتْ، نْأَمْنُو ثَانِي بَلِي حَتَى هَادُوكْ اَلْلِي مَاتُو غَادِي يَبْعَثْهُمْ الله مْعَ يَسُوعْ. 15 وُهَادْشِي اَلْلِي نْقُولُوهْ لِيكُمْ هُوَ كَلاَمْ اَلرَّبْ حْنَا اَلْلِي غَادِي نَبْقَاوْ حَيِينْ حَتَى يْجِي اَلرَبْ مَا غَادِيشْ نْسَبْقُو هَادُوكْ اَلْلِي مَاتُو. 16 بَصَحْ اَلرَّبْ بْرُّوحَهْ غَاِدي يَنْزَلْ مَنْ اَلسْمَا مَلِي يَتْسَمَعْ صُوتْ قْوِي، وُصُوتْ رَئِيسْ اَلْمَلاَيْكَة، وُصُوتْ اَلْبُوقْ تَاعْ الله، وُهَادُوكْ اَلْلِي مَاتُو وُهُمَ يْأَمْنُو بَالْمَسِيحْ غَادِي يْقُومُو هُمَا اَللَوْلِينْ 17 مَنْ بَعْدْ حْنَا اَلْلِي بَاقْيِينْ حَيِينْ، غَادِي نَخْتَطْفُو مْعَاهُمْ فَالسْحَابْ بَاشْ نَتْلاَقَاوْ مْعَ اَلرَبْ فَالسْمَا، وُهَاكَ غَادِي نْكُونُو دِيمَا مْعَ اَلرَّبْ. 18 عْلَى هَادَشِي شَجْعُو بَعْضِيَاتْكُمْ بْهَادْ الَكْلاَمْ.
1 والشِي لِي يْخَصْ اَلزْمَانْ وَالْوَقْتْ، مَا تَحْتَاجُوشْ يَا الْخُوتْ نَكْتَبْ لِيكُمْ عْلِيهُمْ. 2 وُرَاكُمْ تْعَرْفُو بَالتَدْقِيقْ بَلِي اَلنْهَارْ اَلْلِي غَادِي يْوَلِي فِيهْ اَلرَّبْ يْجِي كِمَا اَلْخَايَنْ فَالْلِيلْ. 3 وُكِي يْقُولُو اَلنَاسْ( سَلاَمْ وَأَمَانْ) دِيكْ اَلسَاعَة يَنْزَلْ عْلِيهُمْ الْهَلاَكْ عْلَى غَفْلَة، كِمَا اللَوْجَعْ تَاعْ الَمْرَاة الْحَامْلَة اَلْلِي غَادِي تْزَيَدْ، وُمَا يْقَدْرُوشْ يْهَرْبُو. 4 وُبَصَحْ نْتُمْ يَالخُوتْ، مَرَاكُومْشْ فَالضْلاَمْ بَاشْ يْجِيكُمْ هَادَاكْ الَنْهَارْ عْلَى غَفْلَة كِمَا الْخَايَنْ. 5 ڤَاْع وْلاَدْ الَنُورْ وْلاَدْ اَلنْهَارْ،حْنَا مَاشِي تَاعْ اَللِيلْ وْلاَ تَاعْ اَلضْلاَمْ. 6 مَلاَزَمْشْ نَرَقدُو كِمَا لَخْرِينْ، وُبَصَحْ لاَزَمْ نَسَهْرُو وُنْدِيرُو بَالْنَا. 7 عْلَى خَاطَرْ اَلْلِي يْرَقْدُو يَرَقْدُو فَالِيلْ، وُاَلْلِي يْسَكْرُو يَسَكْرُو فَالِيلْ. 8 وُبَصَحْ حْنَا تَاعْ اَلنْهَارْ،لاَزَمْ نْكُونُو فَايْقِينْ لاَبْسِينْ دَرْعْ الْإِيمَانْ وَالْمَحَبَة، وُالخُوذَة تَاعْ اَلرَاسْ اَلْلِي هُوَ اَلرَجَاءْ تَاعْ الَسْلاَكْ. 9 عْلَى خَاطَرْ الله مَا خْتَارْنَاشْ بَاشْ يَنْزَلْ عْلِينَا الْغَضَبْ، وُبَصَحْ يْكُونْ لِينَا الَسْلاَكْ بْرَبْنَا يَسُوعْ الْمَسِيحْ. 10 اَلْلِي مَاتْ عْلَى جَالْنَا بَاشْ نَحْيَاوْ ڤَاْع مْعَاهْ سْوَا كُنَا حَيِينْ وَلاَ مَيْتِينْ. 11 شَجْعُوا بَعْضِيَاتْكُمْ وُبْنِيوْ بَعْضِيَاتْكُمْ كِمَا مْوَلْفِينْ تْدِيرُو 12 يَا الْخُوتْ نَطَلْبُو مَنْكُمْ بَاشْ تَحْتَرْمُو اَلْلِي يْخَدْمُو بِينَاتْكُمْ فَالْكَنِيسَة وَالْلِي مَسْؤُولِينْ عْلِيكُمْ فَالرَبْ وُاَلْلِي يْنَبْهُوكُمْ. 13 حْتَرْمُوهُمْ بْزَافْ وُبْغِيوْهُمْ عْلَى جَالْ الْخَدْمَة تَاعْهُمْ. عِيشُو فَالسَلاَمْ مْعَ بَعْضِيَاتْكُمْ. 14 وُنْطَلْبُو مَنْكُمْ يَالْخُوتْ بَاشْ تْنَبْهُو الْفَنْيَانِينْ وُتْشَجْعُو اَلْلِي يْخَافُو، وُتْعَاوْنُو الْمَحْتَاجِينْ، وُتْصَبْرُو عْلَى ڤَاْع اَلنَاسْ. 15 رَدُو بَالْكُمْ بَاشْ حَتَى وَاحَدْ مَا يْجَازِي لاَخَرْ عْلَى الشَرْ بَالشَرْ، وُبَصَحْ بْغِيوْ دِيمَا الْخِيرْ لِبَعْضِيَاتْكُمْ ولڤَاْع اَلنَاسْ. 16 كُونُو دِيمَا فَرْحَانِينْ، 17 صَلُوا دِيمَا، 18 شَكْرُو الله كِمَا بْغَا يْكُونْ الْحَالْ، هَاذَا وَاشْ بْغَا الله لِيكُمْ نْتُمْ اَلْلِي فَالْمَسِيحْ يَسُوعْ. 19 مَا تَطْفِيوْشْ اَلرُّوحْ الْقُدُوسْ، 20 مَا تَحْتَقْرُوشْ كْلاَمْ اَلنُبُوَاتْ، 21 جَرْبُو كُلْشِي، وُشَدُو فَالْحَاجَة الَمْلِيحَة. 22 بَعْدُو عْلَى كُلْ حَاجَة تَشْبَهْ لَلشَرْ. 23 وإِلَهْ اَلسَلاَمْ يْقَدَسْكُمْ يَحْفَظْ رُّوَحْكُمْ وُنَفٌسْكُمْ وُذَاتْكُمْ، بَاشْ تْكُونُو بْلاَ لُومْ كِي يْوَلِي رَبْنَا يَسُوعْ الْمَسِيحْ. 24 وُاَلْلِي دْعَاكُمْ أَمِينْ، وُغَادِي يْوَفِي بَالْكَلْمَة تَاعَهْ. 25 يَا الْخُوتْ صَلِيوْ عْلَى جَالْنَا. 26 سَلْمُو عْلَى الْخُوتْ قَاعْ بْتَسْلاَمْ مُقَدَسْ. 27 نْوَصِيكُمْ فْاِسْمْ اَلرَبْ بَاشْ تَقْرَاوْ هَادْ اَلرِسَالَة عْلَى ڤَاْع اَلْخُوتْ. 28 وُاَلنِعْمَة تَاعْ اَلرَّبْ يَسُوعْ تْكُونْ مْعَاكُمْ.
1 مَنْ عَنْد بُولَسْ وَسِلْوَانُسْ وَتِيمُوثَاوَسْ، لِكَنِيسَة تِسَالُونِيكِي، فالله بُونَا وَاَلرَّبْ يَسُوعْ اَلْمَسِيحْ. 2 نِعْمَة لِيكُمْ وَ اْلسَلاَمْ مَنْ الله بُونَا وُالرَّبْ يَسُوعْ اَلْمَسِيحْ. 3 لَزَمْ نْشَكْرُو الله دِيمَا مَنْ جِهَتْكُمْ يَالخُوتْ كِمَا يْلِيقْ، عْلَى خَاطَرْ إِيمَانْكُمْ يَكْبَرْ بَزَافْ، وُالْمَحَبَة لِبَعْضِيَاتْكُمْ تْزِيدْ تَكْبَرْ فِيكُمْ ڤَاْع. 4 وَحْنَا وَلِينَا نَفْتَخْرُو بِيكُمْ فِى كْنَايَسْ الله، مَنْ جِهَة صْبَرْكُمْ وُإِيمَانْكُمْ فَوَسْطْ ڤَاْع اَلْإِضْطِهَادْ وُالَمْحَايَنْ اَلْلِي تْحَمَلْتُوهُمْ. 5 وُهَادَ الشِي يْبَيَنْ بَلِي الله يَحْكَمْ بَالعَدْلْ، وَعْلِيهَا تَسْتَاهْلُو مَمْلَكَة الله اَلْلِي عْلَى جَالْهَا تَتْعَذْبُو. 6 وُبَصَحْ الله عَادَلْ فَالْحُكْمْ تَاعَهْ، عَنْدَهْ اَلْحَقْ يْمَحَنْ هَادُوكْ اَلْلِي يْمَحْنُوكُمْ. 7 وُيَعْطِيكُمْ اَلرَّاحَة اَلْلِي تَتْمَحْنُو كِمَا يْمَدْهَا لِينَا حَتَى حْنَا، كِي يْجِي اَلرَبْ يَسُوعْ مَنْ اَلسْمَا بْقَوْتَهْ مْعَ الْمَلاَيْكَة تَاعَهْ . 8 فَوْسَطْ اَلنَارْ شَاعْلَة، بَاشْ يْعَاقَبْ هَادُوكْ اَلْلِي مَا يْعَرْفُوشْ الله وُاَلْلِي مَا يْطِيعُوشْ إِنْجِيلْ رَّبِنَا يَسُوعْ. 9 هَادُو رَاهُمْ يَتْعَاقْبُو بَالْهَلاَكْ اَلدَايَمْ، وُغَادِي يْكُونُو بْعَادْ عْلَى اَلرَّبْ وُ عْلَى الْمَجْدْ تَاعْ قُوْتَهْ. 10 مَلِي غَادِي يْوَلِي فْهَادَاكْ اَلنْهَارْ، بَاشْ يْمَدُولَهْ اَلْمَقَدْسِينْ تَاعَهْ اَلْمَجْدْ وُيَتْعَجْبُو مَنَهْ ڤَاْع اَلْمُوْمِنِينْ اَلْلِي حَتَى نْتُمَ مَنْهُمْ، عْلَى خَاطَرْ أَمَنْتُو بَالْكَلاَمْ اَلْلِي خْبَرْنَاكُمْ بِهْ. 11 وُعْلَى هَادَشِي نْصَلِيوْ دِيمَا مَنْ جِهَتْكُمْ، بَاشْ يْرَدْكُمْ إِلَهْنَا تَسْتَاهْلُو تْعِيشُو هَادَكْ اَلشِي اَلْلِي عْلَى جَالَهْ دْعَاكُمْ، وبَاشْ يَكَمَلْ بَالْقُوَة دْيَالَهْ ڤَاْع الَحْوَايَجْ الَمْلِيحَة اَلْلِي بْغِيتُو تْدِيرُوهُمْ، وُيْرَدْ خَدْمَة إِيمَانْكُمْ كَامْلَة. 12 بَاشْ يَتْمَجَدْ اِسْمْ رَّبِنَا يَسُوعْ اَلْمَسِيحْ فِيكُمْ، وُحَتَى نْتُومَ غَادِي يْكُونْ لِيكُمْ اَلْمَجْدْ، بِفَضْلْ نِعْمَة إِلَهْنَا وَاَلرَّبْ يَسُوعْ اَلْمَسِيحْ.
1 يَا الْخُوتْ، رَاهْ رَّبْنَا يَسُوعْ الْمَسِيحْ غَادِي يْوَلِي وُنَتْجَمْعُو مْعَاهْ. وُعْلَى هَادَشِي، نَطْلَبْ مَنْكُمْ. 2 بَاشْ مَا تَتْزَعَزْعُوشْ فْأَفْكَارْكُمْ بَالْخَفْ، وُمَا تْخَلْعُوشْ لاَ بَرُّوحْ، وَلاَ بْكَلْمَة، وَلاَ بْرِسَالَة يْقُولُو لْكُمْ بَلِي هِيَ مَنْ عَنْدْنَا، تْخَلِيكُمْ تْحَسْبُو نْهَارْ اَلرَّبْ لْحَقْ. 3 مَا تْخَلِيوْ حَتَى وَاحَدْ يَخْدَعْكُمْ بْكَاشْ طَرِيقَة كِيمَا بْغَاتْ تْكُونْ، قَبْلْ مَا يُوْصَلْ دَاكْ اَلنْهَارْ لَبُدَ مَا يْبَانْ الْكُفْرْ فَاللَوَلْ، وُبْنَادَمْ اَلْمَشْرَارْ اَلْلِي غَادِي يَتَهْلَكْ فَجْهَنَمْ. 4 هَادَاكْ اَلْلِي غَادِي يْعَادِي وُيْدِيرْ رُّوحَهْ فُوقْ ڤَاْع اَلْلِي حَسْبُوهْ اَلنَاسْ إِلَّهْ وُيْعَبْدُوهْ، يَلْحَقْ يَجْمَعْ فْبِيتْ الله وُغَادِي يْقُولْ هُوَ الله وُيَحْسَبْ رُّوحَهْ خِيرْ مَنَهْ. 5 مَا تْفَكَرْتُوشْ بَلِي قُولْتْ لْكُمْ هَادَشِي كِي كُنْتْ عَنْدْكُمْ؟ 6 وُضَرْوَكْ رَاكُمْ عَارْفِينْ وَاشْ حَبْسَهْ بَاشْ مَا يْبَانْشْ حَتَى يَلْحَقْ اَلْوَقْتْ تَاعَهْ. 7 عْلَى خَاطَرْ اَلسَرْ تَاعْ اَلشَرْ رَّاهْ يَخْدَمْ ضَرْوَكْ،حَتَى يَتْنَحَى هَادَكْ اَلشِي اَلْلِي حَبْسَهْ. 8 وُفْهَادَاكْ اَلْوَقْتْ غَادِي يْبَانْ اَلْمَشْرَارْ، اَلْلِي غَادِي يَفْنِيهْ اَلرَّبْ يَسُوعْ بْنَفْخَة مَنْ فَمَهْ، وُمَا يْبَانْشْ لاَثْرَهْ كِي يْوَلِي يَسُوعْ. 9 الْمَجِيء تَاعْ اَلْمَشْرَارْ غَادِي يْكُونْ بِقُوَة تَاعْ اَلشِيطَانْ، وُغَادِي يْدِيرْ اَلْمُعْجِزَاتْ وَالْأَيَاتْ وَالْعَجَايَبْ اَلْلِي فِيهُمْ اَلْخْدِيعَة. 10 وُڤَاْع نْوَاعْ اَلشَرْ اَلْلِي بِيهْ غَادِي يَخْدَعْ هَادُوكْ اَلْلِي غَادِي يَتْهَلْكُو، عْلَى خَاطَرْ مَا قَبْلُوشْ مَحَبَة اَلْحَقْ بَاشْ يَسْلكُو. 11 وعْلَى هَادَشِي يَرْسَلْ لِيهُمْ الله اَلْلِي يَغْلَطْهُمْ بَاشْ يْأَمْنُو بَالْكْذُوبْ. 12 وُهَكَا غَادِي يَتْعَاقْبُو ڤَاْع اَلْلِي مَا أَمْنُوشْ بَالحَقْ، وُبَصَحْ فَرْحُو بَالذْنُوبْ. 13 وُبَصَحْ حْنَا يَالْخُوتْ الَعْزَازْ عْلَى اَلْرَّبْ، وَاجَبْ عْلِينَا نْشَكْرُو الله دِيمَا عْلَى جَالْكُمْ، عْلَى خَاطَرْ الله خْتَارْكُمْ مَنْ الْبِدَيَة بَاشْ يْكون عَنْدكُم الْخَلاصْ بِالتَقْدِيسْ تَاعْ اَلرُّوحْ اَلْقُدُوسْ، وَبِالْإِيمَانْ تَاعْكُمْ بِالْحَقْ. 14 وَعْلَى خَاطَرْ هَادَشِي دْعِينَاكُمْ بِالإِنْجِيلْ اَلْلِي خْبَرْنَاكُمْ بِيهْ، بَاشْ يْكُونْ لِيكُمْ اَلْعَزْ تَاعْ رَّبِنَا يَسُوعْ اَلْمَسِيحْ. 15 اَثَبْتُو يَالْخُوتْ وُشَدُو فَالْعَادَاتْ اَلْلِي تْعَلَمْتُوهَا مَنَا، سْوَا بَكْلَامْنَا وَلاَ بَالرَسَائَلْ تَعْنَا. 16 وُنَدْعِي رَبْنَا يَسُوعْ الْمَسِيحْ، وَالله بُونَا اَلْلِي بْغَانَا وُبَالنِعْمَة تَاعَهْ عْطَانَا اَلتَشْجِيعْ اَلدَايَمْ وَالرَّجَا اَلصَالِحْ. 17 بَاشْ يَشَجَعْكُمْ وُيْثَبَتْكُمْ فْڤَاْع اَلصْوَالَحْ اَلمْلِيحَة اَلْلِي تْقُولُوهَا وُاَلْلِي تْدِيرُوهَ.
1 وُفَى اللَّخَرْ يَا الْخُوتْ، صَلِيوْ مَنْ عْلَجَالنَا، بَاشْ كْلاَمْ اَلرَبْ يَنْتَشِرْ بَالْخَفْ وُيَتْمَجَدْ كِيمَا كَانْ عَنْدْكُمْ نْتُمْ. 2 وُبَاشْ الله يْنَجِينَا مَنْ اَلنَاسْ الْمَشْرَارِينْ وُالَقْبَاحْ.عْلَى خَاطَرْ مَاشِي ڤَاْع اَلنَاسْ مُوْمِنِينْ. 3 وُبَصَحْ اَلرَّبْ رَاهْ أَمِينْ وٌهُوَ اَلْلِي غَادِي يَثَبَتْكُمْ وُيَحْفَضْكُمْ مَنْ اَلشِيطَانْ. 4 وَحْنَا عَنْدْنَا اَلثِقَة فَالرَّبْ مَنْ جِهَتْكُمْ بَلِي رَاكُمْ تْدِيرُو اَلْلِي وَصِينَاكُمْ بِيهْ وَتْكَمْلُو فِيهْ. 5 وَالرَّبْ يَهْدِي قْلُوبْكُمْ لِمَحَبَة الله، وُبَاشْ يْكُونْ لْكُمْ اَلصَبْرْ تَاعْ الْمَسِيحْ. 6 وُنْوَصِيكُمْ يَا الْخُوتْ، فْإِسْمْ اَلرَّبْ يَسُوعْ الْمَسِيحْ، بَاشْ تْبَعْدُو عْلَى كُلْ أَخْ فَنْيَانْ، وُمَايْدِيرُشْ عْلَى وَاشْ تْعَلَمْتَهْ مَنَا. 7 وُرَاكُمْ تْعَرْفُو مْلِيحْ كِيفَاشْ خَاصْكُمْ تْكُونُوا كِمَا حْنَا، عْلَى خَاطَرْ مَا كُنَاشْ فَنْيَانِينْ كِي كُنَا مْعَاكُمْ. 8 وُعْمَرْنَا مَا عَشْنَا عْلَى حْسَابْ حَدْ، وُبَصَحْ كُنَا نْخَدْمُو وَنْكَافْحُو لِيلْ وَنْهَارْ بَاشْ مَا نْثَقْلُو عْلَى حَتَى وَاحَدْ مَنْكُمْ. 9 مَاشِي مَا عَنْدْنَاشْ اَلْحَقْ فَالْمَعُونَة تَاعْكُمْ، وُبَصَحْ بْغِينَا نْكُونُو مِثَالْ لِيكُمْ وَتْكُونُو كِيمَا حْنَا. 10 عْلَى خَاطَرْ مَلِي كُنَا مْعَاكُمْ، وَصِينَاكُمْ بْهَادَشِي:( اَلْلِي مَا بْغَاشْ يَخُدْكُمْ مَا يْكَلْشْ). 11 عْلَى خَاطَرْ سْمَعْنَا بَلِي وَحْدِينْ مَنْكُمْ فَنْيَانِينْ وُمَا عَنْدْهُمْ حَتَى خَدْمَة مَنْ غِيْرمَا يَتْلَهْوَ بَصْوَلَحْ لَخْرِينْ. 12 كِيمَا هَادُو اَلنَاسْ نْوَصِيهُمْ وَنْشَجَعْهُمْ فَالرَّبْ يَسُوعْ اَلْمَسِيحْ بَاشْ يَخَدْمُو، وُيَاكْلُو خَبْزْهُمْ بْعَرْقْ جْبِنْهُمْ. 13 أَمَا نْتُمَ يَا الْخُوتْ، مَا تَعْيَاوْشْ تْدِيرُو الْخِيرْ. 14 وَلاَ مَا بْغَاشْ وَاحَدْ يْدِيرْ بَكْلاَمْنَا اَلْلِى فْهَادْ اَلرِسَالَة،عَزْلُوهْ وُمَا تْبَقَاوْشْ تَتْخَلْطُو مْعَاهْ بَاشْ يَحْشَمْ. 15 وُبَصَحْ مَا تْحَسْبُوهْشْ عَدُوْكُمْ، نَبْهُوهْ كَيمَا خُوكُمْ. 16 ونَدْعِي رَّبْ اِلَهْنَا بْرُّوحَهْ يْمَدْ لِيكُمْ لَهْنَا دِيمَا كِمَا بْغَا يْكُونْ اَلْحَالْ، وُالرَّبْ يْكُونْ مْعَاكُمْ ڤَاْع 17 وُهَادْ سْلاَمِي مَكْتُوبْ بْخَطْ يَدِي أَنَيَا بُولُسْ، وُهُوَ لْبَيَانْ بَاشْ تْمَيْزُو اَلرَسَائِلْ تَاوْعِي هَكَا اَنَا نَكْتَبْ. 18 وَالنِعْمَة تَاعْ اَلرَّبْ يَسُوعْ اَلْمَسِيحْ تْكُونْ مْعَاكُمْ ڤَاْع. أَمِينْ.
1 مَنْ بُولَسْ، رْسُولْ الْمَسِيحْ يَسُوعْ عْلَى حْسَابْ أمْرْ الله مُخَلِّصْنَا و الْمَسِيحْ يَسُوعْ رَجَائْنَا، 2 لْتِيمُوثَاوْسْ وَلْدِي تَعْ الْصَحْ فَالإِيمَانْ. بَاشْ تْكُونْ عَنْدَكْ الْنِّعْمَة و الْرَّحْمَة و الْسْلاًمْ مَنْ عَنْدْ الله أَبِينَا و الْمَسِيحْ يَسُوعْ رَبِّنَا! تحذير من المعلمين الكذبة 3 كِمَا طْلَبْتْ لَكْ تَڤْعَدْ فِي أَفَسُسْ، كِي كُنْتْ رَايَحْ لْمَكْدُنِيَّة، بَاشْ تْوَصِي الْنَاسْ مَا يَتْعَلْمُوشْ تَعْلِيمْ أُخَرْ، 4 و مَا يَسَمْعُوشْ لَلْخُرَافَاتْ و الأَنْسَابْ أَلِّي مَا عَنْدْهَاشْ حُدُودْ، هَادْ الأُمُورْ أَجِيبْ غِيرْ الْدْوَاسْ و مَا تَنْفَعْشْ فِي بَنْيَانْ الله فَالإِيمَانْ. 5 و الْغَايَة مَلِّي وَصِيتَكْ بِهْ، هِيَ الْمَحَبَّة مَنْ قَلْبْ نْقِي و ضَمِيرْ صَالَحْ وإِيمَانْ بْلَى رِّيَاء. 6 هَادْ الْفَضَائِلْ وَاخْرُوا علِيهَا بَعْضْهُمْ، و رَاحُوا وْرَى الْكْلاَمْ الْبَاطَلْ، 7 بَاغْيِّينْ يْكُونُوا أَسَاتِذَة فَالْشَّرِيعَة، و هُمَا مَا يَفَهْمُوشْ الْشِي لِّي يْڤُولُوهْ، و يْقَرُّوا بِهْ. و 8 حْنَّى نَعَرْفُوا بَلِّي الْشَّرِيعَة صَالْحَة، إِذَا سْتَعْمَلْهَا الْوَاحَدْ كِمَا لاَزَمْ. 9 رَانَا عَارْفِينْ بَلِّي الْشَّريعَة مَا نْدَرَتْشْ لَلْبَّارْ، بَصَّحْ لَلَْأشْرَارْ وَ الْتْمَرِّدٍينْ، والْفَاجِرِينْ والْخَاطِئِينْ، و الْنَّجْسِينْ و الْدَّنْسِينْ، و لِّي يَقْتْلُوا وْلاَدْهُمْ و مَّاتْهُمْ، و لِّي يَقْتْلُوا الْنَّاسْ، 10 و الْزُّنَاة ولِّي يَزْنُوا مْعَ الْرْجَالْ، و لِّي يَخَطْفُوا الْنَّاسْ و الْكَذَّابِينْ و شْهُودْ الْزُّورْ. و لِّي يْدِيرُوا الْشَّرْ أَلِّي يْخَالَفْ الْتَّعْلِيمْ الْصْحِيحْ 11 أَلِّي عْلَى حْسَابْ إِنْجِيلْ مَجْدْ الله الْمُبَارَكْ، دَاكْ الإِنْجِيلْ لِّي تْحَطْ أَمَانَة بِينْ يَدِّي. نعمة الرب لبولس 12 وشْحَالْ نَشْكَرْ الْمَسِيحْ يَسُوعْ رَبَّنَا أَلِّي أَعْطَانِي الْقُدْرَة و خَيَّرْنِي خَادَمْ لِهْ، كِي أَحْسَبْنِي مُولَى ثِقَة، 13 أَنَا أَلِّي كُنْتْ مَا قْبْلْ نْكَذَبْ فِيهْ، و كُنْتْ نَضْطَّهْدَهْ و نْعَيْرَهْ! بَصَّحْ عَامَلْنِي بَالْرَّحْمَة، عْلَى خَاطَرْ دَرْتْ الْشِي هَدَا و أَنَا جَاهَلْ و مَاشِي مُؤْمَنْ بِهْ. 14 بَصَّحْ الْنِعْمَة تَعْ رَبِّنَا فَاضَتْ عْلِيَّ فُوقْ كُلْ شِي، و مْعَهَا الإِيمَانْ و الْمَحَبَّة، و هَدَا فَالمَسِيحْ يَسُوعْ. 15 صَادْقَة الْكَلِمَة و تَسْتْهَلْ كُل وَاحَدْ يَقْبْلَهَا: بَلِّي الْمَسِيحْ يَسُوعْ جَا لَلْعَلَمْ بَاشْ يْسَلَكْ الْخُطَاة أَلِّي أَنَا الْلَوَلْ فِيهُمْ. 16 و عْلَى هَادْ الْسَبَة تَرْحَمْتْ، بَاشْ يْدِيرْ يَسُوعْ الْمَسِيحْ مَنِّي، أَنَا الْلَوَلْ، مِثَالْ يْبِيَّنْ صَبْرَهْ الْطْوِيلْ، لْڤَاعْ لِّي يْؤَمْنُوا بِهْ بَاشْ يْنَالُوا الْحَيَاة الأَبَدِيَّة. 17 لَسُلْطَانْ الأَزَلِي، الله الْحَكِيمْ لْوَاحَدَهْ أَلِّي وَاحَدْ مَا يَقْدَرْيْشُوفُوا و لِّي مَاشِي فَانِي، الْكَرَامَة و الْمَجْدْ إِلَى أَبَدْ الأَبِدِينْ. أَمِينْ!مسؤولية تيموثاوس 18 هَدِي هِيَ وءصَيْتِي يَا وَلْدِي تِيمُوثَاوْسْ، نْسَلَمْهَا لَكْ عْلَى حْسَابْ الْنُّبُوَاتْ الْسَّابْقَة أَلِّي تْڤَلَتْ عْلِيكْ، رَانِي بَاغِي تْجَهَدْ كِمَا يْلِقْ فْحَرْبَكْ الْرُّوحِيَّة، 19 تَحْكَمْ فَالْإِيمَانْ، و بْضَمِيرْ صَّالَحْ، هَادْ الْضَّمِيرْ أَلِّي بَزَافْ مَنْ الْنَّاسْ تْخَلَاوْ عْلِيه، و تْكَسْرْ بِهُمْ بَابُورْ الإِيمَانْ. 20 و مَنْ بِينَتْهُمْ هِمِنَايُوسْ و إِسْكَنْدَرْ، و رَانِي سَلَمْتْهُمْ لَشِّيْطَانْ بَاشْ يَتْعَلْمُوا الْتَّأْدِيبْ و مَا يْزْدُوشْ يَكَذْبُوا فِي أُمُورْ الْرَّبْ.
1 تعليمات العبادة نَطْلَبْ مَنْكُمْ، قْبَلْ كُلْ شِي، بَاشْ طَلْبُوا الله و تْصَلُوا و تَدْعُوا و تَشَكْرُوا 2 عْلَى جَالْ ڤَاعْ الْنَّاسْ، عْلَى جَالْ الْسْلَاطَنْ و ڤَاعْ أَلِّي عَنْدْهُمْ الْسُلْطَة، بَاشْ تْعِيشُوا حْيَاة فِي أَمَانْ و فَالْهْنَى و فْكُلْ تَقْوَى و فالْحَرْمَة. 3 و هَادْ الأَمْرْ مْلِيحْ و مَقْبُولْ عَنْدْ الله مْسَلَّكْنَا، 4 عْلَى خَاطَرْ هُوَ بَاغِي ڤَاعْ الْنَّاسْ يَسَلْكُوا و لْمَعْرِفَة الْحَقْ يَدَانُوا، 5 عْلَى خَاطَرْ الله وَاحَدْ، و الْوَسِيطْ بِينْ الله و الْنَّاسْ وَاحَدْ، و هُوَ الإِنْسَانْ يَسُوعْ الْمَسِيحْ ، 6 أَلِّي مَّدْ نَفْسَهْ فِدْيَة عْلَى جَالْ ڤَاعْ الْنَّاسْ. هَادِي شْهَادَة تَنْڤَالْ فِي وَقْتْهَا، 7 أَلِّي أَنَا تْخَيَرْتْ بَاشْ نْكُونْ مُبَشِّرْ و رَسُولْ. الْحَقْ نْڤُولْ فَالْمَسِيحْ و مَا نَكْذَبْشْ، نْعَلَّمْ الأُمَمْ الإِيمَانْ و الْحَقْ. 8 و رَانِي بَاغِي يْصَلُوا الْرْجَالْ فِي كُلْ مْكَانْ، رَافْدِينْ يَدِيهُمْ لله فَالْنْقَى، بْلَى زْعَافْ و لا دْوَاسْ. 9 و تَانِي الْنْسَا يْزَيْنُوا رْوَاحْهُمْ بْمَظْهَرْ و لْبَاسْ مُحْتَشَمْ، مْزِيْنَاتْ بَالْحْيَا و الْرْزَانَة، و مَا يْعَلْڤُوشْ الْضَّفَائِرْ و الْذْهَبْ و اللاَلِي و الْحُلَلْ الْغَالْيَة، 10 غِير الْشِي أَلِّي يْلِيقْ بَالْنْسَا الْتَقِيَاتْ أَلِّي يْبِيْنُوا بَلِّي رَاهُمْ عَيْشَاتْ فِي تَقْوَى الله، بَالأَعْمَالْ الْصَّالْحَة! 11 لاَزَمْ عْلَى لَمْرَاة تَسْمَعْ الْتَّعْلِيمْ فَالْسْكَاة و بالْخُضُوعْ. 12 و مَا نَسْحْشْ لَلمْرَاة تْعَلَّمْ و لا تَتْسَلَّطْ عْلَى الْرَاجَلْ. لاَزَمْ عْلِيهَا تَسْكُوتْ. 13 عْلَى خَاطَرْ أَدَمْ تَخْلَقْ فَالْلَوَلْ، مَمْبَعْدْ حَوَّاء: 14 و مَاشِي أَدَمْ أَلِّي تَخْدَعْ بْحِيلَة الْشَّيْطَانْ، بَصَّحْ لَمْرَاة أَنْخَدْعَتْ، و طَحَتْ فَالْمَعْصِيَة. 15 بَصَّحْ رَايْحَة تَسْلَكْ بْوِلاَدَة الْغْرَايِّينْ، لاَزَمْ الْنْسَا يَثَبْتُوا فَالإِيمَانْ و الْمَحَبَّة والْقَدَاسَة مْعَ الْرْزَانَة!
1 الأسَاقفة صَادْقَة الْكَلِمَة: إِذَا بْغَى وَاحَدْ خِدْمَة الْرِعَايَة، و تْمَنَى يْدِيرْ خَدْمَة صَالْحَة. 2 لاَزَمْ، يْكُونْ الْرَاعِي بْلَى عِيبْ، مْزَوَجْ لَمْرَاة وَاحْدَة، صَاحِي عَقَلْ مْرَبِي مِضْيَافْ، قَادَرْ عَالْتَّعْلِيمْ، 3 مَاشِي سُوكَارْجِي و مَاشِي عَنِيفْ، يْكُونْ لَطِيفْ، و مَا يْحَبْشْ الْدْوَاسْ، و مَاشِي طَمَاعْ الْدْرَاهَمْ، 4 يْسِيَرْ دَارَهْ كِمَا لاَزَمْ، و و يْرَبِي وْلاَدَه فَالْخُضُوعْ و الإِحتِرَامْ. 5 إِذَا كَانْ وَاحَدْ مَا يَعْرَفْشْ يْسِيَرْ دَارَهْ كِمَا يْلِيقْ، كِيفَاشْ يْسِيَرْ كَنِيسَة الله؟ 6 و لاَزَمْ تَانِي مَا يْكُونْشْ جْدِيدْ فَالإِيمَانْ، بَاشْ مَا يْتَنَفَخْشْ و يَتْكَبَّرْ، و يْطِيحْ عْلِيهْ عِقَابْ بْلِيسْ! 7 و لاَزَمْ تْكُونْ عَنْدَهْ سُمْعَة مْلِيحَة عَنْدْ الْنَّاسْ أَلِّي خَارَجْ الْكَنِيسَة، بَاشْ مَا يْطِيحْشْ فَالْعَارْ و فِي فَخْ بْلِيسْ. 8 لاَزَمْ تَانِي يْكُونُو عَنْدْهُمْ الْحَرْمَة، مَاشِي زُوجْ وْجُوهْ، و مَشِي سُكَارْجِيَة، و مَاشِي طَمْعِينْ يَكَسْبُوا بَالْحْرَامْ. 9 يْشَدُّوا بْحَقَائِقْ الإِيمَانْ الْمَخْفِيض‘ بْضَمِيرْ نْقِي. 10 و لاَزَمْ تَانِي عْلَى الْمُدَبْرِينْ يَتْجَرْبُوا فَالْلَوَلْ. وإِذَا مَا بَانْ حَتَّى لُومْ عْلِيهُمْ، يَبْدُوا فْخِدْمَة الْتَدْبَارْ. 11 تَانِي النْسَا يْلِيقْ يْكُونُوا رْزِينَاتْ ،مَيَهَدْرُوشْ عْلَى لُوخْرِينْ ،سَاجْيَاتْ ، اَمِينَاتْ فِي كُلْ حَاجَة .كِيمَا يْلِيقْ 12 يْكُونْ كُلْ مَسؤُولْ رَاجَلْ لَمْرَا وَحْدَة ،يَعْرَفْ كِيفَاشْ يْمَشِي دَارَهْ وْوْلَادَهْ . 13 الِّلي يَخْدَمْ خَدَّمْتَهْ كِيمَا لَازَمْ ،يَكَّسْبُوا لَرْوَاحْهُمْ بْلَاصَة مْلِيحَة ،وْجُرْأَة كْبِيرَة فِي الاِيمَانْ الثَّابَتْ فِي المَسِيحْ يَسُوعْ 14 هَادْ الْوْصَيَا نَكْتَبْهَا لَكْ، و أَنَا نَتْمَنَى نْجِي لْعَنْدَكْ فِي أَقْرَبْ وَقْتْ، 15 حَتَّى إِذَأ طَوَلْتْ تَعْرَفْ كِيفَاشْ تَتْصَرَّفْ فِي دَارْ الله، أَلِّي هِيَ كَنِيسَة الله الْحَيْ، عَمُودْ و سَاسْ الْحَقْ. 16 و بْإِعْتِرَافْ الْجَمِيعْ عَظِيمْ سِرْ الْتَّقْوَى: الله بَانْ فَالْجَسَدْ، تْبَرَّرْ فَالْرُّوحْ، شَافُوهْ الْمَالَيْكَة، تْبَشَرْ بِهْ بِينْ الأُمَمْ، أَمْنُوا بِهْ فَالْعَالَمْ، مَمْبَعْدْ تَرْفَدْ فَالْمَجْدْ.
1 تعليمات لتيموثاوس بَصَّحْ الْرُّوحْ رَاهْ يْبِيَّنْ بْصَرَاحَة بَلِّي كَايَنْ قُومْ رَايَحْ يَرْتَدُوا عْلَى الإِيمَانْ فَالْزْمَانْ الْتَالِي، يْتَبْعُوا أَرْوَاحْ مُضَلِّلَة و تَعَالِيمْ شْيْطَانِيَّة، 2 تَدِيهُمْ مُوجَة الْتْنُوفِيقْ يَجِبُوهَا مُعَلِّمِينْ كَذَابِينْ عَنْدْهُمْ ضَمِيرْ مَكْوِي بَالْنَّارْ. 3 يْحَرْمُوا الْزْوَاجْ، و يْأَمْرُوا بَاشْ مَا يَاكْلُوشْ أَطْعِمَة خْلَقْهَا الله بَاشْ يَاكْلُوهَا الْمُؤْمِنِينْ أَلِّي عَارْفُوا الْحَقْ و شَاكْرِينْ. 4 عْلَى خَاطَرْ ڤَاعْ خَلِيقَة الله مْلِيحَة، و ماكَاشْ شِي مَمْنُوعْ إِذَا كْلاَهْ الإِنْسَانْ و هُوَ شَاكَرْ الله، 5 عْلَى خَاطَرْ يْوَلِي مْقَدَّسْ بْكَلِمَهْ الله و الْصْلاَةْ. 6 إِذَا فَهَمْتْ الْخُوتْ فِي هَادْ الْصْوَالَحْ، رَاكْ خَادِم صَألَحْ لَلْمَسِيحْ يَسُوعْ، تَتْغَذَى بَكْلاَمْ الإِيمَانْ و الْتَّعْلِيمْ الْصَّالَحْ أَلِّي تَبَعْتَهْ كِمَا يْلِيقْ. 7 و حْكَيَاتْ لَعْجَايَزْ الْقْدِيمَة، بَعَدْعْلِيهَا. دَرَبْ نَفْسَكْ فِي طْرِيڤ الْتَّقْوَى. 8 الْرِّيَاضَة الْبَدَنِيَّة تَنْفَعْ غِيرْ الْجَسَدْ. بَصَّحْ الْتَّقْوَى يَنْفَعْ لْكُلْ شِي، عْلَى خَاطَرْ عَنْدَهْ وَعْدْ لَلْحَيَاة دُورْكْ و الْحَيَاة أَلِّي مَمْبَعْدْ. 9 كَلِمَة الله صَادْقَة و تَسْتْهَلْ كُلْ وَادْ يَقْبَلْهَا. 10 عْلَى هَادْ الْشِي رَانَا نَعْيُوا و يْعَيْرُونَا، عْلَى خَاطَرْ حَطِينَا رَجَاءْنَا عْلَى الله الْحِي، أَلِّي هُوَ مْسَلَّكْ ڤَاعْ الْنَّاسْ، والْمُؤْمِنِينْ كْثَرْ. 11 وَصِي بْهَادْ الْشِي و عَلَّمْ. 12 مَا تْخَلِي حَتَّى وَاحَدْ يَسْتَهْزَى بصَغْرَكْ، بَصَّحْ كُنْ مْثَلْ لَلْمُومْنِينْ: فَالْكْلاَمْ، فَالْسِيرَة، فَالْمَحَبَّة، فَالْرُّوحْ، فَالإِيمَانْ، فَالْطَّهَارَة. 13 حَتَّى نْجِي و نَتْهَلَى فَالقْرَايَة و الْوَعْظْ و الْتَّعْلِيمْ. 14 مَا تَهْمَلْشْ الْمَوْهِبَة لِّي فِيكْ، أَلِّي تْمَدَّتْ لَكْ بَالْنُّبُوَّة و كِي حَطُوا عْلِيكْ الْشْيُوخْ الْيَدِينْ. 15 تْهَلَى بهَدَا. كُنْ فِيهْ، بَاشْ يْكُونْ الْتَفَوُقْ تَعَكْ بَايَنْ فِي كُلْ شِي. 16 مِيَّزْ رُوحَكْ ولَلْتَّعْلِيمْ و دَاوَمْ عْلِيهْ عْلَى خَاطَرْ إِذَا دَرْتْ هَكْدَا تْسَلَّكْ نَفْسَكْ و أَلِّي يَسَمْعُوكْ تَانِي.
1 وصايا بشأن الأرامل و الشيوخ و العبيد مَا تْوَبَّخْشْ شِيخْ تَوبِيخْ قَاسِي، بَصَّحْ تْعَمَلْ مْعَهْ كَلِّي بُوكْ. و عَامَلْ الْشَاشْرَة كَلِّي خَوْتَكْ، 2 و الْعْجَايَزْ كَلِّي أَمُكْ، و الْشِيرَاتْ كَلِي خِيَاتَكْ بْكُلْ طَهَارَة. 3 أَكْرَمْ الْهَجَالاَتْ أَلِّي مَا عَنْدْهُمْ حَتَّى وَاحَدْ. 4 إِذَا كَانْ لَلْهَجَالَة أَوْلاَدْ ولا أَحْفَادْ، مَنْ وَاجَبْهُمْ يَتْعَلْمُوا يْقَدْرُا أَهْلْهُمْ و يَعْطُوا حَقْ وَلْدِيهُمْ. وهَادْ الْشِي مَقْبُولْ فِي نَظَرْ الله 5 و الْهَجَالَة أَلِّي عَايْشَة لْوَحَدْهَا و مَا عَنْدْهَا حَتَّى وَاحَدْ يَتْهَلَى فِيهَا، الْرَجَاءْ تَعْهَا فَالله و هِيَ تَدْعِيهْ و تَصْلِي لِيلْ ونْهَارْ. 6 و هَادِيكْ أَلِّي عَايْشَة فَالْشَهْوَاتْ، رَاهِي مِيْتَة، حَتَّى و إِذَا مَازَلَتْ حِيَة. 7 و لاَزَمْ عْلِيكْ تْوَصِي بْهَادْ الأُمُورْ، بَاشْ يْكُونُوا ڤَاعْ بْلاَ لُومْ. 8 و إِذَا كَانْ وَاحَدْ مَا يَتْهَلاَشْ فِي مْوَالِيهْ،و أَهْلْ دَارَهْ، رَاهْ نْكَرْ الإِيمَانْ، و لِّي مَاشِي مُؤْمِينْ خِيرْ مَنَهْ. 9 و لاَزَمْ تَتَكْتَبْ فِي سِجِلْ الهَجَالاَتْ، أَلِّي أَعْمَرْهُمْ قَلْ مَنْ سَتِينْ سْنَة، مْرَة لْرَاجَلْ وَاحَدْ ، 10 مَشْهُودْ لْهَا بَالأَعْمَالْ الْصَالْحَة، و مْرَبْيَة وْلاَدْهَا، و تَسْتَرْحَبْ بَالْبَرَانِي، و غَسْلَتْ كَرْعِينْ الْقِدِّيسِينْ، و سَعْفْتْ أَلِّي فَالْضِيقْ، و دَارَتْ كُلْ عَمَلْ صَالَحْ! 11 و الْهَجَالاَتْ الْصْغَارْ، مَا تْقِيَّدْهُمْشْ. عْلَى خَاطَرْ كِي يَنْسُوا الْمَسِيحْ، يَبْغُوا الْزْوَاجْ، 12 و طِيحْ عْلِيهُمْ الْدَيْنُونَة عْلَى خَاطَرْ خَلُوا الأِيمَانْ الْلَوَلْ. 13 وفْهَادْ الْحَالَة يْوَلْفُوا لَڤْعَدْ و يْرُوحُوا مَنْ دَارْ لْدَارْو مَاشِي غِيرْ هَاكْدَا، يْزِيدُوا تَانِي الْهَدْرَة الْزَيْدَة و يْدَخْلُوا رْوَاحْهُمْ فِي أُمُورْ أَلِّي مَا تَعْنِيهُمْشْ و يَهَدْرُوا فِي أُمُورْ مَاشِي مْلِيحَة. 14 رَانِي بَاغِي الْهَجَالاَتْ الْصْغَارْ يَتْزَوْجُوا، و يْجِيبُوا لَوْلاَدْ، و يَتْهَلُوا فِي دْيَارْهُمْ، و وَاحَدْ مَا يَلْڤَى شَا يْڤُولْ عْلَى سِيرَتْهُمْ. 15 عْلَى خَاطَرْ الْبَعْضْ مَنْهُمْ رَاحُوا فْي طْرِيڤْ الْشِّيطَانْ بَصَّحْ. 16 و إِذَا كَانْ لْوَاحَدْ مَلْ الْمُومْنِينْ ولاَ المُوؤْمِنَاتْ فِي دَارْ هُمْ هَجَالاَتْ، لاَزَمْ يَتْهَلُوا بِهُمْ بَاشْ الْكَنِيسَة مَا تَتْحَمَّلْشْ الْمَصْرُوفْ تَعْهُمْ، و تْعَاوَنْ الْهَجَالاَتْ الْمَحْتَجَاتْ بَصَّحْ. 17 و الْشُيُوخْ أَلِّي يَدْبْرُوا كِمَا لاَزَمْ فَالْكَنِيسَة، لاَزَمْ لْهُمْ يَتْكَرْمُوا بْزْيَادَة، و بَالأَخَصْ هَادُوكْ أَلِّي يَتَعْبُوا فِي تَبْشِيرْ الْكَلِمَة و الْتَّعْلِيمْ. 18 عْلَى خَاطَرْ الْكْتَابْ يْڤُولْ: " مَا تْحَطْشْ كْمَامَة عْلَى فَمْ الْفَرْدْ و هُو يَدْرَسْ الْزْرَعْ". وتَانِي: "الْخُدَامْ يَسْتْهَلْ شَهْرِيْتُو". 19 مَا تَقبَلْشْ تُهْمَهَ عْلَى وَاحَدْ مَالْشْيُوخْ، إِذَا مَاكَاشْ زُوجْ ولاَ ثَلاَثَة شْهُودْ. 20 وإِذَا بَانْ بَلِّي الْمُتَّهَمْ غْلَطْ، وَبْخَهْ ڤُدَامْ الْنَّاسْ، بَاشْ لُخْرِينْ أَيْخَافُوا! 21 نَطْلَبْ مَنَكْ ڤُدَامْ الله و الْمَسِيحْ و الْمَلاَيْكَة الْمَخْتَارِينْ بَاشْ تَخْدَمْ بْهَادْ الْوْصَيَا بْلّآ فَرْقْ بِينْ الْنَّاسْ، ومَا تْمِلْشْ لْجِهَة عْلَى حْسَابْ لُخْرَى. 22 و تَتْقَلَقْشْ تْحَطْ يَدِيكْ عْلَى أَيْ وَاحَدْ. و مَا تْشَارَكْشْ فِي خَطَايَا الْنَّاسْ. أَحْرَزْ رُوحَكْ كُنْ طَاهَرْ. 23 مَاتَشْرَبْشْ غِيرْ الْمَا بََارْكْ مَنَا الْفُوقْ، أَشْرَبْ شْوِيَة خَمْرْ دْوَى لْمَعِدَة تَعَكْ و الْمَرْضْ أَلِّي يَحْكْمَكْ بَزَافْ. 24 كَايَنْ نَّاسْ أَلِّي خَطَايَاهُمْ بَايْنَا قْبَلْ الْمُحَاكَمَة، و كَايَنْ نَّاسْ أَلذِي خَطَايَاهُمْ تْبَانْ مَمْبَعْدْ الْمُحَاكَمَة. 25 و عْلَى حْسَابْ هَادْ الْشِي، الأَعْمَالْ الْصَالْحَة تْكُونْ بَايْنَا مَالْلَوَلْ، و الأَعْمَالْ أَلِّي مَاشِي صَالْحَة، مَا تَڤْعَدْشْ مَخْفِيَّة.
1 عْلَى ڤَاعْ أَلِّي رَاهُمْ تَحْتْ نِيرْ الْعُبُودِيَّة يَحْسْبُوا سْيَادْهُمْ يَسْتَهْلُوا كُلْ إِكْرَامْ، بَاشْ مَا يَتْخَسَرْشْ إِسمْ الله و الْتَّعلِيمْ تَعَهْ. 2 و لِّي عَنْدْهُمْ سَادَة مُمْنِينْ، مَا يَسْتَهْزُوشْ بِهُمْ عْلَى خَاطَرْ خُوتْ، لاَزَمْ يَخَدْمُوهُمْ كْثَرْ، عْلَى خَاطَرْ شَارْكَة فَالْفَايْدَة، هُمَا مُومْنِينْ ومَحْبُوبِينْ. عَلَّمْ و أَهْدَرْ هَكْدَا. محبة المال 3 إِذَا كَانْ وَاحَدْ يْعَلَّمْ تَعْلِيمْ أَخَرْ، مَاشِي عْلَى حْسَابْ كْلاَمْ رَبِّنَا يَسُوعْ الْمَسِيحْ الْصْحِيحْ، و الْتَّعْلِيمْ أَلِّي عْلَى حْسَابْ الْتَقْوَى، 4 هَدَا رَاهْ تْنَفَخْ و تْكَبَّرْ، و مَا يَعْرَفْ وَالُوا، رَاهْ غِيرْمَهْوُوسْ بَالْمُجَادَلاَتْ و الْمُنَازَعَاتْ الْكَلاَمِيَّة، و مَنْهَا يَخْرَجْ الْحْسَدْ و الْدْوَاسْ و الْتَّجْرِيحْ و الْنِّيَّاتْ أَلِّي مَاشِ مْلِيحَة، 5 وڤَاعْ الْدْوَاسْ بِينْ أَلِّي عْقُولْهُمْ فَاسْدَة أَلِّي مَا يَعَرْفُوشْ الْحَقْ، و حَاسْبِينْ الْتَقْوَى تْجَارَة. 6 و الْتَقْوَى أَلِّي بْقَنَاعَة رَاهْ تْجَارَة كْبِيرَة. 7 حْنَا ڤَاعْ دْخَلْنَا لَلْعَالَمْ ومَا جَابْنَا وَالُوا مْعَنَا، ومَا نَڤَدْرُوشْ نَخَرْجُوا مَنَهْ و نَدُوا شِي مْعَنَا. 8 مَادَامْ عَنْنَا قُوتْنَا و لْبَسْنَا نْكُوانُوا فِي قَنَاعَة بَالْشِي أَلِّي عَنْدْنَا. 9 و لِّي يَبْغُوا يْوَلِيوْ أَغْنِيَا، رَايْحِينْ أَطِيحُوا فالْتَّجْرِبَة و الْفَخْ و يَدْخْلُوا فِي شَّهَوَات مَاشِي مْلِيحَة كْثِيرَة أَلِّي تْغَّرَقْ الْنَّاسْ فَالْدَمَارْ و الْهَلاَكْ. 10 عْلَى خَاطَرْ مَحَبَّة الْمَالْ أَصْلْ كُلْ الْشَّرْ، و إِذَا جْرُوا الْبَعْضْ مُورَاهَا، رَاحْ يْبَعْدُوا عَالْإِيمَانْ، و يَجَرْحُوا رْوَاحْهُمْ بَجْرُوحْ كْثِيرَة. الجهاد الحسن 11 أَنْتَ يَا إِنْسَانْ اللهْ أَهْرَبْ مْهَادْ الْشِي، و تَبَعْ الْبِرْ و الْتَّقْوَى و الْإِيمَانْ و الْمَحَبَّة و الْصْبْرْ و الْوَدَاعَة. 12 جَاهَدْ جِهَادْ الإِيمَانْ الْمْلِيحْ، وأَمْشِي عْلَى حْسَابْ الْحيَاةْ الأَبَدِيَّة أَلِّي لِيهَا تَدْعِيتْ تَانِي، و أَسْتَعْرَفْ بَالإِيمَانْ كِيمَا لاَزَمْ ڤُدَامْ بَزَافْ مَالْشْهُودْ. 13 نْوَصِيكْ، ڤُدَامْ الله أَلِّي يْمَّدْ الْحْيَاةْ لْكُلْ شِي، و الْمَسِيحْ يَسُوعْ أَلِّي شْهَدْ ڤُدَامْ بِيلاَطُسْ الْبُنْطِي بَشْهَادَة الْلاَزْمَة، 14 بَاشْ تَحْرَزْ الْوَصِيَّة بْلاَ عِيبْ و لاَ لُّومْ حَتَّى نْهَارْ يْبَانْ رَبِّنَا يَسُوعْ الْمَسِيحْ عِيْنَانِي. 15 و هَادْ الْظُّهُورْ الله أَلِّي يْدِرَاهْ فِي الْوَقْتْ الْلاَزَمْ، هُوَ الْسَّيِّدْ الْمُبَارَكْ الْوَاحَدْ، سُلْطَانْ الْسْلاَطَنْ و رَبْ الأَرْبَابْ، 16 أَلِّي وَحْدَهْ و مَاشِي فَانِي، الْسَّاكَنْ فِي نُورْ وَاحَدْ مَا يَقْدَرْ يَلْحَڤْ لَهْ وأَلِّي مَكَاشْ إِنْسَانْ أَلِّي يَقْدَرْ إِشُوفَهْ. لِهْ الْكَرَامَة و الْقُدْرَة الأَبَدِيَّة. أَمِينْ! 17 وَصِي أَغْنِيَا هَادْ الْزْمَانْ مَا يَتْكَبْرُوشْ، و مَا يَتَّكْلُوشْ عْلَى الْغْنَى لِّي مَا يْدُومْشْ، بَصَّحْ يَتَّكْلُوا عْلَى الله أَلِّي يْمَّدْ لْنَا كُلْ شِي بْزْيَادَة بَشْ نَتْمَتْعُوا بِه، و 18 أَيْدِيرُوا الْخِيرْ، و يْكُونُوا أَغْنِيَا بَالأَعْمَالْ الْصَّالْحَة، و يْمَّدُوا بْسَخَاءْ، و يْكُونُوادَايْمَنْ وَاجْدِينْ إِيعَاوْنُوا لُخْرِينْ فِي خِيرَاتْهُمْ. 19 و هَكْدَا يْدِيرُوا لْرُوحْهْمْ رَاسْ الْمَالْ لَلْمُسْتَقْبَلْ، حَتَّى يَحَكْمُوا فَالْحَيَاة تَعْ الْصَّحْ. 20 يَا تِيمُوثَاوسْ، أَحْرَزْ عْلَى الأَمَانَة أَلِّي تْمَّدَتْ لَكْ. وَخَرْ عالْكْلاَمْ الَّنِسْ الْبَاطَلْ، و الْدْوَاسْ عْلَى لِّي يْسَمُوهْ عِلْمْ كَاذَبْ. 21 و إِذَا الْبَعْضْ يْڤُولُوا عَنْدْهُمْ هَادْ الْمَعْرِفَة، رَاهُمْ بَعْدُوا عَالإِيمَانْ. 22 الْنِّعْمَة تْكُونْ مْعَاكْ!
1 بُولُسْ، رَسُولْ يَسُوعْ المَسِيحْ بالْاِرَادَة تَاعْ الَّلهْ ،عْلَاجَالْ وَعْدْ تَاعْ الحْيَاةْ الِّلي فِي يَسُوعْ المَسِيحْ 2 .لْ تِيمُوثَاوْسْ الَوَلْدْ لَحْبِيبْ :نِعْمَة وْرَحْمَة وْسَلاَمْ مَن عَنْدْ الاَبْ الَّلهْ وْ المَسِيحْ يَسُوعْ . 3 نَشْكُرْ رَبِي الِلي نَعَبْدُوا مَنْ جْدُدِي بْضَمِيرْ نْقَيْ ،كِيمَا نَتْفَكْرَكْ فِي طَلَبَاتْ تَاعِي لِيلْ وْنْهَارْ 4 ،مَتْوَحَشْ بَاشْ نْشُوفَكْ ،مَتْفَكَرْ دْمُوعَكْ بَاشْ نَتْعَمَرْ بالْفَرْحَة 5 ،وْنَتْفَكَرْ لْاِيمَانْ لِمَعَنْدُشْ زُوجْ وْجُوهْ ،لِي سْكَنْ فِي الَّلوَلْ فْجَدَاتَكْ لَوْئِيسُوا مُّكْ اَفْنِيكِي ،بصَّحْ مَتْيَقَّنْ بَلِي فِيكْ تَانِي . 6 عْلَى هَادْ السَّبَا نْفَكْرَكْ تَسْتَخْدَمْ لْمَوْهِبَة تَاعْ رَبِّي بْوَضْعْ يَدَيَّ، 7 عْلَاخَاطَرْ اَّْلله مَعْطَانَاشْ الرُّوحْ تَاعْ الْفَشَلْ ،بَصَّحْ عْطَانَا رُوحْ الْقَوَّة وْ الْمْحَبَة وْ النُّصْحْ 8 مَتَحْشَمْشْ بْشْهَادَة تَاعْ رَبِي ، وَلَا بِيَا أَنَا لْمَحْبُوسْ ، بَصَحْ شْتَرَكْ فِي احْتِمَالْ المَشَقَاتْ عْلَاجَالْ الاِنْجِيلْ عْلَى حْسَابْ القُوَة تَاعْ اللَّهْ ، 9 اللِي سَلَكْنَا ودْعَانَا دَعْوَة مْقَدْسَة ،مَاشِي عْلَاحْسَابْ الخَدْمَة تَاعْنَا بَصَحْ عْلَاحْسَابْ القَصْدْ وْ النِعْمَة لِي تْمَدَتَلْنَا فِي المَسِيحْ يَسُوعْ قْبَلْ الوَقْتْ الاَزَلِي ، 10 بَصَحْ بَانَتْ دَرْوَكْ كِي بَانْ مُخَلِصْنَا يَسُوعْ المَسِيحْ ، بَطَّلْ المُوتْ وْنَوَرْ الحْيَاةْ وْ الخُلُودْ بالاِنْجِيلْ . 11 اللِي خَلَانِي اَنَا مُبَشِرْ وْرَسُولْ وْمُعَلِمْ لَلْجْنَاسْ . 12 عْلَاجَالْ هَادْ الشِي نَحْمَلْ تَانِي عْلَاخَاطَرْ مَنَحْشَمْشْ ، عْلَاخَاطَرْ عْلَابَالِي بْ شْكُونْ اَمَنْتْ ، وْمَتْيَقَنْ بَلِي قَادَرْ يَسْتَحْفَظْ عْلِيَا لْدَاكْ النْهَارْ . 13 تْمَسَكْ بْلَكْلَامْ الصْحِيحْ لِي سْمَعْتُو مَنِي ، فِي الاِيمَانْ وْالمْحَبَة اللِي فِي المَسِيحْ يَسُوعْ . 14 اسْتَحْفَظْ عْلَى الاَمَانَة الصَالْحَة بالرُوحْ القُدُسْ السَاكِنْ فِينَا . 15 نْتَا عْلَابَالَكْ بَلِي جْمِيعْ اللِي فِي اَاسْيَا بَعْدُوا عْلِيَا ، اللِي مَنْهُمْ فِيجَلُسْ وْهَرْمؤجَانَسْ . 16 بَاشْ يْمَدْ الرَبْ رَحْمَة لْبِيتْ اُنِيسِيفُورُسَ ، عْلَاخَاطَرْ بَزَافْ خَطْرَاتْ مَحْشَمْشْ بْسْنَاسَلْ تَاعِي ، 17 كِي كَانْ فِي رُومِيَة ،سَقْسَا عْلِيَا وْلْقَانِي . 18 رَبِي يْمَدْلَهْ رَحْمَة فِي دَاكْ النْهَارْ .وْكَامَلْ لِي كَانْ يَخْدَمْ فْ اَفَسُسْ نْتَا تَعَرْفَهْ غَايَا .
1 الْعَسَكْرِي المْلِيحْ لْيَسُوعْ الْمَسِيحْ كُنْ قْوَيْ يَاوَلْدِي بالنِعْمَة الِّلي فِي المَسِيحْ يَسُوعْ . 2 واللِّي سْمَعْتُو مَنِي بْزَافْ شْهُودْ ، مَدُّو للْنَاسْ لِي عَنْدْهُمْ الاَمَانَة ، يْكُونُو قَادْرِينْ بَاشْ يَعَلْمُوُ لُخْرِينْ . 3 وْنْتَا كُنْ شْرِيكْ فِي هَادْ المَشَقَاتْ كِيمَا الْعَسَكْرِي لْيَسُوعْ المَسِيحْ . 4 مَكَانْشْ وَاحَدْ عَسَكْرِي يَتْقَلَقْ عْلَى شْغَالَاتْ تَاعْ الدَنْيَا بَاشْ يْفَرَحْ اللِّي جَنْدَهْ . 5 وْتَانِي اذَا كَانْ وَاحَدْ يْجَاهَدْ مَايْتْكَافَأْشْ اِذَا مَاجَهَدْشْ عْلَى حْسَابْ القَانُونْ . 6 لَازَمْ عْلَى الِّلي يَحْرَثْ الِّلي يََتْعَبْ ، يَشْتَرَكْ هُوَ اللُّوَّلْ فِي الغَلَّة . 7 فْهَمْ شَا رَانِي نْقُولْ .رَبِي يَعْطِيكْ الفْهَامَا فِي كُلْشِي . 8 تْفَكَرْ يَسُوعْ اللِّي قَامْ مَنْ بِينْ الامْوَاتْ ، مَنْ نَسْلْ دَاوُدْ عْلَى حْسَابْ الانْجِيلْ تَاعِي ، 9 اللِّي فِيهْ نَحْمَلْ لْمْحَايَنْ حَتَى قَيْدُونِي كِي اللِّي ذْنَبْتْ . بَصَّحْ كَلْمَة رَبِي مَتَتْقَيَدْشْ . 10 عْلَى جَالْ ذَاكْ الشِي رَانِي صَابَرْ عْلَى كُلْشِي عْلَاجَالْ المُخَيْرِنْ ، بَاشْ هُومَا تَانِي يَسَلْكُو بالسْلَاكْ اللِّي فِي المَسِيحْ يَسُوعْ ،بالمَجْدْ اللِّي مَيْزُولْشْ 11 الكَلِمَة مَاتْكْذَبْشْ :اِلَا مَتْنَا مْعَاهْ نَحْيَاوْ مْعَاهْ تَانِي. 12 اِلَاا صْبَرْنَا غَادِي نَمَلْكُو مْعَاهْ تَانِي . اِلَا نَنْكْرُوهْ هُوَ تَانِي غَادِي يَنْكَرْنَا 13 .اِلَا كُنَا مَاشِي اُمَنَاءْ هُوَ يَبْقَى اَمِينْ ،مَيَقْدَرْشْ يَنْكَرْ رُوحَهْ . 14 خَمَمْ فِي هَادْ الاُمُور ، نَطْلُبْ قُدَامْ اللَّهْ بَاشْ مَايَدَابْزُوشْ بالكْلَامْ .الحَاجَة لِي مَاتَنْفَعْشْ ، لِي تَهْدَمْ اللِّي يَسَمْعُوا . 15 جْتَهَدْ بَاشْ تْكُونْ نْقَيْ قُدَامْ رَبِي ، خَدَامْ مَايَتْحَشَمْشْ ، لِي يْقُولْ كَلْمَة الحَقْ كِيمَا لَازَمْ . 16 بَصَّحْ الهَدْرَة لِي مَعَنْدْهَاشْ مَعْنَى المْوَسْخَة بَعَّدْ عْلِيهَا، عْلَاخَاطَرْ يْزِدُوا فِي الفُجُورْ ، 17 كَلْمَتْهُمْ كِيمَا السَّمْ اللِّي فِيهُمْ هِيمينَايُوسْ وْ فِيلِيتُسْ ، 18 اللِي خَرْجُو عْلَى الحَقْ ،كَانُو يْقُولُو : "القِيَامَة خْلَاصْ صْرَاتْ "يْقَلْبُو الاِيمَانْ تَاعْ قَوْمْ . 19 بَصَّحْ اَسَاسْ اللَّهْ مَايْتْزَعْزَعْشْ ،عَنْدَهْ الخَتْمْ :"رَبِي يَعْرَفْ تَاوْعَهْ" . وْ"يْبَعَدْ عْلَى الدْنُوبْ كُلْ وَاحَدْ تْسَمَى عْلَى اِسْمْ المَسِيحْ " . 20 بَصَحْ فِي دَرْ كْبِيرَة مَكَاشْ مَاعِينْ تَاعْ الذْهَبْ و الفَضَة بَرْكْ ، بَصَحْ كَايَنْ حْطَبْ وْ فَخَارْ ، وْهَادِي لِلْكَرَامَة وهَادِي للْهَوَانْ . 21 وْيْلَا وَاحَدْ نَقَا َرُوحَهْ مَنْ هَادْ الصْوَالَحْ ، يْكُونْ اِينَاءْ للْكَرَامَة ، مْقَدَّسْ ، نَافَعْ للسَيَّدْ ، وَاجَدْ لْكُلْ خَدْمَة مْلِيحَة. 22 بَصَّحْ الشَهْوَاتْ تَاعْ الشَبَابْ هْرُبْ مَنْهَا ،وْتَبَعْ البِرْ وْ الاِيمَانْ وْ المَحَبَة وْالسَلَامْ مْعَ اللِّي يَدْعِيوْ الرَبْ مْنْ قَلْبْ نْقَيْ . 23 وْالهَدْرَاتْ الغَبِيَة واللِّي مَعَنْدْهَا حَتَى مَعْنَى بَعَّدْ عْلِيهَا .عَارَفْ بَلِي تْجِيبْ مَشَاكِلْ ، 24 وْعَبْدْ اللَّهْ مَالَازَمْشْ يْدَابَزْ ،بَصَحْ يْسَاعَفْ كَامَل النَاسْ ،يَصْلَحْ بَاشْ يْعَلَمْ ، يْصْبَرْ عْلى المْحَايَنْ 25 ،يْؤَدَب بالْحْنَانَة اللِّي يْقَاوْمُوا ، بَالاكْ يَعْطِيهُمْ اللَّهْ تُوبَة بَاشْ يَعَرْفُو الحَقْ ، 26 يَفَطْنُو مَنْ فَخْ ابْلِيسْ اللِي يْمَشِيهُمْ
1 بَصَّحْ عْلَابَالِي فِي اليَامَاتْ التْوَالَى يْجِي وَقْتْ صْعِيبْ ، 2 عْلَاخَاطَرْ النَّاسْ يَبْغُو غِيرْ رْوَاحْهُمْ ، يَبْغُو الدْرَاهَمْ ،يَتْكَبْرُو ،يَسْتَهْزَاوْ ، مَيْطِيعُوشْ وَالْدِيهُمْ ،مَيَشَكْرُوشْ رَبِي ، يْعِشُوا فِي نْجَاسَة ، 3 مَاشِي حْنَانْ مَاشِي رَاضْيِيينْ ،يْلُومُو لُخْرِينْ ، مَعَنْدْهُمْشْ النِّيفْ ، شَرِسِينْ ،مَيَبْغُوشْ الصَلاَحْ 4 ،خَايْنِينْ ،يَسْتَخَدْمُو القُوَة ، مَتْكَبْرِينْ ، يَبْغُو رْوَاحْهُمْ مَيَبْغُوشْ رَبِي، 5 عَنْدْهُمْ الصُورَة تَاعْ التَقْوَى ، بَصَّحْ مَيَعَرْفُوشْ القُوَّة تَاعْهَا .بَعَدْ عْلَى هَادُو 6 .هَادُو هُمَا لِي يَدَخْلُو وَيَسْبُونْ نُسَيَّاتْ مُحَمَلَاتْ بالذْنُوبْ ، يْتَبْعُو فِي الشَهَوَاتْ 7 .يَتْعَلْمُو فِي كُلْ وَقْتْ ،وْمَيَقَدْرُوشْ يَتْقَرْبُو بَاشْ يَعَرْفُو الحَقْ . 8 كِيمَا قَاوَمْ يَنِّيسُ وَيَمْبِرِسُ مُوسَى ،هَادُو تَانِي يْقَاوْمُو الحَقْ .نَاسْ عْقُولْهُمْ فَاسْدَة ،وْمَنْ جِهَة الاِيمَانْ مَرْفُوضِينْ . 9 بَصَّحْ مَيْقَدْمُوشْ كْتَرْ ، عْلَاخَاطَرْ النَاسْ يْفِيقُولْهُمْ ،كِيمَا كَانْ الحُمْقْ تَاعْ ذَيْنِكْ تَانِي. 10 بَصَحْ نْتَا تَبَّعْتْ تَعْلِيمْ تَاعِي ، وْسِيرْتِي وْ القَصْدْ تَاعِي ، والاِيمَانْ تَاعِي ، اَنَاتِي ،وْالمَحَبَة تَاعِي ، وْالصْبَرْ تَاعِي 11 ،وْاِضْطِهَادِي ، وْوْجَعْ تَاعِي ، كِيمَا صْرَالِي فِي اَنْطَاكْيَة وْ اِيقُونَة وْلِسْتْرَة . وَاشْ مَنْ اِضْطِهَادَاتْ سْتَحْمَلْتْ ! سَلَكْنِي رَبِي مَنْ كَامَلْ 12 .وْجْمِيعْ لِي يَبْغُو يْعِيشُو بالتَقْوى فِي المَسِيحْ يَسُوعْ يَضْطَهْدُوهُمْ 13 .بَصَّحْ نَاسْ شَرَانِيينْ لَمْزَوْرِينْ يَتْقَدْمُو للْأَسْوَءْ ،خْرَجُو عْلَى لْحَقْ وْيْخَرْجُو لُخْرِينْ . 14 وْنْتَا ثْبَتْ عْلَى وَاشْ تْعَلَمْتْ وْتْيَقَنْتْ ،عْلَابَالَكْ عَنْدْ مَنْ تْعَلَمْتْ . 15 وْنْتَ مَلِي كُنْتْ صْغِيرْ تَعْرَفْ لَكْتُوبَا لَمْقَدْسَة لِي قَادْرَة ، لِي قَادْرَة تَدِيكْ للْخَلَاصْ ،بالْاِيمَانْ لِي فِي يَسُوعْ لْمَسِيحْ . 16 كَامَلْ لَكْتَابْ تَوْحَى مَنْ عَنْدْ اللَّهْ ، وْيَنْفَعْ لِلتَعْلِيمْ وْ التَوْبِيخْ وْ التَأْدِيبْ لِي فِي الحَقْ ، 17 بَاشْ يْكُونْ اِنْسَانْ اللَّهْ كَامَلْ ،وَاجَدْ لْكُلْ خَدْمَة مْلِيحَة .
1 اَنَا نَطْلُبْ مَنَكْ قُدَامْ اللَّهْ وْالرَبْ يَسُوعْ المَسِيحْ ، اللِي يْدِينْ الحَيِينْ وْ المَيْتِينْ ، كِي يْبَانْ مْعَ المَلَكُوتْ تَاعَهْ :بَشَّرْ بالْكَلِمَة . 2 دَاوَمْ عْلَى دَاكْ الشِي فِي كُلْ وَقْتْ . قَرِّي بْكُلْ صَبْرْ وْتَعْلِيمْ . 3 عْلَاخَاطَرْ غَادِي يْجِي وَقْتْ مَيَسْتَحَمْلُوشْ فِيهْ تَعْلِيمْ صْحِيحْ ، بَصَّحْ عْلَاحْسَابْ شَهْوَاتْ تَاعْهٌمْ يَجَمْعُولْهُمْ شْيُوخَا بَاشْ يَسَمْعُو شَايَبْغُو ، 4 مَايَبْغُوشْ يَسَمْعُو لَلْحَقْ وْ يدِيرو عْلى الخُرَافَاتْ . 5 بَصَّحْ نْتَا فِيقْ عْلَى كُلْ شِي .سْتَحْمَلْ المَشَقَاتْ .خْدَمْ خَدْمَة المُبَشِرْ .كَمَّلْ خَدْمْتَكْ . 6 وْاَنَا دَرْوَكْ غَادِي نَسْكُبْ سَكِيبْ ،وَقْتِي قَرَّبْ . 7 جَاهَدْتْ كِيمَا لَازَمْ، كَمَلْتْ قَصْدِي ، حْرَزْتْ الاِيمَانْ ، 8 وْ مْعَ التَّالِي تْحَطْ لِيَا اِكْلِيلْ البِرْ ، لِي مَدْهُولِي دَاكْ النْهَارْ ، الرَبْ الدَيَانْ العَادَلْ ، مَاشِي لِيَا بَرْكْ ، لكُلْ لِي يَبْغُو يْبَانْ تَانِي . 9 اَرْوَاحْ عَنْدِي بَلْخُفْ ، 10 عْلَاخَاطَرْ دِيمَاسْ خَلَّانِي بْغَا هَادْ لْحْيَاةْ وْرَاحْ لْتِيسَانِيلُوكِي ،وْكْرِيسْكِيسَ لْغَلَاطِيَة ،وْتِيطُسْ لْدَلْمَاطِيَّة . 11 لُوقَا وَحْدَهْ مْعَايَا . اَدِّي مْعَاكْ مُرْقُسَ عْلَاخَاطَرْ يَنْفَعْ لَلْخَدْمَة . 12 بَصَّحْ تِيخِيكُسْ رْسَلْتَهْ لْ اَفَسُسْ . 13 البَرْنُوسْ لِي خَلِّيتَهْ فِي تَرُوَاسْ عَنْدْ كَارْبُسْ ، جِيبَهْ كِي تْجِي ، وْكْتُبَا تَانِي وْتَانِي الرُقُوقْ . 14 اِسْكَنْدَرْ النَحَاسْ بَيَنْلِي بَزَافْ الشَرْ . رَبِي يْحَاسْبَهْ عْلَى حْسَابْ الاَعْمَالْ تَاعَهْ 15 .اَحْتَفَظْ مَنَّهْ نْتَا تَانِي ، عْلَاخَاطَرْ قَاوَمْ هَدْرَتْنَا بَزَافْ . 16 فِي اِحْتِجَاجِي لُوَّلْ حَتَى وَاحَدْ مَا كَانْ مْعَايَا ، كَامَلْ خَلَاوْنِي . مَانْلُومْهُومْشْ . 17 بَصَحْ الرَبْ وْقَفْ مْعَايَا وْقَوَانِي ، بَاشْ تَكْتَمَلْ بِيَا الكِرَازَة ، وْيَسْمَعْ كَامَلْ لْجْنَاسْ ، سْلَكْتْ مَنْ فَمْ السْبَعْ . 18 وْغَادِي يْسَلَكْنِي رَبِي مَنْ كُلْ حَاجَة مَاشِي مْلِيحَة وْيْسَلَكْنِي لْمَلَكُتَهْ السَمَاوِي .لِي لِيهْ المَجْدْ لْ دَهْرْ الدُّهُورْ .اَمِينْ . 19 سَلَمْ عْلَى فِرِسْكَا وْاَكِيلَا وْ دَارْ اُنِيسِيفُورُسْ . 20 اَرَاسْتُسْ قْعَدْ فِي كُورِنْثُوسْ . بَصَحْ تُرُوفِيمُسْ خَلِيتَهْ فِي مِيلِتُسْ مْرِيضْ . 21 حَاوَلْ بَاشْ قْبَلْ الشْتَا . يْسَلَّمْ عْلِيكْ اَفْبُولُسْ وْبُودِيسْ وْلِينُسْ وْكْلَافْدِيَة وْجْمِيعْ الخَاوَة 22 .الرَبْ يَسُوعْ المَسِيحْ مْعَا رُوحَكْ . النِعْمَة مْعَاكُمْ . اَمِينْ.
1 بوُلسُْ، العبَْدْ تاَعْ الله، وَ الرَّسُولْ تاَعْ يسَُوعْ الْمَسِيحْ، عْلىَ جَالْ هَادوُكْ اللِيّ خَيرَّْهُمْ الله باَشْيْآمْنوُ وْ يعَرَّْفوُ الْحَقْ، الْلِيّ عْلىَ حْسَابْ التقَّْوَى، 2 وْ هَكَا إيكُونْ عَنْدْهُمْ الرَّجَاءْ تاَعْ الحْياَةْالداَّيْمَة، الْلِيّ وْعَدْهَا بِيهَا الله الْلِيّ هُوَ صَادقَْ، مَنْ الزْمَانْ، 3 بصََّحْ أظَْهَرْ كْلامَُو فِي وَقْتوُ،باَلْبِشَارَة الْلِيّ وَكَّلْنِي عْلِيهَا، عْلىَ حْسَابْ الأمَْرْ تاَعْ مُخَلِصّْناَ الله، 4 لْتِيطُسْ، الوَلْدْ تاَعْ الصَّحْفاَلإِيمَانْ الْلِيّ يجَْمَعْناَ : النعَّْمَة وَ الرَّحْمَة وَ الْهْناَ مَنْ الله الأبَْ وْ مْنجَِّيناَ يسَُوعْ المَسِيحْ، رَانِيخَلِيّتكَْ فاَلجَزِيرَة كريت 5 باَشْ تكَْمَّلْ الترَّْتِيبْ تاَعْ الأمُُورْ الْلِيّ ناَقْصَة، وَ تخَْيرَّْ فِي كُلْ مْدِينةَشْيوُخَ تاَعْ الكَنِيسَة كِيمَا وَصِّيتكَْ . 6 خَاصْ إِيكُونْ كُلْ وَاحَدْ مَنْهُمْ مَاعَنْدوُ حَتىَّ لوُمْ، مْزَوَّجْبمَْرَا وَحْدةَ، وَ يْكُونوُ وْلادَوُ مُومْنِينْ، حَتىَّ وَاحَدْ مَيتَهَْمْهُمْ باَلفسََادْ. 7 عْلىَ خَاطَرْ الرَّاعِي تاَعْالكَنِيسَة الِيّ مَسْؤُولْ عْلىَ خَدْمَة الله : خَاصَّهْ إِيكُونْ مَا عْلِيهْ حَتىَّ لوُمْ، وْ مَيْتقَلَّْشْ، وْمَيسَْكَرْشْ، وْ مَيْحَوَّسْشْ يرََْبحَْ باَلْحْرَامْ، 8 بصََّحْ إِيكُونْ مَضْياَفْ للَْبْرَاوِيةَ، يبَْغِي الخِيرْ، عَاقلَْ،أنَْقِيْ،أتَكُْونْ حْياَتهَْ ڤاَعْ لْرَبِيّ،مَتحَْكَّمْ فِي رُوحَهْ، 9 شَادْ فاَلْكْلامَْ تعَْ الله لِتعْلَْمَهْ،باَشْ إِيكُونْقاَدرَْ يْشَجَّعْ المُؤْمِنِينْ باَلتعَّْلِيمْ الصَّحِيحْ وْ يْرَدْ عْلىَ الْلِيّ يْناَقْضُوهْ. 10 عْلىَ خَاطَرْ كَاينَْ ثمَْبزََّافْ الِيّ أصََّلْهُمْ يهَُودْ مَتمَْرْدِينْ يهََّدْرُو باَلباَطَلْ وْ يخََّدْعُو فاَلناَّسْ، 11 هَادوُكْ إِيلِيقْ إِيسَّكْتوُا،هُمَا إِيدخُّْلوُ لدَْياَرْ تاَعْ الناَّسْ وْ يْعلَْمُو لِيّ مَيْلِيقْشْ إِيعلَْمُوهْ، باَشْ يرََّبْحُو لحَْرَامْ. 12 وَاحَدْ مَنْهُمْڤاَلْ، وْ هُوَنْبِيْ تاَعْهُمْ : "الكِرِيتِيوُّنَ دِيمَا يكََّذْبوُ، وْ هُمَا وْحُوشْ قْبِيحَة. ياَكْلوُ فاَلْحْرَامْ. 13 وْهَاذِي الشْهَادةَ رَاهِي صْحِيحَة. وْ عْلىَ جَالْ هَذاَ الشِّي خَاصَّكْ توَْبخَّْهُمْ باَشْ إِيكُونْ إِيمَانْهُمْ صْحِيحْ، 14 وْ مَيسََّمْعوُشْ للَْخُرَفاَتْ تاَعْ الْيهَُودْ، وْ لوَْصَاياَ تاَعْ الناَّسْ لِيّ رَاهُمْ بْعاَدْ عْلىَ الْحَقْ. رَاه كُل شِى نْقي لنَاسَْ النَْقيَِينْ، بصََحْ النجَِسِينْ وَلِمَشِي مْأمَْنِينْ مَاكَنْشْ حَتىَّ حَاجَة نْقِيةَّ لِيهُمْ 15 رَاهكُل شِى نْقي لنَاسَْ النَْقيَِينْ، بصََحْ النجَِسِينْ وَلِمَشِي مْأمَْنِينْ مَاكَنْشْ حَتىَّ حَاجَة نْقِيةَّ لِيهُمْ 16 وْيعَْتاَرْفوُا بلَِىّ يعَرَّْفوُا الله ،وْبصََّحْ بفَْعاَيلَْهُمْينَكَّْرُوهْ ،رَاهُمْ مَكْرُوهِينْ أوُ مَايْطِيعوُشْ ، وْمَايقَدَّْرُوشْ يْدِيرُواحَتىَّ حَاجَة مْلِيحَة .
1 بصََّحْ نْتَ، عَلمَّْ بْهَداَكْ الشِّي الِيّ يْوَافقَْ التعَّْلِيمْ الصْحِيحْ 2 ڤوُلْ للَْرْجَالْ لكَْباَرْ فاَلْعْمَرْ يْكُونوُارْزَانْ ، شَارْبِينْ عْقوُلْهُمْ ،وَيْكُونوُ قْوِيِيّنْ فاَلْلإيمَانْ وَ الْمَحَبةَّ وَ الصْبرَْ. 3 وْحَتىَّ لعَْجَايزَْ يمَْشُوافطَْرِيڤْ لقَْداَسَة مَاتكُْونْشْ فِيهُمْ النمَِّيمَة وْ مَايْسَّكْرُوشْ بصََّحْ يْعلَْمُو الْحَاجَة لمَْلِيحَة 4 باَشْ ينَصَّْحُو النْسَا الْمَتزَْوْجَاتْ يبَْغوُ رْجَلاتَهُْمْ وْيبَْغوُ وْلادَْهُمْ وَيْكُونوُا 5 عَاقْلَاتْ ، حْنِيناَتْ ، مَتهَْلْيِينْفِي دْيوُرْهُمْ ، وَيْطِيعوُ رْجَلاتَهُْمْ ،باَشْ حَتىَّ وَاحَدْ مَايْڤوُلْ كْلامَْ الكْفرَْ عْلىَ كْلامَْ الله. 6 وْبصََّحْننَْصَحْ الشَّبِيبَ باَشْ إِكُونوُا عَاقْلِينْ، 7 وْرَاهْ خَاصَّكْ تكُْونْ لِيهُمْ مْثلَْ فْكُلْ حَاجَة باَلأعَْمَالْ لمَْلِيحَة وَتبْيَنَّْ بلَِيّ التعَّْلِيمْ تاَعَكْ نِيشَانْ وَ صْحِيحْ، وَ الْإِخْلَاصْ، 8 كْلامََكْ إِيكُونْ مْلِيحْ مَافِيهْ حَتىَّ عَيْبْباَشْ لعَْدوُ يحَْشَمْ مَلِىّ مَايلَْقىَ حَتىَّ حَاجَة مَاشِّى مْلِيحَة يْڤوُلهَّْ عْلِيكُمْ. 9 وْوَصَّى لعَْبِيدْ باَشْإِيطِيعوُا سْياَدْهُمْ ، وْيرَْضُوهُمْ فْكُلْ شِّى ، وْمَيعَْصُوهُمِشْ ، 10 وْمَيْخُونوُشْ ،بصََّحْ تكُْونْ فِيهُمْالأمََانةَ الكَامْلةَ باَشْ فْكُلْشِى يعَْطُوا قِيمَة للَْتعَّْلِيمْ تاَعْ الله المْنجَِّى تاَعْناَ. 11 عْلىَ خَاطَرْ باَنتَْالنعَّْمَة تاَعْ الله الِىّ فِيهَا لسَْلاكَْ لْڤاَعْ الناَّسْ 12 وْالْلِىّ تعْلَمَّْناَ نبَعَْدوُ عْلىَ لحَْوَايجَْ لمَْشِي مْلاحَْوْشَهَوَاتْ الْدنَّْياَ ،وْنْعِيشُوا باَلتقَّْوَى وَالصْلاحَْ فْهَادْ الدنَّْياَ ، 13 وَحْناَ نسَْتنَاَّوْ النْهَارْ المْباَرَكْ الْلِىّنتَرَْجَّاوَهْ وَالعزَْ الِىّ يْباَنْ تاَعْ إِلاهَْناَ العضَِيمْ وْمْنجَِّيناَ يسَُوعْ المَسِيحْ ، 14 الْلِىّ أعَْطَا حْياَتهَْ عْلىَجَالْناَ باَشْ يفَْدِيناَ مَنْ ڤاَعْ دْنوُبْناَ ، وْرَّدْناَ شَعْبهَْ طَاهَرْ وْمَتحَْمَّسْ باَشْ يْدِيرْ الْخِيرْ. 15 أهَْدرَْ بْهَدْالْشِّى ،وْشَجَّعْهُمْ ،وَخْدمَْ السُّلْطَة تاَعَكْ . وْمَاتخَْلىَّ حَتىَّ وَاحَدْ يحََّڤرُْكْ.
1 فكََّرْ الْمُؤْمِنِينْ باَشْ يخََّضْعوُا للَْرُّؤَسَاءْ وْلصَْحَابْ السُّلْطَة وَ يْطِيعوُهُمْ ، وَيْكُونوُ داَيْمًا كَايْنِينْيْدِيرُوا الْخِيرْ . 2 وْمَا يْعاَيْرُوا حَتىَّ وَاحَدْ ، وْمَايْدابَْزُوشْ ، وْبصََّحْ يْكُونوُ ضْرِيفِينْ وَمْلَاحْ مْعَڤاَعْ الْناَّسْ . 3 حَتىَّ حْناَ تاَنِي كُناَّ حَمْقِينْ مَنْ قْبلَْ ، وْمَانْطِيعْ حَتىَّ وَاحَدْ ، مْوَدْرِينْ ،مَسْتعَبَّْدِينْلْشَهْوَاتْ الْدنَّْياَ وْلدَاَّتهَْا، عَايْشِينْ فاَلْنِفّاَقْ وْلحَْسَدْ وْحَتىَّ وَاحَدْ مَاكَانْ يبَْغِيناَ ،وْكُناَّ نكََّرْهُ بعَْضِياَتنْاَ 4 وْبصََّحْ مَلِيّ باَنْ لطُْفْ الله مْنجَِّيناَ ، وْمْحَبْتهَْ للَْناَسْ ، 5 نجََّاناَ مَاشِى عْلىَ خَاطَرْ الأعَْمَالْلمَْلِيحَة الِىّ درَْناَهَا ،وْبصََّحْ باَلْرَّحْمَة تاَعَهْ ، ْوبلَْمَعْمُودِيةَ عْطَاناَ حْياَةْ جْدِيدةَ وَجْددُْناَ باَلْرُّوحْالقدُسُْ، 6 الْلِىّ فاَضْ عْلِيناَ باَلكَثرَْة بْفضَْلْ يسَُوع الْمَسِيحْ الْمَنِجِّيناَ . 7 باَشْ حَتىَّ وْإِلاَّ وَلِيّناَمَتاَّقِيينْ الله باَلنِعّْمَة تاَعَهْ ، نوََّرْتوُا الْحْياَتْ الداَّيْمَة باَلرَّجَاءْ. 8 هَادْ الْكْلَامْ رَاهْ صَادقَْ .وْنبَْغِيكْتأْكََّدْ عْلىَ هَادْ الامُُورْ باَشْ هَادوُكْ الْلِىّ آمْنوُا باَلله يْدِيرُوا أعَْمَالْ الْخِيرْ . هَادْ الامُُورْ رَاهَامْلِيحَة وْغَادِي تنَْفعَْ الناَّسْ. 9 وْبصََّحْ خَاصَّكْ تبْعَدَّْ عْلىَ الهَدْرَة الخَاوْيةَ وْمَا تدَِيّهَاشْ فاَلَْأصْلْتاَعْ الْجْدوُدْ ،وَفاَلْمَضَارْباَتْ ، وَلْمْداَبزَْ عْلىَ خَاطَرْ الشَّرْعْ ، لخََاطَرْ هَادْ الْشِّى مَاينَْفعَْشْوْمَاعَنْدهَْ فاَيْدةَ . 10 وْهَاداَكْ لِيفَرََّقْ بِينْ الْناَّسْ ، نبَْهَهْ المَرَّة الْلوَّْلىَ وْ الزَّاوَجْ ،وَمَنْ بعَْدْ تفْاَرَقْعْلِيهْ . 11 رَاكْ عَارَفْ بلَِىّ كِيمَا هَداَ خْرَجْ عْلىَ الْطْرِيقْ الْحَقْ وْكِيدِيرْ الدْنوُبْ وْرَاهْ حْكَمْ عْلىَرَاسَهْ بْرَاسَهْ 13 وْمَلِ نرَْسَلكَّْ أرَْتِيمَاسْ وْلَّا تِيخِيكُسْ ، دِيرْ جَهْدكَْ باَشْ تجِْى عَنْدِى لِنيكُوبوُلِيسَ، لخََطَرْ قرََّرْتْ نْفوََّتْ الشْتاَ تمََّا . 12 دِيرْ جَهْدكَْ تعْوََنْ زِيناَسْ عَالمَْ الشَّرْعْ وْأبَْلوُسْ يْوَجْدوُاللَْسْفرَْ ، باَشْ حَتىَّ حَاجَة مَا تخَْصْهُمْ . 14 وْرَاهْ خَاصْ المُومْنِينْ تاَعْناَ حَتىَّ هُمَا يتَعْلَْمُوا يْدِيرُواخَدْمَة مْلِيحَة باَشْ يرََّبْحُوا هَاداَكْ الشِّي لِيسَْحَقوُّا لِيهْ ،وْهَكَّا مَاتكُْونْشْ حْياَتهُْمْ بْلَا فاَيْدةَ. 15 ڤاَعْ الناَّسْ الْلِىّ مْعاَياَ يْسَلْمُوا عْلِيكْ .سَلمَّْ عْلىَ الْلِىّيبَْغوُناَ فاَلإِيمَانْ وَالنِعّْمَة تاَعْ الله تكُْونْ مْعاَكُمْ ڤاَعْ. آمِينْ.
1 مَنْ بوُلسَْ ،المََحْبوُس عْلىَ جَالْ يسَُوعْ الَمَسٍيح َ مَنْ تِيمُوتاَوُسْ خُوناَ فاَلإِيمَانْ،لْفِيلِيمُونْ خُوناَلعَْزِيزْ الْلِيّ يْعاَوَناَّ فْخَدْمَة الرَّبْ ، 2 وَلْخُتنْاَ فاَلإِيمَانْ أبَْفِيةََ ،وْلأرَْخِبسُّْ الْلِىّ يْكَافحَْ مْعاَناَ ،وْلنَاَّسْتاَعْ الْكَنِيسَة الِيّ فْداَرَكْ ، 3 النعَّْمَة وَسلَْامْ لِيكُمْ مَنْ عَنْدْ الله بوُناَ وَالرَّبْ يسَُوعْ المَسِيحْ . 4 دِيمَانشَْكُرْ الله مَلِىّ نتَفْكََّرَكْ فاَلصْلاتَِى 5 ،عْلىَ خَاطَرْ كَنسَْمَعْ عْلىَ المَحَبةَّ تاَعَكْ لْڤاَعْ المُومْنِينْالقدُسُِينْ وَالإِيمَانْ الْلِيّ عَنْدكَْ فاَلرَّبْ يسَُوعْ . 6 وْنطُْلبُْ الله باَشْ تكُْونْ الشَّرْكَة تاَعْ الإِيمَانْتاَعَكْ مْعاَناَ قْوِيةَّ ، وْهَكَا غِي تعَرََّْفوُالبرََكَاتْ تاَعْ المَسِيحْ الْلِىّ عَنْدْناَ 7 .رَاهْ الفرَْحَة تاَعِى كْبِيرَةوَتشَْجَّعْتْ بزََّافْ بسَْباَبْ الْمْحَبةَّ تاَعَكْ أَ خُوياَ عْلاخََاطَرْ فْرَحْتْ قْلوُبْ المُومْنِينْ الْمْقدَْسِينْ 8 عْلىَ هَداَ الْشِّي عَنْدِى الشَّجَاعَة الْكَامْلةَ فاَلْمَسِيحْ باَشْ نأَمَْرَكْ شَايْلِيقْ دِيرْ ، 9 بْغِيتْ نتَرَْجَّاكْعْلىَ خَاطَرْ الْمْحَبةَّ الْلِيّ بِيناَتنْاَ ، أنَاَ بوُلسُْ الكْبِيرْ فاَلْعْمَرْ ،وَالْلِىّ مَحْبوُسْ درَْوَكْ عْلىَ جَالْيسَُوعْ المَسِيحْ . 10 وْنطُْلبُْ مَنكَّْ عْلىَ جالَْ وَلْدِى أنُِسِيمُسْ لِوْلدَْتهَْ وْأنَاَ مْسَلْسَلْ بسَْلاسََلْ 11 لِمَكَانْشْ ينَفَْعكَْ ينَْفعَْناَ أنَاَ وَياَّكْ درَْوَكْ . 12 وْغَادِى نْرَدْهَلكَْ وْقبَْلهَْ 13 كُنْتْ باَغِى نْشَدهَّْ عَنْدِىباَشْ تعْاَوَنِىّ فِبْلاصَْتكَْ فاَلْوَقْتْ الْلِىّ أنَاَ مَحْبوُسْ عْلىَ جَالْ الإِنْجِيلْ، 14 نْدِيرْحَتىَّ حَاجَة بْلاَ المُوَافقَةَ التاَّعَكْ ،باَشْ مَاتدِْيرِيشْ الْخِيرْ بسَِّيفْ وْبصََّحْ بْخَاطْرَكْ. 15 يمَْكَنْ تفَرََّقْ عْلِيكْ أنسيمس لْوَقْتْ قْلِيلْ ،باَشْ يبَْقىَ مْعاَكْ دِيمَا ، 16 بصََّحْ درَْوَكْ مَابْقاَشْ عَبْدْ وْبصََّحْوَلىَّ خِيرْ مَنْ الْعبَْدَ،رَاهْ هُوَ خُوهْ عْزِيزْ بزََّافْ ، باَلخُصُوصْ عَنْدِى ، أيَ كِيفاَشْ مَايْكُونْشْعْزِيزْ عَنْدكَْ كْترَْ ، لخََطَرْ هُوَ بْناَدمَْ وْخُوناَ فاَلرَّبْ. 17 إِلاَ كُنْتْ تحَْسَبْنِى شْرِيكَكْ ، قبَْلهَْ كِيمَالِكُنْتْ أنَاَ . 18 وْإِلاَ ضَلْمَكْ فْشِى حَاجَة ، وْإِلاَ رَاكْ تسَْالهَّْ شِى دْرَاهَمْ ، حْسَبْ هَداَ الشِّى عْلِياَّ 19 وْأنَاَ بوُلسُْ كِنكَْتبَْ لِيكْ بْيدَِىّ : رَانِي غَدِى نْرُدْ لِيكْ دْرَاهَمْ ،وْمَا غَدِيشْ نْفكَْرَكْ بلَِىّ حَتىَّ نْتاَمَدْيوُنْ لِيَ بحَْياَتكَْ 20 وَاهْ ياَ خُوياَ ، دِيرْ فِي هَداَ الْخِيرْ عْلىَ وْجَهْ الْرَّبْ،وْفرََّحْ قلَْبِى فاَلْمَسِيحْ. 21 رَاهْ عَنْدِي الْثِقّةَ وَْأنَاَ كْنكَْتبَْ لِيكْ بلَِيّ غَادِي تطِْيعْ كْلامَِي ،وْرَانِى عَارَفْ بلَِيّ تدِْيرْ كْترَْ مَنْداَكْشِي الْلِيّ نطُْلبُْ . 22 وْتمَْتمَْ وَجَّدْ لِي وِينْ نسُْكُنْ ، لخََطَرْ نتَرَْجَّامَنْ الله باَشْ يسَْتاَجَبْ للَْصْلاةَتاَعْكُمْ وْنرََْجَعْ لْعنَْدْكُمْ. 23 كِي سَلمَّْ عْلِيكْ أبَفُْرَاسْ الِيّ مَحْبوُسْ مْعاَيَ عْلىَ جَالْ الْمَسِيحْ يسَُوعْ ، 24 وْكِي سَلمَّْ عْلِيكْ مُرْقسُْ وْأرَِسْترَْخُسُ وْدِيمَاسُ وْلوُقاَ الْلِىّ يْعاَوْنوُنىَ فاَلْخَدْمَة تاَعْ الْرَّبْ 25 وَالْنعَّْمَة تاَعْ رَبْناَ يسَُوعْ الْمَسِيحْ تكُْونْ مْعَ رُوحْكُمْ. آمِينْ.
1 فِي قْدِيمْ اَلزْمَانْ تْكَلَمْ الله مْعَ جْدُودْنَا بَلْسَانْ أَنْبِيَاءْ بَزَافْ اَلْمَرَّاتْ وبْطُرُقْ مُخْتَلْفَة، 2 بَصَحْ هَادْ لَيَّامْ اَلتْوَالَى، هْدَرْ مْعَنَا بَبْنُو لِي بِيهْ خْلَقْ اَلدَنْيَا، وُعْطَالَهْ يَوْرَثْ كُلْ شِيء. 3 وُلِي هُوَ نُورْ وُعَزْ الله، وُهُوَ تَصْوِيرَةْ لَطْبِيعَة الله، ودَرْ كُلْ شِي بْقُدْرَةْ الْكَلِمَةْ نْتَاعَهْ، وبَعْدْ مَاكَمَلْ وُ طَهَرْنَا مَنْ ذْنُوبْنَا، جَمَعْ فَي السْمَا عْلَى يَمِينْ الله، 4 وَدَا مْقَامْ عَالِي أَكْثَرْ مَنْ مْقَامْ جْمِيعْ اَلْمَلاَيْكَا عْلَى قَدْ اَلْإِسْمْ اَلْعَظِيمْ لِي وَرْثَهْ. 5 عْلَخَاطَرْ لَشْكُونْ الله قَالْ مَنْ اَلْمَلاَيْكَا: «أَنْتَ اَبْنِي وَأنَا مَنْ اَلْيُومْ رَانِي وْلَدْتَكْ؟» وتَانِي: «أَنَا أَنْكُونْ لِيهْ بُو وُهُوَ إِيكُونْ لِيَا اِبْنْ؟» 6 7 وُثَانِي كِي أَرْسَلْ اَبْنُو الَكْبِيرْ لَدَنْيَا قَالْ: لاَزَمْ تَسْجُدْ لِيهْ ڤَاعْ مَلاَيْكَاتْ الله». وُعْلَى اَلْمَلاَيْكَا ڤَالْ: «الله دَارْ اَلْمَلاَيْكَا نْتَاعُو رِيحْ وُالْخَدَّامَة لَهِيبْ نَارْ». 8 بَصَحْ عْلَى اَلْاِبْنْ ڤَالْ: «عَرْشَكْ يَا الله ثَابَتْ دِيمَا لَلْبَدَاْ. وُتَحْكَمْ بْسُلْطَانْ اَلْعَدْلْ عْلَى شَعْبَكْ. 9 تَبْغِي اَلْحَقْ وُتَكْرَهْ اَلْبَاطَلْ. عْلَى هَذَا دَهْنَكْ الله إِلَهَكْ بَزِيتْ اَلْفَرْحَةْ كْثَرْ مَنْ أَصْحَابَكْ». 10 «و أَنْتَ يَارَّبِي فَي اَلَلَّوَلْ خْلَقْتْ اَلْأَرْضْ، وُ السْمَا صَنْعَةْ يْدِيكْ. 11 هِيَ اَلْفَانْيَةْ وَنْتَا اَلْبَاقِي، وكِي اَلْكَسْوَة تْوَلِي قْدِيمَة، 12 تَطْوِيهَا ڤَاعْ كِيمَا اَللَبْسَة لِي تَتْبَدَلْ. بَصَحْ نْتَا دِيمَا هُوَ وُمَاتَتْبَدَلْشْ، وُلَلْأَبَدْ مَاتَفْنَاشْ». 13 وُثَانِي لَشْكُونْ مَنْ اَلْمَلاَيْكَا ڤَالْ: «جْمَّعْ عْلَى لْيَمْنَى نْتَاعِي حَتَى نْدِيرْ عَدْيَانَكْ تَحْتْ رَجْلِيكْ؟» 14 مَاشِي ڤَاعْ اَلْمَلاَيْكَا أَرْوَاحْ بَاشْ يْخَدْمُو وُيَتْرَسْلُوا يْعَاوْنُو فَلِي غَادِي يْوَرْثُوا لْحَيَاةْ اَلدَايْمَة!.
1 عْلَى هَادْ اَلشِي لاَزَمْ نْرَدُو بَالْنَا عْلَى وَاشْ سْمَعْنَا بَاشْ مَانْفَوْتُوهْشْ وُمَانْبَعْدُوشْ عْلَى اَلْحَقْ، 2 عْلَخَاطَرْ إِلاَ كَانْ الَكْلاَمْ لِي تْكَلْمُو بِيهْ اَلْمَلاَيْكَا تْحَقَقْ، ڤَاعْ وَاحَدْ لِي تْعَدَى عْلَى الَكْلاَمْ وُعْصَاهْ نَالْ اَلْعِقَابْ لِي يَسْتَهْلَهْ. 3 مَلاَ، كِيفَاشْ رَاحْ نْسَلْكُوا حْنَا إِلاَ اَسْتَهْزِينَا وُمَقْبَلْنَاشْ هَادْ لَسْلاَكْ الَكْبِيرْلِي اَلرَّبْ تْكَلَمْ بِيهْ فَي اَللَوَلْ، وُمَنْبَعَدْ شَهْدُوا بِيهْ لِي سَمْعُوهْ، 4 وَالله شْهَدْ مْعَاهُمْ بَالْعَلاَمَاتْ وُأَيَاتْ وُمُعْجِزَاتْ كْثِيرَة وُبِمَوَاهِبْ نْتَاعْ اَلرُّوحْ اَلْقُدُسْ كِيمَا بْغَا. 5 وُالله مَامَدْشْ اَلْعَالَمْ لِي جَايْ لَلْمَلاَيْكَا بَاشْ يَتْحَكْمُو فِيهْ. 6 بَصَحْ وَاحَدْ شْهَدْ وُڤَالْ فَي كْتَابْ الله: «أَشْكُونْ هُوَ الَبْنَادَمْ حَتَى تَتْفَكْرَهْ؟ وَلاَ وَلْدْ اَلبْنَادَمْ بَاشْ تَتْهَلَى فِيهْ؟ 7 رَدِيتُو قَلْ مَنْ اَلْمَلاَيْكَا لِوَقْتْ قْصِيرْ. وُمَنْبَعَدْ عْطِيتْلُو اَلْعَزْ وُالْكَرَامَة، وُرَدِيتْ ڤَاعْ الَخْلِيقَة بِينْ يَدِيهْ. 8 وُخَلِيتْ كُلْ شِي يْوَلِي تَحْتْ رَجْلِيهْ». عْلَخَاطَرْ عْطَالَهْ كُلْشِي وُمَا خَلاَشْ أَيِ شِي غِيرْ خَاضَعْ لِيهْ، حَتَى وَإْلاَ رَانَا نْشُوفُو بَلِي مَزَالْ مَاشِي كُلْ شِي لِرَاهْ خَاضَعْ لَهْ. 9 بَصَحْ لِي تَنْدَارْ قَلْ عْلَى اَلْمَلاَيْكَة لْوَقْتْ قْصِيرْ، يَعْنِي يَسُوعْ، نْشُوفُوهْ مْكَلَلْ بْتَاجْ اَلْعَزْ وُالْكَرَامَة، عْلَجَالْ تْأَلَمْ وُمَاتْ بَاشْ كُلْ بْنَادَمْ يْذُوقْ نِعْمَة الله بِيهْ. 10 وُبْهَدَاكْ اَلشِي لِي خَدْمَهْ الله وُهُوَ بِيهْ وْلِيهْ كُلْ شِي، جَابْ بَزَافْ وْلاَدْ لَلْعَزْ، بَاشْ يَكَمَلْ رَئِيسْ اَلْخَلاَصْ سْلاَكْهُمْ مَتْعَذَبْ. 11 عْلَخَاطَرْ لِي يْقَدَسْ وَلِي تْقَدْسُو ڤَاعْ مَنْ وَاحَدْ، عْلَى هَدْ اَلشِي سْمَاهُمْ خُوتْ بْلاَمَا يَحْشَمْ، 12 وُڤَالْ: «نْخَبَرْ أَسْمَكْ لْخُوتِي، وُفْوَسْطْ الَجْمَاعَة نْسَبْحَكْ». 13 وُزَادْ ڤَالْ: «نَتْكَلْ بَرْكْ عْلِيهْ». وُتَانِي:«رَانِي مْعَ لَوْلاَدْ لِي عْطَاهُمْ لِي الله». 14 وُكِيمَا لَوْلاَدْ تْشَارْكُو بَلْحَمْ وُدَمْ، مَلاَ حَتَى هُوَ شَارَكْ مْعَهُمْ فِي كُلْشِي ، بَاشْ بَالْمُوتْ نْتَاعَهْ يَتْغَلَبْ عْلَى إِبْلِيسْ لِي عَنْدَهْ سُلْطَانْ اَلْمُوتْ، 15 وُيْحَرَرْ هَدُوكْ اَلنَّاسْ أَلِي بَسَبَة اَلْخُوفْ مَنْ اَلْمُوتْ عَاشُو ڤَاعْ حْيَاتْهُمْ عَبِيدْ لَلْخُوفْ. 16 عْلَخَاطَرْ فَي اَلصَحْ مَاجَاشْ يْعَاوَنْ اَلْمَلاَيْكَة، بَصَحْ جَا بَاشْ يْعَاوَنْ وْلاَدْ إِبْرَاهِيمْ. 17 عْلَى هَدِي، كَانْ لاَزَمْ يَشْبَهْ خَوْتَهْ فِي كُلْ شِي، بَاشْ يْكُونْ رَحِيمْ، وُرَايَسْ تَاعْ اَلْكَهَنَة أَمِينْ فَي صْوَالَحْ الله بَاشْ يَطَهَرْ اَلشَعْبْ مَنْ ذْنُوبْهُمْ، 18 عْلَخَاطَرْ فَي الشِي لِي هُوَ مْجَرَبْ وُتْأَلَمْ بِيهْ، يْطِيڤْ يْعَاوَنْ لِي تْجَرْبو.
1 مَلاَ يَاخُوتِي لَمْقَدْسِينْ، اَلْلِي دَعْوَة نْتَاعْكُمْ جَاتْ مَنْ اَلسْمَا، مَيْزُو لَلِي هُوَ اَلرَسُولْ نْتَاعْنَا لِي مُأْمِنِينْ بِيهْ وُرَايَسْ تَاعْ كَهَنَتِهِ لِي هُوَ اَلْمَسِيحْ يَسُوعْ. 2 وُكَانْ أَمِينْ فَي الله لِي خَيْرُو، كِيمَا كَانْ مُوسَى أَمِينْ فِي كُلْ بِيتْ الله، 3 بَصَحْ هُوَ اَسْتَاهَلْ اَلْعَزْ كْثَرْ مَنْ مُوسَى، قَدْ اَلْعَزْ لِي يَتْمَدْ لَلِي بْنَى اَلدَارْ كْثَرْ مَنْ دِيكْ اَلدَارْ. 4 عْلَخَاطَرْ كُلْ دَارْ عَنْدْهَا مُولاَهَا لِي بْنَاهَا، بَصَحْ لِي بْنَى كُلْ شِي هُوَ الله. 5 وُمُوسَى كَانْ أَمِينْ كِي اَلْخَادَمْ فْي بِيتْ الله، بَاشْ يْكُونْ شَهَادَة بَالْلِي رَاحْ يَجِي. 6 بَصَحْ اَلْمَسِيحْ، كِيمَا اَلْإِبْنْ عْلَى بِيتَهْ، وُهَدَاكْ اَلْبِيتْ هُوَ حْنَا إِلاَ شَدِينَا فْهَادْ اَلرَجَاءْ لِي وَاثْقِينْ فِيهْ وُنْزُوخُو بِيهْ حَتَى لْتَالِي. 7 كِيمَا يْڤُولْ اَلرُوحْ اَلْقُدُسْ: «مَلاَ اَلْيُومْ إِلاَ سْمَعْتُو صُوتَهْ، 8 مَا تْقَسِيوْشْ قْلُوبْكُمْ، كِيمَا اَلْلِي تْمَرْدُو عْلَيَا وُزَعْفُونِي، فْدَاكْ اَلنْهَارْ فَالصَحْرَا، 9 وِينْ جَرْبُونِي جْدُودْكُمْ، وُشَافُو فَي اَلشِي لِخْدَمْتَهْ مْعَاهُمْ رَبْعِينْ سْنَةْ. 10 بْسَبَةْ هَادْ اَلشِي زْعَفْتْ عْلَى هَدَاكْ اَلْجِيلْ، وُڤُولْتْ: «قْلُوبْهُمْ دِيمَا ضَايْعَة، وُمَايْعَرْفُوشْ طُرْڤَانِي. 11 حَتَى حْلَفْتْ فِي زْعَافِي، وُ ڤُولْتْ: «مَايْدَخْلُوشْ لَرَاحَة نْتَاعِي». 12 حَرْزُوا يَاخُوتِي بَاشْ مَا يْكُونْشْ فَلِي فِيكُمْ قَلْبْ مْعَمَرْ بَالشَرْ وُمَنْ غِيرْ إِيمَانْ لِي يْبَعْدَهْ عْلَى الله اَلْحَيْ. 13 بَصَحْ شَجْعُو بَعْضِيَاتْكُمْ كُلْ يُومْ، مَادَامْ اَلْيُومْ رَاهْ يَتْڤَالْ يُومْ، بَاشْ وَلاَ وَاحَدْ يَقْسِي قَلْبَهْ وُيْطِيحْ فَي الْخَطِيَة. 14 عْلَخَاطَرْ وَلِينَا شُرَكَا مْعَ الْمَسِيحْ، إِلاَ شَدِينَا بَالثِقَة لْلِي بْدِيْنَا بِهَا حْتَى لَتَالِيْ. 15 وْكَانْ تْڤَالْ: «ما تقسيوش قلوبكم، كيما اللي تمردو عليا وزعفوني» 16 مَلاَ شْكُونْ هَادُو أَلْلِي سَمْعُوا وُتْمَرْدُوا؟ مَاشِي ڤَاعْ هَدُوكْ لِي خَرْجُو مْعَ مُوسَى مَنْ مِصْرْ؟ 17 وُعْلَى شْكُونْ زْعَفْ رَبْعِينْ سْنَةْ؟ مَاشِي هَدُوكْ اَلْلِي عْصَاوَهْ، وُطَاحُو مَاتُوا فَي الصَّحْرَا؟ 18 وُلَشْكُونْ حْلَفْ وُڤَالْ: «مَايْدَخْلُوشْ لَرَاحَة نْتَاِعي». غِيرْ لَلِي مَاطَاعُوشْ؟ 19 وُنْشُوفُو أَنْهُمْ مَاقَدْرُوشْ يَدَخْلُوا بْسَبَة أَنُو مَكاَنْشْ عَنْدْهُمْ إِيمَانْ.
1 مَلاَ لاَزَمْ نْرَدُو بَالْنَا، مَادَامْ اَلدَخْلَة لْرَاحَة الله كَايْنَة، يَضَنْ كَاشْ وَاحَدْ بَلِي هُوَ تْحَرَمْ مَنْهَا! 2 عْلَى خَاطَرْ حْنَا ثَانِي سْمَعْنَا بْلَخْبَرْ لِي يْفَرَحْ كِيمَا جْدُودْنَا بَصَحْ مَانَفْعَتْهُمْشْ، عْلَخَاطَرْ كِي سَمْعُوهَا مَابْغَاوْشْ يْأَمْنُوا بِيهَا، 3 وُحْنَا لِي مْأَمْنِينْ بِيهْ رَاحْ نَدَخْلُو لَلْمَلَكُوتْ، كِيمَا ڤَالْ: «حْلَفْتْ فِي زْعَافِي، مَايْدَخْلُوشْ لَرَاحَة نْتَاعِي» وَحْنَا عَارْفِينْ اَلْخِدْمَة تْكَمْلَتْ مَلِي تْخَلْقَتْ اَلدَنْيَا، 4 وُ ڤَالْ فَي مَوْضِعْ وَاحَدْ اَخَرْ عْلَى اَلنْهَارْ اَلسَابَعْ هَكْدَا: « وُرَيَحْ الله فَي النْهَارْ اَلسَابَعْ مَنْ ڤَاعْ وَاشْ خْلَقْ» 5 وُتَانِي ڤَالْ: « مَايْدَخْلُوشْ لَرَاحَة نْتَاعِي» 6 6 وِإذَا كَايَنْ نَاسْ لِي رَايْحِينْ يَدَخْلُوهَا، وُاللَوْلِينْ لِي سَمْعُو خْبَرْ لِيْفَرَحْ مَا دَخْلُوهَاشْ بْسَبَة عَصْيَانْهُمْ لله، 7 مَلاَ الله وْجَدْ نْهَارْ وَاحَدْ آخَرْ وِينْ دَاوَدْ ڤَالْ: «اَلْيُومْ» وُبَعَدْ كِي فَاتْ وَقْتْ طْوِيلْ، كِيمَا تْڤَالْ: «مَلاَ اَلْيُومْ إِلاَ سْمَعْتُو صُوتَهْ مَا تَقْسِيوْشْ قْلُوبْكُمْ». 8 عْلَخَاطَرْ لُوكَانْ يَسُوعْ رَيَحْهُمْ كِي دَخْلُوا لَلاَّرْضْ، مَاكَانْشْ رَايَحْ يَهْدَرْ عْلَى نْهَارْ وَاحَدْ اَخَرْ. 9 مَلاَ هَكاَ يَبَيَنْ بَلِي كَايَنْ رَاحَة لَشَعْبْ الله! 10 عْلَخَاطَرْ لِيَدْخَلْ للَرَاحَة نْتَاعْ الله رَاهْ يْرَيَحْ مَنْ خَدْمَتَهْ، كِيمَا تَانِي الله رَيَحْ مَنْ اَلْخِدْمَة نَتَاعَهْ، 11 مَلاَ نَجْتَهْدُو بَاشْ نَدَخْلُو للَرَاحَة هَدِيكْ، بَاشْ مَايَفْشَلْشْ حَتَى وَاحَدْ كِيمَا لِي عْصَاوْ الله، 12 عْلَخَاطَرْ كَلِمَةْ الله حَيَة وُقْوِيَة وُقَاطْعَة مَنْ زُوجْ جْوَايَهْ كْثَرْ مَنْ اَلسِيفْ، تْوَصَلْ وُتَفْصَلْ بِينْ اَلنَفْسْ وَالرُّوحْ وُلَمْفَاصَلْ وُمُخْ الَعْظَمْ، وُيْمَيَزْ اَلنِيَة وُتَخْمَامْ اَلْقَلْبْ. 13 وُمَكَاشْ حَاجَة لِي تْخَلْقَتْ مْخَبْيَة ڤُدَامَهْ، بَصَحْ كُلْ شِي بَايَنْ وُمَكْشُوفْ ڤُدَامْ اَلْلِي غَادِي نَتْحَسْبُوا عَنْدَهْ. 14 وُحْنَا عَنْدْنَا رَايَسْ نْتَاعْ اَلْكَهَنَة وُهُوَ عَظِيمْ وُلِي عْڤَبْ مَنْ اَلسْمَا، يَسُوعْ إِبْنْ الله، لِي لاَزَمْ إِيمَانْنَا يْكُونْ فِيهْ ثَابَتْ. 15 عْلَخَاطَرْ مَاعَنْدْنَاشْ رَايَسْ كَهَنَة لِي مَايَقْدَرْشْ يَفْهَمْ اَلضُعُفَاتْ نْتَاعْنَا، وُهُوَ جَرَبْ فْي كُلْ شِي كِيمَا حْنَا، بَصَحْ بْلاَ مَايْطِيحْ فَالدُنُوبْ. 16 مَلاَ نَتْقَدْمُو مَتْيَقْنِينْ ڤُدَامْ عَرْشْ اَلْنِعْمَة بَاشْ يَرْحَمْنَا وُنَلْقَاوْ اَلنِعْمَة وُالْمَعُونَة مَنْ عَنْدَهْ.
1 عْلَخَاطَرْ أَيْ رَايَسْ لْكَهَنَة كَانُوا يْخَيْرُوهْ مَنْ وَسْطْ اَلشَعْبْ بَاشْ يْنُوبْ عْلِيهُمْ ڤُدَامْ الله، بَاشْ يَقَدَمْ اَلذَبِيحَة وُ اَلصَدَقَاتْ عْلَى اَلذُنُوبْ، 2 قَادَرْ يَفْهَمْ وُيَتْحَنَنْ عْلَى هَادُوكْ لِي يْغَلْطُوا وُ الضَّايْعِينْ، عْلَخَاطَرْ هُوَ تَانِي ضْعِيفْ كِيمَا هُمَا، 3 وُبْسَبَة هَدَاكْ اَلشِي كَانْ لاَزَمْلَهْ، كِيمَا يْقَدَمْ ذْبِيحَة عْلَجَالْ اَلشَعْبْ، كَانْ لاَزَمْ يْقَدَمْ تَانِي ذْبِيحَة عْلَجَالْ نَفْسَهْ. 4 وُمَا يَقْدَرْ حَتَّى وَاحَدْ يْجِي وَيْدِيرْ هَادْ اَلشِي مَنْ نَفْسَهْ، غِيرْ إِلاَ دْعَاهْ الله لِيهَا، كِيمَا دْعَا مَنْ قْبَلْ هَارُونْ. 5 وُالْمَسِيحْ تَانِي مَامَدَشْ اَلْمَجْدْ لِيهْ هُوَ بَاشْ يْكُونْ رَايَسْ كَهَنَة، بَصَحْ الله هُوَ ڤَالَهْ: «أَنْتَ اَبْنِي وَأنَا مَنْ اَلْيُومْ رَانِي وْلَدْتَكْ». 6 وُڤَالْ فْي مَوْضِعْ وَاحَدْ آخَرْ: «أَنْتَ تْكُونْ كَاهِنْ لِلَبْدَا كِيمَا كَانْ مَلْكِي صَادَقْ». 7 وُالْمَسِيحْ كِي كَانْ فَي الاَرْضْ، كَانْ يَصَلِي بْصُوتْ عَالِي وُبَالدْمُوعْ وُيَطْلَبْ الله أَلْلِي قَادَرْ إِسَلْكُو مَنْ اَلْمُوتْ، وَالأَبْ سْمَعْلَهْ بْسَبَة اَلتَقْوَى نْتَاعَهْ، 8 وُحَتَى أَنُو إِبْنْ بَصَحْ تْعَلَمْ اَلطَاعَة وُتْأَلَمْ عْلَجَالْهَا. 9 وُكِي كَمَّلْ اَلشِي لِي بْدَاهْ وَلِّى قَادَرْ يَعْطِي لَحْيَاةْ اَلدَايْمَة لَلنَاسْ لِي يْطِيعُوهْ، 10 وَالله دْعَاهْ بَاشْ يْكُونْ كَاهِنْ كِيمَا كَانْ اَلْكَاهِنْ مَلْكِي صَادَقْ. 11 وَعْلَى هَادْ اَلشِي عَنْدِي كْلاَمْ بَزَافْ نْقُولْهُلْكُمْ، وَصْعِيبْ بَاشْ نْفَسْرُوهُلْكُمْ،عْلَخَاطَرْ وَلِيتُو ثْقَالْ فْلَفْهَامَة. 12 عْلَخَاطَرْ كَانْ لاَزَمْ تْعَلْمُو لَخْرِينْ كْلاَمْ الله بْسَبَة إِيمَانْكُمْ مَنْ زْمَانْ بَصَحْ نْشُوفْ بَلِي نْتُمْ لِي لاَزَمْ تَتْعَلْمُو كْلاَمْ الله مَنْ اَللَوَلْ، وُرَاكُمْ مَحْتَاجِينْ حْلِيبْ وُمَاشِي لَلْمَكْلاَ اَلْقَاسِيَة، 13 عْلَخَاطَرْ لِي يَشْرَبْ لَحْلِيبْ مَازَالَهْ صْغِيرْ وُ مَايَفْهَمْشْ مْلِيحْ فَي كْلاَمْ الله، 14 وُالْمَاكْلاَ اَلْقَاسِيَة هِيَ تَاعْ لَكْبَارْ، وُيْكُونُو مْوَالْفِينْ وُدَرْبُو رْوَاحْتِيهُمْ بَاشْ يْمَيْزُو بِينْ اَلْخِيرْ وَالشَرْ.
1 وَعْلَى هَذِي نْخَلُو اَلْبِدَيَة تَاعْ كْلاَمْ اَلْمَسِيحْ، وُنْكَمْلُو لَلْقُدَامْ بَاشْ نْكُونُو كَامْلِينْ، وُمَانْحَطُوشْ سَاسْ تَوْبَتْنَا بْأَعْمَالْ مَيْتَة، وَالْإِيمَانْ بَالله، 2 وُتَعْلِيمْ تَاعْ اَلْمَعْمُودِيَة، اَلصْلاَةْ وُحَطْ اَلْيَدِينْ، قِيَامَةْ اَلْأَمْوَاتْ، وُيُومْ اَلْحِسَابْ، 3 وُهَادْ اَلشِي لِي غَادِي نْدِيرُوهْ، إِلاَ بْغَا الله. 4 6 عْلَخَاطَرْ لِي عَرْفُوا الله، وُنَالُوا هِبَةْ الله مَنْ اَلسْمَا، وُوَلاَوْ فِي شَرِكَة مْعَ اَلرُّوحْ اَلْقُدُسْ، وُذَاقُو كَلِمَة الله اَلصَالْحَة، وُعَرْفُوا قُوَة الله لِي مَاتَفْنَاشْ، 5 وُنَكْرُوا إِيمَانْهُمْ، مَاقَدْرُوشْ يْتُوبُوا مَنْ جْدِيدْ، عْلَخَاطَرْذَلُو نَفْسْهُمْ وُصَلْبُو يَسُوعْ اَلْمَسِيحْ مَنْ جْدِيدْ. 7 كِي التْرَابْ لِي بَزَافْ رْوَى لْمَّا نْتَاعْ اَلنُو، وُمَدْ حْشِيشْ صَالَحْ لَلنَاسْ لِي تْخَدْمْ عْلَجَالْهُمْ، هُوَ يْمَدْ بَرَكَة مَنْ عَنْدْ الله. 8 بَصَحْ إِلاَ مَدْ اَلسَدْرَا وَالشُوكْ، يْرَفْضُوه وُخَاصْ غِيرْ يَلَعْنُوه، وَلِي يَتْنَحَا مَنَهْ يْقِيسُوهْ فَي النَارْ. 9 وَحْنَا عَارْفِينْ مَنْ جِيهَتْكُمْ يَاحْبَابْنَا صْوَالَحْ مْلاَحْ، لِي تْخُصْ اَلسْلاَكْ وَالْإِيمَانْ، حَتَى وُإِلاَ قُولْنَا هَادْ اَلشِي. 10 وَالله مَايَظْلَمْشْ بَاشْ يَنْسَى خَدْمَتْكُمْ وُالتْعَبْ نْتَاعْ لَمْحَبَةْ لِي بَيَنْتُوهَا لله، كِي رَحَبْتُو وُإهْتَمِيتُو بَالْقِدِيسِينْ وُمَازَالْ تَهْتَمُو بِيهُمْ. 11 وُنَتْمَنَاوْ بَاشْ كُلْ وَاحَدْ فِيكُمْ يَبَيَنْ هَادْ اَلْإِجْتِهَادْ وُيْثَبْتُو فَي الرَّجَاءْ حَتَى لَلتَالِي، 12 بَاشْ مَاتْكُونُوشْ فَنْيَانِينْ بَصَحْ تَتْشَبْهُوا بْهَادُوكْ لِي يْوَرْثُو وَعْدْ الله بَالْإِيمَانْ. 13 وُالله مَلِي حْلَفْ لْإِبْرَاهِيمْ، حْلَفْ لَهْ بْأَسْمَهْ اَلْقُدُوسْ عْلَخَاطَرْ مَكَاشْ إِسْمْ وَاحَدْ اَخَرْ عَظِيمْ، 14 وُڤَالَهْ: «بَالْبَرَكَاتْ نْبَارْكَكْ، وُنْكَثَرْ ذُرِيْتَكْ». 15 وُهَكْذَا صْبَرْ، وُنَالْ لِي وَعْدَهْ لَهْ الله. 16 وُالنَاسْ تَحْلَفْ بَالْلِي كْبِيرْ، وُالْحَلْفْ هُوَ لِي يْخَلِي اَلْمُشْكَلْ يَخْلاَصْ. 17 وُهَكْذَا تَانِي كِي الله حَبْ يَثْبَتْ وَعْدَهْ لَلنَاسْ لْلِي يْوَرْثُوهْ، كَانْ يَحْلَفْلْهُمْ. 18 وُكِي الله يَوْعَدْ وُيَحْلَفْ، هَادُو اَلزُوجْ كِي الله يْڤُولْهُمْ مَايَتْبَدْلُوشْ وُمَايْكَذْبْشْ فِيهُمْ، وُهَادْ اَلشِي يْعَزِينَا وُيْخَلِي اَلرَّجَاءْ نْتَاعْنَا ثَابَتْ فِيهْ كِي نْجِيوْ عَنْدَهْ، 19 وُهَادْ اَلرَجَاءْ كِيمَا اَلْمَرْسَاةْ نْنَاعْ اَلسَفِينَة لِي يْخَلِيهَا ثَابْتَة وُمَاتَتْحَرَكْشْ، وُلِي يْرُوحْ مُورْ الَحْجَابْ تَاعْ اَلْمَوْضِعْ لْمُقَدَسْ، 20 وِينْ دْخَلْ يَسُوعْ عْلَجَلْنَا حْنَا بَاشْ يَسَلَكْنَا، وَلَي كَاهَنْ كِيمَا مَلْكِي صَاَدْق، رَايَسْ كَهَنَة لِلَبْدَا.
1 عْلَى خَاطَرْشْ مَلْكِي صَادَقْ هَذَا، مَلِكْ سَالِيمَ، كَاهِنْ الله اَلْعَالِي، أَلْلِّي أَسْتَقْبَلْ إِبْرَاهِيمْ وُبَرَكَه كِي رْجَعْ مَنْ اَلْحَرْبْ أَلْلِّي غْلَبْ فِيهْ اَلْمُلُوكْ، 2 وُإِبْرَاهِيمْ مَدَلَهْ اَلْعُشُورْ مَنْ كُلْ الْشِي، لْمَعْنَى نْتَاعْ أَسْمَهْ فَي اللَوَلْ هُوَ «مَلِكَ اَلْحَقْ»، وُالزَاوَجْ لِي هُوَ «مَلِكَ سَالِيمَ» مَعْنَاتَهْ «مَلِكَ السَّلاَمِ» 3 مَنْ غِيرْ بُو وُمَنْ غِيرْ أَمُو، وُمَنْ غِيرْ نَسَبْ. مَانْعَرْفُوشْ اَلْبِدَايَة نْتَاعْ حْيَاتَهْ وُلاَ وَقْتَاشْ كَمْلَتْ، وُهُوَ يَتْشَبَهْ لْإِبْنْ الله، هَذَا يَبْقَى كَاهَنْ لِلَبْدَا. 4 مَلاَ شُوفُو هَذَا لِي بُونَا إِبْرَاهِيمْ عَشَرْلَهْ ثَانِي مَنْ ڤَاعْ لَغْنَمْ لِي كَانْ عَنْدَهْ أَشْحَالْ هُوَ عَظِيمْ! 5 وُأَلْلِي هُمْ مَنْ بَنِي لاَوِي وَدَاوْ بَاشْ يْكُونُو كَهَنَة، الله وَصَاهُمْ بَاشْ يَعَلْمُو اَلشَعْبْ يْعَشْرُو عْلَى حْسَابْ اَلشَرِيعَة، يَعْنِي خَاوَتْهُمْ، لِي هُمْ تَانِي وْلاَدْ إِبْرَاهِيمْ. 6 بَصَحْ مَلْكِي صَادَقْ لِي مَانْعَرْفُوشْ اَلنَسَبْ نْتَاعَهْ عَشَرْلَهْ إِبْرَاهِيمْ، وُبَارَكْ لِي وَعْدَهْ الله. 7 مَلاَ بَايَنْ بَلِي مَلْكِي صَادَقْ هُوَ أَعْظَمْ مَنْ إِبْرَاهِيمْ، وُلَكْبِيرْ هُوَ لِيْبَارَكْ اَلصْغِيرْ، 8 وُهْنَا نْشُوفُو كِيفَاشْ اَلنَاسْ لِي تْمُوتْ تَدِي لَعْشُورْ، بَصَحْ هْنَا كِتَابْ الله يَشْهَدْ أَنُو اَلْحَيْ دَا اَلْعُشُورْ. 9 وُنْزِيدْ نْڤُولْ: حَتَى لاَوِي لِي يَدِي لَعْشُورْ، دَاهَا عْلَى حْسَابْ إِبْرَاهِيمْ، 10 عْلَخَاطَرْ كَانْ مَازَالْ مَاتَوْلَدْشْ مَنْ بُوهْ إِبْرَاهِيمْ كِي رَحَبْ بِيهْ مَلْكِي صَادَقْ. 11 ولُوكَانْ اَلْكَهَنُوتْ اَللاَوِي خَلَى اَلشَعْبْ يْكُونْ كَامَلْ، مَلاَ مَاكُونَاشْ نَسْحَقُو يْجِينَا كَاهِنْ كْبِيرْ وُعَظِيمْ وَاحَدْ آخَرْ عْلَى قَدْ مَلْكِي صَادَقْ؟ وَلاَ نْقُولُوا عْلَى قَدْ هَارُونْ. 12 عْلَخَاطَرْ لُوكَانْ يَبَدْلُو كِيفَاشْ يَكَهْنُو، مَلاَ لاَزَمْ ثَانِي تَتْغَيَرْ اَلشَرِيعَة. 13 عْلَخَاطَرْ لِي رَانَا نْهَدْرُو عْلِيهْ ذُرْوَكْ، هُوَ مَنْ عَرْشْ وَاحَدْ اَخَرْ وِينْ نَاسَهْ عَمَرْهُمْ مَاخَدْمُو فَي الْمَذْبَحْ. 14 ومَعْلُومْ بَلِي رَّبْنَا هُوَ مَنْ عَرْشْ يَهُوذَا، وُمُوسَى مَاهْدَرْشْ عْلِيهْ بَلِي يْدِيرْ اَلْكَهَنُوتْ. 15 وُأَلْلِّي يْزِيدْ يَبَيَّنْ هَادْ اَلْأُمُورْ هُوَ كِي يْجِي كَاهِنْ وَاحَدْ آخَرْ عْلَى قَدْ مَلْكِي صَادَقْ، 16 وُمَاتْعَيَنْشْ عْلَى حْسَابْ شَرِيعَةْ اَلنَاسْ، بَصَحْ بْقُوَةْ لَحْيَاةْ لِي مَاتَفْنَاشْ، 17 وكْتَاب الله يْشهَد وْيقُولْ: «كَاهِن لَلَّبْدَا كِيْمَا كَان مَلْكِي صَادَق». 18 وُهَكَا تَلْغَاتْ لَوْصِيَة لَقْدِيمَة بْسَبَة أَنَهَا وَلاَتْ مَاتَنْفَعْشْ دُرْوَكْ، 19 عْلَخَاطَرْ اَلشَرِيعَة عْمُرْهَا مَخَلاَتْ اَلبْنَادَمْ كَامَلْ، بَصَحْ هِيَ بَيْنَتْ لِنَا بَلِي كَايَنْ رَجَاءْ خِيرْ لَلِي بِيهْ نَقْتَرْبُو لله. 20 وُهَادْ اَلشِي مَاصْرَاشْ مَنْ غِيرْ مَايَحْلَفْ الله، 21 وُهَدُوكْ مَنْ غِيرْ اَلْحَلْفْ وَلاَوْ كَهَنَة، بَصَحْ يَسُوعْ تَنْدَارْ كَاهَنْ بَالْحَلْفْ بَالْلِي قَالْ: «حْلَفْ الله وُمَايَنْدَمْشْ، أَنْتَ تْكُونْ كَاهَنْ لِلَبْدَا كِيمَا كَانْ مَلْكِي صَادِقْ» 22 وَعْلَى هَادْ اَلْسَاسْ، يَسُوعْ ضْمَنْ لِينَا عَهْدْ خِيرْ مْعَ الله. 23 وبَزَافْ لِي وَلاَوْ يَكَهْنُو بْسَبَة اَلْخُوفْ مَنْ اَلْمُوتْ لِي مَاخَلاَتْ حَتَى وَاحَدْ يْدُومْ، 24 وبَصَحْ يَسُوعْ لِي هُوَ حَيْ لِلَبْدَا، مَلاَ اَلْكَهَنُوتْ نْتَاعَهْ مَرَاحْشْ يَفْنَى. 25 وُمَنْبَعَدْ هُوَ يَقْدَرْ يَسْلَكْ لْلِي يَتْقَرْبُو لِيهْ - يَعْنِي بَالْمَسِيحْ- عَنْدْ اللهْ، عْلَخَاطَرْ هُوَ حَيْ دِيمَا بَاشْ يَشْفَعْ فِيهُمْ. 26 عْلَخَاطَرْ كَانْ لاَزَمَلْنَا رَايَسْ كَهَنَةْ كِيمَا هَدَا، قُدُوسْ وُمَنْ غِيرْ عِيبْ وَلاَ دَنْبْ، وُخَلاَ حْيَاتَهْ بْعِيدَةْ عْلَى اَلْمُذْنِبِينْ، وُتَرْفَعْ كْثَرْ مَنْ اَلسَمَوَاتْ. 27 وُهُوَ مَاشِي لاَزَمْ بَاشْ يَمَدْ ذْبِيحَةْ كِيمَا يْدِيرُو رَيَاسْ اَلْكَهَنَةْ عْلَجَالْهُمْ وَعْلَجَالْ اَلشَعْبْ، عْلَخَاطَرْ دَارْ هَدْ اَلشِي خَطْرَةْ وَحْدَةْ لَلْكُلْ، وِينْ قَدَمْ نَفْسَهْ. 28 وُاَلشَرِيعَة كَانَتْ تْخَيَرْ فَنَاسْ لِي مَاكَانُوشْ كَامْلِينْ بَاشْ يْكُونُو رَيَاسْ كَهَنَة، بَصَحْ وَعْدْ اللهْ لِي حْلَفْ بِيهْ مَنْبَعَدْ اَلشَرِيعَةْ بَاشْ يَحَطْ إِبْنْ اللهْ لِي هُوَ كَامَلْ لِلَبْدَا.
1 وُالشِي أَلِي يْهَمْ فِي هَدْ اَلشِي ڤَاعْ، هُوَ أَنُو عَنْدْنَا رَايَسْ كَهَنَة قَدْ هَذَايَا، وُرَاهْ مْجَمَعْ عْلَى يَمِينْ عَرْشْ الله اَلْعَظِيمْ فَى السْمَا. 2 وُيَخْدَمْ فَي اَلْمَوْضِعْ لَمْقَدَسْ وُالْهَيْكَلْ لِي بْنَاهْ اللهْ وُمَاشِي بْنَادَمْ. 3 عْلَخَاطَرْ كُلْ رَايَسْ كَهَنَةْ تَنْدَارْ بَاشْ يَمَدْ اَلذَبِيحَةْ وَالْقَرَابِينْ، وُمَنْبَعَدْ كَانْ لاَزَمْ عْلِيهْ يْمَدْ تَقْدِيمَة عْلَجَالَهْ. 4 وُلُوكَانْ اَلْمَسِيحْ جَا مَنْ اَللَرْضْ وُمَكَانَشْ رَاحْ يْكُونْ كَاهِنْ، عْلَخَاطَرْ فِيهْ كَهَنَةْ لِي يْمَدُو اَلذَبِيحَة عْلَى حِسَابْ اَلشَرِيعَة، 5 وُالْكَهَنَة يْخَدْمُو فْي بِيتْ اللهْ اَلْلِي يَشْبَهْ اَلسْمَا، لِي بْنَاهْ مُوسَى كِيمَا وَحَى لِهْ اللهْ فِي الَجْبَلْ. عْلَخَاطَرْ ڤَالَهْ: «دِيرْ كُلْشِي عْلَى حْسَابْ وَاشْ نْوَرِيهُلَكْ فِي الَجْبَلْ». 6 وُدُرْوَكْ رَاهْ عَنْدَهْ خَدْمَةْ خِيرْ مَنْ تَاعْ اَلْكَهَنَة عْلَخَاطَرْ هُوَ لِي يَتْوَسَطْ لْعَهْدْ خِيرْ وُعَظِيمْ لِي قَايَمْ عْلَى وُعُودْ مْخَيْرَةْ. 7 لُوكَانْ اَللَوَلْ كَانْ مَنْ غِيرْ عِيبْ، مَايْكُونْشْ عَهْدْ وَاحَدْ آخَرْ. 8 وُكَانْ اللهْ يْلُومْ فَى اَلشَعْبْ وَيْقُولْهُمْ: «رَاهِي جَايَةْ يَامَاتْ يْقُولْ اَلرَّبْ، وِينْ نَبْدَا عَهْدْ جْدِيدْ مْعَ بَنِي إِسْرَائِيلْ وبَنِي هَارُونْ، 9 مَاشِي كِيمَا اَلْعَهْدْ اَلْلِي دَرْتَهْ مْعَ جْدُودْهُمْ نْهَارْ لِي خْرَجْتْهُمْ مَنْ مَصْرْ، عْلَخَاطَرْ مَاثَبْتُوشْ فَي الْعَهْدْ نْتَاعِي، وَأنَا تْخَلِيتْ عْلِيهُمْ يْقُولْ اَلرَّبْ. 10 عْلَخَاطَرْ هَدَا هُوَ اَلْعَهْدْ نْتَاعِي لِي نَعْهَدْ بِيهْ بَنِي إِسْرَائِيلْ مَنْبَعَدْ هَدِيكْ اَلْيَامَاتْ، يْقُولْ اللهْ: رَاحْ نْدِيرْ اَلشَرِيعَةْ نْتَاعِي فَي الْفِكْرْ نْتَاعْهُمْ، وُنَكْتَبْهَا فَي قْلُوبْهُمْ، وَأنَا نْكُونْ لْهُمْ رَّبْ وُهُمْ يْوَلُو اَلشَعْبْ نْتَاعِي. 11 وُحَتَى وَاحَدْ مَايَعْلَمْ لاَ جَارَهْ لاَ خُوهْ يْقُولُوا: اَعْرَفْ اللهْ، عْلَخَاطَرْ ڤَاعْ رَاحْ يْعَرْفُوا اللهْ مَنْ صْغِيرْهُمْ لَكْبِيرْهُمْ. 12 وُرَاحْ نَغْفَرْ ذْنُوبْهُمْ، وُمَانَتْفَكَرْشْ اَلْخَطَايَا نَتَعْهُمْ لِي دَارُوهَا». 13 وُإِلاَ ڤَالْ «عَهْدْ جْدِيدْ» مَعْنَتْهَا اَللَوَلْ قْدِيمْ، وُاَلْلِي قْدِيمْ وشَاخْ رَاحْ يَفْنَى.
1 اَلْعَهْدْ اَللَوَلْ كَانْ عَنْدَهْ فَرَائِضْ نْتَاعْ اَلْعِبَادَةْ، وُمَوْضِعْ مُقَدَسْ فَي الدُنْيَا، 2 عْلَخَاطَرْ اَلْخَيْمَةْ اَللَوْلَى تَبْنَاتْ وُتْسَمَاتْ اَلْمَوْضَعْ «الْقُدْسُ» ، وُلِي فِيهْ اَلْمَنَارَةْ وُالْمَايْدَةْ وُلْخُبْزْ لِي يْقَدْمُوهْ. 3 وُمُورْ اَلْحِجَابْ اَلثَانِي نَلْقَاوْ مَوْضِعْ لِيَتْسَمَى «قُدْس الأَقْدَاس»،يْعْنِي لْمُقَدَسْ بَزَافْ. 4 لِي فِيهْ اَلْحِيلَةْ لِي تَبْخَارْ نْتَاْع اَلذْهَبْ، وُصَنْدُوقْ اَلْعَهْدْ مْغَطِي بَالذْهَبْ مَنْ كُلْ جِهَةْ، وُلِي فِيهْ مَاعُونْ نْتَاعْ اَلذْهَبْ فْي دَاخْلَهْ شْوِيَةْ مَنْ خُبْزْ اَلْمَنّْ، 5 وُفُوڤْ صَنْدُوقْ اَلْعَهْدْ كَايْنِينْ زُوجْ ثْمَاثَلْ لَلْمَلاَيْكَةْ نْتَاعْ اَلْكَرُوبِيمْ يَغَطُو بَجْنَاحْهُمْ لَغْطَا نْتَاعْ اَلصُنْدُوقْ. وُمَاهُوشْ اَلْوَقْتْ بَاشْ نَحْكِيوْ عْلَى اَلتَفَاصِلْ هَادُو دُرْوَكْ. 6 وُكِي هَدْ اَلصْوَالَحْ كَانَتْ مْرَتْبَةْ كِيمَا هَكَا، يَدَخْلُو اَلْكَهَنَةْ بَاشْ يَكَهْنُو دَاخَلْ اَلْمَوْضَعْ اَللَوَّلْ. 7 بَصَحْ اَلْمَوْضِعْ اَلثَانِي، يَعْنِي قُدْسْ اَلْأَقْدَاسْ، يَدْخُلْ لِهْ رَايَسْ اَلْكَهَنَةْ خَطْرَةْ بَرْكْ فَي الْعَامْ، ويَدِي مْعَاهْ دَمْ اَلذَبِيحَةْ بَاشْ يَقَدْمَهْ للهْ عْلَجَالْ ذْنُوبَهْ وُدْنُوبْ اَلشَعْبْ، 8 وِينْ اَلرُّوحْ اَلْقُدُسْ يَوَرِي بَلِي اَلطْرِيڤْ لِي يْقُودْ لَلْمَوْضِعْ لْمُقَدَسْ بَزَافْ مَزَالْ مَابَانْشْ، مَادَامْ اَلْمَوْضِعْ اَللَوَلْ عَنْدَهْ مَكَانْ، 9 اَلْلِي هُوَ رَمْزْ لْهَادْ اَلْوَقْتْ، لِي فِيهْ يْمَدُو اَلذَبِيحَةْ وُالْعَطَايَا، وُلِي هِيَ فَي الْأَصْلْ مَاتْنَقِيشْ اَلضَمِيرْ نْتَاعْ لِي قَدَمْهَا، 10 وُلِي هِيَ كَايْنَةْ بَالطْعَامْ وُالشْرَابْ وُلَغْسِيلْ لَكْثِيرْ وُالْفَرَائِضْ لَكْثِيرَةْ، لِي تَنْدَارَتْ حَتَى يْجِي وَقْتْ اللهْ لِي يْصَڤَدْ كُلْشِي. 11 بَصَحْ اَلْمَسِيحْ، جَا َباشْ يْكُونْ رَايْسْ لَلْكَهَنَةْ بَاشْ يَمَدَلْنَا اَلْخِيرْ لِي مَايَفْنَاشْ، وُهُوَ دْخَلْ لَلْمَوْضِعْ لْمُقَدَسْ وُلْمُقَدَسْ بَزَافْ لِي مَتْصَنْعُوشْ بْيَدْ، يَعْنِي لِي مَنْ هَدْ لَخْلِيقَةْ. 12 وُمَاشِي بَدَّمْ الْعَتْرُوسْ وَلاَ الْوَكْرِيفْ، بَصَحْ بْدَمَهْ هُوَ، دْخَلْ غِيرْ خَطْرَةْ وَحْدَةْ لَلْأَقْدَاسْ، وُبَيَنْهُمْ دَارْ اَلسْلاَكْ لِي يْدُومْ لِلَبْدَا. 13 عْلَخَاطَرْ إِلاَ كَانْ دَمْ اَلْوَكْرِيفْ وُلَعْتَارِيسْ وُرَمَادْ الْبَقْرَةْ اَلْمَرْشُوشَةْ عْلَى اَلنَاسْ اَلْخَاطْيِينْ يْنَقِيهُمْ وُيْخَلِيهُمْ يَتْطَهْرُو، 14 مَلاَ دَمْ اَلْمَسِيحْ يْكُونْ كْثَرْ، لِي بَرُّوحْ لَبْدَا قَدَمْ نَفْسَهْ للهْ مَنْ غِيرْ عِيبْ، بَاشْ يْطَهَرْ ضَمِيرْنَا مَنْ اَلْأَعْمَالْ اَلْفَاسْدَةْ بَاشْ تْقَدْرُوا تْخَدْمُو اللهْ اَلْحَيْ! 15 وُعْلَى هَدْ اَلشِي هُوَ لَوْسِيطْ نْتَاعْ اَلْعَهْدْ لَجْدِيدْ، بَاشْ يَفْدِي اَلنَاسْ اَلْمُذْنِبِينْ فَي الْعَهْدْ اَللَوَلْ، وُيْكُونْ لِيهُمْ اَلْوَعْدْ بَالْوَرْثْ اَلدَايَمْ. 16 عْلَخَاطَرْ وِينْ تْكُونْ كَايْنَةْ وْصِيَةْ، لاَزَمْ تَبْيَانْ لِيْبَيَنْ بَلِي لِي خَلَى لَوْصِيَةْ مَاتْ. 17 عْلَخَاطَرْ لَوْصِيَةْ تْكُونْ صَالْحَةْ بَرْكْ كِي يْمُوتْ مُولاَهَا، وُمَاتَنْفَاعْشْ إِلاَ كَانْ مَازَالَهْ حَيْ. 18 مَلاَ اَلْعَهْدْ اَللَوَلْ صَارْ دُرْوَكْ صَالَحْ بَالدَمْ، 19 وُمٌوسَى بَعْدْمَا ڤَالْ لَلشَعْبْ ڤَاعْ وْصَايَا نْتَاعْ اَلشَرِيعَةْ، هَزْ دَمْ اَلْوَكْرِيفْ وَالْعَتْرُوسْ، وَلْمَاء، وَصُوفْ حْمَرْ وُالزُوفَا، وُرَشْ لَكْتَابْ وُ ڤَاعْ اَلشَعْبْ، 20 وُڤَالَهُمْ: هَذَا هُوَ دَمْ اَلْعَهْدْ لِي اللهْ وَصَاكُمْ بِيهْ. 21 وُتَانِي رَشْ بَالدَمْ ڤَاعْ اَلْمَوْضِعْ هَدَاكْ وُ ڤَاعْ الَحْوَايَجْ لِي يَسْتَعْمْلُوهَا فَي الْعِبَادَةْ. 22 وُكُلْ شِي كَانْ لاَزَمْ يَتْنَقَى بَالدَمْ عْلَى حْسَابْ وَاشْ تْڤُولْ اَلشَرِيعَةْ، وُمَنْ غِيرْ اَلدَمْ مَكَانْشْ اَلْغُفْرَانْ لَلذْنُوبْ. 23 وُكَانْ لاَزَمْ اَلصْوَالَحْ اَلْلِي تْمَثَلْ اَلشِي لِي كَايَنْ فَي السَمَاوَاتْ تْنَقَى بْهَادْ اَلطَرِيقَةْ، وُالصْوَالَحْ لِي فَسْمَا مَحْتَاجَةْ تَتْنَقَا بَالذَبِيحَةْ. 24 عْلَخَاطَرْ اَلْمَسِيحْ مَادْخَلْشْ لَلْمَوْضِعْ لْمُقَدَسْ بَزَافْ لِي بْنَاوَهْ يَدِينْ لَبْنَادَمْ وُلِيَشْبَهْ نْتَاعْ اَلصَحْ، بَصَحْ دْخَلْ لَسْمَا، بَاشْ يَوَڤَفْ ڤُدَامْ اَللهْ عْلَجَلْنَا. 25 وُمَاشِي بَاشْ يْمَدْ نَفْسَهْ بَزَافْ اَلْمَرَاتْ، كِيمَا يْدِيرْ رَايَسْ اَلْكَهَنَةْ لِي يَدْخُلْ كُلْ عَامْ بَدَمْ لَلْمَوْضِعْ لْمُقَدَسْ بَزَافْ. 26 وُإِلاَ كَانْ لاَزَمْ يَتْأَلَمْ بَزَافْ اَلْمَرَاتْ مَنْ نْهَارْ لِي تْخَلْقَتْ فِيهْ اَلدَنْيَا، بَصَحْ دُرْوَكْ رَاهْ بَانْ بَاشْ يَتْخَلَصْ مَنْ اَلدُنُوبْ وَالْخَطِيَةْ كِي قَدَمْ نَفْسَهْ ذَبِيحَةْ. 27 كِيمَا تَنْدَارْ لَلَبْنَادَمْ أَنُو يْمُوتْ خَطْرَةْ وُمَنْ مُورْهَا يْجِي نْهَارْ الَحْسَابْ، 28 هَكْدَ تَانِي اَلْمَسِيحْ، عْلَخَاطَرْ تْمَدْ خَطْرَةْ وَاحْدَةْ بَاشْ يْهَزْ دْنُوبْ تَاعْ بَزَافْ اَلنَاسْ، وُرَاحْ يْبَانْ خَطْرَةْ زَاوْجَةْ بْلاَ دْنُوبْ بَاشْ يَسْلَكْ اَلنَاسْ لِي تْقَارَعْلَهْ.
1 عْلَخَاطَرْ اَلشَرِيعَة، كَانَتْ بَرْكْ تَرْمَزْ لَلصْوَالَحْ لَمْلاَحْ لِي رَاحْ يْجِيوْ، عْلَى هَدِي مَايْقَدْرُوشْ بَالذَبِيحَةْ لِي يْقَدْمُوهَا دِيمَا دُورْ اَلْعَامْ، تْخَلِي الَبْنَادَمْ لِيْقَدَمْهَا كَامَلْ. 2 مَلاَ لُوكَانْ مَزَالَتْ اَلدْنُوبْ تَتْنَقَى بَالذْنُوبْ، مَاشِي كُنَا مَازَلْنَا نْمَدُو اَلذَبِيحَة؟، وَعْلَخَاطَرْ لِي مَدُوهَا دُرْوَكْ تْنَقَاوْ بَالذَبِيحَةْ خَطْرَةْ وَحْدَةْ، يَعْنِي ضَمِيرْهُمْ تْنَقَا. 3 بَصَحْ يَتْفَكْرُو دْنُوبْهُمْ كُلْ عَامْ. 4 عْلَخَاطَرْ مُحَالْ دَمْ اَلْحَوْلِي وَالْعَتْرُوسْ يَنَقِيوْ اَلْخَطَايَا. 5 عْلَى هَدْ اَلشِي كِي جَا الْمَسِيحْ لَدَنْيَا ڤَالْ: «مَابْغِيتْشْ يَارَبِي ذَبِيحَةْ وَلاَ عَطِيَةْ، بَصَحْ رَاكْ دَرْتْلِي جَسَدْ، 6 أَنْتَ يَارَبِي مَاتَفْرَحْشْ بَذَبِيحَةْ وُالَقْرَابِينْ. 7 وُمَنْبَعَدْ ڤُولْتْ: رَاحْ نْجِي. عْلَخَاطَرْ مَكْتُوبْ عْلَيَا فْى لَكْتَابْ، بَاشْ نْدِيرْ مَشِيئْتَكْ يَاللهْ». 8 عْلَخَاطَرْ كَانْ ڤَالْ: «أَنْتَ يَارَبِي مَاتَبْغِيشْ وُمَاتَفْرَحْشْ بَذَبِيحَةْ وَلاَ عَطِيَةْ تَاعْ اَلْخَطِيَةْ». اَلْلِي تَتْمَدْ عْلَى حْسَابْ وَاشْ تْڤُولْ اَلشَرِيعَةْ. 9 وُزَادْ ڤَالْ: «رَاحْ نْجِي بَاشْ نْدِيرْ مَشِيئْتَكْ يَاللهْ». يَتْنَحَى اَللَوَل ْوُيَثْبَتْ اَلزَاوَجْ. 10 وُبْهَادْ اَلْمَشِيئَةْ نْتَاعْ اللهْ وَلِينَا مْقَدْسِينْ بِيَسُوعْ اَلْمَسِيحْ لِي قَدَمْ نَفْسَهْ ذَبِيحَةْ خَطْرَةْ وَاحْدَةْ. 11 وُكَانْ كُلْ كَاهَنْ زْمَانْ يْقَدَمْ بَزَافْ اَلْخْطْرَاتْ اَلذَبَايَحْ اَلْلِي كَانَتْ مُحَالْ تْنَقِي الَبْنَادَمْ وُتْنَحِي اَلْخَطِيَة. 12 وُبَصَحْ يَسُوعْ كِي قَدَمْ نَفْسَهْ ذَبِيحَةْ عْلَى اَلدُنُوبْ خَطْرَةْ وَاحْدَةْ، جْمَعْ عْلَى يَمِينْ اللهْ لِلَبْدَا، 13 وَيْجِي وَقْتْ وِينْ عَدْيَانَهْ يْوَلِيوْ تَحْتْ رَجْلِيهْ. 14 عْلَخَاطَرْ بَذَبِيحَةْ وَاحَدْ جَابْ لِلَكْمَالْ هَدُوكْ لِي قَدَسْهُمْ. 15 وَالرُّوحْ اَلْقُدُسْ يَشْهَدْ تَانِي لِينَا، مَنْبَعَدْ كِي ڤَالْ: 16 «هَدَا هُوَ اَلْعَهْدْ لِي نْدِيرَهْ مْعَاهُمْ مَنْ هَدَاكْ اَلزْمَانْ، يْڤُولْ اَلرَّبْ، نْدِيرْ اَلشَرِيعَةْ تَاعِي فَي قْلُوبْهُمْ وُنَكْتَبْهَا فَي عْقُولْهُمْ. 17 وُمَانْتْفَكَرْشْ ذْنُوبْهُمْ وُلْخَطَايَا تَاعْهُمْ بَعْدْ هَدْ اَلشِي». 18 عْلَخَاطَرْ وِينْ يْكُونْ اَلْغُفْرَانْ لَلدُنُوبْ، مَاتْكُونْشْ ذَبِيحَةْ عْلَجَالْ هَدُوكْ اَلدُنُوبْ. 19 مَلاَ يَاخُوتِي، دُرْوَكْ عَنْدْنَا اَلثِقَةْ بَاشْ نَدَخْلُو لَلْمَوْضِعْ « لْمُقَدَسْ» بَدَمْ يَسُوعْ، 20 بَالطْرِيڤْ لَجْدِيدْ لِي فِيهْ لَحْيَاةْ لِي وَجْدَهْ لِنَا، بَلْحِجَابْ، يَعْنِي اَلْجَسَدْ نْتَاعَهْ، 21 وُكَاهَنْ كْبِيرْ وُعَظِيمْ عْلَى بِيتْ اللهْ، 22 مَلاَ نَتْقَدْمُو لْعَنْدَهْ بْقَلْبْ صَافِي مْعَمَرْ بَالْإِيمَانْ، وَقْلُوبْ نْقِيَةْ مَنْ اَلشَرْ، وُأَجْسَادْنَا مَغْسُولَةْ بِمَا نْقِي. 23 وُيْخَصْنَا نْكُونُو ثَابْتِينْ فَي الرَّجَاءْ نْتَاعْنَا، عْلَخَاطَرْ اللهْ لِي وْعَدْنَا أَمِينْ فِي اَلْوَعْدْ نْتَاعَهْ. 24 مَلاَ يْخَصْنَا نَهْتَمُو بِبَعْضْيَاتْنَا وُنَتْشَجْعُو بَاشْ نَتْحَابُو وُنْدِيرُو اَلْخِيرْ، 25 وُماَنْخَلِيوْشْ اَلْإِجْتِمَاعَاتْ نْتَاعْنَا كِيمَا يْدِيرُو شِي نَاسْ، بَصَحْ كُلْ وَاحَدْ يَشَجَعْ خُوهْ، وُخَاصَةْ أَنُو يُومْ اَلرَّبْ رَاهْ قْرِيبْ. 26 عْلَخَاطَرْ إِلاَ عْرَفْنَا اَلْحَقْ وُزَدْنَا دْنَبْنَا بَالْعَانِي، مَابْقَاتْشْ ذَبِيحَةْ لِي تَغْفَرْ اَلدْنُوبْ، 27 بَصَحْ اَلْوَاحَدْ يْقَارَعْ بَالْخُوفْ نْهَارْ اَلْحِسَابْ وُالنَارْ اَلْقَاسِيَةْ لِي تَحْرَقْ اَلنَاسْ لِي تْمَرْدُو عْلَى اللهْ. 28 وُكَانْ لِي خَالَفْ شَرِيعَةْ مُوسَى، كَانُو يْقَتْلُوهْ مَنْ غِيرْ رَحْمَةْ إِلاَ شَهْدُو زُوجْ وَلاَ ثْلاَثَةْ مَنْ اَلنَاسْ عْلِيهْ. 29 مَلاَ أَشْحَالْ تْخَمُوا بَلِي لاَزَمْ يَتْعَاقَبْ لِي يَعْفَسْ عْلَى إِبْنْ اللهْ، وُحَسْبْ دَمْ اَلْعَهْدْ لِي تْقَدَسْ بِيهْ نَجَاسَةْ، وُزَادْ يَشْتَمْ فَي رُّوحْ اَلنِعْمَةْ؟ 30 وَحْنَا نْعَرْفُو لِي ڤَاْل: «أَنَا لِي نَدِي اَلتَارْ، أَنَا لِي نْجَازِي، يْڤُولْ اَلرَّبْ». وُتَانِي: «اَلرَّبْ يْحَاسَبْ شَعْبَهْ». 31 وُأشْحَالْ يْخَوَفْ كِي اَلْوَاحَدْ يْطِيحْ فِي يَدِينْ اللهْ اَلْحَيْ! 32 بَصَحْ أَتْفَكْرُوا يَامَاتْ اَللَوْلِينْ وِينْ عْرَفْتُو اَلنُورْ، جَاهَدْتُو وُصْبَرْتُو بَزَافْ عْلَى عْذَابْكُمْ. 33 وُرَاكُمْ مَنْ جِهَةْ مَعْرُوفِينْ بْوَاشْ عَيْرُوكُمْ وُتْعَدَبْتُو، وُمَنْ جِهَةْ خْرَى رَاكُمْ وَلِيتُو مْشَارْكِينْ مْعَ لِي سَبْقُوكُمْ وُتْعَدْبُوا عْلَجَالْ إِسْمْ اللهْ. 34 وَنْتُمْ رَاكُمْ شَارَكْتُو لْمَسْجُونِينْ عْدَابْهُمْ، وُقْبَلْتُو بَالْفَرْحَةْ كِي نَحَوَلْكُمْ دْرَاهَمْكُمْ، عْلَخَاطَرْ عَارْفِينْ بَلِي عَنْدْكُمْ كَنْزْ عَظِيمْ وُمَايَفْنَاشْ فَى السَمَوَاتْ، 35 مَلاَ مَاتَتْخَلاَوْشْ عْلَى هَدْ اَلثِقَةْ لِي عَنْدْهَا أَجْرْ كْبِيرْ. 36 عْلَخَاطَرْ رَاكُمْ مَحْتَاجِينْ تْصَبْرُو، بَاشْ كِي تْخَدْمُو مَشِيئَةْ اللهْ يْكُونْ لِيكُمْ لِي وَعْدَهْ لِكُمْ. 37 وُبَعْدْ وَقْتْ قْصِيرْ «رَاحْ يْجِي لِي نْقَارْعُولَهْ وُمَا يَبْطَاشْ. 38 وُالَبْنَادِيمْ لِي يَتَقِي اللهْ رَاهْ يْعِيشْ بَالْإِيمَانْ، وَإلاَ نْكَرْ إِيمَانَهْ، اللهْ مَايَفْرَحْشْ بِيهْ». 39 وُحْنَا مَاشِي كِيمَا هَدُوكْ لِتْخَلاَوْ عْلَى اَلْإِيمَانْ وُقَاسُو نْفُوسْهُمْ لَلَعْذَابْ، بَصَحْ حْنَا مَنْ هَدُوكْ لِي عَنْدْهُمْ اَلْإِيمَانْ بَاشْ يْرَبْحُو لَحْيَاةْ.
1 وَالْإِيمَانْ هُوَ أَنُو نَتْيَقْنُو بَالشِي لِي نَتْرَجَاوَهْ بَلِي رَاحْ يَتْحَقَقْ، وُبَالصْوَالَحْ لِي مَانْشُوفُوهُمْشْ كَلِي رَاهُمْ صْرَاوْ. 2 وَعْلَى اَلْإِيمَانْ شْهَدْ عْلَى شِي نَاسْ. 3 وُبَالْإِيمَانْ نْعَرْفُو بَلِي اَلدَنْيَا تْخَلْقَتْ غِيرْ بْكَلْمَةْ اللهْ، وُحَتَى اَلشِي لِي نْشُوفُوهْ جَا مَنْ اَلشِي لِي مَانْشُوفُوهْشْ. 4 بَالْإِيمَانْ نْفَهْمُو بَلِي هَابِيلْ قَدَمْ ذَبِيحَة للهْ خِيرْ مَنْ خُوهْ قَايِينْ. وُعْلَى هَدِيكْ يَشْهَدْ عْلَى أَنُو تَقِي، كِي شَافْ اللهْ لَذْبِيحْتَهْ. وُحَتَى وَإلاَ رَاهْ مَاتْ، بَصَحْ مَازَلْنَا نْهَدْرُو عْلِيهْ. 5 بَالْإِيمَانْ تَرْفَدْ أَخْنُوخْ بَاشْ مَايْشُوفْشْ اَلْمُوتْ، وُمَاتْشَافْشْ عْلَخَاطَرْ اللهْ دَاهْ لْعَنْدَهْ. وُقَبْلْ مَا يَتَرْفَدْ كَانْ اللهْ شْهَدْ عْلِيهْ بَلِي كَانْ تْقِيْ. 6 وُمَنْ غِيرْ اَلْإِيمَانْ مَانْقَدْرُوشْ نْعَجْبُو اللهْ، عْلَخَاطَرْ لاَزَمْ لِي يْجِي للهْ لاَزَمْ يَأْمَنْ بِيهْ وُبَلِي مَوْجُودْ، وُهُوَ لِي يْجَازِي لِي يْطَلْبُوهْ. 7 وُبَالْإِيمَانْ نُوحْ كِي شَافْ اَلْوَحْيْ خَبْرَهْ عْلَى الطُوفَانْ لِي رَاحْ يْكُونْ، بْنَى الْبَابُورْ بَاشْ يَسْلَكْ اَلْعَايْلَةْ نْتَاعَهْ، وُبِيهْ تْحَاسَبْ اَلْعَالَمْ، وُوَلَى وَرْثْ اَلْحَقْ لِي يْتَعْطَى بَالْإِيمَانْ. 8 وُبَالْإِيمَانْ إِبْرَاهِيمْ كِي دْعَاهْ اللهْ، سْمَعْ لَهْ وُبَالطَاعَةْ رَاحْ لَلَرْضْ لِي وَعْدُو اللهْ بَاشْ يَوْرَثْهَا، وُرَاحْ وُمَاعْلاَبَالُوشْ وِينْ رَاهْ غَادِي. 9 بَالْإِيمَانْ تْغَرَبْ فَي اللَرْضْ لِي وَعْدَهْ بِهَا اللهْ كَلِي رَاهِي غْرِيبَةْ، وُسْكَنْ فْى لَخْيَامْ مْعَ إِسْحَاقْ وُيَعْقُوبْ لِي يْوَرْثُو مْعَاهْ هَدْ اَلْوَرْثْ لِي وَعْدَهْ اللهْ. 10 عْلَخَاطَرْ إِبْرَاهِيمْ كَانْ يْقَارَعْ لَمْدِينَةْ لِي عَنْدْهَا لْسَاسْ، وَلِي ثْبَتْهَا وُبْنَاهَا اللهْ. 11 بَالْإِيمَانْ سَارَةْ تَانِي دَاتْ اَلْقُدْرَةْ بَاشْ تَوْلَدْ ، وُهِيَ كْبِيرَةْ فَي السَنْ، وَلْدَتْ وْلَدْ، خَاطَرْشْ أَمْنَتْ بَالْلِي وَعْدْ وُهُوَ أَمِينْ. 12 عْلَى هَادَاكْ اَلشِي غِيرْ مَنْ رَاجَلْ وَاحَدْ لِي هُوَ إِبْرَاهِيمْ وُكْبَرْ فْي لَعْمَرْ وُفِي أَخِرْ يَمَاتَهْ، رَّبِي رَجْعَهْ يَقْدَرْ يْكُونْ لِيهْ وْلاَدْ قَدْ نْجُومْ اَلسْمَا وُرْمَلْ لَبْحَرْ لِمَا يَتْحَسْبُوشْ. 13 وُفَي الْإِيمَانْ مَاتُو ڤَاعْ هَدُو النَاسْ، وُمَالَمْسُوشْ أَلِي وَعْدَهْ لْهُمْ اللهْ، بَصَحْ شَافُو هَدَكْ اَلْوَعْدْ مَنْ بْعِيدْ وُصَدْقُوهْ وُعَاشُوهْ، وُأَمْنُوا بَلِي هُمْ بَرْكْ بَرَاوِيَا وَضْيَافْ فْهَادْ اَلدَنْيَا. 14 وَلِي يْڤُولُو هَدْ لَكْلاَمْ يْبَانُو بَلِي رَاهُمْ يْحَوْسُو عْلَى بْلاَدْ يَسَكْنُو فِيهَا. 15 وُلُوكَانْ خَمُو فْى لَبْلاَدْ لِي تْخَلاَوْ عْلِيهَا، كَانْ مُمْكِنْ يَرَجْعُو لِيهَا. 16 بَصَحْ هُمْ دُرْوَكْ يَحَوْسُو عْلَى بْلاَدْ خِيرْ، يَعْنِي تَاعْ اَلسْمَا. عْلَى هَادِي اللهْ مَاحْشَمْشْ بِهُمْ بَاشْ يَتْسَمَى اَلْإِلَهْ نْتَاعْهُمْ، وَوْجَدْ لِيهُمْ مَدِينَةْ فَى السْمَا. 17 وُبَاْلِإيمَانْ إِبْرَاهِيمْ قَدَمْ وْلِيدَهْ إِسْحَاقْ كِي جَرْبَهْ اللهْ، قَدَمْ وْلِيدَهْ لْوَحِيدْ لِي جَاهْ بَالْوَعْدْ 18 وَلَي اللهْ قَالَهْ بَلِي بْإِسْحَاقْ تْكُونْ لِيكْ ذُرِيَةْ. 19 وُإِبْرَاهِيمْ أَمَنْ بَلِي الله يَقْدَرْحَتَى أَنُو يَحْيِيهْ مَنْ اَلْمُوتْ، وُرَجَعْلَهْ وْلِيدَهْ كِلِي رَاهْ رْجَعْ مَنْ اَلْمُوتْ. 20 وُبَالْإِيمَاْن إِسْحَاقْ بَارَكْ وْلاَدَهْ يَعْقُوبْ وُعِيسُو بَصْوَالَحْ تَاعْ اَلْمُسْتَقْبَلْ. 21 وُبَالْإِيمَانْ تَانِي يَعْقُوبْ قْبَلْ مَايْمُوتْ بَارَكْ كُلْ وَاحَدْ مَنْ وْلاَدْ يُوسَفْ، وُتَكَى عْلَى الْعَكَازْ تَاعَهْ بَاشْ يَسْجَدْ للهْ. 22 وُيُوسَفْ قَبْلْ مَا يمْوُتْ وَصَى بَنِي إِسْرَائِيلْ بَاشْ يَدِيوْ عْظَامَهْ مْعَهُمْ نْهَارْ يْخَرْجُو مَنْ مَصْرْ. 23 وُبَالْإِيمَانْ مُوسَى كِي تَوْلَدْ، خْبَاوَهْ وَالْدِيهْ ثَلْتْ شْهُورْ، عْلَخَاطَرْ شَافُو الَوْلَدْ شْبَابْ، وُمَاخَافُوشْ مَنْ أَمْرْ فَرْعُونْ. 24 بَالْإِيمَانْ مُوسَى كِي كْبَرْ مَابْغَاشْ يَتْسَمَى وَلَدْ بِنْتْ فَرْعُونْ، 25 وُخِيرْ بَاشْ يَتْمَرْمَدْ مْعَ شَعْبْ اللهْ وُمَايْكُونْشْ لِيهْ لْوَقْتْ قْصِيرْ زَهْوْ اَلدَنْيَا وُدْنُوبْهَا، 26 وُحَسْبْ عَذَابْ لِي قَاسَهْ اَلْمَسِيحْ كْنَزْ كْثَرْ مَنْ الَكْنُوزْ لِي كَايْنَةْ فْي ڤَاعْ مَصْرْ، عْلَخَاطَرْ عَيْنِيهْ كَانُوا يْشُوفُو فَي الْمُكَافَئَةْ نْتَاعْ اللهْ. 27 بَالْإِيمَانْ خَلَى مَصَرْ وُمَاخَافْشْ مَنْ اَلْمَلِكْ إِلاَ يَزْعَفْ، عْلَخَاطَرْ كَانْ قْوِيْ، وُكِلِي رَاهْ يْشُوفْ لِي مَايَتْشَافْشْ. 28 بَالْإِيمَانْ دَارْ عِيدْ اَلْفِصْحْ وُرَشْ دَمْ بَاشْ مَايْمَسْهَمْشْ مَلاَكْ اَلْمُوتْ لِي مَوَتْ اَلْمَزْيُودِينْ اَللَوْلِينْ نْتَاعْ بَنِي إِسْرَائِيلْ. 29 بَالْإِيمَانْ اَلشَعْبْ قْطَعْ الَبْحَرْ اَلْأَحْمَرْ كِلِي رَاهْ يَتْمَشَى فْى أَرْضْ يَابْسَة، وُكِي بْغَاوْ اَلْمَصْرَيِينْ يْلاَحْقُوهُمْ غَرْقُوا فْى الَبْحَرْ. 30 وُبَالْإِيمَانْ طَاحَتْ لَسْوَارْ مْدِينَةْ أَرِيحَا مَنْبَعَدْ كِي طَافْ عْلِيهَا اَلشَعْبْ سَبْعَة يَامْ. 31 وُبَالْإِيمَانْ رَحَابْ اَلزَانِيَةْ مَاتْهَلْكَتْشْ مْعَ النَاسْ لِي عْصَاوْ اللهْ، كِي رَحْبَتْ بْهَادُوكْ لِي يَتْجَسُو فْي بِيتْهَا. 32 وَاشْ نْڤُولْ تَانِي؟ عْلَخَاطَرْ لاَزَمْنِي وَقْتْ بَاشْ نَهْدَرْ عْلَى جَدْعُونْ، وُبَارَاقْ، وُشَمْسُونْ، وُيَفْتَاحْ، وُدَاوَدْ، وُصَمُوئِيلْ، وَالْأَنْبِيَاءْ، 33 هَدُو ڤَاعْ بَالْإِيمَانْ، تْغَلْبُوا عْلَى مَمْلَكَاتْ، وُحَكْمُو بَالْحَقْ، وُوَصْلُو لَلْوَعْدْ نْتَاعْ اللهْ لِيهُمْ، وُغَلْقُو فَمْ اَلسْبُوعَا، 34 طَفَاوْ اَلنَارْ اَلْهَايْجَةْ، وُسَلْكُو مَنْ مُوتْ اَلسْيُوفَةْ، وُمَنْ ضُعْفْهُمْ وَلاَوْ قْوَيِينْ وُأَبْطَالْ يَرَبْحُو فَي الْحُرُوبْ، وُغَلْبُو بَزَافْ لْجُيُوشْ لْبَرَاوِيَةْ، 35 وُفِيهْ نْسَا لِي اَلْمُوتَا تَاعْهُمْ رَجْعُولْهُمْ مَنْ اَلْمُوتْ وُقَامُو، وُوَحْدْ خْرِينْ قَبْلُو يَتْعَذْبُوا مَنْ غِيرْ اَلسْلاَكْ بَاشْ يْكُونْ لِيهُمْ لَحْيَاةْ اَلدَايْمَةْ. 36 وُنَاسْ خْرِينْ جَرْبُووُضَرْبُوهُمْ وُيَسْتَهْزَاوْ بِهُمْ، وُزَادُو قَيْدُوهُمْ بَالسْلاَسَلْ وُدَارُوهُمْ فَى الْحَبْسْ. 37 رَجْمُوهُمْ وُقَطْعُو فِيهُمْ بَالْمَنْشَارْ، وُقَتْلُوهُمْ بَالسِيفْ، وُلِي تْشَرْدُو خَلاَوْهُمْ يْلَبْسُوا جَلْدْ لَغْنَمْ وُلَمْعِيزْ، تْنَحَالْهُمْ كُلْشِي بَاشْ يَذَلُوهُمْ وُيَضْطَهْدُوهُمْ، 38 وُمَا سْتَهَلْهُمْشْ اَلْعَالَمْ، تَايْهِينْ فِي الصْحَارِي وُلَجْبَالْ وُالْغِيرَانْ وُلَحْفَارِي تَاعْ اَللَرْضْ. 39 وُ ڤَاعْ هَدُو النَاسْ شَهْدُو عْلِيهُمْ بَالْإِيمَانْ، وُمَالَمْسُوشْ لِي وَعْدَهْ اللهْ، 40 عْلَخَاطَرْ اللهْ وْجَدْ لِينَا شِي مَاخِيرْ، بَاشْ اَلْوَعْدْ هَدَاكْ مَايْكُونْشْ كَامَلْ بْلاَ بِينَا.
1 عْلَى هَدِي، حْنَا تَانِي عَنْدْنَا قَدْ اَلسْحَابَةْ نْتَاعْ اَلشْهُودْ لِي دَايْرِينْ بِينَا، مَلاَ نَتْخَلاَوْ عْلَى كُلْ شِي لِي ثْقِيلْ فَي حْيَاتْنَا وُخَاصَةً اَلدْنُوبْ لِي دَايَرْ بِنَا، وُنْجَاهْدُو صَابْرِينْ بَاشْ نَتْقَدْمُو لِلَحْيَاةْ اَلدَايْمَة لِرَاهِي قُدَامْنَا. 2 وُنْرَكْزُو عِينِينَا عْلَى رَايَسْ إِيمَانْنَا لِي هُوَ يَسُوعْ الْمَسِيحْ لِي بِيهْ يْكُونْ إِيمَانْنَا كَامَلْ، وُبْسَبَةْ اَلْفَرْحَةْ لِي كَانَتْ قُدَامَهْ، تْحَمَلْ عْلَجَالْنَا اَلْمُوتْ عْلَى عُودْ اَلصَلِيبْ لِي بِيهْ كَسَرْ اَللَعْنَةْ، وُدُرْوَكْ مْجَمَعْ عْلَى يَمِينْ عَرْشْ اللهْ. 3 مَلاَ خَمُو فَي لِي تْحَمَلْ لْعَدَاوَةْ تَاعْ اَلْمُذْنِبِينْ بَاشْ مَاتْعَيِوْشْ مَاتْفَشْلُوشْ فِي نْفُوسْكُمْ. 4 وَنْتُمْ مَزَالْ مَا جَاهَدْتُوشْ حَتَى لَلدَمْ، كِي رَاكْ تْحَارْبُو الْخَطِيَةْ، 5 وَاشْ! وَاقِيلاَ نْسِتُو تَعْلِيمْ اللهْ لِيْكَلَمْكُمْ بِهْ كَلِي رَاكُمْ وْلاَدَهْ: «يَاوَلْدِي مَاتَحْڤَرْشْ تَأْدِيبْ اللهْ، وُمَاتَزْعَفْشْ كِي يْوَبَخْ فِيكْ. 6 عْلَخَاطَرْ لِي يْحَبَهْ اللهْ يْأَدْبَهْ، وُيَضْرَبْ كُلْ وَاحَدْ لِيصَارْ وَلْدَهْ». 7 وَإِلاَ كُنْتُو تْحَمْلُو تَرْبِيَةْ اللهْ رَاحْ يَتْمَشَى مْعَاكُمْ كَلِي رَاكُمْ وْلاَدَهْ. مَلاَ شْكُونْ هُوَ اَلْوَلْدْ لِي مَأَدْبَهْشْ بُوهْ؟ 8 بَصَحْ إِلاَ كُنْتُو مَاشِي مْأَدْبِينْ، وَلِي اَلنَاسْ ڤَاعْ يَتْشَرْكُو فِيهْ، مَلاَ رَاكُمْ وْلاَدْ غِيرْ شَرْعَيِينْ وُمَاشِي وْلاَدَهْ. 9 بْلاَمَا نَنْسَاوْ بَلِي اَلْأَبَاءْ اَلْجَسَدَيِينْ نْتَاعْنَا كَانُو يْأَدْبُو فِينَا وُكُنَا نَحْتَرْمُوهُمْ، مَلاَ مَاشِي لاَزَمْ نْقَدْرُو فَي اللَوَلْ بَابَاتْ اَلْأَرْوَاحْ، بَاشْ تْكُونْ لِينَا لَحْيَاةْ؟ 10 عْلَخَاطَرْ أَبَائْنَا اَللَرْضَيِينْ أَدْبُونَا عْلَى حْسَابْ وَاشْ يْعَرْفُو لِوَقْتْ قْصِيرْ، بَصَحْ بُونَا لِي فَسْمَا أَدَبْنَا لْنَفْعَنَا، بَاشْ نَشْتَرْكُو مْعَاهْ فَي الْقَدَاسَةْ كِيمَا هُوَ مْقَدَسْ 11 وُڤَاعْ تَأْدِيبْ لِيْكُونْ دُرْوَكْ يَتَنْحَسَبْ تَاعْ اَلْحُزْنْ وُمَاشِي لَلْفَرْحَةْ، بَصَحْ فَى تَالِي رَاحْ يْمَدْ لَلِي فَاتُو مَنَهْ ثَمْرَةْ تَاعْ اَلْحَقْ وُالسَلاَمْ. 12 مَلاَ شَمْخُو عْلَى يَدِيكُمْ وُرَجْلِيكُمْ اَلْفَشْلِينْ بَاشْ يَتْقَوَاوْ، 13 وُخَلِيوْ رَجْلِيكُمْ يَتْمَشَاوْ فَي طْرِيڤْ مُسْتَقِيمَ، بَاشْ لَعْرَجْ يَبْرَّا فِيهَا وُمَايَتْعَثَرْشْ. 14 حَوْسُوا عْلَى لَهْنَا مْعَ ڤَاعْ اَلنَاسْ، وُلَقْدَاسَةْ لِي مَنْ غِيرْهَا وَاحَدْ مَا يَقْدَرْ يْشُوفْ اللهْ، 15 وُحَرْزُو رْوَاحْتِيكُمْ بَاشْ مَايَتَحْرَمْ تَا وَاحَدْ مَنْ نِعْمَةْ اللهْ، بَاشْ مَايَتَخْلَقْشْ اَلْحِقْدْ بِينَاتْكُمْ لِيَقْدَرْ يَنْجَسْ بَزَافْ اَلنَاسْ. 16 وُرَدُو بَالْكُمْ بَاشْ مَايْكُونْشْ فِيكُمْ لِي زْنَى وَلاَ لِي مَاحْتَرَمْشْ اللهْ كِيمَا دَارْ عِيسُو، لِي بَاعْ حَقَهْ عْلَجَالْ طَبْسِي مَاكْلَةْ. 17 وُرَاكُمْ تْعَرْفُو بَالشِي لِي صَارْ مْنَبَعْد، كِي بْغَا يُورَثْ اَلْبَرَكَةْ تَرْفَضْ، وُمَلْقَاشْ كِيفَاشْ يْتُوبْ حَتَى وَإلاَ كَانْ بْغَاهَا بَالدْمُوعْ. 18 عْلَخَاطَرْ مَاجِيتُوشْ لَجْبَلْ لِيَتَلْمَسْ لِي فِيهْ نَارْ شَاعْلَةْ، وُ الظَّلْمَةْ لِي مَضْبَبَةْ وُالزَوْبَعَةْ، 19 وُعْيَاطْ اَلْبُوقْ وُصُوتْ يَتْكَلَمْ، وُلِي سَمْعُو طَلْبُوا بَاشْ مَايْزِيدُوشْ يَسَمْعُو وَلاَ كَلِمَةْ. 20 عْلَخَاطَرْ مَاحْتَمْلُوشْ وَاشْ أَمَرْهُمْ بِهْ، «وُلُوكَانْ كَاشْ بْهِيمَةْ تَتَلْمَسْ الَجْبَلْ يَرَجْمُوهَا وُيْمَوْتُوهَا». 21 وُكَانْ اَلْمَنْظَرْ يْخَوَفْ حَتَى ڤَالْ مُوسَى: «أَنَا خَايَفْ وُنَرْجَفْ» 22 وُرَاكُمْ قْرَبْتُو لَجْبَلْ صَهْيُونْ، وُلَمْدِينَةْ اللهْ اَلْحَيّْ: أُورْشَلِيمْ تَاعْ اَلسَمَا، وُأُلُوفْ اَلْمَلاَيْكَةْ لِي دَايْرِينْ حَفْلَةْ، 23 وُكَنِيسَةْ اَللَوْلِينْ مَكْتُوبِينْ فَى السْمَا، لِعَنْدْ اللهْ لِي يْحَاسَبْ اَلْكُلْ، وُلَرْوَاحْ اَلنَاسْ اَلْكَامْلِينْ لِي يَتَقِيوْ اللهْ، 24 وُيَسُوعْ وَسِيطْ اَلْعَهْدْ اَلْجَدِيدْ، وُدَمْ لِيَتْرَشْ لِيَتْكَلَمْ خِيرْ مَنْ هَابِيلْ. 25 حَرْزُوا بَاشْ تْسَمْعُوا للهْ لِي يْكَلَمْكُمْ. عْلَخَاطَرْ إِلاَ كَانُوا هَدُوكْ مَاسَلْكُوشْ، كَانْ عْلَخَاطَرْ رَفْضْ يَسْمَعْ اللهْ عْلَى اللَرْضْ، مَلاَ حْنَا تَانِي مَانْسَلْكُوشْ إِلاَ رْفَضْنَا اللهْ لِي يْكَلَمْنَا مَنْ اَلسْمَا! 26 اَلْلِي صُوتَهْ زَعْزَعْ اَللَرْضْ فْي دَكْ اَلْوَقْتْ، وُدُرْوَكْ وْعَدْ وُڤَالْ: «خَطْرَةْ خْرَى رَاحْ نْزَلْزَلْ مَاشِي بَرْكْ اَللَرْضْ، بَصَحْ اَلسْمَا تَانِي» 27 وُكِي ڤَالْ «خَطْرَةْ خْرَا» حَابْ يْڤُولْ بَلِي رَاحْ يَنَحِي لِي يَتْزَعْزَعْ، وُلِي مَايَتْزَعْزَعْشْ يَخَلِيهْ ثَابَتْ. 28 وُعْلَى هَدْ اَلشِي رَاحْ يْكُونْ لِينَا مَلَكُوتْ لِمَا يَتْزَعْزَعْشْ، وُيْخَصْنَا نْشَكْرُو اللهْ وُنْبَيْنُولُو اَلْعِبَادَةْ نْتَاعْنَا لِيهْ بْكُلْ خُشُوعْ 29 وُتَقْوَى.عْلَخَاطَرْ «رَّبْنَا كِي النَارْ لِي تَاكُلْ».
1 خَلِيوْ لْمَحَبَةْ بِينْ اَلْخُوتْ تْكُونْ ثَابْتَةْ فِيكُمْ. 2 وُمَا تَنْسَاوْشْ تْضِيفُو الَنَاسْ اَلْبَرَانِيَةْ، عْلَخَاطَرْ بَعْضْ اَلنَاسْ ضَيْفُو اَلْمَلاَيْكَةْ وُمَاعَرْفُوشْ. 3 تْفَكْرُو لِي رَاهُمْ فَي الْحَبْسْ كَلِي رَاكُمْ مْعَاهُمْ، وُتْفَكْرُو اَلْلِي يَتْعَذْبُوا كَلِي رَاكُمْ تَتْعَذْبُو مْعَاهُمْ. 4 لاَزَمْ كُلْ وَاحَدْ يَحْتَرَمْ اَلزْوَاجْ، وُلاَزَمْ تْكُونْ اَلْعَلاَقَةْ بِينْ اَلزَوْجْ وَالزَوْجَةْ نْقِيَةْ، بَصَحْ لِي يَزْنُو وُلِيْفَسْدُو رَاحْ يْعَاقَبْهُمْ اللهْ. 5 مَاتْخَلِيوْشْ مَحَبَةْ دْرَاهَمْ تْخَسَرْ حْيَاتْكُمْ وُعْلاَقَتْكُمْ بَاللهْ، بَصَحْ كُونُو قَانْعِينْ بَالْلِي عَنْدْكُمْ، عْلَخَاطَرْ اللهْ ڤَالْ: «مَانْخَلِيكْشْ وُمَانَنْسَاكْشْ». 6 وَحْنَا نْڤُولُوا وَاثْقِينْ: «مَاعَنْدِي مَنْ وِينْ نْخَافْ عْلَخَاطَرْاَلرَّبْ هُوَ لِيْعَاوَنْنِي، وَاشْ رَاحْ يْدِيرْ الَبْنَادَمْ؟» 7 تْفَكْرُوا اَلنَاسْ لِي رَشْدُوكُمْ وُهَدْرُولْكُمْ عْلَى كَلِمَةْ اللهْ. شُوفُو لَحْيَاتْهُمْ فَي الْإِيمَانْ بَاشْ تَشَبْهُوهُمْ وُتَتْعَلْمُو مَنْهُمْ. 8 يَسُوعْ اَلْمَسِيحْ هُوَ لْأَمْسْ وَالْيُومْ وُلِلَبْدَا. 9 مَاتْخَلُوشْ اَلتَعَالِيمْ اَلْغَالْطَةْ وُلَغْرِيبَةْ تْجَرْ فِيكُمْ، عْلَخَاطَرْ مْلِيحْ أَنُو اَلْقَلْبْ يْكُونْ ثَابَتْ بَالنِعْمَةْ، وُمَاشِي بْعَادَةْ وَلاَ طْعَامْ لِي مَانْفَعْشْ لِي كْلاَوْ مَنْهَا. 10 وُحْنَا عَنْدْنَا «مَذْبَحْ»، وُلِي يْخَدْمُو فَي الْهَيْكَلْ مَاعَنْدْهُمْشْ اَلْحَقْ يَكْلُو مَنَهْ. 11 وُالْحَيَوَانَاتْ اَلِي بْدَمْهَا يَدْخَلْ رَايَسْ اَلْكَهَنَةْ لَلْمَوْضِعْ «اَلْمُقَدَسْ بَزَافْ»، رَاحْ تَتَذْبَحْ بَرَّا الْخِيَامْ. 12 عْلَى هَدِي حَتَى يَسُوعْ بَاشْ يْقَدَسْ اَلشَعْبْ بْدَمَهْ، تْأَلَمْ بَرَّا بَابْ لَمْدِينَة. 13 مَلاَ لاَزَمْ نْخَرْجُو لِيهْ بَاشْ نْرَفْدُو اَلْعَاْر نْتَاعَهْ. 14 عْلَخَاطَرْ مَاعَنْدْنَاشْ مْدِينَةْ فْي هَدْ اَلدَنْيَا، وُرَانَا نْحَوْسُو عْلَى لَمْدِينَةْ اَلدَايْمَةْ. 15 وُبَالْمَسِيحْ، خَصْنَا نْجِيوْ كُلْ خَطْرَةْ عَنْدْ اللهْ ذَبِيحَةْ عِبَادَةْ، يَعْنِي بَالْفُمْ لِيْسَبْحَهْ وُلِيَشْهَدْ لَهْ. 16 وُمَاتَنْسَاوْشْ تْدِيرُو اَلْخِيرْ وُتْسَاعْدُو اَلْمَغْبُونِينْ، عْلَخَاطَرْ بْهَدْ اَلشِي لِي يَفْرَحْ اللهْ. 17 سَمْعُو لَلْمَسْؤُولِينْ نْتَاعْكُمْ وُدِيرُوا بَكْلَامْهُمْ، عْلَخَاطَرْ رَاهُمْ يَسَهْرُو عْلَجَالْ فَايْدَتْكُمْ اَلرُّوحِيَةْ وُرَاحْ يَتْحَسْبُو عْلَى دَكْ اَلشِي، وُبَالْفَرْحَةْ يْدِيرُو اَلْخَدْمَةْ تَاعْهُمْ بْلاَ مَا يْشَتْكِيوْ، وُلُوكَانْ مَاتْسَمْعُولْهُمْشْ مَاتْسَتْفَادُو وَالُو. 18 صَلِيوْ عْلَجَالْنَا، عْلَخَاطَرْ رَانَا مَتْيَقْنِينْ بَلِي اَلضَمِيرْ نْتَاعْنَا رَاهْ صَالَحْ، وُنَبْغِيوْ نْدِيرُو كُلْشِي مْلِيحْ فَي حْيَاتْنَا. 19 وُرَانِي نَطْلَبْ مَنْكُمْ تْصَلِيوْ كْثَرْ بَاشْ نْوَلِى عَنْدْكُمْ بَالْخَفْ. 20 وُرَّبْ إِلَهْنَا لِي حْيَا مَنْ اَلْمُوتْ رَاعِينَا وُسِيدْنَا يَسُوعْ اَلْمَسِيحْ، بَدَمْ اَلْعَهْدْ اَلدَايَمْ، 21 بَاشْ يَخَلِيكُمْ قَادْرِينْ تْخَدْمُو اَلْأَعْمَالْ اَلصَالْحَةْ لِتْكَمَلْ اَلْمَشِيئَةْ نَتَاعَهْ، لِي يَخْدَمْ فِيكُمْ وَاشْ لِي يَرْضِيهْ بَالْمَسِيحْ، اَلْلِي عَنْدُو اَلْعَزْ لِلَبْدَا. أَمِينْ. 22 وُنَطْلَبْ مَنْكُمْ يَاخُوتِي تْقَبْلُو كَلِمَةْ اَلتَشْجِيعْ بَالصْبَرْ، عْلَخَاطَرْ رَاهْ قْلِيلْ وَاشْ كْتَبْتَلْكُمْ. 23 حَبِيتْ نَخْبَرْكُمْ بَلِي رَاهْ خُونَا تِيمُوثَاوَسْ خْرَجْ مَنْ اَلْحَبْسْ، لِي رَاحْ قْرِيبْ نْجِي مْعَاهْ نْشُوفْكُمْ. 24 سَلْمُو عْلَى ڤَاعْ اَلْمَسْؤُولِينْ تَاعْكُمْ وُعْلَى ڤَاعْ اَلْخُوتْ اَلْقِدِيسِينْ. رَاهْ يَسَلْمُو عْلِيكُمْ لِي هُمْ مَنْ إِيطَالْيَا. 25 نِعْمَةْ اللهْ تْكُونْ مْعَكُمْ ڤَاعْ. آمِينْ.
1 يعَْقوُبْ، الْعبَْدْ تاَعْ الََّْله و الْرَّبْ يسَُوعْ الْمَسِيحْ، يْبلَغَّْ الْسْلَامْ لقَْباَيلَْ الْثنْاَعَشْ الِيّ كَانوُا مَتشَْتتِْينْ. 2 افرَّْحُوا ياَخُوتِي كِتفْوُتوُافِي مْحَاينَْ مَخْتاَلْفِينْ، 3 وْ عَارْفِينْ بلَِيّ وَقْتْ مَاتجَْرَّبْتوُا فْإيِمَانْكُمْ غَادِي يْوَلِيّ عَنْدْكُمْ الْصْبرَْ 4 وَ الْصْبرَْ تاَعْكُمْ إِيلِيقْ يكَْمَلْ ، باَشْ تكُْونوُامَكْمُولِينْ مَشِّي ناَقْصِينْ فِي حَتىَّ حَاجَة. 5 وْ بصََّحْ إِلَا كَانْ كَاشْ وَاحَدْ فِيكُمْ ناَقصَْ الْحِكْمَة،يْلِيقْ يطَْلبُْهَا مَنْ لَّْله الِيّ يعَْطِي كُلْ وَاحَدْ باَلْخَاوَة وْ مَيْلوُمْ حَتىَّ وَاحَدْ ، وْهُوَ غَادِي يعَْطِيلهَ. 6 بصََّحْ يطَْلبَْهَا باَلْإِيمَانْ بْلَامَا يْشَكْ ، عْلىَ خَاطَرْ الْمَشْكَاكْ يتَشَْبهَّْ للَْمُوجَة تاَعْ لبَْحَرْ الِيّ تحَْرَّكْهَاالْرِّيحْ وْ تڤَلْبَْهَا. 7 كِيمَا هداَ بْلَا مَيطَْمَعْ يدَِيّ يدَِيّ شِي حَاجَة مَنْ عَنْد الْرَّبْ. 8 عْلىَ خَاطَرْ لبَْناَدمَْالِيّ عَنْدهَْ كْثرَْ مَنْ الْرَّايْ مَيتَبْتَشْْ فِي طْرِيڤهَْ. 9 وَلِيّ كَانْ ڤلَِيّلْ وْ هُوَ يفَْتاَخَرْ عْلىَ خَاطَرْ الَّْْله رْفعَْمَنْ شَانهَْ، 10 وَالِيّ مْرَفهَّْ يفَْتاَخَرْ عْلىَ خَاطَرْ الَّْْله رَدهَّ مَتوَْاضَعْ، عْلىَ خَاطَرْ يْشَبهَّْ للَحَّْشِيشْ الِيّمَايْدوُمْشْ. 11 كِي تشَْرَقْ الْشَّمْس الْحَارَّة، ييَْبسَْ الْحْشِيشْ، وتطِْيحْ الْوَرْد الْتاَّعَهْ يْمُوتْ. هَكَّايذَْبلَْ الْمَرَفهَّْ الْمَشْغوُلْ بحَْياَتهَْ. 12 سَعْداَتْ الِيّ صْبرَْ فاَامَحْنةَ، عْلىَ خَاطَرْ كِيخَْرُجْ مَنْهَا يْناَلْ"تاَجْ الْحَياَة" الِيّ وْعَدْ بِيه الْرَّبْ للَِيبَْغوُهْ. 13 إِلَأ شِي وَاحَدْ تجَْرَّبْ مَخَصَّهْشْ يْڤوُلْ " الَّْْله هُوَلِجَرَّبْنِي"، عْلىَ خَاطَرْ الَّْْله مَيْجَرَّبْشْ باَلْشَّرْ، وْ هُوَ مَايْجَرَّبْ حَتىَّ شِي وَاحَدْ. 14 بصََّحْ كُلْ وَاحَدْيتَجَْرَّبْ إِلَا غَرَّاتهَْ الْشَّهْوَة تاَعَهْ. 15 وَ الْشَّهْوَة إِلَا رَفْدتَْ توَْلدَْ الْدْنوُبْ، وَالْدْنوُبْ إِلَا كَبْرُوا يدَوُّاللَْمُوتْ. 16 مَتنْْخَدْعُوشْ ياَ خُوتِي لعَْزَازْ. 17 كُلْ هْدِيةَ صَالْحَة وْ كُلْ مَوْهِبةَ مَكْمُولةَ هِيَ فوُڤْ،جَايةَّ مَنْ عَنْدْ الْآبْ تاَعْ الْنوُّرْ، الِيّ مَيتَبْدَلَّْشْ مَايْدوُرْشْ فِي هَدرَّْتهَْ. 18 باَلَْامْر تاَعَهْ وْلدَْناَ بْكَلْمَةالْحَقْ باَشْ نْكُونوُا الْغلَةَّ الْلوَّْلةَ مَنْى الِيّ خْلقَْهُمْ. 19 إِلِيقْ تعَرَّْفوُا ياَخُوتِيلعَْزَازْ، بلَِيّ كُلْ وَاحَدْ فِيكُمْ يْكُونْ يسَْمَعْ بلَْخُفْ، وَيْكُونْ رْزِينْ فِي هَدْرَتهَّْ، مَيزَْعَفْشْ بلَْخُفْ ، 20 عْلىَ خَاطَرْ الِيّ يزَْعَفْ مَيرَْضِيشْ الَّْله. 21 عْلىَ هَادْ الْشِّي ڤلَْعوُا عْلِيكُمْ كُلْ حَاجَة مَنْجُوسَة وْكَترَْتْ الْشَّرْ، وَقبَّْلوُا باَلْتوََّاضُعْ الْكْلَأمْ الِيّ زَرْعَه الَّْْله فِيكُمْ رَاهْ هَادْ لكَْلَامْ هُوَ الِيّ يْنجََّمْ يْسَلكَّْحْياَتكُْمْ. 22 بصََّحْ دِيرُوا بكَْلَامْ الَّْله، مَشِّي غِيرْ تسََّمْعوُه وَلَّا رَاكُمْ تخََّدْعُوا فِي رْوَاحْكُمْ. 23 عْلى ىَخَاطَرْ الِيّ يسَْمَعْ كْلَامْ الَّْله وْ مَيْدِيرْشْ بِيه، يْشَبهَّْ لْوَاحَدْ يْشُوفْ فاَلْمْرَايةَ وَجْهَه الِيّ توَْلدَْ بِيه، 24 وْ غِيرْ يْشُوفْ رُحَهْ وَ يْرُوحْ، وْ ينَْسَى رُحَهْ كِيفاَهْ داَيرَْ. 25 وْ بصََّحْ الِيّ يْشُوفْ فاَلْشَّرِيعةَ الِيّهِيَ -شَرْعْ الْحُرِيةَّ- وْمَاشِي سَمْعهَ وْ ينَْسَاه، بصََّحْ يثَبْتَْ فِيه وَيْدِير بِيه، يْباَرْكَه الَّْله فْڤاَعْ الْشِّيلِيْدِيرَه. 26 وْإِلَا كَانْ شِي وَاحَدْ يْشُوفْ رُوحَهْ مَتدْيَنَّْ، وْهُوَ مَيتَحَْكَّمْشْ فِي لْسَانهَ، يخَْدعَْ فِيرَسَهْ، وَ الْدِيّنْ تاَعَه. 27 الْدِيّنْ الْصْحِيحْ وَ الْنْقِي عَنْد الَّْله الَْأبْ هُوَ: كِيتَهَْلىَّ الْوَاحَدْ فاَلْيْتمََى وَالْهَجَّلَاتْ الِيّ عَايْشِينْ فاَلْمَحْنةَ وْ يحَْرَزْ رُحَهْ مَوْسَخْ الْدنَّْياَ.
1 ياَخُوتِي، مِينْ رَاكُمْ مَىمْنِينْ بْرَبْناَ يسَُوعْ الْمَسِيحْ، رَبْ الْمَجْد، مَخَصْكُمْشْتعْاَمْلوُا الْناَّسْ باَلْوْجُوهْ. 2 عْلىَ خَاطَرْ إِلَا دخََلْ شِي رَاجَلْ للَْإِجْتِمَاعْ تاَعْكُمْ وْ هُوَ لَابسَْ خْوَاتمَْتاَعْ دْهَبْ وْ لَابسَْ قشَْ جْدِيدْ، وْ فاَتْ وَحْداَخُرْ لَابسَْ قشَْ مْڤطََّعْ، 3 وْ شَفْتوُا هَداَكْ الِيّ لَابسَْقشَْ جْدِيدْ وْ ڤلُْتوُلهَ: " أڤُعْدُْ أنَتَ فِي هَادْ الْمَوْضَعْ لمَْلِيحْ". وْ ڤلُْتوُا للَْڤلَِيّلْ " أوُْڤفُْ أنَْتَ تمَْ" وَلاَّ:"جَمَّعْ حْدىَ رَجْلِي". 4 كِيفاَشْ هْناَ مَرَاكُمْشْ تتَعْاَمْلوُا باَلْوْجُوه بِيناَتكُْمْ، وْ وَلِيّتوُا تحََّكْمُوا بْتخَْمَامْالْشَّرْ؟ 5 سَمْعوُا ياَخُوتِي:" وَشْ الَّْله مَخْتاَرْشْ لڤَلَْالِيلْ لِفْهَادْ الْدنَّْياَ باَشْ يْكُونوُا مَترَْفْهِينْ فاَلْإِيمَانْ،وَ يوََّرْثوُا مَمْلكََة الَّْْله وْ لِيّ وْعَدْ بِيهَا هَادوُكْ الِيّ يبَْغوُه؟ 6 بصََّحْ نْتوُمَا طَيحَّْتوُا مَنْ قِيمَة الْڤلَْالِيلْ. مَشِّي المَرْفْهِينْ هُمَا الِيّ يظََّلْمُوكُمْ وَ يْجَرُّوكُمْ للَْداَرْ الْشْرَعْ؟ 7 مَاشِي هُمَا الِيّ كَانوُا يْڤوُلوُا كْلَامْمَشِّي مْلِيحْ عْلىَ اسْمْ الْشْباَبْ الِيّ تسَْمِّيتوُا بِيه؟ 8 وِلَا كُنْتوُا الْدِيّرُوا باَلْوْصِيةَّ الِيّ فاَلْشَّرِيعةَ وَالِيّ هِيَ فِي كْتاَبْ الَّْله تڤْوُلْ: " خَصَّكْ تبَْغِي الِيّ ڤرِْيبْ لِيكْ كِمَا تبَْغِي رُوحَكْ"، رَاكُمْ الْدِيّرُواحَاجَة مْلِيحَة. 9 وْ بصََّحْ إِلَا كُنْتوُا تتَعْاَمْلوُا باَلْوْجُوهْ، رَاكُمْ تدَنَّْبوُا، وَ الْشْرَعْ يحَْكَمْ عْلِيكُمْ عْلىَخَاطَرْشْ مَادِرُّوشْ بِيه. 10 وَنْتوُمَا تعَرَّْفوُا بلَِيّ الِيّ يْطِيعْ ڤاَعْ لوَْصَاياَ الِيّ فاَلْشَّرِيعةَ تاَعْمُوسَى، وَيْخَالفَْ وَحْدةَ مَنْهَا، رَاهْ دْنبَْ فِي حَقْ ڤاَعْ الْشَّرْعْ. 11 عْلىَ خَاطَرْ ڤاَعْ الِيّ ڤاَلْ:"مَاتزَْنِيشْ" ڤاَلْ تاَنِي: " مَاتكَْتلُْشْ". وْ إِذاَ مَزْنِيتشْْ بصََّحْ كْتلَْتْ، رَاكْ حَالفَْتْ الْشَّرِيعةَ. 12 إِمَلَاتكَْمْلوُا وْ تعْاَمْلوُا كِيمَا الْناَّسْ الِيّ يْحَاكَمْهُمْ الَّْله باَلْشَّرْعْ الْحُرِيةَّ. 13 يْلِيقْ يْكُونْ الْحُكْمْ مَيرَْحَمْشْعْلىَ الِيّ مَفِيهُمْشْ الْرَّحْمَة، وْ بصََّحْ الْرَّحْمَة تغَْلبَْ الْحُكْمْ. 14 شَهِيَ الْفاَيْدةَياَخُوتِي إِلَا ڤاَلْ شِي وَاحَدْ بلَِيّ عَنْدهَْ إِيمَانْ بصََّحْ مَعنَْدهَْشْ الَْأعْمَالْ، كِيفاَشْ زَعْمَا هَادْ الْإيمَانْيْنجََّمْ يْسَلْكَهْ؟ 15 وْإِلَا كَانْ شِي أخَْ وَلَّا أخُْتْ مَعنَْدْهُمْشْ شَيلَبَّْسُوا وْ مَعنَْدْهُمْ شَاياَكْلوُا، 16 وْ ڤاَلْهُمْكَاشْ وَاحَدْ فِيكُمْ:" رُوحُوا الَّْْله يْسَهَّلْ عِلْيكُمْ، أدَفَّوُا وْ كُولوُا غَاياَ"، بصََّحْ مَعْطِيتهُُمْشْ ه هَذاَكْالْشّْي الِيّ مَسْتحَْقْيِينْ، شَهِيَ الْفاَيْدةَ مَنْ هَادْ الْشِّي؟ 17 وْهَكَّا حَتىَّ الْإِيمَانْ، إِذاَ كَانْ وَحْدهَ بْلَاالَْأعْمَالْ، يتَسَْمَّى رَاهْ مَيتَّْ. 18 بصََّحْ يقَْدرَْ شِي وَاحَدْ يْڤوُلْ:" أنَْتَ عَ،ْدكَْ الْلإِيمَانْ، وْ أنَاَ عْنْدِيالَْاعْمَالْ. وَرِّيلْي الْإيمَانْ نْتاَعَكْ بْلَا الَْأعْمَالْ وْأنَاَ غَادِي نْوَرِّيلكَْ الْإِيمَانْ تاَعِي باَلَْاعْمَالْتاَعِي". 19 أنَْتَ تآْمَنْ بلَِيّ الَّْله وَاحَدْ، هَأدْ الْشِّي مْلِيحْ. بصََّحْ حَتىَّ الْشَّياطِينْ يْآمْنوُا بْهَادْ الْشِّي وْيتَرَْعْدوُا باَلْخَوْفْ! 20 بصََّحْ شَابْغِيتْ تعَْرَفْ ياَ قْلِيلْ لفَْهَامَة بلَِيّ الْإِيمَانْ بْلَا الَْأعْمَالْ مَيتَّْ؟ 21 وَاشْ مَاشِي باَلَْأعْمَالْ وَلىَّ بوُناَ إِبْرَاهِيمْ مَتقَِّي الَّْله، مَلِيّ مَدْ وَلْدهَ إِسْحَاقْ عْلىَ الْمَذْبحَْ؟ 22 شَفْتوُا بلَِيّ الْإِيمَانْ نْتاَعَهْ كَانْ مْعَ الَْأعْمالْ تاَعَهْ، وْ بلَِيّ باَلَْأعْمَالْ كَمَّلْ الْإيمَانْ، 23 وْهَكَّا كْمَلْداَكْ الْشِّي الِيّ جَا فاَلْكْتاَبْ " آمَنْ ابْرَاهِيمْ باَلَّْله وَ انْتحَْسْبتَلْهَْ بِرْ"، وَ تسَْمَّى خَلِيلْ الَّْله. 24 هَانْتوُمَاشَفْتوُا كِيفاَشْ باَلَْأعْمَالْ يْوَلِيّ الْبْناَدمَْ مَتقَِّي، مَشِّي غِيرْ باَلْإِيمَانْ وَحْدهَ. 25 وْ حَتىَّ رَاحَابْالْزَّانْيةَ، ياَكْ وَلَّاتْ مَتقَِيَّّ الَّْله باَلَْأعْمَالْ، مَلِيّ رَحْبتَْ باَلْرُّسُلْ وْهَرّْبتَهُْمْ مَنْ طْرِيڤْ وَحْدخُْرَى؟ 26 عْلىَ خَاطَرْ كِيمَا الْذاَّتْ بْلَا رُوحْ يْكُونْ مَيتَّْ، هَكَّا تاَنِي الْإِيمَانْ بْلَا الَْأعْمَالْ يْكُونْ مَيتَّْ.
1 ياَخُوتِي مَخْصْكُمْشْ تكُْونوُا ڤاَعْ مُعلَِمِّينْ، عَارْفِينْ بلَِيّ حْناَ الْمُعلَِمّْينْ غَادِينْتحَْاكْمُوا بْحُكْمْ صْعِيبْ مَنْ الْناَّسْ وَحْدخُْرِينْ! 2 عْلىَ خَاطَرْ ڤاَعْ كِيمَا رَاناَ نغَلَّْطُوا فِي بزََّافْأمُُورْ . وْ إِلَا شِي وَاحَدْ مَيغَْلطَْشْ فِي كْلَامَهْ يتَسَْمَّى رَاجَلْ مَكْمُولْ، وْ قاَدرَْ يتَحَْكَّمْ فِي رُوحَهْ. 3 هَيلََا لعَْوَادْ، إِداَ درَْناَلْهَا الْلْجَامْ فِي فمُْهَا باَشْ تسَْاعَفْناَ، رَاهْ نمََشُّوهَا كِيمَا نبَْغوُا. 4 هَيلََا الْفْلَايكَْتاَنِي ، حَتىَّ وْلوُكَانْ هِيَ كْبِيرَة، تمَْشِّيهَا رِيحْ قْوِيةَ، غِيرْ بْدفَةَّ صْغِيرَة بزََّافْ يْوَجَّهْهَا هَداَكْهَداَكْ الِيّ يْصُوڤهَْا وِينْ مَا بْغىَ. 5 هَكَّا حَتىَّ الْسَانْ، هُوَ غِيرْ طَرْفْ صْغِيرْ ، بصََّحْ يْدِيرْ بزََّافْحْوَايجَْ، نْشُوفوُا كِيفاَشْ شُعْلةَ صْغِيرَة تاَعْ الناَّرْ، تحَْرَڤْ غَابةَ! وَ الْسَانْ ناَرْ! 6 فِيهْ ڤاَعْ الْشَّرْ .هُوَ طَرْفْ مَنْ الْذاَّتْ تاَعْناَ بصََّحْ يْنجََّسْهَا ڤاَعْ، وْ يحَْرَڤْ الْدنَّْياَ، باَلْناَّر الِيّ تجِْي مَنْ جَهَنمَّْ. 7 وَالْبْناَدمَْ يقَْدرَْ يتَحَْكَّمْ فْڤاَعْ لوَْحُوشْ وَ الْطْيوُرْ و الْحَيوََناَتْ الِيّ تزَْحَفْ وْ الِيّ فاَلْبْحَرْ، وْ هَداَكْالِيّ داَرَهْ. 8 بصََّحْ الْسَانْ، حَتىَّ وَاحَدْ مَايتَحَْكَّمْ فِيهْ. هُوَ شَرْ مَيغَلَّْبهَ حَتىَّ وَاحَدْ، وَ مْعمََّرْ باَلْسَّمْالِيّ يكَْتلُْ. 9 بِيهْ نقَدَوُّا نشُُّكْرُوا الَّْله الْآبْ، وْ بِيهْ نجَّْمُوا باَشْ نلَعَّْنوُا بِيهْ الْناَّسْ الِيّ خْلقَْهُم الَّْله عْلىَصُورْتهَْ. 10 مَنْ فمُْ وَاحَدْ يخُْرُجْ لكَْلَامْ الِيّ يْباَرَكْ وْلكَْلَامْ الِيّ يلَْعنَْ! وْ هَادْ الْشِّي ياَخُوتِي مَخَصَّهْشْ يْكُونْ! 11 كِيفاَشْ يقَْدرَْ يخَْرُجْ الْمَاء الْحْلوُْ وَ الْمَالحَْ مَنْ الْعِينْ وَحْدةَ؟ 12 كِيفاَشْ أخَُوتِيتنْجََّمْ الْحُرَّة تمَْدْ الْزِّيتوُنْ، وَلىَّ الْداَّلْيةَ تعَْطِي الْكَرْمُوسْ؟ وْ هَكَّا حَتىَّ الْعِينْ الْمَالْحَة مَتعَْطِيشْلحَْلوُ! نوعان من الحكمة 13 شْكُونْ فِيكُمْ الِيّ حْكِيمْ وْ فاَهَمْ؟ إِمَلاَ يْخَصَّهْ يْبيَنَّْ الَْأعْمَالْ الِيّيْدِيرْهُمْ باَلْمُعاَمَلةَ تاَعَهْ لمَْلِيحَة باَلْتوََّاضُعْ الِيّ فاَلْحِكَمَة. 14 بصََّحْ إِداَ كَانْ ڤلَْبْكُمْ مْعمََّرْ باَلْغِيرَة وَالْحُڤدْْ ، مَتفَْتخَْرُوشْ وْ مَتكََّدْبوُشْ عْلىَ الْحَقْ. 15 مَشِّي هَاذْ الْحِكْمَة الِيّ نزَْلتَْ مَنْ الْسْمَا، هِيَ مَنْالْلرَّْضْ وْ مَنْ بْناَدمَْ وْ مَنْ الْشَّيْطَانْ. 16 عْلىَ خَاطَرْ وِينْ مَا تكُْونْ الْغِيرَة وَ الَْأنْانِيةَ، تكُْونْالْفوَْضَى وْ ڤاَعْ وْ فْعاَيلَْ الْشَّرْ. 17 بصََّحْ الْحَكْمَة الِيّ جَاياَ مَنْ عَنْدْ الله تكُْونْ مَالأوََلْ نْقِيةَ وْطَاهْرَة ، وْ فِيهَا لهَْناَ وَ التوَاضُعْ، وَ الْمُسَامَحَة ، مْعمَْرَة باَلرَحْمَة ، وْ فْعاَيلَْ الْخِيرْ وْ مَفِيهَاشْالنِفاَقْ وْ لاَ التفَْضِلْ . 18 وْ لْغلَةَّ تاَعْ التقَْوَي تزَْرَعْ فاَلهَْناَ بْهَادوُكْ لِيْدِيرُوا لهَْننَ .
1 مْنِينْ جَاوْ هَادْ الْحُرُوبْ وَ الْخُصُومَاتْ الِيّ بْيناَتكُْمْ؟ مَشِّي مَن هْناَ: مَنْ الْشَّهْوَاتْ نْتاَعْكُمْ اللِيّتحَْارَبْ الْذاّتْ تاَعْكُمْ؟ 2 غَادِي تتَشَْهَّاوْ حَاجَة بصََّحْ مَغاَدِيشْ تمََّلْكُوهَا. عْلِيهَا غَادِي تكُُّتلْوُا وْتحََّسْدوُا وْ مَاغَادِيشْ تقَدَّْرُوا تنْاَلوُا شَابْغِيتوُا. غَادِي تخَْاصْمُوا وَ تحَْارْبوُا بصََّحْ مَغاَدِيشْتمََّلْكُوا، عْلىَ خَاطَرْشْ مَتطََّلْبوُشْ مَن الَّْله . 3 غَادِي تطََّلْبوُا بصََّحْ مَغاَدِيشْ يْمَدلَّْكُمْ ،عْلىَ خَاطَرْتطََّلْبوُا وْ تقَصَّْدوُا بِيهْ الْشَّرْ باَهْ ترَْضُوا شَهْواتكُْمْ . 4 ياَ الْزَّانْياَتْ و الْزَّانْيِينْ، مَعْلبَاَلْكُمْشْ بلَِيّمْحَبةَّ الْدنَّْياَ هِيَ عْداَوَة مْعَ الَّْله ؟ وَلِيّ يبَْغِي الْدنَّْياَ، رَاهْ وَلَّا عْدوُْ لََّْله. 5 رَاكُمْ حَاسْبِينْ بلَِيّ كْتاَبْالَّْْله يهَْدرَْ باَطَلْ : الْرُّوحْ الِيّ فِيناَ يتَشَْهَّى الحَْسَدْ؟ 6 بصََّحْ الَّْله يعَْطِيناَ نعَْمَة كْبِيرَة. عْلىَ هَادْ الْشِّييْڤوُلْ: " الَّْْله يْقاَوَمْ الْمَتكَْبْرِينْ، بصََّحْ الْمَتوَْاضْعِينْ يعَْطِيهُمْ نِعّْمَة". 7 أمََلاَ طِيعوُا الَّْله. قاَوْمُوابْلِيسْ يهَْرَبْ مَنْكُمْ. 8 ڤرَْبوُا مَنْ الَّْله وْ هُوَ غَادِي يڤَرََّبلَْكُمْ. غَسْلوُا يدَِيّكُمْ ياَ الْمَذنَّْبِينْ، وْ نقَوُّاڤلْوُبْكُمْ ياَ الْمُرَائِينْ. 9 احَّزْنوُا وْ نوَّْحُوا وَ بْكُوا. ضَحْكَتكُْمْ غَادِي توَْلِيّ نْوَاحْ ، وْ فرَْحَتكُْمْ غَادِيتوَْلِي حْزَنْ. 10 توَْاضْعوُا ڤدُاَّمْ الَّْله هُوَلِيّ غَادِي يرَْفعَْكُمْ. 11 ياَ خُوتِي مَتهََّدْرُوشْ عْلىَ بعَْضِياَتكُْمْباَلْشَّرْ. عْلىَ خَاطَرْ لِيّ يهَْدرَْ عْلىَ خُوهْ باَلْشَّرْ وْ يحَْكَمْ عْلِيهْ رَاهْ يحَْكَمْ وْ يهَْدرَْ عْلىَ الْشَّرِيعةَ.وْإِلَا حْكَمْتْ عْلىَ الْشَّرِيعةَ ، إِمَلَا مَرَاكْشْ دِيّرْ بِيهَا، بصََّحْ رَاكْ تحَْكَمْ عْلِيهَا. 12 وَاحَدْ هُوَ الِيّداَرْ الْشَّرِيعةَ، هُوَ الْقاَدرَْ باَشْ يْسَلكَّْ وْ يهَْلكَْ. شْكُونْ أنَْتاَ ياَ الِيّ رَاكْ تحَْكَمْ عْلىَ غِيرَكْ؟ . 13 وْ درَْوَكْ أسََّمْعوُلِي ياَ الِيّ تڤْوُلوُا :" الْيوُمْ وَلَّا غَدْوَا غَادِي نْرُوحْ لْهَادْ لمَْدِينةَ وَلَّا لْهَادِيكْ، وْغَادِي نْفوَْتوُا فِيهَا عَامْ نْتاَعْ لْبِيعْ و الْشّْرَا باَشْ نرََّبْحُوا ". 14 أنَْتمَُا لِيّ مَاعْلبَاَلْكُمْشْ شَا يصَْرَاغَدْوَا ! شَاهِي حْياَتكُْمْ؟ رَاهَا غِيرْ دخَُّانْ يْباَنْ شْوِياَ مَنْ بعَْدْ يتَمَّْحَى . 15 فِي بْلَاصَة مَا تڤْوُلوُا: "إِلَا بْغاَ الَّْله وْ كُناَّ مَالْحَيِيّنْ غَادِي نْدِيرُوا هَادْ الْحَاجَة وَلَّا هَديَكْ". 16 بصََّحْ درَْوَكْ رَاكُمْ تفَْتاَخْرُواوْ تتَكَْبْرُوا وْ هَادْ الأِفْتِخَارْ مَاشِي مْلِيحْ . 17 وَ الِيّ يعَْرَفْ يْدِيرْ الْحَاجَة لمَْلِيحَة وْ مَايْدِيرْهَاشْ ،رَاهْ يذَْنبَْ.
1 وْ درَْوَكْ نْتمَُا ياَ لِيّ مَترَْفْهِينْ، أبَْكُوا وْ نوَْحُوا عْلىَ الْمَصَايبَْ الِيّ غَادِي يْطِيحُوا عْلِيكُمْ. 2 لْكَنْزْتاَعْكُمْ فْسَدْ ، وْ لبَْسَتكُْمْ غَادِي يكَُلْهَا الْبقَْ . 3 دْهَبْكُمْ وْ فضََّتكُْمْ رَاهُمْ تصَْداَّوْ، وَ الْصّْداَ تاَعْهُمْغَادِي يشَْهَدْ ضَدْكُمْ، وْ ياَكُلْ لْحَمْكُمْ كِيمَا الْناَّرْ! 4 الْخَداَّمَة لِيّ حَصْدوُا الْلرَّْضْ تاَعْكُمْ، الاجََّرْ الِيّ مَزَالْتمُْ تخَْلوُّهْ عَنْدْكُم باَلْظُّلْمْ رَاهْ يْزَڤِي،وْ الزَْڤاَتاَعْ الِيّ يحََصْدوُا دْخَلْ لوَْدنَْ رَبْ الْقدَِيرْ سَمْعهَْ. 5 رَاكُمْ ترَْفهَّْتوُا عْلىَ الْلرَّضْ وَ تنْعَمَّْتوُا فْهَادْ الْدنَّْياَ وْشَبعَْتوُا ڤلْوُبْكُمْ كِيمَا نْهَارْ الْدْبِيحَة. 6 وَ الْمَتقَِّيّ حْكَمْتوُا عْلِيهْ. كْتلَْتوُهْ. وْ هُوَ مَكَانْشْيْقاَوَمْ! 7 بصََّحْ ياَخُوتِي اصَّبْرُوا وَنْتوُامَا تقْاَرْعُوا المَْجِيةَّ نْتاَعْ الرَّبْ. هَوَلَاالْفلََّاحْ يْقاَرَعْ الْغلَةَّ تاَعَهْ الْمْلِيحَة، وْ يصَْبرُْ عْلِيهَا حَتىَّ تشُْرُبْ مَنْ الْنوُّا الِيّ تصُْبْ فاَلْخْرِيفْ وْفاَلْرْبِيعْ. 8 وَ انْتمَُا تاَنِي أصََّبْرُوا وْ ثبَْتوُا ڤلْوُبْكُمْ ، عْلىَ خَاطَرْ لمَْجِيةَّ تاَعْ الرَّبْ رَاهِي ڤرَْبتَْ. 9 ياَخُوتِي مَاتلْوُمُوشْ بعَْضِياَتكُْمْ باَشْ مَيْحَاسَبْكُمْشْ الَّْله. هَوَلَا هَاداَكْ الِيّ يحَْكَمْ وَاڤفَْ ڤدُاَّمْالْباَبْ. 10 وَ نْتمَُا تاَنِي ياَخُوتِي كُونوُا كِيمَا الَْأنْبِياَءْ الِيّ كَانوُا يتَحَْمْلوُا الْعْذاَبْ وْ الْصّْبرَْ باَشْيْكَلْمُوا باَسْمْ الْرَّبْ وَ يْكُونوُا قدُْوَة لِيكُمْ. 11 هَا حْناَ نْڤوُلوُا لْهَادوُكْ الِيّ صَّبْرُوا سَعْداَتكُْمْ. ياَكْسْمَعْتوُا عْلىَ صْبرَْ أيَوُّبْ وْشَفْتوُا شَا داَرْ مْعاَهْ الْرَّبْ مْعَ الْتاَّلِي. عْلىَ خَاطَرْ رَبِي عَنْدهَ بْزَّافْالْرَّحْمَة وَ حْنِينْ. 12 بصََّحْ قبَلَْ مَنْ كُلْشِي ياَخُوتِي، مَتحََّلْفوُشْ، لَا باَلْسْمَا، وْ لَا باَلرَّْضْ، وْ لَاحَتىَّ بْحَلْفْ وُحْداَخُرْ. بصََّحْ إلِْيقْ إكُْونْ وَاهْكُمْ وَهْ ،وْ لاتَاَعْكُمْ لاَ، باَشْ مَاتِيحُوشْ عْلىَ الْحْكُمْ. 13 إِلَا كَانْ كَاشْ وَاحَدْ فِيكُمْ ايفوُتْ فاَلْغْبِينةَ ؟ خَاصَّه يْصَلِيّ. وْإِلَا كَانْ فرَْحَانْ؟إِلِيقْ يْسَبحَّْ الْرَّبْ. 14 وْ إِلَا كَانْ كَاشْ وَاحَدْ مَنْكُمْ مْرِيضْ؟ خَاصَّهْ يْعيَطَّْ لشَْيوُخْ الْكَنِيسَة باَشْيْصَلوُّا مَنْ أجَْلهَْ وَ يدَهَّْنوُهْ باَلْزِّيتْ بْإسِْمْ الْرَّبْ، 15 وَالْصّْلَاةْ الِيّ تكُْونْ باَلْإِيمَانْ رَاهَا تدْاَوِيلمَْرِيضْ، وَ الْرَّبْ غَادِي يْبرَِّيهْ، وَ إِلَا داَرْ كَاشْ دنَْبْ غَادِي يتَغَّْفرَْ لهَْ. 16 اعْْتاَرْفوُا لْبعَْضِياَّتكُْمْباَلْدْنوُبْ، وْ صَلوُّا عْلىَ جَالْ بعَْضِياَّتكُْمْ، باَشْ تبَْرُوا. وَ الْصّْلَاةْ الْمُومَنْ الِيّ مَتقَِيّ الَّْْله عَنْدْهَافعَْلْ كْبِيرْ. 17 كَانْ إِيلِياَّ بْناَدمَْ كِيفْناَ، وَ طْلبَْ مَنْ الَّْْله باَلصْلَاةْ باَشْ مَتصُْبْشْ الْنوُّا،وْ مَنْ تمََاكْڤعَْدوُا تلَْاتِينْ سْنةَ و سَتَّ شْهُرْ مَصَبتَّشْْ ڤطُْرَة تاَعْ الْنوُّا عْلىَ اللرَّْضْ. 18 وْ عَاوَدْ صَلىّ تاَنِي،وْ صُبتُّْ الْنوُّا، وْ خَرْجَتْ الْلرَّْضْ غَلتَّهَْا. 19 ياخُوتِي، وْ إِلَا كَانْ شِي وَاحَدْ فِيكُمْ بعَدَّْ عْلىَ الْحَقْوْ رَدهَّْ وَاحَدْ آخُرْ، 20 خَاصْكُمْ تعَرَّْفوُا بلَِيّ هَداَكْ الِيّ رَدْ الْمَدْنبَْ مَنْ الْطْرِيڤْ الِيّ كَانْ فِيهَا،رَاهْ يْسَلكَّْ حْياَة الْمَدْنبَْ مَنْ الْمُوتْ، وَ يسُْترُْ بزََّافْ مَنْ الْدْنوُبْ.
1 بُطْرُسْ، رَسُولْ الْمَسِيحْ، لَلْي رَاهُمْ فَالْغُرْبَة مْفَرْكْتِينْ فْي بُنْتُسْ و غَلاَطِيَّة و كَبَّدُوكِيَّة و أَسِيَّا و بِيثِينِيَّة، أَلِّي خِيَارْهُمْ الله الأَبْ 2 عْلَى حْسَابْ الْعَلْمْ تَعَهْ مَالَوَلْ، فِي تَقْدِيسْ الْرُّوحْ لَطَّاعَة، ورَشْ دَمْ يَسُوعْ الْمَسِيحْ: بَاشْ تَكْثَرْ عْلِيكُمْ الْنِّعْمَة و الْسْلاَمْ. شكرًا لله للرجاء الحي 3 مْبَارَكْ الله أَبُوا رَبِّنَا يَسُوعْ الْمَسِيحْ، أَلِّي عْلَى حْسَابْ الْرَحْمَة تَعَه الْكْبِيرَة وْلَدْنَا خَطْرَة زَوْجَة لَرَجَاء الْحِيْ، بْقِيَامَة يَسُوعْ الْمَسِيحْ مَنْ الْمُوتْ، 4 لْوَارْثْ مَا يَفْنَاشْ و مَا يَفْسَدْشْ ومَا يَكْمَلْشْ، مَضْمُونْ فَالْسْمَا لِكُمْ، 5 أَنْتُمَ أَلِّي قُوَّة الله تْعَسْكُمْ، بَالإِيمَانْ، لَلَسْلاَكْ أَلِّي وَجَّدْهُلْكُمْ مَقْبَلْ ولِّي رَايَحْ يْبَانْ فَالْزْمَانْ الْلَخَرْ. 6 و هَادَا سْبَابْ فَرْحْكُمْ، حَتَّى وِلاَ دُورْكْ - إِذَا لاَزَمْ - تَحَزْنُوا شْوِيَة مَلْوَقْتْ بْتَجَارُبْ مَتْنَوْعَة، 7 و غَايَة هَادْ التَجَارَبْ هُوَ إِمْتِحَانْ إِيمَانْكُمْ، كِيمَا يْفُوتْ الْدْهَبْ فَالْنَارْ بَشْ يْتْنَقَى، الْتَجَارَبْ تَمْتَحَنْ إِيمَانْكُمْ، و هَكْدَا يْكُونْ إِيمَانْكُمْ شُكْرْ إِكْرَامْ و كَرَامَة لِيكُمْ كِي يَرْجَعْ يَسُوعْ الْمَسِيحْ 8 و أَنْتُمَ مَاشْفْتُوشْ الْمَسِيحْ بَصَّحْ تْحَبُّوهْ، حَتَّى إِذَا مَا شَفْتُوهْشْ دُورْكْ رَاكُمْ مْؤَمْنِينْ بِهْ، وتَفَرْحُوا بْفَرْحْ مَجِيدْ مَا يَتَوْصَفْشْ، 9 مَلِّي وْصَلْتُوا لْغَايَة إِيمَانْكُمْ أَلِّي هُوَ سْلاَكْ نْفُوسْكُمْ. 10 الْسْلاَكْ أَلِّي حَوْسُوا عْلِيهْ الأَنْبِيَا أَلِّي تْنَبْأُوا عْلَى الْنِّعْمَة وَجَدْهَالْكُمْ الله 11 كَانُوا يْحَاوْسُوا يَعَرْفُوا الْوَقْتْ و الْحَالْ أَلِّي كَانْ يْشِيرْ لْهَا رُوحْ الْمَسِيحْ أَلِّي فِيهُمْ، كِي شْهَدْ لْهُمْ مَا قْبَلْ بْأَلاَمْ لِي يَسَنَى الْمَسِيحْ، و الْمَجْدْ أَلِّي يْجِي مَمْبَعْدْ. 12 بَصَّحْ دَاكْ الْوَحْيْ مَا كَانْشْ لِيهُمْ، كَانْ لِينَا كَانُوا يَخَدْمُوا عْلَى جَالْ الْبْشَارَة أَلِّي بَشْرُوكُمْ بِهَا دُورْكْ، مْبَشْرِينْ فَالْرُّوحْ الْقُدُسْ لِّي تَرْسَلْ مَالْسْمَا. و حَتَّى الْلاَيْكَة تَتْمَنَى تْشُوفْهَادْ الأُمُورْ 13 عْلَى هَادْ الْشِي أَحَزْمُوا عْقُولْكُمْ و كُونُوا صَاحْيِينْ، وخَلِيوْ ڤَاعْ رَجَاءْكُمْ عْلَى الْنِّعْمَة أَلِّي تْكُونْ نْصِيبْكُمْ كِي يْوَلِي يَسُوعْ الْمَسِيحْ. 14 كِيمَا أَوْلاَدْ الْطَّاعَة، مَا تْوَلِوْشْ لَشَهْوَاتْ الْسَّابْقَة أَلِّي كَانَتْ تَحْكَمْ فِيكُمْ كِي كُنْتُوا فَالْجَهْلْ، 15 تْمَشُوا كِيمَا الْقٌدٌّوسْ أَلِّي عَيَطْلْكُمْ، كُونُوا أَنْتُمَ تَانِي قِدِّيسِينْ فْكُلْ سِيرَة. 16 عْلَى خَاطَرْ مَكْتُوبْ: " كُونُوا قِدِّيسِينْ كِيمَا أَنَا قُدُّوسْ". 17 و إِذَا كُنْتُوا تْسَمُوا الله أَبَّا لِكُمْ. هُوَيَحْكَمْ عْلَى كُلْ إِنْسَانْ عْلَى حْسَابْ أَعْمَالَهْ مَاشِي بْلَوْجُوهْ، تْمَشُوا فِي مَخَافَتْهْ كُلْ إِيَامْ حْيَاتْكُمْ، 18 عَارْفِينْ بَلِّي هُوَ أَلِّي فْدَاكُمْ و حَرَرْكُمْ مَنْ الْسِيرَة الْفَانْيَة أَلِّي وْرَثْتُوهَا مَنْ جْدُودْكُمْ، و هَادْ الْفِدْيَة مَاشِي فَانْيَة كِي الْفَضَّة و لا الْدْهَب، 19 بْدَمْ غَالِي، دَمْ الْمَسِيحْ، دَاكْ الْحَمَلْ أَلِّي بْلاَ عِيبْ ولاَ ذَنْبْ. 20 مَعْرُوفْ مَلْ الْلَوَلْ قْبَلْ تَأْسِيسْ الْعَلَمْ، بَصَّحْ رَاهْ بَانْ فَالْزْمَانْ الْلَخَرْ عْلَى جَالْكُمْ، 21 أَنْتُمَ أَلِّي تْؤََمْنُوا بِالْمَسِيحْ بَلِّي الله حْيَاهْ مَلْ الْمُوتْ و أَعْطَاهْ الْمَجْدْ، حَتَّى يْكُونْ إِيمَانْكُمْ و رَجَاءْكُمْ فَالله . 22 طَهْرُوا نْفُوسْكُمْ فِي طَاعَة الْحَقْ بالْرُّوحْ لَلْمَحَبَّة بِينْ الْخُوتْ أَلِّي مَافِيهَاشْ الْرِّيَاءْ، تْحَابُّوا بِينَاتْكُمْ مَنْ قَلْبْ نْقِي كِيمَا لاَزَمْ. 23 تَوْلَّدِْتُوا خَطْرَة زَوْجَة، مَاشِي مَنْ زَرْعْ إِنْسَانْ يَفْنَى، بَصَّحْ بَلِّي مَا يَفْنَاشْ، كَلِمَة الله الْحِيَّة الْدَايْمَة لَلَْأبَدْ 24 عْلَى خَاطَرْ: " كُلْ جَسَدْ كِي لَحْشِيشْ، و كُلْ مَجْدْ إِنْسَانْ كِي وَرْدَة لَحْشِيشْ. لَحْشِيشْ يَيْبَسْ و الْوَرْدْ أَطِيحْ، 25 بَصَّحْ كَلِمَة الْرَّبْ تَثْبَتْ لَلَْأبَدْ". و هَادِي هِيَ الْكَلِمَة أَلِّي بَشَّرْنَكُمْ بِهَا.
1 عْلَى جَالْ هَادْ الْشِي أرْمُوا كُلْ خُبْثْ و كُل خْدَعْ والْرِّيَاءْ و الْحْسَدْ و كُلْ مَذَمَّة، 2 كِي الْغُرْيَانْ تْوَّلْدُوا غِيرْ كِيمَا، تْشَهُوا لَحْلِيبْ تَعْ لَعْقَلْ أَلِّي مَا شِي خَسَرْ بَاشْ تَكْبْرُوا بِهْ، 3 إِذَا ذَقْتُوا بَلِّي الْرَّبْ صَالَحْ. (الحجر الحي و الشعب المختار) 4 و أَنْتُمَ جِيتُوا عَنْدَهْ، هُوَ الْحْجَرْ الْحِي أَلِّي مَا قَبْلُوهْشْ الْنَّاسْ، بَصَّحْ الله خَيْرَهْ و هُوَ غَالِي عَنْدَهْ، 5 كُونُوا أَنْتُمَ تَانِي مَبْنِيِّينْ كِي الْحْجَرْ الْحِي دَارْ رُوحِي، تْكُونُوا فِيهْ كَهَنَة مْقَدْسِينْ،تْقَدْمُوا لله ذْبَايَحْ رُوحِيَّة مَقْبُولَة عَنْدْ الله بْيَسُوعْ الْمَسِيحْ. 6 و كِيمَا يْڤُولْ لَكْتَابْ: " رَانِي دَايَرْ فِي صِهْيُونْ حْجَرْ زَاويَة مْخِيَّرْ و غَالِي، و لِّي يَأَمَنْ بِهْ مَا يَتْبَهْدَلْشْ". 7 و هَادْ الْحْجَرْ غَالِّي عَنْدْكُمْ، أَنْتُمَ أَلِّي أَمَنْتُوا بِهْ، و لَلِّي مَا أَمْنُوشْ بِهْ، "لَحْجَرْ أَلِّي مَا قَبْلُوهْشْ الْبَنَّايِّينْ، هُوَ لِّي وَلَّى رَاسْ زَّاوْيَة الْدَارْ" 8 و" هُوَ لَحْجَرْ لِّي يَتْخَبْطُوا فِيهْ و الْحَجْرَة لَكْبِيرَة أَلِّي يْطِيحُوا عْلِيهَا". يْطِيحُوا عْلَى خَاطَرْ مَا بْغَاوْشْ يْأَمْنُوا بَالْكَلِمَة، أَلِّي عْلَى جَالْهَا تْخَالْقُوا. 9 بَصَّحْ أَنْتُمَ جَنْسْ خِيْرَاهْ الله، و كَهَنَة و سْلاَطَنْ، أُّمَة مْقَّدْسَة، شَعْبْ خِيْرَاهْ الله لْنَفْسَهْ، بَاشْ تَحْكُوا بْفَضَائِلْ الله أَلِّي خَرَجْكُمْ مَالْظُّلْمَة لْنُورَهْ الْعَجِيب. 10 أَنْتُمَ أَلِّي مَا كُونْتُوشْ مَا قْبْلْ شَعْبْ الله، رَاكُمْ دُورْكْ شَعْبْ الله. و كُونْتُوا بْعَادْ عْلَى رَحْمَة الله، رَاكُمْ دُورْكْ تَتْمَتْعُوا بْالْرَحْمَة تَعَه. ( الخضوع للسلطة) 11 يَا لَحْبَّابْ، رَاكُمْ غِيرْ فِي غَرْبَة فِي هَادْ الْلَرْضْ، نَطْلَبْ مَنْكُمْ تْبَعْدُوا عْلَى الْشَهْوَاتْ الْجَسَدِيَّة أَلِّي تْحَارَبْ الْنَّفْسْ، 12 و تْكُونْ سِيرَتْكُمْ مْلِيحَة، بَاشْ أَلِّي يَتَهْمُوكُمْ بَلِّي رَاكُمْ أَدِيرُوا الْشَّرْ، كِي يْشُوفُوا فْعَالْكُمْ الْصَالْحَة، يْمَجْدُوا اللهْ فِي يُومْ لَحْسَابْ. 13 و طِيعُوا لْكُلْ نِظَامْ أَلِّي يْسِيَّرْ شُؤُونْ الْنَّاسْ عْلَى جَالْ الْرَّبْ، لَسُلْطَانْ أَلِّي هُوَ مُولْ الْسُلْطَة الْعَالْيَة، 14 ولَلحُكَامْ أَلِّي يْمَثْلُوا الْسُلْطَانْ بََاشْ يْعَاقْبُوا أَلِّي يْدِيرُوا الْشَّرْ، و يَشَكْرُوا أَلِّي يْدِيرُوا الْخِيرْ 15 عْلَى خَاطَرْ هَادِي هِيَ مَشِيئَة الله: دِيرُوا الْخِيرْ تْسَّكْتُوا جَهْلْ الْنَّاسْ لَبْهَالِيلْ. 16 كُونُوا أَحْرَارْ، مَاشِي كِي لِّي يَتْخَبَاوْ مُورْ الْحُرِّيَّة بَاشْ أَدِيرُوا الْشَّرْ، أَحْسْبُوا رُوحْكُمْ عَبِيدْ الله. 17 أَكَرْمُوا ڤَاعْ الْنَّاسْ. حَبُّوا الْخُوتْ. خَافُوا الله. أَكَرْمُوا الْسُلْطَانْ. 18 يَا خُدَّامْ، كُونُوا خَاضْعِينْ بْإِحْتِرَامْ لَسْيَادْكُمْ، مَاشِي غِيرْ أَلِّي صَالْحِينْ ة يْعَمْلُوكُمْ مْلِيحْ حَتَّى لَضَالْمِينْ وڤَاسْيِّينْ تَانِي. 19 شْحَالْ مْلِيحْ يَتْحَمَلْ الإِنْسَانْ الْحُزْنْ و يَتْاَلَمْ وهُوَ مَظْلُومْ، عْلَى خَاطَرْ الْضَمِيرْ تَعَه يْخَافْ الله. 20 عْلَى خَاطَرْ وَاشْ مَنْ مَجْدْ عَنْدْكُمْ إِذَا كُونْتُوا تَصَبْرُوا لَظُلْمْ وأَنْتُمَ غَالْطِينْ؟ بَصَّحْ إِذَا كُونْتُوا تَتْأَلْمُوا و دَايْرِينْ الْخِيرْ و صَابْرِينْ، هَادَ خِيرْ عَنْدْ الله، 21 عْلَى خَاطَرْ الله دْعَاكُمْ تْشَارْكُوا فِي هَادْ الأَلَامْ، و الْمَسِيحْ لِّي تْأَلَمْ عْلَى جَالْنَا خَلَّنَا مْثَلْ نْتَبْعُوهْ، و نَتْمَشُوا كِيمَا هُوَ. " 22 أَلِّي مَا دَارْ حَتَّى ذَنْبْ، و فِي فَمَّهْ مَا كَانْ حَتَّى مَكْرْ". 23 أَلِّي كَانْ يَتْسَّبْ مَارَدْشْ عْلَى الْشْتِيمَة، وكِي تْاَلَّمْ مَا كَانْشْ يْهَدَدْ بَصَّحْ سَلَمْ حَالَهْ لله أَلِّي يَحْكَمْ بالْعَدْلْ 24 أَلِّي بْنَفْسَهْ رْفَدْ ذْنُوبْنَا فِي جَسْدَه فُوڤْ الْصَلِيبْ، بََاشْ نْمُوتُوا مَنْ الْذْنُوبْ و نَحْيُوا للْبِرْ. أَلِّي بَجْرَاحْ تَعَهْ بْرِيتُوا. 25 عْلَى خَاطَرْ كُونْتُوا كِي خَرْفَانْ تَايْهَة، بَصَّحْ دُورْكْ وَلِيتُوا عَنْدْ رَاعِي نْفُوسْكُمْ ولِّي ضَامَنْهَا.
1 أَنْتُمَ تَانِي يَا نْسَا، كُونُوا خَاضِعَاتْ لَرْجَالْكُمْ، حَتَّى و إِذَا الْبَعْضْ مَنْهُمْ مَا يْاَمْنُوشْ بالْكَلِمَة، تَرَبْحُوهُمْ بْسِيرَتْكُمْ الْمْلِيحَة الْنْقِيَّة بْلاَ كْلاَمْ، 2 كِي يْشُوفُوا نْقَاوْتْكُومْ و خُوفْكُمْ مالله. 3 و مَا تْحَوَسُوشْ عْلَى شْبُوبْ تَعْ بَرَى، منْ زْوَاقْ تَعْ الْشْعَرْو لْبَاسْ الْدْهَبْ ولْبَاسْ الْقَشْ الْغَالِي، 4 بَصَّحْ لاَزَمْ تْحَوَسْ عْلَى الْشْبُوبْ مَالْدَاخَلْ يْكُونْ قَلْبْهَا مْزِيَّنْ بْرُوحْ الْوَدَاعَة و الْرْزَانَة، أَلِّي هُوَ غَالِي قُدَامْ اللهز 5 و بِهَا كَانَتْ تَتْزِيَّنْ الْنْسَا الْقِدِّيسَاتْ الْزْمَانْ، كَانَتْ كَلْ وَاحْدَة تَتْكَلْ عْلَى الله و تَخْضَعْ لْرَاجَلْهَا، 6 كِمَا كَانَتْ سَارَة تْطِيعْ إِبْرَاهِيمْ و تْعَيَطْلُوا " سِيدْهَا". و أَنْتُمَ وَلِيتُوا بْنَاتْهَا الْيُومْ، دِيرُوا الْخِيرْ، و مَا تْخَافُوا مَنْ وَالُو. 7 نْتُومَا تَانِي يَل رْجَالْ، سَاعْفُوا نْسَاكُمْ عْلَى خَاطَرْ رَاكُمْ عَارْفِينْ بَلِّي هُمَا ضْعَافْ عْلِيكُمْ، و أَعْطِيوْهُمْ الْكَرَامَة، و أَحَسْبُوهُمْ شْرِيكَاتْ مْعَاكُمْ فِي وَارْثْ نِعْمَة الْحَيَاة، بَاشْ يْكُونْ حَتَّى شِي يْحَبَسْ صْلاَتْكُمْ. التألم نتيجة فعل الخير 8 و الْخُلاَصَة كُونُوا ڤَاعْ مَتَحْدِينْ فَالْرَايْ و فالْمَشَاعِرْ، مْعَمْرِينْ بَالْمَحَبَّة الاَخَوِيَّة، و الْرَحْمَة، و الْتَوَاضُعْ، 9 مَا تْرَدُوشْ الْشَرْ بَالْشَرْ و الْشْتِيمَة بَالْشْتِيمَة، بَالَعَكْسْ بَارْكُوا ، عَارْفِينْ بَلِّي الله دْعَاكُمْ تَوَارْثُوا بَرَكَة. 10 عْلَى خَاطَرْ: " أَلِّي يْحَبْ يَفْرَحْ بَالْحْيَاة و يْشُوفْ إِيَّامْ صَالْحَة، يَرْبَطْ لْسَانَهْ عَالْشَّرْ، و كْلاَمْ الْغَشْ، 11 يْبَعَدْ عْلَى الْشَّرْ، و يْدِيرْ الْخِيرْ، و يْحَوَسْ عْلَى الْسَّلاَمْ، و يَجْرِي وْرَاهْ. 12 عْلَى خَاطَرْ عِيْنِّينْ الْرَّبْ عْلَى الأَبْرَارْ، و وَدْنِيهْ يَسَمْعُوا لَدْعَاوِهُمْ، بَصَّحْ وَجْهْ الْرَّبْ ضَدْ أَلِّي يْدِيرُوا الْشَّرْ". 13 شْكُونْ يَؤْذِيكُمْ إِذَا كُونْتُوا أَدِيرُوا الْخِيرْ؟ 14 و إِذَا تْأَلَّمْتُوا عْلَى جَالْ الْحَقْ، يَا سَعْدْكُومْ. ومَا تْخَافُوشْ مَنْ الْتَهْدِيدْ و الإضْطِهَادْ تَعْهُمْ، 15 قَدْسُوا الْرَّبْ الإِلَهْ فِي كْلُوبْكُمْ، وَاجْدِينْ دِيمَا أَجَوْبُوا أَلِّي يْسَاقْسِيكُمْ عْلَى سْبَابْ الْرَّجَاء أَلِّي فِيكُمْ، بْوَادَعَة و إِحْتِرَامْ، 16 و يْكُونْ الْضَمِيرْ تَعْكُمْ صَالَحْ، بَاشْ أَلِّي يْسَبُوكُمْ و عَيْرُوا سِيرَتْكُمْ الْصَّالْحَة فَالْمَسِيحْ، يَتْبَهْدْلُوا عْلَى كْلاَمْهُمْ الْكَاذَبْ عْلِيكُمْ كَلِي رَاكُمْ دِيرُوا فَالْشَّرْ. 17 وإِذَا بْغَى الله تَتْألْمُوا، وأَنْتُمَ دِيرُوا الْخِيرْ، خِيرْمَلِّي تَتْأَلْمُوا و أَنْتُمَ دِيرُوا الْشَّرْ. 18 الْمَسِيحْ تَانِي تْأَلَمْ مَرَّة وَاحْدَة بَاشْ يِنَحِي الْذْنُوبْ، الْبَارْ تْاَلَمْ عْلَى جَالْ الْمَذْنُوبِينْ، بَاشْ يْڤَّرَبْنَا لله، مَاتْ بَالْجَسَدْ تَعَه مَمْبَعْدْ وَلَى حِيْ بَالْرُّوحْ، 19 أَلِّي رَاحْ تَانِي و بَشَّرْ لَلأَرْوَاحْ الْمَحْبُوسَة، 20 أَلِّي مَا قَبْلُوشْ لَبْشَّارَة فِي وَقْتْ نُوحْ، أَلِّي كَانْ الله يَسَنَى وصَابَرْ طُولْ الْوَقْتْ لِّي كَان نُوحْ يَبْنِي فِهْ الْبَابُور، و لِّي سَلْكُوا مَنْ مَا الْطُوفَانْ قْلاَلْ، ثْمَنْيَة مَالْنَاسْ 21 و هَادِي أَعْطَاهَا الله صُورَة عْلَى الْتَغْطَاسْ. مَاشِي لْلَغْسِيلْ تَعْ الْجَسَدْ مَالْوْسَاخْ، بَصَّحْ عَهَدْ لْضَمِيرْ صَالَحْ ڤُدَامْ الله، بقِيَامَة يَسُوعْ الْمَسِيحْ، 22 أَلِّي رَاهْ عْلَى يْمِينْ الله، كِي طْلَعْ لَسْمَا، و لْمَلاَيْكَة و الْسْلاَطَنْ و الْقُوَّتْ(الْرُوحِيَة) خَاضْعَة لِهْ.
1 وإِذَا تْأَلَمْ الْمَسِيحْ عْلَى جَالْنَا فَالْجَسَدْ، تْسَلْحُوا أَنْتُمَ تَانِي بْهَادْ الْنِّيَّة. و لِّي تْأَلَمْ فَالْجَسَدْ، يْبَطَلْ يْدِيرْ الْذْنُوبْ، 2 بَاشْ مَا يْزِيدْشْ يْعِيشْ الْوَقْتْ أَلِّي بْقَالَهْ بَالْجَسَدْ، لْشَهْوَاتْ الْنَّاسْ، بَصَّحْ يْعِيشْ لإِرَادَة الله. 3 بَارْكَكُمْ مَنْ دَاكْ الْزْمَانْ أَلِّي فَاتْ مَنْ حْيَاتْكُمْ كِي كُونْتُوا عَايْشِينْ كِيمَا الأُمَمْ، كِي كُونْتُوا تْعِيشُوا فَالْدَّاعَارَة و الْشَهْوَاتْ، و إِدْمَانْ الْخَمْرْ، و الْبَطْرْ، و فَالْحَفْلاَتْ تَعْ الْسَكْرَى، و عِبَادَة الأَصْنَامْ لَمْحَرْمَة، 4 عْلَى هَادْ الْشِي أَلِّي صْحَابْكُمْ تَعْ الْزْمَانْ رَاهُمْ مَسْتْغََربِينْ مَلِّي خَلِيتُوا دِيكْ الْسِيرَة لَقْبِيحَة مْعَاهُمْ، وَلاَوْ يَهْدْرُوا عْلِيكُمْ بَالْشَّرْ. 5 و رَايْحِينْ يْمَدُوا لَحْسَابْ ڤُدَامْ الْمَسِيحْ أَلِّي رَايَحْ يْحَاسَبْ الْحِيِّينْ و الْمُوتَى. 6 عَلَى جَالْ هَادْ الْشِي بَشَّرْ الْمُوتَى تَانِي، بَاشْ يَتْحَاسْبُوا كِيمَا الْنَّاسْ بَالْجَسَدْ، بَصَّحْ يَحْيَاوْ عْلَى حْسَابْ الله بَالْرُّوحْ. 7 رَاهْ ڤَرَبْ الْوَقْتْ أَلِّي كُلْ شِي يَكْمَلْ، تْعَقْلُّوا و أَصْحُوا لَصْلاَةْ. 8 و قْبَلْ كُلْ شِي، لاَزَمْ مْحَبَّتْكُمْ فِي مَا بِينَتْكُمْ تْكُونْ قْوِيَة، عْلَى خَاطَرْ الْمَحَبَّة تَسْتَرْ بَزَافْ مَالْذْنُوبْ. 9 كُونُوا مَضْيَفِينْ بِينَتْكُمْ بْلاَ زْعَافْ. 10 لاَزَمْ كُلْ وَاحَدْ فِيكُمْ يَخْدَمْ عْلَى حْسَابْ الْمَوْهِبَة أَلِّي تْمَّدَتْلُومَنْ عَنْد الله لُخْرِينْ، رَاكُمْ وُكَلاَء صَالْحِينْ عْلَى نِعْمَة الله المَتْنَوْعَة. 11 إِذَا تْكَلَمْ وَاحَدْ مَنْكُمْ يَتْكْلَمْ كِيمَا بَكْلاَمْ الله. و إِذَا كَانْ وَاحَدْ يَخْدَمْ لاَزَمْ يَخْدَمْ عْلَى حْسَابْ الْقُوَة اَلِّي أَعْطَاهَلُو الله، بَاشْ يَتْمَجَّدْ الله فِي كُلْ شِي بْيَسُوعْ الْمَسِيحْ، أَلِّي لِهْ عَنْدَهْ الْمَجْدْ و الْسُّلْطَانْ لَْأبَدْ الأَبِيدِينْ. أَمِينْ. 12 يَا حْبَابِي، مَا تَسْتَغَرْبُوشْ مْنَارْ الإِضْطِهَادْ الْمَشْعُولَة عَنْدْكُمْ، بَاشْ تَمْتَحَانْكُمْ، كَلِي شِي غْريبْ رَاهْ صَارِيلْكُمْ، 13 بَصَّحْ أَفَرْحُوا، عْلَى خَاطَرْ كِيمَا تْشَارْكُوا الْمَسِيحْ دُورْكْ فَالأَلمْ، تَفَرْحُوا كِي تْشَارْكُوهْ فَالْفَرْحْ كِي يْبَانْ الْمَجْدْ تَعَهْ. 14 إِذَا عَيْرُكُمْ بأَسْمْ الْمَسِيحْ، يَا سَعْدْكُمْ، عْلَى خَاطَرْ رُوحْ الْمَجْدْ و الله يَسْكَنْ فِيكُمْ. و مَنْ جِهَتْهُمْ يْجَدْفُوا فِيهْ، و مَنْ جِهَتْكُمْ يَتْمَجَّدْ. 15 أَحَرْزُوا يَتْأَلَّمْ وَاحَدْ مَنْكُمْ كِي قَتَالْ، ولا كِي خَايَنْ، ولاَ كِي لِّي يْدِيرْ الْشَّرْ، ولاَ لِّي يْدَخَّلْ رُوحَهْ فِي صْوَالَحْ الْنَّاسْ. 16 بَصَّحْ إِذَا تْأَلَّمْ عْلَى خَطَرْمَسِيحِي، مَا يَحْشَمْشْ، و يْمَجَّدْ الله عَلَى هَادْ الَْاسَمْ. 17 صَّحْ الْوَقْتْ رَاهْ لْحَڤْ بَاشْ يَبْدَى لَحْسَابْ بْأَهْلْ بِيتْ الله. و إِذَا بْدَى بِينَا، كِيفَاشْ تْكُونْ عَاقْبَة أَلِّي مَا أَمْنُوشْ بْإِنْجِيلْ الله؟ 18 و" إِذَا كَانْ البَارْ بَالْجَهْدْ يَسْلَكْ وَاشْ يَصْرَى لَشَرِيرْ و الْخَاطِي؟" 19 أَلِّي رَاهُمْ يَتْأَلْمُوا عْلَى حْسَابْ مَشِيئَة الله، يْسَالْمُوا أَنْفُسْهُمْ، لَلْخَالَقْ الأَمِينْ، و يْكَمْلُوا يْدِيرُوا الْخِيرْ.
1 نَطْلَبْ مَالْشُّيُوخْ أَلِّي بِينَتْكُمْ، أَنَا الْشِّيخْ صَاحَبْكُمْ، و الْشَّاهَدْ لَْألاَمْ الْمَسِيحْ، و شْرِيكْ الْمَجْدْ أَلِّي رَايَحْ أَيْبَانْ، 2 أَرْعُوا رَعِيَّة الله أَلِّي بِينَتْكُمْ، مَاشِي بْدَافَعْ الْوَاجَبْ بَصَّحْ مَنْ قَلْبْكُمْ، 3 و مَاشِي أَدِيرُوهَا خَدْمَة تَرْبْحُوا بِهَا، و لاَ بَاشْ بَارْكْ تَحَكْمُوا الْخَدْمَة، و مَا تَتْسَلْطُوشْ عْلَى الْرَعِيَّة أَلِّي حَطْهَا الْرَّبْ بِينْ يَدِيكُمْ، كُونُوا لْهُمْ مْثَلْ. 4 و كِي يْبَانْ رَايَسْ الْرُّعَاةْ تْنَالُوا إِكْلِيلْ الْمَجْدْ أَلِّي مَا يَخْسَرْشْ. 5 نْتُمَا تَانِي يَا الْشَاشْرَة، قَدْرُوا الْشُّيُوخْ، و كُونُوا ڤَاعْ خَاضْعِينْ بِينَاتْكُمْ، و أَلَبْسُوا الْتَّوَاضَعْ، عْلَى خَاطَرْ: " الله يْقَاوَمْ اَلِّي يَتْكَبْرُوا، و يَعْطِي الْنِعْمَة لَلْمَتْوَاضْعِينْ". 6 تْوَاضْعُوا تَحْتْ يَدْ الله الْقْوِيَّة بَاشْ يَرْفَدْكُمْ فِي وَقْتَهْ، 7 و أَرْمُوا ڤَاعْ هَمْكُمْ عْلِيهْ، عْلَى خَاطَرْ هُوَ يَتْهَالَى بِيكُمْ. 8 أَصْحُوا و أَسَهْرُوا. عْلَى خَاطَرْ إِبْلِيسْ عْدُوكُمْ كِي سْبَعْ يْزَڤِي، يْدُورْ يْحَوَسْ شْكُونْ يَأكُلْ. 9 قَاوْمُوهْ، ثَابْتِينْ فَالإِيمَانْ، عَارْفِينْ بَلِّي هَادْ الأَلاَمْ رَاهِي عْلَى الْخُوتْ فْڤَاعْ الْعَالَمْ. 10 و إِلَه كُلْ نِعْمَة أَلِّي دْعَانَا لَلْمَجْدْ الأَبَدِي فَالْمَسِيحْ يَسُوعْ، مَمْبَعْدْ مَا تْأَلَمْتُوا شْوِيَة، هُوَ يْكَمَّلْكُمْ، و يْثَبَّتْكُمْ، و يْقَوِّيكُمْ، ويْرَادْكُمْ قَادْرِينْ. 11 لِهْ الْمَجْدْ و الْسُّلْطَانْ لْ أَبَدْ الأَبَدِينْ. أَمِينْ 12 كْتَبْتْ لْكُمْ هَادْ الْكْلاَمْ الْقْلِيلْ بْيَدْ سِلْوَانْسْ الاَخْ الأَمِينْ، وغَايْتِي نْشَجَعْكُمْ و نَشْهَدْ لْكُمْ، بَلِّي هَادِي هِيَ نِعْمَة الله تَعْ الْصَّحْ أَلِّي رَاكُمْ فِيهَا. 13 تْسَلَّمْ عْلِيكُمْ أَلِّي رَاهِي فِي بَابَلْ أَلِّي خْتَارْهَا الله مْعَاكُمْ، و وَلْدِي مَرْقُسْ. 14 سَلْمُوا بِينَتْكُمْ بَسْلاَمْ الْمَحَبَّة. سْلامْ لِيكُمْ و لِّي ڤَاعْ أَلِّي رَاهُمْ فَالْمَسِيحْ يَسُوعْ. أَمِينْ.
1 سِمْعَانْ بُطْرُسْ عَبْدْ يَسُوعْ الْمَسِيحْ و رَسُولْ تَعَهْ، لَلِّي نَالُوا مْعَنَا إِيمَانْ غَالِي كِيمَا الإِيمَانْ تَعْنَا، بَالْبِرْ تَعْ إِلَهْنَا و مْسَلَكْنَا يَسُوعْ الْمَسِيحْ: 2 بَاشْ تَكْثَرْ عْلِيكُمْ الْنِّعْمَة و الْسْلاَمْ بْمَعْرِفَة الله و يَسُوعْ رَبِّنَا. تأكيد الدعوة و الإختيار الإلهيان 3 الله بالعَهْ القُدْرَة تَعَهْ الإِلَهِيَّة أَعْطَانَا ڤَاعْ الْشِي أَلِّي نَحْتَاجُولَهْ فَالْحْيَاةْ الْرُوحِيَة و التَّقْوَى، بْمَعْرِفَة 4 أَلِّي دْعَانَا بالْمَجْدْ و الْفَضِيلَة، أَلِّي بِهُمْ أَعْطَانَا الْمَوَاعِيدْ الْكْبِيرَة و الْغَالْيَة، بَاشْ بِهَا تْوَالُوا شُرَكَاء الْطْبِيعَة ألإِلَهِيَّة، هَارْبِينْ مَنْ الْفْسَادْ أَلِّي رَاهْ فَالْعَالَمْ بَالْشَهْوَة. 5 عْلَى جَالْ هَادْ الْشِي لاَزَمْ عْلِيكُمْ تَجْتَهْدُوا و تْكُونُوا نَاشْطِينْ تْبِيْنُوا إِيمَانْكُمْ بَالْفَضِيلَة، و فَالْفَضِيلَة مَعْرِفَة، 6 و فَالمَعْرِفَة تَعَفُفْ، و فَالتَعَفُفْ الْصْبَرْ، و فَالصْبَرْ تَّقْوَى، 7 و فَالْتَّقْوَى مَوَدَّة أَخَوِيَّة، و فَالْمَوَدَّة الأَخَوِيَّة مَحَبَّة. 8 عْلَى خَاطَرْ إِذَا كَانْ فِيكُمْ هَادْ الْصْوَالَحْ و كَثْرَتْ، تْرَدْكُمْ مَاشِي فَنْيَانِينْ و تْكُونُوا مُثْمِرِينْ فَمَعْرِفَة رَبِّنَا يَسُوعْ الْمَسِيحْ. 9 عْلَى خَاطَرْ أَلِّي مَاعَنْدَهْشْ هَادْ الْصِفَاتْ رَاهْ عْمَى فَالْرُّوحْ و مَايْشُوفْشْ مْلِيحْ، و نْسَى يْنَقِي رُوحَهْ مَالْذْنُوبْ الْقْدِيمَة. 10 لاَزَمْ عْلِيكُمْ دُورْكْ يَا خَاوْتِي تَجْتَهْدُوا بَاشْ تَثَبْتُوا بَصَّحْ فَالْدَعْوَة أَلِي دْعَاكُمْ الله و خَيَارْكُمْ لِيهَا، و إِذَا دَارْتُوا هَكْدَا فِي حْيَاتْكُمْ مَا طِيحُوا . 11 هَكْدَا يَحَّلْ لْكُمْ الله بَابْ لْمَلَكُوتْ الاَبَدِي، مَلَكُوتْ رَبِّنَا يَسُوعْ الْمَسِيحْ. 12 عْلَى هَادْ الْشِي رَانِي بَاغِي نْفَكَرْكُمْ بْهَادْ الأُمُورْ، و إِذَا كُونْتُوا تَعَرْفُوهَا و ثَابْتِينْ فَالْحَقْ أَلِّي عَنْدْكُمْ. 13 و رَانِي حَاسْبَهْ حَقْ عْلِيَا مَا دُمْتْ رَانِي فْهَادْ الْجَسَدْ نْفَكَرْكُمْ ونَبَاهْكُمْ، 14 عَارَفْ بَلِّي مَا بْقَالِيشْ بَزَافْ فهَادْ الْجَسَدْ، كِمَا سْبَقْ و ڤَالِي رَبِّنَا يَسُوعْ الْمَسِيحْ. عْلَى هَادْ الْشِي. 15 رَانِي نَجْتَهَدْ بَاشْ مَمْبَعْدْ مَا نَرْحَلْ، تَتْفَكْرُوا فِي كُلْ وَقْتْ هَادْ الأُمُورْ. 16 عْلَى خَاطَرْ مَا أَمَنَاشْ بْخُرَافَاتْ دَرُوهَا الْنَّاسْ، حْنَّا عَرَفْنَاكُمْ بْقَوَّة رَبِّنَا يَسُوعْ الْمَسِيحْ والْرْجُوعْ تَعَه، تْكَلَمْنَا كِي شْهُودْ عْلَى الْعَظَمَة تَعَه. 17 عْلَى خَاطَرْ أَدَى مَالأَبْ الْكَرَامَة و الْمَجْدْ، مَلِي جَاهْ صُوتْ مَالمَجْدْ الْعَالِي يْڤُولْ: "هَادَا وَلْدِي الْحَبِيبْ اَلِّي رَانِي فَرْحَانْ بِهْ". 18 و حْنَّا سْمَعْنَا هَادْ الْصُوتْ خَارَجْ مَالْسْمَا، كِي كُنَّا مْعَاهْ فَالْجْبَلْ الْمُقَدَّسْ. 19 و هَكْدَا وَلَّتْ الْكَلِمَة الْنَّبَوِيَّة، ثَابْتَا عَنْدْنَا، مْلِيحْ لُوكَانْ تَحَرْزُوا هَادْ الْكَلِمَة فِي قْلُوبْكُمْ، كِيمَا لاَمْبَة تْضَوِي فَالْضَلْمَة، حَتَّى يَطْلَعْ الْنْهَارْ، ويْبَانْ كَوْكَبْ الْصُّبْحْ فِي قْلُوبْكُمْ، 20 رَاكُمْ عَارْفِينْ بَلِّي كُلْ نُبُوَّة الْكْتَابْ مَاشِي مَنْ تَفْسِيرْ الْنَّاسْ. 21 عْلَى خَاطَرْ تْكَلْمُوا رْجَالْ الله القِدِّيسُونْ مَدْفُوعِينْ بْوَحْيْ الْرُّوحْ الْقُدُسْ.
1 بَصَّحْ، كَانُوا تَانِي فَالْشَّعْبْ أَنْبِيَا كَذَبَة، كِيمَا رَاحْ يْكُونْ فِيكُمْ مُعَلِّمُنْ كَذَبَة تَانِي، يْجِيبُوا بِدَعْ تَدِي لَلْهَلاَكْ. و هُمَا يَنَكْرُوا الْرَّبْ أَلِّي شْرَاهُمْ، و هَكْدَا بَلْخَفْ يجِيبُوأ لَهْلاَكْ عْلِيهُمْ. 2 و يْتَبْعُوهُمْ بَزَافْ مَالْنَّاسْ فِي طْرِيڤْ الْشَّرْ. و عْلَى جَالْهُمْ بَزَافْ مَالْنَّاسْ يَهَدْرُوا كْلاَمْ مَاشِي مْلِيحْ عْلَى طْرِيڤْ الْحَقْ. 3 و بْدَافَعْ الْطْمَعْ يْتَاجْرُوا بَكْلاَمْ مْحَرَفْ و مْزَوَقْ، أَلِّي مَنْ زْمَانْ عْقَابْهُمْ وَاجَدْ، و هْلاَكْهُمْ مَا يَنْعَسْشْ 4 عْلَى خَاطَرْ إِذَا كَانْ الله مَا شْفَقْشْ عْلَى الْمَلاَيْكَة لِّي غَالْطُوا،و رْمَاهُمْ فِي جَهَنَّمْ مْقَيْدِينْ بَسْلاَسَلْ، حَتَّى يَلْحَڤ وَقْتْ الْحْسَاب، 5 و مَا شْفَقْشْ عْلَى الْعَالَمْ الْقْدِيمْ، كِي بْعَثْ الْطُوفَانْ عْلَى عَالَمْ الْفُجَارْ، سَلَاكْ نُوحْ أَلِّي كَانْ يْبَشَّرْ لَلْبِرْ، وكَانْ نُوحْ وَاحَدْ مَثْمَنْيَة مَالْنَّاسْ أَلِّي سَلْكُوا. 6 و كِي حْكَمْ عْلَى مْدِينَة سَدُومْ و مْدِينَة عَمُورَة بَالْخَرَابْ، رَادْهُمْ رْمَادْ، و دَارْهُمْ عِبْرَة لَنَّاسْ أَلِّي يْعِيشُوا فُجَارْ. 7 و سَلاَكْ لُوطْ الْبَارْ، أَلِّي مَاكَانْشْ قَابَلْ سِيرَة الْدَّعَارَة تَعْ دُوكْ الْنَّاسْ. 8 هُوَأَلِّي كَانْ بَارْ، عَايَشْ فِي وَسْطْهُمْ، يَتْعَذَبْ فِي نَفْسَهْ كُلْ يُومْ مَا الْشِي أَلِّي كَانء يْشُوفَهْ و يَسَّمْعَهْ مَنْ فْعَالْ الْشَّرْ تَعْهُمْ. 9 يَعْرَفْ الْرَّبْ كِيفَاشْ يْسَلاَكْ الأَتْقِيَاءْ مَالْتَّجْرِبَة، و يْوَجَدْ لَحْسَابْ لْنَّاسْ الْشَّرْ فِي يُومْ الْحْسَابْ، 10 و شْحَالْ صْعِيبْ الْعِقَابْ، عْلَى أَلِّي يْجْرِيوْ مُورْالْجَسَدْ فِي شَهْوَة الْنَجَاسَة، و يَستَهْزُوا بْسِّيَادَة الْرَّبْ. مَتْعَجْبِينْ بْرُوحْهُمْ، و مَا عَانْدْهُومْ حَتَّى خُوفْ بَاشْ يْسَبُوا و يْعَايْرُوا صْحَابْ الْمَجْدْ، 11 حَتَّى الْمَلاَيْكَة أَلِّي عَنْدْهُمْ أَكْثَرْ قُوَّة و قُدْرَة مَايَهَدْرُوشْ عْلِيهُمْ ڤُدَامْ الْرَّبْ بْكْلاَمْ مُهِينْ. 12 صَّحْ هَادْ الْمُعَلْمِينْ الْكَذَابِينْ أَلِّي يَهَدْرُوا كْلاَمْ مُهِينْ فِي أُمُورْ مَا يَعَارْفُوهَاشْ، يْشَبْهُوا لْحَيَوَانَاتْ مَفْتَرْسَة الْمَوْلُودَة لَصْيَّدَة ولَهْلاَكْ، رَايْحِينْ يَهَلْكُوا فَالْفَسَادْ تَعْهُمْ، 13 يَدِيوْ لَخْلاَصْ عْلَى حْسَابْ الإِثْمْ تَعْهُمْ. حَاسْبِينْ الإِسْتِمْتَاعْ فَالْلَذَاتْ طُولْ الْيُومْ فَرْحَة. هُمَا أَوْسَخْ و عْيُوبْ، يَتَمَتْعُوا فَالْنَجَاسَة، و بْغَاوْ يَخَدْعُوكُمْ بَالْوَلاَئِمْ أَلِّي يْدِيرُوا مْعَكُمْ. 14 عِينِيْهُمْ مْعَمْرَة زْنَى، و مَا تَشْبَعْشْ مَالْدْنُوبْ خَدَاعِينْ الْنُّفُوسْ اَلِّي مَاشِي ثَابْتَة. عَنْدْهُمْ قَلْبْ مْدَرَبْ فَالْطَّمْعْ. أَوْلاَدْ الْلَّعْنَة 15 خَالاَوْ الْطْرِيڤْ لَمْسَڤْمَة، و تْبَاحْرُوا، تَبْعُوا طْرِيڤْ بَلْعَامْ بَنْ بَصُورْأَلِّي بْغَى يَرْبَحْ الْدْرَاهَمْ بَالإِثْمْ. 16 بَصَّحْ تْبَهْدَلْ عْلَى هَادْ الْغَلْطَة، مَلِِّي نْطَقْ الْحْمَارْ الْبَكُوشْ بْصُوتْ إِنْسَانْ. 17 هَادُوا حَسْيَانْ بْلاَ مَا، و سْحَابْ تَدِيهْ الْرِيحْ. والْعَاقْبَة تَعْهُمْ فَالْظَلْمَة الأَبَدِيَّة. 18 يَتْكَلْمُوا بَكْلاَمْ بَاطَلْ، يَخَدْعُوا الْنَّاسْ يَشَجْعُوا لْشَهْوَاتْ الْجَسَدْ و الْدَّعَارَة، و يْصَيْدُوا أَلِّي بَعْدُوا شْوِيَّة عْلَى الْضَّلاَلْ، 19 يَوَعْدُوهُمْ بَالْحُرِّيَة، و هُمَا فِي نْفُوسْهُمْ عَبِيدْ لَفْسَادْ. عْلَى خَاطَرْ الإِنْسَانْ يْوََّلِي عَبِيدْ لْكُلْ شِي يَتْسَلَطْ عْلِيهْ! 20 بَصَّحْ إِذَا كَانُوا، مَمْبَعْدْ مَا هَرْبُوا مَنْ نَجَاسَاتْ الْعَالَمْ، بْمَعْرِفَة الْرَّبْ و الْمُخَلِّصْ يَس,عْ الْمَسِيحْ، يْعَاوْدُوا يْطِيحُوا فِيهَا، مَغْلُوبِينْ، رَاحْ تْوَلِي لْهُمْ الْعَاقْبَة أَكْثَرْ شَّرْمَالْلَوْلَة. 21 خِيرْ لْهُمْ لُوكَانْ مَا عَرْفُوشْ طْرِيڤْ الْبِرْ، مَلِّي عَرْفُوهْ ، و خَلاَوْ الْوَصِيَّة الْمُقَدذَسَة أَلِّي تْمَدَتْ لْهُمْ. 22 صْرَالْهُمْ كِيمَا الْمْثَلْ الْصَّادَقْ لِّي يْڤُولْ: "كَلْب وَلَى لَقْيَاهْ"، و" خَنْزِيرَة مَغْسُولَة وَلا’ تَتْمَرَاغْ فَالْوَحْلْ!".
1 هَادِي نَكْتَبْهَا لْكُمْ بْرِيَّة ثَانْيَة يَا لَحْبَابْ، و فَالْزُوجْ بْرِيَّاتْ نْفَكَرْ عْقَلْكُمْ الْنَّقِيْ، 2 بَاشْ تَتْفَكْرُوا لكْلاَمْ أَلِّي ڤَالُوهْ مَاقْبْلْ الأَنْبِيَا الْقِدِّيسُونْ، و وْصَيَّتْنَا حْنَى الْرُّسُلْ، وْصِيَّة الْرَّبْ و الْمُخَلِّصْ. 3 عَارْفِينْ هَادْ الْشِي مَالْلَوَلْ: بَلِّي فِي أَخِرْ لِيَّامْ يْجِي قُومْ مُسْتَهْزِئُونْ، يَتْمَشُوا عْلَى حْسَابْ شَهْوَةْ اَنْفُسْهُمْ، 4 و يْڤُولُوا: " وِينْ رَاهْ وَعْدْ رْجُوعْ الْمَسِيحْ ؟ مَلِّي مَاتُوا جْدُودْنَا كُلْ شِي رَاهْ بَاقِي كِيمَا كَانْ مَلِّي بْدَاتْ الْخَلِيقَة". 5 عْلَى خَاطَرْ عَمْدُوا يْنْسَاوْ هَادْ الأُمُورْ بَلِّي الْمَا كَانَتْ مَالْلَوَلْ، و الْلَرْضْ بْكَلْمَة الله كَانَتْ مَالْمَا و بَالْمَا، 6 أَلِّي بِيهُمْ الْعَالَمْ الْقْدِيمْ فَاضْ عْلِيهْ الْمَا و فْنَى. 7 بَصَّحْ الْسْمَا و الْلَرْضْ اَلِّي رَاهُمْ كَايْنِينْ دُورْكْ، تَڤْعَدْ مَخْزُونَة بْدِيكْ الْكَلِمَة لَنَارْ حَتَّى لْيُومْ لَحْسَابْ و هْلاَكْ الْنَّاسْ الْفُجَّارْ. 8 بَصَّحْ مَا تَنْسَاوْشْ هَادْ الْشِي يَا لَحْبَابْ: نْهَارْ وَاحَدْ عَنْدْ الْرَّبْ كِي أَلْفْ عَامْ، و أَلَفْ عَامْ كِي نْهَارْ وَاحَدْ. 9 مَا يْبْطَاشْ الْرَّبْ عْلَى وَعْدَهْ كِيمَا يْظَنُوا شِي نَّاسْ، بَصَّحْ رَاهْ صَبَرْ عْلِينَا، و هُوَ مَا بْغَاشْ يَهْلَكْ الْنَّاسْ، رَاهْ بَاغِي الْتُوبَة لْڤَاعْ الْنَّاسْ. 10 بَصَّحْ رَاحْ يْجِي كِي خَايَنْ فَالْلِيلْ، يُومْ الْرَّبْ أَلِّي فِيهْ تْرُوحْ الْسْمَا و دِيرْ صُوتْ كْبِيرْ، وتَنْحَلْ لَعْنَاصَرْ تَتَحْرَڤ بْنَارْ قْوِيَّة، و تَتَحْرَڤ الْلَرْضْ و الْمَصْنُوعَاتْ اَلِّي فِيهَا 11 مَادَامْ هَادْ الْشِي ڤَاعْ يْرُوحْ، وَاشْ مَالْنَّاسْ لاَزَمْ تْكُونُوا اَنْتُمَ فِي سِيرَة مْقَدْسَة و فَالْتَقْوَى؟ 12 تَسَنُو اوطَالْبُوا يَلْحْڤْ بْلاَ مَا يْطُوَلْ يُومْ رْجُوعْ الْرَّبْ، أَلِّي بِهْ تْرُوحْ الْسْمَا مَحْرُوقَة بَالْنَارْ، و الِعْنَاصَرْ مَحْرُوقَة تْذُوبْ. 13 بَصَّحْ عْلَى حْسَابْ وَعْدَهْ نَسَنَاوْ سْمَا جْدِيدَة، و أَرْضْ جْدِيدَة، يَسْكُنْ فِيهَا الْبِرْ 14 عْلَى جَالْ هَادَا يَا لَحْبَابْ، و أَنْتُمَ تَسَنُوا يَلْحَڤْ هَادْ الْوَعْدْ، أَجْتَهْدُوا بَاشْ تْكُونُوا بْلاَ دَنَسْ و بْلاَ عِيبْ، فِي سْلاَمْ. 15 وأَحْسْبُوا صْبَرْ الْرَّبْ سْلاَكْ، كِيمَا كْتَبْ لْكُمْ تَانِي خُونَا الْمَحْبُوبْ بُولُسْ عْلَى حْسَابْ الْحِكْمَة أَلِّي تْمَدَتْ لَهْ، 16 كِيمَا فَڤَاعْ الْبْرِيَّاتْ تَانِي، يَهْدَرْ فِيهَا عْلَى هَادْ الأُمُورْ، أَلِّي فِيهَا صْوَالَحْ وَاعْرَة لَلْفْهَمَة، يْحَرْفُوا فِيهَا أَلِّي مَا شِي عَالْمِينْ و مَاشِي ثََّابْتِينْ، كِيمَا لَكْتُوبْ لُوخْرَى تَانِي، لْهْلاَكْ أَنْفُسْهُمْ 17 أَنْتُمَ يَا لَحْبَابْ، رَاكُمْ سْبَقْتُوا و فْهَمْتُوا، أَحَرْزُوا تَبْعُوا ضَلاَلْ هَادْ الْنَّاسْ، وأَطِيحُوا مَالْثَّبَاتْ تَعْكُمْ. 18 بَصَّحْ زِيدُوا أَكَبْرُوا فَالْنِّعْمَة و فْمَعْرِفَة رَبِّنَا و مْسَلَّكْنَا يَسُوعْ الْمَسِيحْ. لِهْ الْمَجْدْ دُورْكْ و حَتَّى لْيُومْ الْلَخَرْ. أَمِينْ
1 نَكْتَبْ لِيكُمْ كِيمَا كَانْ مَنْ الْلَّوَلْ عْلَى كَلْمَةْ الْحَيَاةْ، عْلَى الْلِّي سْمَعْنَاهْ، وْالْلِّي شَفْنَاهْ بْعِيْنِينَا، وْالِْلّي كُنَا مْعَاهْ، وْلَمْسَاتَهْ يَدِّينَا. 2 الْحَيَاةْ بَانَتْ ڤُدَّامْنَا، وَحْنَا شَفْنَا وْنْشَّهْدُو عْلَى حْيَاةْ لَلَبْدَا الْلِّي كَانَتْ عَنْدْ الْأَبْ وْبَانَتْ لِينَا. 3 نْخَبْرُوْكُمْ عْلَى الْلِّي شَفْنَاهْ وْالْلِّي سْمَعْنَاهْ، بَاشْ يْكُونْ لِيكُمْ شَرْكَة مْعَنَا، وَحْنَا شَرْكَتْنَا هِيَ غِير مْعَ الْأَبْ وْإِبْنَهْ يَسُوع الْمَسِيحْ. 4 وْنَكْتَبْ لِيكُمْ هَادْ الْشِّي بَاشْ تْكُونْ فَرْحَتْكُمْ كَامْلَةْ. 5 وْهَدَا هُوَ الْخْبَرْ الْلِّي سْمَعْنَاهْ مَنَّهْ وْنْخَبْرُوْكُمْ بِيهْ: الله نُورْ وْمَا فِيهْشْ ڤَاعْ الْظلَامْ. 6 إِلَا ڤُوْلْنَا: عَنْدْنَا شَرْكَةْ مْعَاهْ وْمْشِينَا فَالْظَلْمَة، رَانَا نْكَّذْبُو وْمَرَانَاشْ نْدِيرُو الْحَقْ. 7 بَصَّحْ إِلاَ مْشِينَا فَالْنُّورْ كِيمَا هُوَ فَالْنُّورْ، تْكُونْ عَنْدْنَا شَرْكَة بِينَاتْنَا، وْدَمْ يَسُوعْ الْمَسِيحْ إِبْنَهْ يْطَهَّرْنَا مَنْ كُلْ خَطِيَّةْ وَدْنُوبْ. 8 إِلَا ڤُوْلْنَا: مَا فِينَاشْ الْدْنُوبْ رَانَا نْكَّذْبُو عْلَى رْوَاحْنَا. 9 بَصَّحْ إِلَا إِسْتَعْرفْنَا بْالْدْنُوبْ تَاعْنَا هُوَ رَاهْ أَمِينْ وْعَادَلْ بَاشْ يَغْفَرْ لِينَا دْنُوْبْنَا وْيْصَفِّينَا مَنْ ڤَاعْ الْأَثَامْ. 10 إِلَا ڤُولْنَا: بَلِّي مَاغْلَطْنَاشْ رَانَا رَدِّينَاهْ كَلِّي هُوَ كَذَّابْ، وَكْلَامَهْ مَاشِي سَاكَنْ فِينَا.
1 يَاوْلَادِي، نَكْتَبْ لْكُمْ هَادْ الْشِّي بَاشْ مَاتَدَّنْبُوشْ. وإِلَا دْنَبْ وَاحَدْ مَنْكُمْ يْلِيقْ تَعَّرْفُوا بَلِّي عَنْدْنَا لِيَشْفَعْ فِينَا عَنْدْ الْأَبْ، يَسُوعْ الْمَسِيحْ الْصَّالِحْ. 2 لِي هُوَ مَاتْ كْفَّارَة لَدْنُوْبْنَا، وْمَاشِي بَرْكْ دْنُوْبْنَا حْنَا بَصَّحْ لْڤَاعْ دْنُوبْ الْبَشَرِيَّةْ. 3 وَحْنَا نْبَيْنُو بَلِّي نَعَّرْفُوهْ إِلَا حْفَظْنَا الْوْصَايَا نْتَاعَهْ. 4 وْلِي يْڤُولْ «أَنَا عْرَفْتَهْ» وْمَحْفَظْشْ كْلَامَهْ، هَادَا يْتْسَمَّا كَدَّابْ وْمَافِيهْشْ الْحَقْ. 5 وْهَدَاكْ لِي يَحْفَظْ كْلَامَهْ بَالْحَقْ تْبَانْ وْتَكْمَّلْ فِيه مْحَبَّةْ الله. 6 وْلِي يْڤُولْ: بَلِّي رَاهْ ثَابَتْ فِيهْ لَازَمْ يْعِيشْ كِيمَا الْمَسِيحْ كَانْ يْعِيشْ. 7 يَاخُوْتِي، مَارَانِيشْ نَكْتَبْ لِيْكُمْ وْصِيَّة جْدِيْدَة، بَصَّحْ وْصِيَّة قْدِيمَة وْكَانَتْ عَنْدْكُمْ مَنْ الَلّوَلْ. لَوْصِيَّة لَقْدِيمَة هِيَ الْكَلْمَة الْلِّي سْمَعْتُوهَا مَنْ الْلَّوَلْ. 8 وْتَانِي وْصِيَّة جْدِيدَة نَكْتَبْ لْكُمْ، وْالْلِّي هُوَ حَقْ فِيه هُوَ وْفِيكُمْ: الْظُلْمَةْ خْلَاصَتْ، وْالْنُّورْ نْتَاعْ الْصَّحْ رَاهْ ضْوَا. 9 وْلِي يْڤُولْ رَاهْ عَايَشْ فَالْنُّورْ وْهُوَ يَكْرَهْ خُوهْ، هَدَاكْ مَزَالْ رَاهْ عَايَشْ فَالْظلْمَة حْتَّى لْدَّرْوَكْ. 10 وْالْلِّي يَبْغِي خُوهْ هَدَاكْ رَاهْ عَايَشْ فَالْنُّورْ وْمَافِيهْشْ خَطِيَّةْ. 11 وْالْلِّي يَكْرَهْ خُوْهْ هَدَاكْ رَاهْ فَالْظْلَامْ وْيْتْمَشَّى فَالْظَلْمَة، وْمَا يَعْرَفْشْ وِينْ رَاهْ غَادِي، عْلَى خَاطَرْ الْظَّلْمَة عْمَاتْ عَيْنِيهْ. 12 نَكْتَبْ لِيكُمْ يَاوْلَادِي، عْلَى خَاطَرْ دْنُوْبْكُمْ غْفَرْهَا لْكُمْ عْلَى جَالْ إِسْمَهْ. 13 نَكْتَبْ لِيكُمْ يَاشْوَابِينْ، عْلَى خَاطَرْ رَاكُمْ عْرَفْتُو الْلِّي كَانْ مَنْ الْلَوَلْ. نَكْتَبْ لِيِكُمْ يَاصْغَارْ، عْلَى خَاطَرْ غْلَبْتُو الْشَرِيرْ. نَكْتَبْ لِيكُمْ يَاشَاشْرَة عْلَى خَاطَرْ عْرَفْتُو الْأَبْ. 14 كْتَبْتْ لْكُمْ يَاشْوَابِينْ، عْلَى خَاطَرْ عْرَفْتُو الْلِّي كَانْ مَنْ الْلَّوَلْ. كْتَبْتْ لْكُمْ يَاصْغَارْ عْلَى خَاطَرْ رَاكُمْ أَقْوِيَاءْ وْكَلْمَةْ الله ثَابْتَ فِيْكُمْ، وَنْتُمَا غْلَبْتُو الْشِّيْطَانْ. 15 مَاتَبْغُوشْ هَادْ الْعَالَمْ وْالْمَادِيَّاتْ الْلِّي كَايْنَة فِيهْ. عْلَى خَاطَرْ إِلَا بْغَا وَاحَدْ الْعَالَمْ مَاعَنْدَهْشْ مْحَبَةْ الله فِيْهْ. 16 عْلَى خَاطَرْ الْدْنْيَا مْعَمْرَةْ غِيْرْ شَهْوةَ نْتَاعْ الْجَسَدْ، وْلِيْ يَعْجَبْ الْعِيْنْ وْيَفْسَدْهَا، وْالْمَعِيْشَةْ لْبَعِيْدَةْ عْلَى رّْبِيْ، وْهَذَا مَاشِيْ مَنْ عَنْدْ الله بَصَحْ مَنْ عَنْدْ الْعَالَمْ. 17 وَالدَنْيَا وْشَهْوَتْهَا غَادِيْ يَفْنَاوْ، بَصَحْ لِيْدِيْرْ مَشِيْئَةْ الله هَذَاكْ غَادِيْ يْعِيْشْ لْلَبْدَا. 18 هَدِيْ هِيَ الَساعَةْ الْأَخِيْرَةْ يَاوْلَادِيْ. وْكِيْمَا سْمَعْتُوْ بْلِيْ عْدُوْ الْمَسِيْحْ غَادِيْ يْجِيْ، وْدَرْوَكْ رَاهْ صَارْ لَلْمَسِيْحْ عَدْيَانْ بْزَافْ. وْمَنْهَا نْعَرْفُوْا بَلِيْ قْرِيْبَةْ تْجِيْ الْسَاعَةْ الْأَخِيْرَةْ. 19 وْهَدُوْ خَرْجُوْا مَنَا حْنَا، بَصَحْ مَاكَانُوشْ مَنَا، عْلَخَاطَرْ لُوْكَانْ كَانُوْا مَنَا حْنَا لَابْقَاو مْعَنَا. بْصَحْ هَكَا بَاشْ يْبَانُوْ بَلِيْ مَارَّاهُمْشْ ڤَاعْ مَنْا حْنَا. 20 بَصَحْ نْتُمْ الْقُدُوْسْ دْهَنْكُمْ وْعَارْفِيْنْ كُلْشِي. 21 مَاكْتَبْتْشْ لْكُمْ زَعْمَا عْلَخَاطَرْ مَاتْعَرْفُوشْ الْحَقْ، لَا لَا، بَصَحْ كْتَبْتْ لْكُمْ عْلَخَاطَرْ رَّاكُمْ تْعَرّْفُوْا الْحَقْ، وْبَلِيْ الْكْذَبْ عَمْرَهْ مَاكَانْ حَقْ. 22 شْكُونْ هُوَ الْكَذَابْ، غِيْرْ هَدَاكْ لِيَنْكَرْ يَسُوعْ الْمَسِيْحْ؟ هَذَا هُوَ عْدُو الْمَسِيْحْ، لِيْ يَنْكَرْ الْأَب ْواْلإبِنْ. 23 ڤَاعْ لِيَنْكَرْ الْإِبْنْ هَذَاكْ مَاعَنْدَهْشْ تَانِيْ اْلْأَبْ، وْلِيْ يَعْتَرَفْ بْالإِبْنْ هَذَاكْ عَنْدَهْ الْأَبْ تَانِيْ. 24 وَلِيْ سْمَعْتُوْه نْتُمْ مَنْ الْلَوَلْ خَلُوهْ ثَابَتْ فِيْكُمْ. إِلَا ثْبَتْ فِيْكُمْ لِّيْ سْمَعْتُوهْ مَنْ الْلَوَلْ، مَلَا غَادِيْ نْتُمْ تَانِيْ تْكُونُوْ ثَابْتِيْنْ فْي الْإِبْنْ وْالْأَبْ. 25 وْهَدَا هُوَ الْوَعْدْ لِّيْ هُوَ وْعَدْنَا بِهْ: لَحْيَاةْ لْلَبْدَا. 26 كْتَبْتْ لِيْكُمْ هَدْ الْشِيْ عْلَى الْنَاسْ لِيْ يْخَدْعُوْا فِيْكُمْ. 27 بَصَحْ نْتَُمَ الْْمْسْحَ لِّيْ دِيْتُوْهَا مَنْ عَنْدَهْ هِيَ ثَابْتَةْ فِيْكُمْ، وْمَارَّاكُمْشْ مَحْتَاجِيْنْ بَاشْ يْعَلَمْكُمْ وَاحَدْ، بْصَحْ هَدْ الْمَسْحَ هِيَ لِعَلْمْتْلْكُمْ كُلْ شِيْ، وْهِيَ الْحَقْ وْمَاتَكْذَبْشْ. كِيْمَا عَلْمَتْلْكُمْ ثَبْتُوْا فِيْه. أبناء الله 28 وْدَرْوَكْ يَاوْلَادِيْ، ثْبْتُوْا فِيْه حْتَى إِلَا بَانْ تْكُونْ عَنْدْنَا فِيْه الْثِقَةْ، وْمَانْحَشْمُوشْ نْهَارْ كِيْ يْجِيْ. 29 إِلَا عْرّْفْتُوْ بَلِيْ هُوَ الْحَقْ، مَلَا دِيْرُوْا فِيْ بَالْكُمْ بَلِيْ لِّيْ يْدِيْرْ الْحَقْ هُوْ مَوْلُوْدْ مَنَهْ.
1 شُوْفُوْ شَا هِيَ لَمْحَبَةْ لِعْطَاهَا لْنَا الله بَاشْ نَتْسَمَاوْ وْلَادَهْ وَعْلَخَاطَرْ دَاكْ اْلْشِيْ الْعَالَمْ مَايَعْرّْفْنَاشْ. عْلَخاَطَرْ مَا يَعْرَّفْشْ الْمَسِيْحْ. 2 يَاحْبَابِيْ، دَرْوَكْ حْنَا وْلَادْ الله، وْمَزَالْ مَبَانْشْ شَا نْكُوْنُوْ. بَصَحْ عَارْفِيْنْ بَلِيْ إِلَا بَانْ غَادِيْ نْكُوْنُوْ كِيْمَا هُوَ، عْلَخَاطَرْ نْشُوفُوْهْ كِيْمَا يْكُونْ. 3 وْڤَاع لِّيْ عَنْدَهْ هَدْ الْرَّجَاءْ يْصَفِيْ رُّوْحَهْ كٍيِمَا هُوَ صَافِيْ. 4 ڤَاعْ لِيْدِيْرْ الْخَطِيَةْ هَدَاكْ يَتْعَدَى عْلَى كْلَامْ الله، وْالْخَطِيَةْ مَعْنَتْهَا يَتْعَدَى عَلَىْ قَانُوْنْ الله. 5 وْرَّاكُمْ عَارْفِيْنْ بَلِيْ الْمَسِيْحْ جَّا بَاشْ يْنَحِيْ الْخَطَايَا نْتَاعْنَا، وْهُوَ مَا فِيْهْشْ ڤَاعْ دَنْبْ. 6 وْڤَاعْ لِيَثْبَتْ فِيْهْ مَارَّاحْشْ يَدْنَبْ، وْڤَاعْ لِّيْ يَدْنَبْ عُّمّْرَّهْ لَا شَافَهْ وْلَا عَرّْفَهْ. 7 يَاوْلَادِيْ، مَلاَزَمْشْ يْغَلَطّْكُمْ كَاشْ وَاحَدْ: لِيْدِيْرْ الْخِيْرْ هُوَ صَادَقْ، كِيْمَا كَانْ الْمَسِيْحْ صَادَقْ. 8 وْلِيْ يْدِيْرْ الْخَطِيَةْ هَدَاكْ جَايْ مَنْ إِبْلِيْسْ، عْلَخَاطَرْ الْشَيْطَانْ مَنْ الْلَوَلْ كَانْ يْخَسَّرّْ. عْلَى هَدِيْ بَانْ إِبْنْ الله بَاشْ يَهْدَمْ شْغَالَاتْ إِبْلٍيِس. 9 وْڤَاعْ لِيْ رَّاهْ مَوْلُوْدْ مَنْ الله مَا يْدِيْرْشْ الْخَطِيَةْ، عْلَخَاطَرْ فِيْه سْكَنْ الْزَرْعْ نْتَاعْ الله، وْمَا يَقْدَرْشْ يَغْلَطْ عْلَخَاطَرْ رَاهْ مَوْلُودْ مَنْ الله. 10 وْبْهَدْ الْشِيْ يْبَانُوْ وْلَادْ الله وَوْلَادْ إِبْلِيْسْ: ڤَاعْ لِيْ مَا يْدِيْرشْ الْخِيْرْ مَارَاَهْشْ مَنْ الله، وْحَتَى تَانِيْ لِّيْ مَايْحَبْشْ خُوْهْ مَارَاَهْشْ مَنْ الله. 11 عْلَخَاطَرْ هَدَا هُوَ الْخْبَّرّْ لِيْ سْمَعْتُوهْ مَنْ الْلَوَلْ: بَلِيْ لَازَمْ نَتْحَابُوْا بِيْنَاتْنَا. 12 مَاشِيْ كِيْمَا كَانْ قَايِيِنْ شَرِيْرْ وْذْبَحْ خُوْهْ. وْعْلَاهْ ذَبْحَهْ؟ عْلَخَاطَرْ خْدَايْمَهْ كَانَتْ شَرِيْرَةْ وَخْدَايَمْ خُوهْ كَانَتْ غِيْرْ خِيْرْ. 13 مَاتَتْعَجْبُوْشْ يَاخُوْتِيْ إِلَا كَانْ الْعَالَمْ يَكْرَّهْكُمْ. 14 حْنَا عَارْفِيْنْ بَلِيْ بَدَلْنَا الْمُوتْ بْلَحْيَاةْ، عْلَخَاطَرْ نَبْغُوْ الْخُوْتْ. وْلِّيْ مَايْحَبْشْ خُوْهْ يَبْقَىْ فَي الْمُوْتْ. 15 وْڤَاعْ لِّيْ يَكْرَّهْ بْنَادَمْ هَدَاكْ يَتْسَمْى قَاتَلْ، وَنْتُمْ عَارّْفِيْنْ بَلِيْ ڤَاعْ لِيَقْتُلْ الْنَفْسْ لَحْيَاةْ لْلَبْدَا مَا هِيْشْ ثَابْتَةْ فِيْهْ. 16 وْهَكَا عْرَّفْنَا لَمْحَبَةْ: بَلِيْ الْمَسِيْحْ سَلَمْ نَفْسَهْ لَلْمُوْتْ عْلَجْالْنَا، مَلَا لَازَمْ حْنَا تَانِيْ نْخَدْمُوْ حْيَاتْنَا عْلَجَالْ الْخُوْتْ. 17 وَلِيْ عنَدْهْ مْعِيْشَةْ نْتَاعْ الْدُنْيَا، وْشَافْ خُوْهْ مُحْتَاجْ، وْبَلَعْ عْلِيْهْ وْمَاعَوْنَاهْشْ، كِيْفَاشْ تَسْكُنْ فِيْهْ مْحَبَةْ الله؟ 18 يَاوْلَادِيْ، مَاْنَحُبْوْش غِيْرْ بْالْكْلَامْ وْلَا بَالْلْسَانْ، بَصَحْ بَالْخَدْمَةْ وَالْحَقْ! 19 وْهَكَا نْعَرّْفُوْ بَلِيْ حْنَا عَنْدْنَا الْحَقْ وْهُوَ سَاكَنْ فِيْ قْلُوْبْنَا. 20 عْلَخَاطَرْ إلِاَ قْلُوْبْنَا تْلُوْمْ فِيْنَا لَازَمْ نْعَّرّْفُوْ بَلِيْ رَّبِيْ كْبِيْرْ عْلَىْ قْلُوْبْنَا، وْهُوَ يَعْرَّفْ كُلْ شِيْ. 21 يَاحْبَابِيْ، إِلَا قْلُوبْنَا مَاتْلُوْمْنَاشْ، عَنْدْنَا ثِقَةْ فَالله. 22 وْڤَاعْ لِّيْ نْطَلْبُوهْ مَنَهْ يْكُوْنْ لِيْنَا، عْلَخَاطَرْ نْحَفْظُوْ وْصَايَاهْ وَنْدِيْرُوْ لِّيْ يْفَرْحَهْ ڤُدَامَهْ. 23 وْهَدِيْ هِيَ لَّوْصِيَةْ: نْأَمْنُوْ بِإِسْمْ إِبْنَهْ يَسُوعْ الْمَسِيْحْ، وَنْحَبُوْ بَعْضِيَاتْنَا كِيْمَا هُوَ عْطَهَالْنَا وْصِيَةْ. 24 وْلِيْ يَحْفَظْ وْصَايَاهْ يَسْكُنْ فِيْهْ وْهُوَ فِيْهْ. وْهَكَا نْعَرّْفُوْ بَلِيْ رَاهْ سَاكَنْ فِيْنَا بَالْرُّوْحْ الْقُدَسْ لِّيْ عْطَاهْلْنَا.
1 يَاحْبَابِيْ، مَاتْأَمْنُوشْ ڤَاعْ الْأَرّْوَاحْ، بَصَحْ مَيْزُوْ الْأَرّْوَاحْ هَادُوْكْ: إِلَا هِيَ مَنْ الله. عْلَخاَطَرْ بَزَافْ أَنْبِيَاءْ لْكَذَبَةْ بَانُوْا فِيْ هَدْ الْدَنْيَا. 2 وْهَكَا تْعَّرّْفُوْ رُّوْحْ الله: ڤَاعْ الْرُّوْحْ لِيَعْتَرَفْ بْيَسُوْعْ الْمَسِيْحْ بَلِيْ جَا فْي الْجَسَدْ هَدَاكْ مَنْ عَنْدْ الله، 3 وْالْرُّوْحْ لِّيْ مَايَسْتَعْرْفْشْ بْيَسُوعْ الْمَسِيْحْ لِّيْ جَا فْي الْجَسَدْ، هَدَاكْ مَاجَاشْ مَنْ عَنْدْ الله. بَصَحْ هَدَاكْ هُوَ الْدَجَالْ الْلِيْ سْمَعْتُوْ بِهْ بَلِيْ رَّاحْ يْجِيْ، وْهُوَ دَرْوَكْ فِيْ هَدْ الْدَنْيَا. 4 يَاوْلَادِيْ نْتُمْ وْلَادْ الله، وْرَّاكُمْ غْلَبْتُوهُمْ عْلَخَاطَرْ لِّي فِيْكُمْ وَاعَرّْ عْلَى الْلِيْ فْي هَدْ الْدَنْيَا. 5 هُمَ مَنْ هَدْ الْدَنْيَا. عْلَى هَدْ الْشِيْ يْهَدْرُّوْ غِيْر عْلَى صْوَالَحْ هَدْ الْدَنْيَا، وْالْدَنْيَا تَسْمَعْ لْهُمْ. 6 حْنَا مَنْ الله. وْلِّيْ يَعْرفْ الله يْسْمَعْلْنَا، وْلِّيْ مَاشِيْ مَنْ الله مَاغَادِيْشْ يَسْمَعْلْنَا. مَنْ هَدْ الْشِيْ نْعَرّْفُو رُّوحْ الْحَقْ وْرُّوحْ الْكَذِبْ. 7 يَاحْبَابِيْ، لَازَمْ نَتْحَابُوْ بِيْنَاْتنَا، عَلْخَاطَرْ لَمْحَبَةْ جَايَةْ مَنْ عَنْدْ الله، وْڤَاعْ لِيْحَبْ هَدَاكْ زَادْ مَنْ عَنْدْ الله وْيَعْرَّفْ الله. 8 وْلِّيْ مَايْحَبْشْ هَدَاكْ مَايَعْرَّفْشْ الله، عْلَخَاطَرْ الله مْحَبَةْ. 9 وْهَكَا بَانَتْ مْحَبَةْ الله فِيْنَا: رَّبِيْ رْسَلْ إِبْنَهْ لَوْحِيْدْ لْلدَنْيَا بَاشْ حْنَا نْعِيْشُوْ بِيْهْ. 10 فْي هَدِيْ هِيَ لَمْحَبَةْ: مَاشِيْ خَاطَرْ حْنَا حْبِيْنَا الله، بْصَحْ هُوَ لِّيْ حَبْنَا وْأْرْسَلْ إِبْنَاهْ كَفَارَةْ عْلَجَالْ دْنُوْبْنَا. 11 يَاحْبَابِيْ، إِلَا كَانْ الله حَبْنَا كِيْمَا هَاكْ، لَازَمْ حْنَا تَانِيْ نَبْغِيْوْ بَعْضِيَاتْنَا. 12 الله مَاكَاْش لِّيْ شَافَهْ. بَصَحْ إِلَا حْبِيْنَا بَعْضِيَاتْنَا، الله رَاحْ يَسْكْنْ فِيْنَا وَمْحَبْتَهْ تَكْتَمَلْ فْيْ حْيَاتْنَا. 13 بْهَدْ الْشِيْ نْعَرْفُوْ بَلِيْ رَّانَا ثَابْتِيْنْ فِيْهْ وْهُوَ فِيْنَا، وْهُوَ مَدَلْنَا الْرُّوحْ نْتَاعَهْ. 14 وَحْنَا شَفْنَا وَنْشَهْدُوْا بَلِيْ الْأَبْ رْسَلْ إِبْنَهْ بَاشْ يَسْلَكْ نَاسْ الْدَنْيَا. 15 وْلِّىْ يَعْتَرَفْ بْلِيْ يَسُوعْ الْمَسِيْحْ هُوَ إِبْنْ الله، الله رَّاحْ يَسْكُنْ فِيْهْ وْهُوَ يَثْبَتْ فْي الله. 16 وَحْنَا عَّرَّفْنَا وْأَمَنْنَا لَمْحَبَةْ لِّيْ فِيْنَا. الله مْحَبَةْ، وْلِّيْ يَثْبَتْ فْي هَدْ لَمْحَبَةْ، الله يَثْبَتْ فِيْهْ وْهُوَ فْالله. 17 وْهَكَا كَمْلَتْ مْحَبَة الله فِيْنَا: يْكُونْ عَنْدْنَا ثِقَةْ نْهَارْ الْحِسَابْ، عْلَخَاطَرْ كِيْمَا هُوَ فْي الْدَنْيَا هَكَا حْنَا تَانِيْ. 18 مَكَاشْ خُوفْ فْلَمْحَبَةْ، بَصَحْ لَمْحَبَةْ الْكَامِلَةْ تْحَاوَزْ الْخُوْفْ لْبَرَّا عْلَخَاطَرْ الْخُوْفْ عَنْدَهْ يِدِيْرْ عْذَابْ. وْلِّيْ يْخَافْ مَعْنَتْهَا مَزَالْ مَاخَدْمَتْشْ فِيْهْ لَمْحَبَةْ مْلِيْحْ. 19 حْنَا نْحَبُوْهْ عْلَخَاطَرْ هُوَ لِّيْ بْغَانَا الْلَوَّلْ. 20 إِلَا ڤَالْ شِيْ وَاحَدْ: «رَّانِيْ نْحَبْ الله» وْهُوَ يَكْرَهْ خُوْهْ، هَذَا رَّاهْ كَذَابْ. عْلَخَاطَرْ لِّيْ مَايْحَبْشْ خُوْهْ لِّيْ يْشُوفَهْ، كِيْفَاشْ يْطِيْڤْ يْحَبْ الله لِّيْ مَايْشُوفَهْشْ؟ 21 وْعَنْدْنَا هَدْ لَّوْصِيَا مَنَهْ: لِّيْ يْحَبْ الله لَازَمْ يْحَبْ خُوهْ تَانِيْ.
1 ڤَاعْ لِيْ يْأَمَنْ بَلْيْ يَسُوعْ هُوَ الْمَسِيْحْ هَدَاكْ رَّاهْ وْلَدْ مَنْ الله. وْڤَاعْ لِيَبْغِيْ الْأَبْ هَدَاكْ تَانِيْ رَاهْ يَبْغِيْ وَلْدَهْ تَانِيْ. 2 وْ بْهَدْ الْشِيْ نْعَرّْفُوْ بَلِيْ حْنَا وْلَادْ الله: إِلَا حَبِيْنَا الله وَحْفَظْنَا لَوْصَايَا نْتَاعَهْ. 3 وْهَدِيْ هِيَ مْحَبَةْ الله: هِيَ نْحَفْظُوْ وْصَايَاهْ. وَوْصَايَاهْ مَارَّاهِيْشْ ثْقِيْلَةْ، 4 عْلَخَاطَرْ ڤَاعْ لِّيْ تَوْلَدْ مَنْ الله رَّاحْ يَغْلَبْ الْدَنْيَا. وْهَذِي هِيَ الْغَلْبَةْ لِّيْ رَّاحْ تَغْلَبْ الْدَنْيَا: الْإِيْمَانْ نْتَاعْنَا. 5 شْكُوْنْ لِّيْ يَغْلَبْ الْدَنْيَا مَنْ غِيْرْ الْلِّيْ يْأَمَنْ بْيَسُوعْ الْمَسِيْحْ بَلِيْ هُوَ إِبْنْ الله؟ 6 هَذَا هُوَ لِّيْ جَابْ لّْمَّا وَالْدَمْ، يَسُوْعْ الْمَسِيْح. مَاشِيْ غِيْرْ بْالّْمَّا بَصَحْ بْالْدَمْ وْالّْمَّا. وْالْرُّوحْ هُوَ لِيْ رَّاهْ يَشْهَدْ، عْلَى خَاطَرّْ الْرُّوحْ هُوَ الْحَقْ. 7 وْلِّيْ رَّاهُمْ يْشَهْدُوْ فْي الْسْمَّا ثْلَاثَةْ: الْأَبْ، الْكَلْمَةْ، وَالْرُذوحْ الْقُدُسْ. وْڤَاعْ هَادُوْ الْثْلَاثَةْ رَّاهُمْ وَاحَدْ. 8 وْلِّيْ رَّاهُمْ يْشَهْدُو فْالْاَرْضْ رَاهُمْ ثْلَاثَةْ: الْرُوحْ،وْالْمَاءْ، وْالْدَمْ وْالْثْلَاثَةْ هَادُوْ رَّاهُمْ وَاحَدْ. 9 وِإِلَا كُنَا نْقَبْلُوْ شْهَادَةْ نْتَاعْ الْنَاسْ: مَلَا شْهَادَةْ الله هِيَ لَكْبِيْرَةْ، وْهَدِيْ هِيَ شَهَادَةْ الله لِّيْ شْهَدْ بِهَا عْلَى إِبْنَهْ. 10 لِيْ يْأَمَنْ بْإِبْن الله هَدَاكْ عَنْدَهْ الْشْهَادَةْ فِيْ نَفْسَهْ. وَلِيْ مَايْأَمَنْشْ بْالله، مَعْنَتْهَا رَّاهْ رّْدْ الله كَذَابْ عْلَخَاطَرْ مَأَمَنْشْ بْالْشَهَادَةْ لِّيْ شْهَدْ بِهَا عْلَىْ إِبْنَهْ. 11 وْهَدِيْ هِيَ الْشَهَادَةْ: بَلِيْ الله عْطَالْنَا حْيَاةْ أَبَدِيَةْ لِيْ هِيَ فِيْ إِبْنَه يَسُوعْ الْمَسِيْحْ. 12 لِّيْ عَنْدَهْ الْإِبْنْ تْكُونْ عَنْدَهْ لَحْيَاةْ لَّبْدَا، وْلِيْ مَاعَنْدَهْشْ الْإِبْنْ مَاعَنْدَهْشْ لَحْيَاةْ الْأَبَدِيَةْ. 13 كْتَبْتْ هَدْ الْشِيْ لِيْكُمْ، نْتُمْ لِّيْ مْأَمْنِيْن بْإِسْمْ إِبْنْ الله، بَاشْ تْعَرّْفُوْ بَلِيْ عَنْدْكُمْ حْيَاةْ أَبَدِيَةْ، وْبَاشْ تْأَمْنُوْ بْإِسْمْ إِبْن الله. 14 وْهَدِيْ هِيَ الْثِقَةْ لِّيْ عَنْدْنَا فِيْهْ: إِلَا طْلَبْنَا شِيْ حَاجَةْ عْلَىْ حْسَابْ الْمَشِيْئَةْ نْتَاعَهْ غَادِيْ يَسْمَعْ لْنَا. 15 وِإِلَا كُنَا نْعَّرّْفُوْ بَلِيْ أَيْ حَاجَةْ نْطَلْبُوْهَا رَّاحْ يَسْمَعْ لنَا، وْنْعَّرّْفُوْ بَلِيْ لِّيْ طْلَبْنَاهْ يْكُوْنْ عَنْدْنَا. 16 وِإْلَا شَافْ كَاشْ وَاحَدْ خُوْهْ دَرْ دَنْبْ لِّيْ مَاْيمَوَتْشْ، يَدْعِيْ رَّبِيْ مَنْ أَجْلَهْ وْيْمَدْلَهْ حْيَاةْ نْتَاعْ الْمَدْنُوْبِيْنْ لِّيْ مَاتْمَوَتْشْ. عْلَخَاطَرْ كَايَنْ دْنُوْبْ لِيْمَوَتْ . مَارَّانِيْشْ حَابْ تْطَلْبُوْا غِيْر لْهَدْ الْشِيْ. 17 ڤَاعْ ذَنْبْ هُوَ خَطِيَةْ، وْكَايَنْ خَطِيَةْ لِّيْ مَاتْمَوَتْشْ. 18 وَحْنَا عَارّْفيِنْ بَلِيْ لِّيْ تَوْلَدْ مَنْ الله مَا يَدْنَبْشْ، وْالْمَوْلُوْدْ مَنْ الله يَحْرَزْ رُّوْحَهْ، وْحَتَىْ الْشَرِيْرْ مَا يْمَسَهْ. 19 نْعَّرّْفُوْ بَلِيْ حْنَا مَنْ عَنْدْ الله، وْالْدَنْيَا ڤَاعْ تَنْدَارَتْ فْي يَدْ الْشَرِيْرْ. 20 وْنْعَّرّْفُوْا بَلِيْ إِبْنْ الله جَّا وَرّْجَعْ لَبْصِيْرَةْ بَاشْ نْعَرّْفُوْ الْحَقْ. وَحْنَا رَّانَا فْالْحَقْ لِيْ فْي يَسُوْعْ الْمَسِيْحْ إِبْنَهْ. هَدَا هُوَ الْحَقْ وْلَحْيَاة الْأَبَدِيَةْ. 21 يَاوْلَادِيْ، حَرْزُوْا رّْوَاحْكُمْ مَنْ الْأَصْنَامْ. أَمِيْنْ.
1 مَنْ الْشِيْخْ لْكِيْرْيَةْ لْمُخْتَارَةْ مَنْ عَنْدْ الله، وَوْلَادْهَا لِلْيْ صَحْ نَبْغِيْهُمْ مَاشِيْ بَرْكْ أَنَا، بْصَحْ ڤَاعْ لِيْ عَرْفُوْا الْحَقْ. 2 عْلَى جَالْ الْحَقْ لِيْ ثْبَتْ فِيْنَا وْلِيْغَادِيْ يْكُوْنْ مْعَنَا لْلَبْدَا: 3 تْكُوْنْ مْعَاكُمْ رَحْمَةْ وْسْلَامْ مَنْ عَنْدْ الله بُوْنَا مَنْ عَنْدْ الرَّبْ يَسُوعْ الْمَسِيْحْ، إِبْنْ الْأَبْ بْحَقْ وَمْحَبَةْ . 4 فْرَحْتْ بْزَافْ عْلَخاَطَرْ لْقِيْتْ شِيْ وْلَادَكْ يْسَلْكُوْا فِيْ الْحَقْ، كِيْمَا ذِ يْنَاهَاْ وْصِيَةْ مَنْ عَنْدْ الْأَبْ. 5 وْدَرْوَكْ نَطْلَبْ مَنَكْ يَا كِيْرْيَةْ، وْمَاغَادِيْشْ نَكْتَبْ لَكْ وْصِيَةْ جْدِيْدَةْ عْلَخَاطَرْ هِيَ مْعَنَا مَنْ الْلَوَلْ: لَازَمْ نْحَبُوْا بَعْضْنَا الْبَعْضْ. 6 وْهَدِيْ هِيَ لَمْحَبَةْ: نْعِيْشُوْا عْلَى حْسَابْ الْوَصَايَا نْتَاعْ الْمَسِيْحْ. وْهَدِيْ هِيَ لَوْصِيَةْ: وْكِيْمَا سْمَعْتُوهَا مَنْ الْلَوَلْ لَازَمْ تْعِيْشُوْهَا. 7 عْلَخَاطَرْ الْدَنْيَا وْلَاتْ مْعَمْرَةْ بْالْنَاسْ لِيْ يْحَبُوا يْكَلْخُوْا فْالْنَاسْ، وْمَا يَعْتَرْفُوشْ بْالْمَسِيْحْ لِّيْ جَا فِيْ الْجَسَدْ. هَذَا هُوَ لِيْضَلَلْ فْالْمُوْنِيْنْ وْهُوَ عَدُوْ الْمَسِيْحْ. 8 عَسُوْا رْوَاحْكُمْ بَاشْ مَانْضِيْعُوشْ لِيْ تْعَلَمْنَاْهْ، بَاشْ تَدِيْو الأ جَرْ نْتَاعْكُمْ كَامْلَةْ. 9 وْڤَاعْ لِيْ تْعَدَىْ عْلَىْ كْلَامْ الله وْمَا ثَبَتْشْ فِيْ تَعْلِيْمْ نْتَاعْ الْمَسِيْحْ مَكَاشْ الله فِيْ قَلْبَهْ. وْلِيَثْبَتْ فِيْ تَعْلِيْمْ الْمَسِيْحْ هَدَاكْ يْكُوْنْ عَنْدَهْ الْأَبْ وْالْإِبْنْ مْعَ بَعْضْ. 10 وْإِلَا جَابْلْكُمْ وَاحَدْ تَعْلِيْمْ مَنْ غِيْرْ هَذَا، مَاتْقَبْلُوهْشْ عَنْدْكُمْ فِيْ الْدَارّْ، وْمَاتْڤُوْلُولُوشْ سَلَامْ. 11 عْلَخَاطَرْ لِيْسَلَمْ عْلِيْهْ كَلِيْ رَاهْ شَارَكْ فِيْ خْدَايْمَهْ الْشَرِيْرَةْ. 12 عَنْدِيْ بْزَافْ بَاشْ نْكَتْبَهْ لْكُمْ، بْصَحْ مَارَانِيْشْ بَاغِيْ يْكُونْ غِيْرْ وْرَقْ وْحِبْرْ، وَعْلَىْ هَدِيْ نَتْمَنَى نْجِيْ عَنْدْكُمْ وْنْهَدْرُوْا فَمْ لْفَمْ، بَاشْ تْكُونْ فَرْحَتْنَا كَامْلَةْ. 13 يْسَلْمُوْا عْلِيْكْ وْلَادْ خْتَكْ لِيْ خَيْرْهَا الله تَانِيْ. أَمِيْنْ.
1 مْنِي أَنَا الشِيْخْ ، لْحْبِيْبِيْ غَايَسْ لِيْ أَنَا نَبْغِيْهْ بْالْحَقْ. 2 فِيْ كُلْ شِيْ رَّانِيْ بَاغِيْ تْكُوْنْ نَاجَحْ وَصْحِيْحْ يَاحْبِيْبِيْ، كِيْمَا نَفْسَكْ هِيَ رَابْحَةْ. 3 عْلَخَاطَرْ فْرَحْتْ بْزَافْ كِيْ جَاوْ خُوْتْ وْشَهْدُوْا بَالْحَقْ عْلَىْ الْحْيَاةْ لِلْيْ فِيْكْ، لِيْ رَاكْ تْعِيْشْهَا بْالْحَقْ. 4 رَّانِيْ فْرَحَانْ بْزَافْ كِيْ نَسْمَعْ بْلِيْ وْلَادِيْ يْعِيْشُوْا غِيْرْ بَالْحَقْ وْالْتَقْوَى. 5 يَاحْبِيْنَا، أْنْتَ رَّاكْ تْدِيْرْ كُلْ شِيْ بْالأَمَانَةْ، عْلَىْ ڤَاعْ الْشِيْ لِتْدِيْرَهْ لَلْخُوتْ وْلَاْ لَلْبَرَّانِيَةْ، 6 وْلِيْ شَهْدُو بْمْحَبْتَكْ ڤُدْامْ لْكْنِيْسَةْ. وَمْلِيْحَ تْسَاعَدْهُمْ كِيْ يْسَافْرُوْا كِيْمَا يَبْغِيْ الله، 7 عْلَى خَاطَرْ عْلَجَاْل الْإِسْمْ نْتَاعَهْ خَرْجُوْ وْهَرْبُوْا مَنْ دْيَارْهُمْ، وَحْتَى أَنَهُمْ مَادُاوْ وَالُوْ مَنْ عَنْدْ لِلْيْ مَايْأَمْنُوشْ بَالله. 8 مَلاَ حْنَا لَزَمْ عْلِيْنَا نْقَبْلُوْا الْنَاسْ لِّيْ كِيْمَا هُمَا، بَاشْ نْعَامْلُوْهُمْ عْلَى حْسَابْ الْحَقْ. 9 كْتَبْتْ لَلْكَنِيْسَةْ، بْصَحْ دِيُوتْرِيفِسَ لِلْيْ يْحَبْ يْكُوْنْ سَيَدْ عْلِيْهُمْ مَاقْبَلْنَاشْ. 10 عْلَجَالْ دَاكْ الْشِيْ، إِلَا جِيْتْ رَاحْ نْفَكْرَهْ بَفْعَايْلَهْ لِيْ يْدِيْرْهَا، وْيَهْدَرْ عْلِيْنَا لِيْ مَايْلِيْقْشْ، وْمَاحْبَسْشْ غِيْرْ هْنَا، بْصَحْ تَانِيْ مَايْقْبَلْشْ الْخُوْتْ، وْيَحْبَسْ فِيْ الْنَاسْ لِّيْ بْغَاوْ يَسْتْقَبْلُوْهُمْ وْيَحَوَزْ فِيْهُمْ مَنْ الْكَنِيْسَةْ. 11 يَاحْبِيْبِيْ، دِيْرْ غِيْرْ الْخِيْرْ وْبَعَدْ عْلَى الْشَرّْ، عْلَخاَطَرْ لِيْدِيْرْ الْخِيْرْ هُوَ مَنْ عَنْدْ الله، وْلِيْ يْدِيْرْ الْشَرّْ هَدَاكْ مَايَعْرَفْشْ الله. 12 دِيْمِتَرْيُوسْ يْشَهْدُوْ عْلِيْهْ ڤَاعْ الْنَاسْ بَلِيْ إِنْسَانْ صَالَحْ، وْحْنَا تَانِيْ نْشَهْدُوْ عْلِيْهْ بَالْحَقْ لِيْ فِيْهْ، وْنْتُمْ عَارفِيْنْ بَلِيْ الْشَهَادَةْ نْتَاعْنَا صْحِيْحَةْ. 13 وَأَنَا عَنْدِيْ كْثِيْرْ بَاشْ نْكَتْبَهْ لِيْكُمْ، بْصَحْ مَا بْغِيْتْشْ نْكَتْبَهْلْكُمْ بَقْلَامْ وَلْمِيْدَادْ. 14 بَصَحْ نَتْمَنَى نْشُوْفَكْ ڤْرِيْبْ وْنَتْكَلْمُوْا رَاسْ لْرَاسْ. سْلَامْ لِيْكْ. يْسَلَمْ عْلِيْكْ لَحْبَابْ. وْسَلْمْ عْلَى ڤَاع لَحْبَابْ لِّيْ مْعَاكْ كُلْ وَاحَدْ بْإِسْمَهْ.
1 أنَاَ يهَُوداَ الْعبَْدْ تاَعْ يسَُوعْ الْمَسِيحْ ، وْخُو يعَْقوُبْ،كِنكَْتبَْ لْهَادوُكْ الْمَقْدْسِينْ الْلِيّ عَيطََّّلْهُمْ اللهالآبْ ،وْيحَْفضَْهُمْ لْيسَُوعْ الْمَسِيحْ: 2 تكُْترُْ لِيكُمْ الْرَّحْمَة وْالهَْناَ وْالْمْحَبَّة. 3 خُوتِي لعَْزَازْ ، كُنْتْ نْدِيرْ ڤاَعْ جَهْدِي باَشْ نكَْتبَلَْكُمْ عْلىَ الْخَلاصَْ الِيّ نتَشَْارْكُوا فِيهْڤاَعْ، وْبصََّحْ درَْوَكْ ضْطَرِّيتْ باَهْ نكَْتبَلَّْكُمْ باَشْ نْشَجَّعْكُمْ تجَْتاَهْدوُا عْلىَ جَالْ الإيمَانْ ألَِيّ عْطَاهْالله فْمَرَّة للَْقدَِيّسِينْ . 4 عْلىَ خَاطَرْ شِي ناَسْ فِيهُمْ الْشَّرْدخَْلوُ بِيناَتكُْمْ ، وْ رَاهُمْ يْحَوْلوُا الْنعَّْمَة تاَعْإِلهَْناَ للَْفسََادْ وْ نكَْرُوا الْسَيدَّْ تاَعْناَ الْرَّبْ يسَُوعْ الْمَسِيحْ هَاذوُا ڤاَلْ عْلِيهُمْ الْكْتاَبْ بلَِيّ مَحْكُومْعْلِيهُمْ مَنْ الْزْمَانْ الْقْدِيمْ. 5 بْغِيتْ أنَْفكََّرْكُمْ بْهَذاَ الْشِّي ، حَتىَّ وْلارََاكُمْ تعَرَّْفوُهْ ، بلَِيّ الْرَّبْ مَنْبعَْدَ مَاسَلكَّْ الْشَّعْْبْ تاَعُه مَنْ أرَْضْ مَصْرْ، هَْلكَْ الْلِيّ مَا آمْنوُشْ بِيهْ . 6 وَ الْمَلايَْكَة الْلِيّ مَاتهَْلاوَّْشْ فاَلْسُّلْطَة تاَعْهُمْ ، وْخَلوُّ بْلايَصَْهُمْ ، هَاذوُكْ خَلَّاهُمْ الْرَّبْ مَرْبوُطِينْ بسَْلاسََلْ الْداَّيْمَةفاَلْظَّلْمَة لْيوُمْ الْحْسَابْ. 7 وْ حَتىَّ سَدوُمَ وَ عَمُورَة وَ الْمُدنَُ الِيّ ڤرِْيباَلْهَا، داَرُوا الْفْسَادْ ،بْنفَْسْالْطَّرِيقةَ وْتبَْعوُا طَبِيعةَ وَحْدخُْرَى ، هَاذوُكْ تعْذَْبوُا باَلْناَّرْ وْ وَلاتَّْ مْثلَْ لْوَحْدَ أخَْرِينْ. 8 بصََّحْ هَذاَ الْشِّي ثاَنِي يصَْرَا لْلِيّ رَاهُمْ إِيدِيرُوا كِيمَا هَاذوُكْ ، يْنجَْسُوا أرَْوَاحْهُمْ ، وَ يسَْتهََزْؤُا باَلْسِياَدةَتاَعْ رَبِيّ ، وَيْهِينوُا الْمَلايَْكَة. 9 وْ َ حَتىَّ مِيخَائِيلْ رَئِيسْ الْمَلايَْكَة ،مَلِيّ خَاصَمْ إِبْلِيسْ وَ تنْاَقشَْمْعاَهْ عْلىَ الْذاَّتْ نْتاَعْ مُوسَى، مَبْغاَشْ يحَْكَمْ عْلِيهْ وَ يْڤوُلْ فِي حَقهَّْ كْلَامْ مَشِّي مْلِيحْ بصََّحْ ڤاَلهَّْ:"الْرَّبْ رَاحْ يْعاَقْبكَْ!". 10 بصََّحْ هَادْ الْناَّسْ يفَْتاَرُوا عْلىَ أيَْ حَاجَة مَيعَرَّْفوُهَاشْ. وْ هَادْ الْشِّي فَهَّْمُوهْ باَلْطَّبِيعةَ تاَعْهُمْ كِيمَا وْحُوشْ الْغاَبةَ، هُوَ الِيّ يْسَببَّْ لْهُمْ الْهْلَاكْ. 11 ياَوِيلْهُمْ هَادْ الْناَّسْ! عْلىَ خَاطَرْ يْتبَْعوُا طْرِيڤْ قاَيِينَ، وَمْشَاوْ فاَلْغلََاطْ كِيمَا بلَْعاَمْ عْلىَ جَالْ الْدْرَاهَمْ، وْ هَلْكُوافْتمََرُّدْ قوُرَحَ. 12 حُضُرْهُمْ يْقلَقَّْ لوَْلَايمَْ تاَعْ الْمَحَبةَّ،يْشَارْكُوكُمْ بْلَا حَشْمَة يْعمَْرُوا كْرُوشْهُمْ هُمَاكِيمَا لغَْياَمْ بْلاَ الْنوُّا وْ داَمْرَتهُْمْ الْرِّيحْ. كِيمَا شْجُرْ الْخْرِيفْ بْلَا غَلةَّ، مَڤلْوُعِينْ مَنْ جْدوُرْهُمْمَيْتِينْ زُوجْ خَطْرَاتْ. 13 هُمَا كِيمَا لمَْوَاجْ لْهَايْجَة تعَْ لبَْحَرْ لِيّ تقِْيسْ الْرَّغْوَة تاَعْهَا. وَ الْنْجُومْالْمْوَّدْرَة الِيّ يڤُعُّْدوُا البَّْداَ قْوِيِيّنْ فِي وَسْطْ الْظَّلمَة. 14 وَتنْبَأَّْ عْلِيهُمْ أخَْنوُخْ لِيّ هُوَ مَنْ لْجِيلْالْسَّابِعْ مَنْ آدمَْ وْ ڤاَلْ : " هَاهُوَ الْرَّبْ غَادِي يْجِي مْعَ الْمْلَايِينْ تاَعْ الْقِدِيّسِينْ تاَوْعَهْ، 15 باَشْيحَْكُمْ عْلىَ ڤاَعْ الْناَّسْ، وَيْعاَقبَْ الْمَشْرَارِينْ عْلىَ جَالْ فْعاَيلَْهُمْ ، وَعْلىَ كُلْ كَلْمَة كُفْرْ ڤاَلوُهَا فِيحَقهَّْ هَادوُا الْناَّسْ الْمَذنَّْبِينْ لِيّ مَيْأمَْنوُشْ". 16 هَادوُا هُمَا لِيّ إِيْضَلوُّا يْشْتكُْوا،وَ يْتبَْعوُا الْشَّهْوَاتْالْتاَّعْهُمْ، وْ يتَكَْبْرُوا فِي هَدْرَتهُْمْ ، وْ يضََّحْكُوا فِي وْجَه الْناَّسْ عْلىَ جَالْ مَصْلحََّتهُْمْ. دعوةللمثابرة 17 بصََّحْ نْتوُمَا ياَلْخُوتْ لعَْزَازْ، تفْكَْرُوا الْهَدْرَة لِيّ ڤاَلوُهَالْكُمْ الْرُّسُلْ تاَعْ رَبْناَ يسَُوعْالْمَسِيحْ. 18 كِي ڤاَلوُلْكُمْ :" فاَلْزْمَانْ الْلخََّّرْ غَادِي يْكُونْ قوَْمْ يضََّحْكُوا عْلىَ الْناَّسْ وْ مْتبَْعِينْ دعَْوَة الْشَّرْ تاَعْهُمْ". 19 هَادوُا هُمَا الِيّ يْكُونوُا الْسَبةَّ باَشْ يْفرَْقوُا الْناَّسْ، مَشِّي الْرُّوحْ الِيّ تتَحَْكَّمْفِيهُمْ بصََّحْ شَهْوَةْ نْفوُسْهُمْ. 20 بصََّحْ نْتوُمَا ياَ لْخُوتْ لعَْزَازْ قوَُّوا حْياَتكُْمْ فْإيِمَانْكُمْ الْمُقدَسَّْ ،وْصَلوُّا فاَلْرُّوحْ الْقدُسُْ، 21 ثبَْتوُا فْمَحْبةَّ الَْله، وَنْتوُمَا تسَْتنَوُّا رَحْمَة يسَُوعْ الْمَسِيحْ باَشْ يعَْطِيكُمْلحَْياَةْ الْداَّيْمَة. 22 وَشَفْقوُا عْلىَ الْناَّسْ الِيّ يشَْكُّوا، 23 وْ سَّلْكُوا وَحْدخُْرِينْ باَلْخَوْفْ،وْبعَْدوُهُمْمَالْناَّرْ، وْ حَنوُّا عْلىَ وَحْدخَْرِينْ وْ حَّرْزُوا رْوَاحْكُمْ مَنْهُمْ وَ كَّرْهُوا حَتىَّ الْقشَْ الِيّ نجَْسُوهْبْذاَتهُْمْ. تسبحة 24 وَاللَّه الِيّ قاَدرَْ يحَْفضَْكُمْ باَشْ مَطِّيحُوشْ، وْ يوََڤفَّْكُمْ ڤدُاَّمْ الْعزَْ تاَعَهْ بْلَا عَيْبْ وْفرَْحَانِينْ، 25 الْإِلَاهْ الْوَاحَدْ مْسَلكَّْناَ بْيسَُوعْ الْمَسِيحْ رَبنَّاَ، إكُْونْ الْعزَْ وَ الْجَلَالْ وَ الْقوَُّة وَ الْسُّلْطَة،قْبلَْ مَالْزْمَانْ وْ درَْوَكْ وَ عْلىَ الْدْوَامْ. آمِينْ.
1 الرُّؤْيَا أَلْلِّي أَعْطَاهَا اللهْ لِيَسُوعْ اَلْمَسِيحْ بَاشْ يَبَيَّنْ لَعْبِيدوُ شِّي أَلْلِّي لاَ بُدْ يْكُونْ بَعْدْ وَقْتْ قْرِيبْ ، وَأَرْسَلْ اَلْمَلَاكْ أَتَاعُو بَاشْ يْبَيْنُو لْعَبْدُو يُوحَنَّا. 2 وَيُوحَنَّا خْبَّرْ بْكُلّْ شِي أَلْلِّي شَافُو. وْهَادِي هِيَ كَلْمَةْ اللهْ وَشَهَادَةْ يَسُوعْ اَلْمَسِيحْ. 3 سَعْدَتُو أَلْلِّي يَقْرَأَ كْلَامْ هَادْ اَلنُبُوَّةْ، وْسَعْدَاتْ لِيْسَمْعُو وَلِيْعَمْلُو بَشِي أَلْلِّي مَكْتُوبْ فِيهَا، عْلَى خَاطَرْشْ اَلْوَقْتْ قْرِّبْ. 4 يُوحَنَّا، لِلْكَنَائِسْ اَلسَبْعَةْ أَلْلِّي فِي أَسْيَا:عْلِيكُمْ اَلنِعْمَةْ وْالسْلاَمْ مَنْ اَلْكَايَنْ وْأَللِّي كَانْ وَأَلْلِّي غَادِي يْجِي ، وْمَنْ اَلسَبْعَةْ أَرْوَاحْ أَلْلِّي قُدَّامْ عَرْشُو. 5 وَمِنْ يَسُوعْ اَلْمَسِيحْ اَلشَاهَدْ اَلْأَمِينْ، أَللَّوَّلْ أَلْلِّي قَامْ مَنْ اَلْمُوتْ، وْرَئِيسْ مُلُوكْ اَلْأَرْضْ. أَلْلِّي حَبْنَا وَاغْسَلْنَا بِدَمُّو مَنْ ذْنُوبْنَا. 6 وَجْعَلَنَا مُلُوكْ وَكَهَنَةْ لله بُوهْ. لِيهْ اَلْعَّزْ وَاَلْقُدْرَةْ عْلَى اَلدَوَّامْ. أَمِينْ. 7 هَاهُوَ جَايْ فِي اَلسْحَابْ وْغَادِي تْشُوفُو كُلْ عِينْ ، وْحَتَّى هَادُوكْ أَلْلِّي ضَرْبُوهْ، وْكُلْ قَبَائِلْ اَلْأَّرْضْ يْنَدْبُو عْلِيهْ.أَ نْعَمْ هَادْ شِي غَادِي يْكُونْ أَمِينْ. 8 فَالرَّبْ اَلْكَايَنْ وَاَلْلِّي كَانْ وَاَلْلِّي غَادِي يْجِي ، وَاَلْقَادَرْ عَلَى كُلْ شِي يْقُولْ أَنَا هُوَ اَلْأَلِفْ وَاَلْيَاءْ،اَللَّوَّلْ وْالاَخَرْ. 9 أَنَا يُوحَنَا خُوكُمْ وَشْرِيكْكُمْ فِي اَلْمَحْنَةْ وْفِي مَمْلَكَةْ يَسُوعْ اَلْمَسِيحْ وْصَبْرُو. كُنْتْ مَنْفِي فِي اَلْجَزِيرَةْ أَلْلِّي تَتْسَمَى بَطْمُسْ مَنْ أَجْلْ كْلَامْ اَللهْ وْمَنْ أَجْلْ شْهَادَةْ يَسُوعْ اَلْمَسِيحْ. 10 وَاحَدْ اَلنّْهَارْ نْزَلْ عْلَيَّ رُوحْ اَللهْ، وْسْمَعْتْ وْرَايَا صُوتْ قْوِيْ كِصُوتْ اَلْبُوقْ. 11 يْقٌولْ : «أَنَا هُوَ اَلْأَلِفْ وَاَلْيَاءْ، اَللَّوَّلْ وَالاَخَرْ. وْشِي أَلْلِّي تْشُوفُو أَكَتْبُو فِي أَكْتَّابْ وْأَرَسْلٌو لَلْكَنَائِسْ اَلْسَبْعَةْ أَلْلِّي فِي أَسْيَّا لِىّ فِي أَفَسُسْ وْسِيمِرْنَا وْبَرْغَامُسْ وْثْيَاتِيرَا وْسَارْدَسْ وْفِيلاَدِلْفِيَا وْلاَوْدُكِيَةْ». 12 دُورْتْ بَاشْ نْشُوفْ اَشْكُونْ أَلْلِّي رَاهْ يَتْكَلَمْ مْعَيَا، وْكِدُورْتْ شَفْتْ سَّبْعَةْ مْصَابِيحْ تَاعْ ذْهَبْ. 13 وْفِي وْسْطْهُمْ وَاحَدْ يَشْبَّهْ لَلأبْنَادَمْ لاَبَسْ ثُوبْ طْوِيلْ، وْحَوْلْ صَدْرُو حْزَامْ تَاعْ ذْهَبْ. 14 وْشْعَرْ رَاسُو أَبْيَضْ كَالصُوفْ، كَالثَلْجْ ، وْعَيْنِيهْ كِالشْعَالَةْ تَاعْ اَلنَّارْ. 15 وْرَجْلِيهْ يْلَمْعُو كِالنْحَاسْ الصَفِيّْ المَصْقوُلْ بَالنَّارْ، وْصُوتُو كِيمَا صُوتْ اَلْمَاءْ تَاعْ اَلشَّلاَلْ. 16 وْفِي يَدَهْ لْيُمْنَى سَّبْعَةْ نْجُومْ، وْمَنْ فَمُوّ خَارَجْ سِيفْ قَاطَعْ مَنْ جِهْتِينْ، وُوَجْهُو كِالشَمْسْ أَلْلِّي ضَاوِية فِي وَسْطْ اَلنّْهَارْ. 17 وْكِيْ شَفْتَه طَحْتْ عَنْدْ رَجْلِيهْ كِالمَيَّتْ، فَحَّطْ يَدَاهْ لْيُمْنَى عْلِيَّ وْقَالْ لِي: « مَاتْخَافْشْ، أَنَا هُوَ اَللَّوَّلْ وَالاَخَرْ، 18 وْاَلْحَيّْ. وْكُنْتْ مَيَّتْ، لَكِنْ ضُرْوَاكْ أَنَا حِيْ دِيمَا وُعْلَى اَلدَّوَامْ. اَمِينْ وْعَنْدِي مْفَاتِيحْ اَلْمُوتْ وَ اَلْهَاوِيَةْ. 19 فَأكْتَبْ شِي أَلْلِّي شَفْتُو، وْشِي أَلْلِّي كَايَنْ ، وْشِي أَلْلِّي غَادِي يْكُونْ بَعْدْ هَادْ اَلْأُمُورْ. 20 هَذَا هُوَ سَرّْ اَلنّْجُومْ أَلْلِّي شَفْتْهُمْ عْلَى لْيُمْنَى أَتَاعِي، وْاَلْمَصَابِيحْ اَلْسَبْعَةْ تَاعْ اَلذّْهَبْ: اَلنْجُومْ اَلسَّبْعَةْ هِيَ مَلاَئِكَةْ اَلْكَنَائِسْ اَلسَّبْعَةْ، وْاَلْمَصَابِيحْ اَلْسَّبْعَةْ هِيَ اَلْكَنَائِسْ اَلسَّبْعَةْ».
1 أَكْتَبْ لِمَلاَكْ كَنِيسَةْ أَفَسُسْ: «هَذَا وَاشْ يْقُولْ لِشَادْ فْي يَدَاهْ لْيُمْنَى اَلنْجُومْ اَلسَبْعَةْ، وْأَلْلِّي يَمْشِي وْسَطْ الْمَصَابِيحْ اَلسَّبْعَةْ تَاعْ اَلذْهَبْ: 2 أَنَا نَعْرَفْ أَعْمَالَكْ وْالتْعَبْ تَاعَكْ وْصَبْرَكْ، وْنَعْرَفْ بَلِيّ مَا تَقْدَرْشْ تَتْحَمَّلْ اَلْأَشْرَارْ، وْرَاكْ جَرَبْتْ هَادُوكْ أَلْلِّي يْقُولُو أَنْهُمْ رُسُلْ وْمَاهُمْشْ رُسُلْ، وَوْجَدْتْ بَلِيّ هُمَا كَذَّابِينْ. 3 أَنْتَ صْبَرت وْتْحَمَّلْتْ بَزَافْ مَنْ أَجْلِي وْبْلاَ مَا تَعْيَا. 4 بَصَحْ نْلُومَكْ عْلَى خَاطَرْشْ سْمَحْتْ فِي مَحَبْتَكْ لَوْلَى. 5 أَتْفَكَّرْ وِينْ كُنْتْ قَبْلْ مَا طِيحْ وْتُوبْ، وَأَرْجَعْ لَلْأَعْمَالْ أَلْلِّي كُنْتْ أَدِيرْهَا فَاللَّوَّلْ، وْإِلاَّ رَانِي غَادِي نْجِيّ وْنَحِيّ لْمَصْبَاحْ أَتَاعَكْ مَنْ بْلاَصْتُو. 6 شِي لِفَارَحْنِي فِيكْ أَنَكْ تَكْرَهْ أَعْمَالْ اَلنُّقُولاَيِّينْ وْلِنَكْرَهَا أَنَا تَانِي. 7 لِعَانْدُو وَدْنِينْ أَسَمْعُو وَاشْ يْقُولْ الرُّوحْ لِلْكَنَائِسْ. فَهَادَاكْ لِيَغْلَبْ غَادِي نَعْطِيهْ اَلْحَقْ بَاشْ يَأكْلْ مَنْ شَجَرَةْ اَلْحَيَاةْ لِيّ فِي وَسَطْ جَنَةْ اَللهْ». 8 وَأَكْتُبْ لِمَلاَكْ كَنِيسَةْ سِمِيرْنَا: «هَذَا يْقُولُو اَللَّوَّلْ وْالاَخَرْ، لَكَانْ مَيَّتْ وْعَاشْ، 9 أَنَا نَعْرَفْ اَلْمَحْنَةْ وْ اَلْفُقْرْ أَتَاعَكْ، ( مَعَ أَنَكْ غَنِيّْ) وْكِنَعْرَفْ الَكْلَامْ لِيَمّْشِي صْحِيحْ وْلِقُولُوهْ عْلِيكْ هَادُوكْ أَلْلِّي يْقُولُو أَنْهُمْ يَهُودْ وْهُمَا مَشِّي يَهُودْ، لَكِنْ هُمَا دَارْ اَلْعِبَادَةْ تَاعْ الشِيطَانْ. 10 مَا تْخَافْشْ مَنْ اَلْعَذَابْ لِغَادِي تْقَاسِيهْ. فَإبْلِيسْ غَادِي يَرْمِي اَلْبَعْضْ مَنْكُمْ فِي اَلْحَبْسْ بَاشْ تَتْجَرْبُو، وْغَادِي تْفُوتُو مَحْنَةْ تَاعْ عَشْرَ أَيَامْ، كُونَكْ أَمِينْ حَتَّى اَلْمَوْتْ وَأَنَا غَادِي نَعْطِيكْ تَاجْ اَلْحَيَاةْ. 11 يَا لِعَانْدْهَمْ وَذْنِينْ أَسَمْعُو وَاشْ يْقُولْ اَلرُّوحْ لِلْكَنَائِسْ. لِيَغْلَبْ هَادَكْ يَسْلَكْ مَنْ اَلمُوتْ اَلزَاوَجْ». 12 وَأَكْتُبْ لِمَلاَكْ كَنِيسَةْ بَرْغَامُسْ: «هَادَ اَلْكَلاَمْ يْقُولُو لِعَنْدُو اَلسِيفْ مَاضِي مِنْ جِهْتِينْ. 13 أَنَا نَعْرَفْ وِينْ تَسْكَنْ، فَىْ الْمُضَع أَلْلِّي فِيهَا عَرْشْ اَلشِيطَانْ، وْهَكْذَا بْقِيتْ شَادْ فِي اَلْاِسْمْ تَاعِي وْمَا نْكَرْتْشْ إِيمَانَكْ بِيّ حَتَّى فِي هَادُوكْ لِيَّامْ لِقَامْ فِيهَا أَنْتِيبَاسْ شَهِيدِي اَلْأَمِينْ لِيْتَنَقْتَلْ عَنْدْكُمْ وِينْ سْكَنْ اَلشِيطَانْ. 14 بَصَح عَنْدِي حَاجَةْ نْلُومَكْ عْلِيهَا: عَنْدَكْ بَعْضْ اَلنَّاسْ مَتْمَسْكِينْ بِتَعْلِيمْ بَلْعَامْ، لِكَانْ يَعْلَّمْ بَالاَقْ كِيفَاشْ إِطَيَحْ بَنِي إِسْرَائِيلْ فِي اَلْفَخَ وْيَاكْلُو مَنْ اَلذَبَائِحْ اَلْمَدْبُوحَينْ لَلْأَصْنَامْ، وْيَزْنٌو . 15 وْعَنْدَكْ تَانِي وَحْدِينْ مَتْمَسْكِينْ بِتَعَالِيمْ اَلنُّقُولاَيِّينْ. 16 تُبْ وَإِلاَّ غَادِي اَنْجِيكْ وْمَا نَتْأَخَرْشْ وْنْحَارَبْهُمْ بَسِيفْ فَمِيّ. 17 يَا لِعَانَدْهُمْ وَذْنِينْ أَسَمْعُو وَاشْ يْقُولْ اَلرُّوحْ لَلْكَنَائِسْ.لِيَغْلَبْ غَادِي نَعْطِيهْ يَأكُلْ مَنْ اَلْمَنْ اَلْمَخْفِي، وْنَعْطِيهْ حَجْرَا بِيضَا، وْمَكْتُوبْ عْلِيهَا اِسْمْ جَدِيدْ مَا يْعَرْفُو غِيرْ لِيَدِّيهَا». 18 وَأَكْتُبْ لمَلاَكْ كَنِيسَةْ ثِيَاتِيرَا: «هَذَا وَاشْ يْقُولْ اِبْنْ اَللهْ، وْلْعِينِيهْ كَشَّعَالَةْ تَاعْ اَلنَّارْ، وْرَجْلِيهْ كَالنْحَاسْ اَلصَفِي. 19 أَنَا نَعْرَفْ أَعْمَالْ أَتَاعَكْ وْنَعْرَفْ مَحَبْتَكْ وْإِيمَانَكْ وْتَضْحَيَاتَكْ وْصَبْرَكْ، وْالْأَعْمَالْ أَتَاعَكْ اَلتَالِيَةْ خِيرْ مَنْ اَللَّوْلَى. 20 بْصَح عَنْدِي عْلاَشْ نْلُومَكْ: فَأنْتَ تَتْسَاهَلْ مْعَ هَادِيكْ لَمْرَأة إِيزَابِلْ لِتْقُولْ أَنّاَ نَبِيَّةْ، وْهِيَ كِتَغْرِي عْبِيدِي بِالتَعْلِيمْ أَتَاعْهَا، بَاشْ يَزْنِيوْ وْيَأكْلُو مَنْ الذَبَائِحْ المَذْبُوحِينْ لِلْأَصْنَامْ. 21 وَأَعْطِيتْهَا وَقْتْ بَاشْ اَتُوبْ، لَكِنْ مَا حَبْتَشْ أَتُوبْ عَنْ اَلزْنَا أَتَاعَهَا. 22 غَادِي نَرْمِيهَا فِي فْرَاشْ الْمَرْضَ، وْنَرْمِي فِي الْمَحْنَة وْالضِيقْ حَتّىَ هَادُوكْ لِيَزْنُو مْعَهَا وُمَا يْتُبُوشْ عْلَى أَعْمَالْهُمْ. 23 وْنَقْتَلْ أَوْلَادْهَا بَالْمُوتْ، وْتَعْرَفْ جْمِيعْ اَلْكَنَائِسْ بَلِي أَنَا لِنَمْتَحِنْ قَلْبْ الإنْسَانْ وَأفْكَارُو، وْنْجَازِي كُلْ وَاحَدْ مَنْكُمْ عَلَى حِسَابْ خْدَايْمَه. 24 أَمَّا لِبْاقَوْ فِي ثِيَاتِيرَا ، أَنْثُمَا أَلْلِّي مَا تْقَبْلُوشْ هَادْ اَلتَعْلِيمْ، وْمَا تْعَلَمْتُوشْ شِي لِيْسَمِّيهْ اَلبَعْضْ أَسْرَارْ اَلشَيْطَانْ اَلْعَمِيقَةْ، فَأَنَا نْقُولْ لِيكُمْ مَا غَادِيشْ نُوضَعْ عْلِيكُمْ حَمْلْ أَخَرْ، 25 لَكِنْ بْقَاوْ ثَبْتِينْ عْلَى شِي لِعَنْدْكُمْ حَتَّى نْجِيّ. 26 وَأَللِّي يَغْلَبْ وْيَعْمَلْ بِكُلّْ اَلْوَصَايَا أَتَوْعِي حَتَّى للاَخَرْ فَهَادَكْ نَعْطِيهْ سُلْطَانْ عَلَى اَلشُعُوبْ، 27 ويَرْعَاهُمْ بِعَصَا مِنَ الحَدِيدْ، وَيَهْرِسَهُمْ كِالمَاعُونْ تَاعْ اَلْفَخَّارْ، كِيمَا خْدِيتْ اَنَا تَانِي اَلسُلْطَةْ مَنْ عَنْدْ بُويَا، 28 وْنَعْطِيهْ اَلنَجْمَةْ تَاعْ اَلصْبَّاحْ. 29 يَا لِعَانْدْهَمْ وَذْنِينْ أَسَمْعُو وَاشْ يْقُولْ الرُّوحْ لَلْكَنَائِسْ.
1 أَكْتَبْ لِمَلاَكْ كَنِيسَةْ سَارْدَسْ: «هَذَا وَاشْ يْقُولْ لِعَانْدٌو سَبْعَ أَرّْوَاحْ اَللهْ وُسَبْعْ اَلنْجُومْ. أَنَا نَعْرَفْ أَعْمَالَكْ، بَالإِسْمْ اَنْتَ حَيْ، وْفِي اَلْحَقِيقَةْ أَنْتَ مَيَّتْ. 2 فَأسْهَرْ وَأتْقَوَى مَنْ جْدِيدْ فَالشِي لِيبْقَى قَبْلْ مَا يْمُوتْ، عْلَى خَاطَرْشْ شِي لِكُنْتْ أَتْدِيرُو مَا كَانْشِ كَامْلْ قُدَامْ اَللهْ. 3 تْفَكَّرْ شِي أَلْلِّي تْعَلَمْتُو وُسْمَعْتُو وَأَعْمَلْ بِهْ وُتُوبْ، إِذَا مَا سْهَرْتَشْ غَادِي نْجِي لِيكْ كِالسَارَقْ، وُفِي الْوَقْتْ أَلْلِّي مَا تَعْرَفْشْ. 4 عَانْدَكْ نَّاسْ قْلاَلْ فِي سَارْدَسْ وُأَلْلِّي مَا وَسْخُوشْ حْوَيَجْهُمْ وُهَادُوكْ هُمَا لِغَادِي يَمْشِيوْ مْعَايَا فِي حْوَايَجْ بْيُوضَةْ عْلَى خَاطَرْ يَسْتَهْلُو. 5 لِيَغْلَبْ هَادَكْ غَادِي يَلْبَسْ حْوَايَجْ بَيْضِينْ، وُمَا نَاحِّيشْ اَسْمُو مَنْ كْتَابْ اَلْحَيَاةْ، وُنَعْتَرَفْ بِأَسْمَه قٌدامْ بُويَا وُالْمْلاَيْكَا. 6 لِعَانْدُو وَدْنِينْ أَسَمْعُو وَاشْ يْقُولْ الْرُّوحْ لَلْكَنَائِسٍْ». 7 وْاكْتَبْ لمَلاَكْ كَنِيسَةْ فِيلاَدِلْفِيَا: «هَذَا وَاشْ يْقُولْ اَلْقُدُّوسْ اَلْحَقّْ، لِعَانْدُو مَفْتَاحْ دَاوْدْ، لِيَفْتَحْ وُمَا يَقْدَرْ حَتَّى وَاحَدْ يْغَلْقُ وُيَغْلَقْ وُمَا يَقْدَرْ حَتَّى وَاحْدْ يَفَتْحُ. 8 أَنَا نَعْرَفْ أَعْمَالَكْ. وُهَاأَنَا أَفْتَحْتْ قْدَامَكْ بَابْ مَا يَقْدَرْ حَتَي وَاحَدْ يَغَلْقُو، عْلَى خَاطَرْ اَلْقُوَّةْ أَتَاعَكْ قْلِيلَةْ، وْحْفَظْتْ كْلاَمِي وُمَا نْكَرْتَشْ اِسْمِي. 9 هَادُوكْ أَلْلِّي مَنْ دَارْ اَلْعِبَادَةْ تَاعْ اَلشِيطَانْ، مَنْ دُوكْ لِيْقُولُو أَنْهُمْ يَهُودْ وُهُمَا مَشِيّ يَهُودْ، لَكِنْ هُمَا كَذَابّينْ: نَجْعَلْهُمْ يْجِيوْ وُيْسَجْدُو قُدَّامْ رَجْلِيكْ وُيَعْتَرْفُو بَلِيّ أَنَا حَبِّيتَكْ. 10 عْلَى خَاطَرْشْ عْمَلْتْ بَكْلاَمِي وْصْبَرْتْ، أَنَا تَانِي نَحَفْظَكْ مَنْ اَلْمَحْنَةْ لِغَادِي يْمَرُو بِهَا جْمِيعْ اَلنَّاسْ وُيْجَرْبُو بِهَا. 11 أَنَا غَادِي نْجِي بِلْخَف، أَثْبَتْ عْلَى شِي لِعَانْدَكْ بَاشْ حَتَّى وَاحَدْ مَا يَأخُذْ اَلتَاجْ أَتَاعَكْ. 12 لِيَغْلَبْ نْرَدُّو عَمُوْد فِي بِيتْ إِلَهِي، وُمَا يَخْرَجْشْ مَنُو أَبَدَا وُنَكْتَبْ عْلِيهْ اِسْمْ إِلَهِي، وُاِسْمْ مَدِينَةْ إِلَهِي أُورْشَّلِيمْ اَلْجَدِيدَةْ اَلنَّازِلَةْ مَنْ السْمَا مَنْ عَنْدْ إِلَهِي، وَاِسْمِي الْجَدِيدْ. 13 لِعَانْدُو وَدْنِينْ أَسَمْعُو وَاشْ يْقُولْ اَلرُّوحْ لَلْكَنَائِسْ». 14 وُاكْتَبْ لمَلاَكْ كَنِيسَةْ اَللاَوْدِكِيِّينْ: «هَا وَاشْ يْقُولْ أَلْلِّي هُوَ اَلْحَقْ، اَلشَاهَدْ اَلْأَمِينْ اَلصَّادَقْ، أَصْلْ خَلِيقَةْ اَللهْ. 15 أَنَا نَعْرَفْ أَعْمَالَكْ، أَنْتَ مَا رَاكْ لاَ بَارَدْ وَلاَ سْخُونْ، يَا لِيتْ كُنْتْ بَارَدْ أَوْ سْخُونْ. 16 عْلَى خَاطَرْشْ أَنْتَ دَافِي، وْمَا رَاكْ لاَ بَارَدْ وَلاَ سْخُونْ، غَادِي نَتْقَايَّكْ مَنْ فْمِي. 17 أَنْتَ تْقُولْ: أَنَا غَنِيّ واسْتَغْنِيتْ، وُمَا يْخَصْنِي وَالُو ، وُمَا عْلَبَالكْشْ بَلِي ّأَنْتَ شَقِي وُبَائِسْ وُفْقِيرْ وُأَعْمَى وُعَرْيَانْ. 18 نَنَصْحَكْ بَاشْ تَشْرِي عْلِيَّ ذْهَبْ مْصَفِّي بَالنَّارْ بَاشْ تْكُونْ بَالحَقْ غَنِي، وُتَشْرِي حْوَايَجْ مَبْيَضِينْ بَاشْ تَلْبَسْهُمْ وُتَسْتَرْ رُوحَكْ وُمَا تَبْقَاشْ عَرْيَانْ عْلَى خَاطَرْشْ هَذَا عِيبْ. وُبَالْكُحْلْ كَحَّلْ عِينِيكْ بَاشْ تَقْدَرْ تْشُوفْ. 19 جْمِيعْ لِنَبْغِيهْ نْلُومُو وُنْرَبِيّهْ . كُنْ مْتْحَمَّسْ وُتُبْ. 20 هَاأَنَا وَاقَفْ عَنْدْ اَلْبَابْ وُنَقْرَعْ. إِذَا وَاحْدْ سْمَعْ صُوتِي وْفْتَحْ اَلْبَابْ، نَدْخَلْ عَنْدُو وُنَتْعَشَّى مْعَاهْ وُهُوَ مْعَايَا. 21 لِيَغْلَبْ نَعْطِيهْ اَلْحَقْ بَاشْ يَجْلَسْ مْعَايَا فِي عَرْشِي، كِيمَا أَنَا تَانِي غْلَبْتْ وُجْلَسْتْ مْعَ بُويَا فِي عَرْشُو. 22 لِعَانْدُو وَدْنِينْ أَسَمْعُوا وَاشْ يْقُولْ اَلرُّوحْ لَلْكَنَائِسْ».
1 مَنْ بَعْدْ هَادْ شِي شَفْتْ وُبَانْ لِي وَاحَدْ اَلْبَابْ مَفْتُوحْ فِي السْمَا، وُالصُوتْ اَللَّوَّلْ لِسْمَعْتُو كِالْبُوقْ يَتْكَلَمْ مْعَايَا وْيْقُولْ: «أَطْلَعْ هْنَا وْغَادِي نْوَيرِيكْ شِي أَلْلِّي لاَزَم يْصِيرْ بَعْدْ هَذَا. 2 فِي دِيكْ اَلسَاعَةْ نْزَلْ عْلِيَّ رُّوحْ اَللهْ ، وَأنَا نْشُوفْ وَاحَدْ اَلْعَرْشْ فِي السْمَا، وُعْلَى اَلْعَرْشْ وَاحَدْ جَالَسْ. 3 وُكَانْ اَلْجَالَسْ يَلْمَعْ كِالَحَجْرَا تَاعْ اَلشِيبْ وُالَعْقِيقْ لَحْمَرْ، وُقُوسْ قُزَحْ حَوْلْ اَلْعَرْشْ يَلْمَعْ كِالزَّمْرُّدْ. 4 وْحَوْلْ اَلْعَرْشْ رَابْعَةْ وْعَشْرِينْ عَرْشْ وُشَفْتْ لْجَلْسِينْ عْلَى هَادُوكْ لَعْرُوشْ رَابْعَةْ وُعَشْرِينْ شِيخْ وُلاَبْسِينْ حْوَايَجْ بَيْضِينْ، وَعْلَى رِيسَانْهُمْ تِيجَانْ مَنْ اَلذْهَبْ. 5 وُخْرَجْ مَنْ اَلْعَرْشْ اَلْبَرْقْ وُصُوتْ اَلرَعْدْ. وُقُدَّامْ اَلْعَرْشْ سَبْعَ مَشْعَالْ تَاعْ اَلنَّارْ شَعْلِينْ هِيَ أَرّْوَاحْ اَللهْ اَلسَّبْعَةْ. 6 وْقْدَّامْ اَلْعَرْشْ وَاحَدْ اَلْحَاجَةْ تَشْبَّهْ لَلبْحَرْ تَاعْ زْجَاجْ كِالْبَلّاَرْ. وُفِي وَسْطْ اَلْعَرْشْ وُحَوْلْ اَلْعَرْشْ رَبْعَةْ تَاعْ اَلْمَخْلُوقَاتْ عَنْدْهُمْ عِينِينْ مْالْقُدَّامْ وُمَالُورْ. 7 وُاَلْمَخْلُوقْ اَللَوَّلْ يَشْبَّهْ لَلسْبَاعْ، وُاَلزَاوَجْ يَشْبَّهْ لَلَوَكْريفْ، وُالثَالَثْ عَنْدُو وَجْهْ بْنادنْ، وُالرَابَعْ يَشْبَّهْ لَلنِسْرْ اَلطَايَّرْ. 8 وُهَادُوكْ اَلْمَخْلُوقَاتْ اَلرَابْعَةْ كُلْ وَاحَدْ مَنْهُمْ عَنْدُو سَتَّةْ تَاعْ لاَجْنَاحْ وُمَالدَاخَلْ وُمَنْ بَّارَا عَامَرْين بِالْعِينِينْ ، وُتَسْبَّحْ لِيلْ وَالنْهَارْ وَتْقُولْ: «قُدُّوسٌ قُدُّوسُ قُدُّوسُ، اَلرَّبْ اَلْإِلَهْ اَلْقَادِرْ عْلَى كُلْ شِي، أَلْلِّي كَانْ وْكَايَّنْ وْغَادِي يْجِي». 9 وْكُلْ مَا يْسَبْحُو هَادُوكْ اَلْمَخْلُوقَاتْ بَالْعِزْ وَاَلْكَرَامَةْ وَالشُكْرْ للْجَالَسْ عْلَى اَلْعَرْشْ، أَلْلِّي هُوَ دِيمَا حَيْ وْعْلَى اَلدَوَامْ، 10 اَلرَبْعَةْ وُالعَشْرِينْ اَلشِيخْ يَرَكْعُو قُدَامْ اَلْجَالَسْ عْلَى اَلْعَرْشْ وُيْسَجْدُو لَلِي هُوَ دِيمَا حَيْ وْعْلَى اَلدَوَامْ، وْيَرْمِيوْ اَلتِيجَانْ أَتَاعْهُمْ قُدَّامْ اَلْعَرْشْ وَيْقُولُو: 11 « يَا رَبْنَا وَإِلَهْنَا أَنْتَ تَسْتَهَلْ اَلْعَزْ وَاَلْكَرَامَةْ وَاَلْقُدْرَةْ، عْلَى خَاطَرْشْ أَنْتَ لِخْلَقْتْ كُلْ شِي، وُبَالْمُرَادْ أَتَاعَكْ كُلْ شِي كَايَنْ وُتَخْلَقْ».
1 وُشَفْتْ فِي اَلْيَدْ لْيُمْنَى تَاعْ اَلْجَالَسْ عْلَى اَلْعَرْشْ، كِتَّابْ مَكْتُوبْ فِيهْ مَالدَاخَلْ وُمَنْ بَّارَا، وُمْشَمَّعْ سَّبْعَةْ مَرَاتْ، 2 وُشَفْتْ مَلاَكْ قْوِيْ إِيعَايَطْ بِصُوتْ قْوَيْ: «شْكُونْ لِعَانْدُو اَلْحَقْ بَاشْ يَفْتَحْ الَكْتَّابْ وُيْفَكْ عُقْدَاتْ تَاعَه؟» 3 حَتَّى وَاحَدْ مَا أقْدَرْ، لاَ فِي السْمَا وَلَا عْلَى اَلْأَرْضْ وَلَا تَحْتْ اَلاَرْضْ بَاشْ يَفْتَحْ اَلْكِتَّابْ وُيْشُوفْ وَاشْ فِيهْ. 4 وُبْدِيتْ نَبْكِي بَزَافْ، عْلَى خَاطَرْشْ مَكَّانْ حَتَّى شِي وَاحَدْ يَسْتَهَلْ بَاشْ يَفْتَحْ اَلْكِتَّابْ وُيَقْرَاهْ وُيْشُوفْ وَاشْ فِيهْ. 5 وْقَالِي وَاحَدْ مَنْ اَلشْيُوخْ: «مَاتَبْكِيشْ. هَا هُوَ اَلسْبَاعْ أَلْلِّي مَنْ عَرشْ يَهُودَا أَصْلْ دَاوْدْ غْلَّبْ، بَاشْ يَفْتَحْ اَلْكِتَّابْ وَيْفَّكْ سَبْعْ عَقْدَاتْ أَتَاعُهْ». 6 وْشَفْتْ وَسَطْ اَلْعَرْشْ وُاَلْمَخْلُوقَاتْ اَلرَابْعَةْ وُفِي وَسْطْ اَلشْيُوخْ خْرُوفْ وَاقَفْ كِيمَا وَاحَدْ مَذْبُوحْ، عَنْدُو سَبْعَ قْرُونْ وُسَّبْعَ عِينِينْ، هِيَ أَرّْوَاحْ اَللهْ أَلْلِّي أَرْسَلْهَا لِكُلْ اَلدَنْيَا. 7 جَاءْ وَأْدَى اَلْكِتَّابْ مِنْ لْيَدْ لْيُمْنَى تَاعْ اَلْجَالَسْ عْلَى اَلْعَرْشْ. 8 وْكِي أْدَى الَكْتَّابْ رَكْعَتْ اَلْمَخْلُوقَاتْ اَلرَابْعَةْ وَاَلرَابْعَةْ وُعَشْرِينْ شِيخْ قْدَّامْ الَخْرُوفْ، وُ كَانْ مْعَ كُلْ مَنْهُمْ قِثَارَةْ وُكِيسَانْ تَاعْ ذْهَبْ عَمْرِينْ بَالبَخُورْ وُ هِيَ صْلاَةْ اَلْمْقَدْسِينْ. 9 وُهُمَا يْغَنُو أُغْنِيَةْ جْدِيدَةْ وُيْقُولُو: «أَنْتَ تَسْتَهَلْ بَاشْ تَدِّي اَلْكِتَّابْ وُتَفْتَحْ اَلْعُقْدَاتْ تَاعَهْ، عْلَى خَاطَرْشْ أَشْرِيتْنَا لْرَبِى بِدَّمَكْ أَلْلِّي سَالْ، حْنَا نَاسْ مَنْ كُلْ قَبِيلَةْ وُلُغَةْ وُشَعْبْ وُأُمَّةْ، 10 وُجْعَلْتنَا لِإِلَهْنَا مُلُوكْ وَكَهَنَةْ بَاشْ نْخَدْمُو إِلَهْنَا، وُغَادِي نْمَلْكُو عْلَى اَلْاَرْضْ». 11 وُشَفْتْ وْسْمَعْتْ صُوتْ مَلاَيْكَا بْزَافْ ضَايْرِينْ عْلَى الْعَرْشْ وُالْمَخْلُوقَاتْ وُالشْيُوخْ، وُكَانُوا بَالآلاَفْ وْبَالْمَلَايِينْ، 12 وُيْقُولُو بْصُوتْ عَالِ: «الَخْرُوفْ الْمَذْبُوحْ يَسْتَهَلْ بَاشْ يْدِّي الْقُدْرَةْ وَالْغِنَى وَالْحِكْمَةْ وَالْقُوَّةْ وَالْكَرَامَةْ وَالْعَزْ وَلْبَرَكَةْ». 13 وُسْمَعْتْ كُلْ اَلْمَخْلُوقَاتْ فِي السْمَا وَعْلَى الاَرْضْ وُ تَحْتْ الاَرْضْ وُفِي الَبْحَرْ، كُلْ الْمَخْلُوقَاتْ أَلْلِيّ فْي الدَّنْيَا كُلّْهَا تْقُولْ: «لَلْجَالْسْ عْلَى الْعَرْشْ وُلَلخْرُوفْ اَلْحَمْدْ وْالْكَرَامَةْ وَالْعَزْ وَالْسُلْطَانْ دِيمَا وَعْلَى الدَّوَّامْ». 14 وُكَانَتْ الْمَخْلُوقَاتْ الرَّابْعَةْ تْقُولْ: «أَمِينْ». وُالشْيُوخْ الرَّابْعَةْ وُالعَشْرِينْ رَكْعُو وُسَجْدُو لْلِيّ هُوَ دِيمَا حَيْ وَعْلَى الدَّوَّام.
1 وُشَفْتْ لَخْرُوفْ يَفْتَحْ اَلْعُقْدَةْ اَلْلَّوْلَى مَنْ اَلْعُقْدَاتْ اَلسَبْعَةْ، وُسْمَعْتْ وَاحْدْ مَنْ اَلْمَخْلُوقَاتْ اَلرَابْعَةْ يْقُولْ وُصُوتْ أَتَاعَهْ كِالرْعَدْ: «أَرْوَاحْ وُشُوفْ» 2 فَشَفْتْ قَدَّامِي عُودْ أَبْيَضْ، وُأَلْلِّي رَاكَبْ عْلِيهْ مْعَاهْ قُوسْ، وُأتَعْطَى لِيهْ تَاجْ، وُخْرَجْ بَاشْ يَغْلَبْ وَيْعَاوَدْ يَغْلَبْ. 3 وْكِي فْتَحْ الَخْرُوفْ الْعَقْدَةْ الزَوْجَةْ، سْمَعْتْ الْمَخْلُوقْ اَلزَاوْجْ يْقُولْ: «أَرْوَاحْ وُشُوفْ» 4 وَخْرَجْ عُودْ أَخَرْ لُونُو أَحْمَرْ، وُتَعْطَاتْ اَلْقُدْرَةْ أَلْلِّي رَاكَبْ عْلِيهْ بَاشْ يَنْزَعْ اَلسَلاَمْ مَنْ الاَرْضْ، وُبَاشْ يْخَلِّي النَّاسْ يْقَتْلُو بَعْضَاتْهُمْ بَعْضْ، وُتَعْطَى لِيهْ سِيفْ كْبِيرْ. 5 وُلَمَّا فْتَحْ الَخْرُوفْ الْعُقْدَةْ اَلثَالْثَةْ، سْمَعْتْ اَلْمَخْلُوقْ اَلثَالَثْ يْقُولْ: «أَرْوَاحْ وُشُوفْ» شَفْتْ قَدَّامِي عُودْ كْحَالْ، وُأَلْلِّي رَاكْبْ عْلِيهْ حَامَلْ مِيزَانْ فِي يَدَهْ. 6 وُسْمَعْتْ صُوتْ فِي وَسْطْ اَلْمَخْلُوقَاتْ اَلرَّابْعَةْ يْقُولْ: «حَفْنَةْ تَاعْ قَمْحْ بِدِينَارْ، وُثَلْثْ حَفْنَاتْ شْعِيرْ بِدِينَارْ. اَمَّا اَلْخَمْرْ وُالزِيتْ مَايْفَسْدُوشْ. 7 وْكِي فْتَحْ الَخْرُوفْ الْعُقْدَةْ الرَّابْعَةْ، سْمَعْتْ صُوتْ الْمَخْلُوقْ الرَّابَعْ يْقُولْ: «أَرْوَاحْ وْشُوفْ» 8 شَفْتْ قُدَامِي عُودْ اَللُّونْ اَتَاعَهْ خْضَرْ مَفْتُوحْ، وُلِرَاكَبْ عْلِيهْ سْمُوهْ اَلْمُوتْ، وُ الْهَاوِيَةْ تَتَبْعَهْ، وُتَعْطَاتْ لِيهُمْ اَلسُلْطَةْ عْلَى رُبْعْ سُكَانْ اَلْأَرْضْ بَاشْ يْقَتْلُو بَالسِيفْ وُالْجُوعْ وُالطَاعُونْ وُوُحُوشْ اَلْغَابَةْ. 9 وكِي فْتَحْ اَلْخَرُوفْ اَلْعُقْدَةْ اَلْخَمْسَةْ، شَفْتْ تَحْتْ اَلْمَذْبَحْ أَرْوَاحْ لِمَاتُو مَنْ أَجْلْ كَلِمَةْ اللهْ وُمَنْ الشَهَادَةْ أَتَاعْهُمْ أَلْلِّي أَعْطَاوْهَا، 10 وُعَيْطُو بْصُوتْ قْوَيْ وُقَالُو: «سِيّدِي الْقُدُّوسْ وَالْحَقْ، شْحَالْ غَادِي تَتْأَخَرْ بَاشْ تَحْكَمْ وُتَنْتَقَمْ لْدَمْ أَتَاعْنَا مَنْ سُكَانْ الاَرْضْ؟» 11 فَأعْطَى لِكُلْ وَاحَدْ مَنْهُمْ لِبَاسْ بْيَضْ، وُقَالَلْهُمْ صَبْرُوا شْوَيَا حَتَّى يَتْقَتْلُو هُمَا تَانِي كِيمَا جْمِيعْ عَبِيدْ الْمَسِيحْ وُخُوتْهُمْ الْمُؤْمِنِينْ. 12 وُمَنْ بَعَدْ شَفْتْ الَخْرُوفْ فَكْ الْعُقْدَةْ السَادْسَةْ ، وُضَرْبَتْ وَاحَدْ زْلَزْلَةْ قْوَيَّةْ، وُكْحَالَتْ الشَمْسْ كِشْعَار العُودْ لَكحَلْ، وُالَقْمَرْ وَالَىّ كِالدَّمْ ، 13 وُطَاحُو نْجُومْ اَلسْمَا عْلَى الاَرْضْ كِيمَا يْطِيحْ كَرْمُوسْ خْضَرْ مَنْ الْكَرْمَةْ كِي تَضْرَبْهَا رِيحْ قْوِيَّةْ. 14 وُتْجَمْعَاتْ اَلسْمَا كِالْوَرْقَةْ الْمَطْوِيَةْ، وُكُلْ جْبَلْ وُجْزِيرَةْ تْزَعَزْعُو مَنْ بْلاَيَصْهُمْ . 15 وُمُلُوكْ الاَرْضْ وُالنَّاسْ وُالْمَسْئُولِينْ لُكْبَارْ وُرُؤسَاءْ الْعَسْكَرْ وُالْأَغْنِيَاءْ وُالنَّاسْ الَقْوَيِّينْ وُكُلْ عَبْدْ وُكُلْ حُرْ، تْخَبَّاوْ فَي الْغِيرَانْ وُفَي صْخُورْ لَجْبَالْ، 16 وُهُمَا يْقُولُو لَجْبَالْ وُلَلْصْخُورْ: «طِيحُو عْلِينَا وُخَبُّونَا مَنْ وَجْهْ هَادَاكْ لِجَالَسْ عْلَى الْعَرْشْ وُمَنْ غَضَبْ الَخْرُوفْ، 17 عْلَى خَاطَرْشْ جَاءْ النْهَاْر تَاعْ الغَضَبْ العَظِيمْ أَتَاعُهْ، وْشْكُونْ يَقْدَرْ يَتْحَمْلُو؟»
1 شَفْتْ مَنْ بَعْدْ رَبْعَةْ تَاعْ اَلْمَلاَيْكَا وَقْفِينْ عْلَى رَبْعَةْ جْوَايَهْ تَاعْ الاَرْضْ، وُمَاسْكِينْ الَرِيحْ لِجَّايْ مَنْ هَادْ رَبْعَةْ تَاعْ الَجْوَايَهْ بَاشْ حَتَى رِّيحْ مَنْهَمْ مَا تَضْرَبْ اَلْبَّرْ وُالَبْحَرْ وَْ حَتَّى شَجْرَةْ. 2 وُشَفْتْ مَلاَكْ اَخَرْ طَالَعْ مَنْ الَشَرْقْ وَدَّايْ مْعَاهْ طَابَعْ اللهْ الحَيْ، فَعْيَّاطْ بِصُوتْ قْوِيْ عْلَى الْمَلاَيْكَا الَرَّابْعَةْ لِتَعْطَاتْ لِيهُمْ اَلْقُدْرَةْ بَاشْ يَأْذِيوْ اَلاَرْضْ وُالَبْحَرْ 3 وُقَالَلْهُمْ: «مَا تَأْدِيوْشْ الاَرْضْ وُ الَبْحَرْ وُالشَجْرَةْ، حَتَّى نْدٍيرْ الطَابَعْ عْلَى عْبِيدْ إِلَهْنَا عْلَى جَبْهَتْهُمْ». 4 وُسْمَعْتْ بَلِيّ عَدَدْ الْمَخْتُومِينْ مِئَة وُرَّبْعَة وُرَبْعِينْ أَلْفْ مَنْ جْمِيعْ قَبَائِلْ بَنِي إِسْرَائِيلْ. 5 مِنْ قَبِيلَةْ يَهُودَا طْنَاعْشْ أَلْفْ مَخْتُومْ. وُمَنْ قَبِيلَة رَأُوبِينْ طْنَاعْشْ أَلْفْ مَخْتُومْ. مَنْ قَبِيلَةْ جَادْ طْنَاعْشْ أَلْفْ مَخْتُومْ. 6 مَنْ قَبِيلَةْ أَشِيرْ طْنَاعْشْ أَلْفْ مَخْتُومْ. مَنْ قَبِيلَة نَفْتَالِي طْنَاعْشْ أَلْفْ مَخْتُومْ. مَنْ قَبِيلَة مُنْسِّى طْنَاعْشْ اَلْفْ مَخْتُومْ. 7 مَنْ قَبِيلَة شْمْعُونْ طْنَاعْشْ أَلْفْ مَخْتُومْ. مَنْ قَبِيلَةْ لاَوِي طْنَاعْشْ أَلْفْ مَخْتُومْ. مَنْ قَبِيلَةْ يَسَّاكِرْ طْنَاعْشْ أَلْفْ مَخْتُومْ. 8 مَنْ قَبِيلَةْ زَبُولُونْ طْنَاعْشْ أَلْفْ مَخْتُومْ. مَنْ قَبِيلَةْ يُوسَفْ طْنَاعْشْ أَلْفْ مَخْتُومْ. مَنْ قَبِيلَةْ بِنْيَامِينْ طْنَاعْشْ أَلْفْ مَخْتُومْ. 9 وُمَنْ بَعَدْ شَفْتْ وُبَانَتْ لِيّ وَاحَدْ جْمَاعَةْ كْبِيرَةْ وُمَا يَقْدَرْ تَاوَاحَدْ يْعَدْهَمْ، مَنْ كُلْ أُمَةْ وُقَبِيلَةْ وُشَعْبْ وُلُغَةْ، وَاقْفِينْ قُدَامْ العَرْشْ وُقُدَامْ اَلْخَرُوفْ، لاَبْسِينْ حْوَايْجْ بَيْضِينْ وُفْي يَدِيهُمْ سَعْفْ تَاعْ الَنْخَلْ 10 وُهُمَا يْعَايْطُو بِصَوْتْ قْوَيْ وَيْقُولُو: «السْلاَكْ مَنْ عَنْدْ اَلْإِلَهْ أَتَاعْنَا اَلْجَالِسْ عْلَى اَلْعَرْشْ وُمَنْ عَنْدْ الَخْرُوفْ» 11 وُكُلْ اَلْمَلاَيْكَا كَانُوا وَقْفِينْ حَوْلْ اَلْعَرْشْ وَالشْيُوخْ وَالمَخْلُوقَاتْ الَرَابْعَةْ، وُ رَكْعُو قُدَّامْ اَلْعَرْشْ وُسَجْدُو للهْ 12 وُيْقُولُو: «أَمِينْ اَلْحَمْدْ وَاَلْعِزْ وُالْحِكْمَةْ وَالشُكْرْ وَالْكَرَامَةْ وَالْقُدْرَةْ وَالْقُوَّةْ لِلْإِلَهْ اتَاعْنَا دِيمَا وَعْلَى الدَّوَامْ أَمِينْ» 13 وَسَأَلَنِي وَاحَدْ مَنْ شْيُوخْ: «هَادُوكْ أَلْلِّي لَبْسِينْ حْوَايَجْ بَيْضِينْ، شْكُونْ هُمَا وْمْنِينْ جَاوْ؟» 14 فَقُلْتْ: «يَا سِيدِي أَنْتَ تَعْرَفْ». قَالْلِي: «هَادُوكْ هُمَا أَلْلِّي جَاوْ مَنْ اَلْمَحْنَةْ الَكْبِيرَةْ» وُغَسْلُو حْوَايَجْهُمْ وُبْيَضْهَا فِي دَمْ الَخْرُوفْ. 15 عْلَى خَاطَرْ هَادْ شِي هُمَا قُدَّامْ عَرْشْ اللهْ وُيْعَبْدُوهْ النْهَارْ وَاللِيلْ فِي بِيتُو، وُالْجَالَسْ فُوقْ اَلْعَرْشْ يَظَلَلْهُمْ بِالْخِيمَةْ أَتَاعَهْ. 16 وَعْمَرْهُمْ مَا غَادِي يْجُوعُو وَلاَ يْعَطْشُو وُمَا تَحْرَقْهُمْ لاَ الشَمْسْ وَلاَ اَلصْهَدْ، 17 عْلَى خَاطَرْشْ الَخْرُوفْ أَلْلِّي فِي وَسْطْ اَلْعَرْشْ يَرْعَاهُمْ وُيَدِّيهُمْ لَعْيٌونْ تَاعْ اَلْمَاءْ اَلْحَيْ، وُيَمْسَحْ اللهْ كُلْ دَمْعَةْ مَنْ عِيْنِيهُمْ».
1 وُلَمَّا فْتَحْ اَلْعُقْدَةْ الَسَبْعَة كَانْ وَاحَدْ الَسْكَّاتْ فِي السْمَا لِمُدَة نَصْ سَاعَة. 2 وُشَفْتْ اَلْمَلاَيْكَا الَسَبْعَة لِوَقْفِينْ قُدَّامْ اللهْ وُأتَعْطَى لِيهُمْ سَبْعَة أَبْوَاقْ. 3 وُجَا مَلاَكْ أَخَرْ وُوْقَفْ عَنْدْ اَلْمَذْبَحْ، وُمْعَاهْ مَجْمَرْ تَاعْ اَلْبَخُورْ مَنْ اَلذْهَّبْ وُتَعْطَى لِيهْ بْزَّافْ الَبْخُورْ بَاشْ يَقَدَمْهَا مْعَ صْلاَةْ اَلنَّاسْ اَلْمْقَدْسِينْ عْلَى اَلْمَذْبَحْ تَاعْ اَلذْهَبْ لِقُدَّامْ اَلْعَرْشْ. 4 فَأطْلَعْ دُخَانْ اَلْبَخُورْ مْعَ صْلاَةْ الَنَّاسْ الَمْقَدْسِينْ مَنْ يَدْ الْمَلاَكْ قُدَّامْ اللهْ. 5 وُمَنْ بَعَدْ أَدَّى الْمَلاَكْ اَلْمَجْمَرْ تَاعْ اَلْبَخُورْ وُعَمْرُو مَنْ نَّارْ اَلْمَذْبَحْ وَأرْمَاهْ عْلَى الأَرْضْ، فَصَارْ اَلرْعَدْ وُالصُوتْ وُالبَرْقْ وُالزَنْزْلَةْ. 6 وُالْمَلاَيْكَا السَّبْعَةْ لِحَمْلِينْ السَبْعْ أَبْوَاقْ حَضْرُو أَرْوَاحْهُمْ بَاشْ يَنَفْخُو فِيهَا؟ 7 فَأنْفَخْ اَلْمَلاَكْ اَللَّوَّلْ، فَطَاحْ اَلتَبْرُورِي وَالنَّارْ مْخَلْطِينْ بْدَمْ عْلَى الأَرْضْ، وُتَحْرَقْ ثُلْثْ الشْجُورْ وُالرْبِيعْ لَخْضَرْ. 8 وُمَنْ بَعَدْ أَنْفَخْ فِي الْبُوقْ اَلْمَلاَكْ اَلزَاوَجْ، وُطَاحَتْ حَاجَا فِي الَبْحَرْ كَأَنَهَا جْبَلْ كْبِيرْ يَشْعَلْ بَالنَّارْ، وُوَلَّى ثُلُثْ الَبْحَرْ دَمْ. 9 وُمَاتَتْ ثُلُثْ اَلْمَخْلُوقَاتْ لِتْعِيشْ فِي الَبْحَرْ، وُتْحَطّْمَتْ ثُلُثْ تَاعْ البَابِّيرْ. 10 وُمَنْ بَعَدْ أَنْفَخْ فَي الْبُوقْ اَلْمَلاَكْ اَلثَالَثْ، فَطَاحَتْ مَنْ اَلسْمَاء نَجْمَةْ كْبِيرَةْ تَشْعَلْ كِالشْعَالَةْ تَاعْ اَلنَّارْ، وُطَاحَتْ عْلَى ثُلُثْ اَلْوِدْيَانْ وُعْلَى عُيُونْ اَلْمَاءْ. 11 وُهَادْ اَلنَجْمَة سَمَّهَا «اَلْعَلْقَمْ». فَثُلُثْ اَلْمَاء وَلّى مُرْ، وُبَزَافْ اَلنَّاسْ مَاتُو بَسْبَابْ هَادْ اَلْمَاء أَلْلِّي وَلَّى مُرّْ. 12 وُمَنْ بَعْدْ أَنْفَخْ فَي اَلْبُوقْ اَلرَّابَعْ، وُضْرَبْ ثُلُثْ اَلشَمْسْ وُثُلُثْ الَقْمَرْ وُثُلُثْ اَلنُجُومْ، وَلَّى اَلثُلُثْ أَتَعْهَا فِي اَلظَلْمَة، وُثُلُثْ اَلنَهَارْ مَايْضَوِي وُتَانِي ثُلُثْ اَللِّيلْ. 13 وُشَفْتْ وُسْمَعْتْ مَلاَكْ طَايَرْ فِي وَسَطْ اَلسْمَا وُيْقُولْ بِصُوتْ قْوِيْ: « اَلْهَلاَكْ اَلْهَلاَكْ اَلْهَلاَكْ لِلسَاكْنِينْ فَي الأَرْضْ مَنْ أَجْلْ أًشِي لِغَادِي يَصْرَا لَمَّا الْمَلاَيْكَا اَلثْلاَثَةْ اَلْبَاقْيِينْ يْنَفْخُو فَي الْبُوقْ أَتَاعْهُمْ».
1 وُمَنْ بَعْدْ أَنْفَخْ فَي الْبُوقْ اَلْمَلاَكْ الْخَامَسْ، وُشَفْتْ وَاحَدْ اَلنَجْمَةْ طَاحَتْ مَنْ اَلسْمَا عْلَى الأَرْضْ، وُتَعْطَى لِيهْ مَفْتَاحْ بِيرْ اَلْهَاوِيَة. 2 وُلَمَا فْتَحْ بِيرْ اَلْهَاوِيَة، فَأطْلَعْ دُخَانْ كِالدُخَانْ تَاعْ نَّارْ قْوِيَّة، وُظَلْمَتْ اَلشَمْسْ وُالسْمَا مَنْ دُخَانْ اَلْبِيرْ. 3 وُمَنْ اَلدُخَانْ خْرَجْ اَلْجَرَادْ عْلَى اَلأَرْضْ، وُتَعْطَاتْ لِيهُمْ اَلْقُدْرَة كِالقُدْرَة تَاعْ عَقَارِبْ اَلأَرْضْ. 4 وْتْلَقَاوْ أَمْرْ بَاشْ مَا يْضَرّْشْ عَشْبْ اَلأَرْضْ وَلاَ حَتَى شِي حَاجَة خَضْرَة وَلاَ شَجْرَة، غِيرْ اَلنَّاسْ أَلْلِّي مَا عَنْدْهَمْشْ طَابِعْ تَاعْ اَلله عْلَى جْبِينْهُمْ. 5 فَيْعَذَبْهُمْ خَمْسَة أَشْهُرْ وُمَايْقَتْلُهُومْشْ. وُعْذَابْ أَتَاعْهُمْ كِالْعَذَابْ اَلْعَقْرَبْ إِذَا عَضَّتْ إِنْسَانْ. 6 وُفِي دَاكْ اَلْوَقْتْ يْطَلْبُو اَلنَّاسْ اَلْمُوتْ وُمَا يْجِدُهْشْ، وُيَتْمَنَاوْ يْمُوتُو وُالْمُوتْ يَهْرَبْ مَنْهُمْ. 7 وُهَادَكْ اَلْجَرَادْ يَشْبَّهْ لَلْخِيلْ الَمْحَضَّرْ لَلْحَرْبْ، وُعْلَى رِيسَانْهُمْ كِتِيجَانْ مَنْ اَلذْهَبْ، وُوْجُهْهَمْ كِاوْجُوهْ بْنَادَّمْ. 8 وُشْعَرْهُمْ كِشْعَرْ اَلنْسَاء، وُسَنِيهُمْ كِسَنِينْ اَلسْبُوعَى، 9 وُصْدُورْهُمْ كِالدَرْعْ تَاعْ الَحْدِيدْ، وُصُوتْ الاَجْنَاحْ تَاعْهَمْ كِصُوتْ بَزَافْ كْرَارَسْ تَاعْ اَلْخِيلْ تَجْرِي لَلْحَرْبْ. 10 وُيْعَضُو كِيمَا الْعَقَارَبْ بْلَبْرَا أَتَاعْهُمْ وُعَنْدْهُمْ اَلْقُدْرَة بَاشْ يَأْدِّيوْ اَلنَّاسْ خَمْسْ أَشْهُرْ. 11 وُعَنْدْهُمْ مَلِكْ هُوَ مَلاَكْ اَلْهَاوِيَة وَاسْمُو بِالعِبْرَانِيَة «أَبْدُونْ» وُبَالْيُونَانِيَة اَسْمُو «أَبُولّْيُّونْ». 12 اَلْوِيلْ اَلْوَاحَدْ فَاتْ وُ زُوجْ تَاعْ اَلْوِيْلَانْ أَخْرِينْ يْجُو بَعْدْ هَذَا. 13 وُمْبَعَدْ اَنْفَخْ فِي اَلْبُوقْ اَلْمَلاَكْ اَلسَّادِسْ، فَسْمَعْتْ صُوتْ جَاء مَنْ الَقْرُونْ اَلرَّابْعَة تَاعْ مَذْبَحْ اَلذْهَبْ لِقُدَامْ اللهْ 14 وُ قَالْ صُوتْ لَلْمَلاَكْ اَلسَادِسْ أَلْلِّي مْعَهْ اَلْبُوقْ: «حَلُوا اَلْمَلاَيْكَا اَلرَّابْعَة الَمْكَبْلِينْ عَنْدْ اَلْوَادْ الَكْبِيرْ أَلْلِّي هُوَ اَلْفُرَاتْ». 15 فَانْحَلَّتْ سَنَاسَلْ أَلْلِّي كَانُو مَرْبُوطِينْ بِهَا اَلْمَلاَيْكَا اَلرَّابْعَة لِكَانُو وَجْدِينْ لْهَادْ اَلسَاعَة وُاليُومْ وُالشْهَرْ وُالسْنَة، بَاشْ يْقَتْلُو ثُلُثْ اَلنَّاسْ. 16 وُسْمَعْتْ بَلِي كَانْ عَنْدْهُمْ مِتِينْ مَلْيُونْ تَاعْ اَلْخَيَّالَة. 17 وُهَكْذَا شَفْتْ فِي رُؤْيَة أَتَاعِي اَلْخِيلْ وُلِرَاكْبِينْ عْلِيهَا، لاَبْسِينْ دْرُوعْ حَمْرَاء كِالنَّارْ وُزَرْقَا وُصَفْرَاء كِالْكِبْرِيتْ، وُرِيسَانْ اَلْخِيلْ تَشْبَّهْ لِرِيسَانْ اَلسْبُوعَىّ، وُمَنْ فَامْهُمْ تَخْرَجْ نَّارْ وُدُخَانْ وُكِبْرِيتْ. 18 وُبْهَادْ اَلْمَصَايَبْ اَلثْلاَثَة أَلْلِّي هِيَ اَلنَّارْ وُالدُّخَانْ وُالْكَبْرِيتْ أَلْلِّي خَارْجِينْ مَنْ فَمْ اَلْخِيلْ تْنَقْتَلْ ثْلَثْ اَلنَّاسْ، 19 اَلْقُدْرَة أَلْلِّي عَنْدْ هَادْ اَلْخِيلْ فِي فَمْهُمْ وُكِعَالْهُمْ، فَالكِعَالْ أَتَاعْهُمْ تَشْبَّهْ لَلْأَفَاعِى وُعَنْدْهُمْ رِيسَانْ يَأْذِيوْ بِهَا. 20 وَأَمَّا النَّاسْ أَلْلِّي بْقَّاوْ وُمَا مَاتُوشْ بْهَادُوكْ اَلْمَصَايْبْ وُمَا تَابُوشْ عْلَى الْأَعْمَالْ أَلْلِّي دَارَتْهَا يَدِيهُمْ، وُبْقَاوْ يَعَبْدُو اَلشِّيطَانْ وُالْأَصْنَامْ تَاعْ اَلذْهَبْ وُالْفَضَّة وُالنْحَاسْ وُالَحْجَرْ وُالَخْشَبْ أَلْلِّي مَاتْشُوفْشْ وُمَا تَسْمَعْ وُمَا تَمْشِيشْ، 21 وُمَا تَابُوشْ عْلَى الْقَتْلْ وُالسْحُورْ وُاَلزْنَا وُاَلسَرِْقَة أَتَاعْهُمْ.
1 وُمَنْ بَعْدْ شَفْتْ مَلاَكْ اَخَرْ وُعَنْدُو قُوَّةْ كْبِيرَة نَازَلْ مَنْ السْمَا، كِيمَا وَاحَدْ لاَبَسْ سْحَابَة، وُعْلَى رَاسُو قَوْسْ قُزَاحْ، وُوَجْهُو كِالشَمْسْ، وُرَجْلِيهْ كِالَعْمُودْ تَاعْ اَلنَّارْ، 2 وُشَادْ فِي يَدِيهْ كْتَّابْ صْغِيرْ مَفْتُوحْ، فَوْضَعْ رَجلُو لْيُمْنَى عْلَى الَبْحَرْ وُلِْيُسْرَى عْلَى الأَرْضْ، 3 وُعَيَّاطْ بِصُوتْ كْبِيرْ كِالصُوتْ تَاعْ اَلسْبَعْ، وُلَمَا عْيَّاطْ تْكَلّْمَتْ اَلرْعُودْ السَّبْعَة بَالصُوتْ أَتَاعْهَا. 4 وُلَمَا رَدَّتْ اَلرْعُودْ اَلسَّبْعَة بَالصُوتْ أَتَاعْهَا حَضَّرْتْ نَفْسِي بَاشْ نَكْتَبْ، فَسْمَعْتْ صُوتْ مَنْ السْمَاء يْقُولْ لِي: «خَبِّي اَلسَّرْ أَلْلِّي تْكَلّْمُو بِهْ اَلرْعُودْ اَلسَّبْعَة وُمَا تْكَتْبُوشْ» 5 وُالْمَلاَكْ أَلْلِّي شَفْتْ وَاقَفْ عْلَى الَبْحَرْ وُالأَرْضْ، رْفَعْ يَدُو لْيُمْنَى لَلسْمَا، 6 وُحْلَفْ بَالحَيْ دِيمَا وُعْلَى اَلدَّوَامْ، أَلْلِّي خْلَقْ اَلسْمَا وُمَا فِيهَا وُالأَرْضْ وُمَا فِيهَا وُالَبْحَرْ وُمَا فِيهْ، بَلِّي مَاغَادِيشْ يَبْقَى وَقْت مَنْ بَعْدْ، 7 بَصَحْ كِي يِجِي الوَقْتْ بَاشْ يَنْفَخْ اَلْمَلاَكْ اَلسَّابِعْ فِي اَلْبُوقْ يَتِمّْ سِرْ الله، كِيمَا خْبَّرْ بِهْ عْبِيدُو اَلْأَنْبِيَاءْ. 8 وُالصُوتْ أَلْلِّي سْمَعْتْ مَنْ اَلسْمَا كَلَمْنِي مَرَّة أُخْرَى وُقَالْ لِي: «أَمْشِي وَدِّي الَكْتَابْ اَلْمَفْتُوحْ أَلْلِّي فِي يَدْ اَلْمَلاَكْ أَلْلِّي وَاقَفْ عْلَى الَبْحَرْ وُعْلَى الأَرْضْ». 9 فَأمْشِيتْ عَنْدْ الْمَلاَكْ وُقَلْتْلُو: «أَعْطِينِي الكِتَّابْ اَلصْغِيرْ». فَقَالْ لِي: «أَدِيهْ وَكْلَهْ، وُغَادِي يْوَلِّي مُرْ فِي الْمَعِدَة أَتَاعَكْ، وُبَصَحْ فِي فَمَكْ يْوَلِّي حْلُوْ كِالَعْسَلْ». 10 وْدِيّتْ الَكْتَّابْ اَلصْغِيرْ أَلْلِّي فِي يَدْ الْمَلاَكْ وُأكْلِتُو، فَكَانْ فِي فَمِي حْلُوْ كِالَعْسَلْ. وُبَعْدْ مَاكْلِتُو وَلاَّ مُرْ فِي الْمَعِدَة اَتَاعِي. 11 فَقَالْ لِي: «لاَزَمْ تَتْنَبَّأْ تَانِي عْلَى بَزَافْ اَلشُعُوبْ وَالْأُمَمْ وُاللُغَاتْ وُالْمُلُوكْ».
1 وُمَنْ بَعَدْ تَعْطَاة لِيهْ قَصْبَة تَشْبَّه للَعْصَا، وَوْقَفْ الْمَلاَكْ وُقَالْ لِي: «قُومْ وَأحْسَبْ بِيتْ اللهْ وَالْمَذْبَحْ وُهَادُوكْ لِيْعَبْدُو فِيهْ. 2 وُأَمَّا اَلدَارْ أَلْلِيّ بَّرَا بِيتْ الله خَلِّيهَا وُمَا تَحْسَبْهَاشْ، لِآَنَهَا تَعْطَاتْ لِلشُعُوبْ أَلْلِّي مَايْأَمْنُوشْ بَالله، أَلْلِّي غَادِي يْخَرْبُو الْمَدِينَة الَمْقَدّْسَة أَثْنِينْ وُرَبْعِينْ أَشْهَرْ. 3 وُغَادِي نَعْطِي السُلْطَة لِزُوجْ اَلشْهُودْ أَتَوْعِي بَاشْ يَتْنَبْؤُو أَلْفْ وُمِيتِينْ وُسَتِينْ يُومْ، لاَبْسِينْ الَحْوَايَجْ تَاعْ الَحْزَنْ». 4 وُهَدُو زُوجْ أَشْهُودْ هُمَا زُوجْ شْجُورْ تَاعْ اَلزِيتُونْ وُزُوجْ تَاعْ الْمَصَابِيحْ وُهُمَا أَلْلِّي وَقْفِينْ قْدَّامْ رَّبْ الأَرْضْ. 5 وِإذَا كَانْ شِي وَاحَدْ حَبْ يَأْذِيهُمْ، تَخْرَجْ نَّارْ مَنْ فَمْهَمْ وُتَأكَلْ عَدْيَانْهُمْ. وِإذَا حَبْ شِي وَاحَدْ يَأْذِيهَمْ فَاهَكَا غَاِدي يَتَقْتَلْ. 6 وُعَنْدْهُمْ اَلْقُدْرَةْ بَاشْ يَغَلْقُو اَلسْمَا، فَمَا تَعْطِيشْ اَلشْتَاء فِي الأَيَامْ أَلْلِّي غَادِي يَتْنَبْئُوو فِيهَا، وُعَنْدْهُمْ اَلْقُدْرَة بَاشْ اَلْمَاء يَرَدُّوهْ دَمْ، وُبَاشْ يَضَرْبُو اَلْأَرْضْ بْكُلْ الْمَصَائِبْ وُفَي الْوَقْتْ أَلْلِّي يْحَّبُو. 7 وُكِيكَمْلُو اَلشْهَادَة اَتَاعهُمْ فَالْحِيوَانْ أَلْلِّي غَادِي يَطْلَعْ مَنْ اَلْهَاوِيَة يْحَارَبْهُمْ وُيَغْلَبْهُمْ وُيَقْتَلْهُمْ. 8 وَتْكُونْ اَلْجَثَّة أَتَاعْهُمْ مَرْمِيَة فِي وْسَطْ الَمْدِينَة الَكْبِيرَة أَلْلِّي تْسَمَاتْ فَالرُوحْ بِسُدُومْ وُ مَصرْ،وِينْ تَصْلَبْ سِيّدْنَا. 9 وُيْشُوفُو نَّاسْ مَنْ كُلْ شَعْبْ وُقَبِيلَة وُلُغَة وُأُمَّة لَلْجُثَة أَتَاعْهُمْ ثْلَثَ أَيَامْ وُنَصْ وُمَا سَمْحُو حَتَّى الْوَاحَدْ بَاشْ يَدْفَنْهُمْ. 10 وُيْفَرْحُو سُكَّانْ الأَرْضْ وُيَحْتَفْلُو وُيْرَسْلُو هَدَايَا لِبَعْضَاهُمْ بَعْضْ وُكُلْ النَّاسْ يْكُونُو فَرْحَانِينْ بَالْمُوتْ أَتَاعْهُمْ عْلَى خَاطَرْشْ هَادُو زُوجْ تَاعْ الأَنْبِيَاء كَانُو يْعَذْبُو سُكَانْ الأَرَضْ. 11 وُبَعْدْ ثْلَثَ أَيَامْ وُنَصْ رَجْعَتْ رُّوحْ اَلْحَيَاةْ أَلْهَادُوكْ زُوجْ أَلْلِّي مَاتُو، وُوَقْفُو عْلَى رَجْلِيهُمْ. وُنْخَلْعُو هَادُوكْ أَلْلِّي كَانُو يْشُوفُو فِيهُمْ. 12 وُسَمْعُو صُوتْ قْوِيْ مَنْ اَلسْمَا يْقُولْ لِيهُمْ: «أَطَلْعُوه هْنَا» وُطَلْعُو للَسْمَا فِي السْحَابْ ، وُعَدْيَانْهُمْ يْشُوفُو فِيهُمْ. 13 وُفْي دَاكْ الْوَقْتْ وَقْعَتْ زْلَزْلَة قْوِّيَة، وُطَاحْ عُشْرْ الَمْدِينَة، وُمَاتُو بَالزْلَزْلَة سَبْعَة لاَفْ وَاحَدْ، وُأَلْلِّي بْقَاوْ كَانُو خَايْفِينْ، وُأَعْطَاوْ اَلْعَزْ لِإِلَهْ اَلسْمَا. 14 اَلْوَيْلْ اَلثَانِي فَاتْ وُهَا اَلْوَيْلْ اَلثَالَثْ قْرِيبْ جَي. 15 وُمَنْ بَعْدْ اَنْفَخْ الْمَلاَكْ اَلسَّابَعْ فِي الْبُوقْ أَتَاعَهْ، وُفِي السْمَا كَانَتْ أَصْوَاتْ تْقُولْ: «مَمْلَكَة اَلدَنْيَا وَلاَّتْ لْرَّبْنَا وُ الْمَسِيحْ اَتَاعَهْ وُغَادِي يَمْلَكْ دِيمَا وُعْلَى اَلدَّوَامْ». 16 وُرَبْعَةْ وُعَشْرِينْ شِيخْ وُلِي كُلْ وَاحَدْ فِيهُمْ جَالَسْ عْلَى الْعَرْشْ أَتَاعَهْ قُدَّامْ اللهْ سَجْدُو للهْ 17 وُهُمَا يْقُولُو: «نْشُكْرَكْ أَيُّهَا الرَّبْ اَلإِلَهْ القَادِرْ عْلَى كُلْ شِي، اَلْكَايَنْ وُأَلْلِّي كَانْ وَلِى يْجِي، نْحَمْدَكْ لِآنَّكْ بَيَّنْتْ اَلْقُدْرَةْ أَتَاعَكْ الَكْبِيرَة وُ مْلَكْتْ. 18 فَغَضْبَتْ اَلشُعُوبْ، بَصَحْ جَاء يُومْ الْغَضَبْ اَتَاعَكْ، وُجَاء الْوَقْتْ بَاشْ تْحَاسَبْ اَلْمُوتَى، وُتْجَازِي عْبِيدَكْ اَلْأَنْبِيَاءْ وُالَمْقَدْسِينْ وُأَلْلِّي يَحْتَرْمُوا لْأِسْمْ أَتَاعَكْ، اَلصْغَارْ وُالَكْبَارْ، وُتَهْلَكْ أَلْلِّي يْفَسْدُو الأَرْضْ». 19 وُنْحَلْ بِيتْ الله أَلْلِّي فَي السْمَا، وُبَانْ فِيهْ تَابُوتْ اَلْعَهْدْ أَتَاعَهْ، وُكَانْ فِيهْ بْرُوقْ وُصُوتْ اَلرَعْدْ وُزْنَزْلَة وُتَبْرُورِي قْوِيّ.
1 وُبَانَتْ عَلاَمَة كْبِيرَة فَي اَلسْمَا: اَمْرَأة كِيمَا لاَبْسَة الشَّمْسْ، وُالَقْمَرْ تَحْتْ رَجْلِيهَا، وُعْلَى رَأسْهَا تَاجْ فِيهْ طْنَاعْشْ النَجْمَة، 2 وُهِيَ حْامْلَة وُكَانَتْ تْعَايَّطْ مَنْ قُوَّة الَوْجَعْ تَاعْ اَلْوِلَادَة. 3 وُ بَانَتْ عَلَامَة اُخْرَى فَي السْمَا: وَاحَدْ اَلْوَحْشْ كْبِيرْ لُونُو أَحْمَرْ وُعَنْدُو سَبْعَة رِيسَانْ وُعَشْرَ قْرُونْ، وُعْلَى كُلْ رَأسْ عَنْدُو تَاجْ. 4 وُيْجَرْ مْعَه ثُلْثْ نْجُومْ اَلسْمَا. وُرْمَاهَا عْلَى الاَرْضْ، وُوْقَفْ اَلْوَحْشْ قُدَّامْ الَمْرَأة أَلْلِّي قْرِيبْ تُولَدْ بَاشْ يَبْلَعْ وْلِيدْهَا فَي الْوَقْتْ أَلْلِّي تْوَلْدُو. 5 وُمَنْ بَعَدْ وَلْدَتْ الَمْرَأة وَلْدْ وُهُوَ أَلْلِّي يَحْكَمْ اَلشُعُوبْ بَعْصَا مَنْ اَلحْدِيدْ، وُتَخْطَفْ وْلِيدْهَا عَنْدْ الله وُلَلْعَرْشْ أَتَاعَهْ، 6 وُالَمْرَأة هَرْبَتْ للَصَحْرَاء وِينْ وْجَدْ لِيهَا الله مْكَانْ وِينْ تْكُونْ مَحْمِيَة وَيْكُونْ عَنْدْهَا اَلْقُوتْ اَتَاعْهَا أَلْفْ وُمِتِينْ وُسَتِينْ يُومْ. 7 وُصَارَتْ حَرْبْ فَي السْمَا: مِيخَائِيلْ وُالْمَلاَيْكَا أَتَاعَهْ حَارْبُو الْوَحْشْ. وَالْوَحْشْ وُالْمَلاَيْكَا أَتَاعَهْ حَارَبْهُمْ 8 وُمَا قْدَرْشْ عْلِيهُمْ، وُمَا بْقَاشْ عَنْدْهُمْ مْكَانْ فَي السْمَا. 9 فَالْوَحْشْ الَكْبِيرْ، اَللَفْعَة الَقْدِيمَة أَلْلِّي يَتْسَمَّى إِبْلِيسْ وُالشِيطَانْ، وُأَلْلِّي يَخْدَعْ كُلْ اَلدَنْيَا. تَرْمَى لَلاَرْضْ، وُمْعَاهْ اَلْمَلاَيْكَا أَتَاعَهْ. 10 وُسْمَعْتْ صُوتْ قْوِيّ فَي السْمَا يْقُولْ: «هَذَا هُوَ وَقْتْ أَسْلاَكْ إِلَهْنَا وُقُدْرَتَهْ وُمَلْكَهْ وُسُلْطَانْ مَسِيحُو، عْلَى خَاطَرْ أَلْلِّي كَانْ يَتَّهَمْ خَوَتْنَا وُأَلْلِّي كَانْ يَتَّهَمْ فِيهُمْ اَلنْهَارْ وُاللِيلْ تَرْمَى لَلأَرْضْ. 11 وُهُمَا غَلْبُوهْ بْدَمْ الَخْرُوفْ وُشَهادَة تَاعَه، وُحْيَاتْهُمْ مَا كَانَتْشْ غَاَلِيَة عَنْدْهُمْ وْمَخَافُوشْ المُوتْ. 12 عْلَى هَادْ شِي أَفَرْحِي يَا اَلسَمَاوَاتْ وُالسَاكْنِينْ فِيهَا. اَلْهَلاَكْ لَلسَاكْنِينْ فَي الأَرْضْ وُالَبْحَرْ، عْلَى خَاطَرْشْ إِبْلِيسْ نْزَلْ عَنْدْكُمْ وُهُوَ غَضْبَانْ بَزَافْ، وُهُوَ عَارَفْ بَلِي وَقْتُو قْصِيرْ». 13 وُكِيشَافْ اَلْوَحْشْ أَنُّه تَرْمَى لَلاَرْضْ، بْدَا يَتْعَدَّى عْلَى الَمْرَاة أَلْلِّي وَلْدَتْ الَوْلَدْ، 14 فَأتَعْطَى لَلَمْرَاة جَنْحِينْ اَلنَّسْرْ الَكْبِيرْ بَاشْ تْطِيرْ لَلصَحْرَاء لَلمْكَانْ الْمُحَضَّرْ لِيهَا، وِينْ كَايَنْ اَلْقُوتْ أَتَاعْهَا مُدَّة ثَلْثْ سْنِينْ وُنَصّْ وُهِيَ بْعِيدَة عْلَى اَللَّفْعَة. 15 وُخَرْجَتْ اَللَّفْعَة مَنْ فَمْهَا اَلْمَاء يَجْرِي كِالوَادْ مُورْ لَمْرَاة بَاشْ يَجَرْهَا. 16 فَالاَرْضْ سَاعْدَتْ الَمْرَأة وُفَتْحَتْ فَمْهَا وُبَالْعَتْ مَاء اَلْوَادْ أَلْلِّي خَرْجَهْ اَلْوَحْشْ مَنْ فَمَهْ. 17 وَزعَف اَلْوَحْشْ عْلَى لَمْرَأة، وُرَاحْ يْحَارَبْ أَلْلِّي بْقَاوْ مَنْ أَوْلاَدْهَا وُأَلْلِّي يْطِيعُو وَصَايَا الله، وُعَنْدْهُمْ شْهَادَة يَسُوعْ اَلْمَسِيحْ.
1 وُمْنْبَعَدْ وْقَفْتْ عْلَى رْمَلْ تَاعْ لَبْحَرْ، وُ شَفْتْ وَاحَدْ اَلْحِيوَانْ خَارَجْ مَنْ الَبْحَرْ، وُعَنْدُو سَبْعْ رِيسَانْ وُعَشْرْ قْرُونْ، وُعْلَى قْرُونُو عَشْرَة تِيجَانْ، وُعْلَى رِيسَانُو أَسْمْ تَاعْ كُفْرْ. 2 وُالْحِيوَانْ أَلْلِّي شَفْتْ كَانْ يَشْبَّه لَلنْمَرْ، وُرَجْلِيهْ كِرَجْلِينْ اَلدُبْ، وُفَمُو كِفَمْ اَلسْبَّعْ، وُأَعْطَاهْ اَلْوَحْشْ اَلْقُدْرَة وُالْعَرْشْ أَتَاعَهْ وُسُلْطَة كْبِيرَة. 3 وُشَفْتْ رَأسْ مَنْ رِيسَانْ اَلْحَيَوَانْ كَأَنُه مَذْبُوحْ كِيمَا وَاحَدْ مَجْرُوحْ جَرْحْ اَلْمُوتْ، وُشْفَى مَنْ اَلْجَرْحْ أَتَاعَهْ وُتْعَجْبُو سُكَانْ اَلْأَرْضْ وُتَبْعُوا اَلْحِيوَانْ، 4 وُسَجْدُو لَلْوَحْشْ أَلْلِّي أَعْطَى اَلسُلْطَة لَلْحِيوَانْ، وُسَجْدُو لَلْحِيوَانْ وُقَالُو: «شْكُونْ أَلْلِّي كِيمَا اَلْحِيوَانْ؟ وُشْكُونْ يَقْدَرْ يْحَارْبَهْ؟» 5 وُتَعْطَى لِيهْ فَمْ يَخْرَجْ مَنُو كْلاَمْ اَلتَكَبُّرْ وُالْكُفْرْ، وُأتَعْطَاتْ لِيهْ اَلسُلْطَة لِمُدَّة أَثْنِينْ وُرَبْعِينْ شْهَرْ. 6 ونْطَقْ فَمُو بَكْلاَمْ اَلْكُفْرْ عْلَى الله وُعْلَى أَسْمَهْ وعْلَى اَلسُكْنَى اَلْمْقَدْسَة تَاعْ الله وُعْلَى أَلْلِّي سَّاكْنِينْ فَي السْمَا. 7 وُتَعْطَاتْ لِيهْ اَلْقُوَّة بَاشْ يْحَارَبْ اَلْمْقَدْسِينْ وُيَغْلَبْهُمْ، وُتَعْطَاتْ لِيهْ اَلسُلْطَة عْلَى كُلْ قَبِيلَة وُلُغَة وُأُمَّة. 8 فَسَجْدُو لِيهْ كُلْ اَلسَّاكْنِينْ عْلَى الأَرْضْ، أُلْلِّي أَسْمْ أَتَاعْهُمْ مَاهِيشْ مَكْتُوبَة مَا الْوَقْتْ أَلْلِّي خْلَقْ الله هَادْ اَلدَنْيَا فِي كِتَّابْ اَلْحَيَاةْ لِلْخَرُوفْ اَلْمَذْبُوحْ. 9 وُاسَمْعُونِي يَا أَلْلِّي عَنْدْكُمْ وَدْنِينْ 10 وِإِذَا كَانْ شِي وَاحَدْ اَلْمَصِيرْ أَتَاعَهْ اَلسِّجْنْ فَغَادِي يَمْشِي لَلسِّجْنْ. وُ أَلْلِي مَصِيرُو يْمُوتْ بِالسَيْفْ فَبَالسَّيْفْ غَادِي يَتَقْتَلْ. وُفِي هَادْ اَلْحَالَة يَحْتَاجْ اَلْمَقَدْسِينْ لَلصَّبْرْ وُالإِيمَانْ. 11 وُمَنْبَعْدْ شَفْتْ وَاحَدْ اَلْحِيوَانْ أَخَرْ خَارَجْ مَنْ الأَرْضْ وُعَنْدُو زُوجْ قْرُونْ كِالَخْرُوفْ، وُكَانْ يَتْكَلَّمْ كِالوَحْشْ، 12 وُيَتْصَرَّفْ بَسُلْطَة اَلْحِيوَانْ اَللَّوَّلْ وُهُوَ قُدَامَهْ، جْعَلْ اَلْأَرْضْ وُالسُكَانْ أَتَاعْهَا يْسَجْدُو لَلْحِيوَانْ اَللَّوَّلْ أَلْلِّي أَبْرَا مَنْ اَلْجَرْحْ أَتَاعَهْ أَلْلِّي كَانْ غَادِي يْقَتْلُو، 13 وُيْدِيرْ مُعجْزَاتْ كْبِيرَة، حَتَّى جْعَلْ اَلنَّارْ تَنْزَلْ مَنْ اَلسْمَا عْلَى اَلأَرْضْ قُدَّامْ اَلنَّاسْ، 14 ويَخْدَعْ اَلسَاكْنِينْ فِي اَلأَرْضْ بَالعَلاَمَاتْ أَتَعْطَى لِيهْ بَاشْ يْدِيرْهَا قُدَّامْ اَلْحِيوَانْ، وُيْقُولْ لَلسَاكْنِينْ فَي الأَرْضْ بَاشْ يْدِيرُو صَنَمْ يْكَرْمُو بِهْ اَلْحِيوَانْ أَلْلِّي تَجْرحْ بَالسَّيْفْ وُعَاوَدْ أَحْيَا. 15 وُتَعْطَاتْ لِيهْ اَلْقُوَّة بَاشْ يْدِيرْ اَلرُّوحْ فْي هَادَاكْ اَلصَنَمْ تَاعْ اَلْحِيوَانْ بَاشْ يَتْكَلَّمْ، وُيَقْتَلْ هَادُوكْ أَلْلِّي مَابْغَاوْشْ يْسَجْدُو لَصَنَمْ اَلْحَيَوَانْ. 16 وُفْرَضْ عْلَى كُلْ اَلنَّاسْ: اَلصْغَارْ وُالَكْبَارْ، اَلْأَغْنِيَاءْ وُالْفُقَرَاءْ، لَحْرَارْ وُالْعَبِيدْ، بَاشْ يْدِيرُو وَاحَدْ اَلْعَلاَمَة عْلَى يَدِيهُمْ لْيُمْنَى أُوعْلَى جْبِينْهُمْ، 17 وُمَا يَقْدَرْ تَاوَاحَدْ يَشْرِي أُو يْبِيعْ غِيرْ أَلْلِّي عَانْدُو اَلْعَلاَمَة أُو أَسْمْ اَلْحِيوَانْ أُو رَقْمْ أَسْمَهْ. 18 وُهْنَا لَازَمْ اَلْحِكْمَة وُأَلْلِّي عَنْدُو الَفْهَّامَة يَقْدَرْ يَحْسَبْ عَدَدْ اَلْحِيوَانْ عْلَى خَاطَرْشْ رَقْمْ تَاعْ بْنَادَمْ، وُالرَقْمْ أَتَاعُو: سَتْ مِئَة وُسَتَّة وُسَتِّينْ.
1 وُمَنْبَعْدْ شَفْتْ خْرُوفْ وَاقَفْ عْلَى جْبَلْ صُهْيُونْ، وُمْعَهْ مِئَة وُرَابْعَة وُرَبْعِينْ أَلْفْ، وُمَكْتُوبْ عْلَى جَبْهَتْهُمْ اَسْمَهْ وُاَسْمْ بُوهْ. 2 وُسْمَعْتْ صُوتْ جَاي مَنْ السْمَا كِصُوتْ تَاعْ اَلشْلاَلاَتْ وُكِصُوتْ رَعْدْ قْوِيْ، وُسْمَعْتْ صُوتْ كِصُوتْ نَّاسْ يْضَرْبُو عْلَى الْقِيثَارَاتْ أَتَاعْهُمْ، 3 وُكَانُو يْغَنُّو أُغْنِيَة جْدِيدَة قُدَّامْ اَلْعَرْشْ وُقُدَّامْ رَبْعَة تَاعْ اَلْمَخْلُوقَاتْ اَلْحَيَّة وَاَلشْيُوخْ. وُحَتَّى وَاحَدْ مَا أَقْدَرْ يَتْعَلَّمْ اَلْأُغْنِيَة غِيرْ اَلْمِئَة وُرَابْعَة ؤُرَبْعِينْ أَلْفْ أَلْلِّي أَتَشْرَاوْ مَنْ اَلْأَرْضْ 4 هَادُو هُمَا أَلْلِّي مَا فَسْدُوشْ مْعَ اَلنْسَاء وُبْقَاوْ نْقَّيِينْ. وُهُمَا أَلْلِّي يَتَبْعُو الَخْرُوفْ وِينْ مَامْشَى. هَادُو رَاهُمْ مَشْرَيِّينْ مَنْ بِينْ اَلنَّاسْ وُأَلْلِّي تَّهْدَاوْ كِالْغَلة أَلْوْلَى لله وُلَلخْرُوفْ. 5 وَلاَ تْكَلَّمْ فَمْهُمْ بَالكَذِبْ عْلَى خَاطَرْشْ هُمَا بْلاَ عِيبْ قُدَّامْ عَرْشْ الله. 6 وُبَعَدْ شَفْتْ مَلاَكْ أَخَرْ يْطِيرْ فَي وَسَطْ اَلسْمَاء وُجَايَبْ مْعَاه اَلْبِشَارَة اَلدَايْمَة،بَاشْ يَبَشَّرْ اَلسَّاكْنِينْ عْلَى اَلْأَرْضْ وُكُلْ أُمَّة وُقَبِيلَة وُلُغَة وُشَعْبْ، 7 وُيْقُولْ وُبْصُوتْ قْوِّي: «خَافُو الله وُأَعْطُوهْ اَلْعَّزْ، عْلَى خَاطَرْشْ جَاء يُومْ اَلْحِسَابْ. وُأَسَجْدُو لْلِّي صْنَعْ اَلسْمَا وُالأَرْضْ وُالَبْحَرْ وُالَعْيُونْ تَاعْ اَلْمَاء». 8 وُتَبْعُو مَلاَكْ أَخَرْ يْقُولْ: «طَاحَتْ طَاحَتْ بَابَلْ اَلْمَدِينَة الَكْبِيرَة، عْلَى خَاطَرْشْ سَقْطَتْ اَلشُعُوبْ كُلْهُمْ مَنْ خَمْرْ اَلْغَضَبْ تَاعْ اَلْفَسَادْ أَتَاعْهَا». 9 وُتَبَعْهُمْ مَلاَكْ تَالَثْ يْقُولْ وُبْصُوتْ قْوِّيْ: «إِذَا كَانْ شِي وَاحَدْ يَسْجَدْ لَلْحِيوَانْ وُلَلصَنَمْ أَتَاعَهْ، وُيَقْبَلْ اَلْعَلاَمَة أَتَاعَهْ عْلَى جْبِينَهْ اُو عْلَى يَدَهْ 10 فَهُوَ تَانِي غَادِي يَشْرَبْ مَنْ خَمْرْ غَضَبْ الله، أَلْلِّي يَتْفَرَغْ وُمَاشِ مْخَلَطْْ فْي كَاسْ اَلْغَضَبْ أَتَاعَهْ، وُيَتْعَـذَبْ بَالنَّارْ وُالْكَبْرِيتْ قُدَّامْ اَلْمَلاَيْكَا اَلْمَقَدْسِينْ وُقْدَّامْ الَخْرُوفْ. 11 وُدُخَانْ عْذَابْهُمْ يَطْلَعْ دِيمَا وَعْلَى الدَّوَامْ، وُمَا تْكُونْ رَاحَة لاَ نْهَارْ وَلاَ لِيلْ لِهَادُوكْ أَلْلِّي يْسَجْدُو لَلْحِيوَانْ وُالَصْنَمْ أَتَاعَهْ وُلْكُلْ وَاحَدْ يَقْبَلْ عَلاَمَة اَسْمَهْ». 12 هْنَا يْبَانْ صَبْرْ الَمْقَدْسِينْ. أَلْلِّي يْعَمْلُو بِوَصَايَا الله وُ تَابْتِينْ فِي إِيمَانْهُمْ بِيَسُوعْ. 13 وسْمَعْتْ صُوتْ مَنْ اَلسْمَا يْقُولْ لِي: «أَكْتَبْ. سَعَدْهُمْ أَلْلِّي مَنْ ضَرْوَاكْ يْمُوتُو وُهُمَا مُأْمِنِينْ بَالرَّبْ، الرُّوحْ يْقُولْ «نَعَمْ»: «يْرَايْحُو مَنْ اَلتَعَبْ أَتَاعْهُمْ، عْلَى خَاطَرْشْ أَعْمَلْهُمْ تَتَبَعْهُمْ». 14 وُشَفْتْ سَّحَابَة بَيْضَا، وُجَالَسْ عْلِيهْ وَاحَدْ يَشْبَّه للإبن اَلْإِنْسَانْ، وُعْلَى رَاسَهْ تَاجْ مَنْ اَلذْهَبْ، وُفِي يَدَهْ مَنْجَلْ مَاضِي. 15 وُخْرَجْ مَلاَكْ أَخَرْ مَنْ بِيتْ الله، وُهُوَ يْعَايَّطْ بْصُوتْ قْوِّي لْلِيّ جَالَسْ عْلَى اَلسْحَابَة: «خُذْ اَلْمَنْجَلْ أَتَاعَكْ وُأحْصَدْ،عْلَى خَاطَرْشْ جَاء وَقْتْ اَلْحَصَادْ، حَصَادْ اَلْأَرْضْ رَاهْ وْجَدْ» 16 وُأَلْلِّي جَالَسْ عْلَى اَلسَّحَابَة أَرْمَى اَلْمَنْجَلْ أَتَاعَهْ عْلَى الأَرْضْ، وْتْحَصْدَتْ اَلأَرْضْ. 17 وُخْرَجْ مَلاَكْ أَخَرْ مَنْ بِيتْ الله أَلْلِّي فَي اَلسْمَا، وُحَتَّى هُوَ عَنْدَهْ مَنْجَلْ مَاضِي. 18 وُخْرَجْ مَلاَكْ أَخَرْ مَنْ اَلْمَذْبَحْ وُعَنْدَهْ اَلسُلْطَة عْلَى اَلنَّارْ، وُعَيَّطْ بْصُوتْ قْوِّي لَلِيّ مْعَاه اَلْمَنْجَلْ اَلْمَاضِي، وُقَالْ: «أَرْمِي اَلْمَنْجَلْ اَلْمَاضِي أَتَاعَكْ وُأقْلَعْ عَنَاقِيدْ دَليَاتْ اَلْأَرْضْ، عْلَى خَاطَرْشْ اَلَّعْنَبْ أَتَاعْهَا طَابْ». 19 أَرْمَى اَلْمَلاَكْ اَلْمَنْجَلْ أَتَاعَهْ عْلَى الأَرْضْ وُقْطَعْ عْنَاقْدْ دَلْيَاتْ اَلْأَرْضْ، وُاَرْمَاهْ فَي الْمَعْصَرَة الَكْبِيرَة تَاعْ غَضَبْ الله. 20 وُبَرَا عْلَى الَمْدِينَة وِينْ عَفْسُو عْلَى الَعْنَبْ فَالْمَعْصَرَة، فَخْرَجْ دَمْ مَنْ اَلْمَعْصَرَة أُوْصَلْ لْفَمْ اَلْخِيلْ، تَقْرِيبَا عْلَى ثَلْثْ مِيَّة كِيلُومِتَرْ.
1 وُمَنْبَعَدْ شَفْتْ فَي اَلسْمَا عَلاَمَة أُخْرَى كْبِيرَة وُعْجِيبَة: سَبْعْ مَلاَيْكَا وُمْعَاهُمْ اَلْمَصَايَبْ اَلسَّبْعَة اَلتَالِيَة، أَلْلِّي بِهَا يَكْمَلْ زْعَافْ الله. 2 وُشَفْتْ شِي حَاجَة تَشْبَّه لَبْحَرْ مَنْ اَلزْجَاجْ مْخَلَطْ بَالنَّارْ، وُهَادُوكْ أَلْلِّي غَلْبُو اَلْحِيوَانْ وُالَصْنَمْ أَتَاعَهْ وُالْأَرْقَامْ أَلْلِّي تْبَيَّنْ أَسْمَهْ وَاقْفِينْ عْلَى الَبْحَرْ تَاعْ اَلزْجَاجْ، مْعَهُمْ قِيثَارَاتْ أَلْلِّي أَعْطَاهُمْ الله، 3 وُيْغَنِّيوْ أُغْنِيَة مُوسَى عَبْدْ الله وُأُغْنِيَة اَلَخْرُوفْ وُيْقُولُو: «يَا رَّبْ اَلْإِلَهْ اَلْقَادَرْ عْلَى كُلْ شِي، فَأعْمَالَكْ كْبِيرَة وَعْجِيبَة. وُعَادِلَة وُحَقْ اَلطُرْقَانْ اَتَاوْعَكْ يَا مَلِكْ اَلْمَقَدْسِينْ. 4 وُشْكُونْ أَلْلِّي مَا يْخَافَكْشْ يَا رَّبْ وُيَعْطِي اَلْعَزْ لِأَسْمَكْ، عْلَى خَاطَرْشْ أَنْتَ وَحْدَكْ قُدُّوسْ، وُكُلْ اَلشُعُوبْ إِيجِيوْ وُيْسَجْدُو قُدَّامَكْ، عْلَى خَاطَرْشْ أَعْمَالَكْ اَلصَالْحَة بَانَتْ». 5 وُبَعْدْ هَادْ شِي شَفْتْ بِيتْ الله تَاعْ خِيمَة اَلشَهَادَة نْفَتَحْ فَي السْمَا، 6 وُخَرْجُو سَّبْعَة مَلاَيْكَا وُمْعَهُمْ سَّبْعَة تَاعْ اَلْمَصَايَبْ (مَنْ بِيتْ الله ) وُهُمَا لاَبْسِينْ كْتَانْ نْقِيّْ وُيَلْمَعْ، وُمْحَزْمِينْ صْدُورْهُمْ بَحْزَامْ مَنْ اَلذْهَبْ. 7 وُوَاحَدْ مَنْ هَادُوكْ اَلْمَخْلُوقَاتْ اَلرَبْعَة أَعْطَى لِسَبْعَة تَاعْ اَلْمَلاَيْكَا سَبْعَة كِيسَانْ تَاعْ اَلذْهَبْ عَمْرِينْ بِغَضَبْ الله اَلْحَيْ دِيمَا وَعْلَى اَلدَّوَامْ. 8 وُتْعَمَّرْ بِيتْ الله بَالدُخَانْ بِسْبَبْ اَلْعَزْ وُالْقُدْرَة تَاعْ الله، ومَا أَقْدَرْ حَتَّى وَاحَدْ يَدْخُلْ بِيتْ الله حَتَى كَمْلُو الْمَصَائِبْ اَلسَّبْعَة لِجَابُوهُمْ اَلْمَلاَيْكَا اَلسَّبْعَة.
1 وُمَنْ بَعْدْ سْمَعْتْ صُوتْ قْوِيْ مَنْ بِيتْ الله يْقُولْ لَلْمَلاَيْكَا اَلسَّبْعَة: «أَمْشُو وُكَبُّو عْلَى الاَرْضْ سَّبْعَة كِيسَانْ تَاعْ غَضَبْ الله». 2 فْرَغْ أَللَّوَّلْ وُكَبْ اَلْكَاسْ أَتَاعَهْ عْلَى اَلْأَرْضْ وُ بَانْ قَرْحَةْ خَاْيَبْة وُيْعَذَبْ اَلنَّاسْ أَلْلِّي عَنْدْهُمْ عَلاَمَةْ اَلْحِيوَانْ وُأَلْلِّي يْسَجْدُو لَصَنَمْ أَتَاعَهْ. 3 وُكَبْ اَلْمَلاَكْ اَلزَاوَجْ اَلْكَاسْ أَتَاعَهْ عْلَى الَبْحَرْ، وْلَّى دَمْ كِيمَا اَلدَمْ تَاعْ اَلْمَيَّتْ . وُكُلْ اَلْمَخْلُوقَاتْ اَلْحَيَّة مَاتَتْ فَي الَبْحَرْ. 4 وُكَبْ اَلْمَلاَكْ اَلثَالَثْ اَلْكَاسْ أَتَاعَهْ عْلَى اَلْوِدْيَانْ وُعْلَى الَعْيُونْ تَاعْ اَلْمَاء، فَوَلاَتْ دَمْ. 5 وُسْمَعْتْ مَلاَكْ تَاعْ اَلْمَاء يْقُولْ: «أَنْتَ عَادَلْ فِي حُكْمَكْ لِحْكَمْتْ بِيهْ أَنْتَ اَلْكَايَّنْ وُأَلْلِّي كَانْ وُأَلْلِّي يْكُونْ 6 هُمْ سَيْلُو دَمْ اَلْمُقَدْسِينْ وَالْأَنْبِيَاءْ، فَاعْطِيتْهُمْ اَلدَمْ بَاشْ يْشَرْبُوهْ، عْلَى خَاطَرْشْ يَسْتَهْلُو هَادْ شِي». 7 وسْمَعْتْ وَاحَدْ اَلصُوتْ خَارَجْ مَنْ اَلْمَذْبَحْ يْقُولْ: «نَعَمْ، رَّبْ اَلْإِلَهْ اَلْقَادِرْ عَلَى كُلْ شِي، فَأَحْكَامَكْ عَادِلَة وُحَقْ». 8 وُكَبْ اَلْمَلاَكْ اَلرَّابَعْ اَلْكَاسْ أَتَاعَهْ عْلَى اَلشَمْسْ وُتَعْطَى لِيهَا بَاشْ تَحْرَقْ اَلنَّاسْ بَالنَّارْ، 9 وُنْحَرْقُوا اَلنَّاسْ عْلَى خَاطَرْشْ اَلنَّارْ كَانَتْ سَاخْنَة بَزَّافْ، وُلَعْنُو اِسْمْ الله لِعَنْدَهْ اَلسُلْطَة عْلَى هَادْ اَلْمَصَايَبْ، وُمَا تَابُوشْ وُمَا أَعْطَوْشْ اَلْعَزْ لله. 10 وُكَبْ اَلْمَلاَكْ اَلْخَامَسْ اَلْكَاسْ أَتَاعَهْ عْلَى عَرْشْ اَلْحِيوَانْ، فَغَطَتْ ظَلْمَةْ كْبِيرَة كُلْ اَلْمَمْلَكَة أَتَاعَهْ. وُمَنْ كَثْرَةْ الَوْجَعْ عَضُّو اَلنَّاسْ أَلْسِينَاتْهُمْ. 11 وُلَعْنُو إِلَهْ اَلسَّمَاء بِسَبَبْ اَلْوَجَعْ وُلَقْرُوحْ، وُمَا تَابُوشْ مَنْ أَعْمَالْهُمْ. 12 وُكَبْ اَلْمَلاَكْ اَلسَّادَسْ اَلْكَاسْ اَتَاعَهْ عْلَى اَلْوَادْ الَكْبِيرْ اَلْفُرَاتْ، وُأنْشَفْ اَلْمَاءْ أَتَاعَهْ بَاشْ يْوَلِّى طْرِيقْ لَلْمُلُوكْ لِجَايِّينْ مَنْ اَلشَرْقْ. 13 وُمَنْ بَعْدْ شَفْتْ ثَلْثْ أَرْوَاحْ نَجِسِينْ تَشْبَّهْ لَلْجَرَانْ وُخَرْجِينْ مَنْ فَمْ اَلْوَحْشْ وُمَنْ فَمْ اَلْحِيوَانْ وُمَنْ فَمْ اَلنَبِّي اَلْكَذَابْ، 14 وُهِيَ أَرّْوَاحْ شَيَاطِينْ وُتَعْمَلْ اَلْمُعْجِزَاتْ، وُيَمْشِيوْ عَنْدْ مُلُوكْ اَلدَنْيَا بَاشْ يَجْمَعْهُمْ لَلْحَرْبْ لَنْهَّارْ الله الَكْبِيرْ اَلْقَادَرْ عْلَى كُلْ شِي. 15 «أَحَرْزُو، اَنَا نجَيْ كِالْخَيَانْ. سَعْدَاتَهْ هَدَاكْ لِيَسْهَرْ وُيَحْفَظْ حْوَايْجَهْ بَاشْ مَا يَمْشِيشْ عَرْيَانْ وُيَنْفَضَحْ قُدَامْ اَلنَاسْ». 16 فَجْمَعْهُمْ فِي وَاحَدْ اَلْمَوْضِعْ يَتْسَمَّى بَالْعِبْرِيَة «هَرْمَجْدُونْ». 17 وكَبْ اَلْمَلاَكْ اَلسَّابَعْ اَلْكَاسْ أَتَاعَهْ فِي اَلْهَوَاءْ، وُخْرَجْ صُوتْ قْوِّي مَنْ بِيتْ الله مَنْ اَلْعَرْشْ وُيْقُولْ: «رَاهْ كُلْ شِي كَمَلْ» 18 وُكَانْ اَلْبَرْقْ وُالصُّوتْ وَاَلرَّعْدْ. وُضَرْبَتْ زِلْزَالَة قْوِّيَة عْمَّرْ اَلْاَرْضْ وَلاَعَرْفَتْهَا مَنْ اَلنْهَارْ أَلْلِّي تُوجَدْ اَلْإِنْسَانْ عْلِيهَا، 19 وُ تْقَسْمَتْ الَمْدِينَة الَكْبِيرَة عْلَى ثْلاَثَة، وُطَاحُو مُدُنْ اَلشُعُوبْ، وُتْفَكَّرْ الله بَابَلْ الَكْبِيرَة بَاشْ يَشْرَبْهَا كَاسْ لِيَغْلِي بَالْغَضَبْ أَتَاعَهْ. 20 وُكُلْ جْزِيرَة هَرْبَتْ وُالَجْبَالْ مَابْقَاوْشْ. 21 وُطَاحْ تَبْرُورِي ثْقِيلْ بَزَّافْ مَنْ اَلسْمَا عْلَى اَلنَّاسْ. وُكُلْ وَحْدَة تُوزَنْ بَالتَقْرِيبْ خَمْسِينْ كِيلُوجْرَامْ، فَألْعَنْ اَلنَّاسْ الله بَسْبَابْ لْمُصِيبَة هَادَاكْ اَلتَبْرُورِي، عْلَـــى خَــاطـَـرْشْ كَــانَتْ صْــعِـيـبَــة بَــزَّافْ. .
1 وُمَنْبَعَدْ جَا عَنْدِي وَاحَدْ مَنْ اَلْمَلاَيْكَا اَلسَّبْعَة أَلْلِّي عَنْدْهُمْ اَلْكِيسَانْ اَلسَّبْعَة، وُتْكَلَّمْ مْعَايَا وُقَالِي: «أَرْوَاحْ نْوَرِّيكْ عِقَابْ اَلزَّانِيَة اَلْكَبِيرَة أَلْلِّي قَعْدَا حَدَا اَلْمَاءْ اَلْكْثِيرْ، 2 وُأَلْلِّي زْنَّاوْ مْعَهَا مُلُوكْ اَلأَرْضْ، وُسَكْرُو سُكَانْ اَلْأَرْضْ مَنْ خَمْرْ اَلْفَسَادْ اَتَعْهَا». 3 وَدَّانِي فَاَلرُّوحْ لَلصَحْرَاءْ، وُشَفْتْ أَمْرَاة رَاكْبَة عْلَى حَيَّوَانْ حْمَرْ عَامَرْ بِأَسْمَوَاتْ اَلْكُفْرْ، عَنْدُو سَبْعَة رِيسَانْ وُعَشْرْ قْرُونْ. 4 وُكَانَتْ الَمْرَأة لاَبْسَة حْوَايَجْ لُونْهُمْ أَحْمَرْ وُتَانِي مْخَلَّطْ بَالَزْرَقْ وُلَحْمَرْ وُمَتْزَيْنَة بَالذْهَبْ وُالْعَقِيقْ اَلْغَالِي وُاللُؤْلُؤْ، وُمْعَهَا كَاسْ تَاعْ اَلذْهَبْ فِي يَدِيهَا عَامْرَا بِمُنْكَرْ وُنَجَاسَة اَلزِّنَا اَتَاعْهَا، 5 وُ مَكْتُوبْ عْلَى جَبْهَتْهَا: «سَرْ بَابَلْ اَلْكَبِيرَة أُمْ اَلزَّانِيَاتْ وُأَعْمَالْ اَلدَّنْيَا اَلْفَاسْدَة». 6 وُشَفْتْ اَمْرَأة سَكْرَانَة مَنْ دَمْ اَلْمَقَدْسِينْ وُهَادُوكْ لِمَاتُو شُهَدَاءْ مَنْ أَجْلْ يَسُوعْ. وُمَلِّي شَفْتْ وَأنَا مَتْعَجَبْ بَزَّافْ 7 وُقَالْ لِي اَلْمَلاَكْ: «عْلاَشْ تْعَجَبْتْ؟ أَنَا غَادِي نْبَيَّنْ لَكْ سَرْ أَتَاعْ الَمْرَاة وُالْحِيوَانْ، لِعَانْدَهْ سَّبْعَة رِيسَانْ وُعَشْرَ قْرُونْ أَلْلِّي حْمَلْ الَمْرَاة: 8 اَلْحِيوَانْ لِشَفْتْ، كَانْ كَايَنْ وُضَرْوَاكْ مَا بْقَاشْ، وُرَاهْ قْرِيبْ يَطْلَعْ مَنْ اَلْهَاوِيَة وُيَمْشِي لَهْلاَكْ. وُسُّكَانْ اَلأَرْضْ أَلْلِّي اَلْأَسَمْ تَاعْهَمْ مَاهِيشْ مَكْتُوبَة فَي كْتَّابْ اَلْحَيَاةْ مَنْ اَلنْهَارْ لِخْلَقْ فِيهْ الله اَلدَنْيَا غَادِي يَتْعَجْبُو، لَمَّا يْشُوفُو بَلِّي اَلْحِيوَانْ كَانْ كَايَنْ وُضُرْوَاكْ مَا بْقَاشْ ،وُغَادِي يَرْجَعْ. 9 وُهْنَا لاَزَم للَعْقَلْ اَلْحِكْمَة اَلسَّبْعَةْ رِيسَانْ هِيَ سَّبْعَ جْبَالْ جَالْسَة عَلِيهَا أَمْرَاة. 10 وُهُمَا سَّبْعَة مُلُوكْ: خَمْسَة سَقْطُو، وُوَاحَدْ بَاقِي يَحْكَمْ، وُاَلْأَخَرْ مَازَالْ مَا جَاشْ. وُلَمَّا يْجِي غَادِي يَبْقَى وَقْتْ قْلِيلْ. 11 وُحَتَّى الْحِيوَانْ أَلْلِّي كَانْ وُمَا بْقَاشْ فَهُوَ اَلْمَلِكْ اَلثَّامَنْ، وُهُوَ مَنْ اَلسَّبْعَة، وُحَتَّى هُوَ رَايَحْ لَلْهَلاَكْ. 12 وُاَلْعَشْرَ قْرُونْ لِشَفْتْهَا هِيَ عَشْرَة مُلُوكْ أَلْلِّي مَا زَالْ مَا حَكْمُوشْ، وُغَادِي تْكُونْ عَنْدْهُمْ اَلسُلْطَة وُيْحَكْمُو مْعَ اَلْحَيَوَانْ 13 سَاعَة وَحْدَة. وُرَاهُمْ مَتَّافْقِينْ عْلَى رَايْ وَاحَدْ، بَاشْ يَعْطُو اَلْقُوَّة وُاَلسُّلْطَة أَتَاعْهُمْ لَلْحِيوَانْ. 14 وُغَادِي يْحَارْبُو الَخْرُوفْ، وُالَخْرُوفْ يَغْلَبْهُمْ، عْلَى خَاطَرْشْ هُوَ رَّبْ اَلْأَرْبَابْ وُمَلِكْ اَلْمُلُوكْ، وُهَادُوكْ اَلْأُمَنَاءْ أَلْلِّي مْعَهْ هُوَ أَلْلِّي دْعَاهُمْ وُأَخْتَارْهُمْ». 15 وُمَنْ بَعْدْ قَالْ لِي: «اَلْمَاء الَكْثِيرْ لِشَفْتَهْ وِينْ جَالْسَة اَلزَانْيَة هِيَ شُعُوبْ وُجَمَاعَاتْ مَنْ اَلنَّاسْ وُأُمَمْ وُالُلغَاتْ. 16 وُعَشْر قْرُونْ لِشَفْتْهَا عْلَى اَلْحِيوَانْ فَهُمَا غَادِي يَكَرْهُو اَلزَانِيَة وُيْدِّيوْ لِيهَا كُلْ شِي لِكَانَتْ تْمَلْكُو وُيْعَرِّيوْهَا، وُيَاكْلُو اَلْحَمْهَا وُيْحَرْقُوهَا بَالنَّارْ. 17 وُالله هُوَ لِخَالْهُمْ يْدِيرُو اَلْمُرَادْ اَتَاعَهْ، وُيَتَفْقُو عْلَى رَايْ وَاحَدْ، وُيَعْطُو لَلْحِيوَانْ اَلسُلْطَة تَاعْ اَلْمَلِكْ اَتَاعْهُمْ حَتَّى تَكْمَلْ أَقْوَالْ الله. 18 وُالَمْرَاة لِشَفْتْهَا هِيَ اَلْمَدِينَة الَكْبِيرَة لِتَتْحَكَّمْ فِي مُلُوكْ اَلْأَرْضْ».
1 ومَنْبَعْدْ هَادْ شِي شَفْتْ مَلاَكْ أَخَرْ نَازَلْ مَنْ اَلسْمَا، وُعَنْدَهْ سُلْطَة كْبِيرَة. وُاَلْعَزْ أَتَاعَهْ ضْوَى اَلْأَرْضْ. 2 وُهُوَ يْعَايَّطْ بْصُوتْ قْوِّي وُيْقُولْ: «طَاحَتْ طَاحَتْ بَابْلْ الَكْبِيرَة، وُوَلاَّوْ سَاكْنِينْ فِيهَا اَلشَيَاطِينْ وُكُلْ رُّوحْ نَجِسْ، وُكُلْ طَايَرْ نَجِسْ وُمَكْرُوهْ، 3 عْلَى خَاطَرْشْ كُلْ اَلشُعُوبْ شَرْبُو مَنْ خَمْرْ غَضَبْ اَلزِنَا اَتَاعْهَا، وُمُلُوكْ اَلْأَرْضْ زْنَاوْ مْعَاهَا، وُتُجَارْ اَلْأَرْضْ أَسْتَغْنُو مَنْ كَثْرَةْ اَلْخِيرْ أَتَاعْهَا». 4 ومَنْ بَعَدْ أَسْمَعْتْ صُوتْ أَخَرْ مَنْ اَلسْمَا يْقُولْ: «أَخَرْجُو مَنْهَا يَا شَعْبِي بَاشْ مَاتْشَارَكْشْ فِي ذُنُوبْهَا، وُمَا تَضْرَبْكُومْشْ مَصَايَبْهَا. 5 عْلَى خَاطَرْشْ ذْنُوبْهَا تْرَاكْمَتْ حَتَّى وَصْلَتْ لَلسْمَا، وُالله مَانْسَاشْ ذْنُوبْهَا. 6 وُأعَمْلُو فِيهَا كِيمَا أَعْمَلْتَهْ فِيكُمْ، وُرَدُوّلْهَا زُوجْ مَرَاتْ شِي أَلْلِّي عَمْلاَتَهْ فِيكُمْ. وُاَلْكَاسْ أَلْلِّي فْرَغْتْ فِيهْ فَرْغُولْهَا فِيهْ زُوجْ مَرَاتْ شِي أَلْلِّي فَرْغَاتَهْ. 7 عَذْبُوهَا وُرَدُوهَا تَحْزَنْ عْلَى قَدْ مَا عَظْمَتْ نَفْسْهَا وُتْنَعْمَتْ. عْلَى خَاطَرْشْ تْقُولْ فِي نَفْسْهَا: أَنَا جَالْسَة مَلِكَة، وُمَانِيشْ هَجَالَة، وُعَمْرِي مَاغَادِي نَعْرَفْ اَلْحُزْنْ. 8 عْلَى هَادْ شِي غَادِي تَنْزَلْ عْلِيهَا اَلْمَصَايَبْ فِي نْهَّارْ وَاحَدْ: اَلْمُوتْ وُالْحُزْنْ وُالْجُوعْ، وُتَنَحْرَقْ بَالنَّارْ، وُاَلرَّبْ اَلْإِلَهْ أَلْلِّي حْكَمْ عْلِيهَا قْوِيْ. 9 «وغَادِي يَبْكِيوْ وُيْنُوحُو عْلِيهَا مُلُوكْ اَلْأَرْضْ، أَلْلِّي زْنَوْ مْعَهَا وُتْنَعْمُو مْعَهَا، لَمَّا يْشُوفُو دُخَانْ أَتَاعْهَا وُهِيَ تَتَحْرَقْ، 10 وَاقْفِينْ بْعِيدْ بِسَبَبْ اَلْخُوفْ مَنْ عَذَابْهَا وُيْقُولُو : اَلْهَلاَكْ اَلْهَلاَكْ يَا الَمْدِينَة الَكْبِيرَة بَابَلْ الَمْدِينَة الَقْوِيَّة فِي سَاعَة وَحْدَة أَنْزَلْ عْلِيكْ اَلْعِقَابْ. 11 وُيَبْكِيوْ وُيْنَوْحُو عْلِيهَا تُجَارْ اَلْأَرْضْ عْلَى خَاطَرْشْ اَلسَلْعَة أَتَاعْهُمْ مَاغَادِي يَشْرِيهَا حَتَّى وَاحَدْ، 12 وُهَادْ اَلسَلْعَة فِيهَا اَلذْهَبْ وُالْفَضَّة وُالْعَقِيقْ الغَالِي وُاللُؤْلُؤْ وُالْكَتَّانْ وُالثُوبْ أَلْلِّي عَنْدُو لُونْ أَحْمَرْ مْخَلَّطْ بَالَزْرَقْ وُالَحْرِيرْ وُلَحْمَرْ، وُعْطُورْ مَتْنَوْعَة، وُمَاعِينْ مَنْ اَلْعَاجْ وُمَالَلُوحْ اَلْغَالِي، وُاَلنْحَاسْ وُالَحْدِيدْ وُرْخَامْ، 13 وُقَرْفَة وُبْخُورْ وُرِيحَة وُلَبَانْ وُخْمَرْ وُزِيتْ وُدْقِيقْ وُقَمْحْ وُبْهَايَمْ وُغَنَمْ وُخِيلْ وُكْرَارِيسْ، وُنَاسْ بِأَجْسَامْهُمْ وُنْفُوسْهُمْ. 14 وُيْقُولُو: «اَلْغَلَّة أَلْلِّي يَبْغِيهَا خَاطْرَكْ ضَاعَتْ مَنَكْ، وُكُلْ اَلْغِنَى وُالنَعِيمْ رَاحْ وُمَا غَادِيشْ تَوَجْدِيهْ. 15 وُالتُجَّارْ أَلْلِّي كَانُو يْبِيعُو هَادَكْ شِي وُأَسْتَغْنُو مَنْ هَادْ الَمْدِينَة غَادِي يْقِفُو بْعِيدْ، بِسَبَبْ اَلْخُوفْ مَنْ عَذَابْهَا، وُغَاِدي يَبْكِيوْ وُيْنُوحُو، 16 وُيْقُولُو: اَلْهَلاَكْ! اَلْهَلاَكْ! لَلَمْدِينَة الَكْبِيرَة أَلْلِّي كَانَتْ لاَبْسَة اَلْكَتَّانْ وُلَحْمَرْ، وُلاَبْسَة تَانِي ثُوبْ أَلْلِّي عَنْدُو لُونْ أَحْمَرْ مْخَلَّطْ بَالَزْرَقْ، وُمَتْزَيْنَّة بَالذْهَبْ وُالَعْقِيقْ اَلْغَالِي وُالُؤْلُؤْ! 17 فِي سَاعَة وَحْدَا ضَاعْ كُلْ هَادَاكْ اَلْخِيرْ. وُكُلْ هَادُوكْ رَّيَّاسْ، وُالَمْسَافْرِينْ فَي الَبْحَرْ وُاَلْبَحَّارَة وُكُلْ هَادُوكْ أَلْلِّي يْخَدْمُو فَي الَبْحَرْ، وَقْفُو مَنْ بْعِيدْ، 18 وُمَلِّي شَافُوهَا تَتَحْرَقْ وُدَخَانْ طَالَعْ عَايْطُو وُقَالُو: شْكُونْ هِيَ هَادْ الَمْدِينَة أَلْلِّي كِيمَا الَمْدِينَة الَكْبِيرَة ؟ 19 وُأَرْمَوْ اَلتْرَابْ عْلَى رِيسَانْهُمْ، وُعَايْطُو وُهُمَا يَبْكِيوْ وُيْنُوّحُو وُيْقُولُو: اَلْهَلاَكْ اَلْهَلاَكْ لَلمْدِينَة الَكْبِيرَة ، أَلْلِّي مَنْ خِيرْهَا أَسْتَغْنُو أَصْحَابْ اَلْبَابِيرْ فْالَبْحَرْ وُ فِي سَاعَة وَحْدَا تْخَرْبَتْ. 20 أَفَرْحِي يَا سْمَا وُالرُسُلْ اَلْمَقَدْسِينْ وُاَلْأَنْبِيَاءْ، عْلَى خَاطَرْشْ الله عَاقَبْهَا عْلَى هَادَكْ شِي أَلْلِّي عَمْلَتَهْ فِيكُمْ». 21 وُرْفَعْ مَلاَكْ قْوِيْ حَجْرَة كَالْحَجْرَة تَاعْ الَرَحَى الَكْبِيرَة وُأرْمَاهَا فَي الَبْحَرْ وُقَالْ: «هَاكْدَا غَادِي تَتَرْمَى بَابَلْ الَمْدِينَة الَكْبِيرَة فَي الَبْحَرْ، وُمَاغَادِيشْ يَبْقَ لِيهَا أَثَارْ. 22 وُمَاغَادِيشْ يَسْمَعْ فِيكْ لاَ غِنَاءْ وُلاَ مُوسِيقَى، لاَ قِيثَارَة وَلَا مِزْمَارْ وَلاَ بُوقْ. وَلاَ يَكُونْ فِيكْ أَيْ صَانِعْ وُمَهْمَا كَانَتْ اَلْحَرْفَة اَتَاعَهْ. وُمَا يْسَمْعُوشْ فِيهْ صُوتْ اَلْرَحَى. 23 وُمَا يَبْقَاشْ اَلْمَصْبَاحْ يْضَوِّي فِيكْ. وُمَاغَادِيشْ يْسَمْعُو فِيكْ صُوتْ عَرِيسْ وُعَرُوسَة، عْلَى خَاطَرْشْ اَلتُجَّارْ أَتَوْعَاكْ كَانُو هُمْ الَكْبَارْ فَي اَلدَّنْيَا. وُبَسْحَرْ أَتَاعَكْ أَنْخَدْعُو كُلْ اَلشُعُوبْ. 24 وُفِي هَادْ اَلْمَدِينَة شَفْنَا دَمْ اَلْأَنْبِيَاءْ وُالَمْقَدْسِينْ، وُجْمِيعْ هَادُوكْ أَلْلِّي تْقَتْلُو فَالأَرْضْ.
1 وُبَعَدْ هَادْ شِي سْمَعْتْ صُوتْ قْوِيْ كِصُوتْ جْمَاعَة كْبِيرَة فَي اَلسْمَاء وَيْقُولْ: «سَبْحُوا رَبِيّ، اَلسْلاَكْ وُالْعَزْ وَالْكَرَامَة وَالْقُدْرَة للَرَّبْ إِلَهْنَا، 2 عْلَى خَاطَرْشْ اَحْكَامَهْ حَقْ وُعَادِلَة، وُحْكَمْ عْلَى اَلزَاِنيَة الَكْبِيرَة أَلْلِّي وَسْخَتْ اَلْأَرْضْ بَالزْنَا أَتَاعْهَا، وُأَنْتَقَمْ مَنْهَا عْلَى خَاطَرْشْ قَتْلَتْ عْبِيدُو». 3 وُقَالُو مَرَة أُخْرَى: «هَلِيلويا، سَبْحُوا رَّبِيّ وُدُخَانْهَا يَطْلَعْ دِيمَا وُعْلَى اَلدَوَامْ» 4 وُرَبْعَة وُعَشْرِينْ شِيخْ وُاَلرَبْعَة تَاعْ اَلْمَخْلُوقَاتْ رَكْعُو، وُسَجْدُو لله اَلْجَالَسْ عْلَى اَلْعَرْشْ وُهُمَا يْقُولُو: «أَمِينْ. سَبِحُوا رَبِيّ» 5 وُجَا مَنْ اَلْعَرْشْ صُوتْ يْقُولْ: «سَبِّحُوا إِلَهْنَا يَا جَمِيعْ عْبِيدُو، وُأَلْلِّي يخَافُوهْ، اَلصْغَارْ وُالكْبَارْ». 6 وسْمَعْتْ وَاحَدْ اَلصُوتْ كِي صُوتْ جْمَاعَة كْبِيرَة، وُكِي صُوتْ اَلْمَاء تَاعْ اَلشَّلاَّلاَتْ، وُكِصُوتْ رْعَدْ قْوِيْ يْقُولْ: «سَبِحُو رَبِيّ، مَلَكَ اَلرَّبْ إِلَهُنَا اَلْقَادِرْ عَلَى كُلْ شَيْىءْ. 7 هَيَا نَفْرَحُو وَنَسْعَدُو وَنُعَظِمُ إِلَهُنَا، عْلَى خَاطَرْشْ جَاء وَقْتْ عَرْسْ اَلْخَرُوفْ، وُمَرْتَهْ وَجْدَتْ رُوحْهاَ. 8 وُتَعْطَى لِيهَا تَلْبَسْ كَتَّانْ نْقِي وُيَلْمَعْ، وُهَادْ اَلْكَتَّانْ هُوَ أَعْمَالْ اَلْمُقَدَّسِينْ اَلْصَالِحَة». 9 وُقَالْ لِي: «أَكْتَبْ سَعْدَتْهُمْ هَادُوكْ أَلْلِّي مَعْرُوضِينْ لَلْعَشَاء تَاعْ عَرْسْ اَلْخَرُوفْ». وُقَالْ: «هَذَا هُوَ كْلاَمْ الله، كْلاَمْ اَلْحَقْ» 10 فَرْكَعْتْ عَنْدْ رَجْلِيهْ بَاشْ نَسْجُدْ لِيهْ، فَقَالْ لِي: «لاَ مَادِيرْشْ حَتَّى شِي أَنَا عَبْدْ كِيمَا أَنْتَ وُمْعَ خُوتَكْ أَلْلِّي عَنْدْهُمْ شَهَادَة يَسُوعْ. أَسْجُدْ لله. فَشَهَادَة يَسُوعْ هِيَ رُّوحْ اَلنُبُوَّة». 11 ومَنْبَعَدْ شَفْتْ اَلسْمَا مَفْتُوحَة، وُوَاحَدْ اَلْعُودْ بْيَضْ وُأَلْلِّي رَاكَبْ عْلِيهْ يَتْسَمَى اَلْأَمِينْ وُاَلصَادَقْ،يَحْكُمْ وَيُحَارِبْ بَالْعَدْلْ . 12 وُعَيْنِيهْ كِالشَعَالَة تَاعْ اَلنَّارْ، وُعْلَى رَاسُو بَزَافْ اَلتِيجَانْ، وُعَنْدَهْ أَسَمْ مَكْتُوبْ وُمَا يْعَرْفَهْ غِيرْ هُوَ. 13 وُهُوَ لاَبَسْ ثُوبْ مْغَمَّسْ فِي اَلدَمْ، وُيَتْسَمَى «كَلِمَةْ الله». 14 وُكَانُو تَابْعِينُو اَلْعَسْكَرْ أَلْلِّي فَي اَلسْمَا بَالْخِيلْ أَلْلِّي لَوْنُهْ بْيَضْ وُهُمَا لاَبْسِينْ كَتَّانْ أَبْيَضْ نْقِي. 15 وُمَنْ فَمُّو خَارَجْ سِيفْ مَاضِي بَاشْ يَضْرَبْ بِهْ اَلشُعُوبْ، وُيَحْكَمْهُمْ بَعْصَا مَالَحْدِيدْ، وُغَادِي يَعْفَسْ فِي الْمَعْصَرَة أَلْلِّي تَغْلَي بِغَضَبْ الله اَلْقَادِرْ عْلَى كُلْ شِي. 16 وُمَكْتُوبْ عْلَى اَلْلِبَاسْ أَتَاعَهْ وُعْلَى فَخْذِهْ: «مَلِكْ اَلْمُلُوكْ وُرَّبْ اَلْأَرْبَابْ». 17 ومَنْبَعْدْ شَفْتْ مَلاَكْ وَاقَفْ فِي اَلشَمْسْ، وُعَايَّطْ بِصُوتْ قْوِيْ لِجْمِيعْ اَلطُيُورْ أَلْلِّي طِيرْ فَي اَلسْمَا: «أَرْوَاحُو لَلَعْشَاء الَكْبِيرْ تَاعْ اَلْإِلَهْ اَلْعَظِيمْ، 18 بَاشْ تَأكْلُو لَحْمْ مُلُوكْ، وُرُؤَسَاءْ تَاعْ اَلْعَسْكَرْ وُأَبْطَالْ وُخِيلْ وُأَلْلِّي رَاكْبِينْ عْلِيهَا، وُلْحَمْ كُلْ اَلنَّاسْ لَحْرَّارْ وُالْعَبِيدْ اَلصْغَارْ وُالَكْبَارْ». 19 وُشَفْتْ اَلْحِيوَانْ وُمُلُوكْ اَلْأَرْضْ وُاَلْعَسْكَرْ أَتَاعْهُمْ مَجْتَمْعِينْ بَاشْ يْحَارْبُو هَادَكْ أَلْلِّي رَاكَبْ عْلَى اَلْعُودْ وُاَلْعَسْكَرْ أَتَاوْعَهْ. 20 فَانْتَشَدَ اَلْحِيوَانْ وُالنَّبِيْ اَلْكَذَابْ، اَلْلِّي دَارْ مُعْجِزَاتْ قُدَامْ اَلْحِيوَانْ وُاَلْلِّي بِهَا خْدَعْ هَادُوكْ أَلْلِّي قَبْلُو عَلاَمَة اَلْحِيوَانْ وُأَلْلِّي سَجْدُو لَلصَّنَمْ أَتَاعُو . وُتَرْمَّاوْ لَلزُوجْ حَيِّينْ فَي بُحَيْرَةْ اَلنَّارْ شَاعْلَةْ بَالْكَبْرِيتْ. 21 وُ اَلسِيفْ اَلْخَارَجْ مَنْ فَمْ اَلْلِّي رَاكَبْ عْلَى اَلْعُودْ قْتَلْ جْمِيعْ أَلْلِّي أَبْقَاّوْ، وُجْمِيعْ اَلطْيُورْ شَبْعَتْ مَنْ اَلْلَحْمْ اَتَاعْهُمْ.
1 وُشَفْتْ مَلاَكْ نَازَلْ مَنْ اَلسْمَا وُفِي يَدِّيْه مَفْتَاحْ اَلْهَاوِيَة، وُسْنَسْلَة كْبِيرَة. 2 فَقْبَضْ اَلْوَحْشْ، اَللَّفْعَّى الَقْدِيمَة، أَلْلِّي هُوَ إِبْلِيسْ وُالشِّيطَانْ، وُكَتْفُوه مُدَّة أَلْفْ سَنَة، 3 وُرْمَاهْ فَي الْهَاوِيَة وُبَلَّعْهَا، وُشَمَّعْ بَاشْ مَايَبْقَاشْ يَخْدَعْ اَلشُعُوبْ وُحَتَّى تَكْمَلْ أَلْفْ سَّنَة. وُ بَعْدْ هَادْ شِي لاَزَمْ يَطْلَقْ سْرَاحُو وُ مْبَعَدْ لاَ بُدْ يْجِي وَقْتْ قْصيرْ. 4 وُشَفْتْ عْرُوشْ ُأَلْلِّي جَلْسِينْ عْلِيهَا، تَعْطَاتْ لِيهُمْ اَلسُلْطَة بَاشْ يْحَكْمُو. وُشَفْتْ أَرْوَاحْ هَادُوكْ أَلْلِّي تْقَطْعَتْ رِيسَانْهُمْ مَنْ اَجْلْ شَهَادَةْ يَسُوعْ وُمَنْ أَجْلْ كَلِمَة الله. وُأَلْلِّي مَاسَجْدُوشْ لَلْحَيَوَانْ وُلِصَّنَمْ أَتَاعَهْ، وُمَا قَبْلُوشْ اَلْعَلاَمَة عْلَى جَبْهَتْهُمْ وُعْلَى يَدِيهُمْ، فَرَجْعُو لَلحْيَاةْ وُحَكْمُو مْعَ اَلْمَسِيحْ أَلْفْ سَّنَة. 5 وُهَذِه هِيَ اَلْقِيَاَمة اَلأَوْلَى. أَمَّا هَادُوكْ اَلْمُوتَى أَلْلِّي أَبْقَاوْ مَاغَادِيشْ يْرَجْعُو لَلْحَيَاةْ حَتَّى تَكْمَلْ أَلْفْ سَّنَة. 6 سَعْدَت هَادُوكْ أَلْلِّي غَادِي يْقُومُو مَنْ اَلْمُوتْ عْلَخاطَر هُم مْقَدّْسِينْ، فَالْمُوتْ اَلزَوَجْ مَاعَانْدُوشْ سُلْطَة عْلِيهُمْ، وُغَادِي يْكُونُو كَهَنَة لله وُللْمَسِيحْ، وُيْحَكْمُو مْعَهْ أَلْفْ سَنَة. 7 وُكِي تْكَمَلْ أَلْفْ سَّنَة يَخْرَجْ اَلشِّيطَانْ مَنْ اَلسِجْنْ أَتَاعَهْ، 8 وُيَخْرَجْ بَاشْ يَخْدَعْ جْمِيعْ شُعُوبْ اَلدُنْيَا: جُوجْ وُمَاجُوجْ ، وُيَجْمَعْهُمْ لَلْحَرْبْ، وُهُمَا بَزَافْ كِالرَمْلَة تَاعْ الَبْحَرْ. 9 وُخَرْجُو لِكُلْ مَوْضِعْ فِي الأَرْضْ، وُدَارُو عْلَى اَلْخِيَامْ تَاعْ اَلْمَقَدْسِينْ وُبَمْدِينَة الله اَلْمَحْبُوبَة، وُالله نْزَّلْ عْلِيهُمْ نَّارْ مَنْ اَلسَّمَاءْ وُأَكْلاَتْهُمْ. 10 وُإِبْلِيسْ أَلْلِّي كَانْ يَخْدَعْهُمْ تَرّْمَى فِي بُحَيْرَةْ اَلنَّارْ وُالْكِبْرِيتْ، وِينْ نْتَرْمَى اَلْحِيوَانْ وُالنَّبِيْ اَلْكَذَّابْ. وُتَمْ يَتْعَذْبُو اَلنْهَارْ وُاللِيلْ دِيمَا وُعْلَى اَلدَّوَامْ. 11 وُمَنْ بَعْدْ شَفْتْ عَرْشْ كْبِيرْ بْيَضْ، وُشَفْتْ أَلْلِّي قْعَدْ عْلِيهْ هُوَ أَلْلِّي هَرْبَتْ اَلْأَرْضْ وُالسْمَا مَنْ قُدَّامْ وَجْهُهْ، وُمَابْقَى لِيهُمْ حَتَّى أَثَرْ 12 وُشَفْتْ اَلنَّاسْ أَلْلِّي مَاتُو صْغَّارْ وُكْبَّارْ وَاقْفِينْ قُدَّامْ اَلْعَرْشْ، وُانْفَتْحَتْ كُتُبْ. وُانْفَتَحْ كْتَابْ أَخَرْ هُوَ كْتَابْ اَلْحَيَاةْ، وُتَمَّ اَلْحُكْمْ عْلَى اَلْمُوتَى عْلَى حَسْبْ شِي أَلْلِّي هُوَ مَكْتُوبْ فِي اَلْكُتُبْ، وُكُلْ وَاحَدْ حَسَبْ خْدَايْمَه. 13 وُأَعْطَى اَلْبَحْرْ اَلْمُوتَى أَلْلِّي فِيهْ، وُأَعْطَى اَلْمُوتْ وَاَلْهَاوِيَة اَلْمُوتَى أَلْلِّي فِيهُمْ. وُتَمَّ اَلْحُكْمْ عْلَى كُلْ وَاحَدْ حَسْبْ خْدَايْمَه. 14 وُتَرْمَاو اَلْمُوتْ وُاَلْهَاوِيَة فِي بُحَيْرَةْ اَلنَّارْ. وُهَادْ اَلْبُحَيْرَةْ هِيَ اَلْمُوتْ اَلزَاوْجَ. 15 وُجْمِيعْ أَلْلِّي أَسْمَهْ مَاهُوشْ مَكْتُوبْ فِي كْتَّابْ اَلْحَيَاةْ، أَتَرْمَّى فِي بٌحَيْرَةْ اَلنَّارْ.
1 وُمَنْ بَعَدْ شَفْتْ سْمَاء جْدِيدَة وُأَرْضْ جْدِيدَة، عْلَى خَاطَرْشْ اَلسْمَا اَلَلَّوْلَى وُاَلْأَرْضْ اَللَّوْلَى مَابْقَاوْشْ، وُاَلْبَحْرْ تَانِي مَابْقَاشْ. 2 وُأَنَا يُوحَنَّا شَفْتْ اَلْمَدِينَة اَلْمُقَدَّسَة أُورْشَلِيمْ اَلْجَدِيدَة نَازِلَة مَنْ اَلسْمَا مَنْ عَنْدْ الله كِالَعْرُوسْ لِزَيْنَتْ رُوحْهَا وُوَجْدَتْ رُوحْهَا بَاشْ تْلاَقِي الَعْرِيسْ أَتَاعْهَا. 3 وُسَمْعَتْ صُوتْ قْوِيْ مَنْ اَلْعَرْشْ يْقُولْ: «هَاهِيَ اَلسَّكْنَى تَاعْ الله مْعَ اَلنَّاسْ، وُهُوَ غَادِي يَسْكُنْ مْعَهُمْ، وُهُمَا يْكُونُو اَلشَعْبْ أَتَاعَهْ. وُالله نَفْسَهْ يْكُونْ مْعَهُمْ اَلْإِلَهْ أَتَاعْهُمْ. 4 وُيَمْسَحْ كُلْ دَمْعَة مَنْ عِينِيهُمْ، وُيْزُولْ اَلْمُوتْ وُالَحْزَنْ وُالَبْكَاء وُالأَلَمْ، عْلَى خَاطَرْشْ اَلْأُمُورْ الَقْدِيمَة مَابْقَاتْشْ». 5 وُقَالْ أَلْلِّي هَادَكْ لِقْعَدْ عْلَى اَلْعَرْشْ: «غَادِي نْدِيرْ كُلْ جْدِيدْ». وُقَالْ لِي: «أَكْتَبْ، هَا الَكْلاَمْ رَاهْ صَادَقْ وُحَقْ». 6 وُقَالْ لِي: «كُلْ شِي كَمَّلْ أَنَا هُوَ اَلْأَلِفْ وَالْيَاءْ، اَللَّوَّلْ وَالاَخَرْ. أَنَا نَسْقِي اَلْعَطْشَانْ وُبْلاَ ثَمَنْ مَنْ عِينْ مَاءْ اَلْحَيَاة . 7 أَلْلِّي يَغْلَبْ يُورَثْ كُلْ شِي، وُنْكُونْ لِيهْ إِلَهْ وُهُوَ يْكُونْ لِيّ اِبْنْ. 8 أَمَّا أَلْلِّي يْخَافُو وُأَلْلِّي مَابْقَاوْشْ مُؤْمِنِينْ وُأَلْلِّي يْدِيرُو اَلْمُنْكَرْ وُاَلْقَتَّالِينْ وُأَلْلِّي يَزْنُو وُالسَحَّارِينْ، وُأَلْلِّي يْعَبْدُو اَلْاَصْنَامْ وُجْمِيعْ اَلْكَدَّابِينْ نَصِيبْ تَاعْهُمْ فِي الْبُحَيْرَة اَلشَعْلَة بَالنَّارْ وُالْكِبْرِيتْ، أَلْلِّي هِيَ اَلْمُوتْ اَلزَاوْجَة». 9 وُجَانِي وَاحَدْ مَنْ اَلْمَلاَيْكَا اَلسَبْعَة أَلْلِّي مْعَهُمْ اَلْكِيسَانْ اَلسَبْعَة اَلْعَامْرِينْ بَالمَصَايَبْ اَلسَبْعَة لآخْرِينْ، وُتْكَلَّمْ مْعَايَا وُقَالْ لِي: «أَرْوَاحْ نْوَّرِيكْ عْرُوسْ اَلْخَرُوفْ». 10 وُدَانِي فَي الرُّوحْ اَلْوَاحَدْ اَلْجَبَلْ كْبِيرْ وُعَالِ، وَرَانِي الَمْدِينَة الَكْبِيرَة أُورْشَلِيمْ اَلْمُقَدَّسَة نَازْلَة مَنْ اَلسْمَا مَنْ عَنْدْ الله، 11 عَنْدْهَا اَلْعَزْ أَتَاعْهَا وُتَلْمَعْ كِالَعْقِيقْ اَلْغَالِي كِاليَشْبْ اَلصَّافِي كِالبَلاَّرْ. 12 وُعَنْدْهَا سُورْ كْبِيرْ وُعَالِ، وُعَنْدْهَا طْنَاعْشْ اَنْبَابْ وُعَنْدْ اَلْبِيبَانْ كَايْنِينْ طْنَاعْشْ مَلاَيْكَة وُعْلَى كُلْ بَابْ اِسْمْ قَبِيلَة مِنْ قَبَائِلْ بَنِي إِسْرَائِيلْ اَلطْنَاعْشْ. 13 مَنْ اَلشَرْقْ ثَلْثْ بِيبَانْ، وُمَنْ اَلشَّمَالْ ثَلْثْ بِيبَانْ، وُمَنْ اَلْجَنُوبْ ثَلْثْ بِيبَانْ وُمَنْ اَلْغَرْبْ ثَلْثْ بِيبَانْ. 14 وُسُورْ اَلْمَدِينَة عَنْدُو طْنَاعْشْ أَنْسَاسْ، وُعْلَى كُلْ سَاسْ مَكْتُوبْ اِسْمْ رَسُولْ مَنْ رُسُلْ الَخْرُوفْ اَلطْنَاعْشْ. 15 وُأَلْلِّي كَانْ يَتْكَلَّمْ مْعَيَا كَانْ عَنْدُو قَصْبَة مَنْ اَلذْهَبْ بَاشْ يَعْبَّرْ بِهْ اَلْمَدِينَة وُبِيبَانْهَا وُالسُورْ أَتَاعْهَا. 16 وُكَانَتْ الَمْدِينَة مُرَبَّعَة ، وُطُولْهَا قَدْ عَرْضْهَا. فَعَبَّرَ اَلْمَدِينَة بِالقَصَبَة فَكَانَتْ أَلْفِينْ وُمِتِينْ كِيلُومِتْرْ. وُكَانْ طُّولُهَا كِيمَا عَرْضْهَا وُكِيمَا اَلْعُلُوْ أَتَاعْهَا. 17 وُعْبَّرْ اَلسُورْ أَتَاعْهَا فَكَانْ: خَمْسَة وُسَتِينْ مِتْرْ ( أَيْ اَلْمَلاَكْ). 18 وُكَانْ اَلسُورْ أَتَاعْهَا مَبْنِي بِحْجَرْ اَلْيَشْبْ، وُالَمْدِينَة بَالذْهَبْ اَلصَافِي كِالبَلاَرْ اَلنْقِي. 19 وُسَاسْ سُورْ الْمَدِينَة مَزَوْقِينْ بَجْمِيعْ أَنْوَاعْ لَحْجَرْ اَلْغَالِي. اَلْسَاسْ اَللَّوَّلْ بَاليَشْبِ. وُالزَاوَجْ بَالْيَاقُوتْ لَزْرَقْ. وُالثَالَثْ بَالْعَقِيقْ لَبْيَضْ، وُالرَابَعْ بَالزُّمْرُدْ. 20 وُالْخَامَسْ بَالْعَقِيقْ تَاعْ اَلْجَزَعْ، وُالسَّادَسْ بَالْعَقِيقْ لَحْمَرْ، وُالسَّابَعْ بَالزَّبْرَجَدْ، وُالثَامَنْ بَالزَّمْرَدْ، وُالتَّاسَعْ بَالْيَاقُوتْ لَصْفَرْ وُالْعَاشَرْ بَالْعَقِيقْ لَخْضَرْ، وُالَحْدَاعْشْ بَالْعَقِيقْ لَزْرَقْ، وُالطْنَاعْشْ بَالْجَمْشْ. 21 وُالبِيبَانْ اَلطْنَاعْشْ هِيَ عَشْرَة لُؤْلُؤَة، وُكُلْ وَاحَدْ مَنْ اَلْأَبْوَابْ مَصْنُوعْ مَنْ لُؤْلُؤَة وَاحْدَة. وُسَاحَة اَلْمَدِينَة مَنْ اَلذَهَبْ اَلْنَقِيْ كَالبَلاَرْ اَلصَّافِي. 22 وُمَا شَفْتْ حَتَّى بِيتْ الله فِي هَادْ الَمْدِينَة، عْلَى خَاطَرْشْ الله اَلْقَادَرْ عْلَى كُلْ شِي هُوَ وَالْخَرُوفْ بِيتْ الله أَتَاعْهَا. 23 وُالَمْدِينَة مَا تَحْتَاجْ لَنُورْ اَلشَمْسْ وُلاَ الَقْمَرْ بَاشْ يْضَّوِيهَا عْلَى خَاطَرْشْ اَلْعَزْ تَاعْ الله مْضَوِيهَا، وُالْخَرُوفْ هُوَ الْمِصْبَاحْ أَتَاعْهَا. 24 وُالشُعُوبْ أَلْلِّي نَالُو سْلاَكْ الله غَادِي يَمْشِيوْ فِي نُورْ اَتَاعْهَا، وُجِيوْ لِيهَا مُلُوكْ اَلْأَرْضْ بَالْعَزْ أَتَاعْهُمْ وُبَكْنُوزْهُمْ، 25 وُبِيبَانْهَا مَايَنْغَلْقُوشْ فَي النْهَارْ، عْلَى خَاطَرْشْ مَاغَادِيشْ يْكُونْ فِيهَا لِيلْ. 26 وُجِيوْ لِيهَا بِعَزْ اَلشُعُوبْ وُكْرَامَتْهُمْ. 27 وُمَا تَدْخَلْهَا حَتَّى شِي حَاجَة نَجِسَة وُلاَ لِيْدِيرْ اَلْمُنْكَرْ وُيَكْذَبْ، غِيرْ هَادُوكْ أَلْلِّي سْمَاوَتْهُمْ مَكْتُوبِينْ فَي كْتَابْ حَيَاةْ اَلْخَرُوفْ.
1 وَرَانِي وَادْ مَاءْ الْحَيَاةْ صَافِي وُيَلْمَعْ كِالبَلاَرْ خَارَجْ مَنْ عَرْشْ الله وَالْخَرُوفْ. 2 وُيَجْرِي فَي وَسَطْ سَاحَة الْمَدِينَة وُعْلَى زُوجْ اَلْجِهَاتْ أَتَاعْهَا شَجْرَةْ اَلْحَيَاةْ تَعْطِي غْلاَتْهَا طْنَّاعْشْ اَلْمَرَّة فِي كُلْ شْهَرْ، وُالَوْرَقْ اَتَاعْهَا يَشْفِي الشُعُوبْ. 3 وُمَا غَادِي تْكُونْ حَتَّى لَعْنَة فْهَادْ الَمْدِينَة. وُعَرْشْ الله وُالَخْرُوفْ يْكُونْ فِيهَا، وُعْبِيدُو يْعَبْدُوهْ. 4 وُيْشُوفُو وَجْهَهْ، وُيْكُونْ اَسْمَهْ عْلَى جَبْهَتْهُمْ. 5 وُمَايْكُونْشْ تَمَّاكْ لِيلْ، وُمَا يَحْتَاجُو لاَ لَنُّورْ اَلْمِصْبَاحْ وَلاَ لَنُّورْ اَلشَمْسْ، عْلَى خَاطَرْشْ اَلرَّبْ اَلْإِلَهْ يْنُورْ عْلِيهُمْ، وُهُمَا غَادِي يْمَلْكُو دِيمَا وُعْلَى الدَّوَامْ. 6 وُبَعَدْ قَالْ لِي: «هَادْ الَكْلاَمْ صِدْقْ وُحَقْ. وُاَلرَّبْ إِلَهْ اَلْأَنْبِيَاءْ اَلْمُقَدَّسِينْ أَرْسَلْ اَلْمَلاَكْ اَتَاعَهْ بَاشْ يَبَّيَنْ لَعْبِيدُو شِي أَلْلِّي لاَبُدْ يْكُونْ فِي وَقْتْ قْرِيبْ» 7 «هَا أَنَا أَنْجِي بْسُرْعَة. سَعْدَاتَهْ أَلْلِّي يَعْمَلْ بَكْلاَمْ اَلنُّبُوَّة أَلْلِّي فْهَادْ الَكْتَابْ». 8 وُأَنَا يُوحَنَا أَلْلِّي كَانْ يْشُوفْ وُيَسْمَعْ هَادْ شِي. وُلَمَّا سْمَعْتْ وُشَفْتْ رْكَعْتْ بَاشْ نَسْجُدْ قُدَامْ رَجْلِينْ اَلْمَلاَكْ أَلْلِّي وَرَانِي هَادَكْ شِي. 9 وُقَالْ لِي: «شُوفْ وُمَا تَعْمَلْ هَادَكْ شِي عْلَى خَاطَرْشْ أَنَاعَبْدْ كِيمَانْتَا وُكِيمَا خَوْتَكْ اَلْأَنْبِيَاءْ، وُأَلْلِّي يْعَمْلُو بَكْلاَمْ هَادْ الَكْتَّابْ. أَسْجَدْ لله». 10 وُقَالْ لِي: «مَا تْخَبِّيشْ كْلاَمْ اَلنُّبُوَّة أَلْلِّي فْهَادْ الَكْتَابْ، عْلَى خَاطَرْشْ اَلْوَقْتْ قَرَّبْ. 11 وُأَلْلِّي يَظْلَمْ غِيرْ يْزِيدْ فِي اَلظُلْمْ أَتَاعَهْ، وُأَلْلِّي نْجَّسْ غِيرْ يْزِيدْ يَتْنَجَّسْ. وُأَلْلِّي يَتَّقِي الله غِيرْ يْزِيدْ فَالتَّقْوَى أَتَعَهْ وُأَلْلِّي هُوَ مْقَدَّسْ يْزِيدْ يَتْقَدَّسْ». 12 «هَا أَنَا جَايْ بْسُرْعَة وُمْعَّايَا اَلْجَزَاءْ أَلْلِّي جَازِيهْ كُلْ وَاحَدْ عْلَى حَسَبْ اَلْعَمَلْ أَتَاعَهْ. 13 أَنَا اَلْأَلِفْ وَالْيَاءْ، اَللَّوَّلْ وَالاَخَرْ، اَلْبِدَايَة وَالنِّهَايَة». 14 سَعْدَاتْهُمْ هَادُوكْ أَلْلِّي يْغَسْلُو حْوَايَجْهُمْ بَاشْ يْكُونْ عَنْدْهُمْ اَلْحَقْ فِي شَجْرَةْ اَلْحَيَاةْ وُبَاشْ يَدَخْلُو الَمْدِينَة مَنْ بِيبَانْهَا، 15 وُعْلَى بَرَا كَايْنِينْ الَكْلاَبْ وُالسَّحَارَة وُأَلْلِّي يْزَنِيوْ وُالْقَاتَّلِينْ وُأَلْلِّي يْعَبْدُو اَلْأَصْنَامْ، وُجْمِيعْ أَلْلِّي يَكْذَبْ وُيْحَبْ اَلْكَذِبْ. 16 «أَنَا يَسُوعْ، أَرْسَلْتْ اَلْمَلاَكْ أَتَاعِي بَاشْ يَشْهَدْ لِيكُمْ بْهَادْ اَلْأُمُورْ عْلَى اَلْكَنَائِسْ. أَنَا أَصْلْ وُذُرِيَةْ دَاوَدْ. وُ نَجْمَة اَلصَّبَاحْ اَلْمَضْوِّيَة». 17 وُاَلرُّوحْ وُالَعْرُوسْ يْقُولُو: «أَرْوَاحْ». وُأَلْلِّي يَسْمَعْ يْقُولْ: «أَرْوَاحْ». وُأَلْلِّي عَطْشَانْ إِيجِي. وُأَلْلِّي حَبْ يَدِيّ مَاء اَلْحَيَاةْ بْلاَ ثَمَنْ. 18 اَنَا يُوحَنَا كَاتِبُهُ جْمِيعْ أَلْلِّي يَسْمَعْ كْلاَمْ نُبُوَّةْ هَادْ الَكْتَّابْ: إِذَا كَانْ شِي وَاحَدْ زَادْ عْلَى هَادْ شِي يْزِيدْ الله عْلِيهْ اَلْمَصَايَبْ اَلْمَكْتُوبَة فْي هَادْ الَكْتَّابْ. 19 وُإِذَا كَانْ شِي وَاحَدْ يَحْذَفْ شِي مَنْ كْلاَمْ اَلنُبُوَّةْ أَلْلِّي فْي هَادْ الَكْتَابْ يَحْذَفْ الله نْصِيبَاهْ مَنْ كْتَّابْ الْحَيَاةْ، وُمَنْ الَمْدِينَة اَلْمُقَدَّسَة، ومَنْ شِي أَلْلِّي مَكْتُوبْ فِي هَادْ الَكْتَّابْ. 20 وُلِيَشْهَدْ لْهَادْ اَلْأُمُورْ يْقُولْ: «نَعَمْ اَلْوَقْتْ أَتَاعِي بَاشْ نَرْجَعْ قَرَّبْ!». أَرْوَاحْ يَا رَّبْ يَسُوعْ. 21 نِعْمَةْ رَبَّنَا يَسُوعْ اَلْمَسِيحْ مَعَكُمْ كُلُّكُمْ. اَمِينْ.